Գործ թիվ ԵԿԴ/0199/01/14





Ո Ր Ո Շ ՈՒ Մ
քրեական գործի վարույթը կարճելու և քրեական հետապնդումը
դադարեցնելու մասին

«29» հունվարի 2015թ. ք. Երևան

Երևանի Կենտրոն և Նորք - Մարաշ վարչական շրջանների ընդհանուր իրավա¬սության դատարանը (այսուհետ` Դատարան),

նախագահությամբ դատավոր` Արշակ Վարդանյանի,
քարտուղարությամբ` Հասմիկ Արտաշեսյանի,

մասնակցությամբ`

մեղադրող, Երևանի Կենտրոն և
Նորք-Մարաշ վարչական շրջանների
դատախազության դատախազ` Տիգրան Ենոքյանի,

տուժող` Դիանա Ստեփանյանի,

նույն դատարանում` խորհրդակցական սենյակում, քննության առնելով քրեական գործն ըստ մեղադրանքի` Իսրայել Հակոբի Հակոբկոխյանի` ( ծնված 1960թ. հոկտեմբերի 21-ին, Երևան քաղաքում, ազ¬գութ¬յամբ հայ, ՀՀ քա¬ղաքացի, բարձրագույն կրթութ¬յամբ, ամուսնացած, խնամքին 4 անձ, աշխատում է որպես մարզիչ, նախ¬կինում չդատա¬պարտված, հաշվառված և բնակվում է Երևանի Տպագրիչ¬ների 13-րդ շենքի 45-րդ բնակարանում), հաշվի առնելով քրեական գործի դա¬տաքննության ընթացքում քրեական գործի վարույթը բացառող հանգամանքի ի հայտ գալու փաստը,

Պ Ա Ր Զ Ե Ց`

Մասնավոր մեղադրանքի վերաբերյալ թիվ 13131414 քրեական գործն հարուցվել է 2014թ. մարտի 25-ին` ՀՀ քրեական օրենսգրքի 185-րդ հոդվածի 1-ին մասի հատկանիշներով ՀՀ ոստի¬կա¬նության ՔԳՎ Երևան քաղաքի քննչական վարչության Կենտրոնականի քննչական բաժնում` գործով տուժող Դիանա Ստեփանյանի հաղորդման հիման վրա նախա¬պատ¬րաստված նյութերի քննարկ¬ման արդյունքներով։
2014թ. հուլիսի 11-ին Իսրայել Հակոբկոխյանի նկատմամբ որպես խափանման միջոց է ընտրվել չհե¬ռանալու վերաբերյալ ստորագրություն, նույն օրը նրան մեղադրանք է առաջադրվել ՀՀ քրեական օրենսգրքի 185-րդ հոդվածի 1-ին մասով։
2014թ. նոյեմբերի 21-ին սույն քրեական գործն Իսրայել Հակոբի Հակոբկոխյանի նկատ¬մամբ ՀՀ քրեական օրենսգրքի 185-րդ հոդվածի 1-ին մասով հաստատված մեղադրական եզրակա¬ցութ¬յամբ ուղարկվել է Երևանի Կենտրոն և Նորք-Մարաշ վարչական շրջանների ընդհանուր իրա¬վա¬¬սութ¬յան դատա¬րան, 2015թ. նոյեմբերի 25-ին ընդունվել Դատարանի վարույթ։
Համաձայն Իսրայել Հակոբկոխյանին որպես մեղադրյալ ներգրավելու որոշման, ինչպես նաև մեղադրական եզրակացության` վերջինիս մեղադրանք է առա¬ջադրվել այն բանի համար, որ նա 2014թ. հունվարի 29-ից մինչև մարտի 5-ն ընկած ժամանակահատվածում, իր հարևան` Երևանի Տպագրիչների փողոցի 13-րդ շենքի 43-րդ բնակարանի բնակչուհի Դիանա Ստեփանյանի գույքը վնասելու դիտավորությամբ, երեք անգամ ջուր է լցրել Դիանա Ստեփանյանի բնակարան, ինչի արդյունքում ջրի ներհոսքի հետևանքով վերջինիս պատճառվել է զգալի չափի` 88.814 հազար ՀՀ դրամի գույքային վնաս, որի կատարման համար Իսրայել Հակոբկոխյանին մեղադրանք է առաջադրվել ՀՀ քրեական օրենսգրքի 185-րդ հոդվածի 1-ին մասով։
2015թ. հունվարի 29-ին նշանակված հերթական դատական նիստին տուժող Դիանա Ստեփանյանը հայտնեց, որ ամբաստանյալ Իսրայել Հակոբկոխյանի նկատմամբ որևէ, այդ թվում` նյութաիրավական պահանջ չունի, վերջինիս հետ հաշտվել է` խնդրելով նրան քրեական պա¬տասխանատվության չենթարկել։
Դատական քննության ընթացքում ամբաստանյալ Իսրայել Հակոբկոխյանն իր նկատմամբ հա¬րուցված հետապնդումը վերոնշյալ ոչ ար¬դարացնող հիմքով դադարեցնելու և քրեական գործի վարույթը կարճելու դեմ չառարկեց։
Դատարանը, հաշվի առնելով տուժողի և ամբաստանյալ Իսրայել Հակոբկոխյանի վե¬րոնշյալ դիր¬քո¬րոշումները, գտնում է, որ ի հայտ է եկել քրեական գործի վարույթը բացառող հանգամանք (հիմք), որի պայմաններում քրեական գործի վարույթն ենթակա է կարճման, իսկ ամբաստանյալ Ի.Սահակյանի նկատմամբ հարուցված քրեա¬կան հետապնդումը` դադա¬րեցման, որպիսի հետևության հանգում է հետևյալ իրա¬վական վերլու¬ծութ¬յունների արդյունքներով.
ՀՀ քրեական դատավարական օրենսգրքի 33-րդ հոդվածի համաձայն` մասնավոր մե¬ղադրան¬¬քի գործեր են համարվում նույն օրենսգրքի 183-րդ հոդվածում նախատեսված հան¬ցագոր¬ծություն¬ների վերաբերյալ գործերը։
Ի թիվս ՀՀ քրեական դատավարական օրենսգրքի 183-րդ հոդվածում թվարկվածների` ՀՀ քրեական օրենսգրքի …..(…) 185-րդ հոդվածի 1-ին մասով նախատեսված հանցագործությունների վերաբերյալ գործերը ևս հարուցվում են ոչ այլ կերպ, քան տուժողի բողոքի հիման վրա, և կաս¬կած¬յալի կամ մեղադրյալի կամ ամբաստանյալի հետ նրա հաշտվելու դեպքում ենթակա են կարճման։ Հաշտությունը թույլատրվում է մինչև դատավճիռ կայացնելու համար դատարանի խորհրդակ¬ցա¬կան սենյակ հեռանալը։
ՀՀ քրեական դատավարական օրենսգրքի 35-րդ հոդվածի 1-ին մասի 5-րդ կետի համա¬ձայն` քրեական հետապնդում չի կարող իրականացվել, իսկ հարուցված քրեական գործի վա¬րույ¬թը ենթակա է կարճման, եթե ՀՀ քրեական դատավարական օրենսգրքով հատկապես նախա¬տես¬ված դեպքերում տուժողը հաշտվել է կասկածյալի կամ մեղադրյալի հետ։ Նույն հոդվածի 5-րդ մասի համաձայն` Դատա¬րա¬նը, հայտնաբերելով քրեական հետապնդումը բացա¬ռող հանգա¬մանք¬ներ, լուծում է ամբաստանյալի նկատմամբ քրեական հետապնդումը դադարեց¬նելու հարցը։
ՀՀ քրեական դատավարական օրենսգրքի 36-րդ հոդվածի համաձայն` մասնավոր հե¬տապնդման գործերի վարույթը կարճվում է և փաստվում է քրեական հետապնդում իրակա¬նաց¬նե¬լու հրաժարում, երբ տուժողն հաշտվում է մեղադրյալի հետ։
ՀՀ քրեական դատավարական օրենսգրքի 64-րդ հոդվածի 2-րդ մասի համաձայն` մե¬ղադրյալը, ում վերաբերյալ գործը նշանակված է դատական քննության, կոչվում է ամբաստանյալ, հետևաբար` ՀՀ քրեական դատավարական օրենսգրքի 35-րդ և 36-րդ հոդվածների վերոնշյալ մեկ¬նաբանությունները վերաբերելի են նաև սույն գործով ամբաստանյալի կարգավիճակ ունեցող Իսրայել Հակոբկոխյանի նկատմամբ։
ՀՀ քրեական դատավարական օրենսգրքի 294-րդ հոդվածի 2-րդ մասի համաձայն` գործով վարույթը կարճելու և/կամ քրեական հետապնդումը դադարեցնելու մասին որոշումն ընդգրկում է նախնական քննության փուլում ընտրված խափանման և վնասի հատուցման ապահովման միջոց¬ները, քրեադատավարական հարկադրանքի այլ միջոցները վերացնելու մասին որոշում, ինչպես նաև որոշում` իրեղեն ապացույցների ճակատագրի վերաբերյալ։ Տվյալ հարցին անդրադառնալով` Դատարանն արձանագրում է, որ քրեական գործով իրեղեն ապացույցներ չկան։
ՀՀ քրեական դատավարական օրենսգրքի 151-րդ հոդվածի 2-րդ մասի համաձայն` խա¬փան¬¬ման միջոցը վերացվում է, երբ վերանում է դրա անհրաժեշտությունը, հետևաբար` վե¬րոնշյալ տրա¬մաբանությամբ ամբաստանյալ Իսրայել Հակոբկոխյանի նկատմամբ ընտրված խափան¬ման միջոց չհեռանալու մասին ստորագրությունն ենթակա է անհապաղ վերացման։
Դատարանը հան¬ցա¬գործությամբ տուժող Դիանա Ստեփանյանին պատճառված վնասի հատուցման հարցն համա¬րում է լուծված` վերջինիս կողմից Դատարանում նման պահանջ ներկայացնելոց հրաժարվելու պատճառա¬բա¬նությամբ։
Վերոգրյալի հիման վրա, ղեկավարվելով ՀՀ քրեական դատավարական օրենսգրքի 35-րդ հոդվածի 1-ին մասի 5-րդ կետով, 41-րդ հոդվածի 2-րդ մասի 8-րդ կետով, 183-րդ, 294-րդ և 313-րդ հոդվածներով, ինչպես նաև 379-րդ հոդվածի 1-ին մասի 1-ին կետով, Դատարանը

Ո Ր Ո Շ Ե Ց `

1. Իսրայել Հակոբի Հակոբկոխյանի նկատմամբ ՀՀ քրեական օրենսգրքի 185-րդ հոդվածի 1-ին մասով հարուցված քրեա¬կան հետապնդումը դադարեցնել, թիվ ԵԿԴ/0199/01/14 քրեական գործի վարույթը կարճել` վերջինիս հետ տուժող Դիանա Իշխանի Ստեփանյանի հաշտութ¬յան հիմ¬քով։
2. Իսրայել Հակոբկոխյանի նկատմամբ որպես խափանման միջոց ընտրված չհեռա¬նալու մասին ստորագրությունն անհապաղ վերացնել։
3. Տուժող Դիանա Ստեփանյանին պատճառված վնասի հատուցման հարցն համարել լուծ¬ված` Դատարանում դրանից հրաժարվելու պատճառաբանությամբ։
4. Սույն որոշման օրինակներն հանձնել կողմերին` պարզաբանելով, որ այն կարող է բողո¬քարկ¬վել ՀՀ վերաքննիչ քրեական դատարան` հրապարակման օրվանից մեկամսյա ժամ¬կետում։



ԴԱՏԱՎՈՐ` Ա.ՎԱՐԴԱՆՅԱՆ