Գործ թիվ ԵԿԴ/0110/01/14




ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևանի Կենտրոն և Նորք-Մարաշ վարչական շրջանների ընդհանուր իրավա¬սության դա¬տարանը (այսուհետ` Դատարան),

նախագահությամբ դատավոր` Արշակ Վարդանյանի,

քարտուղարությամբ` Ժենյա Ավետիսյանի,
Հասմիկ Արտաշեսյանի և
Աննա Փանոսյանի,
մասնակցությամբ`
թարգմանիչ` Նելլի Մուրադյանի,

մեղադրող, Երևանի Կետրոն և
Նորք-Մարաշ վարչական
շրջանների դատախազի տեղակալ` Կարեն Հովհաննիսյանի,

տուժողներ` Արման Հովհաննիսյանի և
Սեյրան Հովհաննիսյանի,


պաշտպաններ` Սարգիս Խաչատրյանի և
Գայանե Լյուդվիկյանի

2014թ. դեկտեմբերի 18-ին՝ նույն Դատարանում՝ դռնբաց դատական նիստում, քննեց և ավար¬տեց քրեական գործն ըստ մե¬ղադ¬րանքի`
Ֆադի Սամիռի Հասկիայի` (ծնված 1986թ. մայիսի 29-ին, Իսրայել պետության Տիռա քաղաքում, ազ¬գութ¬¬¬յամբ արաբ, Իսրայել պետության քաղաքացի, «Հայբուսակ» համալսարանի օտարերկրյա քա¬ղաքացի ուսանողների ֆակուլտետի բուժական գործ բաժնի 6-րդ կուրսի ուսանող, ամուրի, նախկինում չդատապարտված, վարձակալության հիմունքներով բնակվել է Երևանի Արամ Խա¬չատրյան փողոցի 18-րդ շենքի 31-րդ բնակարանում, սույն գործով կալանքի տակ է 2014թ. փետրվարի 22-ից)։

1. Գործի դատավարական նախապատմությունը.
Թիվ 13119414 քրեական գործն հարուցվել է ՀՀ քրեական օրենսգրքի 112-րդ հոդվածի 1-ին մա¬սի և 117-րդ հոդվածի հատ¬¬կանիշներով 2014թ. փետրվարի 22-ին ՀՀ ոստիկա¬նության ՔԳՎ Կենտրո¬նա¬կանի քննչական բաժ¬նում։
2014թ. փետրվարի 23-ին ձերբակալվել է վերոնշյալ հանցանքը կատարելու կաս¬կածանքով ՀՀ ոստիկանության Կենտրոնականի բաժին դեռևս 2014թ. փետրվարի 22-ին բերման ենթարկված Ֆադի Սամիռի Հասկիան։
2014թ. փետրվարի 25-ին Ֆադի Հասկիային մեղադրանք է առա¬ջադրվել ՀՀ քրեական օրենսգրքի 112-րդ հոդվածի 1-ին մասով, նույն օրը Երևանի Կենտրոն և Նորք-Մարաշ վար¬չա¬կան շրջա¬ն¬¬ների ընդհանուր իրավա¬սության դա¬տարանը, բավարարելով նախաքննական մարմ¬նի միջնոր¬դութ¬յունը, մեղադրյալ Ֆադի Հասկիայի նկատմամբ որպես խափանման միջոց է ընտրել կալանա¬վո¬րում։
2014թ. հունիսի 19-ին նախաքննական մարմինը որոշում է կայացրել գործով որպես տուժող ճա¬նաչված Սեյրան Հովհաննիսյանին թեթև մարմնական վնասվածք պատճառելու դրվագով Ֆադի Սա¬միռի Հասկիայի, Մուհամադ Բասիմի Քասիմի, Աբեդ Էլ Ֆատահ Նոֆալի Մանսուռի, Իբրահիմ Մուհա¬մադի Ուատադի, Կամել Սամիռի Հասկիայի, Խալիդ Աբդալֆատահի Սամառայի, Առքան Աբդել¬ռազիկի Աբու-Հիջլիի, Իսմաիլ Իբրահիմի Անդ Էլ Ռազեկի նկատմամբ ՀՀ քրեական օրենսգրքի 117-րդ հոդվածով քրեական հետապնդում չիրականացնելու մասին` տուժող Ս.Հովհաննիսյանի բողոքի բա¬ցա¬կայության պատճառաբանությամբ։
2014թ. հունիսի 19-ին նախաքննական մարմինը որոշում է կայացրել տուժող Արման Հովհան¬նիսյանին պատկանող «Opel CORSA» մակնիշի, 33 SD 926 հաշվառման համարանիշի ավտոմոբիլը վնասելու դրվագով ՀՀ քրեական օրենսգրքի 185-րդ հոդվածի 1-ին մասով քրեական հետապնդում չիրա¬կանացնելու մասին` տուժող Ա.Հովհաննիսյանի բողոքի բացակայության պատ¬ճառաբանությամբ։
2014թ. հուլիսի 9-ին քրեական գործը Ֆադի Սամիռի Հասկիայի նկատմամբ ՀՀ քրեական օրենսգրքի 112-րդ հոդվածի 1-ին մասով հաստատված մեղադրական եզրա¬կացությամբ ուղարկվել է Երևանի Կենտրոն և Նորք-Մարաշ վար¬¬¬չական շրջան¬ների ընդ¬հանուր իրավա¬սության դա¬տարան, 2014թ. հուլիսի 10-ին ընդուն¬¬վել վարույթ և նշանակվել դատական քննության։

2. Ապացույցների հետազոտում և գնահատում.
Դատաքննությամբ հետազոտված ապացույցների գնահատման արդյունքներով Դատարանն հաս¬տատված համարեց հետևյալը.
Ֆադի Սամիռի Հասկիան 2014թ. փետրվարի 22-ին` ժամը 04-ի սահմաններում, Երևան քաղաքի Սայաթ Նովա փողոցի 33 հասցեի մոտակայքում ուղեվարձի, այնուհետև` «Opel CORSA» մակնիշի, 33 SD 926 հաշվառման համարանիշի ավտոմեքենայի կողային հայելին կոտրելու հարցերի շուրջ վիճա¬բանել է այդ ավտոմեքենան վարող, տաքսիստ Արման Սեյրանի Հովհաննիսյանի հետ, որի ընթացքում ձեռքին եղած գարեջրի ապակյա կոտրված շշի արտացցված հատվածներով դի¬տա¬վորությամբ հարվածել է վերջինիս կրծքավանդակի ձախ կեսի առաջային մակերեսին` նրա առողջությանը պատճառելով կյանքին վտանգ սպառնացող ծանր վնաս` թոքի 5-րդ սեգմենտի միջան¬ցիկ, 4-րդ սեգմենտի և ստորին բլթի ծակած-կտրած թափանցող վերքեր, այսինքն՝ կատարել է հան¬ցավոր արարք, որը նախա¬տեսված է ՀՀ քրեական օրենսգրքի 112-րդ հոդվածի 1-ին մասով։
Առաջադրված մեղադրանքի շուրջ Դատարանում հարցաքննվելիս ամբաստանյալ Ֆադի Հասկիան իրեն մեղա¬վոր չճա¬նա¬չեց և հրաժարվելով մինչդատական վարույթի ընթացքում տված մաս¬նակի խոստովանական ցուցմունքներից` նշեց, որ Արման Հովհաննիսյանին հարվածելու և մարմ¬նա¬կան վնասվածք պատճառելու դիտավորություն չի ունեցել, ինքնապաշտպանվել է, սակայն նույնիսկ այդ ըն¬թացքում ձեռքին եղած գարեջրի ապակյա շշով Ա.Հովհաննիսյանին չի հարվածել։
Ամբաստանյալ Ֆադի Հասկիայի պատճառաբանությունները` տուժողի կողմից հարձակման ենթարկվելու, կտրած-ծակած վնասվածքների պատճառմանն առնչություն չունենալու վերաբերյալ, անհիմն են և մտացածին, հե¬տապնդում են քրեական պատասխանատվությունից և հնարավոր պատժից խուսափելու նպատակ, հերքվել են պատշաճ իրավական ընթացակարգերի շրջանակներում հետազոտված հետևյալ ապա¬ցույցների համադրման և գնահատման արդյունքներով.
Իր իսկ հակասական և իրարամերժ ցուցմունքների համադրման և գնահատման արդյունքներով արժևորված փաստական տվյալներով.
Այսպես, ամբաստանյալ Ֆ.Հասկիան Դատարանում հայտնեց, որ 2012թ. այցելել է Հայաստանի Հանրապետություն և սովորել Երևանի «Հայբուսակ» համալսարանի բժշկագիտության ֆակուլ¬տետում, վարձակալական հիմունքներով բնակվել Ա.Խաչատրյան փողոցի 18 շենքի 31-րդ բնակա¬րանում։
2014թ. փետրվարի 21-ին` երեկոյան, նշված բնակարանում ընկերների` Առքան Աբու Հիջլիի, Իսմաիլ Աբդ Էլ Ռազեկի, Աբեդ Էլ Ֆատահ Մանսուռի, Իբրահիմ ՈՒատադի, Մուհամադ Քասիմի, Խալիդ Սամառայի և Կամել Հասկիայի հետ ալկոհոլ են գործածել, ապա որոշել են զվարճանալու նպատակով այցելել Երևան քաղաքի Սայաթ-Նովա փողոցի վրա գործող «Այս» գիշերային ակումբ։ Արդեն 2014թ. փետրվարի 22-ին` ժամը 02-ի սահմաններում, վարձակալած տարբեր տաքսի ավտոմեքենաներով ուղևորվել են վերոնշյալ ակումբ, ինքը, Մ.Քասիմին և Ա.Մանսուռին հիշյալ գիշերային ակումբ են ժամանել սպիտակ «Օպել» մակնիշի ավտոմեքենայով։ Տեղ հասնելուց հետո տաքսու վարորդին, ինչպես հետագայում պարզվել է՝ Արման Հովհաննիսյանին է վճարել 1.000 ՀՀ դրամ ուղեվարձ, սակայն վերջինս պահանջել է կրկնապատկել այն։ 1.000 ՀՀ դրամ գումարը վարորդին վճարել է իր նախաձեռնությամբ, քանի որ իր եղբայր Կամելը տաքսիստներին նույն տարա¬ծությունը տեղափոխելու համար սովորաբար վճարել է ընդամենը 800 ՀՀ դրամ ուղեվարձ։ Իր դժգոհությունն է հայտնել այդ կապակցությամբ, ապա 1.000 ՀՀ դրամը բավարար համարելով՝ այն թողել է ավտոմեքենայի սրահում և իջել։ Ավտոմեքենայի վարորդը սրահից դուրս գալով՝ հետևել է իրեն և պահանջել է ևս 1.000 ՀՀ դրամ, իսկ երբ հրաժարվել է այն վճարել, իր և տաքսու վարորդի միջև քաշքշուկ է սկսվել։ Վարորդը, բռնելով իր բաճկոնից, քաշքշել է և բարձր ձայնով ինչ-որ արտա¬հայ¬տութ¬յուններ արել։ Թեև հայերեն չի հասկանում, սակայն նրա ձայնի տոնայնությունից հասկացել է, որ իրեն վիրավորում է։ Թեթևակի հրել է նրան, որ հեռու մնա իրենից։ Այդ պահին մոտեցել են նույն տաք¬սուց իջած իր ընկերները, լսել է, որ նրանք ևս բարձրաձայն են խոսում, իսկ տաքսու վարորդի ձայնն ավելի է բարձրանում։ Նկատել է, որ քաշքշուկի ընթացքում կոտրվել է տաքսու ձախ կողմնային հայե¬լին, հավանաբար` այդ հայելու մո¬տակայքում գտնվող Մոհամմադի գործո¬ղությունների հետևանքով։ Իր ընկերներից Իբրահիմը, ով որո¬շակիորեն տիրապետում է ռուսաց լեզվին, տաքսու վարորդի հետ ի վերջո պայմանավորվել է որպես փոխհատուցում նրան վճարել 10.000 ՀՀ դրամ գումար, ուստի իր ընկեր Իսմաիլ Ռազեկից վերցրել է այդքան գումար և տվել տաքսիստին, որից հետո վեճն ավարտվել է, հաշտվել են, իրենք մտել են «Այս» գիշերային ակումբ։
Ակումբում ժամանակ անցկացնելու ընթացքում ակումբի տերը տեղեկացրել է, որ փողոցում իրենց է սպասում ինչ-որ տաքսու վարորդ, ուստի նրան խնդրել է ոստիկանություն զանգահարել, սակայն ակումբի տերը հրաժարվել է՝ պատճառաբանելով, որ դրա կարիք չկա, թույլ չի տա, որ տաք¬սիստը մտնի ակումբ։ Ակումբից դուրս գալուց առաջ վստահ է եղել, որ տաքսիստը հեռացել է, քանի որ ակումբի տերն էր այդ մասին նախապես տեղեկացրել, հակառակ դեպքում մինչ ոստիկանության աշխա¬տակիցների ժամանելն ակումբից դուրս չէին գա։ Ինքն ակումբից դուրս է եկել նախապես բարից մեկ շիշ գարեջուր գնելով, բացել և ընթացքում խմել է այն։
Ժամը 04։20-ին գարեջրի շիշը ձեռքին, ընկերներ Իբրահիմի, Առքանի և Աբեդի հետ դուրս են եկել ակումբից՝ տուն վերադառնալու նպատակով։ Սակայն փողոցում հանդիպակաց գոտուց պտտվել և բարձր արագությամբ իրենց է մոտեցել նույն սպիտակ տաքսին, գրեթե իրեն վրաերթի ենթարկել, որի վարորդը, մեքենան կտրուկ կանգնեց¬նելով, իջել է ավտոմեքենայից և մոտենալով իրեն, սկսել է քաշքշել, նույնիսկ հարվածել է իր դեմքին։ Չի կարողացել տաքսիստին հարվածել, քանի որ աջ ձեռ¬քում գարեջրի շիշ կար, միայն փորձել է մյուս ձեռքով ետ պահել նրան, որի ընթացքում երկուսով հայտնվել են գետնին և գլորվել։ Գետնին ընկել է աջ կողքի վրա, տաքսիստը հայտնվել է իր վրա, բռնել է իր գլխից և այն հարվածել գետնին, որից իր աչքերի առջև մի պահ մթագնել է, ոստի մնացած մանրա¬մասները չի հիշում։ Գետնին ընկած ժամանակ իրենց շուրջ են եղել նաև այլ անձինք, սակայն չի կարող հիշել, թե կոնկրետ ովքեր էին։
Գետնին հայտնվելուց հետո շիշն այլևս իր ձեռքում չէր։ Ընկած դիրքում տաքսիստն իր վրա էր, շիշն արդեն իր ձեռքում չէր և երկու ձեռքերով է փորձել ետ պահել տաքսիստին և պաշտպանվել նրանից։ Նշեց նաև, որ եթե տաքսիստն իր ձեռքին եղած շշի հարվածից վնասվածքներ ստանար, իր հագուստների վրա նրա արյան հետքերը կմնային, դրանից եզրակացրեց, թե իբր տաքսիստն այլ վայ¬րում է ստացել կտրած-ծակած մարմ¬նական վնասվածքները։
Նշեց, որ տաքսի մեքենայում՝ վարորդի կողքի նստատեղին, նկատել է ևս մեկ անձի, ղեկին նստած է եղել նույն տաքսիստը, քանի որ այդ կողմից է իջել մեքենայից, անմիջապես իր ուղղությամբ է առաջացել, ապա, առանց որևէ բան ասելու, հարվածել։
Նշեց նաև, որ ակումբից դուրս գալու ժամանակ իր ձեռքին մոխրաման չի եղել, ընկերների ձեռ¬քին մոխրամաններ չի նկատել` դժվարանալով մեկնաբանել, թե ինչպես են վիճաբանության վայրում հայտնվել մոխրա¬ման¬ի կոտրված հատվածներ։
Էական հակասությունների շուրջ նախաքննական ցուցմունքների հրապարակումից հետո՝ գործով ամբաստանյալ Ֆ.Հասկիան նշեց, թե իբր քննիչի մոտ հարցաքննվելիս (նաև իր մասնակցութ¬յամբ իրականացված քննչական փորձարարության ժամանակ) երբևէ չի հայտարարել, որ ձեռքին եղած գարեջրի կոտրված շիշն անկանոն թափահարել է, քննիչին չի հայտնել նաև, որ ակումբից դուրս գալուց առաջ իրեն և ընկեր¬ներին հայտնի է եղել այն, որ տաքսիստը դրսում իրենց է սպասում։ Նշեց նաև, որ նախաքննական ցուցմունք¬ներում առկա այդ անճշտությունների մասին ժամանակին իբր հայտնել է իր նախորդ պաշտպան Գայանե Լյուդվիկյանին, սակայն վերջինս այդ կապակ¬ցությամբ որևէ գործնական քայլի չի դիմել, որի հետևանքով է հրաժարվել նրա ծառայություններից։ Նշեց նաև, որ նախաքննության ընթացքում տված ցուցմունքում հայտնած այն միտքը, որ կտրած-ծակած մարմնական վնասվածքները տուժողին պատ¬ճառել է ինքը, սակայն անզգուշությամբ, ևս իրակա¬նութ¬յանը չի համապատասխանում, թեև այդ ցուցմունքը ևս տրվել և արձանագրվել է պաշտպանի և թարգ¬մանչի ներկայությամբ։
Նշեց, որ գարեջրի շիշը սովորաբար բռնում է ստորին կողային հատվածից, տվյալ օրը` մինչ գետնին հայտնվելը, այն եղել է իր աջ ձեռքին, կոտրվելու ձայն լսել է միայն գետնին ընկնելուց հետո։ Բացառեց տուժող Ա.Հովհաննիսյանին այդ շշով անկանոն թափահարելու արդյունքում վնասվածք պատճառելու հանգամանքը, իսկ վերջինիս մեղադրող բնույթի ցուցմունքները գնահատեց որպես զրպարտություն` պայմանավորելով այն իրենից դեռևս նյութական ակնկալիքներ ունենալու հան¬գա¬ման¬քով, այն դեպքում, երբ տուժող Ա.Հովհաննիսյանին պատ¬ճառված վնասը, այդ թվում` Դատա¬րանում հարցաքննվելու դրությամբ ամբող¬ջութ¬յամբ փոխհատուցված էր և իր նկատմամբ որևէ լրա¬ցուցիչ նյութաիրավական կամ այլ պահանջ այդպես էլ չներ¬կայացվեց։ Հրապարակված ցուց¬մունք¬ներում իր ստորագրության և գրառումների առկայութ¬յունը մեկնաբանեց նրանով, որ այդ ցուց¬մունք¬ներն արձանագրվել են հայերենով, նշեց, թե դրանց տակ ստո¬րագրելով` իբր չի հասկացել արձա¬նագրվածի բովանդակությունը, այն դեպքում, երբ այդ քննչական գործո¬ղություններին մասնակցել են վերջինիս պաշտպանը, ինչպես նաև թարգմանիչ։
Համադրելով և գնահատելով գործով ամբաստանյալ Ֆ.Հասկիայի նախաքննական և դա¬տաքննական իրարամերժ ցուցմունքները՝ Դատարանը առավել արժևորում և կարևորում է նա¬խաքննա¬¬¬կանը՝ փաստելով, որ դրանք որոշակի վերապահմամբ, սակայն արտացոլում են տուժող Արման Հովհաննիսյանին մարմնական վնասվածքներ պատճառելու դեպքի իրական հան¬գամանք¬ները։
Վերոնշյալ հետևության Դատարանը հանգեց ամբաստանյալ Ֆ.Հասկիայի նախաքննական և դատաքննական ցուցմունքները ներ¬քոհիշ¬յալ ապա¬ցույց¬նե¬րի հետ համադրելու և գնահատելու արդ¬յունք¬ներով.
Տուժող Արման Հովհաննիսյանի ցուցմունքներով. Վերջինս Դատարանում հայտնեց, որ աշխա¬տում է որպես տաքսու վարորդ, վարում է «Օպել» մակնիշի 33 SD 926 հ/հ ավտոմեքենան։ 2014թ. փետրվա¬րի 22-ին` ժամը 02-ի սահմաններում, Երևան քաղաքի Արամ Խաչատրյան փողոցում իրեն են կանգնեցրել արտասահմանցիներ և խնդրել փոխադրել Սայաթ-Նովա փողոց։ Մոտենալով Սայաթ-Նովա փողոցում գտնվող «Այս» գիշերային ակումբին` կայանել է և իր կողքի նստատեղին նստած ուղևորը, ինչպես հետագայում պարզվել է՝ Ֆադի Հասկիան, վճարել է 1.000 ՀՀ դրամ ուղեվարձ։ Քանի որ ուշ ժամ էր, պահանջել է ևս 1.000 ՀՀ դրամ, սակայն ուղևորները հրաժարվել և վճարել են ընդամենը 1.000 ՀՀ դրամ։ Ֆադի Հասկիան այդ 1.000 դրամը «շպրտել է իր վրա», ինքն էլ` նրա վրա։ Այնուհետև Ֆադին, մեքե¬նայից դուրս գալով, մոտեցել է իր դռան կողմից, ինքը ևս մեքենայից իջել և մոտեցել է նրան, վերստին պահանջել լրացուցիչ 1.000 ՀՀ դրամը։ Հրաժարվել են այն վճարել, որից խոսակցութ¬յունը վերածվել է քաշքշուկի, որի ընթացքում հետևի նստա¬տեղին նստած երկու ուղևորները հարվածել և կոտրել են ավտոմեքենայի ձախ կողմնային հայելին։ Ֆադի Հասկիայի ընկերներից մեկը կոտրված հայելու համար իրեն առաջարկել է 10.000 ՀՀ դրամի փոխհատուցում` այն գցելով ավտոմեքենայի նստատեղի վրա, սակայն ինքը, կռահելով, որ այդ գումարը բավարար չէ, այն չի վերցրել։ Ֆադին կամ նրա ընկերներից մեկն արհամարհական ոճով վերցրել են այդ 10.000 ՀՀ դրամ գումարը և մտել «Այս» գիշերային ակումբ։
Զանգահարել է տուն, կանչել եղբորը՝ Արտակին և հորը՝ Սեյրան Հովհաննիսյանին, ինչպես նաև ընկերոջը՝ Արմեն Հովհաննիսյանին։ Վերջիններս ժամանել են ընկերոջ` Արմենին պատկանող կարմիր ավ¬տո¬մեքենայով։ Որոշել են մուտք գործել ակումբ և արտա¬սահ¬մանցիներից պահանջել պատճառված վնասի հատուցումը, սակայն ակումբի աշխատակիցները թույլ չեն տվել, ուստի նրանց սպասել են դրսում։ Որոշ ժամանակ սպասելուց հետո տեսնելով, որ արտասահմանցիները ակումբից դուրս չեն գալիս` որոշել են հեռանալ, Արտակ և Արմեն Հովհաննիսյանները վերջինիս ավտոմեքենայով շարժվել են դեպի Ալեք Մանուկյան փողոց՝ հետա¬դարձ կատարելու և վերադառնալու նպատակով, իսկ հայրը մնացել է իր հետ։ Արմեն Հովհաննիսյանի հեռանալուց անմիջապես հետո փողոցի հակառակ կողմում նկատել է իր տեղա¬փոխած ուղևորներին և շրջադարձ կատարելուց հետո կանգնել են նրանց կողքին։ Նրանցից ոմանց ձեռքերին նկատել է ապակյա շշեր և մոխրաման։ Մինչ հասցրել են մեքենայից իջնել, թվով 7-8 արտասահմանցիները հարվածել են իր մեքենային և վնասել այն։ Իջնելով իր վարած ավտոմեքենայից՝ սկսել է քաշքշել Ֆադի Հասկիա¬յին, հարվածել է նրա դեմքին։ Մինչ Ֆադիին հարվածելը նրա ձեռքին շիշ է նկատել, նա ևս սկսել է հարվածել իրեն, ապա վայր են ընկել։ Կտրած-ծակած վնասվածքներ ստանալու պահը չի նկատել, առաջին ծակոցը զգացել է դեռևս կանգնած վիճակում Ֆադիի հետ փոխադարձաբար միմյանց հարվածելիս, սա¬կայն այդ վնասվածքները կարող էր պատճառել միայն Ֆադին, քանի որ նրա հարված¬ներից է մարմնի այդ հատվա¬ծում ծակոցներ զգացել, այդ ընթացքում իր առջևում այլ անձ կանգնած չի եղել։ Գետնին հայտնվելուց հետո Ֆադիի հարվածներից խուսափելու համար նրա պարա¬նոցից բռնելով` ցանկացել է նրա գլուխը հարվածել աս¬ֆալտին, սակայն արդեն թուլություն է զգացել, քանի որ թոքը ծակվել էր։ Թոքի վնասվածք ստանալուց հետո Ֆադին, ինչպես նաև նրան միացած ընկերները իրեն հարվածել են, ուստի փախել ու հոր հետ նստել են իր տաքսին, որից հետո տեղի ունեցած մյուս իրադարձություններն այլևս չի հիշում։
Նշեց, որ Ֆադի Հասկիան բարեկամների միջոցով կամովին և ամբողջությամբ հատուցել է իրեն պատճառված վնասները` բուժման ծախսերը և ավտոմեքենայի հայելու արժեքը, նրա դեմ որևէ պահանջ չունի։
Որպես տուժող հարցաքննված Սեյրան Հովհաննիսյանի ցուցմունքներով. Վերջինս Դատա¬րանում հայտ¬նեց, որ 2014թ. փետրվարի 22-ին` ժամը 02-ի սահմաններում, զանգահարել է որդին` Արման Հով¬հաննիսյանը և խնդրել գալ Սայաթ-Նովա փողոց` պատճառաբանելով, որ ուղևոր¬ների հետ խնդիրներ են առաջացել և պարզաբանում ստանալու անհրաժեշտություն կա։ Մյուս որդու` Արմեն Հովհաննիսյանի և Արմանի ընկեր Արտակ Հովհաննիսյանի հետ վերջինիս ավտոմեքենայով Դավիթա¬շենից ժամանել են Սայաթ-Նովա փողոց։ Արման Հովհաննիսյանից տեղեկացել է, որ նա Կոմիտասից արտասահմանցի ուղևորներ է տեղա¬փոխել ակումբ, որից հետո ուղևորները քաշքշել են նրան, այդ ընթացքում կոտրել տաքսու ձախ կողմի հետին տեսանելիության հայելին և դրա դիմաց առաջարկել չնչին գումար։ Ցանկանալով հանդիպել արտասահմանցի ուղևորներին` փորձել են մտնել ակումբ, սակայն թույլ չեն տվել։ Տեսնելով, որ չեն կարողանում մտնել ակումբ` սպասել են դրսում։ Որոշ ժամանակ սպասելով և համոզվելով, որ արտասահմանցի ուղևորներն ակումբից դուրս չեն գալիս` որոշել են հեռանալ։ Արմեն Հովհաննիսյանը և Արտակ Հովհաննիսյանը վերջինիս ավտոմեքենայով շարժվել են Ալեք Մանուկյան փողոցի կողմ` շրջադարձ կատարելու համար, իսկ ինքը և Արման Հով¬հան¬նիսյանը «Օպել» մակնիշի 33 SD 926 հ/հ ավտոմեքենայով սպասել են Սայաթ-Նովա փողոցի վրա` դեպի Մաշտոցի պողոտա տանող ուղեմասում։ Արտակ Հովհաննիսյանի շարժվելուց հետո Ար¬ման Հովհաննիսյանը, փողոցում արտասահմանցի ուղևորներին նկատելով, ավտոմեքենայով շրջա¬դարձ է կատարել և կայանել նրանց մոտ` իջնելով տաքսուց։ Անմի¬ջա¬պես զգա¬¬ցել է տաքսուն ուղղված բութ հար¬¬¬ված¬ների ձայներ, նկատել, որ Արման Հովհաննիսյանին քաշքշում են, հար¬վածում, ուստի իջել և ձեռքին եղած առարկայով հարվածել է ուղևորներից մեկին, ինչպես հե¬տագայում է պարզվել` Իսրայելի քաղաքացի Առքանին, որից հետո մարմնի տարբեր մասերին հար¬վածներ է ստացել և վայր ընկել։ Գետնից բարձրացել և մոտեցել է ավտոմեքենային, այդ պահին իրեն է մոտեցել Արման Հովհաննիս¬յանը և հայտնել, որ «թոքը ծակել են», խնդրել է մեքենան շտապ վարել որևէ հի¬վան¬դանոցի ուղղութ¬յամբ, ինչպես և վարվել է։ Նշեց, որ չի կարող հստակ ասել, թե վնասվածքները կոնկրետ ում հարված¬ներից է ստացել, քանի որ վեճի ընթացքում ակնոցներն ընկել-կոտրվել են, իսկ առանց ակնոցի լավ չի տեսնում։
Դատաքննության արդյունքներով Դատարանը փաստում է, որ թեև նախաքննական մարմինը Սեյրան Հովհաննիսյանին ճանաչել է տուժող, սակայն ՀՀ քրեական դատավարական օրենսգրքի 35-րդ հոդվածի 1-ին մասի 4-րդ կետով նախատեսված հիմքով նրա նկատմամբ քրեական հետապնդումը դադարեցնելու փաստով վերջինս զրկվել է այդ կարգավիճակից, հետևաբար` ամբաստանյալ Ֆադի Հասկիայի վերաբերյալ և բացառապես տուժող Արման Հովհաննիսյանին պատճառված վնաս¬ված¬ների վերաբերյալ վերջնական մեղադրանքի սահմաններում քննվող սույն քրեական գործով տու¬ժողի կար¬գավիճակ և դրանից բխող իրավունքներից չի կարող օգտվել, ինչը գործող քրեադատա¬վա¬րական կարգա¬վորում¬ների պայմաններում (տուժողի և վկայի հարցաքննության միևնույն դատա¬վարական կարգի տեսանկյու¬նով), թերևս, չի նսեմացնում այդ կարգավիճակում նաև Դատարանում հար¬ցաքննվե¬լիս Սեյրան Հովհաննիսյանի տված ցուցմունքների ապացուցողական արժեքը։
Վկա Կամել Հասկիան Դատարանում հայտնեց, որ 2014թ. փետրվարի 21-ին` ժամը 23-ի սահ¬ման¬ներում, գնացել է եղբոր` Ֆադի Հասկիայի վարձակալած բնակարան։ Այնտեղ են գտնվել եղբայրը` Ֆադի Հասկիան, Առքան Աբու Հիջլին, Իսմաիլ Իբրահիմին, Աբեդ Մանսուռը, Մուհամադ Քասիմը, Իբրահիմ Ուատադը և Խալիդ Սամառան։ Ընդհանուր խոսակցության ընթացքում որոշել են այցելել դիսկո ակումբ` պարելու և զվարճանալու նպատակով։ Բնակարանից դուրս են եկել 2014թ. փետրվարի լույս 22-ին` ժամը 01-ի սահմաններում, բաժանվել խմբերի և տաքսի մեքենաներով ուղևորվել Երևան քաղաքի Սայաթ-Նովա փողոցի վրա գտնվող ակումբ։ Առաջինն ակումբ է հասել իրենց վարձակալած տաքսի մեքենան, որի մեջ են եղել ինքը, Իսմաիլը և Իբրահիմը, սպասել են մյուսներին` միասին ակումբ մտնելու համար։ Մոտեցել է Ֆադիի վարձած տաքսին, որից իջել է նախ` Ֆադին, ապա` հայհոյող տաքսիստը, ինչից հասկացել է, որ նրանց միջև ինչ-որ խնդիր է ծագել։ Տեսնելով այդ` մոտեցել են եղբորը և հարցրել, թե ինչ է պատահել, Ֆադիից տեղեկացել, որ տաքսու վարորդը 1.000 ՀՀ դրամի փոխարեն պահանջում է 2.000 ՀՀ դրամ ուղեվարձ։ Թեև ինքը նույն տարա¬ծության համար 800 ՀՀ դրամ էր վճարել, վիճաբանությունից խուսափելու համար խնդրել է, որ եղբայրը 2.000 ՀՀ դրամը վճարի, իր խնդրանքը կատարելու նպատակով 1.000 դրամ վճարելու համար եղբայրը քայլել է տաքսիստի ուղղությամբ, սակայն վերջինս բռնել է նրա վերնազգեստից և սկսել քաշքշել` անպատիվ բառեր օգտա¬գործելով։ Նույն տաքսիից իջած իրենց երկու ընկերները բռնել են վարորդին` փորձելով հեռու պահել նրան Ֆադիից, այդ ընթացքում կոտրվել է նշված տաքսիի ձախակողմյան հայելին։ Ֆադին, որպես փոխհատուցում, 10.000 ՀՀ դրամ է վճարել տաքսիստին, վերջիններս միմյանց ձեռք են սեղմել, որից հետո միմյանցից բաժանվել են։ Մտել են ակումբ և մոտ 1-ից 1,5 ժամ անց ակումբից դուրս գալուց տեսել է, որ քիչ առաջ նույն ակումբից դուրս եկած իր ընկերները վիճաբանում են, իսկ եղբայրը, ծեծված վիճակում, ընկած է գետնին և գոռալով օգնություն է կանչում։ Օգնել է նրան կանգնել, որից հետո միասին հեռացել են։
Նշեց, որ ակումբում բոլորն ալկոհոլային խմիչք էին օգտագործել, սակայն քիչ քանակությամբ, Ֆադին գարեջուր է խմել, մեկ շիշ վերցրել ակումբից հեռանալիս։ Թեև դեպքի ժամանակ նոր էր եկել Հայաստան և հայերեն չէր հասկանում, վարորդի բարձր ձայնից է հասկացել, որ նա զայրացած է։ Վարորդի ագրեսիվ վիճակի պարագայում 1.000 ՀՀ դրամ վճարելու տրամաբանությունը կայանում էր նրանում, որ իրենք ցանկանում էին կոնֆլիկտից խուսափել, սակայն երբ Ֆադին մոտեցել է վարորդին` վերջինս բռնել է վերնազգեստից, տղաները մոտեցել են վարորդին, իսկ ինքը` Ֆադիին նրանց հետ պահելու և հնարավոր վիճաբանությունը կանխելու նպատակով։ Նշեց, որ այդ ժամանակ է կոտրվել տաք¬սու հայելին, որի փոխհատուցման գումարի հետ միաժամանակ Ֆադին տաքսիստին է վճարել ևս 1.000 ՀՀ դրամ։ Հայելին կոտրվելու պահը չի նկատել, ուղղակի լսել է կոտրվելու ձայնը, իսկ երբ շրջվել է, այն արդեն կոտրված էր։ Ֆադին է հարցրել վարորդին, թե որքան է անհրաժեշտ վճարել կոտրված հայելու համար, վերջինս նշել է, որ 10.000 ՀՀ դրամը բավական է։ Նրանք հաղորդակցվել են ռուսերեն լեզվով, քանի որ Ֆադին որոշ չափով տիրա¬պետում է ռուսերենին։ Ֆադին Իսմաիլից է խնդրել 10.000 ՀՀ դրամը, քանի որ նրա մոտ 10.000 ՀՀ դրամանոց թղթադրամ չկար։ Ֆադին, նշված գումարն Իսմաիլից վերցնելով, այն հանձնել է տաքսիստին։
Իր հիշելով` ինքն ու Ֆադին ակումբում մեկական շիշ «Հեյնիկեն» տեսակի գա¬րեջուր են օգտագործել, վեր¬ջինս մեկ շիշ գործածել էր դեռևս տանը գտնվելու ընթացքում, ևս մեկ շիշ Ֆադին վերցրել էր ակումբից դուրս գալուց։ Ակումբից դուրս գալուց մուտքից մոտ` դեպի փողոցի վրա գտնվող հատվածում, Ֆադիին տեսել է երկու ձեռքերը գլխի հետևում դրած և ամբողջ մարմնով ասֆալտին պառկած դիրքով։ Իր ուշադրությունը կենտրոնացած էր Ֆադիի վրա, այդ պատճառով չի նկատել, որ որևէ մեկը եղբորը հարվածեր։
Վկա Առքան Աբու-Հիջլիի ցուցմունքներով. Վերջինս Դատարանում հայտնեց, որ սովորում է «Մխի¬թար Գոշ» համալսարանի ստամատոլոգիայի ֆակուլտետի 5-րդ կուրսում։ Ճանաչում է Ֆադի Հասկիային` որպես համաերկրացի, ով բնակվում է Երևանի Արամ Խաչատրյան փողոցի վրա։ 2014թ. փետրվարի 21-ին ժամը 23-ի սահմաններում գնացել է Ֆադիի տուն, որտեղ բացի նրանից եղել են նաև Իսմաիլ Աբդ Էլ Ռազեկը, Ֆադիի եղբայրը` Կամիլ Հասկիան, Աբեդ Մանսուռը, Մուհամադ Քասիմը, Խալիդ Սամառան և Իբրահիմ Ուատադը։ Բնակարանում եղած ժամանակ օգտագործել են ոգելից խմիչք, որից հետո որոշել են գնալ դիսկո ակումբ` զվարճանալու և պարելու նպատակով։ Բնակա¬րանից դուրս են եկել 2014թ.փետրվարի լույս 22-ի գիշերը` ժամը 01-ի սահմաններում, բաժան¬վել են 2-3 հոգու և տաքսի մեքենաներով ուղևորվել ակումբ։ Խալիդի հետ միասին նստել են պատա¬հական տաքսի և ուղևորվել ակումբ, ճանապարհին մտել են Բաղրամյան պողոտայում գտնվող «Սաս» սուպերմարկետում գտնվող տարադրամի փոխանակման կետ։ Վերջինը հասնելով ակումբի մոտ` անմիջա¬պես մտել են ներս և տղաների ընդհանուր զրույցից է տեղեկացել, որ մինչ այդ ուղեվարձի հետ կապված կոնֆլիկտ է եղել Ֆադիի և նրա վարձած տաքսու վարորդի միջև. Ֆադին տաքսու վարորդին վճարել է 1.000 ՀՀ դրամ գումար, սակայն վերջինս պահանջել է 2.000 ՀՀ դրամ։ Այդ կապակցությամբ Ֆադին և վարորդը քաշքշել են միմյանց, որի հետևանքով կոտրվել է նշված ավտոմեքենայի ձախ կողմի հայելին։ Դրա դիմաց Ֆադին 10.000 ՀՀ դրամ է վճարել վարորդին, որից հետո նրանք միմ¬յանցից բաժանվել են։ Մոտ 1-2 ժամ անց անց իրենց է մոտեցել ակումբի տերը, զգուշացրել, որ դրսում ինչ-որ մարդիկ են իրենց սպասում։ Կոնֆլիկտներից խուսափելու նպատակով Ֆադին նրան առա¬ջարկել է զանգահարել ոստիկանություն, սակայն ակումբի տերն ասել է, որ կարիք չկա ոստիկա¬նությանը դիմելու, անձամբ կլուծի այդ խնդիրը։ Դուրս գալով ակումբից` տնօրենը որոշ ժամանակ անց վերադարձել և հայտնել է, որ այդ մարդիկ արդեն գնացել են, հանգիստ լինեն։ Ակումբից դուրս գալու ժամանակ համոզված են եղել, որ իրենց սպասող տաքսու վարորդը և այլ անձինք արդեն հեռացել են։
Ակումբից հեռանալիս դուրս է եկել փողոց և մոտեցել պատահական տաքսի մեքենայի, իրեն են հետևել Ֆադին և Իբրահիմը։ Այդ ընթացքում փողոցի հակառակ կողմից սպիտակ տաքսի մեքենա է շրջադարձ կատարել և մեծ արագությամբ մոտենալով իրենց` հարվածել Ֆադիի ոտքին։ Այդ մեքենայի վարորդն անմիջապես իջել և հարձակվել է Ֆադիի վրա, հարվածել վերջինիս դեմքին, որից նա հայտնվել է գետնին։ Վարորդը նստել է Ֆադիի մարմնի վրա, ձեռքերով բռնել նրա գլուխը և հարվածել գետնին։ Երբ ցանկացել է մոտենալ և բաժանել նրանց, վարորդի հայրը` նույն մեքենայի ուղևորը, հարվածել է իր ձեռքին։ Այդտեղ գտնվող իրենց ընկերները փորձել են հարվածներով վարորդին հեռացնել Ֆադիից, քանի որ նա նստել էր Ֆադիի մարմնի վրա և հարվածում էր նրան։ Այնուհետև տեսնելով, որ տաքսու վարորդն ընկած է Ֆադիի վրա, հարվածներ է հասցնում, բռնել է տաքսու վարոր¬դին և մի կողմ քաշել, որի հետևանքով վերջինս ու ինքն աստիճաններով գլորվել են ներքև։ Իրենց ընկերները ևս հարվածել են վարոր¬դին, սակայն նրանց ձեռքին որևէ իր չի նկատել, տաքսիստին հարվածել են ձեռքերով։ Նշեց, որ ակումբից դուրս գալու ժամանակ Ֆադիի ձեռքին գարեջրի շիշ է եղել, հնարավոր է, որ իրենց ընկերների ձեռքին ևս ապակյա շշեր լինեին։ Վիճաբանության ընթացքում Ֆադիի ձեռքի շիշը չի նկատել։ Դժվարացավ մեկնաբանել, թե ինչ եղանակով էին հայտնվել մոխրա¬մանի կոտրված կտորները ակում¬բից դուրս։
Պաշտպանական կողմի միջնորդությամբ հրավիրված և որպես վկա հարցաքննված Արման Կարապետյանի ցուցմունքով. Վերջինս Դատարանում հայտնեց, որ 2014թ. փետրվարի 22-ին` ժամը 01-ի սահման¬ներում, Երևանի Սայաթ Նովա փողոցի վրա գործող, իր ղեկավարած «Այս» ակումբ են այցելել ազգությամբ արաբ հաճախորդ¬ներ։ Ականատես չի եղել, սակայն լսել է, որ այդ հաճախորդ¬ներն ակումբից դուրս ընդհարում են ունեցել տաքսու վարորդների հետ։ Իր աշխատողներից է տեղեկացել, որ նշված հաճախորդներին ինչ-որ վարորդներն են դրսում սպասում։ Անվտանգության աշխատակից¬ներին են մոտեցել մոտ երեք անձ, պատմել միջադեպի մասին և ցանկացել մտնել ակումբ` այլազգի հաճախորդներին հանդիպելու նպատակով, սակայն նրանց արգելվել է, զգուշացվել է, որ իրենց ակումբ մուտք ունեն հիմնականում այլազգի հաճախորդները։
Նշեց, որ Իսրայելի քաղաքացիներն իրեն անձամբ չեն դիմել ոստիկանություն զանգահարելու խնդրանքով, չեն դիմել նաև անվտանգության աշխատակիցներին, քանի որ այդ դեպքում ինքը կտեղե¬կացվեր։
Հայտնեց, որ քննվող դեպքի օրը Իսրայելի քաղաքացիներն եղել են իրենց վերջին հաճախորդ¬ները։ Նրանց հեռանալուց հետո` առավոտյան աշխատանքի գալով` ակումբի հարևանությամբ` դրսում տեսել է մոխրամանի կտորներ, որոնք գույնով և գրառումներով նման էին իրենց ակումբում օգտա¬գործվող մոխրամաններին, մասնավորապես` ունեցել են սև և կարմիր տառերով «Վեստ» գրա¬ռումը։ Այդ օրը` առավոտյան, պարզել են, որ բացակայում են երկու մոխրամաններ, ու թեև դրանց հաշ¬վառում չեն վարում և ընդհանուր քանակը չգիտեն, սակայն բացակայել են ակումբի երկու սեղանների մոխ¬րամանները։ Նշեց նաև, որ «Հեյնիկեն» տեսակի գարեջրի ապակյա շշերը չեն հավաքում, հաշվառում չեն վարում, քանի որ դրա դատարկ ապակյա տարաներն որևէ տեղ չեն ընդունում, ըստ էութ¬յան` ար¬ժեք չունեն։ Այդ օրը մոխրամանի կտորների հետ միաժամանակ ակումբից դուրս նկա¬տել է նաև նշված տեսակի գարեջրի հավանաբար մեկ շշի կտորներ։
ՀՀ-ից մեկնելու և նրանց հարցաքննելու անհնարինության կապակցությամբ Դատարանում հրապարակվեցին և հետազոտվեցին նաև ամբաստանյալ Ֆ.Հասկիային առաջադրված մեղադրանքի և մեղադրական եզրակացության հիմքում դրված այլ ապացույցները, մասնավորապես` Մուհամադ Բա¬սիմի Քասիմի, Իբրահիմ Մուհամադի ՈՒատադի, Խալիդ Աբդելֆատահ Սամառայի, Իսմաիլ Իբրահիմի Աբդ Էլ Ռազեկի և Աբեդ Էլ Ֆատահ Նոֆալի Մանսուռի նախաքննական ցուցմունքները, սակայն Դատարանն այդ ապացույցները սույն դատական ակտի հիմքում չի դնում հետևյալ պատճա¬ռաբանությամբ.
«Մարդու իրավունքների և հիմնարար ազատությունների պաշտպանության մասին» կոն¬վենցիայի (այսուհետ նաև` Եվրոպական կոնվենցիա) 6-րդ հոդվածի 3-րդ մասի համաձայն` քրեա¬կան հանցագոր¬ծություն կատարելու մեջ մեղադրվող յուրաքանչյուր ոք ունի հետևյալ նվա¬զագույն իրա¬վունքները (….)
(դ) հարցաքննելու իր դեմ ցուցմունք տվող վկաներին կամ իրավունք ունենալու, որ այդ վկա¬ները ենթարկվեն հարցաքննության և իրավունք ունենալու` իր վկաներին կանչելու ու հար¬ցաքննելու միևնույն պայմաններով, ինչ իր դեմ ցուցմունք տված վկաները։
Դատարանը փաստում է, որ պաշտպանական կողմի համար մինչդատական և դատական վարույթների ընթացքում փաստացի չի ապահովվել վերոնշյալ վկաներին հարցաքննելու, այն է` հակընդդեմ հարցում իրակա¬նացնելու (կոնֆրոնտացիայի) իրավունքը, հետևաբար` սույն դատական ակտում դրանց օգտագործումը կարող է հագեցնել ամբաստանյալ Ֆադի Հասկիայի արդար դա¬տաքննության իրա¬վունքի խախտման ( տես՛ ՄԻ եվրոպական դատարանի «Մամիկոնյանն ընդդեմ Հայաստանի» գանգատի քննարկման շրջա¬նակ¬ներում 2010թ. փետրվա¬¬րի 23-ին կայացրած վճռում, «Գաբրիելյանն ընդդեմ Հայաստանի» գան¬գատի շրջա¬նակներում 2012թ. ապրիլի 10-ի վճռում, Արտակ Գաբրիելյանի վե¬րա¬բերյալ ՎԲ-04/13 գոր¬ծով ՀՀ վճռաբեկ դա¬տարանի 2013թ. սեպտեմ¬բերի 13-ի որոշմամբ արտա¬հայտված իրավական դիրքորոշումները)։
Նման հետևության հանգելիս` Դատարանը փաստում է, որ դատաքննությամբ հետա¬զոտված այլ ապացույց¬ների համակցությունը բավարար է ամբաստանյալ Ֆ.Հասկիայի մեղավորության հարցը որոշելու և գործն ըստ էության լուծելու համար։
Ամբաստանյալ Ֆադի Հասկիայի մեղավորության վերաբերյալ հետևության Դատարանը հանգեց նաև հետևյալ ապացույցների համադրման և գնահատման արդյունքներով.
Դատաբժշկական փորձաքննության 2014թ. մարտի 12-ի թիվ 373/հ եզրակացությամբ, հա¬մա¬ձայն որի` տուժող Արման Հովհաննիսյանի ստացած մարմնական վնասվածքները` աջ ուսային հոդի շրջանի քերծվածքի, ներկայիս ապապիգմենտավորված տեղամասի, աջ դաստակի շրջանի սալջարդ վերքի, ձախ քունքային, թիակային, ուսային հոդի, կրծքավանդակի ձախ կեսի առաջային մակերեսի շրջանների չթափանցող, կրծքավանդակի ձախ կեսի առաջային մակերեսի, թափանցող, թոքի 5-րդ սեգմենտի միջանցիկ, 4-րդ սեգմենտի և ստորին բլթի վնասումներով, ծակված-կտրված վերքերի ձևով պատճառվել են հետևյալ գործիքներով, աջ ուսային հոդի շրջանի քերծվածքը, աջ դաստակի շրջանի սալջարդ վերքը՝ բութ առարկաներով, մնացած վնասվածնքները՝ ինչպես սուր ծակող-կտրող գործիքով /ներով/, այնպես էլ սուր ծայր և եզր ունեցող բութ առարկայով(ներով), ինչպիսին կարող է հանդիսանալ նաև կոտրված ապակյա շիշը։ Վերոնշյալ մարմնական վնասվածք¬ները կարող էին պատճառվել քննվող դեպքի ժամանակահատվածում (2014թ. փետրվարի 22-ին), ձախ ուսային հոդի շրջանի քերծվածքը, առանձին վերցված, առողջության թեթև վնասի հատկանիշներ չի պարունակում, կրծքա¬վանդակի ձախ կեսի առաջային մակերեսի թափանցող, թոքի վնասումներով, ծակած-կտրված վեր¬քերն ինչպես առանձին-առանձին, այնպես էլ միասին վերցված պատճառել են առող¬ջությանը ծանր վնաս` կյանքին վտանգ սպառնացող, իսկ մնացած վնաս¬վածքներն ինչպես առանձին-առանձին, այնպես էլ միասին վերցված պատճառել են առողջության թեթև վնաս` առող¬ջության կարճատև քայքա¬յմամբ՝ նկատի ունենալով վնասվածքների հետ անմիջա¬կան պատճա¬ռա¬կան կապի մեջ եղած հետևանքների տևողությունը` ոչ պակաս 6-օրից և ոչ ավելի 21-օրից։
Դատահետքաբանական և դատաբժշկական համալիր փորձաքննության 2014թ. մայիսի 20-ի թիվ 16/հմ եզրակացությամբ, համաձայն որի` փորձաքննությանը տրամադրված բաճկոնի, անդրա¬վարտիքի և կոշիկների վրա մեխանիկական բնույթի վնասվածքներ չկան։ Ժակետի, կարճաթև ու ուսաժապավեններով մայկայի վրա հայտնաբերվել են մեխանիկական վնասվածքներ, որոնք իրենց բնույթով ծակած-կտրած են` համակցված պատռվածքին բնորոշ հատկանիշներով և կարող էին առաջանալ սուր ծակող-կտրող համեմատաբար հարթ եզր (եզրեր) ունեցող առարկայի-գործիքի (ների) ներգործությունների հետևանքով։ Կարճաթև մայկայի վրա առկա են նաև հնամաշությամբ արտա¬հայտ¬ված վնասվածքներ, իսկ ժակետի վրա` մեխանիկական ձգվածության հետևանքով առաջացած պատռվածքներ։
Հաշվի առնելով փորձաքննությանը ներկայացված հագուստների և գործով տուժող Արման Հով¬հաննիսյանի մարմնական վնասվածքների բնույթը, առանձնահատկությունները փորձագետներն եզրա¬կացրել են, որ այդպիսիք կարող էին առաջանալ ինչպես համեմատաբար հարթ եզր (եզրեր) ունե¬ցող սուր ծակող-կտրող գործիքով (ներով), այնպես էլ սուր կտրող եզր (եզրեր) ունեցող սրածայր առար¬¬կայով, ինչպիսին կարող էր հանդիսանար նաև կոտրված շիշը` արտացցված հատ¬վածներով։ Ներկայացված վերնահագուստների վրա առկա վնասվածքներն իրենց տեղակայությամբ հիմնա¬կանում համընկնում են գործով տուժող Արման Հովհաննիսյանի մարմնին հայնաբերված ծակած-կտրած բնույթի վնասվածքների տեղակայություններին։ Նույն եզրակացության համաձայն՝ վնաս¬վածք¬ները ստանալու պահին տուժող Արման Հովհաննիսյանը կարող էր գտնվել հնարավոր ցան¬կա¬ցած դիրքում, որոնք չէին խոչընդոտի և կապահովեին այդ վնասվածքների առաջացումը։
Պաշտպանական կողմի միջնորդությամբ հրավիրված և հարցաքննված` դատաբժշկական բնագավառի փորձագետ Գագիկ Հարությունյանի ցուցմունքով. Վերջինս դատահետքաբանական և դատաբժշկական համալիր փորձաքննության 2014թ. մայիսի 20-ի թիվ 16/հմ եզրակացության դա¬տաբժշկական մասի շուրջ նրան առաջադրված հարցերին պատասխանելիս` նշեց, որ վերոնշյալ փոր¬ձաքննության արդյունքներով հնարավոր չէ պատկերացում կազմել տուժող Արման Հովհան¬նիսյանին կտրած-ծակած վնասվածքներ պատճառած հարվածի կամ հարվածների քանակի վերաբերյալ, ինչը պայմանավորված է տվյալ դեպքում կիրառված կոտրված ապակյա շշի արտացցված հատվածների բնույթից և անհատական հատ¬կանիշներից ( կոտրված շիշը չի հայտնաբերվել և դատաբժշկական փոր¬ձաքննութ¬յանը չի ներկայացվել)։ Նշեց նաև, որ տուժող Ա.Հովհաննիսյանի մարմնին փոր¬ձաքննութ¬յամբ արձանագրված կտրած-ծակած մարմնական վնասվածքները պատճառվել են շարժման հետևանքով, կարող էին պատճառվել բոլոր հնարավոր դիրքերում (կանգնած, կքանստած և այլն), պայմանով, որ նրա մարմնի` վնասվածքների հատվածը բաց լինի հարված (ներ) ընդունելու պահին։ Հաշվի առնելով մարմնական վնասվածքների բնույթը` նշեց նաև, որ գետնին վայր ընկնելիս տուժողին նման թափան¬ցող վնասվածքներ պատճառելու պարագայում հար¬վածողի ձեռքը պետք է առնվազն ֆիքսված լիներ։
Դատաբժշկական փորձաքննության 2014թ. փետրվարի 24-ի թիվ 509 եզրակացությամբ, համա¬ձայն որի` գործով ամբաստանյալ Ֆադի Հասկիայի մարմնական վնասվածքները` աջ աչքի ստորին կոպի և ձախ նստատեղի շրջանի արյունազեղումների ձևով, հետևանք են կոշտ առարկաների ներգործության, կարող էին պատճառվել քննվող դեպքի ժամանակահատվածում (2014թ. փետրվարի 22-ին) և հանգամանքներում, առողջության թեթև վնասի հատկանիշներ չեն պարունակում։
Դատաբժշկական փորձաքննության 2014թ. մարտի 12-ի թիվ 372/հ եզրակացությամբ, համա¬ձայն որի` գործով որպես տուժող ճանաչված Սեյրան Հովհաննիսյանի մարմնական վնասվածքները` գագաթային շրջանի փա¬փուկ հյուսվածքների սալջարդի, աջ ականջախեցու շրջանի քերծվածքների, աջ դաստակի շրջանի սալջարդ վերքի, գանգուղեղային տրավմայի ձևով, հասցվել են` բութ առարկա¬ներով, ինչպիսիք հանդիսանում են նաև ապակյա շիշը, պլաստմասե մոխրամանը, մարմնական այդ վնասվածքները կարող էին պատճառվել քննվող դեպքի ժամանակահատվածում (2014թ. փետրվարի 22-ին), որոնցից` գագաթային շրջանի փափուկ հյուսվածքների սալջարդը, աջ ականջախեցու շրջանի քերծվածքները գանգուղեղային տրավմայից տարանջատելը հնարավոր չէ, որոնք ինչպես նաև` աջ դաստակի 2-րդ մատի շրջանի սալջարդ վերքն առանձին-առանձին, այնպես էլ միասին վերցված պատճառել են առող¬ջությանը թեթև վնաս` առողջության կարճատև քայքայմամբ՝ նկատի ունենալով վնասվածքների հետ անմիջական պատճառական կապի մեջ եղած հետևանքների տևողությունը` ոչ պակաս 6-օրից և ոչ ավելի 21-օրից։
Դատաապրանքագիտական և դատահետքաբանական համալիր փորձաքննության 2014թ. ապրիլի 14-ի թիվ 07681402 եզրակացությամբ, համաձայն որի` փորձաքննությանը տրամադրված «Opel CORSA» մակնիշի, 33 SD 926 հաշվառման համարանիշի ավտոմոբիլի թափքի տարբեր հատ¬վածների վրա առկա են մեխանիկական վնասվածքներ։
Դատաբժշկական փորձաքննության 2014թ. փետրվարի 25-ի թիվ 520 եզրակացությամբ, համա¬ձայն որի` քննվող դեպքին առնչվող Առքան Աբդելռազեկի Աբու-Հիջլիի մարմնական վնասվածքները` ձախ դաստակի շրջան¬¬նե¬րի քերծվածքների, աջ ծնկահոդի շրջանի սալջարդ վերքի ձևով, պատճառվել են բութ առար¬կա¬ներով, հնարավոր է որոշման մեջ նշված ժամկետում և հանգամանքներում, որոնցից քերծվածքները առող¬ջության թեթև վնասի հատկանիշներ չեն պարունակում, իսկ աջ ծնկահոդի շր¬ջանի վերքը պատ¬ճառել է առողջության թեթև վնաս` առողջության կարճատև քայքայումով՝ նկատի ունե¬նալով վնաս¬վածքի հետ անմիջական պատճառական կապի մեջ եղած հետևանքների տևո¬ղությունը ոչ պակաս 6-օրից և ոչ ավելի 21 օրից։
Որպես ապացույց ճանաչված և գործին կցված փաստաթղթերի առկայությամբ, մաս¬նա¬վո¬րապես` սկավառակների տեսաձայնագրություններով և տուժող Արման Հովհաննիսյան¬ի և որպես տու¬ժող ճանաչված Սեյրան Հովհաննիսյանի բուժման ծախսերը գործով ամբաստանյալ Ֆադի Հասկիայի կողմից (միջնորդավորված կարգով) փոխհատուցելու վերաբերյալ հաշվիչ դրամարկղային կտրոննե¬րով։
Դատատեսաձայնագրային փորձաքննության 2014թ. մայիսի 19-ի թիվ 09851406 եզրակացութ¬յամբ, համաձայն որի` փորձաքննությանը տրամադրված «Princo» ընկերության արտադրության լազե¬րա¬յին երեք սկավառակների վրա համապատասխանաբար` «taxi1», «taxsi2» ( առաջային սկավառակ (սերիական համարը` «B 2123606475-28512»), «taxsi3.-1» (երկրորդ սկավառակ) և «taxsi3.-2» (երրոդ սկավառակ (երկրորդ և երրորդ սկավառակները ունեն թողարկման միևնույն սերիական համարը` « M356000612-0935»)) անվանումներով «ave» ֆորմատի ֆայլերը պարունակում են 2014թ. փետրվարի 22-ի ժամը 02։00-ից մինչև 05։02-ն ընկած ժամանակահատվածում կատարվող իրադար¬ձությունների տեսաշարերը։ Տեսաձայնագրություններից առանձնացվել են թվով 27 կադրեր, ենթարկվել համա¬կարգչա¬յին մշակման (մասնավորապես` փոփոխվել է լուսավորությունը, գունային հակադրությունը, կադրերը ենթարկվել են թվային խոշորաց¬ման), որից հետո արտատպվել են լուսանկարների տեսքով։
Դատատեսաձայնագրային փորձաքննության 2014թ. մայիսի 19-ի թիվ 10751406 եզրակա¬ցութ¬յամբ, համաձայն որի` փորձաքննությանը տրամադրված «maxell» ընկերության արտադրության լազե¬րային սկավառակի (սերիական համարը` «9kH110264756E15») վրա առկա է «1-04-R-140222040000» անվանումով ֆայլ` «ave» ֆորմատի, որը հանդիսանում է 1 ժամ տևողության տեսագրություն` առանց համապատասխան ձայնային ուղեկցության։ Համաձայն տեսագրության կադրերի` վերին աջ հատ¬ված¬ներում առկա ժամանակը նշող գրառումների` այն պարունակում է 2014թ. փետրվարի 22-ի ժամը 04։00-ից մինչև 05։00-ն ընկած ժամանակահատվածում կատարվող իրադարձությունների տեսաշա¬րերը։ Տեսաձայնագրությունից առանձնացվել են թվով 11 կադրեր, ենթարկվել համակարգչային մշակման, արտատպվել լուսանկարների տեսքով։
Քննչական փորձարարության արձանագրությամբ, համաձայն որի՝ 2014թ. փետրվարի 25-ին կատարված քննչական գործողութ¬յան ժամանակ մասնակից, գործով ամբաստանյալ Ֆադի Հասկիան մատնացույց է արել Երևան քաղաքի Սայաթ-Նովա փողոցի «Այս» դիսկո ակումբի առջևի փողոցի հատվածը և հայտա¬րարել, որ նշված վայրում է վիճաբանել գործով տուժող Արման Հովհաննիսյանի հետ, որի ընթացքում վայր ընկնելիս իր ձեռքին եղած գարեջրի շիշը կոտրվել է, որը «կպել է նրան իր կողմից այդ շշով ձեռքի անկանոն շարժումներ կատարելիս»։
Իրեղեն ապացույց ճանաչված և գործին կցված իրերի` «Օպել» մակնիշի 33 SD 926 հ/հ տաքսի ավտոմեքենայի տանիքի վրա հայտնաբերված կոտրված շշի կտորի, դեպքի վայրի զննութ¬յան ընթաց¬քում հայտնաբերված «Վեստ» գրառմամբ պլաստմասե մոխրամանի կոտրված կտորների, գործով տուժող Արման Հովհաննիսյանի` դեպքի պա¬հին կրած հագուստների առկայությամբ և դրանց զննման արդյունքներով։


3. Դատարանի իրավական վերլուծությունները և եզրահանգումը.
Դատաքննությամբ հետազոտված ապացույցների գնահատման արդյունքներով Դա¬տարանն հաստատված համարեց այն, որ ամբաստանյալ Ֆադի Հասկիան տուժող Արման Հովհաննիսյանի առող¬ջությանը դիտավորությամբ պատճառել է կյանքին վտանգ սպառնացող ծանր վնաս, այսինքն` մեղավո¬րութ¬յամբ կա¬¬տա¬րել է հան¬ցավոր արարք« որը համա¬պա¬տաս¬¬խանում է ՀՀ քրեա¬կան օրենսգրքի 112-րդ հոդ¬¬վածի 1-ին մասով նախա¬տես¬ված հան¬ցա¬¬գոր¬ծության հատ¬կանիշ¬ներին։ Ամբաստանյալը քրեա¬կան պա¬տաս¬¬խա¬նատ¬¬¬վության և պատժի ենթա¬կա է այդ հոդ¬¬վածի համա¬պա¬տաս¬խան մասով։
Նշված հետևության հանգելիս` Դատարանը հաշվի է առնում այն, որ տուժող Ա.Հովհաննիսյանի առողջությանը ծանր վնաս է պատ¬ճառ¬վել դիտավորությամբ, նրա հետ ծագած փոխադարձ վեճի ըն¬թաց¬քում, այսինքն` բացակայել է ամբաստանյալ Ֆ.Հասկիայի կյանքի և առողջության նկատմամբ իրա¬կան ոտնձգությունը։
Ամբաստանյալ Ֆադի Հասկիայի նկատմամբ նշանակվող պատժի տեսակը և չափը որո¬շելիս Դատարանն հաշվի է առնում հետևյալը.
ՀՀ քրեական օրենսգրքի 48-րդ հոդվածի 2-րդ մասի համաձայն՝ պատժի նպատակն է վերա¬կանգ¬նել սոցիալական արդարությունը, ուղղել պատժի ենթարկված անձին, ինչպես նաև կանխել հան¬ցա¬գործությունները։
ՀՀ քրեական օրենսգրքի 10-րդ հոդվածի համաձայն` հանցանք կատարած անձի նկատ¬մամբ կիրառվող պատիժը և քրեաիրավական ներգոր¬ծության այլ միջոց¬ները պետք է լինեն արդարացի, հա¬մա¬¬պա¬տասխանեն հանցանքի ծան¬րութ¬յանը, այն կատարելու հանգա¬մանք¬ներին, հանցավորի անձ¬նա¬¬վո¬րությանը, անհրա¬ժեշտ և բավարար լինեն նրան ուղղելու և նոր հանցա¬գործությունները կան¬¬խե¬լու համար։
ՀՀ քրեական օրենսգրքի 61-րդ հոդվածի 1-ին մասն սահմանում է, որ հանցագործության համար մեղավոր ճանաչված անձի նկատմամբ նշանակվում է արդարացի պատիժ, իսկ նույն հոդվածի 2-րդ մասի համաձայն՝ պատժի տեսակը և չափը որոշվում են հանցագործության՝ հան¬րության համար վտանգավորության աստիճանով և բնույթով, հանցավորի անձը բնու¬թագրող տվյալ¬ներով, այդ թվում՝ պատասխանատվությունը և պատիժը մեղմացնող կամ ծան¬րացնող հանգա¬մանք¬ներով։
Օրենքի և դատարանի առջև հավասարության սկզբունքն ամրագրած ՀՀ քրեական դա¬տա¬վա¬րական օրենսգրքի 8-րդ հոդվածի համաձայն՝ որոշակի փաստական հանգամանքներ ունեցող գործով ՀՀ Վճռաբեկ դատարանի կամ Մարդու իրավունքների եվրոպական դատա¬րա¬նի դատական ակտի հիմնավորումները, այդ թվում՝ օրենքի մեկնաբանությունները, պար¬տադիր են դատարանի համար նույ¬նանման փաստական հանգամանքներով այլ գործի քննության ժամանակ։
ՀՀ Վճռաբեկ դատարանը, Ա.Պապիկյանի վերաբերյալ 2007թ. հոկտեմբերի 26-ի ՎԲ-149/07 գոր¬ծով մեկնաբանելով ՀՀ քրեական օրենսգրքի 62-րդ հոդվածի 2-րդ մասով նախա¬տես¬ված իրա¬վա¬նոր¬մը, նշել է, որ այն Դատարանին օժտել է անձի պատասխա¬նատվությունը մեղմացնող հան¬գա¬մանք¬¬ների կիրառման լայն հայեցողությամբ, քանի որ պա¬տիժ նշանակելիս Դատարանը կարող է հաշ¬¬վի առնել նաև մեղմացնող այնպիսի հանգա¬մանք¬ներ, որոնք նույն հոդվածում նշված չեն։
Դատարանը որպես ամբաստանյալ Ֆադի Հասկիայի անձը դրականորեն բնու¬թագրող տվյալներ է գնա¬հատում՝ նախկինում դատապարտված չլինելը (ըստ ՀՀ ոստիկանության ինֆոր¬մացիոն կենտրոն 2014թ. սեպտեմբերի 24-ին կատարված հարցման արդյունքների), ուսանող հանդիսանալը (համաձայն Երևանի «Հայբուսակ» համալսարանի օտարերկրյա քաղաքացի ուսանողների ֆակուլտետի դեկան Ռ.Դուրգարյանի կողմից 2014թ. փետրվարի 27-ին տրված տեղեկանքի` սովորում է նույն համալ¬սարանի բուժական գործ մասնագիտության 6-րդ կուրսում), իսկ որպես նրա պատասխանատ¬վությունը և պա¬տի¬ժը մեղ¬մացնող հանգա¬մանքներ՝ ուսման և բնակության վայրերում դրականորեն բնութագրվելը (համաձայն նույն համալսարանի դեկան Լ.Սաղաթելյանի կողմից 2014թ. մայիսի 29-ին տրված բնութագրի, Իսրայելի Թիրայի քաղաքապետարանի կողմից տրված բնութագրի, Երևանի Ա.Խաչատրյան փողոցի 18-րդ շենքի բնակիչների կողմից տրված դրական բնութագիր-երաշ¬խա¬վորագրի), տուժող Ա.Հովհաննիսյանին պատճառած վնասն դեռևս մինչդատական վարույթում ամբող¬ջությամբ և կամովին հարթելը (համաձայն «Սուրբ Գրիգոր Լուսավորիչ» Բժշկական կենտրոն ՓԲ ընկերության դրամարկղային մուտքի 2014թ. փետրվարի 27-ի թիվ 1211 և 1212 անդորրագրերի պատճենների և Դատարանում տուժող Ա.Հովհաննիսյանի և որպես տուժող ճանաչված Ս.Հովհան¬նիսյանի ցուցմունքների)։
Պատասխանատվությունը և պատիժը մեղմացնող վերոնշյալ հան¬գամանքները և անձը բնու¬թագրող տվյալներն հաս¬տատված են գործով ձեռք բերված և դատաքննությամբ հետա¬զոտված, թույլատ¬րե¬¬լիութ¬յան ու վերաբերելիության չափանիշներին համապատասխանող ապացույց¬ներով և ող¬ջամտո¬րեն մեղմացնում են ամբաս¬տանյալ Ֆադի Հասկիայի հանրային վտան¬գավո¬րությունը։
Դատարանն ամբաստանյալ Ֆ.Հասկիայի պատասխանատվությունն ու պատիժը ծանրացնող հանգամանք չարձանագրեց։
Պատժի նպատակներն ապահովելու համատեքստում անդրադառնալով ամբաս¬տանյալ Ֆադի Հասկիայի նկատմամբ նշանակվող պատժի տե¬սակին և այն կրելու անհրաժեշտութ¬յան հարցին` Դա¬տա¬¬րանը փաստում է, որ ՀՀ քրեական օրենսգրքի 112-րդ հոդվածի 1-ին մասով սահմանված հանցա¬կազմը նախատեսում է պատիժ` բացառապես որոշա¬կի ժամկե¬տով ազա¬տազրկման ձևով, ուստի սույն գործի շրջանակներում քննարկման ենթակա են ամբաս¬տանյալ նկատմամբ նշանակ¬վող պատժաչա¬փի, այդ թվում՝ տվյալ հոդվածով նախա¬տեսված պատժի նվազագույն չափից ավելի մեղմ պատիժ կամ ավելի մեղմ պատժա¬տեսակ նշա¬նակելու (ՀՀ քրեական օրենսգրքի 64-րդ հոդվածի կիրառում), ինչպես նաև նշանակվող պատիժը կրելու կամ չկրելու (ՀՀ քրեական օրենսգրքի 70-րդ հոդվածի կի¬րա¬ռում) հար¬ցերը։
Հաշվի առնելով ամբաս¬տանյալ Ֆադի Հասկիային վերագրվող հանցագործության բնույթն ու վտանգա¬վորության աստիճանը, ՀՀ քրեական օրենսգրքի 64-րդ հոդ¬վածի տեսանկյու¬նով բացառիկ հանգա¬մանք¬ների բացակա¬յութ¬յունը` Դատարանն արձա¬նագրում է, որ ամբաս¬տան¬յալի նկատմամբ ազա¬տազրկման ձևով նշա¬նակվող պատիժը պայմա¬նա¬¬կանորեն չկիրա¬ռելու, ազա¬տազրկման նվա¬զագույն չափից ավելի ցածր պատիժ նշանակելու հիմքերը բացա¬կայում են։ Պատժի նպատակներն ապահովելու տեսանկյու¬նով մեղսագրված հանցանքի համար ազատազրկման ձևով նշանակվող պա¬տիժն ամբաստանյալը պետք է կրի, այն արդա¬րացի և անհրաժեշտ է նրան ուղղելու, նոր հան¬ցագոր¬ծությունների կատա¬րումը կանխելու և սոցիալական արդարությունը վերա¬կանգ¬նելու համար։
Քննարկելով ամբաստանյալ Ֆադի Հասկիայի նկատ¬մամբ ընտրված խափանման միջոց կալա¬նա¬վորման հարցը` Դատարանը գտնում է, որ այդ խափանման միջոցը վերացնելու կամ փո¬փո¬խելու հիմքերը բացակայում են` պայմա¬նա¬վորված նրան իրական պատժի` ազա¬տազրկման դատա¬պար¬տելու և դա¬տավճռի կա¬տա¬¬րումն ապահովելու անհրաժեշ¬տութ¬յամբ։
Միաժամանակ անդրա¬դառնալով պատժի կրման սկիզբն հաշ¬վարկելու և անազատության մեջ պահվելու ժամկետն նշանակվող պատ¬ժին հաշվակցելու հարցերին` Դատա¬րանը գտնում է, որ թեև ամբաստանյալ Ֆադի Հասկիան ձերբակալվել է 2014թ. փետրվարի 23-ին, սակայն նրա պատժի կրման սկիզբն անհրա¬ժեշտ է հաշվարկել բերման ենթարկելու (ազատ տեղաշարժվելու իրավունքը սահ¬մանափակելու) պահից` 2014թ. փետրվարի 22-ից։ Այդ դեպքում նրան կալանքի տակ պա¬հելու ժամկետը լրացուցիչ հաշ¬վակցելու անհրա¬ժեշտութ¬¬յունը վերանում է, քանի որ հաշ¬վակցման ենթա¬կա ժամկետն ինքնին ընդգրկում է 2014թ. փետրվարի 22-ից մինչև սույն դա¬տավճիռն օրինական ուժի մեջ մտնելն ըն¬կած ժամանակա¬հատվածը։
ՀՀ քրեական դատավարության օրենսգրքի 360-րդ հոդվածի 1-ին մասի համաձայն` դա¬տավճիռ կայացնելիս Դատարանը պարտավոր է անդրադառնալ նաև իրեղեն ապացույց¬ների, գույքի նկատ¬մամբ կիրառված (կիրառվելիք) արգելանքի, քաղա¬¬քա¬ցիական հայցի հարցերին։ Տվյալ խնդրին անդ¬րա¬¬¬¬¬¬դառնալով` Դատարանն արձանագրում է, որ ամբաս¬տան¬յալի գույքի վրա արգելանք չի կիրառ¬վել։
Դատարանը փաստում է, որ Ֆադի Սամիրի Հասկիան դեռևս նախաքննության ընթացքում կամովին և ամբողջությամբ փոխ¬հա¬տուցել է տուժող Արման Հովհան¬նիսյան¬¬ին, նույնիսկ որպես տուժող ճանաչված Սեյրան Հովհաննիսյանին պատ¬ճառված վնասը, հետևաբար՝ վնասի հատուցման հարցը համարում է լուծված։
Անդրադառնալով գործով իրեղեն ապացույց ճանաչված իրերի տնօրինման հարցին` Դատարանը գտնում է, որ Դատարանում պահվող իրերը` տուժող Արման Հո¬վհաննիսյանի հա¬գուստներ պետք է վերադարձնել նրան, իսկ կոտրված մոխրամանը և ապակու կտորը` ոչնչացնել` սույն դա¬տավճիռն օրինա¬կան ուժի մեջ մտնե¬լուց հետո։
Ինչ վերաբերում է դատական ծախսերի հարցին, Դատարանը գտնում է, որ որպես դատա¬կան ծախս` ամբաստանյալ Ֆադի Սամիռի Հասկիից հօգուտ պե¬տա¬¬կան բյուջեի անհրաժեշտ է բռնա¬գանձել ընդհանուր 150.000 (հարյուր հիսուն հազար) ՀՀ դրամ գումար, որից 8.000 ՀՀ դրամը` որպես սույն գործով նշանակված դատաբժշկական փորձաքննության (2014թ. փետրվարի 24-ի թիվ 509 եզրակա¬ցություն), 8.000 ՀՀ դրամը` որպես նշանակված Արման Հովհաննիսյանի դատաբժշկական փոր¬ձաքննութ¬յան (2014թ. մարտի 12-ի թիվ 373/հ եզրակացություն), 8.000 ՀՀ դրամը` որպես Սեյրան Հովհաննիսյանի դատաբժշկական փորձաքննության (2014թ. մարտի 12-ի թիվ 372/հ եզրակացություն), 58.800 ՀՀ դրամը` որպես նշանակված դատահետքաբանական, քիմիական և դատաբժշկական համալիր փորձաքննության (2014թ. ապրիլի 26-ի թիվ 7671402 եզրակացություն), 67.200 ՀՀ դրամը` որպես սույն գործով նշանակված տեսաձայնագրային փորձաքննության (2014թ. մայիսի 19-ի թիվ 09851406 եզրակացություն) կատարման համար կատարված ծախս։
Գնահատելով և ամփոփելով դատաքննությամբ հետազոտված ապացույց¬ները, ղեկա¬վար¬վելով ՀՀ քրեական դատավա¬րա¬կան օրենսգրքի 119-րդ, 357-360-րդ, 364-365-րդ, 369-373-րդ հոդված¬ներով՝ Դատա¬րանը
Վ Ճ Ռ Ե Ց ՝

Ֆադի Սամիրի Հասկիային ճանաչել մեղավոր ՀՀ քրեական օրենսգրքի 112-րդ հոդ¬վածի 1-ին մասով նախատեսված հանցագործության կատարման մեջ, նրա նկատ¬մամբ նշանակել պատիժ` ազա¬տազրկում 3 ( երեք ) տարի ժամ¬կետով։
Ֆադի Հասկիայի պատժի կրման սկիզբն հաշվել 2014թ. փետրվարի 22-ից, նրա նկատ¬մամբ որպես խափանման միջոց ընտրված կալանա¬վորումը թողնել անփոփոխ մինչև դատավճիռն օրինա¬կան ուժի մեջ մտնելը։
Իրեղեն ապացույց ճանաչված և Դատարանում պահվող` տուժող Արման Հո¬վաննիսյանի հա¬գուստները վերադարձնել նրան, կոտրված մոխրամանը և ապակու կտորը ոչնչացնել` սույն դա¬տավճիռն օրինա¬կան ուժի մեջ մտնե¬լուց հետո։։
Որպես տուժող ճանաչված Արման և Սեյրան Հովհաննիսյաններին պատ¬ճառված վնասի հատուց¬ման հարցն համարել լուծված` Ֆադի Սամիրի Հասկիայի կողմից ամբող¬ջութ¬յամբ փոխ¬հա¬տուցվելու պատճառաբանությամբ։
Որպես դատական ծախս` Ֆադի Սամիրի Հասկիայից հօգուտ ՀՀ պետական բյուջեի բռնա¬գանձել 150.000 (հարյուր հիսուն հազար) ՀՀ դրամ գումար։
Դատավճիռը կարող է բողոքարկվել Հայաստանի Հանրապետության վերաքննիչ քրեա¬կան դա¬տարան հրապարակման օրվանից մե¬կամսյա ժամկետում։


ԴԱՏԱՎՈՐ՝ Ա.ՎԱՐԴԱՆՅԱՆ