Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը,

նախագահությամբ` դատավոր Մ. Մարտիրոսյանի,
քարտուղարությամբ` Ա. Հովհաննիսյանի,
Լ. Առաքելյանի,

մասնակցությամբ`

մեղադրող,
Երևանի Կենտրոն և Նորք-Մարաշ վարչական
շրջանների դատախազության
ավագ դատախազ Տ. Ենոքյանի,

հանրային պաշտպաններ Ա. Պողոսյանի,
Վ. Մակյանի,

2016թ. փետրվարի 8-ին Երևանում,

դռնբաց դատական նիստում քննեց քրեական գործն ըստ մեղադրանքի

Ժորա Սերյոժայի Ղափանցյանի`
ծնված 1984թ. օգոստոսի 01-ին Աշտարակ քաղաքում, հայ, ՀՀ քաղաքացի, յոթամյա կրթությամբ, ամուրի, խնամքին ոչ ոք, չի աշխատում, դատվածութուն չունի, հաշվառման և մշտական բնակության վայր չունի, կալանքի տակ չէ, մեղադրվում է ՀՀ քրեական օրենսգրքի 258-րդ հոդվածի 1-ին մասով։


2. Արման Ավետիքի Միքայելյանի`
ծնված 1978թ. դեկտեմբերի 25-ին Աշտարակ քաղաքում, հայ, ՀՀ քաղաքացի, ութամյա կրթությամբ, ամուրի, խնամքի տակ ունի մեկ անչափահաս երեխա, չի աշխատում, դատվածություն չունի, հաշվառված է և բնակվում է ՀՀ Արագածոտնի մարզի Աշտարակ քաղաքի Տիգրան Մեծի փողոցի թիվ 21 շենքի թիվ 5 բնակարանում, կալանքի տակ չէ, մեղադրվում է ՀՀ քրեական օրենսգրքի 258-րդ հոդվածի 3-րդ մասի 1-ին կետով։


Գործի դատավարական նախապատմությունը

2014թ. մարտի 03-ին, ՀՀ ոստիկանության քննչական գլխավոր վարչության /այսուհետ ՔԳՎ/ Երևան քաղաքի քննչական վարչության /այսուհետ ՔՎ/ Կենտրոնականի քննչական բաժնում, ՀՀ քրեական օրենսգրքի 258-րդ հոդվածի 2-րդ մասով հարուցվել է թիվ 13124814 քրեական գործը։
Նախաքննության մարմնի 2014թ. մարտի 11-ի որոշմամբ վերոհիշյալ քրեական գործով Ժորա Ղափանցյանի և մեկ այլ անձի միջև տեղի ունեցած միջադեպի դրվագով նրանց նկատմամբ քրեական հետապնդումը դադարեցվել է` նրանց արարքում այդ դրվագով խուլիգանության հանցակազմի բացակայության պատճառաբանությամբ։ Ժ. Ղափանցյանի կողմից մեկ այլ անձին մեկ անգամ հարվածելու դրվագով Ժ. Ղափանցյանի նկատմամբ քրեական հետապնդումը դադարեցվել է` նրա արարքում ծեծի ենթարկելու հանցակազմի բացակայության պատճառաբանությամբ։
2014թ. մարտի 27-ին, ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժնում, ՀՀ քրեական օրենսգրքի 258-րդ հոդվածի 2-րդ մասով հարուցվել է թիվ 13132514 քրեական գործը, որը 2014թ. ապրիլի 30-ի որոշմամբ միացվել է թիվ 13124814 քրեական գործին։
2015թ. փետրվարի 26-ին, թիվ 13124814 քրեական գործն ըստ մեղադրանքի Արա Լևոնի Քիշմիրյանի` ՀՀ քրեական օրենսգրքի 258-րդ հոդվածի 2-րդ մասով և 258-րդ հոդվածի 3-րդ մասի 1-ին կետով, Ժորա Սերյոժայի Ղափանցյանի` ՀՀ քրեական օրենսգրքի 258-րդ հոդվածի 1-ին մասով և Արման Ավետիքի Միքայելյանի` ՀՀ քրեական օրենսգրքի 258-րդ հոդվածի 3-րդ մասի 1-ին կետով, մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան, 2015թ. փետրվարի 27-ին ընդունվել է դատարանի վարույթ, իսկ 2015թ. մարտի 10-ին որոշում է կայացվել քրեական գործի դատական քննությունը 2015թ. մարտի 19-ին, ժամը 11։30-ին նշանակելու մասին։
Դատարանի 2016թ. փետրվարի 08-ի որոշմամբ, ամբաստանյալ Արա Քիշմիրյանի մասով գործն ամբողջ քրեական գործի նյութերից պատճենահանման եղանակով անջա-տվել է։
Ամբաստանյալներ Ժորա Սերյոժայի Ղափանցյանի և Արման Ավետիքի Միքայելյանի վերաբերյալ քրեական գործի դատական քննութ¬յունը շարունակվել է ԵԿԴ-0031/01/15 (13124814) համարով։
Նախաքննության մարմինը Ժորա Սերյոժայի Ղափանցյանին մեղադրանք է առաջադրել հետևյալ արարքի համար, որ նա` «գտնվելով ոգելից խմիչք օգտագործած վիճակում, 2014թ. մարտի 2-ի լույս 3-ի գիշերը` ժամը 05։30-ի սահմաններում Երևան քաղաքի Քաջազնունու 11 հասցեում գտնվող ոստիկանության Մարաշի բաժանմունքում կատարել է խուլիգանություն։
Այսպես. Ժորա Ղափանցյանը 2014թ. մարտի 2-ի լույս 3-ի գիշերը` ժամը 04։00-ի սահմաններում Երևան քաղաքի Վարդանանց 15/5 հասցեում գտնվող «Անգել» կարաոկե ակումբի մոտ անձնական հակասությունների շուրջ վիճաբանել և հարվածներ է հասցրել Վահան Բադալյանին, ինչի հետ կապված հետագա պարզաբանումների նպատակով ՀՀ ոստիկանության ՊՊԳ վարչության Կենտրոնի պահպանության բաժնի աշխատակիցների կողմից ժամը 05։30-ի սահմաններում բերման է ենթարկվել Երևան քաղաքի Քաջազնունու 11 հասցեում գտնվող ոստիկանության Մարաշի բաժանմունք, որի ընթացքում իրեն բերման ենթարկող ոստիկանների հասցեին տվել է սեռական բնույթի հայհոյանքներ, չի ենթարկվել հասարակական կարգի խախտումը դադարեցնելու վերաբերյալ նրանց կողմից ներկայացված օրինական պահանջներին և շարունակելով ագրեսիվ վարքագիծ դրսևորելը` ակնհայտորեն խախտել է վարքագծի համընդհանուր ճանաչում ստացած նորմերը, տևական ժամանակ ոստիկանության Մարաշի բաժանմունքի բակում, ինչպես նաև շենքի ներսում տվել է բարձրաձայն սեռական բնույթի հայհոյանքներ` կոպիտ կերպով խախտելով հասարակական կարգն ու բացահայտ անհարգալից վերաբերմունք դրսևորելով հասարակության` բաժամունքում գտնվող ոստիկանության աշխատակիցների, ինչպես նաև նշված շենքի բնակիչների նկատմամբ, խախտել վերջիններիս գիշերային անդորրն ու խանգարել ոստիկանության Մարաշի բաժանմունքի բնականոն աշխատանքը։
Այսինքն, Ժորա Սերյոժայի Ղափանցյանը կատարել է հանցավոր արարք, որը նախատեսված է ՀՀ քրեական օրենսգրքի 258 հոդվածի 1-ին մասով։»։
Նախաքննության մարմինն Արման Ավետիքի Միքայելյանին մեղադրանք է առաջադրել հետևյալ արարքի համար, որ նա` «2014թ. մարտի 7-ի լույս մարտի 8-ի գիշերը՝ ժամը 02։42-ի սահմաններում ընկերոջ՝ Արա Քիշմիրյանի հետ Երևան քաղաքի Վարդանանց 15/5 հասցեում գտնվող «Անգել» կարաոկե ակումբի դիմաց կոպիտ կերպով խախտելով հասարակական կարգն ու բացահայտ անհարգալից վերաբերմունք դրսևորելով հասարակության՝ շրջակայքում գտնվող անձանց, այդ թվում կանանց՝ Ամալիա Չավուշյանի, Սեդա Խաչատրյանի ու Գայանե Փարամազյանի, ինչպես նաև անցորդների նկատմամբ, տվել են սեռական բնույթի հայհոյանքներ, ինչի հետ կապված նկատողություն ստանալով այդտեղ գտնվող Հայկ Ղևոնդյանից ու Արման Խաչատրյանից՝ վրդովվել ու իրենց անձի առավելությունն ընդգծելու նպատակով՝ շարունակել են ագրեսիվ գործողությունները, չեն ենթակվել ոստիկանության աշխատակից Գևորգ Մեսրոպյանի հասարակական կարգի խախտումը դադարեցնելու վերաբերյալ օրինական պահանջին, խուլիգանական գործողությունները զուգորդելով բռնության գործադրմամբ Ա. Քիշմիրյանը հարվածներ է հասցրել Արման Խաչատրյանին ու Լևոն Ավետիսյանին, իսկ Ա. Միքայելյանը հարվածներ է հասցրել Հայկ Ղևոնդյանին, ապա շուրջ երեք րոպե տևողությամբ վիճաբանել ու քաշքշել են միմյանց։
Այսինքն, Արման Ավետիքի Միքայելյանը կատարել է հանցավոր արարք, որը նախատեսված է ՀՀ քրեական օրենսգրքի 258 հոդվածի 3-րդ մասի 1-ին կետով։»։


Դատարանի կողմից հաստատված փաստական հանգամանքները

Դատաքննությամբ, գործի տվյալներով, դատարանը հիմնավորված է համարում հետևյալը.
2014թ. մարտի 2-ի լույս 3-ի գիշերը, ժամը 04։00-ի սահմաններում, Երևան քաղաքի Վարդանանց փողոցի թիվ 15/5 հասցեում գտնվող «Անգել» կարաոկե ակումբի մոտ Ժորա Ղափանցյանը հայհոյել է Վ. Բադալյանին և ապտակել է նրան։ Դա նկատել է ակումբում ծառայություն իրականացնող ոստիկան, գործով վկա Սարգիս Կարապետյանը և օգնության կանչել հերթապահ պարեկային խմբերին, ապա անմիջապես միջամտել և բաժանել է նրանց։ Այդտեղ ժամանած ոստիկանները, նշված վիճաբանության հետ կապված հետագա պարզաբանումների նպատակով, ամբաստանյալ Ժ. Ղափանցյանին առաջարկել են նստել ծառայողական ավտոմեքենան, որից նա հրաժարվել է։ Նույն օրը, ժամը 05։30-ի սահմաններում Ժ. Ղափանցյանը մեկ այլ անձի հետ միասին բերման են ենթարկվել ՀՀ ոստիկանության Երևան քաղաքի վարչության Կենտրոնական բաժնի Մարաշի բաժանմունք։ Այդ ընթացքում ամբաստանյալ, ալկոհոլ գործածած Ժ. Ղափանցյանը ծառայողական ավտոմեքենաների մեջ գտնվող և իրենց բերման ենթարկող ոստիկանների հասցեին տվել է սեռական բնույթի հայհոյանքներ, չի ենթարկվել հասարակական կարգի խախտումը դադարեցնելու վերաբերյալ նրանց կողմից ներկայացված օրինական պահանջներին և շարունակելով ագրեսիվ վարքագիծ դրսևորելը` ակնհայտորեն խախտել են վարքագծի համընդհանուր ճանաչում ստացած նորմերը, տևական ժամանակ ՀՀ ոստիկանության Երևան քաղաքի վարչության Կենտրոնականի բաժնի Մարաշի բաժանմունքի բակում, ինչպես նաև շենքի ներսում տվել են բարձրաձայն սեռական բնույթի հայհոյանքներ` կոպիտ կերպով խախտելով հասարակական կարգն ու բացահայտ անհարգալից վերաբերմունք դրսևորելով հասարակության` բաժամունքում գտնվող ոստիկանության աշխատակիցների, ինչպես նաև այդ շենքի բնակիչների նկատմամբ, խախտել վերջիններիս գիշերային անդորրը։ Իր վերոհիշյալ գործողություներով նա խանգարել է նաև ՀՀ ոստիկանության Երևան քաղաքի վարչության Կենտրոնականի բաժնի Մարաշի բաժանմունքի բնականոն աշխատանքը։
Ամբաստանյալ Արման Միքայելյանը մեկ այլ անձի հետ 2014թ. մարտի 7-ի լույս մարտի 8-ի գիշերը, ժամը 02։42-ի սահմաններում, Երևան քաղաքի Վարդանանց փողոցի թիվ 15/5 հասցեում գտնվող «Անգել» կարաոկե ակումբի դիմաց, ալկոհոլ գործածած վիճակում կոպիտ կերպով խախտելով հասարակական կարգն ու բացահայտ անհարգալից վերաբերմունք դրսևորելով հասարակության` շրջակայքում գտնվող անձանց, այդ թվում` վկաներ Ամալիա Չավուշյանի, Սեդա Խաչատրյանի և Գայանե Փարամազյանի, ինչպես նաև անցորդների նկատմամբ, տվել է սեռական բնույթի հայհոյանքներ։ Դրա հետ կապված նկատողություն ստանալով այդտեղ գտնվող Հայկ Ղևոնդյանից և Արման Խաչատրյանից` նա վրդովվել է և իր անձի առավելությունն ընդգծելու նպատակով` շարունակել է ագրեսիվ գործողությունները, չի ենթակվել ոստիկանության աշխատակից Գևորգ Մեսրոպյանի` հասարակական կարգի խախտումը դադարեցնելու վերաբերյալ օրինական պահանջին, հարվածներ է հասցրել Հայկ Ղևոնդյանին, ապա շուրջ երեք րոպե տևողությամբ վիճաբանել և քաշքշել են միմյանց։

Ամբաստանյալներից յուրաքանչյուրի անձը բնութագրող տվյալների, պատասխանատվությունը և պատիժը մեղմացնող ու ծանրացնող հանգամանքների ուսումնասիրման արդյունքում պարզվել է, որ ամբաստանյալներ Ժորա Ղափանցյանը և Արման Միքայելյանը դատվածություն չունեն, իրենց վերագրվող արարքները կատարել են ալկոհոլի ազդեցության տակ, ամբաստանյալ Արման Միքայելյանը խնամքի տակ ունի մեկ անչափահաս զավակ։


Ապացույցների հետազոտում և գնահատում

Դատարանի կողմից հաստատված հանգամանքները հիմնավորվում են հետևյալ ապացույցներով.
Ամբաստանյալ Ժ. Ղափանցյանի ինքնախոստովանական ցուցմունքներով այն մասին, որ 2014թ. մարտի 2-ի լույս 3-ի գիշերը, ժամը 02։30-ի սահմաններում ընկերներ Անդրանիկ Գևորգյանի և Արա Քիշմիրյանի հետ գնացել են Երևանի Վարդանանց փողոցի վրա գտնվող «Անգել» կարաոկե ակումբ, որտեղ օգտագործել են ոգելից խմիչք և նշել Ա. Քիշմիրյանի ծննդյան օրը։ Այդ ընթացքում Ա. Քիշմիրյանն իրեն հայտնել է, որ Վահան Բադալյանը հեռախոսազրույցի ընթացքում իր հոր հետ կապված վիրավորական արտահայտություն է արել։ Դրա համար Վահանին դուրս է հրավիրել ակումբից, նրան հայտնել է իր սխալը, ապտակել է և հայհոյել։ Վերջինս նստել է ավտոմեքենան ու հեռացել։ Դրանից հետո կատարվածը չի հիշում, քանի որ եղել է հարբած վիճակում։
Առաջադրված մեղադրանքում իրեն մեղավոր է ճանաչում։
/դատական նիստի արձանագրություն, հատոր 1, գ.թ. 114-115, 152/
Ամբաստանյալ Ա. Միքայելյանի դատաքննական ցուցմունքով այն մասին, որ առաջադրված մեղադրանքում իրեն լիովին մեղավոր է ճանաչում։ Դեպքի օրը, «Անգել» կարաոկե ակումբի մոտ Ա. Քիշմիրյանի հետ խոսելիս հայհոյանքներ են տվել։ Դրա համար այդտեղ գտնվող անձանցից նկատողություն են ստացել։ Քանի որ իրենք ալկոհոլ գործածած վիճակում են եղել` միմյանց չեն հասկացել։ Այնուհետև իրենց միջև վիճաբանություն է տեղի ունեցել։ Դրա ընթացքում փոխադարձ հարվածներ են եղել, սակայն չի հիշում, թե՞ ում և քանի անգամ է հարվածել։ Իրենց նկատողություն անելուց հետո` Արա Քիշմիրյանը ներողություն է խնդրել, քանի որ նրանց հետ աղջիկներ են եղել։
/դատական նիստի արձանագրություն/
Վկա, ՀՀ ոստիկանության պետական պահպանության գլխավոր վարչության /այսուհետ ՊՊԳՎ/ Կենտրոնի պահպանության բաժնի ոստիկան Սարգիս Արկադիի Կարապետյանի ցուցմունքներով այն մասին, որ 2014թ. մարտի 02-ին ծառայություն է իրականացրել «Անգել» կարաոկե ակումբում։ Ժամը 04։00-ի սահմաններում ակումբի դռների մոտ հաճախորդներ Ժորա Ղափանցյանի ու Վահան Բադալյանի միջև վիճաբանություն է սկսվել, որի ընթացքում Ժ. Ղափանցյանը սեռական բնույթի հայհոյանքներ է տվել Վ. Բադալյանի հասցեին, իսկ վերջինս էլ փոխադարձ հայհոյել է նրան։ Այնուհետև տեսել է, որ Ժ. Ղափանցյանն ապտակել և ոտքով հարվածել է Վ. Բադալյանին։ Անմիջապես միջամտել և մի կողմ է տարել Ժ. Ղափանցյանին։ Նրանք շարունակել են միմյանց հասցեին հայհոյանքներ տալ։ Այդ ընթացքում զանգահարել և օգնության է կանչել։ Օրվա պատասխանատու Էդուարդ Ասլանյանի գլխավորությամբ պարեկային ավտոմեքենաներով երեք բռնող խմբեր են մոտեցել։ Ժ. Ղափանցյանը և նրա ընկերները գտնվել են ակումբում, իսկ Վ. Բադալյանն ընկերոջ հետ նստել է ավտոմեքենան ու հեռացել։ Հետագայում տեղեկացել է, որ նրանք հայտնաբերվել և բերման են ենթարկվել ՀՀ ոստիկանության Երևան քաղաքի վարչության Կենտրոնական բաժնի Մարաշի բաժանմունք։ Վիճաբանության շուրջ հետագա պարզաբանումների համար, նշված բաժանմունք գնալու նպատակով Ժ. Ղափանցյանին հրավիրել են նստել ծառայողական ավտոմեքենան, սակայն վերջինս հրաժարվել է նստել ավտոմեքենան։ Այդ պատճառով նրան հարկադրաբար` թևերը ոլորելով, տարել են, որպեսզի նստեցնեն ավտոմեքենան։ Դրա հետևանքով առաջացել է քաշքշուկ և Ժ. Ղափանցյանն իրենց հասցեին տվել է սեռական բնույթի հայհոյանքներ։ Վերջինիս ընկեր Ա. Քիշմիրյանը նույնպես սեռական բնույթի հայհոյանքներ է տվել, անընդհատ մոտեցել և ցանկացել է Ժ. Ղափանցյանին ավտոմեքենայից դուրս բերել։ Նրան մի կողմ է տարել և հորդորել է չխոչընդոտել իրենց աշխատանքներին։ Այդ ընթացքում Ա. Քիշմիրյանը գլխով, անզգուշությամբ հարվածել է իր ճակատի հատվածին և ցավ պատճառել։
Ակումբի մոտ միջադեպը տևել է շուրջ քսան րոպե։
Ի վերջո իրենց հաջողվել է նրանց բերման ենթարկել ՀՀ ոստիկանության Երևան քաղաքի վարչության Կենտրոնականի բաժնի Մարաշի բաժանմունք։ Այդտեղ լսվել են բերման ենթարկվածների հայհոյանքները, ապա լսվել է ապակու կոտրվելու ձայն։ Ապակու կոտրվելը չի տեսել, սակայն իրավիճակից իրեն հասկանալի է դարձել, որ այն կոտրել է բերման ենթարկված անձանցից մեկը։
/դատական նիստի արձանագրություն, հատոր 1, գ.թ. 65-67/
Վկա, ՀՀ ոստիկանության ՊՊԳՎ Կենտրոնի պահպանության բաժնի ոստիկան Վահե Հենզելի Սուսունյանի ցուցմունքներով այն մասին, որ 2014թ. մարտի 2-ին ծառայություն է իրականացրել որպես հերթապահ։ Այդ գիշեր, արդեն մարտի 3-ին, ժամը 04։00-04։30-ի սահմաններում, Երևանի Վարդանանց 15/5 հասցեում գտնվող «Անգել» կարաոկե ակումբի պահակակետի ոստիկան Սարգիս Կարապետյանից ռադիոկապով ահազանգ է ստացվել և նույն բաժնի հերթապահ ոստիկանների հետ մեկնել են նշված ակումբ։ Այդտեղ հանդիպել են Ս. Կարապետյանին։ Նա հայտնել է, որ կռիվ և վիճաբանություն է տեղի ունեցել ակումբի դիմաց, մասնակիցների մի մասը գտնվել են ակումբի ներսում, իսկ մյուսները` «Մերսեդես» մակնիշի ավտոմեքենայով հեռացել են, սակայն որոշ ժամանակ անց այդ ավտոմեքենան մոտեցել է ակումբին։ Ավտոմեքենան կանգնեցրել են և այդտեղի ուղևորներ Վարդան Բադալյանին և Արման Մկրտչյանին բերման են ենթարկել ՀՀ ոստիկանության Երևան քաղաքի վարչության Կենտրոնական բաժին, որից հետո տեղափոխել են նույն բաժնի Մարաշի բաժանմունք։
Դրանից հետո վերադարձել են «Անգել» ակումբի մոտ` միջադեպի մյուս մասնակիցներին ոստիկանության բաժին տեղափոխելու համար օգնություն ցուցաբերելու նպատակով։ Այդտեղ գտնվող, միջադեպի մասնակիցներից Ժորա Ղափանցյանն ու նրա ընկեր Արա Քիշմիրյանը չեն ենթարկվել իրենց օրինական պահանջներին` ծառայողական ավտոմեքենա նստելու և հետագա պարզաբանումների համար ՀՀ ոստիկանության Երևան քաղաքի վարչության Կենտրոնականի բաժնի Մարաշի բաժանմունք գնալու վերաբերյալ, իրենց հասցեին տվել են սեռական բնույթի հայհոյանքներ, առաջացրել են քաշքշուկ։ Ի վերջո հաջողվել է նրանց նստեցնել ավտոմեքենաներն ու բերման ենթարկել։ Ժ. Ղափանցյանը և Ա. Քիշմիրյանը գտնվել են ոգելից խմիչքի ազդեցության տակ, ինչը զգացվել է նրանց վարքագծից և ալկոհոլի սուր հոտից։ Նրանք ՀՀ ոստիկանության Երևան քաղաքի վարչության Կենտրոնականի բաժնի Մարաշի բաժանմունքում շարունակել են ագրեսիվ պահվածք դրսևորել և չլսելով հանգիստ պահվածք դրսևորելու և նրանց կարգի հրավիրելու վերաբերյալ հորդորները` շարունակել են սեռական բնույթի հայհոյանքներ տալ, աղմկել և խանգարել բաժանմունքի աշխատանքը։ Մի պահ ինքը հեռացել է այդտեղից, ապա վերադառնալով նկատել է, որ նշված բաժանմունքի մուտքի դռան ապակին կոտրել են։
/դատական նիստի արձանագրություն, հատոր 1, գ.թ. 130-132/
Վկա, ՀՀ ոստիկանության ՊՊԳՎ Կենտրոնի պահպանության բաժնի ոստիկան Կամո Լևիկի Ոսկանյանի ցուցմունքներով այն մասին, որ 2014թ. մարտի 2-ին ծառայություն է իրականացրել որպես հերթապահ։ Կեսգիշերից հետո, մարտի 3-ին, ժամը 04։00-04։30-ի սահմաններում, Երևանի Վարդանանց փողոցի թիվ 15/5 հասցեում գտնվող «Անգել» կարաոկե ակումբի պահակակետի ոստիկան Սարգիս Կարապետյանից ռադիոկապով ահազանգ է ստացվել և նույն բաժնի հերթապահ ոստիկանների հետ մեկնել է նշված ակումբ։ Այդտեղ հանդիպել են Ս. Կարապետյանին, ով հայտնել է, որ կռիվ ու վիճաբանություն է տեղի ունեցել ակումբի դիմաց։ Մասնակիցների մի մասը գտնվել են ակումբի ներսում, իսկ մյուսները` «Մերսեդես» մակնիշի ավտոմեքենայով հեռացել են։ Որոշ ժամանակ անց այդ ավտոմեքենան մոտեցել է ակումբին։ Իրենք կանգնեցրել են ավտոմեքենան և ուղևորներ Վարդան Բադալյանին ու Արման Մկրտչյանին բերման են ենթարկել ՀՀ ոստիկանության Երևան քաղաքի վարչության Կենտրոնական բաժին, որից հետո տեղափոխել նույն բաժնի Մարաշի բաժանմունք։
Դրանից հետո միջադեպի մյուս մասնակիցներին ոստիկանության բաժին տեղափոխելու համար օգնություն ցուցաբերելու նպատակով վերադարձել են «Անգել» ակումբի մոտ։ Այդտեղ գտնվող միջադեպի մասնակիցներից Ժորա Ղափանցյանն ու նրա ընկեր Արա Քիշմիրյանը չեն ենթարկվել ծառայողական ավտոմեքենա նստելու և հետագա պարզաբանումների համար ՀՀ ոստիկանության Երևան քաղաքի վարչության Կենտրոնական բաժնի Մարաշի բաժանմունք գնալու վերաբերյալ իրենց օրինական պահանջներին, իրենց հասցեին տվել են սեռական բնույթի հայհոյանքներ և քաշքշուկ առաջացրել։ Ի վերջո հաջողվել է նրանց նստեցնել ավտոմեքենաներն ու բերման ենթարկել։ Ժ. Ղափանցյանը և Ա. Քիշմիրյանը գտնվել են ոգելից խմիչքի ազդեցության տակ։ Դա զգացվել է նրանց վարքագծից և ալկոհոլի սուր հոտից։ Նրանք ՀՀ ոստիկանության Երևան քաղաքի վարչության Կենտրոնական բաժնի Մարաշի բաժանմունքում շարունակել են ագրեսիվ պահվածք դրսևորել և չլսելով հանգիստ պահելու և նրանց կարգի հրավիրելու վերաբերյալ իրենց հորդորները` շարունակել են սեռական բնույթի հայհոյանքներ տալ, աղմկել ու խանգարել բաժանմունքի աշխատանքը։ Բաժանմունքի մուտքի հատվածում գտնվելու ժամանակ լսել է ապակու կոտրվելու ձայն, ապա շրջվել ու տեսել է, որ մուտքի դռան ապակին կոտրել են։ Վերը նշված երկու անձինք կանգնած են եղել դռան հետևում։ Ապակին կոտրել է նրանցից մեկը։
/դատական նիստի արձանագրություն, հատոր 1, գ.թ. 133-135/
Վկա, ՀՀ ոստիկանության ՊՊԾ գնդի ոստիկան Էդգար Արտակի Ռշտունու ցուցմունքներով այն մասին, որ 2014թ. մարտի 2-ին ծառայություն է իրականացրել որպես հերթապահ։ Կեսգիշերից հետո` մարտի 3-ին, ժամը 04։30-ի սահմաններում ՀՀ ոստիկանության Երևան քաղաքի վարչության Կենտրոնական բաժնի հերթապահ մասից ռադիոկապի միջոցով հայտնել են, որ անհրաժեշտ է շտապ մոտենալ Երևանի Վարդանանց փողոցի թիվ 15/5 հասցեում գտնվող «Անգել» կարաոկե ակումբին։ Ծառայողական 0108 ավտոմեքենայով, նույն վաշտի ոստիկաններ Ռազմիկ Խառատյանի և անչափահասների տեսուչ Լյուդվիգ Գևորգյանի հետ մեկնել են այնտեղ։ Ակումբի մոտ տեսել է, որ ՀՀ ոստիկանության ՊՊԳՎ Կենտրոնի պահպանության բաժնի աշխատակիցները փորձել են կարգի հրավիրել մի անձի, ով շարունակ սեռական բնույթի հայհոյանքներ է տվել ոստիկանների հասցեին։ Դա տևել է շուրջ 10 րոպե, որի ընթացքում այդ անձը` Արա Քիշմիրյանը, բղավել է, թե իր ծննդյան տարեդարձը «հարամ» են անում և տալով սեռական բնույթի հայհոյանքներ` չի ենթարկվել հասարակական կարգի խախտումը դադարեցնելու վերաբերյալ իրենց հորդորներին և չի կատարել հետագա պարզաբանումների նպատակով ՀՀ ոստիկանության Երևան քաղաքի վարչության Կենտրոնական բաժնի Մարաշի բաժանմունք գնալու վերաբերյալ իրենց օրինական պահանջը։ Ի վերջո հաջողվել է նրան բերման ենթարկել։
ՀՀ ոստիկանության ՊՊԳՎ Կենտրոնի պահպանության բաժնի աշխատակիցներից տեղեկացել է, որ Ա. Քիշմիրյանի ընկեր Ժ. Ղափանցյանը մինչև այդ իրեն ագրեսիվ է պահել և նույն կերպ սեռական բնույթի հայհոյանքներ է տվել ու խախտել հասարակական կարգը։ Ա. Քիշմիրյանը և Ժ. Ղափանցյանը ՀՀ ոստիկանության Երևան քաղաքի վարչության Կենտրոնական բաժնի Մարաշի բաժանմունքի մոտ, ինչպես նաև ներսում շարունակել են գոռալ և սեռական բնույթի հայհոյանքներ տալ։ Նույնիսկ այդ շենքի բնակիչներից ոմանք պահանջել են նրանց կարգի հրավիրել։ Նրանց ներս մտցնելուց հետո մի պահ գտնվել է բակի հատվածում, որտեղից լսել է ապակու կոտրվելու ձայներ և ներս մտնելով` տեսել է, որ ՀՀ ոստիկանության Երևան քաղաքի վարչության Կենտրոնական բաժնի Մարաշի բաժանմունքի մուտքի դռան ապակին կոտրված է, իսկ դռան հետևում գտնվել են Ա. Քիշմիրյանն ու Ժ. Ղափանցյանը։ Նրանք շարունակել են իրենց ագրեսիվ պահվածքը։ Աշխատակիցներից տեղեկացել է, որ Ա. Քիշմիրյանն է հարվածել և կոտրել ապակին։
/դատական նիստի արձանագրություն, հատոր 1, գ.թ. 136-138/
Վկա, ՀՀ ոստիկանության ՊՊԾ գնդի ոստիկան Էդգար Արտակի Ռշտունու նույնաբովանդակ ցուցմունքներով այն մասին, որ 2014թ. մարտի 2-ին ծառայություն է իրականացրել որպես հերթապահ։ Կեսգիշերից հետո` մարտի 3-ին, ժամը 04։30-ի սահմաններում ՀՀ ոստիկանության Երևան քաղաքի վարչության Կենտրոնական բաժնի հերթապահ մասից ռադիոկապի միջոցով հայտնել են, որ անհրաժեշտ է շտապ մոտենալ Երևանի Վարդանանց 15/5 հասցեում գտնվող «Անգել» կարաոկե ակումբին։ Ծառայողական 0108 ավտոմեքենայով, նույն վաշտի ոստիկաններ Էդգար Ռշտունու և անչափահասների տեսուչ Լյուդվիգ Գևորգյանի հետ մեկնել են այնտեղ։ Ակումբի մոտ տեսել է, որ ՀՀ ոստիկանության ՊՊԳՎ Կենտրոնի պահպանության բաժնի աշխատակիցները փորձում են կարգի հրավիրել մի անձի, ով շարունակ հայհոյանքներ է տվել։ Դա տևել է շուրջ տաս րոպե, որի ընթացքում այդ անձը` Արա Քիշմիրյանը, բղավել է, թե իր ծննդյան տարեդարձը «հարամ» են անում։ Նա սեռական բնույթի հայհոյանքներ է տվել, չի ենթարկվել հասարակական կարգի խախտումը դադարեցնելու վերաբերյալ իրենց հորդորներին, ինչպես նաև չի կատարել իրենց օրինական պահանջը` հետագա պարզաբանումների նպատակով ծառայողական ավտոմեքենան նստելու և ՀՀ ոստիկանության Երևան քաղաքի վարչության Կենտրոնականի բաժնի Մարաշի բաժանմունք գնալու վերաբերյալ։ Ի վերջո հաջողվել է նրան բերման ենթարկել։ ՀՀ ոստիկանության ՊՊԳՎ Կենտրոնի պահպանության բաժնի աշխատակիցներից տեղեկացել է, որ Ա. Քիշմիրյանի ընկեր Ժորա Ղափանցյանը նույնպես մինչև այդ իրեն ագրեսիվ է պահել, նույն կերպ սեռական բնույթի հայհոյանքներ տվել ու խախտել հասարակական կարգը։ Նրանք երկուսն էլ ՀՀ ոստիկանության Երևան քաղաքի վարչության Կենտրոնական բաժնի Մարաշի բաժանմունքի մոտ և բաժանմունքի ներսում շարունակել են գոռալ և սեռական բնույթի հայհոյանքներ տալ։ Նույնիսկ այդ շենքի բնակիչներից ոմանք պահանջել են նրանց կարգի հրավիրել։ Նրանց ներս մտցնելուց հետո մի պահ գտնվել է բակի հատվածում, որտեղից լսել է ապակու կոտրվելու ձայներ և ներս մտնելով` տեսել է, որ Մարաշի բաժանմունքի մուտքի դռան ապակին կոտրված է։ Դռան հետևում գտնվելիս են եղել Ա. Քիշմիրյանն ու Ժ. Ղափանցյանը։ Նրանք շարունակել են ագրեսիվ պահվածք դրսևորել։ Աշխատակիցներից տեղեկացել է, որ Ա. Քիշմիրյանն է հարվածել և կոտրել ապակին։ Դրանից հետո իր բջջային հեռախոսով տեսաձայնագրել է կատարվող իրադարձությունները, որում հստակ երևացել է, թե ինչպիսի ագրեսիվ վարքագիծ են դրսևորել Ա. Քիշմիրյանն ու Ժ. Ղափանցյանը, տվել սեռական բնույթի հայհոյանքներ։ Ա. Քիշմիրյանը փորձել է հարվածել և վայր գցել հեռախոսը, սակայն հասցրել է ձեռքը մի կողմ տանել և շարունակել տեսագրել։ Ապա տեսաձայնագրությունը հանձնել է ՀՀ ոստիկանության Երևան քաղաքի վարչության Կենտրոնականի բաժնի Մարաշի բաժանմունքի աշխատակիցներին ու հեռացել։
/դատական նիստի արձանագրություն, հատոր 1, գ.թ. 154-156/
Վկա, ՀՀ ոստիկանության Երևան քաղաքի վարչության Կենտրոնական բաժնի անչափահասների գործերով բաժանմունքի տեսուչ Լյուդվիգ Սամվելի Գևորգյանի ցուցմունքներով այն մասին, որ 2014թ. մարտի 2-ի լույս 3-ի գիշերը, ժամը 04։30-ի սահմաններում, ՀՀ ոստիկանության Երևան քաղաքի վարչության Կենտրոնական բաժնի հերթապահ մասից ռադիոկապի միջոցով հայտնել են, որ անհրաժեշտ է շտապ մոտենալ Երևանի Վարդանանց 15/5 հասցեում գտնվող «Անգել» կարաոկե ակումբին։ Ծառայողական 0108 ավտոմեքենայով ՊՊԾ գնդի ծառայողների հետ մեկնել է այնտեղ։ Ակումբի մոտ տեսել է, որ ՀՀ ոստիկանության ՊՊԳՎ Կենտրոնի պահպանության բաժնի աշխատակիցները փորձում են կարգի հրավիրել Ա. Քիշմիրյանին, քանի որ վերջինս շարունակ սեռական բնույթի հայհոյանքներ է տվել ոստիկանների հասցեին։ Դա տևել է շուրջ տաս րոպե։ Այդ ընթացքում Ա. Քիշմիրյանը գոռգոռացել է, հայհոյել է, չի լսել հասարակական կարգի խախտումը դադարեցնելու վերաբերյալ իրենց հորդորները, չի ենթարկվել հետագա պարզաբանումների նպատակով ՀՀ ոստիկանության Երևան քաղաքի վարչության Կենտրոնական բաժնի Մարաշի բաժանմունք գնալու վերաբերյալ իրենց օրինական պահանջին։ Ի վերջո հաջողվել է նրան բերման ենթարկել։
ՀՀ ոստիկանության ՊՊԳՎ Կենտրոնի պահպանության բաժնի աշխատակիցներից տեղեկացել է, որ Ա. Քիշմիրյանի ընկեր Ժորա Ղափանցյանը նույնպես մինչև իրենց մոտենալն իրեն ագրեսիվ է պահել, նույն կերպ սեռական բնույթի հայհոյանքներ է տվել ու խախտել է հասարակական կարգը։ Նրանք երկուսն էլ ՀՀ ոստիկանության Երևան քաղաքի վարչության Կենտրոնական բաժնի Մարաշի բաժանմունքի մոտ և բաժանմունքում շարունակել են գոռգոռալ և սեռական բնույթի հայհոյանքներ տալ։ Նույնիսկ այդ շենքի բնակիչներից ոմանք դիտողություններ են արել։ Նրանց ներս մտցնելուց հետո տեսել է, որ Ա. Քիշմիրյանն ու Ժ. Ղափանցյանն ավելի ագրեսիվ են դարձել։ Նրանցից Ա. Քիշմիրյանը, սեռական բնույթի հայհոյանքներ տալով` ոտքով հարվածել և կոտրել է ՀՀ ոստիկանության Երևան քաղաքի վարչության Կենտրոնական բաժնի Մարաշի բաժանմունքի մուտքի դռան ապակին։ Ժ. Ղափանցյանը նույնպես գոռգոռացել և հայհոյանքներ է տվել, պահանջել է իրեն բաց թողնել։ Նրանք գտնվել են ոգելից խմիչքի ազդեցության տակ, ինչը զգացվել է պահվածքից և նրանց վրայից եկող ալկոհոլի սուր հոտից։
/դատական նիստի արձանագրություն, հատոր 1, գ.թ. 165-167/
Վկա, ՀՀ ոստիկանության Երևան քաղաքի վարչության Կենտրոնական բաժնի համայնքային ոստիկանության պրոֆիլակտիկայի բաժանմունքի տեսուչ Արա Հենրիկի Հարթենյանի ցուցմունքներով այն մասին, որ 2014թ. մարտի 2-ին ծառայություն է իրականացրել որպես հերթապահ։ Կեսգիշերից հետո` մարտի 3-ին, ժամը 05։30-ի սահմաններում, ՀՀ ոստիկանության Երևան քաղաքի վարչության Կենտրոնական բաժնի Մարաշի բաժանմունք բերման են ենթարկվել հինգ անձինք։ Նրանցից երկուսը հանդիսացել են Ա. Քիշմիրյանը և Ժ. Ղափանցյանը։ Նրանք նշված բաժանմունքի շենքի մուտքի մոտ դրսևորել են լկտի և ագրեսիվ վարքագիծ, շենքի ներսում տևական ժամանակ` շուրջ քսան րոպե և ավելի սեռական բնույթի հայհոյանքներ են տվել իրենց բերման ենթարկող ոստիկանների հասցեին, չեն ենթարկվել հասարակական կարգի խախտումը դադարեցնելու վերաբերյալ ոստիկանների օրինական պահանջներին։ Վերջիններիս գործողությունների հետևանքով խանգարվել է ՀՀ ոստիկանության Երևան քաղաքի վարչության Մարաշի բաժանմունքի բնականոն աշխատանքը, քանի որ բոլոր աշխատակիցները, թողնելով իրենց գործերը դուրս են եկել միջանցք` նրանց կարգի հրավիրելու համար։ Ա. Քիշմիրյանի և Ժ. Ղափանցյանի այդ պահվածքի հետևանքով խանգարվել է նույն շենքի բնակիչների գիշերային անդորրը, քանի որ շենքի բնակիչներից ոմանք զանգահարել և դժգոհել են այն մասին, որ բաժանմունքի բակում հայհոյանքներ են տալիս։
Այդ խառնաշփոթ իրավիճակում Արա Քիշմիրյանը շարունակելով սեռական բնույթի հայհոյանքներ տալը` ոտքով կամ ձեռքով հարվածել և կոտրել է ՀՀ ոստիկանության Երևան քաղաքի վարչության Մարաշի բաժանմունքի մուտքի դռան ապակին, իսկ Ժ. Ղափանցյանը բղավելով և հայհոյանքներ տալով` պահանջել է բաց թողնել իրեն։ Նրանք գտնվել են ոգելից խմիչքի ազդեցության տակ, ինչը զգացվել է պահվածքից և նրանց վրայից եկող ալկոհոլի սուր հոտից։
/դատական նիստի արձանագրություն, հատոր 1, գ.թ. 168-170/
Վկա Լուսինե Անուշավանի Հարոյանի ցուցմունքներով այն մասին, որ 2014թ. մարտի 2-ի կեսգիշերից հետո` մարտի 3-ին, արթնացել է դրսում լսվող աղմուկից և գոռգոռոցներից։ Լսվել են նաև սեռական բնույթի հայհոյանքներ։ Մոտեցել է պատուհանին և տեսել է, որ ՀՀ ոստիկանության աշխատակիցները երկու անձանց են բերման ենթարկել։ Բերման ենթարկվածների պահվածքից եզրակացրել է, որ նրանք գտնվել են ալկոհոլի ազդեցության տակ։ Տեսել է, որ նրանք չեն ենթարկվել ոստիկաններին և չեն ցանկացել մտնել ներս։ Նրանցից մեկը բղավելով և սեռական բնույթի հայհոյանքներ տալով` իրեն տանող ոստիկաններին ասել է, թե` «որ քաշում ես` ոնց ես տակից դուրս գալու, գիտես ես ով եմ»։
Այդ վիճակը շարունակվել է բավականին եկար ժամանակ` մինչև լուսաբաց։ Իրեն անծանոթ այդ անձանց ձայները և հայհոյանքները լսվել են նույնիսկ փակ պատուհաններից։ Ստիպված է եղել երեխաներին տեղափոխել այլ սենյակ, իսկ դեպքի մասին զանգահարել և հայտնել է ոստիկանությանը։
Հաջորդ օրը բոլոր հարևանները խոսել են, որ իրենց անհանգստություն է պատճառվել։ Աղմուկի հետևանքով արթնացել են նաև զավակները։ Նույնիսկ պատուհանները փակված վիճակում` աղմուկը լսելի է եղել։
/դատական նիստի արձանագրություն, հատոր 1, գ.թ. 171-172/
Վկա, ՀՀ ոստիկանության Երևան քաղաքի վարչության Կենտրոնական բաժնի Մարաշի բաժանմունքի հերթապահի օգնական Լևոն Կոլյայի Ասլանյանի ցուցմունքներով այն մասին, որ 2014թ. մարտի 2-ի լույս 3-ի գիշերը` ժամը 05։30-ի սահմաններում, ՀՀ ոստիկանության Երևան քաղաքի վարչության Կենտրոնական բաժնի Մարաշի բաժանմունք բերման են ենթարկվել հինգ անձինք, որոնցից երկուսը` Ա. Քիշմիրյանն ու Ժ. Ղափանցյանը, նշված բաժանմունքի շենքի բակի հատվածում` մուտքի մոտ, ինչպես նաև շենքի ներսում դրսևորել են լկտի ու ագրեսիվ վարքագիծ։ Վերջիններս իրենց բերման ենթարկող ոստիկանների հասցեին տևական ժամանակ` շուրջ 20 րոպե և ավելի, տվել են սեռական բնույթի հայհոյանքներ, չեն ենթարկվել հասարակական կարգի խախտումը դադարեցնելու վերաբերյալ նրանց օրինական պահանջներին։ Այդ երկու անձանց գործողությունների հետևանքով խանգարվել է ՀՀ ոստիկանության Երևան քաղաքի վարչության Կենտրոնական բաժնի Մարաշի բաժանմունքի բնականոն աշխատանքը, քանի որ այդտեղի աշխատակիցները թողել են իրենց գործերը և դուրս են եկել միջանցք` նրանց կարգի հրավիրելու համար։
Ա. Քիշմիրյանի և Ժ. Ղափանցյանի այդ պահվածքի հետևանքով խանգարվել է նաև նույն շենքի բնակիչների գիշերային անդորրը, քանի որ նույն շենքի բնակիչներից Լ. Հարոյանը ահազանգ է տվել այն մասին, որ բաժանմունքի բակում ոստիկաններին բարձրաձայն հայհոյանքներ են տալիս, իսկ նրանք ոչինչ չեն կարողանում անել։ Ահազանգը գրանցվել է համապատասխան կարգով։
Այդ խառնաշփոթ իրավիճակում լսել է ապակու կոտրվելու ձայն և տեսել է, որ կոտրվել է մուտքի դռան` առջևից աջակողմյան հատվածի ապակին։ Դռան հետևի մասում գտնվել են այդ երկու բերման ենթարկված անձիք` Արա Քիշմիրյանն ու Ժորա Ղափանցյանը։ Նրանք բղավել և շարունակել են հայհոյանքները։ Հետագայում, ինչպես այդտեղ գտնվող ոստիկանության աշխատակիցներից, այնպես էլ դեպքի հետ կապված համապատասխան ամփոփագիր տալիս` տեղեկացել է, որ ապակին կոտրել է Ա. Քիշմիրյանը։
«Անգել» կարաոկե ակումբի մոտ տեղի ունեցած միջադեպի մասին տեղեկացել է ամփոփագրի տվյալներից, որտեղ նշված է եղել, որ Ա. Քիշմիրյանն ու Ժ. Ղափանցյանը դրսևորել են նույն վարքագիծը։ Նրանք ոստիկանների օրինական պահանջներին չեն ենթարկվել և սեռական բնույթի հայհոյանքներ են տվել նաև այդ ակումբի մոտ։
/դատական նիստի արձանագրություն, հատոր 1, գ.թ. 178-180/
Վկա, ՀՀ ոստիկանության Երևան քաղաքի վարչության Կենտրոնական բաժնի Մարաշի բաժանմունքի հերթապահ մասի ավագ տեսուչ-հերթապահ, Ռաֆիկ Վարդգեսի Հակոբյանի ցուցմունքներով այն մասին, որ 2014թ. մարտի 2-ի լույս 3-ի գիշերը` ժամը 05։30-ի սահմաններում, ՀՀ ոստիկանության Երևան քաղաքի վարչության Կենտրոնական բաժնի Մարաշի բաժանմունք բերման են ենթարկվել հինգ անձինք։ Նրանցից Ա. Քիշմիրյանն ու Ժ. Ղափանցյանը դրսևորել են լկտի և ագրեսիվ վարքագիծ` նշված բաժանմունքի մուտքի մոտ, ինչպես նաև շենքի ներսում, որտեղ տևական ժամանակ` շուրջ 20 րոպե տվել են սեռական բնույթի հայհոյանքներ իրենց բերման ենթարկող ոստիկանների հասցեին, չեն ենթարկվել նրանց օրինական պահանջներին` հասարակական կարգի խախտումը դադարեցնելու վերաբերյալ։ Այդ երկու անձանց գործողությունների հետևանքով խանգարվել է ոստիկանության Մարաշի բաժանմունքի բնականոն աշխատանքը, քանի որ բաժանմունքի աշխատակիցները թողնելով իրենց գործերը` վերջիններիս կարգի հրավիրելու համար դուրս են եկել միջանցք։
Ա. Քիշմիրյանի ու Ժ. Ղափանցյանի պահվածքի հետևանքով խանգարվել է նաև նույն շենքի բնակիչների գիշերային անդորրը, քանի որ նույն շենքի բնակիչ Լուսինե Հարոյանն ահազանգել է, որ բարձրաձայն հայհոյանքներ են տալիս ոստիկանության Մարաշի բաժանմունքի բակում գտնվող ոստիկաններին, իսկ նրանք ոչինչ չեն կարողանում անել։ Ահազանգը գրանցվել է համապատասխան կարգով։
Այդ խառնաշփոթ իրավիճակում լսել է ապակու կոտրվելու ձայն և տեսել, որ կոտրվել է մուտքի դռան առջևից աջակողմյան հատվածի ապակին։ Դռան հետևի մասում գտնվել են այդ երկու բերման ենթարկված անձիք` Ա. Քիշմիրյանն ու Ժ. Ղափանցյանը։ Նրանք բղավել ու շարունակել են հայհոյանքները։ Հետագայում, ինչպես այդտեղ գտնվող ոստիկանության աշխատակիցներից, այնպես էլ դեպքի հետ կապված համապատասխան ամփոփագիր տալիս` տեղեկացել է, որ ապակին կոտրել է Արա Քիշմիրյանը։
«Անգել» կարաոկե ակումբի մոտ տեղի ունեցած միջադեպի մասին տեղեկացել է ամփոփագրի տվյալներից, որտեղ նշված է եղել, որ Ա. Քիշմիրյանն ու Ժ. Ղափանցյանը դրսևորել են նույն վարքագիծը։ Նրանք ոստիկանների օրինական պահանջներին չեն ենթարկվել և սեռական բնույթի հայհոյանքներ են տվել նաև այդ ակումբի մոտ։
/դատական նիստի արձանագրություն, հատոր 1, գ.թ. 184-186/
Վկա, ՀՀ ոստիկանության ՊՊԳՎ Կենտրոնի պահպանության բաժնի ոստիկան Մխիթար Վիտյայի Տիգրանյանի ցուցմունքներով այն մասին, որ 2014թ. մարտի 2-ին ծառայություն է իրականացրել որպես հերթապահ։ Կեսգիշերից հետո` մարտի 3-ին, ժամը 04։30-ի սահմաններում, Երևանի Վարդանանց փողոցի թիվ 15/5 հասցեում գտնվող «Անգել» կարաոկե ակումբի պահակակետի ոստիկան Սարգիս Կարապետյանից ռադիոկապով ահազանգ է ստացվել։ Նույն բաժնի ոստիկան Հ. Մարգարյանի հետ միասին, ծառայողական ավտոմեքենայով ուղևորվել են նշված ակումբ։ Այդտեղ հանդիպել է Ս. Կարապետյանին։ Նա հայտնել է, որ քիչ առաջ ակումբի դիմաց վիճաբանություն է տեղի ունեցել, մասնակիցների մի մասը գտնվում են ակումբի ներսում, իսկ մյուսներն իրենց տեսնելուն պես` հեռացել են «Մերսեդես» մակնիշի ավտոմեքենայով։ Որոշ ժամանակ անց այդ ավտոմեքենան մոտեցել է ակումբին։ Դրա ուղևորներ Վահան Բադալյանին և Արման Մկրտչյանին բերման են ենթարկել ՀՀ ոստիկանության Երևան քաղաքի վարչության Կենտրոնականի բաժին, որից հետո տեղափոխել են նույն բաժնի Մարաշի բաժանմունք։ Այնուհետև, միջադեպի մյուս մասնակիցներին ոստիկանության բաժին տեղափոխելու հարցում օգնելու նպատակով` վերադարձել են «Անգել» ակումբի մոտ։ Այդտեղ գտնվող, միջադեպի մասնակիցներից Ժորա Ղափանցյանը և նրա ընկեր Արա Քիշմիրյանը, տեղի ունեցած վիճաբանության շուրջ հետագա պարզաբանումների համար ծառայողական ավտոմեքենա նստելու և ոստիկանության Մարաշի բաժանմունք գնալու հետ կապված իրենց օրինական պահանջներին չեն ենթարկվել, իրենց հասցեին տվել են սեռական բնույթի հայհոյանքներ, առաջացրել են քաշքշուկ։ Ի վերջո հաջողվել է նրանց նստեցնել ավտոմեքենաներն ու բերման ենթարկել ՀՀ ոստիկանության Երևան քաղաքի վարչության Կենտրոնական բաժնի Մարաշի բաժանմունք։ Նրանք գտնվել են ոգելից խմիչքի ազդեցության տակ։
Ա. Քիշմիրյանն ու Ժ. Ղափանցյանը ՀՀ ոստիկանության Երևան քաղաքի վարչության Կենտրոնական բաժնի Մարաշի բաժանմունքում շարունակել են ագրեսիվ պահվածք դրսևորել։ Չլսելով հանգիստ պահվածք դրսևորելու և իրենց կարգի հրավիրելու հորդորները` նրանք շարունակել են սեռական բնույթի հայհոյանքներ տալ, աղմկել և խանգարել բաժանմունքի աշխատանքը։ Այնուհետև, նույն բաժանմունքի դիմաց, բակի հատվածում գտնվելիս` լսել է ապակու կոտրվելու ձայն։
/դատական նիստի արձանագրություն, հատոր 1, գ.թ. 175-178/
Վկա, ՀՀ ոստիկանության ՊՊԳՎ Կենտրոնի պահպանության բաժնի ոստիկան Համլետ Մամիկոնի Մարգարյանի նույնաբովանդակ ցուցմունքներով այն մասին, որ 2014թ. մարտի 2-ին ծառայություն է իրականացրել որպես հերթապահ։ Կեսգիշերից հետո` մարտի 3-ին, ժամը 04։30-ի սահմաններում, Երևանի Վարդանանց փողոցի թիվ 15/5 հասցեում գտնվող «Անգել» կարաոկե ակումբի պահակակետի ոստիկան Սարգիս Կարապետյանից ռադիոկապով ահազանգ է ստացվել։ Ինքը և նույն բաժնի ոստիկան Մ. Տիգրանյանը ծառայողական ավտոմեքենայով մեկնել են նշված ակումբ։ Այդտեղ հանդիպել է Ս. Կարապետյանին։ Նա հայտնել է, որ քիչ առաջ ակումբի դիմաց վիճաբանություն է տեղի ունեցել, մասնակիցների մի մասը գտնվում են ակումբի ներսում, իսկ մյուսները` իրենց տեսնելուն պես հեռացել են «Մերսեդես» մակնիշի ավտոմեքենայով։ Որոշ ժամանակ անց այդ ավտոմեքենան մոտեցել է ակումբին։ Դրա ուղևորներ Վահան Բադալյանին և Արման Մկրտչյանին բերման են ենթարկել ՀՀ ոստիկանության Երևան քաղաքի վարչության Կենտրոնականի բաժին, որից հետո տեղափոխել են նույն բաժնի Մարաշի բաժանմունք։ Այնուհետև, միջադեպի մյուս մասնակիցներին ոստիկանության բաժին տեղափոխելու հարցում օգնելու նպատակով վերադարձել են «Անգել» ակումբի մոտ։ Այդտեղ գտնվող, միջադեպի մասնակիցներից Ժորա Ղափանցյանը և նրա ընկեր Արա Քիշմիրյանը չեն ենթարկվել տեղի ունեցած վիճաբանության շուրջ հետագա պարզաբանումների համար ծառայողական ավտոմեքենա նստելու և ոստիկանության Մարաշի բաժանմունք գնալու հետ կապված իրենց օրինական պահանջներին, իրենց հասցեին տվել են սեռական բնույթի հայհոյանքներ և առաջացրել են քաշքշուկ։ Ի վերջո հաջողվել է նրանց նստեցնել ավտոմեքենաներն ու բերման ենթարկել ՀՀ ոստիկանության Երևան քաղաքի վարչության Կենտրոնական բաժնի Մարաշի բաժանմունք։ Նրանք գտնվել են ոգելից խմիչքի ազդեցության տակ։
Ա. Քիշմիրյանն ու Ժ. Ղափանցյանը ՀՀ ոստիկանության Երևան քաղաքի վարչության Կենտրոնական բաժնի Մարաշի բաժանմունքում շարունակել են ագրեսիվ պահվածք դրսևորել և չլսելով հանգիստ պահվածք դրսևորելու և նրանց կարգի հրավիրելու մասին իրենց հորդորները` շարունակել են սեռական բնույթի հայհոյանքներ տալ, աղմկել և խանգարել բաժանմունքի աշխատանքը։ Այնուհետև, նույն բաժանմունքի դիմաց` բակի հատվածում գտնվելիս լսել է ապակու կոտրվելու ձայն։
/դատական նիստի արձանագրություն, հատոր 1, գ.թ. 181-183/
Վկա, ՀՀ ոստիկանության ՊՊԾ գնդի պահպանության բաժնի ոստիկան Վարդան Գուրգենի Պետրոսյանի ցուցմունքներով այն մասին, որ 2014թ. մարտի 2-ին ծառայություն է իրականացրել որպես հերթապահ։ Կեսգիշերից հետո` մարտի 3-ին, ժամը 04։30-ի սահմաններում, ՀՀ ոստիկանության Երևան քաղաքի վարչության Կենտրոնական բաժնի հերթապահ մասից ռադիոկապի միջոցով հայտնել են, որ Երևանի Վարդանանց փողոցի թիվ 15/5 հասցեում գտնվող «Անգել» կարաոկե ակումբի մոտ վիճաբանություն է և անհրաժեշտ է շտապ մոտենալ այդտեղ։ Նույն բաժնի ոստիկան Հ. Շահնազարյանի հետ ծառայողական ավտոմեքենայով ուղևորվել է նույն բաժնի Մարաշի բաժանմունք, որտեղ բերման ենթարկված Ա. Քիշմիրյանը և Ժ. Ղափանցյանն ագրեսիվ պահվածք են դրսևորել։ Բաժանմունքի ներսից լսվել են Ա. Քիշմիրյանի գոռգոռոցներն ու սեռական բնույթի հայհոյանքները` ուղղված իրենց բերման ենթարկող ոստիկանների հասցեին։ Ժ. Ղափանցյանն այդ ժամանակ հերթապահ մասի մոտ է եղել։ Նա նույնպես հայհոյանքներ է տվել։ Բռնել, պահել են Ժ. Ղափանցյանին և հորդորել հանգստանալ, դադարեցնել հայհոյանքները, սակայն նա շարունակել է նույնը։ Այդ ընթացքում մոտեցել Է Ա. Քիշմիրյանը և պահանջել բաց թողնել իր ընկերոջը։ Նա զայրացել է, երբ նկատել է, որ ոստիկաններից մեկը նկարում է հեռախոսով։ Մինչ այդ, երբ Ա. Քիշմիրյանը մոտեցել է մուտքի դռներին, իսկ իրենք զբաղված են եղել Ժ. Ղափանցյանին պահելով` խառնաշփոթ իրավիճակում նկատել է, որ մուտքի դռան ապակին կոտրվել է։ Ապակին կոտրվելու պահն անձամբ չի տեսել։ Քանի որ Ժ. Ղափանցյանին բռնած-պահած են եղել և նա չէր կարող հարվածել ու կոտրել ապակին, իսկ Ա. Քիշմիրյանն ագրեսիվ է եղել` կարծում է, որ ապակին կոտրել է Ա. Քիշմիրյանը։ Այդ խառնաշփոթ վիճակը, որի ընթացքում Ա. Քիշմիրյանը և Ժ. Ղափանցյանը շարունակ հայհոյանքներ են տվել` տևել է շուրջ քսան րոպե։ Երբ գտնվել են նշված բաժանմունքի բակի հատվածում` այդտեղ դեռևս լսելի է եղել բաժանմունքի ներսի աղմուկը։ Իր կարծիքով Ա. Քիշմիրյանի և Ժ. Ղափանցյանի պահվածքն անհանգստություն է պատճառել շենքի բնակչներին։
/դատական նիստի արձանագրություն, հատոր 1, գ.թ. 191-193/
Վկա, ՀՀ ոստիկանության ՊՊԾ գնդի պահպանության բաժնի ոստիկան Հովհաննես Զորիկի Շահնազարյանի նույնաբովանդակ ցուցմունքներով այն մասին, որ 2014թ. մարտի 2-ին ծառայություն է իրականացրել որպես հերթապահ։ Կեսգիշերից հետո` մարտի 3-ին, ժամը 04։30-ի սահմաններում, ՀՀ ոստիկանության Երևան քաղաքի վարչության Կենտրոնական բաժնի հերթապահ մասից ռադիոկապի միջոցով հայտնել են, որ Երևանի Վարդանանց փողոցի թիվ 15/5 հասցեում գտնվող «Անգել» կարաոկե ակումբի մոտ վիճաբանում են և անհրաժեշտ է շտապ մոտենալ այդտեղ։ Նույն բաժնի ոստիկան Վ. Պետրոսյանի հետ, ծառայողական ավտոմեքենայով ուղևորվել է նույն բաժնի Մարաշի բաժանմունք, որտեղ բերման ենթարկված Ա. Քիշմիրյանը և Ժ. Ղափանցյանն ագրեսիվ պահվածք են դրսևորել։ Բաժանմունքի ներսից լսվել են Ա. Քիշմիրյանի գոռգոռոցներն ու սեռական բնույթի հայհոյանքները` ուղղված իրենց բերման ենթարկող ոստիկանների հասցեին։ Ժ. Ղափանցյանն այդ ժամանակ հերթապահ մասի մոտ է եղել։ Նա նույնպես հայհոյանքներ է տվել։ Բռնել և պահել են Ժ. Ղափանցյանին և հորդորել հանգստանալ, դադարեցնել հայհոյանքները, սակայն նա շարունակել է նույնը։ Այդ ընթացքում մոտեցել է Ա. Քիշմիրյանը և պահանջել բաց թողնել իր ընկերոջը։ Նա զայրացել է, երբ նկատել է, որ ոստիկաններից մեկը նկարում է հեռախոսով։ Մինչ այդ, երբ Ա. Քիշմիրյանը մոտեցել է մուտքի դռներին, իսկ իրենք զբաղված են եղել Ժ. Ղափանցյանին պահելով, խառնաշփոթ իրավիճակում նկատել է, որ մուտքի դռան ապակին կոտրվել է։ Ապակին կոտրվելու պահն անձամբ չի տեսել։ Քանի որ Ժ. Ղափանցյանին բռնած պահած են եղել և նա չէր կարող կոտրել ապակին, իսկ Ա. Քիշմիրյանն ագրեսիվ է եղել` հետևաբար ապակին կոտրել է Ա. Քիշմիրյանը։ Այդ խառնաշփոթ վիճակը, որի ընթացքում Ա. Քիշմիրյանը և Ժ. Ղափանցյանը շարունակ հայհոյանքներ են տվել` տևել է շուրջ քսան րոպե։ Երբ գտնվել են նշված բաժանմունքի բակի հատվածում` այդտեղ դեռևս լսելի է եղել բաժանմունքի ներսի աղմուկը։ Կարծում է Ա. Քիշմիրյանի և Ժ. Ղափանցյանի պահվածքն անհանգստություն է պատճառել շենքի բնակիչներին, քանի որ հետագայում տեղեկացել է, որ շենքի բնակիչներից ոմանք ահազանգել են այդ մասին։
Ժ. Ղափանցյանը և Ա. Քիշմիրյանը գտնվել են ալկոհոլի ազդեցության տակ։ Դա զգացվել է նրանց վրայի ալկոհոլի հոտից։
/դատական նիստի արձանագրություն, հատոր 1, գ.թ. 194-196/
Վկա, ՀՀ ոստիկանության ՊՊԳՎ Կենտրոնի պահպանության բաժնի ոստիկան Գևորգ Գագիկի Մեսրոպյանի նույնաբովանդակ ցուցմունքներով այն մասին, որ 2014թ. մարտի 08-ի գիշերը` ժամը 02։40-ի սահմաններում «Անգել» ակումբի դրսի հատվածից լսել է հայհոյանքի ձայներ։ Մուտքի մոտ նկատել է ակումբի հաճախորդներից Ա. Քիշմիրյանին, ով հայհոյանք է տվել։ Դրսում կանգնած են եղել նաև ակումբից դուրս եկած այլ հաճախորդներ։ Նրանց մեջ եղել են նաև աղջիկներ։ Այդ անձանցից մեկը նկատողություն է արել Ա. Քիշմիրյանին, ինչից նրանց միջև վեճ և քաշքշուկ է առաջացել։ Անմիջապես միջամտել և թույլ չի տվել, որ միմյանց հարվածեն։ Խառնաշփոթ իրավիճակ է ստեղծվել, ուստի չի նկատել, թե ով ում է հարվածել։ Օգնության է կանչել հերթապահ ոստիկաններին, որոնք եկել են ու վիճաբանությունը դադարեցվել է։ Վիճաբանության մասնակիցներից մի մասը փախուստի է դիմել, իսկ Ա. Քիշմիրյանին, նրա ընկեր Ա. Միքայելյանին, ինչպես նաև Ա. Քիշմիրյանի հետ վիճաբանած տղայի հետ եղած Հ. Ղևոնդյանին բռնել և բերման են ենթարկել ՀՀ ոստիկանության Երևան քաղաքի վարչության Կենտրոնական բաժնի Մարաշի բաժանմունք։
/դատական նիստի արձանագրություն, հատոր 2, գ.թ. 36-37/
Վկա Ամալիա Հովիկի Չավուշյանի ցուցմունքներով այն մասին, որ 2014թ. մարտի 8-ին, ժամը 02։00-ի սահմաններում, երբ դուրս են եկել «Անգել» գիշերային ակումբից և ցանկացել են տուն վերադառնալ` այդտեղ կանգնած տղաներից Ա. Քիշմիրյանն ընկերոջ հետ խոսելու ընթացքում հայհոյանք է տվել։ Դրա հետ կապված ամուսնու ընկեր Հ. Ղևոնդյանը և ամուսնու եղբայր Ա. Խաչատրյանը նրան նկատողություն են արել։ Այդ պատճառով նրանց միջև վեճ է առաջացել և Ա. Քիշմիրյանը ձեռքով վայր է գցել Ա. Խաչատրյանի գլխարկը, որից հետո հարվածել է նրա կրծքավանդակին։ Դրա հետևանքով վերջինս վայր է ընկել գետնին։ Հ. Ղևոնդյանը հարվածել է Ա. Քիշմիրյանին, իսկ նա կամ նրա ընկերը հարվածել են Հ. Ղևոնդյանին և նա նույնպես ընկել գետնին։ Անմիջապես մոտեցել են Լևոն Ավետիսյանը և Հայկ Խաչատրյանը, սկսվել է խառը քաշքշուկ։ Այդ ընթացքում հայհոյանքներ են եղել։ Միջադեպը տևել է շուրջ հինգ րոպե։ Դրան միջամտել են ոստիկանները։
/դատական նիստի արձանագրություն, հատոր 2, գ.թ. 185-186/
Սեդա Արթուրի Խաչատրյանի նույնաբովանդակ ցուցմունքներով այն մասին, որ 2014թ. մարտի 8-ին, ժամը 02։00-ի սահմաններում, երբ դուրս են եկել «Անգել» գիշերային ակումբից և ցանկացել են տուն վերադառնալ` այդտեղ կանգնած տղաներից Ա. Քիշմիրյանն ընկերոջ հետ խոսելու ընթացքում հայհոյանք է տվել։ Դրա հետ կապված իր եղբայր Ա. Խաչատրյանը և նրա ընկեր Հ. Ղևոնդյանը նրան նկատողություն են արել։ Այդ պատճառով նրանց միջև վեճ է առաջացել և Ա. Քիշմիրյանը ձեռքով վայր է գցել Ա. Խաչատրյանի գլխարկը, որից հետո հարվածել է նրա կրծքավանդակին։ Դրա հետևանքով վերջինս վայր է ընկել գետնին։ Հ. Ղևոնդյանը հարվածել է Ա. Քիշմիրյանին, իսկ նա կամ նրա ընկերը հարվածել են Հ. Ղևոնդյանին և նա նույնպես ընկել է գետնին։ Անմիջապես մոտեցել են Լ. Ավետիսյանը և Հ. Խաչատրյանը, սկսվել է խառը քաշքշուկ։ Այդ ընթացքում հայհոյանքներ են եղել։ Միջադեպը տևել է շուրջ հինգ րոպե։ Դրան միջամտել են ոստիկանները։
/դատական նիստի արձանագրություն, հատոր 2, գ.թ. 187-188/
Վկա, ՀՀ ոստիկանության Երևան քաղաքի վարչության Կենտրոնականի բաժնի Մարաշի բաժանմունքի քրեական հետախուզության օպեր-լիազոր Կարեն Մանուկի Գևորգյանի նախաքննական ցուցմունքով այն մասին, որ 2014թ. մարտի 2-ին ծառայություն է իրականացրել որպես հերթապահ։ Կեսգիշերից հետո` մարտի 3-ին, ժամը 05։30-ի սահմաններում, ՀՀ ոստիկանության Երևան քաղաքի վարչության Կենտրոնականի բաժնի Մարաշի բաժանմունք բերման են ենթարկվել հինգ անձինք, որոնցից երկուսը եղել են Արա Քիշմիրյանն ու Ժորա Ղափանցյանը։ Նրանք Մարաշի բաժանմունքի շենքի բակի հատվածում` մուտքի մոտ, ինչպես նաև շենքի ներսում դրսևորել են լկտի և ագրեսիվ վարքագիծ, տևական ժամանակ` շուրջ քսան րոպե և ավելի, իրենց բերման ենթարկող ոստիկանների հասցեին տվել են սեռական բնույթի հայհոյանքներ, հասարակական կարգի խախտումը դադարեցնելու վերաբերյալ նրանց օրինական պահանջներին չեն ենթարկվել։ Այդ երկու անձանց գործողությունների հետևանքով խանգարվել է վերոհիշյալ բաժանմունքի բնականոն աշխատանքը։ Աղմուկի և վերջիններիս կարգի հրավիրելու պատճառով բոլորը թողնելով իրենց գործերը` դուրս են եկել միջանցք։ Ա. Քիշմիրյանի ու Ժ. Ղափանցյանի այդ պահվածքի հետևանքով խանգարվել է նույն շենքի բնակիչների գիշերային անդորրը։ Բաժանմունքի բակում հայհոյանքներ տալու վերաբերյալ շենքի բնակիչներից ահազանգ է ստացվել։ Այդ խառնաշփոթ իրավիճակում, բերման ենթարկված անձանցից մեկը հարվածել և կոտրել է նշված բաժանմունքի մուտքի դռան ապակին։ Նրանք գտնվել են ոգելից խմիչքի ազդեցության տակ, ինչը զգացվել է պահվածքից և նրանց վրայից եկող ալկոհոլի սուր հոտից։
/դատական նիստի արձանագրություն, հատոր 1, գ.թ. 123-125/
Վկա, ՀՀ ոստիկանության ՊՊԳՎ Կենտրոնի պահպանության բաժնի դասակի հրամանատար Էդուարդ Հարությունի Ասլանյանի նախաքննական ցուցմունքով այն մասին, որ 2014թ. մարտի 2-ին ծառայություն է իրականացրել որպես հերթապահ։ Կեսգիշերից հետո` մարտի 3-ին, ժամը 04։00-ի սահմաններում Երևանի Վարդանանց փողոցի թիվ 15/5 հասցեում գտնվող «Անգել» կարաոկե ակումբի պահակակետի ոստիկան Սարգիս Կարապետյանից ահազանգ է ստացվել այն մասին, որ այդտեղ վիճաբանություն է տեղի ունեցել։ Անմիջապես, ծառայողական երկու ավտոմեքենաներով, խմբի անդամներ, ոստիկաններ Վահե Սուսունյանի, Համլետ Մարգարյանի, Մխիթար Տիգրանյանի և Կամո Ոսկանյանի հետ մեկնել են նշված ակումբ։ Այդտեղ հանդիպել է Ս. Կարապետյանին։ Նա զեկուցել է, որ կռիվ է տեղի ունեցել և մի կողմը` «Մերսեդես» մակնիշի 34 կոդով հաշվառման համարանիշ ունեցող ավտոմեքենայով դիմել է փախուստի։ Խմբերից մեկին հրահանգել է մնալ ակումբի մոտ, իսկ ինքը Մ. Տիգրանյանի հետ միասին գնացել է նշված ավտոմեքենայով անձանց հայտնաբերելու։ Վերադարձել է և մյուս խմբին է ուղարկել շրջագայության, ապա տեղեկացել, որ նշված ավտոմեքենան հայտնաբերել են և տեղափոխել ՀՀ ոստիկանության Երևան քաղաքի վարչության Կենտրոնական բաժին։
Մտել է ակումբ, որտեղ պահակակետի ոստիկան Ս. Կարապետյանն ակումբի տեսախցիկով երևացող կադրում ցույց է տվել մի տղայի` Ժորա Ղափանցյանին և հայտնել, որ նա է եղել կռվի մասնակիցը։ Դուրս գալով ակումբի դիմաց, որտեղ գտնվել են Ժ. Ղափանցյանն ու նրա ընկերները, նրա կողմից հասարակական կարգի խախտում կատարելու վերաբերյալ հանգամանքները պարզելու նպատակով նրան հրավիրել է ՀՀ ոստիկանության Երևան քաղաքի վարչության Կենտրոնական բաժնի Մարաշի բաժանմունք և ձեռքն ուսին դնելով, ապա թևից թեթևակի բռնելով` կրկնել, որ պետք է գնալ բաժին` հասարակական վայրում վիճաբանություն ստեղծելու պատճառով։ Ժ. Ղափանցյանը հայտարարել է, որ չի գալու բաժին։ Նրա վրայից եկող ալկոհոլի սուր հոտից հասկանալի է եղել, որ նա գտնվել է ոգելից խմիչքի ազդեցության տակ։ Նրա հետ առանձնացել և փորձել է կրկին բացատրել, որ անհրաժեշտ է գնալ ոստիկանության բաժանմունք, սակայն վերջինս չի ցանկացել ենթարկվել իր օրինական պահանջին և նստել ծառայողական ավտոմեքենան։ Ստիպված նրա նկատմամբ կիրառել են հարկադրանք` Վ. Սուսունյանի հետ նրա թևերը ոլորելով` նստեցրել են ծառայողական ավտոմեքենան։ Ժ. Ղափանցյանը սկսել է ոստիկանների հասցեին տալ սեռական բնույթի հայհոյանքներ և անընդհատ ցանկացել է դուրս գալ ավտոմեքենայից։ Նրա մյուս ընկեր Արա Քիշմիրյանը ևս սեռական բնույթի հայհոյանքներ է տվել, անընդհատ փորձել է ընկերոջն օգնել դուրս գալ ծառայողական ավտոմեքենայից։ Ստեղծվել է քաշքշուք։ Ի վերջո իրենց հաջողվել է Ժ. Ղափանցյանին, Ա. Քիշմիրյանին, ինչպես նաև նրանց ընկերներից Ա. Գևորգյանին բերման ենթարկել ՀՀ ոստիկանության Երևան քաղաքի վարչության Կենտրոնական բաժնի Մարաշի բաժանմունք, որտեղ գտնվելով բակի հատվածում` լսել է Ա. Քիշմիրյանի և Ժ. Ղափանցյանի բարձր ձայներն ու սեռական բնույթի հայհոյանքները։ Դրանից հետո շարունակել է ծառայությունը։
/դատական նիստի արձանագրություն, հատոր 1 գ.թ. 126-129/
Վկա Սարգիս Արկադիի Այվազյանի նախաքննական ցուցմունքով այն մասին, որ 2014թ. մարտի 8-ին, գիշերային ժամի անցել է Երևանի Վարդանանց և Ալ. Մանուկյան փողոցների խաչմերուկի մոտով, որտեղ նկատել է, որ մի խումբ անծանոթ անձինք շուրջ 5-6 րոպե տևողությամբ քաշքշել են միմյանց, հարվածել և տվել սեռական բնույթի հայհոյանքներ։ Այդտեղ նկատել է նաև աղջիկների։ Զանգահարել և կատարվածի մասին հայտնել է ոստիկանությանը։ Երբ ոստիկանները ժամանել են` վիճաբանությունը դադարել է։ Այդտեղից մի մասը դիմել են փախուստի, իսկ մյուս մասին ոստիկանները բերման են ենթարկել։ Միջադեպի մասնակիցներից ավելի ակտիվը չի ցանկացել նստել ոստիկանական ավտոմեքենան և հայհոյանքներ է տվել։ Նրա խոսելուց հասկացվել է, որ նա գտնվել է ոգելից խմիչք գործածած վիճակում։
/դատական նիստի արձանագրություն, հատոր 2, գ.թ. 40-41/
Վկա Հարություն Մեջլումի Ղևոնդյանի նախաքննական ցուցմունքով այն մասին, որ իր ծանոթ Լևոնի հրավերով գնացել է «Անգել» ակումբ։ Այդտեղ ժամանակ են անցկացրել, որի ընթացքում գարեջուր են խմել։ Արդեն 2014թ. մարտի 8-ի գիշերը` ժամը 02։30-ի սահմաններում, երբ ցանկացել են դուրս գալ և տուն գնալ` նկատել է, որ ակումբի դիմաց կայանված «ՎԱԶ 2107» և «Մերսեդես» մակնիշի ավտոմեքենաների մոտ ինչ-որ վեճ է, սակայն այդ վիճաբանողները հայհոյանք չեն տվել և միմյանց չեն հարվածել։ Մի կողմը «Մերսեդես» մակնիշի ավտոմեքենան նստելով` հեռացել է, իսկ մյուս կողմից մի տղա, որի անունը ոստիկանության բաժնում տեղեկացել է, որ Արա Քիշմիրյան է` հայհոյանք տալով է խոսել։ Տղաներից մեկը նկատողություն է արել՝ նշելով, որ աղջիկների հետ են։ Այնուհետև նրանց միջև քաշքշուկ է առաջացել, որի ընթացքում այդ երկուսով միմյանց խառը հարվածներ են հասցրել։ Ինքը միջամտել է` բաժանելու նպատակով։ Միջամտել է նաև Ա. Քիշմիրյանի հետ եղած տղաներից մեկը, ուստի իրենց միջև քաշքշուկ է առաջացել, որի ընթացքում վերջինս իր բաճկոնը քաշել է գլխին ու մեկ կամ երկու անգամ հարվածել, սակայն վնասվածք չի ստացել։ Խառնաշփոթ վիճակ է եղել, եկել են ոստիկաններն ու ամեն ինչ ավարտվել է։
/դատական նիստի արձանագրություն, հատոր 2, գ.թ. 54-56/
Վկա Վարդիթեր Լյովայի Նազարյանի նախաքննական ցուցմունքով այն մասին, որ Ա. Քիշմիրյանն ավտոմեքենան կայանելու տեղի հարցով զրույց է ունեցել «Անգել» ակումբի մոտ կայանված և այդտեղից դուրս գալ ցանկացող մի ավտոմեքենայի վարորդի հետ, որից հետո նրանք հեռացել են։ Դրանից հետո Ա. Քիշմիրյանն իր ընկեր Արմանի հետ խոսելու ընթացքում հայհոյանք է տվել։ Դա լսելով` ակումբից դուրս եկած տղաներից մեկն Ա. Քիշմիրյանին նկատողություն է արել և ասել, որ ցածրաձայն հայհոյանք տա, քանի որ իրենց հետ աղջիկներ կան։ Ա. Քիշմիրյանը ներողություն է խնդրել, սակայն նրանց միջև վեճ և քաշքշուկ է առաջացել, որի ընթացքում Ա. Միքայելյանը մեկ-երկու անգամ հարվածել է մյուս կողմից մի երիտասարդի։ Ինքը փորձել է բաժանել նրանց, խառը վիճակ է առաջացել, միմյանց հայհոյել, քաշքշել և հարվածել են։
/դատական նիստի արձանագրություն, հատոր 2, գ.թ. 80-82/
Վկա Լևոն Կառլենի Ավետիսյանի նախաքննական ցուցմունքով այն մասին, որ «Անգել» ակումբից դուրս գալու ընթացքում, երբ գնացել է ավտոմեքենայի շարժիչը գործի դնելու` աղմուկ է լսել և նկատել է, որ իրենց հետ եղած անձինք հավաքվել և վիճում են մի քանի այլ անձանց հետ։ Իրենց հետ եղած անձանցից Արման Խաչատրյանին հարցրել է, թե ինչ է տեղի ունեցել։ Վերջինս հայտնել է, որ ատլետիկ կազմվածքով մի տղա իրենց հայհոյել է, որը հանդիսացել է Ա. Քիշմիրյանը։ Իրենց միջև քաշքշուկ է առաջացել, որի ընթացքում Ա. Քիշմիրյանը կամ նրա հետ եղած տղաներից մեկը ձեռքով հարվածել է իր դեմքին։ Այդ ժամանակ ձեռքի տակ մի փայտ է ընկել, որը վերցրել ու դրանով երկու անգամ հարվածել է Ա. Քիշմիրյանին։ Խառը վիճակ է եղել, հնչել են հայհոյանքներ։
/դատական նիստի արձանագրություն, հատոր 2, գ.թ. 148-149/
Որպես այլ փաստաթուղթ` ապացույց ճանաչված, նախաքննության ընթացքում ՀՀ ոստիկանության Երևան քաղաքի վարչության Կենտրոնական բաժնի Մարաշի բաժանմունքից ստացված, Երևանի Վարդանանց փողոցի թիվ 15/5 հասցեում գտնվող «Անգել» կարաոկե ակումբի դիմաց տեղադրված տեսախցիկների` 2014թ. մարտի 8-ին տեղի ունեցած վերոհիշյալ միջադեպերի տեսագրությունների լազերային սկավառակով, նշված ակումբի մուտքի դիմացի հատվածի տեսագրությունը պարունակող լազերային սկավառակի զննության արձանագրությամբ, որոնց համաձայն` սկավառակում առկա է թվով մեկ ֆայլ, որում ձայնային մաս ֆիքսված չէ։ Դրանում առկա է, ըստ տեսախցիկի ֆիքսած օրվա և ժամի, Երևան քաղաքի Վարդանանց 15/5 հասցեում գտնվող «Անգել» կարաոկե-ակումբի դիմացի հատվածի 2014թ. մարտի 08-ի՝ ժամը 02։17-ից մինչև 03։07-ն ընկած ժամանակահատվածի տեսագրությունը։
Տեսագրության մեջ ժամը 02։36-ին, ըստ արտաքին տվյալների` Հարություն Ղևոնդյանը, Հայկ, Արման և Սեդա Խաչատրյանները, Ամալիա Չավուշյանը, Գայանե Փարամազյանը, Լևոն Ավետիսյանն ու Հայկ Բաղդասարյանը դուրս են եկել ակումբից և մոտեցել դիմացի հատվածում գտնվող ավտոկայանատեղին, որի մի հատվածը դուրս է տեսախցիկի տեսադաշտից։
Ժամը 02։37-ին Վարդանանց փողոցի հատվածում կայանվել է «ՎԱԶ 2107» մակնիշի սպիտակ գույնի ավտոմեքենա, ամենայն հավանականությամբ ցանկանալով կայանվել ակումբի դիմացի ավտոկայանատեղի հատվածում, որտեղ կայանված է եղել սպիտակ գույնի մեկ այլ ավտոմեքենա։ Երկու մեքենաների միջից, ժամը 02։38-ին, մի քանի տղաներ են իջել և մոտեցել միմյանց, ապա կանգնած զրուցել են, ինչը տևել է շուրջ 3 րոպե։ Այնուհետև, ավտոկայանատեղում կայանված սպիտակ ավտոմեքենայից դուրս եկած անձիք նշված մեքենայով հեռացել են։
Այդ ժամանակահատվածում Ա. Խաչատրյանն ու Հ. Ղևոնդյանը մայթեզրի հատվածում կանգնած նայել են վերը նշված անձանց։ Ակումբից դուրս է եկել և այդտեղ կանգնել նաև այդտեղ ծառայություն իրականացրած ոստիկան Գևորգ Մեսրոպյանը։
Ժամը 02։42-ին, սկզբում` Հայկ, Արման Խաչատրյանները և Հ. Ղևոնդյանը, ապա նրանց հետ եղած մնացած անձանցից ոմանք, մոտեցել են ավտոկայանատեղում կայանված ավտոմեքենաների միջնամասի հատվածին և զրուցել «ՎԱԶ 2107» մակնիշի ավտոմեքենայից դուրս եկած անձանցից` ըստ արտաքին հատկանիշների Արա Քիշմիրյանի և Արման Միքայելյանի հետ։
Ժամը 02։44-ին նրանց միջև սկսվել է քաշքշուկ, ինչը տեսախցիկի ֆիքսած տեսագրության որակի և հեռավորության պատճառով աղոտ է երևում։ Միջամտել են աղջիկներից Ա. Չավուշյանը և Ս. Խաչատրյանը, իսկ մյուս կողմից` Վարդիթեր Նազարյանը։ Նրանք իրարից բաժանել ու մի կողմ են տարել վիճաբանության մասնակիցներին։ Այնուհետև, մի քանի վայրկյան անց նշված մասնակիցներից մի քանի տղաներ կրկին մոտեցել են միմյանց, նշված ավտոմեքենայի կողքային հատվածում վիճաբանել և քաշքշել են իրար։
Դրանից հետո Ա. Միքայելյանն ու Հ. Ղևոնդյանն ավտոկայանատեղում կայանված ավտոմեքենաների միջնամասի հատվածում քաշքշել են միմյանց, ապա Ա. Միքայելյանը, բաճկոնը գլխին քաշելով` ձեռքով մի քանի հարվածներ է հասցրել Հ. Ղևոնդյանին, որը նրանից ազատվելով` արագ հեռացել է դեպի ձախակողմյան հատված, միաժամանակ հանել բաճկոնը։
Ժամը 02։45-ին ավտոկայանատեղի հատվածում քաշքշուկ է տեղի ունեցել, որի ընթացքում Հ. Խաչատրյանը վազելով մոտեցել ու ոտքով հարվածել է մասնակիցներից մեկին, իսկ Լ. Ավետիսյանը ձեռքին փայտի նման դեղին գույնի համեմատաբար երկար իրով երկու անգամ հարվածել է Ա. Քիշմիրյանին, որն էլ ոտքերն ու ձեռքերը թափահարելով` արագ մոտեցել է Լ. Ավետիսյանին։ Միջադեպի մասնակիցների խումբը շարժվել է դեպի ձախակողմյան հատված, որը տեսախցիկի տեսադաշտից դուրս է գտնվում, սակայն շուրջ 10 վայրկյան անց մոտեցել են ոստիկանության տարբերանշաններով ավտոմեքենաներ, որից հետո մասնակիցների մի մասն արագ հեռացել է ու շուրջ մեկ և կես րոպե տևած ակտիվ վիճաբանությունը դադարել է։
/դատական նիստի արձանագրություն, հատոր 2, գ.թ. 198-199, 200, 201-202/
Որպես այլ փաստաթուղթ` ապացույց ճանաչված, նախաքննության ընթացքում ՀՀ ոստիկանության Երևան քաղաքի վարչության Կենտրոնական բաժնի Մարաշի բաժանմունքից ներկայացված, նույն բաժանմունքում, ինչպես նաև «Անգել» ակումբի մոտ տեղի ունեցած վերոհիշյալ միջադեպերի տեսագրությունները պարունակող երկու լազերային սկավառակով, այդ սկավառակները վկաներ Սարգիս Կարապետյանի և Ռազմիկ Խառատյանի մասնակցությամբ զննելու մասին 2014թ. մարտի 11-ի արձանագրությամբ, որոնց համաձայն` զննությամբ պարզվել է, որ առաջին սկավառակում առկա են երկու ֆայլեր, որոնցում ձայնային մաս առկա չէ։ Դրանցից առաջինը /chn 120140303033436.avi/ 46 րոպե տևողությամբ տեսագրություն է, որը պարունակել է, ըստ տեսախցիկի ֆիքսած օրվա և ժամի` 03.03.14թ.` ժամը 03։34-ից սկսած Երևան քաղաքի Վարդանանց 15/5 հասցեում գտնվող «Անգել» կարաոկե-ակումբի դիմացի հատվածում տեղի ունեցած դեպքը։ Տեսագրությամբ երևում է, որ ժամը 03։56-ին մի երիտասարդ, որն ըստ արտաքին տվյալների հանդիսացել է Վահան Բադալյանը, դուրս է եկել ակումբից, ապա նրա հետևից քիչ անց դուրս է եկել մեկ այլ երիտասարդ, ով ըստ արտաքին տվյալների հանդիսացել է Ժորա Ղափանցյանը։ Վերջիններս մի պահ գտնվել են տեսախցիկի նկարահանման տեսադաշտից դուրս, ապա ժամը 04։01-ին գտնվել են ակումբի մուտքից ձախ` ավտոկայանատեղի հատվածում, որտեղ զրուցել են։ Այդ ընթացքում Ժ. Ղափանցյանը մեկ անգամ ապտակել Վ. Բադալյանին, ապա ոտքով հարվածել վերջինիս ոտքի հատվածին, իսկ Վ. Բադալյանը ձեռքերով հրել է նրան։ Անմիջապես նրանց են մոտեցել ոստիկանության համազգեստով մի անձ և մեկ այլ տղամարդ։
Ս. Կարապետյանի հայտարարության համաձայն` համազգեստով անձն ինքն է եղել, իսկ մյուսը` ակումբի անվտանգության աշխատակիցը։
Նշված երկու անձանց բաժանել են միմյանցից ու տարբեր կողմեր տարել, որի արդյունքում շուրջ 20 վայրկյան տևած միջադեպը դադարել է։ Դրանից հետո Ժ. Ղափանցյանն ու Վ. Բադալյանը նորից մոտեցել են միմյանց, զրուցել, որի ընթացքում Ժ. Ղափանցյանը կրկին ապտակել է Վ. Բադալյանին։ Անմիջապես նրանց միմյանցից հեռացրել են, Վ. Բադալյանը ձեռքերով շարժումներ անելով` մոտեցել է դեպքի ակումբի ներսի հատածը գնացող Ժ. Ղափանցյանին ու ինչ-որ բաներ ասել, որն ըստ Ս. Կարապետյանի` եղել են վերջինիս հասցեին ուղղված հայհոյանքներ։
Ոստիկան Ս. Կարապետյանը Ժ. Ղափանցյանին ձեռքով ներս է ուղարկել, ինչին վերջինս ենթարկվել է, իսկ Վ. Բադալյանը նստել է իր ավտոմեքենան, որի մեջ նստել է նաև սպիտակ վերնազգեստով մեկ այլ անձ, ըստ արտաքին նկարագրի վերջինիս ընկեր Արման Մկրտչյանը և ժամը 04։04-ին հեռացել են ակումբի մոտից։
Ժամը 04։07-ին եկել են ոստիկանության ՊՊԳՎ Կենտրոնի պահպանության բաժնի աշխատակիցները` ծառայողական ավտոմեքենաներով, որի ընթացքում ակումբից դուրս են եկել մի քանի անձիք, այդ թվում նաև, ըստ արտաքին նկարագրի, Արա Քիշմիրյանը և այլ անձիք։
Առաջին ֆայլում առկա տեսագրությունը տևել է մինչև 04։20-ը և այլ միջադեպ տեղի չի ունեցել, իսկ ակումբի մոտ եղած անձիք հանգիստ կանգնած են եղել ակումբի դիմաց և զրուցել են։
Երկրորդ ֆայլում /chn 120140303042058.avi/ առկա է նույն հատվածում կատարված 34 րոպե տևողությամբ տեսագրություն։ Ըստ տեսախցիկի ֆիքսած ժամի` այն սկսվել է 04։21-ից։ Այդ տեսագրության զննության համաձայն` ժամը 04։45-ին ոստիկաններից մեկը, ով ըստ Ս. Կարապետյանի` հանդիսացել է Էդուարդ Ասլանյանը, բռնել է Ժ. Ղափանցյանի թևից և նրա հետ միասին ցանկացել առաջ գնալ` դեպի ծառայողական ավտոմեքենան, սակայն Ժ. Ղափանցյանը ձեռքը մի կողմ է քաշել, ապա զրուցելով` գնացել են դեպի աջ։ Այդ ընթացքում նրանց է մոտեցել մեկ այլ ոստիկան և Ժ. Ղափանցյանի թևը ոլորելով` նրան տարել են ծառայողական ավտոմեքենայի մոտ։ Այդ հատվածը տեսախցիկի կողմից վատ է ֆիքսվել, ուստի տեսգրությունը պարզ չի երևացել, սակայն նկատվել է, որ ծառայողական ավտոմեքենայի դուռը ոստիկանները չեն կարողացել փակել։
Ըստ Ս. Կարապետյանի հայտարարության` Ժ. Ղափանցյանն այդ ընթացքում սեռական բնույթի հայհոյանքներ է տվել իրենց հասցեին ու չի ենթարկվել ծառայողական ավտոմեքենան նստելու, հասարակական կարգի խախտումը դադարեցնելու վերաբերյալ իրենց օրինական պահանջներին։
Ժամը 04։46-ին Ա. Քիշմիրյանն ակումբի դիմացի հատվածով արագ քայլելով մոտեցել է նշված ծառայողական ավտոմեքենային, բացել կիսաբաց դուռը և դուրս քաշել ինչ-որ մեկի։ Ըստ Ս. Կարապետյանի հայտարարության` վերջինս ցանկացել է դուրս հանել Ժ. Ղափանցյանին` խոչընդոտելով նրան ոստիկանության Մարաշի բաժանմունք բերման ենթարկելու գործողություններին։
Ժամը 04։54-ին ոստիկանության ծառայողական ավտոմեքենաները հեռացել են նշված վայրից` տանելով միջադեպի մասնակիցներին։ Տեսագրությունը ևս այդ ժամանակահատվածում ավարտվել է։
Երկրորդ լազերային սկավառակում առկա տեսաձայնագրությունը տևել է 42 վայրկյան, որում տեսաձայնագրված է ոստիկանության Մարաշի բաժանմունքի մուտքի դռների մոտ տեղի ունեցած միջադեպը, որի համաձայն` ոստիկանության մի քանի աշխատակիցներ պահել են Ա. Քիշմիրյանին ու Ժ. Ղափանցյանին։ Վերջինիս ձեռքերը գտնվել են մեջքին ոլորած վիճակում։ Ա. Քիշմիրյանն ու Ժ. Ղափանցյանը հայհոյանքներ են հնչեցրել ոստիկանների հասցեին։
Այդ ընթացքում Ա. Քիշմիրյանը մի պահ նկարահանողին հայհոյանքներ տալով` մոտեցել և ձեռքով հարվածի շարժում է կատարել։
Ռ. Խառատյանը հայտարարել է, որ Ա. Քիշմիրյանը ցանկացել է հարվածել ու վայր գցել հեռախոսը, սակայն ինքը մի կողմ է քաշվել ու խույս տվել նրա հարվածից։ Հեռախոսը ևս չի վնասվել։
Մյուս ֆայլում առկա տեսաձայնագրությունն /2014.03.03-052422/ ունի 24 վայրկյան տևողություն, որի զննությամբ պարզվել է, որ նկարահանվել է ոստիկանության Մարաշի բաժանմունքի ընդհանուր մուտքի դռան մոտից դեպի միջանցք տանող մուտքի դռների հատվածում տեղի ունեցած միջադեպը, որի համաձայն` դռան ապակին կոտրվել է, դրա հետևում գտնվել է Ա. Քիշմիրյանը, իսկ փոքր-ինչ այն կողմում` Ժ. Ղափանցյանը։ Նրանց բռնած պահել են ոստիկանության աշխատակիցները, սակայն նրանք շարունակել են սեռական բնույթի հայհոյանքներ տալը։
Ռ. Խառատյանը հայտարարել է, որ ոստիկանության աշխատակից Լյուդվիգ Գևորգյանից տեղեկացել է, որ նշված դռան ապակին կոտրել է Ա. Քիշմիրյանը։
/դատական նիստի արձանագրություն, հատոր 1, գ.թ. 158-160, 161-163/

Դատարանի իրավական վերլուծությունները

Վերլուծելով ամբաստանյաներ Ժորա Ղափանցյանին և Արման Միքայելյանին առաջադրված մեղադրանքները, նրանց, վկաների ցուցմունքները և գործով ձեռք բերված ապացույցները, համադրելով դրանք քրեական գործի դատական քննությամբ ձեռք բերված և հետազոտված մյուս ապացույցների հետ, գնահատելով դրանք վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, իրենց համակցության մեջ` դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ` դատարանը գտնում է, որ Ժ. Ղափանցյանի կողմից, նրա մեղավորությամբ, խուլիգանություն կատարելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 258-րդ հոդվածի 1-ին մասով նախատեսված հանցագործության հատկանիշներին։
Վերլուծելով ամբաստանյալ Արման Ավետիքի Միքայելյանին առաջադրված մեղադրանքը և գործով ձեռք բերված ապացույցները` դատարանը գտնում է, որ ամբաստանյալ Ա. Միքայելյանի կողմից, նրա մեղավորությամբ, խմբի կազմում, բռնություն գործադրելով խուլիգանություն կատարելն ապացուցված է, նրա այդ արարքը ճիշտ է որակված և համապատասխանում է ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցագործության հատկանիշներին։
Քննելով ամբաստանյալներից յուրաքանչյուրի նկատմամբ պատիժ նշանակելու հարցը` դատարանը գտնում է հետևյալը.
ՀՀ քրեական օրենսգրքի 10-րդ հոդվածի համաձայն`
«Հանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացի` համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար»։
ՀՀ քրեական օրենսգրքի 48-րդ հոդվածի 2-րդ մասի համաձայն`
«Պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները»։
ՀՀ քրեական օրենսգրքի 61-րդ հոդվածի համաձայն`
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում` հաշվի առնելով սույն օրենսգրքի Ընդհանուր մասի դրույթները։
2. Պատժի տեսակը և չափը որոշվում են հանցագործության հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում պատասխանատվությունը և պատիժը մեղմացնող կամ ծանրացնող հանգամանքներով։
3. Հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները։»։
ՀՀ վճռաբեկ դատարանը Կարեն Տիգրանի Հարությունյանի վերաբերյալ ՎԲ-201/07 քրեական գործով վերլուծելով ՀՀ քրեական օրենսգրքի Ընդհանուր մասի մի շարք դրույթներ, մասնավորապես` ՀՀ քրեական օրենսգրքի 10-րդ, 48-րդ և 61-րդ հոդվածները` 2007 թվականի նոյեմբերի 30-ին կայացված որոշմամբ արտահայտել է հետևյալ իրավական դիրքորոշումները.
«4. (…) ՀՀ քրեական օրենսգրքի 48-րդ հոդվածի 2-րդ մասի համաձայն` պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները։ Սոցիալական արդարությունը վերականգնելու նպատակը բխում է արդարության և պատասխանատվության անհատականացման սկզբունքն ամրագրած ՀՀ քրեական օրենսգրքի 10-րդ հոդվածի բովանդակությունից։ Այն սահմանում է, որ հանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացի, համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար։ Սոցիալական արդարության վերականգնումը հնարավոր է, եթե հանցանք կատարած անձի նկատմամբ նշանակվի այնպիսի պատիժ, որն անհրաժեշտ ու բավարար է նրան ուղղելու և նոր հանցագործությունները կանխելու համար։
Պատիժ նշանակելու արդարության սկզբունքը դրսևորվում է օրենքով նախատեսված մի շարք պահանջներով։ ՀՀ քրեական օրենսգրքի 61-րդ հոդվածի 1-ին մասը սահմանում է, որ հանցագործության համար մեղավոր ճանաչված անձի նկատմամբ նշանակվում է արդարացի պատիժ։ Նույն հոդվածի 3-րդ մասի համաձայն՝ պատժի տեսակը և չափը որոշվում է հանցագործության` հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում՝ պատասխանատվությունը և պատիժը մեղմացնող կամ ծանրացնող հանգամանքներով։ Պատիժը համարվում է արդարացի, եթե դատարանը ճիշտ է գնահատում գործի բոլոր հանգամանքները, անձին բնութագրող բոլոր տվյալները և քրեական օրենքով նախատեսված պահանջներից ելնելով, հանցագործության մեջ մեղավոր անձի նկատմամբ նշանակում է այնպիսի պատիժ, որն անհրաժեշտ և բավարար է այդ անձին ուղղելու և նրա կողմից նոր հանցանքի կատարումը կանխելու համար։ (…)»։
ՀՀ քրեական օրենսգրքի 258-րդ հոդվածի 1-ին մասի սանկցիան անյլընտրանքային է` պատիժ է նախատեսում տուգանքի և կալանքի ձևով։
ՀՀ քրեական օրենսգրքի 258-րդ հոդվածի 3-րդ մասի սանկցիան անյլընտրանքային է` պատիժ է նախատեսում տուգանքի և ազատազրկման ձևով։
Պատժի տեսակների միջև ճիշտ ընտրություն կատարելու և արարքի բնույթն ու հանրային վտանգավորության աստիճանը գնահատելու հարցերին ՀՀ վճռաբեկ դատարանն անդրադարձել է Գ. Մադաթյանի վերաբերյալ ԵՇԴ/0029/01/08 քրեական գործով 2009 թվականի փետրվարի 17-ի որոշման մեջ, որտեղ արտահայտել է հետևյալ իրավական դիրքորոշումները.
«13. (…) այլընտրանքային սանկցիաների միջև ընտրություն կատարելիս պատժի արդարացիության սկզբունքի ապահովման հիմնական երաշխիքը դատարանների կողմից յուրաքանչյուր գործի քննության ժամանակ այնպիսի հանգամանքների բացահայտումն է, որոնք ազդել են անձի կողմից կատարված արարքի հանրային վտանգավորության բնույթի և աստիճանի վրա։
14. Արարքի հանրային վտանգավորության բնույթը հանցագործության որակական կողմն է, այն որոշվում է մեղքի ձևի և տեսակի, հանցագործության նպատակի և շարժառիթի, ինչպես նաև քրեական օրենսդրությամբ պահպանվող հասարակական հարաբերության` հանցանքի կատարման պահին ունեցած սոցիալական նշանակության վերաբերյալ փաստական տվյալների ամբողջությամբ։
Արարքի հանրային վտանգավորության աստիճանի որոշման ժամանակ դատարանը պետք է բացահայտի կատարված հանցագործությամբ պատճառված վնասի չափը, հանցագործության կատարման եղանակը, հանցավոր մտադրության իրականացման աստիճանը, հանցակցության դեպքում` հանցավորի կատարած արարքը և հանցագործությանը նրա մասնակցության աստիճանը։
15. Արարքի հանրային վտանգավորության բնույթի որոշման հարցում Վճռաբեկ դատարանը կարևորում է խախտված քրեաիրավական նորմով պաշտպանվող հասարակական հարաբերության սոցիալական նշանակությունը։ Վճռաբեկ դատարանը գտնում է, որ պատիժ նշանակելիս դատարանները պարտավոր են հաշվի առնել տվյալ ժամանակահատվածում քրեական օրենսդրությամբ պահպանվող կոնկրետ հասարակական հարաբերության սոցիալական նշանակությունը, այդ ոլորտում պետության քրեական քաղաքականության ուղղվածությունը։ (…)»։
ՀՀ վճռաբեկ դատարանը Արարատ Ավագի Ավագյանի և Վահան Սերյոժայի Սահակյանի վերաբերյալ ԵԿԴ/0252/01/13 քրեական գործով 2014 թվականի հոկտեմբերի 31-ի որոշման մեջ արտահայտել է նաև հետևյալ իրավական դիրքորոշումը.
«(…) նշանակվող պատժի արդարացիության հիմնական պահանջն այն է, որ պատիժը պետք է համապատասխանի հանցագործության հանրային վտանգավորության աստիճանին և բնույթին (…)։
Հանցագործության հանրային վտանգավորության տիպային բնութագիրն արտացոլվում է օրենսդրի կողմից սահմանված սանկցիայում, իսկ յուրաքանչյուր կոնկրետ գործով արարքի հանրային վտանգավորության գնահատականը դատարանի կողմից կարող է որոշվել կոնկրետ հանցագործության տարրերի առանձնահատկությունների, դրա կատարման հանգամանքների, հանցավորի անձնավորության, պատասխանատվությունն ու պատիժը մեղմացնող և ծանրացնող հանգամանքների հիման վրա (…)
Պատժի անհատականացման սկզբունքի բովանդակության հիմնական մասն է կազմում նաև հանցավորի անձը բնութագրող տվյալների գնահատումը, որոնք իրենց ամբողջության մեջ հնարավորություն են տալիս անձին դիտել ոչ միայն որպես հանցանք կատարող, որը պետք է պատասխանատվություն կրի, այլ նաև որպես կոնկրետ անձ` իր անհատական հատկանիշներով։ Ընդ որում՝ անձի այն հատկանիշները, որոնք գտնվում են հանցակազմից դուրս, նշանակություն են ունենում դատարանի կողմից պատժի տեսակը և չափը որոշելիս։ Որպես հանցավորի անձը բնութագրող հատկանիշներ` գնահատվում են նրա սոցիալ-հոգեբանական, սոցիալ-ժողովրդագրական հատկությունները` վարքագիծն ընտանիքում և կենցաղում, աշխատանքի նկատմամբ ունեցած վերաբերմունքը, կրթությունը, առողջական վիճակը, տարիքը, ծառայությունը պետության և հասարակության առջև և այլն (…)»։
Ամբաստանյալ Ժորա Սերյոժայի Ղափանցյանի նկատմամբ, նրան վերագրվող հանցագործության կատարման համար պատիժ նշանակելիս` դատարանը հաշվի է առնում վերոհիշյալ իրավական ակտերում և նախադեպային որոշումներում արտահայտված իրավական դիրքորոշումները, ամբաստանյալ Ժորա Ղափանցյանի անձը` դատվածություն չունենալը, կատարված հանցագործության հանրային վտանգավորության աստիճանը` ամբաստանյալի կատարած արարքը ոչ մեծ ծանրության հանցագործությունների շարքին դասվելը, հանցագործության կատարման եղանակը, հանցավոր մտադրության իրականացման աստիճանը, հանցագործությունը կատարելուց հետո ամբաստանյալի դրսևորած վարքագիծը։
Որպես ամբաստանյալ Ժորա Ղափանցյանի պատասխանատվությունը և պատիժը ծանրացնող հանգամանք դատարանը հաշվի է առնում հանցանքն ալկոհոլի ազդեցության տակ կատարելը։
Ամբաստանյալի պատասխանատվությունը և պատիժը մեղմացնող հանգամանք դատարանը չի արձանագրում։
Հաշվի առնելով վերոգրյալը` դատարանը գտնում է, որ ամբաստանյալ Ժ. Ղափանցյանն իր կատարած, ՀՀ քրեական օրենսգրքի 258-րդ հոդվածի 1-ին մասով նախատեսված հանցագործության համար ենթակա է պատժի այդ հանցագործության համար նախատեսված պատիժներից նվազ խստի` տուգանքի ձևով, քանի որ պատիժներից առավել խիստը` կալանքը կիրառելու հիմքեր առկա չեն։ Բացի այդ` տուգանքի միջոցով հնարավոր կլինի ապահովել ՀՀ քրեական օրենսգրքի 48-րդ հոդվածով նախատեսված պատժի նպատակները։
Դատարանը գտնում է նաև, որ նշանակված պատիժն ամբաստանյալ Ժորա Ղափանցյանը պետք է կրի, քանի որ դրան խոչընդոտող հանգամանքներ առկա չեն, պատժի կրումից նրան ազատելու վերաբերյալ բավարար հիմնավորումներ դատարանին չեն ներկայացվել։
Ամբաստանյալ Արման Ավետիքի Միքայելյանի նկատմամբ, նրան վերագրվող հանցագործության կատարման համար պատիժ նշանակելիս` դատարանը հաշվի է առնում վերոհիշյալ իրավական ակտերում և նախադեպային որոշումներում արտահայտված իրավական դիրքորոշումները, ամբաստանյալ Արման Միքայելյանի անձը` դատվածություն չունենալը, կատարված հանցագործության հանրային վտանգավորության աստիճանը` ամբաստանյալի կատարած արարքը միջին ծանրության հանցագործությունների շարքին դասվելը, հանցագործության կատարման եղանակը, հանցավոր մտադրության իրականացման աստիճանը, հանցագործությունը կատարելուց հետո ամբաստանյալի դրսևորած վարքագիծը։
Որպես ամբաստանյալ Արման Միքայելյանի պատասխանատվությունը և պատիժը մեղմացնող հանգամանք դատարանը հաշվի է առնում խնամքի տակ մեկ անչափահաս զավակ ունենալը, իսկ որպես նրա պատասխանատվությունը և պատիժը ծանրացնող հանգամանք դատարանը հաշվի է առնում հանցանքն ալկոհոլի ազդեցության տակ կատարելը։
Հաշվի առնելով վերոգրյալը` դատարանը գտնում է, որ ամբաստանյալ Ա. Միքայելյանն իր կատարած, ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցագործության համար ենթակա է պատժի այդ հանցագործության համար նախատեսված պատիժներից նվազ խստի` տուգանքի ձևով, քանի որ պատիժներից առավել խիստը` ազատազրկումը կիրառելու հիմքեր առկա չեն։ Բացի այդ` տուգանքի միջոցով հնարավոր կլինի ապահովել ՀՀ քրեական օրենսգրքի 48-րդ հոդվածով նախատեսված պատժի նպատակները։
Դատարանը գտնում է նաև, որ նշանակված պատիժն ամբաստանյալ Արման Միքայելյանը պետք է կրի, քանի որ դրան խոչընդոտող հանգամանքներ առկա չեն, պատժի կրումից նրան ազատելու վերաբերյալ բավարար հիմնավորումներ դատարանին չեն ներկայացվել։
Գործով քաղաքացիական հայց չի հարուցվել, գույքային վնասի հատուցման պահանջ չի ներկայացվել, գույքի վրա կալանք դնելու մասին որոշում չի կայացվել։
Քննելով խափանման միջոցի հարցը` դատարանը գտնում է, որ ամբաստանյալներից յուրաքանչյուրի նկատմամբ ընտրված խափանման միջոց չհեռանալու մասին ստորագրությունը հիմնավոր է ընտրված և վերացվելու կամ փոփոխվելու ենթակա չէ` մինչև դատավճռի օրինական ուժի մեջ մտնելը, քանի որ խափանման միջոցի այդ տեսակի պահանջները խախտված լինելու վերաբերյալ տեղեկություններ դատարանին չեն ներկայացվել։ Բացի այդ, ամբաստանյալներից յուրաքանչյուրի` տուգանքի դատապարտվելու դեպքում, նշանակված պատիժը կրելուց խուսափելու և դատավճռի կատարմանը խոչընդոտելու հավանականությունը ցածր է։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360-րդ, 364-365-րդ և 369-373-րդ հոդվածներով` դատարանը

Վ Ճ Ռ Ե Ց

1. Ամբաստանյալ Ժորա Սերյոժայի Ղափանցյանին մեղավոր ճանաչել ՀՀ քրեական օրենսգրքի 258-րդ հոդվածի 1-ին մասով նախատեսված հանցանքում և դատապարտել տուգանքի նվազագույն աշխատավարձի հիսնապատիկի` 50.000 /հիսուն հազար/ ՀՀ դրամ գումարի չափով։
Խափանման միջոց չհեռանալու մասին ստորագրությունը թողնել անփոփոխ` մինչև դատավճռի օրինական ուժի մեջ մտնելը։
2. Ամբաստանյալ Արման Ավետիքի Միքայելյանին մեղավոր ճանաչել ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցանքում և դատապարտել տուգանքի` նվազագույն աշխատավարձի հինգհարյուրապատիկի` 500.000 /հինգ հարյուր հազար/ ՀՀ դրամ գումարի չափով։
Խափանման միջոց չհեռանալու մասին ստորագրությունը թողնել անփոփոխ` մինչև դատավճռի օրինական ուժի մեջ մտնելը։
Դատավճիռը վերաքննության կարգով կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո մեկամսյա ժամկետում։


ԴԱՏԱՎՈՐ` Մ. ՄԱՐՏԻՐՈՍՅԱՆ