ԵԿԴ/0186/01/14


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
21 հոկտեմբերի 2015թ. ք.Երևան
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության առաջին ատյանի դատարանը`

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ
Ս.ՄԱՆՈՒԿՅԱՆԻ
Ն.ԹՈՒՄԱՆՅԱՆԻ
մասնակցությամբ`
մեղադրող Հ.ՍԱՐԳՍՅԱՆԻ
տուժողներ Մ.ՀԱՅՐԱՊԵՏՅԱՆԻ
Ա.ԲԱԴԱԼՅԱՆԻ
Մ.ՍՈՒՔԻԱՍՅԱՆԻ
ամբաստանյալներ Գ.ԱՌԱՔԵԼՅԱՆԻ
Ն.ՄԵԼՔՈՆՅԱՆԻ
Վ.ՀՈՎՀԱՆՆԻՍՅԱՆԻ
պաշտպաններ Ե.ՍԱՐԳՍՅԱՆԻ
Ա.ԱԼՎԱՆԴՅԱՆԻ
Վ.ԷԼԲԱԿՅԱՆԻ
Ա.ԽԱՉԱՏՐՅԱՆԻ

դատարանում` դռնբաց դատական նիստում, քննեց գործն ըստ մեղադրանքի`
1. Գոռ Արմենի Առաքելյանի` ծնված 25.03.1985թ. ք.Երևանում, ազգությամբ հայ, ՀՀ քա-ղաքացի, ամուսնացած, խնամքին 2 անձ, բարձրագույն կրթությամբ, առողջ, չի աշխատել, չդատված, բնակվել է` ք.Երևան, Վարդանանց փողոց, 18/2 շենք, բնակարան հ. 57, արգելանքի տակ է 2014թ. մայիսի 18-ից, մեղադրվում է ՀՀ քրեական օրենսգրքի 112-րդ հոդվածի 2-րդ մասի 1-ին, 5-րդ, 9-րդ կետերով, 113-րդ հոդվածի 2-րդ մասի 1-ին, 6-րդ կետերով և 235-րդ հոդվածի 1-ին մասով։
2. Ներսես Հովհաննեսի Մելքոնյանի` ծնված 21.07.1978թ. ՎՀ ք.Ախալցիխեում, ազգու-թյամբ հայ, ՌԴ քաղաքացի, իր հայտարարությամբ՝ ամուսնալուծված և խնամքին 3 անձ, միջ-նակարգ կրթությամբ, առողջ, չի աշխատել, չդատված, բնակվել է` ք.Երևան, Շ.Տալյան փողոց, տուն հ. 25, ՌԴ ք.Մոսկվա, Նովոկուռինսկայա մայրուղի, 31-րդ շենք, բնակարան հ. 100, արգե-լանքի տակ է 2014թ. հունիսի 6-ից, մեղադրվում է ՀՀ քրեական օրենսգրքի 258-րդ հոդվածի 3-րդ մասի 1-ին կետով։
3. Վալերիկ Սամվելի Հովհաննիսյանի` ծնված 14.04.1984թ. Շիրակի մարզի Աշոցք գյու-ղում, ազգությամբ հայ, ՀՀ քաղաքացի, ամուրի, միջնակարգ կրթությամբ, վատառողջ, իր հայ-տարարությամբ խնամքին 2 անձ, չի աշխատել, նախկինում դատված՝ ՌԴ Մոսկվա քաղաքի Զյուզինսկի շրջանային դատարանի 08.10.2007թ. դատավճռով ՌԴ քրեական օրենսգրքի 111-րդ հոդվածի 4-րդ մասով (համապատասխանում է ՀՀ քրեական օրենսգրքի 112-րդ հոդվածի 2-րդ մասի 14-րդ կետին) դատապարտվել է ազատազրկման 6 տարի ժամկետով, պատժից ազատվել է 26.03.2013թ-ին, բնակվել է` ք.Երևան, Էրեբունի փողոց, 24-րդ շենք, բնակարան հ. 45, արգե-լանքի տակ է 2014թ. հուլիսի 3-ից, մեղադրվում է ՀՀ քրեական օրենսգրքի 258-րդ հոդվածի 3-րդ մասի 1-ին կետով։

Գործի դատավարական նախապատմությունը.

ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժնի ավագ քննիչ Ա.Մխիթարյանը 17.05.2014թ. որոշմամբ ՀՀ քրեական օրենսգրքի 34-104-րդ հոդվածի 2-րդ մասի 6-րդ և 10-րդ կետերով, 235-րդ հոդվածի 1-ին մասով ու 258-րդ հոդվածի 3-րդ մասի 1-ին կետով հարուցել է թիվ 13145614 քրեական գործը և այն ընդունել է իր վարույթ։
18.05.2014թ. ձերբակալվել է քննչական բաժին կամովին ներկայացած Գոռ Առաքելյանը։
Քննիչի 21.05.2014թ. որոշմամբ Գ.Առաքելյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 34-104-րդ հոդվածի 2-րդ մասի 1-ին, 6-րդ ու 10-րդ կետերով և 235-րդ հոդվածի 1-ին մասով։
Երևան քաղաքի Կենտրոն և Նորք-Մարաշ վարչական շրջանների ընդհանուր իրավա-սության առաջին ատյանի դատարանի 21.05.2014թ. որոշմամբ Գ.Առաքելյանի նկատմամբ` որ-պես խափանման միջոց, կիրառվել է 2 ամիս ժամկետով կալանավորում` կալանքի սկիզբը հաշ-վելով 2014թ. մայիսի 18-ից։
ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժնի ՀԿԳ ավագ քննիչ Հ.Սարգսյանը 27.05.2014թ. որոշմամբ թիվ 13145614 քրեական գործն ընդունել է իր վարույթ։
06.06.2014թ. ձերբակալվել է Ներսես Մելքոնյանը։
Քննիչի 09.06.2014թ. որոշմամբ Ն.Մելքոնյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 258-րդ հոդվածի 3-րդ մասի 1-ին կետով։
Երևան քաղաքի Կենտրոն և Նորք-Մարաշ վարչական շրջանների ընդհանուր իրավա-սության առաջին ատյանի դատարանի 09.06.2014թ. որոշմամբ Ն.Մելքոնյանի նկատմամբ` որ-պես խափանման միջոց, կիրառվել է 2 ամիս ժամկետով կալանավորում` կալանքի սկիզբը հաշ-վելով 2014թ. հունիսի 6-ից։
03.07.2014թ. ձերբակալվել է Վալերիկ Հովհաննիսյանը։
Քննիչի 04.07.2014թ. որոշմամբ Վ.Հովհաննիսյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 258-րդ հոդվածի 3-րդ մասի 1-ին կե-տով։
Երևան քաղաքի Կենտրոն և Նորք-Մարաշ վարչական շրջանների ընդհանուր իրավա-սության առաջին ատյանի դատարանի 04.07.2014թ. որոշմամբ Վ.Հովհաննիսյանի նկատմամբ` որպես խափանման միջոց, կիրառվել է 2 ամիս ժամկետով կալանավորում։
Քննիչի 01.10.2014թ. որոշմամբ Գ.Առաքելյանին նախկինում առաջադրված մեղադրանքը փոփոխվել է և նրան նոր մեղադրանք է առաջադրվել ՀՀ քրեական օրենսգրքի 34-104-րդ հոդվա-ծի 2-րդ մասի 1-ին, 6-րդ ու 10-րդ կետերով, 112-րդ հոդվածի 2-րդ մասի 1-ին, 5-րդ և 9-րդ կե-տերով, 113-րդ հոդվածի 2-րդ մասի 6-րդ կետով ու 235-րդ հոդվածի 1-ին մասով։
2014թ. հոկտեմբերի 28-ին թիվ 13145614 քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրա-վասության առաջին ատյանի դատարան` ըստ էության քննելու համար։
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասու-թյան առաջին ատյանի դատարանի (դատավոր Գ.Պողոսյան) 2014թ. նոյեմբերի 3-ի որոշմամբ Գոռ Արմենի Առաքելյանի վերաբերյալ ՀՀ քրեական օրենսգրքի 34-104-րդ հոդվածի 2-րդ մասի 1-ին, 6-րդ և 10-րդ կետերով, 112-րդ հոդվածի 2-րդ մասի 1-ին, 5-րդ և 9-րդ կետերով, 113-րդ հոդ-վածի 2-րդ մասի 6-րդ կետով և 235-րդ հոդվածի 1-ին մասով, Վալերիկ Սամվելի Հովհաննիսյանի վերաբերյալ ՀՀ քրեական օրենսգրքի 258-րդ հոդվածի 3-րդ մասի 1-ին կետով ու Ներսես Հովհաննեսի Մելքոնյանի վերաբերյալ ՀՀ քրեական օրենսգրքի 258-րդ հոդվածի 3-րդ մասի 1-ին կետով քրեական գործն ընդունվել է վարույթ, իսկ 2014թ. նոյեմբերի 12-ի որոշմամբ նշանակվել է դատաքննության։
Մեղադրող Հ.Սարգսյանի 2015թ. մայիսի 7-ի որոշմամբ ամբաստանյալ Գոռ Առաքելյա-նին առաջադրված մեղադրանքը փոփոխվել և նրան նոր մեղադրանք է առաջադրվել ՀՀ քրեա-կան օրենսգրքի 112-րդ հոդվածի 2-րդ մասի 1-ին« 5-րդ« 9-րդ կետերով« 113-րդ հոդվածի 2-րդ մասի 1-ին« 6-րդ կետերով և 235-րդ հոդվածի 1-ին մասով՝ այն բանի համար, որ նա. «գործով չպարզված հանգամանքներում ապօրինի կերպով ձեռք է բերել և պահել հրազեն հանդիսացող գործարանային արտադրության 9 մմ տրամաչափի «ՊՄ» /Մակարով/ տեսակի ատրճանակ ու 9 մմ տրամաչափի ակոսափող հրազեններից կրակելու համար նախատեսված, ռազմամթերք հանդիսացող փամփուշտներ« որոնց գործադրմամբ 2014թ. մայիսի 17-ին՝ ժամը 13։20-ի սահ-մաններում, Երևան քաղաքի Վարդանանց փողոցի թիվ 18/2 շենքի ստորգետնյա ավտոկայա-նատեղիի մուտքի դարպասների մոտ խուլիգանական դրդումներով« շատերի կյանքի համար վտանգավոր եղանակով դիտավորությամբ Վալերիկ Սամվելի Հովհաննիսյանի առողջությանը պատճառել է ծանր վնաս« Ներսես Հովհաննեսի Մելքոնյանի առողջությանը` միջին ծանրության վնաս« ինչպես նաև՝ անուղղակի դիտավորությամբ Մնացական Իշխանի Սուքիասյանի և Մյաս-նիկ Կորյունի Հայրապետյանի առողջությանը պատճառել է ծանր վնաս« իսկ Ալվինա Արամի Բադալյանի առողջությանը` միջին ծանրության վնաս։
Այսպես.
Գոռ Առաքելյանը գործով չպարզված հանգամանքներում ապօրինի կերպով ձեռք է բերել և պահել հրազեն հանդիսացող գործարանային արտադրության 9 մմ տրամաչափի «ՊՄ» /Մա-կարով/ տեսակի ատրճանակ ու 9 մմ տրամաչափի ակոսափող հրազեններից կրակելու համար նախատեսված ռազմամթերք հանդիսացող փամփուշտներ։
2014 թվականի մայիսի 17-ին՝ ժամը 13։00-ի սահմաններում, Վալերիկ Հովհաննիսյանը «ԲՄՎ X-6» մակնիշի 34 AL 075 հաշվառման համարանիշի ավտոմեքենայով եկել է Երևանի Վարդանանց փողոցի թիվ 18/2 շենքի մոտակայք« ապա ավտոմեքենան կանգնեցնելով ստոր-գետնյա ավտոկայանատեղիի մուտքի մոտ ու փակելով ավտոկայանատեղիից դեպի փողոց դուրս գալու ճանապարհը« մուտք է գործել հիշյալ շենք և այցելել 19-րդ հարկում բնակվող իր ծա-նոթին։
Նույն օրը՝ ժամը 13։20-ի սահմաններում, Երևանի Վարդանանց փողոցի թիվ 18/2 շենքի բնակիչ Գոռ Առաքելյանը, ընտանիքի անդամների հետ իր անձնական օգտագործման «Տոյոտա Լանդ Կռաուզեր» մակնիշի 80 TT 008 հաշվառման համարանիշի ավտոմեքենան վարելով, փոր-ձել է դուրս գալ ստորգետնյա ավտոկայանատեղիից« սակայն տեսնելով« որ Վ.Հովհաննիսյանն ավտոմեքենան կանգնեցրել է մուտքի դիմաց և այդ կերպ փակել ճանապարհն ու խոչընդոտ ստեղծել« կանչել է նշված շենքի անվտանգության աշխատակիցներ Էդվարդ Սիրդատյանին և Գրիգոր Ավետիսյանին ու պահանջել է գտնել Վ.Հովհաննիսյանին` ավտոմեքենան մուտքի մո-տից հեռացնելու և ավտոկայանատեղիի ելումուտի համար ստեղծված խոչընդոտը վերացնելու համար։
Գ.Ավետիսյանն ու Է.Սիրդատյանը վերելակով բարձրացել են 19-րդ հարկ« որտեղ հանդի-պել են Վ.Հովհաննիսյանին և Ն.Մելքոնյանին« ապա նրանց իրազեկելով ավտոմեքենան սխալ վայրում կայանելու պատճառով երթևեկության համար ստեղծված խոչընդոտի մասին« պահան-ջել են ավտոմեքենան հեռացնել ստորգետնյա ավտոկայանատեղիի մուտքի մոտից։
Դրանից հետո Վ.Հովհաննիսյանը և Ն.Մելքոնյանն իջել են ավտոկայանատեղիի մուտքի դարպասների մոտ« որտեղ հանդիպել են Գ.Առաքելյանին։ Երթևեկության համար խոչընդոտներ ստեղծելու պատճառով Գ.Առաքելյանի« Վ.Հովհաննիսյանի և Ն.Մելքոնյանի միջև վիճաբանու-թյուն է սկսվել« որի ընթացքում Վ.Հովհաննիսյանն ու Ն.Մելքոնյանը կոպիտ կերպով խախտել են հասարակական կարգը« ինչը դրսևորվել է հասարակության նկատմամբ բացահայտ անհար-գալից վերաբերմունք ցուցաբերելով« աղմկել են և հայհոյել« բռնություն գործադրել` քաշքշել ու, Գոռ Առաքելյանի հետ փոխադարձ հարվածներ հասցնելով, ծեծի են ենթարկել միմյանց՝ ակնհայտորեն խախտելով վարքագծի համընդհանուր ճանաչում ստացած նորմերը« իրենց այդ դիտավորյալ գործողություններով շուրջ 5 րոպե տևողությամբ խանգարել են ներկաների անդոր-րը« խաթարել հարևանությամբ գործող «Վերնիսաժ» տոնավաճառի բնականոն գործունեությու-նը։
Ներկաների միջամտությամբ Ն.Մելքոնյանը« Վ.Հովհաննիսյանը և Գ.Առաքելյանը դադա-րեցրել են ծեծկռտուքը« ինչից հետո վերջինս մոտեցել և նստել է ավտոկայանատեղիի դարպասի մոտ կայանված «Տոյոտա Լանդ Կռաուզեր» մակնիշի 80 TT 008 հաշվառման համարանիշի ավտոմեքենայի ղեկին« սակայն մի քանի վայրկյան անց դուրս գալով« սեփական անձի առա-վելությունն ընդգծելու մոլուցքից մղված« գիտակցելով հանրավտանգ միջոցի գործադրմամբ մարդաշատ վայրում` տոնավաճառին հարակից տարածքում« այլ անձանց կյանքին իրական վտանգ հասցնելու հանգամանքը« խուլիգանական դրդումներով իր կողմից ապօրինի կերպով ձեռք բերված և կրվող` հրազեն հանդիսացող, ատրճանակից կրակոցներ է արձակել Վ.Հով-հաննիսյանի և Ն.Մելքոնյանի ուղղությամբ« ինչի հետևանքով Վ.Հովհաննիսյանի առողջությանը դիտավորությամբ պատճառել է ծանր վնաս՝ կյանքին վտանգ սպառնացող, ձախ ազդրի վերին երրորդականի միջային մակերեսի կույր« որովայնի աջ կողային մակերեսի թափանցող« միջան-ցիկ« հրազենային« գնդակային թվով երկու վիրավորումների ձևով« Ն.Մելքոնյանի առողջությանը` միջին ծանրության վնաս՝ առողջության տևական քայքայումով՝ ձախ ազդրի առաջամիջային մակերեսի շրջանի հրազենային« գնդակային« միջանցիկ« մկանների վնասմամբ թվով չորս վիրա-վորումների ձևով« ինչպես նաև «Վերնիսաժ» տոնավաճառի մոտակայքում գտնվող քաղաքա-ցիներ Մյասնիկ Հայրապետյանին« Մնացական Սուքիասյանին և Ալվինա Բադալյանին անուղ-ղակի դիտավորությամբ հասցրել է հրազենային վնասվածքներ« որոնցից Մ.Հայրապետյանի առողջությանը պատճառվել է ծանր վնաս՝ կյանքին վտանգ սպառնացող` ձախ ազդրի վերին եր-րորդականի շրջանի հրազենային« գնդակային« կույր« ընդհանուր ազդրային երակի վնասմամբ« ազդոսկրի վերին վզիկի բաց« բեկորային« տեղաշարժված կոտրվածքով վիրավորման ձևով« Մ. Սուքիասյանի առողջությանը՝ ծանր վնաս` կյանքին վտանգ սպառնացող` աջ սրունքի հետին մակերեսի շրջանի հրազենային« գնդակային« կույր« անոթների« նյարդերի վնասմամբ« սրունքի զույգ ոսկրերի բաց բեկորային« տեղաշարժված կոտրվածքներով վիրավորման ձևով« Ա.Բադալ-յանի առողջությանը՝ միջին ծանրության վնաս՝ առողջության տևական քայքայումով` ձախ սրունքի երրորդականի հրազենային« գնդակային« շոշափող« դրսային պճեղի բաց« տեղաշարժ-ված կոտրվածքով վիրավորման ձևով»։
Ամբաստանյալ Վալերիկ Հովհաննիսյանին ՀՀ քրեական օրենսգրքի 258-րդ հոդվածի 3-րդ մասի 1-ին կետով մեղադրանք է առաջադրվել այն բանի համար, որ նա. «2014թ. մայիսի 17-ին՝ ժամը 13։20-ի սահմաններում, Երևան քաղաքի Վարդանանց փողոցի թիվ 18/2 շենքի ստոր-գետնյա ավտոկայանատեղիի մուտքի դարպասների մոտ ավտոմեքենան կայանելու շուրջ իր ընկեր Ներսես Մելքոնյանի հետ միասին վիճաբանել են Գոռ Առաքելյանի հետ, որի ընթացքում կոպիտ կերպով խախտելով հասարակական կարգն ու բացահայտ անհարգալից վերաբերմունք ցուցաբերելով հասարակության՝ շրջակայքում գտնվող անձանց նկատմամբ, ակնհայտորեն խախտելով վարքագծի համընդհանուր ճանաչում ստացած նորմերը՝ շուրջ հինգ րոպե տևողու-թյամբ բարձրաձայն տվել են սեռական բնույթի հայհոյանքներ, ինչպես նաև իրենց խուլիգանա-կան գործողությունները զուգորդել են բռնության գործադրմամբ՝ հարվածներ են հասցրել Գ.Առաքելյանին՝ պատճառելով առողջության թեթև վնասի հատկանիշներ չպարունակող մարմ-նական վնասվածքներ՝ ձախ նախաբազկի, ձախ դաստակի շրջանի քերծվածքների ձևով»։
Ամբաստանյալ Ներսես Մելքոնյանին ՀՀ քրեական օրենսգրքի 258-րդ հոդվածի 3-րդ մասի 1-ին կետով մեղադրանք է առաջադրվել այն բանի համար, որ նա. «2014թ. մայիսի 17-ին՝ ժամը 13։20-ի սահմաններում, Երևան քաղաքի Վարդանանց փողոցի թիվ 18/2 շենքի ստոր-գետնյա ավտոկայանատեղիի մուտքի դարպասների մոտ ավտոմեքենան կայանելու շուրջ իր ընկեր Վալերիկ Հովհաննիսյանի հետ միասին վիճաբանել են Գոռ Առաքելյանի հետ, որի ըն-թացքում կոպիտ կերպով խախտելով հասարակական կարգն ու բացահայտ անհարգալից վե-րաբերմունք ցուցաբերելով հասարակության՝ շրջակայքում գտնվող անձանց նկատմամբ, ակըն-հայտորեն խախտելով վարքագծի համընդհանուր ճանաչում ստացած նորմերը՝ շուրջ հինգ րո-պե տևողությամբ բարձրաձայն տվել են սեռական բնույթի հայհոյանքներ, ինչպես նաև իրենց խուլիգանական գործողությունները զուգորդել են բռնության գործադրմամբ՝ հարվածներ են հասցրել Գ.Առաքելյանին՝ պատճառելով առողջության թեթև վնասի հատկանիշներ չպարունա-կող մարմնական վնասվածքներ` ձախ նախաբազկի, ձախ դաստակի շրջանի քերծվածքների ձևով»։

Դատաքննությամբ հետազոտված և գնահատված ապացույցներով հաստատված հանգամանքները.

Դատաքննությամբ պարզվեց, որ ամբաստանյալ Վալերիկ Հովհաննիսյանը 2014թ. մա-յիսի 17-ին՝ կեսօրին, իր վարած «ԲՄՎ X-6» մակնիշի 34AL075 հաշվառման համարանիշով ավ-տոմեքենայով գնացել է ք.Երևանի Վարդանանց փողոց և, ավտոմեքենան կայանելով «Վերնի-սաժ» տոնավաճառի հարևանությամբ գտնվող թիվ 18/2 շենքի ստորգետնյա ավտոկայանա-տեղիի մուտքի դիմաց ու փակելով ավտոկայանատեղիից դեպի փողոց դուրս գալու ճանապար-հը, մտել է նշված շենք և այցելել 19-րդ հարկում բնակվող իր ծանոթին։
Նույն օրը՝ ժամը 13-ի սահմաններում նշված շենքի 57-րդ բնակարանի բնակիչ՝ ամբաս-տանյալ, Գոռ Առաքելյանն ընտանիքի անդամների՝ կնոջ և փոքրահասակ դստեր հետ, իր անձ-նական օգտագործման «Տոյոտա Լենդ Քռուզեր» մակնիշի 80TT008 հաշվառման համարանիշով ավտոմեքենայով ցանկացել է շենքի ստորգետնյա ավտոկայանատեղիից դուրս գալ փողոց, սա-կայն տեսնելով, որ «ԲՄՎ X-6» մակնիշի վերը նշված ավտոմեքենան փակել է ճանապարհն ու խոչընդոտել ելքին, կանչել է շենքի անվտանգության աշխատակիցներ՝ վկաներ, Էդվարդ Սիր-դատյանին և Գրիգոր Ավետիսյանին ու պահանջել է գտնել ելքի ճանապարհը փակած ավտոմե-քենայի տիրոջն ու ազատել ճանապարհը։
Վկաներ Գ.Ավետիսյանն ու Էդ.Սիրդատյանը վերելակով բարձրանալով՝ շենքի մի քանի հարկերում փնտրել են վերը նշված ավտոմեքենայի տիրոջը, ու երբ վերելակը բարձրացել է 19-րդ հարկ և ներս են մտել ամբաստանյալներ Վալերիկ Հովհաննիսյանն ու Ներսես Մելքոնյանը և պարզվել է, որ հիշյալ ավտոմեքենայի վարորդը Վ.Հովհաննիսյանն է, պահանջել են ավտոմեքե-նան հեռացնել ստորգետնյա ավտոկայանատեղի մուտքի մոտից։
Այնուհետև, երբ ամբաստանյալներ Վ.Հովհաննիսյանը և Ն.Մելքոնյանը ավտոկայանա-տեղիի մուտքի մոտ հանդիպել են ամբաստանյալ Գ.Առաքելյանին, երթևեկության համար խոչ-ընդոտ ստեղծելու համար վիճաբանություն և քաշքշուկ է սկսվել նրանց միջև, որի ընթացքում ամ-բաստանյալներ Վ.Հովհաննիսյանն ու Ն.Մելքոնյանը ծեծի են ենթարկել ամբաստանյալ Գ. Առաքելյանին, ինչն ուղեկցվել է փոխադարձ հայհոյանքներով։ Ամբաստանյալ Գ.Առաքելյանը, դիմելով ամբաստանյալներ Վ.Հովհաննիսյանին և Ն.Մելքոնյանին, ասել է, որ իր ավտոմեքենա-յում են գտնվում կինն ու երեխան, և առաջարկել է նրանց տուն տանելուց հետո վերադառնալ ու շարունակել իրենց «խոսակցությունը», սակայն՝ ապարդյուն։
Նշված վայրում հավաքված մարդկանց միջամտությունից հետո ամբաստանյալ Գ.Առա-քելյանը մոտեցել և նստել է իր ավտոմեքենան՝ վարորդի նստատեղին, սակայն ամբաստան-յալներ Վ.Հովհաննիսյանն ու Ն.Մելքոնյանը, մոտենալով նրան և դռան բաց լուսամուտից ձեռ-քերով հարվածելով, նրան դուրս են հանել ավտոմեքենայից ու շարունակել ծեծել։ Կրկին հա-վաքված մարդկանց միջամտությամբ ամբաստանյալ Գ.Առաքելյանը հեռացել ու նստել է իր ավ-տոմեքենայի նույն նստատեղին՝ ներսից փակելով դռների փականները։ Ամբաստանյալներ Վ. Հովհաննիսյանն ու Ն.Մելքոնյանը, կրկին մոտենալով նրան, նորից ցանկացել են բացել ավտո-մեքենայի դուռը, ինչը նրանց չի հաջողվել, քանի որ այն փակված է եղել։ Ամբաստանյալ Ն.Մել-քոնյանը, նկատելով, որ վարորդի հետևի դռան ապակին կիսով չափ իջեցված է, ձեռքը ներս է մտցրել և փորձել է ամբաստանյալ Գ.Առաքելյանին քաշել դուրս։ Այդ պահին հավաքված մար-դիկ ամոթանք են տվել նրանց և ասել, որ ավտոմեքենայում են գտնվում ամբաստանյալ Գ.Առա-քելյանի կինն ու երեխան, ինչին ամբաստանյալ Վ.Հովհաննիսյանը պատասխանել է, որ դրա համար էլ ցանկանում են ամբաստանայլ Գ.Առաքելյանին դուրս հանել ավտոմեքենայից և դըր-սում սատկացնել։ Դրանից հետո ամբաստանյալ Վ.Հովհաննիսյանը, ասելով, որ գնում է զենքը բերի և սատկացնի ամբաստանյալ Գ.Առաքելյանին, գնացել է իր ավտոմեքենայի մոտ և նստել վարորդի նստատեղին։ Ամբաստանյալ Ն.Մելքոնյանը նույնպես մոտեցել է այդ ավտոմեքենա-յին, բացել է աջ առջևի դուռը, կիսով չափ մտել սրահ, որից հետո վերադարձել է ամբաստանյալ Գ.Առաքելյանի ավտոմեքենայի մոտ և, ասելով, որ նա պետք է պատասխան տա իր վատ պահ-վածքի համար, ձեռքը տարել է հետ՝ դեպի գոտկատեղը, և հանելով բջջային հեռախոսը՝ ամ-բաստանյալ Գ.Առաքելյանից պահանջել է նրա բջջային հեռախոսահամարը։ Այդ պահին ամ-բաստանյալ Գ.Առաքելյանը, դուրս գալով ավտոմեքենայից, ձեռքին ունեցած «Մակարով» տե-սակի ատրճանակից կրակել է ամբաստանյալ Ն.Մելքոնյանի ոտքերի տակ՝ ասֆալտին, և նրա ոտքերի ուղղությամբ։ Վերջինս, տեսնելով դա, փախել է «Վերնիսաժ»-ի ուղղությամբ, իսկ ամ-բաստանյալ Գ.Առաքելյանը մոտեցել և «ԲՄՎ X-6» մակնիշի ավտոմեքենայի աջ առջևի բաց դռնից երկու անգամ կրակել է վարորդի նստատեղին նստած ամբաստանյալ Վ.Հովհաննիսյանի վրա՝ կրծքավանդակից ցած ընկած հատվածներին։ Երբ վերջինս դուրս է եկել ավտոմեքենայից և փախել «Վերնիսաժ»-ի ուղղությամբ, ամբաստանյալ Գ.Առաքելյանը կրակել է գետնին ու նրա հետևից, և ատրճանակը ձեռքին հեռացել ու ցանկացել է մտնել Վարդանանց փողոցի թիվ 18/2 շենքի շքամուտք։ Այդ պահին, նրա հետևից վազելով, մոտեցել է ամբաստանյալ Ն.Մելքոնյանն ու, դիմելով նրան, ասել. «պատրոններդ պրծավ, դե հիմա տես ոնց եմ սատկացնելու քեզ»։ Թեև ամբաստանյալ Գ.Առաքելյանը վերջինիցս պահանջել է չգնալ իր հետևից՝ սպառնալով կրակել, սակայն ամբաստանյալ Ն.Մելքոնյանը նրա հետևից մտել է շքամուտք, որտեղից քիչ անց լսվել է ևս երկու կրակոց։
Ամբաստանյալ Գ.Առաքելյանի կողմից արձակված կրակոցներից ամբաստանյալ Ն.Մել-քոնյանի առողջությանը պատճառվել է միջին ծանրության վնաս՝ ձախ ազդրի առաջամիջային մակերեսի շրջանի հրազենային, գնդակային, միջանցիկ, մկանների վնասմամբ թվով չորս վիրա-վորումների ձևով, ընդ որում՝ դրանից մեկը պատճառվել է անդրադարձի ենթարկված գնդակով, ամբաստանյալ Վ.Հովհաննիսյանի առողջությանը՝ կյանքին վտանգ սպառնացող ծանր վնաս՝ ձախ ազդրի վերին երրորդականի միջային մակերեսի կույր, որովայնի աջ կողային մակերեսի թափանցող, միջանցիկ, հրազենային, գնդակային թվով երկու վիրավորումների ձևով, վնաս-վածքն ստանալու պահին Վարդանանց փողոցի թիվ 18/2 շենքի շքամուտքում գտնված տուժող Մ.Հայրապետյանի առողջությանը՝ կյանքին վտանգ սպառնացող ծանր վնաս՝ ձախ ազդրի վե-րին երրորդականի շրջանի հրազենային, գնդակային, կույր, ընդհանուր ազդրային երակի վնաս-մամբ, ազդոսկրի վերին վզիկի բաց, բեկորային, տեղաշարժված կոտրվածքով վիրավորման ձևով, «Վերնիսաժ» տոնավաճառի տարածքում գտնված տուժող Մ.Սուքիասյանի առողջությա-նը՝ կյանքին վտանգ սպառնացող ծանր վնաս՝ աջ սրունքի հետին մակերեսի շրջանի հրազենա-յին, գնդակային, կույր, անոթների, նյարդերի վնասմամբ, սրունքի զույգ ոսկրերի բաց բեկորա-յին, տեղաշարժված կոտրվածքներով վիրավորման ձևով, իսկ տուժող Ա.Բադալյանի առողջու-թյանը՝ միջին ծանրության վնաս՝ ձախ սրունքի երրորդականի հրազենային, գնդակային, շոշա-փող, դրսային պճեղի բաց, տեղաշարժված կոտրվածքով վիրավորման ձևով։ Ընդ որում, տուժող-ներ Մ.Հայրապետյանի, Մ.Սուքիասյանի և Ա.Բադալյանի մարմնական վնասվածքները պատ-ճառվել են անդրադարձի ենթարկված գնդակներով։

Ապացույցների հետազոտում և գնահատում.

Նախաքննությամբ ամբաստանյալներ Գ.Առաքելյանը, Վ.Հովհաննիսյանը և Ն.Մելքոն-յանը հրաժարվել են ցուցմունքներ տալուց ու դատաքննությամբ նույնպես հրաժարվեցին դիր-քորոշում հայտնել իրենց առաջադրված մեղադրանքների վերաբերյալ և ցուցմունքներ տալ մե-ղադրանքների էության մասին։
Տուժող Ալվինա Բադալյանի ցուցմունքի համաձայն` 2014թ. մայիսի 17-ին, երբ ինքը կանգնած է եղել «Վերնիսաժ» տոնավաճառում՝ իր սեղանիկի մոտ, հարևանությամբ գտնվող նո-րակառույց շենքի մոտ հավաքված ամբոխ է տեսել և լսվել է աղմուկ։ Հանկարծ լսվել են կրակոցի ձայներ և ձախ ոտքի ներքևի մասում ուժեղ ցավ է զգացել։ Դրանից հետո իրեն տեղափոխել են հիվանդանոց, որտեղից դուրս է գրվել լավացմամբ։
Ամբաստանյալ Գ.Առաքելյանին չի ճանաչում և գտնում է, որ տեղի է ունեցել պատահա-կանություն։
Մինչև վիրավորվելը՝ դեմքով դեպի Խանջյան փողոցն է կանգնած եղել և լսել է երկու կրա-կոց։
Տուժող Մնացական Սուքիասյանի ցուցմունքի համաձայն` ինքը «Վերնիսաժ» տոնավա-ճառում շաբաթ և կիրակի օրերին զբաղվում է գործիքների առուվաճառքով։ 2014թ. մայիսի 17-ին` ժամը 13-ի սահմաններում, երբ քայլելիս է եղել դեպի իր աշխատավայր, Վարդանանց փողոցի թիվ 18/2 շենքի մոտակայքից վիճաբանության, հայհոյանքների և կրակոցի ձայներ է լսել։ Երկ-րորդ կրակոցի ձայնը լսելուց հետո վնասվել է աջ ոտքը, ընկել է գետնին և կորցրել գիտակ-ցությունը, որի պատճառով հետագա իրադարձությունները չի հիշում։ Կրակոցն անձամբ իրեն ուղղված չի եղել, քանի որ գնդակը սկզբում դիպել է մեկ այլ տեղ, այնուհետև՝ իր ոտքին և մնացել ոտքում։ Կրակոցն արձակողին ինքն անձամբ չի տեսել։ Վնասվածք ստանալուց հետո շրջա-պատում հավաքված մարդկանց օգնությամբ շտապ բուժօգնության աշխատակիցներն իրեն տե-ղափոխել են հիվանդանոց։
Տուժող Մյասնիկ Հայրապետյանի ցուցմունքի համաձայն՝ 2014թ. մայիսի 17-ին՝ ժամը 13-ի սահմաններում, ինքը գնացել է ք.Երևանի Խանջյան փողոցի հարևանությամբ գործող «Վեր-նիսաժ» տոնավաճառ, որին հարակից նորակառույց շենքի մոտակայքում մարդկանց խումբ է նկատել, ապա հետաքրքրությունից դրդված՝ մոտեցել է նրանց։ Այնուհետև, կրակոցի ձայներ է լսել և թաքնվելու նպատակով վազքով մտել է մոտակա բարձրահարկ շենքի շքամուտք։ Իր հետևից շքամուտք են մտել նաև այլ մարդիկ, որից հետո լսվել են կրակոցներ և, հավանաբար, առաջին կրակոցից հետո վնասվածք է ստացել ձախ ոտքի վերևի հատվածում ու սկսվել է ար-յունահոսություն։ Մի կերպ դուրս է եկել շենքից, որից հետո ժամանել են շտապօգնության աշ-խատակիցները և իրեն տեղափոխել Երևանի թիվ 1 համալսարանական հիվանդանոց, որտեղ վիրահատվել է։
Վկա Արկադի Բաղդասարյանի՝ նախաքննության մարմնի կողմից գնահատված և մե-ղադրական եզրակացությամբ շարադրված ցուցմունքի համաձայն՝ «2013թ-ից սկսած՝ շաբաթվա շաբաթ և կիրակի օրերին, Երևան քաղաքի Խանջյան փողոցում գործող «Վերնիսաժ» տոնավա-ճառում զբաղվել է շների վաճառքով։ Իր տաղավարը գտնվել է տոնավաճառի սկզբնամասում` նորակառույց բարձրահարկ շենքի մոտակայքում, իսկ հիշյալ շենքի ավտոկայանատեղից մինչև իր տաղավարն ընկած տարածությունը կազմել է շուրջ 25-30 մետր։
2014թ. մայիսի 17-ին՝ առավոտյան, սովորականի նման գնացել է տոնավաճառ և զբաղվել շների վաճառքով։
Նույն օրը՝ ժամը 13։30-ի սահմաններում, տոնավաճառում գտնվելու ընթացքում բարձ-րահարկ շենքի ավտոկայանատեղի մոտակայքից լսել է բղավոցի և վիճաբանության ձայներ ու գնացել այդ ուղղությամբ։ Հասնելով բարձրահարկ շենքի ավտոկայանատեղի մուտքի մոտ, նկա-տել է մարդկանց բազմություն, որոնց միջնամասում կայանված են եղել սև գույնի «Տոյոտա Լենդ Կրաուզեր» մակնիշի 80 TT 008 հաշվառման համարանիշներով և «ԲՄՎ X6» մակնիշի 34 AL 075 հաշվառման համարանիշներով ավտոմեքենաներ։ Հիշյալ ավտոմեքենաների կայանման դիրքն այնպիսին է եղել, որ փողոցում կայանված «ԲՄՎ X6» մակնիշի ավտոմեքենան խոչընդոտ է ստեղծել ավտոկայանատեղից դուրս եկող «Տոյոտա Լենդ Կրաուզեր» մակնիշի ավտոմեքենայի համար։ Հիշյալ ավտոմեքենաներից գրեթե 2-3 մետր հեռավորության վրա՝ բազմության մեջ, նկատել է, որ նշված ավտոմեքենաների միջնամասում երկու անձինք վիճաբանել են մեկ այլ ան-ձի հետ, փոխադարձ հարվածներ հասցրել միմյանց ու հայհոյել։ Հավաքված քաղաքացիները միջամտել և վիճաբանողներից երկուսին, որոնք հավանաբար եղել են կողմնակիցներ, քաշելով ու հրելով մոտեցրել են «ԲՄՎ X6» մակնիշի ավտոմեքենային, ինչից հետո նրանցից մեկը նստել է հիշյալ ավտոմեքենայի վարորդի նստատեղին, իսկ մյուսը՝ բացելով վարորդի կողքի նստա-տեղի դուռը, մի պահ կանգ է առել, ապա կրկին գնացել է ավտոկայանատեղի մուտքի դռան մոտ կայանված «Տոյոտա Լենդ Կրաուզեր» մակնիշի ավտոմեքենայի մոտ և, վարորդի դռանը մոտե-նալով, նրանից պահանջել է հեռախոսահամարը` երեկոյան հանդիպելու և դրսևորած պահ-վածքի կապակցությամբ պարզաբանում կատարելու համար։ «Տոյոտա Լանդ Կռաուզեր» մակ-նիշի ավտոմեենայի վարորդը հայհոյանքներ տալով, քաշել է ավտոմեքենայի ձեռքի արգելակը և դուրս եկել ավտոմեքենայի սրահից, որից հետո ատրճանակը ձեռքում բռնած քայլելով մոտեցել է շուրջ 4-5 մետր հեռավորության վրա գտնվող` հեռախոսահամարը պահանջած անձնավորու-թյանն ու այդ ընթացքում կրակոցներ արձակել նրա ուղղությամբ։ Կրակոցների հետևանքով հիշ-յալ անձնավորությունը վնասվածք է ստացել և վազել բազմության ուղղությամբ, իսկ ատրճա-նակից կրակող անձնավորությունը գնացել է «ԲՄՎ X6» մակնիշի ավտոմեքենայի մոտ, որից հետո աջակողմյան առջևի բաց դռնից իրար հաջորդող 2 կրակոց է արձակել վարորդի նստա-տեղին նստած անձնավորության ուղղությամբ։ Վերջինս անմիջապես բացել է դուռը և, ավտոմե-քենայից իջնելով, ձեռքերով բռնել է ոտքի և որովայնի միջնամասի հատվածը և, ցավագին բա-ցականչություններ կատարելով, փախել է «Վերնիսաժ» տոնավաճառի ուղղությամբ, իսկ «Տո-յոտա Լենդ Կրաուզեր» մակնիշի ավտոմեքենայի վարորդը, անցնելով ավտոմեքենայի հետնա-մաս, ևս մեկ կրակոց է արձակել փախչող անձնավորության հետևից։ Կրակոցից անմիջապես հետո նկատել է, որ կրակողից շուրջ 10 մետր հեռավորության վրա կանգնած մի տարեց տղա-մարդ ընկել է գետնին և գոռալով բռնել աջ ոտքի կրունկի կողային հատվածը, որի շուրջն անմի-ջապես արյան լճակ է առաջացել։
Դրանից հետո «Տոյոտա Լենդ Կրաուզեր» մակնիշի ավտոմեքենայի վարորդը վազքով մտել է վերը նշված շենք և անհետացել իր տեսադաշտից, իսկ մի քանի վայրկյան անց «ԲՄՎ X6» մակնիշի մեքենայի վարորդի ընկերը, ով առաջին կրակոցից հետո նետվել էր մարդկանց բազմության մեջ, վազքով հետապնդել է նրան։ Շուրջ մեկ րոպե անց շենքի ներսից լսվել են 3-4 կրակոցներ, ինչից հետո շենքի նույն մուտքից սողալով դուրս է եկել անծանոթ մի երիտասարդ, ով իր կարծիքով կապ չի ունեցել վիճաբանության հետ։ Չանցած մեկ րոպե, նկատել է նույն մուտքից դուրս եկող «ԲՄՎ X6» մակնիշի ավտոմեքենայի վարորդի ընկերոջը, ով վազելով մո-տեցել է նշված ավտոմեքենային, նստել է ղեկին և վարելով հեռացել։ Քիչ անց դեպքի վայր են ժամանել ոստիկանության աշխատակիցները։
Քանի որ նախկինում ծառայել է ոստիկանության համակարգում, ուստի համոզված է, որ կրակոցներ արձակած անձնավորության ձեռքին եղել է «Մակարով» տեսակի ատրճանակ։
Հետագայում` անձին ճանաչման ներկայացնելու քննչական գործողությունների ընթաց-քում տեսել և ճանաչել է Ներսես Մելքոնյանին, Վալերիկ Հովհաննիսյանին և Գոռ Առաքելյանին, որոնցից վերջինս հանդիսացել է ատրճանակից կրակոցներ արձակած անձնավորությունը, Վ. Հովհաննիսյանը` կրակոցների պահին «ԲՄՎ X-6» մակնիշի ավտոմեքենայի վարորդի նստա-տեղին նստած անձնավորությունը, իսկ Ն.Մելքոնյանը` վիճաբանությանը մասնակցած և հետա-գա հանդիպում կազմակերպելու համար Գ.Առաքելյանից հեռախոսահամար պահանջած անձ-նավորությունը»։
Նախաքննության ընթացքում վկա Ա.Բաղդասարյանը նաև ցուցմունքներ է տվել այն մա-սին, որ դեպքի օրը՝ մինչև ամբաստանյալ Գ.Առաքելյանի կողմից կրակոցներ կատարելը, ավտո-կայանատեղիի մոտ նրան ծեծի են ենթարկել հայհոյանքներ տվող ամբաստանյալներ Վ.Հով-հաննիսյանն ու Ներսես Մելքոնյանը։ Հավաքված մարդկանց միջամտությունից հետո Գ.Առա-քելյանը գնացել է իր ավտոմեքենայի մոտ և նստել վարորդի նստատեղին։ Դրանից հետո Վ. Հովհաննիսյանն ու Ն.Մելքոնյանը, ազատվելով ժողովրդից, գնացել են Գ.Առաքելյանի ավտոմե-քենայի մոտ և, ցանկանալով նրան իջեցնել ավտոմեքենայից, փորձել են բացել վարորդի դուռը, սակայն չեն կարողացել, քանի որ այն փակ է եղել։ Ն.Մելքոնյանը, նկատելով, որ վարորդի հետևի դռան ապակին կիսով չափ բաց է, ձեռքը ներս է մտցրել և փորձել է Գ.Առաքելյանին քաշել դուրս։ Այդ պահին ժողովուրդն ամոթանք է տվել նրանց և ասել, որ ավտոմեքենայում են գտնվում Գ.Առաքելյանի կինն ու երեխան, ինչին Վ.Հովհաննիսյանը պատասխանել է, որ դրա համար էլ ցանկանում են Գ.Առաքելյանին դուրս հանել ավտոմեքենայից և դրսում սատկացնել։ Այնուհետև, Վ.Հովհաննիսյանը, Ն.Մելքոնյանին ասելով, որ գնում է իր ավտոմեքենայից զենքը բերի և սատկացնի Գ.Առաքելյանին, գնացել է իր «X-6» մակնիշի ավտոմեքենայի մոտ և նստել վարորդի նստատեղին։ Ն.Մելքոնյանը նույնպես մոտեցել է այդ ավտոմեքենային, բացել է աջ առջևի դուռը, կիսով չափ մտել սրահ, որից հետո վերադարձել է Գ.Առաքելյանի ավտոմեքենայի մոտ և, ասելով, որ նա պետք է պատասխան տա իր ... պահվածքի համար, ձեռքը տարել է հետ՝ դեպի գոտկատեղը։ Այդ պահին Գ.Առաքելյանը դուրս է եկել ավտոմեքենայից և երեք անգամ կրակել Ն.Մելքոնյանի ոտքերի տակ։ Դրանից հետո վերջինս գոռալով փախել և մտել է ժո-ղովրդի մեջ, իսկ Գ.Առաքելյանը մոտեցել է Վ.Հովհաննիսյանի ավտոմեքենայի առջևի աջ բաց դռանն ու երկու անգամ կրակել սրահի մեջ։ Կրակոցներից հետո Վ.Հովհաննիսյանը գոռալով դուրս է եկել ավտոմեքենայից և փախել տոնավաճառի ուղղությամբ, իսկ Գ.Առաքելյանը վա-զելով գնացել և մտել է «էլիտար» շենքի մուտք։ Այդ պահին հայտնվել է Ն.Մելքոնյանը և, ասելով՝ պատրոններդ պրծավ, դե հիմա տես ոնց եմ սատկացնելու քեզ, վազել է Գ.Առաքելյանի հետևից և շենքից ներս մտել։ Քիչ անց լսվել է երեք կրակոց, շենքի մուտքից սողալով դուրս է եկել մի երիտասարդ, իսկ նրա հետից կաղալով դուրս է եկել Ն.Մելքոնյանը, ով նստելով սպիտակ «X-6»-ի վարորդի նստատեղին, վարելով հեռացել է։
Վկա Արկադի Բաղդասարյանի դատաքննական ցուցմունքի համաձայն՝ 2014թ. մայիսի 17-ին՝ ժամը 13-ից-14-ի սահմաններում, երբ ինքը գտնվել է «Վերնիսաժ» տոնավաճառում, հարևանությամբ գտնվող շենքի մոտից հայհոյանքներ և գոռգռոցներ լսելով՝ մոտեցել ու տեսել է, որ ամբաստանյալներ Վ.Հովհաննիսյանը և Ն.Մելքոնյանը ծեծում են ամբաստանալ Գ.Առաքել-յանին ու հայհոյում« իսկ վերջինս պաշտպանվում է։ Ժողովուրդը պահել է Ներսեսին և Վալերի-կին« և Գոռը կարողացել է գնալ ու նստել իր մեքենան։ Դրանից հետո, սկզբից Ներսեսը, այնու-հետև Վալերին մոտեցել և փորձել են բացել Գոռի ավտոմեքենայի դուռը, սակայն չեն կարողա-ցել։ Տեսնելով, որ ավտոմեքեայի դուռը չի բացվում, Վալերին ասել է. «հեսա գնամ մեքենայից զենքը բերեմ դրան սատկացնեմ»։ Այնուհետև, Վալերին նստել է սպիտակ գույնի «X-6»-ի ղեկի մոտ, իսկ Ներսեսը վարորդի կողքի նստատեղի կողմից կիսով չափ մտել է ներս ու հետ վերա-դարձել դեպի «Տոյոտա» մեքենան« որի մեջ նստած է եղել Գոռը։ Ներսեսը, մոտենալով Գոռին, ասել է, որ նա պատասխան է տալու վատ պահվածքի համար և այդ ընթացքում ձեռքը տարել է դեպի մեջքի կողմն ու հետ բերել և նրա ձեռքին նկատել է հեռախոս։ Նա պահանջել է Գոռի հե-ռախոսահամարը, սակայն այդ ընթացքում վերջինս իջել է ավտոմեքենայից, մեկ անգամ կրակել է Ներսեսի դիմաց և երկու անգամ՝ ոտքերի վրա։ Դրանից հետո Ներսեսը գոռալով՝ «X-6»-ի հետևի մասով փախել է «Վերնիսաժ»-ի ուղղությամբ, իսկ Գոռը մոտեցել է «X-6»-ին և վարորդի կողքի բաց դռնից երկու անգամ կրակել է մեքենայի մեջ։ Երբ ինքը գնացել է դեպի հավաքված ժողովուրդը, տեսել է ընկած տարեց մարդու և «Վերնիսաժ»-ի ուղղությամբ փախչող Վալերիկին։
Երբ Գոռը մտնելիս է եղել շենքի մուտք« Ներսեսը, դուրս գալով ժողովրդի կողմից, Գոռին ասել է՝ վերջացան փամփուշտներդ, հեսա տես ոնց եմ սատկացնում քեզ։ Գոռը պտտվել և ինչ-որ բան է ասել, սակայն չի լսել, թե՝ ինչ։ Դրանից հետո Ներսեսը Գոռի հետևից մտել է շենք ու լսվել է 2-3 կրակոցի ձայն, որից հետո շենքից սողալով դուրս է եկել վնասված և արյունահոսող ոտքով մի երիտասարդ, իսկ նրա հետևից կաղալով դուրս է եկել նաև Ներսեսը, ով նստել է «X-6» մակ-նիշի մեքենան ու միայնակ հեռացել։
Գոռի ձեռքին կարող է ասել, որ «Մակարով» տեսակի ատրճանակ է եղել։
Ինքը չի տեսել, որ Գոռի ավտոմեքենայի առջևի ձախ՝ վարորդի դռան ապակին իջեցված է եղել, նախաքննության ընթացքում գրել է այդ մասին, քանի որ նման խոսակցություններ է լսած եղել։
Վկա Վահան Հակոբյանի ցուցմունքի համաձայն՝ 2014թ. մայիսի 17-ին՝ ժամը 13-ի սահ-մաններում, երբ ինքը «Վերնիսաժ» տոնավաճառից գնալիս է եղել խանութ, ձայներ է լսել և տո-նավաճառի հարևանությամբ գտնվող էլիտար շենքի ստորգետնյա կայանատեղիի մոտ կանգ-նած սպիտակ ավտոմեքենայի մոտ տեսել է միմյանց քաշքշող 2 թիկնեղ ու մեկ փոքրամարմին տղաների։ Վերջինիս հետագայում տեսել է հեռուստացույցով և իմացել, որ նրա անունը Գոռ է։ Նշված երկու հաղթանդամ տղաները ծեծել են Գոռ Առաքելյանին, ով մի պահ փախել և նստել է իր սև գույնի ավտոմեքենան, որի ճանապարհը փակած է եղել սպիտակ գույնի ավտոմեքենան։ Դրանից հետո, մոտ 3-4 մետր հեռավորությունից տեսել է, որ երկու հաղթանդամ տղաները Գո-ռին հանել են ավտոմեքենայից և սկսել են ծեծել։ Մի պահ, երբ հավաքվել են մարդիկ, Գոռը նո-րից նստել է իր ավտոմեքենան, իսկ վերը նշված տղաները ցանակցել են նրան հանել ավտոմե-քենայից« սակայն դա նրանց չի հաջողվել« քանի որ ավտոմեքենայի դռները փակ են եղել։ Գոռի ավտոմեքենայի հետևի դռան պատուհանը մի փոքր բաց է եղել և երկու երիտասարդներից մեկը ցանկացել է պատուհանից Գոռին դուրս հանել։ Հետո մարդիկ նրանց հրել են և նրանք մի պահ հետ են քաշվել։ Այդ պահին ինչ-որ բան է լսել զենքի մասին և հաղթանդամ երիտասարդներից մեկը, ասելով՝ գնամ զենքը բերեմ սատկացնեմ, գնացել ու նստել է սպիտակ ավտոմեքենան« իսկ Գոռը դուրս է եկել իր ավտոմեքենայից և կրակել այդ հաղթանդամ տղաներից մյուսի ոտքերի տակ։ Վերջինս փախել է «Վերնիսաժ»-ի կողմ, իսկ Գոռը գնացել է սպիտակ ավտոմեքենայի մոտ, մեկ կամ երկու անգամ ավտոմեքենայի առջևի աջ բաց դռնից կրակել դրա մեջ՝ վարորդի նստատեղին նստածի ոտքերի ուղղությամբ, այնուհետև, երբ այդ անձը դուրս է եկել և փախել «Վերնիսաժ»-ի ուղղությամբ, ևս մեկ անգամ կրակել է գետնին, ինչից փոշի է բարձրացել։ Երբ Գոռը բարձրանալիս է եղել վերև՝ շենքի մուտքի ուղղությամբ, դեպի «Վերնիսաժ» փախած առաջին երիտասարդը վազելով հետ է վերադարձել և, Գոռին ասելով՝ փամփուշտներդ վերջա-ցան, նրա հետևից մտել է շենք, որից հետո կրկին լսվել են կրակոցի ձայներ։
Դրանից հետո տեսել է վիրավորված մեծահասակ տղամարու, երիտասարդի և կնոջ։
Լսել է, որ Գոռի ավտոմեքենայի մեջ են եղել նաև նրա կինն ու երեխան։
Վիճաբանության ընթացքում լսել է նաև խառը հայհոյանքներ, սակայն չի տեսել, որ Գոռը հարվածի իրեն ծեծող երկու երիտասարդին։
Վկա Գրիգոր Ավետիսյանի՝ դատաքննությամբ հետազոտված նախաքննական ցուց-մունքների համաձայն՝ 2014թ. ապրիլ ամսից ինքը պահնորդական ծառայություններ է կատարել Երևան քաղաքի Վարդանանց փողոցի թիվ 18/2 հասցեում գտնվող նորակառույց բնակելի շեն-քում։
2014թ. մայիսի 17-ին՝ ժամը 09-ին ներկայացել է աշխատավայր և կատարել աշխատան-քային պարտականությունները։
Նույն օրը՝ ժամը 13-ի սահմաններում, գնացել է շենքի հակառակ կողմում գտնվող պահ-նորդական կետ` ծառայական գրաֆիկը ստորագրելու համար։ Այդ ընթացքում շենքի 1-ին մուտ-քի մոտ` ավտոկայանատեղի դիմաց, նկատել է կայանված սպիտակ «ԲՄՎ X6» մակնիշի ավ-տոմեքենա, որի վարորդին նախկինում մի քանի անգամ տեսել է նույն շենք այցելելիս։ Մոտեցել է վերջինիս և տեղեկացրել, որ նշված վայրում չի կարելի ավտոմեքենա կայանել, քանի որ այդ կերպ փակվում է ավտոկայանատեղի մուտքը։ Վարորդը պատասխանել է, որ շենքից ինչ-որ բան ունի վերցնելու, կվերցնի և մի քանի վայրկյանից դուրս կգա։
Շուրջ 20 րոպե նշված մեքենայի վարորդը դուրս չի եկել շենքից, իսկ այդ ընթացքում շեն-քի բնակիչներից Գոռ Առաքելյանը ստեղծված խոչընդոտի պատճառով չի կարողացել «Լեք-սուս» մակնիշի ավտոմեքենան դուրս բերել ավտոկայանատեղից, որի պատճառով էլ ձայնային ազդանշան տալով փորձել է գտնել «ԲՄՎ X6» մակնիշի ավտոմեքենայի վարորդին։ Իրենց աշ-խատակիցներից Էդիկը մոտեցել է Գոռին, զրուցել նրա հետ, ապա վերադառնալով, միասին շեն-քում փնտրել և գտել են «ԲՄՎ X6» մակնիշի ավտոմեքենայի վարորդին, որը եղել է մոտ 30-35 տարեկան, ամրակազմ, միջահասակ մի անծանոթ անձնավորության հետ։ Ավտոմեքենայի վա-րորդին հայտնել են երթևեկության համար ստեղծված խոչընդոտի մասին, ինչից հետո գնացել է դեպի իրեն հատկացված տարածք։ Ճանապարհին` դեռ պահակակետ չհասած, շենքի ստոր-գետնյա ավտոկայանատեղի մուտքի դիմացի հատվածից լսել է վիճաբանության և հայհոյանքի ձայներ։ Անմիջապես գնացել է նշված վայր և նկատել, որ «ԲՄՎ X6» մակնիշի ավտոմեքենայի վարորդն իր ըներոջ հետ վիճաբանել են Գոռի հետ, որի ընթացքում ձեռքերով և ոտքերով հար-վածել են միմյանց ու հայհոյել։ Իրենց աշխատակիցներից Վարդանի հետ միջամտել և բաժանել են վիճաբանողներին։ Նկատել է նաև, որ Գոռի կողմից վարվող ավտոմեքենայի մեջ եղել են մոտ 20-25 տարեկան մի աղջիկ, ինչպես նաև 2-3 տարեկան երեխա։ Վիճաբանության ժամանակ հա-վաքվել են կողմնակի անցորդներ, նույնիսկ այդ հատվածի երթևեկությունն է խաթարվել։ Նշված վիճաբանությունը տևել է մոտ 5 րոպե, ինչից հետո մի պահ հանդարտվել է։ Նկատել է, որ «Լեք-սուսի» միջից աղջիկը երեխայի հետ դուրս են եկել և մոտենալով նրանց` ասել է, որ ներս մտնեն, ինչից հետո աստիճաններով բարձրացել է` իր աշխատանքային հատվածը գնալու համար, և այդ ժամանակ լսել է 3-4 կրակոցի ձայներ, նկատել է, որ այդ հատվածի մարդիկ փախել են տարբեր կողմեր, ինքն էլ է վախեցել, փախել է դեպի Վարդանանց փողոցի կողմը։
Դրանից մոտ 5-10 րոպե անց վերադարձել է նշված տարածք, որտեղ արդեն ժամանել են ոստիկանության աշխատակիցները, իսկ վիճաբանող անձանց և նրանց մեքենաներն այլևս չի տեսել։ Միայն նկատել է, որ իրեն անծանոթ երկու անձինք ընկած են եղել գետնին՝ վիրավոր վի-ճակում։ Վիճաբանող անձանց ձեռքերին զենք, այդ թվում և ատրճանակ չի նկատել, միայն լսել է կրակոցի ձայները։
Անձին ճանաչման ներկայացնելու քննչական գործողության ընթացքում տեսել և ճանա-չել է Ներսես Մելքոնյանին, ով հանդիսացել է «ԲՄՎ X6» մակնիշի ավտոմեքենայի վարորդի հետ Գոռին ծեծի ենթարկած անձնավորությունը։
Վկա՝ ք.Երևանի Վարդանանց փողոցի թիվ 18/2 շենքի պահպանությունն իրականացրած «Ալֆա դելտա» ՍՊ ընկերության աշխատակից, Վարդան Զոհրաբյանի ցուցմունքի համաձայն՝ 2014թ. մայիսի 17-ին՝ ժամը 13-ի սահամններում, Վարդանանց փողոցի թիվ 18/2 շենքի ստոր-գետնյա ավտոկայանատեղի մուտքի դիմաց կանգնել է Վ.Հովհաննիսյանի սպիտակ «ԲՄՎ X6» մակնիշի ավտոմեքենան և փակել ավտոկայանատեղի մուտքը։ Գործընկերոջ՝ Գ.Ավետիսյանի հետ մոտեցել են նրան և պահանջել ավտոմեքենան դուրս բերել այդ հատվածից, սակայն վեր-ջինս հավաստիացրել է, որ շենքում շատ կարճ գործ ունի, մի քանի վայրկյանից կվերադառնա և ավտոմեքենան դուրս կբերի։ Դրանից հետո շենքի բնակիչ Գ.Առաքելյանը ցանկացել է իր «Լեք-սուս» մակնիշի ավտոմեքենայով դուրս գալ ավտոկայանատեղիից, սակայն չի կարողացել ու մոտ 20 րոպե ձայնային ազդանշան է տվել և սպասել, որից հետո իրենց խնդրել է գտնել «ԲՄՎ X6» մակնիշի ավտոմեքենայի տիրոջը։ Գ.Ավետիսյանն ու ավտոկայանատեղիի հսկիչ Էդոն 19-րդ հարկում հանդիպել են «ԲՄՎ X6» մակնիշի ավտոմեքենայի վարորդին՝ Վ.Հովհաննիսյանին ու նրա ընկերոջը՝ Ն.Մելքոնյանին, և նրանց հետ միասին իջել են ցած։ Դրանից հետո, նկա-տելով, որ Վ.Հովհաննիսյանն ու Ն.Մելքոնյանը վիճում են Գ.Առաքելյանի հետ, քաշքշում և հար-վածում միմյանց, մոտեցել են նրանց և փորձել են բաժանել։ Գոռը, մի քանի անգամ փորձելով նստել իր ավտոմեքենան ու փակել դուռը, Վ.Հովհաննիսյանին ու Ն.Մելքոնյանին ասել է թողեն, որ կնոջն ու երեխային տանի տուն ու վերադառնա, որպեսզի խոսեն, սակայն դա նրան չի հա-ջողվել, քանի որ վերջիններս բացել են դուռը, պատուհանից ձեռքերով հարվածել են նրան և ի-ջեցրել ավտոմեքենայից։
Դրանից հետո նկատել է, որ Գոռը դուրս է եկել ավտոմեքենայից ու նրա ձեռքին ատրճա-նակ է տեսել, որից նա երկու անգամ կրակել է իր հետ վիճաբանողների ուղղությամբ։ Սկսվել է խառնաշփոթ և իրարանցում, որից հետո լսել է ևս մի քանի կրակոցի ձայն։ Տեսել է, որ Գոռը եր-կու անգամ կրակել է ավտոմեքենայից իջաց ու «Վերնիսաժ»-ի ուղղությամբ փախչող Վալերիկի ուղղությամբ, որից հետո մտել է շենքի մուտք և իր հետ վիճաբանած ու հետևից գնացող ան-ձանցից մեկին ասել է, որ նա չգնա իր հետևից, թե չէ կկրակի։ Քիչ անց, երբ նրանք մտել են շենքի մուտք, լսել է ևս երկու կրակոցի ձայն, որից հետո երեք վիրավոր է տեսել՝ երիտասարդ տղայի, տարիքով կնոջ և տղամարդու։
Վկա Էդվարդ Սիրդատյանի ցուցմունքի համաձայն՝ 2014թ. մայիսի 17-ին՝ ժամը 13-ի սահմաններում, ինքը գտնվել է «Վերնիսաժ» տոնավաճառի հարևանությամբ գտնվող «Կինոյի տան» մոտ և նկատել է հարևանությամբ գտնվող շենքի ավտոկայանատեղիից իր սև գույնի «Ջիպ» ավտոմեքենայով դուրս գալ ցանկացող Գոռին և հետևի նստատեղին նստած նրա կնոջը։ Գոռին չի հաջողվել ավտոկայանատեղիից դուրս գալ, քանի որ մուտքի դիմաց կանգնած սպի-տակ գույնի ավտոմեքենան փակած է եղել դեպի դուրս տանող ճանապարհը։ Գոռը ազդանշան է տվել, սակայն նշված ավտոմեքենան տեղից չի շարժվել։ Այդ ժամանակ ինքը մոտեցել է ան-վտանգության աշխատակիցներին և Վարդանից տեղեկացել է, որ սպիտակ գույնի ավտոմեքե-նայի վարորդը բարձրացել է շենք ու շուտով պետք է ցած իջնի։ Դրանից հետո անվտանգության աշխատակիցներից մեկի հետ բարձրացել են շենք, շրջել են շենքի միջանցքներով, սակայն ոչ ոքի չեն հանդիպել, ապա 6-րդ հարկից վերելակով իջնելու ընթացքում այն հանկարծակի բարձ-րացել է 19-րդ հարկ, որտեղ վերելակ են նստել երկու երիտասարդ, որոնց հետ միասին իջել են առաջին հարկ։ Այդ տղաներից մեկը հայտնել է, որ սպիտակ ավտոմեքենան իրենն է։
Բակում Գոռը դուրս է եկել իր ավտոմեքենայից և վիճել է վերը նշված երիտասարդների հետ։ Վիճաբանության ընթացքում Վալերիկը բռունցքով հարվածել է Գոռի դեմքին, որից հետո Գոռը գնացել է դեպի իր ավտոմեքենան, նստել է վարորդի նստատեղին և փակել դուռը, սակայն դռան ապակին գտնվել է բաց վիճակում և այդտեղից վերը նշված երիտասարդները ձեռքերով սկսել են հարվածել նրան։ Մոտենալով նրանց, բռնել է Վալերիկի գոտկատեղից և փորձել է դեպի իրեն քաշել, ինչն իրեն չի հաջողվել և այդ ժամանակ լսել է, որ հավաքված կանայք նույնպես խնդրել են չկռվել ու չխփել։
Նկատել է, որ Գոռի լաց լինող կինը փորձել է ձեռքով պահել ամուսնուն, իսկ ավտոմեքե-նայի պատուհանի մոտ կանգնած Ներսեսը Գոռից պահանջել է նրա հեռախոսահամարը։
Քիչ հետո լսվել են կրակոցի ձայներ և տեսել է, որ գնդակներից մեկը դիպել է ասֆալտին` իր դիմաց գտնվող հատվածին, որից վախեցել ու վազելով փախել է «Վերնիսաժ»-ի ուղղությամբ՝ այդ ընթացքում լսելով էլի մի քանի կրակոցի ձայն։
Վկա Աստղիկ Օսիկյանի ցուցմունքի համաձայն՝ 2014թ. մայիսի 17-ին՝ ժամը 13-ի սահ-մաններում, երբ քայլելով անցելիս է եղել «Վերնիսաժ» տոնավաճառի մոտով, դրա հարևանու-թյամբ գտնվող շենքի մոտից լսել է բարձր հայհոյանքներ, գոռգոռոցներ և ուշադրությունը գրա-վել է այն, որ ինչ-որ սպիտակ գույնի արտասահմանյան մակնիշի ավտոմեքենայի մոտից մի երիտասարդ փորձել է հեռանալ այդ ավտոմեքենայից, իսկ մի աղջիկ համոզել և նրան հրել է դեպի նշված ավտոմեքենայի վարորդի նստատեղը` պահանջելով նրանից, որ թողնի գնա։ Նշված երիտասարդը փորձել է ազատվել այդ աղջկա ձեռքերից և տվել է իրեն անհայտ անձին ուղղված հայհոյանքներ։ Այնուհետև, երբ մի պահ շրջվել է հակառակ կողմ, լսել է կրակոցի ձայներ՝ ընդհանուր հինգ հատ, որոնք եղել են ընդհատումով, որքանով հասկացել է՝ սկզբում 2 կրակոց, այնուհետև՝ դադար և հետո էլի 3 կրակոց։ Դրանից հետո տեսել է գետնին ընկած վիրավոր տղամարդու, ով վիրավորված է եղել ոտքից։ Այնուհետև, մի քանի քայլ գնալով, նշված շենքի աստիճանների ներքևում նկատել է գետնին ընկած մոտ 24-25 տարեկան վիրավոր տղայի, ով վիրավորված է եղել ձախ ոտքի հատվածից։ Դեպքի վայրում տեսել է նաև սև գույնի արտա-սահմանյան մակնիշի մեկ այլ ավտոմեքենա։
Վկա Արսեն Անդրիասյանի ցուցմունքի համաձայն՝ 2014թ. մայիսի 17-ին՝ ժամը 13-ի ժամը սահմաններում, երբ ինքը գտնվել է «Վերնիսաժ» տոնավաճառում, դրա հարևանությամբ գտնը-վող նորակառույց շենքի դիմաց նկատել է «Ջիպ» տեսակի սև և սպիտակ գույնի ավտոմեքե-նաներ, որոնց վարորդները վիճաբանել ու գոռգոռացել են իրար վրա։ Տեսել է, որ վիճաբանող հաղթանդամ տղան բռունցոքով հարվածել է Գոռին, ով ասելով՝ դու հեսա կտեսնես, վազելով գնացել և նստել է իր ավտոմեքենան։ Դրանից հետո լսել է կրակոցի 5 ձայն և տեսել է վիրավոր տարեց տղամարդու, երիտասարդ տղայի ու կնոջ։
Վկա Վանիկ Պետրոսյանի ցուցմունքի համաձայն՝ 2014թ. մայիսի 17-ին՝ ժամը 13-ի ժամը սահմաններում, երբ ինքը գտնվել է «Վերնիսաժ» տոնավաճառում, լսել է վիճաբանության և 7-ից 8 կրակոցի ձայներ։ Սկզբում կրակոցները եղել են ընդհատումներով, իսկ վերջում՝ 3 անգամ անընդմեջ։
Վկա Նորիկ Սարգսյանի ցուցմունքի համաձայն՝ 2014թ. մայիսի 17-ին՝ ժամը 13-ի սահ-մաններում, երբ ինքը կանգնած է եղել «Վերնիսաժ» տոնավաճառում գտնվող իր տաղավարի մոտ, նկատել է տոնավաճառի հարևանությամբ գտնվող բարձրահարկ շենքի նկուղային ավտո-կանգառի մուտքը փակած ինչ-որ սպիտակ գույնի «Ջիպ» տեսակի ավտոմեքենա և ավտոկան-գառից դուրս գալ փորձող սև գույնի «Ջիպ» տեսակի ավտոմեքենա։ Քիչ անց ավտոմեքենաների վարորդների միջև վիճաբանություն է սկսվել, որից հետո նրանք և սպիտակ ավտոմեքենայի վարորդի հետ եղած տղան ու շենքի անվտանգության երկու աշխատակիցն գնացել են դեպի ավտոկանգառի ներսի հատված, որտեղից լսել է հայհոյանքներ և աղմուկի ձայներ, այնուհետև՝ մի քանի կրակոցի ձայն։ Երբ հավաքված մարդիկ սկսել են փախչել տարբեր կողմեր, կրակոցի ձայներ է լսել արդեն դրսում։ Մի պահ վիճաբանողները մտել են շենքի շքամուտք, որտեղից կրկին լսել է կրակոցի ձայներ։
Վկա Սեյրան Օհանյանի ցուցմունքի համաձայն՝ 2014թ. մայիսի 17-ին՝ ժամը 13-ի ժամը սահմաններում, երբ ինքը գտնվել է «Վերնիսաժ» տոնավաճառում, լսել է մոտ 5-6 կրակոցի ձայն, որից հետո ընկերոջից՝ Ն.Սարգսյանից տեղեկացել է, որ ավտոմեքենայով ավտոկանգառի ճա-նապարհը փակելու շուրջ մի քանի երիտասարդ վիճաբանել են ու կրակել։
Վկա Սեդրակ Գյուլումյանի ցուցմունքի համաձայն՝ 2014թ. մայիսի 17-ին՝ ժամը 13-ի ժա-մը սահմաններում, երբ ինքը գտնվել է «Վերնիսաժ» տոնավաճառում, մոտ 40 մետր հեռավո-րության վրա գտնվող նորակառույց շենքի ավտոկայանատեղիի մոտից լսվել են վիճաբանու-թյան և կրակոցի ձայներ։
Վկա Արամայիս Մանուկյանի ցուցմունքի համաձայն՝ 2014թ. մայիսի 17-ին՝ ժամը 13-ի սահմաններում, երբ ինքը կանգնած է եղել «Վերնիսաժ» տոնավաճառում գտնվող իր տաղա-վարի մոտ, տոնավաճառի հարևանությամբ գտնվող բարձրահարկ շենքի մոտ նկատել է վիճա-բանող երիտասարդների, լսել է հայհոյանքներ և աղմուկի ձայներ, որից հետո՝ մի քանի կրակոցի ձայներ։
Վկա Տիգրան Առաքելյանի ցուցմունքի համաձայն՝ 2014թ. մայիսի 17-ին՝ ժամը 13-ի ժա-մը սահմաններում, երբ «Վերնիսաժ» տոնավաճառում ինքը զբաղված է եղել իր նկարների վա-ճառքով, մոտ 15 մետր հեռավորության վրա գտնվող նորակառույց շենքի մոտից լսել է վիճաբա-նության ձայներ և տեսել է նշված շենքի ստորգետնյա ավտոկայանատեղիի մուտքի մոտ կանգ-նած սև գույնի ամենագնաց ավտոմեքենա ու դրա անմիջապես դիմաց՝ փողոցի երկայնքով, կանգնած սպիտակ գույնի «ԲՄՎ» մակնիշի ավտոմեքենա, որը փակած է եղել սև գույնի ամե-նագնացի ճանապարհը։ Դրանց մոտ հավաքված են եղել բազմաթիվ մարդիկ և լսվել են վիճա-բանող տղամարդկանց ձայներ։ Մոտ 5-10 րոպե անց ավտոկայանատեղիի մոտից լսել է 3-4 կրակոցի ձայներ և վախից փախել է հակառակ ուղղությամբ՝ դեպի այգու ներսի հատվածը։ Դրանց հետ մեկտեղ լսվել են հայհոյանքներ։ Այնուհետև, տեսել է գետնին ընկած վիրավոր տարեց տղամարդու, իսկ շենքի մուտքի մոտ՝ վիրավոր տղայի։
Դատաբժշկական փորձաքննության 26.05.2014թ. թիվ 1323 եզրակացության համաձայն՝ Գ.Առաքելյանի ստացած մարմնական վնասվածքները՝ ձախ նախաբազկի, ձախ դաստակի շրջանների քերծվածքների ձևով, հասցվել են բութ, կոշտ առարկաներով, հնարավոր է որոշ-մամբ նշված ժամկետում, որոնք ինչպես ընդհանուր, այնպես էլ առանձին-առանձին վերցրած առողջությանը թեթև վնասի հատկանիշներ չեն պարունակում։ Գ.Առաքելյանի ձախ նախաբազ-կի շրջանում հայտնաբերվել է նաև արյունազեղում, որը նույնպես հասցվել է բութ, կոշտ առար-կայով, ունի մոտ 5-7 օրվա վաղեմություն և առողջությանը թեթև վնասի հատկանիշ չի պարու-նակում։
Դատաբժշկական փորձաքննության 30.05.2014թ. թիվ 817/հ եզրակացության համաձայն՝ Ներսես Մելքոնյանի մարմնական վնասվածքները՝ ձախ ազդրի առաջամիջային մակերեսի շրջանի հրազենային, գնդակային, միջանցիկ, մկանների վնասմամբ վիրավորումների ձևով, պատճառվել են գնդակով լիցքավորված հրազենից արձակված թվով չորս կրակոցով, հնարավոր է որոշման մեջ նշված ժամկետին, որոնք առաջացրել են առողջությանը միջին ծանրության վնաս՝ առողջության տևական քայքայումով։
Դատաբժշկական փորձաքննության 30.05.2014թ. թիվ 814/հ եզրակացության համաձայն՝ Վալերիկ Հովհաննիսյանի մարմնական վնասվածքները՝ ձախ ազդրի վերին երրորդականի մի-ջային մակերեսի կույր, որովայնի աջ կողմնային մակերեսի՝ թափանցող, միջանցիկ, հրազենա-յին, գնդակային վիրավորումների ձևով, պատճառվել են գնդակով լիցքավորված հրազենից ար-ձակված թվով երկու կրակոցով, հնարավոր է որոշման մեջ նշված ժամկետին, որոնք առա-ջացրել են առողջությանը ծանր վնաս՝ կյանքին վտանգ սպառնացող։
Դատաբժշկական փորձաքննության 30.05.2014թ. թիվ 818/հ եզրակացության համա-ձայն` Մնացական Սուքիասյանի մարմնական վնասվածքը՝ աջ սրունքի հետին մակերեսի շրջա-նի հրազենային, գնդակային, կույր, անոթների, նյարդերի վնասմամբ, սրունքի զույգ ոսկրերի բաց բեկորային, տեղաշարժված կոտրվածքներով վիրավորման ձևով, պատճառվել է գնդակով լիցքավորված հրազենից արձակված կրակոցով, հնարավոր է որոշման մեջ նշված ժամկետին, որն առաջացրել է առողջությանը ծանր վնաս՝ կյանքին վտանգ սպառնացող։
Դատաբժշկական փորձաքննության 30.05.2014թ. թիվ 816/հ եզրակացության համաձայն՝ Ալվինա Բադալյանի մարմնական վնասվածքը, ըստ բժշկական փաստաթղթերի տվյալների՝ ձախ սրունքի երրորդականի հրազենային, գնդակային, շոշափող, դրսային պճեղի բաց, տեղա-շարժված կոտրվածքով՝ վիրավորման ձևով, պատճառվել է գնդակով լիցքավորված հրազենից արձակված կրակոցով, հնարավոր է որոշման մեջ նշված ժամկետին, որն առաջացրել է առող-ջությանը միջին ծանրության վնաս՝ առողջության տևական քայքայումով։
Դատաբժշկական փորձաքննության 30.05.2014թ. թիվ 815/հ եզրակացության համաձայն՝ Մյասնիկ Հայրապետյանի մարմնական վնասվածքը, ըստ բժշկական փաստաթղթերի տվյալ-ների՝ ձախ ազդրի վերին երրորդականի շրջանի հրազենային, գնդակային, կույր, ընդհանուր ազդրային երակի վնասմամբ, ազդոսկրի վերին վզիկի բաց, բեկորային, տեղաշարժված կոտըր-վածքով վիրավորման ձևով, պատճառվել է գնդակով լիցքավորված հրազենից արձակված կրա-կոցով, հնարավոր է որոշման մեջ նշված ժամկետին, որն առաջացրել է առողջությանը ծանր վնաս՝ կյանքին վտանգ սպառնացող։
Դատահետքաբանական, դատաձգաբանական և դատաքիմիական համալիր փորձա-քննության 23.08.2014թ. հ. 1697-14 եզրակացության համաձայն՝ Ներսես Մելքոնյանի ջինսե անդրավարտիքի և վարտիքի վրա առկա վնասվածքները հանդիսանում են հրազենային-գնդա-կային միջանցիկ վնասվածքներ, պատճառվել են պղինձ պարունակող, հավանաբար, 9մմ տրա-մաչափի չորս գնդակներով։ Դրանցից.
N 1, 11, 12 և 13 վնասվածքները հանդիսանում են իրար շարունակությունը կազմող մուտքի և ելքի վնասվածքներ, պատճառվել են լիցքի լրացուցիչ գործոնների ազդեցության սահման-ներում /90-130սմ/, առջևից հետ, գրեթե հորիզոնական ուղղությամբ կատարված մեկ կրակոցի արդյունքում։
N 2 և դրա շարունակությունը կազմող 21, N3 և դրա շարունակությունը կազմող 31, N4 և դրա շարունակությունը կազմող 41 վնասվածքները հանդիսանում են մուտքի և ելքի վնասվածք-ներ, պատճառվել են լիցքի լրացուցիչ գործոնների ազդեցության սահմաններից դուրս տարա-ծությունից կամ արգելաշերտի միջով, առջևից հետ, աջից ձախ, գրեթե հորիզոնական ուղղու-թյամբ կատարված երեք կրակոցների արդյունքում։ N 4 և դրա շարունակությունը կազմող 41 վնասվածքները կարող են պատճառված լինել անդրադարձի ենթարկված գնդակով։
Վալերիկ Հովհաննիսյանի շապիկի, ջինսե անդրավարտիքի և վարտիքի վրա առկա N 1, 11 և 12 վնասվածքները հանդիսանում են իրար շարունակությունը կազմող հրազենային-գնդա-կային մուտքի և ելքի միջանցիկ վնասվածքներ, պատճառվել են պղինձ պարունակող, հավա-նաբար, 9մմ տրամաչափի գնդակով, լիցքի լրացուցիչ գործոնների ազդեցության սահմաններից դուրս տարածությունից կամ արգելաշերտի միջով, աջից ձախ, վերևից ներքև, քիչ առջևից հետ ուղղությամբ կատարված մեկ կրակոցի արդյունքում։
Մյասնիկ Հայրապետյանի սպորտային անդրավարտիքի առջևի վերին ձախ հատվածում առկա վնասվածքը հանդիսանում է հրազենային-գնդակային մուտքի կույր վնասվածք, պատ-ճառվել է պղինձ պարունակող հավանաբար 9մմ տրամաչափի գնդակով /հնարավոր է նաև անդրադարձի ենթարկված գնդակով/, լիցքի լրացուցիչ գործոնների ազդեցության սահմաններից դուրս տարածությունից կամ արգելաշերտի միջով, առջևից հետ ուղղությամբ կատարված մեկ կրակոցի արդյունքում։
Ալվինա Բադալյանի կանացի զուգագուլպայի ձախ փողքի ստորին հատվածում առկա վնասվածքը և նույն փողքի հետևի մասում առկա կտորի բացակայող հատվածը հանդիսանում են իրար շարունակությունը կազմող հրազենային-գնդակային մուտքի և ելքի միջանցիկ վնաս-վածքներ, պատճառվել են պղինձ պարունակող հավանաբար 9մմ տրամաչափի գնդակով /հնա-րավոր է անդրադարձի ենթարկված գնդակով/, լիցքի լրացուցիչ գործոնների ազդեցության սահ-մաններից դուրս տարածությունից կամ արգելաշերտի միջով, առջևից հետ ուղղությամբ կատար-ված մեկ կրակոցի արդյունքում։
Մնացական Սուքիասյանի անդրավարտիքի աջ փողքի հետևի ստորին մասում առկա N1 վնասվածքը հանդիսանում է հրազենային-գնդակային մուտքի կույր վնասվածք, պատճառվել է անդրադարձի ենթարկված պղինձ պարունակող 9մմ տրամաչափի գնդակով, լիցքի լրացուցիչ գործոնների ազդեցության սահմաններից դուրս տարածությունից կամ արգելաշերտի միջով, հետևից առաջ ուղղությամբ կատարված մեկ կրակոցի արդյունքում։ Անդրավարտիքի ձախ փող-քի հետևի ներսային մասում առկա N 2 և նույն փողքի առջևի ներսային մասում առկա 21 վնաս-վածքները հանդիսանում են իրար շարունակությունը կազմող հրազենային-գնդակային մուտքի և ելքի միջանցիկ վնասվածքներ, պատճառվել են պղինձ պարունակող հնարավոր է 9մմ տրա-մաչափի գնդակով, լիցքի լրացուցիչ գործոնների ազդեցության սահմաններից դուրս տարածու-թյունից կամ արգելաշերտի միջով, հետևից առաջ, գրեթե հորիզոնական ուղղությամբ կատար-ված մեկ կրակոցի արդյունքում։
Գոռ Առաքելյանի հագուստների՝ անդրավարտիքի և կարճաթև շապիկի զննությամբ հրա-զենային բնույթի վնասվածքներ չեն հայտնաբերվել։
Դեպքի վայրի հետ կապված՝ Երևան քաղաքի Վարդանանց փողոցի 18/2 շենքի ավտո-կայանատեղիի դիմաց՝ ասֆալտի վրա առկա նկարագրված թիվ 1 և թիվ 3 վնասվածքները հան-դիսացել են հրազենային-գնդակային վնասվածքներ, պատճառվել են պղինձ պարունակող, հա-վանաբար, 9 մմ տրամաչափի երկու գնդակներով, լիցքի լրացուցիչ գործոնների ազդեցության սահմաններից դուրս տարածությունից կամ արգելաշերտի միջոց կատարված երկու կրակոց-ների արդյունքում։ Դրանցից թիվ 1 վնասվածքը պատճառվել է շենքի ավտոկայանատեղիի մուտքի դարպասների շրջակայքից դեպի ավտոճանապարհն՝ ձախից աջ ուղղությամբ, իսկ թիվ 3 վնասվածքը՝ շենքի ճակատային հատվածի դիմացի շրջակայքից, Խանջյան փողոցի կողմից դեպի նշված ավտոճանապարհը՝ աջից ձախ ուղղությամբ։
Վերը նկարագրված հրազենային վնասվածքները կարող են պատճառված լինել նույն քրեական գործով փորձաքննության ներկայացված /տես փորձագետի թիվ 1681-14 եզրակացու-թյունը/ «Մակարով» տեսակի ատրճանակից արձակված կրակոցների հետևանքով։
Փորձագետ Ռուդիկ Պողոսյանի ցուցմունքի (պարզաբանումների) համաձայն՝ Վ.Հով-հաննիսյանի ջինսե անդրավարտիքի հրազենային-գնդակային մուտքի, ելքի և մարմնական վնասվածքների քանակի տարբերությունը կարող է պայմանավորված լինել անդրավարտիքի առջևում կոճկվող հատվածի բաց լինելու հանգամանքով, այսինքն՝ հնարավոր է, որ գնդակն անցած լինի առջևի չկոճկված կամ շղթան չբարձրացված հատվածով, որի դեպքում անդրավար-տիքը չի վնասվի, սակայն կպատճառվի մարմնական վնասվածք։
Դատաձգաբանական և դատաքիմիական համալիր փորձաքննության 23.08.2014թ. թիվ 1681-14 եզրակացության համաձայն՝ փորձաքննությանը ներկայացված ատրճանակը հանդի-սանում է գործարանային արտադրության 9մմ տրամաչափի «ՊՄ» /Մակարով/ տեսակի ակո-սափող ատրճանակ, պիտանի է կրակելու համար և հանդիսանում է ակոսափող հրազեն։ Ատըր-ճանակի դետալների այն հատվածներում, որտեղ պետք է դրոշմված լինեն սերիական արտա-դրության գործարանային համարները, որևէ դրոշմվածքներ չեն նկատվել։ Ատրճանակի պա-հունակի վրա առկա է «0595-2» համարը։
Ներկայացված ատրճանակի փողում հայտնաբերվել են մրի և կիսաայրված վառոդի մասնիկներ, որոնք հանդիսանում են կրակոցի արգասիքներ։
Փորձաքննության ներկայացված ընդհանուր թվով 6 հատ պարկուճներն ու 3 հատ գըն-դակները հանդիսանում են համապատասխան տրամաչափի ակոսափող ատրճանակների հա-մար նախատեսված գործարանային արտադրության 9մմ /9x18/ տրամաչափի մարտական փամփուշտների մասեր՝ կրակված 6 հատ պարկուճներ և 3 հատ գնդակներ, կրակվել են փոր-ձաքննությանը ներկայացված «ՊՄ» /Մակարով/ տեսակի ատրճանակից։
Անձին ճանաչման ներկայացնելու մասին 06.06.2014թ. արձանագրության համաձայն` վկա Գրիգոր Ավետիսյանն իրեն ճանաչման ներկայացված անձանց շարքում ճանաչել է Ներ-սես Մելքոնյանին և հայտարարել, որ վերջինս հանդիսանում է նույն այն անձնավորությունը, ում հետ 2014թ. մայիսի 17-ին` ժամը 13.30-ի սահմաններում, Վարդանանց փողոցի թիվ 18/2 շենքի 19-րդ հարկից վերելակով իջել են բակ, որտեղ էլ կռիվ է տեղի ունեցել։
Անձին ճանաչման ներկայացնելու մասին 09.06.2014թ., 31.07.2014թ. և 08.08.2014թ. ար-ձանագրությունների համաձայն` վկա Արկադի Բաղդասարյանն իրեն ճանաչման ներկայաց-ված անձանց շարքում ճանաչել է Ներսես Մելքոնյանին, Վալերիկ Հովհաննիսյանին և Գոռ Առաքելյանին ու հայտարարել, որ վերջիններս հանդիսանում են «Վերնիսաժ» տոնավաճառի մոտ տեղի ունեցած վիճաբանության և կռվի մասնակիցները։
Վկա Վարդան Զոհրաբյանի մասնակցությամբ կատարված դեպքի վայրի լրացուցիչ զննության մասին 03.06.2014թ. արձանագրության համաձայն՝ դեպքի վայր է հանդիսանում Երևան քաղաքի Արամի փողոցի՝ Վարդանանց 18/2 շենքի ավտոկայանատեղիի և նշված շենքի մուտքին հարող հատվածները։ Այն գտնվում է դեպի շենքի ստորգետնյա ավտոկայանատեղին տանող մուտքի դիմաց և դրան հարող հատվածում։ Նշված ավտոկայանատեղիի՝ փողոցին հա-րող հատվածն ունի 7 մետր լայնություն, որը գոգավորությամբ իջնում է շուրջ 7 մետր դեպի ներքև՝ ավտոկայանատեղիի մուտքի 5x2,5 մ չափսեր ունեցող դարպասների հատվածը։ Նշված գոգավոր հատվածի լայնքը 5 մետր է։ Այդ գոգավոր հատվածն ասֆալտապատ է։ Դրան ուղ-ղահայաց գտնվում է Արամի փողոցը, որը նշված հատվածում ունի 6 մ լայնություն, իսկ փողոցի հակառակ կողմում գտնվում է «Վերնիսաժ» կոչվող տոնավաճառի նկարների վաճառքի համար նախատեսված տարածքը։ Դեմքով դեպի ավտոկայանատեղիի մուտքի դարպասներին նայելիս՝ դեպի աջ գտնվում է Երևանի Վարդանանց 18/2 շենքի ճակատային հատվածը, որն ունի 40 մ երկարություն։ Շենքի նշված հատվածի դիմաց առկա է ողջ երկայնքով 120 սմ լայնությամբ սալիկապատ մայթեզր, որը փողոցից առանձնացված է եզրաքարով։ Շենքի և մայթեզրի մի-ջանցիկ հատվածում ամբողջ երկայնքով ձգվում են բազալտե աստիճաններ, իսկ դրանց վերևում առկա է բազալտապատ 1 մ լայնությամբ հարթակ։ Ավտոկայանատեղիի մուտքի և շենքի միջև առկա է բաժանարար պատ, որից 3 մ դեպի աջ գտնվում է նշված շենքի թիվ 1 մուտքը։
Զննությամբ մասնակից Վ.Զոհրաբյանը, մատնացույց անելով ավտոկայանատեղիի մուտքի գոգավորության վերևի՝ Արամի փողոցին հարող հատվածը, հայտարարել է, որ 2014թ. մայիսի 17-ին՝ ժամը 13-ի սահմաններում, նշված վայրում կայանված է եղել «ԲՄՎ X6» մակնիշի սպիտակ գույնի ավտոմեքենան, որը կայանված է եղել փողոցին զուգահեռ՝ հետնամասով Խանջյան փողոցի կողմը։
Այնուհետև, մատնացույց է արել ավտոկայանատեղիի մուտքին զուգահեռ հատվածը, հայտարարել է, որ «ԲՄՎ X6» մակնիշի մեքենայի կայանվելուց րոպեներ անց ստորգետնյա ավտոկայանատեղիից իր սև գույնի «Տոյոտա» մակնիշի 8-երով համարով մեքենայով դուրս է եկել նշված շենքի բնակիչ Գոռ Առաքելյանը, որի ավտոմեքենայի մեջ են եղել նրա կինն ու ան-չափահաս երեխան, սակայն փողոց դուրս գալ չի կարողացել, քանի որ մուտքի դիմաց կա-յանված է եղել սպիտակ «ԲՄՎ» մակնիշի ավտոմեքենան, ուստի Գ.Առաքելյանն իր մեքենան կանգնեցրել է ավտոկայանատեղիի մուտքի դիմացի գոգավորության վրա` առաջամասը դեպի փողոցի կողմը։
Այնուհետև, մատնացույց անելով շենքի 1-ին մուտքի դիմացի բազալտապատ հատվածը՝ հայտարարել է, որ այնտեղ կանգնած ինքն ու իր գործընկեր Գրիգոր Ավետիսյանը նկատել են, թե ինչպես գոգավորության վրա կանգնած «Տոյոտա» մակնիշի սև ավտոմեքենայի ձախ կո-ղային հատվածում վիճաբանություն է սկսվել «ԲՄՎ» մակնիշի սպիտակ գույնի ավտոմեքենայի վարորդի, նրա ընկերոջ և Գ.Առաքելյանի միջև, որի ընթացքում շուրջ 5-6 րոպե տևողությամբ վերջիններս փոխադարձ քաշքշել, հայհոյել և ձեռքերով հարվածներ են հասցրել միմյանց։ Կոնկրետ չի կարողացել հայտնել, թե ով է առաջինը սկսել վիճաբանությունը, ինչ արտահայ-տություններով, ով է առաջինը հայհոյել կամ հարվածել։ Այդ պահին նշված շենքի թիվ 1 մուտքի մոտ նշված ավտոմեքենայից շուրջ չորս մետր հեռավորության վրա գտնվել են ինքն ու Գ.Ավե-տիսյանը։ Այլ անձիք իրենց հետ այդ հատվածում կանգնած չեն եղել։ Այդ ժամանակ չի նկատել, թե որտեղ է գտնվել Էդվարդ Սիրդատյանը։ Նրան նկատել է միջադեպի ավարտվելուց հետո շեն-քի մուտքի մոտ՝ դրսի հատվածում։
Մատնացույց անելով ավտոկայանատեղիի մուտքի դիմացի գոգավոր հատվածի ներքևի մասը՝ հայտարարել է, որ այնտեղ է եղել սև գույնի «Տոյոտա» մակնիշի ջիպ ավտոմեքենայի հետնամասը, իսկ վիճաբանողները, միմյանց ձեռքերով հարվածելով, քաշքշելով ու փոխադարձ հայհոյանքներ տալով, եկել են դեպի Գ.Առաքելյանի նշված ավտոմեքենայի հետնամասը, իսկ ինքն ու Գ.Ավետիսյանը շենքի թիվ 1 մուտքի մոտից վազել են նրանց հետևից՝ փորձելով բաժա-նել։ Հայտարարել է նաև, որ սև գույնի նշված ավտոմեքենայի հետնամասում այլ մեքենաներ չեն եղել, ավտոկայանատեղիի դարպասների մոտ և դրանից ներս անձիք չեն եղել։
Մատնացույց է արել ավտոկայանատեղիի մուտքի փողոցին հարող բանուկ հատվածը և հայտարարել, որ նշված վայրում է հավաքված եղել մարդկանց ամբոխը, որոնցից մի քանիսն առաջ գալով դեպի գոգավոր հատվածը՝ իրենց հետ միասին փորձել են բաժանել միջադեպի մասնակիցներին։ Նրանք իրեն անծանոթ են եղել, չի ճանաչել և նկարագրել չի կարողացել։
Ապա մատնացույց անելով նույն գոգավոր հատվածը՝ հայտարարել է, որ գտնվելով այն-տեղ տեսել և լսել է, թե ինչպես է Գ.Առաքելյանը, նստելով մեքենան, հայտնել, որ թողնեն կնոջն ու երեխային տուն տանի ու գա։ Վ.Զոհրաբյանը հայտարարել է նաև, որ ծեծկռտուքը դադարել է մի քանի վայրկյանով, այդ ժամանակ Գ.Առաքելյանը կանգնած է եղել իր սև գույնի ավտոմե-քենայի ձախակողմյան հատվածում իր հետ վիճաբանող երկու անձանց հետ։ Նշել է նաև, որ Գ. Առաքելյանն այդ ընթացքում մի քանի անգամ նստել, ապա իջել է իր ավտոմեքենայից։
Մատնացույց անելով ավտոկայանատեղիի և Վարդանանց 18/2 շենքի բաժանարար պա-տից մեկ մետր դեպի փողոցի կողմ ընկած հատվածը՝ հայտարարել է, որ շուրջ երկու մետր հե-ռավորությունից նկատել է, թե ինչպես է սև գույնի «Տոյոտա» մակնիշի ավտոմեքենայի առա-ջամասի և սպիտակ «ԲՄՎ X6» մակնիշի ավտոմեքենայի աջակողմյան հատվածում կանգնած Գ.Առաքելյանն ատրճանակը ձեռքին մեկ կրակոց արձակել «ԲՄՎ X6» մակնիշի ավտոմեքե-նայի վարորդի ընկերոջ ուղղությամբ, այսինքն՝ Արամի փողոցի զուգահեռ ուղղությամբ։ Հայտա-րարել է նաև, որ առաջին կրակոցից հետո ինքը շրջվել և վազել է դեպի Խանջյան փողոցի կողմը, առաջին կրակոցից երկու-երեք վայրկյան անց լսել է ևս երկու կրակոց, երբ գտնվել է Վարդա-նանց 18/2 շենքի առաջին մուտքի դռնից 3-4 մետր հեռավորության վրա և շրջվելով տեսել է, թե ինչպես «ԲՄՎ X6» մակնիշի ավտոմեքենայի վարորդը իջել է մեքենայից ու վազել «Վերնիսաժ»-ի ուղղությամբ։ Նկատել է նաև, որ առաջին կրակոցից հետո «ԲՄՎ X6» մակնիշի ավտոմեքե-նայի վարորդի ընկերը վազելով պտտվել է իրենց նշված մեքենայի շուրջը։ Կրակոցներից անմի-ջապես հետո Գ.Առաքելյանը, որը հնարավոր է էլի կրակոցներ կատարած լինի, ատրճանակը ձեռքին վազել է ու նշված շենքի թիվ 1 մուտքի բաց վիճակում գտնված դռնից մտել ներս, իսկ նրա հետևից վազել ու նույն դռնից ներս է մտել նաև «ԲՄՎ X6» մակնիշի վարորդի ընկերը։
Մատնացույց է արել թիվ 1 մուտքի դռան հատվածը, հայտնել է, որ այնտեղից տեսել է, թե ինչպես մուտքի դռնից ներս՝ ձախ հատվածում առկա աստիճաններով Գ.Առաքելյանը, իսկ նրա հետևից նաև «ԲՄՎ X6» մակնիշի մեքենայի վարորդի ընկերը, իջել են դեպի ավտոկայանա-տեղի։ Դրանից մոտ երկու վայրկյան անց թիվ 1 մուտքի դռան կողքից լսել է ևս երկու կրակոց։ Դրանից 4-5 վայրկյան անց մուտքի դռնից մտել է ներս, որտեղ՝ դեպի ձախ գտնվող աստիճան-ների դիմաց, նկատել է ոտքից վիրավոր, արյունահոսող մի անծանոթ երիտասարդի, որը միջա-դեպի հետ կապ չի ունեցել։ Այլևս Գ.Առաքելյանին ու մնացած երկու անձանց չի տեսել։
Դեպքի վայրի զննության մասին 17.05.2014թ. արձանագրության համաձայն` դեպքի վայ-րից հայտնաբերվել են 9մմ տրամաչափի թվով 6 պարկուճներ և մեկ գնդակ, արնանման նյութի հետքերով տարբեր իրեր, ինչպես նաև Երևանի Վարդանանց փողոցի 18/2 շենքի դիմացի հատ-վածում` փողոցի ասֆալտապատ հատվածում, և նույն շենքի շքամուտքի պատերին հայտնա-բերվել են հրազենային վնասվածքներ։
Իրեղեն ապացույց ճանաչելու մասին 27.08.2014թ. որոշման համաձայն` մեղադրյալ Գ. Առաքելյանի կողմից 18.05.2014թ. կամովին ՀՀ ոստիկանության Կենտրոնականի բաժին ներկա-յացրած գործարանային արտադրության «Մակարով» տեսակի ատրճանակը, դեպքի վայրի զննությամբ հայտնաբերված 9մմ տրամաչափի 6 հատ պարկուճներն ու մեկ գնդակը, Երևանի թիվ 1 համալսարանական հիվանդանոցում կատարված վիրահատության ընթացքում Վ.Հով-հաննիսյանի ու Մ.Սուքիասյանի մարմնից հանված 2 հատ գնդակները, Երևանի թիվ 1 համա-լսարանական հիվանդանոցից առգրավված Մ.Սուքիասյանի, Մ.Հայրապետյանի, Ա.Բադալյա-նի, Վ.Հովհաննիսյանի ու Ն.Մելքոնյանի հագուստները ճանաչվել են իրեղեն ապացույց։

Դաարանի վերլուծություն.

Դատարանը, վերլուծելով ամբաստանյալներին առաջադրված մեղադրանքները, դատա-քննությամբ հետազոտված ապացույցները գնահատելով վերաբերելիության, թույլատրելիու-թյան, իսկ ամբողջ քրեական գործի ապացույցներն իրենց համակցությամբ` գործի լուծման հա-մար բավարարության տեսանկյունից, գործի հանգամանքների բազմակողմանի, լրիվ և օբյեկ-տիվ հետազոտման վրա ձևավորված համոզմամբ հանգում է հետևության, որ սույն քրեական գործին վերաբերվող փոխկապակցված հավաստի ապացույցների բավարար ամբողջությամբ հաստատվում է, որ ամբաստանյալ Գ.Առաքելյանը շատերի կյանքի համար վտանգավոր եղա-նակով ուղղակի դիտավորությամբ Վալերիկ Հովհաննիսյանի, իսկ անուղղակի դիտավորությամբ Մնացական Սուքիասյանի և Մյասնիկ Հայրապետյանի առողջությանը պատճառել է ծանր վնաս« ուղղակի դիտավորությամբ Ներսես Մելքոնյանի, իսկ անուղղակի դիտավորությամբ Ալվի-նա Բադալյանի առողջությանը պատճառել է միջին ծանրության վնաս և ապօրինի կերպով ձեռք է բերել ու պահել հրազեն և ակոսափող հրազենի փամփուշտներ« իսկ ամբաստանյալներ Վ.Հով-հաննիսյանն ու Ն.Մելքոնյանը միասին դիտավորությամբ կոպիտ կերպով խախտել են հասա-րակական կարգը« որն արտահայտվել է հասարակության նկատմամբ բացահայտ անհարգալից վերաբերմունքով և զուգորդվել է անձի նկատմամբ բռնության գործադրմամբ, այսինքն՝ դատա-քննությամբ ապացուցվեց, որ ամբաստանյալ Գ.Առաքելյանը կատարել է հանցանքներ` նախա-տեսված ՀՀ քրեական օրենսգրքի 112-րդ հոդվածի 2-րդ մասի 1-ին, 5-րդ կետերով, 113-րդ հոդ-վածի 2-րդ մասի 1-ին կետով և 235-րդ հոդվածի 1-ին մասով, իսկ ամբաստանյալներ Վ.Հովհան-նիսյանն ու Ն.Մելքոնյանը կատարել են հանացանքներ՝ նախատեսված ՀՀ քրեական օրենսգրքի 258-րդ հոդվածի 3-րդ մասի 1-ին կետով, որով և նրանք պետք է պատասխանատվության են-թարկվեն։
Դատարանը, անդրադառնալով ամբաստանյալ Գ.Առաքելյանին առաջադրված և փո-փոխված մեղադրանքին, գտնում է, որ մեղադրանքի ծավալից պետք է հանվի ամբաստանյալներ Վ.Հովհաննիսյանի, Ն.Մելքոնյանի, տուժողներ Մ.Սուքիասյանի, Մ.Հայրապետյանի և Ա.Բա-դալյանի առողջությանը խուլիգանական դրդումներով ծանր ու միջին ծանրության վնասներ պատճառելու մասով առաջադրված մեղադրանքը՝ հետևյալ պատճառաբանություններով.
Խուլիգանական դրդումներով անձի առողջությանը դիտավորությամբ վնասի պատճա-ռումը կատարվում է հասարակության և բարոյականության համընդհանուր ճանաչում ստացած նորմերի նկատմամբ բացահայտ անհարգալից վերաբերմունքի հողի վրա« երբ հանցավորի վար-քագիծը բացահայտ մարտահրավեր է հասարակական կարգին և պայմանավորված է իրեն շրջապատին հակադրելու« նրա նկատմամբ արհամարհական վերաբերմունք ցուցադրելու ցան-կությամբ։
Խուլիգանական դրդումներն իրենցից ներկայացնում են բովանդակությամբ բարդ շարժ-առիթ, որի մեջ միահյուսվում են անսահման եսամոլությունը, խեղաթյուրված պատկերացումներն անձնական ազատությունների սահմանների մասին, բիրտ ուժի պաշտամունքը, իր անձի «առա-վելությունները» ընդգծելու մոլուցքը, «ինքնահաստատման» պահանջը, սանձարձակությունը, ան-պարկեշտ վարքագիծը, ցինիզմը, դաժանությունը, հանդգնությունը, վիրավորանքը, չնչին առիթով արված դիտողության համար վրեժ լուծելը և այլն։ Նշված շարժառիթների ամբողջությունը բնորոշ է յուրաքանչյուր խուլիգանության, սակայն խուլիգանական դրդումներով անձի առողջությանը դի-տավորությամբ ծանր կամ միջին ծանրության վնաս պատճառելիս դրանց միանում է նաև մարդու առողջության նկատմամբ արհամարհական վերաբերմունքն ընդհանրապես՝ անկախ տուժողի անձից։
Խուլիգանական դրդումներով անձի առողջությանը դիտավորությամբ վնաս պատճառելիս հանցավորը գործում է ոչ այնքան տուժողի հետ ունեցած անձնական փոխհարաբերություններից ելնելով, որքան հասարակական կարգը կոպիտ կերպով խախտելու և հասարակության նկատ-մամբ բացահայտ անհարգալից վերաբերմունք դրսևորելու ձգտումից։
Խուլիգանական դրդումներով անձի առողջությանը դիտավորությամբ վնաս պատճառելու հանցակազմով արարքին բնորոշ են ոչ թե անձնական, այլ խուլիգանական շարժառիթները, այս-ինքն՝ դրդումներ, մղումներ, որոնք ցույց են տալիս բացահայտ անհարգալից վերաբերմունք հա-մակեցության կանոնների և բարոյականության տարրական նորմերի նկատմամբ։
Փաստորեն, խուլիգանական դրդումներով անձի առողջությանը դիտավորությամբ վնաս պատճառելու հանցակազմով արարքին հատուկ է բազմաթիվ« այդ թվում նաև մրցակցային շար-ժառիթների առկայությունը« որի պայմաններում կարևոր է այն հիմնական« առաջատար« գլխա-վոր շարժառիթը« որով ղեկավարվել է հանցավորն անձի առողջությանը դիտավորությամբ վնաս պատճառելիս։
Վեճի ու կռվի ընթացքում խուլիգանական դրդումներով անձի առողջությանը դիտավորու-թյամբ վնաս պատճառելու հանցակազմով արարքի առկայությունը հիմնավորելու համար ան-հրաժեշտ է նաև պարզել« թե ինչն է վեճի ու կռվի առիթ և պատճառ հանդիսացել« ով է եղել դրանց հրահրողը« ինչ է իրենից ներկայացնում հանցավորի և տուժողի անձը« ինչպիսին են եղել նրանց փոխհարաբերությունները« գործողությունների բնույթը« ով է նրանցից ակտիվ կողմը« որոնք են վեճի ու կռվի ընթացքում կատարված սպանության շարժառիթները։
Այսպիսով, եթե անձի առողջությանը ծանր կամ միջին ծանրության վնասներ պատճա-ռելիս հանցավորի գործողությունները չեն պարունակում հասարակական կարգի կոպիտ խախտման« հասարակության նկատմամբ բացահայտ անհարգալից վերաբերմունքի այնպիսի դրսևորումներ« ինչպիսիք են` հասարակության և բարոյականության համընդհանուր ճանաչում ստացած նորմերին նետված բացահայտ մարտահրավերը« իրեն շրջապատին և հասարա-կությանը հակադրելու և հակազդելու ցանկությունը« իր անձի «առավելությունները» ընդգծելու մոլուցքը« «ինքնահաստատման» պահանջը« եսամոլությունը« սանձարձակությունը« կատաղի« անպարկեշտ վարքագիծը« ցինիզմը« դաժանությունը« աննշան վիրավորանքի« չնչին առիթով ճիշտ արված դիտողության համար վրեժ լուծելը և այլն« ապա նրա արարքը չի կարող որակվել ՀՀ քրեական օրենսգրքի 112-րդ հոդվածի 2-րդ մասի 9-րդ կամ 113-րդ հոդված 2-րդ մասի 6-րդ կետերով։
Նշված հարցերի հետ կապված ՀՀ Վճռաբեկ դատարանն իր համանման իրավական դիր-քորոշումներն է արտահայտել թիվ ՎԲ-48/08 գործով 2008 թվականի հուլիսի 25-ին և թիվ ՎԲ-04/10 2010 թվականի մարտի 26-ին կայացրած որոշումներում։
Դատարանը, սույն քրեական գործով տեղայնացնելով վերը նշված գործերով Վճռաբեկ դատարանի դիրքորոշումները, հաշվի առնելով տրված իրավական վերլուծությունը և ամփո-փելով վերոգրյալները, գտնում է, որ արարքը՝ առողջությանը ծանր կամ միջին ծանրության վնաս պատճառելը, կարող է որակվել խուլիգանական դրդումներով կատարված՝ ելնելով հան-ցավորի դիտավորության բովանդակությունից և ուղղվածությունից, արարքի կատարման շարժ-առիթից, և պետք է հաշվի առնվեն ինչպես արարքի կատարման նպատակները, այնպես էլ՝ հան-գամանքները։
Արարքը խուլիգանական դրդումներով կատարելու տակ պետք է հասկանալ այնպիսի դի-տավորյալ գործողությունների կատարում, որոնք կատարվել են առանց առիթի կամ չնչին առիթի օգտագործմամբ։ Սակայն նման դեպքում անհրաժեշտ է նաև պարզել, թե հանցավորի և տուժողի միջև տեղի ունեցած կոնֆլիկտը՝ վիճաբանության ընթացքում ամբաստանյալի բռնի գործողութ-յան կատարումը, արդյո՞ք, պայմանավորված չէ տուժողի (վնասվածք ստացած անձի) դրսևո-րած վարքագծով կամ գործողությամբ, արդյո՞ք, այն չի հրահրվել տուժողի (վնասվածք ստացած անձի) կողմից, նկատի ունենալով, որ եթե հանցագործությունը պայմանավորվել է տուժողի (վնասվածք ստացած անձի) վարքագծի հակաօրինականությամբ կամ հակաբարոյականու-թյամբ, ապա արարքը չի կարող որակվել որպես խուլիգանական դրդումներով կատարված հան-ցագործություն։
Սույն գործի նյութերով հիմնավորվել է« ամբաստանյալ Գ.Առաքելյանը դեպքի պահին եղել է կնոջ և մանկահասակ երեխայի հետ, ենթարկվել է ծեծի, նստելով իր ավտոմեքենան՝ փորձել է խուսափել կռվից, ինչը նրան չի հաջողվել, քանի որ ամբաստանյալներ Վ.Հովհաննիսյանն ու Ն. Մելքոնյանը նման հնարավորություն չեն ընձեռնել նրան նաև այն բանից հետո, երբ նա առա-ջարկել է կնոջն ու երեխային տանել տուն և վերադառնալ, ամբաստանյալներ Վ.Հովհաննիսյանն ու Ն.Մելքոնյանը բռնության գործադրմամբ նրան դուրս են հանել և փորձել են դուրս հանել ավտո-մեքենայից ու միայն դեպքի վայրում հավաքված մարդկանց միջամտությամբ է ամբաստանյալ Գ. Առաքելյանին հաջողվել նստել իր ավտոմեքենան, որից հետո, երբ ամբաստանյալներ Վ.Հով-հաննիսյանն ու Ն.Մելքոնյանն սպառնացել են «սատկացնել» նրան, նոր միայն նա դուրս է եկել ավտոմեքենայից և հրազենի գործադրմամբ մարմնական վանսվածքներ պատճառել ամբաստան-յալներ Վ.Հովհաննիսյանին, Ն.Մելքոնյանին ու տուժողներին։
Դատարանը հարկ է համարում նշել, որ թեև ամբաստանյալների միջև վիճաբանությունն սկսվել է սույն դատավճռի «Դատաքննությամբ հետազոտված և գնահատված ապացույցներով հաստատված հանգամանքները» մասում նշված չնչին առիթի պատճառով, սակայն այն վե-րաճել է կռվի ու ծեծի, որում ակտիվ դեր են ունեցել ամբաստանյալներ Վ.Հովհաննիսյանն ու Ն. Մելքոնյանը, որպիսի պարագայում ամբաստանյալ Գ.Առաքելյանը սեփական անձի առավելու-թյունն ընդգծելու մոլուցքից մղված և խուլիգանական դրդումներով չէ, որ կատարել է իրեն մեղ-սագրված վերոգրյալ արաքները (ինչպես նշվել է նրան առաջադրված և փոփոխված մեղադը-րանքում), այլ ծեծվելով մինչ այդ իրեն անծանոթ ամբաստանյալներ Վ.Հովհաննիսյանի և Ն. Մելքոնյանի կողմից, վիճաբանության ընթացքում թեև ինքն էլ է հայհոյել, սակայն հիմնականում պաշտպանվել է և փորձել է խուսափել ծեծից, ինչից հետո նոր միայն վերջիններիս ու իրեն անծանոթ տուժողների առողջությանը հրազենով դիտավորությամբ պատճառել է վնասներ։
Այսպիսով, դատարանը գտնում է« որ նախաքննության մարմինը ճիշտ չի գնահատել ամ-բաստանյալ Գ.Առաքելյանի գործողությունների շարժառիթները և հանգել է սխալ հետևության« թե նրան մեղսագրված՝ ՀՀ քրեական օրենսգրքի 112-րդ և 113-դր հոդվածների 2-րդ մասերով որակված, արարքները կատարվել են խուլիգանական դրդումներով, ինչը չհաստատվեց դատա-քննությամբ։
Նախաքննության մարմինը, խախտելով ապացույցների գնահատումն ամրագրած ՀՀ քրեական դատավարության օրենսգրքի 127-րդ հոդվածի պահանջները« խուլիգանական դրդում-ներով արարքներ կատարելու մասով պատշաճ գնահատման չի ենթարկել ամբաստանյալ Գ. Առաքելյանի նշված արարքների ճիշտ որակման համար էական նշանակություն ունեցող վերո-գրյալ հանգամանքները։ Հետևաբար, նախաքննության մարմնի այդ հետևություները չեն բխում գործի փաստական տվյալներից և չեն կարող ճանաչվել հիմնավորված ու պատճառաբանված։
ՀՀ քրեական դատավարության օրենսգրքի 17-րդ հոդվածի 3-րդ մասի համաձայն` «Քրե-ական հետապնդում իրականացնող մարմինը պարտավոր է ձեռնարկել սույն օրենսգրքով նա-խատեսված բոլոր միջոցառումները` գործի հանգամանքների բազմակողմանի« լրիվ և օբյեկտիվ հետազոտման համար« պարզել ինչպես կասկածյալի և մեղադրյալի մեղավորությունը հիմնա-վորող« այնպես էլ նրանց արդարացնող« ինչպես նաև նրանց պատասխանատվությունը մեղ-մացնող և ծանրացնող հանգամանքները։
ՀՀ քրեական դատավարության օրենսգրքի 126-րդ հոդվածի համաձայն` «Գործով հա-վաքված ապացույցները ենթակա են բազմակողմանի և օբյեկտիվ ստուգման` ձեռք բերված ապացույցի վերլուծության, այն այլ ապացույցների հետ համադրելու, նոր ապացույցներ հավա-քելու, ապացույցների ձեռքբերման աղբյուրներն ստուգելու միջոցով»։
ՀՀ քրեական դատավարության օրենսգրքի 127-րդ հոդվածի համաձայն`
«1. Յուրաքանչյուր ապացույց ենթակա է գնահատման` վերաբերելիության, թույլատրե-լիության, իսկ ամբողջ ապացույցներն իրենց համակցությամբ` գործի լուծման համար բավարա-րության տեսանկյունից։
2. Հետաքննության մարմնի աշխատակիցը, քննիչը, դատախազը, դատավորը, ղեկավար-վելով օրենքով, ապացույցները գնահատում են ապացույցների համակցության մեջ` դրանց բազ-մակողմանի, լրիվ և օբյեկտիվ քննության վրա հիմնված իրենց ներքին համոզմամբ»։
Դատարանը, արձանագրելով, որ փորձագետների եզրակացությունների համաձայն Ն. Մելքոնյանին պատճառված մարմնական վնասվածքներից մեկն ու տուժողներ Մ.Հայրապետյա-նին և Ա.Բադալյանին պատճառված մարմնական վնասվածքները կարող են ու հնարավոր է պատճառված լինեն անդրադարձի ենթարկված գնդակով, գտնում է, որ դատաքննությամբ նըշ-ված հանգամանքը հիմնավորող կամ հերքող բավարար ապացույցներ ձեռք չբերելու պայման-ներում առկա է չփարատված կասկած, ինչը պետք է մեկնաբանվի հօգուտ ամբաստանյալ Գ. Առաքելյանի, նկատի ունենալով, որ նման կերպ մարմնական վնասվածքներ պատճառելու հան-գամանքը որոշակիորեն կարող է վկայել արարքի ոչ մեծ հասարակական վտանգավորության աստիճանի և հանցավորի անուղղակի դիտավորության առկայության մասին։
ՀՀ քրեական դատավարության օրենսգրքի 18-րդ հոդվածի 3-րդ մասի համաձայն` «Հան-ցանք գործելու մեջ անձի մեղավորության մասին հետևությունը չի կարող հիմնվել ենթադրու-թյունների վրա, այն պետք է հաստատվի գործին վերաբերող փոխկապակցված հավաստի ապացույցների բավարար ամբողջությամբ»։
Նույն հոդվածի 4-րդ մասի համաձայն` «Մեղադրանքն ապացուցված լինելու վերաբերյալ բոլոր կասկածները, որոնք չեն կարող փարատվել սույն օրենսգրքի դրույթներին համապա-տասխան պատշաճ իրավական ընթացակարգի շրջանակներում, մեկնաբանվում են հօգուտ մե-ղադրյալի կամ կասկածյալի»։
Դատարանը, անդրադառնալով ամբաստանյալ Գ.Առաքելյանին ՀՀ քրեական օրենսգրքի 112-րդ ու 113-րդ հոդվածների 2-րդ մասերով առաջադրված մեղադրանքների վերաբերյալ նրա պաշտպանի առարկություններին, գտնում է, որ վերը նշված իրավական վերլուծությամբ և պատ-ճառաբանություններով դրանք՝ բացառությամբ խուլիգանական դրդումների վերաբերյալ հիմնա-վորումների, անհիմն են և չեն կարող ամբաստանյալ Գ.Առաքելյանի կատարած վերոգրյալ արարքները ՀՀ քրեական օրենսգրքի 112-րդ հոդվածի 1-ին մասով, 113-րդ հոդվածի 1-ին մասով, 120-րդ հոդվածի 2-րդ մասով և 121-րդ հոդվածի 1-ին մասով վերաորակելու հիմք հանդիսանալ։
Ինչ վերաբերվում է նախաքննության մարմնի կողմից թույլ տրված դատավարական խախտումների մասին պաշտպան Ե.Սարգսյանի նշումներին, ապա դատարանը, հաշվի առնե-լով մեղադրողի կողմից ամբաստանյալ Գ.Առաքելյանին առաջադրված մեղադրանքը փոփոխե-լու և դատարանի կողմից մեղադրանքի ծավալից մաս հանելու հանգամանքները, չի անդրա-դառնում դրանց՝ գտնելով, որ նշված ենթադրյալ խախտումների հնարավոր առկայությունը չի կարող խոչընդոտ հանդիսանալ արդար դատաքննության և դատական ակտ կայացնելու հա-մար։
Անդրադառնալով ամբաստանյալ Վ.Հովհաննիսյանի կողմից խուլիգանություն չկատարե-լու հիմքով նրան արդարացնելու և ՌԴ-ում կատարած հանցանքի համար դատվածություն ունենալը որպես ռեցիդիվի գնահատման հիմք չհամարելու վերաբերյալ պաշտպան Ա.Ալվանդ-յանի միջնորդությանը, դատարանը, վերլուծելով ՀՀ քրեական օրենսգրքի 258-րդ հոդվածն ու հաշվի առնելով թիվ ԱՎԴ/0014/01/11 գործով 2012թ. մարտի 30-ին կայացված որոշմամբ խուլի-գանության վերաբերյալ ՀՀ Վճռաբեկ դատարանի իրավական դիրքորոշումները, գտնում է, որ սույն դատավճռով գնահատված ապացույցների համակցությամբ հաստատվում է, որ ամբաս-տանյալ Վ.Հովհաննիսյանն ամբաստանյալ Ն.Մելքոնյանի հետ կատարել են իրենց մեղսա-գրվող արարքները, այսինքն՝ գործով ձեռք բերված ապացույցներով հիմնավորվում է նրանց կողմից հասարակական կարգի խախտման կոպիտ լինելը և միաժամանակ, հասարակության նկատմամբ այդ խախտմամբ արտահայտված անհարգալից վերաբերմունքի բացահայտ լինելն ու ամբաստանյալ Գ.Առաքելյանի նկատմամբ բռնության գործադրումը։
Հետևաբար, ամբաստանյալներ Վ.Հովհաննիսյանի և Ն.Մելքոնյանի կատարած արարք-ներին տրվել են ճիշտ քրեաիրավական գնահատականներ ու քրեական գործի ապացույցները ձեռք են բերվել քրեադատավարական օրենքի պահանջների պահպանմամբ, ուստի պաշտպանի միջնորդությունն անհիմն է և չի կարող բավարավել։
Դատարանը նաև արձանագրում է, որ ՀՀ քրեական օրենսգրքի 17-րդ հոդվածի 2-րդ մասի համաձայն՝
«1. Օտարերկրյա պետության դատարանի դատավճիռը կարող է հաշվի առնվել« եթե Հա-յաստանի Հանրապետության քաղաքացին« օտարերկրյա քաղաքացին կամ քաղաքացիություն չունեցող անձը դատապարտվել է Հայաստանի Հանրապետության տարածքից դուրս կատա-րած հանցանքի համար և կրկին հանցանք է կատարել Հայաստանի Հանրապետության տա-րածքում։
2. Սույն հոդվածի առաջին մասին համապատասխան հանցագործությունների ռեցիդիվը« չկրած պատիժը կամ օտարերկրյա պետության դատարանի դատավճռի այլ իրավական հետևանքները հաշվի են առնվում նոր հանցանքը որակելիս« պատիժ նշանակելիս« քրեական պատասխանատվությունից կամ պատժից ազատելիս։
Ամբաստանյալների նկատմամբ պատիժ նշանակելիս` պատիժների տեսակն ու չափը որո-շելիս, դատարանը հաշվի է առնում ինչպես նրանց կատարած հանցագործությունների բնույթը, հանրության համար վտանգավորության աստիճանը, նրանց կատարած հանցանքների շարժ-առիթներն ու նպատակները« նրանցից յուրաքանչյուրի դերը և կատարած գործողությունների բնույթն ու ծավալը, դրսևորած ակտիվության աստիճանը և հանցագործությունները կատարելիս ու դրանից հետո նրանց վարքագիծը, այնպես էլ նրանց անձը բնութագրող տվյալները և պա-տասխանատվությունն ու պատիժը մեղմացնող և ծանրացնող հանգամանքները։
Որպես ամբաստանյալ Գ.Առաքելյանի պատասխանատվությունն ու պատիժը մեղմաց-նող հանգամանքներ` դատարանը հաշվի է առնում, որ նա առաջին անգամ է դատապարտվում, հանցագործությունները կատարելուց հետո կամովին ներկայացել է վարույթն իրականացնող մարմին, կատարած հանցանքներից երկուսը պայմանավորված են նաև մյուս ամբաստանյալ-ների վարքագծի հակաօրինականությամբ, տուժողները չեն բողոքում և, ըստ էության, հաշտվել են նրա հետ, խնամքին են գտնվում նրա մինչև 14 տարեկան` 4-ամյա, դուստրը և 2-ամյա որդին։
Ամբաստանյալ Գ.Առաքելյանի պատասխանատվությունն ու պատիժը ծանրացնող հան-գամանքներ դատաքննությամբ չարձանագրվեցին։
Որպես ամբաստանյալ Ն.Մելքոնյանի պատասխանատվությունն ու պատիժը մեղմաց-նող հանգամանքներ` դատարանը հաշվի է առնում, որ նա առաջին անգամ է դատապարտվում և խնամքին են գտնվում նրա մինչև 14 տարեկան՝ 9-ամյա, և անչափահաս՝ 15-ամյա, որդիները։
Որպես ամբաստանյալ Ն.Մելքոնյանի անձը բնութագրող տվյալ՝ դատարանը հաշվի է առնում, որ ծննդավայրում՝ Վրաստանի Նաոխրեբին գյուղում, բնութագրվում է որպես բարեգործ և դրական անձավորություն։
Ամբաստանյալ Ն.Մելքոնյանի պատասխանատվությունն ու պատիժը ծանրացնող հան-գամանքներ դատաքննությամբ չարձանագրվեցին։
Որպես ամբաստանյալ Վ.Հովհաննիսյանի պատասխանատվությունն ու պատիժը մեղ-մացնող հանգամանքներ` դատարանը հաշվի է առնում, որ նա վատառողջ է՝ հանցագործության հետևանքով ստացել է ծանր մարմնական վնասվածքներ և կարիք ունի բուժման։
Որպես ամբաստանյալ Վ.Հովհաննիսյանի անձը բնութագրող տվյալ՝ դատարանը հաշվի է առնում, որ բնակության վայրում նա բնութագրվում է դրական։
Որպես ամբաստանյալ Վ.Հովհաննիսյանի պատասխանատվությունը և պատիժը ծան-րացնող հանգամանք՝ դատարանը հաշվի է առնում նրանց կողմից հանցանք կատարելու ռեցի-դիվը։
Այսպիսով, ելնելով պատիժ նշանակելու ընդհանուր՝ օրինականության« արդարության« պատժի անհատականացման և մարդասիրության, սկզբունքներից, հաշվի առնելով դրանց վե-րաբերյալ մի շարք որոշումներով ՀՀ Վճռաբեկ դատարանի արտահայտած իրավական դիրքո-րոշումներն ու ղեկավարվելով ՀՀ քրեական օրենսգրքի 5-րդ« 10-րդ« 11-րդ, 48-րդ, 61-րդ և 671 հոդ-վածների պահանջներով, դատարանը գտնում է, որ ամբաստանյալները պետք է դատապարտ-վեն ազատազրկման և կրեն նշանակված պատիժները, նկատի ունենալով, որ նրանց ուղղվելը հնարավոր չէ առանց պատիժը կրելու, և որ ամբաստանյալներ Վ.Հովհաննիսյանի և Ն.Մելքոն-յանի կատարած հանցագործությունների համար նախատեսված պատիժներից նվազ խիստ տե-սակը՝ տուգանքը, չի կարող ապահովել պատժի նպատակները։
Դատարանը, քննության առնելով իրեղեն ապացույցների տնօրինման հարցը` գտնում է, որ «Մակարով» տեսակի ատրճանակը պետք է հանձնվի ՀՀ ոստիկանության տնօրինմանը, 9 մմ տրամաչափի 6 հատ պարկուճն ու 3 հատ գնդակը՝ ոչնչացվեն, իսկ տուժողներ Մ.Սուքիասյանի, Մ.Հայրապետյանի, Ա.Բադալյանի և ամբաստանյալներ Վ.Հովհաննիսյանի ու Ն.Մելքոնյանի հագուստները՝ վերադարձվեն նրանց։
Տուժողները քաղաքացիական հայցեր չհարուցեցին։
Քննության առնելով խափանման միջոցների հարցը` դատարանը գտնում է, որ ամբաս-տանյալների նկատմամբ կիրառված խափանման միջոցները` մինչև դատավճռի օրինական ուժի մեջ մտնելը, պետք է թողնվեն անփոփոխ։
Վերոգրյալների հիման վրա ու ղեկավարվելով ՀՀ քրեական դատավարության օրենսգրքի 119-րդ, 357-360-րդ, 365-րդ, 367-րդ և 369-372-րդ հոդվածներով` դատարանը

Վ Ճ Ռ Ե Ց

1. Գոռ Արմենի Առաքելյանին ճանաչել մեղավոր ՀՀ քրեական օրենսգրքի 112-րդ հոդ-վածի 2-րդ մասի 1-ին, 5-րդ կետերով, 113-րդ հոդվածի 2-րդ մասի 1-ին կետով ու 235-րդ հոդվածի 1-ին մասով, և ՀՀ քրեական օրենսգրքի 112-րդ հոդվածի 2-րդ մասի 1-ին ու 5-րդ կետերով նրան դատապարտել ազատազրկման 5 (հինգ) տարի 6 (վեց) ամիս ժամկետով, 113-րդ հոդվածի 2-րդ մասի 1-ին կետով՝ ազատազրկման 1 (մեկ) տարի 6 (վեց) ամիս ժամկետով, իսկ 235-րդ հոդվա-ծի 1-ին մասով՝ ազատազրկման 1 (մեկ) տարի ժամկետով։
ՀՀ քրեական օրենսգրքի 66-րդ հոդվածի 4-րդ մասի համաձայն՝ նշանակված պատիժները մասնակիորեն գումարելու միջոցով, որպես վերջնական պատիժ՝ նշանակել ազատազրկում 6 (վեց) տարի 6 (վեց) ամիս ժամկետով՝ պատժի կրման սկիզբը հաշվելով 2014թ. մայիսի 18-ից։
Պատիժը պետք է կրի ՀՀ ԱՆ համապատասխան քրեակատարողական հիմնարկում։
Ամբաստանյալ Գ.Առաքելյանի նկատմամբ կիրառված խափանման միջոցը՝ կալանքը, թողնել անփոփոխ` մինչև դատավճռի օրինական ուժի մեջ մտնելը։
2. Ներսես Հովհաննեսի Մելքոնյանին ճանաչել մեղավոր ՀՀ քրեական օրենսգրքի 258-րդ հոդվածի 3-րդ մասի 1-ին կետով և դատապարտել ազատազրկման 2 (երկու) տարի ժամկետով՝ պատժի կրման սկիզբը հաշվելով 2014թ. հունիսի 6-ից։
Պատիժը պետք է կրի ՀՀ ԱՆ համապատասխան քրեակատարողական հիմնարկում։
Ամբաստանյալ Ն.Մելքոնյանի նկատմամբ կիրառված խափանման միջոցը՝ կալանքը, թողնել անփոփոխ` մինչև դատավճռի օրինական ուժի մեջ մտնելը։
3. Վալերիկ Սամվելի Հովհաննիսյանին ճանաչել մեղավոր ՀՀ քրեական օրենսգրքի 258-րդ հոդվածի 3-րդ մասի 1-ին կետով և դատապարտել ազատազրկման 3 (երեք) տարի ժամկե-տով՝ պատժի կրման սկիզբը հաշվելով 2014թ. հուլիսի 3-ից։
Պատիժը պետք է կրի ՀՀ ԱՆ համապատասխան քրեակատարողական հիմնարկում։
Ամբաստանյալ Վ.Հովհաննիսյանի նկատմամբ կիրառված խափանման միջոցը՝ կալան-քը, թողնել անփոփոխ` մինչև դատավճռի օրինական ուժի մեջ մտնելը։
Իրեղեն ապացույց ճանաչված «Մակարով» տեսակի ատրճանակը հանձնել ՀՀ ոստիկա-նության տնօրինմանը, 9 մմ տրամաչափի 6 հատ պարկուճն ու 3 հատ գնդակը ոչնչացնել, իսկ տուժողներ Մ.Սուքիասյանի, Մ.Հայրապետյանի, Ա.Բադալյանի և ամբաստանյալներ Վ.Հով-հաննիսյանի ու Ն. Մելքոնյանի հագուստները վերադարձնել նրանց։
Դատավճիռը կարող է բողոքարկվել ՀՀ վերաքննիչ քրեական դատարան` հրապարակ-վելու օրվանից հետո` մեկամսյա ժամկետում։

ԴԱՏԱՎՈՐ` Գ.ՊՈՂՈՍՅԱՆ