ԵԿԴ/0154/01/15


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
17 դեկտեմբերի 2015թ. ք.Երևան
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության առաջին ատյանի դատարանը՝

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ն.ԹՈՒՄԱՆՅԱՆԻ
Հ.ՂԱԶԱՐՅԱՆԻ
մասնակցությամբ`
մեղադրող Մ.ԳԵՂԱՄՅԱՆԻ
ամբաստանյալ Ն.ԲԱԴԱԼՅԱՆԻ
պաշտպան Ս.ՋԱՂԻՆՅԱՆԻ

դատարանում` դռնբաց դատական նիստում, քննեց գործն ըստ մեղադրանքի` Նինա Գագիկի Բադալյանի` ծնված 28.12.1940թ. ՀՀ Անիի շրջանի Լուսաղբյուր գյուղում, ազգու-թյամբ հայ, ՀՀ քաղաքացի, այրի, իր հայտարարությամբ՝ միջնակարգ-մասնագիտական կըր-թությամբ, վատառողջ, 1-ին խմբի հաշմանդամ, չի աշխատում, չդատված, բնակվում է` ք.Երևան, Բաղրամյան պողոտա, 25-րդ շենք, բնակարան հ. 53, արգելանքի տակ չէ, մե-ղադրվում է ՀՀ քրեական օրենսգրքի 266-րդ հոդվածի 2-րդ մասի 2-րդ կետով։

Գործի դատավարական նախապատմությունը.

ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնի ավագ քննիչ Է.Ավդալյանը 11.03.2015թ. ո-րոշմամբ ՀՀ քրեական օրենսգրքի 266-րդ հոդվածի 1-ին մասով հարուցել է թիվ 13129515 քը-րեական գործը և այն ընդունել իր վարույթ։
ՀՀ քննչական կոմիտեի Երևան քաղաքի ՔՎ Արաբկիր վարչական շրջանի քննչական բաժնի քննիչ Ա.Հեբոյանը 23.03.2015թ. որոշմամբ թիվ 13129515 քրեական գործն ընդունել է իր վարույթ։
ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնի ավագ քննիչ Է.Ավդալյանը 11.04.2015թ. ո-րոշմամբ թիվ 13129515 քրեական գործն ընդունել է իր վարույթ։
Քննիչի 28.04.2015թ. որոշմամբ Ն.Բադալյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 266-րդ հոդվածի 1-ին մասով, իսկ նույն օրը կայացված մեկ այլ որոշմամբ որպես խափանման միջոց` Ն.Բադալյանի նկատ-մամբ ընտրվել է ստորագրություն՝ չհեռանալու մասին։
2015թ. հունիսի 15-ին թիվ 13129515 քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան` ըստ էության քննելու համար։
Երևան քաղաքի Կենտրոն և Նորք-Մարաշ վարչական շրջանների ընդհանուր իրավա-սության առաջին ատյանի դատարանի (դատավոր Գ.Պողոսյան) 2015թ. հունիսի 18-ի որոշ-մամբ Ն.Բադալյանի վերաբերյալ ՀՀ քրեական օրենսգրքի 266-րդ հոդվածի 1-ին մասով քրե-ական գործն ընդունվել է վարույթ, իսկ 2015թ. հուլիսի 3-ի որոշմամբ քրեական գործը նշա-նակել է դատաքննության։
Ամբաստանյալ Ն.Բադալյանին ՀՀ քրեական օրենսգրքի 266-րդ հոդվածի 1-ին մասով մեղադրանք է առաջադրվել այն բանի համար, որ նա. «տառապելով քրոնիկ երիկամային անբավարարություն հիվանդությամբ և նշված հիվանդության կապակցությամբ «Արաբկիր» բժշկական համալիրի երեխաների և դեռահասների առողջության ինստիտուտից օրինական հիմքով յուրաքանչյուր երկու շաբաթվա համար ստանալով թվով 7 «Դիազեպամ» տեսակի դեղամիջոց« այն ամբողջությամբ չի գործածել և միասնական դիտավորությամբ« շարունա-կաբար« 2014թ. դեկտեմբեր ամից մինչև 2015թ. փետրվարի 25-ն ընկած ժամանակահատվա-ծում իր` Երևան քաղաքի Բաղրամյան 25 շենքի թիվ 53 բնակարանում ազգական Գևորգ Հը-րաչի Գևորգյանին ապօրինի իրացրել է զգալի չափի՝ 0«075 գրամ քաշով« ընդհանուր թվով 15 «Դիազեպամ» տեսակի հոգեմետ նյութ պարունակող դեղահաբեր»։
Դատաքննությամբ մեղադրող Մ.Գեղամյանը, «Առաջադրված մեղադրանքը փոփոխե-լու և նոր մեղադրանք առաջադրելու մասին» և «Որպես մեղադրյալ ներգրավելու մասին» 20.11.2015թ. որոշումներով ամբաստանյալ Ն.Բադալյանին առաջադրված մեղադրանքը փո-փոխել և նրան նոր մեղադրանք է առաջադրել ՀՀ քրեական օրենսգրքի 266-րդ հոդվածի 2-րդ մասի 2-րդ կետով, այն բանի համար, որ նա «տառապելով քրոնիկ երիկամային անբավա-րարություն հիվանդությամբ, «Արաբկիր» ԲԿ-ից օրինական հիմքով պարբերաբար` շաբաթա-կան ստացել է թվով 7 հատ «Դիազեպամ» տեսակի դեղամիջոց« որն ամբողջությամբ չի օգ-տագործել և 2014թ. դեկտեմբեր ամսից մինչև 2015թ. փետրվար ամիսն ընկած ժամանակա-հատվածում Երևան քաղաքի Բաղրամյան պողոտայի 25 շենքի թիվ 53 հասցեի իր բնակարա-նում, ազգական Գևորգ Գևորգյանին ապօրինի իրացրել է 0«075 գրամ քաշով` հոգեմետ նյութ պարունակող` ընդհանուր թվով 15 հատ «Դիազեպամ» տեսակի դեղահաբ»։

Դատարանի կողմից հաստատված հանգամանքները.

Դատաքննությամբ պարզվեց, որ առաջին խմբի հաշմանդամ ամբաստանյալ Նինա Բադալյանը, 2002 թվականից, տառապելով «Քրոնիկ երիկամային անբավարարություն» ախտորոշմամբ հիվանդությամբ, բուժման համար «Արաբկիր» բժշկական համալիրից օրի-նական հիմքով՝ երկու շաբաթը մեկ անգամ, ստացել է 5 մգ քաշով 7 հատ «Դիազեպամ» տե-սակի հոգեմետ նյութ պարունակող «Դիազեպամ» անվանմամբ դեղամիջոցի հաբեր, որոնք թեև ամբողջությամբ չի գործածել, սակայն շարունակել է ստանալ նախատեսված չափա-բաժնով դեղահաբերը։
2014թ. դեկտեմբեր ամսին կնոջ` վկա Հերիքնազ Մանուկյանի հետ իրեն այցելության եկած քրոջ որդուց՝ վկա Գևորգ Գևորգյանից, տեղեկանալով, որ նա ունեցած հիվանդու-թյունների արդյունքում տառապում է անքնությամբ և ունենում է ցավեր, ամբաստանյալը նրան առաջարկել է «Դիազեպամ» տեսակի դեղահաբ օգտագործել և իր ունեցած հաբերից 2-ը տվել է նրան։ Նույն նպատակով ամբաստանյալը 2014թ. դեկտեմբեր ամսից մինչև 2015թ. փետրվարի 25-ն ընկած ժամանակահատվածում իրեն հաճախակի այցելած վկա Գ.Գևորգ-յանին ընդհանուր առմամբ տվել է 0«075 գրամ ընդհանուր քաշով «Դիազեպամ» տեսակի հո-գեմետ նյութ պարունակող 15 հատ դեղահաբ« որոնցից 2-ը վերջինս գործածել է« իսկ իր տանը պահվող 13 հատ դեղահաբը կամովին՝ կնոջ միջոցով ներկայացնելով, հանձնել է ոստիկա-նություն։

Ապացույցների հետազոտում և գնահատում.

ՀՀ քրեական օրենսգրքի 266-րդ հոդվածի 2-րդ մասի 2-րդ կետով առաջադրված մե-ղադրանքում ամբաստանյալ Ն.Բադալյանն իրեն լիովին մեղավոր ճանաչեց։
Ամբաստանյալ Ն.Բադալյանի ցուցմունքի համաձայն՝ ինքը 2002թ-ից տառապում է երիկամային անբավարարություն և մի շարք այլ ախտորոշումներով հիվանդություններով, որի համար «Արաբկիր» բժշկական համալիրից՝ երկու շաբաթը մեկ անգամ, մեկ տարուց ավելի ժամանակահատվածում ստանում է «Դիազեպամ» տեսակի դեղամիջոցի 7 հատ դե-ղահաբ։ Չնայած 2014թ. դեկտեմբեր ամսից սկսած պարբերաբար չի գործածել նշված դեղը« սակայն շարունակել է ստանալ իրեն հասանելիք դեղահաբերը։
2014թ. դեկտեմբերին իրեն այցելած քրոջ որդին` Գևորգ Գևորգյանը, ով նույնպես հի-վանդ է, ասել է, որ տառապում է անքնությամբ։ Ինքը նրան առաջարկել է «Դիազեպամ» տե-սակի դեղահաբ խմել, որպեսզի հանգստանա և նրան տվել է 2 հատ «Դիազեպամ»-ի դեղա-հաբ։ Դրանից հետո` հաջորդ այցելության ժամանակ, Գ.Գևորգյանն ասել է, որ իրեն տրված դեղամիջոցն օգնում է՝ հանգստացնում է, որի համար նրան այդ օրն ու հետագա այցելութ-յունների ժամանակ տվել է ընդհանուր առմամբ 15 հատ «Դիազեպամ» տեսակի դեղահաբ՝ չիմանալով, որ չունի նման իրավունք։
Վկա Գևորգ Գևորգյանի ցուցմունքի համաձայն՝ ինքը տառապում է աստմայով« երի-կամային հիվանդությամբ և նևրոզով, ինչի հետևանքով ունենում է նաև անքնություն։
Ամբաստանյալ Ն.Բադալյանը, ով իր մորաքույրն է« նույնպես տառապում է երիկա-մային անբավարարությամբ և մի շարք այլ հիվանդություններով, ինչի համար հաճախակի այցելում է նրան։ Հերթական անգամ 2014թ. դեկտեմբերին, երբ այցելել է մորաքրոջը, նա, իրենից տեղեկանալով, որ տառապում է անքնությամբ, երկու հատ «Դիազեպամ» տեսակի դեղահաբ է տվել իրեն, որոնք խմել է և կարողացել է քնել։ Հետագա այցելությունների ժամա-նակ մորաքույրն իրեն տվել է ևս 13 հատ դեղահաբ։
Ընդհանուր թվով 15 հատ «Դիազեպամ» տեսակի դեղահաբերից 2-ը խմել է, իսկ 13 հատ դեղահաբը հանձնել են ոստիկանություն։
Վկա Հերիքնազ Մանուկյանի նույնաբովանդակ ցուցմունքի համաձայն` իր ամուսին Գ.Գևորգյանը տառապում է աստմայով և ունենում է նաև անքնություն։ Ամբաստանյալ Ն.Բադալյանը, ով ամուսնու մորաքույրն է և տառապում է երիկամային անբավարարություն հիվանդությամբ, երբ գտնվել են նրա տանը ու նա տեղեկացել է, որ ամուսինը՝ Գ.Գևորգյանը, տառապում է անքնությամբ, վերջինիս առաջարկել ու տվել է օրինական կարգով ստացած «Դիազեպամ» տեսակի դեղահաբերից 2-ը, որոնք ամուսինը խմել է և դրանք օգնել են նրան։
2015թ. փետրվարի 25-ին ամուսինը ոստիկանությունից զանգահարել է իրեն և նրա պահանջով տանը եղած 13 հատ «Դիազեպամ» տեսակի դեղահաբերը տարել և ներկայաց-րել է ոստիկանություն։
Դատաքիմիական փորձաքննության 27.02.2015թ. հ. 42Ք-15 եզրակացության համա-ձայն՝ փորձաքննությանը ներկայացված 13 հատ դեղահաբերում հայտնաբերվել է 0,065 գրամ ընդհանուր քաշով «Դիազեպամ» տեսակի հոգեմետ նյութ, և փորձաքննության ընթաց-քում հետազոտությամբ ծախսվել է մեկ ամբողջական դեղահաբ։
Տոկսիկոքիմիական փորձաքննության 06.03.2015թ. հմ. 0105 եզրակացության հա-մաձայն՝ 25.02.2015թ-ին Գևորգ Գևորգյանից վերցված մեզի փորձանմուշում հայտնաբերվել են բենզոդիազեպիների խմբի դեղամիջոցի մետաբոլիտների հետքեր, իսկ 25.02.2015թ-ին Գ. Գևորգյանից վերցված 0.5 սմ երկարությամբ մազի փորձանմուշում հայտնաբերվել են բենզո-դիազեպիների խմբի դեղամիջոցի հետքեր։
Որպես այլ փաստաթուղթ` ապացույց ճանաչված` 25.02.2015թ. դեղահաբերը ներ-կայացնելու մասին արձանագրության համաձայն` Հերիքնազ Մանուկյանը ոստիկանության Կենտրոնական բաժնի Մարաշի բաժանմունք է ներկայացրել թվով 13 «Դիազեպամ» տե-սակի դեղահաբեր։
«Իրեղեն ապացույց ճանաչելու մասին» 27.04.2015թ. որոշման համաձայն՝ «Դիազե-պամ» տեսակի հոգեմետ նյութ պարունակող 12 հատ դեղահաբերը ճանաչվել են իրեղեն ապացույց։

Դատարանի վերլուծություն.

Դատարանը, վերլուծելով ամբաստանյալին առաջադրված մեղադրանքն ու համակ-ցության մեջ գնահատելով դատաքննությամբ հետազոտված ապացույցները, գործի հանգա-մանքների բազմակողմանի, լրիվ և օբյեկտիվ հետազոտման վրա ձևավորված համոզմամբ հանգում է հետևության, որ սույն քրեական գործին վերաբերվող փոխկապակցված հավաս-տի և քրեադատավարական օրենքի պահանջների պահպանմամբ ձեռք բերված ապա-ցույցների բավարար ամբողջությամբ հաստատվում է, որ ամբաստանյալ Ն.Բադալյանն ապօրինի իրացրել է խոշոր չափերով թմրամիջոց, այսինքն՝ կատարել է հանցագործություն՝ նախատեսված ՀՀ քրեական օրենսգրքի 266-րդ հոդվածի 2-րդ մասի 2-րդ կետով, որով և նա պետք է պատասխանատվության ենթարկվի։
Ամբաստանյալի նկատմամբ պատիժ նշանակելիս` պատժի չափը որոշելիս, դատա-րանը հաշվի է առնում ինչպես նրա կատարած հանցագործության բնույթը, հանրության համար վտանգավորության աստիճանը և հետևանքները, նրա կողմից ապօրինի իրացված թմրամիջոցի տեսակն ու քանակը, իրացման նպատակը և հանգամանքները, այնպես էլ` նրա անձը բնութագրող տվյալներն ու պատասխանատվությունը և պատիժը մեղմացնող ու ծան-րացնող հանգամանքները։
Որպես ամբաստանյալ Ն.Բադալյանի պատասխանատվությունն ու պատիժը մեղ-մացնող հանգամանքներ` դատարանը հաշվի է առնում, որ նա առաջին անգամ է դատա-պարտվում, վատառողջ է` 1-ին խմբի հաշմանդամ և տառապում է «Երիկամների աուտոսոմ-դոմինանտ պոլիկիստոզ, ՔԵԱ, ծրագրային հեմոդիալեզին համապատասխան վիճակ, լյար-դի կավեռնոզ հեմանգիոմա, սենսոր պոլինեյրոպաթիա, նևրաստենիկ սինդրոմ, դիսցիրկուլ-յատոր-մետաբոլիկ էնցեֆալոպաթիա, 2-րդ տիպի շաքարային դիաբետ, հիպերտոնիկ ռետի-նոպաթիա» ախտորոշումներով ծանր հիվանդություններով, խոստովանել է կատարած հան-ցանքը, համաձայնվեց մեղադրանքի հետ և անկեղծորեն զղջաց կատարած հանցանքի հա-մար։
Ամբաստանյալի պատասխանատվությունն ու պատիժը ծանրացնող հանգամանքներ դատական քննությամբ չարձանագրվեցին։
Դատարանը, հաշվի առնելով ամբաստանյալի անձն ու նրա պատասխանատվու-թյունն ու պատիժը մեղմացնող վերոգրյալ հանգամանքները, պատասխանատվությունը և պատիժը ծանրացնող հանգամանքների բացակայությունն ու ելնելով ՀՀ քրեական օրենս-գրքի 10-րդ, 48-րդ և 61-րդ հոդվածներով սահմանված արդարության, պատասխանատվու-թյան անհատականացման ու պատիժ նշանակելու ընդհանուր սկզբունքներից, հանգում է հե-տևության, որ նա պետք է դատապարտվի ազատազրկման՝ առանց գույքի բռնագրավման, որպիսի պատիժը, սակայն, ՀՀ քրեական օրենսգքրի 70-րդ հոդվածի կիրառմամբ պայմանա-կանորեն չպետք է կիրառվի, նկատի ունենալով, որ նրա ուղղվելը հնարավոր է առանց պա-տիժը կրելու՝ հասարակությունից նրան չմեկուսացնելու, սակայն նրա վարքագծի նկատմամբ հսկողություն սահմանելու միջոցով, ինչն անհրաժեշտ ու բավարար է նաև սոցիալական ար-դարությունը վերականգնելու և նրա կողմից նոր հանցագործությունների կատարումը կան-խելու համար։
Դատարանը նման հետևության է հանգում՝ հաշվի առնելով նաև ՀՀ քրեական օրենս-գրքի 70-րդ հոդվածի կիրառման վերաբերյալ մի շարք նախադեպային որոշումներով ՀՀ Վճռաբեկ դատարանի հայտնած իրավական դիրքորոշումները։
Դատարանը, քննության առնելով իրեղեն ապացույցի տնօրինման հարցը, գտնում է, որ փորձաքննության կատարումից հետո մնացած 12 հատ «Դիազեպամ» տեսակի դեղահա-բերը պետք է ոչնչացվեն։
Դատարանը, քննության առնելով խափանման միջոցի հարցը, գտնում է, որ ամբաս-տանյալի նկատմամբ ընտրված խափանման միջոցը` չհեռանալու մասին ստորագրությունը, մինչև դատավճռի օրինական ուժի մեջ մտնելը պետք է թողնվի անփոփոխ։
Վերոգրյալների հիման վրա և ղեկավարվելով ՀՀ քրեական դատավարության օրենս-գրքի 119-րդ, 357-360-րդ, 365-րդ և 369-372-րդ հոդվածներով` դատարանը

Վ Ճ Ռ Ե Ց

Նինա Գագիկի Բադալյանին ճանաչել մեղավոր ՀՀ քրեական օրենսգրքի 266-րդ հոդվածի 2-րդ մասի 2-րդ կետով և դատապարտել ազատազրկման 5 (հինգ) տարի ժամկետով՝ առանց գույքի բռնագրավման։
ՀՀ քրեական օրենսգրքի 70-րդ հոդվածի կիրառմամբ Ն.Բադալյանի նկատմամբ նշա-նակված պատիժը պայմանականորեն չկիրառել և սահմանել փորձաշրջան 1 (մեկ) տարի ժամկետով։
Իրեղեն ապացույց ճանաչված՝ «Դիազեպամ» տեսակի հոգեմետ նյութ պարունակող 12 դեղահաբը ոչնչացնել։
Ն.Բադալյանի նկատմամբ ընտրված խափանման միջոցը թողնել անփոփոխ` մինչև դատավճռի օրինական ուժի մեջ մտնելը։
Դատավճիռը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո` մեկամսյա ժամկետում։

ԴԱՏԱՎՈՐ` Գ.ՊՈՂՈՍՅԱՆ