Գործ ԵԿԴ/0132/01/15





Ո Ր Ո Շ ՈՒ Մ
քրեական գործի վարույթը կարճելու և քրեական հետապնդումը
դադարեցնելու մասին

«16» հուլիսի 2015թ. ք. Երևան

Երևանի Կենտրոն և Նորք - Մարաշ վարչական շրջանների ընդհանուր իրավա¬սության դատարանը (այսուհետ` Դատարան),

նախագահությամբ դատավոր` Արշակ Վարդանյանի,
քարտուղարությամբ` Գևորգ Պողոսյանի,

մասնակցությամբ`

մեղադրողներ, Երևանի Կենտրոն և
Նորք-Մարաշ վարչական շրջանների
դատախազության դատախազներ` Մամիկոն Գեղամյանի և
Վահե Ասատրյանի,

տուժողի ներկայացուցիչ` Գևորգ Ստեփանյանի,

նույն դատարանում` խորհրդակցական սենյակում, քննության առնելով քրեական գործն ըստ մեղադրանքի Սամսոն Ստեփանի Խանֆերյանի` (ծնված 1975թ. դեկտեմբերի 27-ին, Երևան քաղաքում, ազ¬գութ¬յամբ հայ, ՀՀ քա¬ղաքացի, բարձրագույն կրթութ¬յամբ, ամուսնացած, չի աշխա¬տում, ֆիզիկապես վատառողջ 1, նախ¬կինում դատա¬պարտված, դատվածությունը չմարված, հաշ¬վառված և բնակվող Երևանի Ն.Շենգավիթ 11-րդ փողոցի 1/21-րդ շենքի 24-րդ բնակարանում) և
հաշվի առնելով տուժող «Գազպրոմ Արմենիա» ՓԲ ընկերության ներկայացուցիչ Գևորգ Ստեփանյանի հաշ¬տության կապակցությամբ քրեա¬կան գործի վա¬րույթը բացառող հանգա¬մանքի ի հայտ գալու փաս¬տը,
Պ Ա Ր Զ Ե Ց`

Թիվ 13135815 քրեական գործն հարուցվել է 2015թ. ապրիլի 7-ին` ՀՀ քրեական օրենսգրքի 177-րդ հոդվածի 2-րդ մասի 3-րդ կետի հատկանիշներով ՀՀ քննչա¬կան կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջան¬ների քննչական բաժնում` գործով տուժող «Գազպրոմ Արմենիա» ՓԲ ընկերության ներկայացուցիչ Գևորգ Ստեփանյանի հաղորդման հի¬ման վրա նախա¬պատ¬րաստված նյութերի քննարկ¬ման արդյունքներով։
2015թ. ապրիլի 13-ին Սամսոն Խանֆերյանի նկատմամբ որպես խափանման միջոց է ընտրվել չհե¬ռանալու վերաբերյալ ստորագրություն, 2015թ. ապրիլի 16-ին նրան մեղադ¬րանք է առաջադրվել ՀՀ քրեական օրենսգրքի 177-րդ հոդվածի 2-րդ մաիս 3-րդ կետով։
2015թ. մայիսի 19-ին նախաքննական մարմինը որոշում է կայացրել Սամսոն Խանֆեր¬յանին առաջադրված մեղադրանքը փոփոխելու և նրան ՀՀ քրեական օրենսգրքի 177-րդ հոդվածի 1-ին մասով նոր (վերջնական) մեղադրանք առաջադրելու մասին։
2015թ. մայիսի 25-ին մասնավոր մեղադրանքի վերաբերյալ սույն քրեական գործը Սամսոն Խանֆերյանի նկատ¬մամբ ՀՀ քրեա¬կան օրենսգրքի 177-րդ հոդվածի 1-ին մասով հաստատված մեղադրական եզրակա¬ցութ¬յամբ ուղարկվել է Երևանի Կենտրոն և Նորք-Մարաշ վարչական շրջանների ընդհանուր իրա¬վա¬¬սութ¬յան դատա¬րան, 2015թ. մայիսի 27-ին ընդունվել է վարույթ, իսկ 2015թ. հունիսի 12-ին նշանակվել դատական քննության։
Համաձայն Սամսոն Խանֆերյանին որպես մեղադրյալ ներգրավելու որոշման, ինչպես նաև մեղադրական եզրակացության` վերջինիս ՀՀ քրեական օրենսգրքի 177-րդ հոդվածի 1-ին մասով մեղադրանք է առա¬ջադրվել այն բանի համար, որ նա« «ուրիշի գույքի հափշտակություն կատա¬րելու դիտավորությամբ« 2015թ. մարտի 24-ին՝ ժամը 19։25-ի սահմաններում« գաղտնի հափշտակել է Երևան քաղաքի Նալբանդյան փողոցի 106-րդ շենքի 4-րդ բնակարանին ամրակցված՝ «Գազպրոմ Արմենիա» ՓԲ ընկերության սեփականությունը հանդիսացող` ՄԿՄ Գ-4 տեսակի« 2033308 համարի զգալի չափի՝ 13.990 ՀՀ դրամ արժողության գազահաշվիչը»։
2015թ. հուլիսի 16-ին կայացած հերթական դատական նիստի ընթացքում տուժող «Գազպրոմ Արմենիա» ՓԲ ընկերության Երևանի գազաֆիկացման և գազամատակարարման մասնաճյուղի ներկայացուցիչ Գևորգ Ստեփանյանը հայտնեց, որ ընկերության տնօրինությունը հաշտվել է ամբաս¬տանյալ Սամսոն Խանֆերյանի հետ, վերջինս ամբողջությամբ հատուցել է պատ¬ճառված վնասը, նրա դեմ բողոք և պա¬հանջ չունեն, չեն ցանկանում, որ վերջինս ենթարկվի քրեական պատասխա¬նատ¬վության։ Որպես դրա ապացույց` ներ¬կայացրեց «Գազպրոմ Արմենիա» ՓԲ ընկերության Երևանի գազաֆիկացման և գազամատա¬կարարման մասնաճյուղի տնօրեն Գ.Մովսիսյանի ստորագրությամբ և կնիքով հաստատված 2015թ. հուլիսի 16-ի թիվ 22-09/2418 նամակը։
Ամբաստանյալ Սամսոն Խանֆերյանը հաստատեց, որ հաշտվել է տուժողի հետ և չի առար¬¬կում, որ իր նկատմամբ հարուցված քրեական հետապնդումը դադարեցվի ոչ արդարացնող այդ հիմքով։
Գործով մեղադրող Մամիկոն Գեղամյանը չառարկեց քրեական գործի վարույթը կարճելու և ամբաստանյալ Սամսոն Խանֆերյանի նկատ¬մամբ քրեական հետապնդումը հաշտության հիմքով դադա¬րեց¬նելու դեմ։
Դատարանը, հաշվի առնելով տուժողի ներկայացուցչի և ամբաստանյալի վե¬րոնշյալ դիր¬քո¬րոշումները, գտնում է, որ ի հայտ է եկել քրեական գործի վարույթը բացառող հանգամանք (հիմք), որի պայմաններում քրեական գործի վարույթն ենթակա է կարճման, իսկ ամբաստանյալ Սամսոն Խանֆերյանի նկատմամբ հարուցված քրեա¬կան հետապնդումը` դադա¬րեցման, որպիսի հետևութ¬յան հանգում է հետևյալ իրա¬վական վերլու¬ծութ¬յունների արդյունքներով.
ՀՀ քրեական դատավարական օրենսգրքի 33-րդ հոդվածի համաձայն` մասնավոր մե¬ղադ¬րան¬¬¬քի գործեր են համարվում նույն օրենսգրքի 183-րդ հոդվածում նախատեսված հան¬ցագոր¬ծութ¬յուն¬¬ների վերաբերյալ գործերը։
Ի թիվս ՀՀ քրեական դատավարական օրենսգրքի 183-րդ հոդվածում թվարկվածների` ՀՀ քրեական օրենսգրքի …..(…) 177-րդ հոդվածի 1-ին մասով նախատեսված հանցագործությունների վերա¬բեր¬յալ գործերը ևս հարուցվում են ոչ այլ կերպ, քան տուժողի բողոքի հիման վրա, և կաս¬կած¬յալի, մեղադրյալի կամ ամբաստանյալի հետ նրա հաշտվելու դեպքում ենթակա են կարճման։ Հաշտությունը թույլատրվում է մինչև դատավճիռ կայացնելու համար դատարանի խորհրդակ¬ցա¬կան սենյակ հեռանալը։
ՀՀ քրեական դատավարական օրենսգրքի 35-րդ հոդվածի 1-ին մասի 5-րդ կետի համա¬ձայն` քրեական հետապնդում չի կարող իրականացվել, իսկ հարուցված քրեական գործի վա¬րույ¬թը ենթակա է կարճման, եթե ՀՀ քրեական դատավարական օրենսգրքով հատկապես նախա¬տես¬ված դեպքերում տուժողը հաշտվել է կասկածյալի կամ մեղադրյալի հետ։ Նույն հոդվածի 5-րդ մասի համաձայն` Դատա¬րա¬նը, հայտնաբերելով քրեական հետապնդումը բացա¬ռող հանգա¬մանք¬ներ, լուծում է ամբաստանյալի նկատմամբ քրեական հետապնդումը դադարեց¬նելու հարցը։
ՀՀ քրեական դատավարական օրենսգրքի 36-րդ հոդվածի համաձայն` մասնավոր հե¬տապնդման գործերի վարույթը կարճվում է և փաստվում է քրեական հետապնդում իրակա¬նաց¬նե¬լու հրաժարում, երբ տուժողն հաշտվում է մեղադրյալի հետ։
ՀՀ քրեական դատավարական օրենսգրքի 64-րդ հոդվածի 2-րդ մասի համաձայն` մե¬ղադրյալը, ում վերաբերյալ գործը նշանակված է դատական քննության, կոչվում է ամբաստանյալ, հետևաբար` ՀՀ քրեական դատավարական օրենսգրքի 35-րդ և 36-րդ հոդվածների վերոնշյալ մեկ¬նաբանությունները վերաբերելի են նաև սույն գործով ամբաստանյալի կարգավիճակ ունեցող Սամսոն Խանֆերյանի նկատմամբ։
ՀՀ քրեական դատավարական օրենսգրքի 294-րդ հոդվածի 2-րդ մասի համաձայն` գործով վարույթը կարճելու և/կամ քրեական հետապնդումը դադարեցնելու մասին որոշումն ընդգրկում է նախնական քննության փուլում ընտրված խափանման և վնասի հատուցման ապահովման միջոց¬ները, քրեադատավարական հարկադրանքի այլ միջոցները վերացնելու մասին որոշում, ինչպես նաև որոշում` իրեղեն ապացույցների ճակատագրի վերաբերյալ։
Տվյալ հարցին անդրադառնալով` Դատարանն արձանագրում է, որ քրեական գործով իրեղեն ապացույց ճանաչված և Դատարանում պահվող` գազահաշվիչը վերադարձնել տուժող «Գազպրոմ Արմենիա» ՓԲ ընկերության Երևանի գազաֆիկացման և գազամատա¬կարարման մասնաճյուղի ներկայացուցիչ Գևորգ Ստեփանյանին` սույն դատական ակտն օրինական ուժի մեջ մտնելուց հետո։
Դատարանն արձանագրում է նաև, որ նախաքննության ընթացքում ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջան¬ների քննչական բաժնի քննիչ Վ.Ալեյանի կողմից 2015թ. ապրիլի 17-ին որոշում է կայացվել Սամ-սոն Խանֆերյանի շարժական և անշարժ գույքի վրա արգելանք կիրառելու մասին, սակայն վեր-ջինիս գույքի նկատմամբ փաս¬տացի արգելանք չի կի¬րառվել` այդպիսիք չհայտնաբեր¬վելու փաստով։
ՀՀ քրեական դատավարական օրենսգրքի 151-րդ հոդվածի 2-րդ մասի համաձայն` խա¬փան¬¬ման միջոցը վերացվում է, երբ վերանում է դրա անհրաժեշտությունը։ Դատարանը փաստում է, որ քրեական գործի վարույթը կարճելու պարագայում ամբաստանյալ Սամսոն Խանֆերյանի նկատմամբ ընտրված խափան¬ման միջոց չհեռանալու մասին ստորագրությունն ենթակա է անհապաղ վերացման։
Վերոգրյալի հիման վրա, ղեկավարվելով ՀՀ քրեական դատավարական օրենսգրքի 35-րդ հոդվածի 1-ին մասի 5-րդ կետով, 41-րդ հոդվածի 2-րդ մասի 8-րդ կետով, 183-րդ, 294-րդ և 313-րդ հոդվածներով, ինչպես նաև 379-րդ հոդվածի 1-ին մասի 1-ին կետով, Դատարանը

Ո Ր Ո Շ Ե Ց `

1. Սամսոն Ստեփանի Խանֆերյանի նկատմամբ ՀՀ քրեական օրենսգրքի 177-րդ հոդվածի 1-ին մասով հա¬րուցված քրեա¬կան հետապնդումը դադարեցնել, ԵԿԴ/0132/01/15 քրեական գործի վա¬րույթը կարճել` վերջինիս հետ տուժող «Գազպրոմ Արմենիա» ՓԲ ընկերության Երևանի գազաֆիկացման և գազամատա¬կարար¬ման մասնաճյուղի տնօրինության հետ հաշտութ¬յան հիմ¬քով։
2. Սամսոն Խանֆերյանի նկատմամբ որպես խափանման միջոց ընտրված չհեռա¬նալու մասին ստորագրությունն անհապաղ վերացնել։
3. Իրեղեն ապացույց ճանաչված և Դատարանում պահվող` գազահաշվիչը վերադարձնել տուժող «Գազպրոմ Արմենիա» ՓԲ ընկերության Երևանի գազաֆիկացման և գազամատա¬կարար¬ման մասնաճյուղին` սույն դատական ակտն օրինական ուժի մեջ մտնելուց հետո։
4. Սույն որոշման օրինակներն հանձնել կողմերին` պարզաբանելով, որ այն կարող է բողո¬քարկ¬վել ՀՀ վերաքննիչ քրեական դատարան` ստացման պահից մեկամսյա ժամ¬կետում։


ԴԱՏԱՎՈՐ` Ա.ՎԱՐԴԱՆՅԱՆ