Գործ

ԵԿԴ/0070/01/14


ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ԵՐԵՎԱՆ ՔԱՂԱՔԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆՆԵՐԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ


,,19,, նոյեմբերի 2014թ. ք.Երևան


Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը
/այսուհետև` դատարան/


ՆԱԽԱԳԱՀՈՒԹՅԱՄԲ ԴԱՏԱՎՈՐ Մ. ՄԱԿՅԱՆԻ

Քարտուղարությամբ՝ Կ. Կարապետյանի
Ժ. Մինասյանի
Թ. Խաչատրյանի
Մասնակցությամբ`

Մեղադրողներ՝ Ջ. Ֆարխոյանի
Ս. Խաչատրյանի

Տուժող Կ. Ջինանյանի

Պաշտպան Ս.Հովհաննիսյանի

դռնբաց դատական նիստերում, Երևան քաղաքում քննեց քրեական գործն ըստ մեղադրանքի`

Քյարամ Թոռնիկի Ամոյանի՝ ծնված 22.07.1992թ.-ին, Երևան
քաղաքում, ազգությամբ եզդի, ՀՀ քաղաքացի, միջնակարգ
կրթությամբ, չի աշխատում, նախկինում դատված՝ Երևանի
քրեական դատարանի կողմից 08.07.2008թ.-ին կայացված
դատավճռով՝ ՀՀ քրեական օրենսգրքի 176-րդ հոդվածի 2-րդ
մասի 1-ին, 2-րդ և 3-րդ կետերով՝ ազատազրկման 2 տարի 10
ամիս 2 օր ժամկետով։ Նշանակված պատիժը
պայմանականորեն չի կիրառվել և սահմանվել է փորձաշրջան
3 տարի ժամկետով։ Սույն գործով մեղսագրված հանցանքը
կատարել է գտնվելով պայմանական փորձաշրջանի մեջ,
դատվածությունը մարված չէ։ Վատառողջ է՝ տառապում է
«Անձի օրգանական խանգարում կոգնիտիվ
անբավարարությամբ և անձի ասթենիզացիայով, գլխուղեղի
բարդ գենեզի ախտահարման հետևանքով /տրավմա, կրկնակի
սուբարախնոիդալ արյունազեղումներ/» հոգեկան
հիվանդությամբ, ստացիոնար հանձնաժողովային
փորձաքննության եզրակացությամբ սուն գործով ճանաչվել է
սահմանափակ մեղսունակ, որպես խափանման միջոց է
ընտրված կալանավորումը, մեղադրվում է ՀՀ քրեական
օրենսգրքի 35-175-րդ հոդվածի 2-րդ մասի 1-ին, 3-րդ և 4-րդ
կետերով և 235-րդ հոդվածի 1-ին մասով։


1.Գործի դատավարական նախապատմությունը

Ըստ ՀՀ գլխավոր դատախազությունից ՀՀ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան ուղարկված քրեական գործի նյութերի և մեղադրական եզրակացության`

««Անձանց նկատմամբ ավազակային հարձակումներ կատարելու նպատակով կազմակերպված կայուն զիված խումբ` բանդա ստեղծելու, ղեկավարելու և բանդայի կողմից ավազակային հարձակումներ կատարելու դեպքերի առթիվ ՀՀ ոստիկանության քննչական գլխավոր վարչության Մալաթիայի և Նոր Նորքի քննչական բաժիններում ՀՀ քրեական օրենսգրքի 175-րդ հոդվածի հատկանիշներով հարուցված և ՀԿԳ քննության վարչությունում մեկ վարույթում նախաքննությունը շարունակելու համար միացված քրեական գործից` Արտուշ Հակոբյանի, Դավիթ Գալստյանի, Սամվել Դավթյանի, Արման Դալլաքյանի, Արթուր Մանուկյանի և Քյարամ Ամոյանի վերաբերյալ անջատված մասի նախաքննությամբ պարզվել և հիմնավորվել է հետևյալը.

Քրեական գործով մեղադրյալ Արտուշ Հակոբյանը 2011 թվականի մայիսի սկզբին անձանց նկատմամբ ավազակային հարձակումներ կատարելու նպատակով Գուրգեն Հայրապետյանի հետ միասին ստեղծել և ղեկավարել են կայուն կազմակերպված խումբ` բանդա։ Այդ թվում բանդայի կողմից կատարվելիք ավազակային հարձակումների ժամանակ օգտագործելու նպատակով ապօրինի կերպով ձեռք են բերել հրազեն հանդիսացող 9 մմ տրամաչափի ինքնաշեն ատրճանակ-գնդացիրը, 5,45 մմ տրամաչափի «ԱԿ-74» տեսակի «ԱՎ 312939» համարի ինքնաձիգը, 7,62 մմ տրամաչափի «ՏՕԶ-49» տեսակի «ԻՔՍ-Ն 1105» համարի թմբուկավոր ատրճանակը, 9 մմ տրամաչափի «Մակարով» տեսակի «ՍԿ 3540 Պ» համարի ատրճանակը, 7,62 մմ տրամաչափի «ՏՏ» տեսակի «ՕԳ 34» համարի ատրճանակը, «ՏՏ» տեսակի առանց գործարանային համարի ատրճանակը, «ԲԼՈՈՒ Ց 06» տեսակի «7-012348» համարի մարտականի ձևափոխված հրազեն հանդիսացող ձայնագազային ատրճանակը և դրանցից կրակոցներ արձակելու համար նախատեսված, ռազմամթերք հանդիսացող փամփուշտները։ Այնուհետև Արտուշ Հակոբյանը և Գուրգեն Հայրապետյանը հավաքագրել են բանդայի անդամներ Դավիթ Գալստյանին, Սամվել Դավթյանին, Արման Դալլաքյանին, Արթուր Մանուկյանին, Քյարամ Ամոյանին և քննությամբ չպարզված այլ անձանց, որից հետո կազմակերպել և ղեկավարել են 2011 թվականի մայիսից օգոստոսն ընկած ժամանակահատվածում բանդայի կողմից` Ատոմ Ղազազյանի, Էդուարդ Բեզոյանի, Աղվան Գրիգորյանի, Նապոլեոն Ազիզյանի և նրանց ընտանիքների անդամների նկատմամբ կատարված ավազակային հարձակումները։ Նշված հարձակումների ընթացքում բանդայի անդամները նաև առանց հափշտակելու նպատակի ապօրինի տիրացել են Էդուարդ Բեզոյանի և Աղվան Գրիգորյանի ավտոմեքենաներին։ Բացի այդ, Արտուշ Հակոբյանը և Գուրգեն Հայրապետյանը կազմակերպել են 2011 թվականի սեպտեմբերի 22-ի լույս 23-ի գիշերը բանդայի կողմից կատարվելիք ավազակային հարձակման նախապատրաստությունը։

Այսպես.

Արտուշ Հակոբյանի ղեկավարած բանդայի անդամներ Գուրգեն Հայրապետյանը, Դավիթ Գալստյանը, Սամվել Դավթյանը և ինքնությունը քննությամբ չպարզված երկու անձ, Գուրգեն Հայրապետյանի գլխավորությամբ 2011 թվականի մայիսի 17-ին՝ ժամը 04։00-05։00-ի սահմաններում, ավազակային հարձակմամբ առանձնապես խոշոր չափերի գույք հափշտակելու նպատակով հանդիպել են Երևանի Մալաթիա թաղամասում, ապա Գուրգեն Հայրապետյանը հարձակման մասնակիցներին բաժանել է իր կողմից բերված պայուսակում գտնվող դիմակները, ձեռնոցները, ինքնաձիգները և ատրճանակները։ Այնուհետև բանդայի անդամները հյուրասենյակի եվրոպատուհանը պտուտակահանի միջոցով բացելու եղանակով ապօրինի մուտք են գործել Ատոմ Ավետիքի Ղազազյանի` Երևան քաղաքի Դանիել Վարուժան փողոցի 48 տուն, որտեղ նախապես վերցված կպչուն ժապավեններով կապել են Ատոմ Ղազազյանին և նրա ընտանիքի անդամներին, ապա հրազեն հանդիսացող երկու ինքնաձիգի և երկու ատրճանակի գործադրմամբ վերջինիս և նրա ընտանիքի անդամների կյանքի ու առողջության համար վտանգավոր բռնություն գործադրելու սպառնալիքով հափշտակել են 1200 ԱՄՆ դոլար և 50.000 ՀՀ դրամ կանխիկ գումար, ինչպես նաև տարբեր տեսակի ոսկյա զարդեր, այլ թանկարժեք իրեր ու առարկաներ` Ատոմ Ղազազյանին պատճառելով առանձնապես խոշոր չափերի` ընդհանուր 24.190.000 ՀՀ դրամի գույքային վնաս։
Ավազակային հարձակմանը մասնակցած բանդայի անդամները հափշտակված գումարը կիսել են միմյամց միջև, իսկ ոսկյա զարդերը և մյուս իրերը իրացրել է Գուրգեն Հայրապետյանը, ապա դրանց վաճառքից գոյացած գումարը բաժանել է բանդայի անդամներին։

Նպատակ ունենալով շարունակել հանցավոր գործունեությունը՝ այն է` ավազակային հարձակումեր կատարելը, ինչպես նաև հարձակումներից հետո թաքնվելու, հարձակումների ժամանակ օգտագործվող հրազենները և փամփուշտները թաքցնելու, հափշտակվածը հանգիստ պայմաններում բաժանելու նպատակով բանդայի անդամները նույն ժամանակահատվածում վարձակալել են Կոտայքի մարզի Պտղնի-2 1-ին թաղամասի 1-ին փողոցի 26 ամառանոցը։

Բացի այդ, Արտուշ Հակոբյանի և Գուրգեն Հայրապետյանի կողմից ղեկավարած բանդայի անդամները` Դավիթ Գալստյանը, Սամվել Դավթյանը, Արման Դալլաքյանը և ինքնությունը քննությամբ չպարզված ևս երկու անձ, Գուրգեն Հայրապետյանի գլխավորությամբ 2011 թվականի հունիսի 01-ին՝ ժամը 04։30-ի սահմաններում նույն եղանակով` դիմակավորված և զինված, հրազեն հանդիսացող երկու ինքնաձիգով, երեք ատրճանակով, ավազակային հարձակմամբ առանձանապես խոշոր չափի գույք հափշտակելու նպատակով տան պարիսպի վրայից անցնելով, ապա տեխնիկական միջոցների գործադրմամբ պատուհանը բացելու եղանակով՝ ապօրինի մուտք են գործել Էդուարդ Բեզոյանի` Երևանի Ավան, Աճառյան փողոցի 1-ին նրբանցքի թիվ 26/6 առանձնատուն, որտեղ իրենց հետ նախապես վերցված կպչուն ժապավեններով կապել են տանը գտնվող անձանց։ Այնուհետև, հայր և որդի Էդուարդ ու Կարեն Բեզոյանների առողջության համար վտանգավոր բռնություն գործադրելով` նրանց ծեծի ենթարկելով, այդ թվում՝ իրենց մոտ եղած զենքերով հարվածներ հասցնելով, ինչպես նաև նույն հրազեններով վերջիններիս և նրանց ընտանիքի անդամների կյանքի և առողջության համար վտանգավոր բռնություն գործադրելու սպառնալիքով հափշտակել են 25.000 ԱՄՆ դոլար և 5.300.000 ՀՀ դրամ կանխիկ գումար, ինչպես նաև տարբեր տեսակի ոսկյա զարդեր, այլ թանկարժեք իրեր ու առարկաներ` պատճառելով ընդհանուր 221.825 ԱՄՆ դոլարի և 5.300.000 ՀՀ դրամի առանձնապես խոշոր չափի գույքային վնաս։ Ավազակային հարձակման ընթացքում բանդայի անդամները հափշտակել են նաև ոսկյա զարդերի, գումարների պարունակությամբ մետաղյա չհրկիզվող պահարանը, որը տեղափոխել են նույն տան ավտոտնակում կայանված, տուժողներին պատկանող «Նիսան Պատրուլ» մակնիշի 22 ՍՍ 221 համարանիշի ավտոմեքենայի մեջ և առանց հափշտակելու նպատակի ապօրինի տիրանալով նշված ավտոմեքենային՝ դրանով դիմել են փախուստի։ Հետագայում ավտոմեքենան թողել են Երևանի Ֆրունզե փողոցի 6/8 շենքի հետնամասում։

Վերը նշված ավազակային հարձակման ժամանակ Արման Դալլաքյանը, կատարելով բանդայի կազմում իրեն հատկացված դերը, Գուրգեն Հայրապետյանի հանձնարարությամբ հարձակման ամբողջ ընթացքում գտնվելով Բեզոյանների առանձնատան մոտ, դիտարկել-հսկել է տարածքը և ռադիոկապի միջոցով տեղեկություններ հաղորդել Գուրգեն Հայրապետյանին։
Ավազակային հարձակմանը մասնակցած բանդայի անդամները հափշտակված չհրկիզվող պահարանը բացել են էլեկտրական սղոցով կտրելու եղանակով, որտեղից հայտնաբերված կանխիկ գումարը բաժանել են միմյանց միջև, իսկ հափշտակված ոսկյա զարդերն ու մյուս իրերն իրացրել է Գուրգեն Հայրապետյանը և դրանց վաճառքից գոյացած գումարը բաժանել բանդայի անդամներին։

Հետագա հանցագործությունների կատարումը հեշտացնելու նպատակով բանդայի անդամները ավազակային հարձակման ընթացքում հափշտակված գումարներով գնել են «Մերսեդես» մակնիշի 60 ՕՕ 086 համարանիշի ավտոմեքենան։

Շարունակելով հանցավոր գործունեությունը՝ բանդայի անդամներ Գուրգեն Հայրապետյանը, Դավիթ Գալստյանը և Սամվել Դավթյանը, բանդայի ղեկավար Արտուշ Հակոբյանի կազմակերպմամբ 2011 թվականի հուլիսի 2-ին՝ ժամը 05։00-ի սահմաններում, ավազակային հարձակմամբ առանձնապես խոշոր չափերի գույք հափշտակելու նպատակով դիմակավորված, տեխնիկական միջոցների գործադրմամբ պատուհանը բացելու եղանակով, ապօրինի մուտք են գործել Աղվան Երվանդի Գրիգորյանի` Երևանի Նոյ թաղամասի 72 տուն, որտեղ իրենց հետ նախապես վարցված կպչուն ժապավեններով կապել են տանը գտնվող անձանց, ապա հրազեն հանդիսացող ատրճանակներով և ինքնաձիգով վերջինիս ու նրա ընտանիքի մյուս անդամների կյանքի և առողջության համար վտանգավոր բռնություն գործադրելով` իրենց մոտ եղած զենքերով հարվածներ հասցնելով, ինչպես նաև վտանգավոր բռնություն գործադրելու սպառնալիքով հափշտակել են 9.700 ԱՄՆ դոլար կանխիկ գումար, ինչպես նաև տարբեր տեսակի ոսկյա զարդեր` պատճառելով ընդհանուր 27.000.000 ՀՀ դրամի առանձնապես խոշոր չափի գույքային վնաս։ Այդ թվում հափշտակել են նաև, ոսկյա զարդերի, գումարի պարունակությամբ մետաղյա չհրկիզվող պահարանը, որը տեղափոխել են Աղվան Գրիգորյանին պատկանող «ԲՄՎ-X5» մակնիշի 01 ՏՕ 009 համարանիշի ավտոմեքենայի մեջ և առանց հափշտակելու նպատակի ապօրինի տիրանալով նշված ավտոմեքենային՝ դրանով դիմել են փախուստի։ Հետագայում ավտոմեքենան թողել են Երևանի Բաշինջաղյան փողոցի 1-ին նրբանցքի 50/1 տան մոտակայքում։
Բանդայի անդամները հափշտակված չհրկիզվող պահարանը տեղափոխել են Պտղնիում գտնվող վարձակալած ամառանոց, որտեղ էլեկտրական սղոցով կտրելու եղանակով բացել են պահարանը և միմյանց միջև բաժանել պահարանում եղած կանխիկ գումարը։ Հափշտակված ոսկյա զարդերը կրկին իրացրել է Գուրգեն Հայրապետյանը և դրանց վաճառքից գոյացած գումարը բաժանել է բանդայի անդամներին։

Իրենց կողմից կատարված հանցագործությունների հետքերը թաքցնելու նպատակով բանդայի անդամները հանձնել են Պտղնիում գտնվող ամառանոցը և վարձակալել են Երևանի Ամառանոցային փողոցի 1-ին նրբանցքի 20 տունը։

Իրագործելով հանցավոր դիտավորությունը՝ Արտուշ Հակոբյանի և Գուրգեն Հայրապետյանի կողմից ղեկավարած բանդայի անդամները` Դավիթ Գալստյանը, Սամվել Դավթյանը և Արման Դալլաքյանը, Գուրգեն Հայրապետյանի և Արտուշ Հակոբյանի անմիջական գլխավորությամբ ու մասնակցությամբ 2011 թվականի օգոստոսի 21-ին՝ ժամը 05։00-ի սահմաններում, ավազակային հարձակմամբ առանձանապես խոշոր չափերի գույք հափշտակելու նպատակով դիմակավորված, պատշգամբի բաց դռնից ապօրինի մուտք են գործել Նապոլեոն Ազիզյանի` Երևանի Կիլիկիա թաղամասի Չայկինայի փողոցի 57 տուն, որտեղ հրազեն հանդիսացող ինքնաձիգով և ատրճանակներով վերջինիս և նրա ընտանիքի անդամների կյանքի ու առողջության համար վտանգավոր բռնություն գործադրելու սպառնալիքով հափշտակել են 35.000 ԱՄՆ դոլար, 3.000.000 ՀՀ դրամ և 3.000 եվրո կանխիկ գումար, ինչպես նաև տարբեր տեսակի ոսկյա զարդեր, թանկարժեք նկարներ, այլ իրեր ու առարկաներ` պատճառելով ընդհանուր 173.495.750 ՀՀ դրամի առանձնապես խոշոր չափի գույքային վնաս։

Ավազակային հարձակման ժամանակ Արման Դալլաքյանը, կրկին կատարելով բանդայի կազմում իրեն հատկացված դերը, Գ.Հայրապետյանի հանձնարարությամբ հարձակման ամբողջ ընթացքում գտնվելով Նապոլեոն Ազիզյանի առանձնատան մոտ, դիտարկել-հսկել է տարածքը և ռադիոկապի միջոցով տեղեկություններ հաղորդել Գուրգեն Հայրապետյանին, ապա վերջինիս հրահանգով ևս ապօրինի մուտք է գործել Նապոլեոն Ազիզյանի տուն և օգնելով մյուսներին` իր մոտ եղած դանակով կտրելու միջոցով, շրջանակներից հանել է նկարները և դուրս բերել դրանք տնից, որից հետո բանդայի անդամները դիմել են փախուստի։
Բանդայի անդամները հափշտակված կանխիկ գումարը բաժանել են միմյանց միջև, իսկ ոսկյա զարդերն ու նկարները կրկին իրացրել է Գուրգեն Հայրապետյանը։

Այնուհետև Գուրգեն Հայրապետյանը հերթական ավազակային հարձակման համար 2011 թվականի սեպտեմբերին հավաքագրել է բանդայի նոր անդամներ` Արթուր Մանուկյանին և Քյարամ Ամոյանին, վերջիններս Գուրգեն Հայրապետյանի գլխավորությամբ, ինչպես նաև բանդայի անդամներ, բանդայի կողմից նախկինում կատարված ավազակային հարձակումների մասնակիցներ` Սամվել Դավթյանի և Դավիթ Գալստյանի հետ նախապատրաստել են Երևան քաղաքի Չարենցի 47 տան բնակիչ Կարեն Ջինանյանի և նրա ընտանիքի անդամների նկատմամբ առանձանապես խոշոր չափերով գույք հափշտակելու նպատակով ավազակային հարձակման կատարումը։ Հանցավոր մտադրությունն իրագործելու նպատակով բանդայի անդամները տևական ժամանակ դիտարկել են հարձակման օբյեկտ հանդիսացող տունը և շրջակայքը, ապա 2011 թվականի սեպտեմբերի 22-ին՝ ժամը 05։00-ի սահմաններում, իրենց հետ վերցնելով ավազակային հարձակումը կատարելու համար անհրաժեշտ 9 մմ տրամաչափի ինքնաշեն ատրճանակ-գնդացիրը, 5,45 մմ տրամաչափի «ԱԿ-74» տեսակի «ԱՎ 312939» համարի ինքնաձիգը, 7,62 մմ տրամաչափի «ՏՕԶ-49» տեսակի «ԻՔՍ-Ն 1105» համարի թմբուկավոր ատրճանակը, 9մմ տրամաչափի «Մակարով» տեսակի «ՍԿ 3540 Պ» համարի ատրճանակը, 7,62 մմ տրամաչափի «ՏՏ» տեսակի «ՕԳ 34» համարի ատրճանակը, «Բլոու Ց 06» տեսակի «7-012348» համարի մարտականի ձևափոխված հրազեն հանդիսացող ձայնագազային ատրճանակը և դրանցից կրակոցներ արձակելու համար նախատեսված, ռազմամթերք հանդիսացող փամփուշտները, ինպես նաև դիմակներ, ձեռնոցներ և կպչուն ժապավեն` գնացել են նշված թաղամաս։ Լրացուցիչ դիտարկումների արդյունքում, ստեղծված իրավիճակից ելնելով, հարձակումը չեն իրականացրել, դրա կատարումը հետաձգել են այլ օրվա, սակայն հանցագործությունն ավարտին չեն կարողացել հասցնել, քանի որ նույն օրը բանդան բացահայտվել և վնասազերծվել է իրավապահ մարմինների կողմից։

2011 թվականի սեպտեմբերի 23-ին՝ ժամը 06։00-ի սահմաններում, Երևան քաղաքի Մյասնիկյան պողոտայի 57 հասցեում տեղակայված շինության մոտակայքում բանդայի անդամներ Արթուր Մանուկյանը և Գուրգեն Հայրապետյանը հետապնդվել են ոստիկանության աշխատակիցների կողմից, որի ընթացքում վերջինս իր կողմից վարած «Մերսեդես» մակնիշի 60 OO 086 համարանիշի ավտոմեքենայով ենթարկվել է վթարի։ Այնուհետև, դուրս գալով վթարված ավտոմեքենայից, Գուրգեն Հայրապետյանը և Արթուր Մանուկյանը դիմել են փախուստի վազելով մոտակա բլրի վրա։ Արթուր Մանուկյանը փախուստն ապահովելու նպատակով իր մոտ եղած հրազեն հանդիսացող 7,62 մմ տրամաչափի «ՏՕԶ-49» տեսակի «ԻՔՍ-Ն 1105» համարի թմբուկավոր աատրճանակից արձակել է կրակոց։ Այնուհետև, ատրճանակը նետել է մոտակա թփերում և փորձել է թաքնվել, սակայն տեղում վնասազերծվել է իրեն հետապնդող ոստիկանության աշխատակիցների կողմից, իսկ Գուրգեն Հայրապետյանը, փախուստի ընթացքում բարձրանալով հարակից ժայռի վրա, վայր է ընկել և մահացել։

Սույն քրեական գործի նախաքննության ընթացքում պարզվել է նաև, որ Քյարամ Ամոյանը մինչև բանդային անդամգրվելը, քննությամբ չպարզված հանգամանքներում ապօրինի ձեռք է բերել և իր մոտ պահել-կրել է «ԲԼՈՈՒ Ց 06» տեսակի «7-012348» համարի մարտականի ձևափոխված հրազեն հանդիսացող ձայնագազային ատրճանակը և դրանից կրակոցներ արձակելու համար նախատեսված ռազմամթերք հանդիսացող փամփուշտները, ապա ընդգրկվելով բանդայի կազմում և մասնակցելով 2011 թվականի սեպտեմբերի լույս 23-ի գիշերը բանդայի կողմից կատարվելիք ավազակային հարձակման նախապատրաստությանը՝ իր հետ վերցրել է նշված ատրճանակը, որը բանդայի ղեկավար Գուրգեն Հայրապետյանի պահանջով հանձնել է նրան։ «ԲԼՈՈՒ Ց 06» տեսակի «7-012348» համարի ատրճանակը հայտնաբերվել է բանդայի այլ զենք-ռազմաթերքի հետ բանդայի անդամների կողմից վարձակալած Երևանի Ամառանոցային փողոցի 1-ին նրբանցքի 20 տանը կատարված խուզարկության ընթացքում։

Պարզվել է նաև, որ Արտուշ Հակոբյանը ինքնությունը չպարզված անձից և հանգամանքներում, առանց իրացնելու նպատակի, իր գործածման համար ապօրինի ձեռք է բերել և իր կողմից վարած «Համմեր» մակնիշի 19 DP 999 համարանիշի ավտոմեքենայում գտնվող «Ուպսարին ուպսա» դեղամիջոցի տուփի մեջ ապօրինի պահել է խոշոր չափի` 8,8 գրամ հաստատուն քաշով չորացված մարիխուանա տեսակի թմրամիջոց, որը հայտնաբերվել է ավտոմեքենայի խուզարկության ժամանակ։

Դավիթ Գալստյանը ինքնությունը չպարզված անձից և հանգամանքներում, առանց իրացնելու նպատակի, իր գործածման համար ապօրինի ձեռք է բերել և հագին եղած սպորտային համազգեստի բաճկոնի աջ գրպանում ապօրինի պահել է խոշոր չափի` 10 գրամ հաստատուն քաշով չորացված մարիխուանա տեսակի թմրամիջոց, որը հայտնաբերվել է 2011 թվականի սեպտեմբերի 23-ին ՀՀ ոստիկանության ԿՀԴՊ ԳՎ աշխատակիցների կողմից վերջինիս անձնական խուզարկության ժամանակ։

Սամվել Դավթյանը քննությամբ չպարզված անձից և հանգամանքներում, առանց իրացնելու նպատակի, իր գործածման համար ապօրինի ձեռք է բերել և հագին եղած սպորտային համազգեստի բաճկոնի աջ գրպանում պահել խոշոր չափի` 1 գրամ հաստատուն քաշով ափիոն տեսակի թմրամիջոց, որը հայտնաբերվել է 2011 թվականի սեպտեմբերի 23-ին ՀՀ ոստիկանության ԿՀԴՊ ԳՎ աշխատակիցների կողմից վերջինիս անձնական խուզարկության ժամանակ։

Արման Դալլաքյանը քննությամբ չպարզված անձից և հանգամանքներում, առանց իրացնելու նպատակի, իր գործածման նպատակով ապօրինի ձեռք է բերել և հագին եղած տաբատի աջ գրպանում պահել է խոշոր չափի` 1,15 գրամ հաստատուն քաշով ափիոն տեսակի թմրամիջոց, որը հայտնաբերվել է 2011 թվականի սեպտեմբերի 26-ին ՀՀ ոստիկանության ԿՀԴՊ ԳՎ աշխատակիցների կողմից վերջինիս անձնական խուզարկության ժամանակ»։

2011 թվականի փետրվարի 23-ին ՀՀ ոստիկանության Մալաթիայի քննչական բաժնի քննիչ Ս.Միքայելյանի որոշմամբ ՀՀ Քրեական օրենսգրքի 175-րդ հոդվածի 3-րդ մասի 1-ին կետով և 235-րդ հոդվածի 1-ին մասով նախատեսված հանցագործությունների հատկանիշներով հարուցվել և վարույթ է ընդունվել թիվ 16105611 քրեական գործը։

2011 թվականի փետրվարի 23-ին ՀՀ ոստիկանության Մալաթիայի քննչական բաժնի պետ Ս.Սարդարյանի որոշմամբ թիվ 16105611 քրեական գործի նախաքննությունը կատարելու համար ստեղծվել է քննչական խումբ, որի կազմում ընդգրկվել են ավագ քննիչ Ռ.Գևորգյանը, քննիչներ Խ.Երեմյանը և Հ.Հայրապետյանը։

2011 թվականի փետրվարի 23-ին ՀՀ ոստիկանության Մալաթիայի քննչական բաժնի ավագ քննիչ Ռ.Գևորգյանի որոշմամբ քննչական խմբին հանձնարարված թիվ 16105611 քրեական գործն ընդունվել է վարույթ։

2011 թվականի մայիսի 17-ին ՀՀ ոստիկանության Մալաթիայի քննչական բաժնի ավագ քննիչ Վ.Սիմոնյանի որոշմամբ ՀՀ Քրեական օրենսգրքի 175-րդ հոդվածի 3-րդ մասի 1-ին կետով և 235-րդ հոդվածի 2-րդ մասով նախատեսված հանցագործությունների հատկանիշներով հարուցվել և վարույթ է ընդունվել թիվ 16112111 քրեական գործը։

2011 թվականի մայիսի 17-ին ՀՀ ոստիկանության Մալաթիայի քննչական բաժնի պետ Ս.Սարդարյանի որոշմամբ թիվ 16112111 քրեական գործի նախաքննությունը կատարելու համար ստեղծվել է քննչական խումբ, որի կազմում ընդգրկվել են ավագ քննիչ Վ.Սիմոնյանը և քննիչ Վ.Կալաչյանը։

2011 թվականի մայիսի 17-ին ՀՀ ոստիկանության Մալաթիայի քննչական բաժնի ավագ քննիչ Վ.Սիմոնյանի որոշմամբ քննչական խմբին հանձնարարված թիվ 16112111 քրեական գործն ընդունվել է վարույթ։

2011 թվականի հունիսի 1-ին ՀՀ ոստիկանության Նոր Նորքի քննչական բաժնի քննիչ Գ.Ավագյանի որոշմամբ ՀՀ Քրեական օրենսգրքի 175-րդ հոդվածի 2-րդ մասի 1-ին, 3-րդ, 4-րդ կետերով, 183-րդ հոդվածի 3-րդ մասի 3-րդ կետով և 235-րդ հոդվածի 1-ին մասով նախատեսված հանցագործությունների հատկանիշներով հարուցվել և վարույթ է ընդունվել թիվ 17117211 քրեական գործը։

2011 թվականի հունիսի 1-ին ՀՀ ոստիկանության Նոր Նորքի քննչական բաժնի պետի ժ/պ Մ.Վարդանյանի որոշմամբ թիվ 17117211 քրեական գործով ստեղծվել է քննչական խումբ, որի կազմում ընդգրկվել են քննիչներ Գ.Ավագյանը, Վ.Ջամբարյանցը, Ռ.Գրիգորյանը, Ա.Կավեյանը և Ս.Պողոսյանը։

2011 թվականի հունիսի 1-ին ՀՀ ոստիկանության Նոր Նորքի քննչական բաժնի քննիչ Վ.Ջամբարյանցի որոշմամբ քննչական խմբին հանձնարարված թիվ 17117211 քրեական գործն ընդունվել է վարույթ։

2011 թվականի հուլիսի 2-ին ՀՀ ոստիկանության Մալաթիայի քննչական բաժնի ավագ քննիչ Վ.Սիմոնյանի որոշմամբ ՀՀ քրեական օրենսգրքի 175-րդ հոդվածի 3-րդ մասի 1-ին կետով և 235-րդ հոդվածի 2-րդ մասով նախատեսված հանցագործությունների հատկանիշներով հարուցվել և վարույթ է ընդունվել թիվ 16118711 քրեական գործը։

2011 թվականի հուլիսի 2-ին ՀՀ ոստիկանության Մալաթիայի քննչական բաժնի պետ Ս.Սարդարյանի որոշմամբ թիվ 16118711 քրեական գործի նախաքննությունը կատարելու համար ստեղծվել է քննչական խումբ, որի կազմում ընդգրկվել են ավագ քննիչ Վ.Սիմոնյանը և քննիչներ Վ.Կալաչյանը, Ա.Սահակյանը, Հ.Ավետիսյանը, Ա.Շոխոյանը։

2011 թվականի հուլիսի 2-ին ՀՀ ոստիկանության Մալաթիայի քննչական բաժնի ավագ քննիչ Վ.Սիմոնյանի որոշմամբ թիվ 16118711 քրեական գործն ընդունվել է վարույթ։

2011 թվականի օգոստոսի 21-ին ՀՀ ոստիկանության Մալաթիայի քննչական բաժնի ՀԿԳ ավագ քննիչ Կ.Խաչատրյանի որոշմամբ ՀՀ Քրեական օրենսգրքի 175-րդ հոդվածի 3-րդ մասի 1-ին կետով և 235-րդ հոդվածի 2-րդ մասով նախատեսված հանցագործությունների հատկանիշներով հարուցվել և վարույթ է ընդունվել թիվ 16126411 քրեական գործը։

2011 թվականի օգոստոսի 21-ին ՀՀ ոստիկանության Մալաթիայի քննչական բաժնի պետ Ս.Սարդարյանի որոշմամբ թիվ 16126411 քրեական գործի նախաքննությունը կատարելու համար ստեղծվել է քննչական խումբ, որի կազմում ընդգրկվել են ՀԿԳ ավագ քննիչ Կ.Խաչատրյանը և քննիչներ Ա.Սահակյանը, Մ.Պետրոսյանը։

2011 թվականի օգոստոսի 21-ին ՀՀ ոստիկանության Մալաթիայի քննչական բաժնի ՀԿԳ ավագ քննիչ Կ.Խաչատրյանի որոշմամբ քննչական խմբին հանձնարարված թիվ 16126411 քրեական գործն ընդունվել է վարույթ։

2011 թվականի օգոստոսի 24-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ս.Հարությունյանի որոշմամբ թիվ 16126411 քրեական գործն ընդունվել է վարույթ։

2011 թվականի օգոստոսի 24-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ս.Հարությունյանի որոշմամբ թիվ 16118711 քրեական գործն ընդունվել է վարույթ։

2011 թվականի օգոստոսի 24-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ս.Հարությունյանի որոշմամբ թիվ 17117211 քրեական գործն ընդունվել է վարույթ։

2011 թվականի օգոստոսի 24-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ս.Հարությունյանի որոշմամբ թիվ 16112111 քրեական գործն ընդունվել է վարույթ։

2011 թվականի օգոստոսի 24-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ս.Հարությունյանի որոշմամբ թիվ 16105611 քրեական գործն ընդունվել է վարույթ։

2011 թվականի օգոստոսի 24-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ս.Հարությունյանի որոշմամբ թիվ 16112111, 17117211, 16118711 և 16126411 քրեական գործերը միացվել են թիվ 16105611 քրեական գործին։

2011 թվականի օգոստոսի 24-ին ՀՀ ոստիկանության քննչական գլխավոր վարչության պետի ժ/պ Ա.Խանջյանի որոշմամբ թիվ 16105611 քրեական գործի նախաքննության կատարումը հանձնարարվել է քննչական խմբին, որի կազմում ընդգրկվել են ՀՀ ոստիկանության քննչական գլխավոր վարչության ՀԿԳ ավագ քննիչներ Ս.Հարությունյանը, Ա.Հովհաննիսյանը, ՀՀ ոստիկանության Մալաթիայի քննչական բաժնի ՀԿԳ ավագ քննիչ Կ.Խաչատրյանը, ավագ քննիչներ Ռ.Գևորգյանը, Վ.Սիմոնյանը և ՀՀ ոստիկանության Նոր Նորքի քննչական բաժնի քննիչ Վ.Ջամբարյանցը։

2011 թվականի օգոստոսի 24-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ս.Հարությունյանի որոշմամբ քննչական խմբին հանձնարարված թիվ 16105611 քրեական գործն ընդունվել է վարույթ։

2011 թվականի սեպտեմբերի 23-ին ՀՀ ոստիկանության քննչական գլխավոր վարչության պետ Գ.Համբարձումյանի որոշմամբ թիվ 16105611 քրեական գործի նախաքննության կատարումը հանձնարարվել է քննչական խմբին, որի կազմում ընդգրկվել են ՀՀ ոստիկանության քննչական գլխավոր վարչության ՀԿԳ ավագ քննիչներ Ս.Հարությունյանը, Ա.Հովհաննիսյանը, Ռ.Սարդարյանը, Ա.Ավետիսյանը, Ղ.Գևորգյանը, ավագ քննիչներ Ռ.Վարդանյանը, Գ.Մնոյանը, քննիչ Ա.Հարությունյանը, ՀՀ ոստիկանության քննչական գլխավոր վարչության ՀԿԳ քննության վարչության բաժնի պետի տեղակալներ Ա.Պողոսյանը, Ա.Բայադյանը, Ա.Մելիքյանը, ՀՀ ոստիկանության Մալաթիայի քննչական բաժնի ՀԿԳ ավագ քննիչ Կ.Խաչատրյանը, ավագ քննիչներ Ռ.Գևորգյանը, Վ.Սիմոնյանը և ՀՀ ոստիկանության Նոր Նորքի քննչական բաժնի քննիչներ Վ.Ջամբարյանցը և Գ.Միքայելյանը։

2011 թվականի սեպտեմբերի 23-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ս.Հարությունյանի որոշմամբ քննչական խմբին հանձնարարված թիվ 16105611 քրեական գործն ընդունվել է վարույթ։

2011 թվականի սեպտեմբերի 23-ին ՀՀ ոստիկանության քննչական գլխավոր վարչության ՀԿԳ քննության վարչության ավագ քննիչ Ռ.Վարդանյանի որոշմամբ ՀՀ քրեական օրենսգրքի 235-րդ հոդվածի 1-ին մասով և 316-րդ հոդվածի 2-րդ մասով նախատեսված հանցագործությունների հատկանիշներով հարուցվել և վարույթ է ընդունվել թիվ 69105511 քրեական գործը։

2011 թվականի սեպտեմբերի 23-ին ՀՀ ոստիկանության քննչական գլխավոր վարչության պետ Գ.Համբարձումյանի որոշմամբ թիվ 69105511 քրեական գործի նախաքննության կատարումը հանձնարարվել է քննչական խմբին, որի կազմում ընդգրկվել են ՀՀ ոստիկանության քննչական գլխավոր վարչության ՀԿԳ ավագ քննիչներ Ռ.Սարդարյանը, Ղ.Գևորգյանը, ավագ քննիչներ Ռ.Վարդանյանը, Գ.Մնոյանը, ՀՀ ոստիկանության Մալաթիայի քննչական բաժնի ՀԿԳ ավագ քննիչ Կ.Խաչատրյանը և ՀՀ ոստիկանության Նոր Նորքի քննչական բաժնի քննիչներ Վ.Ջամբարյանցը, Գ.Միքայելյանը։

2011 թվականի սեպտեմբերի 23-ին ՀՀ ոստիկանության քննչական գլխավոր վարչության ՀԿԳ քննության վարչության ավագ քննիչ Ռ.Վարդանյանի որոշմամբ քննչական խմբին հանձնարարված թիվ 69105511 քրեական գործն ընդունվել է վարույթ։

2011 թվականի սեպտեմբերի 23-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ս.Հարությունյանի որոշմամբ թիվ 69105511 քրեական գործը միացվել է թիվ 16105611 քրեական գործին։

2011 թվականի սեպտեմբերի 23-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ս.Հարությունյանի որոշմամբ թիվ 16105611 քրեական գործի նյութերով` Արամ Աշոտի Հայրապետյանի կողմից առանց իրացնելու նպատակի խոշոր չափի հաշիշ տեսակի թմրամիջոց ձեռք բերելու և պահելու դեպքի առթիվ ՀՀ Քրեական օրենսգրքի 268-րդ հոդվածի 2-րդ մասի 2-րդ կետով հարուցվել է թիվ 69105711 քրեական գործը։

2011 թվականի սեպտեմբերի 24-ին ՀՀ ոստիկանության քննչական գլխավոր վարչության ՀԿԳ քննության վարչության ավագ քննիչ Ա.Շախկյանի որոշմամբ ՀՀ Քրեական օրենսգրքի 268-րդ հոդվածի 1-ին մասով նախատեսված հանցագործության հատկանիշներով հարուցվել և վարույթ է ընդունվել թիվ 69105811 քրեական գործը։

2011 թվականի սեպտեմբերի 25-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ս.Հարությունյանի որոշմամբ թիվ 16105611 քրեական գործի նյութերով` Աշոտ Բենիկի Մարտիրոսյանի կողմից ապօրինի կերպով հրազեններ և ռազմամթերք ձեռք բերելու և պահելու դեպքի առթիվ ՀՀ Քրեական օրենսգրքի 235-րդ հոդվածի 1-ին մասով նախատեսված հանցագործության հատկանիշներով հարուցվել է թիվ 69106011 քրեական գործը։

2011 թվականի սեպտեմբերի 25-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ս.Հարությունյանի որոշմամբ թիվ 16105611 քրեական գործով Արամ Աշոտի Հայրապետյանին մեղադրանք է առաջադրվել ՀՀ քրեական օրենսգրքի 268-րդ հոդվածի 2-րդ մասի 2-րդ կետով։

2011 թվականի սեպտեմբերի 25-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ս.Հարությունյանի որոշմամբ թիվ 16105611 քրեական գործով Արթուր Գրիշայի Մանուկյանին մեղադրանք է առաջադրվել ՀՀ Քրեական օրենսգրքի 222-րդ հոդվածի 1-ին մասով, 35-175-րդ հոդվածի 3-րդ մասի 1-ին, 2-րդ կետերով, 235-րդ հոդվածի 2-րդ մասով և 316-րդ հոդվածի 2-րդ մասով։

2011 թվականի սեպտեմբերի 25-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ս.Հարությունյանի որոշմամբ թիվ 16105611 քրեական գործով Դավիթ Սուրենի Գալստյանին մեղադրանք է առաջադրվել ՀՀ Քրեական օրենսգրքի 222-րդ հոդվածի 1-ին մասով, 175-րդ հոդվածի 3-րդ մասի 1-ին, 2-րդ կետերով, 183-րդ հոդվածի 3-րդ մասի 2-րդ, 3-րդ կետերով, 35-175-րդ 3-րդ մասի 1-ին, 2-րդ կետերով և 268-րդ հոդվածի 2-րդ մասի 2-րդ կետով։

2011 թվականի սեպտեմբերի 25-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ս.Հարությունյանի որոշմամբ թիվ 16105611 քրեական գործով Սամվել Հրաչի Դավթյանին մեղադրանք է առաջադրվել ՀՀ Քրեական օրենսգրքի 222-րդ հոդվածի 1-ին մասով, 175-րդ հոդվածի 3-րդ մասի 1-ին, 2-րդ կետերով, 183-րդ հոդվածի 3-րդ մասի 2-րդ, 3-րդ կետերով, 35-175-րդ 3-րդ մասի 1-ին, 2-րդ կետերով և 268-րդ հոդվածի 2-րդ մասի 2-րդ կետով։

2011 թվականի սեպտեմբերի 27-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ս.Հարությունյանի որոշմամբ թիվ 16105611 քրեական գործով Արտուշ Ռուբիկի Հակոբյանին մեղադրանք է առաջադրվել ՀՀ Քրեական օրենսգրքի 222-րդ հոդվածի 1-ին մասով, 175-րդ հոդվածի 3-րդ մասի 1-ին, 2-րդ կետերով, 183-րդ հոդվածի 3-րդ մասի 2-րդ, 3-րդ կետերով և 35-175-րդ 3-րդ մասի 1-ին, 2-րդ կետերով։

2011 թվականի սեպտեմբերի 27-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ս.Հարությունյանի որոշմամբ թիվ 16105611 քրեական գործով Քյարամ Թոռնիկի Ամոյանին մեղադրանք է առաջադրվել ՀՀ Քրեական օրենսգրքի 222-րդ հոդվածի 1-ին մասով և 35-175-րդ 3-րդ մասի 1-ին, 2-րդ կետերով։

2011 թվականի սեպտեմբերի 27-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ս.Հարությունյանի որոշմամբ ՀՀ Քրեական օրենսգրքի 268-րդ հոդվածի 2-րդ մասի 2-րդ կետով նախատեսված հանցագործության հատկանիշներով հարուցվել և վարույթ է ընդունվել թիվ 69106111 քրեական գործը։

2011 թվականի սեպտեմբերի 28-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ս.Հարությունյանի որոշմամբ թիվ 69105811 քրեական գործը միացվել է թիվ 16105611 քրեական գործին։

2011 թվականի սեպտեմբերի 28-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ս.Հարությունյանի որոշմամբ թիվ 69106111 քրեական գործը միացվել է թիվ 16105611 քրեական գործին։

2011 թվականի սեպտեմբերի 30-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ս.Հարությունյանի որոշմամբ թիվ 16105611 քրեական գործով Արման Ալբերտի Դալլաքյանին մեղադրանք է առաջադրվել ՀՀ Քրեական օրենսգրքի 222-րդ հոդվածի 1-ին մասով, 175-րդ հոդվածի 3-րդ մասի 1-ին, 2-րդ կետերով, 183-րդ հոդվածի 3-րդ մասի 2-րդ, 3-րդ կետերով և 268-րդ հոդվածի 2-րդ մասի 2-րդ կետով։

2011 թվականի հոկտեմբերի 21-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ս.Հարությունյանի որոշմամբ թիվ 16105611 քրեական գործի նյութերով` Միսակ Հենրիկի Խաչատրյանի կողմից առանց իրացնելու նպատակի խոշոր չափերի` 63,5 գրամ մարիխուանա տեսակի թմրամիջոց ապօրինի ձեռք բերելու և պահելու դեպքի առթիվ ՀՀ Քրեական օրենսգրքի 268-րդ հոդվածի 2-րդ մասի 2-րդ կետով նախատեսված հանցագործության հատկանիշներով հարուցվել է թիվ 69106911 քրեական գործը։

2011 թվականի նոյեմբերի 10-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ա.Հովհաննիսյանի որոշմամբ թիվ 16105611 քրեական գործն ընդունվել է վարույթ։

2011 թվականի նոյեմբերի 10-ին ՀՀ ոստիկանության քննչական գլխավոր վարչության պետ Գ.Համբարձումյանի որոշմամբ թիվ 16105611 քրեական գործի նախաքննության կատարումը հանձնարարվել է քննչական խմբին, որի կազմում ընդգրկվել են ՀՀ ոստիկանության քննչական գլխավոր վարչության ՀԿԳ ավագ քննիչներ Ս.Հարությունյանը, Ա.Հովհաննիսյանը, Ռ.Սարդարյանը, Ա.Ավետիսյանը, Ղ.Գևորգյանը, Դ.Գևորգյանը, քննիչ Ա.Հարությունյանը, ՀՀ ոստիկանության քննչական գլխավոր վարչության ՀԿԳ քննության վարչության բաժնի պետի տեղակալներ Ա.Պողոսյանը, Ա.Բայադյանը, Ա.Մելիքյանը, ավագ քննիչներ Ռ.Վարդանյանը, Գ.Մնոյանը, ՀՀ ոստիկանության Մալաթիայի քննչական բաժնի ՀԿԳ ավագ քննիչ Կ.Խաչատրյանը, ավագ քննիչներ Ռ.Գևորգյանը, Վ.Սիմոնյանը և ՀՀ ոստիկանության Նոր Նորքի քննչական բաժնի քննիչներ Վ.Ջամբարյանցը և Գ.Միքայելյանը։

2011 թվականի նոյեմբերի 10-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ա.Հովհաննիսյանի որոշմամբ քննչական խմբին հանձնարարված թիվ 16105611 քրեական գործն ընդունվել է վարույթ։

2011 թվականի նոյեմբերի 15-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ա.Հովհաննիսյանի որոշմամբ թիվ 16105611 քրեական գործի նյութերով` Համբարձում Սուրենի Սիմոնյանի կողմից ռազմամթերք հանդիսացող փամփուշտներ ապօրինի կերպով ձեռք բերելու, պահելու դեպքի առթիվ ՀՀ քրեական օրենսգրքի 235-րդ հոդվածի 1-ին մասով նախատեսված հանցագործության հատկանիշներով հարուցվել է թիվ 69107511 քրեական գործը։

2011 թվականի նոյեմբերի 16-ին ՀՀ հատուկ քննչական ծառայության ՀԿԳ քննիչ Ռ.Ամիրխանյանի որոշմամբ ՀՀ քրեական օրենսգրքի 315-րդ հոդվածի 1-ին մասով նախատեսված հանցագործության հատկանիշներով հարուցվել և վարույթ է ընդունվել թիվ 62209311 քրեական գործը։

2011 թվականի դեկտեմբերի 12-ին ՀՀ ոստիկանության քննչական գլխավոր վարչության պետ Գ.Համբարձումյանի որոշմամբ թիվ 16105611 քրեական գործի նախաքննության կատարումը հանձնարարվել է քննչական խմբին, որի կազմում ընդգրկվել են ՀՀ ոստիկանության քննչական գլխավոր վարչության ՀԿԳ ավագ քննիչներ Ս.Հարությունյանը, Ա.Հովհաննիսյանը, Ա.Ավետիսյանը, Դ.Գևորգյանը, քննիչ Ա.Հարությունյանը, ՀՀ ոստիկանության քննչական գլխավոր վարչության ՀԿԳ քննության վարչության բաժնի պետի տեղակալ Ա.Մելիքյանը, ավագ քննիչներ Ռ.Մկրտչյանը, Գ.Մնոյանը, ՀՀ ոստիկանության Կենտրոնականի քննչական բաժնի ՀԿԳ ավագ քննիչ Կ.Սահակյանը, ՀՀ ոստիկանության Մալաթիայի քննչական բաժնի ՀԿԳ ավագ քննիչ Կ.Խաչատրյանը, ավագ քննիչներ Ռ.Գևորգյանը, Վ.Սիմոնյանը և ՀՀ ոստիկանության Նոր Նորքի քննչական բաժնի քննիչներ Վ.Ջամբարյանցը և Գ.Միքայելյանը։

2011 թվականի դեկտեմբերի 12-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ս.Հարությունյանի որոշմամբ քննչական խմբին հանձնարարված թիվ 16105611 քրեական գործն ընդունվել է վարույթ։

2011 թվականի դեկտեմբերի 15-ին ՀՀ հատուկ քննչական ծառայության ՀԿԳ քննիչ Ռ.Ամիրխանյանի որոշմամբ թիվ 62209311 քրեական գործով ՀՀ ոստիկանության Մալաթիայի քրեական հետախուզության բաժանմունքի առանձին պաշտոնատար անձանց պաշտոնեական անփութության վերաբերյալ գործի մասով վարույթը կարճվել է հանցակազմի բացակայության հիմքով։

2011 թվականի դեկտեմբերի 20-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ս.Հարությունյանի որոշմամբ թիվ 62209311 քրեական գործն ընդունվել է վարույթ և միացվել թիվ 16105611 քրեական գործին։

2012 թվականի փետրվարի 17-ին ՀՀ հատուկ քննչական ծառայության ՀԿԳ քննիչ Ռ.Ամիրխանյանի որոշմամբ ՀՀ ոստիկանության ԿՀԴՊ գլխավոր վարչության աշխատակիցների` պաշտոնեական լիազորությունները չարաշահելու և Արման Դալլաքյանի նկատմամբ բռնություն գործադրելու վերաբերյալ նախապատրաստված նյութերով քրեական գործի հարուցումը մերժվել է հանցակազմի բացակայության պատճառաբանությամբ։

2012 թվականի փետրվարի 22-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ս.Հարությունյանի որոշմամբ թիվ 16105611 քրեական գործից անջատվել է Արամ Հայրապետյանի կողմից առանց իրացնելու նպատակի ապօրինի թմրամիջոց ձեռք բերելու և պահելու վերաբերյալ գործի մասը, որին շնորհվել է 69105711 համարը։

2012 թվականի հուլիսի 27-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ս.Հարությունյանի որոշմամբ թիվ 16105611 քրեական գործով Գուրգեն Բաբկենի Հայրապետյանի կողմից կազմակերպված զինված խումբ` բանդա ստեղծելու և ղեկավարելու, բանդայի կազմում ավազակային հարձակումներ և ավազակային հարձակման նախապատրաստություն կատարելու, տուժողների ավտոմեքենաներին առանց հափշտակելու նպատակի ապօրինաբար տիրանալու, ինչպես նաև խոշոր չափի թմրամիջոց ապօրինի ձեռք բերելու և պահելու վերաբերյալ քրեական գործով վարույթի մասը կարճվել և Գուրգեն Հայրապետյանի նկատմամբ քրեական հետապնդում չի իրականացվել վերջինի մահվան պատճառաբանությամբ։

2012 թվականի հուլիսի 30-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ս.Հարությունյանի որոշմամբ թիվ 16105611 քրեական գործով Արթուր Գրիշայի Մանուկյանին ՀՀ քրեական օրենսգրքի 222-րդ հոդվածի 1-ին մասով, 35-175-րդ հոդվածի 3-րդ մասի 1-ին, 2-րդ կետերով, 235-րդ հոդվածի 2-րդ մասով և 316-րդ հոդվածի 2-րդ մասով առաջադրված մեղադրանքը փոփոխվել, մեղադրանքի մասը վերացվել և նրան մեղադրանք է առաջադրվել ՀՀ քրեական օրենսգրքի 222-րդ հոդվածի 1-ին մասով և 35-175-րդ հոդվածի 3-րդ մասի 1-ին, 2-րդ կետերով։

2012 թվականի հուլիսի 30-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ս.Հարությունյանի որոշմամբ թիվ 16105611 քրեական գործով Սամվել Հրաչի Դավթյանին ՀՀ քրեական օրենսգրքի 222-րդ հոդվածի 1-ին մասով, 175-րդ հոդվածի 3-րդ մասի 1-ին, 2-րդ կետերով, 35-175-րդ հոդվածի 3-րդ մասի 1-ին, 2-րդ կետերով, 183-րդ հոդվածի 3-րդ մասի 2-րդ, 3-րդ կետերով և 268-րդ հոդվածի 2-րդ մասի 2-րդ կետով առաջադրված մեղադրանքը փոփոխվել, լրացվել և նրան մեղադրանք է առաջադրվել ՀՀ Քրեական օրենսգրքի 222-րդ հոդվածի 1-ին մասով, 175-րդ հոդվածի 3-րդ մասի 1-ին, 2-րդ կետերով, 35-175-րդ հոդվածի 3-րդ մասի 1-ին, 2-րդ կետերով, 183-րդ հոդվածի 3-րդ մասի 2-րդ, 3-րդ կետերով և 268-րդ հոդվածի 2-րդ մասի 2-րդ կետով։

2012 թվականի հուլիսի 30-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ս.Հարությունյանի որոշմամբ թիվ 16105611 քրեական գործով Դավիթ Սուրենի Գալստյանին ՀՀ քրեական օրենսգրքի 222-րդ հոդվածի 1-ին մասով, 175-րդ հոդվածի 3-րդ մասի 1-ին, 2-րդ կետերով, 35-175-րդ հոդվածի 3-րդ մասի 1-ին, 2-րդ կետերով, 183-րդ հոդվածի 3-րդ մասի 2-րդ, 3-րդ կետերով և 268-րդ հոդվածի 2-րդ մասի 2-րդ կետով առաջադրված մեղադրանքը փոփոխվել, լրացվել և նրան մեղադրանք է առաջադրվել ՀՀ քրեական օրենսգրքի 222-րդ հոդվածի 1-ին մասով, 175-րդ հոդվածի 3-րդ մասի 1-ին, 2-րդ կետերով, 35-175-րդ հոդվածի 3-րդ մասի 1-ին, 2-րդ կետերով, 183-րդ հոդվածի 3-րդ մասի 2-րդ, 3-րդ կետերով և 268-րդ հոդվածի 2-րդ մասի 2-րդ կետով։

2012 թվականի հուլիսի 31-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ս.Հարությունյանի որոշմամբ թիվ 16105611 քրեական գործով Արման Ալբերտի Դալլաքյանին ՀՀ Քրեական օրենսգրքի 222-րդ հոդվածի 1-ին մասով, 175-րդ հոդվածի 3-րդ մասի 1-ին, 2-րդ կետերով, 183-րդ հոդվածի 3-րդ մասի 2-րդ, 3-րդ կետերով և 268-րդ հոդվածի 2-րդ մասի 2-րդ կետով առաջադրված մեղադրանքը փոփոխվել, լրացվել և նրան մեղադրանք է առաջադրվել ՀՀ քրեական օրենսգրքի 222-րդ հոդվածի 1-ին մասով, 175-րդ հոդվածի 3-րդ մասի 1-ին, 2-րդ կետերով, 183-րդ հոդվածի 3-րդ մասի 2-րդ, 3-րդ կետերով և 268-րդ հոդվածի 2-րդ մասի 2-րդ կետով։

2012 թվականի հուլիսի 31-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ս.Հարությունյանի որոշմամբ թիվ 16105611 քրեական գործով Քյարամ Թոռնիկի Ամոյանին ՀՀ քրեական օրենսգրքի 222-րդ հոդվածի 1-ին մասով և 35-175-րդ հոդվածի 3-րդ մասի 1-ին, 2-րդ կետերով առաջադրված մեղադրանքը փոփոխվել, լրացվել և նրան մեղադրանք է առաջադրվել ՀՀ Քրեական օրենսգրքի 222-րդ հոդվածի 1-ին մասով, 35-175-րդ հոդվածի 3-րդ մասի 1-ին, 2-րդ կետերով և 235-րդ հոդվածի 1-ին մասով։

2012 թվականի օգոստոսի 1-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ս.Հարությունյանի որոշմամբ թիվ 16105611 քրեական գործով Արտուշ Ռուբիկի Հակոբյանին ՀՀ Քրեական օրենսգրքի 222-րդ հոդվածի 1-ին մասով, 175-րդ հոդվածի 3-րդ մասի 1-ին, 2-րդ կետերով, 35-175-րդ հոդվածի 3-րդ մասի 1-ին, 2-րդ կետերով, 183-րդ հոդվածի 3-րդ մասի 2-րդ, 3-րդ կետերով առաջադրված մեղադրանքը փոփոխվել, լրացվել և նրան մեղադրանք է առաջադրվել ՀՀ Քրեական օրենսգրքի 222-րդ հոդվածի 1-ին մասով, 175-րդ հոդվածի 3-րդ մասի 1-ին, 2-րդ կետերով, 35-175-րդ հոդվածի 3-րդ մասի 1-ին, 2-րդ կետերով, 183-րդ հոդվածի 3-րդ մասի 2-րդ, 3-րդ կետերով և 268-րդ հոդվածի 2-րդ մասի 2-րդ կետով։

2012 թվականի օգոստոսի 1-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ս.Հարությունյանի որոշմամբ թիվ 16105611 քրեական գործից անջատվել է Արտուշ Հակոբյանի, Դավիթ Գալստյանի, Սամվել Դավթյանի, Արման Դալլաքյանի, Արթուր Մանուկյանի և Քյարամ Ամոյանի վերաբերյալ մասը, որին շնորհվել է 16126411 համարը։

Քրեական գործը ՀՀ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի գրասենյակ է ստացվել և մուտքագրվել 07.09.2012թ.։

23.09.2013թ. ՀՀ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի կողմից կայացվել է որոշում՝ թիվ ԵԿԴ/0163/01/12 քրեական գործով ամբաստանյալ Արման Ալբերտի Դալլաքյանի նկատմամբ հարուցված քրեական հետապնդումը դադարեցնելու մասին՝ վերջինիս մահվան հիմքով։

21.05.2014թ.-ին ՀՀ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի կողմից կայացվել է որոշում թիվ ԵԿԴ/0163/01/12 քրեական գործից Քյարամ Թոռնիկի Ամոյանի վերաբերյալ մասն առանձին վարույթում անջատելու մասին, որին շնորհվել է ԵԿԴ/0070/01/14 համարը։

Քրեական գործի դատական քննության ավարտին գործով մեղադրանքը պաշտպանող դատախազ Ս.Խաչատրյանն օգտվելով իրեն վերապահված դատավարական լիազորություններից և ղեկավարվելով ՀՀ քրեական դատավարության օրնեսգրքի 309.1 հոդվածով, 11.11.2015թ-ին կայացրել և դատարանի ու պաշտպանության կողմին է ներկայացրել որոշում՝ առաջադրված մեղադրանքը փոփոխելու և նոր մեղադրանք առաջադրելու մասին, ըստ որի՝
« (…)
Քյարամ Թոռնիկի Ամոյանին սույն քրեական գործով ՀՀ քրեական օրենսգրքի 222-րդ հոդվածի 1-ին մասով, 35-175-րդ հոդվածի 3-րդ մասի 1-ին և 2-րդ կետերով և 235-րդ հոդվածի 1-ին մասով մեղադրանք է առաջադրվել այն բանի համար, որ նա 2011 թվականի սեպտեմբերին անդամագրվել է անձանց նկատմամբ ավազակային հարձակումներ կատարելու նպատակով Արտուշ Հակոբյանի և Գուրգեն Հայրապետյանի կողմից ստեղծված և ղեկավարվող, ապօրինի կերպով ձեռք բերված հրազեն հանդիսացող 5,45 մմ տրամաչափի «ԱԿ-74» տեսակի «ԱՎ 312939» համարի ինքնաձիգով 9 մմ տրամաչափի ինքնաշեն ատրճանակ-գնդացիրով, 9մմ տրամաչափի «Մակարով» տեսակի «ՍԿ 3540 Պ» համարի ատրճանակով, 7,62 մմ տրամաչափի «ՏՕԶ-49» տեսակի «ԻՔՍ-Ն 1105» համարի թմբուկավոր ատրճանակով, 7,62 մմ տրամաչափի «ՏՏ» տեսակի «ՕԳ 34» համարի ատրճանակով, «ՏՏ» տեսակի առանց գործարանային համարի ատրճանակով, «ԲԼՈՈԻ– Ց 06» տեսակի «7-012348» համարի մարտականի ձևափոխված հրազեն հանդիսացող ձայնագազային ատրճանակով և դրանցից կրակոցներ արձակելու համար նախատեսված, ռազմամթերք հանդիսացող փամփուշտներով զինված կայուն կազմակերպված խմբին՝ բանդային, ապա բանդայի կազմում մասնակցել է 2011 թվականի սեպտեմբերի լույս 23-ի գիշերը բանդայի կողմից կատարվելիք ավազակային հարձակման նախապատրաստությանը։ Բացի այդ, մինչ բանդային անդամագրվելը, քննությամբ չպարզված հանգամանքներում ապօրինի ձեռք է բերել և իր մոտ պահել-կրել է «Բլոու Ց 06» տեսակի «7-012348» համարի մարտականի ձևափոխված հրազեն հանդիսացող ձայնագազային ատրճանակը և դրանից կրակոցներ արձակելու համար նախատեսված ռազմամթերք հանդիսացող փամփուշտները։
Ք.Ամոյանին մեղսագրվում է այն, որ Գուրգեն Հայրապետյանը հերթական ավազակային հարձակման համար 2011 թվականի սեպտեմբերին հավաքագրել է նոր անդամներ՝ Արթուր Մանուկյանին և Քյարամ Ամոյանին, ապա վերջիններիս, ինչպես նաև բանդայի անդամներ, բանդայի կողմից նախկինում կատարված ավազակային հարձակումների մասնակիցներ՝ Սամվել Դավթյանի և Դավիթ Գալստյանի հետ նախապատրաստել են Երևան քաղաքի Չարենցի 47 տան բնակիչ Կարեն Ջինանյանի և նրա ընտանիքի անդամների նկատմամբ առանձնապես խոշոր չափերով գույք հափշտակելու նպատակով ավազակային հարձակման կատարումը։ Հանցավոր մտադրությունը իրագործելու նպատակով, բանդայի անդամները տևական ժամանակ դիտարկել են հարձակման օբյեկտ հանդիսացող տունը և շրջակայքը, ապա 2011թվականի սեպտեմբերի 22-ին, ժամը 05։00 սահմաններում, իրենց հետ վերցնելով վերը նշված հրազենները, փամփուշտները, ինչպես նաև դիմակներ, ձեռնոցներ և կպչուն ժապավեն՝ գնացել են նշված թաղամաս։ Լրացուցիչ դիտարկումների արդյունքում, ստեղծված իրավիճակից ելնելով հարձակումը չեն իրականացրել, դրա կատարումը հետաձգել են այլ օրվա, սակայն հանցագործությանը ավարտին չեն կարողացել հասցնել, քանի որ բանդան բացահայտվել է։
Բացի այդ, ըստ առաջադրված մեղադրանքի՝ Քյարամ Ամոյանը մինչև բանդային անդամագրվելը քննությամբ չպարզված հանգամանքներում ապօրինի ձեռք է բերել և իր մոտ պահել-կրել է «Բլոու Ց 06» տեսակի «7-012348» համարի մարտականի ձևափոխված հրազեն հանդիսացող ձայնագազային ատրճանակը և դրանից կրակոցներ արձակելու համար նախատեսված ռազմամթերք հանդիսացող փամփուշտները, ապա ընդգրկվելով բանդայի կազմում և մասնակցելով 2011 թվականի սեպտեմբերի լույս 23-ի գիշերը բանդայի կողմից կատարվելիք ավազակային հարձակման նախապատրաստությանը, իր հետ վերցրել է նշված ատրճանակը, որը բանդայի ղեկավար Գուրգեն Հայրապետյանի պահանջով հանձնել է նրան։ «Բլոու Ց 06» տեսակի «7-012348» համարի ատրճանակը հայտնաբերվել է բանդայի այլ զենք-զինամթերքի հետ բանդայի անդամների կողմից վարձակալած Երևանի Ամառանոցային փողոցի 1-ին նրբանցքի 20 տանը կատարված խուզարկության ժամանակ։
ՀՀ քրեական դատավարության օրենսգրքի 18-րդ հոդվածի 3-րդ մասի համաձայն՝ հանցանք գործելու մեջ անձի մեղավորության մասին հետևությունը չի կարող հիմնվել ենթադրությունների վրա, այն պետք է հաստատվի գործին վերաբերող փոխկապակցված հավաստի ապացույցների բավարար ամբողջությամբ։ Նույն հոդվածի 4-րդ մասի համաձայն՝ մեղադրանքն ապացուցված լինելու վերաբերյալ բոլոր կասկածները, որոնք չեն կարող փարատվել սույն օրենսգրքի դրույթներին համապատասխան պատշաճ իրավական ընթացակարգի շրջանակներում, մեկնաբանվում են հօգուտ մեղադրյալի կամ կասկածյալի։
Ինչպես սույն քրեական գործի դատաքննության, այնպես էլ բանդայի անդամների վերաբերյալ անջատված մասով կատարված դատաքննության ընթացքում փաստական հանգամանքների հետազոտման արդյունքում ձեռք չի բերվել ապացույցների բավարար համակցություն, որը կվկայեր այն մասին, որ Քյարամ Ամոյանը անդամագրվել է Արտուշ Հակոբյանի և Գուրգեն Հայրապետյանի կազմակերպած բանդային, կամ տեղյակ է եղել, որ վերջիններիս ղեկավարությամբ գործում է զինված, կայուն խումբ` բանդա և, որ Կարեն Ջինանյանի և նրա ընտանիքի անդամների նկատմամբ ավազակային հարձակման նախապատրաստությանը մասնակցում է բանդայի կազմում, ինչպես նաև ձեռք չեն բերվել բավարար ապացույցներ, որոնք կվկայեին այն մասին, որ Քյարամ Ամոյանի դիտավորությամբ ընդգրկվել է կազմակերպված խմբի կազմում առանձնապես խոշոր չափերով ավազակությամբ գույքի հափշտակությունը։
Միաժամանակ սույն դատաքննությամբ հիմնավորվել է, որ Քյարամ Ամոյանը քննությամբ չպարզված հանգամանքներում ապօրինի ձեռք է բերել, իր մոտ պահել ու կրել է «Բլոու Ց 06» տեսակի «7-012348» համարի մարտականի ձևափոխված հրազեն հանդիսացող ձայնագազային ատրճանակը և դրանից կրակոցներ արձակելու համար նախատեսված ռազմամթերք հանդիսացող փամփուշտները։
Բացի այդ, զենքի գործադրմամբ, բնակարան ապօրինի մուտք գործելով, ավազակություն կատարելու հարցի շուրջ նախնական համաձայնության է եկել Գուրգեն Հայրապետյանի հետ, վերջինիս հանձնարարությամբ ավազակային հարձակման ժամանակ օգտագործելու համար իր ծանոթների միջոցով հայթայթել է Աննա Մաթևոսյանին պատկանող «Տոյոտա-Վիտզ» մակնիշի ավտոմեքենան, որը կայանել են տուժող Կարեն Ջինանյանի տան մոտակայքում։ 2011 թվականի սեպտեմբերի 22-ի լույս 23-ի գիշերը, զինվելով հրազեն հանդիսացող «Բլոու Ց 06» տեսակի «7-012348» ատրճանակով, որի մեջ եղել են նաև մարտական փամփուշտներ, Գ.Հայրապետյանի հետ նախնական պայմանավորվածության համաձայն, Երևանի Չարենցի 47 հասցեում բնակվող Կարեն Ջինանյանի և նրա ընտանիքի անդամների նկատմամբ ավազակային հարձակում կատարելու նպատակով, գնացել է տուժողի տան հարևանությամբ գտնվող Ձերժինսկու անվան դպրոցի մոտ, որտեղ հանդիպել է Գուրգեն Հայրապետյանին, Գավիթ Գալստյանին և մինչ այդ իրեն անծանոթ Սամվել Դավթյանին ու Արթուր Մանուկյանին։ Գ.Հայրապետյանի պահանջով նրան է տվել իր մոտ գտնվող ատրճանակը։ Գուրգեն Հայրապետյանը Քյարամ Ամոյանին դիմակ է տվել, հանձնարարել, որ հագնի ու սպասի իր հրահանգներին, ինչն էլ նա արել է։ Լրացուցիչ դիտարկման արդյունքում որոշվել է հարձակումը նշված օրը չիրականացնել և տեղափոխել մեկ այլ օր, սակայն իրենց կամքից անկախ հանգամանքներով՝ Գ.Հայրապետյանի ղեկավարած բանդայի վնասազերծման պատճառով իրենց հանցավոր մտադրությունն ավարտին չեն հասցրել։
Այսպիսով, Քյարամ Ամոյանը ապօրինի հրազեն և ռազմամթերք հանդիսացող փամփուշտներ ձեռք բերելով, պահելով և կրելով, կատարել է հանցագործություն, որը նախատեսված է ՀՀ քրեական օրենսգրքի 235-րդ հոդված 1-ին մասով։
Նախնական համաձայնությամբ մի խումբ անձանց կողմից զենքի գործադրմամբ, բնակարան ապօրինի մուտք գործելով ավազակային հարձակման նախապատրաստությանը մասնակցելով, կատարել է հանցագործություն, որը նախատեսված է ՀՀ քրեական օրենսգրքի 35,175-րդ հոդվածի 2-րդ մասի 1-ին, 3-րդ և 4-րդ կետերով»»։

Վերոգրյալի հիման վրա, ղեկավարվելով ՀՀ քրեական դատավարության օրենսգրքի 18-րդ հոդվածով, 3091 հոդվածի 3-րդ մասով, գործով մեղադրանքը պաշտպանող դատախազը կայացրել է որոշում`
«Ամբաստանյալ Քյարամ Թոռնիկի Ամոյանին ՀՀ քրեական օրենսգրքի 222-րդ հոդվածի 1-ին մասով, 35-175-րդ հոդվածի 3-րդ մասի 1-ին և 2-րդ կետերով և 235-րդ հոդվածի 1-ին մասով նախկինում առաջադրված մեղադրանքը փոփոխել և նրան նոր մեղադրանք առաջադրել ՀՀ քրեական օրենսգրքի 35, 175-րդ հոդվածի 2-րդ մասի 1-ին, 3-րդ և 4-րդ կետերով և 235-րդ հոդվածի 1-ին մասով»»։

2.Ապացույցների հետազոտում և գնահատում

ՀՀ քրեական օրենսգրքի 35, 175-րդ հոդվածի 2-րդ մասի 1-ին, 3-րդ և 4-րդ կետերով և 235-րդ հոդվածի 1-ին մասով առաջադրված մեղարանքներում, ամբաստանյալ քյարամ Թոռնիկի Ամոյանն իրեն մեղավոր չի ճանաչել և դատարանում տալով խիստ հակիրճ և իր նախաքննական ցուցմունքներին տրամագծորեն հակասող ցուցմունք, հայտնել է, որ իրեն մեղսագրված հանցանքների հետ որևէ առնչություն չունի, ավազակային հարձակման նախապատրաստությանը չի մասնակցել, իսկ իր մոտի եղած, իրեն պատկանող «շարիկ» կրակող ատրճանակը Գուրգեն Հայրապետյանին է տվել ոչ թե դեպքի օրը, այլ դրանից օրեր առաջ, իսկ դեպքի հետ կապված հիշում է ընդամենը մեկ բան՝ այն, որ բերման է ենթարկվել եղբոր հուղարկավորության արարողությունից։

/տես՝ դատական նիստի արձանագրությունը/

Դատարանն արձանագրելով, որ ամբաստանյալի դատաքննական և նախաքննական ցուցմունքների միջև առկա են հակասություներ, ղեկավարվելով ՀՀ քրեական դատավարության օրենսգրքի 337-րդ հոդվածով որոշում է կայացրել հրապարակել նրա նախաքննական ցուցմունքները։

24.09.2011թ-ին ՀՀ ոստիկանության ՔԳՎ ՀԿԳ վարչությունում որպես կասկածյալ հարցաքննվելիս Քյարամ Ամոյանը ցուցմունք է տվել այն մասին, որ՝

«Հոգեբուժարանում կամ նարկոլոգիական կլինիկայում հաշվառման մեջ չի գտնվում, ֆիզիկապես առողջ է։ Գուրգենին ճանաչում է շուրջ երկու ամիս, երբ իրենց բակում իր ծանոթներից մեկին նեղացրել էին, այդ նպատակով եկել էր իրենց թաղամաս։ Ծանոթացել են միմյանց հետ, և խոստացել է օգնել նրան։ Այդ ժամանակ իր հեռախոսահամարը փոխանցել է նրան, այդ օրվանից մինչև սեպտեմբեր ամսվա սկիզբը Գուրգենը շաբաթը մեկ անգամ զանգահարել է իրեն, հետաքրքրվել, թե ինչպես են ընթանում իր գործերը։ Սեպտեմբեր ամսվա սկզբին Գուրգենը մի տղայի հետ տաքսիով եկել է իրենց բակ, որտեղ Գուրգենի հետ առանձնացել են, վերջինս հայտնել է, որ ցանկանում է «ռազբոյ» անեն, սակայն չի ասել, թե կոնկրետ ում վրա և ում տուն պետք է մտնեն։ Գուրգենը հայտնել է, որ այդ ամենի համար հարկավոր է մեքենա, ինքը պատասխանել է, որ կապահովի մեքենայով, ինչին Գուրգենը ավելացրել է, որ մեքենան հարկավոր է երկու օրերի ընթացքում։ Գիտակցել է, որ ամեն ինչ պետք է կատարվի զգուշությամբ, մասնավորապես այնպիսի մեքենա վերցնի, որպեսզի «չվառվեն», ուստի որոշել է մեկ այլ անձի անունով վարձակալել մեքենա։ Որոշել է իրենց թաղի բնակիչ Էդոյի միջոցով նրա անունով վարձակալել մեքենա, քանի որ Էդոն ունեցել է վարորդական իրավունք։ Քանի որ այդ ասպարեզում չի ունեցել ծանոթ, այդ հարցով դիմել է Գուժին, ապա Էդոյի հետ միասին հանդիպել են վերջինիս, ով եկել էր ընկերոջ` Վալերի, հետ ով ուներ ծանոթ։ Ինքը, Էդոն և Վալերը գնացել են «պրոսպեկտի» վրա գտնվող սրահ, որտեղ Վալերը զրուցել է անձանց հետ, ինչի արդյունքում չի մուծել մեքենայի ապահովագրության համար նախատեսված գումարը, միայն մուծել է երկու օրվա համար նախատեսված գումար` 30.000 ՀՀ դրամ։ Մեքենան ձևակերպվել է Էդոյի անունով, մեքենայի մակնիշը եղել է «Nissan Altima», այնուհետև գնացել է Զեյթուն։ Այդ երկու օրերի ընթացքում մեքենան գտնվել է իր մոտ, ցանկացել է կապնվել Գուգոյի հետ, սակայն վերջինս չի զանգել իրեն, իսկ ինքը նրա հեռախեսահամարը չի ունեցել։ Ոչ Էդոն, ոչ Գուժը, ոչ Վալերը տեղյակ չեն եղել իր մտադրության մասին, իրանց հայտնել է, որ գործ ունի։ Տեսնելով, որ Գուգոն չի զանգահարում իրեն, մեքենան հանձնել է սրահ։
22.09.11թ-ին Գուգոն եկել է իրենց թաղամաս «Մերսեդես» մակնիշի սև գույնի մեքենայով, որի համարանիշները չի տեսել, վերջինս եկել էր Դավիթի հետ։ Առանձնացել է Գուգոյի հետ, վերջինս ասել է, որ այդ գիշերվա համար մեքենա է հարկավոր, քանի որ որոշել են կատարել ավազակային հարձակում` «ռազբոյ»` Այգեստան թաղամասում, չնշելով, թե քանի հոգով են լինելու, և ում է պատկանում տվյալ տունը։ Նույն օրը ավտովթարից մահացել էր հորեղբոր որդին և իրենք ընտանիքով գնացել է Արարատ։ Ցերեկվա ժամին զանգահարել է Գուժը և ասել, որ գալիս է Արարատ։ Պայմանավորվածության համաձայն հանդիպել են Վազգեն Սարգսյանի տուն-թանգարանի մոտ։ Վերջինս եկել էր Վալերի հետ։ Այդ ժամանակ Գուժից խնդրել է մեքենան, հայտնելով որ գործ ունի, լավ է լինելու, գումար է աշխատելու, չասելով ավազակային հարձակման մասին։ Վերջինս խոստացել է օգնել։ Նույն օրը ժամը 21։00-ին Գուժը զանգահարել է իրեն, հայտնել, որ մեքենա կա, ինքը տեղեկացրել է, որ դեռ գտնվում է Արարատում, նրան է տվել Գուգոյի համարը, որպեսզի պայմանավորվեն։ Ժամը 24։00-ի սահմաններում Գուժը զանգահարել և ասել է, որ տանն է, մեքենայի բանալին գտնվում է նրա մոտ, սակայն չի կարող գիշերը տանից դուրս գալ։ Ինքը Գուժին հայտնելով, որ դեռ գտնվում է Արարատում, նրան է տվել է Դավիթի հեռախոսահամարը, որպեսզի վերջինիս պայմանավորվի նրա հետ։ Ժամը 01։00-ի սահմաններում Գուժը մի քանի անգամ զանգահարել է իրեն, նույնիսկ հաղորդագրություն է ուղարկել, սակայն զանգերին չի պատասխանել, իսկ հաղորդագրությունները չի կարդացել, քանի որ գտնվել է մահացած եղբոր կողքին։ Ժամը 02։00-ի սահմաններում վերադարձել է Երևան։ Իրեն է զանգահարել Գուգոն, հայտնել, որ ժամը 05։00-ին լինի «Դերժինսկի» դպրոցի մոտ։ Իրենց շենքի նկուղից վերցրել է գազային ատրճանակը, որը շարիկ է կրակում։ Իր մտաբերմամբ մեջը եղել է հինգ սև գույնի փամփուշտ։ Տաքսիով գնացել է Չարենցի փողոց, ոտքով բարձրացել նշված դպրոցի մոտ, որտեղ հանդիպել է Գուգոյին, Դավոյին, և ևս երկու անձանց, որոնց անունները չգիտի նրանց չի կարող նկարագրել, քանի որ եղել է մութ։ Իրենք կանգնել են հեռվում։ Տեսել է նաև պայուսակ` պատի վրա։ Երբ առանձին զրուցել է Գուգոյի հետ, տեսել է որ երկու անձինք հեռացել են։ Որոշ ժամանակ անց նկատել է, որ պայուսակը նույնպես չկա։ Գուգոյին նախապես զգուշացրել է, որ իր մոտ կա գազային ատրճանակ, Գուգոն վերցրել է այն` հայտնելով որ հետո կվերադարձնի։ Երբ նոր էր մոտեցել նրանց, լսել է հաչոցի ձայն, կարծելով, որ ոստիկաններ են, առանձնացել է և միայնակ կանգնել։ Գուգոն չի հայտնել, թե ում տուն պետք է մտնեն, ինչ եղանակով, ավազակային հարձակման մասին խոսք չի եղել։ Մոտ քառասուն րոպե հետո գնացել է տուն։
Ատրճանակը գտել է երկու տարի առաջ` իրենց տան հարակից հողամասում գտնվող շինությունից։ Այդ հողամասի տերը մահացել էր, այդ ատրճանակը երբեք չի օգտագործել։ Իր բջջային հեռախոսահամարն է եղել 098-20-12-20, սակայն այդ օրը իր մոտ եղել է եղբոր` Ռազմիկի, հեռախոսը` 098-03-09-56, քանի որ իր հեռախոսը կորցրել էր։ Գուգոյի հետ կապը պահել է իր հեռախոսահամարով, իսկ Գուգոյի և Դավոյի համարները չի հիշում։ Պնդել է՝ Գուժին մեքենան տեղափոխելու հարցով չի դիմել, այլ միայն տվել է Գուգոյի համարը, որ միմյանց հետ խոսեն։ Հայտնել է, որ բացի տվյալ արարքից, այլ արարքներ չի կատարել»։

24.09.2011թ-ին ՀՀ ոստիկանության ՔԳՎ ՀԿԳ վարչությունում որպես կասկածյալ հարցաքննության ժամանակ ամբաստանյալը հայտնել է, որ՝
«Իր ճկույթի վնասվածքը ստացել է Արարատի մարզի Դալար գյուղում, երբ իրեն են մոտեցել ոստիկանության աշխատակիցները։ Անակնակալի է եկել, այդ ընթացքում ոտքը սայթաքել է, ինչի հետևանքով ընկել է, և ստացել նշված վնասվածքը։ Իրեն ոչ ոք չի հարվածել»։

31.07.2012թ-ին ՀՀ ոստիկանության ՔԳՎ ՀԿԳ վարչությունում որպես մեղադրյալ հարցաքննության ժամանակ ամբաստանյալ Ամոյանը ցուցմուքն է տվել, որ՝

«Նախկինում մանրամասն ցուցմունք է տվել իր կողմից որոշակի գործողություններ կատարելու վերաբերյալ, հայտնել զենքի մասին, սակայն չի իմացել և չի գիտակցել, որ այդ ամենը կատարում է որպես բանդայի անդամ։ Իր համար անհասկանալի է «անդամագրել» հասկացողությունը, քանի որ ճանաչել է միայն Գուգոյին, չի իմացել նրա ու մյուսների կողմից կատարված գործողությունների մասին։ Չի իմացել, արդյոք այդ օրը եկած անձինք զենք ունեցել են, թե ոչ կամ եղել եմ զիված, թե ոչ։ Այդ պատճառաբանությամբ իրեն մեղավոր չի ճանաչում իրեն առաջադրված՝ ՀՀ քրեական օրենսգրքի 222-րդ հոդվածի 1-ին մասով։
2011թ. սեպտեմբերի լույս 23-ի գիշերը գտնվել է «Դեռժինսկի» դպրոցի մոտ, չի իմացել, որ Չարենցի 47 տան վրա ավազակային հարձակում պետք է կատարվի։ Գուգոն իրեն հայտնել է, որ կասի թե իրենց որտեղ պետք է սպասի, և ինչ գործողություններ անի։ Երբ զենքը հանձնել է Գուգոյին` վերջինս իրեն է տվել կտորե դիմակ, ասելով` «քաշի գլխիդ` սպասի աստիճանների դեմը` դպրոցի մոտ, մինչև կգանք»։ Տեղյակ չէ, թե ուր է գնացել, և ինչ է արել։ Դիմակը կրել է դեմքին, հետո մտածելով, որ դա իր խելքի բանը չէ, հանել է դիմակը, թողնելով այն հեռացել։ Նախկինում նախաքննական մարմնին դիմակ կրելու վերաբերյալ ոչինչ չի հայտնել, քանի որ ոչինչ չի կատարել։ Ինչպես նախկինում հայտնել է այդ ատրճանակը և փամփուշտները ձևափոխված վիճակում գտել է իրենց տան դիմաց գտնվող հինգ հարկանի շենքի նկուղից, որը գտնվում է Լեփսիուսի 11 հասցեում, մինչև դեպքի օրը ատրճանակը և փամփուշտը թողել է նույն տեղում։ Չգիտի, թե ինչպես է իր բջջային հեռախոսը հայտնվել «Մերսեդես-Բենց» մակնիշի ավտոմեքենայում։ Գտնում է, որ հավանաբար թողել է դպրոցի դիմացի աստիճանների վրա, որը գտել է Գուգոն և դրել ավտոմեքենայի մեջ։ Հաջորդ օրը, տեսնելով, որ բջջայինը մոտը չէ, կարծել է, որ այն կորցրել է»։
/տես՝ դատական նիստի արձանագրությունը/

Նախաքննական ցուցմունքների հրապարակումից հետո, ի պատասխան դատարանում իրեն առաջադրած հարցերին, ամբաստանյալ Ք.Ամոյանը հայտնել է, որ տվյալ պահին չի մտաբերում վարույթն իրականացնող մարմնի մոտ ցուցմքունքներ տալու պահը։ Նախկինում ճանաչել է Գուգոյին, սակայն ժխտել է վերջինս կողմից իրեն ավազակային հարձակում կատարելու առաջարկ ներկայացնելու փաստը։ Հերքել է նաև իր կողմից ավտոմեքենա վաձակալելու հանգամանքը։ Գուժին ճանաչել է որպես թաղեցի, ով հորեղբոր որդու մահվան կապակցությամբ եկել է Արարատ` ցակավցելու, սակայն չի կարող մտաբերել, թե ինչ է զրուցել վերջինիս հետ։ Զենքը` գազային ատրճանակը, հանձնել է Գուգոյին, ոչ թե Չարեցի փողոցում հանդիպման ժամանակ, այլ` նախքան այդ հանդիպումը` ծանոթության երկրոդ կամ երրորդ օրը, սակայն չի հիշում, թե ինչպես է հանձնել այն։ Դիմակների հետ կապված ոչինիչ չի հիշում, դրանց վրա հայտնաբերված գենետիկական պատկանելիության առկայությունը չի կարող բացատրել։ Գուգոյի հետ հանդիպել է, քանի որ ունեցել է ինչ-որ գործ, կարծել է, պետք է որևէ ինչ-որ անձի առևանգել։ Հանդիպումից հետո սակայն, մոտ 40 րոպե անց, հեռացել է։ Ատրճանակը չի օգտագործել։ Իր մտաբերմամբ ոստիկանության բաժնում է տեղեկացել, որ Գուգոն վթարի է ենթարկվել։ Դավիթին չի ճանաչել, ընդամենը մի քանի անգամ է տեսել։ Վերջինս Չարենցի փողոցում հանդիպման ժամանակ ոչինչ չի արել, եղել է կանգնած։ Արտուշ Հակոբյանին և Արման Դալլաքյանին նախկինում չի ճանաչել, ծանոթացել է դատական քննության ժամանակ։ Գուրգենն իրեն երբևէ չի ասել, որ ստեղծված է խումբ` բանդ, և չի առաջարկել անդամագրվել այդ խմբին։

Դատարանն արձանագրում է, որ Քյարամ Ամոյանի կողմից մեղքը չընդունելը և իր մասնակցությունն իրեն մեղսագրված հանցանքների կատարմանը ժխտելը, վերջինիս կողմից հետապնդում են քրեական պատասխանատվությունից և պատժից խուսափելու նպատակ, քանի որ վերջինիս առաջադրաված մեղադրանքները, բացի նրա նախաքննական ցումունքներից հիմնավորվեցին նաև դատարանում՝ պատշաճ իրավական ընթացակարգի պահպանմամբ հետազոտված և ուսումնասիրված ներքոհիշյալ ապացույցների բավարար ամբողջությամբ.

Տուժող Կարեն Ջինանյանի դատաքննական ցուցմունքով այն մասին, որ 2011 թվականի սեպտեմբերի 21-ին՝ գիշերվա ժամը 05-ի սահմաններում, լսել է տան դռան բռնակի չխկոցի ձայնը և մտածել է, որ հնարավոր է, որ տղան կամ եղբայրը լինեն, սակայն ստուգելով, որ տղան քնած է՝ դրան ուշադրություն չի դարձրել։ Դրանից հետո այդ մասին հարցրել է եղբորը, սակայն նա պատասխանել է, որ ինքն այդ ժամին չի եկել և տեղյակ չէ։ Տունը մուտք ունի Չարենցի փողոցից՝ աստիճաններով, ինչպես նաև ևս մեկ մուտք ավտոտնակի միջով` Այգեստան 9-րդ փողոցի կողմից։
Այդ դեպքից մոտ մեկ ամիս անց, քննիչից տեղեկացել է, որ ինչ-որ անձինք փորձել են հարձակում կատարել իրենց տան վրա։ Նշել է, որ քննիչն իրենց տանը կատարել է քննչական գործողություններ, բացել փակել են իրենց տան դուռը, լսել են այդ չխկոցի ձայնը, որի վերաբերյալ կազմվել է արձանագրություն։ Նշել է, որ ավտոտնակի դռան կողպեքի վրա որևէ ներգործության հետքեր չեն հայտնաբերվել։ Դեպքի օրն ամբողջ գիշեր ինքը չի քնել՝ առողջության հետ կապված խնդիրների պատճառով, որից հետո առավոտյան գնացել է աշխատանքի։ Այդ օրերին ինքը որևէ կասկածելի երևույթներ չի նկատել։ Իրենց ավտոտնակի դուռը փակվում է երկաթե ձողով, ինչպես նաև բանալիով։ Նշել է, որ հնարավոր է այդ դուռը բացել, եթե ներսից բանալիով փակված չէ։
Դատարանն արձանագրելով, որ տուժողի նախաքննական և դատաքննական ցուցմունքների մեջ առկա են էական հակասություններ՝ հրապարակել է, տուժողի նախաքննական ցուցմունքներն այն մասին, որ «ընտանիքի հետ բնակվում է Երևանի Չարենցի փողոցի 47 հասցեում։ 1998-2001 թվականների ընթացքում կառուցել է նոր տուն, որտեղ բնակվում են 2001 թվականից։ Նշված տունը կառուցվել է հայրական տան հետևում գտնվող հողակտորում, որը հարակից է Այգեստան 9-րդ փողոցին։ Տունը մուտք ունի Չարենցի փողոցից աստիճաններով, ինչպես նաև ևս մեկ մուտք ավտոտնակի միջով` Այգեստան 9-րդ փողոցի կողմից։ Ունի սև գույնի «Տոյոտա Կորոլլա» ավտոմեքենա, որը վարում են ինքն ու որդին։ Ավտոտնակը նախատեսված է երկու ավտոմեքենայի համար և այնտեղ կայանվում է նաև եղբոր «Մերսեդես» մակնիշի ավտոմեքենան։ Ավտոտնակի դռների երկու կողմերից առկա են մետաղական ցանցով պատված հատվածներ, որոնցից աջ կողմի հատվածի վերջնամասում մոտ 1 մետր լայնությամբ բացակայում է ցանցը։ Ավտոտնակի դուռն ունի փական` լեզվակով ներսից փակվող, որը հնարավոր է բացել դրսից՝ ցանկացած որևէ բանալիով։ Ավտոտնակից դեպի տուն տանում են վայր իջնող աստիճաններ։ Տունը գտնվում է թեքության վրա, այդ պատճառով էլ Այգեստան փողոցի կողմից երևում է տան մի հարկը, իսկ Չարենցի փողոցի կողմից՝ երկու հարկը։ Առաջին հարկի պատուհանները ճաղավանդակով են, իսկ երկրորդ հարկում ճաղավանդակներ չկան։ Տան առաջին հարկում գտնվում է միայն խոհանոցը և սանհանգույցը, իսկ երկրորդ հարկում երկու ննջարաններ և հյուրասենյակ, որից դուրս են գալիս երկրորդ հարկում գտնվող բաց պատշգամբ։ Տան մուտքի դուռը երկաթյա է, փականը՝ փակ վիճակում։ Բռնակը սեղմելու դեպքում լսվում է յուրահատուկ ձայն՝ չխկոց։
2011 թվականի սեպտեմերի 22-ին սովորականի նման աշխատանքից հետո ամբողջ ընտանիքով գտնվել են տանը։ Միայն որդին է տուն վերադարձել ժամը 23։30-ի սահմաններում, որին ինքն է բերել ավտոմեքենայով, ինչի համար էլ բարկացել է նրա վրա, և նա, մտնելով իր սենյակ, փակել է դուռը։ Ավտոմեքենան կայանել է ավտոտնակում, որտեղ արդեն կանգնած է եղել եղբոր ավտոմեքենան և փակել է դարպասը ներսից լեզվակը հրելով, առանց բանալիով փակելու։ Այդ օրը լավ չի զգացել իրեն, քունը չի տարել և ժամը 03։00-ի սահմաններում ննջարանից եկել է հյուրասենյակ՝ հեռուստացույց դիտելու։ Ժամը 05։00-ի սահմաններում անջատել է հեռուստացույցը և պառկել է հյուրասենյակի բազմոցին։ Տան մուտքի դուռը գտնվում է անմիջապես հյուրասենյակի տակի հատվածում։ Ժամը 05։00-ի սահմաններում հստակ լսել է դռան փականի ձայնը, այսինքն, ինչ-որ մեկը դրսի կողմից դուռը բացելու նպատակով սեղմել է դռան բռնակը։ Մի պահ մտածել է, որ որդին իրենից նեղանալով կարող էր դուրս գալ տանից և նոր է գալիս տուն և անմիջապես մոտենալով նրա ննջարանին՝ բացել է դուռը և տեսել, որ նա քնած է։ Դրանից հետո վերադարձել է հյուրասենյակ, բացել է դեպի պատշգամբ տանող դուռը, որը փակված է եղել բանալիով, դուրս եկել պատշգամբ, նայել տան առջևի հատվածում, ավտոտնակի և հողամասի ուղղությամբ, սակայն ոչ մեկին չի տեսել, միայն ինչ-որ շարժում է նկատել հողամասի տան կողմից ձախ անկյունում բացակայող ցանցի հատվածում։ Առավոտյան տանից դուրս է եկել ժամը 08։20-ի սահմաններում և ավտոմեքենան ավտոտնակից հանելուց տեսել է, որ դուռը ծածկված է, բայց փականով փակված չէ։ Այս ամենն իրեն կասկածելի է թվացել։ Գիշերվա դռան ձայնի մասին օրվա ընթացքում հեռախոսով ասել է կնոջն և եղբորը։ Նույն օրը, լուրերից տեղեկացել է, որ սեպտեմբերի 23-ին առավոտյան ժամը 06։30-սահմաններում ոստիկանների կողմից բռնվել է ավազակային հարձակումներ կատարող բանդայի անդամները։ Եվս մեկ-երկու օր անց լուրերից տեղեկացել է, որ որ բանդան բռնվելու օրը պատրաստվել է հերթական հարձակումը կատարել իրենց թաղամասում, ինչից համոզվել է, որ նրանք պետք է հարձակվեին իր ընտանիքի վրա։ Լարագրողներից տեղեկացել է, որ հարձակումը պատրաստվել է հայտնի գինեկոլոգ Գեորգի Կիմի Պողոսյանի նկատմամբ, այդ պատճառով էլ ինքը ոստիկանություն չի դիմել։ Ամեն դեպքում մնացել է այն համոզմունքին, որ բանդիտները ցանկացել են մտնել իր տուն, ուստի դեպքից մոտ 20 օր անց տան մուտքի դռան մոտ տեղադրել է տեսախցիկ և տնային հեռակապ /դոմոֆոն/։
Դեպքին նախորդող օրերին 2-3 անգամ, տան մոտակայքում՝ Այգեստան փողոցի հատվածում, երեկոյան ժամերին, երբ մութ է եղել, տեսել է անծանոթ ավտոմեքենաներ, որոնց մեջ եղել են մարդիկ։ Այդ ավտոմեքենաները կասկածելի են թվացել, քանի որ տան մոտ փողոցի հատվածը փակուղի է և այդտեղ անծանոթ ավտոմեքենաներ չեն կանգնում։
Նախաքննական ցուցմունքների հրապարակումից հետո տուժողը հայտնել է, որ իր կողմից տրված նախաքննական ցուցմունքները ճիշտ են և համապատասխանում են իրականությանը, քանի որ այդ ժամանակ իր հիշողությունը եղել է ավելի թարմ։

/տես` հատոր 11, գ.թ. 124-128, դատական նիստի արձանագրությունը/

Վկա Հովհաննես Ջինանյանի դատաքննական ցուցմունքով այն մասին, որ բնակվում է Չարենցի 47 հասցեում` հոր, մոր և քրոջ հետ։
Դեպքի օրը` 2011թ. սեպտեմբերին, օրը կոնկրետ չի հիշում, քանի որ քնած է եղել, ոչ մի բան չի տեսել, չի լսել։ Առավոտյան հայրը անհանգստացած պատմել է, որ ավտոտնակի դուռն է բաց եղել։ Ավտոտնակի փականը վնասված չի եղել։ Հորից լսել է, որ փորձել են իրենց տան դուռը բացել։ Իր հարցաքննության ժամանակ քննիչն անուն, ազգանուններ է տվել, բայց ինքը ոչ ոքի չի ճանաչել։ Իրենք քննիչներից են իմացել, որ փորձել են իրենց բնակարան մտնել։ Իրենց տունը 2 կողմից մուտք ունի՝ և Չարենցի փողոցի կողմից և Այգեստան փողոցի։ Ավտոտնակը Այգեստան փողոցի կողմից է։ Ավտոտնակը փակվում է 2 տարբեր փականներով։ Եթե ավտոտնակի դուռը փակում են փականերից միայն մեկով` ոչ հիմնականով, ապա հնարավոր է այլ բանալիով բացել, ինքը փորձել է, և այն բացվել է։ Իրենք ավտոտնակի դուռը միշտ փակում են։ Այդ օրը երեկոյան տուն է վերադարձել Չարենցի փողոցի կողմի մուտքով։ Երբ տուն է եկել, տեսել է հորը։ Քանի որ իր երկու հորեղբայրները բնակվում են նույն բակում, և ինքը հաճախ է գնում հորեղբայրների տուն և մինչև ուշ ժամ մնում այնտեղ, երևի հայրը կարծել է, որ ինքը գնացել է հորեղբոր տուն, ուշ ժամի վերադառնում է և փորձում է տան դուռը բացել, այդ պատճառով է եկել և ստուգել, թե ինքը ննջարանում է, թե ոչ։

/տես` դատական նիստի արձանագրությունը/

Վկա Կարինե Ջինանյանի դատաքննական ցուցմունքով այն մասին, որ հանդիսանում է տուժող Կարեն Ջինանյանի կինը։ Իրենք բնակվում են Չարենցի 47 հասցեում։
Տարին կոնկրետ չի հիշում, սեպտեմբերի 11-ին կամ 12-ին, առավոտյան երբ արթնացել է, ամուսինն ասել է, որ լուսադեմի մոտ ինչ-որ մեկը փորձել է բացել իրենց տան դուռը, ինչ-որ մեկի իրենց տան մուտքի դռան բռնակը իջեցրել է, որից շատ շեշտված ձայն է եկել։ Քանի որ ամուսինը վատառողջ է եղել` ալերգիկ քոր ունի, քնած չի եղել։ Իրենք էլ հարցրել են «քանի որ վատառողջ ես, կարո՞ղ է քեզ թվացել է», ինքն էլ պատասխանել է՝ ոչ, իրեն չի թվացել։ Ինքը որևէ մեկի չի տեսել, որևէ ձայն չի լսել։ Ամուսինն ասել է, որ ձայներ է լսել։ Ամուսինը պնդել է, որ քնած չի եղել, փորձել են դուռը բացել։ Քանի որ իրենց բակում այլ մարդիկ էլ են ապրում, ինքը մտածել է, որ տեգրը եկել է, ինչ-որ բան է ուզեցել ասել, մտածել է դուռը բանալիով բաց է ու փորձել է դուռը բացել։ Իրենք թշնամիներ և իրենց վատը ուզողներ չունեն, այդ պատճառով ոստիկանություն չեն դիմել։ Արտառոցը եղել է դռան չխկոցի ձայնը։ Այդ չխկոցից մոտ 2-3 ամիս հետո են ոստիկանության աշխատողները եկել իրենց տուն։ Իրենք ոչ մի թանկարժեք բան չունեն իրենց տանը, որ ցանկանային տանել, անգամ երբ ոստիկանները այցելել են իրենց տուն, զարմացել են։ Դռան չխկոցը իրենց հուշել է, որ ամեն դեպքում մեկը փորձել է մտնել իրենց տուն։ Ինքը և ամուսինը միասին են պառկել քնելու, բայց, քանի որ ամուսինը վատառողջ է եղել, հաճախ է վեր կացել ու նորից պառկել։ Ինքը չի իմացել, որ այդ գիշեր ավտոտնակի դուռը բացել են։ Այդ ավտոտնակից իրենցից բացի օգտվում է նաև իր տեգրը և եթե անգամ տեսած լինի, որ դուռը բաց է, հնարավոր է, որ մտածեր տեգրն է բաց թողել, կամ երեխաները բակում խաղացել են ու դուռը մոռանալով բաց են թեղել։ Իրենք 2 կողմից մուտք ունեն` և Չարենցի փողոցի կողմից և Այգեստան փողոցի։ Հետագայում չխկոցի մասին հարցրել են և տեգրոջը, և բակի մյուս բնակիչներին, սակայն բոլորն էլ պատասխանել են, որ իրենք չեն եղել։

/տես` դատական նիստի արձանագրությունը/

Վերոգրյալից բացի, ամբաստանյալ Քյարամ Ամոյանին մեղսագրված հանցանքները հիմնավորվել են նաև դատաքննությամբ հետազոտված և հրապարակված ներքոհիշյալ ապացույցներով`

Մեղադրյալ Դավիթ Գալստյանի մասնակցությամբ կատարված քննչական փորձարարությունների արձանագրություններով, համաձայն որոնց՝ վերջինս մատնացույց է արել իր ցուցմունքում նշված՝ Ղազազյանների, Բեզոյանների, Գրիգորյանների, Ազիզյանների ընտանիքների նկատմամբ կատարված և Ջինանյանների ընտանիքի նկատմամբ նախապատրաստված ավազակային հարձակումների վայրերը, իրենց խմբի կողմից վարձակալած Պտղնի գյուղում գտնվող ամառանոցը, ինչպես նաև մանրամասն նկարագրել է տան անդամների, զարդերի և գումարների գտնվելու վայրերն ու իրենց խմբի անդամների գործողությունները։

/տես` հատոր 5, գ.թ. 168-206, արձանագրությունը/

Դատաձգաբանական փորձաքննության 2011 թվականի սեպտեմբերի 23-ի թիվ 1929 եզրակացությամբ, համաձայն որի `

(...)

8. Ներկայացված «BLOW C 06» տեսակի «7-012348» համարի ձայնագազային ատրճանակը գործարանային արտադրության է, դրա փողի արգելապատնեշը բացակայում է, որի պատճառով դրանից հնարավոր են կրակոցներ ինչպես ձայնագազային փամփուշտներով, այնպես էլ փորձաքննությանը ներկայացված` ձևափոխված, գնդակով լիցքավորված փամփուշտներով, այն պիտանի է կրակելու համար նշված փամփուշտներով և հանդիսանում է հրազեն։
Ձայնագազային ատրճանակի պահունակում լիցքավորված 5 փամփուշտներից 2-ը գործարանային արտադրության 9 մմ տրամաչափի ձայնային փամփուշտներ են` նախատեսված 9 մմ տրամաչափի ձայնագազային ատրճանակների համար, պիտանի են կրակվելու համար և ռազմամթերք չեն հանդիսանում, իսկ 3-ը ձևափոխված գնդակով լիցքավորված գործարանային արտադրության 9 մմ տրամաչափի ձայնային փամփուշտներ են, որոնք պիտանի են կրակվելու համար և հանդիսանում են ռազմամթերք (...)»։

/տես` հատոր 5, գթ. 119-123, դատական նիստի արձանագրությունը/

Դատակենսաբանական, դատահետքաբանական, միկրոմասնիկային և մանրաթելային համալիր փորձաքննության 2012 թվականի փետրվարի 29-ի թիվ 11-2844 եզրակացությամբ, համաձայն որի`

-Փորձաքննությանը ներկայացված մուգ կապույտ գույնի սպորտային պայուսակի ներքին մակերևույթի վրա /օբյեկտ 9/, Արթուր Մանուկյանի մուգ մոխրագույն «Puma» ֆիրմայի սպորտային բաճկոնի աջ և ձախ թևքերի եզրային արտաքին մակերեսներին /օբյեկտ 42/, աջ և ձախ ձեռքերի արտաքին մակերեսներից վերցված խծուծների վրա /օբյեկտ 44/ առկա են կրակոցի արգասիքներ` պղնձի և անտիմոնի մետաղացման հետքերի տեսքով։
- Բանդայի անդամների կողմից վարձակալած՝ Երևանի Ամառանոցային փողոցի 1-ին նրբանցքի 20 տան խուզարկության ընթացքում հայտնաբերված 2 կպչուն ժապավենները, Արտուշ Հակոբյանի «Համմեր» մակնիշի 19 DP 999 համարանիշի ավտոմեքենայի խուզարկությամբ հայտնաբերված կպչուն ժապավենը` իրենց ընդհանուր չափային տվյալներով /ժապավենի լայնությամբ/ համապատասխանում են ավազակային հարձակումների դեպքի վայրերից հայտնաբերած կպչուն ժապավենների փաթույթների լայնությանը։
- Փորձաքննությանը ներկայացված Ատոմ Ղազազյանի, Աղվան Գրիգորյանի, Նապոլեոն Ազիզյանի բնակարաններից հայտնաբերված և մասնագետի կողմից վերցված ձեռնոցանման կետիկավոր հետքերը իրենց ընդհանուր մորֆոլոգիական և կառուցվածքային հատկանիշներով համապատասխանում են Երևանի Ամառանոցային փողոցի 1-ին նրբանցքի 20 տան խուզարկության ընթացքում հայտնաբերված ձեռնոցների տիպի ձեռնոցների ռելիեֆային պատկերներին։

- Փորձաքննությանը ներկայացված կապույտ պիջակի /օբ. 1/, սև գլխարկի /օբ. 2/, սպիտակ գլխարկի /oբ. 5/, մոխրագույն սվիտերի /օբ. 7/, սպորտային պայուսակի /օբ. 9/, մեկ դիմակի և մեկ զույգ ձեռնոցների /օբ. 11 «1»/, մեկ դիմակի և մեկ զույգ ձեռնոցի /օբ. 12/, մեկ դիմակի և մեկ զույգ ձեռնոցի /օբ. 13/, մեկ զույգ ձեռնոցների /օբ. 15 «2»/, երկու սև կեպիների /օբ. 16,17/, սպիտակ կեպիի /օբ. 18/, մեկ դիմակի /օբ. 19/, կապյուշոնով վերնազգեստի /օբ. 20 /, կաշվե բաճկոնի /օբ. 21/, սև վերնազգեստի /օբ. 22/, չորս հատ սև տաբատների /օբ. 23, 24, 25, 26/, սև անթև մայկայի /օբ. 29 /մեկ զույգ ձեռնոցների /օբ. 30/ վրա տեղակայված հետքերում հաստատվեց քրտինքի առկայություն, որը պատկանում է մարդու և առաջացել է արտադրություններում /մասնավորապես քրտինք/ A հակածին պարունակող որևէ անձից կամ անձանցից, այդ թվում կարող էր առաջանալ Դավիթ Գալստյանից, Սամվել Դավթյանից, Քյարամ Ամոյանից, Գուրգեն Հայրապետյանից։

- Փորձաքննությանը ներկայացված մուգ կապույտ սպորտային վերնազգեստի /օբ. 5/, սպիտակ բաճկոնի /օբ. 6/, մեկ դիմակի և մեկ զույգ ձեռնողների /օբ. 11 «2»/, Ա.Մանուկյանի սպորտային համազգեստի /օբ. 42/ վերնամասի վրա տեղակայված հետքերում հաստատվեց քրտինքի առկայություն, որը պատկանում է մարդու և առաջացել է արտադրություններում /մասնավորապես քրտինք/ H հակածին պարունակող որևէ անձից կամ անձանցից այդ թվում կարող էր առաջանալ Արթուր Մանուկյանից։
- Փորձաքննությանը ներկայացված մեկ դիմակի /օբ.14/, հետնամասը բաց կոշիկների /օբ. 31/, սև գույնի սպորտային կոշիկների, սև կիսավարտիքի, սև սպորտային տաբատի, կիսաթև վերնազգեստի, սև սպորտային վերնամասի, սպիտակ սպորտային վերնամասի, կապույտ պիջակի /օբ. 31 ա/, Արտուշ Հակոբյանի անթև մայկայի, կիսաթև վերնազգեստի, տաբատի /օբ. 41/ վրա տեղակայված հետքերում հաստատվեց քրտինքի առկայություն, որը պատկանում է մարդու և առաջացել է արտադրություններում /մասնավորապես քրտինք/ B հակածին պարունակող որևէ անձից կամ անձանցից, այդ թվում կարող էր առաջանալ Արտուշ Հակոբյանից կամ Արման Դալլաքյանից։

/տես` հատոր 13, գթ. 179-228, դատական նիստի արձանագրությունը/

Երևանի Նանսենի փողոցի 4 շենքի 30 բնակարանում կատարված խուզարկության արձանագրությամբ, համաձայն որի՝ խուզարկության ժամանակ հայտնաբերվել են ոտնաթաթերի հատվածները կտրված սև գույնի զուգագուլպաներ, որոնցից մեկի վրա առկա են եղել երեք կլորավուն անցքեր։ Նույն պոլիէթիլենային տոպրակի մեջ հայտնաբերվել է 1 հատ բրդյա գործվածքով անթև մայկա, 38սմ երկարությամբ բրդյա գործվածքով զուգագուլպայի ներքևի հատված, որի թաթային դիմացի հատվածից 10սմ վերև առկա է 3 կլորավուն մեխանիկական վնասվածք։ Անցքերից երկուսը մի ուղղության վրա են, իսկ երրորդը դրանցից վերև` կենտրոնում։ Հայտնաբերվել է «EMPORIO ARMANI» գրառումով սև պոլիեթիլենային տոպրակ, որի մեջ հայտանբերվել է երկու պետհամարանիշ` երկուսն էլ` 24 LL 363 համարի։ Արծաթյա մետաղից գոտի` 60սմ երկարությամբ և թևնոց` նմանատիպ գործվածքով և մետաղից։ Հյուրասենյակի փոքրիկ սեղանի վրա հայտնաբերվել է «Sony» «Cyber-shot» տեսակի թվային ֆոտոխցիկ, վերցվել է հետագա ստուգումների համար։ Հայտնաբերվել է սև կաշվե կազմով անձնագիր, որը պատկանում է Արտակ Աշոտի Հայրապետյանին` AH 0448315, տրված` 005-ի կողմից, 01.11.2007թ., ծնված` 10.12.1981, գրանցված Նոր-Նորք 8-րդ զանգված, 15շ., բնակարան 24 և նույն անձի տվյալներով զինվորական գրքույկ։ Հայտնաբեվել է զինվորական գրքույկի պատճեն` Արեգ Ռաֆիկի Մուրադյանի` ծնված` 23.08.1986թ., տվյալներ` CYNO 086870, անձնագրի 2 պատճեն` Հրաչ Աղվանի Գասպարյան` AM 0314896,ծնված` 10.07.1959թ., տրված` 004-ի կողմից` 26.05.2011թ., երկրորդը` Արեգ Ռաֆիկի Մուրադյանի` ծնված` 23.08.1986թ., տրված` 17.06.2003թ., 056-ի կողմից` AF 0686996 տվյալներով։ Հայտնաբերվել է նաև 2 հատ իրար կպված «Օրանժ» տեսակի կապի հինգ հարյուր դրամանոց լիցքավորման քարտ` 000908552621 և 000508552622 սերիա համարի։

/տես` հատոր 5, գթ. 73-74, դատական նիստի արձանագրությունը/

Վթարի դեպքի վայրի զննության ընթացքում առգրավված բջջային հեռախոսների զննության արձանագրությամբ և Երևանի Մյասնիկյան պողոտայի 57 հասցեի մոտակայքում «Մերսեդես» մակնիշի 60 OO 086 համարանիշի ավտոմեքենայի վթարի դեպքի վայրերի զննության արձանագրություններով։


Դատագենետիկական փորձաքննության 2012 թվականի մայիսի 31-ի թիվ 37 եզրակացությամբ, համաձայն որի՝ փորձաքննությանը ներկայացված /օբյեկտ 13/ դիմակից անջատված ԴՆԹ-ն համընկնում է Քյարամ Ամոյանի արյան նմուշից անջատված ԴՆԹ-ի գենետիկական բնութագրի հետ 99,9% հավանականությամբ։

/տես` հատոր 4, գ-թ 85-146, հատոր 9, գթ. 90-92, հատոր 16, գթ. 45-48, դատական նիստի արձանագրությունը/

Անձին անձնական խուզարկության ենթարկելու մասին արձանագրությամբ, համաձայն որի՝ «23.11.2011թ.-ին անձնական խուզարկության է ենթարկվել Գուժ Գևորգի Աղաբեկայնը` ծնված 12.04.1991թ.-ին, ք.Աբովյան 26 ա շենք, բն 46։ Վերջինիս մոտից խուզարկությամբ հայտանբերվել է մեկ հատ «Նոկիա» մոդելի 357403049979342 գործարանային համարի բջջային հեռախոս, որի մեջ տեղադրված է «Բիլայն» ընկերությանը պատկանող` 099-11-11-98 համարով հեռախոսաքարտը։ Վերջինիս մոտից խուզարկությամբ ուրիշ ոչինչ չի հայտնաբերվել և չի առգրավվել»։

/տես` հատոր 5, գթ. 7, դատական նիստի արձանագրությունը/

Անձնական խուզարկություն կատարելու մասին արձանագրությամբ, համաձայն որի՝ «24.09.2011թ. անձնական խուզարկության է ենթարկվել Քյարամ Ամոյանը, վերջինիս մոտից հայտնաբերվել է սպիտակ գույնի մետաղյա շղթա, որի փականի վրա գրված է «14K», շղթայի երկարությունը 5.5սմ։ Սպիտակ գույնի մետաղից 3.2, 2,5 սմ չափերի խաչ` սպիտակ գույնի քարերով նախշազարդված, դեղին գույնի մետաղի կուլոն` ութանկյուն պատկերով, որի մեջտեղի մասում կան մանր սպիտակ գույնի քարեր, իսկ մեջտեղի մասում՝ մեծ սպիտակ գույնի քար։ Սև գույնի բջջային հեռախոս, որի վրա գրված է «SAMSUNG», 354890018497764 գործարանային համարով, որի մեջ եղել է 098-03-09-56 բջջային համարը»։

/տես` հատոր 5, գթ. 211, դատական նիստի արձանագրությունը/

Դիակը ճանաչման ներկայացնելու մասին արձանագրությամբ, համաձայն որի՝

«քրեական գործով վկա Հրայր Լադիկի Ասպատուրյանը ճանաչել է Գուրգեն Բաբկենի Հայրապետյանին որպես 2011 հունիսի 01-ին Էդուրադ Բեզոյանից առևանգված 22 ՍՍ 221 համարանիշի ավտոմեքենայի ղեկին նստած անձի»։

/տես` հատոր 5, գթ. 141, դատական նիստի արձանագրությունը/

Դատահամակարգչատեխնիկական փորձաքննության 2012 թվականի մայիսի 31-ի թիվ 11-3263 եզրակացությամբ։

/տես` հատոր 15, գթ. 55-54, դատական նիստի արձանագրությունը/

Քրեական գործով իրեղեն ապացույց ճանաչված և գործի դատական քննության ընթացքում հետազոտված ներքոհիշյալ առարկաներով՝

Երևանի Մյասնիկյան պողոտայում բանդայի անդամների կողմից վարած «Մերսեդես» մակնիշի ավտոմեքենայի վթարի դեպքի վայրի զննության ընթացքում ավտոմեքենայի միջից հայտնաբերված երեք տուփերում գտնվող նույնքան, «Սամսունգ» մոդելի բջջային հեռախոսներով, 4 հատ սև դիմակներով՝ յուրաքանչյուրի մեջ մեկական զույգ բանվորական ձեռնոցներով, ինչպես նաև մեկ հատ սև գույնի դիմակով, նույն դիմակների վրայից հայտնաբերված մազերով, 5 հատ չօգտագործված «Օրանժ» տեսակի հեռախոսաքարտերով, Երևանի Նանսենի փողոցի 4-րդ շենքի 30-րդ բնակարանի խուզարկությամբ արգրավված 3 հատ թաթերի հատվածը կտրված զուգագուլպաներով։

/տես` դատական նիստի արձանագրությունը/

Դատարանում հրապարակվել և հետազոտվել է նաև Քյարամ Թոռնիկի Ամոյանի վերաբերյալ ՀՀ ոստիկանության ինֆորմացիոն կենտրոնի կողմից տրված պահանջագիրը, ՀՀ Արդարադատության նախարարության քրեակատարողական վարչության այլընտրանքային պատիժների կատարման բաժնի կողմից ստացված գրությունը, «Datalex» տեղեկատվական համակարգից արտատպված՝ Քյարամ Թոռնիկի Ամոյանի վերաբերյալ Երևանի քրեական դատարանի 08.07.2008թ. դատավճիռը։

Բացի այդ, դատարանում հրապարակվել և հետազոտվել են նաև Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի կողմից նշանակված ստացիոնար դատահոգեբուժական փորձաքննության թիվ 60 եզրակացությունն այն մասին, որ սույն քրեական գործով «Իրեն մեղսագրված արարքի նկատմամբ Քյարամ Թոռնիկի Ամոյանին հարկ է ճանաչել սահմանափակ մեղսունակ»։

Նույն դատարանի 06.02.2015թ.-ի որոշմամբ նշանակված ստացիոնար դատահոգեբուժական փորձաքննության եզրակացությունները /թիվ 35, թիվ 97/ համաձայն որոնց՝ Քյարամ Ամոյանը տառապում է «Անձի օրգանական խանգարում կոգնիտիվ անբավարարությամբ և անձի ասթենիզացիայով, գլխուղեղի բարդ գենեզի ախտահարման հետևանքով /տրավմա, կրկնակի սուբարախնոիդալ արյունազեղումներ/» հոգեկան հիվանդությամբ, որից ելնելով նրան խորհուրդ է տրվում ամբուլատոր նյարդահոգեբույժի հսկողություն՝ կարիքն առաջանալու դեպքում բուժումը կազմակերպելով «Դատապարտյալների հիվանդանոց» ՔԿՀ-ում։


/տես` քրեական գործի նյութերը և դատական նիստի արձանագրությունը/




3.Դատարանի իրավական վերլուծությունները

Այսպիսով, դատարանը, ՀՀ քրեական դատավարության օրենսգրքի 127-րդ հոդվածի դրույթներին համապատասխան, հետազոտելով և գնահատելով ապացույցներն իրենց վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից` հիմնված ներքին համոզմամբ, ապացուցված է համարում այն որ ամբաստանյալ Քյարամ Թոռնիկի Ամոյանը ապօրինի ձեռք բերել, պահել և կրել հրազեն և ռազմամթերք հանդիսացող փամփուշտներ։ Բացի այդ, նա մասնակցել է նախնական համաձայնությամբ մի խումբ անձանց կողմից զենքի գործադրմամբ, բնակարան ապօրինի մուտք գործելով ավազակային հարձակման նախապատրաստությանը։
Այլ խոսքով, վերջինս կատարել է հանցանքներ, որոնք նախատեսված են ՀՀ քրեական օրենսգրքի 235-րդ հոդվածի 1-ին մասով և 35-175-րդ հոդվածի 2-րդ մասի 1-ին, 3-րդ և 4-րդ կետերով։
Դատարանը գտնում է, որ մեղսագրված հանցագործությունների կատարման համար Ք.Ամոյանը ենթակա է քրեական պատասխանատվության և պատժի։

Պատիժ նշանակելիս դատարանը հաշվի է առնում ինչպես ամբաստանյալի կողմից կատարած հանցագործությունների բնույթն ու դրանց հասարակական վտանգավորության աստիճանը, այնպես էլ նրա անձը բնութագրող, պատասխանատվությունը և պատիժը մեղմացնող և ծանրացնող հանգամանքները։

Որպես ամբաստանյալ Քյարամ Թոռնիկի Ամոյանին անձը բացասականորեն բնութագրող հանգամանք, դատարանը հաշվի է առնում այն, որ ամբաստանյալը ՀՀ Ոստիկանության ինֆորմացիոն կենտրոնի հաշվառումներով անցնում է որպես նախկինում դատվածություն ունեցող անձ. Մ.Ամոյանը Երևանի քրեական դատարանի կողմից 08.07.2008թ.-ին կայացված դատավճռով՝ ՀՀ քրեական օրենսգրքի 176-րդ հոդվածի 2-րդ մասի 1-ին, 2-րդ և 3-րդ կետերով դատապարտվել է ազատազրկման՝ 2 տարի 10 միս 2 օր ժամկետով։ Նշանակված պատիժը պայմանականորեն չի կիրառվել և սահմանվել է փորձաշրջան 3 տարի ժամկետով։ Սույն գործով մեղսագրված հանցանքը նա կատարել է գտնվելով պայմանական փորձաշրջանի մեջ, դատվածությունը մարված չէ։

/տես` դատական նիստի արձանագրությունը/

Դատարանը, վերլուծության ենթարկելով ամբաստանյալ Քյարամ Թոռնիկի Ամոյանին մեղսագրված հանցանքներում նրա պատասխանատվությունն ու պատիժը մեղմացնող և ծանրացնող հանգամանքները արձանագրում է հետևյալը՝


ՀՀ քրեական օրենսգրքի 26-րդ հոդվածի համաձայն՝

«1. Մեղսունակ անձը, ով հանցանքը կատարելիս հոգեկան խանգարման հետևանքով չէր կարող ամբողջությամբ գիտակցել իր գործողության (անգործության) փաստացի բնույթն ու հասարակական վտանգավորությունը կամ ղեկավարել դա, ենթակա է քրեական պատասխանատվության։
2. Սահմանափակ մեղսունակությունը, որպես մեղմացնող հանգամանք, հաշվի է առնվում պատիժ նշանակելիս և կարող է հիմք դառնալ պատժի հետ միաժամանակ բժշկական բնույթի հարկադրանքի միջոց նշանակելու համար»։

Ինչպես նշվեց վերևում՝ սույն գործի դատական քննության ընթացքում, Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի կողմից նշանակվել է ստացիորնար դատահոգեբուժական փորձաքննություն, որի վերաբերյալ տրված թկվ 60 եզրակացության համաձայն՝ «Իրեն մեղսագրված արարքի նկատմամբ Քյարամ Թոռնիկի Ամոյանին հարկ է ճանաչել սահմանափակ մեղսունակ»։

/տես` քրեական գործի նյութերը, դատական նիստի արձանագրությունը/

Նշվածը հաշվի առնելով դատարանը, ՀՀ քրեական օրենսգրքի 62-րդ հոդվածի 2-րդ մասի համաձայն` որպես ամբաստանյալ Քյարամ Թոռնիկի Ամոյանի պատասխանատվությունը և պատիժը մեղմացնող հանգամանքներ է դիտում այն, որ նա հանցանքը կատարելիս եղել է «սահմանափակ մեղսունակ», բացի այդ, ներկայումս տառապում է «Անձի օրգանական խանգարում կոգնիտիվ անբավարարությամբ և անձի ասթենիզացիայով, գլխուղեղի բարդ գենեզի ախտահարման հետևանքով /տրավմա, կրկնակի սուբարախնոիդալ արյունազեղումներ/» հոգեկան հիվանդությամբ, որից ելնելով նրան խորհուրդ է տրվում ամբուլատոր նյարդահոգեբույժի հսկողություն՝ կարիքն առաջանալու դեպքում բուժումը կազմակերպելով «Դատապարտյալների հիվանդանոց» ՔԿՀ-ում։

/տես` դատական նիստի արձանագրությունը,
քրեական գործի նյութերը/

Գործով հետազոտված ապացույցներով հաստատվեց, որ Քյարամ Թոռնիկի Ամոյանը Երևանի քրեական դատարանի կողմից 08.07.2008թ.-ին կայացված դատավճռով՝ ՀՀ քրեական օրենսգրքի 176-րդ հոդվածի 2-րդ մասի 1-ին, 2-րդ և 3-րդ կետերով դատապարտվել է ազատազրկման 2 տարի 10 միս 2 օր ժամկետով։ Նշանակված պատիժը պայմանականորեն չի կիրառվել և սահմանվել է փորձաշրջան 3 տարի ժամկետով։
Նույն դատավճռով արձանագրված է, որ հիշյալ հանցանքը Ամոյանը կատարել է անչափահաս տարիքում։

ՀՀ քրեական օրենսգրքի 22-րդ հոդվածի 4-րդ մասի համաձայն՝

«Այն հանցանքների համար դատվածությունը, որը հանվել կամ մարվել է օրենքով սահմանված կարգով, ինչպես նաև այն հանցանքները, որոնք կատարվել են մինչև անձի տասնութ տարին լրանալը, ռեցիդիվը գնահատելիս հաշվի չեն առնվում»։

Հետևաբար, դատարանն արձանագրում է, որ ամբաստանյալ Քյարամ Թոռնիկի Ամոյանի արարքում ինչպես որևէ ծանրության ռեցիդիվ, այնպես էլ նրա պատասխանատվությունը և պատիժը ծանրացնող այլ հանգամանքներ չկան։

/տես` դատական նիստի արձանագրությունը և քրեական գործի նյութերը/

Ելնելով գործի հանգամանքներից, ինչպես նաև հիմք ընդունելով ՀՀ Քրեական օրենսգրքի 10-րդ հոդվածի 1-ին կետի դրույթը, համաձայն որի` «Հանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացի` համապատաuխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար», ՀՀ քրեական օրենսգրքի 48-րդ հոդվածի 2-րդ կետի դրույթը, համաձայն որի` «Պատժի նպատակն է վերականգնել uոցիալական արդարությունը, ուղղել պատժի ենթարկված անձին, ինչպեu նաև կանխել հանցագործությունները» և 61-րդ հոդվածը, ըստ որի` «Պատժի տեսակը և չափը որոշվում են հանցագործության` հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում` պատասխանատվությունը և պատիժը մեղմացնող կամ ծանրացնող հանգամանքներով», դատարանը գտնում է, որ ամբաստանյալ Քյարամ Թոռնիկի Ամոյանի կողմից կատարված հանցավոր արարքների համար նրա նկատմամբ պետք է պատիժներ նշանակվեն ազատազրկման ձևով, որը նա պետք է կրի։

Անդրադառնալով ամբաստանյալի նկատմամբ նշանակվելիք պատժատեսակների և պատժաչափերի հարցերին դատարանն արձանագրում է հետևյալը.

Ինչպես նշվեց վերևում, դատարանն անձի նկատմամբ պատիժ նշանակելիս պետք է ղեկավարվի ՀՀ քրեական օրենսգրքի 10-րդ, 48-րդ և 61-րդ հոդվածների պահանջներով` հաշվի առնելով ինչպես օրենսդրական նորմերի պահանջները, այնպես էլ ՀՀ Վճռաբեկ դատարանի կողմից ձևավորված նախադեպային մի շարք մոտեցումներ։

Մասնավորապես, իր ՎԲ-142/07, ՎԲ-50/07, ՎԲ-192/07, ՎԲ-201/07, ԱՎԴ2/0059/01/08 որոշումներում քննարկվող հարցի առումով ՀՀ Վճռաբեկ դատարանն արտահայտել է ներքոհիշյալ իրավական դիրքորոշումները.

«ՀՀ քրեական օրենսգրքի 10-րդ հոդվածն ամրագրել է արդարության և պատասխանատվության անհատականացման սկզբունքը։ Պատիժ նշանակելիս արդարության սկզբունքը դրսևորվում է օրենքով նախատեսված մի շարք պահանջներով։ ՀՀ քրեական օրենսգրքի 61-րդ հոդվածի 1-ին մասը սահմանում է, որ հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է քրեական օրենսգրքի Հատուկ մասի համապատասխան հոդվածի սահմաններում՝ հաշվի առնելով նույն օրենսգրքի Ընդհանուր մասի դրույթները։

ՀՀ քրեական օրենսգրքի 10-րդ հոդվածի համաձայն՝ հանցանք կատարած անձի նկատմամբ կիրառվող պատիժն արդարացի է, եթե համապատասխանում է հանցանքի ծանրությանը, դա կատարելու հանգամանքներին, հանցավորի անձնավորությանը անհրաժեշտ և բավարար է անձին ուղղելու և նրա կողմից նոր հանցանքի կատարումը կանխելու համար։
Միևնույն ժամանակ, ՀՀ քրեական օրենսգրքի 48-րդ հոդվածի 2-րդ մասի համաձայն՝ հանցագործության համար մեղավոր ճանաչված անձի նկատմամբ նշանակվող պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները։

Պատիժ նշանակելիս հանցավորի նկատմամբ անհատական մոտեցումն անհրաժեշտ է, որպեսզի դատարանը պատժի տեսակն ու չափն ընտրելիս համոզվի, որ դրանով կհասնի պատժի վերը նշված նպատակներին, որոնք փոխկապակցված և փոխհամաձայնեցված են (մեկ նպատակը ենթադրում է մյուսները և յուրաքանչյուրի ինքնուրույն իրականացումն օժանդակում է մյուսներին)։ Այսինքն՝ պատժի նպատակներին հասնելու երաշխիք է հանցագործություն կատարած անձի նկատմամբ արդարացի, արարքի ծանրությանը և հասարակական վտանգավորությանը համապատասխան պատիժ նշանակելը։

ՀՀ քրեական օրենսգրքի 61-րդ հոդվածի 2-րդ մասի համաձայն՝ հանցագործության՝ հանրության համար վտանգավորության աստիճանը և բնույթը, հանցավորի անձը բնութագրող տվյալները, այդ թվում՝ պատասխանատվությունը և պատիժը մեղմացնող կամ ծանրացնող հանգամանքները, որոշիչ հանգամանքներ են պատժի տեսակը և չափը որոշելու հարցում։
Այլ կերպ` դատարանը պետք է բացահայտի կատարված կոնկրետ հանցանքի առանձնահատուկ հատկանիշները, որոնք կարող են ազդել հանրության համար վտանգավորության աստիճանի վրա (հանցագործության կատարման եղանակը, հանցավոր մտադրության իրականացման աստիճանը, վնասի չափը և այլն)»։

Սույն քրեական գործով պատիժ նշանակելիս դատարանը հաշվի է առնում ինչպես ամբաստանյալի կողմից կատարած հանցագործությունների բնույթն ու դրա հասարակական վտանգավորության աստիճանը, այնպես էլ նրա անձը բնութագրող, պատասխանատվությունը և պատիժը մեղմացնող և ծանրացնող հանգամանքները։

Այսպես.

ՀՀ քրեական օրենսգրքի 235-րդ հոդվածի 1-ին մասի համաձայն՝

«Ապօրինի կերպով հրազեն, բացի ողորկափող հրազենից և դրա փամփուշտներից, ռազմամթերք, ակոսափող հրազենի փամփուշտներ, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը՝ պատժվում է կալանքով՝ առավելագույնը երեք ամիս ժամկետով, կամ ազատազրկմամբ՝ առավելագույնը երեք տարի ժամկետով»։

ՀՀ քրեական օրենսգրքի 235-րդ հոդվածով նախատեսված հանցագործության սուբյեկտիվ կողմը բնութագրվում է ուղղակի դիտավորությամբ. անձը գիտակցում է, որ ապօրինի կերպով ձեռք է բերում, իրացնում, պահում, փոխադրում կամ կրում զենք, ռազմամթերք, պայթուցիկ նյութեր կամ պայթուցիկ սարքեր, գիտակցում է իր գործողությունների՝ հանրության համար վտանգավոր բնույթը և ցանկանում է կատարել այդ գործողությունները։

ՀՀ քրեական օրենսգրքի նշված հոդվածի սանկցիան այլընտրանքային է, այն հնարավորություն է տալիս դատարանին, ելնելով կոնկրետ հանցագործության հանրային վտանգավորության բնույթից և աստիճանից ու հանցավորի անձը բնութագրող տվյալներից հանցանք կատարած անձի նկատմամբ նշանակել արդարացի պատիժ` ընտրելով հոդվածի սանկցիայով նախատեսված պատժատեսակներից որևէ մեկը` կոնկրետ դեպքում՝ կալանքը կամ ազատազրկումը։

ՀՀ վճռաբեկ դատարանն իր` ԵՇԴ/0029/01/08 նախադեպային որոշմամբ արտահայտել է իրավական դիրքորոշում այն մասին, որ`

«13. /.../ այլընտրանքային սանկցիաների միջև ընտրություն կատարելիս պատժի արդարացիության սկզբունքի ապահովման հիմնական երաշխիքը դատարանների կողմից յուրաքանչյուր գործի քննության ժամանակ այնպիսի հանգամանքների բացահայտումն է, որոնք ազդել են անձի կողմից կատարված արարքի հանրային վտանգավորության բնույթի և աստիճանի վրա։

14. Արարքի հանրային վտանգավորության բնույթը հանցագործության որակական կողմն է, այն որոշվում է մեղքի ձևի և տեսակի, հանցագործության նպատակի և շարժառիթի, ինչպես նաև քրեական օրենսդրությամբ պահպանվող հասարակական հարաբերության` հանցանքի կատարման պահին ունեցած սոցիալական նշանակության, վերաբերյալ փաստական տվյալների ամբողջությամբ։

Արարքի հանրային վտանգավորության աստիճանի որոշման ժամանակ դատարանը պետք է բացահայտի կատարված հանցագործությամբ պատճառված վնասի չափը, հանցագործության կատարման եղանակը, հանցավոր մտադրության իրականացման աստիճանը, հանցակցության դեպքում` հանցավորի կատարած արարքը և հանցագործությանը նրա մասնակցության աստիճանը։

15. Արարքի հանրային վտանգավորության բնույթի որոշման հարցում Վճռաբեկ դատարանը կարևորում է խախտված քրեաիրավական նորմով պաշտպանվող հասարակական հարաբերության սոցիալական նշանակությունը։ Վճռաբեկ դատարանը գտնում է, որ պատիժ նշանակելիս դատարանները պարտավոր են հաշվի առնել տվյալ ժամանակահատվածում քրեական օրենսդրությամբ պահպանվող կոնկրետ հասարակական հարաբերության սոցիալական նշանակությունը, այդ ոլորտում պետության քրեական քաղաքականության ուղղվածությունը»։

Ամբաստանյալ Քյարամ Ամոյանի կողմից կատարած հանցագործությունների բնույթը և դրանց՝ հանրության համար վտանգավորության աստիճանը, դրա կատարման եղանակը, խախտված հասարակական հարաբերության սոցիալական նշանակությունը, դիտարկելով ՀՀ վճռաբեկ դատարանի վերը նշված որոշումների լույսի ներքո, միևնույն ժամանակ, դրանք համադրելով ամբաստանյալի անձը բնութագրող և պատասխանատվությունն ու պատիժը մեղմացնող հանգամանքների հետ, դատարանը գտնում է, որ վերջինս իր կատարած` ՀՀ քրեական օրենսգրքի 235-րդ հոդվածի 1-ին մասով նախատեսված, հանցագործության համար ենթակա է պատժի` այդ հանցագործության համար նախատեսված պատիժներից առավել խիստ պատժի` ազատազրկման ձևով, քանի որ դատարանը գտնում է, որ տվյալ դեպքում պատժի ավելի մեղմ տեսակը չի կարող ապահովել պատժի նպատակները։

Ավելին՝ դատարանն արձանագրում է, որ Քյարամ Ամոյանի նկատմամբ ՀՀ քրեական օրենսգրքի 235-րդ հոդվածի 1-ին մասով պատիժ նշանակելիս դատարանը պետք է հաշվի առնի այն, որ նա իր կողմից ապօրինաբար ձեռք բերված ու պահված հրազենը՝ ատրճանակը, ցանկացել է գործածել նախապատրաստվող ավազակային հարձակման ժամանակ։ Նշվածը վկայում է այդ արարքին բնորոշ հասարակական բարձր վտանգավորության մասին և դատարանին բերում այն համոզման, որ ամբաստանյալի նկատմամբ տվյալ հոդվածով նշանակվելիք պատիժը պետք է լինի խիստ։

Միևնույն ժամանակ, անդրադառնալով ՀՀ քրեական օրենսգրքի 35-175-րդ հոդվածի 2-րդ մասի 1-ին, 3-րդ և 4-րդ կետերով նախատեսված հանցավոր արարքը կատարելու համար ամբաստանյալի նկատմամբ նշանակվելիք պատժի հարցին դատարանն արձանագրում է հետևյալը՝

ՀՀ քրեական օրենսգրքի 35-175-րդ հոդվածի 2-րդ մասի 1-ին, 3-րդ և 4-րդ կետերի համաձայն`

«Ավազակությունը՝ ուրիշի գույքը հափշտակելու նպատակով հարձակումը, որը կատարվել է կյանքի կամ առողջության համար վտանգավոր բռնություն գործադրելով կամ դա գործադրելու սպառնալիքով՝ որը կատարվել է՝

2.՝ /.../

1) մի խումբ անձանց կողմից նախնական համաձայնությամբ,
(...)
3) բնակարան, պահեստարան կամ շինություն ապօրինի մուտք գործելով, պատժվում է ազատազրկմամբ՝ վեցից տասը տարի ժամկետով՝ գույքի բռնագրավմամբ կամ առանց դրա,
4.) զենքի կամ որպես զենք օգտագործվող այլ առարմաների գործադրմամբ

պատժվում է ազատազրկմամբ՝ վեցից տասը տարի ժամկետով՝ գույքի բռնագրավմամբ կամ առանց դրա»։

Նույն օրենսգրքի 65-րդ հոդվածի 2-րդ մասի համաձայն՝

«/…/ Հանցագործության նախապատրաստության համար ազատազրկման ձևով պատժի ժամկետը չի կարող գերազանցել սույն օրենսգրքի Հատուկ մասի համապատասխան հոդվածով կամ հոդվածի մասով որոշակի ժամկետով ազատազրկման ձևով նախատեսված պատժի առավելագույն ժամկետի կեսը»։

Այլ խոսքով, Ք.Ամոյանի նկատմամբ ՀՀ քրեական օրենսգրքի 35-175-րդ հոդվածի 2-րդ մասի 1-ին, 3-րդ և 4-րդ կետերով նշանակվելիք պատժաչափը չի կարող լինել ավելին՝ քան 5 /հինգ/ տարի ժամկետով ազատազրկումն է։

Դատարանն ամբաստանյալի անձը բնութագրող և պատասխանատվությունն ու պատիժը մեղմացնող հանգամանքների հաշվառմամբ, ինչպես նաև հաշվի առնելով հանցավորի՝ հանցանքի կատարման մեջ իրագործած հանցանքի աստիճանը, նաև պատճառված գույքային վնասի բացակայության հանգամանքը, արդարացված չի համարում տվյալ հոդվածով ամբաստանյալի նկատմամաբ գույքի բռնագրավման ձևով պատժի նշանակումը։

ՀՀ քրեական օրենսգրքի 67-րդ հոդվածի համաձայն`

«1. Եթե դատավճիռ կայացնելուց հետո, բայց մինչև պատժի լրիվ կրելը դատապարտյալը նոր հանցանք է կատարել, ապա դատարանը նոր դատավճռով նշանակված պատժին լրիվ կամ մասնակիորեն գումարում է նախորդ դատավճռով նշանակված պատժի չկրած մասը։
2. Դատավճիռների համակցությամբ վերջնական պատիժը, եթե դա կապված չէ ազատազրկման հետ, չի կարող գերազանցել սույն օրենսգրքի Ընդհանուր մասով պատժի տվյալ տեսակների համար սահմանված առավելագույն չափը։
3. Դատավճիռների համակցությամբ ազատազրկման ձևով վերջնական պատիժը չի կարող գերազանցել երեսուն տարին։
4. Դատավճիռների համակցությամբ վերջնական պատիժը պետք է ավելի մեծ լինի ինչպես նոր հանցագործության համար նշանակված պատժից, այնպես էլ նախորդ դատավճռով նշանակված պատժի չկրած մասից։
5. Դատավճիռների համակցությամբ պատիժ նշանակելիս լրացուցիչ պատիժների միացումը կատարվում է սույն օրենսգրքի 66-րդ հոդվածով սահմանված կանոններով։
6. Ցմահ ազատազրկում կրող դատապարտյալի կողմից նոր հանցանք կատարելու դեպքում նոր նշանակված պատիժը կլանվում է ցմահ ազատազրկմամբ»։

ՀՀ քրեական օրենսգրքի 70-րդ հոդվածի 7-րդ մասի համաձայն`

«/.../ 7. Փորձաշրջանի ընթացքում անձի կողմից միջին ծանրության, ծանր կամ առանձնապես ծանր դիտավորյալ հանցանք կատարելու դեպքում դատարանը վերացնում է պատիժը պայմանականորեն չկիրառելը և պատիժ նշանակում սույն օրենսգրքի 67-րդ հոդվածով նախատեսված կանոններով։ Նույն կանոններով պատիժ է նշանակվում նաև նոր անզգույշ կամ ոչ մեծ ծանրության դիտավորյալ հանցանք կատարելու դեպքում, եթե դատարանը վերացնում է պատիժը պայմանականորեն չկիրառելը»։

Նշվածից հետևում է, որ սույն գործով մեղսագրված հանցանքների համակցությամբ, ՀՀ քրեական օրենսգրքի 66-րդ հոդվածի կարգով պատիժ նշանակվելուց հետո, նշանակված պատժին նույն օրենսգրքի 67-րդ հոդվածի և 70-րդ հոդվածի 7-րդ մասի կանոններով՝ արդեն դատավճիռների համակցությամբ, մասնակիորեն պետք է գումարվի նաև Երևանի քրեական դատարանի կողմից 08.07.2008թ.-ին կայացված դատավճռով՝ ՀՀ քրեական օրենսգրքի 176-րդ հոդվածի 2-րդ մասի 1-ին, 2-րդ և 3-րդ կետերով անչափահաս Քյարամ Ամոյանի նկատմամբ նշանակված պատիժը՝ 2 տարի 10 միս 2 օր ժամկետով ազատազրկումը, քանի որ Ամոյանը սույն գործով մեղսագրված հանցանքները կատարել, ավարտել է գտնվելով նախկին դատավճռով նշանակված պատիժը պայմանականորեն չկիրառելու փորձաշրջանի մեջ։

Դատարանն, անդրադառնալով Ք.Ամոյանի նկատմամբ ընտրված խափանման միջոցի` կալանավորման հարցին, գտնում է, որ այն պետք է թողնել անփոփոխ` մինչև դատավճիռն օրինական ուժի մեջ մտնելը, հաշվի առնելով, որ ազատության մեջ գտնվելու պայմաններում ամբաստանյալը կարող է խուսափել նշանակված՝ իրական պատիժը կրելուց։

Լուծելով իրեղեն ապացույցների տնօրինման հարցը և ղեկավարվելով ՀՀ քրեական դատավարության օրենսգրքի 119-րդ հոդվածով` դատարանը գտնում է, որ ՀՀ ոստիկանության ՔԳՎ ՀԿԳ քննության քննչական խմբի ՀԿԳ ավագ քննիչ Ս.Հարությունյանի՝ 25.07.2012թ-ի` «իրեղեն ապացույց ճանաչելու մասին» որոշմամբ որպես իրեղեն ապացույցներ ճանաչված՝ Ատոմ Ղազազյանի և նրա ընտանիքի անդամների նկատմամբ 2011 թվականի մայիսի լույս 17-ի գիշերը կատարված ավազակային հարձակման դեպքի վայրի զննության ընթացքում առգրավված կպչուն ժապավենները, Ատոմ Ղազազյանի սև գույնի շապիկը, կանացի շրջազգեստը, որով կապել են նրա բերանը, Զարուհի Ղազազյանի կարճ թևերով սպիտակ շապիկը, Էդուարդ Բեզոյանի և նրա ընտանիքի անդամների նկատմամբ 2011 թվականի հունիսի լույս 01-ի գիշերը կատարված ավազակային հարձակման դեպքի վայրի զննության ընթացքում առգրավված կպչուն ժապավենները, Էդուարդ Բեզոյանի անթև շապիկը, սպորտային համազգեստի բաճկոնը և անդրավարտիքը, Կարեն Բեզոյանի սպորտային բաճկոնը, անդրավարտիքը, ջինսե հողաթափերը, Աղվան Գրիգորյանի և նրա ընտանիքի անդամների նկատմամբ 2011 թվականի հուլիսի լույս 02-ի գիշերը կատարված ավազակային հարձակման դեպքի վայրի զննության ընթացքում առգրավված կպչուն ժապավենները, Նապոլեոն Ազիզյանի և նրա ընտանիքի անդամների նկատմամբ 2011 թվականի օգոստոսի լույս 21-ի գիշերը կատարված ավազակային հարձակման դեպքի վայրի զննության ընթացքում առգրավված կպչուն ժապավենները, Երևանի Մյասնիկյան պողոտայում բանդայի անդամների կողմից վարած «Մերսեդես» մակնիշի ավտոմեքենայի վթարի դեպքի վայրի զննության ընթացքում ավտոմեքենայի միջից հայտնաբերված երեք հատ «Սամսունգ» բջջային հեռախոսներն իրենց տուփերով, բանդայի անդամների կողմից վարձակալած Երևանի Ամառանոցային փողոցի 1-ին նրբանցքի թիվ 20 տնից առգրավված մուգ կապույտ գույնի սպորտային պայուսակը, մեկ հատ կարմիր բռնակով և «Օրենտ» գրառումով արեստավորական բանալին՝ /ռազվոդնոյ կլյուչ/, երկու հատ օգտագործված կպչուն ժապավենները, 4 հատ սև դիմակները՝ յուրաքանչյուրի մեջ մեկական զույգ բանվորական ձեռնոցներով, ինչպես նաև մեկ հատ սև գույնի դիմակը, նույն դիմակների վրայից հայտնաբերված մազերը, 5 հատ չօգտագործված «Օրանժ» տեսակի հեռախոսաքարտերը, Երևանի Նանսենի փողոցի 4-րդ շենքի 30-րդ բնակարանի խուզարկությամբ արգրավված 3 հատ թաթերի հատվածը կտրված զուգագուլպաները և թաթի հատվածում երեք կլորավուն անցքով մեկ հատ զուգագուլպայի ստորին հատվածը, դատապարտյալ Արտուշ Հակոբյանին պատկանող «Համմեր» մակնիշի 19 DP 999 համարանիշի ավտոմեքենայի խուզարկությամբ առգրավված կապույտ գույնի ապակյա կլոր մոխրամանը, մեկ հատ թափանցիկ կպչուն ժապավենը, բանդայի անդամների կողմից վարձակալած՝ Կոտայքի մարզի Պտղնի-2, 1-ին թաղամասի 1-ին փողոցի 26-րդ ամառանոցի խուզարկությամբ առգրավված էլեկտրական սղոցի /բոլգարկայի/ բանալին, դատապարտյալ Արթուր Մանուկյանի սպորտային վերնազգեստը և վերջինիս ձեռքերից խծուծների վրա վերցված քսուկները՝ հանձնել նախաքննական մարմնին՝ սույն քրեական գործից անջատված մասով բանդայի՝ ինքնությունները չպարզված անդամների վերաբերյալ քրեական գործին կցելու և օրենքով սահմանված կարգով հետագա ընթացքը լուծելու համար։

Իրեղեն ապացույցներ ճանաչված և ՀՀ ոստիկանության փորձաքրեագիտական վարչության կողմից 23.09.2011թ.-ին տրված թիվ 1929 եզրակացությամբ հետազոտված՝ 9 մմ տրամաչափի ատրճանակ-գնդացիրը, 7.62մմ տրամաչափի «ՏՕԶ-49» տեսակի «XN 1105» համարի թմբուկավոր ատրճանակը, 5.45մմ տրամաչափի «ԱԿ-74» տեսակի «ԱՎ-312939» համարի ինքնաձիգը, 9մմ տրամաչափի «Մակարով» տեսակի «ՍԿ 3540 Ռ» համարի ատրճանակը, 7.62մմ տրամաչափի «ՏՏ» տեսակի «ՕԳ 34» համարի ատրճանակը, «Բլոու Ց 06» տեսակի «7-012348» համարի ձայնագազային ատրճանակը, ինչպես նաև նուն եզրակացությամբ հետազոտված և փորձարարական կրակոցների կատարումից հետո առկա տարբեր տրամաչափերի փամփուշտները՝ պահել ՀՀ ոստիկանության փորձաքրեագիտական վարչությունում՝ սույն քրեական գործից անջատված մասով բանդայի՝ ինքնությունները չպարզված անդամների վերաբերյալ քրեական գործով հետագա ընթացքը լուծելու համար։

Անդրադառնալով գործով կալանքի տակ գտնվող գույքերին, դատարանը գտնում է, որ ՀՀ ոստիկանության ՔԳՎ ՀԿԳ քննության քննչական խմբի ՀԿԳ ավագ քննիչ Ս.Հարությունյանի՝ 26.07.2012թ-ի` «Գույքի վրա կալանք դնելու մասին» որոշմամբ՝ կալանադրված՝ ԵԿԴ/0163/01/12 (16126411) քրեական գործով «Մերսեդես» մակնիշի ավտոմեքենայի վթարի դեպքի վայրի զննության ընթացքում հայտնաբերված 12.530 ՀՀ դրամ գումարը, «Նոկիա-1616-2» մոդելի 357904/04/020878/9 սերիական համարի, «Նոկիա 1110i»մոդելի 356421/01/093254/7 սերիական համարի «Սամսունգ GT-E1081T» մոդելի 355054/ 04/302012/0 սերիական համարի, «Սամսունգ GT-E2550» մոդելի 354136/04/672566/3 սերիական համարի, «Նոկիա 1280» մոդելի 358287/04/505415/3 սերիական համարի բջջային հեռախոսները, բանդայի անդամների կողմից վարձակալած Երևանի Ամառանոցային փողոցի 1-ին նրբանցքի 20-րդ տան խուզարկությամբ հայտաբերված «Կոլբեր» և «Կեինավ» գրառումներով ժամացույցները, «Սամսունգ GT-E1081T» մոդելի 355054/04/745874/8, 355054/04/745844/1 և 555054/04/745806/0 սերիական համարների, «Նոկիա-2600» մոդելի 35530000/303579/4 սերիական համարի, «Նոկիա-X1-01» մոդելի 358293/04/593044/2-358293/04/593045/9 սերիական համարի, «Նոկիա 5610d-1» մոդելի 354850/02/949725/2 սերիական համարի, «Բիլայն» մոդելի 357555043860958 սերիական համարի, «Նոկիա 1280» մոդելի 356271/04/685689/1 սերիական համարի, «Նոկիա 7390» մոդելի 353639/01/923882/1 սերիական համարի բջջային հեռախոսները, դատապարտյալ Արտուշ Ռուբիկի Հակոբյանի «Համմեր» մակնիշի 19 DP 999 հաշվառման համարանիշի ավտոմեքենայի խուզարկությամբ հայտնաբերված 281.000 ՀՀ դրամ գումարը, «Սամսունգ SGH-i900V» մոդելի 355494/02/354542/5 սերիական համարի բջջային հեռախոսը, վերջինիս անձնական խուզարկությամբ հայտնաբերված «Նոկիա 6500c» մոդելի 356381/02/838201/2 սերիական համարի բջջային հեռախոսը և «Կարտիե» տեսակի ձեռքի ժամացույցն ուղղել նշված քրեական գործով կայացված դատավճռով որպես լրացուցիչ պատիժ նշանակված գույքի բռնագրավումն ու դատական ծախսերի բռնագանձումն ի կատար ածելուն։ Ամբաստանյալ Քյարամ Թոռնիկի Ամոյանի անձնական խուզարկությամբ հայտնաբերված սպիտակ գույնի մետաղից խաչով շղթան, դեղին մետաղից կախազարդը, «Սամսունգ SGH-D900» մոդելի 353444/01/395392/5 սերիական համարի բջջային հեռախոսը վերադարձնել վերջինիս, իսկ Արման Դալլաքյանի անձնական խուզարկությամբ հայտնաբերված 30.000 ՀՀ դրամ գումարը վերադարձնել նրա հարազատներին։

Միևնույն ժամանակ, լուծելով նախաքննության ընթացքում կալանադրված գույքերի հարցը դատարանը գտնում է, որ ամբաստանյալ Քյարամ Թոռնիկի Ամոյանի անվամբ համատեղ սեփականության իրավունքով գրանցված Երևան քաղաքի Լեփսիուսի փողոցի 9-րդ շենքի 22-րդ բնակարանի վրա 28.09.2011թ-ի թիվ 7/1-5195 գրությամբ դրված արգելանքը՝ ենթակա է վերացման։

4. Եզրափակիչ մաս

Վերոգրյալի հիման վրա և ղեկավարվելով ՀՀ Քրեական դատավարության օրենսգրքի 357-360, 365, 369-373-րդ հոդվածներով, դատարանը

Վ Ճ Ռ Ե Ց
Քյարամ Թոռնիկի Ամոյանին մեղավոր ճանաչել ՀՀ Քրեական օրենսգրքի 35-175-րդ հոդվածի 2-րդ մասի 1-ին, 3-րդ և 4-րդ կետերով և 235-րդ հոդվածի 1-ին մասով նախատեսված հանցագործությունների կատարման մեջ։

ՀՀ քրեական օրենսգրքի 35-175-րդ հոդվածի 2-րդ մասի 1-ին, 3-րդ և 4-րդ կետերով Քյարամ Թոռնիկի Ամոյանի նկատմամբ պատիժ նշանակել՝ ազատազրկում` 5 /հինգ/ տարի ժամկետով՝ առանց գույքի բռնագրավման։ ՀՀ Քրեական օրենսգրքի 235-րդ հոդվածի 1-ին մասով պատիժ նշանակել՝ ազատազրկում` 2 /երկու/ տարի ժամկետով։

ՀՀ քրեական օրենսգրքի 66-րդ հոդվածի կիրառմամբ, հանցանքների համակցությամբ` նշանակված պատժիները մասնակիորեն գումարելու միջոցով Քյարամ Թոռնիկի Ամոյանի նկատմամբ պատիժ նշանակել` ազատազրկում 6 /վեց/ տարի ժամկետով՝ առանց գույքի բռնագրավման։

ՀՀ քրեական օրենսգրքի 70-րդ հոդվածի 7-րդ մասի կարգով վերացնել Քյարամ Թոռնիկի Ամոյանի նկատմամբ Երևանի քրեական դատարանի 08.07.2008թ.-ի դատավճռով սահմանված պատժի պայմանականորեն չկիրառումը և ՀՀ քրեական օրենսգրքի 67-րդ հոդվածի կարգով, դատավճիռների համակցությամբ, սույն դատավճռով նշանակված պատժին մասնակիորեն գումարելով վերը նշված դատավճռով նշանակված պատժի չկրած մասից` 1 /մեկ/ տարին` Քյարամ Թոռնիկի Ամոյանի նկատմամբ վերջնական պատիժ նշանակել ազատազրկում` 7 /յոթ/ տարի ժամկետով՝ առանց գույքի բռնագրավման։

Պատիժը կրելու ընթացքում Քյարամ Թոռնիկի Ամոյանին խորհուրդ է տրվում ամբուլատոր նյարդահոգեբույժի հսկողություն՝ կարիքն առաջանալու դեպքում բուժումը կազմակերպելով «Դատապարտյալների հիվանդանոց» ՔԿՀ-ում։

Քյարամ Թոռնիկի Ամոյանի նկատմամբ ընտրված խափանման միջոցը՝ կալանավորումը՝ թողնել անփոփոխ մինչև դատավճիռն օրինական ուժի մեջ մտնելը, նշանակված պատժի կրման սկիզբը հաշվել 2011թ. սեպտեմբերի 24-ից։

ՀՀ ոստիկանության ՔԳՎ ՀԿԳ քննության քննչական խմբի ՀԿԳ ավագ քննիչ Ս.Հարությունյանի՝ 25.07.2012թ-ի` «իրեղեն ապացույց ճանաչելու մասին» որոշմամբ որպես իրեղեն ապացույցներ ճանաչված՝ Ատոմ Ղազազյանի և նրա ընտանիքի անդամների նկատմամբ 2011 թվականի մայիսի լույս 17-ի գիշերը կատարված ավազակային հարձակման դեպքի վայրի զննության ընթացքում առգրավված կպչուն ժապավենները, Ատոմ Ղազազյանի սև գույնի շապիկը, կանացի շրջազգեստը, որով կապել են նրա բերանը, Զարուհի Ղազազյանի կարճ թևերով սպիտակ շապիկը, Էդուարդ Բեզոյանի և նրա ընտանիքի անդամների նկատմամբ 2011 թվականի հունիսի լույս 01-ի գիշերը կատարված ավազակային հարձակման դեպքի վայրի զննության ընթացքում առգրավված կպչուն ժապավենները, Էդուարդ Բեզոյանի անթև շապիկը, սպորտային համազգեստի բաճկոնը և անդրավարտիքը, Կարեն Բեզոյանի սպորտային բաճկոնը, անդրավարտիքը, ջինսե հողաթափերը, Աղվան Գրիգորյանի և նրա ընտանիքի անդամների նկատմամբ 2011 թվականի հուլիսի լույս 02-ի գիշերը կատարված ավազակային հարձակման դեպքի վայրի զննության ընթացքում առգրավված կպչուն ժապավենները, Նապոլեոն Ազիզյանի և նրա ընտանիքի անդամների նկատմամբ 2011 թվականի օգոստոսի լույս 21-ի գիշերը կատարված ավազակային հարձակման դեպքի վայրի զննության ընթացքում առգրավված կպչուն ժապավենները, Երևանի Մյասնիկյան պողոտայում բանդայի անդամների կողմից վարած «Մերսեդես» մակնիշի ավտոմեքենայի վթարի դեպքի վայրի զննության ընթացքում ավտոմեքենայի միջից հայտնաբերված երեք հատ «Սամսունգ» բջջային հեռախոսներն իրենց տուփերով, բանդայի անդամների կողմից վարձակալած Երևանի Ամառանոցային փողոցի 1-ին նրբանցքի թիվ 20 տնից առգրավված մուգ կապույտ գույնի սպորտային պայուսակը, մեկ հատ կարմիր բռնակով և «Օրենտ» գրառումով արեստավորական բանալին՝ /ռազվոդնոյ կլյուչ/, երկու հատ օգտագործված կպչուն ժապավենները, 4 հատ սև դիմակները՝ յուրաքանչյուրի մեջ մեկական զույգ բանվորական ձեռնոցներով, ինչպես նաև մեկ հատ սև գույնի դիմակը, նույն դիմակների վրայից հայտնաբերված մազերը, 5 հատ չօգտագործված «Օրանժ» տեսակի հեռախոսաքարտերը, Երևանի Նանսենի փողոցի 4-րդ շենքի 30-րդ բնակարանի խուզարկությամբ արգրավված 3 հատ թաթերի հատվածը կտրված զուգագուլպաները և թաթի հատվածում երեք կլորավուն անցքով մեկ հատ զուգագուլպայի ստորին հատվածը, դատապարտյալ Արտուշ Հակոբյանին պատկանող «Համմեր» մակնիշի 19 DP 999 համարանիշի ավտոմեքենայի խուզարկությամբ առգրավված կապույտ գույնի ապակյա կլոր մոխրամանը, մեկ հատ թափանցիկ կպչուն ժապավենը, բանդայի անդամների կողմից վարձակալած՝ Կոտայքի մարզի Պտղնի-2 1-ին թաղամասի 1-ին փողոցի 26-րդ ամառանոցի խուզարկությամբ առգրավված էլեկտրական սղոցի /բոլգարկայի/ բանալին, դատապարտյալ Արթուր Մանուկյանի սպորտային վերնազգեստը և վերջինիս ձեռքերից խծուծների վրա վերցված քսուկները՝ հանձնել նախաքննական մարմնին՝ սույն քրեական գործից անջատված մասով բանդայի՝ ինքնությունները չպարզված անդամների վերաբերյալ քրեական գործին կցելու և օրենքով սահմանված կարգով հետագա ընթացքը լուծելու համար։

Իրեղեն ապացույցներ ճանաչված և ՀՀ ոստիկանության փորձաքրեագիտական վարչության կողմից 23.09.2011թ.-ին տրված թիվ 1929 եզրակացությամբ հետազոտված՝ 9 մմ տրամաչափի ատրճանակ-գնդացիրը, 7.62մմ տրամաչափի «ՏՕԶ-49» տեսակի «XN 1105» համարի թմբուկավոր ատրճանակը, 5.45մմ տրամաչափի «ԱԿ-74» տեսակի «ԱՎ-312939» համարի ինքնաձիգը, 9մմ տրամաչափի «Մակարով» տեսակի «ՍԿ 3540 Ռ» համարի ատրճանակը, 7.62մմ տրամաչափի «ՏՏ» տեսակի «ՕԳ 34» համարի ատրճանակը, «Բլոու Ց 06» տեսակի «7-012348» համարի ձայնագազային ատրճանակը, ինչպես նաև նուն եզրակացությամբ հետազոտված և փորձարարական կրակոցների կատարումից հետո առկա տարբեր տրամաչափերի փամփուշտները՝ պահել ՀՀ ոստիկանության փորձաքրեագիտական վարչությունում՝ սույն քրեական գործից անջատված մասով բանդայի՝ ինքնությունները չպարզված անդամների վերաբերյալ քրեական գործով հետագա ընթացքը լուծելու համար։
ՀՀ ոստիկանության ՔԳՎ ՀԿԳ քննության քննչական խմբի ՀԿԳ ավագ քննիչ Ս.Հարությունյանի՝ 26.07.2012թ-ի` «Գույքի վրա կալանք դնելու մասին» որոշմամբ՝ կալանադրված՝ ԵԿԴ/0163/01/12 (16126411) քրեական գործով «Մերսեդես» մակնիշի ավտոմեքենայի վթարի դեպքի վայրի զննության ընթացքում հայտնաբերված 12.530 /տասներկու հազար հինգ հարյուր երեսուն/ ՀՀ դրամ գումարը, «Նոկիա-1616-2» մոդելի 357904/04/020878/9 սերիական համարի, «Նոկիա 1110i»մոդելի 356421/01/093254/7 սերիական համարի «Սամսունգ GT-E1081T» մոդելի 355054/ 04/302012/0 սերիական համարի, «Սամսունգ GT-E2550» մոդելի 354136/04/672566/3 սերիական համարի, «Նոկիա 1280» մոդելի 358287/04/505415/3 սերիական համարի բջջային հեռախոսները, բանդայի անդամների կողմից վարձակալած Երևանի Ամառանոցային փողոցի 1-ին նրբանցքի 20-րդ տան խուզարկությամբ հայտաբերված «Կոլբեր» և «Կեինավ» գրառումներով ժամացույցները, «Սամսունգ GT-E1081T» մոդելի 355054/04/745874/8, 355054/04/745844/1 և 555054/04/745806/0 սերիական համարների, «Նոկիա-2600» մոդելի 35530000/303579/4 սերիական համարի, «Նոկիա-X1-01» մոդելի 358293/04/593044/2-358293/04/593045/9 սերիական համարի, «Նոկիա 5610d-1» մոդելի 354850/02/949725/2 սերիական համարի, «Բիլայն» մոդելի 357555043860958 սերիական համարի, «Նոկիա 1280» մոդելի 356271/04/685689/1 սերիական համարի, «Նոկիա 7390» մոդելի 353639/01/923882/1 սերիական համարի բջջային հեռախոսները, դատապարտյալ Արտուշ Ռուբիկի Հակոբյանի «Համմեր» մակնիշի 19 DP 999 հաշվառման համարանիշի ավտոմեքենայի խուզարկությամբ հայտնաբերված 281.000 /երկու հարյուր ութսունմեկ հազար/ ՀՀ դրամ գումարը, «Սամսունգ SGH-i900V» մոդելի 355494/02/354542/5 սերիական համարի բջջային հեռախոսը, վերջինիս անձնական խուզարկությամբ հայտնաբերված «Նոկիա 6500c» մոդելի 356381/02/838201/2 սերիական համարի բջջային հեռախոսը և «Կարտիե» տեսակի ձեռքի ժամացույցն՝ ուղղել նշված քրեական գործով կայացված դատավճռով որպես լրացուցիչ պատիժ նշանակված գույքի բռնագրավումն ու դատական ծախսերի բռնագանձումն ի կատար ածելուն։

Ամբաստանյալ Քյարամ Թոռնիկի Ամոյանի անձնական խուզարկությամբ հայտնաբերված սպիտակ գույնի մետաղից խաչով շղթան, դեղին մետաղից կախազարդը, «Սամսունգ SGH-D900» մոդելի 353444/01/395392/5 սերիական համարի բջջային հեռախոսը վերադարձնել վերջինիս, իսկ Արման Դալլաքյանի անձնական խուզարկությամբ հայտնաբերված 30.000 /երեսուն հազար/ ՀՀ դրամ գումարը վերադարձնել նրա հարազատներին։

Ամբաստանյալ Քյարամ Թոռնիկի Ամոյանի անվամբ համատեղ սեփականության իրավունքով գրանցված Երևան քաղաքի Լեփսիուսի փողոցի 9-րդ շենքի 22-րդ բնակարանի վրա 28.09.2011թ-ի թիվ 7/1-5195 գրությամբ դրված արգելանքը՝ վերացնել։

Դատավճիռը կարող է բողոքարկվել ՀՀ Վերաքննիչ քրեական դատարան՝ հրապարակվելու օրվանից հետո` մեկամսյա ժամկետում։



Դ Ա Տ Ա Վ Ո Ր Մ. Մ Ա Կ Յ Ա Ն