ԵԿԴ/0159/01/15
----------------
2015թ.

Ո Ր Ո Շ ՈՒ Մ

ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ԵՎ ՔՐԵԱԿԱՆ
ԳՈՐԾԻ ՎԱՐՈՒՅԹԸ ԿԱՐՃԵԼՈՒ ՄԱՍԻՆ

,,23,, հուլիսի 2015թ. ք. Երևան



Նախագահությամբ դատավոր Մ. Մակյանի

Քարտուղարությամբ` Թ. Խաչատրյանի

Մասնակցությամբ `

Մեղադրող Տ. Պողոսյան

Տուժող Հ.Աբրահամեանի


ՀՀ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանը` նախագահությամբ դատավոր Մ.Մակյանի, խորհրդակցական սենյակում, քննության առնելով թիվ ԵԿԴ/0159/01/15 քրեական գործի նյութերն ըստ մեղադրանքի`

Էդուարդ Ժորայի Պողոսյանի` ծնված 14.02.1976 թվականին,
Երևան քաղաքում, ազգությամբ հայ, ՀՀ քաղաքացի, միջնակարգ
կրթությամբ, ամուսնացած, դատվածություն չունեցող,
չի աշխատում, հաշվառված և բնակվող ք. Երևան, Վարդանանց 5
շենք, 42 բնակարանում, մեղադրվում է ՀՀ քրեական օրենսգրքի
177-րդ հոդվածի 1-ին մասով,

Պ Ա Ր Զ Ե Ց

Ըստ նախաքննական մարմնի կողմից դատարան ներկայացրած նյութերի`

«ՀՀ քննչական կոմիտեի Երևան քաղաքի քննչական վարչության Երևան քաղաքի Կենտրոն և Նորք-Մարաշ վարչական շրջանների քննչական բաժնում քննված թիվ 15105815 քրեական գործով կատարված նախաքննությամբ ձեռք բերված ապացույցներով պարզվել և հիմնավորվել է հետևյալը.

Գործով մեղադրյալ Էդուարդ ժորայի Պողոսյանը, չունենալով մշտական աշխատանք, 2015 թվականի մայիսի 12-ի աշխատանքային ժամին՝ ժամը 15։00-ի սահմաններում, այցելել է Երևան քաղաքի Խորենացի փողոցի 24 հասցեում գործող «Վաղարշ և որդիներե ՍՊ ընկերության ոսկու տոնավաճառ և որոշել է կատարել հափշտակություն։ Այնուհետև, մոտենալով ոսկու տոնավաճառի 2-րդ հարկի 25 «աե տաղավարին, ուսումնասիրել է շղթաները, որոնք կախված են եղել երկաթյա իրանով փայտե կախիչից, և կախված շղթաներից հափշտակելով թվով մեկ հատ՝ 750 հարգի ոսկուց պատրաստված, 17.4 գրամ քաշով, զգալի չափի 378.000 ՀՀ դրամ արժողությամբ ոսկյա շղթա, հեռացել է։
Նույն օրը հափշտակված շղթան 80.000 ՀՀ դրամով վաճառել նշված ոսկու տոնավաճառի 1-ին հարկում առևտրով զբաղվող գործով չպարզված անձի և հեռացել է տոնավաճառիցե։

Փաստի առթիվ ՀՀ քննչական կոմիտեի Երևան քաղաքի քննչական վարչության Երևան քաղաքի Կենտրոն և Նորք-Մարաշ վարչական շրջանների քննչական բաժնի կողմից 22.05.2015թ-ին հարուցվել է քրեական գործ։

01.06.2015թ.-ին ՀՀ քննչական կոմիտեի Երևան քաղաքի քննչական վարչության Երևան քաղաքի Կենտրոն և Նորք-Մարաշ վարչական շրջանների քննչական բաժնի կողմից կայացվել է որոշում` Էդուարդ Ժորայի Պողոսյանին որպես մեղադրյալ ներգրավելու մասին և նրան մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով։

Քրեական գործը ՀՀ Երևան քաղաքի Կենտրոն և Նորք-Մարաշ Վարչական շրջանների ընդհանուր իրավասության դատարանի աշխատակազմի գրասենյակ է ստացվել և մուտքագրվել 18.06.2015թ.-ին և նույն օրը կայացվել է որոշում` քրեական գործը վարույթ ընդունելու մասին։

Գործի դատական քննության նախապատրաստական մասում, 08.07.2015թ.-ին կայացած դատական նիստի ժամանակ, ի պատասխան դատարանի՝ ամբաստանյալի և տուժողի միջև հնարավոր հաշտության վերաբերյալ իրականացված պարզաբանումների, տուժող Հայկ Սամուելի Խան Աբրահամեանը դատարանին հայտնել է, որ ամբաստանյալի կողմից իրեն պատճառված վնասը վերականգնելու դեպքում կհաշտվի վերջինիս հետ։

23.07.2015թ.-ին կայացած դատական նիստին տուժողի կողմից գրված և դատարանին ներկայացված ստացականներով հիմնավորվեց, որ նա ամբաստանյալ Էդուարդ ժորայի Պողոսյանից ստացել է իրեն պատճառված ամբողջ վնասի գումարը՝ 378.000 ՀՀ դրամ /երեք հարյուր յոթանասութ հազար/, նրա նկատմամբ բողոք կամ քաղաքացիական հայցի պահանջ չունի, հաշտվել է նրա հետ և չի ցանկանում որպեսզի նա ենթարկվի քրեական պատասխանատվության։

Ամբաստանյալ Էդուարդ Ժորայի Պողոսյանը նույնպես դատարանում հայտարարել է, որ հաշտվել է տուժողի հետ, ընդունում է մեղքը և դեմ չէ, որպեսզի դադարեցվի իր նկատմամբ հարուցված քրեական հետապնդումը։

Գործով մեղադրող Տ.Պողոսյանը չի առարկել ամբաստանյալի և տուժողի կողմից ներկայացված միջնորդության դեմ, հայտարելով, որ գործը մասնավոր մեղադրանքի է և կան օրենքով սահմանված հիմքեր՝ համապատասխան որոշում կայացնելու համար։

Դատարանը, խորհրդակցական սենյակում ուսումնասիրելով քրեական գործի նյութերը և վերլուծելով դատավարության կողմերի դիրքորոշումը, հանգում է այն հետևության, որ Էդուարդ Ժորայի Պողոսյանի նկատմամբ ՀՀ քրեական օրենսգրքի 177-րդ հոդվածի 1-ին մասով` տուժող Հայկ Սամուելի Խան Աբրահամեանի զգալի չափերով գույքը գաղտնի հափշտակելու վերաբերյալ հարուցված քրեական հետապնդումը ենթակա է դադարեցման, իսկ քրեական գործի վարույթը՝ կարճման, հետևյալ պատճառաբանությամբ.

Համաձայն ՀՀ քրեական դատավարության օրենսգրքի 183-րդ հոդվածի 1-ին մասի`

«ՀՀ քրեական օրենսգրքի /…/177-րդ հոդվածի 1-ին մասով/.../ նախատեսված հանցագործությունների վերաբերյալ գործերը հարուցվում են ոչ այլ կերպ, քան տուժողի բողոքի հիման վրա, և կասկածյալի կամ մեղադրյալի կամ ամբաստանյալի հետ նրա հաշտվելու դեպքում ենթակա են կարճման։ Հաշտությունը թույլատրվում է միչև դատավճիռ կայացնելու համար դատարանի խորդակցական սենյակ հեռանալըե։

Համաձայն ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետի`

«Քրեական գործ չի կարող հարուցվել և, իսկ հարուցված քրեական գործի վարույթը ենթակա է կարճման, եթե. /.../

« 5. սույն օրենսգրքով նախատեսված դեպքերում տուժողը հաշտվել է կասկածյալի կամ մեղադրյալի հետե։

Դատարանում հաստատաված համարվեց այն հանգամանքը, որ ամբաստանյալին մեղսագրված է արարք, որը նախատեսված է ՀՀ քրեական օրենսգրքի 177-րդ հոդվածի 1-ին մասով։

Դատարանն արձանագրում է, որ տուժող Հայկ Սամուելի Խան Աբրահամեանի և ամբաստանյալ Էդուարդ Ժորայի Պողոսյանի կողմից ներկայացված հայտարարություններով և դիրքորոշումներով հիմնավորվեց, որ տուժողը, իր՝ զգալի չափերով, գույքի հափշտակության վերաբերյալ ենթադրաբար կատարված հանցավոր ոտնձգության առումով հաշտվել է ամբաստանյալ Էդուարդ Ժորայի Պողոսյանի հետ, իսկ վերջինս` տուժողի հետ։

Այսպիսով, դատարանը գտնում է, որ առկա են բավարար հիմքեր սույն քրեական գործով ամբաստանյալի նկատմամբ նախաքննական մարմնի կողմից հարուցված քրեական հետապնդումը դադարեցնելու և հարուցված քրեական գործի վարույթը կարճելու համար` դատարանի վերը նշված պատճառաբանությամբ և հիմնավորումներով։

Դատարանն արձանագրում է, որ ամբաստանյալ Էդուարդ Ժորայի Պողոսյանի նկատմամբ հարուցված քրեական հետապնդման դադարեցման և քրեական գործի վարույթը կարճելու պայմաններում նրա նկատմամբ չհեռանալու մասին ստորագրության ձևով ընտրված խափանման միջոցը ենթակա է վերացման։

Միաժամանակ, լուծելով իրեղեն ապացույցների տնօրինման հարցը և ղեկավարվելով ՀՀ քրեական դատավարության օրենսգրքի 119-րդ հոդվածով` դատարանը գտնում է, որ այլ փաստաթղթի կարգով իրեղեն ապացույց ճանաչված` լազերային սկավառակը և 25.06.2015թ. կազմված` ոստիկանության բաժին ինքնակամ ներկայանալու մասին արձանագրությունը պետք է պահել քրեական գործի հետ միասին։

Ելնելով վերոգրյալից և ղեկավարվելով ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետով և 183-րդ հոդվածով, դատարանը


Ո Ր Ո Շ Ե Ց

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանում քննված ԵԿԴ/0159/01/15 քրեական գործով ամբաստանյալ Էդուարդ Ժորայի Պողոսյանի նկատմամբ ՀՀ քրեական օրենսգրքի 177-րդ հոդվածի 1-ին մասով հարուցված քրեական հետապնդումը դադարեցնել և քրեական գործի վարույթը կարճել` տուժող Հայկ Սամուելի Խան Աբրահամեանի կողմից վերջինիս հետ հաշտվելու հիմքով։
Ամբաստանյալ Էդուարդ Ժորայի Պողոսյանի նկատմամբ ընտրված խափանման միջոցը՝ չհեռանալու մասին ստորագրությունը, վերացնել։

Այլ փաստաթղթի կարգով ապացույց ճանաչված՝ լազերային սկավառակը և 25.05.2015թ.-ին կազմված՝ ոստիկանության բաժին ինքնակամ ներկայանալու մասին արձանագրությունը, պահել քրեական գործի հետ միասին։

Որոշումը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո` մեկամսյա ժամկետում։



Դ Ա Տ Ա Վ Ո Ր Մ. Մ Ա Կ Յ Ա Ն