Գործ թիվ ԵԿԴ/0190/01/14






ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևանի Կենտրոն և Նորք-Մարաշ վարչական շրջանների ընդհանուր իրավա¬սության դա¬տարանը (այսուհետ` Դատարան),

նախագահությամբ դատավոր` Արշակ Վարդանյանի,
քարտուղարությամբ` Ժենյա Ավետիսյանի,

մասնակցությամբ`

մեղադրող, Երևանի Կենտրոն
և Նորք-Մարաշ վարչական
շրջանների դատախազության
դատախազ` Արթուր Մանուկյանի,

պաշտպաններ` Գիվի Հովհաննիսյանի (ամբ.Դ.Սիմոնյանի),
Արմեն Խաչատրյանի (ամբ.Դ.Բադալյանի),



2014թ. դեկտեմբերի 2-ին դռնբաց դատական նիստում արա¬գաց¬ված դա¬տա¬կան քննության կար¬գով քննեց և ավարտեց քրեական գործն ըստ մե¬ղադ¬րանքի`
1. Դավիթ Աշոտի Սիմոնյանի` (ծնված 1984թ. ապրիլի 6-ին, Երևան քաղաքում, ազ¬գութ¬¬¬յամբ հայ, ՀՀ քաղա¬քա¬ցի, բարձրագույն կրթու¬թ¬յամբ, ամուսնացած, նախ¬կինում չդատապարտ¬ված, աշ¬խա¬¬¬տում է «Գանձաղբյուր» ՍՊ ընկերությունում` որպես գործադիր տնօրեն, հաշ¬վառ¬¬ված և բնակվում է Երևա¬նի Թու¬մանյան փողոցի թիվ 11Ա շենքի 69-րդ բնակարանում) և
2. Դավիթ Արամի Բադալյանի` (ծնված 1993թ. հունիսի 23-ին, Երևան քաղաքում, ազ¬գութ¬¬¬յամբ հայ, ՀՀ քաղա¬քա¬ցի, սովորում է Երևանի պետական տնտեսագի¬տական համալսարանի 3-րդ կուրսում, ամուրի, նախ¬կինում չդատապարտ¬ված, չի աշ¬խա¬¬¬տում, հաշ¬վառ¬¬ված է Երևա¬նի Լազոյի 6-րդ շենքի 40-րդ տանը, փաստացի բնակվում է Երևանի Վարդանանց 5Ա շենքի 166-րդ բնակարանում)։

1. Գործի դատավարական նախապատմությունը.
Թիվ 15803913 քրեական գործն հարուցվել է ՀՀ քրեական օրենսգրքի 266-րդ հոդվածի 1-ին մասի հատկանիշներով 2013թ. դեկտեմբերի 19-ին ՀՀ ոստիկա¬նության ՔԳՎ Երևանի Կենտրոնականի քննչա¬կան բաժնում` անհայտ անձի կողմից Դավիթ Բադալյանին զգալի չափի «մարիխուանա» տեսակի թմրա¬միջոց ապօրինաբար իրացնելու և Արա Մելիքսեթյանի կողմից առանց իրացնելու նպատակի ապօրի¬նա¬բար զգալի չափի թմրա¬միջոց պա¬հելու դեպքերի առթիվ։
2014թ. հունվարի 16-ին Դավիթ Սիմոնյանի, իսկ 2014թ. հունվարի 18-ին` Դավիթ Բադալյանի նկատմամբ որպես խափանման միջոց է ընտրվել չհեռանալու մասին ստորագրություն։
2014թ. հունվարի 23-ին Դավիթ Սիմոնյանին մեղադրանք է առաջադրվել ՀՀ քրեական օրենսգրքի 268-րդ հոդվածի 1-ին մասով։
2014թ. հունվարի 25-ին Դավիթ Բադալյանին մեղադրանք է առաջադրվել ՀՀ քրեական օրենսգրքի 268-րդ հոդվածի 1-ին մասով։
2014թ. հոկտեմբերի 23-ին նախաքննական մարմինը որոշում է կայացրել Դավիթ Բադալյանին և Դավիթ Սիմոնյանին թմրամիջոց իրացրած անձի վերաբերյալ մասն սույն քրեական գործից առանձնաց¬նելու և նախաքննությունը թիվ 15803913/1 համարով շարունակելու մասին։
2014թ. նոյեմբերի 5-ին քրեական գործն Դավիթ Աշոտի Սիմոնյանի և Դավիթ Արամի Սիմոնյանի նկատմամբ ՀՀ քրեա¬կան օրենսգրքի 268-րդ հոդվածի 1-ին մասով հաստատված մեղադրական եզրա¬կա¬ցությամբ ուղարկվել է Երևանի Կենտ¬¬րոն և Նորք-Մարաշ վարչական շրջանների ընդ¬հանուր իրավա¬սութ¬յան դա¬տարան, 2014թ. նոյեմբերի 11-ին ընդուն¬¬վել է վարույթ և նշանակվել դատական քննության։

2. Առաջադրված մեղադրանքի բովանդակությունը.
Նախաքննական մարմինն ամբաստանյալ Դավիթ Սիմոնյանին մեղադրանք է առա¬ջադրել այն բանի համար, որ նա «2013թ. դեկտեմբերի 10-ին, երեկոյան «մարիխուանա» տեսակի թմրամիջոց համա¬տեղ ձեռք բերելու և օգտագործելու շուրջ նախնական համաձայնության գալով Դավիթ Արամի Բադալ¬յանի հետ, իր կողմից շահագործվող «Տոյոտա» մակնիշի ավտոմեքենայով Երևան քաղաքի Թումանյան փողոցից գնացել են Ա.Խաչատրյան և Վ.Վաղարշյան փողոցների հատման մասի մոտակայք, որտեղ Դ.Բադալյանը հանդիպելով իր ծանոթ Լևոն անունով անձնավորության կողմից ուղարկված` ինքնութ¬յունը չպարզված անձին, 100.000 ՀՀ դրամ գումարով գնելու միջոցով ապօրինի ձեռք են բերել զգալի չափի` 0,52 գրամ «մարիխուանա» տեսակի թմրամիջոց։ Դրանից հետո Դ.Սիմոնյանը հիշյալ թմրամի¬ջոցից առանձնացրել է 0,16 գրամ «մարիխուանա» տեսակի թմրամիջոցը, գործածելու համար դրան խառ¬նել է ծխախոտի մասինիկներ, իսկ մնացած` 0,36 գրամ թմրամիջոցն իր և Դ.Բադալյանի կողմից հե¬տագա գործածման համար պահել է ավտոմեքենայի սրահում։
Նույն օրը` ժամը 21.20-ի սահմաններում, ՀՀ ոստիկանության աշխատակիցները Երևան քաղաքի Բաղրամյան պողոտայի թիվ 21 հասցեի մոտակայքից Դավիթ Սիմոնյանին, Դավիթ Բադալյանին և Գևորգ Ասատրյանին բերման են ենթարկել ՀՀ ոստիկանության Երևան քաղաքի վարչություն, որտեղ Դ.Սիմոնյանի կողմից շահագործվող «Տոյոտա» մակնիշի 34 TS 642 հաշվառման համարանիշի ավտո¬մեքենայի զննությամբ վերջինիս և Դ.Բադալյանի կողմից ապօրինաբար ձեռք բերված և պահվող զգալի չափի` 0.52 գրամ «մարիխուանա» տեսակի թմրամիջոցը հայտնաբերվել է»։
Վերոնշյալ հանցավոր արարքների կատարման համար ամբաստանյալ Դավիթ Սիմոնյանին և Դավիթ Բադալյանինմեղադրանքներ են առաջադրվել ՀՀ քրեական օրենսգրքի 268-րդ հոդվածի 1-ին մա¬սով։

3. Արագացված դատական քննություն.
Մինչ դատաքննություն սկսելն ամբաստանյալներ Դավիթ Սիմոնյանը և Դավիթ Բադալյանը միջնորդեցին գործը քննել դա¬տա¬կան քննության արագացված կարգով` հայտարարելով, որ վերը նշված միջ¬նոր¬¬դութ¬յունը ներկա¬յաց¬նում են կամավոր` նախա¬պես խորհրդակցելով իրենց պաշտպանների հետ, գիտակ¬ցում են արա¬գացված կարգով դատաքննութ¬յուն անցկացնելու իրավական հետևանք¬ները։ Ամբաս¬¬տան¬յալները հայտարարեցին նաև, որ առաջադրված մե¬ղադրանքն իրենց պարզ և հասկանալի է, հա¬մա¬ձայն են դրա հետ, ավելին` առա¬ջադրված մեղադրանքում իրենց լիովին մեղավոր են ճանա¬չում։
Քննության առնելով ամբաստանյալներ Դավիթ Սիմոնյանի և Դավիթ Բադալյանի վերոնշյալ միջ¬նոր¬դութ¬յունը, հաշվի առ¬նելով այն, որ մեղադրողը, փոխելով սկզբնական դիրքորոշումը, Դատարանում չառարկեց գործն արա¬գաց¬ված դա¬տաքննութ¬յան կարգով քննելու դեմ, նկատի ունենալով, որ ամ¬բաս¬տան¬յալները չա¬փահաս և մեղ¬սունակ են, փաստելով, որ առկա են ՀՀ քրեական դատա¬վա¬րության օրենսգրքի 375.1 և 375.2 հոդ¬ված¬ներով նախա¬տեսված` գործն արագացված դա¬տաքննութ¬յան կարգով քննելու հիմ¬քն ու բոլոր պայման¬ները` Դա¬տա¬¬րա¬նը, համապա¬տաս¬¬խան որոշ¬ման կայացմամբ, գործը քննեց արա¬գաց¬ված դա¬տաքննութ¬յան կար¬գով։

4. Դատարանի իրավական վերլուծությունները.
ՀՀ քրեական օրենսգրքի 268-րդ հոդվածի 1-ին մասով ամբաստանյալներ Դավիթ Սիմոնյանին և Դավիթ Բադալյանին առա¬¬ջադրված մեղադրանքը, բացի վերջիններիս նախաքննական ցուց¬¬մունքներից, Դատա¬րանն հաս¬տատված հա¬մա¬րեց վկա Գևորգ Ասատրյանի ցուցմունքներով, դատաքիմիական փոր¬ձաքննության 2013թ. դեկտեմբերի 12-ի թիվ 626Ք, տոքսիկո¬քի¬միա¬կան փորձաքննությունների 2013թ. դեկտեմբերի 18-ի թիվ Հմ1095, Հմ1096 և Հմ1097 եզրակացություններով, բջջային հեռախոսազանգերի վերծանումների զննության մասին 2014թ. հոկտեմբերի 21-ին կազմված արձանագրությամբ, որպես ա¬պա¬ցույց ճանաչված և գործին կցված փաստաթղթերով` Դավիթ Սիմոնյանին և Դավիթ Բադալյանին բերման ենթարկելու մասին 2013թ. դեկտեմբերի 10-ին կազմված զեկուցագրով, ավտոմեքենայի զննութ¬յան վերաբերյալ 2013թ. դեկտեմբերի 10-ին կազմված արձանագրությամբ, իրեղեն ապացույց ճանաչ¬ված և գործին կցված 0,09 և 0,26 գրամ «մա¬րիխունա» տե¬սակի թմրամիջոցի առկա¬յութ¬¬յամբ։
Նախաքննությամբ ձեռք բերված վերոնշյալ ապացույցները գնահատելիս` Դատարա¬նը եկավ այն հետևության, որ ամբաստանյալներ Դավիթ Սիմոնյանին և Դավիթ Բադալյանին առաջադրված մեղադ¬րանքների հիմ¬քում դրված այդ ապա¬ցույցներն ըստ էության հա¬մա¬պա¬տաս¬խանում են ՀՀ քրեա¬կան դա¬տա¬վա¬րութ¬յան օրենսգրքով սահ¬ման¬ված թույլատրելիության և վերա¬բերե¬լիության, իսկ համակ¬ցութ¬¬¬յամբ գործի ճիշտ լուծման տես¬անկյու¬¬նով` բավարա¬րութ¬յան չափա¬նիշներին։
Դատա¬րա¬նը հաստատված է համարում այն, որ ամբաստանյալներ Դավիթ Սիմոնյանը և Դավիթ Բադալյանը նրանց մեղ¬սագրվող հանցավոր արարքները` նախնական համաձայնության շրջանակներում առանց իրացնելու նպատակի զգալի չափի թմրամիջոց ապօրինաբար ձեռք բերելը և պահելը, ՀՀ քրեա¬կան օրենսգրքի 268-րդ հոդ¬վածի 1-ին մասով որակված է ճիշտ, ամբաս¬տան¬յալները քրեա¬կան պատաս¬խա¬նատ¬վության ու պատժի ենթա¬կա են վերոնշյալ հոդվածի համապատասխան մասով։
Ամբաստանյալներ Դավիթ Սիմոնանի և Դավիթ Բադալյանի նկատմամբ նշանակվող պատժի տեսակը և չափը որո¬շելիս Դատարանն հաշվի է առնում հետևյալը.
ՀՀ քրեական օրենսգրքի 48-րդ հոդվածի 2-րդ մասի համաձայն՝ պատժի նպատակն է վերա¬կանգ¬նել սոցիալական արդարությունը, ուղղել պատժի ենթարկված անձին, ինչպես նաև կանխել հանցա¬գոր¬ծությունները։
ՀՀ քրեական օրենսգրքի 10-րդ հոդվածի համաձայն` հանցանք կատարած անձի նկատ¬մամբ կի¬րառ¬վող պատիժը և քրեաիրավական ներգոր¬ծության այլ միջոց¬ները պետք է լինեն արդարացի, համա¬պա¬տասխանեն հանցանքի ծան¬րութ¬յանը, այն կատարելու հանգա¬մանք¬ներին, հանցավորի անձնա¬վո¬րութ¬յանը, անհրա¬ժեշտ և բավարար լինեն նրան ուղղելու և նոր հանցա¬գործությունները կան¬խելու հա¬մար։
ՀՀ քրեական օրենսգրքի 61-րդ հոդվածի 1-ին մասն սահմանում է, որ հանցագործության համար մեղավոր ճանաչված անձի նկատմամբ նշանակվում է արդարացի պատիժ, իսկ նույն հոդվածի 2-րդ մասի համաձայն՝ պատժի տեսակը և չափը որոշվում են հանցագործության՝ հան¬րության համար վտան¬գավորության աստիճանով և բնույթով, հանցավորի անձը բնու¬թագրող տվյալ¬ներով, այդ թվում՝ պատաս¬խա¬նատվությունը և պատիժը մեղմացնող կամ ծան¬րացնող հանգամանքներով։ Նույն հոդ¬վածի 3-րդ մասի համաձայն` հանցագործության համար նա¬խա¬տեսված պատիժներից առավել խիստը նշա¬նակվում է, եթե նվազ խիստ տեսակը չի կարող ապահովել պատժի նպատակները։
Օրենքի և դատարանի առջև հավասարության սկզբունքն ամրագրած ՀՀ քրեական դա¬տա¬վա¬րական օրենսգրքի 8-րդ հոդվածի համաձայն՝ որոշակի փաստական հանգամանքներ ունեցող գործով ՀՀ Վճռաբեկ դատարանի կամ Մարդու իրավունքների եվրոպական դատա¬րա¬նի դատական ակտի հիմ¬նավորումները, այդ թվում՝ օրենքի մեկնաբանությունները, պար¬տադիր են դատարանի համար նույ¬նան¬ման փաստական հանգամանքներով այլ գործի քննության ժամանակ։
ՀՀ Վճռաբեկ դատարանը, Ա.Պապիկյանի վերաբերյալ 2007թ. հոկտեմբերի 26-ի ՎԲ-149/07 գոր¬ծով մեկնաբանելով ՀՀ քրեական օրենսգրքի 62-րդ հոդվածի 2-րդ մասով նախա¬տես¬ված իրա¬վանորմը, նշել է, որ այն Դատարանին օժտել է անձի պատասխա¬նատվությունը մեղմացնող հան¬գամանքների կիրառման լայն հայեցողությամբ, քանի որ պա¬տիժ նշանակելիս Դատարանը կարող է հաշվի առնել նաև մեղ¬մացնող այնպիսի հանգա¬մանք¬ներ, որոնք նույն հոդվածի առաջին մասում նշված չեն։
Դատարանը րպես ամբաստանյալ Դավիթ Սիմոնյանի անձը դրականորեն բնու¬թագրող տվյալներ է գնա¬հա¬տում` նախ¬կինում դատա¬պարտված չլինելը (ՀՀ ոստիկանության ինֆորմացիոն կենտրոն 2014թ. փետրվարի 5-ի դրությամբ կատարված ստուգ¬ման արդյունքներով), երիտասարդ լինելը (ծնվել է 1984թ. ապրիլի 6-ին), ամուսնացած լինելը (համաձայն` 2014թ. ապրիլի 15-ի թիվ 116888 ամուսնության վկա¬յականի պատճենի) իսկ որպես պատասխանատվությունը և պա¬տի¬ժը մեղմացնող հանգա¬մանքներ` իրեն լիովին մեղավոր ճանաչելն ու կատարածի համար զղջալը, աշխատանքի վայրում դրա¬կա¬նորեն բնութագրվելը (համաձայն «Գանձաղբյուր» ՍՊ ընկերության տնօրենի տեղակալի կողմից տրված բնու¬թագրի)։
Դատարանը որպես ամբաստանյալ Դավիթ Բադալյանի անձը դրականորեն բնու¬թագրող տվյալ¬ներ է գնա¬հատում` նախ¬կինում դատա¬պարտված չլինելը (ՀՀ ոստիկանության ինֆորմացիոն կենտրոն 2014թ. փետրվարի 5-ի դրությամբ կատարված ստուգ¬ման արդյունքներով), երիտասարդ լինելը (ծնվել է 1993թ. հունիսի 23-ին), իսկ որպես պատասխանատվությունը և պա¬տի¬ժը մեղմացնող հանգա¬մանքներ` իրեն լիովին մեղավոր ճանաչելն ու կատարածի համար զղջալը, բնակության վայրում դրականորեն բնու¬թագրվելը (համաձայն «Ղարս» համատիրության նախագահ Ե.Ասատրյանի կողմից հաստատված բնու¬թագրի)։
Պատասխանատվությունը և պատիժը մեղմացնող վերոնշյալ հանգամանքներն հաս¬տատված են գործով ձեռք բերված և դատաքննությամբ հետա¬զոտված, թույլատրելիութ¬յան ու վերաբերելիության չա¬փանիշներին համապատասխանող ապացույց¬ներով և ող¬ջամտո¬րեն նվազեցնում են ամբաստանյալներ Դավիթ Սիմոնյանի և Դավիթ Բադալյանի հանրային վտան¬գավո¬րությունը։
Դատաքննությամբ ուսումնասիրված ապացույցների` տոքսիկոքիմիական փորձաքննությունների 2013թ. դեկտեմբերի 18-ի թիվ 1095 և 1096 եզրակացությունների համաձայն` Դավիթ Սիմոնյանից և Դավիթ Բադալյանից վերցված մեզի և մազի փոր¬ձանմուշներում հայտնաբերվել են կանաբիսի խմբին պատ¬կանող թմրամիջոցի թմրալկալոիդների հետքեր։ Դա¬տա¬րանը, ղեկավարվելով ՀՀ քրեական դա¬տա¬¬վա¬րական օրենսգրքի 63-րդ հոդ¬վածի 2-րդ մասի պա¬հան¬ջով և ելնելով ամբաստանյալներ Դավիթ Սիմոնյանին և Դավիթ Բադալյանին մեղ¬սագրվող հանցա¬գոր¬ծութ¬յան բնույթից, հաշվի առնե¬լով, որ Դա¬տա¬րանի համոզմամբ թմրամիջոցի գոր¬ծածումը չի նպաստել ամբաս¬տանյալներին մեղսագրվող հան¬ցանքի կատար¬մանը, թմրամի¬ջոցի ազդեցության տակ մեղսագրվող հան¬ցանք կա¬¬տա¬րելը որպես նրան¬ցից յուրաքանչյուրի պատաս¬խա¬նատ¬վությունը և պա¬տիժը ծանրացնող հանգա¬մանք չի գնա¬հատում։
Այսպիսով, ամբաստանյալների պատասխանատվությունը և պա¬տիժը ծան¬րաց¬նող հանգա¬մանք¬ներ Դատարանը չարձանագրեց։
Պատժի նպատակներն ապահովելու տեսանկյու¬նով անդրադառնալով ամբաս¬տանյալներ¬ Դավիթ Սիմոնյանի և Դավիթ Բադալյանի նկատմամբ նշանակվող պատժին` Դա¬տա¬րանը փաստում է, որ ՀՀ քրեական օրենսգրքի 268-րդ հոդ¬վածի 1-ին մասով սահմանված հան¬ցա¬¬¬կազ¬մի պատժամասն այլ¬ընտրան¬¬քային է, նախա¬տեսում է պատժատեսակներ, որոնք ուղեկց¬վում են հասա¬րակութ¬յունից անձի մեկու¬¬սաց¬մամբ, հետևա¬բար` քննարկման ենթակա է ամբաստանյալների նկատմամբ նշանակ¬վող պատ¬ժա¬տեսակի ընտ¬րության, պատժաչափի և պատիժը ռեալ կրելու կամ չկրելու հարցերը։
Դատարանը փաստում է նաև« որ տվյալ դեպքում ՀՀ քրեական օրենսգրքի 64-րդ հոդ¬վածի տես¬անկյու¬նով բացառիկ հան¬գա¬մանքների բացա¬կայությունը« ազա¬տազրկման նվազագույն չափից ավելի ցածր պատիժ նշա¬նակելու հիմքերը բացա¬կա¬յում են« իսկ ամբաստանյալների անձը դրականորեն բնու¬թագրող« պատասխանատ¬վությունն ու պատիժը մեղ¬մացնող հանգամանքներն անհրաժեշտ է հաշվի առ¬նել նրանցից յուրաքանչյուրի նկատմամբ նշանակվող վերջնական պատժի կրման անհրա¬ժեշտութ¬յան հար¬ցը քննարկելիս։
ՀՀ քրեական օրենսգրքի 70-րդ հոդվածի 1-ին մասի համաձայն` եթե դատարանը կա¬լանքի« ազատազրկման կամ կարգապահական գումարտակում պահելու ձևով պատիժ նշա¬նակելիս հանգում է հետևության« որ դատապարտյալի ուղղվելն հնարավոր է առանց պա¬տիժը կրելու« ապա կարող է որո¬շում կայացնել այդ պատիժը պայմանականորեն չկիրառելու մասին։ Նույն հոդվածի 2-րդ մասի համա¬ձայն` պատիժը պայմանականորեն չկիրառելիս դատա¬րանը հաշվի է առնում հանցավորի անձը բնութագրող տվյալները« պատաս¬խա¬նատվութ¬յունը և պատիժը մեղմացնող և ծանրացնող հանգա¬մանք¬ները։
ՀՀ քրեական օրենսգրքի վերոնշյալ դրույթների մեկնաբանությունից ակնհայտ է« որ պա¬տիժը պայմանականորեն չկիրառելու հետ կապված ինչպես հանցագործությունների տեսակ¬նե¬րի« հանցավոր արարքի վտանգավորության աստիճանի ու բնույթի« այնպես էլ անձանց շրջա¬նակի հետ կապ¬ված որևէ հա¬տուկ սահմանափակում օրենսդիրը չի նախատեսել« այսինքն` պատի¬ժը պայմանականորեն չկի¬րա¬ռելու հիմք է համարվում դատարանի համոզ¬վածությունն առ այն« որ դատապարտյալի ուղղվելն հնա¬րա¬վոր է առանց որոշակի պատժա¬տեսակները ռեալ կրե¬լու (նման մեկնաբանություն է արել նաև ՀՀ Վճռա¬բեկ դատա¬րանը Հասմիկ Պետրոսյանի վերա¬բերյալ թիվ ԱՐԱԴ/0050/01/08 քրեական գործով 2009թ. հունիսի 29-ին կայացրած որոշմամբ)։
Դատարանի այդ համոզվածությունը կարող է կայանալ պատասխանատվությունը և պա¬տիժը մեղմացնող« ՀՀ քրեական օրենսգրքի 62-րդ հոդվածով նախատեսված (ինչպես նաև չնախատեսված« բայց Դատարանի համոզմամբ այդ¬պիսին դիտարկվող) և 63-րդ հոդվածում սպառիչ թվարկված« պա¬տաս¬խանատվությունը և պատիժը ծանրացնող հանգամանքների գնա¬հատման արդյունքներով։
Հաշվի առնելով ամբաստանյալներ Դավիթ Սիմոնյանի և Դավիթ Բադալյանի անձը դրականորեն բնութագրող տվյալ¬ները, պատասխանատվությունը և պատիժը մեղմացնող հանգամանքները` նախ¬կի¬նում դա¬տա¬պարտ¬ված չլինելու հանգամանքը, Դատա¬րա¬նում անկեղծորեն զղջալն ու առաջադրված մե¬ղադրանքում իրենց մե¬ղա¬վոր ճանաչելը, երիտասարդ տա¬րի¬քը, նրանց վե¬րագրվող հանցագոր¬ծութ¬յան բնույթն ու վտանգա¬վո¬րութ¬յան աստի¬ճանը, թմրամիջոցի տեսակը և քաշը, ամբաստանյալ Դավիթ Սիմոն¬յանի դեպքում` ամուսնացած լինելը, իսկ Դավիթ Բադալյանի դեպքում` ուսանող հանդիսանալը, ինչպես նաև պատասխանատվությունն ու պա¬տիժը ծանրաց¬նող հանգա¬մանք¬ների բացակայությունը` Դատա¬րա¬նը հանգում է այն համոզվա¬ծության« որ ամբաստանյալներ Դավիթ Սիմոնյանի և Դավիթ Բադալյանի ուղղվե¬լը և նոր հանցա¬գործությունների կանխումն հնա¬րավոր է նրանցից յուրաքանչյուրի նկատմամբ առավել խիստ պա¬տիժ` ազատազրկում նշա¬նակելու« սակայն այդ պատիժը պայմա¬նա¬կանորեն չկիրա¬ռելու և միաժամանակ ողջամիտ« տվյալ դեպքում՝ մեկ տարի ժամ¬կետով փոր¬ձաշրջան սահմա¬նելու պայ¬ման¬ներում։ Հաշվի առնելով նաև ամ¬բաստանյալների կողմից վերոնշյալ թմրամիջոցը գործածելու փաս¬տը` Դատարանը գտնում է, որ հատկապես այդ պատիժն է արդա¬րացի ու միա¬ժա¬¬մանակ անհրաժեշտ սոցիալական արդարությունը վերականգնելու« ամբաս¬տան¬յալներին ուղղելու և հնարավոր նոր հանցա¬գոր¬ծութ¬յունները կան¬խելու հա¬մար։
Դատարանը գտնում է նաև, որ սույն դատավճիռը կայացնելու պահին ամբաստանյալներ Դավիթ Սիմոնյանի և Դավիթ Բադալյանի նկատմամբ որպես խա¬¬¬¬փան¬ման միջոց ընտրված չհեռանալու մասին ստո¬րագրությունը փո¬փո¬խելու կամ վերաց¬նելու հիմքերը բացա¬կա¬յում են, այն անհրաժեշտ է վերաց¬նել սույն դատավճիռն օրինական ուժի մեջ մտնելուց հետո։
ՀՀ քրեական դատավարության օրենսգրքի 360-րդ հոդվածի 1-ին մասի համաձայն` դատավճիռ կայացնելիս Դատարանը պարտավոր է անդրադառնալ նաև իրեղեն ապացույց¬ների, գույքի նկատ¬մամբ կիրառված (կիրառվելիք) արգելանքի, քաղա¬¬քա¬ցիական հայցի հարցերին։ Տվյալ խնդրին անդ¬րա¬¬¬¬դառ¬նալով` Դատարանն արձանագրում է, որ ամբաս¬տան¬յալների դեմ քաղաքացիական հայց չի ներ¬կա¬յացվել, նրանց գույքի վրա արգելանք չի կիրառվել։
Անդրադառնալով իրեղեն ապացույցների տնօրինման խնդրին` Դատարանը գտնում է, որ գործով իրեղեն ապացույց ճանաչված և Դատարանում պահվող` նյութագիտական փորձաքննութ¬յուններից հե¬տո մնացած 0,09 և 0,26 գրամ «մա¬րիխուանա» տե¬սակի թմրամիջոցներն անհրաժեշտ է ոչնչացնել` սույն դատավճիռն օրինա¬կան ուժի մեջ մտնե¬լուց հետո։
ՀՀ քրեական դատավարության օրենսգրքի 168-րդ հոդվածի 1-ին մասի 2-8-րդ կետերով թվարկված դատական ծախսերը« ՀՀ քրեական դատավարական օրենսգրքի 375.3 հոդվածի 8-րդ մասի համա¬ձայն« ամ¬բաստանյալներ Դավիթ Բադալյանից և Դավիթ Սիմոնյանից բռնա¬գա¬նձ¬ման ենթակա չեն« հետևա¬բար` Դատարանն այդ հարցը համարում է լուծված։
Գնահատելով և ամփոփելով մեղադրանքի հիմքում դրված ապացույց¬ները, ղեկավարվելով ՀՀ քրեական դատա¬վա¬¬րա¬կան օրենսգրքի 357-360-րդ, 364-365-րդ, 369-373-րդ, ինչպես նաև 375.1-375.4-րդ հոդ¬ված¬ներով, Դատա¬րանը
Վ Ճ Ռ Ե Ց ՝

1. Դավիթ Աշոտի Սիմոնյանին ճանաչել մեղավոր ՀՀ քրեական օրենսգրքի 268-րդ հոդ¬վածի 1-ին մասով նախատեսված հանցագործության կատարման մեջ, նրա նկատ¬մամբ նշանակել պատիժ` ազա¬տազրկում 6 (վեց) ամիս ժամ¬կետով։
ՀՀ քրեական օրենսգրքի 70-րդ հոդվածի կիրառմամբ` Դավիթ Աշոտի Սիմոնյանի նկատ¬մամբ ազա¬տազրկման ձևով նշա¬նակված պատիժը պայմանականորեն չկիրառել և սահ¬մանել փոր¬ձաշրջան 1 (մեկ) տարի ժամկետով` նրա վարքագծի նկատմամբ վերահսկողությունը հանձնարարելով ՀՀ ԱՆ քրեա¬¬կա¬¬տա¬¬¬րողական վարչության այլընտրանքային պատիժների կատարման համապա¬տաս¬¬խան ստո¬րաբա¬ժան¬մանը։
Դավիթ Սիմոնյանի նկատմամբ որպես խափանման միջոց ընտրված չհեռանալու վերաբերյալ ստորագրությունը վերացնել` սույն դատավճիռն օրինական ուժի մեջ մտնելուց հետո։

2. Դավիթ Արամի Բադալյանին ճանաչել մեղավոր ՀՀ քրեական օրենսգրքի 268-րդ հոդ¬վածի 1-ին մասով նախատեսված հանցագործության կատարման մեջ, նրա նկատ¬մամբ նշանակել պատիժ` ազա¬տազրկում 6 (վեց) ամիս ժամ¬կետով։
ՀՀ քրեական օրենսգրքի 70-րդ հոդվածի կիրառմամբ` Դավիթ Արամի Բադալյանի նկատ¬մամբ ազա¬տազրկման ձևով նշա¬նակված պատիժը պայմանականորեն չկիրառել և սահ¬մանել փոր¬ձաշրջան 1 (մեկ) տարի ժամկետով` նրա վարքագծի նկատմամբ վերահսկողությունը հանձնարարելով ՀՀ ԱՆ քրեա¬կա¬¬տա¬¬րողական վարչության այլընտրանքային պատիժների կատարման համապա¬տաս¬¬խան ստո¬րաբա¬ժանմանը։
Դավիթ Բադալյանի նկատմամբ որպես խափանման միջոց ընտրված չհեռանալու վերաբերյալ ստորագրությունը վերացնել` սույն դատավճիռն օրինական ուժի մեջ մտնելուց հետո։
Գործով իրեղեն ապացույց ճանաչված և Դատարանում պահվող 0,09 և 0,26 գրամ «մա¬րիխուանա» տե¬սակի թմրամիջոցն ոչնչացնել` սույն դատավճիռն օրինա¬կան ուժի մեջ մտնե¬լուց հետո։
Դատական ծախսերի հարցը համարել լուծված` գործն արագացված դատաքննության կարգով քննելու պատճառաբանությամբ։
Դատավճիռը հրապարակման օրվանից մե¬կամսյա ժամկետում կարող է բողո¬քարկվել ՀՀ վե¬րաքննիչ քրեական դատարան` բացառությամբ գործի փաստական հանգա¬մանք¬ների վերա¬բերյալ Դա¬տա¬րանի հետևությունների։


ԴԱՏԱՎՈՐ՝ Ա.ՎԱՐԴԱՆՅԱՆ