գործ ԵԿԴ/0139/01/15
Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը

Նախագահությամբ դատավոր` Արմեն Բեկթաշյանի
քարտուղարությամբ` Կարինե Կարապետյանի
Գեորգի Սարգսյանի

մասնակցությամբ`
մեղադրողներ` Արմեն Փանոսյանի
Արամ Արամյանի
պաշտպաններ` Նաիրա Պետրոսյանի
Հակոբ Ղարախանյանի
ամբաստանյալ` Արմեն Վարդանյանի

2016 թվականի մայիսի 27-ին, Երևան քաղաքում, դռնբաց դատական նիստում, քննեց քրեական գործն ըստ մեղադրանքի`

Արմեն Գարիկի Վարդանյանի` ծնված 12.06.1972 թվականին, Մասիսի շրջան Այնթապ գյուղում, ազգությամբ հայ, ՀՀ և ԱՄՆ քաղաքացի, բարձրագույն կրթությամբ, ամուսնացած, խնամքին երկու անձ, ՀՀ ԶՈՒ պահեստազորի սպա, հանդիսանում է <<WDF GPP>> կազմակերպության նախագահը, փաստացի բնակվում է ք.Երևան, Սունդուկյան փողոցի 23-րդ շենքի 87-րդ բնակարանում։

Արմեն Գարիկի Վարդանյանը մեղադրվում է ՀՀ քրեական օրենսգրքի 235-րդ հոդվածի 1-ին մասով։
2014 թվականի դեկտեմբերի 22-ի որոշմամբ Արմեն Գարիկի Վարդանյանի նկատմամբ որպես խափանման միջոց է ընտրվել ստորագրություն չհեռանալու մասին։
Գործի դատավարական նախապատմությունը.
2014 թվականի հունվարի 27-ին ՀՀ ոստիկանության քննչական գլխավոր վարչության Կենտրոնականի քննչական բաժնի ավագ քննիչ Ա.Տոնոյանի կողմից որոշում է կայացվել` անհայտ անձի կողմից ապօրինի հրազեն և ռազմամթերք ձեռք բերելու և կրելու ու դրա գործածմամբ Արթուր Սաֆարյանին ապօրինաբար կյանքից զրկելու դեպքի առթիվ` ՀՀ քրեական օրենսգրքի 104-րդ հոդվածի 1-ին մասով և 235-րդ հոդվածի 1-ին մասի հատկանիշներով թիվ 13109214 քրեական գործը հարուցելու, վարույթ ընդունելու և նախաքննություն կատարելու մասին։
2014 թվականի փետրվարի 01-ին ՀՀ ոստիկանության ՔԳՎ Երևան քաղաքի քննչական վարչության պետ Ա.Այվազյանի կողմից որոշում է կայացվել թիվ 13109214 քրեական գործ նախաքննության կատարումը մի քանի քննիչի հանձնարարելու մասին։
2014 թվականի փետրվարի 06-ին ՀՀ ոստիկանության ՔԳՎ Երևան քաղաքի քննչական վարչության ծանր հանցագործությունների քննության բաժնի ավագ քննիչ Հ.Պողոսյանի կողմից որոշում է կայացվել թիվ 13109214 քրեական գործով Իսրայել Սարգսյանին որպես մեղադրյալ ներգրավել մասին և նրան մեղադրանք է առաջադրվել` ՀՀ քրեական օրենսգրքի 235-րդ հոդվածի 1-ին մասով այն բանի համար, որ նա քննությամբ չպարզված անձից և ժամանակահատվածում ապօրինի կերպով ձեռք է բերել և իր գոտկատեղում ապօրինի կրել է ակոսափող հրազեն հանիսացող «ՏԿ» մոդելի ատրճանակ, որի փամփշտակալի մեջ առկա են եղել ռազմամթերք հանդիսացող թվով 3 հատ 5.6 ՄՄ տրամաչափի փամփուշտներ, որոնք հայտնաբերվել են 2014 թվականի փետրվարի 03-ին` ժամը 18։00-ին նրան ՀՀ ոստիկանության քրեական հետախուզության գլխավոր վարչություն բերման ենթարկելուց հետո կատարված անձնական խուզարկության ընթացքում։
2014 թվականի փետրվարի 08-ին ՀՀ ոստիկանության ՔԳՎ Երևան քաղաքի քննչական վարչության ծանր հանցագործությունների քննության բաժնի ավագ քննիչ Հ.Պողոսյանի կողմից որոշում է կայացվել թիվ 13109214 քրեական գործով Իսրայել Սարգսյանին որպես մեղադրյալ ներգրավել մասին և նրան մեղադրանք է առաջադրվել` ՀՀ քրեական օրենսգրքի 38-104-րդ հոդվածի 2-րդ մասի 8-րդ կետով, 104-րդ հոդվածի 2-րդ մասի 11-րդ կետով և 235-րդ հոդվածի 1-ին մասով այն բանի համար, որ նա այն բանի համաը, որ նա պատվիրել է Մովսես Ներսիսյանին՝ Արթուր Սաֆարյանի սպանության կատարումը, ապա այլ հանցանքը թաքցնելու նպատակով ապօրինաբար դիտավորությամբ զրկել է կյանքից Մովսես Ներսիսյանին, ինչպես նաև քննությամբ չպարզված հանգամանքներում ապօրինի ձեռք է բերել և կրել է հրազեն հանդիսացող «ՏԿ» մոդելի ատրճանակը և ռազմամթերք հանդիսացող 3 հատ 5.6 մմ տրամաչափի փամփուշտները։
Այսպես՝
2014 թվականի հունվարին Իսրայել Սարգսյանը Արթուր Սաֆարյանին ապօրինաբար կյանքից զրկելու դիտավորությամբ, կազմակերպելով վերջինիս սպանությունը, իր ծանոթ Մովսես Ներսիսյանին պատվիրել է իրագործել իր հանցավոր դիտավորությունը, ապա ստանալով վերջինիս համաձայնությունը, նույն ժամանակահարվածում Մովսես Ներսիսյանի հետ կատարել են սպանության կազմակերպմանն ուղղված գործողություններ, այն է՝ տևական ժամանակ դիտարկել և հսկել Արթուր Սաֆարյանի տեղաշարժը և նրա բնակության վայրի տարածքը։ Այնուհետև, 2014 թվականի հունվարի 27-ին, ժամը 00։10-ի սահմաններում Մովսես Ներսիսյանը նախապես թաքնվել է Երևան քաղաքի Սարյան 20/1 և Արամի նրբանցքի 5ա շենքների բակում և Իսրայել Սարգսյանի պատվերով, ապօրինի ձեռք բերած և կրած ատրճանակից կրակոցներ է արձակել իր շենքի մուտք մտնող Արթուր Սաֆարյանի ուղղությամբ և ապօրինաբար դիտավորությամբ վերջինիս զրկել է կյանքից։
Այսինքն Իսրայել Սարգսյանը կատարել է հանցավոր արարք, որը նախատեսված է ՀՀ քրեակա օրենսգրքի 38-104 հոդվածի 2-րդ մասի 8-րդ կետով։
Այնուհետև Իսրայել Սարգսյանը այլ հանցանքը թաքցնելու նպատակով մեկ ուրիշին ապօրինաբար կյանքից զրկելու դիտավորությամբ, 2014 թվականի փետրվարի 01-ին ժամը 20։40-ի սահմաններում Մովսես Ներսիսյանի հետ, վերջինիս պատկանող «Մեբսեդես Ե 220» մակնիշի 71 ՏM 111 համարանիշի ավտոմեքենայով գնացել են Երևան քաղաքի Դավիթաշեն 4-րդ թաղամասի 48/6-րդ հասցեում գործող «Մագնում Հոթել» հյուրանոցային համափրի 4-րդ առանձնասենյակ, որտեղ Արթուր Սաֆարյանի սպանությունն իր պատվերով կատարելու հանգամանքը թաքցնելու նպատակով, ապօրինաբար դիտավորությամբ կյանքից զրկել է Մովսես Ներսիսյանին, որից հետո հանցագործության թաքցնելու նպատակով. Մովսես Ներսիսյանի դիակը տեղափոխել է նույն առանձնասենյակի ավտոտնակում կայանված վերջինիս ավտոմեքենայի բեռնախցիկ, անձամբ վարելով նույն ավտոմեքենան, դիակը տեղափոխել Է Կոտայքի մարզի Քանաքեռավան գյուղի դաշտային հատված, գցել Է նույն տարածքում գտնվող կոյուղու դիտահորը, ապա ավտոմեքենան թողել Է «Զվարթնոց» օդնավակայանի ավտոկայանատեղում։
Այսինքն` Իսրայել Սարգսյանը կատարել Է հանցավոր արարք, որը ՀՀ քրեական 104-րդ հոդվածի 2-րդ մասի 11-րդ կետով։
Բացի այդ, Իսրայել Սարգսյանը քննությամբ չպարզված անձից և ժամանակահատվածում ձեռք Է բերել և իր գոտկատեղում ապօրինի կրել ակոսափող հրազեն հանդիսացող «ՏԿ» մոդելի ատրճանակ, որի փամփշտակալի մեջ առկա են եղել ռազմամթերք հանդիսացող թվով 3 հատ 5.6մմ տրամաչափի փամփուշտներ, որոնք հայտնաբերվել են 2014 թվականի փետրվարի 03-ին, ժամը 18։00-ին նրան ՀՀ ոստիկանության քրեական հետախուզության գլխավոր վարչություն բերման ենթարկելուց հետո կատարած անձնական խուզարկության ընթացքում։
Այսինքն` Իսրայել Սարգսյանը կատարել է հանցավոր արարք ՀՀ քրեական օրենսգրքի 235-րդ հոդվածի 1-ին մասով նախատեսված։
2014 թվականի ապրիլի 16-ին ՀՀ ԱԱԾ քննչական վարչության պետի տեղակալ Մ.Համբարձումյանի կողմից որոշում է կայացվել թիվ 13109214 քրեական գործը վարույթ ընդունելու և նախաքննության կատարումը շարունակելու մասին։
2014 թվականի դեկտեմբերի 22-ին ՀՀ ԱԱԾ քննչական վարչության պետի տեղակալ Մ.Համբարձումյանի կողմից որոշում է կայացվել թիվ 13109214 քրեական գործով Արմեն Գագիկի Վարդանյանին որպես մեղադրյալ ներգրավելու մասին և նրան մեղադրանք է առաջադրվել` ՀՀ քրեական օրենսգրքի 235-րդ հոդվածի 1-ին մասով այն բանի համար, որ նա ուղղակի առնչություն ունենալով «Դուքենդո հայկական Ֆեդերացիա» անվամբ հասարակական կազմակերպության 11.10.2012թ. հիմնադրամն և ծավալված գործունեության հետ, քննությամբ չպարզված անձից և ժամանակահատվածում ապօրինի կերպով ձեռք է բերել և նույն Հ/Կ կողմից օգտագործվող ք. Երևան, Մոսկովյան փողոցի թիվ 17 հասցեում, մինչև 03.02.2014թ. կատարված խուզարկությամբ ՀՀ ոստիկանության աշխատակիցների կողմից հայտնաբերելը, պահել է.
1. 286 հատ մարտական, նպատակային օգտագործման համար պիտանի, ռազմամթերք հանդիսացող փամփուշտներ, որոնցից 153 հատը՝ 5,45մմ /5.45x39/ տրամաչափի, նախատեսված «ԱԿ-74» տեսակի գնդացիրների և դրանց մոդիֆիկացիաների համար, 84 հատը՝ 7.62մմ 17.62x39/ տրամաչափի, նախատեսված «ԱԿ» տեսակի ինքնաձիգի, «ՌՊԿ» տեսակի ձեռքի գնդացիրների և դրանց մոդիֆիկացիաների համար, 8 հատը՝ 7.62մմ 17.62x54R/ տրամաչաւիի, հրացանային, նախատեսված «Մոսինի» կոնստրուկցիայի հրացանների, կարաբինների և մի շարք այլ զենքերի համար, 41 հատը՝ 5.6մմ տրամաչափի օղակաձև բոցավառման որսորդական-սպորտային հրացանային, նախատեսված համապատասխան տրամաչափի զենքերից կրակելու համար
2. 89 հատ, գործարանային արտադրության, նպատակային օգտագործման համար պիտանի, ռազմամթերք հանդիսացող «ԷԴՊ» տեսակի էլեկտրադետոնատորներ,
3. 218 գրամ քաշով, գործարանային արտադրության, նպատակային օգտագործման համար պիտանի, պայթուցիկ նյութերի շարքին դասվող «ԴՇԱ» տեսակի դետոնացիոն քուղ,
4. 1.750 գրամ քաշով, գործարանային արտադրության, նպատակային օգտագործման համար պիտանի, պայթուցիկ նյութերի շարքին դասվող «ԴՇՎ» տեսակի դետոնացիոն քուղ,
5. 6 կտոր, գործարանային արտադրության, նպատակային օգտագործման համար պիտանի, պայթուցիկ նյութերի շարքին դասվող «ԴՇՎ» տեսակի դետոնացիոն քուղ,
6. 65 գրամ քաշով, կանաչ գույնի տարբեր երանգներով, ուղղանկյունաձև, բարակ, նպատակային օգտագործման համար պիտանի, թիթեղանման զանգված, որը հանդիսանում է նետողական պայթուցիկ նյութերի շարքին դասվող անծուխ վառոդ,
7. 1705 գրամ քաշով, կենտրոնական մասում մի անցքով, դարչնագույն և շագանակագույն, 288 մմ երկարությամբ, նպատակային օգտագործման համար պիտանի, գլանաձև նյութ, որը հանդիսանում է նետողական պայթուցիկ նյութերի շարքին դասվող անծուխ վառոդ,
8. 905 գրամ քաշով, դեղնավուն բեկորանման, նպատակային օգտագործման համար պիտանի, փշրտող պայթուցիկ նյութերի շարքին դասվող տրոտիլ տեսակի պայթուցիկ նյութ։
2014 թվականի դեկտեմբերի 22-ին ՀՀ ԱԱԾ քննչական վարչության պետի տեղակալ Մ.Համբարձումյանի կողմից որոշում է կայացվել թիվ 13109214 քրեական գործով Արմեն Գարիկի Վարդանյանի նկատմամբ որպես խափանման միջոց` ստորագրություն չհեռանալու մասին կիրառելու վերաբերյալ։
2014 թվականի դեկտեմբերի 23-ին ՀՀ ԱԱԾ քննչական վարչության պետի տեղակալ Մ.Համբարձումյանի կողմից որոշում է կայացվել թիվ 13109214 քրեական գործի նյութերով անջատել քրեական գործ`
-Արթուր Սաֆարյանի սպանության դրվագով` յանցագործության պատվիրատուի և հնարավոր օժանդակողի վերաբերյալ, Մովսես Ներսիսյանի սպանության դրվագով` Իսրայել Սարգսյանին հնարավոր օժանդակություն ցուցաբերած անձի վերաբերյալ, նախատեսված` ՀՀ քրեական օրենսգրքի 38-104-րդ հոդվածի 2-րդ մասի 8-րդ և 11-րդ կետերով,
-Տիգրան Ասատրյանի կողմից ապօրինի կերպով զենք և ռազմամթերք ձեռք բերելու և պահելու, վերջինս դրդմամբ Իսրայել Սարգսյանի կողմից Մովսես Ներսիսյանին սպանելու դրվագներով, նախատեսված ՀՀ քրեական օրենսգրքի 235-րդ հոդվածի 1-ին մասով և 38-104-րդ հոդվածի 2-րդ մասի 11-րդ կետով,
-Արմեն Գարիկի Վարդանյանի և Էդգար Սպարտակի Միքայելյանի կողմից ապօրինի կերպով ռազմամթերք և պայթուցիք նյութեր ձեռք բերելու և պահելու դեպքերի վերաբերյալ, նախատեսված ՀՀ քրեական օրենսգրքի 235-րդ հոդվածի 1-ին մասով։
2. Քրեական գործն ընդունել վարույթ և ձեռնամուխ լինել նախաքննության կատարմանը` 58218014 համարով։
3. Թիվ 13109214 քրեական գործից անջատել և թիվ 58218014 քրեական գործում թողնել 1-ից 26-րդ հատորներում, մինչև սույն որոշումը եղած բոլոր նյութերը` համաձայն յուրաքանչյուր հատորում եղած ցուցակի։

2015 թվականի մայիսի 19-ին ՀՀ ԱԱԾ քննչական վարչության պետի տեղակալ Մ.Համբարձումյանի կողմից որոշում է կայացվել թիվ 58218014 քրեական գործով` «1. 286 հատ մարտական, նպատակային օգտագործման համար պիտանի, ռազմամթերք հանդիսացող փամփուշտներ, որոնցից 153 հատը՝ 5,45մմ /5.45x39/ տրամաչափի, նախատեսված «ԱԿ-74» տեսակի գնդացիրների և դրանց մոդիֆիկացիաների համար, 84 հատը՝ 7.62մմ 17.62x39/ տրամաչափի, նախատեսված «ԱԿ» տեսակի ինքնաձիգի, «ՌՊԿ» տեսակի ձեռքի գնդացիրների և դրանց մոդիֆիկացիաների համար, 8 հատը՝ 7.62մմ 17.62x54R/ տրամաչափի, հրացանային, նախատեսված «Մոսինի» կոնստրուկցիայի հրացանների, կարաբինների և մի շարք այլ զենքերի համար, 41 հատը՝ 5.6մմ տրամաչափի օղակաձև բոցավառման որսորդական-սպորտային հրացանային, նախատեսված համապատասխան տրամաչափի զենքերից կրակելու համար,
-89 հատ, գործարանային արտադրության, նպատակային օգտագործման համար պիտանի, ռազմամթերք հանդիսացող «ԷԴՊ» տեսակի էլեկտրադետոնատորներ,
-218 գրամ քաշով, գործարանային արտադրության, նպատակային օգտագործման համար պիտանի, պայթուցիկ նյութերի շարքին դասվող «ԴՇԱ» տեսակի դետոնացիոն քուղ,
-1.750 գրամ քաշով, գործարանային արտադրության, նպատակային օգտագործման համար պիտանի, պայթուցիկ նյութերի շարքին դասվող «ԴՇՎ» տեսակի դետոնացիոն քուղ,
-6 կտոր, գործարանային արտադրության, նպատակային օգտագործման համար պիտանի, պայթուցիկ նյութերի շարքին դասվող «ԴՇՎ» տեսակի դետոնացիոն քուղ,
-65 գրամ քաշով, կանաչ գույնի տարբեր երանգներով, ուղղանկյունաձև, բարակ, նպատակային օգտագործման համար պիտանի, թիթեղանման զանգված, որը հանդիսանում է նետողական պայթուցիկ նյութերի շարքին դասվող անծուխ վառոդ,
-1705 գրամ քաշով, կենտրոնական մասում մի անցքով, դարչնագույն և շագանակագույն, 288 մմ երկարությամբ, նպատակային օգտագործման համար պիտանի, գլանաձև նյութ, որը հանդիսանում է նետողական պայթուցիկ նյութերի շարքին դասվող անծուխ վառոդ,
-905 գրամ քաշով, դեղնավուն բեկորանման, նպատակային օգտագործման համար պիտանի, փշրտող պայթուցիկ նյութերի շարքին դասվող տրոտիլ տեսակի պայթուցիկ նյութ,
2. ՀՀ ԱԱԾ տնտեսական վարչությունից ստացված 19.09.2014 թվականի թիվ 20/395 գրությունը, համաձայն որի «Դուքենդո» կարատեի ֆեդերացիայի նախագահ Արմեն /Գոռ/ Վարդանյանին ՀՀ ԱԱԾ սպառազինության պահեստից զինվորական նշանակության առարկաներ, նյութեր, ինչպես նաև ռազմամթերք չի տրամադրվել,
3. ՀՀ ոստիկանության քրեական հետախուզության գլխավոր վարչությունից ստացված 23.09.2014 թվականի թիվ 8/3582 գրությունը, համաձայն որի` «Դուքենդո» կարատեի ֆեդերացիային և ֆեդերացիայի նախագահ Արմեն /Գոռ/ Վարդանյանին ֆիլմերի նկարահանման համար զինվորական նշանակության առարկաներ, նյուեր, ինչպես նաև ռազմամթերք չի տրամադրվել,
4. ՀՀ ԶՈՒ սպառազինության պետ-վարչության պետից ստացված 27.09.2014 թվականի թիվ 512-2194 գրությունը, համաձայն որի` ԶՈՒ սպառազինության վարչության կողմից «Ճակատագիր» գեղարվեստական ֆիլմի համար Արմեն /Գոռ/ Վարդանյանին հատկացվել է 3000 հատ 5,45 ՄՄ տրամաչափի անգնդակ փամփուշտներ։ Սպառազինության վարչության պայթուցիկ նյութեր և ծխագլանակներ չի հատկացնում,
5. ՀՀ ԶՈՒ սպառազինության պետ-վարչության պետից ստացված 27.09.2014 թվականի թիվ 512-2194 գրությանը կից ուղարկված` Գոռ Վարդանյանի կողմից ՀՀ պաշտպանության նախարարին հասցեագրված 07.06.205թ. գրությունը, հետևյալ բովանդակությամբ. «Հարգելի պարոն Ս.Սարգսյան, «Ճակատագիր» անվանումը կրող գեղարվեստական ֆիլմը, որի նկարահանումները անցկացվելու է Արցախի և Արմավիրի ուսումնավարժական բազայում և որ ֆիլմի մի մասը լինելու է մարտական գործողություններ, այդ ամենը կազմակերպելու համար հնարավոր է /5.45/ ուսումնական փամփուշտ 3000 հատ։ Խնդրում ենք Ձեզ օգնելու մեզ»,
6. ՀՀ ԶՈՒ սպառազինության պետ-վարչության պետից ստացված 27.09.2014 թ. թիվ 512-2194 գրությանը կից ուղարկված` ապրանքի բաց թողնվել, իսկ Գոռ Վարդանյանի կողմից ստացվել է 5.54 մմ X rc /7-X-561/ տեսակի 3000 հատ անգնդակ փամփուշտ,
7. ԼՂՀ ոստիկանության պետից ստացված 31.10.2014 թվականի թիվ 1-1/11491 գրությունը, համձայն որի «Դուքենդո» կարատեի ֆեդերացիայի կամ ֆեդերացիայի նախագահի Արմեն /Գոռ/ Վարդանյանին ֆիլմերի նկարահանման համար զինվորական նշանակության առարկաներ, նյութեր, հրազեն, ինչպես նաև ռազմամթերք չի տրամադրվել,
8. ԼՂՀ պաշտպանության նախարարությունից ստացված 12.12.2014 թվականի զորամաս` թիվ 19926, ջոկատ` 3234/2184 գրությունը, համաձայն, որի ՊԲ ՀՀՍ ծառայությունում, Գոռ Վարդսանյանին զինամթերքի հատկացման վերաբերյալ որևէ փաստաթուղթ չկա,
9. ԼՂՀ պաշտպանության նախարարությունից ստացված 10.03.2015 թվականի թիվ 78 գրությունը, համաձայն որի Գոռ Վարդանյանին մարտական փամփուշտներ հատկացնելու վերաբերյալ կատարվել են լրացուցիչ ուսումնասիրություններ, ինչի արդյունքում որևէ տեղեկություն կամ փաստաթուղթ առկա չէ» նշված առարկաները և փաստաթղթերը իրեղեն ապացույց և այլ ապացույց ճանարելու մասին։
2015 թվականի մայիսի 20-ին ՀՀ ԱԱԾ քննչական վարչության պետի տեղակալ Մ.Համբարձումյանի կողմից որոշում է կայացվել թիվ 58218014 քրեական գործի նյութերով` Արմեն Վարդանյանի նակտմամբ, ապօրինի կերպով ռազմամթերք և պայթուցիկ նյութեր ձեռք բերելու և պահելու հատկանիշներով, նախատեսված` ՀՀ քրեական օրենսգրքի 235-րդ հոդվածի 1-ին մասով քրեական գործ անջատելու մասին , քրեական գործը վարույթ ընդունելու և ձեռնամուխ լինել նախաքննության կատարումը` 58206815 համարով և թիվ 58218014 քրեական գործից անջատել և թիվ 58206815 քրեական գործում թողնել սույն որոշմանը կից ցուցակում նշված բոլոր փաստաթղթերի լուսապատճենները։
2015 թվականի մայիսի 27-ին քրեական գործը մեղադրական եզրակացությամբ ստացվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան։

Ապացույցների հետազոտում և գնահատում.
Դատարանում հետազոտվել և ուսումնասիրվել է նորքոհիշյալ ապացույցները` հարցաքննվել են ամբաստանյալ Արմեն Վարդանյանը, վկաներ Սոս Կարապետյանը, Հայկ Վարդանյանը և գործում եղած բոլոր փաստաթղթերը։
Հրապարակվել և հետազոտվել են 2015 թվականի մայիսի 19-ին որոշմամբ թիվ 58218014 քրեական գործով` «1. 286 հատ մարտական, նպատակային օգտագործման համար պիտանի, ռազմամթերք հանդիսացող փամփուշտներ, որոնցից 153 հատը՝ 5,45մմ /5.45x39/ տրամաչափի, նախատեսված «ԱԿ-74» տեսակի գնդացիրների և դրանց մոդիֆիկացիաների համար, 84 հատը՝ 7.62մմ 17.62x39/ տրամաչափի, նախատեսված «ԱԿ» տեսակի ինքնաձիգի, «ՌՊԿ» տեսակի ձեռքի գնդացիրների և դրանց մոդիֆիկացիաների համար, 8 հատը՝ 7.62մմ 17.62x54R/ տրամաչափի, հրացանային, նախատեսված «Մոսինի» կոնստրուկցիայի հրացանների, կարաբինների և մի շարք այլ զենքերի համար, 41 հատը՝ 5.6մմ տրամաչափի օղակաձև բոցավառման որսորդական-սպորտային հրացանային, նախատեսված համապատասխան տրամաչափի զենքերից կրակելու համար,
-89 հատ, գործարանային արտադրության, նպատակային օգտագործման համար պիտանի, ռազմամթերք հանդիսացող «ԷԴՊ» տեսակի էլեկտրադետոնատորներ,
-218 գրամ քաշով, գործարանային արտադրության, նպատակային օգտագործման համար պիտանի, պայթուցիկ նյութերի շարքին դասվող «ԴՇԱ» տեսակի դետոնացիոն քուղ,
-1.750 գրամ քաշով, գործարանային արտադրության, նպատակային օգտագործման համար պիտանի, պայթուցիկ նյութերի շարքին դասվող «ԴՇՎ» տեսակի դետոնացիոն քուղ,
-6 կտոր, գործարանային արտադրության, նպատակային օգտագործման համար պիտանի, պայթուցիկ նյութերի շարքին դասվող «ԴՇՎ» տեսակի դետոնացիոն քուղ,
-65 գրամ քաշով, կանաչ գույնի տարբեր երանգներով, ուղղանկյունաձև, բարակ, նպատակային օգտագործման համար պիտանի, թիթեղանման զանգված, որը հանդիսանում է նետողական պայթուցիկ նյութերի շարքին դասվող անծուխ վառոդ,
-1705 գրամ քաշով, կենտրոնական մասում մի անցքով, դարչնագույն և շագանակագույն, 288 մմ երկարությամբ, նպատակային օգտագործման համար պիտանի, գլանաձև նյութ, որը հանդիսանում է նետողական պայթուցիկ նյութերի շարքին դասվող անծուխ վառոդ,
-905 գրամ քաշով, դեղնավուն բեկորանման, նպատակային օգտագործման համար պիտանի, փշրտող պայթուցիկ նյութերի շարքին դասվող տրոտիլ տեսակի պայթուցիկ նյութ,
2. ՀՀ ԱԱԾ տնտեսական վարչությունից ստացված 19.09.2014 թվականի թիվ 20/395 գրությունը, համաձայն որի «Դուքենդո» կարատեի ֆեդերացիայի նախագահ Արմեն /Գոռ/ Վարդանյանին ՀՀ ԱԱԾ սպառազինության պահեստից զինվորական նշանակության առարկաներ, նյութեր, ինչպես նաև ռազմամթերք չի տրամադրվել,
3. ՀՀ ոստիկանության քրեական հետախուզության գլխավոր վարչությունից ստացված 23.09.2014 թվականի թիվ 8/3582 գրությունը, համաձայն որի` «Դուքենդո» կարատեի ֆեդերացիային և ֆեդերացիայի նախագահ Արմեն /Գոռ/ Վարդանյանին ֆիլմերի նկարահանման համար զինվորական նշանակության առարկաներ, նյուեր, ինչպես նաև ռազմամթերք չի տրամադրվել,
4. ՀՀ ԶՈՒ սպառազինության պետ-վարչության պետից ստացված 27.09.2014 թվականի թիվ 512-2194 գրությունը, համաձայն որի` ԶՈՒ սպառազինության վարչության կողմից «Ճակատագիր» գեղարվեստական ֆիլմի համար Արմեն /Գոռ/ Վարդանյանին հատկացվել է 3000 հատ 5,45 ՄՄ տրամաչափի անգնդակ փամփուշտներ։ Սպառազինության վարչության պայթուցիկ նյութեր և ծխագլանակներ չի հատկացնում,
5. ՀՀ ԶՈՒ սպառազինության պետ-վարչության պետից ստացված 27.09.2014 թվականի թիվ 512-2194 գրությանը կից ուղարկված` Գոռ Վարդանյանի կողմից ՀՀ պաշտպանության նախարարին հասցեագրված 07.06.205թ. գրությունը, հետևյալ բովանդակությամբ. «Հարգելի պարոն Ս.Սարգսյան, «Ճակատագիր» անվանումը կրող գեղարվեստական ֆիլմը, որի նկարահանումները անցկացվելու է Արցախի և Արմավիրի ուսումնավարժական բազայում և որ ֆիլմի մի մասը լինելու է մարտական գործողություններ, այդ ամենը կազմակերպելու համար հնարավոր է /5.45/ ուսումնական փամփուշտ 3000 հատ։ Խնդրում ենք Ձեզ օգնելու մեզ»,
6. ՀՀ ԶՈՒ սպառազինության պետ-վարչության պետից ստացված 27.09.2014 թ. թիվ 512-2194 գրությանը կից ուղարկված` ապրանքի բաց թողնվել, իսկ Գոռ Վարդանյանի կողմից ստացվել է 5.54 մմ X rc /7-X-561/ տեսակի 3000 հատ անգնդակ փամփուշտ,
7. ԼՂՀ ոստիկանության պետից ստացված 31.10.2014 թվականի թիվ 1-1/11491 գրությունը, համձայն որի «Դուքենդո» կարատեի ֆեդերացիայի կամ ֆեդերացիայի նախագահի Արմեն /Գոռ/ Վարդանյանին ֆիլմերի նկարահանման համար զինվորական նշանակության առարկաներ, նյութեր, հրազեն, ինչպես նաև ռազմամթերք չի տրամադրվել,
8. ԼՂՀ պաշտպանության նախարարությունից ստացված 12.12.2014 թվականի զորամաս` թիվ 19926, ջոկատ` 3234/2184 գրությունը, համաձայն, որի ՊԲ ՀՀՍ ծառայությունում, Գոռ Վարդսանյանին զինամթերքի հատկացման վերաբերյալ որևէ փաստաթուղթ չկա,
9. ԼՂՀ պաշտպանության նախարարությունից ստացված 10.03.2015 թվականի թիվ 78 գրությունը, համաձայն որի Գոռ Վարդանյանին մարտական փամփուշտներ հատկացնելու վերաբերյալ կատարվել են լրացուցիչ ուսումնասիրություններ, ինչի արդյունքում որևէ տեղեկություն կամ փաստաթուղթ առկա չէ» իրեղեն ապացույց և այլ ապացույց ճանաչված առարկաները և փաստաթղթերը։

Դատարանի իրավական վերլուծությունները

Քրեական գործի դատական քննության փուլում, 27.05.2016թ.-ին կայացած դատական նիստի ժամանակ գործով մեղադրող Արամ Արամյանը, իրականացնելով իր դատավարական լիազորությունները` հայտարարել է Արմեն Գարիկի Վարդանյանին ՀՀ քրեական օրենսգրքի 235-րդ հոդվածի 1-ին մասով առաջադրված մեղադրանքից հրաժարվելու և նրա նկատմամբ քրեական հետապնդում իրականացնելուց։
Ամբաստանյալ Արմեն Գարիկի Վարդանյանի շահերի պաշտպաններ Նաիրա Պետրոսյանը և Հակոբ Ղարախանյանը չառարկեցին ներկայացված միջնորդության դեմ։
Ամբաստանյալ Արմեն Գարիկի Վարդանյանը միացել է իր պաշտպանների դիրքորոշմանը։
ՀՀ քրեական դատավարության օրենսգրքի 1-ին հոդվածի 1-ին մասի պահանջների համաձայն`
«Հայաստանի Հանրապետության տարածքում քրեական գործերով վարույթի կարգը սահմանվում է Հայաստանի Հանրապետության Սահմանադրությամբ, Հայաստանի Հանրապետության միջազգային պայմանագրերով, սույն օրենսգրքով, Հայաստանի Հանրապետության դատական օրենսգրքով և դրանց համապատասխան ընդունված այլ օրենքներով»։
Այլ օրենքներում պարունակվող քրեական դատավարության իրավունքի նորմերը պետք է համապատասխանեն սույն օրենսգրքին։
Ըստ նույն հոդվածի 2-րդ մասի պահանջների`
«քրեական դատավարության օրենսդրությամբ սահմանված վարույթի կարգը պարտադիր է դատարանների, հետաքննության, նախաքննության և դատախազության մարմինների, ինչպես նաև դատավարության մասնակիցների համար»։
ՀՀ քրեական դատավարության օրենսգրքի 2-րդ հոդվածը սահմանում է.
«Քրեական դատավարությունն իրականացվում է` ապահովելու համար`
1) անձի, հասարակության և պետության պաշտպանությունը հանցագործությունից.
2) անձի և հասարակության պաշտպանությունը պետական իշխանության ինքնիրավ գործողություններից և չարաշահումներից` կապված իրական կամ ենթադրվող հանցավոր արարքի հետ։
2. Քրեական դատավարություն իրականացնող մարմինները պարտավոր են ձեռնարկել բոլոր միջոցառումները, որպեսզի իրենց գործունեության արդյունքում`
1) քրեական օրենսգրքերով չթույլատրված արարք կատարած յուրաքանչյուր ոք բացահայտվի և քրեական օրենքով նախատեսված դեպքերում և սույն օրենսգրքով սահմանված կարգով պատասխանատվության ենթարկվի.
2) ոչ մի անմեղ անձ հանցանքի կատարման մեջ չկասկածվի, չմեղադրվի և չդատապարտվի.
3) ոչ ոք անօրինական կամ առանց անհրաժեշտության չենթարկվի դատավարական հարկադրանքի միջոցների, պատժի, իրավունքների և ազատությունների այլ սահմանափակման»։
ՀՀ քրեական դատավարության օրենսգրքի 54-րդ հոդվածի 1-ին մասի 9-րդ կետի համաձայն`
«Քրեական գործը դատարանի կողմից քննելիս մեղադրողը լիազորված է` …հրաժարվել մեղադրյալի նկատմամբ քրեական հետապնդում իրականացնելուց»։
Համաձայն ՀՀ քրեական դատավարության օրենսգրքի 35-րդ հոդվածի 1-ին մասի`
«քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե
… 2/ արարքի մեջ հանցակազմ չկա…/։
Համաձայն ՀՀ քրեական դատավարության օրենսգրքի 35-րդ հոդվածի 4-րդ մասի`
«4/ Մեղադրողը, դատարանում հայտնաբերելով քրեական հետապնդումը բացառող հանգամանքներ, պարտավոր է հայտարարել ամբաստանյալի նկատմամբ քրեական հետապնդում իրականացնելուց հրաժարվելու մասին։ Ամբաստանյալի նկատմամբ քրեական հետապնդում իրականացնելուց հրաժարվելու մասին մեղադրողի հայտարարությունը դատարանի համար քրեական գործի վարույթը կարճելու և քրեական հետապնդումը դադարեցնելու հիմք է»։
Համաձայն ՀՀ քրեական դատավարության օրենսգրքի 366-րդ հոդվածի 1-ին մասի պահանջների`
«արդարացման դատավճիռը ճանաչում և հռչակում է հանցանքի կատարման մեջ ամբաստանյալի անմեղությունը` այն մեղադրանքով, որով նա ներգրավվել է որպես մեղադրյալ»։
Ըստ նույն հոդվածի 2-րդ մասի պահանջների`
«դատարանը պարտավոր է սույն օրենսգրքի 35 հոդվածի առաջին մասի 1-3-րդ կետերով և երկրորդ մասով նախատեսված հիմքերից որևէ մեկի առկայության դեպքում տվյալ դատական նիստում կայացնել արդարացման դատավճիռ»։
Համաձայն նույն հոդվածի 4-րդ մասի պահանջների`
«դատարանում մեղադրանքը պաշտպանող դատախազը մեղադրանքից հրաժարվելու դեպքում դատարանը մեղադրանքի այդ մասով կայացնում է արդարացնող դատավճիռ»։
Տվյալ դեպքում, դատարանն արձանագրում է, որ դատարանում մեղադրանքը պաշտպանող դատախազը ՀՀ քրեական դատավարության օրենսգրքի 35-րդ հոդվածի 4-րդ մասի և 54-րդ հոդվածի 1-ին մասի 9-րդ կետի պահանջների համաձայն իրավասու է հայտարարել ամբաստանյալի նկատմամբ քրեական հետապնդումն իրականացնելուց հրաժարվելու մասին ՀՀ քրեական դատավարության օրենսգրքի 35-րդ հոդվածի 1-ին մասով նախատեսված բոլոր տասներեք հանգամանքների առկայության դեպքում։
Այդ ամենի հետ մեկտեղ դատարանը հարկ է համարում նշել, որ ՀՀ քրեական դատավարության օրենսգրքի 35-րդ հոդվածի 1-ին մասով նախատեսված ոչ բոլոր դեպքերում է, որ մասնակցող դատախազի կողմից մեղադրանքից հրաժարվելու դեպքում գործի քննությունն ավարտվում է։

Համաձայն ՀՀ քրեական դատավարության օրենսգրքի 366-րդ հոդվածի 4-րդ մասի «դատարանում մեղադրանքը պաշտպանող դատախազը մեղադրանքից հրաժարվելու դեպքում դատարանը մեղադրանքի այդ մասով կայացնում է արդարացնող դատավճիռ»։
ՀՀ Վճռաբեկ դատարանը իր թիվ ՏԴ2/0030/01/13 որոշմամբ հայտնել է հետևյալ դիրքորոշումը «... Ինչ վերաբերում է մեղադրանքից հրաժարվելուն, ապա համապատասխան հիմքերի առկայության դեպքում /տես սույն որոշման նախորդ կետի 2 ենթակետը/ դատախազի` որպես պետության անունից քրեական հետապնդում իրականացնող անձի դիրքորոշումը պարտադիր է դատավարության մյուս սյուբեկների, այդ թվում` դատարանի համար։ Մեղադրանքից հրաժարվելու վերաբերյալ դատախազի կամահայտնությունը հավասարազոր է մեղադրանքի /մեղավորության մասին վեճի/ բացակայության, որպիսի պայմաններում քրեական դատավարությունը չի կարող շարունակվել և դատարանը պարտավոր է ավարտել գործի վարույթն արդարացման հիմքով»։

Համաձայն ՀՀ քրեական դատավարության օրենսգրքի 18-րդ հոդվածում սահմանված անմեղության կանխավարկածի սկզբունքնների`
• Հանցագործության համար կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ օրենսգրքով սահմանված կարգով՝ դատարանի օրինական ուժ ստացած դատավճռով։
• Կասկածյալը կամ մեղադրյալը պարտավոր չէ ապացուցել իր անմեղությանը։
Նրանց անմեղության ապացուցման պարտականությունը չի կարող դրվել պաշտպանության կողմի վրա։
• Մեղադրանքի ապացուցման և կասկածյալին կամ մեղադրյաին ի պաշտպանություն բերված փաստարկների հերքման պարտականությունը կրում է մեղադրանքի կողմը։
• Հանցանք գործելու մեջ անձի մեղավորության մասին հետևությունը չի կարող հիմնվել ենթադրությունների վրա, այն պետք է հաստատվի գործին վերաբերող փոխկապակցված հավաստի ապացույցների բավարար ամբողջությամբ։
• Մեղադրանքն ապացուցված լինելու վերաբերյալ բոլոր կասկածները, որոնք չեն կարող փարատվել քրեական դատավարական օրենսգրքի պահանջներին համապատասխան պատշաճ իրավական ընթացակարգի շրջանակներում, մեկնաբանվում են հօգուտ մեղադրյալի կամ կասկածյալի։
• Կասկածյալի կամ մեղադրյալի նկատմամբ կիրառվող խափանման միջոցները չեն կարող պարունակել պատժի տարրեր։
Այսպիսով՝ օրենսգիրքն ամբողջացրել, հստակեցրել ամրապնդել է Սահմանադրությամբ ամրագրված անմեղության կանխավարկածի դրույթները, ապահովելով այդ սկզբունքի իրականացման օրենսդրական երաշխիքները։
Այսպես, «Մարդու իրավունքների համընդհանուր հռչակագրի» 11-րդ հոդվածի համաձայն՝
«քրեական հանցագործության մեջ մեղադրվող յուրաքանչյուր ոք իրավունք ունի համարվելու անմեղ, քանի դեռ նրա մեղավորությունը ապացուցված չէ ըստ օրենքի, հրապարակային դատաքննությամբ...։
Նմանատիպ նորմ նախատեսված է նաև «Քաղաքացիական և քաղաքական իրավունքների» մասին միջազգային դաշնագրի 14-րդ հոդվածի 2-րդ մասում։
«Մարդու իրավունքների և հիմնարար ազատությունների պաշտպանության մասին» 1950թ. Եվրոպական համաձայնագրի (կոնվենցիայի) 6-րդ հոդվածի 2-րդ մասի համաձայն՝
«յուրաքանչյուր ոք, ով մեղադրվում է քրեական հանցագործություն կատարելու մեջ, համարվում է անմեղ, քանի դեռ նրա մեղավորությունն ապացուցված չէ օրենքին համապատասխան»։
ՀՀ Սահմանադրության 41-րդ հոդվածի համաձայն՝
«հանցագործության մեջ մեղադրվողը համարվում է անմեղ, քանի դեռ նրա մեղավորությունն ապացուցված չէ օրենքով սահմանված կարգով դատարանի օրինական ուժի մեջ ստացած դւստավճռով»։
Ասվածից հետևում է, որ անձին՝ ինչպես մեղավոր ճանաչելու, այնպես էլ նրան անմեղ հռչակելու վերաբերյալ դատական ակտերը պետք է լինեն ոչ թե որոշման, այլ ավելի լայն իրավազորություններ սահմանող՝ դատավճռի, տեսքով, որի պայմաններում միայն կարող է ճանաչվել և հռչակվել անձի անմեղությունը նրան մեղսագրված որևէ հանցավոր արարքում։
Այսպես՝ համաձայն ՀՀ քրեական դատավարության օրենսգրքի 66-րդ հոդվածի`
«1. Արդարացված է այն անձը, որի նկատմամբ քրեական հետապնդումը դադարեցվել կամ քրեական գործով վարույթը կարճվել է սույն օրենսգրքի 35-րդ հոդվածի առաջին մասի 1-3-րդ կետերով և երկրորդ մասով նախատեսված որևէ հիմքով, կամ որի նկատմամբ կայացվել է արդարացման դատավճիռ։
2. Արդարացվածն իրավունք ունի բողոքարկել իր նկատմամբ քրեական գործի վարույթը կարճելու կամ քրեական հետապնդումը դադարեցնելու հիմքերը կամ արդարացման դատավճիռը։
3. Արդարացվածն իրավունք ունի նաև պահանջել իրեն անօրինական ձերբակալման, կալանավորման, որպես մեղադրյալ ներգրավելու և դատապարտման հետևանքով պատճառված վնասի գույքային հատուցում ամբողջ ծավալով` հաշվի առնելով իրական հնարավոր բաց թողնված օգուտները։
4. Արդարացվածը որպես հատուցում իրավունք ունի ստանալ`
1) աշխատավարձը, թոշակը, նպաստները, այլ եկամուտներ, որոնցից նա զրկվել է.
2) գույքի բռնագրավմամբ` այն պետության եկամուտ դարձնելու, քննություն իրականացնող մարմինների կողմից առգրավվելու, գույքի վրա կալանք դնելու հետևանքով պատճառված վնասը.
3) վճարված դատական ծախսերը.
4) փաստաբանին վճարված գումարները.
5) դատավճիռն ի կատար ածելիս վճարված կամ առգրավված տուգանքը։
5. Գումարները, որոնք ծախսվել են անձին անազատության մեջ պահելու համար, դատական ծախսերը, ինչպես նաև անազատության մեջ պարտադիր աշխատանքներ կատարելու համար այդ անձի աշխատավարձը չեն կարող հանվել այն գումարից, որը ենթակա է վճարման քրեական վարույթն իրականացնող մարմնի սխալի հետևանքով պատճառված վնասը հատուցելու համար։
6. Այն դեպքում, երբ քրեական գործի վարույթը կարճվել է, քրեական հետապնդումը դադարեցվել է կամ արդարացման դատավճիռ է կայացվել հանցակազմի բացակայության հիմքով, սույն հոդվածով նախատեսված վնասի հատուցումը կատարվում է միայն քաղաքացիական դատավարության կարգով` քաղաքացիական հայցի լուծումից հետո։
7. Այն դեպքում, երբ արդարացման դատավճիռը կամ քրեական գործը կարճելու կամ հետապնդումը դադարեցնելու մասին որոշումը, որի հիման վրա կատարվել է վնասի հատուցում, վերացվել է և համապատասխան անձի նկատմամբ նույն գործով կայացվել է մեղադրական դատավճիռ, գումարները, որոնք վճարվել են որպես վնասի հատուցում, կարող է առգրավել դատարանը, որոշման կատարման շրջադարձման կարգով։
8. Արդարացվածն իրավունք ունի նաև`
1) վերականգնվել նախկին աշխատանքում (նախկին պաշտոնում), իսկ դրա անհնարինության դեպքում` ստանալ համարժեք աշխատանք (պաշտոն) կամ նախկին աշխատանքը (պաշտոնը) կորցնելու հետևանքով պատճառված վնասի դրամական փոխհատուցում.
2) ազատազրկման, կալանքի կամ ազատության սահմանափակման ձևով պատիժը կրել, ինչպես նաև կարգապահական գումարտակում պահվելու ժամանակը բոլոր տեսակի աշխատանքային ստաժների մեջ հաշվակցել.
3) հետ ստանալ նախկինում զբաղեցրած բնակելի տարածքը, իսկ դրա անհնարինության դեպքում` ստանալ բնակմակերեսով և գտնվելու վայրով համարժեք բնակելի տարածք.
4) զինվորական և այլ կոչումների վերականգնման` հաշվի առնելով երկարամյա ծառայությունը։
9. Արդարացվածի պահանջով`
1) դատարանը կամ քննություն իրականացնող մարմինները պարտավոր են այդ մասին երկշաբաթյա ժամկետում հայտնել անձի նախկին և ներկա աշխատանքի, ուսման, բնակության վայր.
2) լրատվության միջոցը, որը հրապարակել է քրեական գործի վարույթով կասկածյալին կամ մեղադրյալին նշանակվող տեղեկություններ, պարտավոր է մեկ ամսվա ընթացքում հայտնել գործով կայացված վերջնական որոշման մասին։
10. Քրեական հետապնդման մարմինը պարտավոր է գրավոր ներողություն հայցել արդարացվածից։
11. Արդարացվածի մահվան կամ անգործունակության դեպքում պահանջի իրավունքը սույն հոդվածի չորրորդ, հինգերորդ և իններորդ մասերով անցնում է նրա մոտակա հերթի ժառանգներին»։
Վերը շարադրվածից ելնելով, դատարանը փաստում է, որ արդարացման դատավճռով ոչ միայն ճանաչվում և հռչակվում է անձի անմեղությունը նրան մեղսագրված հանորեն վտանգավոր արարքի կատարման մեջ, այլ հասարակության, անկախ դիտորդի, ինչպես նաև հենց իր՝ մեղադրվողի, մոտ ստեղծում է արդարացման ու արդարացիության ընկալում, մինչդեռ քրեական հետապնդումը դադարեցնելու և քրեական գործը կարճելու մասին որոշումը չի կարող առաջացնել՝ նախ այնպիսի լայն իրավազությություններ, ինչպես արդարացման դատավճիռը, ապա նաև ստեղծել այնպիսի տպավորություն, որ իրականում տեղի է ունեցել արդարադատություն, մինչդեռ, դատարանն արձանագրում է, որ արդարադատությունը ոչ միայն պետք է իրականացվի, այլ այն պետք է իրականացվի ու լինի տեսանելի և ընկալելի։
Այսպիսով, դատարանը հիմք ընդունելով ՀՀ Սահմանադրության, «Մարդու իրավունքների համընդհանուր հռչակագրի» և «Մարդու իրավունքների և հիմնարար ազատությունների պաշտպանության մասին» 1950թ. Եվրոպական համաձայնագրի վերը շարադրված նորմերը, ղեկավարվելով ՀՀ քրեական դատավարության օրենսգրքի 366-րդ հոդվածով՝ գտնում է, որ ՀՀ քրեական օրենսգրքի 235-րդ հոդվածի 1-ին մասի հատկանիշներով մեղադրվող ամբաստանյալ Արմեն Գարիկի Վարդանյանի նկատմամբ պետք է կայացվի արդարացման դատավճիռ` մեղադրողի կողմից ամբաստանյալին առաջադրված մեղադրանքից հրաժարվելու պատճառաբանությամբ։
Այս պայմաններում, դատարանը գտնում է, որ Արմեն Գարիկի Վարդանյանի նկատմամբ ընտրված խափանման միջոցը` ստորագրություն չհեռանալու մասին պետք է, վերացնել։





Դատավճիռը օրինական ուժի մեջ մտնելուց հետո, քրեական գործով իրեղեն ապացույց ճանաչված «1. 286 հատ մարտական, նպատակային օգտագործման համար պիտանի, ռազմամթերք հանդիսացող փամփուշտները, որոնցից 153 հատը՝ 5,45մմ /5.45x39/ տրամաչափի, նախատեսված «ԱԿ-74» տեսակի գնդացիրների և դրանց մոդիֆիկացիաների համար, 84 հատը՝ 7.62մմ 17.62x39/ տրամաչափի, նախատեսված «ԱԿ» տեսակի ինքնաձիգի, «ՌՊԿ» տեսակի ձեռքի գնդացիրների և դրանց մոդիֆիկացիաների համար, 8 հատը՝ 7.62մմ 17.62x54R/ տրամաչափի, հրացանային, նախատեսված «Մոսինի» կոնստրուկցիայի հրացանների, կարաբինների և մի շարք այլ զենքերի համար, 41 հատը՝ 5.6մմ տրամաչափի օղակաձև բոցավառման որսորդական-սպորտային հրացանային, նախատեսված համապատասխան տրամաչափի զենքերից կրակելու համար,
-89 հատ, գործարանային արտադրության, նպատակային օգտագործման համար պիտանի, ռազմամթերք հանդիսացող «ԷԴՊ» տեսակի էլեկտրադետոնատորները,
-218 գրամ քաշով, գործարանային արտադրության, նպատակային օգտագործման համար պիտանի, պայթուցիկ նյութերի շարքին դասվող «ԴՇԱ» տեսակի դետոնացիոն քուղը,
-1.750 գրամ քաշով, գործարանային արտադրության, նպատակային օգտագործման համար պիտանի, պայթուցիկ նյութերի շարքին դասվող «ԴՇՎ» տեսակի դետոնացիոն քուղը,
-6 կտոր, գործարանային արտադրության, նպատակային օգտագործման համար պիտանի, պայթուցիկ նյութերի շարքին դասվող «ԴՇՎ» տեսակի դետոնացիոն քուղը,
-65 գրամ քաշով, կանաչ գույնի տարբեր երանգներով, ուղղանկյունաձև, բարակ, նպատակային օգտագործման համար պիտանի, թիթեղանման զանգված, որը հանդիսանում է նետողական պայթուցիկ նյութերի շարքին դասվող անծուխ վառոդը,
-1705 գրամ քաշով, կենտրոնական մասում մի անցքով, դարչնագույն և շագանակագույն, 288 մմ երկարությամբ, նպատակային օգտագործման համար պիտանի, գլանաձև նյութ, որը հանդիսանում է նետողական պայթուցիկ նյութերի շարքին դասվող անծուխ վառոդը,
-905 գրամ քաշով, դեղնավուն բեկորանման, նպատակային օգտագործման համար պիտանի, փշրտող պայթուցիկ նյութերի շարքին դասվող տրոտիլ տեսակի պայթուցիկ նյութը, պետք է բռնագրավել հօգուտ Հայաստանի Հանրապետության։
Դատավճիռը օրինական ուժի մեջ մտնելուց հետո, քրեական գործով այլ ապացույց ճանաչված` ՀՀ ԱԱԾ տնտեսական վարչությունից ստացված 19.09.2014 թվականի թիվ 20/395 գրությունը, ՀՀ ոստիկանության քրեական հետախուզության գլխավոր վարչությունից ստացված 23.09.2014 թվականի թիվ 8/3582 գրությունը, ՀՀ ԶՈՒ սպառազինության պետ-վարչության պետից ստացված 27.09.2014 թվականի թիվ 512-2194 գրությունը, ՀՀ ԶՈՒ սպառազինության պետ-վարչության պետից ստացված 27.09.2014 թվականի թիվ 512-2194 գրությանը կից ուղարկված` Գոռ Վարդանյանի կողմից ՀՀ պաշտպանության նախարարին հասցեագրված 07.06.205թ. գրությունը, ՀՀ ԶՈՒ սպառազինության պետ-վարչության պետից ստացված 27.09.2014 թ. թիվ 512-2194 գրությունը, ԼՂՀ ոստիկանության պետից ստացված 31.10.2014 թվականի թիվ 1-1/11491 գրությունը, ԼՂՀ պաշտպանության նախարարությունից ստացված 12.12.2014 թվականի զորամաս` թիվ 19926, ջոկատ` 3234/2184 գրությունը, ԼՂՀ պաշտպանության նախարարությունից ստացված 10.03.2015 թվականի թիվ 78 գրությունը` պետք է թողնել քրեական գործին կցված` դրա պահելու ամբողջ ժամանակամիջոցում։

Եզրափակիչ մաս.

Ելնելով վերոգրյալից և ղեկավարվելով ՀՀ Քրեական օրենսգրքի 10-րդ, ՀՀ քրեական դատավարության օրենսգրքի 18, 35, 54, 66, 357-360, 364, 366, 369-373-րդ հոդվածներով, դատարանը






Վ Ճ Ռ Ե Ց`

Արմեն Գարիկի Վարդանյանին` ՀՀ քրեական օրենսգրքի 235-րդ հոդվածի 1-ին մասով առաջադրված մեղադրանքում ճանաչել անմեղ և արդարացնել։
Արմեն Գարիկի Վարդանյանի նկատմամբ ընտրված խափանման միջոցը` ստորագրություն չհեռանալու մասին, վերացնել։
Արմեն Գարիկի Վարդանյանին պարզաբանել ՀՀ քրեական դատավարության օրենսգրքի 66-րդ և 67-րդ հոդվածներով սահմանված` արդարացվածի և նրան պատճառված /հնարավոր/ վնասի հատուցման` նրա իրավունքներն ու հատուցման կարգը։
Դատավճիռը օրինական ուժի մեջ մտնելուց հետո, քրեական գործով իրեղեն ապացույց ճանաչված «1. 286 հատ մարտական, նպատակային օգտագործման համար պիտանի, ռազմամթերք հանդիսացող փամփուշտները, որոնցից 153 հատը՝ 5,45մմ /5.45x39/ տրամաչափի, նախատեսված «ԱԿ-74» տեսակի գնդացիրների և դրանց մոդիֆիկացիաների համար, 84 հատը՝ 7.62մմ 17.62x39/ տրամաչափի, նախատեսված «ԱԿ» տեսակի ինքնաձիգի, «ՌՊԿ» տեսակի ձեռքի գնդացիրների և դրանց մոդիֆիկացիաների համար, 8 հատը՝ 7.62մմ 17.62x54R/ տրամաչափի, հրացանային, նախատեսված «Մոսինի» կոնստրուկցիայի հրացանների, կարաբինների և մի շարք այլ զենքերի համար, 41 հատը՝ 5.6մմ տրամաչափի օղակաձև բոցավառման որսորդական-սպորտային հրացանային, նախատեսված համապատասխան տրամաչափի զենքերից կրակելու համար,
-89 հատ, գործարանային արտադրության, նպատակային օգտագործման համար պիտանի, ռազմամթերք հանդիսացող «ԷԴՊ» տեսակի էլեկտրադետոնատորները,
-218 գրամ քաշով, գործարանային արտադրության, նպատակային օգտագործման համար պիտանի, պայթուցիկ նյութերի շարքին դասվող «ԴՇԱ» տեսակի դետոնացիոն քուղը,
-1.750 գրամ քաշով, գործարանային արտադրության, նպատակային օգտագործման համար պիտանի, պայթուցիկ նյութերի շարքին դասվող «ԴՇՎ» տեսակի դետոնացիոն քուղը,
-6 կտոր, գործարանային արտադրության, նպատակային օգտագործման համար պիտանի, պայթուցիկ նյութերի շարքին դասվող «ԴՇՎ» տեսակի դետոնացիոն քուղը,
-65 գրամ քաշով, կանաչ գույնի տարբեր երանգներով, ուղղանկյունաձև, բարակ, նպատակային օգտագործման համար պիտանի, թիթեղանման զանգված, որը հանդիսանում է նետողական պայթուցիկ նյութերի շարքին դասվող անծուխ վառոդը,
-1705 գրամ քաշով, կենտրոնական մասում մի անցքով, դարչնագույն և շագանակագույն, 288 մմ երկարությամբ, նպատակային օգտագործման համար պիտանի, գլանաձև նյութ, որը հանդիսանում է նետողական պայթուցիկ նյութերի շարքին դասվող անծուխ վառոդը,
-905 գրամ քաշով, դեղնավուն բեկորանման, նպատակային օգտագործման համար պիտանի, փշրտող պայթուցիկ նյութերի շարքին դասվող տրոտիլ տեսակի պայթուցիկ նյութը, բռնագրավել հօգուտ Հայաստանի Հանրապետության։

Դատավճիռը օրինական ուժի մեջ մտնելուց հետո, քրեական գործով այլ ապացույց ճանաչված` ՀՀ ԱԱԾ տնտեսական վարչությունից ստացված 19.09.2014 թվականի թիվ 20/395 գրությունը, ՀՀ ոստիկանության քրեական հետախուզության գլխավոր վարչությունից ստացված 23.09.2014 թվականի թիվ 8/3582 գրությունը, ՀՀ ԶՈՒ սպառազինության պետ-վարչության պետից ստացված 27.09.2014 թվականի թիվ 512-2194 գրությունը, ՀՀ ԶՈՒ սպառազինության պետ-վարչության պետից ստացված 27.09.2014 թվականի թիվ 512-2194 գրությանը կից ուղարկված` Գոռ Վարդանյանի կողմից ՀՀ պաշտպանության նախարարին հասցեագրված 07.06.205թ. գրությունը, ՀՀ ԶՈՒ սպառազինության պետ-վարչության պետից ստացված 27.09.2014 թ. թիվ 512-2194 գրությունը, ԼՂՀ ոստիկանության պետից ստացված 31.10.2014 թվականի թիվ 1-1/11491 գրությունը, ԼՂՀ պաշտպանության նախարարությունից ստացված 12.12.2014 թվականի զորամաս` թիվ 19926, ջոկատ` 3234/2184 գրությունը, ԼՂՀ պաշտպանության նախարարությունից ստացված 10.03.2015 թվականի թիվ 78 գրությունը` թողնել քրեական գործին կցված` դրա պահելու ամբողջ ժամանակամիջոցում։
Դատական ծախսերի հարցը համարել լուծված։
Սույն դատավճիռը վերաքննության կարգով կարող է բողոքարկվել ՀՀ վերաքննիչ քրեական դատարան` հրապարակման պահից մեկ ամսվա ընթացքում։

ԴԱՏԱՎՈՐ` Ա. ԲԵԿԹԱՇՅԱՆ