գործ ԵԿԴ/0079/01/15
Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը
Նախագահությամբ դատավոր` Արմեն Բեկթաշյանի
քարտուղարությամբ` Գեորգի Սարգսյանի
մասնակցությամբ`
մեղադրող` Մարտին Նալբանդյանի
տուժողի ներկայացուիչ` Արթուր Հովհաննիսյանի
պաշտպան` Աննա Ջուվանովայի

2016 թվականի մարտի 24-ին, Երևան քաղաքում, դռնբաց դատական նիստում, քննեց քրեական գործն ըստ մեղադրանքի`
Հայկազ Պողոսի Հայրապետյանի` ծնված 31.05.1989 թվականին, Կոտայքի մարզի Պտղնի գյուղում, ազգությամբ հայ, ՀՀ քաղաքացի, ութամյա կրթությամբ, ամուրի, Կոտայքի մարզի ընդհանուր իրավասության առաջին ատյանի դատարանի 2016 թվականի փետրվարի 11-ի դատավճռով` ՀՀ քրեական օրենսգրքի 177-րդ հոդվածի 3-րդ մասի 1-ին և 1.1 կետերով դատապարտվել է ազատազրկման 4 /չորս/ տարի ժամկետով, բնակվել է Կոտայքի մարզի Պտղնի գյուղի 3-րդ փողոցի 5-րդ տանը։

Հայկազ Պողոսի Հայրապետյանը մեղադրվում է ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով։



Գործի դատավարական նախապատմությունը.
2015 թվականի փետրվարի 23-ին ՀՀ քննչական կոմիտեի Երևան քաղաքի քննչական վարչության Երևան քաղաքի Կենտրոն և Նորք-Մարաշ վարչական շրջանների քննչական բաժնի ավագ քննիչ Լ.Թաթոյանի կողմից որոշում է կայացվել ՀՀ քրեական օրենսգրքի 177-րդ հոդվածի 2-րդ մասի 2-րդ կետի հատկանիշներով թիվ 13119115 քրեական գործը հարուցելու և այն վարույթ ընդունելու մասին։
2015 թվականի փետրվարի 23-ին ՀՀ քննչական կոմիտեի Երևան քաղաքի քննչական վարչության Երևան քաղաքի Կենտրոն և Նորք-Մարաշ վարչական շրջանների քննչական բաժնի ավագ քննիչ Լ.Թաթոյանի կողմից որոշում է կայացվել թիվ 13119115 քրեական գործով «ՆԲՊՍ» ՍՊ ընկերությանը որպես տուժող ճանաչելու մասին։

2015 թվականի փետրվարի 25-ին ՀՀ քննչական կոմիտեի Երևան քաղաքի քննչական վարչության Երևան քաղաքի Կենտրոն և Նորք-Մարաշ վարչական շրջանների քննչական բաժնի ավագ քննիչ Լ.Թաթոյանի կողմից որոշում է կայացվել թիվ 13119115 քրեական գործով Հայկազ Պողոսի Հայրապետյանի նկատմամբ որպես խափանման միջոց ստորագրություն չհեռանալու մասին ընտրելու վերաբերյալ։
2015 թվականի մարտի 04-ին ՀՀ քննչական կոմիտեի Երևան քաղաքի քննչական վարչության Երևան քաղաքի Կենտրոն և Նորք-Մարաշ վարչական շրջանների քննչական բաժնի ավագ քննիչ Լ.Թաթոյանի կողմից որոշում է կայացվել թիվ 13119115 քրեական գործով Հայկազ Պողոսի Հայրապետյանին որպես մեղադրյալ ներգրավելու մասին և նրան մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետով այն բանի համար, որ նա ուրիշի գույքի խոշոր չափերով գաղտնի հափշտակություն կատարելու միասնական դիտավորությամբ, 2015 թվականի փետրվարի 08-ից մինչև փետրվարի 17-ն ընկած ժամանակահատվածում իր մոտ եղած բանալիով պարբերաբար բացել է «Ն.Բ.Պ.Ս.» ՍՊ ընկերության կողմից վարձակալած, Երևան քաղաքի Կորյուն փողոցի 19ա հասցեում գտնվող նկուղային տարածքի մուտքի դուռը, ապօրինի մուտք է գործել ներս և այնտեղից մաս-մաս շարունակաբար հափշտակել նշված ընկերությանը պատկանող խոշոր չափերի` ընդհանուր 800.000 ՀՀ դրամ արժողությամբ գազօջախը, «Սամսունգ» ֆիրմայի միկրոալիքային վառարանը, տոստերը, պաղպաղակի սառնարանը և գարեջրի սառեցման համար նախատեսված թվով 2 հատ ապարատները և վաճառել դրանք։
2015 թվականի մարտի 19-ին ՀՀ քննչական կոմիտեի Երևան քաղաքի քննչական վարչության Երևան քաղաքի Կենտրոն և Նորք-Մարաշ վարչական շրջանների քննչական բաժնի ավագ քննիչ Լ.Թաթոյանի կողմից որոշում է կայացվել թիվ 13119115 քրեական գործով Երևան քաղաքի Կորյուն-Տերյան փողոցների խաչմերուկ հասցեում գործող, «Կառլեն Խաչատրյան» Ա/Ձ-ին պատկանող արագ սննդի սպասարկման կետից առգրավված «Տունգրա» տեսակի տոստերը, Երևան քաղաքի Աբովյան փողոցի 29-րդ շենքի կողային մաս հասցեում գործող, «Աշոտ-Տարոն» ՍՊ ընկերությանը պատկանող արագ սննդի սպասարկման կետից առգրաված «Սամունգ» մոդելի միկրոալիքային վառարանը և Երևան քաղաքի Տերյան փողոցի 89/3 հասցեում գործող, «Արտասհես-Ղազար» Ա/Ձ-ին պատկանող արագ սննդի սպասարկման կետից առգրավված «Կոնսերվատոր» տեսակի սառնարանը իրեղեն ապացույց ճանաչելու և իրեղեն ապացույց հանդիսացող «Սամունգ» ֆիրմայի միկրոալիքային վառարանը, «Տունգրա» տեսակի տոստերը և «Կոնսերվատոր» տեսակի սառնարանը տուժողի ներկայացուցիչ Ա.Հովհաննիսյանի պատասխանատու պահպանությանը հանձնելու մասին։
Դատաապրանքագիտական փորձաքննության թիվ 169-ԱՊ-15 եզրակացության համաձայն փորձաքննությանը տրամադրված «Սամսունգ» տեսակի միկրոալիքային վառարանի հավանական միջին շուկայական արժեքը գնակատվում է 40.000 ՀՀ դրամ։ Փորձաքննությանը տրամադրված «Տուգրա» տեսակի տոստերի հավանական միջին շուկայական արժեքը գնահատվում է 45.000 ՀՀ դրամ։ Փորձաքննությանը տրամադրված «Կոնսերվատոր» տեսակի սառնարանի հավանական միջին շուկայական արժեքը գնահատվում է 50.000 ՀՀ դրամ։
2015 թվականի մարտի 20-ին ՀՀ քննչական կոմիտեի Երևան քաղաքի քննչական վարչության Երևան քաղաքի Կենտրոն և Նորք-Մարաշ վարչական շրջանների քննչական բաժնի ավագ քննիչ Լ.Թաթոյանի կողմից որոշում է կայացվել թիվ 13119115 քրեական գործով Հայկազ Պողոսի Հայրապետյանին առաջադրված մեղադրանքը փոփոխելու և նրան նոր մեղադրանք` ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով առաջադրելու մասին` մեղադրանքի ծավալի մեջ ներառելով հափշտակված իրերով նշանակված դատաապրանքագիտական փորձաքննության թիվ 169-ԱՊ-15 եզրակացության մեջ նշված իրերի շուկայական արժեքները։
2015 թվականի մարտի 20-ին ՀՀ քննչական կոմիտեի Երևան քաղաքի քննչական վարչության Երևան քաղաքի Կենտրոն և Նորք-Մարաշ վարչական շրջանների քննչական բաժնի ավագ քննիչ Լ.Թաթոյանի կողմից որոշում է կայացվել թիվ 13119115 քրեական գործով Հայկազ Պողոսի Հայրապետյանին որպես մեղադրյալ ներգրավելու մասին և նրան մեղադրանք է առաջադրվել` ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետով այն բանի համար, որ նա ուրիշի գույքի խոշոր չափերով գաղտնի հափշտակություն կատարելու միասնական դիտավորությամբ, 2015 թվականի փետրվարի 08-ից մինչև փետրվարի 17-ն ընկած ժամանակահատվածում իր մոտ եղած բանալիով պարբերաբար բացել է «Ն.Բ.Պ.Ս.» ՍՊ ընկերության կողմից վարձակալած, Երևան քաղաքի Կորյուն փողոցի 19ա հասցեում գտնվող նկուղային տարածքի մուտքի դուռը, ապօրինի մուտք է գործել ներս և այնտեղից մաս-մաս շարունակաբար հափշտակել նշված ընկերությանը պատկանող խոշոր չափերի` ընդհանուր 635.000 ՀՀ դրամ արժողությամբ 150.000 ՀՀ դրամ արժողությամբ «Դելատ» Ֆիրմայի գազօջախը, 40.000 ՀՀ դրամ արժողությամբ «Սամսունգ» ֆիրմայի միկրոալիքային վառարանը, 45.000 ՀՀ դրամ արժողությամբ «Տուգրա» տեսակի տոստերը, 50.000 ՀՀ դրամ արժողության «Կոնսերվատոր» տեսակի պաղպաղակի սառնարանը և ընդհանուր 350.000 ՀՀ դրամ արժողությամբ գարեջրի սառեցման համար նախատեսված թվով 2 հատ ապարատները և վաճառել դրանք։
2015 թվականի մարտի 24-ին ՀՀ քննչական կոմիտեի Երևան քաղաքի քննչական վարչության Երևան քաղաքի Կենտրոն և Նորք-Մարաշ վարչական շրջանների քննչական բաժնի ավագ քննիչ Լ.Թաթոյանի կողմից որոշում է կայացվել թիվ 13119115 քրեական գործով Վաղարշակ Խաչատրյանի, Արտաշես Ղազարյանի, Սերգեյ Գևորգյանի, Հենրիկ Հակոբյանի, Ստեփան Մինասյանի և Արմեն Մկրտչյանի նկատմամբ` ՀՀ քրեական օրենսգրքի 216-րդ հոդվածով քրեական հետապնդում չիրականացնելու մասին` ՀՀ քրեկան դատավարության օրենսգրքի 35-րդ հոդվածի 1-ին մասի 2-րդ կետով` արարքում հանցակազմի բացակայության պատճառաբանությամբ։
2015 թվականի ապրիլի 01-ին քրեական գործը մեղադրական եզրակացությամբ ստացվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան։

Արագացված դատական քննություն.
Մինչ դատաքննության սկսվելը` ամբաստանյալ Հայկազ Պողոսի Հայրապետյանը միջնորդություն է ներկայացրել` դատական քննությունն արագացված կարգով անցկացնելու մասին` հայտարարելով, որ առաջադրված մեղադրանքն իրեն պարզ է, համաձայն է մեղադրանքի հետ և առաջադրված մեղադրանքում իրեն մեղավոր է ճանաչում, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացնում է կամավոր, պաշտպանի հետ խորհրդակցելուց հետո։
2016 թվականի մարտի 24-ին նշանակաված դատական նիստի ընթացքում տուժողի ներկայացուցիչ Արթուր Հովհաննիսյանը դատարանին հայտնել է, որ ամբաստանյալ Հայկազ Պողոսի Հայրապետյանի դեմ բողոք-պահանջ չունի և չի առարկում դատական քննությունն արագացված կարգով անցկացնելու դեմ։
Գործով մեղադրական եզրակացությունը հաստատելու մասին որոշմամբ դատախազը առարկել էր արագացված կարգով դատական քննություն անցկացնելու կարգի դեմ, սակայն դատարանում դատախազը օգտվելով իր դատավարական իրավունքից, փոխելով նախկինում ունեցած դիրքորոշումը, հայտնել է, որ չի առարկում արագացված կարգով դատաքննություն անցկացնելու դեմ։
Դատարանը պարզելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, 2016 թվականի մարտի 24-ին որոշում է կայացվել արագացված կարգով դատական քննություն անցկացնելու մասին։
Այսպիսով, քրեական գործով ձեռք բերված ապացույցների ընդհանուր կարգով սահմանված հետազոտություն չկատարելով, արագացված դատաքննությամբ հիմք ընդունելով մեղադրանքի հիմքում դրված ապացույցները, դատարանը հանգեց այն համոզման, որ ամբաստանյալ Հայկազ Պողոսի Հայրապետյանը շինություն ապօրինի մուտք գործելով կատարել է ուրիշի գույքի զգալի չափերով գաղտնի հափշտակություն` գողություն, որպիսի արարքի համար նա պետք է պատասխանատվության ենթարկվի ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով։
Հայկազ Պողոսի Հայրապետյանը ենթակա է պատժի կատարած արարքի համար։
Դատարանի իրավական վերլուծությունները.
ՀՀ քրեական օրենսգրքի 61-րդ հոդվածի 2-րդ մասի համաձայն «Պատժի տեսակը և չափը որոշվում են հանցագործության` հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում` պատասխանատվությունը և պատիժը մեղմացնող կամ ծանրացնող հանգամանքներով»։
Ամբաստանյալ Հայկազ Պողոսի Հայրապետյանն առաջադրված մեղադրանքում իրեն մեղավոր է ճանաչել, զղջացել է կատարած արարքի համար, Պտղնի համայնքի ղեկավարի կողմից տրված բնութագրի համաձայն բնութագրվում է դրականորեն, տուժողին պատճառված վնասը հատուցել է ամբողջությամբ։
ՀՀ քրեական օրենսգրքի 62-րդ հոդվածի 1-ին մասի համաձայն որպես ամբաստանյալ Հայկազ Պողոսի Հայրապետյանի պատասխանատվությունը և պատիժը մեղմացնող հանգամանք է դիտում տուժողին հանցագործությամբ պատճառված վնասը կամովին հատուցելը։
Դատարանը գտնում է, որ ՀՀ քրեական օրենսգրքի 63-րդ հոդվածի համաձայն՝ ամբաստանյալ Հայկազ Պողոսի Հայրապետյանի պատասխանատվությունը և պատիժը ծանրացնող հանգամանքներ չկան։

ՀՀ քրեական օրենսգրքի 10-րդ հոդվածի 1-ին մասը սահմանում է «Հանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացի` համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար»։
ՀՀ քրեական օրենսգրքի 48-րդ հոդվածի 2-րդ մասը սահմանում է «Պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները»։
ՀՀ քրեական օրենսգրքի 61-րդ հոդվածը սահմանում է «Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում` հաշվի առնելով սույն օրենսգրքի Ընդհանուր մասի դրույթները։ (….)։ Հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները»։
Սույն քրեական գործով Հայկազ Պողոսի Հայրապետյանին մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով, որի սանկցիան նախատեսում է հետևյալ պատժատեսակները տուգանք` նվազագույն աշխատավարձի հինգհարյուրապատիկից հազարապատիկի չափով, կամ ազատազրկում` երկուսից հինգ տարի ժամկետով։
Ամբաստանյալ Հայկազ Պողոսի Հայրապետյանի նկատմամբ պատժի տեսակը որոշելիս դատարանը հաշվի է առնում կատարած արարքի հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, պատասխանատվությունն ու պատիժը մեղմացնող հանգամանքի առկայությունը, դրականորեն բնութագրվելը և ղեկավարվելով օրինականության, արդարության, պատժի անհատականացման ու մարդասիրության սկզբունքներով` դատարանը հանգում է այն համոզման, որ Հայկազ Պողոսի Հայրապետյանի նկատմամբ ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով նախատեսված պատժատեսակներից նվազ խիստ տեսակը` «տուգանք» պատժատեսակը նշանակելով չի կարող ապահովել պատժի նպատակները, ուղղել պատժի ենթարկված անձին, բացի այդ դատարանը հաշվի է այն հանգամանքը, որ Հայկազ Պողոսի Հայրապետյանը չունի մշտական աշխատանք, չի ունեցել բավարար միջոցներ փաստաբանին վարձատրելու համար և դատարանից խնդրել է իր շահերը պաշտպանելու համար ապահովել հանրային պաշտպանի ներկայություն, ուստի դատարանը գտնում է, որ ամբաստանյալի նկատմամբ չի կարող պատիժ նշանակվել տուգանքի ձևով և գալիս այն եզրահանգման, որ ամբաստանյալի ուղղվելը հնարավոր է միայն նրան հասարակությունից մեկուսացնելու միջոցով, հետևաբար վերջինիս նկատմամբ պատիժ պետք է նշանակել ազատազրկման ձևով, քանի որ ՀՀ քրեական օրենսգրքի 61-րդ հոդվածի համաձայն՝ «Հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները», դատարանը եկավ այն համոզման, որ ամբաստանյալ Հայկազ Պողոսի Հայրապետյանի նկատմամբ պետք է նշանակվի պատիժ՝ ազատազրկման ձևով, որը նա պետք է փաստացի կրի։

Դատարանը հաշվի առնելով, որ Հայկազ Պողոսի Հայրապետյանն իրեն մեղսագրվող արարքը կատարել է նախքան Կոտայքի մարզի ընդհանուր իրավասության առաջին ատյանի դատարանի կողմից` 2016 թվականի փետրվարի 11-ին իր նկատմամբ դատավճիռ կայացնելը, գտնում է, որ նրա նկատմամբ վերջնական պատիժ պետք է նշանակել ՀՀ քրեական օրենսգրքի 66-րդ հոդվածի 4-րդ և 6-րդ մասերով սահմանված կանոններով` դրանք մասնակիորեն գումարելու միջոցով, որը նա պետք է կրի։ Նշանակվող վերջնական պատժի ժամկետին պետք է հաշվակցել Կոտայքի մարզի ընդհանուր իրավասության առաջին ատյանի դատարանի դատավճռով նշանակված պատժի կրած մասը` պատժի կրման սկիզբը հաշվելով նախորդ դատավճռով նշանակված պատժի սկզբից` 2015 թվականի հունիսի 29-ից։


Դատարան միաժամանակ գտնում է, որ Հայկազ Պողոսի Հայրապետյանի պատժի կրման սկիզբը պետք է հաշվել 2015 թվականի հունիսի 29-ից։
Կոտայքի մարզի ընդհանուր իրավասության առաջին ատյանի դատարանի 2016 թվականի փետրվարի 11-ի դատավճռով ի հօգուտ տուժող Ինեսա Սիմոնյանի բավարարված քաղաքացիական հայցը, պետք է թողնել անփոփոխ և Հայկազ Հայրապետյանից հօգուտ տուժող Ինեսա Սիմոնյանի բռնագանձել 4.079.000 դրամ, որպես հանցագործությամբ պատճառված վնասի հատուցում։
Կոտայքի մարզի ընդհանուր իրավասության առաջին ատյանի դատարանի 2016 թվականի փետրվարի 11-ի դատավճռով վճռված իրեղեն ապացույցի լուծման հարցը պետք է թողնել անփոփոխ։
Կոտայքի մարզի ընդհանուր իրավասության առաջին ատյանի դատարանի 2016 թվականի փետրվարի 11-ի դատավճռով վճռված 27.07.2015 թվականի գույքի վրա կալանք դնելու մասին որոշմամաբ` Հայկազ Հայրապետյանի անվամբ գրանցված շարժական և անշարժ գույքի վրա դրված կալանքը, պետք է թողնել անփոփոխ, մինչև հայցապահանջի կատարումը, այնուհետև` վերացնել։
Դատավճիռն օրինական ուժի մեջ մտնելուց հետո քրեական գործով իրեղեն ապացույց ճանաչված և տուժողի ներկայացուցիչ Ա.Հովհաննիսյանի պահպանության հանձնված` «Սամսունգ» ֆիրմայի միկրոալիքային վառարանը, «Տունգրա» տեսակի տոստերը և «Կոնսերվատոր» տեսակի սառնարանը, պետք է թողնել տուժողի ներկայացուցիչ Ա.Հովհաննիսյանի տնօրինությանը։
Դատարանը գտնում է, որ ՀՀ քրեական դատավարության օրենսգրքի 168-րդ հոդվածի 1-ին մաuի 1-ին կետով նախատեսված դատական ծախսերը դատարանի նախաձեռնությամբ ամբաստանյալից ենթակա չեն բռնագանձման, քանի որ տուժողը, հնարավորություն ունենալով իր շահերը դատարանում ներկայացնել, ամբաստանյալին որևէ պահանջ չի ներկայացրել, դատաքննության ընթացքում տուժողի ներկայացուցիչը հատնել է, որ ամբաստանյալ Հայկազ Պողոսի Հայրապետյանից բողոք-պահանջ չունի, ավելին ամբաստանյալ Հայկազ Պողոսի Հայրապետյանի կողմից փոխհատուցվել է տուժողին պատճառված վնասը ամբողջությամբ, իսկ 2-8-րդ կետերով նախատեսված դատական ծախսերն արագացված դատական քննության կարգ կիրառելու դեպքում, համաձայն նույն օրենսգրքի 3753 հոդվածի 8-րդ մասի, ամբաստանյալից ենթակա չեն բռնագանձման։

Եզրափակիչ մաս.

Ելնելով վերոգրյալից և ղեկավարվելով ՀՀ քրեական օրենսգրքի 66-րդ, ՀՀ քրեական դատավարության օրենսգրքի 168-րդ, 309-րդ, 357-360-րդ, 365-րդ, 369-րդ, 372-րդ, 3751-րդ և 3753-րդ հոդվածներով, դատարանը

Վ Ճ Ռ Ե Ց`

Հայկազ Պողոսի Հայրապետյանին մեղավոր ճանաչել ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով և նրան դատապարտել ազատազրկման` 2 /երկու/ տարի ժամկետով։
ՀՀ քրեական օրենսգրքի 66-րդ հոդվածով սահմանված կարգով` Կոտայքի մարզի ընդհանուր իրավասության առաջին ատյանի դատարանի 2016 թվականի փետրվարի 11-ի դատավճռով Հայկազ Պողոսի Հայրապետյանի նկատմամբ նշանակված պատիժը` 4 /չորս/ տարի ժամկետով ազատազրկումը և սույն դատավճռով նշանակված պատիժը` 2 /երկու/ տարի ժամկետով ազատազրկումը, գումարել մասնակիորեն` վերջնական պատիժ նշանակելով ազատազրկում` 4 /չորս/ տարի 6 /վեց/ ամիս ժամկետով։
Հայկազ Պողոսի Հայրապետյանի պատժի կրման սկիզբը հաշվել 2015 թվականի հունիսի 29-ից։
Կոտայքի մարզի ընդհանուր իրավասության առաջին ատյանի դատարանի 2016 թվականի փետրվարի 11-ի դատավճռով ի հօգուտ տուժող Ինեսա Սիմոնյանի բավարարված քաղաքացիական հայցը, թողնել անփոփոխ և Հայկազ Հայրապետյանից հօգուտ տուժող Ինեսա Սիմոնյանի բռնագանձել 4.079.000 դրամ, որպես հանցագործությամբ պատճառված վնասի հատուցում։
Կոտայքի մարզի ընդհանուր իրավասության առաջին ատյանի դատարանի 2016 թվականի փետրվարի 11-ի դատավճռով վճռված իրեղեն ապացույցի լուծման հարցը թողնել անփոփոխ։
Կոտայքի մարզի ընդհանուր իրավասության առաջին ատյանի դատարանի 2016 թվականի փետրվարի 11-ի դատավճռով վճռված 27.07.2015 թվականի գույքի վրա կալանք դնելու մասին որոշմամաբ` Հայկազ Հայրապետյանի անվամբ գրանցված շարժական և անշարժ գույքի վրա դրված կալանքը, թողնել անփոփոխ, մինչև հայցապահանջի կատարումը, այնուհետև` վերացնել։
Դատական ծախսերի հարցը համարել լուծված։
Դատավճիռն օրինական ուժի մեջ մտնելուց հետո քրեական գործով իրեղեն ապացույց ճանաչված և տուժողի ներկայացուցիչ Ա.Հովհաննիսյանի պահպանության հանձնված` «Սամսունգ» ֆիրմայի միկրոալիքային վառարանը, «Տունգրա» տեսակի տոստերը և «Կոնսերվատոր» տեսակի սառնարանը, թողնել տուժողի ներկայացուցիչ Ա.Հովհաննիսյանի տնօրինությանը։
Սույն դատավճիռը վերաքննության կարգով կարող է բողոքարկվել ՀՀ վերաքննիչ քրեական դատարան` հրապարակման պահից մեկ ամսվա ընթացքում։

ԴԱՏԱՎՈՐ` Ա. ԲԵԿԹԱՇՅԱՆ