ԵԿԴ/0195/01/14





ՈՐՈՇՈՒՄ
ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ԵՎ
ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ՎԵՐԱԲԵՐՅԱԼ ՄԻՋՆՈՐԴՈՒԹՅՈՒՆԸ ՔՆՆՈՒԹՅԱՆ ԱՌՆԵԼՈՒ ՄԱՍԻՆ


«20ե փետրվարի 2015թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը` նախագահող դատավոր Արմեն Բեկթաշյան, քարտուղարությամբ Լիանա Ոսկանյանի, Սուսաննա Պետրոսյանի մասնակցությամբ մեղադրող Գարեգին Մանուկյանի, ամբաստանյալ Նվեր Սաղումյանի, պաշտպան Էդուարդ Աղաջանյանի, տուժող Արման Բաբայանի, դռնբաց դատական նիստում քննելով քրեական գործն ըստ մեղադրանքի Նվեր Ասատուրի Սաղումյանի (ծնված 1987 թվականի օգոստոսի 08-ին Լոռու մարզի Վանաձոր քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին մեկ անչափահաս երեխա, փաստացի բնակվում է Վանաձոր, Տավրոսի 18-րդ փողոցի, 21-րդ տանը որպես խափանման միջոց ընտրվել է ստորագրություն չհեռանալու մասին)` ՀՀ քրեական օրենսգրքի 242-րդ հոդվածի 1-ին մասով, դռնբաց դատական նիստում քննելով` թիվ ԵԿԴ/0195/01/14 քրեական գործի վարույթը կարճելու և քրեական հետապնդումը դադարեցնելու մասին տուժող Արման Բաբայանի միջնորդությունը,

ՊԱՐԶԵՑ

2014 թվականի օգոստոսի 18-ին Երևան քաղաքի քննչական վարչության ՃՏՀ քննության բաժնի քննիչ Բ.Սարգսյանի որոշմամբ Նվեր Ասատուրի Սաղումյանի կողմից ավտովթար կատարելու, <<ԲՄՎ>> մակնիշի ավտոմեքենայի ուղևոր Արման Հովհաննեսի Բաբայանին անզգուշությամբ կյանքին վտանգ սպառնացող ծանր մարմնական վնասվածքներ պատճառելու դեպքի առթիվ նախապատրաստված նյութերով՝ ՀՀ քրեական օրենսգրքի 242-րդ հոդվածի 1-ին մասով նախատեսված հանցագործության հատկանիշներով հարուցվել և վարույթ է ընդունվել թիվ 60114414 քրեական գործը։
2014 թվականի օգոստոսի 18-ին Երևան քաղաքի քննչական վարչության ՃՏՀ քննության բաժնի քննիչ Բ.Սարգսյանի որոշմամբ թիվ 60114414 քրեական գործով Արման Բաբայանը ճանաչվել է տուժող։
2014 թվականի հոկտեմբերի 14-ին Երևան քաղաքի քննչական վարչության ՃՏՀ քննության բաժնի ավագ քննիչ Ա.Ճանճապանյանի որոշմամբ թիվ 60114414 քրեական գործով Անահիտ Խաչատրյանը ճանաչվել է տուժողի օրինական ներկայացուցիչ։
2014 թվականի նոյեմբերի 05-ին Երևան քաղաքի քննչական վարչության ՃՏՀ քննության բաժնի ավագ քննիչ Ա.Ճանճապանյանի որոշմամբ թիվ 60114414 քրեական գործով Նվեր Ասատուրի Սաղումյանը ներգրավել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 242-րդ հոդվածի 1-ին մասով այն բանի համար, որ նա 2014 թվականի օգոստոսի 08-ին, ժամը 14։30-ի սահմաններում, իր անձնական օգտագործման <<Միցուբիշի> մակնիշի 26 OS 130 պետհամարանիշի ավտոմեքենայով երթևեկել է Երևան քաղաքի Ալեք Մանուկյան փողոցի կողմից Իսահակյան փողոցով Աբովյան փողոցի ուղղությամբ։ Հասնելով Իսահակյան և Նալբանդյան փողոցների հատման խաչմերուկին, խախտելով ՃԵԿ-ի 96 կետը և <<Ճանապարհային երթևեկության անվտանգության ապահովման մասին>> ՀՀ օրենքի 23 հոդվածի 3-րդ կետի պահանջները` այն է, իրականացրել է իր վարած ավտոմեքենայի ոչ պատշաճ և վտանգավոր կառավարում` երթևեկության ժամանակ ուշադրությունը շեղելով ճանապարհատրանցպորտային իրադրությունից, տվյալ խաչմերուկ մուտք գործելիս, իր ընթացքի ուղղության համար ՃԵԿ-ի 2.4` <<Զիջեք ճանապարհը>> ճանապարհային նշանի առկայության պայմաններում, ճանապարհը չի զիջել գլխավոր ճանապարհով` Նալբանդյան փողոցով ընթացող, Տիգրան Մխիթարյանի վարած <<ԲՄՎ>> մակնիշի 35 TM 555 պետհամարանիշի ավտոմեքենային, որի հետևանքով առջևի մասով ընդհարվել է նշված ավտոմեքենայի նախ կողային հատվածին, որից հետո <<ԲՄՎ>> մակնիշի 35 TM 555 պետհամարանիշի ավտոմեքենան, կորցնելով կառավարելիությունը, ինքնաբերաբար ընթացել է դեպի աջ և ընդհարվել է մայթեզրի մոտ կայանված` Նաիրի Գալստյանին պատկանող <<Ֆոլկսվագեն-Գոլֆ>> մակնիշի 10ZZ303 պետհամարանիշի ավտոմեքենայի ուղևոր Արման Բաբայանի առողջությանն անզգուշությամբ պատճառել է կյանքին վտանգ սպառնացող ծանր վնաս։
2014 թվականի նոյեմբերի 05-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի ավագ քննիչ Ա.Ճանճապանյանի որոշմամբ թիվ 60114414 քրեական գործով Նվեր Սաղումյանի նկատմամբ որպես խափանման միջոց է ընտրվել ստորագրություն չհեռանալու մասին։
2014 թվականի նոյեմբերի 18-ին Նվեր Ասատուրի Սաղումյանի վերաբերյալ թիվ 60114414 քրեական գործը մեղադրական եզրակացությամբ ուղարկվել է Դատարան, որտեղ քրեական գործին շնորհվել է ԵԿԴ/0195/01/14 համարը։
2014 թվականի փետրվարի 19-ին տուժող Արման Բաբայանի կողմից դատարան է ստացվել դիմում `<<Ձեր վարույթում գտնվող թիվ ԵԿԴ/0195/01/14 քրեական գործի շրջանակներում հանդիսանում եմ տուժող; Հայտնում եմ Ձեզ որ մեղադրյալ Նվեր Ասատուրի Սաղումյանը ամբողջությամբ հարուցել է ինձ պատճառված վնասը և ես հաշտվել եմ նրա հետ։ Ես որևէ բողոք չունեմ Նվեր Ասատուրի Սաղումյանի նկատմամբ և չեմ ցանկանում որպեսզի նա ենթարկվի քրեական պատասխանատվության; Ես ներել եմ վերջինիս և խնդրում եմ Ն.Սաղումյանի նկատմամբ հարուցված քրեական գործը կարճել>>։
Դատական քննության ժամանակ տուժող Արման Բաբայանը պնդեց իր կողմից դատարան ներկայացված դիմումը և հայտնեց, որ հաշտվել է ամբաստանյալ Նվեր Սաղումյանի հետ և նրա նկատմամբ բողոք-պահանջ չունի և գիտակցում է հաշտվելու հետևանքները։
Դատական քննության ժամանակ ամբաստանյալ Նվեր Սաղումյանը հայտնեց, որ ինքը նույնպես հաշտվել է տուժող Արման Բաբայանի հետ և գիտակցում է հաշտվելու հետևանքները։
Մեղադրող` Գ.Մանուկյանը չառարկեց ներկայացված միջնորդության դեմ։
ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետի համաձայն` քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե ՀՀ քրեական դատավարության օրենսգրքով նախատեսված դեպքերում տուժողը հաշտվել է մեղադրյալի հետ։
ՀՀ քրեական դատավարության օրենսգրքի 183-րդ հոդվածի 1-ին մասի համաձայն` ՀՀ քրեական օրենսգրքի 242-րդ հոդվածի 1-ին մասով նախատեսված հանցագործությունների վերաբերյալ գործերը հարուցվում են ոչ այլ կերպ, քան տուժողի բողոքի հիման վրա, և կասկածյալի կամ մեղադրյալի կամ ամբաստանյալի հետ նրա հաշտվելու դեպքում ենթակա են կարճման։ Հաշտությունը թույլատրվում է մինչև դատավճիռ կայացնելու համար դատարանի խորհրդակցական սենյակ հեռանալը։
Դատարանը, նկատի ունենալով, որ տուժող Արման Բաբայանը և ամբաստանյալ Նվեր Սաղումյանը հաշտվել են միմյանց հետ, գտնում է, որ թիվ ԵԿԴ/0195/01/14 քրեական գործի վարույթը պետք է կարճել և ամբաստանյալ Նվեր Սաղումյանի նկատմամբ ՀՀ քրեական օրենսգրքի 242-րդ հոդվածի 1-ին մասով քրեական հետապնդումը պետք է դադարեցնել։
Դատարանը գտնում է, որ ամբաստանյալ Նվեր Սաղումյանի նկատմամբ ընտրված խափանման միջոցը` չհեռանալու մասին ստորագրությունը, պետք է վերացնել` մինչև սույն որոշման օրինական ուժի մեջ մտնելու պահից։
Ելնելով վերոգրյալից և ղեկավարվելով ՀՀ քրեական դատավարության օրենսգրքի 35-րդ, 41-րդ, 183-րդ և 313-րդ հոդվածներով` Դատարանը


ՈՐՈՇԵՑ

Թիվ ԵԿԴ/0195/01/14 քրեական գործի վարույթը կարճել և Նվեր Սաղումյանի նկատմամբ ՀՀ քրեական օրենսգրքի 242-րդ հոդվածի 1-ին մասով քրեական հետապնդումը դադարեցնել` տուժող Արման Բաբայանի հաշտվելու հիմքով։
Ամբաստանյալ Նվեր Սաղումյանի նկատմամբ ընտրված խափանման միջոցը` չհեռանալու մասին ստորագրությունը, վերացնել որոշումը օրինական ուժի մեջ մտնելու պահից։
Սույն որոշումը կարող է բողոքարկվել Հայաստանի Հանրապետության վերաքննիչ քրեական դատարան` հրապարակման օրվանից մեկամսյա ժամկետում։


ԴԱՏԱՎՈՐ Ա.ԲԵԿԹԱՇՅԱՆ


Ծանոթագրություն – սույն որոշումը չի բողոքարկվել և 23.03.2015թ. մտել է օրինական ուժի մեջ։


ԴԱՏԱՎՈՐ` Ա. ԲԵԿԹԱՇՅԱՆ