Ո Ր Ո Շ Ո Ւ Մ

Հ Ա Ն Ո Ւ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ Ո Ւ Թ Յ Ա Ն

27.01.2017թ. քաղաք Երևան
ԳՈՐԾ. Հ.-ԵԿԴ/0164/01/15

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆԸ
ՀԵՏԵՎՅԱԼ ԿԱԶՄՈՎ՝


ՆԱԽԱԳԱՀՈՂ ԴԱՏԱՎՈՐ՝ Մ.ԱՐՂԱՄԱՆՅԱՆ
ԴԱՏԱՎՈՐՆԵՐ` Ս.ՉԻՉՈՅԱՆ
Մ.ՊԱՊՈՅԱՆ

ՔԱՐՏՈՒՂԱՐՈՒԹՅԱՄԲ` Հ.ՀԱԿՈԲՅԱՆԻ

ՄԱՍՆԱԿՑՈՒԹՅԱՄԲ`

ՄԵՂԱԴՐՈՂ` Գ.ՄԱՆՈւԿՅԱՆԻ
ՊԱՇՏՊԱՆՆԵՐ` Ս.ՀԱՐՈւԹՅՈւՆՅԱՆԻ
Թ.ԲԱՂԴԱՍԱՐՅԱՆԻ
ԱՄԲԱՍՏԱՆՅԱԼՆԵՐ` Ա.ՀՈՎՀԱՆՆԻՍՅԱՆԻ
Ս.ԳԱԼՍՏՅԱՆԻ

դռնբաց դատական նիստում պաշտպաններ Սիրանուշ Հարությունյանի և Թամարա Բաղդասարյանի վերաքննիչ բողոքների հիման վրա քննության առնելով քրեական գործն ըստ մեղադրանքի Աշոտ Ռազմիկի Հովհաննիսյանի` ՀՀ քրեական օրենսգրքի 38-268-րդ հոդվածի 2-րդ մասի 2-րդ կետով և 34-268-րդ հոդվածի 3-րդ մասով, Սարգիս Շավարշի Գալստյանի` ՀՀ քրեական օրենսգրքի 38-34-268-րդ հոդվածի 3-րդ մասով

Պ Ա Ր Զ Ե Ց

Գործի փաստական հանգամանքներն ու դատավարական ընթացքը
Աշոտ Հովհաննիսյանը, պատիժ կրելով ՀՀ ԱՆ «Դատապարտյալների հիվանդանոց» քրեակատարողական հիմնարկում, թմրամիջոց ձեռք բերելու շուրջ 2014թ-ի հունվարի 23-ին հեռախոսազրույցներ ունենալով Մարատ Հարությունյանի և նույն քրեակատարողական հիմնարկի դատապարտյալներ Արթուր Բարոյանի ու Հովհաննես Կարապետյանի հետ, հեռախոսակապ է հաստատել նաև ՀՀ ԱՆ «Արթիկ» քրեակատարողական հիմնարկում պատիժ կրող Անդրանիկ Գրիգորյանի հետ, որից հետո թմրամիջոցի ձեռք բերմանն օժանդակելու միասնական դիտավորությամբ վերը նշված անձանց դրամական միջոցներով Աշոտ Հովհաննիսյանն Անդրանիկ Գրիգորյանի առաջարկով թմրամիջոցների արժեքը՝ 50.000-ական ՀՀ դրամը, ստանալու նպատակով Մարատ Հարությունյանին Հովհաննես Կարապետյանի կողմից Սուրեն Ազիզյանի համար թմրամիջոցների ձեռք բերման նպատակով վերջինիս, ինչպես նաև Արթուր Բարոյանին օժանդակող Հարություն Գարեգինյանին ուղղարկել է Երևանի «Գումի շուկա» կոչվող վայր, որտեղ վերջիններս հանդիպելով միմյանց՝ 150.000 ՀՀ դրամ ընդհանուր գումարը Սուրեն Ազիզյանի միջոցով փոխանցել են Աշոտ Հովհաննիսյանի նշած անձին՝ Անդրանիկ Գրիգորյանի ազգականին։
Դրանից հետո, Աշոտ Հովհաննիսյանի ցուցումով Սուրեն Ազիզյանը և Հարություն Գարեգինյանը վերջինիս վարած ավտոմեքենայով մեկնել են Արարատի մարզի Այնթապ գյուղ, որտեղ Սուրեն Ազիզյանն Աշոտ Հովհաննիսյանի նշած վայրից՝ Անդրանիկ Գրիգորյանի հանցակիցների կողմից պատրաստված թաքստոցից, վերցրել է խոշոր չափով՝ մոտ 0.021 գրամ «Բուպրենորֆին» տեսակի թմրամիջոց պարունակող երեք դեղահատ, որից մոտ 0.0078 գրամ թմրամիջոց պարունակող մեկ դեղահատը պահել է իր մոտ՝ անձնական գործածման համար, մոտ 0.0054 գրամ թմրամիջոց պարունակող դեղահատը Հարություն Գարեգինյանի ավտոմեքենայով տեղափոխել են Նորագավիթի կամրջի մոտ և հանձնել Մարատ Հարությունյանին, իսկ 0.0078 գրամ թմրամիջոց պարունակող դեղահատը հանձնել է Հարություն Գարեգինյանին՝ վերջինիս կողմից հետագայում Արթուր Բարոյանին փոխանցելու համար։
Բացի դա, Աշոտ Հովհաննիսյանը, առանց իրացնելու նպատակի առանձնապես խոշոր չափերով թմրամիջոց ապօրինի ձեռք բերելու շուրջ համաձայնության գալով գործով չպարզված անձի հետ, նրան է փոխանցել թմրամիջոցների ապօրինի ձեռք բերմանն հարցում իրեն օժանդակելու համաձայնություն տված Սարգիս Գալստյանի ընկերոջ՝ Գագիկ Հակոբյանի անձնագրային տվյալները, ում անվամբ անհայտ անձը Ֆրանսիայի Հանրապետությունից փոստային առաքման եղանակով Հայաստանի Հանրապետություն է ուղարկել առանձնապես խոշոր չափերով թմրամիջոցների պարունակությամբ ծանրոց։
Այդ ծանրոցն ստանալու, այնուհետև՝ Աշոտ Հովհաննիսյանին փոխանցելու նպատակով նրա նշած անձին հանձնելու համար Սարգիս Գալստյանի ուղղորդմամբ Գագիկ Հակոբյանը 2014թ-ի հուլիսի 1-ին ժամը 10-ի սահմաններում գնալով «Հայ-փոստ» ՓԲ ընկերության թիվ 40 փոստային բաժանմունք, ստացել է առաքված ծանրոցն ու այն հանձնել է Սարգիս Գալստյանին, սակայն Աշոտ Հովհաննիսյանի և Սարգիս Գալստյանի կամքից անկախ հանգամանքներով հանցագործությունն ավարտին չի հասցվել, քանի որ առաքված ծանրոցն ստանալուց հետո Սարգիս Գալստյանը բերման է ենթարկվել ոստիկանություն, որտեղ նրա անձնական խուզարկությամբ` ձեռքին գտնվող ծանրոցից հայտնաբերվել և առգրավվել է Աշոտ Հովհաննիսյանի համար նախատեսված առանձնապես խոշոր չափով՝ 1.76 գրամ ընդհանուր քաշով «Բուպրենորֆին» տեսակի թմրամիջոց պարունակող «B8» գրառմամբ 220 հատ դեղահաբը։
Վերոգրյալ հանցանքի համար Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 2016 թվականի հոկտեմբերի 20-ի դատավճռով Աշոտ Հովհաննիսյանը մեղավոր է ճանաչվել և դատապարտվել` ՀՀ քրեական օրենսգրքի 38-268-րդ հոդվածի 2-րդ մասի 2-րդ կետով` ազատազրկման 2 տարի 6 ամիս ժամկետով, 34-268-րդ հոդվածի 3-րդ մասով` ազատազրկման 4 տարի 6 ամիս ժամկետով:
ՀՀ քրեական օրենսգրքի 66-րդ հոդվածի 3-րդ մասի համաձայն՝ նշանակված պատիժները մասնակիորեն գումարելու միջոցով, Աշոտ Հովհաննիսյանը դատապարտվել է ազատազրկման 6 տարի ժամկետով։
ՀՀ քրեական օրենսգրքի 66-րդ հոդվածի 6-րդ մասի համաձայն՝ սույն դատավճռով ու Երևանի Ավան և Նոր Նորք վարչական շրջանների ընդհանուր իրավասության դատարանի 29.12.2014թ-ի դատավճռով նշանակված ազատազրկման ձևով պատիժները մասնակիորեն գումարելու միջոցով և վերջնական պատժի ժամկետին հաշվակցելով Երևանի Ավան և Նոր Նորք վարչական շրջանների ընդհանուր իրավասության դատարանի 29.12.2014թ-ի դատավճռով նշանակված պատժի կրած մասը՝ 1 տարի 9 ամիս 21 օր ժամկետով ազատազրկումը, որպես վերջնական պատիժ է նշանակվել ազատազրկում 8 տարի ժամկետով՝ պատժի սկիզբը հաշվելով 2014թ-ի դեկտեմբերի 29-ից։
Սարգիս Գալստյանը մեղավոր է ճանաչվել ՀՀ քրեական օրենսգրքի 34-268-րդ հոդվածի 3-րդ մասով ու դատապարտվել ազատազրկման 2 տարի ժամկետով։
ՀՀ քրեական օրենսգրքի 69-րդ հոդվածի համաձայն՝ նշանակված պատժին հաշվակցվել է Սարգիս Գալստյանին կալանքի տակ եղած ժամկետը՝ 3 օրը, և թողնվել է կրելու ազատազրկում 1 տարի 11 ամիս 27 օր ժամկետով`պատժի կրման սկիզբը հաշվելով նրան արգելանքի վերցնելու օրվանից։
Նրա նկատմամբ կիրառված խափանման միջոց չհեռանալու մասին ստորագրությունը, թողնվել է անփոփոխ` մինչև դատավճռի օրինական ուժի մեջ մտնելը։
Դատարանը որոշել է իրեղեն ապացույցները` «Բուպրենորֆին» տեսակի թմրամիջոց պարունակող 218 դեղահաբը և ծանրոցը, ոչնչացնել, ինչպես նաև Սարգիս Գալստյանից առգրավված «Նոկիա 7100» տեսակի բջջային հեռախոսը և հեռախոսաքարտը՝ դատավճիռն օրինական ուժի մեջ մտնելուց հետո հանձնել նրա ընտանիքի անդամներից որևէ մեկին։

Վերաքննիչ բողոքի հիմքերը, հիմնավորումներն ու պահանջները
Ամբաստանյալ Աշոտ Հովհաննիսյանի պաշտպան Սիրանուշ Հարությունյանը վերաքննիչ բողոք է բերել Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 2016 թվականի հոկտեմբերի 20-ի դատավճռի դեմ` միջնորդելով բեկանել այն և փոփոխել, Աշոտ Հովհաննիսյանին ՀՀ քրեական օրենսգրքի 34-268-րդ հոդվածի 3-րդ մասով առաջադրված մեղադրանքի դրվագով արդարացնել և ճանաչել անպարտ, իսկ 38-268-րդ հոդվածի 2-րդ մասի 2-րդ կետի դրվագով` արարքը ՀՀ քրեական օրենսգրքի 38-268-րդ հոդվածի 1-ին մասով վերաորակել և վաղեմության ժամկետն անցնելու հիմքով քրեական հետապնդումը դադարեցնել:
Իր վերաքննիչ բողոքը պաշտպան Սիրանուշ Հարությունյանը մասնավորապես պատճառաբանել է հետևյալով:
<<(…)Նախաքննական մարմնի կողմից Ա.Հովհաննսիյանին մեղադրանք էր առաջադրվել ՀՀ քրեական օրենսգրքի 266-րդ հոդվածի 2-րդ մասի 1-ին կետով, 34-268-րդ հոդվածի 3-րդ մասով։ Նշված հոդվածներով Աշոտ Հովհաննիսյանը իրեն դատաքննության ժամանակ մեղավոր չի ճանաչել։
Դատաքննության ընթացքում, մեղադրանքի կողմը, ձեռք բերված փաստական հանգամանքների և ապացույցների գնահատման արդյունքում հանգել է հետևության, որ Աշոտ Հովհաննիսյանի դիտավորությունն ընդգրկում է ոչ թե թմրամիջոցների իրացմանը, այլ ձեռք բերման օժանդակմանը, և քանի որ, ըստ մեղադրանքի կողմի, Ա. Հովհաննիսյանը գործել է ձեռք բերողների շահերից ելնելով, հետևաբար, մեղադրանքի կողմը «Առաջադրված մեղադրանքը փոփոխելու և նոր մեղադրանք առաջադրելու 12.03.2016թ. որոշմամբ անհրաժեշտ է համարել Աշոտ Հովհաննիսյանի կողմից կատարված բոլոր հանցագործությունների համար մեղադրանք առաջադրել մեկ միասնական դատավարական փաստաթղթով, որպիսի պայմաններում, անհրաժեշտ է համարել Ա.Հովհաննիսյանին նախկինում ՀՀ քրեական օրենսգրքի 266-րդ հոդվածի 2-րդ մասի 1-ին և 2-րդ կետերով և 38-34-268-րդ հոդվածի 3-րդ մասով առաջադրված մեղադրանքները փոփոխել և նրան առաջադրել նոր մեղադրանք ՀՀ քրեական օրենսգրքի 38-268-րդ հոդվածի 2-րդ մասի 2-րդ կետով և 34-268-րդ հոդվածի 3-րդ մասով(…)։
(…)Այդպիսով, մեղադրանքի կողմը գտել է, որ Աշոտ Հովհաննիսյանը Մարատ Հարությունյանի, Սուրեն Ազիզյանի և Արթուր Բարոյանի թմրամիջոցի ձեռք բերմանը օժանդակելու գործողությունները հասցրել է ավարտին, ինչի ադյունքում կատարել է հանրորեն վտանգավոր արարք, որը նախատեսված է ՀՀ քրեական օրենսգրքի 38-268-րդ հոդվածի 2-րդ մասի 2-րդ կետով։
Աշոտ Հովհաննիսյանը առաջադրված մեղադրանքը փոփոխելու որոշման կայացումից հետո մասնակիորեն է ընդունել իրեն առաջադրված մեղադրանքը՝ միայն թմրամիջոց ձեռք բերմանը օժանդակելու մասով։
Գտնում եմ, որ Աշոտ Հովհաննիսյանի նկատմամբ ՀՀ քրեական օրենսգրքի 38- 268-րդ հոդվածի 2-րդ մասով մեղադրական դատական ակտ կայացնելով դատարանը թույլ է տվել դատական սխալ(…):
(…)Եթե ընդունենք, որ Աշոտ Հովհաննիսյանը դիտավորություն է ունեցել օժանդակել Մարատ Հարությունյանի, Սուրեն Ազիզյանի և Արթուր Բարոյանի թմրամիջոց ձեռք բերմանը, ապա նրանցից յուրաքանչյուրը ձեռք է բերել զգալի չափի թմրամիջոց, հետևաբար՝ Աշոտ Հովհաննիսյանը յուրաքանչյուր առանձին դեպքով օժանդակել է նշված երեք անձանց առանձին-առանձին զգալի չափի թմրամիջոց ձեռք բերմանը, և յուրաքանչյուր դրվագները պետք է գնահատվեն առանձին ու ոչ թե կատարվի գումարում։
Այս առումով, Աշոտ Հովհաննիսյանին պետք է մեղադրանք առաջադրվեր ոչ թե ՀՀ քր.օր. 38-268-րդ հոդվածի 2-րդ մասով, այլ յուրաքանչյուր դրվագով` ՀՀ քրեական օրենսգրքի 38-268-րդ հոդվածի 1-ին մասով։ Միևնույն ժամանակ, ՀՀ քրեական օրենսգրքի 19-րդ հոդվածի 2-րդ մասի համաձայն, «ոչ մեծ ծանրության հանցագործություններ են համարվում դիտավորությամբ կատարված այն արարքները, որոնց համար սույն օրենսգրքով նախատեսված առավելագույն պատիժը չի գերազանցում երկու տարի ժամկետով ազատազրկումը»։
ՀՀ քրեական օրենսգրքի 268-րդ հոդվածի 1-ին մասը նախատեսում է պատիժ՝ կալանք առավելագույնը երկու ամիս ժամկետով, կամ ազատազրկում առավելագույնը մեկ տարի ժամկետով։
ՀՀ քրեական օրենսգրքի 75-րդ հոդվածի 1-ին և 2-րդ մասերի համաձայն, անձը ազատվում է քրեական պատասխանատվությունից, եթե հանցանքն ավարտված համարելու օրվանից անցել է երկու տարի ոչ մեծ ծանրության հանցանքը ավարտված համարվելու օրվանից։
ՀՀ քրեական դատավարության օրենսգրքի 35-րդ հոդվածի 1-ին մասի 6-րդ կետի համաձայն, «քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, Եթե... անցել են վաղեմության ժամկետները»:
Հետևաբար, գտնում եմ, որ վերը նշված դրվագներով Աշոտ Հովհաննիսյանի նկատմամբ պետք է ՀՀ քր.օր.38-268-րդ հոդվածի 2-րդ մասով առաջադրված մեղադրանքը վերաորակվեր ՀՀ քր.օր.268-րդ հոդվածի 1-ին մասով և կիրառելով վաղեմության ժամկետ այդ հոդվածով նրա նկատմամբ քրեական հետապնդումը պետք է դադարեցվեր վաղեմության ժամկետի անցման հիմքով։
Ինչ վերաբերում է ՀՀ քրեական օրենսգրքի 34-268-րդ հոդվածի 3-րդ մասով առաջադրված մեղադրանքին, ապա ինչպես նախաքննության, այնպես էլ դատաքննության ժամանակ Ա.Հովհաննիսյանը չի ընդունել իրեն առաջադրված մեղադրանքը և հայտարարել, որ ինքը որևէ առնչություն չունի Սարգիս Գալստյանի կողմից թմրամիջոց ձեռք բերելու փորձ կատարելու դրվագի հետ։
Ավելին, նախաքննական մարմինը այդպես էլ չի ներկայացրել բավարար և հիմնավոր ապացույցներ այն մասին, որ իրոք Աշոտ Հովհաննիսյանը մտադրություն և առավել ևս՝ ուղղակի դիտավորություն է ունեցել Ֆրանսիայից ձեռք բերելու թմրամիջոց, և որ նա իմացել է Սարգիս Գալստյանին ուղարկվող ծանրոցի ու առավել ևս դրա պարունակության մասին։
Միայն գործով մյուս ամբաստանյալի ցուցմունքները չեն կարող ու բավարար չեն նման ծանր մեղադրանքի հիմքում դնելու համար։ Վարույթն իրականացնող մարմինը ձեռք չի բերել որևէ տվյալ, թե ով է եղել ծանրոցը ուղարկողը, ում համար էր այն նախատեսված և ինչ նպատակով էր այն ուղարկվում Հայաստան։ Գործում բացակայում է որևէ ապացույց, որ Ֆրանսիայից ծանրոց ուղարկողը ճանաչել է Ա.Հովհաննիսյանին և հենց, կամ նաև նրա համար է նախատեսված եղել ծանրոցը։
Այս պայմաններում, երբ բացակայում են ուղղակի ապացույցները Աշոտ Հովհաննիսյանի կողմից Ֆրանսիայից նման քանակությամբ թմրամիջոց ձեռք բերելու մտադրույթան և այն իրականացնելու ուղղակի դիտավորության վերաբերյալ, գտնում եմ, որ Աշոտ Հովհաննիսյանին չէր կարող մեղադրանք առաջադրվել ՀՀ քրեական օրենսգրքի 34-268-րդ հոդվածի 3-րդ մասով, ու առավել ևս չէր կարող կայացվել մեղադրական դատական ակտ(…)>>:
Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 2016 թվականի հոկտեմբերի 20-ի դատավճռի դեմ վերաքննիչ բողոք է բերել նաև ամբաստանյալ Սարգիս Գալստյանի պաշտպան Թամարա Բաղդասարյանը` միջնորդելով պատժի կրման մասով բեկանել այն և փոփոխել, Սարգիս Գալստյանի նկատմամբ կիրառել ՀՀ քրեական օրենսգրքի 70-րդ հոդվածը և պատիժը պայմանականորեն չկիրառել` սահմանելով փորձաշրջան:
Իր վերաքննիչ բողոքը պաշտպան Թամարա Բաղդասարյանը մասնավորապես պատճառաբանել է հետևյալով:
«(...)Պաշտպանական կողմը գտնում է, որ թեև ստորադաս դատարանը նշել է, որ ամբաստանյալ Սարգիս Գալստյանին պատիժ նշանակելիս հաշվի են առնվել նրա անձը բնութագրող տվյալները և պատասխանատվությունը մեղմացնող հանգամանքները, սակայն ամբողջությամբ, խորությամբ և մանրակրկիտ վերլուծության չի ենթարկել դրանք։ Այդ իսկ պատճառով դատարանը պատժատեսակ ընտրելով ազատազրկման ձևով, չի կիրառել ՀՀ քրեական օրենսգրքի 70-րդ հոդվածը։
Մեղմացնող հանգամանքները դատարանին թույլ են տալիս պատիժը պայմանականորեն չկիրառել.
ՀՀ քրեական օրենսգրքի 70-րդ հոդվածի 1-ին մասի համաձայն՝ եթե դատարանը կալանքի, ազատազրկման կամ կարգապահական գումարտակում պահելու ձևով պատիժ նշանակելով, հանգում է հետևության, որ դատապարտյալի ուղղվելը հնարավոր է առանց պատիժը կրելու, ապա կարող է որոշում կայացնել այդ պատիժը պայմանականորեն չկիրառելու մասին։ Մեջբերված քրեաիրավական դրույթը Վճռաբեկ դատարանը վերլուծության է ենթարկել թիվ ՎԲ-50/07, ՎԲ-139/07, ՎԲ-195/07, ՎԲ-192/07, ՎԲ-201/07, ՎԲ-01/08, ԵԿԴ/0034/01/08, ԱՎԴ2/0059/01/08, ՀՅՔՐԴ3/0109/01/08, ԵՔՐԴ/0571/01/08, ԱՎԴ/0100/01/08, ԱՐԴ/0117/01/08, ԱՐԱԴ/0050/01/08, ԵԱՔԴ/0078/01/09, ԼԴ2/0019/01/09, ՍԴ/0226/01/09, ԵԱՔԴ/0120/01/09, ԵԷԴ/0138/01/09, ԳԴ1/0003/01/10, ՍԴ/0085/01/10, ԵԿԴ/0126/01/10, ԵԱՆԴ/0091/01/09, ԵԷԴ/0201/01/11, ԵԱԴԴ/0034/01/12, ԼԴ/0093/01/12, ինչպես նաև մի շարք այլ գործերով կայացված որոշումներում։ Վերոնշյալ որոշումներում Վճռաբեկ դատարանի կողմից ձևավորված կայուն նախադեպային իրավունքի համաձայն՝ պատիժը կարող է պայմանականորեն չկիրառվել, եթե առկա է դատարանի համոզվածությունը, վստահությունը, որ ամբաստանյալի ուղղումը հնարավոր է առանց իրական պատիժ կրելու։ Դատարանը նման հետևության հանգում է միայն օբյեկտիվ գոյություն ունեցող տվյալների վերլուծության հիման վրա, որոնք բնութագրում են արարքը, հանցավորի անձը և վկայում են պատիժը պայմանականորեն չկիրառելու հիմքերի առկայության մասին։ Այս կապակցությամբ Վճռաբեկ դատարանը փաստել է, որ չնայած պատիժը պայմանականորեն չկիրառելու հետ կապված ՀՀ քրեական օրենսգիրքը ինչպես հանցագործությունների, այնպես էլ անձանց շրջանակի որևէ սահմանափակում չի նախատեսել, սակայն դատարանը, կոնկրետ գործի հանգամանքների բազմակողմանի, լրիվ և օբյեկտիվ գնահատման հիման վրա, ղեկավարվելով ՀՀ քրեական օրենսգրքի 61-րդ հոդվածով նախատեսված պատիժ նշանակելու ընդհանուր սկզբունքներով, ինչպես նաև նպատակ ունենալով ապահովել ՀՀ քրեական օրենսգրքի 48-րդ հոդվածի 2-րդ մասում նշված պատժի նպատակների իրագործման հնարավորությունը, անձի նկատմամբ նշանակված պատիժը պայմանականորեն չկիրառելիս պարտավոր է հաշվի առնել՝
ա) հանցավորի անձը բնութագրող տվյալները,
բ) պատասխանատվությունը և պատիժը մեղմացնող և (կամ) ծանրացնող հանգամանքները,
գ) հանցագործության՝ հանրության համար վտանգավորության աստիճանն ու բնույթը,
դ) հանցագործության կատարման հանգամանքները, եղանակը, գործիքներն ու միջոցները,
ե) հանցանք կատարած անձի մեղքի ձևը,
զ) հանցանք կատարած անձի կողմից հանցագործության հանրորեն վտանգավոր հետևանքները նախատեսելու բնույթն ու աստիճանը և այլն։
13. Սույն որոշման նախորդ կետում շարադրված վերլուծությունից երևում է, որ անձի նկատմամբ նշանակված պատիժը պայմանականորեն չկիրառելիս դատարանը, ի թիվս այլոց, պետք է հաշվի առնի ինչպես անձին մեղսագրվող հանցագործության՝ հանրության համար վտանգավորության աստիճանն ու բնույթը, այնպես էլ այդ հանցագործության կատարման հանգամանքները
Նախաքննության ընթացքում Սարգիս Գալստյանը առաջադրված մեղադրանքում իրեն մեղավոր է ճանաչել և տվել է ինքնախոստովանական ցուցմունքներ, դատաքննության ընթացքում գիտակցաբար և քննադատաբար մոտենալով իր կողմից կատարված արարքին, առաջադրված մեղադրանքում իրեն դարձյալ մեղավոր է ճանաչել և զղջացել կատարածի համար։
Պատասխանատվությունը և պատիժը ծանրացնող հանգամանքներ գործում չկան(...)»:
Վերաքննիչ դատարանի դատաքննության ընթացքում ամբաստանյալներ Ա.Հովհաննիսյանը, Ս.Գալստյանը, նրանց պաշտպաններ Ս.Հարությունյանը և Թ.Բաղդասարյանը իրենց կողմից ներկայացված վերաքննիչ բողոքները նույն հիմքերով ու հիմնավորումներով պնդեցին, մեղադրող Գ.Մանուկյանը բողոքի դեմ առարկելով` միջնորդեցին առաջին ատյանի դատարանի դատավճիռը թողնել անփոփոխ:

Վերաքննիչ դատարանի պատճառաբանություններն ու եզրահանգումները
Ստուգելով գործի փաստական հանգամանքների բացահայտման ու քրեական օրենքի կիրառման ճշտությունը, ինչպես նաև գործը քննելիս և լուծելիս քրեադատավարական օրենքի նորմերի պահպանումը, վերաքննիչ բողոքներում նշված հիմքերի սահմաններում վերլուծելով քրեական գործի նյութերը, դատաքննության ընթացքում լսելով բողոքներում ներկայացված իրենց հետևությունները հիմնավորելու մասին ամբաստանյալների և պաշտպանների պատճառաբանությունները, մեղադրողի առարկությունները, վերաքննիչ դատարանը հանգում է այն հետևության, որ Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 2016 թվականի հոկտեմբերի 20-ի դատավճիռը պետք է թողնել անփոփոխ, իսկ ներկայացված վերաքննիչ բողոքները մերժել` հետևյալ պատճառաբանությամբ:
Առաջադրված մեղադրանքում ամբաստանյալ Աշոտ Հովհաննիսյանի կողմից մասնակիորեն մեղավոր ճանաչելը հետապնդում է իր պատասխանատվությունն ու պատիժը մեղմացնելու նպատակ, նրա, ինչպես նաև պաշտպան Ս.Հարությունյանի կողմից վերաքննիչ բողոքում բերված պատճառաբանությունները հերքվում են Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի կողմից հետազոտված ու գնահատված ներքոշարադրյալ ապացույցներով:
ՀՀ քրեական օրենսգրքի 38-34-268-րդ հոդվածի 3-րդ մասով առաջադրված մեղադրանքում Սարգիս Գալստյանն իրեն մեղավոր է ճանաչել և ցուցմունքներ տվել այն մասին, որ շուրջ 10-15 տարի է ինչ ճանաչում է Աշոտ Հովհաննիսյանին, ով բնակվել է իրենց տան հարևանությամբ։ 2014թ-ի մայիս-հունիս ամսին, կոնկրետ ժամանակը չի հիշում, ՀՀ ԱՆ «Դատապարտյալների հիվանդանոց» քրեակատարողական հիմնարկից իրեն զանգահարել է Աշոտ Հովհաննիսյանը և հայտնել է, որ Ֆրանսիայի Հանրապետությունից պետք է ուղարկեն արժեք ներկայացնող հագուստներ, և հագուստներով ծանրոցը ստանալու ու իր ուղարկած անձին հանձնելու հարցով օգնելու դիմաց կվճարի 100.000 ՀՀ դրամ։ Քանի որ ցանկություն է ունեցել նույն ժամանակ մեկնել ՌԴ՝ արտագնա աշխատանքի, Աշոտ Հովհաննիսյանին տեղեկացրել է այդ մասին, ապա վերջինս խնդրել է հայտնել վստահելի այլ անձի անձնագրային տվյալներ՝ նրա անունով ծանրոցն ուղարկելու համար։ Նշված հարցով դիմել է իր ծանոթ Գագիկ Հակոբյանին, ումից ստանալով դրական պատասխան, վերջինիս անձնագրային տվյալները հեռախոսով հայտնել է Աշոտ Հովհաննիսյանին։ Իր ՌԴ մեկնելը հետաձգվել է։ 2014թ-ի հուլիսի 01-ին ժամը 8-ի սահմաններում իրեն զանգահարել է Աշոտ Հովհաննիսյանը, տեղեկացրել է ծանրոցը փոստային բաժանմունքում գտնվելու մասին, որից հետո Գագիկ Հակոբյանի հետ գնացել է փոստային բաժանմունք։ Գագիկ Հակոբյանը մտել է բաժանմունք, իսկ ինքը սպասել է բաժանմունքի բակում։ Որոշ ժամանակ անց Գագիկ Հակոբյանը դուրս է եկել փոստային բաժանմունքից, և տեսնելով, որ նրա ձեռքի ծանրոցը փոքր է, հասկացել է, որ ծանրոցում հագուստներ չեն կարող լինել, այլ այնտեղ թաքցված են թմրամիջոցներ։ Երբ Գագիկ Հակոբյանն իրեն է փոխանցել ծանրոցը, այդ պահին մոտեցել են ոստիկանության աշխատակիցները, իրենց բերման ենթարկել ոստիկանություն, որտեղ իր ձեռքին եղած ծանրոցից հայտնաբերել են թմրամիջոցի 220 դեղահատերը։
Համաձայն առերես հարցաքննության մասին 31.10.2014թ-ի արձանագրության՝ Սարգիս Գալստյանը Աշոտ Հովհաննիսյանին առերես պնդել է, որ Ֆրանսիայի Հանրապետությունից ծանրոց ստանալու համար Աշոտ Հովհաննիսյանին փոխանցել է Գագիկ Հակոբյանի անձնագրային տվյալները, ապա՝ 2014թ-ի հուլիսի 01-ին կրկին Աշոտ Հովհաննիսյանի խնդրանքով Գագիկ Հակոբյանի հետ գնացել է փոստային բաժանմունք, որտեղից ստացել է թմրամիջոցներով թաքցված ծանրոցը՝ հետագայում Աշոտ Հովհաննիսյանի ուղարկած անձին փոխանցելու համար։
Սարգիս Գալստյանը իր ցուցմունքները պնդեց նաև ՀՀ վերաքննիչ դատարանում` հայտնելով, որ 220 դեղահատով ծանրոցն ինքը ստացել է Աշոտ Հովհաննիսյանի ցուցումով:
Վկա Գագիկ Հակոբյանը ցուցմունքներ է տվել այն մասին, որ Սարգիս Գալստյանին ճանաչում է մանկուց՝ որպես նույն բակի բնակչի։ Սարգիս Գալստյանը զրույցի ընթացքում հայտնել է, որ իր համար պետք է ծանրոց ուղարկեն, ապա խնդրել է հայտնել անձնագրային տվյալները՝ ծանրոցն իր անվամբ ուղարկելու համար։ Ինքը համաձայնվել է, Սարգիս Գալստյանին է տվել իր անձնագրային տվյալները։ Դրանից մոտ 10 օր հետո հանդիպել է նրան ու միասին գնացել են փոստային բաժանմունք՝ տեղ հասած լինելու դեպքում ծանրոցն ստանալու համար։ Հասնելով փոստային բաժանմունք, Սարգիս Գալստյանն սպասել է բակում, իսկ ինքը մտել է ներս և իմանալով, որ իր անվամբ ծանրոցն արդեն եկել է, ստորագրել է անդորրագիրն ու ստացել այն, բակում հանձնել է Սարգիս Գալստյանին։ Այդ պահին իրենց են մոտեցել ոստիկանության աշխատակիցներն ու բերման ենթարկել ոստիկանություն, որտեղ ծանրոցի միջից հայտնաբերել են դեղահաբեր և առգրավվել։
Վկա Արսեն Մեսրոպյանը ցուցմունքներ է տվել այն մասին, որ իր մորեղբայր Անդրանիկ Գրիգորյանը թմրամիջոցների ապօրինի շրջանառությամբ զբաղվելու համար պատիժ կրելու ընթացքում զանգահարել է իրեն և խնդրել իր ծանոթներից մեկից գումար վերցնել։ Նրան ասել է, որ ինքն աշխատանքի վայրում չէ, սակայն գումարը կարող են փոխանցել իր գործընկերոջը։ Մի քանի ժամ անց վերադարձել է աշխատանքի վայր, վերցրել է գումարը և այն տվել մի տաքսու վարորդի, ով այն տարել է։
Առաջին ատյանի դատարանը ՀՀ քրեական դատավարության օրենսգրքի 342-րդ հոդվածի պահանջների պահպանմամբ հրապարակել և հետազոտել է վկա Հարություն Գարեգինյանի նախաքննական ցուցմունքներն այն մասին, որ 2014թ-ի հունվարի 23-ին ազատազրկման վայրից իրեն է զանգահարել Աշոտ Հովհաննիսյանը, ում խնդրանքով իր տաքսի ավտոմեքենայով գնացել է Այնթապ գյուղ, որտեղ իրեն է մոտեցել մի անծանոթ երիտասարդ, փոխանցել է փայլաթղթի մեջ փաթեթավորված մեկ հաբ, որը դրել է իր բաճկոնի գրպանը։ Դրանից հետո Աշոտ Հովհաննիսյանի խնդրանքով ցանկացել է նշված հաբը տեղափոխել Երևանի Կոմիտասի պողոտա, սակայն ճանապարհին իրեն բռնել են ոստիկանության աշխատակիցները և բերման ենթարկել ոստիկանություն, որտեղ իր անձնական խուզարկությամբ հայտնաբերվել է հաբը։ Տեղյակ չի եղել, թե Աշոտ Հովհաննիսյանը որ քրեակատարողական հիմնարկում է պատիժ կրում, սակայն հաստատ իմացել է, որ նա պատիժ է կրում, քանի որ, եթե նա լիներ ազատության մեջ, ապա չէր խնդրի թմրամիջոցը տեղափոխել Կոմիտաս:
Առաջին ատյանի դատարանը ՀՀ քրեական դատավարության օրենսգրքի 342-րդ հոդվածի պահանջների պահպանմամբ հրապարակել և հետազոտել է վկա Հարություն Անոյանի նախաքննական ցուցմունքներն այն մասին, որ աշխատել է ՀՀ ոստիկանության Երևան քաղաքի վարչության 3-րդ բաժանմունքում՝ որպես օպերլիազոր։ Իրենց բաժանմունքում օպերատիվ տեղեկություն է ստացված եղել այն մասին, որ ՀՀ ԱՆ «Դատապարտյալների հիվանդանոց» քրեակատարողական հիմնարկում պատիժ կրող «Ավանցի Չաղ Աշոտիկ» մականվամբ Աշոտ Հովհաննիսյանը զբաղվում է թմրամիջոցների ապօրինի շրջանառությամբ։ Դատարանի կողմից ստացված համապատասխան որոշման հիման վրա իրականացրել են Աշոտ Հովհաննիսյանի կողմից գործածված հեռախոսահամարի խոսակցությունների վերահսկում օպերատիվ-հետախուզական միջոցառում, որի արդյունքում պարզվել է, որ 2014թ-ի հուվարի 23-ին Աշոտ Հովհաննիսյանը թմրամիջոցների գումարները փոխանցելու համար կազմակերպել էր մի քանի անձանց հանդիպումը «Գումի շուկա» կոչվող վայրում գտնվող «Մսի պասաժներ»-ի մոտ, ապա պարզվել է, որ նրանք թմրամիջոցները պետք է ձեռք բերեն Արարատի մարզի Այնթապ գյուղից։ Օպերատիվ խումբը, որի կազմի մեջ եղել է նաև ինքը, նույն պահին մեկնել է Այնթապ գյուղ, որտեղ որոշ ժամանակ անց տեսել է նույն գյուղում գտնվող այգուն մոտեցող մի տաքսի ավտոմեքենա, որի առջևի ուղևորի նստատեղից իջել է նիհար կազմվածքով մի երիտասարդ, մտել է այգի, ապա կարճ ժամանակ անց վերադարձել և նստել է նույն ավտոմեքենան, որից հետո տաքսին ուղևորվել է դեպի Երևան։ Նույն միջոցառման շրջանակներում կազմված մեկ այլ օպերատիվ խումբը սկսել է հետևել տաքսի ավտոմեքենան, ապա որոշ ժամանակ անց տեղեկացել են, որ ավտոմեքենան կանգնել է Նորագավիթ թաղամասում, և ուղևորը իջնելով ավտոմեքենայից՝ հանդիպել է մուգ գույնի «կլոր ֆառ» առանց «շթի» «Մերսեդես» մակնիշի ավտոմեքենայի վարորդին, ում ինչ-որ բան է փոխանցել, ապա տաքսու վարորդը շարունակել է իր ճանապարհը դեպի Երևան, «Մերսեդես» մակնիշի ավտոմեքենայի վարորդը՝ Այնթապ գյուղի կողմ, իսկ վերջինիս ինչ-որ բան փոխանցած անձը ոտքով քայլել է նույն գյուղի ուղղությամբ։ Ղեկավարության ցուցումով մի խումբը սկսել է հետապնդել տաքսու վարորդին, մյուս խումբը՝ «Մերսեդես» մակնիշի ավտոմեքենայի վարորդին, իսկ իրենց խումբը՝ տաքսի ավտոմեքենայից իջած երիտասարդին։ Երբ ցանկացել են մոտենալ երիտասարդին, նա իրենց նկատելուն պես ձեռքին եղած փաթեթը բացել է և, մեջից հանելով սպիտակ գույնի հաբը, կուլ է տվել։ Երիտասարդին բերման են ենթարկել ոստիկանության Շենգավիթի բաժին և կատարվածի մասին զեկուցագիր է ներկայացրել բաժնի պետին։ Տեղում տեղեկացել է, որ երիտասարդը հանդիսանում է Սուրեն Ազիզյանը։ Հետագայում տեղեկացել է, որ առաջին խումբը բերման է ենթարկել տաքսու վարորդ Հարություն Գարեգինյանին, ում անձնական խուզարկությամբ հայտնաբերվել է «բուպրենորֆին» տեսակի թմրամիջոց պարունակող դեղահաբ։ Տեղեկացել է նաև, որ մյուս խումբը ճանապարհային ոստիկանության աշխատակիցների հետ հետապնդել են «Մերսեդես» մակնիշի ավտոմեքենան, սակայն չեն կարողացել կանգնեցնել այն, քանի որ նրա վարորդը դիմել է փախուստի, որից հետո Արտաշատի գյուղերից մեկում ենթարկվել է վթարի, ապա ավտոմեքենան թողնելով տեղում՝ հեռացել է։ Հետագայում տեղեկացել է, որ այդ անձը հանդիսացել է Մարատ Հարությունյանը։
Համաձայն զննություն կատարելու մասին 05.10.2014թ-ի արձանագրության՝ զննվել են Աշոտ Հովհաննիսյանիի հետ հեռախոսային կապի մեջ գտնված անձանց հեռախոսային զրույցների գաղտնալսման ամփոփոգիրը՝ հետևյալ բովանդակությամբ հեռախոսային խոսակցություններով.
«Հովհաննես Կարապետյան - Ախպերս, հըլը լսի, ընկեր, էն դվիժենիդ կա՞ Աշ։
Աշոտ Հովհաննիսյան - Էնի չեմ իմանում, բայց էն մեկը կա։
Հովհաննես Կարապետյան - 50-ը։
Աշոտ Հովհաննիսյան - Հա։
Հովհաննես Կարապետյան - Կզանգե՞ս մի հատ բան անենք տենան վռազ։
Աշոտ Հովհաննիսյան - Ըհը։
Հովհաննես Կարապետյան - Մի հատ զանգի։
Աշոտ Հովհաննիսյան - Մի հատ մի կտոր հաց ուտեմ նոր էլի, նոր հելա սվիդանուց։
Հովհաննես Կարապետյան - Ինչքա՞նից խաբար կանես։
Աշոտ Հովհաննիսյան - Ժամը երեքին։
Հովհաննես Կարապետյան - Պռոստը մի հատ իմանայինք լինում ա թե չէ։
Աշոտ Հովհաննիսյան - Լավ հեսա իմանամ ասեմ։
Հովհաննես Կարապետյան - Հա ընկեր։
Արթուր Բարոյանի և Աշոտ Հովհաննիսյանի միջև 2014թ-ի հունվարի 23-ին ժամը 14։28-ին տեղի ունեցած հեռախոսային խոսակցության բովանդակությունը.
Աշոտ Հովհաննիսյան - Զանգում էի քնած էր, նոր հելավ քնից զանգեց։
Արթուր Բարոյան - Ախպեր պռոստը երեկ ասա, որ քեզ պետք էր մի հատ դզվեիր, էդ էր պետք ------------։
Աշոտ Հովհաննիսյան – Քնած էր, նոր քնից հելել ա, զանգել ա։
Արթուր Բարոյան - Աստավիտ արիր, թողիր առավոտվա երեկվանը։ Առավոտ էլ չես կարում անես։
Աշոտ Հովհաննիսյան - Ի՞նչ անեմ ասումա` տասներկուսին քնից հելել եմ, զուգարան-մուգարան, ու զանգեցի միանգամից։
Մարատ Հարությունյանի և Աշոտ Հովհաննիսյանի միջև 2014թ-ի հունվարի 23-ին ժամը 14։34-ին տեղի ունեցած հեռախոսային խոսակցության բովանդակությունը.
Աշոտ Հովհաննիսյան - Մար ջան։
Մարատ Հարությունյան - Հա ապեր։
Աշոտ Հովհաննիսյան - Հեսա կզանգեմ կեթաք ապեր։
Մարատ Հարությունյան - Լավ ընկեր ջան։
Աշոտ Հովհաննիսյան - Լավ ապեր։
Անդրանիկ Գրիգորյանի և Աշոտ Հովհաննիսյանի միջև 2014թ-ի հունվարի 23-ին ժամը 14։34-ին տեղի ունեցած հեռախոսային խոսակցության բովանդակությունը.
Անդրանիկ Գրիգորյան - Ալո։
Աշոտ Հովհաննիսյան - Հա ախպերս, ղրգե՞մ։
Անդրանիկ Գրիգորյան - Հա ղրգի գում, ընդեղից էլ թող էթան։
Աշոտ Հովհաննիսյան - Անունը ո՞նց էր։
Անդրանիկ Գրիգորյան - Արսեն։
Աշոտ Հովհաննիսյան - Արսեն, լավ ախպերս, էն յանից երրորդը չէ՞։
Անդրանիկ Գրիգորյան - Երրորդ, չորրորդ, հինգ երրորդ, չեմ իմանում։
Աշոտ Հովհաննիսյան - Լավ ախպեր։
Անդրանիկ Գրիգորյան - Ռեկլամով խանութ ա ապեր։
Աշոտ Հովհաննիսյան -Լավ հեսա ղրգեմ։
Հովհաննես Կարապետյանի և Աշոտ Հովհաննիսյանի միջև 2014թ-ի հունվարի 23-ին ժամը 14։35-ին տեղի ունեցած հեռախոսային խոսակցության բովանդակությունը.
Հովհաննես Կարապետյան - Հա ախպեր։
Աշոտ Հովհաննիսյան - Ապեր պատրա՞ստ ա էդ գումարը։
Հովհաննես Կարապետյան - Հա։
Աշոտ Հովհաննիսյան - Դե ղդրկի Գում ախպեր։
Հովհաննես Կարապետյան - Գում ուրդե՞ղ։
Աշոտ Հովհաննիսյան - Թող էթա մսի պասաժը, բանն էլ ա ընդեղ Մարատը, մեր Սևանի Մարատը։ Փողը տա Մարատին, Մարատը կտա ընդեղ ում պետք ա։
Ինչքա՞նից կլինի։
Հովհաննես Կարապետյան - Ախպեր ես ու՞մ համարը տամ։
Աշոտ Հովհաննիսյան - Ինձի թող զանգի։
Հովհաննես Կարապետյան - Հեսա լավ Սուրո անունով ընկերս ա էլի ապեր զանգելու, իմ ընկերն ա, ոչ տաքսիստ ա, ոչ բան։
Աշոտ Հովհաննիսյան - Ինքը կանի։ Էդ մոմենտը վռազ տա, էթա վեկալի։
Հովհաննես Կարապետյան - Հա, հա։
Աշոտ Հովհաննիսյան - Դե վսյո ապեր։
Մարատ Հարությունյանի և Աշոտ Հովհաննիսյանի միջև 2014թ-ի հունվարի 23-ին ժամը 14։36-ին տեղի ունեցած հեռախոսային խոսակցության բովանդակությունը.
Մարատ Հարությունյան - Հա ընկեր։
Աշոտ Հովհաննիսյան - Մար իջի Գումի հայաթ, միս ծախողների մոտ, էդ Արսենի մոտ չե՞ս իջել։
Մարատ Հարությունյան - Հա, էն մսի պասաժը։
Աշոտ Հովհաննիսյան - Հա։
Մարատ Հարությունյան - Լավ մեռնեմ ջանիդ։
Աշոտ Հովհաննիսյան - Իջի ընդեղ, Հովուշի ընկերն էլ ա գալիս էլի, փողը մի տեղ արեք տվեք, ընկերը կէթա կվեկալի, քոնը կբերի կտա, կամ ուզում ես դու քոնը գնա վեկալ։
Մարատ Հարությունյան - Լավ, լավ։
Արթուր Բարոյանի և Աշոտ Հովհաննիսյանի միջև 2014թ-ի հունվարի 23-ին ժամը 14։37-ին տեղի ունեցած հեռախոսային խոսակցության բովանդակությունը.
Արթուր Բարոյան - Հա ընկեր։
Աշոտ Հովհաննիսյան - Արթուր ինչքանի՞ց կարա լինի Գումի էն մսի պասաժը։
Արթուր Բարոյան - Կես ժամից ամենաուշը։
Աշոտ Հովհաննիսյան - Շուտ չի կարա՞ լինի։
Արթուր Բարոյան - Շուտը, էդի քանի՞սնոցն ա։
Աշոտ Հովհաննիսյան - 50-ոցը, էնի չկա, չեմ ասե՞լ, որ էնի փակ ա։
Արթուր Բարոյան - Ամենաուշը կես ժամից։
Աշոտ Հովհաննիսյան - Դե հա թող էթա, զանգի ինձ։
Արթուր Բարոյան - Գումի շուկայի մոտ։
Աշոտ Հովհաննիսյան - Հա։
Արթուր Բարոյան - Դե լավ։
Նույն օրը՝ ժամը 14։53-ին.
Արթուր Բարոյան - Հա Աշ։
Աշոտ Հովհաննիսյան - Հա ընկեր։
Արթուր Բարոյան - Ընդեղ կայնած են։
Աշոտ Հովհաննիսյան - Ի՞նչ ավտո ա ընկեր։
Արթուր Բարոյան - Սպիտակ 07, կապուտ ռեկլամներով, Հարութիկն ա։
Միացնե՞մ գծի մեջ։
Աշոտ Հովհաննիսյան - Համարը տուր ես կզանգեմ բացատրեմ։
Արթուր Բարոյան - Մի անջատի 077 533 048։ Տաս պրծնես մի հատ կզանգես ինձ։
Աշոտ Հովհաննիսյան - Լավ ապեր։
Մարատ Հարությունյանի և Աշոտ Հովհաննիսյանի միջև 2014թ-ի հունվարի 23-ին ժամը 14։54-ին տեղի ունեցած հեռախոսային խոսակցության բովանդակությունը.
Մարատ Հարությունյան - Հա ապեր։
Աշոտ Հովհաննիսյան - Մարատ ջան, քո ավտոյի համարները, ըտեղ կայնա՞ծ ես դու։
Մարատ Հարությունյան - Հա ընկեր, ավարիոնիները միացրած ա ընկեր, վրեն շիթ չկա։
Աշոտ Հովհաննիսյան - Ո՞ր մասն ես։
Մարատ Հարությունյան - Ընկեր, մսի պասաժների, երրորդ, երրորդ պասաժի դեմը էլի։
Աշոտ Հովհաննիսյան - Էն Նար-Դոսի յանից։
Մարատ Հարությունյան - Հա Սարի թաղի յանից։
Աշոտ Հովհաննիսյան - Հա լավ էղավ։
Մարատ Հարությունյան - Ավարիոնիները միացրած են։
Աշոտ Հովհաննիսյան - Հա լավ էղավ։
Սուրեն Ազիզյանի և Աշոտ Հովհաննիսյանի միջև 2014թ-ի հունվարի 23-ին ժամը 14։54-ին տեղի ունեցած հեռախոսային խոսակցության բովանդակությունը.
Սուրեն Ազիզյան - Սուրոն ա ցավդ տանեմ, ո՞նց ես։
Աշոտ Հովհաննիսյան - Հա Սուր ջան։ Ընկեր Հովուշի ընկե՞րն ես։
Սուրեն Ազիզյան - Հա ցավդ տանեմ։
Աշոտ Հովհաննիսյան - Մեռնեմ սրտիդ, որտե՞ղ ես դու։
Սուրեն Ազիզյան - Ընկեր ցիրկի մոտ եմ, գալիս եմ։
Աշոտ Հովհաննիսյան - Ապեր, շուտ գնա Գումի յան, վերջի կողմից, պասաժից երրորդի մոտ կայնի, մերսեդես ա կայնած կլոր ֆառ, մարգատները միացրած ա։
Սուրեն Ազիզյան - Դե վսյո ախպեր։
Աշոտ Հովհաննիսյան - Դու ավտոյո՞վ ես, թե ոտով ես։
Սուրեն Ազիզյան - Տաքսով եմ ախպեր։
Աշոտ Հովհաննիսյան - Տաքսին թող, նստի իրա ավտոն։
Սուրեն Ազիզյան - Լավ ցավդ տանեմ։
Մարատ Հարությունյանի և Աշոտ Հովհաննիսյանի միջև 2014թ-ի հունվարի 23-ին ժամը 14։56-ին տեղի ունեցած հեռախոսային խոսակցության բովանդակությունը.
Մարատ Հարությունյան - Հա ապեր։
Աշոտ Հովհաննիսյան - Ընկեր դու կարա՞ս տաքսիտ թողես, տաքսի ա 07 ա, տաքսով էթաս գաս։
Մարատ Հարությունյան - Արա դե ի՞նչ թողեմ մաշնես։
Աշոտ Հովհաննիսյան - Լավ թող կայնի։
Մարատ Հարությունյան - Ապեր եթե ինքը կեթա, կգա, էթամ Արեշ։
Աշոտ Հովհաննիսյան - Թող հեսա գա, էդ փողը տուր իրան, դու շուտ կէթաս Նորագավիթի յան կվեկալես։ Կամ բանվորի արձանի մոտ։
Մարատ Հարությունյան - Տեցի յան կէթամ։
Աշոտ Հովհաննիսյան - Թող ինքը էթա վեկալի գա, հետ գալուց կպայմանավորվենք։
Մարատ Հարությունյան - Ինքը ու՞րա հետ գալու։
Աշոտ Հովհաննիսյան - Երկու րոպեից ըտեղ ա, Հարութ ա անունը, փողը կտաս իրան Հարութին։
Մարատ Հարությունյան - Հա, լավ ապեր։
Հարություն Գարեգինյանի և Աշոտ Հովհաննիսյանի միջև 2014թ-ի հունվարի 23-ին ժամը 14։57-ին տեղի ունեցած հեռախոսային խոսակցության բովանդակությունը.
Հարություն Գարեգինյան - Ալո։
Աշոտ Հովհաննիսյան - Հարութ, դու որտե՞ղ ես կայնած ընկեր։
Հարություն Գարեգինյան - Գումի շուկայի մոտ։
Աշոտ Հովհաննիսյան - Ապեր ո՞ր յանից ես եկել Նար-Դոսի յանի՞ց։
Հարություն Գարեգինյան - Ընկեր Տաշիրի կողմից եկել եմ։
Աշոտ Հովհաննիսյան - Էդ արանքով մտի մսի պասաժները։ Էդ ձախ թևիդ վրա մերսեդես կա կլոր ֆառ կայնած, մարգատները միացրած, մոտեցի, անունը Մարատ ա, 50 000 փող կտա էդ էլ վեկալ մոտդ, կասեմ հա՞։
Հարություն Գարեգինյան - Ընկեր մի վարկյան ուզում ես մի անջատի, հեսա հասնում եմ։ Ընկեր ո՞ր մասն ա կայնած էս մերսը։ Ես էտ Տաշիրի կողմից գալիս եմ։
Աշոտ Հովհաննիսյան - Կլոր ֆառ մերսեդես ա ախպեր, ավարիոնիները միացրած ա։ 3-րդ պասաժի մոտ ա, էն յանից հաշվելուց։
Հարություն Գարեգինյան - Հլը մի րոպե մի հատ մերս կա 34 912։
Աշոտ Հովհաննիսյան - Բոյով-բոյով տղա ա՞։
Հարություն Գարեգինյան - Կլոր մերս ա..մեջն ա։
Աշոտ Հովհաննիսյան - Դե կայնի ասեմ թող իջնի ախպեր։
Հարություն Գարեգինյան - Հա։
Մարատ Հարությունյանի և Աշոտ Հովհաննիսյանի միջև 2014թ-ի հունվարի 23-ին ժամը 14։59-ին տեղի ունեցած հեռախոսային խոսակցության բովանդակությունը.
Մարատ Հարությունյան - Ալո։
Աշոտ Հովհաննիսյան - Ախպեր քո ավտոյի կոդը 37-ո՞վ ա։
Մարատ Հարությունյան - Հա ախպեր։
Աշոտ Հովհաննիսյան - Դե իջի էդ տղեն մոտենա, էդ 50 տուր իրան։
Մարատ Հարությունյան - Հա։
Աշոտ Հովհաննիսյան - Անունը Հարութ ա։
Մարատ Հարությունյան - Լավ, լավ։
Սուրեն Ազիզյանի և Աշոտ Հովհաննիսյանի միջև 2014թ-ի հունվարի 23-ին ժամը 15։04-ին տեղի ունեցած հեռախոսային խոսակցության բովանդակությունը.
Սուրեն Ազիզյան - Ախպերս, հենց նոր տեսանք իրար։
Աշոտ Հովհաննիսյան - Ապեր մոտից 100000 փող կա վեկալ։
Սուրեն Ազիզյան - Լավ ցավդ տանեմ։
Արթուր Բարոյան - Սպիտակ 07, կապուտ ռեկլամներով, Հարութիկն ա։
Միացնե՞մ գծի մեջ։
Աշոտ Հովհաննիսյան - Համարը տուր ես կզանգեմ բացատրեմ։
Արթուր Բարոյան - Մի անջատի 077 533 048։ Տաս պրծնես մի հատ կզանգես ինձ։
Աշոտ Հովհաննիսյան - Լավ ապեր։
Մարատ Հարությունյանի և Աշոտ Հովհաննիսյանի միջև 2014թ-ի հունվարի 23-ին ժամը 14։54-ին տեղի ունեցած հեռախոսային խոսակցության բովանդակությունը.
Մարատ Հարությունյան - Հա ապեր։
Աշոտ Հովհաննիսյան - Մարատ ջան, քո ավտոյի համարները, ըտեղ կայնա՞ծ ես դու։
Մարատ Հարությունյան - Հա ընկեր, ավարիոնիները միացրած ա ընկեր, վրեն շիթ չկա։
Աշոտ Հովհաննիսյան - Ո՞ր մասն ես։
Մարատ Հարությունյան - Ընկեր, մսի պասաժների, երրորդ, երրորդ պասաժի դեմը էլի։
Աշոտ Հովհաննիսյան - Էն Նար-Դոսի յանից։
Մարատ Հարությունյան - Հա Սարի թաղի յանից։
Աշոտ Հովհաննիսյան - Հա լավ էղավ։
Մարատ Հարությունյան - Ավարիոնիները միացրած են։
Աշոտ Հովհաննիսյան - Հա լավ էղավ։
Սուրեն Ազիզյանի և Աշոտ Հովհաննիսյանի միջև 2014թ-ի հունվարի 23-ին ժամը 14։54-ին տեղի ունեցած հեռախոսային խոսակցության բովանդակությունը.
Սուրեն Ազիզյան - Սուրոն ա ցավդ տանեմ, ո՞նց ես։
Աշոտ Հովհաննիսյան - Հա Սուր ջան։ Ընկեր Հովուշի ընկե՞րն ես։
Սուրեն Ազիզյան - Հա ցավդ տանեմ։
Աշոտ Հովհաննիսյան - Մեռնեմ սրտիդ, որտե՞ղ ես դու։
Սուրեն Ազիզյան - Ընկեր ցիրկի մոտ եմ, գալիս եմ։
Աշոտ Հովհաննիսյան - Ապեր, շուտ գնա Գումի յան, վերջի կողմից, պասաժից երրորդի մոտ կայնի, մերսեդես ա կայնած կլոր ֆառ, մարգատները միացրած ա։
Սուրեն Ազիզյան - Դե վսյո ախպեր։
Աշոտ Հովհաննիսյան - Դու ավտոյո՞վ ես, թե ոտով ես։
Սուրեն Ազիզյան - Տաքսով եմ ախպեր։
Աշոտ Հովհաննիսյան - Տաքսին թող, նստի իրա ավտոն։
Սուրեն Ազիզյան - Լավ ցավդ տանեմ։
Մարատ Հարությունյանի և Աշոտ Հովհաննիսյանի միջև 2014թ-ի հունվարի 23-ին ժամը 14։56-ին տեղի ունեցած հեռախոսային խոսակցության բովանդակությունը.
Մարատ Հարությունյան - Հա ապեր։
Աշոտ Հովհաննիսյան - Ընկեր դու կարա՞ս տաքսիտ թողես, տաքսի ա 07 ա, տաքսով էթաս գաս։
Մարատ Հարությունյան - Արա դե ի՞նչ թողեմ մաշնես։
Աշոտ Հովհաննիսյան - Լավ թող կայնի։
Մարատ Հարությունյան - Ապեր եթե ինքը կեթա, կգա, էթամ Արեշ։
Աշոտ Հովհաննիսյան - Թող հեսա գա, էդ փողը տուր իրան, դու շուտ կէթաս Նորագավիթի յան կվեկալես։ Կամ բանվորի արձանի մոտ։
Մարատ Հարությունյան - Տեցի յան կէթամ։
Աշոտ Հովհաննիսյան - Թող ինքը էթա վեկալի գա, հետ գալուց կպայմանավորվենք։
Մարատ Հարությունյան - Ինքը ու՞րա հետ գալու։
Աշոտ Հովհաննիսյան - Երկու րոպեից ըտեղ ա, Հարութ ա անունը, փողը կտաս իրան Հարութին։
Մարատ Հարությունյան - Հա, լավ ապեր։
Հարություն Գարեգինյանի և Աշոտ Հովհաննիսյանի միջև 2014թ-ի հունվարի 23-ին ժամը 14։57-ին տեղի ունեցած հեռախոսային խոսակցության բովանդակությունը.
Հարություն Գարեգինյան - Ալո։
Աշոտ Հովհաննիսյան - Հարութ, դու որտե՞ղ ես կայնած ընկեր։
Հարություն Գարեգինյան - Գումի շուկայի մոտ։
Աշոտ Հովհաննիսյան - Ապեր ո՞ր յանից ես եկել Նար-Դոսի յանի՞ց։
Հարություն Գարեգինյան - Ընկեր Տաշիրի կողմից եկել եմ։
Աշոտ Հովհաննիսյան - Էդ արանքով մտի մսի պասաժները։ Էդ ձախ թևիդ վրա մերսեդես կա կլոր ֆառ կայնած, մարգատները միացրած, մոտեցի, անունը Մարատ ա, 50 000 փող կտա էդ էլ վեկալ մոտդ, կասեմ հա՞։
Հարություն Գարեգինյան - Ընկեր մի վարկյան ուզում ես մի անջատի, հեսա հասնում եմ։ Ընկեր ո՞ր մասն ա կայնած էս մերսը։ Ես էտ Տաշիրի կողմից գալիս եմ։
Աշոտ Հովհաննիսյան - Կլոր ֆառ մերսեդես ա ախպեր, ավարիոնիները միացրած ա։ 3-րդ պասաժի մոտ ա, էն յանից հաշվելուց։
Հարություն Գարեգինյան - Հլը մի րոպե մի հատ մերս կա 34 912։
Աշոտ Հովհաննիսյան - Բոյով-բոյով տղա ա՞։
Հարություն Գարեգինյան - Կլոր մերս ա..մեջն ա։
Աշոտ Հովհաննիսյան - Դե կայնի ասեմ թող իջնի ախպեր։
Հարություն Գարեգինյան - Հա։
Մարատ Հարությունյանի և Աշոտ Հովհաննիսյանի միջև 2014թ-ի հունվարի 23-ին ժամը 14։59-ին տեղի ունեցած հեռախոսային խոսակցության բովանդակությունը.
Մարատ Հարությունյան - Ալո։
Աշոտ Հովհաննիսյան - Ախպեր քո ավտոյի կոդը 37-ո՞վ ա։
Մարատ Հարությունյան - Հա ախպեր։
Աշոտ Հովհաննիսյան - Դե իջի էդ տղեն մոտենա, էդ 50 տուր իրան։
Մարատ Հարությունյան - Հա։
Աշոտ Հովհաննիսյան - Անունը Հարութ ա։
Մարատ Հարությունյան - Լավ, լավ։
Սուրեն Ազիզյանի և Աշոտ Հովհաննիսյանի միջև 2014թ-ի հունվարի 23-ին ժամը 15։04-ին տեղի ունեցած հեռախոսային խոսակցության բովանդակությունը.
Սուրեն Ազիզյան - Ախպերս, հենց նոր տեսանք իրար։
Աշոտ Հովհաննիսյան - Ապեր մոտից 100000 փող կա վեկալ։
Սուրեն Ազիզյան - Լավ ցավդ տանեմ։
Աշոտ Հովհաննիսյան - Վեկալ մի դիր ատբոյ ասեմ ինչ անես։
Սուրեն Ազիզյան - Հա։
Աշոտ Հովհաննիսյան - Ապեր անունդ ո՞նց ա ցավդ տանեմ։
Սուրեն Ազիզյան - Սուրո։
Աշոտ Հովհաննիսյան - Սուրո ջան, էդ յանից հաշվի 4-րդնա, կամ 5-րդը, ձախ թևի վրա ռեկլամով պասաժ կա, ասա Արսենն ո՞վ ա, էդ 150 տուր իրան, ասա` Աշոտն ա ղրգել, իրա տավառնա։
Սուրեն Ազիզյան - Բայց ինքը 100 ա տալիս ինձի։
Աշոտ Հովհաննիսյան - Հա, քո 50 էլ դիր վրեն, տուր։
Սուրեն Ազիզյան - Բա իմ 50 տվի իրան ախպեր։
Աշոտ Հովհաննիսյան - Հաշվի, վեկալ, գնա էդ պասաժի մոտ ախպերս։
Սուրեն Ազիզյան - Լավ։
Արթուր Բարոյանի և Աշոտ Հովհաննիսյանի միջև 2014թ-ի հունվարի 23-ին ժամը 15։06-ին տեղի ունեցած հեռախոսային խոսակցության բովանդակությունը.
Աշոտ Հովհաննիսյան - Հա Արթուր։
Արթուր Բարոյան - Ընկեր բա հիմա էդ հարիֆը ի՞նչ անի, էթա՞, թե կայնած մնա։
Աշոտ Հովհաննիսյան - Թող էթա Նորագավիթի յան։ Թող կայնի էս տղուն էլ տանի։
Արթուր Բարոյան - Ու՞մ։
Աշոտ Հովհաննիսյան - Մեր ընկերոջը, թող էթան ինքը իրանը վեկալի, քոնն էլ քոնը։
Արթուր Բարոյան - Դե զանգի Հարութիկին ասա։
Աշոտ Հովհաննիսյան - Լավ։
Սուրեն Ազիզյանի և Աշոտ Հովհաննիսյանի միջև 2014թ-ի հունվարի 23-ին ժամը 15։08-ին, տեղի ունեցած հեռախոսային խոսակցության բովանդակությունը.
Աշոտ Հովհաննիսյան - Ապեր տվի՞ր։
Սուրեն Ազիզյան - Ապեր ինքը ստեղ չէր, ինքը հեռախոսով ասեց` աշխատողին տուր, աշխատողին տվի։
Աշոտ Հովհաննիսյան - Հա, դե վսյո, արի նստի էդ ավտոն, էդ 07։
Սուրեն Ազիզյան - Լավ։
Աշոտ Հովհաննիսյան - Լավ։
Մարատ Հարությունյանի և Աշոտ Հովհաննիսյանի միջև 2014թ-ի հունվարի 23-ին ժամը 15։15-ին տեղի ունեցած հեռախոսային խոսակցության բովանդակությունը.
Աշոտ Հովհաննիսյան - գնացին վեկալեն, հետ գալուց կասեմ, կդիմավորես։
Մարատ Հարությունյան - Հետ գալուց որտե՞ղ դիմավորեմ։
Աշոտ Հովհաննիսյան - Որտեղ որ քեզ հարմարա։ Ուզու՞մ ես բանվորի արձան։
Մարատ Հարությունյան - Իջնեմ կամացից բանվորի արձան։
Աշոտ Հովհաննիսյան - Հա ապեր:
Հարություն Գարեգինյանի և Աշոտ Հովհաննիսյանի միջև 2014թ-ի հունվարի 23-ին ժամը 15։25-ին տեղի ունեցած հեռախոսային խոսակցության բովանդակությունը.
Հարություն Գարեգինյան - Ընկեր, ես Նորագավիթ եմ։
Աշոտ Հովհաննիսյան - Ապեր, դե ԳԱԻ-ն անցի, դեպի Այնթափ ես որ էթում, Այնթափ անցի, աջի վրա կայնի, «Ինեսա» խանութ կա։
Հարություն Գարեգինյան - Հասնեմ Այնթափ, կայնե՞մ։
Աշոտ Հովհաննիսյան - Հա։
Հարություն Գարեգինյան - Կամ, հեսա հենց հասա Այնթափ, կզանգեմ ախպեր։
Նույն օրը՝ ժամը 15։27-ին.
Հարություն Գարեգինյան - Ապեր ես անցել եմ, ըտեղ եմ արդեն։
Աշոտ Հովհաննիսյան - Ըտե՞ղ ես Հարութ ջան։
Հարություն Գարեգինյան - Հա ստեղ մի հատ «Ինեսսա» խանութ կա։
Աշոտ Հովհաննիսյան - Հա ըտեղ կայնի ախպեր։
Հարություն Գարեգինյան - Լավ ախպեր։
Անդրանիկ Գրիգորյանի և Աշոտ Հովհաննիսյանի միջև 2014թ-ի հունվարի 23-ին ժամը 15։37-ին տեղի ունեցած հեռախոսային խոսակցության բովանդակությունը.
Անդրանիկ Գրիգորյան - Հա ապեր։
Աշոտ Հովհաննիսյան - Ընկեր Ինեսայի մոտ կայնածա։
Անդրանիկ Գրիգորյան - Լավ հեսա կզանգեմ։
Նույն օրը՝ ժամը 15։37-ին.
Աշոտ Հովհաննիսյան - Հա ախպերս։
Անդրանիկ Գրիգորյան - Ապեր, թող էթա որ իջնում ա ընդեղ, որտեղ որ կա իրա տեղը, ընդեղ չի, ուղիղ թող էթա, ուղիղ նայի, իրեք հատ կիսանդրա արձան կա դրած, մեջտեղինի հետևը Մարլբորոյա սպիտակ։
Աշոտ Հովհաննիսյան - Անցնում ա էն ձախ թևինից, հա՞։
Անդրանիկ Գրիգորյան - Ապեր, էն ջուր խմելու տեղից մի հինգ տաս մետր առաջ ա էթում, էդ արձանները դրած ա, ջոգի՞ր։
Աշոտ Հովհաննիսյան - Լավ ապեր։
Հարություն Գարեգինյանի և Աշոտ Հովհաննիսյանի միջև 2014թ-ի հունվարի 23-ին ժամը 15։38-ին տեղի ունեցած հեռախոսային խոսակցության բովանդակությունը.
Հարություն Գարեգինյան - Հա ապեր։
Աշոտ Հովհաննիսյան - Հարութ, դու էդ այգին գիտես չէ, գնացել ես ըտեղ։
Հարություն Գարեգինյան - Ուրդե՞ղ։
Աշոտ Հովհաննիսյան - Էդ սադը իրանց։
Հարություն Գարեգինյան - Ի՞նչ սադ ախպեր։
Աշոտ Հովհաննիսյան - Ապեր, դե ըտենց ուղիղ գնա, աջտ նայելով մի հատ այգի կա։ Ուղիղ գնա, այգի ա աջ թևի վրա ա, հուշարձան կա, դրա դեմը կայնի։
Հարություն Գարեգինյան - Հա ախպեր, հա։
Սուրեն Ազիզյանի և Աշոտ Հովհաննիսյանի միջև 2014թ. հունվարի 23-ին՝ ժամը 15։39-ին, տեղի ունեցած հեռախոսային խոսակցության բովանդակությունը.
Սուրեն Ազիզյան - Հա ախպերս։
Աշոտ Հովհաննիսյան - Ընկեր, ավտոյի մե՞ջ ես չէ դու։ Դե հեսա էթա, էդ սադի մոտը կայնի, դու իջի, ախպեր, հեռախոսը մի անջատի, ես բացատրեմ ուր էթաս վեկալես, եղա՞վ։
Սուրեն Ազիզյան - Հա, հեսա մի րոպե։
Աշոտ Հովհաննիսյան - Աջի վրա նայեք, հեսա կտենանք էդ սադը։
Նույն օրը՝ ժամը 15։42-ին.
Սուրեն Ազիզյան - Հա ախպերս։
Աշոտ Հովհաննիսյան - Ընկեր, դու իջի վեկալ, իրան ասա քեզ գա տակով վեկալի։
Սուրեն Ազիզյան - Եղավ, ցավդ տանեմ, ես իջնում եմ վոբշըմ էդ բանի մոտ։
Աշոտ Հովհաննիսյան - Հուշարձանի՞։ Իջի, մի ականջիցդ դիր, ասեմ։ Իջա՞ր, պուլպուլակը հասա՞ր։
Սուրեն Ազիզյան - Հա։(Սուրոն դիմում է իր կողքինին` ախպեր դու գնա աջով թեքվի, ըտեղից մի 50 մետր քայլի էլի)։ Վսյո ախպերս, լսում եմ։
Աշոտ Հովհաննիսյան - Հա, իջի մոտեցի պուլպուլակի դեմը, իրեք հատ հուշարձան կա, փոքր, չէ՞։
Սուրեն Ազիզյան - Ահա։
Աշոտ Հովհաննիսյան - Մեջտեղինի հետև բան ա գցած, մալբորո պաշկա, վեկալ ապեր։
Սուրեն Ազիզյան - Լավ, ցավդ տանեմ։
Աշոտ Հովհաննիսյան - Հըլը մի դիր, տես, տեսար, նոր։
Սուրեն Ազիզյան - ----------- Հա, ճմրթած մարլբորոյի պաչկա տեսա ախպեր։
Աշոտ Հովհաննիսյան - Հա, վեկալ ախպեր էտիկ։
Սուրեն Ազիզյան - Հա։
Աշոտ Հովհաննիսյան - Վեկալ գնա նստի ավտոն ապեր։
Սուրեն Ազիզյան - Հա։
Մարատ Հարությունյանի և Աշոտ Հովհաննիսյանի միջև 2014թ-ի հունվարի 23-ին ժամը 15։44-ին տեղի ունեցած հեռախոսային խոսակցության բովանդակությունը.
Մարատ Հարությունյան - Հա ընկեր։
Աշոտ Հովհաննիսյան - Դու որտե՞ղ ես կայնած հիմի։
Մարատ Հարությունյան - Ընկեր հիմի բանվորի արձանի մոտ։
Աշոտ Հովհաննիսյան - Դե իջի Նորագավիթի մոստը ֆռա, կայնի ջոկիր։
Մարատ Հարությունյան - Հա ջոկի։
Աշոտ Հովհաննիսյան - Դեպի Երևանի յան կայնի հեսա մոտենան կզանգեմ։
Մենակ շուտ, վեկալել են արդեն, գալիս են։
Մարատ Հարությունյան - Հա ընկեր։
Անդրանիկ Գրիգորյանի և Աշոտ Հովհաննիսյանի միջև 2014թ-ի հունվարի 23-ին ժամը 15։47-ին տեղի ունեցած հեռախոսային խոսակցության բովանդակությունը.
Անդրանիկ Գրիգորյան - Հա ապեր ասա։
Աշոտ Հովհաննիսյան - Ապեր, մեկի ծերից վեկալած ա։
Անդրանիկ Գրիգորյան - Ո՞նց կարող ա։
Աշոտ Հովհաննիսյան - Զարմանում եմ, էդ եմ զարմանում, պաչկի մեջ եմ ասում նայեք, նայում են, ասում են` չկա մի հատ հատի ծերից պոկած ա։
Անդրանիկ Գրիգորյան - Ձև չի, հեսա ասեմ։
Աշոտ Հովհաննիսյան - Ուզում ես 3-րդ գիծ զանգեմ։ Երկու հոգի են անծանոթ մարդիկ են, չեն կարա խաբեն ընկեր։
Անդրանիկ Գրիգորյան - Հեսա զանգեմ ախպեր։
Աշոտ Հովհաննիսյան - Մի հատ զանգի ախպեր։
Անդրանիկ Գրիգորյան - Յա։
Այնուհետև Աշոտ Հովհաննիսյանը միացել է 3-րդ գիծ և միաժամանակ խոսել են
Աշոտ Հովհաննիսյանը, Արթուր Բարոյանը և Հարորւթյուն Գարեգինյանը.
Աշոտ Հովհաննիսյան - Հա Արթուր։
Արթուր Բարոյան - Էդ երեք հատը խի՞ա երեխու մոտ ցավդ տանեմ։
Աշոտ Հովհաննիսյան - Արա էրեխու մոտ չի, իմ ընկերոջ մոտ ա, դու քո մի հատը վեկալ իջի, Նորագավիթ իջնում ա։
Արթուր Բարոյան - Ասում ա` ջարդած ա էն մի հատն էլ ախպեր։
Աշոտ Հովհաննիսյան - Հա դու քո մի հատ ցելին վեկալ գնա։
Արթուր Բարոյան - Հա, բա հետը մարդ են նստցրել ախպեր։
Աշոտ Հովհաննիսյան - Արա հեսա Նորագավիթ իջնում ա ախպեր։
Արթուր Բարոյան - Հարութիկ, ըտեղից սաղլամ մի հատիկը կվեկալես։
Հարություն Գարեգինյան - Հա։
Աշոտ Հովհաննիսյան - Հարութիկ պաչկեն շուռ տվեք, պաչկի մեջ ա կոտրած կտորը։
Հարություն Գարեգինյան - Արա ախպեր։
Արթուր Բարոյան - Արա Հարութիկ դու ցելի սաղլամ մի կտոր վեկալում ես, մնացածը տալիս ես կողիդ տղեն, որ նստած ա իրան։
Աշոտ Հովհաննիսյան - Ու կայնի մերսեդեսի մոտը թող իջնի։
Հարություն Գարեգինյան - Լավ։
Աշոտ Հովհաննիսյան - Պաչկեն տուր էդ տղուն, թող վեկալի։
Հարություն Գարեգինյան - Պաչկեն ստեղ ա, բայց պաչկի մեջ չկա։
Արթուր Բարոյան - Հարութիկ հըլը հեռախոսը տուր էդ տղուն։
Հարություն Գարեգինյանը հեռախոսը փոխանցել է Սուրեն Ազիզյանին.
Սուրեն Ազիզյան - Ալո։
Աշոտ Հովհաննիսյան - Ախպերս հլը պաչկի մեջը նայի մեջը չի՞։
Սուրեն Ազիզյան - Չե, մեռնեմ քեզ, ինքը ցելաֆոնով բան արածա, ցելաֆոն ու բաց վիճակ ա։
Աշոտ Հովհաննիսյան - Դու էդ կոտրածն ու էդ մի հատը վեկալ, հեսա Նորագավիթը թեքվեք, մեր ընկերը ընդեղ ա մերսեդեսով, կիջնես, կնստես իրա ավտոն։
Սուրեն Ազիզյան - Հենց ստեղ էլ կարայի իջնեի էլի։
Աշոտ Հովհաննիսյան - Ապեր էդ Նորագավիթի մոստի մոտ իջի էլի ախպեր, մեր ախպերն ա քեզ որտեղ որ պետք ա, կտանի էլի։
Սուրեն Ազիզյան - Ես ստեղ եմ մնում, ստեղ էլ եկել էի։
Աշոտ Հովհաննիսյան - Դե կֆռա քեզ հետ կտանի ախպեր։
Սուրեն Ազիզյան - Լավ ախպերս։
Աշոտ Հովհաննիսյան - Լավ։
Նույն ժամանակ Աշոտ Հովհաննիսյանը միացել է Մարատ Հարությունյանին և սկսել է զրուցել նրա հետ։
Աշոտ Հովհաննիսյան - Հա Մար։
Մարատ Հարությունյան - Ես մոստը անցել եմ, դեպի որ էթում ա Նորագավիթ, հենց մոստը անցել եմ, կարմիր խանութ ա շինանյութի, կայնած եմ։
Աշոտ Հովհաննիսյան - Դե կայնի ըտեղ, թող մեջից իջնի։
Սուրեն Ազիզյանի և Աշոտ Հովհաննիսյանի միջև 2014թ-ի հունվարի 23-ին ժամը 15։51-ին տեղի ունեցած հեռախոսային խոսակցության բովանդակությունը.
Սուրեն Ազիզյան - Հա ընկեր։
Աշոտ Հովհաննիսյան - Ախպերս, ըտե մինչև մոստ չհասած ձախի վրա ինքը կայնած ա մերսեդեսով, ավարիոնիները միացրած։ Կկայնես, էդ երկու հատիկը վեկալ, իջի նստի իրա ավտոն, էդ որ կոտրած ա, ինչքա՞ն ա կոտրած։
Սուրեն Ազիզյան - Ասում եմ երևի մի չետվեռտինկի չափ էլի, եսիմ ախպեր, կեսից որ հանես, կեսի չորրորդ մասը, եսիմ։
Աշոտ Հովհաննիսյան - Ապեր, մի րոպե, դու անջատի, հեսա երրորդ գիծ եմ միացնում։
Անդրանիկ Գրիգորյանի և Աշոտ Հովհաննիսյանի միջև 2014թ-ի հունվարի 23-ին ժամը 15։51-ին տեղի ունեցած հեռախոսային խոսակցության բովանդակությունը.
Անդրանիկ Գրիգորյան - Ախպեր, լսի, հա տոչնի ա, ճիշտ են ասում ընկեր, մի հատից էն կլոր մասից մի քիչ թռած ա էդի ես հեսա բան անելուց կտամ։
Աշոտ Հովհաննիսյան - Ասում ա էն մի չետվեռտինկի չափ կտրած ա։
Անդրանիկ Գրիգորյան - Մեռա ասելով, տենց բանը ինձի ասեք, էլ չի եղել, էդ վերջինն ա եղել, ասում ա ախպեր, ինքը չկար, դրա համար դրի, ասի` բես, ասա ընձի գոնե։ Ինչքա՞ն ա թռած։
Աշոտ Հովհաննիսյան - Չետվեռտինկի չափ։
Անդրանիկ Գրիգորյան - Չէ, չէ, ավելի քիչ, բայց ես բան կանեմ, դրանից շատ բան կանեմ մյուս անգամ քեզի ընկեր։
Աշոտ Հովհաննիսյան - Իմս չի է ախր դրա համար։ Լավ ես կասեմ ախպեր, տենամ հեսա, փող ա ուզում, հետ կտամ ես։
Անդրանիկ Գրիգորյան - Հա ասա ախպեր, հիմա մյուս վերցնելուց էդի կլրացնենք, էդի հեչ։
Աշոտ Հովհաննիսյան - Լավ ախպեր։
Սուրեն Ազիզյանի և Աշոտ Հովհաննիսյանի միջև 2014թ-ի հունվարի 23-ին ժամը 15։53-ին տեղի ունեցած հեռախոսային խոսակցության բովանդակությունը.
Աշոտ Հովհաննիսյան - Դու էն ցելին դիր ջեբդ, էդ դրան ոնց կա, տենց փաթաթած կտաս մերսեդեսի տիրոջը, եղա՞վ։
Սուրեն Ազիզյան - Լավ ցավդ տանեմ։ Հեսա իրան տենամ, զանգե՞մ քեզի։
Աշոտ Հովհաննիսյան - Հա, դու քշի, տենց մի էլ դիր, որ ես հեսա իրան ասեմ, ծերից թռած ա, վերջինն ա, չի եղել էլ, ախպեր, վաղը վաստանավիտ կանենք։
Սուրեն Ազիզյան - Ախպեր, բայց իրանք ատկա՞զ են անում, որ ջարդած ա։
Աշոտ Հովհաննիսյան - Չէ, չէ, գիտեն, որ տենց ա ախպեր, գիտեն։
Սուրեն Ազիզյան - Հա, լավ ախպերս։
Աշոտ Հովհաննիսյան - Հա։ Ապեր, որ բան անի` ասի քոնը, ասա` ես չունեմ, էդի քո համար վեկալեցի, էլ չկար, վռոդի դու չէս վեկալել, չիմանա մոտդ ցելի ա էլի, ջոգու՞մ ես։
Սուրեն Ազիզյան - Հա, հա։
Աշոտ Հովհաննիսյան - Խոսակցություն չլինի, ընկեր։
Սուրեն Ազիզյան - Լավ։
Աշոտ Հովհաննիսյան - Լավ։
Մարատ Հարությունյանի և Աշոտ Հովհաննիսյանի միջև 2014թ-ի հունվարի 23-ին ժամը 15։54-ին տեղի ունեցած հեռախոսային խոսակցության բովանդակությունը.
Աշոտ Հովհաննիսյան - ծերից թռած ա, ասում ա վաղը վեկալելուց ես դրանից երկու անգամ ավել։
Մարատ Հարությունյան - Արա ընկեր ջան, ութ հատ բան եք վեկալե արա, ինը հոգի մաշինի մեջ մարդ կա, արա ախպեր ջան, արա։
Աշոտ Հովհաննիսյան - Արա, երկու հատ բան ենք վեկալել, ինչ ութ հատ, երկու հատ։
Մարատ Հարությունյան - Բա հարյուր հոգու գռուզ կա, սաղինը տոչնի ա, մենակ իմն ա տենց ախպեր։ Իրեք չորս հատ բան եք վեկալել արա։
Աշոտ Հովհաննիսյան - Ախպեր, լսի ինչ եմ ասում, իրեք հատ բան ա եղել։
Մարատ Հարությունյան - Արա, ոնց որ ----------, ոնց ուզենաք տենց քշեք։
Աշոտ Հովհաննիսյան - Մարատ, եթե վաղը քու ապրանքը վաստանավիտ չանեմ, ամոթ ինձ, ախպեր։
Մարատ Հարությունյան - Արա ընկեր ջան, ինձի խ՞ի ես վաստանավիտ անում։
Աշոտ Հովհաննիսյան - Տալուց ախպեր, դրանից ավել հետը կտամ, մեռնեմ սրտիդ։
Մարատ Հարությունյան - Արա ինձի տենց պետք չի, դրանից ավել, հիսուն հազար փող ենք տալիս։
Աշոտ Հովհաննիսյան - Ուզում ես փողը հետ տամ ախպեր։
Մարատ Հարությունյան - Արա, հասկացանք, հըմի լոմկա փողը հետ տաս, հա՞ ախպեր։
Աշոտ Հովհաննիսյան - Դե չէ ընկեր, լսի ինչ եմ ասում, դու ես հիմա իմ հարազատը, մեռնեմ սրտիդ, ես քեզ ասում եմ վաղը ինչքան պակաս ա, երկու էդքան հետ տանք։
Մարատ Հարությունյան - Արա, լավ Աշոտ ջան, ---------, պռոստո տենց ինչ ասում եք, մի բան ձեզի չէ չեմ ասում արա, ------------։
Աշոտ Հովհաննիսյան - Լսի, ինչ եմ ասում։
Մարատ Հարությունյան - --------- ութ հոգի մեջը բան ունեն, էդ ով ա ինձնից լավը։
Աշոտ Հովհաննիսյան - Արա, հորս արև, թե իրեք հատ չի, երեխեքիս արև, նայի ինչ եմ ասում։
Մարատ Հարությունյան - Արա, իրեք հատ ա, մեջից մենակ իմն ա, հա տենց ընկեր։
Աշոտ Հովհաննիսյան - Դե դու ես իմ հարազատը, ցավդ տանեմ։
Մարատ Հարությունյան - Ապեր, ինչքա՞ն ա վրից պոկած հարցնում են։
Աշոտ Հովհաննիսյան - Ասում ա ծերի մասից ա պոկած, հեսա բերում են, տան, չկայնա՞վ հըլը։
Մարատ Հարությունյան - Չէ, թող բերեն հըլը տենամ։ Չէ, ավտո չի կայնել ստեղ հըլը ընկեր։
Աշոտ Հովհաննիսյան - Որ ասում ես ութ հատ, երեխեքիս արև իրեք հատ բան ա ելել։
Մարատ Հարությունյան - Արա լավ ախպեր արա։ Էդ էլ պոկում տալս եք-------։ Ու կվեկալեն արա, ------------, ինչ ա կես խազ դեղ անեն։
Աշոտ Հովհաննիսյան - Ապեր չէ, լսի, ինքն ա պակաս դրել, ապեր, նոր զանգի ասի կոտրած ա արա։
Մարատ Հարությունյան - Եղավ ընկեր, գոնե վրից թռած լինի, -----------, հիսուն հազար փող ենք տալիս ընկեր ջան։
Աշոտ Հովհաննիսյան - Արա, երկու հոգի են մեջը ախպեր, Հովուշն ա, մեկ էլ էն Արթուրի ընկերն ա, էդ էլ տանում են հիվանդանոց, էն բանին ախպեր, էն Չլենթ ա, ինչ ա, էդի հիվանդանոց պառկած ա, դրան են տանում ընկեր, ջոգում ես, մեջների հարազատը դու ես, որ ասեմ ոչինչ ապեր, Մարատ ջան, վաղը կդնենք տեղը։
Հովհաննես Կարապետյանի և Աշոտ Հովհաննիսյանի միջև 2014թ-ի հունվարի 23-ին ժամը 16։06-ին տեղի ունեցած հեռախոսային խոսակցության բովանդակությունը.
Աշոտ Հովհաննիսյան - Ալո։
Հովհաննես Կարապետյան - Աշոտ, բռնին դրան արա, հայհոյանք։
Աշոտ Հովհաննիսյան - Հա, Հովուշ ջան։
Հովհաննես Կարապետյան - Արա, ախպեր, լսում ես, էն մեր ընկերը, որ նոր զանգել էր քեզ։
Աշոտ Հովհաննիսյան - Հա։
Հովհաննես Կարապետյան - Արա, հենց նոր հետը խոսում էի, տվին պոլին արա։
Աշոտ Հովհաննիսյան - Ո՞ւմ ախպեր։
Հովհաննես Կարապետյան - Արա, ընկերոջս, Սուրոյին, որ ասել էի զանգեց քեզ։
Աշոտ Հովհաննիսյան - Հա։
Հովհաննես Կարապետյան - Արա, հեռախոսով հետն էի խոսում, տվին պոլին արա։
Աշոտ Հովհաննիսյան - Արա, լավ է։
Հովհաննես Կարապետյան - Մորս արև ախպեր արա։ Խոսում եմ ախպեր հետը տենց, խոսում եմ, էթում ա, մեկ էլ հառախոսը/չի ավ./։
Աշոտ Հովհաննիսյան - Հըլը մի րոպե շուտ ընդեղ ասեմ, թռնի։
Մարատ Հարությունյանի և Աշոտ Հովհաննիսյանի միջև 2014թ-ի հունվարի 23-ին ժամը 16։07-ին տեղի ունեցած հեռախոսային խոսակցության բովանդակությունը.
Մարատ Հարությունյան - Հա ընկեր։
Աշոտ Հովհաննիսյան - Մարատ, շախուռ ա, ուսուլով ընկեր, էն մեկիn տվին գետին, զգույշ էլի։
Մարատ Հարությունյան - Չէ հա, տվի՞ն գետին։
Աշոտ Հովհաննիսյան - Հա, զգույշ մնա ապեր, էդի մի տեղ պահի։
Մարատ Հարությունյան - Հա, լավ։
Անդրանիկ Գրիգորյանի և Աշոտ Հովհաննիսյանի միջև 2014թ-ի հունվարի 23-ին ժամը 16։08-ին տեղի ունեցած հեռախոսային խոսակցության բովանդակությունը.
Անդրանիկ Գրիգորյան - Հա ընկեր։
Աշոտ Հովհաննիսյան - Ապեր, տվին գետին արա։
Անդրանիկ Գրիգորյան - Լավ է։
Աշոտ Հովհաննիսյան - -----------Նորագավիթի մեջ։
Անդրանիկ Գրիգորյան - Ո՞նց ախպեր։
Աշոտ Հովհաննիսյան - Արսենին ասա, անհայտանա ընդեղից։
Անդրանիկ Գրիգորյան - Խի՞։
Աշոտ Հովհաննիսյան - Բա ախպեր, եսիմ, փողը ինքն ա տվել։ Ով որ փողը տվեց, դրան վեկալին։
Անդրանիկ Գրիգորյան - Այ քեզի բան ախպեր, Արսենը ինչ կապ ունի ախպեր, տալիս ա տվել ա։
Անդրանիկ Գրիգորյան - Հըլը լսի, հա բայց ընդե ինչ, ախպեր։ Ո՞վ ա էդի։
Աշոտ Հովհաննիսյան - Մեր Հովուշի ընկերն ա, ինքն էլ մաքուր տղայա, վրեն էլ մի հատ ա։
Անդրանիկ Գրիգորյան - Այսինքն։
Աշոտ Հովհաննիսյան - Էլ ինչ, այսինքն։ Արա, Նորագավիթի տղա էր, իջըցրին դրան, գնացին, ընդեղ վեկալին Նորագավիթի մեջ։
Անդրանիկ Գրիգորյան - Նորագավիթցո՞ւն։
Աշոտ Հովհաննիսյան - Հա, ոնց որ Նորագավիթցի ա։
Անդրանիկ Գրիգորյան - Այ քեզի բան։
Աշոտ Հովհաննիսյան - Հըլը լավ, հեսա ուտաչնիտ անեմ, կզանգեմ։
Անդրանիկ Գրիգորյան - Արա, ընկեր ջան, հըլը մի հատ նայի տոչնի , էդի ո՞վ ա, ինչ ա, բան չանի ախպեր։
Աշոտ Հովհաննիսյան - Լավ ախպեր։
Հովհաննես Կարապետյանի և Աշոտ Հովհաննիսյանի միջև 2014թ-ի հունվարի 23-ին ժամը 16։09-ին տեղի ունեցած հեռախոսային խոսակցության բովանդակությունը.
Հովհաննես Կարապետյան - Հա։
Աշոտ Հովհաննիսյան - Ապեր, տղեքին։
Հովհաննես Կարապետյան - Այնթափցի ա ինքը։
Աշոտ Հովհաննիսյան - Հա դե լավ ախպեր։ Կարողա վեկալել են, տենան սրսկվում ա, վրեն հո՞ չեն բռնել։
Հովհաննես Կարապետյան - Ախպեր, ըտեղից ոնց որ էթա, զանգել էր ընձի, բա ախպեր, վերցրի, տոչնի ա, տենց խոսում էինq, դե ստից էր ազատվել, նոր էր ազատվել։
Աշոտ Հովհաննիսյան - Ե՞փ էր գնացել։
Հովհաննես Կարապետյան - Արա, հենց նոր ախպեր, խոսում էի, մեկ էլ հեռախոը դե ձեռից գցին, ձեները` լսում եմ` ձեռս, ձեռս, վախ, վախ, ընդից բան անում։
Արթուր Բարոյանի և Աշոտ Հովհաննիսյանի միջև 2014թ-ի հունվարի 23-ին ժամը 16։14-ին, տեղի ունեցած հեռախոսային խոսակցության բովանդակությունը.
Արթուր Բարոյան - Հա ապեր։
Աշոտ Հովհաննիսյան - Արթուր, Հարութն ո՞ւր ա, որ։
Արթուր Բարոյան - Արա, չեմ իմանում, հորս արև, համարն ա անջատել։
Աշոտ Հովհաննիսյան - Արա, լսի, նոր էն մեկին տվել են գետնին։
Արթուր Բարոյան - Արա, վայ արա, շան տղա լինեմ արա, էս ինչ արիր Աշոտ դու արա։
Աշոտ Հովհաննիսյան - Ես ինչ արի, այ քեզի բան։
Արթուր Բարոյան - Արա, լավ, ........... արա։
Աշոտ Հովհաննիսյան - Հըլը մի հատ շուշուտ զանգի։
Արթուր Բարոյան - Արա, ինչ զանգեմ, չեմ կարում կապնվեմ արա։
Աշոտ Հովհաննիսյան - Հըլը թող ես կապնվեմ։
Անդրանիկ Գրիգորյանի և Աշոտ Հովհաննիսյանի միջև 2014թ-ի հունվարի 23-ին ժամը 16։15-ին տեղի ունեցած հեռախոսային խոսակցության բովանդակությունը.
Անդրանիկ Գրիգորյան - Հա ընկեր։
Աշոտ Հովհաննիսյան - Թային էլ վեկալին արա։
Անդրանիկ Գրիգորյան - Ո՞ւմը
Աշոտ Հովհաննիսյան - Էն 07-ի շոֆեռին, որ մոտեցել ա։
Անդրանիկ Գրիգորյան - Ոնց ախպեր։
Աշոտ Հովհաննիսյան - Հա ապեր։ Արա, էդ 31-ը ասինք պադազռիտելնի ա .....։
Անդրանիկ Գրիգորյան - Արա հնարավոր չի ախպեր։
Աշոտ Հովհաննիսյան - Արա դե ոնց հնարավոր չի, երկուսին էլ վեկալել են, ասում ա հնարավոր չի։
Անդրանիկ Գրիգորյան - Ախպեր, ընդեղից հնարավոր չի, ուրեմն նրանց հետ ա եկել էդի։
Աշոտ Հովհաննիսյան - Իրանց հետ չի կարա գա ախպեր։ Անկապ մարդիկ են, վաբշե կապ չունեն դեղի հետ։
Անդրանիկ Գրիգորյան - Ըտե էլ ձև չկա ախպեր։
Աշոտ Հովհաննիսյան - Արա լավ է։
Անդրանիկ Գրիգորյան - Ասում եմ ըտեղ էլ ձև չկա եղո։
Աշոտ Հովհաննիսյան - Լավ հըլը կայնի։
Անդրանիկ Գրիգորյան - Ոնց կլինի, էդի լսի հըլը, դրանցից ո՞ր մեկն ա տարել տվել փողը։
Հովհաննես Կարապետյանի և Աշոտ Հովհաննիսյանի միջև 2014թ-ի հունվարի 23-ին ժամը 16։19-ին, տեղի ունեցած հեռախոսային խոսակցության բովանդակությունը.
Աշոտ Հովհաննիսյան -...........էն Արթուրի մարդուն էլ վեկալին։
Հովհաննես Կարապետյան - Վերցրի՞ն։
Աշոտ Հովհաննիսյան - Հա։
Հովհաննես Կարապետյան - Նո՞ր։
Աշոտ Հովհաննիսյան - Հա, դե անհասանելի կոխեց, չեմ իմանում։
Հովհաննես Կարապետյան - Է հա ախպեր, ուրեմն վերցրել են էլի, արա էդ ինչ չարխ էր ախպեր, էդ ու՞ր են գնացել, ես չեմ ջոգում։
Աշոտ Հովհաննիսյան - Արա գնացին, ոնց, միշտ, մի տեղից վեկալում են ..............։
Հովհաննես Կարապետյան -.................Էն նրան հարյուր տոկոս վեկալան, էդ մարդուն չգիտեմ, էս սրան հաստատ որ վերցրին, ես ձեները լսա, խոսակցությունները։
Աշոտ Հովհաննիսյան - Նոր էլ ազատվել էր, հա՞։
Հովհաննես Կարապետյան -...........Հարիֆին արա ղրկինք գնաց։
Աշոտ Հովհաննիսյան - Այ քեզ բան արա։
Հովհաննես Կարապետյան - Արա, նենց բան էր, դե հըմի ընկեր ա, զանգել ա, լավ չեմ, լավ չեմ, ասի ախպեր, հես ա կայնի։
Հովհաննես Կարապետյան - Իրա հե՞տ ա եղել։
Աշոտ Հովհաննիսյան - Բերեց իջացրեց գնաց, իրան առանձին վեկալին, նրան առանձին։
Հովհաննես Կարապետյան - Լսի հըլը, էդ հոգավորի մոտ փող ա եղե՞լ էդ եվռոներից դրա մո՞տ էլ կար։
Աշոտ Հովհաննիսյան - Հա։
Հովհաննես Կարապետյան - Հա~։
Աշոտ Հովհաննիսյան - Հարյուր մանեթ էլ իրա մոտ կար։ Արա, ասա թե ինձ պետք ա արա։
Հովհաննես Կարապետյան - Ես չեմ ջոգում, պռոստը ինքը հասցրեց, ինչ արեց, պռոստո էս տղեն բիջ տղայա էլի, նենց չի որ միամիտ ա, ես նենց ուրիշ բան չեմ էլ մտածում, ընդեղ ուզում էր կորցներ էրևի, ընդեղ ձեռս, վախ, վախ, ու չջոգի էլ էլի։
Աշոտ Հովհաննիսյան - Լավ, հըլը ընկեր, տենանք հըլը ինչ ա լինում։
Հովհաննես Կարապետյան - Ախպերս, արա պռոստո ……………. քո համարին էր չէ իրա համարով զանգել։
Աշոտ Հովհաննիսյան - Հա։
Հովհաննես Կարապետյան - Ամեն դեպքում, որ լսում ես հըմի կալանավոր ենք ախպեր ջան, սենց իրար ճանաչում ենք, ինչ հարցով ա զանգել, ես իմ մի բան մտածի էլի, մի բանի հըմար զանգել էր, մի բան էր հարցնում, էդ ձև, թե չէ, ոչ մի բան, եղա՞վ։
Աշոտ Հովհաննիսյան - Լավ։
Հովհաննես Կարապետյան - Լավ։
Անդրանիկ Գրիգորյանի և Աշոտ Հովհաննիսյանի միջև 2014թ-ի հունվարի 23-ին ժամը 16։25-ին, տեղի ունեցած հեռախոսային խոսակցության բովանդակությունը.
Աշոտ Հովհաննիսյան - Հա ապեր։
Անդրանիկ Գրիգորյան - Եղո հըլը լսի, էդ Շենգավիթցի Հովուշիկի ընկերնե՞րն են։
Աշոտ Հովհաննիսյան - Հա։
Անդրանիկ Գրիգորյան - Հա։
Աշոտ Հովհաննիսյան - Իմացա՞ր ով ա։
Անդրանիկ Գրիգորյան - Չէ։ Հովուշիկը որ կա եղո, տղուս ընկերն ա մոտիկ։
Աշոտ Հովհաննիսյան - Հա՞։
Անդրանիկ Գրիգորյան - Հա։ Եթե Հովուշի ընկերներն են, նորմալ տղեք պտի լինեն էլի պրինցիպի։ Ի՞նչ պտի ասեն որ։
Աշոտ Հովհաննիսյան - ------------կոճկվանք։ Տենց բան չէր եղել, չէ՞։
Անդրանիկ Գրիգորյան - Չէ, արա։
Աշոտ Հովհաննիսյան - Մաքուր աշխատում էինք։
Անդրանիկ Գրիգորյան - ----------- եսիմ ով ա ընկել մեջը, չենք ջոգել,--------, մի տեղից էլ նենց ա, որ կանչում եմ էդ հարիֆը գալիս ա ախպեր, ուրիշ մարդ էլ ըտից հարյուր տոկոս չի բան անում -------------------։
Անդրանիկ Գրիգորյան - Էդի իրանց հետ ա եղել, ուրեմն իրանց մեջ մարդ ա եղել։
Աշոտ Հովհաննիսյան - Չէ, ախպերս, մեկը տաքսու շոֆեռն ա եղել։
Անդրանիկ Գրիգորյան - Դե որ կուրսի չէ։
Աշոտ Հովհաննիսյան - Ուրիշ մարդ չի եղել։
Անդրանիկ Գրիգորյան - Դե ուրեմն --------------, էդի հանելուկ ա, -----------------, ընդեղ, էդի որ գալում ա, երկու գեղ են կողմից ա գալում, էթում ա, էն էլ ոչ մեկի հետ ոչ մի բան, հնարավոր չի, ընդեղից էլ երկու իրեք հոգի ա, ավել մարդ թե օգտվում ա, հայհոյանք։
Աշոտ Հովհաննիսյան - ----------- Լավ հըլը ընկեր։
Անդրանիկ Գրիգորյան - Արա, ախպեր ջան, վոբշըմ տենց ասա, տալիք են եղել, տվել են, դու էլ ընձի ես տալիք եղել, տվել ես, կարո՞ղա մի հատ էլ շառ անեն վրեքս, ընկնենք քաքը---------։
Աշոտ Հովհաննիսյան - Սև օրերն եկավ էլի։ Դավայ ընկեր։
Նույն օրը՝ ժամը 18։09-ին.
Աշոտ Հովհաննիսյան - Եսիմ ախպեր, էն մեկի հետ խոսացի, ասում ա գային օպերների հետ լարեց, էն երրոդը չի բռնվել, ասում ա փախա, ավտոն էր ջարդել, հազիվ կորել էր Արտաշատի յաները։
Անդրանիկ Գրիգորյան - Հա, էդի ուժե բան անելուց, հա՞։
Աշոտ Հովհաննիսյան - Հա, զանգի դրան, ասի արա էդի անհայտացրա, ընդեղ վեկալին, ասեց լսի, ոնց որ շախոտ ա ու քշեց, ատբոյ դրեց, նոր ուրիշի հեռախոսի համար ուրիշին էր տվել, ուրիշ հեռախոսով զանգի, ասում ա եղո սենց սենց կառոչե, գայիչնիկը ջոգի հետևիցս գազ տված երկու հարյուրի տակ գալիս ա, քշի փախա, հետևիցս գոռալով բան, Արտաշատի գյուղերի մեջը կորցրել եմ, բայց ավտոիս հայհոյանք..., ավտոն թողելա տենց, նոր գնացել ա, ու գնացել ա հայաթներով, ասում ա ավտոն էլ չեմ իմանում, վեկալին, չվեկալին։
-----------------------
Աշոտ Հովհաննիսյան - Լսի հըլը Արսենին մարդ չի մոտիկցե՞լ ընդեղ։
Անդրանիկ Գրիգորյան - Արա չէ ախպեր արա։
Աշոտ Հովհաննիսյան - Չէ՞, լավ ախպեր։ Ինձ էդ ա հետաքրքրում։
Անդրանիկ Գրիգորյան - Որ մոտիկնան էլ ախպեր, ----------, դու ընձի տալիք ես ղրկել, ինչ պտի անեն էն նրան։ Էնի ինչ գիտի, ------------, թե էնի մի բան գիտի, կամ։
Աշոտ Հովհաննիսյան - Հա էդիկ հասկցանք, որ ընդեղ ընձի ասեն, հեսա դու ես տվել, համարները զանգել, էս ինչ տեղը տարել կայնցրել ես, ընդեղ երգեն -----------։
Անդրանիկ Գրիգորյան - Բա պտի չերգեն, բա ասում եք կարգին տղեք են։
Աշոտ Հովհաննիսյան - Դե հեչ, բայց թե ես իմ ստռախովկեն։
Անդրանիկ Գրիգորյան - Իրանք եթե հասկընան, էդի իրանց համար ա ոռի, որ երգեն ապեր, ընդեղ ոչ մի բան չի էդ մի հատիկը։
----------------------
Անդրանիկ Գրիգորյան - Թե չէ ընդեղ ուրիշ ոչ մի բան ախպեր, որ բան ըլնի ախպեր, ընդեղ դու տալիք ես, տաս օր առաջ պտի տայիր, նոր ես տվել, քու թավնի փողն ա, մենք եսիմ ինչ չենք հո։
Աշոտ Հովհաննիսյան - Ես ասում եմ ախպեր, անկապ զանգել խոսացել ենք, ստեղից, ընդեղից, ինչ դեղ, ինչ բան այ ախպեր, ես ինձի ուրդուց ըտենց բան, ըլնի, ես կանեմ։ Ատկազ ա իմս։
Անդրանիկ Գրիգորյան - Հա, հեչ, ես կանեմ ախպեր ջան, ես էլ տալիք էի ախպեր ջան, իրանք էլ փող ունեին, ասի տվեք տալիքս տամ, հետո կտամ։
Աշոտ Հովհաննիսյան - Տո ինչ փող ախպեր է, եթե չեն գնում Արսենի վրա հելնում։
Անդրանիկ Գրիգորյան - Եթե չեն էթում, վսյո, էլ ինչ։
Աշոտ Հովհաննիսյան - Ուրեմն էսիկ մի բան նիտոյա ախպեր։
Անդրանիկ Գրիգորյան - Հա, որ բան ըլներ, ընդեղ ուրեմն պտի էթային էլի արդեն։
Աշոտ Հովհաննիսյան - Հա։ Չէ, կարող ա պինդ են, չեն կոտրվում։
Անդրանիկ Գրիգորյան - Դե Աստված տա, արա ապեր, հիմա տենց եսիմ ինչ չկա է, ույբույով, ոնց ասին, տենց էթում ա։
Աշոտ Հովհաննիսյան - Արա, սիրտս էթում ա, էս էլ երրորդ ռասկրուտկես ա, էս էլ որ կպցնեն հինգից տաս տարով, ---------, ես ստեից դուրս չեմ գա արա, հիսուն տարեկան տղա եմ արա։
Ոմն «Կուզիայի» և Աշոտ Հովհաննիսյանի միջև 2014թ-ի հունվարի 23-ին ժամը 20։28-ին տեղի ունեցած հեռախոսային խոսակցության բովանդակությունը.
Աշոտ Հովհաննիսյան - ----------------- կարող ա մի հատ էլ ռասկռուտկա փաթթեն վրես։
Կուզիա - Խի՞։
Աշոտ Հովհաննիսյան - Եսիմ ստեղ մի հատ դեղ էինք ուզում վեկալեինք, պալիտ ելան դուրսը քաղմասից։
Կուզիա- Ընդե են հըմի։
Աշոտ Հովհաննիսյան - Հա։
Կուզիա- Այ քեզի բան։
Մարատ Հարությունյանի և Աշոտ Հովհաննիսյանի միջև 2014թ-ի հունվարի 24-ին ժամը 13։27-ին տեղի ունեցած հեռախոսային խոսակցության բովանդակությունը.
Աշոտ Հովհաննիսյան - Կռուգոմ քո անունն ա ախպեր։
Մարատ Հարությունյան - Ո՞նց իմ անունն ա։
Աշոտ Հովհաննիսյան - Իմ էլի։
Մարատ Հարությունյան - Քո՞։
Աշոտ Հովհաննիսյան - Հա։
Մարատ Հարությունյան - Տվե՞լ են։
Աշոտ Հովհաննիսյան - Հա, ասում ա` գիտեն ավանցի չաղ Աշոտն ա։ Ընենց ա էթում որ քո դեղն ա, կազմակերպիչ բան։
Մարատ Հարությունյան - Որ քո դեղն ա, կազմակերպիչ։
Աշոտ Հովհաննիսյան - Հա էլի տենց երևի։ Էն մեկին էրեկ թողել են։
---------------------
Աշոտ Հովհաննիսյան - Էս ում որ թողել են, ատկազ ա եկել, կուլ ա տվել, չեն կարացել վեկալեն։ Մենակ մնաց էն տաքսիստը։
Մարատ Հարությունյան - Բա իմ համար ի՞նչ են ասել դրանք, չե՞ք հարցրել։
Աշոտ Հովհաննիսյան – Չէ, վաբշե ոչ մի բան։
--------------------
Մարատ Հարությունյան - Բանն ա էլի 3-րդ մասն ա էլի։ Զանգեցին գիշերը մի չորս անգամ, հիմա առավոտը հելանք, էդ համարով հետ զանգինք, էդի ասեց դեպքը որտեղ որ եղել ա, ընդեղ գնացեք, որ տարածքում որ էղել ա ավարիան, ըտեղ գնացեք։ Նոր իջանք փոսի գայի, փոսի գայիից ղրգին Մասիսի գայի։ Հիմի Մասիսի գային էլ ղրգել ա քննիչի մոտ ում մոտ որ գործերն ա, գործ են կազմել, քննիչին են տվել։ Հիմի քննիչի մոտ են, սպասում են, որ մտնեն ախպեր, ես էլ ըտենց Արեշի մոտ եկա լռվա, մինչև մտնեն, հելնեն, տենամ` ի՞նչ են ասել։
Աշոտ Հովհաննիսյան - Համենայն դեպս մի քանի օր ակուրատնի չբռնեն, մնացածը հեչ։
Մարատ Հարությունյան - Հա-------------։
--------------------
Մարատ Հարությունյան - Հենա նոր գնացինք, տեսանք, --------, լավ ա չենք մեռնել, արա, հորս ազիզ արև արա։ Մինչև հիմա գեղացիք էդ թմբի վրեն են արա, հեծանիվներով, բանով։ Մի մարդաբոյից ավել բան ա թումբ ա, եկա տվի էդ թմբին, թմբի վրից հելավ ընկավ գետի մեջ։
Աշոտ Հովհաննիսյան - Շատ ա՞ բան եղել ավտոյին։
Մարատ Հարությունյան - ----------- ընկել էր լրիվ ջրի մեջ ախպեր։
Ղամիշներով գետ ա է էթում, ջոգի՞ր, այ դրա մեջ ա ընկել ավտոն։
Աշոտ Հովհաննիսյան - Հա։
Մարատ Հարությունյան - Դուռը բացի, սաղ ջուրը լցվավ մեջը։ Ապեր հիմա էն դրան որ թողել են, էն մեկն ա՞ հա բան արել։
Աշոտ Հովհաննիսյան - Էն նրան, ոնց որ արդեն տարել են ԿՊԶ։
Մարատ Հարությունյան - Ու՞ր են տարել։
Աշոտ Հովհաննիսյան - ԿՊԶ։
Մարատ Հարությունյան - Պռոստը էն մեկին ում որ թողել են, մի հատ դրանից ինձնից հարցրա էլի, տես ի՞նչ են ասել դրանք։
Աշոտ Հովհաննիսյան - Լավ։
Մարատ Հարությունյան - Տես ի՞նչ ա, մի հատ շուտ զանգի ախպեր։
Աշոտ Հովհաննիսյան - Լավ ապեր, որ թողեն կզանգեմ։
Մարատ Հարությունյան - Լավ ախպեր, սպասում եմ։
Նույն օրը՝ ժամը 15։56-ին.
Աշոտ Հովհաննիսյան - Ով որ քեզ տեսել ա, էնիկ դուրսն ա ախպեր։
Մարատ Հարությունյան - Տենո՞ղը ինձի։
Աշոտ Հովհաննիսյան - Հա։
Մարատ Հարությունյան - Հա՞։
Աշոտ Հովհաննիսյան - Էնիկ հասցրել ա բան ա արել, հափշտակել ա, ատկազով դուրսն ա, էն ա թողել են, էսօր կանչել են, գնացել ա, տանեն նարկալագիչսկի, բան, թողեն։
Մարատ Հարությունյան - Հա, դե տես ինչ ա, մի հատ շուտ խաբար արա, ես էլ ջոգեմ ինչ ա, մտել են ուժե էլի։
Աշոտ Հովհաննիսյան - Հենա ես էդքանը գիտեմ»։
Համաձայն անձնական խուզարկության ենթարկելու մասին 23.01.2015թ-ի արձանագրության՝ անձնական խուզարկության ժամանակ Հարություն Գարեգինյանի հագին եղած սև գույնի կաշվե բաճկոնի ձախ գրպանից հայտնաբերվել է ծխախոտի փայլաթիթեղի մեջ փաթեթավորված 1 դեղահաբ՝ սպիտակ գույնի, օվալաձև, վրան՝ B8 գրառումով։
Համաձայն դատաքիմիական փորձաքննության 23.01.2014թ-ի հ. 18Ք-14 եզրակացության` փորձաքննության ներկայացված դեղահաբի երկու կտորում հայտնաբերվել է 0,0078 գրամ ընդհանուր քաշով «Բուպրենորֆին» տեսակի թմրամիջոց։
ՀՀ ոստիկանության Երևան քաղաքի վարչության Շենգավիթի բաժնից ստացված Սուրեն Ազիզյանի վերաբերյալ նախապատրաստված նյութերով հաստատվել են հեռախոսային խոսակցությունների վերահսկում օպերատիվ-հետախուզական միջոցառման արդյունքների ամրագրման ամփոփագրերում առկա տեղեկությունները՝ 2014թ-ի հունվարի 23-ին Աշոտ Հովհաննիսյանի կողմից Հովհաննես Կարապետյանի միջոցով Սուրեն Ազիզյանին զգալի չափերով թմրամիջոց ապօրինի իրացնելու, վերջինիս կողմից թմրամիջոցն ապօրինի ձեռք բերելուց հետո այն գործածելու, ապա նրան ՀՀ ոստիկանության Շենգավիթի բաժին բերման ենթարկելու հանգամանքները։
Մասնավորապես, 2014թ-ի հունվարի 23-ին ժամը 21։30-ի սահմաններում, Սուրեն Ազիզյանը թմրամիջոց ապօրինի պահելու կասկածանքով ՀՀ ոստիկանության Երևան քաղաքի վարչության աշխատակիցների կողմից բերման է ենթարկվել ՀՀ ոստիկանության Շենգավիթի բաժին, որտեղ նրա անձնական խուզարկությամբ հայտնաբերվել է բջջային հեռախոս՝ 077-97-91-23 հեռախոսահամարով։
Նույն օրը ՀՀ ոստիկանության Երևան քաղաքի վարչության ՔՀԲ-ի 3-րդ բաժանմունքի օպերլիազոր, ոստիկանության ավագ լեյտենանտ Հ.Անոյանը զեկուցագիր է ներկայացրել ՀՀ ոստիկանության Շենգավիթի բաժնի պետին՝ այն մասին, որ 2014թ-ի հունվարի 23-ին բերման ենթարկելու նպատակով Սուրեն Ազիզյանին մոտենալիս տեսել է, որ վերջինս կուլ է տվել իր ձեռքին եղած սպիտակ գույնի դեղահաբը։
Համաձայն դատաքիմիական փորձաքննության թիվ 14-0208 եզրակացության` Սուրեն Ազիզյանից վերցված մեզի և մազի փորձանմուշների մեջ հայտնաբերվել են ափիոնի խմբին պատկանող թմրամիջոցի թմրալկալոիդներ։
ՀՀ ոստիկանության Ճանապարհային ոստիկանության ծառայության 2-րդ սպայական գումարտակի 1-ին վաշտում տեղի ունեցած ճանապարհատրանսպորտային պատահարի վերաբերյալ նախապատրաստված նյութերի համաձայն՝ հաստատվել են հեռախոսային խոսակցությունների վերահսկում օպերատիվ-հետախուզական միջոցառման արդյունքների ամրագրման ամփոփագրերում առկա տեղեկությունները՝ 2014թ-ի հունվարի 23-ին Աշոտ Հովհաննիսյանի կողմից Սուրեն Ազիզյանի և Հարություն Գարեգինյանի օժանդակությամբ Մարատ Հարությունյանին զգալի չափերով թմրամիջոց ապօրինի իրացնելու, ապա՝ Սուրեն Ազիզյանի բռնվելու մասին Աշոտ Հովհաննիսյանի կողմից Մարատ Հարությունյանին տեղեկացնելու, որից հետո՝ վերջինիս փախուստի դիմելու և վթարի ենթարկվելու հանգամանքները։
Մասնավորապես, ՀՀ ոստիկանության ճանապարհային ոստիկանություն ծառայության ՃՊԾ 2-րդ սպայական գումարտակի 1-ին սպայական վաշտում նյութերի նախապատրաստման ընթացքում պարզվել է, որ 2014թ-ի հունվարի 23-ին ժամը 16։10-ի սահմաններում, Արարատի մարզի Նորամարգ գյուղում «Մերսեդես Բենց E320» մակնիշի 34 AP 912 համարանիշի ավոմեքենայի մասնակցությամբ տեղի է ունեցել ՃՏՊ և վթարի վերաբերյալ Մարատ Հարությունյանի մասնակցությամբ կազմվել է սխեմա։
Համաձայն զննություն կատարելու մասին 19.02.2015թ-ի և լրացուցիչ զննություն կատարելու մասին 27.03.2015թ-ի արձանագրությունների՝ հաստատվել են թմրամիջոցներ ձեռք բերելու նպատակով դրանց արժեքը կազմող գումարները վճարելու ժամանակ Աշոտ Հովհաննիսյանի հեռախոսազրույցները Անդրանիկ Գրիգորյանի, ապա Արթուր Բարոյանի, Հովհաննես Կարապետյանի, Մարատ Հարությունյանի հետ, որից հետո՝ Աշոտ Հովհաննիսյանի և Սուրեն Ազիզյանի, Հարություն Գարեգինյանի, նույն ժամանակ Աշոտ Հովհաննիսյանի և Անդրանիկ Գրիգորյանի հեռախոսազրույցները, ապա վերջինիս և Արսեն Մեսրոպյանի հեռախոսակապը, դրանից հետո Աշոտ Հովհաննիսյանի ցուցումով Սուրեն Ազիզյանի, Հարություն Գարեգինյանի և Մարատ Հարությունյանի հանդիպումը, և թմրամիջոցներն ապօրինի ձեռք բերելու համար Աշոտ Հովհաննիսյանի պահանջով Սուրեն Ազիզյանի և Հարություն Գարեգինյանի մեկնման և թմրամիջոցները ձեռք բերելու ժամանակ վերջիններիս հեռախոսազրույցները, նույն ժամանակ Աշոտ Հովհաննիսյանի և Արթուր Բարոյանի, Անդրանիկ Գրիգորյանի հեռախոսազրույցները, որից հետո՝ Մարատ Հարությունյանի համար նախատեսված թմրամիջոցն Աշոտ Հովհաննիսյանի խնդրանքով Սուրեն Ազիզյանի և Հարություն Գարեգինյանի կողմից տեղափոխման, ապա Սուրեն Ազիզյանի կողմից թմրամիջոցը Մարատ Հարությունյանին հանձնելու ժամանակ Աշոտ Հովհաննիսյանի և Սուրեն Ազիզյանի, Հարություն Գարեգինյանի, Մարատ Հարությունյանի հեռախոսազրույցները, որոնք իրենց հաջորդականությամբ, տեղակայումներով, գործով ձեռք բերված այլ ապացույցների, այդ թվում՝ հեռախոսային խոսակցությունների վերահսկում օպերատիվ-հետախուզական միջոցառման արդյունքում Աշոտ Հովհաննիսյանի հեռախոսային խոսակցությունների բովանդակության տպագիր ամրագրմամբ ամփոփագրերում առկա մեղադրյալների միջև տեղի ունեցած խոսակցությունների, փորձաքննությունների եզրակացությունների, իրեղեն և այլ ապացույցների համակցությամբ հիմնավորվե են, որ Աշոտ Հովհաննիսյանն Անդրանիկ Գրիգորյանի հետ 2014թ-ի հունվարի 23-ին ընդհանուր՝ 150.000 ՀՀ դրամով Մարատ Հարությունյանին, Հովհաննես Կարապետյանի միջոցով Սուրեն Ազիզյանին, Հարություն Գարեգինյանի միջոցով Արթուր Բարոյանին ապօրինի իրացրել է, ընդհանուր՝ խոշոր չափերով՝ 0.021 գրամ «բուպրենորֆին» տեսակի թմրամիջոց պարունակող երեք դեղահատ։
Հարություն Գարեգինյանի մոտից անձնական խուզարկությամբ հայտնաբերված զգալի չափերով՝ 0.0078 գրամ «բուպրենորֆին» տեսակի թմրամիջոց պարունակող դեղահաբի 2 կտորները ճանաչվել են որպես իրեղեն ապացույց։
Համաձայն անձնական խուզարկության ենթարկելու մասին 23.01.2015թ-ի արձանագրության՝ անձնական խուզարկության ժամանակ Հարություն Գարեգինյանի հագին եղած սև գույնի կաշվե բաճկոնի աջ գրպանից հայտնաբերվել է սև գույնի «Ալկատել» և «Բիլայն» ֆիրմայի բջջային հեռախոսներ։
Համաձայն ՀՀ ԱՆ «Դատապարտյալների հիվանդանոց» քրեակատարողական հիմնարկի պետի 30.04.2014թ-ի հ. Ե 40/31-3-722 գրության՝ դատապարտյալ Աշոտ Հովհաննիսյանը մտերիմ հարաբերությունների մեջ է գտնվում «Դատապարտյալների հիվանդանոց» ՔԿ հիմնարկում պատիժը կրող դատապարտյալ Արթուր Բարոյանի, ինչպես նաև դատապարտյալներ Հովհաննես Կարապետյանի և Գոռ Մանուկյանի հետ։
Համաձայն ՀՀ ոստիկանության Երևան քաղաքի վարչության պետի 31.05.2014թ-ի թիվ 8/2-855 գրության՝ թիվ 11104314 քրեական գործով, ըստ ստացված տեղեկությունների, Հարություն Գարեգինյանի մոտից հայտնաբերված «սուբոտեքս» տեսակի թմրամիջոցի դեղահաբը նախատեսված է եղել ՀՀ ԱՆ «Դատապարտյալների հիվանդանոց» ՔԿՀ-ի դատապարտյալ Արթուր Բարոյանի համար, որն այդ թմրամիջոցը ձեռք բերելու համար դիմել է նույն ՔԿՀ-ի դատապարտյալ Աշոտ Հովհաննիսյանին, որն իր հերթին բջջային հեռախոսի միջոցով կապ է հաստատել ՀՀ ԱՆ «Արթիկ» ՔԿՀ-ի դատապարտյալ Անդրանիկ Գրիգորյանի հետ, ով մինչև դատապարտվելը բնակվել է Արարատի մարզի Այնթափ գյուղի 1-ին փողոցի 3-րդ տանը, որն իր հերթին բջջային հեռախոսակապի միջոցով, իր ընտանիքի անդամների օգնությամբ կազմակերպել է դեղահաբի փոխանցումը Հ.Գարեգինյանին։
Համաձայն այլ փաստաթղթերն ապացույց ճանաչելու և քրեական գործին կցելու մասին 27.03.2015թ-ի որոշման՝ թիվ 11104314 քրեական գործով փաստաթղթերը՝ Հարություն Գարեգինյանի անձնական խուզարկությամբ հայտնաբերված և առգրավված «Բիլայն» մոդելի բջջային հեռախոսը, ՀՀ ԱՆ «Դատապարտյալների հիվանդանոց» քրեակատարողական հիմնարկից 2014թ-ի ապրիլի 30-ին ստացված Ե-40/31-3-722 թվակիր գրությունը, ՀՀ ոստիկանության Երևան քաղաքի վարչությունից 2014թ-ի մայիսի 31-ին ստացված 8/2-855 թվակիր գրությունը, Աշոտ Հովհաննիսյանի հեռախոսային խոսակցությունների գաղտնալսումներ պարունակող ամփոփագրերը, ՀՀ ոստիկանության Շենգավիթի բաժնից 2014թ-ի հոկտեմբերի 15-ին ստացված՝ Սուրեն Ազիզյանի վերաբերյալ նախապատրաստված նյութերը, ՀՀ ոստիկանության «Ճանապարհային ոստիկանություն» ծառայության ՃՊԾ 2-րդ սպայական գումարտակի 1-ին սպայական վաշտից 2014թ-ի հոկտեմբերի 17-ին ստացված՝ Մարատ Հարությունյանի կողմից վթարի ենթարկվելու վերաբերյալ նախապատրաստված նյութերը, ՀՀ ԱՆ «Նուբարաշեն» քրեակատարողական հիմնարկից 2015թ-ի հունվարի 26-ին ստացված 40/18-2-2 թվակիր գրությունը, «Ղ-Տելոկոմ» ՓԲԸ-ից 2014թ-ի ապրիլի 14-ին, 2014թ-ի դեկտեմբերի 16-ին ստացված՝ Աշոտ Հովհաննիսյանի կողմից գործածված 093-02-61-10, Սուրեն Ազիզյանի կողմից գործածված 077-97-91-23, Հովհաննես Կարապետյանի կողմից գործածված 093-34-76-58, Արթուր Բարոյանի կողմից գործածված 093-99-88-78, Մարատ Հարությունյանի կողմից գործածված 098-88-66-76 և 094-10-76-06, Աշոտ Հովհաննիսյանի կողմից գործածված 094-17-12-76, Հարություն Գարեգինյանի կողմից գործածված 077-53-30-48, Անդրանիկ Գրիգորյանի կնոջ՝ Հոռոմսիմ Գրիգորյանի կողմից գործածված 094-46-70-15 հեռախոսահամարների մուտքային և ելքային հեռախոսազանգերի վերծանումներ պարունակող լազերային սկավառակները, նշված վերծանումներից արտատպված նյութերը ճանաչվել են ապացույց։
Համաձայն անձնական խուզարկություն կատարելու մասին 01.07.2014թ-ի արձանագրության` խուզարկությամբ Սարգիս Գալստյանի ձեռքին գտնվող թղթե ծանրոցից հայտնաբերվել է գործարանային արտադրության բաց շագանակագույն տետր, որի թաքստոցից հայտնաբերվել է պոլիէթիլենային թաղանթով փաթեթավորված սև գույնի ստվարաթուղթ, որի մեջից հայտնաբերվել է թվով 22 հատ պոլիէթիլենային թաղանթով փաթեթավորված փաթեթներ, որոնցից յուրաքանչյուրի մեջ առկա էին տաս հատ սպիտակ գույնի օվալաձև B8 գրառմամբ հաբեր՝ ընդհանուր 220 հաբեր։
Համաձայն դատաքիմիական փորձաքննության 02.07.2014թ-ի հ. 216 Ք-14 եզրակացության՝ փորձաքննության ներկայացված 220 հատ դեղահաբերում հայտնաբերվել է ընդհանուր՝ 1,76 գրամ քաշով բուպրենորֆին տեսակի թմրամիջոց։
Համաձայն հեռախոսային զրույցների գաղտնալսման ամփոփոգիրը զննելու մասին 06.02.2015թ-ի արձանագրության՝ Աշոտ Հովհաննիսյանի և Սարգիս Գալստյանի միջև տեղի են ունեցել հետևյալ բովանդակության հեռախոսային խոսակցություններ.
«Աշոտ Հովհաննիսյան - Հա՞, դու չես իմացել չէ՞ ինչ են ղրգելու քեզ։
Սարգիս Գալստյան - Արա, այ ախպեր, դու էդ կոմից արխային մնա։
Աշոտ Հովհաննիսյան - Արա, ուրիշ բան եմ ասում, լսի ուշադիր, դու չես իմանում ինչ են ղրգելու, ով ա ղրգելու։
Սարգիս Գալստյան - Հա, ես մի պասիլկա ստացել եմ շոր ա էղել, ես գիդեի էլի ա տենց ըլնելու։
Աշոտ Հովհաննիսյան - Հա, դե ֆսյո, ապեր, դու չես էլ բացել, չես իմացե ինչ ա.......։
Սարգիս Գալստյան - Է որդուց է, էդ անասուն ......., որ տենար ըտենց բարակ բան ա չստանար, վապշե։
Աշոտ Հովհաննիսյան - Լսի հլը, լսու՞մ ես, իսկ բանը, էն որ ես քեզ էտ օրը զանգում էի շուշուտ, անհասանելի էիր, պետք է իջնեիր ապառիկ վեկալեիր իմ հմար փող, եղա՞վ, դրա առաջին օրը իջել ես, մերժել են ուրբաթ օրը, ինձի փող էր պետք, խնդրել եմ քո անունով, որ փող հանես, ես հետո մուծեմ, եղա՞վ, դրա համար պետք ա զանգեի իջնեիր Մուշոյի հետ, եղա՞վ, ցավտ տանեմ, զանգերի հմար, որ հարցնեն, տենց քեզի պահի, դու դուրսն ես բան չկա, ընկեր, մեկ էլ լսի ինչ եմ ասում։
----------------
Աշոտ Հովհաննիսյան - Ա ասում եմ դուսն ես էլի ըտենց դեպքում, մարդ կա գիտեմ, ախպեր, կարող ա վախցնեն՝ հեռախոս են լսել, բան, բերեն բաներ գրած դեմդ դնեն, սաղ սուտ ա, տենց բան չկա, ատկազ, կառոչի տենց բան չկա։
----------------
Աշոտ Հովհաննիսյան - Պինդ պահի քեզ, արա։
Սարգիս Գալստյան - Արա ........., դու լավ գիտես ինձի, էղել, էղել ա։
Աշոտ Հովհաննիսյան - Վեկալե տվել ես, չես էլ իմացել շոր ա, ինչ ա, ես շատ գիտեմ, էդ էլ գիտես, հա՞, որ երկու հատ։
Սարգիս Գալստյան - Արա, դու արխային մնա, ես կարո՞ղ ա ես հավ եմ, ինչ եմ։
----------------------------
Սարգիս Գալստյան - Մթոմ ես գնացել եմ քիչ եմ, հլը մի հոգի էլ հետս տանեմ...........։
-----------------------
Սարգիս Գալստյան - Ոնց որ ինձի լավ չգիտես ինչ ա։
Աշոտ Հովհաննիսյան - Դու չես բացել չես իմանում, եղա՞վ։
Սարգիս Գալստյան - Հա, դե պռոստը ասենք էն ........, ջահելն էլ ընդե ա բան ըլե, ասում ա՝ էդ սռոկով էթաս........։
Աշոտ Հովհաննիսյան - Չես էթա, արա, ասում եմ պինդ պահի, չես իմացել, ինչ ա, ով ա, ֆսյո։
Սարգիս Գալստյան - Դե հիմա տենց էլ ասել եմ, տենանք հլը։
Աշոտ Հովհաննիսյան - Դե լավ, ցավտ տանեմ, պինդ պահի, լավ կլնի........։
Սարգիս Գալստյան - Լավ ...»։
Համաձայն զննություն կատարելու մասին 15.04.2015թ-ի արձանագրության՝ հաստատվել է թմրամիջոցներով թաքցված ծանրոցն ստանալու ժամանակ Աշոտ Հովհաննիսյանի հեռախոսակապը Սարգիս Գալստյանի հետ, որից հետո՝ թմրամիջոցների մասին իբրև տեղյակ չլինելու վերաբերյալ իրավապահ մարմիններին հայտնելու՝ նրանց հեռախոսազրույցը, որոնք իրենց հաջորդականությամբ, տեղակայումներով, գործով ձեռք բերված այլ ապացույցների, այդ թվում՝ հեռախոսային խոսակցությունների վերահսկում օպերատիվ-հետախուզական միջոցառման արդյունքում Աշոտ Հովհաննիսյանի հեռախոսային խոսակցությունների ձայնագրությունում առկա մեղադրյալների միջև տեղի ուենցած խոսակցության, փորձաքննությունների եզրակացությունների, իրեղեն և այլ ապացույցների համակցությամբ հիմնավորում են, որ Աշոտ Հովհաննիսյանը 2014թ-ի հուլիսի 01-ին փորձել է Սարգիս Գալստյանի օժանդակությամբ առանց իրացնելու նպատակի, ապօրինի ձեռք բերել առանձնապես խոշոր չափերով՝ 1.76 գրամ, «Բուպրենորֆին» տեսակի թմրամիջոց պարունակող 220 դեղահատ։
Սարգիս Գալստյանի անձնական խուզարկությամբ հայտնաբերված ծանրոցը և առանձնապես խոշոր չափերով՝ 1.76 գրամ «բուպրենորֆին» տեսակի թմրամիջոց պարունակող 220 դեղահատերը ճանաչվել են իրեղեն ապացույց։
Այսպիսով, դատաքննությամբ և գործով ձեռք բերված ապացույցների հիման վրա վերլուծելով գործի փաստական տվյալները, վերաքննիչ դատարանը հանգում է այն հետևության, որ Աշոտ Հովհաննիսյանի կողմից կատարված հանցանքը հիմնավորված և նրա մեղավորությունը հաստատված է գործին վերաբերող փոխկապակցված հավաստի ապացույցների բավարար ամբողջությամբ, առաջին ատյանի դատարանն ամբաստանյալի արարքի քրեաիրավական որակման հարցում հանգել է ճիշտ հետևության և ղեկավարվելով օրենքով, դատաքննությամբ հետազոտված ապացույցների` գործի լուծման համար բավարարության տեսանկյունից գնահատման արդյունքում, հաստատված է համարել Աշոտ Հովհաննիսյանի մեղքը ՀՀ քրեական օրենսգրքի 38-268-րդ հոդվածի 2-րդ մասի 2-րդ կետով և 34-268-րդ հոդվածի 3-րդ մասով նախատեսված հանցանքի կատարման մեջ, այդ հոդվածներով նրան առաջադրված մեղադրանքը հիմնավորված է և ՀՀ քրեական օրենսգրքի 34-268-րդ հոդվածի 3-րդ մասով արդարացնելու և ՀՀ քրեական օրենսգրքի 38-268-րդ հոդվածի 2-րդ մասի 2-րդ կետով մեղսագրված հանցանքը ՀՀ քրեական օրենսգրքի 38-268-րդ հոդվածի 1-ին մասով վերաորակելու հիմքերը բացակայում են, իսկ պաշտպանի կողմից վերաքննիչ բողոքում բերված պատճառաբանությունները հերքվում են նաև հետևյալով:
- Գործի փաստական տվյալներով հիմնավորվում է, որ Աշոտ Հովհաննիսյանը Մարատ Հարությունյանին, Սուրեն Ազիզյանին և Արթուր Բարոյանին` թմրամիջոց ձեռք բերելու համար օժանդակել է մեկ միասնական գործողությամբ, ուղղորդելով և ղեկավարելով մյուսներին` գործել մեկ միասնական դիտավորությամբ, և այդ ընթացքում վերջիններիս կողմից խոշոր չափերի “Բուպրենորֆին” տեսակի թմրամիջոցի մասնատումները, չեն կարող հիմք հանդիսանալ նրա արարքը ՀՀ քրեական օրենսգրքի 38-268-րդ հոդվածի 1-ին մասով վերաորակելու համար:
- ՀՀ քրեական օրենսգրքի 34-268-րդ հոդվածի 3-րդ մասով Աշոտ Հովհաննիսյանին առաջադրված մեղադրանքը հիմնավորվում է ոչ միայն Սարգիս Գալստյանի ցուցմունքներով, որոնք վերջինս պնդեց նաև վերաքննիչ դատարանում, այլ գործով ձեռք բերված փոխկապակցված ապացույցների համակցությամբ, մասնավորապես նրանց միջև կայացած հեռախոսային խոսակցությունների վերծանումներով ու դրանց բովանդակությամբ, ինչպես նաև վկա Գագիկ Հակոբյանի ցուցմունքներով:
Քննության առնելով Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 2016 թվականի հոկտեմբերի 20-ի դատավճռի դեմ ամբաստանյալ Սարգիս Գալստյանի պաշտպան Թամարա Բաղդասարյանի վերաքննիչ բողոքը, վերաքննիչ դատարանն արձանագրում է հետևյալը:
Ամբաստանյալ Սարգիս Գալստյանի նկատմամբ պատժի նշանակումն ու նրա կողմից դրա կրման անհրաժեշտությունն առաջին ատյանի դատարանը մասնավորապես պատճառաբանել է հետևյալով:
<<(...)Ամբաստանյալների նկատմամբ պատիժ նշանակելիս` պատիժների չափը որոշելիս, դատարանը հաշվի է առնում ինչպես նրանց կատարած հանցագործությունների բնույթը, հանրության համար վտանգավորության աստիճանը և հետևանքները, նրանց կողմից ապօրինի ձեռք բերված թմրամիջոցների տեսակն ու չափը, այնպես էլ դատաքննության ընթացքում ուսումնասիրված` նրանց անձը բնութագրող տվյալներն ու պատասխանատվությունը և պատիժը մեղմացնող ու ծանրացնող հանգամանքները(...)։
(...)Որպես ամբաստանյալ Ս.Գալստյանի պատասխանատվությունն ու պատիժը մեղմացնող հանգամանքներ՝ դատարանը հաշվի է առնում, որ նա համաձայնվեց մեղադրանքի հետ և զղջաց կատարած հանցանքի համար։
Ամբաստանյալ Ս.Գալստյանի պատասխանատվությունն ու պատիժը ծանրացնող հանգամանքներ դատական քննությամբ չարձանագրվեցին։
ՀՀ քրեական օրենսգրքի 10-րդ հոդվածի 1-ին մասի համաձայն՝ «Հանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացի՝ համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար»։
ՀՀ քրեական օրենսգրքի 48-րդ հոդվածի 2-րդ մասի համաձայն` «Պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները»։
ՀՀ քրեական օրենսգրքի 61-րդ հոդվածի համաձայն՝
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում՝ հաշվի առնելով սույն օրենսգրքի Ընդհանուր մասի դրույթները։
2. Պատժի տեսակը և չափը որոշվում են հանցագործության՝ հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում՝ պատասխանատվությունը և պատիժը մեղմացնող կամ ծանրացնող հանգամանքներով։
3. Հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները»։
Մեջբերված իրավական նորմերը Վճռաբեկ դատարանը վերլուծել և դրանց վերաբերյալ իրավական դիրքորոշումներ է հայտնել թիվ ՎԲ-50/07, ՎԲ-142/07, ՎԲ-192/07, ՎԲ-201/07, ԵՇԴ/0029/01/08, ԵԿԴ/0042/01/11, ինչպես նաև մի շարք այլ գործերով կայացված որոշումներում։ Նշված որոշումներում Վճռաբեկ դատարանի ձևավորած կայուն նախադեպային իրավունքի համաձայն՝ պատժի արդարությունը դրսևորվում է հանցագործության և քրեաիրավական ներգործության միջոցների (պատժի) համաչափության ապահովմամբ։ Պատիժն արդարացի է, եթե համաչափ է կատարված հանցագործությանը, ինչպես նաև բավարար պատժի նպատակներին հասնելու տեսանկյունից։ Պատժի արդարության պահանջներից նահանջելը կարող է հանգեցնել չափազանց մեղմ կամ չափազանց խիստ պատժի նշանակման։ Քրեական օրենքը համընդհանուր բնույթ ունի, իսկ արարքը և հանցավորի անձը կոնկրետ են։ Հետևաբար կոնկրետ գործով պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության բնույթի ու աստիճանի, հանցավորի անձի, պատիժը մեղմացնող և ծանրացնող հանգամանքների վերլուծության հիման վրա։ Նշված հանգամանքների գնահատման ժամանակ դատարանը պետք է ելնի ՀՀ քրեական օրենսգրքի 48-րդ հոդվածով նախատեսված՝ պատժի նպատակների իրացումն ապահովելու անհրաժեշտությունից։
Դատարանը, հաշվի առնելով վերոգրյալները, նկատի ունենալով գործի փաստական հանգամանքները և ելնելով ՀՀ քրեական օրենսգրքի 5-րդ, 10-րդ, 11-րդ, 48-րդ ու 61-րդ հոդվածներով սահմանված՝ արդարության, պատասխանատվության անհատականացման և պատիժ նշանակելու ընդհանուր սկզբունքներից, հանգում է հետևության, որ ամբաստանյալները պետք է դատապարտվեն ազատազրկման ու կրեն պատիժը, ինչն անհրաժեշտ ու բավարար է նաև սոցիալական արդարությունը վերականգնելու և նրանց կողմից նոր հանցագործությունների կատարումը կանխելու համար(...)>>:
Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի դատավճիռը պատճառաբանված ու հիմնավորված է գործի փաստական հանգամանքներով, ամբաստանյալի պատիժն ու պատախանատվությունը մեղմացնող հանգամանքներով, անձը բնութագրող տվյալներով, դատարանը պահպանելով ՀՀ քրեական օրենսգրքի 10-րդ, 48-րդ, 61-րդ, հոդվածների պահանջները` Սարգիս Գալստյանի նկատմամբ նշանակել է ՀՀ քրեական օրենսգրքի 268-րդ հոդվածի 3-րդ մասի սանկցիայով նախատեսված նվազագույն պատիժ` ազատազրկում 2 տարի ժամանակով, ինչը համապատասխանում է կատարված հանցանքի բնույթին ու ամբաստանյալի անձնավորությանը:
ՀՀ քրեական օրենսգրքի 70-րդ հոդվածի կիրառման առնչությամբ ՀՀ Վճռաբեկ դատարանը Սարգիս Մարգարյանի վերաբերյալ գործով 2008թ-ի հոկտեմբերի 31-ի որոշմամբ արտահայտել է հետևյալ իրավական դիրքորոշումը.
<<(...)Պատիժը կարող է պայմանականորեն չկիրառվել, եթե առկա է դատարանի համոզվածությունը, վստահությունն առանց ռեալ (իրական) պատիժ նշանակելու դատապարտյալի ուղղվելու հնարավորության մասին: Դատարանը նման հետևության հանգում է միայն օբյեկտիվ գոյություն ունեցող տվյալների վերլուծության հիման վրա, որոնք բնութագրում են արարքը, հանցավորի անձը և վկայում են պատիժը պայմանականորեն չկիրառելու հիմքերի առկայության մասին>>:
ՀՀ Վճռաբեկ դատարանն իր իրավական դիրքորոշումը վերահաստատել է Հասմիկ Պետրոսյանի վերաբերյալ գործով 2009թ-ի հունիսի 29-ի ԱՐԱԴ/0050/01/08 որոշմամբ, համաձայն որի, օրենսդիրը պատիժը պայմանականորեն չկիրառելու հիմք է համարում դատարանի համոզվածությունը, որ դատապարտյալի ուղղվելը հնարավոր է առանց որոշակի պատժատեսակները ռեալ կրելու:
<<Հանցագործության համար մեղավոր ճանաչված անձի նկատմամբ ինչպես պատժատեսակի և պատժաչափի, այնպես էլ նշանակված պատիժը կրելու նպատակահարմարության վերաբերյալ դատարանի որոշումը պետք է հիմնված լինի կատարած հանցագործության, դրա առանձնահատկությունների, գործի կոնկրետ հանգամանքների, հանցավորի անձի, պատասխանատվությունը և պատիժը մեղմացնող կամ ծանրացնող հանգամանքների բազմակողմանի գնահատման վրա՝ օրինականության, արդարության, պատասխանատվության անհատականացման և մարդասիրության սկզբունքներին համապատասխան, նպատակ ունենալով ապահովել ՀՀ քրեական օրենսգրքի 48-րդ հոդվածի 2-րդ մասում նշված պատժի նպատակների իրագործման հնարավորությունը>>. (տե´ս Արթուր Անտոնյանի վերաբերյալ գործով ՀՀ Վճռաբեկ դատարանի՝ 2010թ. մարտի 26-ի ՍԴ/0226/01/09 որոշումը):
Հաշվի առնելով վերոնշյալ հանգամանքները, արարքի բնույթն ու վտանգավորության աստիճանը, ապօրինի շրջանառվող թմրամիջոցի չափերն ու քանակը, ամբաստանյալի անձը բնութագրող տվյալները, վերաքննիչ դատարանը հանգում է այն հետևության, որ ուղղվելու համար առաջին ատյանի դատարանի կողմից նշանակված պատիժը Սարգիս Գալստյանը պետք է կրի, և վերաքննիչ բողոքում մատնանշված հանգամանքները, որոնք արդեն իսկ հաշվի են առնվել պատիժ նշանակելիս, հիմք չեն կարող հանդիսանալ ՀՀ քրեական օրենսգրքի 70-րդ հոդվածի կիրառմամբ նրան պայմանականորեն դատապարտելու համար, ուստի պաշտպան Թ.Բաղդասարյանի վերաքննիչ բողոքը ենթակա է մերժման:
Գործը քննելիս և լուծելիս Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի կողմից պահպանվել են ՀՀ Սահմանադրության, ՀՀ քրեադատավարական օրենսդրության, Մարդու իրավունքների և հիմնարար ազատություների պաշտպանության մասին Եվրոպական կոնվենցիայի, ինչպես նաև ՀՀ Վճռաբեկ դատարանի նախադեպային որոշումների պահանջները:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 393-394-րդ, հոդվածներով վերաքննիչ քրեական դատարանը

Ո Ր Ո Շ Ե Ց

Աշոտ Ռազմիկի Հովհաննիսյանի նկատմամբ ՀՀ քրեական օրենսգրքի 38-268-րդ հոդվածի 2-րդ մասի 2-րդ կետով և 34-268-րդ հոդվածի 3-րդ մասով և Սարգիս Շավարշի Գալստյանի նկատմամբ ՀՀ քրեական օրենսգրքի 38-34-268-րդ հոդվածի 3-րդ մասով Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 2016 թվականի հոկտեմբերի 20-ի դատավճիռը թողնել անփոփոխ, պաշտպաններ Սիրանուշ Հարությունյանի և Թամարա Բաղդասարյանի վերաքննիչ բողոքները` մերժել:
Որոշումը կարող է բողոքարկվել ՀՀ Վճռաբեկ դատարանին` հրապարակումից մեկամսյա ժամկետում:

ՆԱԽԱԳԱՀՈՂ ԴԱՏԱՎՈՐ` ստորագրություն
ԴԱՏԱՎՈՐՆԵՐ` ստորագրություններ
Իսկականի հետ ճիշտ է

ՆԱԽԱԳԱՀՈՂ ԴԱՏԱՎՈՐ` Մ.ԱՐՂԱՄԱՆՅԱՆ