ԵԿԴ/0036/01/15


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
05 հունիսի 2015թ. ք.Երևան
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության առաջին ատյանի դատարանը՝

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ն.ԹՈՒՄԱՆՅԱՆԻ
մասնակցությամբ`
մեղադրող Ա.ՉԱԽՈՅԱՆԻ
ամբաստանյալ Հ.ՄԱԹԵՎՈՍՅԱՆԻ
պաշտպան Ա.ՀԱԿՈԲՅԱՆԻ

դատարանում` դռնբաց դատական նիստում, քննեց գործն ըստ մեղադրանքի Հակոբ Արսենի Մաթևոսյանի` ծնված 22.10.1993թ. ՀՀ Սյունիքի մարզի Դարբաս գյուղում, ազգու-թյամբ հայ, ՀՀ քաղաքացի, ամուրի, իր հայտարարությամբ՝ բնակվում է Արարատի մարզի «ՎԿՊ» բանավանում և խնամքին 1 անձ, 8-ամյա կրթությամբ, վատառողջ, չի աշխատում, չդատված, հաշվառված է` ք.Կապան, Ձորքի թաղամաս, 13-րդ շենք, բնակարան հ. 3, արգելանքի տակ չէ, մեղադրվում է ՀՀ քրեական օրենսգրքի 268-րդ հոդվածի 1-ին մասով։
Ամբաստանյալ Հ.Մաթևոսյանին ՀՀ քրեական օրենսգրքի 268-րդ հոդվածի 1-ին մասով մեղադրանք է առաջադրվել այն բանի համար, որ նա. «2014թ. հունիս ամսին Արարատի մար-զի Դավալու գյուղի դաշտավայրից առանց իրացնելու նպատակի՝ իր գործածման համար, քաղելու միջոցով ապօրինի ձեռք է բերել մարիխուանա տեսակի թմրամիջոց, որը մինչև սեպ-տեմբեր ամսվա սկզբներն ապօրինի պահել է նշված դաշտավայրի իր կողմից պատրաստ-ված թաքստոցում։ Դրանից հետո, 2014թ. սեպտեմբեր ամսվա սկզբին ապօրինի ձեռք բեր-ված և պահվող թմրամիջոցը թաքստոցից վերցրել է, մի մասը իրենց բնակավայրի հարևա-նությամբ տեղակայված ամայի հողատարածքներում միայնակ գործածել է, իսկ մնացած` զգալի չափի, 4,33 գրամ հաստատուն քաշով մարիխուանա տեսակի թմրամիջոցը, ապօրինի պահել է իր բաճկոնի գրպանում։
Այնուհետև, նշված թմրամիջոցը 2014թ. հոկտեմբերի 02-ին ապօրինի փոխադրել է Երևան քաղաք` հետագայում գործածելու նպատակով, որը վերջինիս մոտ հայտնաբերվել է նույն օրը ՀՀ ոստիկանության Կարեն Դեմիրճյանի անվան մետրոպոլիտենի «Զորավար Անդրանիկ» կայարանի պահպանության բաժնի ոստիկանության աշխատակիցների կողմից` Հ.Մաթևոսյանի անձնական խուզարկության ընթացքում»։
Ամբաստանյալ Հ.Մաթևոսյանը` մինչև դատաքննությունն սկսվելը, միջնորդեց կիրա-ռել արագացված դատական քննության կարգ ու հայտարարեց, որ միջնորդությունը ներկա-յացնում է կամավոր` իր պաշտպանի հետ խորհրդակցելուց հետո, առաջադրված մեղադը-րանքն իրեն պարզ է, համաձայն է մեղադրանքի հետ, առաջադրված մեղադրանքում իրեն լիովին մեղավոր է ճանաչում և գիտակցում է արագացված կարգով դատական քննություն անցկացնելու հետևանքները։
Դատարանի որոշմամբ ամբաստանյալի միջնորդությունը բավարարվել է և դատական քննությունն անցկացվել է արագացված կարգով։
Դատարանը, հաշվի առնելով առաջադրված մեղադրանքի հետ ամբաստանյալի հա-մաձայն լինելու հանգամանքն ու հանգելով եզրակացության, որ մեղադրանքը, որի հետ հա-մաձայնվեց ամբաստանյալը, հիմնավորված է և հաստատվում է քրեական գործով հավաք-ված ապացույցներով, գտնում է, որ ամբաստանյալ Հ.Մաթևոսյանն ապօրինի ձեռք է բերել թմրամիջոց (թմրամիջոց պարունակող, վայրի աճող բույսի տերևներ), որոնք ապօրինի պահել և փոխադրել է, այսինքն՝ կատարել է հանցանք` նախատեսված ՀՀ քրեական օրենսգրքի 268-րդ հոդվածի 1-ին մասով, որով և նա պետք է պատասխանատվության ենթարկվի։
Ամբաստանյալի նկատմամբ պատիժ նշանակելիս` պատժի տեսակն ու չափը որոշե-լիս, դատարանը հաշվի է առնում ինչպես նրա կատարած հանցագործության բնույթը, հան-րության համար վտանգավորության աստիճանը և հետևանքները, նրա կողմից ապօրինի ձեռք բերված թմրամիջոցի տեսակն ու քանակը, այնպես էլ արագացված կարգով անցկաց-ված դատաքննության ընթացքում ուսումնասիրված` նրա անձը բնութագրող տվյալներն ու պատասխանատվությունը և պատիժը մեղմացնող ու ծանրացնող հանգամանքները։
Որպես ամբաստանյալ Հ.Մաթևոսյանի պատասխանատվությունն ու պատիժը մեղ-մացնող հանգամանքներ` դատարանը հաշվի է առնում, որ նա առաջին անգամ է դատա-պարտվում, խոստովանել է կատարած հանցանքը, համաձայնվեց մեղադրանքի հետ և ան-կեղծորեն զղջաց կատարած հանցանքի համար, վատառողջ է և այդ հիմքով ճանաչվել է ոչ պիտանի զինվորական ծառայության համար։
Ամբաստանյալի պատասխանատվությունը և պատիժը ծանրացնող հանգամանքներ դատական քննությամբ չարձանագրվեցին։
Դատարանը, հաշվի առնելով ամբաստանյալի անձը բնութագրող և պատասխանա-տըվությունն ու պատիժը մեղմացնող վերոգրյալ հանգամանքները, պատասխանատվությու-նը և պատիժը ծանրացնող հանգամանքների բացակայությունն ու ելնելով գործի փաստա-կան տվյալների և հանգամանքների վերլուծության հիման վրա դատարանի մոտ ձևավորված նրա բարոյահոգեբանական ու քրեաիրավական բնութագրից, ՀՀ քրեական օրենսգրքի 10-րդ, 48-րդ և 61-րդ հոդվածներով սահմանված արդարության, պատասխանատվության անհա-տականացման ու պատիժ նշանակելու ընդհանուր սկզբունքներից, հանգում է հետևության, որ նա պետք է դատապարտվի կալանքի, որպիսի պատիժը սակայն ՀՀ քրեական օրենսգքրի 70-րդ հոդվածի կիրառմամբ պայմանականորեն չպետք է կիրառվի, նկատի ունենալով, որ նրա ուղղվելը հնարավոր է առանց պատիժը կրելու՝ հասարակությունից չմեկուսացնելու, սա-կայն նրա վարքագծի նկատմամբ հսկողություն սահմանելու միջոցով, ինչն անհրաժեշտ ու բավարար է նաև սոցիալական արդարությունը վերականգնելու և նրա կողմից նոր հանցա-գործությունների կատարումը կանխելու համար։
Դատարանը նման հետևության է հանգում՝ հաշվի առնելով նաև ՀՀ քրեական օրենս-գրքի 70-րդ հոդվածի կիրառման վերաբերյալ մի շարք նախադեպային որոշումներում ՀՀ վճռաբեկ դատարանի հայտնած իրավական դիրքորոշումները։
Քննության առնելով իրեղեն ապացույցի տնօրինման հարցը՝ դատարանը գտնում է, որ փորձաքննության կատարումից հետո մնացած 4,23 գրամ քաշով «Մարիխուանա» տեսակի թմրամիջոցը պետք է ոչնչացվի։
Դատարանը, քննության առնելով խափանման միջոցի հարցը, գտնում է, որ ամբաս-տանյալի նկատմամբ կիրառված խափանման միջոցը` ստորագրություն՝ չհեռանալու մասին, մինչև դատավճռի օրինական ուժի մեջ մտնելը պետք է թողնվի անփոփոխ։
Վերոգրյալների հիման վրա և ղեկավարվելով ՀՀ քրեական դատավարության օրենս-գրքի 119-րդ, 357-րդ, 359-րդ, 360-րդ ու 3753-րդ հոդվածներով` դատարանը

Վ Ճ Ռ Ե Ց

Հակոբ Արսենի Մաթևոսյանին ճանաչել մեղավոր ՀՀ քրեական օրենսգրքի 268-րդ հոդ-վածի 1-ին մասով և դատապարտել կալանքի 2 (երկու) ամիս ժամկետով։
ՀՀ քրեական օրենսգրքի 70-րդ հոդվածի կիրառմամբ Հ.Մաթևոսյանի նկատմամբ նշա-նակված պատիժը պայմանականորեն չկիրառել և սահմանել փորձաշրջան 1 (մեկ) տարի ժամկետով։
Իրեղեն ապացույցը` 4,23 գրամ քաշով «Մարիխուանա» տեսակի թմրամիջոցը, ոչըն-չացնել։
Հ.Մաթևոսյանի նկատմամբ ընտրված խափանման միջոցը թողնել անփոփոխ` մինչև դատավճռի օրինական ուժի մեջ մտնելը։
Դատավճիռը կարող է բողոքարկվել ՀՀ վերաքննիչ քրեական դատարան` հրապա-րակվելու օրվանից հետո` մեկամսյա ժամկետում։

ԴԱՏԱՎՈՐ` Գ.ՊՈՂՈՍՅԱՆ