Գործ թիվ ԵԿԴ/0152/01/15





Ո Ր Ո Շ ՈՒ Մ
քրեական գործի վարույթը կարճելու և քրեական հետապնդումը
դադարեցնելու մասին

«10» հուլիսի 2015թ. ք. Երևան

Երևանի Կենտրոն և Նորք - Մարաշ վարչական շրջանների ընդհանուր իրավա¬սության դատարանը (այսուհետ` Դատարան),

նախագահությամբ դատավոր` Արշակ Վարդանյանի,
քարտուղարությամբ` Գևորգ Պողոսյանի,

մասնակցությամբ`

մեղադրող, Երևանի Կենտրոն և
Նորք-Մարաշ վարչական շրջանների
դատախազության դատախազ` Մարտին Նալբանդյանի,

տուժող` Դիանա Հովհաննիսյանի,

նույն դատարանում` խորհրդակցական սենյակում, քննության առնելով քրեական գործն ըստ մեղադրանքի Վաղարշակ Համլետի Աթոյանի` (ծնված 1989թ. ապրիլի 14-ին, Շիրակի մարզի Մայիսյան գյուղում, ազ¬գութ¬յամբ հայ, ՀՀ քա¬ղաքացի, միջնակարգ մասնագիտական կրթութ¬յամբ, ամուրի, չի աշխատում, նախ¬կինում չդատա¬պարտված, հաշվառված է Շիրակի մարզի Անի գյուսի կայարանի 12-րդ փողոցի 3-րդ շենքի 4-րդ բնակարանում) և
հաշվի առնելով տուժող Դիանա Հովհաննիսյանի և ամբաստանյալ Վաղարշակ Աթոյանի հաշ¬տության կապակցությամբ քրեա¬կան գործի վա¬րույթը բացառող հանգա¬մանքի ի հայտ գալու փաս¬տը,
Պ Ա Ր Զ Ե Ց`

Մասնավոր մեղադրանքի վերաբերյալ թիվ 13119615 քրեական գործն հարուցվել է 2015թ. փետրվարի 25-ին` ՀՀ քրեական օրենսգրքի 178-րդ հոդվածի 1-ին մասի հատկանիշներով ՀՀ քննչա¬կան կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջան¬ների քննչական բաժնում` գործով տուժող Դիանա Հովհաննիսյանի հաղորդման հի¬ման վրա նախա¬պատ¬րաստված նյութերի քննարկ¬ման արդյունքներով։
2015թ. ապրիլի 11-ին Վաղարշակ Համլետի Աթոյանի նկատմամբ որպես խափանման միջոց է ընտրվել չհե¬ռանալու վերաբերյալ ստորագրություն, 2015թ. ապրիլի 15-ին նրան մեղադ¬րանք է առաջադրվել ՀՀ քրեական օրենսգրքի 178-րդ հոդվածի 1-ին մասով։
2015թ. հունիսի 11-ին սույն քրեական գործը Վաղարշակ Աթոյանի նկատ¬մամբ ՀՀ քրեա¬կան օրենսգրքի 178-րդ հոդվածի 1-ին մասով հաստատված մեղադրական եզրակա¬ցութ¬յամբ ուղարկվել է Երևանի Կենտրոն և Նորք-Մարաշ վարչական շրջանների ընդհանուր իրա¬վա¬¬սութ¬յան դատա¬րան, 2015թ. հունիսի 16-ին ընդունվել է Դատարանի վարույթ, իսկ 2015թ. հունիսի 30-ին շանակվել դատական քննության։
Համաձայն Վաղարշակ Աթոյանին որպես մեղադրյալ ներգրավելու որոշման, ինչպես նաև մեղադրական եզրակացության` վերջինիս ՀՀ քրեական օրենսգրքի 178-րդ հոդվածի 1-ին մասով մեղադրանք է առա¬ջադրվել այն բանի համար, որ նա« «խարդախությամբ ուրիշի գույքի հափշտա¬կություն կատարելու դիտավորությամբ 2015թ. փետրվարի 14-ին՝ ժամը 12։30-ից 13։00-ի սահման¬ներում« Երևան քաղաքի Մաշտոցի պողոտայի 31 հասցեում գտնվող ինտերնետ ակումբում զան¬գա¬հարելու պատրվակով վերցրել է Դիանա Արտուրի Հովհաննիսյանին պատկանող զգալի չափի՝ 79.900 ՀՀ դրամ արժողության «Ալկատել» ֆիրմայի «Ուան թաչ փոփ ցե 7» մոդելի «863881025842035» և «863881025842043» անհատական համարներով բջջային հեռախոսը և վստահությունը չարաշահելով՝ հափշտակել այն»։
2015թ. հուլիսի 10-ին կայացած առաջին դատական նիստի նախապատրաստական փու¬լում տուժող Դիանա Հովհաննիսյանը, իր իրավունքների վերաբերյալ պարզաբանում ստա¬նալով, հայտնեց, որ հաշտվել է ամբաստանյալ Վաղարշակ Աթոյանի հետ, նրա դեմ բողոք և պա¬հանջ չունի, չի ցանկանում, որ վերջինս ենթարկվի քրեական պատասխա¬նատ¬վության` նույնիսկ իրեն պատճառված վնասը փոխհատուցված չլինելու պարագայում։
Ամբաստանյալ Վաղարշակ Աթոյանը հաստատեց, որ հաշտվել է տուժողի հետ և չի առար¬կում, որ իր նկատմամբ հարուցված քրեական հետապնդումը դադարեցվի ոչ արդարացնող այդ հիմքով։
Գործով մեղադրող Մարտին Նալբանդյանը չառարկեց քրեական գործի վարույթը կարճելու և ամբաստանյալ Վաղարշակ Աթոյանի նկատ¬մամբ և հետապնդումը հաշտության հիմքով դադա¬րեց¬նելու դեմ։
Դատարանը, հաշվի առնելով տուժողի և ամբաստանյալի վե¬րոնշյալ դիր¬քո¬րոշումները, գտնում է, որ ի հայտ է եկել քրեական գործի վարույթը բացառող հանգամանք (հիմք), որի պայմաններում քրեական գործի վարույթն ենթակա է կարճման, իսկ ամբաստանյալ Վաղարշակ Աթոյանի նկատմամբ հարուցված քրեա¬կան հետապնդումը` դադա¬րեցման, որպիսի հետևության հանգում է հետևյալ իրա¬վական վերլու¬ծութ¬յունների արդյունքներով.
ՀՀ քրեական դատավարական օրենսգրքի 33-րդ հոդվածի համաձայն` մասնավոր մե¬ղադ¬րան¬¬¬քի գործեր են համարվում նույն օրենսգրքի 183-րդ հոդվածում նախատեսված հան¬ցագոր¬ծութ¬յուն¬¬ների վերաբերյալ գործերը։
Ի թիվս ՀՀ քրեական դատավարական օրենսգրքի 183-րդ հոդվածում թվարկվածների` ՀՀ քրեական օրենսգրքի …..(…) 178-րդ հոդվածի 1-ին մասով նախատեսված հանցագործությունների վերա¬բեր¬յալ գործերը ևս հարուցվում են ոչ այլ կերպ, քան տուժողի բողոքի հիման վրա, և կաս¬կած¬յալի, մեղադրյալի կամ ամբաստանյալի հետ նրա հաշտվելու դեպքում ենթակա են կարճման։ Հաշտությունը թույլատրվում է մինչև դատավճիռ կայացնելու համար դատարանի խորհրդակ¬ցա¬կան սենյակ հեռանալը։
ՀՀ քրեական դատավարական օրենսգրքի 35-րդ հոդվածի 1-ին մասի 5-րդ կետի համա¬ձայն` քրեական հետապնդում չի կարող իրականացվել, իսկ հարուցված քրեական գործի վա¬րույ¬թը ենթակա է կարճման, եթե ՀՀ քրեական դատավարական օրենսգրքով հատկապես նախա¬տես¬ված դեպքերում տուժողը հաշտվել է կասկածյալի կամ մեղադրյալի հետ։ Նույն հոդվածի 5-րդ մասի համաձայն` Դատա¬րա¬նը, հայտնաբերելով քրեական հետապնդումը բացա¬ռող հանգա¬մանք¬ներ, լուծում է ամբաստանյալի նկատմամբ քրեական հետապնդումը դադարեց¬նելու հարցը։
ՀՀ քրեական դատավարական օրենսգրքի 36-րդ հոդվածի համաձայն` մասնավոր հե¬տապնդման գործերի վարույթը կարճվում է և փաստվում է քրեական հետապնդում իրակա¬նաց¬նե¬լու հրաժարում, երբ տուժողն հաշտվում է մեղադրյալի հետ։
ՀՀ քրեական դատավարական օրենսգրքի 64-րդ հոդվածի 2-րդ մասի համաձայն` մե¬ղադրյալը, ում վերաբերյալ գործը նշանակված է դատական քննության, կոչվում է ամբաստանյալ, հետևաբար` ՀՀ քրեական դատավարական օրենսգրքի 35-րդ և 36-րդ հոդվածների վերոնշյալ մեկ¬նաբանությունները վերաբերելի են նաև սույն գործով ամբաստանյալի կարգավիճակ ունեցող Վաղարշակ Աթոյանի նկատմամբ։
ՀՀ քրեական դատավարական օրենսգրքի 294-րդ հոդվածի 2-րդ մասի համաձայն` գործով վարույթը կարճելու և/կամ քրեական հետապնդումը դադարեցնելու մասին որոշումն ընդգրկում է նախնական քննության փուլում ընտրված խափանման և վնասի հատուցման ապահովման միջոց¬ները, քրեադատավարական հարկադրանքի այլ միջոցները վերացնելու մասին որոշում, ինչպես նաև որոշում` իրեղեն ապացույցների ճակատագրի վերաբերյալ։ Տվյալ հարցին անդրադառնալով` Դատարանն արձանագրում է, որ քրեական գործով իրեղեն ապացույցներ չկան։
Դատարանն արձանագրում է նաև, որ նախաքննության ընթացքում ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջան¬ների քննչական բաժնի քննիչ Վ.Ալեյանի կողմից 2015թ. ապրիլի 17-ին որոշում է կայացվել Վաղարշակ Աթոյանի շարժական և անշարժ գույքի վրա արգելանք կիրառելու մասին, սակայն սույն վերջինիս գույքի նկատմամբ փաս¬տացի արգելանք չի կի¬րառվել` այդպիսիք չհայտնաբեր¬վելու փաստով։
ՀՀ քրեական դատավարական օրենսգրքի 151-րդ հոդվածի 2-րդ մասի համաձայն` խա¬փան¬¬ման միջոցը վերացվում է, երբ վերանում է դրա անհրաժեշտությունը։ Դատարանը փաստում է, որ քրեական գործի վարույթը կարճելու պարագայում ամբաստանյալ Վաղարշակ Աթոյանի նկատմամբ ընտրված խափան¬ման միջոց չհեռանալու մասին ստորագրությունն ենթակա է անհապաղ վերացման։
Վերոգրյալի հիման վրա, ղեկավարվելով ՀՀ քրեական դատավարական օրենսգրքի 35-րդ հոդվածի 1-ին մասի 5-րդ կետով, 41-րդ հոդվածի 2-րդ մասի 8-րդ կետով, 183-րդ, 294-րդ և 313-րդ հոդվածներով, ինչպես նաև 379-րդ հոդվածի 1-ին մասի 1-ին կետով, Դատարանը

Ո Ր Ո Շ Ե Ց `

1. Վաղարշակ Համլետի Աթոյանի նկատմամբ ՀՀ քրեական օրենսգրքի 178-րդ հոդվածի 1-ին մասով հա¬րուցված քրեա¬կան հետապնդումը դադարեցնել, ԵԿԴ/0152/01/15 քրեական գործի վա¬րույթը կարճել` վերջինիս հետ տուժող Դիանա Հովհաննիսյանի հաշտութ¬յան հիմ¬քով։
2. Վաղարշակ Աթոյանի նկատմամբ որպես խափանման միջոց ընտրված չհեռա¬նալու մասին ստորագրությունն անհապաղ վերացնել։
3. Սույն որոշման օրինակներն հանձնել կողմերին` պարզաբանելով, որ այն կարող է բողո¬քարկ¬վել ՀՀ վերաքննիչ քրեական դատարան` ստացման պահից մեկամսյա ժամ¬կետում։


ԴԱՏԱՎՈՐ` Ա.ՎԱՐԴԱՆՅԱՆ