ԵԿԴ/0029/01/15
Ո Ր Ո Շ ՈՒ Մ
ԳՈՐԾԻ ՎԱՐՈՒՅԹԸ ԿԱՐՃԵԼՈՒ ՄԱՍԻՆ

29 հուլիսի 2015թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավա-սության առաջին ատյանի դատարանը` նախագահությամբ դատավոր Գ.Պողոսյանի, քարտու-ղարությամբ` Ն.Թումանյանի, մասնակցությամբ` մեղադրող Ա.Մանուկյանի, տուժող Ա.Գևորգ-յանի, պաշտպան Կ.Մեժլումյանի, ամբաստանյալ Գ.Արզունյանի (ծնված 14.11.1982թ-ին Արա-րատի մարզի Ջրաշեն գյուղում, ազգությամբ հայ, ՀՀ քաղաքացի, իր հայտարարությամբ՝ մաս-նավոր կարգով աշխատում է որպես անասնապահ, ամուսնացած և խնամքին 1 անձ, միջնակարգ կրթությամբ, առողջ, դատվածություն չունեցող, բնակվում է՝ Արարատի մարզ, գյուղ Ջրաշեն), դատարանում` դռնբաց դատական նիստում, քննության առնելով Գարիկ Հուսիկի Արզունյանի վերաբերյալ ՀՀ քրեական օրենսգրքի 178 հոդվածի 1-ին մասով թիվ ԵԿԴ/0029/01/15 քրեական գործի վարույթը կարճելու մասին պաշտպան Կ.Մեժլումյանի միջնորդությունը,

Պ Ա Ր Զ Ե Ց

Գարիկ Հուսիկի Արզունյանին ՀՀ քրեական օրենսգրքի 178 հոդվածի 1-ին մասով մե-ղադրանք է առաջադրվել այն բանի համար, որ նա. «2013թ.-ի հունիսի 21-ին «Էդգար Ավետիս-յան» ԱՁ-ի տնօրեն Էդգար Ավետիսյանի օժանդակմամբ խարդախությամբ հափշտակել է ուրի-շի զգալի չափի գույք։
Այսպես` Գարիկ Հուսիկի Արզունյանը, 2013թ-ի ամռանը Երևան քաղաքի Կորյունի փո-ղոցի թիվ 6 հասցեում իրականացնելով ավտոկայանատեղի հսկիչի գործունեություն, ծանոթացել է «Էդգար Ավետիսյան»Ա/Ձ-ին պատկանող՝ Կորյուն 6 հասցեում գործող, համակարգչային խա-նութում ձայնասկավառակների և համակարգչային տեխնիկայի վաճառք իրականացնող քա-ղաքացի Էդգար Ավետիսյանի հետ։
2013թ-ի հունիս ամսին՝ քննությամբ չպարզված օրը, Երևան քաղաքի բնակիչ Գարիկ Հու-սիկի Արզունյանը մտադրվել է աշխատավարձի բանկային քարտ ձևակերպելու պատրվակով Անժելա Աբելի Գևորգյանի անվամբ ապառիկ եղանակով ձեռք բերել համակարգիչ` առանց վեր-ջինիս տեղյակ պահելու այդ մասին, և խարդախությամբ հափշտակել հիշյալ համակարգիչը։ Իր հանցավոր մտադրությունն իրագործելու նպատակով Գարիկ Արզունյանը նույն ամսին դիմել է Էդգար Լյովայի Ավետիսյանին, հայտնել իր հանցավոր մտադրության մասին և խնդրել է վեր-ջինիս աջակցությունը` պարզաբանելով, որ ապառիկ եղանակով Անժելա Գևորգյանի անվամբ համակարգչի ձեռքբերման դեպքում Էդգար Ավետիսյանը բանկից կստանա համակարգչի գու-մարը։ Էդգար Ավետիսյանը համաձայնվել է օժանդակել Գարիկ Արզունյանին և գնորդին չհայտնել ապառիկ կարգով համակարգիչ ձեռք բերելու պայմանագիր կնքելու մասին։
Այնուհետև` 2013թ.-ի հունիսի 21-ին, Գարիկ Արզունյանը խաբեությամբ Անժելա Աբելի Գևորգյանին ուղեկցել է Երևան քաղաքի Կորյունի փողոցի թիվ 6 հասցեում գործող՝ «Էդգար Ավետիսյան» Ա/Ձ-ին պատկանող համակարգչային խանութ՝ վերջինիս ամուսնու` Արամ Գեղա-մի Գևորգյանի աշխատավարձի բանկային քարտը Անժելա Գևորգյանի անվամբ ձևակերպելու պատրվակով։ Նշված խանութում Գարիկ Արզունյանն Էդգար Ավետիսյանի օժանդակությամբ Անժելա Գևորգյանին խաբեությամբ ստորագրելու համար ներկայացրել է «Էդգար Ավետիսյան» Ա/Ձ-ից «SAMSUNG SERIES 3» մոդելի 270.000 ՀՀ դրամ արժողությամբ դյուրակիր համակարգիչ (նոութբուք) ապառիկ կարգով «ՎՏԲ-Հայաստան» բանկի միջոցով գնելու մասին պայմանագիր, որն Անժելա Գևորգյանն առանց ընթերցելու ստորագրել է և հեռացել է նշված խանութից։
Էդգար Ավետիսյանը, Անժելա Գևորգյանին չհայտնելով, թե վերջինս ինչ պայմանագիր է ստորագրել, նրան չի հանձնել «SAMSUNG SERIES 3» ֆիրմայի 270.000 ՀՀ դրամ արժողությամբ նոութբուք համակարգիչը, այլ այն հանձնել է Գարիկ Արզունյանին, ով խարդախությամբ հա-փըշտակել է հիշյալ համակարգիչը, իսկ Էդգար Ավետիսյանին իր օժանդակության համար տվել է նաև 5.000 ՀՀ դրամ»։
Դատական քննության ընթացքում պաշտպան Կ.Մեժլումյանը միջնորդեց վաղեմության ժամկետն անցնելու հիմքով կարճել ամբաստանյալ Գ.Արզունյանի վերաբերյալ քրեական գործի վարույթը։
Ամբաստանյալը միացավ հարուցված միջնորդությանը, մեղադրողը չառարկեց դրան, իսկ տուժողը միջնորդության լուծումը թողեց դատարանի հայեցողությանը։
Դատարանը, քննության առնելով պաշտպանի միջնորդությունն ու հաշվի առնելով մե-ղադրողի կարծիքը, գտնում է, որ պաշտպանի միջնորդությունը պետք է բավարարվի` հետևյալ պատճառաբանություններով.
ՀՀ քրեական դատավարության օրենսգրքի 35-րդ հոդվածի 1-ին մասի 6-րդ կետի համա-ձայն` քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե անցել են վաղեմության ժամկետները։
Նույն հոդվածի 5-րդ մասի համաձայն` «Դատարանը« հայտնաբերելով քրեական հետա-պնդումը բացառող հանգամանքներ« լուծում է ամբաստանյալի նկատմամբ քրեական հետա-պընդումը դադարեցնելու հարցը»։
ՀՀ քրեական օրենսգրքի 75-րդ հոդվածի համաձայն`
«1. Անձն ազատվում է քրեական պատասխանատվությունից« եթե հանցանքն ավարտ-ված համարելու օրվանից անցել են հետևյալ ժամկետները.
1) երկու տարի՝ ոչ մեծ ծանրության հանցանքն ավարտված համարելու օրվանից։
(...)
2. Վաղեմության ժամկետը հաշվարկվում է հանցանքն ավարտված համարելու օրվանից մինչև դատավճռի օրինական ուժի մեջ մտնելու պահը։ Տևող հանցագործության դեպքում վա-ղեմության ժամկետը հաշվարկվում է արարքը դադարելու« իսկ շարունակվող հանցագործու-թյան դեպքում` վերջին արարքը կատարելու պահից»։
3. Վաղեմության ժամկետի ընթացքն ընդհատվում է« եթե մինչև նշված ժամկետներն անցնելն անձը կատարում է միջին ծանրության« ծանր կամ առանձնապես ծանր նոր հանցանք։ Այս դեպքում վաղեմության ժամկետի հաշվարկն սկսվում է նոր հանցանքի ավարտված հա-մարելու պահից։
4. Վաղեմության ժամկետի ընթացքը կասեցվում է« եթե անձը խուսափում է քննությունից կամ դատից։ Այս դեպքում վաղեմության ընթացքը վերսկսվում է անձին ձերբակալելու կամ մե-ղայականով նրա ներկայանալու պահից։ Ընդ որում« անձը չի կարող քրեական պատասխա-նատվության ենթարկվել« եթե ոչ մեծ ծանրության կամ միջին ծանրության հանցանքն ավարտ-ված համարելու օրվանից անցել է տասը տարի« իսկ ծանր կամ առանձնապես ծանր հանցանքն ավարտված համարելու օրվանից՝ քսան տարի« և վաղեմության ժամկետի ընթացքն ընդհատված չի եղել նոր հանցագործությամբ։
5. (...)։
6. (...)։
7. (...)։
ՀՀ քրեական օրենսգրքի 19-րդ հոդվածի 2-րդ մասի համաձայն` «Ոչ մեծ ծանրության հանցագործություններ են համարվում դիտավորությամբ կատարած այն արարքները« որոնց համար սույն օրենսգրքով նախատեսված առավելագույն պատիժը չի գերազանցում երկու տարի ժամկետով ազատազրկումը« կամ որոնց համար նախատեսված է ազատազրկման հետ կապ չունեցող պատիժ...»։
Այսպիսով, ղեկավարվելով վերը նշված հոդվածների պահանջներով և նկատի ունենալով, որ ամբաստանյալի կողմից դիտավորությամբ կատարված արարքի համար ՀՀ քրեական օրենս-գրքի 178-րդ հոդվածի 1-ին մասով նախատեսված առավելագույն պատիժը չի գերազանցում եր-կու տարի ժամկետով ազատազրկումն ու քրեական գործի նյութերի համաձայն՝ վաղեմության ժամկետի ընթացքը չի ընդհատվել և կասեցվել, այսինքն` ամբաստանյալը կատարել է ոչ մեծ ծանրության հանցագործություն ու մեղադրական եզրակացության համաձայն նշված հանցան-քի ավարտված լինելու օրվանից անցել է երկու տարի, դատարանը գտնում է, որ ամբաստանյալ Գ.Արզունյանը պետք է ազատվի քրեական պատասխանատվությունից` նրա նկատմամբ պետք է դադարեցվի ՀՀ քրեական օրենսգրքի 178-րդ հոդվածի 1-ին մասով քրեական հետապնդումն ու կարճվի նրա վերաբերյալ թիվ ԵԿԴ /0029/01/15 քրեական գործի վարույթը` վաղեմության ժամ-կետն անցած լինելու հիմքով։
Դատարանը, քննության առնելով ամբաստանյալի նկատմամբ կիրառված խափանման միջոցի՝ չհեռանալու մասին ստորագրության հարցը, գտնում է, որ այն պետք է վերացվի։
Վերոգրյալների հիման վրա և ղեկավարվելով ՀՀ քրեական դատավարության օրենսգրքի 35-րդ և 313-րդ հոդվածներով` դատարանը

Ո Ր Ո Շ Ե Ց

Գարիկ Հուսիկի Արզունյանին ազատել քրեական պատասխանատվությունից` նրա նկատմամբ դադարեցնել ՀՀ քրեական օրենսգրքի 178-րդ հոդվածի 1-ին մասով քրեական հե-տապնդումն ու կարճել նրա վերաբերյալ թիվ ԵԿԴ/0029/01/15 քրեական գործի վարույթը` վաղեմության ժամկետն անցած լինելու հիմքով։
Գ.Արզունյանի նկատմամբ կիրառված խափանման միջոցը վերացնել։
Որոշումը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո` մեկամսյա ժամկետում։

ԴԱՏԱՎՈՐ` Գ.ՊՈՂՈՍՅԱՆ