գործ ԵԿԴ/0019/01/15
Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը

Նախագահությամբ դատավոր` Արմեն Բեկթաշյանի
քարտուղարությամբ` Կարինե Կարապետյանի
Գեորգի Սարգսյանի
մասնակցությամբ`
մեղադրող` Արսեն Կոստանդյանի

պաշտպան` Անժելա Հոբոսյանի
ամբաստանյալ` Ռուբեն Յուզբաշյանի
թարգմանիչներ` Վարդուհի Շահինյանի,
Անուշ Սահակյանի

2015 թվականի հուլիսի 28-ին, Երևան քաղաքում, դռնբաց դատական նիստում, քննեց քրեական գործն ըստ մեղադրանքի`

Ռուբեն Աշոտի Յուզբաշյանի` ծնված 28.10.1975 թվականին, Երևան քաղաքում, ազգությամբ հայ, ՌԴ քաղաքացի, միջնակարգ կրթությամբ, ամուրի, խնամքին մեկ անձ, փաստացի բնակվել է Երևան քաղաքի Սարի-Թաղ 4-րդ փողոցի 20/1 տանը, կալանքի տակ է 27.12.2014 թվականից։

Ռուբեն Աշոտի Յուզբաշյանը մեղադրվում է ՀՀ քրեական օրենսգրքի 34-215-րդ հոդվածի 2-րդ մասով և 268-րդ հոդվածի 1-ին մասով։
2014 թվականի դեկտեմբերի 27-ի որոշմամբ Ռուբեն Աշոտի Յուզբաշյանի նկատմամբ որպես խափանման միջոց է ընտրվել կալանավորումը։

Գործի դատավարական նախապատմությունը.

2014 թվականի նոյեմբերի 21-ին ոստիկանության Նոյեմբերյանի բաժնի ՔՀԲ ավագ օպերլիազոր Հ.Էզդանյանը որոշում է կայացրել ՀՀ քրեական օրենսգրքի 268-րդ հոդվածի 1-ին մասով նախատեսված հանցագործության հատկանիշներով քրեական գործ հարուցելու մասին։
2014 թվականի նոյեմբերի 21-ին ոստիկանության Նոյեմբերյանի բաժնի ՔՀԲ ավագ օպերլիազոր Հ.Էզդանյանը որոշում է կայացրել թիվ 47153614 քրեական գործը ենթակայության կարգով ՀՀ ՔԿ Տավուշի ՄՔՎ Նոյեմբերյանի քննչական բաժնին ուղարկելու մասին։
2014 թվականի նոյեմբերի 21-ին ՀՀ քննչական կոմիտեի Տավուշի մարզային քննչական վարչության ՀԿԳ քննիչ Հ.Բեգլարյանի կողմից որոշում է կայացվել թիվ 47153614 քրեական գործը վարույթ ընդունելու մասին։
2014 թվականի նոյեմբերի 28-ին ՀՀ քննչական կոմիտեի Տավուշի մարզային քննչական վարչության ՀԿԳ քննիչ Հ.Բեգլարյանի կողմից որոշում է կայացվել թիվ 47153614 քրեական գործով Ռուբեն Աշոտի Յուզբաշյանին մեղադրյալ ներգրավելու մասին և նրան մեղադրանք է առաջադրվել ՀՀ քրեական օրենսգրքի 268-րդ հոդվածի 1-ին մասով և 34-215-րդ հոդվածի 2-րդ մասով այն բանի համար, որ նա Երևան քաղաքի իր փաստացի բնակության վայրում 2014 թվականի օգոստոս ամսից մինչև նոյեմբերի 14-ն ընկած ժամանակահատվածում, առանց իրացնելու նպատակի, իր օգտագործման համար ապօրինի պատրաստել, պահել և տեղափոխել է զգալի չափերի չոր նյութում 0,3072 գրամ քաշ կազմող դեզոմորֆին տեսակի թմրամիջոց։ Նշված թմրամիջոցը, մաքսային հսկողությունից թաքցնելով, նա ցանկացել է Հայաստանի Հանրապետության մաքսային սահմանով` Բագրատաշենի մաքսային կետով, տեղափոխել ՌԴ, սակայն իր կամքից անկախ հանգամանքներով հանցագործությունն ավարտին չի հասցրել` ՌԴ Դոնի Ռոստով քաղաքի Պրոլետարսկի շրջանային դատարանի կողմից ՌԴ քրեական օրենսգրքի 228-րդ հոդվածի 1-ին մասի հատկանիշներով հետախուզման մեջ գտնվելու պատճառով Բագրատաշենի ՍԶ ՀԱԿ-ից բերման է ենթարկվել ոստիկանության Նոյեմբերյանի բաժնի հերթապահ մաս, որտեղ 15.11.2014 թվականի ժամը 01։30-ին նրա անձնական խուզարկությամբ հայտաբերվել է նշված թմրամիջոցը։
2014 թվականի դեկտեմբերի 01-ին ՀՀ քննչական կոմիտեի Տավուշի մարզային քննչական վարչության ՀԿԳ քննիչ Հ.Բեգլարյանի կողմից որոշում է կայացվել թիվ 47153614 քրեական գործը ուղարկել ՀՀ Տավուշի մարզի դատախազություն` ենթակայության կարգով ՀՀ ՖՆ մաքսային քննչական վարչություն ուղարկելու համար։
2014 թվականի դեկտեմբերի 11-ին ՀՀ ՖՆ քննչական վարչության 3-րդ բաժնի քննիչ Ա.Ասատրյանի կողմից որոշում է կայացվել թիվ 47153614 քրեական գործը վարույթ ընդունելու մասին։
2014 թվականի դեկտեմբերի 27-ին ՀՀ ՖՆ քննչական վարչության 3-րդ բաժնի քննիչ Ա.Ասատրյանի կողմից միջնորդություն է ներկայացվել Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան մեղադրյալ Ռուբեն Աշոտի Յուզբաշյանի նկատմամբ որպես խափանման միջոց կալանավորում ընտրելու մասին և նույն օրը դատարանը բավարարել է քննիչի միջնորդությունը։
2015 թվականի փետրվարի 09-ին ՀՀ ՖՆ քննչական վարչության 3-րդ բաժնի քննիչ Ա.Ասատրյանի կողմից որոշում է կայացվել թիվ 47153614 քրեական գործով դատաքիմիական փորձագետի թիվ 715 Ք-14 եզրակացույամբ հաստատված ու փաթեթավորված 0.3072 գրամ «դեզոմորֆին» տեսակի թմրամիջոցը իրեղեն ապացույց ճանաչելու մասին։
2015 թվականի փետրվարի 09-ին ՀՀ ՖՆ քննչական վարչության 3-րդ բաժնի քննիչ Ա.Ասատրյանի կողմից որոշում է կայացվել թիվ 47153614 քրեական գործով ՀՀ ոստիկանության Նոյեմբերյանի բաժնի աշխատակիցների կողմից զննության ենթարկելու մասին 2014 թվականի նոյեմբերի 15-ին, ժամը 01։40-ին կազմված` արձանագրությունը, որպես այլ փաստաթուղթ ճանաչելու մասին։
Համաձայն` դատանարկոլագիական-ամբուլատոր հանձնաժողովային փորձաքննության թիվ 04-15 եզրակացության` Ռուբեն Աշոտի Յուզբաշյանը տառապում է «հոգեկան և վարքային խանգարումներ ափիոնատիպ նյութերի գործածման հետևանքով։ Կախվածության համախտանիշ» ախտորոշմամբ, ուստի հարկադիր բուժման կարիք ունի, հակացուցումներ չկան։
2015 թվականի փետրվարի 19-ին քրեական գործը մեղադրական եզրակացությամբ ստացվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարան։

Արագացված դատական քննություն.

Մինչ դատաքննության սկսվելը` ամբաստանյալ Ռուբեն Աշոտի Յուզբաշյանը միջնորդություն է ներկայացրել` դատական քննությունն արագացված կարգով անցկացնելու` հայտարարելով, որ առաջադրված մեղադրանքն իրեն պարզ է, համաձայն է մեղադրանքի հետ և առաջադրված մեղադրանքում իրեն մեղավոր է ճանաչում, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացնում է կամավոր, պաշտպանի հետ խորհրդակցելուց հետո։
Դատարանը պարզելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, 2015 թվականի հուլիսի 07-ին որոշում է կայացվել արագացված կարգով դատական քննություն անցկացնելու մասին։
Այսպիսով, քրեական գործով ձեռք բերված ապացույցների ընդհանուր կարգով սահմանված հետազոտություն չկատարելով, արագացված դատաքննությամբ հիմք ընդունելով մեղադրանքի հիմքում դրված ապացույցները, դատարանը հանգեց այն համոզման, որ Ռուբեն Աշոտի Յուզբաշյանը կատարել է ՀՀ քրեական օրենսգրքի 34-215-րդ հոդվածի 2-րդ մասով և 268-րդ հոդվածի 1-ին մասով նախատեսված հանցագործություններ` որպիսի արարքների համար նա պետք է պատասխանատվության ենթարկվի։
Ռուբեն Աշոտի Յուզբաշյանը ենթակա է պատժի կատարած արարքի համար։


Դատարանի իրավական վերլուծությունները.
ՀՀ քրեական օրենսգրքի 61-րդ հոդվածի 2-րդ մասի համաձայն «Պատժի տեսակը և չափը որոշվում են հանցագործության` հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում` պատասխանատվությունը և պատիժը մեղմացնող կամ ծանրացնող հանգամանքներով»։
Ամբաստանյալ Ռուբեն Աշոտի Յուզբաշյանն առաջադրված մեղադրանքում իրեն մեղավոր է ճանաչել, զղջացել է կատարած արարքի համար հարևանների կողմից տրված բնութագրի համաձայն բնութագրվում է դրականորեն, խնամքին է գտնվում թոշակառու մայրը։
ՀՀ քրեական օրենսգրքի 62-րդ հոդվածի 2-րդ մասի համաձայն՝ ամբաստանյալ Ռուբեն Աշոտի Յուզբաշյանի արարքում նրա պատասխանատվությունը և պատիժը մեղմացնող հանգամանքներ չկան։
Դատարանը գտնում է, որ ՀՀ քրեական օրենսգրքի 63-րդ հոդվածի համաձայն՝ ամբաստանյալ Ռուբեն Աշոտի Յուզբաշյանի արարքում նրա պատասխանատվությունը և պատիժը ծանրացնող հանգամանքներ չկան։

ՀՀ քրեական օրենսգրքի 10-րդ հոդվածի 1-ին մասը սահմանում է «Հանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացի` համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար»։
ՀՀ քրեական օրենսգրքի 48-րդ հոդվածի 2-րդ մասը սահմանում է «Պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները»։
ՀՀ քրեական օրենսգրքի 61-րդ հոդվածը սահմանում է «Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում` հաշվի առնելով սույն օրենսգրքի Ընդհանուր մասի դրույթները։ (….)։ Հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները»։
Սույն քրեական գործով Ռուբեն Աշոտի Յուզբաշյանին մեղադրանք է առաջադրվել ՀՀ քրեական օրենսգրքի 34-215-րդ հոդվածի 2-րդ մասով, որի սանկցիան նախատեսում է հետևյալ պատժատեսակները` ազատազրկում չորսից ութ տարի ժամկետով՝ գույքի բռնագրավմամբ և 268-րդ հոդվածի 1-ին մասով, որի սանկցիան նախատեսում է հետևյալ պատժատեսակները` կալանք՝ առավելագույնը երկու ամիս ժամկետով, կամ ազատազրկում՝ առավելագույնը մեկ տարի ժամկետով։

Դատարանը հաշվի առնելով ամբաստանյալ Ռուբեն Աշոտի Յուզբաշյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, այն որ բնութագրվում է դրականորեն, խնամքին է գտնվում թոշակառու մայրը, պատասխանատվությունն ու պատիժը ծանրացնող հանգամանքը բացակայությունը և ղեկավարվելով օրինականության, արդարության, պատժի անհատականացման ու մարդասիրության սկզբունքներով, գալիս է այն եզրահանգման, որ ամբաստանյալի ուղղվելը հնարավոր է միայն` նշանակված պատիժը փաստացի կրելու դեպքում և քանի որ ՀՀ քրեական օրենսգրքի 61-րդ հոդվածի համաձայն՝ «Հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները», դատարանը եկավ այն համոզման, որ ամբաստանյալ Ռուբեն Աշոտի Յուզբաշյանի նկատմամբ պետք է նշանակվի պատիժ՝ ազատազրկման ձևով, որը նա պետք է փաստացի կրի, պատժի այդ միջոցով է միայն հնարավոր հասնել ՀՀ քրեական օրենսգրքի 48-րդ հոդվածով սահմանված պատժի նպատակներին՝ սոցիալական արդարության վերականգնմանը, պատժի ենթարկված անձի ուղղմանը, ինչպես նաև նոր, նմանատիպ հանցագործությունների կանխմանը։

ՀՀ քրեական օրենսգրքի 97 հոդվածի 1-ին մասի 4-րդ կետի համաձայն` բժշկական բնույթի հարկադրանքի միջոցներ դատարանը կարող է նշանակել այն անձի նկատմամբ, ով հանցանք է կատարել և ճանաչվել է ալկոհոլամոլությունից կամ թմրամոլությունից բուժման կարիք ունեցող։
Հիմք ընդունելով, որ դատանարկոլագիական-ամբուլատոր հանձնաժողովային փորձաքննության թիվ 04-15 եզրակացության համաձայն Ռուբեն Աշոտի Յուզբաշյանը տառապում է «հոգեկան և վարքային խանգարումներ ափիոնատիպ նյութերի գործածման հետևանքով։ Կախվածության համախտանիշ» ախտորոշմամբ, ուստի հարկադիր բուժման կարիք ունի, որի համար հակացուցումներ չկան, դատարանը գտնում է, որ անհրաժեշտ է ՀՀ քրեական օրենսգրքի 97 հոդվածի կիրառմամբ Ռուբեն Աշոտի Յուզբաշյանի նկատմամբ պատժի կրման ընթացքում նշանակել հարկադիր բուժում` «Հոգեկան և վարքային խանգարումներ ափիոնատիպ նյութերի գործածման հետևանքով։ Կախվածության համախտանիշ» ախտորոշման դեմ։
Դատարանը գտնում է, որ Ռուբեն Աշոտի Յուզբաշյանի նկատմամբ ընտրված խափանման միջոց` կալանավորումը պետք է թողնել անփոփոխ մինչև դատավճռի օրինական ուժի մեջ մտնելը։

Դատարանը ղեկավարվելով ՀՀ քրեական դատավարության օրենսգրքի 116-րդ և 119-րդ հոդվածներով` գտնում է, որ Դատավճռի օրինական ուժի մեջ մտնելուց հետո 09.02.2015 թվականի որոշմամբ ապացույց ճանաչված, այլ փաստաթուղթ հանդիսացող` թիվ 47153614 քրեական գործով ՀՀ ոստիկանության Նոյեմբերյանի բաժնի աշխատակիցների կողմից կազմված անձին զննության ենթարկելու մասին 2014 թվականի նոյեմբերի 15-ին, ժամը 01։40-ին կազմված արձանագրությունը պետք է թողնել քրեական գործին կցված` դրա պահելու ամբողջ ժամանակամիջոցում։
Լուծելով իրեղեն ապացույցների տնօրինման հարցը` դատարանը գտնում է, որ դատավճիռն օրինական ուժի մեջ մտնելուց հետո իրեղեն ապացույց ճանաչված և որպես մաքսանենգության առարկա բռնագրավված դատաքիմիական փորձագետի թիվ 715 Ք-14 եզրակացությամբ հաստատված ու փաթեթավորված 0.3072 գրամ «դեզոմորֆին» տեսակի թմրամիջոցը պետք է ոչնչացնել։
Դատարանը գտնում է, որ դատական ծախսերն ամբաստանյալ Ռուբեն Աշոտի Յուզբաշյանից ենթակա չեն բռնագանձման, քանի որ ՀՀ քրեական դատավարության օրենսգրքի 168-րդ հոդվածի 1-ին մասի 1-ին կետով նախատեսված դատական ծախս սույն քրեական գործով չկա, իսկ 2-8-րդ կետերով նախատեսված դատական ծախսերն արագացված դատական քննության կարգ կիրառելու դեպքում, համաձայն նույն օրենսգրքի 375.3 հոդվածի 8-րդ մասի, ամբաստանյալից ենթակա չեն բռնագանձման։


Եզրափակիչ մաս.

Ելնելով վերոգրյալից և ղեկավարվելով ՀՀ քրեական օրենսգրքի 10-րդ, 22-րդ, 48-րդ, 61-րդ, 63-րդ, 67.1-րդ, 97-րդ հոդվածներով ՀՀ քրեական դատավարության օրենսգրքի 116-րդ, 119-րդ, 309-րդ, 357-360-րդ, 365-րդ, 369-րդ, 372-րդ, 3751 և 3753-րդ հոդվածներով, դատարանը



Վ Ճ Ռ Ե Ց`
Ռուբեն Աշոտի Յուզբաշյանին մեղավոր ճանաչել ՀՀ քրեական օրենսգրքի 34-215-րդ հոդվածի 2-րդ մասով և 268-րդ հոդվածի 1-ին մասով։
Ռուբեն Աշոտի Յուզբաշյանին ՀՀ քրեական օրենսգրքի 34-215-րդ հոդվածի 2-րդ մասով դատապարտել ազատազրկման` 4 /չորս/ տարի ժամկետով` մաքսանենգության առարկա հանդիսացող 0.3072 գրամ «դեզոմորֆին» տեսակի թմրամիջոցի բռնագրավմամբ և ՀՀ քրեական օրենսգրքի 268-րդ հոդվածի 1-ին մասով դատապարտել ազատազրկման` 6 /վեց/ ամիս ժամկետով։
ՀՀ քրեական օրենսգրքի 66-րդ հոդվածով սահմանված կարգով` նշանակված պատիժները մասնակիորեն գումարելու միջոցով, Ռուբեն Աշոտի Յուզբաշյանի նկատմամբ վերջնական պատիժ նշանակել ազատազրկում` 4 /չորս/ տարի 3 /երեք/ ամիս ժամկետով։
Ռուբեն Աշոտի Յուզբաշյանի պատժի սկիզբը հաշվել 27.12.2014 թվականից։
Ռուբեն Աշոտի Յուզբաշյանի նկատմամբ ընտրված խափանման միջոց` կալանավորումը, թողնել անփոփոխ մինչև դատավճռի օրինական ուժի մեջ մտնելը։
Պատժի կրման ընթացքում Ռուբեն Աշոտի Յուզբաշյանի նկատմամբ նշանակել հարկադիր բուժում` «Հոգեկան և վարքային խանգարումներ ափիոնատիպ նյութերի գործածման հետևանքով։ Կախվածության համախտանիշ» ախտորոշման դեմ։
09.02.2015 թվականի որոշմամբ ապացույց ճանաչված, այլ փաստաթուղթ հանդիսացող` թիվ 47153614 քրեական գործով ՀՀ ոստիկանության Նոյեմբերյանի բաժնի աշխատակիցների կողմից կազմված անձին զննության ենթարկելու մասին 2014 թվականի նոյեմբերի 15-ին, ժամը 01։40-ին կազմված արձանագրությունը` թողնել քրեական գործին կցված` դրա պահելու ամբողջ ժամանակամիջոցում։
Դատավճիռն օրինական ուժի մեջ մտնելուց հետո` իրեղեն ապացույց ճանաչված և որպես մաքսանենգության առարկա բռնագրավված դատաքիմիական փորձագետի թիվ 715 Ք-14 եզրակացությամբ հաստատված ու փաթեթավորված 0.3072 գրամ «դեզոմորֆին» տեսակի թմրամիջոցը ոչնչացնել։
Դատական ծախսերի հարցը համարել լուծված։
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակման պահից մեկամսյա ժամկետում (դատավճիռը չի կարող բողոքարկվել ՀՀ քրեական դատավարության օրենսգրքի 395-րդ հոդվածի 1-ին մասի 1-ին կետով նախատեսված հիմքով)։
ԴԱՏԱՎՈՐ` Ա. ԲԵԿԹԱՇՅԱՆ
Ծանոթագրություն – սույն դատավճիռը չի բողոքարկվել և 31.08.2015 թվականին մտել է օրինական ուժի մեջ։
ԴԱՏԱՎՈՐ` Ա.ԲԵԿԹԱՇՅԱՆ