Գործ թիվ ԵԿԴ/0137/01/15





Ո Ր Ո Շ ՈՒ Մ
քրեական գործի վարույթը կարճելու և քրեական հետապնդումը
դադարեցնելու մասին

«25» հունիսի 2015թ. ք. Երևան

Երևանի Կենտրոն և Նորք - Մարաշ վարչական շրջանների ընդհանուր իրավա¬սության դատարանը (այսուհետ` Դատարան),

նախագահությամբ դատավոր` Արշակ Վարդանյանի,
քարտուղարությամբ` Գևորգ Պողոսյանի,

մասնակցությամբ`

մեղադրող, Երևանի Կենտրոն և
Նորք-Մարաշ վարչական շրջանների
դատախազության դատախազ` Արթուր Մանուկյանի,

տուժողներ` Արևիկ Ղազարյանի և
Եղիշե Ղազարյանի,

նույն դատարանում` խորհրդակցական սենյակում, քննության առնելով քրեական գործն ըստ մեղադրանքի` Արտակ Սուրենի Սոսյանի` (ծնված 1978թ. փետրվարի 4-ին, Երևան քաղաքում, ազ¬գութ¬յամբ հայ, ՀՀ քա¬ղաքացի, միջնակարգ կրթութ¬յամբ, ամուրի, չի աշխատում, նախ¬կինում չդատա¬պարտված, հաշվառված և բնակվում է Երևանի Բրյուսովի 60-րդ տանը), հաշվի առնելով քրեական գործի դա¬տական քննության ընթացքում քրեական գործի վարույթը բացառող հանգա¬մանքի ի հայտ գալու փաստը,
Պ Ա Ր Զ Ե Ց`

Մասնավոր մեղադրանքի վերաբերյալ թիվ 13144715 քրեական գործն հարուցվել է 2015թ. ապրիլի 28-ին` ՀՀ քրեական օրենսգրքի 118-րդ հոդվածով մասի հատկանիշներով ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջան¬ների քննչական բաժնում` տուժողներ Արևիկ Ղազարյանի և Եղիշե Ղազարյանի հաղորդման հի¬ման վրա նախա¬պատ¬րաստված նյութերի քննարկ¬ման արդյունքներով։
2015թ. մայիսի 14-ին Արտակ Սոսյանի նկատմամբ որպես խափանման միջոց է ընտրվել չհե¬ռանալու վերաբերյալ ստորագրություն, 2015թ. մայսիի 18-ին նրան մեղադրանք է առաջադրվել ՀՀ քրեական օրենսգրքի 118-րդ հոդվածով։
2015թ. մայիսի 26-ին սույն քրեական գործն Արտակ Սուրենի Սոսյանի նկատ¬մամբ ՀՀ քրեական օրենսգրքի 118-րդ հոդվածով հաստատված մեղադրական եզրակա¬ցութ¬յամբ ուղարկվել է Երևանի Կենտրոն և Նորք-Մարաշ վարչական շրջանների ընդհանուր իրա¬վա¬¬սութ¬յան դատա¬րան, 2015թ. հունիսի 1-ին ընդունվել է Դատարանի վարույթ, իսկ 2015թ. հունիսի 15-ին նշանակվել դատական քննության։
Համաձայն Արտակ Սոսյանին որպես մեղադրյալ ներգրավելու որոշման, ինչպես նաև մեղադրական եզրակացության` վերջինիս մեղադրանք է առա¬ջադրվել այն բանի համար, որ նա 2015թ. ապրիլի 12-ին` ժամը 23։40-ի սահմաններում, Երևանի քաղաքի Բրյուսովի 23-րդ հասցեում վիճաբանել է Արևիկ Լևոնի Ղազարյանի և Եղիշե Սմբատի Ղազարյանի հետ, որի ընթացքում ծեծի է ենթարկել նրանց, ձեռքերով ու ոտքերով դիտավորությամբ հարվածել է վերջիններիս մարմնի տարբեր մասերին և նրանց պատճառել առողջության թեթև վնասի հատկանիշներ չպարունակող մարմնական վնասվածքներ, որի կատարման համար Արտակ Սոսյանին մեղադրանք է առա¬ջադրվել ՀՀ քրեական օրենսգրքի 185-րդ հոդվածի 1-ին մասով։
2015թ. հունիսի 23-ին Դատարանին հասցեագրած համատեղ դիմումով տուժողներ Արևիկ և Եղիշե Ղազարյանները հայտնել են, որ հաշտվել են ամբաստանյալ Արտակ Սոսյանի հետ, նրա դեմ բողոք և պահանջ չունեն և չեն ցանկանում, որ նա ենթարկվի քրեական պատասխա¬նատ¬վության։
Նույն օրը Դատարան է դիմել նաև ամբաստանյալ Արտակ Սոսյանը, ով գրավոր դիմում ներկա¬յացնելով` հայտնել է, որ հաշտվել է տուժողների հետ և չի առարկում, որ իր նկատմամբ հարուցված քրեական հետապնդումը դադարեցվի ոչ արդարացնող այդ հիմքով։
Դատական նիստի նախապատրաստական փուլում տուժողներ Արևիկ և Եղիշե Ղազար¬յան¬ները, ինչպես նաև ամբաստանյալ Արտակ Սոսյանը վերահաստատեցին միմյանց հետ հաշտվե¬լու փաստը։
Գործով մեղադրող Արթուր Մանուկյանը չառարկեց քրեական գործի վարույթը կարճելու և ամբաստանյալ Արտակ Սոսյանի նկատ¬մամբ և հետապնդումը հաշտության հիմքով դադարեցնելու դեմ։
Դատարանը, լսելով մեղադրողին, հաշվի առնելով տուժողների և ամբաստանյալի վե¬րոնշյալ դիր¬քո¬րոշումները, գտնում է, որ ի հայտ է եկել քրեական գործի վարույթը բացառող հանգամանք (հիմք), որի պայմաններում քրեական գործի վարույթն ենթակա է կարճման, իսկ ամբաստանյալ Արտակ Սոսյանի նկատմամբ հարուցված քրեա¬կան հետապնդումը` դադա¬րեցման, որպիսի հետևության հանգում է հետևյալ իրա¬վական վերլու¬ծութ¬յունների արդյունքներով.
ՀՀ քրեական դատավարական օրենսգրքի 33-րդ հոդվածի համաձայն` մասնավոր մե¬ղադրան¬¬քի գործեր են համարվում նույն օրենսգրքի 183-րդ հոդվածում նախատեսված հան¬ցագոր¬ծություն¬ների վերաբերյալ գործերը։
Ի թիվս ՀՀ քրեական դատավարական օրենսգրքի 183-րդ հոդվածում թվարկվածների` ՀՀ քրեական օրենսգրքի …..(…) 118-րդ հոդվածով նախատեսված հանցագործությունների վերաբերյալ գործերը ևս հարուցվում են ոչ այլ կերպ, քան տուժողի բողոքի հիման վրա, և կաս¬կած¬յալի կամ մեղադրյալի կամ ամբաստանյալի հետ նրա հաշտվելու դեպքում ենթակա են կարճման։ Հաշտությունը թույլատրվում է մինչև դատավճիռ կայացնելու համար դատարանի խորհրդակ¬ցա¬կան սենյակ հեռանալը։
ՀՀ քրեական դատավարական օրենսգրքի 35-րդ հոդվածի 1-ին մասի 5-րդ կետի համա¬ձայն` քրեական հետապնդում չի կարող իրականացվել, իսկ հարուցված քրեական գործի վա¬րույ¬թը ենթակա է կարճման, եթե ՀՀ քրեական դատավարական օրենսգրքով հատկապես նախա¬տես¬ված դեպքերում տուժողը հաշտվել է կասկածյալի կամ մեղադրյալի հետ։ Նույն հոդվածի 5-րդ մասի համաձայն` Դատա¬րա¬նը, հայտնաբերելով քրեական հետապնդումը բացա¬ռող հանգա¬մանք¬ներ, լուծում է ամբաստանյալի նկատմամբ քրեական հետապնդումը դադարեց¬նելու հարցը։
ՀՀ քրեական դատավարական օրենսգրքի 36-րդ հոդվածի համաձայն` մասնավոր հե¬տապնդման գործերի վարույթը կարճվում է և փաստվում է քրեական հետապնդում իրակա¬նաց¬նե¬լու հրաժարում, երբ տուժողն հաշտվում է մեղադրյալի հետ։
ՀՀ քրեական դատավարական օրենսգրքի 64-րդ հոդվածի 2-րդ մասի համաձայն` մե¬ղադրյալը, ում վերաբերյալ գործը նշանակված է դատական քննության, կոչվում է ամբաստանյալ, հետևաբար` ՀՀ քրեական դատավարական օրենսգրքի 35-րդ և 36-րդ հոդվածների վերոնշյալ մեկ¬նաբանությունները վերաբերելի են նաև սույն գործով ամբաստանյալի կարգավիճակ ունեցող Իսրայել Հակոբկոխյանի նկատմամբ։
ՀՀ քրեական դատավարական օրենսգրքի 294-րդ հոդվածի 2-րդ մասի համաձայն` գործով վարույթը կարճելու և/կամ քրեական հետապնդումը դադարեցնելու մասին որոշումն ընդգրկում է նախնական քննության փուլում ընտրված խափանման և վնասի հատուցման ապահովման միջոց¬ները, քրեադատավարական հարկադրանքի այլ միջոցները վերացնելու մասին որոշում, ինչպես նաև որոշում` իրեղեն ապացույցների ճակատագրի վերաբերյալ։ Տվյալ հարցին անդրադառնալով` Դատարանն արձանագրում է, որ քրեական գործով իրեղեն ապացույցներ չկան։
ՀՀ քրեական դատավարական օրենսգրքի 151-րդ հոդվածի 2-րդ մասի համաձայն` խա¬փան¬¬ման միջոցը վերացվում է, երբ վերանում է դրա անհրաժեշտությունը, հետևաբար` վե¬րոնշյալ տրա¬մաբանությամբ ամբաստանյալ Արտակ Սոսյանի նկատմամբ ընտրված խափան¬ման միջոց չհեռանալու մասին ստորագրությունն ենթակա է անհապաղ վերացման։
Վերոգրյալի հիման վրա, ղեկավարվելով ՀՀ քրեական դատավարական օրենսգրքի 35-րդ հոդվածի 1-ին մասի 5-րդ կետով, 41-րդ հոդվածի 2-րդ մասի 8-րդ կետով, 183-րդ, 294-րդ և 313-րդ հոդվածներով, ինչպես նաև 379-րդ հոդվածի 1-ին մասի 1-ին կետով, Դատարանը




Ո Ր Ո Շ Ե Ց `

1. Արտակ Սուրենի Սոսյանի նկատմամբ ՀՀ քրեական օրենսգրքի 118-րդ հոդվածով հա¬րուցված քրեա¬կան հետապնդումը դադարեցնել, թիվ ԵԿԴ/0137/01/15 քրեական գործի վարույթը կարճել` վերջինիս հետ տուժողներ Արևիկ Լևոնի Ղազարյանի և Եղիշե Սմբատի Ղազարյանի հաշտութ¬յան հիմ¬քով։
2. Արտակ Սոսյանի նկատմամբ որպես խափանման միջոց ընտրված չհեռա¬նալու մասին ստորագրությունն անհապաղ վերացնել։
3. Սույն որոշման օրինակներն հանձնել կողմերին` պարզաբանելով, որ այն կարող է բողո¬քարկ¬վել ՀՀ վերաքննիչ քրեական դատարան` հրապարակման օրվանից մեկամսյա ժամ¬կետում։



ԴԱՏԱՎՈՐ` Ա.ՎԱՐԴԱՆՅԱՆ