Քր.գործ ԵԿԴ/0124/01/15

Դ Ա Տ Ա Վ Ճ Ի Ռ
ՀԱՆՈւՆ ՀԱՅԱՍՏԱՆԻ ՀԱՆՐԱՊԵՏՈւԹՅԱՆ
ԱՐԱԳԱԾՈՏՆԻ ՄԱՐԶԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆԸ
ՀԵՏԵՎՅԱԼ ԿԱԶՄՈՎ

ՆԱԽԱԳԱՀՈւԹՅԱՄԲ
ԴԱՏԱՎՈՐ ՍՈՒՐԵՆ ՄՆՈՅԱՆԻ
ՔԱՐՏՈւՂԱՐՈւԹՅԱՄԲ ԹԵՐԵԶԱ ԴԱՆԻԵԼՅԱՆԻ
ՄԱՍՆԱԿՑՈւԹՅԱՄԲ
ԴԱՏԱԽԱԶ ԿԱՐԵՆ ԲԱԴԻԿՅԱՆԻ
ՊԱՇՏՊԱՆՆԵՐ ՄԵԼԱՆՅԱ ՍԱՄՍՈՆՅԱՆԻ
ՄՀԵՐ ԱՍԼԱՆՅԱՆԻ



2015թ. օգոստոսի 24-ին Աշտարակի նստավայրում« դռնբաց դատական նիստում, դատական քննության արագացված կարգով քննեց գործն ըստ մեղադրանքիª
Սլավիկ Սպարտակի Պողոսյանի` ծնված 05.04.1966թ. Արմավիրի մարզի Դալարիկ գյուղում, ազգությամբ հայ, ՀՀ քաղաքացի, բարձրագույն կրթությամբ, ՙՍպարտակշին՚, ՙՍպադավմար՚ ՍՊ ընկերությունների տնօրեն, ամուսնացած, նախկինում դատված` դատվածությունը մարված, հաշվառված և բնակվում է Արմավիրի մարզ, գ.Դալարիկ, արգելանքի տակ չէ:
Մեղադրվում է ՀՀ քրեական օրենսգրքի 205-րդ հոդվածի 1-ին մասով:
1.Գործի դատավարական նախապատմությունը.
Քրեական գործը հարուցվել է 14.11.2013թ. ՀՀ ԿԱ ՊԵԿ քննչական վարչության կողմից` ՀՀ քրեական օրենսգրքի 193-րդ հոդվածով:
Սլավիկ Սպարտակի Պողոսյանին 11.03.2015թ. մեղադրանք է առաջադրվել ՀՀ քրեական օրենսգրքի 205-րդ հոդվածի 1-ին մասով և 193-րդ հոդվածով: Նրա նկատմամբ 12.03.2015թ. խափանման միջոց է ընտրվել` ստորագրություն չհեռանալու մասին: Քննիչի 13.04.2015թ. որոշմամբ Սլավիկ Սպարտակի Պողոսյանին ՀՀ քրեական օրենսգրքի 193-րդ հոդվածով առաջադրված մեղադրանքը վերացվել է` վերջինիս արարքում հանցակազմի բացակայության պատճառաբանությամբ և Սլավիկ Պողոսյանին նոր մեղադրանք է առաջադրվել ՀՀ քրեական օրենսգրքի 205-րդ հոդվածի 1-ին մասով:
Սլավիկ Սպարտակի Պողոսյանին մեղադրանք է առաջադրվել ՀՀ քրեական օրենսգրքի 205-րդ հոդվածի 1-ին մասով այն բանի համար, որ նա 2008թ. ապրիլի 15-ից հանդիսանալով ՀՀ ԿԱ ՊԵԿ Թալինի Տարածքային հարկային տեսչությունում, իսկ 2012թ. Աշտարակի ՏՀՏ-ում հաշվառված ՙՍպարտակշին՚ ՍՊԸ տնօրենը, իրականացրել է շինարարական աշխատանքների գործունեություն և որպես տնօրեն պատասխանատու է եղել օրենքով սահմանված կարգով հաշվառման վայրի հարկային մարմնի ընկերության գործունեության վերաբերյալ հարկման համար հիմք հանդիսացող հաշվարկներ և հաշվետվություններ ներկայացնելու ու դրանցում արդյունքները ճիշտ արտացոլելու համար, սակայն խախտելով ՙՇահութահարկի մասին՚ ՀՀ օրենքի 7-րդ և 46-րդ հոդվածի 1-ին կետի, ՙԵկամտահարկի մասին՚ ՀՀ օրենքի 21-րդ հոդվածի 1-ին կետի ՙԱ՚ ենթակետի, ՙԱԱՀ-ի մասին՚ ՀՀ օրենքի 6-րդ հոդվածի 2-րդ կետի 20-րդ և 431 հոդվածի և ՀՀ Աշխատանքային օրենսգրքի 85-րդ հոդվածի պահանջները ակնհայտ խեղաթյուրված տվյալներ մտցնելու միջոցով 2009թ. հաշվետու տարվա համար Թալինի ՏՀՏ ներկայացված շահութահարկի հաշվարկում համախառն եկամուտը, ինչպես նաև համախառն եկամտից նվազեցումները ոչ ճիշտ արտացոլելու, 2009թ. 3-րդ, 4-րդ, ինչպես նաև 2010թ. 2-րդ, 4-րդ եռամսյակների համար ՀՀ ԿԱ ՊԵԿ Թալինի ՏՀՏ-ին ներկայացրած ԱԱՀ-ի հաշվարկներում ԱԱՀ-ի 20% դրույքաչափով շրջանառության և ԱԱՀ-ի կրեդիտային շրջանառությունից նվազեցման /հաշվանցման/ ենթակա գումարների վերաբերյալ ոչ ճիշտ տվյալներ մտցնելու, ինչպես նաև 2010թ . հաշվետու տարվա համար շահութահարկի, 2009թ. 4-րդ եռամսյակում կազմված շինարարական աշխատանքների կատարողական ակտում ցույց տրված 371.3 տոննա հողածածկույթի քանդման և շինարարության հետևանքով առաջացած ոչ վտանգավոր թափոնների, 2011թ. օգոստոս ամսին հայտնաբերված թվով երեք ՀՀ օրենսդրությամբ սահմանված կարգով չձևակերպված վարձու աշխատողների, 2009թ. ընթացքում առանց հիմնավոր փաստաթղթերի կատարված ձեռքբերումների դիմաց ֆիզիկական անձանց վճարված եկամուտների վերաբերյալ հարկման համար անհրաժեշտ հաշվարկ-հաշվետվություններ Թալինի ՏՀՏ չներկայացնելու միջոցով չարամտորեն խուսափել է խոշոր չափերով` 6.743.075 դրամ հարկերը և պարտադիր այլ վճարումները վճարելուց:
Քրեական գործը մեղադրական եզրակացությամբ ՀՀ Արագածոտնի մարզի ընդհանուր իրավասության առաջին ատյանի դատարանում ստացվել է 29.05.2015թ.:
2.Արագացված դատական քննություն.
Մինչ դատաքննությունը սկսելն ամբաստանյալ Սլավիկ Սպարտակի Պողոսյանը միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքն իրեն պարզ է, համաձայն է մեղադրանքի հետ և առաջադրված մեղադրանքում իրեն մեղավոր է ճանաչում, պնդում է արագացված կարգով դատական քննություն անցկացնելու միջնորդությունը, այն ներկայացրել է կամավոր, խորհրդակցել է պաշտպանների հետ, գիտակցում է արագացված կարգով դատական քննությունն անցկացնելու հետևանքները:
Մեղադրողը չառարկեց արագացված դատական քննության կարգ կիրառելու դեմ:
Դատարանը, պարզելով, որ առկա են Հայաստանի Հանրապետության քրեական դատավարության օրենսգրքի 375-1 և 375-2 հոդվածներով նախատեսված պայմանները, որոշեց դատական քննությունն անցկացնել արագացված կարգով:
3. Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Սլավիկ Սպարտակի Պողոսյանին ՀՀ քրեական օրենսգրքի 205-րդ հոդվածի 1-ին մասով առաջադրված մեղադրանքը հիմնավորված է և այդ հոդվածով էլ նա պետք է ենթարկվի պատժի:
ՀՀ քրեական օրենսգրքի 10-րդ հոդվածի համաձայն` հանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացի` համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար:
ՀՀ քրեական օրենսգրքի 48-րդ հոդվածի 2-րդ մասի համաձայն` պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները:
ՀՀ քրեական օրենսգրքի 61-րդ հոդվածի 1-ին մասը սահմանում է, որ հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է քրեական օրենսգրքի Հատուկ մասի համապատասխան հոդվածի սահմաններում` հաշվի առնելով նույն օրենսգրքի Ընդհանուր մասի դրույթները:
Համաձայն նույն հոդվածի 2-րդ մասի` պատժի տեսակը և չափը որոշվում են հանցագործության` հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում` պատասխանատվությունը և պատիժը մեղմացնող կամ ծանրացնող հանգամանքներով:
Դատարանը ամբաստանյալի նկատմամբ պատիժ նշանակելիս, պատժի տեսակը և չափը որոշելիս, հաշվի է առնում կատարած հանցագործության` հանրության համար վտանգավորության աստիճանը և բնույթը, ամբաստանյալի անձը բնութագրող տվյալները, այդ թվում` ՀՀ քրեական օրենսգրքի 62-րդ և 63-րդ հոդվածներով նախատեսված պատասխանատվությունն ու պատիժը մեղմացնող և ծանրացնող հանգամանքները:
Դատարանը, որպես Սլավիկ Պողոսյանի անձը բնութագրող տվյալներ, պատիժը և պատասխանատվությունը մեղմացնող հանգամանքներ հաշվի է առնում այն, որ նա դատվածություն չունի, բնութագրվում է դրական, զղջում է կատարածի համար, ՙՍպարտակշին՚ ՍՊ ընկերության կողմից տույժեր և տուգանքներով հանդերձ` 14.687.623 ՀՀ դրամ գումարի լրացուցիչ հարկային պարտավորություններից վճարվել է 9.774.287 ՀՀ դրամ գումար:
Սլավիկ Պողոսյանի պատասխանատվությունը և պատիժը ծանրացնող հանգամանքները բացակայում են:
Դատարանը գտնում է, որ քննիչի 12.03.2015թ. որոշմամբ Սլավիկ Սպարտակի Պողոսյանի անվամբ բաժնային սեփականության իրավունքով գրանցված` Արմավիրի մարզի, Դալարիկ համայնքի, Շահումյան փողոց թիվ 48 բնակելի տան, համատեղ սեփականության իրավունքով 04-036-0238-0017, 04-036-0238-0028 ծածկագրերով` պտղատու այգիների, սեփականության իրավունքով 04-036-0215-0016, 04-036-0241-0017, 04-036-0242-0017 ծածկագրերով վարելահողերի և 04-036-0112-0005, 04-036-0112-0009 ծածկագրով` այլ հողերի, ՙBMW 520i՚ 13LU888 համարանիշի ավտոմեքենայի վրա դրված կալանքը պետք է վերացնել:
Դատարանը գտնում է, որ քննիչի 15.04.2015թ. որոշմամբ ապացույց ճանաչված` ՀՀ ՖՆ Աշտարակի տարածքային հարկային տեսչությունում պահվող` ՙՍպարտակշին՚ ՍՊ ընկերության հարկային գործը, պետք է թողնել Աշտարակի տարածքային հարկային տեսչության տնօրինմանը, քրեական գործին կցված` անձնական հաշվի քարտերը և հաշվապահական հաշվառման փաստաթղթերը, պետք է պահել քրեական գործի հետ միասին:
4.Եզրափակիչ մաս.
Վերոգրյալների հիման վրա և ղեկավարվելով ՀՀ քրեական դատավարության օրենսգրքի 357-360, 3751-3754 հոդվածներով.

Վ Ճ Ռ Ե Ց


Սլավիկ Սպարտակի Պողոսյանին մեղավոր ճանաչել Հայաստանի Հանրապետության քրեական օրենսգրքի 205-րդ հոդվածի 1-ին մասով և դատապարտել տուգանքի` 3.000.000/երեք միլիոն/ ՀՀ դրամի չափով:
Սլավիկ Պողոսյանի նկատմամբ կիրառել ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ ՀՀ ԱԺ 26.05.2011թ. որոշման 1-ին կետի 3-րդ ենթակետը և նրան ազատել նշանակված տուգանք պատժից:
Սլավիկ Պողոսյանի նկատմամբ ընտրված` ստորագրություն չհեռանալու մասին խափանման միջոցը, վերացնել:
Սլավիկ Սպարտակի Պողոսյանի անվամբ բաժնային սեփականության իրավունքով գրանցված` Արմավիրի մարզի, Դալարիկ համայնքի, Շահումյան փողոց թիվ 48 բնակելի տան, համատեղ սեփականության իրավունքով 04-036-0238-0017, 04-036-0238-0028 ծածկագրերով` պտղատու այգիների, սեփականության իրավունքով 04-036-0215-0016, 04-036-0241-0017, 04-036-0242-0017 ծածկագրերով վարելահողերի և 04-036-0112-0005, 04-036-0112-0009 ծածկագրով` այլ հողերի, ՙBMW 520i՚ 13LU888 համարանիշի ավտոմեքենայի վրա դրված կալանքը վերացնել:
Ապացույց ճանաչված` ՀՀ ՖՆ Աշտարակի տարածքային հարկային տեսչությունում պահվող` ՙՍպարտակշին՚ ՍՊ ընկերության հարկային գործը թողնել Աշտարակի տարածքային հարկային տեսչության տնօրինմանը, քրեական գործին կցված` անձնական հաշվի քարտերը և հաշվապահական հաշվառման փաստաթղթերը, պահել քրեական գործի հետ միասին:
Դատավճիռը օրենքով սահմանված կարգով կարող է բողոքարկվել Հայաստանի Հանրապետության Վերաքննիչ քրեական դատարան մեկ ամսյա ժամկետում, բացառությամբ ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքի£


ԴԱՏԱՎՈՐ Ս.ՄՆՈՅԱՆ