Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

17 սեպտեմբերի 2014թ. ք. Երևան

ԵԿԴ-0138/01/14

Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության առաջին ատյանի դատարանը հետևյալ կազմով.


նախագահող դատավոր` Մ. Մարտիրոսյան,
քարտուղար` Ա. Հովհաննիսյան,

մասնակցությամբ`
մեղադրող,
Երևանի Կենտրոն և Նորք-Մարաշ
վարչական շրջանների
դատախազության դատախազ Ա. Հովհաննիսյանի,

պաշտպան Լ. Ավետիսյանի,

տուժող Ա. Ուզունյանի,


դատարանում, դռնբաց դատական նիստում, դատական քննության արագացված կարգի կիրառմամբ քննեց գործն ըստ մեղադրանքի
Լևոն Ռաֆիկի Խանամիրյանի`
ծնված 1968թ. հունվարի 09-ին, Երևանում, հայ, Հայաստանի Հանրապետության քաղաքացի, միջնակարգ կրթությամբ, ամուսնալուծված, չի աշխատում, դատվածություն չունի, հաշվառված է և բնակվել է Երևանի Ռոստոմի փողոցի թիվ 86 տանը, կալանքի տակ է 2014թ. հուլիսի 09-ից, մեղադրվում է երկու դրվագով` ՀՀ քրեական օրենսգրքի 177-րդ հոդվածի 3-րդ մասի 1.1 կետով։

Գործի դատավարական նախապատմությունը

Թիվ 15117814 քրեական գործը ՀՀ ոստիկանության քննչական գլխավոր վարչության Երևան քաղաքի քննչական վարչության Կենտրոնականի քննչական բաժնում հարուցվել է 2014թ. հուլիսի 09-ին, ՀՀ քրեական օրենսգրքի 177-րդ հոդվածի 3-րդ մասի 1.1 կետով։

Ամբաստանյալ Լևոն Ռաֆիկի Խանամիրյանին նախաքննության մարմնի կողմից մեղադրանք է առաջադրվել ՀՀ քրեական օրենսգրքի 177-րդ հոդվածի 3-րդ մասի 1.1 կետով հետևյալ արարքի համար, որ նա` «ուրիշի գույքի գաղտնի հափշտակություն կատարելու դիտավորությամբ 2014թ. հունիսի 27-ին, կոտրելով Երևան քաղաքի Չարենցի փողոցի թիվ 96 հասցեում գտնվող տան երկրորդ հարկի պատուհանի ապակին, ապօրինի մուտք է գործել հիշյալ բնակարան և այնտեղից գաղտնի հափշտակել Անահիտ Ուզունյանին պատկանող խոշոր չափի` ընդհանուր 2.252.430 ՀՀ դրամ արժողությամբ կաթսաների հավաքածու, մսաղաց, հյութաքամիչ, կահույքի ծածկոցներ, արձանիկ, նկարներ, ծաղկամաններ, սկուտեղներ, «Դի Վի Դի» նվագարկիչ` իր աքսեսուարներով, արդուկ, փոշեկուլ, անկողնային պարագաներ, գորգեր, օծանելիք, կոնյակներ այլ խոհանոցային պարագաներ և կենցաղային իրեր։
Այսինքն, Լ. Խանամիրյանը կատարել է հանցավոր արարք` նախատեսված ՀՀ քր. օր.-ի 177-րդ հոդվածի 3-րդ մասի 1.1 կետով։
Բացի այդ, Լ. Խանամիրյանը, ուրիշի գույքի գաղտնի հափշտակություն կատարելու դիտավորությամբ 2014թ. հուլիսի 9-ին, նույն ճանապարհով ապօրինի մուտք է գործել Ա.Ուզունյանին պատկանող` Երևան քաղաքի Չարենցի փողոցի թիվ 96 հասցեում գտնվող տուն և այնտեղից գաղտնի հափշտակել վերջինիս պատկանող զգալի չափի` 15.000 ՀՀ դրամ արժողությամբ «Դի Վի Դի» նվագարկիչի ուժեղացուցիչները` աքսեսուարներով։
Այսինքն, Լ. Խանամիրյանը կատարել է հանցավոր արարք` նախատեսված ՀՀ քր. օր.-ի 177-րդ հոդվածի 3-րդ մասի 1.1 կետով։
Այսպիսով, Լևոն Ռաֆիկի Խանամիրյանը կատարել է հանցավոր արարքներ, որոնք նախատեսված են ՀՀ քրեական օրենսգրքի 177-րդ հոդվածի 3-րդ մասի 1.1 կետով և 177-րդ հոդվածի 3-րդ մասի 1.1 կետով։»։
2014թ. օգոստոսի 14-ին քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան։


Արագացված դատական քննություն

Ամբաստանյալ Լևոն Ռաֆիկի Խանամիրյանը միջնորդեց դատական քննությունն անցկացնել արագացված կարգով։ Նա հայտարարեց, որ միջնորդությունը ներկայացրել է կամավոր, մինչև միջնորդությունը ներկայացնելը խորհրդակցել է իր պաշտպանի հետ, գիտակցում է արագացված կարգով դատական քննություն անցկացնելու հետևանքները, առաջադրված մեղադրանքն իրեն պարզ է, ինքն համաձայն է մեղադրանքի հետ։
Տուժող Ա. Ուզունյանը դատարանին հայտնեց, որ ամբաստանյալ Լևոն Խանամիրյանն իրեն պատճառված գույքային վնասը չի վերականգնել, սակայն չի առարկում դատական քննության արագացված կարգ կիրառելու դեմ։
Մեղադրողը դատական քննության արագացված կարգ կիրառելու դեմ չառարկեց։
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմաններն` որոշում է կայացրել արագացված կարգով դատական քննություն անցկացնելու մասին։
Դատարանը հիմք ընդունելով մեղադրանքի հիմքում դրված ապացույցները` գտնում է, որ ամբաստանյալ Լևոն Ռաֆիկի Խանամիրյանը կատարել է երկու դրվագով` ՀՀ քրեական օրենսգրքի 177-րդ հոդվածի 3-րդ մասի 1.1-րդ կետով նախատեսված արարք։
Ամբաստանյալի անձը բնութագրող տվյալների, պատասխանատվությունը և պատիժը մեղմացնող ու ծանրացնող հանգամանքների ուսումնասիրման արդյունքում պարզվել է, որ ամբաստանյալ Լևոն Խանամիրյանը նախաքննության ժամանակ իրեն լիովին մեղավոր է ճանաչել և տալով ինքնախոստովանական ցուցմունքներ` զղջացել է կատարածի համար։


Դատարանի իրավական վերլուծությունները

Առաջադրված մեղադրանքն ամբաստանյալ Լևոն Ռաֆիկի Խանամիրյանի կողմից ընդունելու և դատական քննության արագացված կարգ կիրառելու պայմաններում` դատարանը գտնում է, որ ամբաստանյալ Լևոն Ռաֆիկի Խանամիրյանի կողմից, նրա մեղավորությամբ, նրան ՀՀ քրեական օրենսգրքի 177-րդ հոդվածի 3-րդ մասի 1.1 կետով առաջադրված մեղադրանքի երկու դրվագներից յուրաքանչյուրով, բնակարան ապօրինի մուտք գործելով գողություն կատարելն ապացուցված է, նրա արարքները ճիշտ են որակված և համապատասխանում են ՀՀ քրեական օրենսգրքի 177-րդ հոդվածի 3-րդ մասի 1.1-րդ կետով նախատեսված հանցագործության հատկանիշներին։
Ուսումնասիրելով ամբաստանյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, ամբաստանյալ Լևոն Ռաֆիկի Խանամիրյանի նկատմամբ` նրա կատարած յուրաքանչյուր հանցագործության համար պատիժ նշանակելիս, դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա նախաքննության ժամանակ իրեն լիովին մեղավոր է ճանաչել և տալով ինքնախոստովանական ցուցմունքներ` անկեղծորեն զղջացել է կատարածի համար։
Դրվագներից յուրաքանչյուրով, ամբաստանյալի պատասխանատվությունը և պատիժը մեղմացնող կամ ծանրացնող հանգամանքներ առկա չեն։
Ամբաստանյալի նկատմամբ պատիժ նշանակելու հարցը քննարկելիս` դատարանը գտնում է հետևյալը.
Ամբաստանյալ Լևոն Խանամիրյանն իր կատարած` երկու դրվագներով` ՀՀ քրեական օրենսգրքի 177-րդ հոդվածի 3-րդ մասի 1.1 կետով նախատեսված յուրաքանչյուր հանցագործության համար ենթակա է պատժի ազատազրկման ձևով։
Դատարանը գտնում է, որ իր նկատմամբ նշանակված պատիժն ամբաստանյալ Լևոն Խանամիրյանը պետք է կրի, քանի որ դրան խոչընդոտող հանգամանքներ առկա չեն։
Գործով քաղաքացիական հայց չի հարուցվել, գույքային վնասի հատուցման պահանջ չի ներկայացվել։
Քննարկելով իրեղեն ապացույցների հարցը` դատարանը գտնում է, որ դատավճռի օրինական ուժի մեջ մտնելուց հետո, 2014թ. օգոոստոսի 06-ի որոշմամբ իրեղեն ապացույց ճանաչված չորս հատ էլեկտրամագնիսական բարձրախոսները, հեռակառավարման վահանակը, խոհանոցային պարագան /ճզմիչ/, բաժակների հավաքածուն, երկու հատ «3ԴԵ» (3D) ակնոցները, նկարի տեսքով պատկերը, հեռախոսի լիցքավորման սարքը, կպչուն ժապավենը, երկու աքցանները, երկու պտուտակահանները և երեք լազերային սկավառակները պետք է թողնել տուժողի տնօրինմանը։
Քննարկելով խափանման միջոցի հարցը` դատարանը գտնում է, որ ամբաստանյալ Լևոն Խանամիրյանի նկատմամբ որպես խափանման միջոց ընտրված կալանավորումն ընտրված է ճիշտ և այն վերացվելու կամ փոփոխվելու ենթակա չէ` մինչև դատավճռի օրինական ուժի մեջ մտնելը, քանի որ ազատազրկման ձևով պատժի դատապարտվելու դեպքում, Լ. Խանամիրյանի` քրեական պատասխանատվությունից և նշանակված պատիժը կրելուց խուսափելու հավանականությունը բարձր է։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 119-րդ, 134-138-րդ, 357-360-րդ, 364-365-րդ, 369-373-րդ հոդվածներով, դատարանը`

Վ Ճ Ռ Ե Ց

Ամբաստանյալ Լևոն Ռաֆիկի Խանամիրյանին մեղավոր ճանաչել երկու դրվագով` ՀՀ քրեական օրենսգրքի 177-րդ հոդվածի 3-րդ մասի 1.1 կետով նախատեսված հանցանքներում և դատապարտել.
առաջին դրվագով` ազատազրկման` 5 /հինգ/ տարի ժամկետով` առանց գույքի բռնագրավման,
երկրորդ դրվագով` ազատազրկման` 5 /հինգ/ տարի ժամկետով` առանց գույքի բռնագրավման։
ՀՀ քրեական օրենսգրքի 66-րդ հոդվածի 4-րդ մասով նախատեսված` պատիժների մասնակի գումարման սկզբունքի կիրառմամբ, ամբաստանյալ Լևոն Ռաֆիկի Խանամիրյանի նկատմամբ պատիժ նշանակել ազատազրկում` 6 /վեց/ տարի ժամկետով` առանց գույքի բռնագրավման։
Պատիժը պետք է կրի ՀՀ արդարադատության նախարարության համապատասխան քրեակատարողական հիմնարկում, պատժի կրման սկիզբը հաշվելով 2014թ. հուլիսի 09-ից։
Խափանման միջոց կալանավորումը թողնել անփոփոխ` մինչև դատավճռի օրինական ուժի մեջ մտնելը։
Դատավճռի օրինական ուժի մեջ մտնելուց հետո, 2014թ. օգոոստոսի 06-ի որոշմամբ իրեղեն ապացույց ճանաչված առարկաները (չորս հատ էլեկտրամագնիսական բարձրախոսները, հեռակառավարման վահանակը, խոհանոցային պարագան /ճզմիչ/, բաժակների հավաքածուն, երկու հատ «3ԴԵ» (3D) ակնոցները, նկարի տեսքով պատկերը, հեռախոսի լիցքավորման սարքը, կպչուն ժապավենը, երկու աքցանները, երկու պտուտակահանները և երեք լազերային սկավառակները) թողնել տուժողի տնօրինմանը։
Դատավճիռը հրապարակվելու օրվանից հետո մեկամսյա ժամկետում կարող է բողոքարկվել ՀՀ վերաքննիչ քրեական դատարան։
Դատավճիռը ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով չի կարող բողոքարկվել։


ԴԱՏԱՎՈՐ` Մ. ՄԱՐՏԻՐՈՍՅԱՆ