ԵԿԴ/0154/01/14
Ո Ր Ո Շ ՈՒ Մ
ԳՈՐԾԻ ՎԱՐՈՒՅԹԸ ԿԱՐՃԵԼՈՒ ՄԱՍԻՆ

11 մարտի 2015թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավա-սության առաջին ատյանի դատարանը` նախագահությամբ դատավոր Գ.Պողոսյանի, քարտու-ղարությամբ` Ա.Մարտիրոսյանի, Ս.Մանուկյանի և Ն.Թումանյանի, մասնակցությամբ` մեղադը-րող Մ.Գեղամյանի, ամբաստանյալներ Հ.Խամոյանի և Հ.Հայրապետյանի, պաշտպաններ Վ.Ար-մենակյանի ու Թ.Բաղդասարյանի, դատարանում` դռնբաց դատական նիստում, քննելով Հակոբ Վարդանի Խամոյանի (ծնված 24.10.1957թ. Թալինի շրջանի Դավթաշեն գյուղում, ազգությամբ հայ, ՀՀ քաղաքացի, իր հայտարարությամբ՝ աշխատում է «Լորես» ՍՊ ընկերությունում՝ որպես վարորդ, ամուսնացած և միջնակարգ-մասնագիտական կրթությամբ, առողջ, չդատված, բնակ-վում է` ք.Երևան, Շիրազի փողոց, 16-րդ շենք, բնակարան հ. 1, արգելանքի տակ չէ, մեղադրվում է ՀՀ քրեական օրենսգրքի 345-րդ հոդվածի 1-ին մասով) և Հայկ Պետիկի Հայրապետյանի (ծնված 06.03.1965թ. ք.Երևանում, ազգությամբ հայ, ՀՀ քաղաքացի, իր հայտարարությամբ՝ ամուսնացած, խնամքին մեկ անձ և բարձրագույն կրթությամբ, առողջ, չի աշխատում, չդատված, բնակվում է` ք.Երևան, Նորք, 2-րդ փողոց, տուն հ. 19, արգելանքի տակ չէ, մեղադրվում է ՀՀ քրեական օրենսգրքի 38-345-րդ հոդվածի 1-ին մասով) վերաբերյալ ԵԿԴ/0154/01/14 քրեական գործի վարույթը վաղեմության ժամկետն անցած լինելու հիմքով կարճելու մասին պաշտպան-ների միջնորդությունը,
Պ Ա Ր Զ Ե Ց

Ամբաստանյալ Հակոբ Խամոյանին ՀՀ քրեական օրենսգրքի 345-րդ հոդվածի 1-ին մասով մեղադրանք է առաջադրվել այն բանի համար, որ նա. «24.03.2010թ-ից մինչև 20.03.2013թ-ը հան-դիսանալով «Առագաս» ՍՊ ընկերության տնօրեն, ՀՀ Վարչական դատարանի կողմից տրված կատարողական թերթի հիման վրա ՀՀ ԱՆ ԴԱՀԿ ծառայությունում հարուցված կատարողա-կան վարույթի շրջանակներում 17.12.2011թ-ից «Առագաս» ՍՊ ընկերության դրամարկղի ելքերի վրա արգելանք դրված լինելու պայմաններում ընկերության փաստացի սեփականատեր Հայկ Պետիկի Հայրապետյանի դրդմամբ գումարներ է ելքագրել «Առագաս» ՍՊ ընկերության դրամ-արկղից՝ այդ կերպ ապօրինի գործողություններ կատարելով արգելանքի տակ գտնվող գույքի նկատմամբ, ինչը հայտնաբերվել է 18.01.2013թ-ին ՀՀ ԱՆ ԴԱՀԿ ծառայության աշխատակցի կողմից»։
Ամբաստանյալ Հայկ Հայրապետյանին ՀՀ քրեական օրենսգրքի 38-345-րդ հոդվածի 1-ին մասով մեղադրանք է առաջադրվել այն բանի համար, որ նա. «հանդիսանալով «Առագաս» ՍՊ ընկերության փաստացի սեփականատեր, ՀՀ Վարչական դատարանի կողմից տրված կատարո-ղական թերթի հիման վրա ՀՀ ԱՆ ԴԱՀԿ ծառայությունում հարուցված կատարողական վարույ-թի շրջանակներում 17.12.2011թ-ից «Առագաս» ՍՊ ընկերության դրամարկղի ելքերի վրա արգե-լանք դրված լինելու պայմաններում ընկերության տնօրեն Հակոբ Վարդանի Խամոյանին հա-մոզելու եղանակով դրդել է գումարներ ելքագրել «Առագաս» ՍՊ ընկերության դրամարկղից, ինչը և վերջինս իրականացրել է` այդ կերպ ապօրինի գործողություններ կատարելով արգելանքի տակ գտնվող գույքի նկատմամբ, ինչը հայտնաբերվել է 18.01.2013թ-ին ՀՀ ԱՆ ԴԱՀԿ ծառա-յության աշխատակցի կողմից»։
Դատաքննությամբ ամբաստանյալներ Հ.Խամոյանի և Հ.Հայրապետյանի, պաշտպաններ Վ.Արմենակյանն ու Թ.Բաղդասարյանը, հարուցելով միջնորդություն, խնդրեցին վաղեմության ժամկետն անցնելու հիմքով ամբաստանյալների նկատմամբ դադարեցնել քրեական հետապըն-դումն ու կարճել քրեական գործի վարույթը։
Ամբաստանյալներն ու մեղադրողը միացան հարուցված միջնորդություններին։
Դատարանը, քննության առնելով պաշտպանների միջնորդությունները և հաշվի առնելով ամբաստանյալների և մեղադրողի կարծիքները, գտնում է, որ միջնորդությունը պետք է բավա-րարվի` հետևյալ պատճառաբանություններով.
ՀՀ քրեական դատավարության օրենսգրքի 35-րդ հոդվածի 1-ին մասի 6-րդ կետի համա-ձայն` քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե անցել են վաղեմության ժամկետները։
Նույն հոդվածի 5-րդ մասի համաձայն` դատարանը« հայտնաբերելով քրեական հետա-պնդումը բացառող հանգամանքներ« լուծում է ամբաստանյալի նկատմամբ քրեական հետա-պընդումը դադարեցնելու հարցը։
ՀՀ քրեական դատավարության օրենսգրքի 6-րդ մասի համաձայն՝ նույն հոդվածի առա-ջին մասի 6-րդ և 13-րդ կետերում նշված հիմքերով գործի վարույթի կարճում և քրեական հետա-պընդման դադարեցում չի թույլատրվում« եթե դրա դեմ առարկում է մեղադրյալը։ Այս դեպքում գործի վարույթը շարունակվում է սովորական կարգով։
ՀՀ քրեական օրենսգրքի 75-րդ հոդվածի համաձայն`
1. Անձն ազատվում է քրեական պատասխանատվությունից« եթե հանցանքն ավարտված համարելու օրվանից անցել են հետևյալ ժամկետները.
1) երկու տարի՝ ոչ մեծ ծանրության հանցանքն ավարտված համարելու օրվանից։
(...)
2. Վաղեմության ժամկետը հաշվարկվում է հանցանքն ավարտված համարելու օրվանից մինչև դատավճռի օրինական ուժի մեջ մտնելու պահը։ Տևող հանցագործության դեպքում վա-ղեմության ժամկետը հաշվարկվում է արարքը դադարելու« իսկ շարունակվող հանցագործու-թյան դեպքում` վերջին արարքը կատարելու պահից։
ՀՀ քրեական օրենսգրքի 19-րդ հոդվածի համաձայն`
1. (...)
2. Ոչ մեծ ծանրության հանցագործություններ են համարվում դիտավորությամբ կատար-ած այն արարքները« որոնց համար սույն օրենսգրքով նախատեսված առավելագույն պատիժը չի գերազանցում երկու տարի ժամկետով ազատազրկումը« կամ որոնց համար նախատեսված է ազատազրկման հետ կապ չունեցող պատիժ...։
Այսպիսով, ղեկավարվելով վերը նշված հոդվածների պահանջներով և նկատի ունենալով, որ մեղադրական եզրակացության համաձայն ամբաստանյալների կատարած հանցագործու-թյունները բացահայտվել են 18.01.2013թ-ին, հետևաբար՝ հանցանքներն ավարտվել են մինչ այդ օրը, որից անցել է երկու տարի ժամկետ, ամբաստանյալների կողմից դիտավորությամբ կատար-ված արարքների համար ՀՀ քրեական օրենսգրքի 345-րդ հոդվածի 1-ին մասով նախատեսված առավելագույն պատիժը չի գերազանցում երկու տարի ժամկետով ազատազրկումը, այսինքն` ամբաստանյալները կատարել են ոչ մեծ ծանրության հանցագործություններ, և նրանք չառար-կեցին միջնորդություններին, դատարանը գտնում է, որ ամբաստանյալները պետք է ազատվեն քրեական պատասխանատվությունից` նրանց նկատմամբ պետք է դադարեցվի ՀՀ քրեական օրենսգրքի 345-րդ հոդվածի 1-ին և 38-345-րդ հոդվածի 1-ին մասերով քրեական հետապնդումն ու կարճվի նրանց վերաբերյալ ԵԿԴ/0154/01/14 քրեական գործի վարույթը։
Դատարանը, քննության առնելով ամբաստանյալների նկատմամբ կիրառված խափան-ման միջոցի՝ չհեռանալու մասին ստորագրության հարցը, գտնում է, որ դրանք պետք է վերաց-վեն։
Վերոգրյալների հիման վրա և ղեկավարվելով ՀՀ քրեական դատավարության օրենսգրքի 35-րդ և 313-րդ հոդվածներով` դատարանը

Ո Ր Ո Շ Ե Ց

Հակոբ Վարդանի Խամոյանին ազատել քրեական պատասխանատվությունից` նրա նկատմամբ դադարեցնել ՀՀ քրեական օրենսգրքի 345-րդ հոդվածի 1-ին մասով քրեական հե-տապնդումը՝ վաղեմության ժամկետն անցած լինելու հիմքով։
Հայկ Պետիկի Հայրապետյանին ազատել քրեական պատասխանատվությունից` նրա նկատմամբ դադարեցնել ՀՀ քրեական օրենսգրքի 38-345-րդ հոդվածի 1-ին մասով քրեական հե-տապնդումը՝ վաղեմության ժամկետն անցած լինելու հիմքով։
Հ.Խամոյանի և Հ.Հայրապետյանի վերաբերյալ ԵԿԴ/0154/01/14 քրեական գործի վարույ-թը կարճել։
Հ.Խամոյանի և Հ.Հայրապետյանի նկատմամբ կիրառված խափանման միջոցները վե-րացնել։
Որոշումը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո` մեկամսյա ժամկետում։

ԴԱՏԱՎՈՐ` Գ.ՊՈՂՈՍՅԱՆ