Գործ թիվ ԵԿԴ0088/01/14





ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ


Երևանի Կենտրոն և Նորք-Մարաշ վարչական շրջանների ընդհանուր իրավա¬սության դատարանը (այսուհետ` Դատարան )`

նախագահությամբ դատավոր` Արշակ Վարդանյանի«
քարտուղարությամբ` Աննա Փանոսյանի,
մասնակցությամբ`

մեղադրող« Երևանի Կենտրոն և
Նորք-Մարաշ վարչական շրջանների
դատախազության դատախազ` Նոնա Միքայելյանի«



2014թ. հուլիսի 10-ին նույն Դատարանում` դռնբաց դատական նիստում« քննեց և ավարտեց քրեական գործն ըստ մե¬ղադ¬րանքի`
Ոսկան Արսենի Ոսկանյանի` (ծնված 1993թ. օգոստոսի 26-ին« Կոտայքի մարզի Արզական գյուղում, ա¬¬¬գութ¬յամբ հայ« ՀՀ քաղաքացի« ամուրի« միջնակարգ մասնագիտական կրթութ¬¬¬յամբ« չի աշխատում« նախկինում չդատա¬պարտ¬ված« հաշվառված և բնակվում է Կոտայքի մարզի Արզա¬կան գյուղի Բաբաջանյան փողոցի 1-ին նրբանցքի 11/1 տանը« սույն գործով նրա նկատմամբ որպես խափանման միջոց է ընտրվել չհեռանալու մասին ստորագրություն)։

1. Գործի դատավարական նախապատմությունը.
Թիվ 13111814 քրեական գործն հարուցվել է 2014թ. փետրվարի 4-ին ՀՀ քրեական օրենսգրքի 235-րդ հոդվածի 4-րդ մասի հատկանիշներով ՀՀ ոստիկա¬նության քննչական գլխա¬վոր վար¬չութ¬յան Երևան քաղաքի քննչական վարչության Կենտրոնականի քննչական բաժնում։
2014թ. մարտի 5-ին նախաքննական մարմինը Ոսկան Ոսկանյանին ներգրավել է որպես մեղադրյալ ՀՀ քրեական օրենսգրքի 235-րդ հոդվածի 4-րդ մասով, նույն օրը նրա նկատմամբ որպես խա¬փանման միջոց է ընտրել չհե¬ռանալու մասին ստորագրութ¬յուն և հայտարարել հե¬տա¬¬խու¬զում։
2014թ. մարտի 19-ին քրեական գործով վարույթը կասեցվել է` մեղադրյալ Ոսկան Ոսկան¬յանի գտնվելու վայրը հայտնի չլինելու հիմքով։
2014թ. հունիսի 2-ին հետախուզվող Ոսկան Ոսկանյանը կամովին ներկայացրել է վա¬րույթն իրականացնող մարմնին, որի կապակացությամբ քրեական գործի վարույթը վերսկսվել է։
2014թ. հունիսի 13-ին քրեական գործը Ոսկան Արսենի Ոսկանյանի նկատմամբ ՀՀ քրեա¬կան օրենսգրքի 235-րդ հոդվածի 4-րդ մասով հաստատված մեղադրական եզրակացությամբ ուղարկվել է Երևանի Կենտրոն և Նորք-Մարաշ վարչական շրջանների ընդհանուր իրավա¬սության դատարան և 2014թ. հունիսի 17-ին ընդունվել վարույթ։

2. Ապացույցների հետազոտում և գնահատում.
Դատաքննությամբ հետազոտված ապացույցների գնահատման արդյունքներով Դա¬տարանն հաս¬տատված համարեց այն, որ Ոսկան Ոսկանյանը ապօրինի կերպով կրել է սա¬ռը զենք հանդիսացող արհես¬տագործական եղանակով կռփազենքի նմանողությամբ պատ¬րաստված, հարվածող-փշրող մետաղյա առարկա, որը 2014թ. հունվարի 20-ին` ժամը 12։30-ի սահ¬¬մաններում Երևանի Ալեք Մանուկյան - Նալբանդյան փողոցների խաչմերուկի մոտա¬կայքում ծառայություն իրականացնող ՀՀ ոստիկանության ՊՊԾ աշխատակիցներ Ֆրունզե Միսակյանի և Մայիս Դանիելյանի պահանջով ներկայացրել է վերջիններիս։
Վերոնշյալ հանցավոր արարքը կատարելու համար Ոսկան Ոսկանյանին մեղադրանք է առաջադրվել ՀՀ քրեական օրենսգրքի 235-րդ հոդվածի 4-րդ մասով։
Առաջադրված մեղադրանքում ամբաստանյալ Ոսկան Ոսկանյանն իրեն լիովին մեղավոր ճանաչեց և հարցերին պատասխանելով` ըստ էության պնդեց նախաքննության ընթացքում տված խոստովանական ցուցմունքներն` այն մասին, որ 2008թ. ընթացքում ձեռք է բերել և տանը պահել կռփազենք։ 2014թ. հունվարի 20-ին տանը պահվող կռփազենքը դրել է տաբատի հետևի գրպանում և զբոսնելու նպատակով այցելել Երևան քաղաք։ Նույն օրը` ժամը 12։30-ի սահ¬մաններում, Երևան քաղաքի Ալեք Մանուկյան - Նալբանդյան փողոցների խաչմերուկի մո¬տակայքում իրեն են մոտեցել ոստիկանության աշխատակիցները և հետաքրքրվել, թե արդյոք տաբատի գրպանում եղածն արգելված իր չէ։ Հասկացել է, որ կռփազենքը չհանձնելու դեպքում, միևնույնն է, իրեն ոստիկանություն կտանեն ու կռփազենքը կհայտնաբերեն, ուստի գրպա¬նից հանել և ոստիկաններին պահանջով նրանց է ներկայացրել կռփազենքը, որից հետո իրեն բերման են ենթարկել ՀՀ ոստիկանության Կենտրոնականի բաժին։
Ամբաստանյալ Ոսկան Ոսկանյանին առաջադրված մեղադրանքը, բացի նրա խոստո¬վա¬նական ցուցմունքներից, հաստատվել է դատաքննության ընթաց¬քում պատ¬շաճ իրա¬¬վա¬¬կան ըն¬թա¬ցակարգերի շրջա¬նակ¬նե¬րում հետա¬զոտ¬ված և գնահատ¬ված ներ¬քոհիշ¬յալ ապա¬ցույց¬նե¬րով.
ՀՀ ոստիկանության ՊՊԾ գնդի ոստիկան, վկա Ֆրունզե Միսակյանի ցուցմունքներով. Վերջինս Դատարանում հայտնեց, որ 2014թ. հունվարի 20-ին` ժամը 12։30-ի սահմաններում, ծառայակից Մայիս Հրաչի Դանիելյանի հետ Երևան քաղաքի Ալեք Մանուկյան-Նալբանդյան փողոցների խաչմերուկի մոտակայքում ծառայություն իրականացնելիս նկատել են մի երիտասարդի, որի տաբատի հետևի գրպանն եղել է ուռած, ինչն իրենց մոտ կասկածի տեղիք է տվել։ Մոտեցել են վերջինիս և պահանջել ներկայացնել մոտը պահվող արգելված իրերը։ Երիտասարդը տաբատի աջ գրպանից հանել և իրենց է ներկայացրել կռփազենք, ինչից հետո վերջինիս բերման են ենթարկել ոստիկանության Կենտրոնականի բաժին, որտեղ պարզվել է, որ նշվեծ քաղաքացին հանդիսանում է Ոսկան Ոսկանյանը։ Բաժնի պետին ուղղված զեկուցագրին կից ներկայացրել են նաև իրենց պահանջով Ո.Ոսկանյանի ներկայացրած վերոնշյալ կռփազենքը։
Վկա Մայիս Դանիելյանի` ըստ էության նույնաբովանդակ դատաքննական ցուց¬մունքներով.
Ամբաստանյալ Ո.Ոսկանյանի մեղավորությունը Դատարանը հաստատված համարեց նաև`
- որպես պացույց ճանաչված և գործին կցված փաստաթղթերի` ՀՀ ոստիկանության Երևան քաղաքի վարչության ՊՊԾ գնդի ոստիկան Ֆ.Միսակյանի զեկուցագրի, Ոսկան Ոսկանյանին ոստիկանության բաժին բերման ենթարկելու մասին 2014թ. հունվարի 20-ին կազմված արձանագրության առկայությամբ,
- ոստիկանների պահանջով Ո.Ոսկանյանի ներկայացրած, իրեղեն ապացույց ճա¬նաչված և ՀՀ ոստիկանության Փորձաքրեագիտական վարչությունում պահվող սառը զենքի` կռփազենքի առկայությամբ,
- դատաքրեագիտական փորձաքննության 2014թ. հունվարի 29-ի թիվ 197-14 եզրա¬կա¬ցությամբ, համաձայն որի` ոստիկանների պահանջով նրանց ներկայացված և փոր¬ձաքննութ¬յանը տրամադրված մետաղյա առարկան պատրաստված է ինքնաշեն եղանակով, կռփազենքի նմանողությամբ, դասվում է հարվածող-փշրող սառը զենքերի շարքին։

3. Դատարանի իրավական վերլուծությունները և եզրահանգումը.
Դատաքննությամբ հետազոտված ապացույցների գնահատման արդյունքներով Դա¬տարանն հաստատված համարեց այն, որ ամբաստանյալ Ոսկան Ոսկանյանը ապօրինի կրել է սառը զենք հանդիսացող կռփազենք, այսինքն` մեղավո¬րութ¬յամբ կա¬¬տա¬րել է հան¬ցավոր արարք« որը համա¬պա¬տաս¬¬խանում է ՀՀ քրեա¬կան օրենսգրքի 235-րդ հոդ¬¬վածի 4-րդ մասով նախա¬տես¬ված հան¬ցա¬¬գոր¬ծության հատ¬կանիշ¬ներին։ Վեր¬ջինս քրեա¬կան պա¬տաս¬¬խա¬նատ¬¬¬վության և պատժի ենթա¬կա է այդ հոդ¬¬վածի համա¬պա¬տաս¬խան մասով։
Ամբաստանյալ Ոսկան Ոսկանյանի նկատմամբ նշանակվող պատժի տեսակը և չափը որո¬շելիս Դատարանն հաշվի է առնում հետևյալը.
ՀՀ քրեական օրենսգրքի 48-րդ հոդվածի 2-րդ մասի համաձայն՝ պատժի նպատակն է վերա¬կանգ¬¬նել սոցիալական արդարությունը« ուղղել պատժի ենթարկված անձին« ինչպես նաև կանխել հան¬ցա¬¬գոր¬ծությունները։ ՀՀ քրեական օրենսգրքի 10-րդ հոդվածի համաձայն` հան¬ցանք կատա¬րած անձի նկատ¬մամբ կիրառվող պատիժը և քրեաիրավական ներ¬գոր¬ծութ¬յան այլ միջոց¬ները պետք է լինեն արդարացի« համապա¬տասխանեն հանցանքի ծան¬րությանը« այն կա¬տա¬րելու հան¬գա¬մանք¬ներին« հան¬ցավորի անձնա¬¬վորությանը« անհրա¬ժեշտ և բավարար լինեն նրան ուղղելու և նոր հանցա¬գոր¬ծությունները կան¬խելու համար։
ՀՀ քրեական օրենսգրքի 61-րդ հոդվածի 1-ին մասն սահմանում է« որ հանցա¬գոր¬ծութ¬յան համար մեղավոր ճանաչված անձի նկատմամբ նշանակվում է արդարացի պատիժ« իսկ նույն հոդ¬վածի 2-րդ մասի համաձայն՝ պատժի տեսակը և չափը որոշվում են հանցա¬գործության՝ հան¬րության համար վտան¬գա¬վո¬րության աստիճանով և բնույթով« հանցավորի անձը բնու¬թագրող տվյալներով« այդ թվում՝ պատաս¬խա¬նատ¬վությունը և պատիժը մեղմաց¬նող և/կամ ծանրացնող հան¬գա¬մանքներով։ Նույն հոդվածի 3-րդ մասի համաձայն` հանցագործության համար նա¬խա¬տեսված պատիժներից առա¬¬վել խիստը նշանակ¬վում է« եթե նվազ խիստ տեսակը չի կարող ապահովել պատժի նպա¬տակ¬ները։
Օրենքի և դատարանի առջև հավասարության սկզբունքն ամրագրած ՀՀ քրեական դա¬տա¬վա¬րա¬կան օրենսգրքի 8-րդ հոդվածի համաձայն՝ որոշակի փաստական հանգա¬մանք¬ներ ունեցող գոր¬ծով ՀՀ Վճռաբեկ դատարանի կամ Մարդու իրավունքների եվրոպա¬կան դատա¬րա¬նի դատական ակ¬տի հիմնա¬վո¬րումները« այդ թվում՝ օրենքի մեկնաբա¬նութ¬յուն¬ները« պարտադիր են դատարանի հա¬մար նույնանման փաստական հանգամանք¬ներով գործի քննության ժամա¬նակ։
ՀՀ Վճռաբեկ դատարանը« Ա.Պապիկյանի վերաբերյալ ՀՀ վճռաբեկ դա¬տարանի 2007թ. հոկտեմ¬բերի 26-ի ՎԲ-149/07 գործով մեկնաբանելով ՀՀ քրեական օրենսգրքի 62-րդ հոդվածի 2-րդ մասով նախատեսված նորմը« նշել է« որ այն Դատարանին օժտել է անձի պատասխա¬նատ¬վությունը մեղմաց¬նող հանգամանքների կիրառման լայն հայեցողությամբ« քանի որ պա¬տիժ նշանակելիս Դատարանը կարող է հաշվի առնել նաև մեղմացնող այնպիսի հանգա¬մանք¬ներ« որոնք նույն հոդվածի առաջին մասում նշված չեն։
Դատարանը որպես ամբաստանյալ Ոսկան Ոսկանյանի անձը դրականորեն բնու¬թագրող տվյալ է գնա¬հա¬տում` նախկինում դատապարտված չլինելը (ըստ ՀՀ ոստիկանության ինֆոր¬մացիոն կենտրոն 2014թ. փետրվարի 22-ին կատարված հարցման արդյունքների)« երիտասարդ լինելը (համաձայն 2009թ. հոկտեմբերի 16-ին տրված թիվ AK0382993 անձնագրի պատճենի` ծնվել է 1993թ. օգոստոսի 26-ին), իսկ որպես պա¬տասխանատվութ¬յունը և պատիժը մեղ¬մաց¬նող հանգամանքներ` անկեղծորեն զղջալն ու դեռևս մինչդա¬տա¬կան վարույթից իրեն լիովին մեղա¬վոր ճանաչելը, վարույթն իրականացնող մարմնին մեղայականով ներկայանալը, բնակության վայրում դրականորեն բնութագրվելը (համաձայն Կոտայքի մարզի Արզականի համայնքի ղեկավար Ն.Մովսեսյանի` 2014թ. հուլիսի 9-ին հաստատած բնութագրի)։
Վերոնշյալ տվյալներն ու հանգա¬մանք¬ներն հաստատվել են քրեական գործի նյութերում առկա փաս¬¬տա¬կան տվյալ¬¬ներով« իրական են« նվազեցնում են ամբաս¬տանյալ Ոսկան Ոսկան¬յանի անձի հան¬րային վտան¬¬գա¬վո¬րութ¬յունը։
Դատարանը ամբաստանյալ Ոսկան Ոսկանյանի պատասխանատվությունն ու պատիժը ծանրացնող հան¬գա¬մանք¬ներ չարձանագրեց։
Պատժի նպատակներն ապահովելու տեսանկյու¬նով անդրադառնալով ամբաս¬տանյալ Ոսկան Ոսկանյանի նկատմամբ նշանակվող պատժի տե¬սակի ընտրության խնդրին` Դատա¬րանը, հաշվի առնելով վերջինիս անձը, հատկապես` նախկինում դատապարտված չլինելը, մեղայականով ներկայանալը, նրան մեղ¬սագրվող հանցավոր արարքի վտանգավորության ցածր աստիճանը և բնույթը, նրա պատասխանատվությունն ու պատիժը ծանրացնող հանգա¬մանքների բացակայությունը, ինչ¬պես նաև ղեկա¬վարվելով ՀՀ քրեական օրենսգրքի 61-րդ հոդ¬վածի 3-րդ մասի պա¬հանջով, հանգում է համոզման, որ ՀՀ քրեական օրենսգրքի 235-րդ հոդ¬վածի 4-րդ մասի սանկցիայով նա¬խա¬¬տեսված պատժատեսակ¬ներից ամբաստանյալ Ոսկան Ոսկանյանի նկատմամբ անհրա¬ժեշտ է նշանակել նվազ խիստ պատժատեսակը` տուգանքը։ Այդ պատիժն է արդա¬րացի ու միա¬ժա¬¬մանակ անհրաժեշտ ամբաս¬տան¬յալ Ոսկան Ոսկանյանին ուղղելու և հնարավոր նոր հանցա¬գոր¬ծութ¬յունները կան¬խելու, սոցիա¬լական արդարությունը վերա¬կանգնելու հա¬մար։
Հաշվի առնելով աշխատանք, ինքնուրույն վաստակ չունենալու, հանգամանքը` Դատա¬րանը գտնում է, որ պատժի նպատակներին հնարավոր է հասնել նաև ամբաստանյալ Ոսկան Ոսկանյանի նկատմամբ տվյալ հոդվածի սանկցիայով նախատեսված տուգանքի նվազագույն չափով պատիժ նշանակելու պայմաններում։
Ամբաստանյալ Ոսկան Ոսկանյանի նկատմամբ որպես խա¬¬¬փանման միջոց ընտրված չհե¬ռա¬նալու մասին ստորագրության հարցը քննարկելիս` Դատա¬րանը գտնում է« որ այն անհրա¬¬ժեշտ է թողնել անփոփոխ` մինչև սույն դատավճիռն օրի¬նական ուժի մեջ մտնելը։
ՀՀ քրեական դատավարական օրենսգրքի 360-րդ հոդվածի 1-ին մասի համաձայն` դատավճիռ կայացնելիս Դատարանը պարտավոր է անդրադառնալ նաև իրեղեն ապացույց¬ների« դատական ծախ¬սե¬րի« գույքի նկատմամբ կիրառված (կիրառվելիք) արգելանքի« քաղա¬¬քա¬ցիական հայցի հարցերին« սակայն Դատարանը« պարզելով« որ սույն քրեական գործով Ոսկան Ոսկանյանի գույքի վրա արգելանք չի կիրառվել« նրա դեմ քաղաքացիական հայց չի ներ¬կա¬յացվել, քրեական գործում բացակայում է դատական ծախսերի վերաբերյալ ապացույց, սահ¬մանափակում է միայն այդ փաստերի արձանագրմամբ։
Անդրադառնալով իրեղեն ապացույցի տնօրինման հարցին` Դատարանը գտնում է, որ գործով իրեղեն ապացույց ճանաչված և ՀՀ ոստիկանության փոր¬ձաքրեա¬գիտական վար¬չությունում պահվող սառը զենք հանդիսացող կռփազենքն անհրաժեշտ է ոչնչացնել` դա¬տավճիռն օրինական ուժի մեջ մտնե¬լուց հետո։
Գնահատելով և ամփոփելով դատաքննությամբ հետազոտված ապացույցները, ղեկա¬վարվելով ՀՀ քրեական դատավարա¬կան օրենսգրքի 119-րդ, 357-360-րդ, 364-365-րդ, 369-373-րդ և 375-րդ հոդված¬ներով, Դատա¬րանը

Վ Ճ Ռ Ե Ց՝

Ոսկան Արսենի Ոսկանյանին ճանաչել մեղավոր ՀՀ քրեական օրենսգրքի 235-րդ հոդ¬վածի 4-րդ մասով նախատեսված հանցա¬գործության կատարման մեջ, նրա նկատմամբ նշա¬նակել պատիժ` տու¬գանք` նվազագույն աշխատավարձի երկուհարյուրապատիկի` 200.000 (երկու հար¬յուր հազար) ՀՀ դրամի չափով, որի կատարումն հանձնա¬րարել ՀՀ ԱՆ քրեակա¬տարո¬ղական վարչության այլընտրանքային պատիժների կա¬տար¬ման ստո¬րաբա¬ժան¬մանը։
Ոսկան Ոսկանյանի նկատմամբ որպես խափանման միջոց ընտրված չհե¬ռանալու մա¬սին ստո¬րագրությունը թողնել անփոփոխ` մինչև սույն դատավճիռն օրի¬նական ուժի մեջ մտնելը։
Գործով իրեղեն ապացույց ճանաչված և ՀՀ ոստիկանության փոր¬ձաքրեա¬գիտական վար¬չությունում պահվող սառը զենք հանդիսացող կռփազենքը ոչնչացնել` դատավճիռն օրինական ուժի մեջ մտնե¬լուց հետո։
Դատական ծախսերի հարցն համարել լուծված։
Դատավճիռը հրապարակման օրվանից մե¬կամսյա ժամկետում կարող է բողո¬քարկվել ՀՀ վե¬րաքննիչ քրեական դատարան։



ԴԱՏԱՎՈՐ՝ Ա.ՎԱՐԴԱՆՅԱՆ