գործ ԵԿԴ/0209/01/14
Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը

Նախագահությամբ դատավոր` Արմեն Բեկթաշյանի
քարտուղարությամբ` Լիանա Ոսկանյանի

մասնակցությամբ`
մեղադրող` Տիգրան Պողոսյանի

պաշտպան` Արայիկ Սիմոնյանի
ամբաստանյալ` Արմեն Բորյանի

2014 թվականի դեկտեմբերի 18-ին, Երևան քաղաքում, դռնբաց դատական նիստում, քննեց քրեական գործն ըստ մեղադրանքի`

Արմեն Արայի Բորյանի` ծնված 10.12.1983 թվականին Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, նախկինում չդատապարտված, խնամքին մեկ անձ, չի աշխատում, հաշվառված է` Լոռու մարզ. ք.Տաշիր, Էրեբունու փողոցի 4-րդ տանը , բնակվում է` ք.Երևան, Ահարոնյան փողոցի 8-րդ շենքի 27-րդ բնակարանում:

Արմեն Արայի Բորյանը մեղադրվում է ՀՀ քրեական օրենսգրքի 325-րդ հոդվածի 1-ին մասով:
2014 թվականի նոյեմբերի 06-ի որոշմամբ Արմեն Արայի Բորյանի նկատմամբ որպես խափանման միջոց է ընտրվել ստորագրություն չհեռանալու մասին:




Գործի դատավարական նախապատմությունը.

ՀՀ ոստիկանության Կենտրոնական բաժնի պետի գրության համաձյան հոկտեմբերի 10-ին ոստիկանության ՙՃանապարհային ոստիկանություն՚ ծառայությունից ստացվել են նյութեր այն մասին, որ Արմեն Արայի Բորյանը /10.12.1983 թ. ծնված, բն. Ահարոնյան 8-րդ շենքի 27-րդ բնակարանում, մնացած տվյալները պարզվում են/ կեղծել է ՙՄերսեդես-Մենց E320՚ մակնիշի ավտոմեքենայի SB 986292 տեխ. անձնագիրը:
2014 թվականի հոկտեմբերի 10-ի ՀՀ ոստիկանության Կենտրոնական բաժնի հետաքննիչ Ս.Բաղդասարյանը որոշմում է կայացրել դատատեխնիկական փորձաքննություն նշանակելու մասին, որի կատարումը հանձնարարվել է ՀՀ ոստիկանության ՓՔՎ-ի փորձագետներին նախազգուշացնելով ՀՀ քրեական օրենսգրքի 338-րդ հոդվածով նախատեսված քրեական պատասխանատվության մասին:
2014 թվականի հոկտեմբերի 18-ի ՀՀ ոստիկանության Կենտրոնական բաժնի հետաքննիչ Ս.Բաղդասարյանը որոշմում է կայացրել ՙՃանապարհային ոստիկանություն՚ ծառայությունից ստացված նյութերն ըստ ենթակայության հանձնելու մասին:
2014 թվականի հոկտեմբերի 23-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնի ավագ քննիչ Շ.Գրիգորյանի կողմից որոշում է կայացվել ՀՀ քրեական օրենսգրքի 325-րդ հոդվածի 1-ին մասով թիվ 13812014 քրեական գործը հարուցելու և վարույթ ընդունելու մասին:
2014 թվականի նոյեմբերի 06-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնի ավագ քննիչ Շ.Գրիգորյանի կողմից որոշում է կայացվել թիվ 13812014 քրեական գործով SB986292 հաշվառման վկայագիրը իրեղեն ապացույց ճանաչելու մասին:
2014 թվականի նոյեմբերի 06-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնի ավագ քննիչ Շ.Գրիգորյանի կողմից որոշում է կայացվել թիվ 13812014 քրեական գործով կասկածյալ Արմեն Արայի Բորյանի նկատմամբ որպես խափանման միջոց կիրառելու` ստորագրություն չհեռանալու մասին:
2014 թվականի նոյեմբերի 13-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնի ավագ քննիչ Շ.Գրիգորյանի կողմից որոշում է կայացվել թիվ 13812014 քրեական գործով Արմեն Արայի Բորյանին որպես մեղադրյալ ներգրավելու մասին և նրան մեղադրանք է առաջադրվել ՀՀ քրեական օրենսգրքի 325-րդ հոդվածի 1-ին մասով այն բանի համար, որ օգտագործելու նպատակով անձամբ կեղծել և օգտագործել է իրավունք վերապահող փաստաթուղթ.
2014 թվականի հոկտեմբեր ամսվա ընթացքում Արմեն Արայի Բորյանը իրեն պատկանող ՙՄերսեդես Բենց C 240՚ մակնիշի ավտոմեքենայի SB986292 հաշվառման վկայագրի` պետհամարանիշի և ավտոմեքենայի մոդելի գրանցման համապատասխանաբար` 5-րդ ու 7-րդ տողերին թափանցիկ կպչուն թաղանթով փակցնելով ՙ55 LO 404՚ և ՙE 320՚ տպագրությունը, պատրաստել է իրավունք վերապահող ակնհայտ կեղծ փաստաթուղթ հանդիսացող ավտոմեքենայի հաշվառման կեղծ վկայագիր, որը 2014 թվականի հոկտեմբերի 9-ին` ժամը 16:50-ին օգտագործելով, ներկայացրել է Երևան քաղաքի Սարյան փողոցում ծառայություն իրականացնող ՀՀ ոստիկանության ՙՃանապարհային ոստիկանություն՚ ծառայության տեսուչներին: Դրանից հետո Արմեն Բորյանը հրավիրվել է ՀՀ ոստիկանության ՙՃանապարհային ոստիկանություն՚ ծառայության վարչական շենք, որտեղ տեսուչներ` Լ.Առաքելյանը և Ա.Արևշատյանը հաշբառման վկայագրի վրա հայտնաբերել են արտաքին միջամտության հետքեր ու բացահայտել կեղծիքը, ինչից հետո ավտոմեքենան տեղափոխել են հատուկ պահպանվող տարածք:
2014 թվականի դեկտեմբերի 03-ին թիվ 13812014 քրեական գգործը մեղադրական եզրակացությամբ ստացվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարան:

Արագացված դատական քննություն.

Մինչ դատաքննության սկսվելը` ամբաստանյալ Արմեն Արայի Բորյանը միջնորդություն է ներկայացրել` դատական քննությունն արագացված կարգով անցկացնելու` հայտարարելով, որ առաջադրված մեղադրանքն իրեն պարզ է, համաձայն է մեղադրանքի հետ և առաջադրված մեղադրանքում իրեն մեղավոր է ճանաչում, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացնում է կամավոր, պաշտպանի հետ խորհրդակցելուց հետո:
Դատարանը պարզելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, 2014 թվականի դեկտեմբերի 18-ին որոշում է կայացվել արագացված կարգով դատական քննություն անցկացնելու մասին:
Այսպիսով, քրեական գործով ձեռք բերված ապացույցների ընդհանուր կարգով սահմանված հետազոտություն չկատարելով, արագացված դատաքննությամբ հիմք ընդունելով մեղադրանքի հիմքում դրված ապացույցները, դատարանը հանգեց այն համոզման, որ ամբաստանյալ Արմեն Արայի Բորյանը օգտագործելու նպատակով անձամբ կեղծել և օգտագործել է իրավունք վերապահող փաստաթուղթ, որպիսի արարքի համար նա պետք է պատասխանատվության ենթարկվի ՀՀ քրեական օրենսգրքի 325-րդ հոդվածի 1-ին մասով:
Արմեն Արայի Բորյանը ենթակա է պատժի կատարած արարքի համար:

Դատարանի իրավական վերլուծությունները.
ՀՀ քրեական օրենսգրքի 61-րդ հոդվածի 2-րդ մասի համաձայն ՙՊատժի տեսակը և չափը որոշվում են հանցագործության` հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում` պատասխանատվությունը և պատիժը մեղմացնող կամ ծանրացնող հանգամանքներով՚:
Ամբաստանյալ Արմեն Արայի Բորյանն առաջադրված մեղադրանքում իրեն մեղավոր է ճանաչել, զղջացել է կատարած արարքի համար, խնամքին է գտնվում¬ մեկ անչափահաս երեխա Արա Արմենի Բորյանը` ծնված 12.02.2010 թվականին:
Ամբաստանյալ Արմեն Արայի Բորյանի պատասխանատվությունը և պատիժը մեղմացնող հանգամանք դատարանը դիտում է խնամքին մինչև 14 տարեկան երեխայի` 12.02.2010 թվականին ծնված Արա Արմենի Բորյանի առկայություն:
Դատարանը գտնում է, որ ՀՀ քրեական օրենսգրքի 63-րդ հոդվածի համաձայնª ամբաստանյալ Արմեն Արայի Բորյանի պատասխանատվությունը և պատիժը ծանրացնող հանգամանքներ չկան:
ՀՀ քրեական օրենսգրքի 10-րդ հոդվածի 1-ին մասը սահմանում է ՙՀանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացի` համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար՚:
ՀՀ քրեական օրենսգրքի 48-րդ հոդվածի 2-րդ մասը սահմանում է ՙՊատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚:
ՀՀ քրեական օրենսգրքի 61-րդ հոդվածը սահմանում է ՙՀանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում` հաշվի առնելով սույն օրենսգրքի Ընդհանուր մասի դրույթները: (….): Հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները՚:
Սույն քրեական գործով Արմեն Արայի Բորյանին մեղադրանք է առաջադրվել ՀՀ քրեական օրենսգրքի 325-րդ հոդվածի 1-ին մասով, որի սանկցիան նախատեսում է հետևյալ պատժատեսակները` տուգանք` նվազագույն աշխատավարձի երկուհարյուրապատիկից չորսհարյուրապատիկի չափով, կամ ազատազրկում` առավելագույնը երկու տարի ժամկետով:
Այլընտրանքային սանկցիաների միջև ճիշտ ընտրություն կատարելու և արարքի բնույթն ու հանրային վտանգավորության աստիճանը գնահատելու հարցերին ՀՀ վճռաբեկ դատարանն անդրադարձել է Գ. Մադաթյանի գործով որոշման մեջ, որտեղ իրավական դիրքորոշում է հայտնել այն մասին, որ. ՙ(…) այլընտրանքային սանկցիաների միջև ընտրություն կատարելիս պատժի արդարացիության սկզբունքի ապահովման հիմնական երաշխիքը դատարանների կողմից յուրաքանչյուր գործի քննության ժամանակ այնպիսի հանգամանքների բացահայտումն է, որոնք ազդել են անձի կողմից կատարված արարքի հանրային վտանգավորության բնույթի և աստիճանի վրա:
Արարքի հանրային վտանգավորության բնույթը հանցագործության որակական կողմն է, այն որոշվում է մեղքի ձևի և տեսակի, հանցագործության նպատակի և շարժառիթի, ինչպես նաև քրեական օրենսդրությամբ պահպանվող հասարակական հարաբերության` հանցանքի կատարման պահին ունեցած սոցիալական նշանակության վերաբերյալ փաստական տվյալների ամբողջությամբ:
Արարքի հանրային վտանգավորության աստիճանի որոշման ժամանակ դատարանը պետք է բացահայտի կատարված հանցագործությամբ պատճառված վնասի չափը, հանցագործության կատարման եղանակը, հանցավոր մտադրության իրականացման աստիճանը, հանցակցության դեպքում` հանցավորի կատարած արարքը և հանցագործությանը նրա մասնակցության աստիճանը: (…)՚ (տե’ս Գարուշ Նորիկի Մադաթյանի վերաբերյալ 2009 թվականի փետրվարի 17-ի թիվ ԵՇԴ/0029/01/08 որոշումը):
Հաշվի առնելով ամբաստանյալ Արմեն Արայի Բորյանի կատարած արարքի հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, պատասխանատվությունն ու պատիժը ծանրացնող հանգամանքների բացակայությունը, այն որ առաջին անգամ կատարել է ոչ մեծ ծանրության հանցագործություն, խնամքին է գտնվում մինչև 14 տարեկան երեխա` 12.02.2010 թվականին ծնված Արա Արմենի Բորյանը: Ղեկավարվելով օրինականության, արդարության, պատժի անհատականացման ու մարդասիրության սկզբունքներով, դատարանը հանգում է այն համոզման, որ նպատակահարմար է Արմեն Արայի Բորյանի ՀՀ քրեական օրենսգրքի 325-րդ հոդվածի 1-ին մասով նշանակել պատիժ` տուգանքի ձևով, որով հնարավոր կլինի հասնել ՀՀ քրեական օրենսգրքի 48-րդ հոդվածով սահմանված պատժի նպատակներին` սոցիալական արդարության վերականգնմանը, պատժի ենթարկված անձի ուղղմանը և հանցագործությունների կանխմանը:
Արմեն Արայի Բորյանի նկատմամբ ընտրված խափանման միջոցը` ստորագրություն չհեռանալու մասին պետք է վերացնել դատավճիռն օրինական ուժի մեջ մտնելու պահից:
Քննարկելով իրեղեն ապացույցի տնօրինման հարցը` դատարանը գտնում է, որ քրեական գործով իրեղեն ապացույց ճանաչված SB986292 հաշվառման վկայագիրը դատավճիռն օրինական ուժի մեջ մտնելուց հետո պետք է ոչնչացնել:


Եզրափակիչ մաս.

Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 119-րդ, 309-րդ, 357-360-րդ, 365-րդ, 369-րդ, 372-րդ, 3751 և 3753-րդ հոդվածներով, դատարանը


Վ Ճ Ռ Ե Ց`

Արմեն Արայի Բորյանին մեղավոր ճանաչել ՀՀ քրեական օրենսգրքի 325-րդ հոդվածի 1-ին մասով և նրան դատապարտել տուգանքիª նվազագույն աշխատավարձի երկուհարյուրապատիկի` 200.000 /երկուհարյուր հազար/ ՀՀ դրամի չափով:
Արմեն Արայի Բորյանի նկատմամբ ընտրված խափանման միջոցը` ստորագրություն չհեռանալու մասին վերացնել դատավճիռն օրինական ուժի մեջ մտնելու պահից:
Քրեական գործով իրեղեն ապացույց ճանաչված SB986292 հաշվառման վկայագիրը ոչնչացնել դատավճիռն օրինական ուժի մեջ մտնելուց հետո:
Սույն դատավճիռը վերաքննության կարգով կարող է բողոքարկվել ՀՀ վերաքննիչ քրեական դատարան` հրապարակման պահից մեկ ամսվա ընթացքում:

ԴԱՏԱՎՈՐ` Ա. ԲԵԿԹԱՇՅԱՆ