Հիմնական
Գործի համար:
ԵԿԴ/0060/01/14
Վիճակագրական տողի համար :
1.9
Պատասխանող
Կարեն Պետրոսյան
Կարեն Պետրոսյան Վաչագանի
Կարեն Պետրոսյան
Դատավոր
Քրեական վերաքննիչ
Մհեր Արղամանյան
Հենրիկ Տեր-Ադամյան
Արարատ Պետրոսյան
Կենտրոն և Նորք-Մարաշ
Արմեն Բեկթաշյան
Վճռաբեկ
Դավիթ Ավետիսյան
Ելիզավետա Դանիելյան
Դատավոր
Քրեական վերաքննիչ
Մհեր Արղամանյան
Հենրիկ Տեր-Ադամյան
Արարատ Պետրոսյան
Կենտրոն և Նորք-Մարաշ
Արմեն Բեկթաշյան
Վճռաբեկ
Դավիթ Ավետիսյան
Ելիզավետա Դանիելյան
| Դատարան | Օր | Ժամ | Դատարանի դահլիճի համար | Ստատուս | Որոշում | Այլ նշումներ |
|---|---|---|---|---|---|---|
| Քրեական վերաքննիչ | 2015-04-01 | 16:00 | 4 | Կայացվել է | ||
| Կենտրոն և Նորք-Մարաշ | 2014-12-24 | 12:00 | 5 | Կայացել է | ||
| Վճռաբեկ | 2014-12-15 | 15:30 | 5 | Նշանակվել է դատական նիստ | ||
| Վճռաբեկ | 2014-12-12 | 12:00 | 5 | Նշանակվել է դատական նիստ | ||
| Վճռաբեկ | 2014-12-04 | 15:00 | 5 | Նշանակվել է դատական նիստ | ||
| Վճռաբեկ | 2014-11-14 | 15:00 | 5 | Նշանակվել է դատական նիստ | ||
| Վճռաբեկ | 2014-10-24 | 12:00 | 5 | Նշանակվել է դատական նիստ | ||
| Վճռաբեկ | 2014-10-06 | 12:00 | 5 | Նշանակվել է դատական նիստ | ||
| Վճռաբեկ | 2014-09-30 | 16:30 | 5 | Նշանակվել է դատական նիստ | ||
| Վճռաբեկ | 2014-09-10 | 16:30 | 5 | Նշանակվել է դատական նիստ | ||
| Վճռաբեկ | 2014-08-29 | 12:00 | 5 | Նշանակվել է դատական նիստ | ||
| Վճռաբեկ | 2014-08-04 | 12:00 | 5 | Նշանակվել է դատական նիստ | ||
| Վճռաբեկ | 2014-07-15 | 15:00 | 5 | Նշանակվել է դատական նիստ | ||
| Վճռաբեկ | 2014-06-30 | 12:00 | 5 | Նշանակվել է դատական նիստ | ||
| Վճռաբեկ | 2014-06-11 | 12:00 | 5 | Նշանակվել է դատական նիստ | ||
| Վճռաբեկ | 2014-05-26 | 12:00 | 5 | Նշանակվել է դատական նիստ | ||
| Կենտրոն և Նորք-Մարաշ | 2014-05-06 | 15:00 | 5 | Կայացել է |
Ո Ր Ո Շ Ո Ւ Մ
Հ Ա Ն Ո Ւ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ Ո Ւ Թ Յ Ա Ն
01.04.2015թ ք.Երևան
ԳՈՐԾ.N-ԵԿԴ/0060/01/14
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆԸ
ՀԵՏԵՎՅԱԼ ԿԱԶՄՈՎ՝
ՆԱԽԱԳԱՀՈՂ ԴԱՏԱՎՈՐ՝ Մ.ԱՐՂԱՄԱՆՅԱՆ
ԴԱՏԱՎՈՐՆԵՐ` Ա.ՊԵՏՐՈՍՅԱՆ
Հ.ՏԵՐ-ԱԴԱՄՅԱՆ
ՔԱՐՏՈՒՂԱՐՈՒԹՅԱՄԲ` Մ.ՄԵԼՔՈՆՅԱՆԻ
ՄԱՍՆԱԿՑՈՒԹՅԱՄԲ`
ՄԵՂԱԴՐՈՂ` Ա.ԵՐԻՑՅԱՆԻ
ՏՈւԺՈՂ` Գ.ՄՆՋՈՅԱՆԻ
ՊԱՇՏՊԱՆ` ՅՈւ.ԱԼՈՅԱՆԻ
ԱՄԲԱՍՏԱՆՅԱԼ` Կ.ՊԵՏՐՈՍՅԱՆԻ
դռնբաց դատական նիստում պաշտպան Յու. Ալոյանի վերաքննիչ բողոքի հիման վրա քննության առնելով քրեական գործն ըստ մեղադրանքի Կարեն Վաչագանի Պետրոսյանի` ՀՀ քրեական օրենսգրքի 112-րդ հոդվածի 1-ին մասով
Պ Ա Ր Զ Ե Ց
Գործի փաստական հանգամանքներն ու դատավարական ընթացքը
Կարեն Պետրոսյանը ծառայելով ՀՀ ոստիկանության պետական պահպանության գլխավոր վարչության կենտրոնական բաժնում որպես ոստիկան, 2014 թվականի հունվարի 08-ին ժամը 18:45-ի սահմաններում Երևան քաղաքի <<Անգլիական>> կոչվող այգում` Գ.Սունդուկյանի անվան թատրոնի դիմաց, խաղալիքների մանրածախ առևտրով զբաղվող իր մորից գումարներ պահանջելու հարցի շուրջ վիճաբանության և ծեծկռտուքի մեջ է մտել Գևորգ Մնջոյանի հետ, որի ընթացքում դանակով երկու անգամ հարվածել է Գևորգ Մնջոյանի որովայնին և կրծքավանդակին` դիտավորությամբ պատճառելով կյանքին վտանգ սպառնացող ծանր վնաս` որովայնի առաջային պատի թափանցող, մեծ ճարպոնի վնասումով ծակած-կտրած վերքի, կրծքավանդակի ձախ կեսի շրջանի կտրած վերքի ձևով:
Վերոգրյալ հանցանքի համար Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 2014 թվականի դեկտեմբերի 24-ի դատավճռով ամբաստանյալ Կարեն Պետրոսյանը մեղավոր է ճանավել ՀՀ քրեական օրենսգրքի 112-րդ հոդվածի 1-ին մասով և դատապարտվել ազատազրկման 4 տարի ժամկետով:
Նրա նկատմամբ ընտրված խափանման միջոց կալանավորումը թողնվել է անփոփոխ մինչև դատավճռի օրինական ուժի մեջ մտնելը` պատժի սկիզբը հաշվելով 2014 թվականի մարտի 04-ից:
Վերաքննիչ բողոքի հիմքերը, փաստարկներն ու պահանջները
Պաշտպան Յու.Ալոյանը վերաքննիչ բողոք է բերել Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 24.12.2014թ-ի դատավճռի դեմ` միջնորդելով բեկանել այն և Կարեն Պետրոսյանի նկատմամբ քրեական գործի վարույթը կարճել ՀՀ քրեական դատավարության օրենսգրքի 35-րդ հոդվածի 1-ին մասի 2-րդ կետով` նրա արարքում ՀՀ քրեական օրենսգրքի 112-րդ հոդվածի 1-ին մասով նախատեսված հանցակազմի բացակայության հիմքով:
Իր վերաքննիչ բողոքը պաշտպան Յու.Ալոյանը մասնավորապես պատճառաբանել է հետևյալով:
<<(…)Դատարանում հետազոտված ապացույցներով հետևյալ կոնկրետ փաստական տվյալներն են հիմնավորվել. 2014 թվականի հունվարի 8-ին ժամը 18։30-ի սահմաններում Կարեն Պետրոսյանի և Գևորգ Մնջոյանի միջև վիճաբանություն է սկսվել, որը վերածվել է կարճատև քաշքշուկի, ապա նաև, ինչպես պարզվել է <<լեզվակռվի>>։ Գևորգ Մնջոյանը բռնելով Կարեն Պետրոսյանի օձիքից քաշել և աստիճանահարթակից դեպի ներքև է քաշել վերջինիս: Քանի որ գետինը ծածկված է եղել ձյունով և սառույցով, ուստի Կարեն Պետրոսյանը սայթաքել և վայր է ընկել։ Այդ պահին դեպքին ներկա վկաներից Աստղիկ Անանյանը, Ռոզա Ամիրջանյանը, Մարիետա Բարխուդարյանը, Գեղանուշ Սիմոնյանը և այլ անձիք արագ միջամտել են, միաժամանակ Կարեն Պետրոսյանին բարձրացրել են գետնից և մի կողմ տարել Գևորգ Մնջոյանին։ Այս ամենից հետո Կարեն Պետրոսյանի և Գևորգ Մնջոյանի միջև վեճը հեռվից միմյանց վրա հոխորտալու բնույթ է կրել: Այդ ընթացքում Կարեն Պետրոսյանը և Գևորգ Մնջոյանը շրջապատված են եղել մարդկանցով, որոնք անմիջականորեն ընդգրկված են եղել վերջիններիս կողմից հեռվից հեռու միմյանց վրա հոխորտալու և մոտենալու փորձ կատարելու հետևանքով առաջացած հրմշտոցին։
Հավաքված ամբոխի միջից Գևորգ Մնջոյանին հանել և դեպի այգու շատրվաններն է տարել Գեղամ Ամիրջանյանը։ Որոշ ժամանակ անց Գևորգ Մնջոյանն անհասցե բղավել է <<էս խփեցիք ինձ>>։ Ըստ Գևորգ Մնջոյանի կողմից դատարանում տրված ցուցմունքի, նա այդ ասելով ի նկատի է ունեցել ոչ թե Կարեն Պետրոսյանին, այլև հավաքված անձանց, որ նրանցից մեկն է, այդ խառնաշփոթի մեջ, հարվածել և մարմնական վնասվածք է պատճառել իրեն։
Այդ լսելով, Կարեն Պետրոսյանը գնացել է դեպի Գևորգ Մնջոյանը, որպեսզի պարզի, թե ինչ է տեղի ունեցել։ Մինչև վերջինիս հասնելը, նա գետնից վերցրել է հեռախոս և բանալիների խուրձ և տեղեկանալով, որ դրանք պատկանում են Գևորգ Մնջոյանին, տվել է նրան։ Անտեղյակ լինելով կատարվածից, Կարեն Պետրոսյանը ասել է Գևորգ Մնջոյանին, որպեսզի վերջինս ցույց տա վնասվածքը։ Գևորգ Մնջոյանը բարձրացրել է հագուստը։ Կարեն Պետրոսյանն իր բջջային հեռախոսի լույսով մոտիկից զննել է վերքը։ Այդ ընթացքում Գևորգ Մնջոյանը ցանկացել է ձյուն դնել իր վերքի վրա, սակայն Կարեն Պետրոսյանը արգելել է նրան դա անել և խորհուրդ է տվել թաշկինակը պահել վերքի վրա և սեղմել, որպեսզի չարյունահոսի։ Կարեն Պետրոսյանը հարցրել է արդյոք նա չի տեսել, թե ով է իրեն հարվածել։ Գևորգ Մնջոյանը բացասական պատասխան է տվել։ Գեղամ Ամիրջանյանը վերջինիս ուղեկցել է հիվանդանոց։ Դրանից հետո Կարեն Պետրոսյանը մի կողմ է քաշվել և որպես ոստիկան, հայացքով զննել է տարածքն ու հետևել դեպքի վայրից հեռացող անձանց։ Սակայն կասկածելի ոչինչ չհայտնաբերելով, անմիջապես զանգահարել է իր հրամանատարին Արմեն Բեջանյանին, և հայտնել է, որ ինքը վիճաբանել է Գևորգ Մնջոյանի հետ, սակայն նրան մարմնական վնասվածք չի պատճառել։ Իր հրամանատարի ցուցումով, մինչև ոստիկանության օպերատիվ խմբի ժամանելը, մնացել է դեպքի վայրում։
Այսպիսով, անտեսելով վերը նշված փաստական հանգամաները, Դատարանը խախտել է ՀՀ քրեական դատավարության օրենսգրքի 360-րդ և 365-րդ հոդվածի 2-րդ մասի պահանջները:
ՀՀ քրեական դատավարության օրենսգրքի 365-րդ հոդվածի 2-րդ մասի համաձայն` Մեղադրական դատավճիռը չի կարող հիմնված լինել ենթադրությունների վրա և կայացվում է միայն այն դեպքում, երբ հանցանքը կատարելու մեջ ամբաստանյալի մեղավորությունն ապացուցված է դատական քննության ընթացքում: Հանցանքը կատարելու մեջ ամբաստանյալի մեղավորությունը կարող է համարվել ապացուցված, եթե դատարանը ղեկավարվելով անմեղության կանխավարկածով, հիմնվելով պատշաճ իրավական ընթացակարգի շրջանակներում դատական քննության ընթաղցքում գործի հանգամանքների հետազոտման արդյունքների վրա, դատաքննության ժամանակ հետազոտված հավաստի ապացույցների հիման վրա, ամբաստանյալի մեղավորության մասին չփարատվող բոլոր կասկածները նրա օգտին մեկնաբանելով, սույն օրենսգրքի 360 հոդվածի առաջին մասի 1-4-րդ կետերում նշված հարցերին տալիս է հաստատող պատասխան(…):
(…)Դատարանի կողմից անտեսվել են հետևյալ կարևորագույն հանգամանքները, որ դեպքի վայր ժամանած օպերատիվ խմբի անդամներին ներկայացնելով դեպքի հանգամանքները, Կարեն Պետրոսյանը հայտնել է, որ ցանկանում է ներկայանալ ոստիկանության բաժին և գրավոր զեկուցագիր գրել կատարվածի մասին։ Այս նպատակով Կարեն Պետրոսյանը ոստիկանության Կենտրոնի բաժնի քրեական հետախուզության բաժանմունքի օպեր լիազոր Հրանտ Հարությունյանի հետ եկել է ոստիկանության բաժին, սակայն նույն օպեր լիազորի կողմից կազմվել է անձին ոստիկանության բաժին բերման ենթարկելու արձանագրություն և առանց այդ արձանագրության բովանդակության պարզաբանումների տվել է Կարեն Պետրոսյանին ստորագրելու։ Վերջինս, առանց արձանագրության տեքստի հետ ծանոթանալու, ստորագրել է դրա տակ։
Դատարանում ոստիկանության Կենտրոնի բաժնի քրեական հետախուզության բաժանմունքի օպերլիազոր Հրանտ Հարությունյանը ցուցմունք է տվել, որ Կարեն Պետրոսյանին ոստիկանության բաժին բերման չի ենթարկել և բերման ենթարկելու հետ կապված որևէ գործողություն չի կատարել, քանի որ այդ ամենի անհրաժեշտությունը չի եղել։ Բացի այդ նա հայտնեց, որ ինքն ու Կարեն Պետրոսյանը միասին գնացել են ոստիկանության բաժին և դա նրա կողմից ձևակերպվեց որպես ոստիկանության բաժին հրավիրելու գործընթաց, բայց ոչ բերման ենթարկելու։ Միաժամանկ Հրանտ Հարությունյանը չկարողացավ դատարանում պարզաբանում տալ այն հակասական իրավիճակին, թե ինչու է ոստիկանության բաժին, այսպես ասած <<հրավիրված>> անձի նկատմամբ կազմել <<բերման ենթարկելու>> արձանագրություն։
Դատարանը շրջանցել է վերը նշված փաստական հանգամանքը և վճռում որպես <<ապացուցված>> հանգամանք նշել է հետևյալը. «...Դեպքից անմիջապես հետո ՀՀ ոստիկանության Կենտրոնական բաժնի ՔՀԲ-ի աշխատակիցների կողմից ամբաստանյալ Կարեն Պետրոսյանը բերման է ենթարկվել ՀՀ ոստիկանության Կենտրոնական բաժին և ենթարկվել անձնական խուզարկության>>(…):
(…) Դեպքին անմիջապես ներկա գտնվածները և նրանք, ովքեր միջամտել են վեճին և կողմերին բաժանել միմյանցից, դատարանում ցուցմունք են տվել, որ Կարեն Պետրոսյանի ձեռքին դանակ, կամ այլ սուր, կտրող, ծակող գործիք չեն տեսել։ Այն հարցին, եթե Կարեն Պետրոսյանի ձեռքին ինչ որ բան լիներ, կտեսնեին։ Ինչպես վկաները այնպես էլ տուժողը հայտնել են, որ Կարեն Պետրոսյանի ձեռքերում որևէ իր կամ առարկա չի եղել։ Եթե լիներ, ապա անպայման կտեսնեին։ Միաժամանակ, պետք է փաստել նաև, որ վերջիններս չեն տեսել, թե Գևորգ Մնջոյանն ինչպես է մարմնական վնասվածք ստացել։ Դեպքի վայրում ոչ ոք դանակ, կամ այլ սուր կտրող, ծակող գործիք չի տեսել։ Դրանք չեն հայտնաբերվել նաև Կարեն Պետրոսյանի մոտ վերջինիս թե դեպքի վայրում և թե ոստիկանության բաժնում զնության ենթարկելու ժամանակ։ Բացի այդ, Կարեն Պետրոսյանի մարմնի և հագուստի վրա զննությամբ արյան հետքեր չեն հայտնաբերվել։
Դատարանում տուժող Գևորգ Մևջոյանը ցուցմունքով հայտնել է, որ ինքը չի տեսել, որ Կարեն Պետրոսյանը իրեն մարմնական վնասվածք պատճառի և շարունակելով իր միտքը հայտնել է, որ միջադեպի ժամանակ ինքը շրջապատված է եղել բազմաթիվ այլ անձանցով և կասկածներ ունի, որ քաշքշուկի ընթացքում իրեն մոտ կանգնած անձանցից որևէ մեկը կարող էր օգտվել առիթից և իրեն մարմնական վնասվածք պատճառել։ Տրված այն հարցին, թե արդյոք նա որևէ պահանջ չունի Կարեն Պետրոսյանից, իր նկատմամբ կատարված արարքի համար։ Գևորգ Մնջոյանը հայտնել է, որ ինքը պահանջ կունենա այն անձից ով իրեն պատճառել է մարմնական վնասվածքը։ Կարեն Պետրոսյանից որևէ պահանջ չունի, քանի որ նա չի իրեն մարմնական վնասվածք պատճառողը։ Այս ամենից հետո նա պահանջել է գտնել իրեն մարմնական վնասվածք պատճառողին։
Այսպիսով վերլուծելով Կարեն Պետրոսյանի վարքագիծը, Գևորգ Մնջոյանի հետ վիճաբանությանը նախորդող և հաջորդող պահերին, վկայում են այն մասին, որ նա Գևորգ Մնջոյանին մարմնական վնասվածք պատճառողը չէ, որ քրեական հետապնդման ողջ ընթացքում նրա նկատմամբ անմեղության կանխավարկածի փոխարեն գործել է մեղավորության կանխավարկածը, երբ անձի մեղավորությունը չի ապացուցվում, այլ հայտարարվում է։
Դատարանի կողմից չեն կիրառվել կիրառման ենթակա ՀՀ քրեական դատավարության օրենսգրքի 35 հոդվածի 2-րդ մասի պահանջները, համաձայն որի քրեական հետապնդումը ենթակա է դադարեցման, իսկ գործի վարույթը ենթակա է կարճման՝ կատարված հանցագործությունը կասկածյալի կամ մեղադրյալի մասնակցությունն ապացուցված չլինելու արդյունքում, եթե սպառված են նոր ապացույցներ ձեռք բերելու բոլոր հնարավորությունները(…)>>։
Վերաքննիչ դատարանի դատաքննության ընթացքում պաշտպան Յու.Ալոյանը և ամբաստանյալ Կ.Պետրոսյանը նույն հիմքերով ու հիմնավորումներով ներկայացրած վերաքննիչ բողոքը պնդեցին, մեղադրող Ա.Երիցյանը բողոքի դեմ առարկեց` միջնորդելով առաջին ատյանի դատարանի դատավճիռը թողնել անփոփոխ, տուժող Գ.Մնջոյանը վերաքննիչ բողոքի կապակցությամբ ըստ էության որևէ դիրքորոշում չհայտնեց:
Վերաքննիչ դատարանի պատճառաբանություններն ու եզրահանգումները
Ստուգելով գործի փաստական հանգամանքների բացահայտման ու քրեական օրենքի կիրառման ճշտությունը, ինչպես նաև գործը քննելիս և լուծելիս քրեադատավարական օրենքի նորմերի պահպանումը, վերաքննիչ բողոքում նշված հիմքերի սահմաններում վերլուծելով քրեական գործի նյութերը, դատաքննության ընթացքում լսելով բողոքում ներկայացված իրենց հետևությունները հիմնավորելու մասին պաշտպանի ու ամբաստանյալի պատճառաբանությունները, տուժողի պատասխանը, մեղադրողի առարկությունները, վերաքննիչ դատարանը հանգում է այն հետևության, որ Երևան Կենտրոն և Նորք-Մարաշ վարչական շրջանների ընդհանուր իրավասության դատարանի 2014 թվականի դեկտեմբերի 24- դատավճիռը պետք է թողնել անփոփոխ, իսկ պաշտպանի վերաքննիչ բողոքը մերժել` հետևյալ պատճառաբանությամբ.
ՀՀ քրեական օրենսգրքի 112-րդ հոդվածի 1-ին մասով առաջադրված մեղադրանքում Կարեն Պետրոսյանն իրեն մեղավոր չի ճանաչել և նախաքննության ընթացքում հրաժարվել է ցուցմունքներ տալուց, իսկ առաջին ատյանի դատարանում ցուցմունք է տվել այն մասին, որ մայրը` Մարետա Բարխուդարյանը, ժամանակ առ ժամանակ Սունդուկյանի անվան թատրոնի մոտ զբաղվել է մանկական խաղալիքների մանրածախ առևտրով, որպեսզի որևէ կերպ թեթևացնի իրենց ընտանիքի հոգսերը: 2014 թվականի հունվարի 08-ին մայրը խնդրել է, որ ինքը նրան օգնի: Ժամը 17-ից ինքը գտնվել է այնտեղ` թատրոնի մոտ, ժամը 19-ի սահմաններում իրենց է մոտեցել մի երիտասարդ, ներկայացել որպես այգու պահակ և ասել, որ վաճառողների գնալուց հետո նրանք են մաքրում այդ տարածքը, ինչի համար բոլորը պետք է 1000-ական դրամ վճարեն: Այդ պահին մորից բացի նույն աստիճանահարթակի վրա խաղալիքներ են վաճառել նաև այլ անձինք, մոտ 15-ից 20 հոգի: Ինչպես իրենք, այնպես էլ մյուսները, ասել են, որ առևտուրը դեռ չեն ավարտել և փող չունեն, վերջում կտան, սակայն այդ տղան, որի անունը հետագայում իմացել է, որ Անդրանիկ է, երևի ճիշտ չի հասկացել իրենց ասածն ու նրա մոտ տպավորություն է առաջացել, որ հրաժարվում են այդ գումարը տալուց և ասել է, որ հիմա մարդ կգա և իրենց հետ կխոսի: Մոտավորապես 5-7 րոպե անց մոտեցել է մի երիտասարդ, ով գումարը վճարել չհամաձայնողների հասցեին անվայել խոսքեր է ասել, նրան հորդորել է, որ այդպես չխոսի և, որ կողքին կանգնածն իր մայրն է, տարածքում այլ կանայք ու երեխաներ կան: Նաև հարցրել է, թե այդ խոսքերն ում էին ուղղված: Նա էլ պատասխանել է, որ հենց իրեն: Այդ ընթացքում նա ձգվել է դեպի աստիճանավանդակը, մի երկու աստիճան բարձրացել և բռնելով իրեն` քաշել է դեպի ներքև: Քանի որ տարածքը ձյունապատ և սառույցապատ է եղել, ինքը սայթաքել ու վայր է ընկել: Ընկած տեղից իրեն կանայք են բարձրացրել, որից հետո փորձել է այդ երիտասարդին կարգի հրավիրել, սակայն կանայք իրեն հետ են հրել: Նույն պահին նաև մի քանի հոգի էլ հետ են հրել նրան, որպեսզի իրեն չմոտենա: Առաջացած աղմուկի վրա թե վեճը դադարեցնելու համար, և թե հետաքրքրությունից դրդված, իրենց շուրջը հավաքվել են մի խումբ անձինք: Մոտ մեկ-երկու մետր հեռավարության վրա միմյանց մոտենալու փորձ կատարելով, իրենք լեզվակռվի մեջ են մտել: Այդ ամենը տևել է մոտ 1-2 րոպե, որից հետո հավաքված մարդիկ իրեն մի կողմ են տարել, իսկ այդ տղային, ով հետո իմացել է, որ Գևորգ Մնջոյանն, է տարել են դեպի շատրվանների կողմը: Միջադեպի ավարտից որոշ ժամանակ անց Գևորգը բղավել է` <<ինձ խփել են>>, ինչը լսելով գնացել է նրա կողմը: Գետնից վերցրել է հեռախոս, բանալիների մի խուրձ, մոտեցել նրան, ցույց է տվել գտած իրերը և հարցրել, թե իրենն է, թե ոչ, նա հասկացրել է, որ իրենն է և ասել, որ իրեն խփել են: Այդ պահին տեսել է նաև իրենց բաժնի ոստիկան Գեղամ Ամիրջանյանին, ով իր հարցական հայացքին ի պատասխան` ցույց է տվել իր արյունոտված ձեռքը ու ասել, որ խփած է: Այդ ընթացքում Գևորգի ձեռքը ձախ կողքի վրա է դրված եղել: Ինքն ասել է, որ շորը բարձրացնի տեսնեն ինչ է եղել, նա բարձրացրել է իր հագուստը, ավելի մոտ է գնացել և իր բջջային հեռախոսի էկրանի լույսը պահել է նրա ցույց տված հատվածին և տեսել է, որ վնասվածք է ստացել: Ինքը հանկարծակիի է եկել, շփոթվել ու զարմացել, քանի որ նրան այդ վնասվածքը չի պատճառել: Հարցրել է, որ հնարավոր է նրա գրպանում սուր ինչ որ բան կա, որը հրմշտոցի ժամանակ վնասած լինի նրան: Նա էլ պատասխանել է, որ <<չէ ախպեր, ինձ խփել են>>: Գևորգը ցանկացել է ձյուն դնել վերքի վրա, ինքը չի թողել, ասելով, որ ձյունը կարող է վնասել, լավ կլինի թաշկինակով լավ սեղմի վերքի վրա, որ չարյունահոսի: Անմիջապես բղավել է, որ զանգահարեն շտապօգնություն, միևնույն ժամանակ նայել է չորսբոլորը, փորձել է հեռու և մոտ կանգնած մարդկանց մեջ գտնել շփոթված, դեպի հեռուն վազող մարդ: Տեսնելով, որ Գեղամը զանգահարել է շտապօգնություն, նրանցից մի քանի քայլ հեռացել է և զանգահարել իր անմիջական ղեկավար Արմեն Բեջանյանին ու հայտնել, որ Սունդուկյանի թատրոնի մոտ է, վիճաբանություն է եղել, այդ ընթացքում իր հետ վիճաբանող տղան վնասվածք է ստացել, սակայն ինքը չի նրան պատճառել այդ վնասվածքը: Բեջանյանն ասել է, որ այնտեղ մնա, խումբ կուղարկի ու նրանց հետ կգա: Մինչև ոստիկանության աշխատակիցների գալը, Գեղամ Ամիրջանյանը Գևորգին տարել է հիվանդանոց: Մինչև ոստիկանության օպերատիվ խմբի գալը ինքը մնացել է այնտեղ, այնուհետև մոտեցել է նրանց և պատմել կատարվածի մասին: Դեպքի վայր եկած օպեր լիազորներից մեկն ասել է, քանի որ վիճաբանությունը իր հետ է տեղի ունեցել, ուստի պետք է գնան ոստիկանության բաժին` պարզելու եղելությունը: Միասին իր ավտոմեքենայով գնացել են բաժին, որտեղ քննիչին և քրեական հետախուզության պետին տեղեկացրել է, որ թատրոնի տարածքը տեսաձայնագրվում է և խնդրել է որպեսզի նրանք առգրավեն այդ ձայնագրությունները և այն օգտագործեն օբյեկտիվ քննության ժամանակ: Տեսախցիկը ուղղված է եղել այն տարածքի կողմը, որտեղ տեղի է ունեցել իր և Գևորգի վիճաբանությունը, մի երկու օրից ներկայացել է բաժին, որտեղ քննիչն իրեն հայտնել է, որ սարքն այդ ամենը չի նկարահանել: Քրեական գործում այդ մասին որևէ փաստաթուղթ կամ արձանագրություն չկա և եթե այդ տեսաձայնագրման տվյալները լինեին, ապա հաստատապես համոզված է, որ ինքը չէր հայտնվի ամբաստանյալի կարգավիճակում: Ինքը Գևորգին մարմնական վնասվածք չի հասցրել, ուստի խնդրում է քրեական գործը կարճել:
Գործով ձեռք բերված ապացույցների համակցությամբ վերլուծելով ու գնահատելով Կարեն Պետրոսյանի ցուցմունքները, վերաքննիչ քրեական դատարանը հանգում է այն հետևության, որ ինչպես դրանք, այնպես էլ պաշտպան Յու.Ալոյանի կողմից վերաքննիչ բողոքում բերված պատճառաբանություններն անհիմն են, նպատակ են հետապնդում ազատելու նրան պատասխանատվությունից ու պատժից, դրանք հերքվում և ամբաստանյալին մեղսագրվող արարքը հիմնավորվում է գործի փաստական տվյալների ներքոշարադրյալ ամբողջությամբ:
Տուժող Գևորգ Մնջոյանը առաջին ատյանի դատարանի դատաքննության ընթացքում ցուցմունքներ է տվել այն մասին, որ 2014 թվականի հունվարի 08-ին կանգնած է եղել իրենց գրասենյակի դիմաց, երբ զանգահարել է այգու աշխատակից Անդրանիկն ու ասել, որ թատրոնի մոտ կրկին առևտրականներ են հավաքվել: Գնացել է այգի` նրանց հանելու նպատակով, քանի որ նրանք մշտապես կեղտոտել են այգու տարածքը, որի պատճառով նրանց արգելել է այնտեղ առևտուր անել: Դրանից հետո առևտրականները իր բանվորի և հավաքարարի հետ պայմանավորվել են, որ գումար կտան աղբը մաքրելու համար: Իրեն չի հետաքրքրել, թե ով կհավաքի աղբը, էական է եղել այգու մաքրությունը: Համաձայնություն է տվել առևտրականներին միայն պայմանով, որ նրանք պետք է աղբը հավաքեն: Իրեն ընդհանրապես դուր չի եկել, որ առևտրականները այգում առևտուր են արել և տեղյակ է եղել, որ իր աշխատողները գումար են հավաքել առևտրականներից` այգին մաքրելու համար: Անդրանիկը դեպքի օրն իրեն գումարի մասին ոչինչ չի ասել, միայն ասել է, որ առևտրականները հավաքվել են այգում: Վրդովված գնացել և բոլորին ասել է <<սիկտիր եղեք ստեղից…>>: Կարենը հարցրել է, թե ում հետ է, ինքը պատասխանել է, որ դա նաև նրան է վերաբերում: Իր համբերությունն արդեն հատած է եղել` առևտրականների թափած աղբը հավաքելու համար անընդհատ գումար ծախսելուց: Կարենի հետ քաշքշուկ է սկսվել, նա սառույցի վրա ընկել է: Ինքը չի ծեծել Կարենին, չի հարվածել: Ուղղակի հրել է նրան: Կարենն իրեն չի հրել: Քաշքշուկի ժամանակ հավաքված մարդկանց մի մասն իրեն ավելի մոտ են գտնվել, քան Կարենը: Այդ ընթացքում իրենց է մոտեցել քաղաքացիական հագուստով մի անձ, ներկայացել է որպես ոստիկան: Ինքը այդ ոստիկանի հետ առանձնացել է 15-20 մետր հեռու և զրուցել են: Նա հարցրել է ինչ է պատահել, ինչին պատասխանել է, որ առևտրականները գալիս աղբ են թափում, իսկ ինքը պարտավոր չէ նրանց հետևից հավաքել: Այդ պահին մրմռոց է զգացել: Բարձրացրել է հագուստը, տեսել է, որ որովայնն ամբողջությամբ արյուն է: Ոստիկանը իրեն տարել է Սունդուկյանի արձանի մոտ գտնվող քարի մոտ, ինքը նստել է, զանգել է ընկերոջը: Քաշքշուկի ժամանակ բանալիներն ու հեռախոսը կորցրած է եղել: Քաշքշուկից հետո, երբ նստած է եղել Սունդուկյանի արձանի մոտ, իրեն է մոտեցել Կարենը, լույս է գցել իր վերքին նայել է, տվել է իր բանալիներն ու գնացել: Վնասվածքը տեսնելուց հետո ընդհանուր է բացականչել <<ով խփեց>>: Այդ ժամանակ մեկ անգամ անհասցե հայհոյել է: Իր հետի ոստիկանը զանգահարել է շտապօգնություն և իր վերադասներին: Շտապօգնությունը ուշացել է, և իր ընկերն ու իրեն մոտեցած ոստիկանը տաքսի ավտոմեքենայով իրեն տարել են հիվանդանոց: Քաշքշուկից բավականին ժամանակ անց է ցավ զգացել: Ինքը չգիտի` ով է խփել իրեն, չի տեսել և չի զգացել: Դեպքի վայրում եղել են և կանայք, և տղամարդիկ: Ոստիկանը իրեն չի ասել, որ Կարենի ընկերն է: Քաշքշուկի ժամանակ իր և Կարենի շուրջ շատ մարդիկ են հավաքված եղել և եթե կասկած լիներ, որ Կարենն է իրեն հարվածել, ապա վիճաբանությունը կշարունակվեր իրեն դանակով հարվածելու համար:
Վերաքննիչ դատարանի դատաքննության ընթացքում տուժող Գևորգ Մնջոյանը ներկայացված վերաքննիչ բողոքի կապակցությամբ ըստ էության որևէ դիրքորոշում չհայտնեց`պատճառաբանելով, որ հստակ չի կարող ասել, թե ով է իրեն դանակով հարվածել ու մարմնական վնասվածք պատճառել, Կարեն Պետրոսյանը, թե այլ անձնավորություն և իրեն էլ հետաքրքիր է իմանալ, թե ում հարվածից է ինքը վնասվածք ստացել:
Նախաքննության ընթացքում տուժող Գևորգ Մնջոյանը ցուցմունքներ է տվել այն մասին, որ պարզ է` եթե վիճաբանել է Կարեն Պետրոսյանի հետ, նա էլ պետք է, որ իրեն հարվածած և նման վնասվածք պատճառված լինի, քանի որ վաճառական կանանցից և իրենց բաժանող ոստիկանից բացի չի տեսել, որ ուրիշ որևէ տղամարդ խառնվի վիճաբանությանը և բացի Կարենից իրեն այլ անձ չի քաշքշել, ձեռքով կամ ոտքերով հարվածող չի եղել, միայն եղել են բաժանողներ:
Վկա Գեղամ Ամիրջանյանը ցուցմունքներ է տվել այն մասին, որ աշխատում է Կենտրոնի պահպանության բաժնում որպես ոստիկան: Դեպքի օրը ինքը կնոջն ու երեխային տարել է Սունդուկյանի անվան թատրոն` ներկայացման: Երբ դրսում կանգնած ծխելիս է եղել, հայհոյանքներ է լսել, քաշքշուկ է եղել: Տեսել է, որ վիճաբանողներից մեկը իրենց բաժնի աշխատակից Կարեն Պետրոսյանն է: Կանայք են եղել, ովքեր բաժանել են վիճաբանողներին: Որպես ոստիկանության աշխատակից մոտեցել է, երկու կռիվ անողներից մեկի հետ առանձնացել են: Նա իրեն ասել է, որ կողքը ցավում է, բացել են, տեսել, որ արյուն է գալիս: Տեսնելով, որ վիրավորվել է Գևորգը հարցրել է <<Կարեն դու խփեցիր>> և հայհոյել է Կարենին, ինքը նրան տարել նստացրել է այնտեղ գտնվող արձանի մոտ: Իրեն թվում է, որ Կարենի անունը Գևորգը իմացել է, երբ նրա անունը կողքից բարձրաձայնվել է: Գևորգի ընկերները եկել են հարցրել են ով է խփել, իսկ Գևորգը նրանց ցույց է տվել Կարենին: Նրանք մոտեցել են Կարենին և քաշքշել, Կարենը մոտեցել է, հեռախոսի լույսով փորձել է տեսնել ինչ է տեղի ունեցել: Հարցրել է Գևորգին, գուցե նրա մոտ է դանակ եղել, որը ծակել է նրա որովայնը: Այդ պահին կրկին վեճ է փորձել սկսվել, սակայն Կարենին հեռացրել են: Ինքը Կարենի մոտ դանակ չի տեսել, նրա հագուստին արյան հետքեր չի տեսել:
Տուժող Գևորգ Մնջոյանի հետ առերես հարցաքննության ժամանակ Գեղամ Ամիրջանյանը հայտնել է, որ 2014 թվականի հունվարի 08-ին, երբ ծխելու նպատակով դուրս է եկել թատրոնի շենքից, դեռ ծխախոտը չվառած տեսել է, որ թատրոնի դիմացի հարթակի վրա մի քանի վաճառական կանայք են եղել, իսկ հենց հարթակի դիմաց` այգու մեջ` Գ.Սունդուկյանի արձանի դիմաց երկու տղա փոխադարձ քաշքշում, հրում, վիճաբանում են: Իր հիշելով չորս կանայք փորձում են նրանց բաժանել, հանգստացնել միաժամանակ լսել է սեռական բնույթի հայհոյանքներ, սակայն, թե ով է կոնկրետ հայհոյել, չի կարող ասել, քանի որ խառնաշփոթ վիճակ է եղել: Տեսնելով այդ ամենը անմիջապես մոտեցել է այդ երկու տղաներին, որոնցից մեկին մի կողմ են քաշել կանայք, իսկ ինքը հեռու է տարել երկրորդ տղային, ով հետո իմացել է, որ Գևորգ Մնջոյանն է և ներկայացել է, որպես ոստիկանության աշխատակից: Իր միջամտելուց անմիջապես նրանք հանդարդվել են: Երբ ինքը հանգստացրել և մի կողմ է տարել Գևորգ Մնջոյանին, փորձել է պարզել որն է վեճի պատճառը, միաժամանակ հանդարտացնելով բոլորին, նույն պահին, երբ ինքը և Գևորգը առանձին են եղել կանգնած, ձեռքով հետ հրելով նրան, վերջինը ցավ է զգացել, իսկ ինքը զգացել է, որ հագուստը որովայնի մասում թաց է: Գևորգ Մնջոյանը բարձրացրել է հագուստները և տեսել է, որ նրա որովայնի ձախ հատվածը արնաշաղախ է, նա նույն պաին բարձրաձայն ասել է <<Արա Կարեն, էս ինձ դանակով խփել ես, պատասխան ես տալու>> և Կարենին մայր է հայհոյել: Երբ Կարենը մոտեցել է իրենց, տեսել է, որ նա իրենց բաժնի աշխատակից Կարեն Պետրոսյանն է, ում հետ վիճաբանել է Գևորգը և որին ինքը մինչ այդ չի նկատել: Ինքը տեսնելով և հասկանալով, որ Գևորգը վնասվածք է ստացել, նրան նստեցրել է Գ.Սունդուկյանի արձանի պատվանդանին: Այդ ժամանակ Կարենը պահել է իր հեռախոսի լույսը Գևորգի որովայնին և ասել է <<Կարողա ջեբտ դանակա եղել, որ ընգնելուց մտել է փորդ>>, իսկ Գևորգն ասել է, որ իր մոտ դանակ չկա, հենց ինքը` Կարենն է դանակով խփել: Անմիջապես իր հեռախոսով զանգահարել է շտապօգնություն: Մի քանի րոպե անց իրենց են մոտեցել երկու տղամարդ, հասկացել է, որ Գևորգի ընկերներն են և հարցրել են, թե ինչ է պատահել, Գևորգը նորից մատնանշել է Կարեն Պետրոսյանին և ասել, որ վերջինս իրեն դանակով հարվածել է: Այդ տղաները մոտեցել են Կարենին, քաշքշել հագուստից և Կարենին ասել են, որ գա որպեսզի պարզաբանեն, թե ինչ է պատահել, սակայն Կարենը չի գնացել և նրանց միջև կռիվ չի եղել: Այնուհետև Գևորգին նրա ընկերոջ հետ պատահական տաքսիով տարել են հիվանդանոց:
Վկա Մարետա Բարխուդարյանը ցուցմունքներ է տվել այն մասին, որ հանդիսանում է Կարեն Պետրոսյանի մայրը: Դեպքի օրը իրենք գնացել են Սուդուկյանի այգի` մանկական խաղալիքներ վաճառելու: Մինչ այդ օրը մի քանի անգամներ, որ ինքը Գ.Սունդուկյանի թատրոնի մոտակայքում առևտրով է զբաղվել, միշտ էլ տվել է պահանջվող գումարը, պատահել է, որ գումարը տվել է առևտրի կամ սկզբում, կամ ընթացքում, կամ վերջում, կանչել է իր որդուն թատրոնի: Կես ժամ անց մոտեցել է իրենց մի տղա փող հավաքելու, որը միշտ էլ իրենք վճարել են տեղի համար, Կարենը այդ տղային ասել է, որ դեռ առևտուր չեն արել, երբ առևտուր անեն գումարը կտան: Այդ տղան պնդել է, որ այդ պահին տան գումարը: Կարենը կրկին ասել է, որ հենց գումար լինի կտան: Այդ տղան գնացել է մի կողմ և զանգահարել է, իսկ քիչ անց եկել է Գևորգ անունով մի տղա, ով հեռվից սեռական բնույթի տարբեր հայհոյանքներ տալով` մոտեցել է զանգահարող տղային, հարցրել, թե ով չի տալիս գումարը, վերջինս էլ մատնացույց է արել իր տղային: Երբ Գևորգը հայհոյանքներ տալով մոտեցել է իրենց, որդին դիտողություն է արել նրան, ասելով, որ իր մայրն է կանգնած, բացի այդ շատ կանայք էլ կան տարածքում: Գևորգն ասել է, որ ով գումար չտա, ապրանքը կոտրեն, ամեն ինչ փշրեն և վռնդեն տարածքից: Որդին խոսակցության մեջ է մտել և ասել, որ դա հարցի լուծում չէ, 1000 դրամի համար այդպես վարվելը ճիշտ չէ: Այդ ժամանակ Գևորգ Մնջոյանին ասել են, որ Կարենը ոստիկան է, իսկ նա ընդհանուր հայհոյել է ոստիկաններին էլ, պետին էլ: Գևորգը իր տղայի կրծքավանդակի հատվածից քաշելով տարել է մի փոքր հեռու աստիճանների մոտ, Կարենին գցել են գետնին ու սկսել են ոտքերով հարվածել: Ինքը միջամտել է, հրել է այդ տղաներին, ցանկացել որդուն գետնից բարձրացնել: Բոլոր կանայք հավաքվել են իրեն օգնելու համար, հետո, երբ որդուն բարձրացրել են, Գևորգը 25-30 մետր հեռու է եղել իրենցից, երբ գոռացել ու ասել է, որ իրեն խփել են: Որդու վրայի վնասվածքներից նկատել է միայն աչքի հատվածում կարմրածություն: Մի տղայի հետ Գևորգը նստել է այգում եղած արձանի մոտ, երբ երկու հոգի մոտեցել են նրան, հարցրել ինչ է պատահել, ում հետ է կռիվ արել, իսկ Գևորգը մատնացույց է արել իր որդուն և ասել է, որ նրա հետ է վիճել: Իրենք մոտեցել են, տեսել են, որ Գևորգի կրծքավանդակի ձախ կողմից անցք է եղել բացված և արյուն է եկել: Կարենը հարցրել է, թե ով է խփել, ինչ է պատահել: Գևորգը պատասխանել է, որ չգիտի: Իր տղայի մոտ դանակ չի տեսել, դանակ իրենք առհասարակ չեն ունեցել, քաշքշուկի սկզբից մինչև վերջ եղել է իր որդու մոտ, չի հեռացել նրանից: Այնուհետև զանգահարել են շտապօգնություն, ոստիկանություն, իսկ քիչ անց իրենց տարել են բաժին:
Վկա Նունե Չիչոյանը ցուցմունքներ է տվել այն մասին, որ <<Անգլիական>> այգում զբաղվում է առևտրով: Դեպքը եղել է ամռանը, ժամը 16-ի սահմաններում: Այնտեղ փուչիկներ է վաճառելիս է եղել, երբ մոտեցել և տեղի համար գումար են պահանջել: Իրենք հրաժարվել են վճարել, որից հետո մտել են թատրոնի շենք, իսկ քիչ անց աղմուկ լսելով դուրս են եկել և տեսել, որ գումար հավաքելու շուրջ վեճ է ծագել Կարենի և գումար հավաքողների միջև: Կարենը հրաժարվել է գումար տալուց: Անդրանիկը, ով գումար հավաքողն է եղել, զանգել է Գևորգին, ում նաև <<Ժոր>> են անվանել և ասել, որ գումարները չեն տալիս: Այնուհետև մոտեցել է Ժորը և ասել է, որ եթե գումարները չեն տալիս, ծեծելով էլ լինի վերցնեն: Սեռական բնույթի հայհոյանքներ է տվել: Կարենը նկատողություն է արել, ասելով, որ մայրը իր կողքին է հայհոյանքներ չտա: Տեսել է միայն այն, որ Կարենին հրել է աստիճաններից ներքև և խփել է, հետո լեզվակռիվ է սկսվել, ինքը հեռու է եղել: Այնուհետև տեսել է, որ նրանց հետ ինչ-որ մեկն ասել է <<արյուն է կողքս, ով է խփել>>: Կարենին Ժորը իջեցրել է աստիճաններից ներքև, խփել է, հետո Կարենի մայրը մոտեցել է, որպեսզի բաժանի, իրենք էլ են մոտեցել բաժանելու, օգնելու: Կարենը չի հարվածել, նա եղել է գետնին ընկած: Գևորգը միայն հարցրել է, թե ով է խփել իրեն դանակով: Կռվի ժամանակ իրենք բաժանել են, իսկ բաժանելուց հետո արդեն մի կողմ են գնացել: Կարենին բաժանելուց հետո ինքը Կարենի ձեռքում ոչինչ չի տեսել: Գետնին ընկած են եղել Գևորգի բանալիները և ևս ինչ-որ բան, որը հանձնել են Գևորգին: Եթե Կարենի մոտ դանակ լիներ կամ նա դանակով խփած լիներ, իրենք կտեսնեին: Մինչև ոստիկանների գալը Կարենը դեպքի վայրից չի բացակայել: Կռիվը տևել է 5-7 րոպե:
Տուժող Գևորգ Մնջոյանի հետ առերես հարցաքննության ժամանակ վկա Նունե Չիրոյանը հայտնել է, որ 2014 թվականի հունվարի 08-ին, երբ իրենց է մոտեցել Անդրանիկը և պահանջել է տեղի համար 1000 դրամ, ինքը չի տվել և չի կարող ասել, թե ով է տվել այդ գումարը, բայց Մարետան նույնպես հրաժարվել է գումարը տալուց: Դրանից հետո Անդրանիկը զանգահարել է ինչ-որ մեկի, ասելով, որ գումարները չեն տալիս: Մի քանի րոպե անց այգի է եկել Գևորգը և ասել <<Ով չի տալիս, ծեծելով վեկալ>> և սկսել է սեռական բնույթի հայհոյանքներ տալ: Կարենը լսելով այդ հայհոյանքները, Գևորգին ասել է, որ չհայհոյի, կողքին մայրն է կանգնած, բացի այդ տարածքում բոլորը կանայք են և ուզել է կարգի հրավիրել նրան: Նույն պահին Գևորգը մոտենալով Կարենին ասել է <<Դու ինձ պետք է ասես, թե ինչ անեմ>> և բռնելով Կարենի հագուստներից, քաշել և իջեցրել է հարթակի վրայից այգու մեջ, ինչի հետևանքով Կարենը ընկել է գետնին և Գևորգը սկսել է ձեռքերով և ոտքերով հարվածել նրան: Ինքը, Մարետան և էլի մի քանի հոգի կանանցից, փորձել են բաժանել նրանց: Քանի որ խառնաշփոթ վիճակ է եղել, չի կարող ասել, թե ով ինչ է արել այդ ժամանակ, բայց կռիվ անողները եղել են միայն Կարենը և Գևորգը: Ի վերջո իրենք կարողացել են բաժանել Կարենին և Գևորգին: Կարենին իրենք կանանցով մի կողմ են տարել, իսկ Գևորգին ինչ-որ տղա մյուս կողմ է տարել: Երբ Գևորգին այդ տղան մի կողմ է տարել, մոտավորապես 10-15 մետր հեռու և խոսել են, Գևորգը հագուստը բարձրացրել է և ինքը տեսել է, որ նրա որովայնի վրա արյուն է, այդ ժամանակ Գևորգը խոսքն ուղղելով Կարենին` գոռացել է <<արա էս դանակով խփեցիր>>: Կարենն էլ ասել է, որ ինքը դանակով չի խփել, սակայն Գևորգը պնդել է, որ իրեն դանակով Կարենն է խփել: Հիշում է, որ այդ ժամանակ Գևորգն ասել է Կարենին, որ <<դու քո ընկերների հետ կորար>>: Գևորգին նստեցրել են արձանի պատվանդանի տակ և դրանից մի քանի րոպե անց եկել են մեկ կամ երկու հոգի, ովքեր ենթադրում է, որ Գևորգի ընկերներն են և Գևորգին տարել են հիվանդանոց: Կարենի կամ այլ անձի մոտ դանակ կամ այլ նմանատիպ առարկա չի տեսել:
Վկա Աստղիկ Անանյանը ցուցմունքներ է տվել այն մասին, որ Գ.Սունդուկյանի անվան թատրոնի մոտ առևտրով է զբաղվում, Կարեն Պետրոսյանին տեսել է դեպքի օրը, Գևորգ Մնջոյանին չի ճանաչում: Դեպքի օրը ինքը առևտուր անելիս է եղել թատրոնի դիմաց: Կարեն Պետրոյանը մոր հետ եղել են իրենից 4 մետր հեռավորության վրա: Տեսել է, որ վեճ է եղել, վիճաբանության պատճառը չի իմացել: Վիճաբանողներին բաժանել են կանայք, տարբեր մարդիկ են եղել: Ինքը տեսել է Կարենին ընկած: Կռիվը հանդարտվելուց հետո, երբ Գևորգին բերել և նստեցրել են իրենց մոտ` մի քարի վրա, տեսել է, որ արյուն է գալիս: Գևորգը հարցրել է <<ով ինձ խփեց>>, առաջ է գնացել դեպի Կարենի ուղղությամբ, այնուհետև մարդիկ նրան օգնել են, տեղափոխել են հիվանդանոց:
Վկա Ռոզա Ամիրջանյանը ցուցմունքներ է տվել այն մասին, որ զբաղվում է առևտրով, ճանաչում է Կարեն Պետրոսյանին, քանի որ վերջինս հաճախակի է այցելել իր մորը, Գևորգ Մնջոյանին չի ճանաչում: Դեպքի օրը իրենց կողքին առևտրով են զբաղվել նաև Կարենն ու նրա մայրը: Որոշ ժամանակ անց Կարենին և նրա մորը մոտեցել է մի անձնավորություն, ասել է, որ փողը տան: Կարենն ասել է, ինչ տեղի փող: Հետո հայհոյանքներ է լսել: Կարենին այդ տղան հայհոյել է, Կարենն ասել է, որ իր մայրն է այնտեղ, կան էլի կանայք, ասել է, որ չհայհոյի: Հետո կռվել են, ինքը չի մոտեցել, հետո երկու տղա մոտեցել են Գևորգին տարել են, ասել են, որ արյուն է գալիս, Գևորգը բացել է որովայնի հատվածը, ցույց է տվել որ արյուն է գալիս, ասել է, որ խփել են: Կոնկրետ անուն չի ասել, թե ով է խփել, դեպքի վայրում, ինչպես նաև Կարենի մոտ դանակ չի տեսել:
Վկա Գեղանուշ Սիմոնյանը ցուցմունքներ է տվել այն մասին, որ զբաղվում է առևտրով, ճանաչում է Կարեն Պետրոսյանին, չի ճանաչում Գևորգ Մնջոյանին: Ինքը դեպքի վայր է հասել այն ժամանակ, երբ կռիվը հանդարտված է եղել և Գևորգը Կարենի ուղղությամբ բղավել է` <<էս դու խփեցիր>>: Կարենն ասել է <<ես քեզ չեմ խփել, սարքում ես>>: Տեսել է Գևորգին քարի վրա նստած, կողքը բռնած: Հետագայում իրեն ասել են, որ Կարենն է խփել Գևորգին: Դեպքից հետո երկու հոգի մոտեցել են Գևորգին, հարցրել են ով է խփել, Գևորգը ցույց է տվել Կարենին, նրանք մոտեցել են Կարենին, տեղի է ունեցել քաշքշուկ, սակայն կռիվ և ծեծկռտուք չի եղել: Իր իմանալով վիճաբանությունը տեղի է ունեցել տեղի գումարի համար: Եկել են գումար են ուզել, Կարենը չի տվել և այդպես վիճաբանություն է տեղի ունեցել: Կարենի ձեռքին դանակ չի տեսել:
Վկա Ստելլա Աբրահամյանը ցուցմունքներ է տվել այն մասին, որ ճանաչում է Կարեն Պետրոսյանին, չի ճանաչում տուժող Գևորգ Մնջոյանին: Դեպքի օրը գնացել է Գ.Սունդուկյանի թատրոնի այգի` առևտուր անելու: Դեպքից ոչինչ չի տեսել: Ձայներ է լսել, մեքենայից դուրս է եկել, մտել է այգի, տեսել է, որ մարդիկ են հավաքված: Այտեղ Կարենին է տեսել, Գևորգին չի տեսել, ասել են, որ Կարենը դանակով խփել է Գևորգ Մնջոյանին, բայց ինքը հստակ չի կարող ասել եղել է այդպիսի բան, թե ոչ: Կարենը դանակ չի ունեցել, դեպքից 10 րոպե առաջ փնտրել է դանակ սկոչ կտրելու համար: Երբ ինքը մտել է այգի ոստիկաններն են եղել այնտեղ:
Վկա Մարինե Կարաբաբյանը ցուցմունքներ է տվել այն մասին, որ ճանաչում է Կարեն Պետրոսյանին, քանի որ ինքն էլ է զբաղվում առևտրով և տեսել է նրան: Դեպքի օրը եղել է Արամ Խաչատրյանի անվան համերգասրահի մոտ, երբ հետ է եկել Գ.Սունդուկյանի անվան թատրոնի մոտ, արդեն առաջին սեանսը վերջացած է եղել: Թատրոնի դիմաց տեսել է Գևորգ Մնջոյանին պատուհանի տակ նստած, ձեռքը որովայնի հատվածում, այնուհետև նրան մոտեցել են իր ծանոթները, սպասել են շտապօգնության գալուն, սակայն քանի որ շտապօգնությունը ուշացել է, նրան այլ ավտոմեքենայով են տեղափոխել հիվանդանոց և չանցած հինգ րոպե եկել են ոստիկանության աշխատակիցները: 20 րոպե է եղել այգում: Ինքը առևտրականներից իմացել և իրավիճակին նայելուց հասկացել է, որ վիճաբանություն է տեղի ունեցել:
Վկա Անդրանիկ Միքայելյանը ցուցմունքներ է տվել այն մասին, որ աշխատում է <<Անգլիական>> այգում որպես այգեպան: Չի ճանաչում Կարեն Պետրոսյանին, ճանաչում է Գևորգ Մնջոյանին որպես իրենց տնօրեն, քանի որ այգում առևտրականներ են հավաքվել և աղտոտել են այգին, իրենց վճարել են գումարներ, որպեսզի հավաքարարը այդ գումարների դիմաց մաքրի իրենց աղտոտած տարածքը: Դեպքի օրը գնացել է այդ գումարները հավաքելու: Առևտրականների մի մասը հրաժարվել է գումար տալուց, ինքը կանչել է տնօրենին, որպեսզի գա և նրանց դուրս հանի տարածքից: Տնօրենը եկել է, ինքը գնացել է թռչուններին կերակրելու: Երբ հետ է եկել, տեսել է, որ տնօրենը ինչ-որ մեկի հետ կանգնած զրուցում է: Սկզբում չի մոտեցել, այնուհետև մոտեցել ու տեսել է, որ տնօրենի որովայնի հատվածից արյուն է գալիս, ինչը տեսնելով նրան տարել են, նստեցրել են քարին, փորձել են օգնություն ցույց տալ: Ինքը չի մասնակցել կռվին, այդտեղ չի եղել, չգիտի ով է հարվածել Գևորգին: Նա ասել է, որ առևտրականներից մեկի հետ խնդիր է ունեցել, ով իրեն խփել է, բայց կոնկրետ այլ բան չի ասել: Ինքը հետո է իմացել, որ Գևորգի հետ խնդիր ունեցողը ոստիկան է եղել::
Վկա Սամվել Բաբայանը ցուցմունքներ է տվել այն մասին, որ չի ճանաչում Կարեն Պետրոսյանին, Գևորգ Մնջոյանի հետ ունի ընկերական հարաբերություններ: 2014 թվականի հունվարի 08-ին Գևորգը զանգահարել և ասել է, որ իրեն խփել են: Ճշտել է Գևորգի տեղը և գնացել է <<Անգլիական>> այգի: Երբ հասել է Գևորգը ինչ-որ մեկի հետ կանգնած է եղել: Ինքը հարցրել է` ինչ է տեղի ունեցել, Գևորգն ասել է, որ խփել են իրեն: Այդ տղային էլ հարցրել է, թե նա ով է, վերջինս պատասխանել է, որ ոստիկանության աշխատակից է: Հարցրել է` ով է խփել, Գևորգը գլխով ցույց է տվել 20-25 մետր հեռավորության վրա գտնվող մոտ 30 հոգի մարդկանց: Կարեն Պետրոսյանին անձնապես չի ասել, որ չփախչի, ինքը բոլորին է ասել, որ չփախչեն մինչև ոստիկանությունը գա:
Վկա Սիմոն Ավետիսյանը ցուցմունքներ է տվել այն մասին, որ հանդիսանում է <<Բյուրակն>> ընկերության նախագահ, չի ճանաչում Կարեն Պետրոսյանին, ճանաչում է Գևորգ Մնջոյանին: Դեպքի օրը նստած է եղել գրասենյակում, երբ Սամվել Բաբայանին զանգ է եկել և ասել են, որ կռիվ է եղել: Սամվելը գնացել է, մինչև ինքը հասել է, տեսել է, որ արյուն է գալիս: Սամվելը և ինչ-որ ոստիկանության աշխատակից Գևորգին տարել են հիվանդանոց: Գևորգի հետ խոսել է վիրահատությունից հետո, նա իրեն ասել է, որ չգիտի ով է խփել իրեն: Վիճաբանությունը եղել է աղբը հավաքելու համար գումարներ հավաքելու շուրջ առևտրականների հետ:
Վկա Սաթիկ Պետրոսյանը ցուցմունքներ է տվել այն մասին, որ աշխատում է <<Անգլիական>> այգում որպես հավաքարար, չի ճանաչում Կարեն Պետրոսյանին, Գևորգ Մնջոյանի հետ ծանոթացել է աշխատանքի ընդունվելու հետ կապված հարցերով: Ինքը դեպքի մասին ոչինչ չգիտի, դեպքի օրը ինքը շուտ է գնացել տուն, երբ հաջորդ օրը եկել է աշխատանքի, Անդրանիկն իրեն ասել է, որ դեպք է տեղի ունեցել: Անդրանիկը հավաքել է առևտրականներից գումարներ, իրեն ասել է, որ յուրաքանչյուրից 50-200 դրամ գումարներ է հավաքել, ընդհանուր հավաքվել է 8000 դրամ գումար, որից 4000 դրամ գումարը տվել է իրեն, իսկ մնացածը պահել է իր մոտ:
Վկա Հրանտ Հարությունյանը ցուցմունք է տվել այն մասին, որ աշխատում է ՀՀ ոստիկանության Կենտրոնական բաժնի քրեական հետախուզության բաժնի ավագ օպերլիազոր, որտեղից էլ ճանաչել է Կարեն Պետրոսյանին: Դեպքի մասին ռադիոկապով իմանալուց հետո իր ծառայողական մեքենայով գնացել է այնտեղ, զրուցել Կարենի հետ, ով իրեն ասել է, որ վիճաբանություն է տեղի ունեցել, սակայն մանրամասները չգիտի, իմացել է նաև, որ ինչ-որ մեկին հիվանդանոց են տարել:
Վկա, ՀՀ ոստիկանության պետական պահպանության գլխավոր վարչության կենտրոնական բաժնի վաշտի հրամանատար Արմեն Բեջանյանը ցուցմունքներ է տվել է այն մասին, որ Կարեն Պետրոսյանը հանդիսացել է իրենց վաշտի ոստիկաններից մեկը: 2014թ-ի հունվարի 08-ին ժամը 19-ի սահմաններում զանգահարել է իրենց աշխատակիցներից Գեղամ Ամիրջանյանը և զեկուցել, որ Սունդուկյանի թատրոնի մոտ վիճաբանություն է տեղի ունեցել, մարդ են դանակահարել: Դեպքի վայր է ուղարկել օպերատիվ խումբ, իսկ քիչ անց զանգահարել է Կարեն Պետրոսյանը և նրան ասել է, որ օգնի Գեղամին: Չի իմացել, որ վիճաբանությունը Կարենի հետ է տեղի ունեցել: Իրեն ասել են, որ մարմնական վնասվածք կա, գնացել է դեպքի վայր: Երբ տեղ է հասել, դեպքի վայրի զննությունը ավարտվելիս է եղել: Կարեն Պետրոսյանն իրեն ասել է, որ տեղի գումարի հետ կապված վիճաբանություն է տեղի ունեցել, իրեն հայհոյել են, քաքշել են, գցել են գետնին, ինքը չի հարվածել: Հարցրել է Կարենին ինչպես է եղել, որ Գևորգը վնասվածք է ստացել, նա պատասխանել է, որ ինքն էլ չգիտի, թե ինչպես է դա ստացվել: Դեպքից հետո Կարենը դեռևս աշխատել է, աշխատանքի է գնացել մինչև կալանավորվելը, ինքը անընդմեջ հարցրել է ինչպես է պատահել, սակայն նա միշտ նույնն է պատասխանել` ասելով, որ տեղյակ չէ, թե ինչպես է մարմնական վնասվածք հասցվել Գևորգ Մնջոյանին:
Դեպքի վայրի զննության մասին 2014թ-ի հունվարի 10-ի արձանագրության և դրան կից լուսանկարչական հավելվածի համաձայն` Գեղամ Ամիրջանյանը մատնացույց է արել թատրոնի դիմաց` <<Անգլիական>> կոչվող այգու այն հատվածը, որտեղ 2014 թվականի հունվարի 08-ին տեղի է ունեցել Կարեն Պետրոսյանի և Գևորգ Մնջոյանի միջև վիճաբանությունը:
Համաձայն անձին բերման ենթարկելու մասին արձանագրության` Կարեն Պետրոսյանը 2014 թվականի հունվարի 08-ին ժամը 19:40-ին, Երևան քաղաքի <<Անգլիական>> կոչվող այգուց ՀՀ ոստիկանության կենտրոնականի բաժին է բերման ենթարկվել մարմնական վնասվածք պատճառելու կասկածանքով:
Համաձայն իրեղեն ապացույցները ներկայացնելու, զննելու և վերցնելու մասին արձանագրության` 2014 թվականի հունվարի 08-ին ՀՀ ոստիկանության ՔԳՎ Երևանի քննչական վարչության կենտրոնականի քննչական բաժնի ՀԿԳ ավագ քննիչ Հ.Սարգսյանին <<Արամյանց>> բժշկական կենտրոնի վիրահատարանի բուժքրոջ կողմից ներկայացվել են տուժող Գևորգ Մնջոյանի հագուստները, որոնք զննվել և վերցվել են:
Համաձայն 2014 թվականի հունվարի 14-ի <<Արամյանց>> բժշակական կենտրոնի ավագ հերթապահ վիրաբույժ Ա.Կիրակոսյանի կողմից տրված տեղեկանքի` Գևորգ Մնջոյանը <<Արամյանց>> բժշկական կենտրոն ընդունվել է 2014 թվականի հունվարի 08-ին ժամը 19:20-ին` որովայնի կտրած-ծակած թափանցող վերք ախտորոշմամբ: Գևորգ Մնջոյանը վիրահատվել է, որի ընթացքում պարզվել է, որ վնասվել է մեծ ճարպոնը:
Համաձայն 2014 թվականի հունվարի 20-ի դատաբժշկական փորձաքննության թիվ 36/հ եզրակացության` Գևորգ Մնջոյանի մարմնական վնասվածքները` որովայնի առաջային պատի թափանցող, մեծ ճարպոնի վնասումով ծակած-կտրած վերքի, կրծքավանդակի ձախ կեսի շրջանի կտրած-ծակած վերքի ձևով պատճառվել են սուր ծակող-կտրող գործիքով, որոնք առողջությանը պատճառել են ծանր վնաս` կյանքին վտանգ սպառնացող:
Համաձայն դատաբժշկական փորձաքննության թիվ 1 եզրակացության` փորձաքննությանը ներկայացված Գևորգ Մնջոյանից վերցված արյան նմուշն ըստ արյան ABO իզոշճաբանական համակարգի պատկանում է արյան AB խմբին, իսկ փորձաքննության ներկայացված` Գևորգ Մնջոյանի բաճկոնի, ջեմպրի, կիսաթև և անթև մայկաների, անդրավարտիքի, գոտու և կոշիկի վրա առկա կասկածելի արնանման հետքերում հաստատվել է մարդկային ծագման արյան AB խումբ ունեցող որևէ անձից, այդ թվում` հնարավոր էր նաև առաջանար Գևորգ Մնջոյանից:
<<Adidas>> գրառումով սև բաճկոնը, <<bossini>> գրառումով երկարաթև սև ջեմպրը, <<Melante>> գրառումով կիսաթև սև մայկան, <<MYC 02>> գրառումով անթև սև մայկան, <<DAWSIN>> գրառումով շագանակագույն վիլվետի կտորից անդրավարտիքը, սև կաշվե գոտին, կանաչ թաշկինակը, <<BLUE WEX>> գրառումով մեկ զույգ շագանակագույն կոշիկը`ճանաչվել են իրեղեն ապացույցներ։
Պաշտպան Յու. Ալոյանի կողմից վերաքննիչ բողոքում բերված պատճառաբանությունները հերքվում են նաև հետևյալով:
-Ինչպես նախաքննական մարմինը, այնպես էլ դատարանը ճիշտ քրեաիրավական գնահատական են տվել Կարեն Պետրոսյանի արարքին` գործի փաստական հանգամանքներով ապացուցված համարելով, որ նա 2014 թվականի հունվարի 08-ին ժամը 18:45-ի սահմաններում Երևան քաղաքի <<Անգլիական>> կոչվող այգում, Գ.Սունդուկյանի անվան թատրոնի դիմաց, խաղալիքների մանրածախ առևտրով զբաղվող իր մորից գումարներ պահանջելու հարցի շուրջ վիճաբանության և ծեծկռտուքի մեջ է մտել Գևորգ Մնջոյանի հետ, որի ընթացքում դանակով երկու անգամ հարվածել է Գևորգ Մնջոյանի որովայնին և կրծքավանդակին` դիտավորությամբ պատճառելով կյանքին վտանգ սպառնացող ծանր վնաս` որովայնի առաջային պատի թափանցող, մեծ ճարպոնի վնասումով ծակած-կտրած վերքի, կրծքավանդակի ձախ կեսի շրջանի կտրած վերքի ձևով:
-Գործի փաստական տվյալներով չի արձանագրվել որևէ հանգամանք, որը կարող էր բավարար հիմք հանդիսանալ տուժող Գևորգ Մնջոյանի և վկաների ցուցմունքները անարժանահավատ համարելու համար, առավել ևս, որ դրանցում որևէ էական հակասություն չկա և դրանք իրենց համակցությամբ թույլատրելի և բավարար են ամբաստանյալ Կարեն Պետրոսյանին մեղսագրված հանցանքը հիմնավորված համարելու համար:
Գործով ձեռք բերված ապացույցների համակցությամբ գնահատելով տուժողի և վկաների ցուցմունքները, վերաքննիչ դատարանը փաստում է, որ դրանք որոշակիորեն միտված են մեղմացնելու Կարեն Պետրոսյանի պատասխանատվությունը կամ նրան զերծ պահելու քրեական պատասխանատվությունից, ինչպես նաև ամբաստանյալին որպես տուժող Մնջոյանին անմիջականորեն վնասվածք պատճառողի մատնանշելուց` հաշվի առնելով նաև նրա սոցիալական կարգավիճակն ու իրենց հետ ունեցած փոխհարաբերությունները:
-Ինչ վերաբերում է Գ.Սունդուկայնի անվան թատրոնի տարածքի տեսաձայնագրմանն ու դրանց կրիչների առգրավմանը, ապա ի հակառակ ամբաստանյալ Պետրոսյանի պնդումների, գործում առկա է թատրոնի տնօրեն Մ.Դավթյանի գրությունն ի պատասխան նախաքննական մարմնի հարցման, առ այն, որ 04.01.2014թ-ին թատրոնի շրջակայքը նկարահանող տեսախցիկները չեն աշխատել, որի պատճառով այդ ժամանակահատվածի տեսագրությունները իրենք չեն կարող տրամադրել քննությանը:
-Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի կողմից պահպանվել են ՀՀ Սահմանադրության, ՀՀ քրեադատավարական օրենսդրության, Մարդու իրավունքների և հիմնարար ազատություների պաշտպանության մասին Եվրոպական կոնվենցիայի, ինչպես նաև ՀՀ Վճռաբեկ դատարանի նախադեպային որոշումների պահանջները:
Վերաքննիչ դատարանը յուրաքանչյուր ապացույց գնահատելով վերաբերելիության, թույլատրելիության, իսկ ամբողջ ապացույցներն իրենց համակցության մեջ, գտնում է, որ ամբաստանյալ Կարեն Պետրոյսնաը 2014 թվականի հունվարի 08-ին վիճաբանության և ծեծկռտուքի մեջ է մտել Գևորգ Մնջոյանի հետ, որի ընթացքում դանակով երկու անգամ հարվածել է նրա որովայնին և կրծքավանդակին` դիտավորությամբ պատճառելով կյանքին վտանգ սպառնացող ծանր վնաս, այսինքն կատարել հանցանք, որը համապատասխանում է ՀՀ քրեական օրենսգրքի 112-րդ հոդվածի 1-ին մասի հանցակազմին և նրա ու պաշտպանի կողմից բերված պատճառաբանությունները հերքվում են գործի փաստական հանգամանքների վերոնշյալ ամբողջությամբ:
Այսպիսով, հիմք ընդունելով նաև առաջին ատյանի դատարանի պատճառաբանություններն ու իրավական վերլուծությունները, գործով ձեռք բերված ապացույցների գնահատմամբ վերաքննիչ դատարանը հանգում է այն հետևության, որ ամբաստանյալ Կարեն Պետրոսյանի վերաբերյալ ՀՀ քրեական օրենսգրքի 112-րդ հոդվածի 1-ին մասով Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 2014 թվականի դեկտեմբերի 24-ի դատավճիռն օրինական է ու հիմնավորված, այն բեկանելու և փոփոխելու հիմքեր չկան, ուստի վիճարկվող դատական ակտը պետք է թողնել անփոփոխ, իսկ պաշտպան Յու.Ալոյանի վերաքննիչ բողոքը` մերժել:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 393-394 հոդվածներով վերաքննիչ դատարանը
Ո Ր Ո Շ Ե Ց
Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 2014 թվականի դեկտեմբերի 24-ի դատավճիռը քրեական գործով ըստ մեղադրանքի Կարեն Վաչագանի Պետրոսյանի` ՀՀ քրեական օրենսգրքի 112-րդ հոդվածի 1-ին մասով թողնել անփոփոխ, պաշտպանի վերաքննիչ բողոքը` մերժել:
Սույն որոշումը կարող է բողոքարկվել ՀՀ վճռաբեկ դատարանին` հրապարակումից մեկամսյա ժամկետում:
ՆԱԽԱԳԱՀՈՂ ԴԱՏԱՎՈՐ` ստորագրություն
ԴԱՏԱՎՈՐՆԵՐ` ստորագրություններ
Իսկականի հետ ճիշտ է`
ՆԱԽԱԳԱՀՈՂ ԴԱՏԱՎՈՐ` Մ.ԱՐՂԱՄԱՆՅԱՆ
Հ Ա Ն Ո Ւ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ Ո Ւ Թ Յ Ա Ն
01.04.2015թ ք.Երևան
ԳՈՐԾ.N-ԵԿԴ/0060/01/14
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆԸ
ՀԵՏԵՎՅԱԼ ԿԱԶՄՈՎ՝
ՆԱԽԱԳԱՀՈՂ ԴԱՏԱՎՈՐ՝ Մ.ԱՐՂԱՄԱՆՅԱՆ
ԴԱՏԱՎՈՐՆԵՐ` Ա.ՊԵՏՐՈՍՅԱՆ
Հ.ՏԵՐ-ԱԴԱՄՅԱՆ
ՔԱՐՏՈՒՂԱՐՈՒԹՅԱՄԲ` Մ.ՄԵԼՔՈՆՅԱՆԻ
ՄԱՍՆԱԿՑՈՒԹՅԱՄԲ`
ՄԵՂԱԴՐՈՂ` Ա.ԵՐԻՑՅԱՆԻ
ՏՈւԺՈՂ` Գ.ՄՆՋՈՅԱՆԻ
ՊԱՇՏՊԱՆ` ՅՈւ.ԱԼՈՅԱՆԻ
ԱՄԲԱՍՏԱՆՅԱԼ` Կ.ՊԵՏՐՈՍՅԱՆԻ
դռնբաց դատական նիստում պաշտպան Յու. Ալոյանի վերաքննիչ բողոքի հիման վրա քննության առնելով քրեական գործն ըստ մեղադրանքի Կարեն Վաչագանի Պետրոսյանի` ՀՀ քրեական օրենսգրքի 112-րդ հոդվածի 1-ին մասով
Պ Ա Ր Զ Ե Ց
Գործի փաստական հանգամանքներն ու դատավարական ընթացքը
Կարեն Պետրոսյանը ծառայելով ՀՀ ոստիկանության պետական պահպանության գլխավոր վարչության կենտրոնական բաժնում որպես ոստիկան, 2014 թվականի հունվարի 08-ին ժամը 18:45-ի սահմաններում Երևան քաղաքի <<Անգլիական>> կոչվող այգում` Գ.Սունդուկյանի անվան թատրոնի դիմաց, խաղալիքների մանրածախ առևտրով զբաղվող իր մորից գումարներ պահանջելու հարցի շուրջ վիճաբանության և ծեծկռտուքի մեջ է մտել Գևորգ Մնջոյանի հետ, որի ընթացքում դանակով երկու անգամ հարվածել է Գևորգ Մնջոյանի որովայնին և կրծքավանդակին` դիտավորությամբ պատճառելով կյանքին վտանգ սպառնացող ծանր վնաս` որովայնի առաջային պատի թափանցող, մեծ ճարպոնի վնասումով ծակած-կտրած վերքի, կրծքավանդակի ձախ կեսի շրջանի կտրած վերքի ձևով:
Վերոգրյալ հանցանքի համար Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 2014 թվականի դեկտեմբերի 24-ի դատավճռով ամբաստանյալ Կարեն Պետրոսյանը մեղավոր է ճանավել ՀՀ քրեական օրենսգրքի 112-րդ հոդվածի 1-ին մասով և դատապարտվել ազատազրկման 4 տարի ժամկետով:
Նրա նկատմամբ ընտրված խափանման միջոց կալանավորումը թողնվել է անփոփոխ մինչև դատավճռի օրինական ուժի մեջ մտնելը` պատժի սկիզբը հաշվելով 2014 թվականի մարտի 04-ից:
Վերաքննիչ բողոքի հիմքերը, փաստարկներն ու պահանջները
Պաշտպան Յու.Ալոյանը վերաքննիչ բողոք է բերել Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 24.12.2014թ-ի դատավճռի դեմ` միջնորդելով բեկանել այն և Կարեն Պետրոսյանի նկատմամբ քրեական գործի վարույթը կարճել ՀՀ քրեական դատավարության օրենսգրքի 35-րդ հոդվածի 1-ին մասի 2-րդ կետով` նրա արարքում ՀՀ քրեական օրենսգրքի 112-րդ հոդվածի 1-ին մասով նախատեսված հանցակազմի բացակայության հիմքով:
Իր վերաքննիչ բողոքը պաշտպան Յու.Ալոյանը մասնավորապես պատճառաբանել է հետևյալով:
<<(…)Դատարանում հետազոտված ապացույցներով հետևյալ կոնկրետ փաստական տվյալներն են հիմնավորվել. 2014 թվականի հունվարի 8-ին ժամը 18։30-ի սահմաններում Կարեն Պետրոսյանի և Գևորգ Մնջոյանի միջև վիճաբանություն է սկսվել, որը վերածվել է կարճատև քաշքշուկի, ապա նաև, ինչպես պարզվել է <<լեզվակռվի>>։ Գևորգ Մնջոյանը բռնելով Կարեն Պետրոսյանի օձիքից քաշել և աստիճանահարթակից դեպի ներքև է քաշել վերջինիս: Քանի որ գետինը ծածկված է եղել ձյունով և սառույցով, ուստի Կարեն Պետրոսյանը սայթաքել և վայր է ընկել։ Այդ պահին դեպքին ներկա վկաներից Աստղիկ Անանյանը, Ռոզա Ամիրջանյանը, Մարիետա Բարխուդարյանը, Գեղանուշ Սիմոնյանը և այլ անձիք արագ միջամտել են, միաժամանակ Կարեն Պետրոսյանին բարձրացրել են գետնից և մի կողմ տարել Գևորգ Մնջոյանին։ Այս ամենից հետո Կարեն Պետրոսյանի և Գևորգ Մնջոյանի միջև վեճը հեռվից միմյանց վրա հոխորտալու բնույթ է կրել: Այդ ընթացքում Կարեն Պետրոսյանը և Գևորգ Մնջոյանը շրջապատված են եղել մարդկանցով, որոնք անմիջականորեն ընդգրկված են եղել վերջիններիս կողմից հեռվից հեռու միմյանց վրա հոխորտալու և մոտենալու փորձ կատարելու հետևանքով առաջացած հրմշտոցին։
Հավաքված ամբոխի միջից Գևորգ Մնջոյանին հանել և դեպի այգու շատրվաններն է տարել Գեղամ Ամիրջանյանը։ Որոշ ժամանակ անց Գևորգ Մնջոյանն անհասցե բղավել է <<էս խփեցիք ինձ>>։ Ըստ Գևորգ Մնջոյանի կողմից դատարանում տրված ցուցմունքի, նա այդ ասելով ի նկատի է ունեցել ոչ թե Կարեն Պետրոսյանին, այլև հավաքված անձանց, որ նրանցից մեկն է, այդ խառնաշփոթի մեջ, հարվածել և մարմնական վնասվածք է պատճառել իրեն։
Այդ լսելով, Կարեն Պետրոսյանը գնացել է դեպի Գևորգ Մնջոյանը, որպեսզի պարզի, թե ինչ է տեղի ունեցել։ Մինչև վերջինիս հասնելը, նա գետնից վերցրել է հեռախոս և բանալիների խուրձ և տեղեկանալով, որ դրանք պատկանում են Գևորգ Մնջոյանին, տվել է նրան։ Անտեղյակ լինելով կատարվածից, Կարեն Պետրոսյանը ասել է Գևորգ Մնջոյանին, որպեսզի վերջինս ցույց տա վնասվածքը։ Գևորգ Մնջոյանը բարձրացրել է հագուստը։ Կարեն Պետրոսյանն իր բջջային հեռախոսի լույսով մոտիկից զննել է վերքը։ Այդ ընթացքում Գևորգ Մնջոյանը ցանկացել է ձյուն դնել իր վերքի վրա, սակայն Կարեն Պետրոսյանը արգելել է նրան դա անել և խորհուրդ է տվել թաշկինակը պահել վերքի վրա և սեղմել, որպեսզի չարյունահոսի։ Կարեն Պետրոսյանը հարցրել է արդյոք նա չի տեսել, թե ով է իրեն հարվածել։ Գևորգ Մնջոյանը բացասական պատասխան է տվել։ Գեղամ Ամիրջանյանը վերջինիս ուղեկցել է հիվանդանոց։ Դրանից հետո Կարեն Պետրոսյանը մի կողմ է քաշվել և որպես ոստիկան, հայացքով զննել է տարածքն ու հետևել դեպքի վայրից հեռացող անձանց։ Սակայն կասկածելի ոչինչ չհայտնաբերելով, անմիջապես զանգահարել է իր հրամանատարին Արմեն Բեջանյանին, և հայտնել է, որ ինքը վիճաբանել է Գևորգ Մնջոյանի հետ, սակայն նրան մարմնական վնասվածք չի պատճառել։ Իր հրամանատարի ցուցումով, մինչև ոստիկանության օպերատիվ խմբի ժամանելը, մնացել է դեպքի վայրում։
Այսպիսով, անտեսելով վերը նշված փաստական հանգամաները, Դատարանը խախտել է ՀՀ քրեական դատավարության օրենսգրքի 360-րդ և 365-րդ հոդվածի 2-րդ մասի պահանջները:
ՀՀ քրեական դատավարության օրենսգրքի 365-րդ հոդվածի 2-րդ մասի համաձայն` Մեղադրական դատավճիռը չի կարող հիմնված լինել ենթադրությունների վրա և կայացվում է միայն այն դեպքում, երբ հանցանքը կատարելու մեջ ամբաստանյալի մեղավորությունն ապացուցված է դատական քննության ընթացքում: Հանցանքը կատարելու մեջ ամբաստանյալի մեղավորությունը կարող է համարվել ապացուցված, եթե դատարանը ղեկավարվելով անմեղության կանխավարկածով, հիմնվելով պատշաճ իրավական ընթացակարգի շրջանակներում դատական քննության ընթաղցքում գործի հանգամանքների հետազոտման արդյունքների վրա, դատաքննության ժամանակ հետազոտված հավաստի ապացույցների հիման վրա, ամբաստանյալի մեղավորության մասին չփարատվող բոլոր կասկածները նրա օգտին մեկնաբանելով, սույն օրենսգրքի 360 հոդվածի առաջին մասի 1-4-րդ կետերում նշված հարցերին տալիս է հաստատող պատասխան(…):
(…)Դատարանի կողմից անտեսվել են հետևյալ կարևորագույն հանգամանքները, որ դեպքի վայր ժամանած օպերատիվ խմբի անդամներին ներկայացնելով դեպքի հանգամանքները, Կարեն Պետրոսյանը հայտնել է, որ ցանկանում է ներկայանալ ոստիկանության բաժին և գրավոր զեկուցագիր գրել կատարվածի մասին։ Այս նպատակով Կարեն Պետրոսյանը ոստիկանության Կենտրոնի բաժնի քրեական հետախուզության բաժանմունքի օպեր լիազոր Հրանտ Հարությունյանի հետ եկել է ոստիկանության բաժին, սակայն նույն օպեր լիազորի կողմից կազմվել է անձին ոստիկանության բաժին բերման ենթարկելու արձանագրություն և առանց այդ արձանագրության բովանդակության պարզաբանումների տվել է Կարեն Պետրոսյանին ստորագրելու։ Վերջինս, առանց արձանագրության տեքստի հետ ծանոթանալու, ստորագրել է դրա տակ։
Դատարանում ոստիկանության Կենտրոնի բաժնի քրեական հետախուզության բաժանմունքի օպերլիազոր Հրանտ Հարությունյանը ցուցմունք է տվել, որ Կարեն Պետրոսյանին ոստիկանության բաժին բերման չի ենթարկել և բերման ենթարկելու հետ կապված որևէ գործողություն չի կատարել, քանի որ այդ ամենի անհրաժեշտությունը չի եղել։ Բացի այդ նա հայտնեց, որ ինքն ու Կարեն Պետրոսյանը միասին գնացել են ոստիկանության բաժին և դա նրա կողմից ձևակերպվեց որպես ոստիկանության բաժին հրավիրելու գործընթաց, բայց ոչ բերման ենթարկելու։ Միաժամանկ Հրանտ Հարությունյանը չկարողացավ դատարանում պարզաբանում տալ այն հակասական իրավիճակին, թե ինչու է ոստիկանության բաժին, այսպես ասած <<հրավիրված>> անձի նկատմամբ կազմել <<բերման ենթարկելու>> արձանագրություն։
Դատարանը շրջանցել է վերը նշված փաստական հանգամանքը և վճռում որպես <<ապացուցված>> հանգամանք նշել է հետևյալը. «...Դեպքից անմիջապես հետո ՀՀ ոստիկանության Կենտրոնական բաժնի ՔՀԲ-ի աշխատակիցների կողմից ամբաստանյալ Կարեն Պետրոսյանը բերման է ենթարկվել ՀՀ ոստիկանության Կենտրոնական բաժին և ենթարկվել անձնական խուզարկության>>(…):
(…) Դեպքին անմիջապես ներկա գտնվածները և նրանք, ովքեր միջամտել են վեճին և կողմերին բաժանել միմյանցից, դատարանում ցուցմունք են տվել, որ Կարեն Պետրոսյանի ձեռքին դանակ, կամ այլ սուր, կտրող, ծակող գործիք չեն տեսել։ Այն հարցին, եթե Կարեն Պետրոսյանի ձեռքին ինչ որ բան լիներ, կտեսնեին։ Ինչպես վկաները այնպես էլ տուժողը հայտնել են, որ Կարեն Պետրոսյանի ձեռքերում որևէ իր կամ առարկա չի եղել։ Եթե լիներ, ապա անպայման կտեսնեին։ Միաժամանակ, պետք է փաստել նաև, որ վերջիններս չեն տեսել, թե Գևորգ Մնջոյանն ինչպես է մարմնական վնասվածք ստացել։ Դեպքի վայրում ոչ ոք դանակ, կամ այլ սուր կտրող, ծակող գործիք չի տեսել։ Դրանք չեն հայտնաբերվել նաև Կարեն Պետրոսյանի մոտ վերջինիս թե դեպքի վայրում և թե ոստիկանության բաժնում զնության ենթարկելու ժամանակ։ Բացի այդ, Կարեն Պետրոսյանի մարմնի և հագուստի վրա զննությամբ արյան հետքեր չեն հայտնաբերվել։
Դատարանում տուժող Գևորգ Մևջոյանը ցուցմունքով հայտնել է, որ ինքը չի տեսել, որ Կարեն Պետրոսյանը իրեն մարմնական վնասվածք պատճառի և շարունակելով իր միտքը հայտնել է, որ միջադեպի ժամանակ ինքը շրջապատված է եղել բազմաթիվ այլ անձանցով և կասկածներ ունի, որ քաշքշուկի ընթացքում իրեն մոտ կանգնած անձանցից որևէ մեկը կարող էր օգտվել առիթից և իրեն մարմնական վնասվածք պատճառել։ Տրված այն հարցին, թե արդյոք նա որևէ պահանջ չունի Կարեն Պետրոսյանից, իր նկատմամբ կատարված արարքի համար։ Գևորգ Մնջոյանը հայտնել է, որ ինքը պահանջ կունենա այն անձից ով իրեն պատճառել է մարմնական վնասվածքը։ Կարեն Պետրոսյանից որևէ պահանջ չունի, քանի որ նա չի իրեն մարմնական վնասվածք պատճառողը։ Այս ամենից հետո նա պահանջել է գտնել իրեն մարմնական վնասվածք պատճառողին։
Այսպիսով վերլուծելով Կարեն Պետրոսյանի վարքագիծը, Գևորգ Մնջոյանի հետ վիճաբանությանը նախորդող և հաջորդող պահերին, վկայում են այն մասին, որ նա Գևորգ Մնջոյանին մարմնական վնասվածք պատճառողը չէ, որ քրեական հետապնդման ողջ ընթացքում նրա նկատմամբ անմեղության կանխավարկածի փոխարեն գործել է մեղավորության կանխավարկածը, երբ անձի մեղավորությունը չի ապացուցվում, այլ հայտարարվում է։
Դատարանի կողմից չեն կիրառվել կիրառման ենթակա ՀՀ քրեական դատավարության օրենսգրքի 35 հոդվածի 2-րդ մասի պահանջները, համաձայն որի քրեական հետապնդումը ենթակա է դադարեցման, իսկ գործի վարույթը ենթակա է կարճման՝ կատարված հանցագործությունը կասկածյալի կամ մեղադրյալի մասնակցությունն ապացուցված չլինելու արդյունքում, եթե սպառված են նոր ապացույցներ ձեռք բերելու բոլոր հնարավորությունները(…)>>։
Վերաքննիչ դատարանի դատաքննության ընթացքում պաշտպան Յու.Ալոյանը և ամբաստանյալ Կ.Պետրոսյանը նույն հիմքերով ու հիմնավորումներով ներկայացրած վերաքննիչ բողոքը պնդեցին, մեղադրող Ա.Երիցյանը բողոքի դեմ առարկեց` միջնորդելով առաջին ատյանի դատարանի դատավճիռը թողնել անփոփոխ, տուժող Գ.Մնջոյանը վերաքննիչ բողոքի կապակցությամբ ըստ էության որևէ դիրքորոշում չհայտնեց:
Վերաքննիչ դատարանի պատճառաբանություններն ու եզրահանգումները
Ստուգելով գործի փաստական հանգամանքների բացահայտման ու քրեական օրենքի կիրառման ճշտությունը, ինչպես նաև գործը քննելիս և լուծելիս քրեադատավարական օրենքի նորմերի պահպանումը, վերաքննիչ բողոքում նշված հիմքերի սահմաններում վերլուծելով քրեական գործի նյութերը, դատաքննության ընթացքում լսելով բողոքում ներկայացված իրենց հետևությունները հիմնավորելու մասին պաշտպանի ու ամբաստանյալի պատճառաբանությունները, տուժողի պատասխանը, մեղադրողի առարկությունները, վերաքննիչ դատարանը հանգում է այն հետևության, որ Երևան Կենտրոն և Նորք-Մարաշ վարչական շրջանների ընդհանուր իրավասության դատարանի 2014 թվականի դեկտեմբերի 24- դատավճիռը պետք է թողնել անփոփոխ, իսկ պաշտպանի վերաքննիչ բողոքը մերժել` հետևյալ պատճառաբանությամբ.
ՀՀ քրեական օրենսգրքի 112-րդ հոդվածի 1-ին մասով առաջադրված մեղադրանքում Կարեն Պետրոսյանն իրեն մեղավոր չի ճանաչել և նախաքննության ընթացքում հրաժարվել է ցուցմունքներ տալուց, իսկ առաջին ատյանի դատարանում ցուցմունք է տվել այն մասին, որ մայրը` Մարետա Բարխուդարյանը, ժամանակ առ ժամանակ Սունդուկյանի անվան թատրոնի մոտ զբաղվել է մանկական խաղալիքների մանրածախ առևտրով, որպեսզի որևէ կերպ թեթևացնի իրենց ընտանիքի հոգսերը: 2014 թվականի հունվարի 08-ին մայրը խնդրել է, որ ինքը նրան օգնի: Ժամը 17-ից ինքը գտնվել է այնտեղ` թատրոնի մոտ, ժամը 19-ի սահմաններում իրենց է մոտեցել մի երիտասարդ, ներկայացել որպես այգու պահակ և ասել, որ վաճառողների գնալուց հետո նրանք են մաքրում այդ տարածքը, ինչի համար բոլորը պետք է 1000-ական դրամ վճարեն: Այդ պահին մորից բացի նույն աստիճանահարթակի վրա խաղալիքներ են վաճառել նաև այլ անձինք, մոտ 15-ից 20 հոգի: Ինչպես իրենք, այնպես էլ մյուսները, ասել են, որ առևտուրը դեռ չեն ավարտել և փող չունեն, վերջում կտան, սակայն այդ տղան, որի անունը հետագայում իմացել է, որ Անդրանիկ է, երևի ճիշտ չի հասկացել իրենց ասածն ու նրա մոտ տպավորություն է առաջացել, որ հրաժարվում են այդ գումարը տալուց և ասել է, որ հիմա մարդ կգա և իրենց հետ կխոսի: Մոտավորապես 5-7 րոպե անց մոտեցել է մի երիտասարդ, ով գումարը վճարել չհամաձայնողների հասցեին անվայել խոսքեր է ասել, նրան հորդորել է, որ այդպես չխոսի և, որ կողքին կանգնածն իր մայրն է, տարածքում այլ կանայք ու երեխաներ կան: Նաև հարցրել է, թե այդ խոսքերն ում էին ուղղված: Նա էլ պատասխանել է, որ հենց իրեն: Այդ ընթացքում նա ձգվել է դեպի աստիճանավանդակը, մի երկու աստիճան բարձրացել և բռնելով իրեն` քաշել է դեպի ներքև: Քանի որ տարածքը ձյունապատ և սառույցապատ է եղել, ինքը սայթաքել ու վայր է ընկել: Ընկած տեղից իրեն կանայք են բարձրացրել, որից հետո փորձել է այդ երիտասարդին կարգի հրավիրել, սակայն կանայք իրեն հետ են հրել: Նույն պահին նաև մի քանի հոգի էլ հետ են հրել նրան, որպեսզի իրեն չմոտենա: Առաջացած աղմուկի վրա թե վեճը դադարեցնելու համար, և թե հետաքրքրությունից դրդված, իրենց շուրջը հավաքվել են մի խումբ անձինք: Մոտ մեկ-երկու մետր հեռավարության վրա միմյանց մոտենալու փորձ կատարելով, իրենք լեզվակռվի մեջ են մտել: Այդ ամենը տևել է մոտ 1-2 րոպե, որից հետո հավաքված մարդիկ իրեն մի կողմ են տարել, իսկ այդ տղային, ով հետո իմացել է, որ Գևորգ Մնջոյանն, է տարել են դեպի շատրվանների կողմը: Միջադեպի ավարտից որոշ ժամանակ անց Գևորգը բղավել է` <<ինձ խփել են>>, ինչը լսելով գնացել է նրա կողմը: Գետնից վերցրել է հեռախոս, բանալիների մի խուրձ, մոտեցել նրան, ցույց է տվել գտած իրերը և հարցրել, թե իրենն է, թե ոչ, նա հասկացրել է, որ իրենն է և ասել, որ իրեն խփել են: Այդ պահին տեսել է նաև իրենց բաժնի ոստիկան Գեղամ Ամիրջանյանին, ով իր հարցական հայացքին ի պատասխան` ցույց է տվել իր արյունոտված ձեռքը ու ասել, որ խփած է: Այդ ընթացքում Գևորգի ձեռքը ձախ կողքի վրա է դրված եղել: Ինքն ասել է, որ շորը բարձրացնի տեսնեն ինչ է եղել, նա բարձրացրել է իր հագուստը, ավելի մոտ է գնացել և իր բջջային հեռախոսի էկրանի լույսը պահել է նրա ցույց տված հատվածին և տեսել է, որ վնասվածք է ստացել: Ինքը հանկարծակիի է եկել, շփոթվել ու զարմացել, քանի որ նրան այդ վնասվածքը չի պատճառել: Հարցրել է, որ հնարավոր է նրա գրպանում սուր ինչ որ բան կա, որը հրմշտոցի ժամանակ վնասած լինի նրան: Նա էլ պատասխանել է, որ <<չէ ախպեր, ինձ խփել են>>: Գևորգը ցանկացել է ձյուն դնել վերքի վրա, ինքը չի թողել, ասելով, որ ձյունը կարող է վնասել, լավ կլինի թաշկինակով լավ սեղմի վերքի վրա, որ չարյունահոսի: Անմիջապես բղավել է, որ զանգահարեն շտապօգնություն, միևնույն ժամանակ նայել է չորսբոլորը, փորձել է հեռու և մոտ կանգնած մարդկանց մեջ գտնել շփոթված, դեպի հեռուն վազող մարդ: Տեսնելով, որ Գեղամը զանգահարել է շտապօգնություն, նրանցից մի քանի քայլ հեռացել է և զանգահարել իր անմիջական ղեկավար Արմեն Բեջանյանին ու հայտնել, որ Սունդուկյանի թատրոնի մոտ է, վիճաբանություն է եղել, այդ ընթացքում իր հետ վիճաբանող տղան վնասվածք է ստացել, սակայն ինքը չի նրան պատճառել այդ վնասվածքը: Բեջանյանն ասել է, որ այնտեղ մնա, խումբ կուղարկի ու նրանց հետ կգա: Մինչև ոստիկանության աշխատակիցների գալը, Գեղամ Ամիրջանյանը Գևորգին տարել է հիվանդանոց: Մինչև ոստիկանության օպերատիվ խմբի գալը ինքը մնացել է այնտեղ, այնուհետև մոտեցել է նրանց և պատմել կատարվածի մասին: Դեպքի վայր եկած օպեր լիազորներից մեկն ասել է, քանի որ վիճաբանությունը իր հետ է տեղի ունեցել, ուստի պետք է գնան ոստիկանության բաժին` պարզելու եղելությունը: Միասին իր ավտոմեքենայով գնացել են բաժին, որտեղ քննիչին և քրեական հետախուզության պետին տեղեկացրել է, որ թատրոնի տարածքը տեսաձայնագրվում է և խնդրել է որպեսզի նրանք առգրավեն այդ ձայնագրությունները և այն օգտագործեն օբյեկտիվ քննության ժամանակ: Տեսախցիկը ուղղված է եղել այն տարածքի կողմը, որտեղ տեղի է ունեցել իր և Գևորգի վիճաբանությունը, մի երկու օրից ներկայացել է բաժին, որտեղ քննիչն իրեն հայտնել է, որ սարքն այդ ամենը չի նկարահանել: Քրեական գործում այդ մասին որևէ փաստաթուղթ կամ արձանագրություն չկա և եթե այդ տեսաձայնագրման տվյալները լինեին, ապա հաստատապես համոզված է, որ ինքը չէր հայտնվի ամբաստանյալի կարգավիճակում: Ինքը Գևորգին մարմնական վնասվածք չի հասցրել, ուստի խնդրում է քրեական գործը կարճել:
Գործով ձեռք բերված ապացույցների համակցությամբ վերլուծելով ու գնահատելով Կարեն Պետրոսյանի ցուցմունքները, վերաքննիչ քրեական դատարանը հանգում է այն հետևության, որ ինչպես դրանք, այնպես էլ պաշտպան Յու.Ալոյանի կողմից վերաքննիչ բողոքում բերված պատճառաբանություններն անհիմն են, նպատակ են հետապնդում ազատելու նրան պատասխանատվությունից ու պատժից, դրանք հերքվում և ամբաստանյալին մեղսագրվող արարքը հիմնավորվում է գործի փաստական տվյալների ներքոշարադրյալ ամբողջությամբ:
Տուժող Գևորգ Մնջոյանը առաջին ատյանի դատարանի դատաքննության ընթացքում ցուցմունքներ է տվել այն մասին, որ 2014 թվականի հունվարի 08-ին կանգնած է եղել իրենց գրասենյակի դիմաց, երբ զանգահարել է այգու աշխատակից Անդրանիկն ու ասել, որ թատրոնի մոտ կրկին առևտրականներ են հավաքվել: Գնացել է այգի` նրանց հանելու նպատակով, քանի որ նրանք մշտապես կեղտոտել են այգու տարածքը, որի պատճառով նրանց արգելել է այնտեղ առևտուր անել: Դրանից հետո առևտրականները իր բանվորի և հավաքարարի հետ պայմանավորվել են, որ գումար կտան աղբը մաքրելու համար: Իրեն չի հետաքրքրել, թե ով կհավաքի աղբը, էական է եղել այգու մաքրությունը: Համաձայնություն է տվել առևտրականներին միայն պայմանով, որ նրանք պետք է աղբը հավաքեն: Իրեն ընդհանրապես դուր չի եկել, որ առևտրականները այգում առևտուր են արել և տեղյակ է եղել, որ իր աշխատողները գումար են հավաքել առևտրականներից` այգին մաքրելու համար: Անդրանիկը դեպքի օրն իրեն գումարի մասին ոչինչ չի ասել, միայն ասել է, որ առևտրականները հավաքվել են այգում: Վրդովված գնացել և բոլորին ասել է <<սիկտիր եղեք ստեղից…>>: Կարենը հարցրել է, թե ում հետ է, ինքը պատասխանել է, որ դա նաև նրան է վերաբերում: Իր համբերությունն արդեն հատած է եղել` առևտրականների թափած աղբը հավաքելու համար անընդհատ գումար ծախսելուց: Կարենի հետ քաշքշուկ է սկսվել, նա սառույցի վրա ընկել է: Ինքը չի ծեծել Կարենին, չի հարվածել: Ուղղակի հրել է նրան: Կարենն իրեն չի հրել: Քաշքշուկի ժամանակ հավաքված մարդկանց մի մասն իրեն ավելի մոտ են գտնվել, քան Կարենը: Այդ ընթացքում իրենց է մոտեցել քաղաքացիական հագուստով մի անձ, ներկայացել է որպես ոստիկան: Ինքը այդ ոստիկանի հետ առանձնացել է 15-20 մետր հեռու և զրուցել են: Նա հարցրել է ինչ է պատահել, ինչին պատասխանել է, որ առևտրականները գալիս աղբ են թափում, իսկ ինքը պարտավոր չէ նրանց հետևից հավաքել: Այդ պահին մրմռոց է զգացել: Բարձրացրել է հագուստը, տեսել է, որ որովայնն ամբողջությամբ արյուն է: Ոստիկանը իրեն տարել է Սունդուկյանի արձանի մոտ գտնվող քարի մոտ, ինքը նստել է, զանգել է ընկերոջը: Քաշքշուկի ժամանակ բանալիներն ու հեռախոսը կորցրած է եղել: Քաշքշուկից հետո, երբ նստած է եղել Սունդուկյանի արձանի մոտ, իրեն է մոտեցել Կարենը, լույս է գցել իր վերքին նայել է, տվել է իր բանալիներն ու գնացել: Վնասվածքը տեսնելուց հետո ընդհանուր է բացականչել <<ով խփեց>>: Այդ ժամանակ մեկ անգամ անհասցե հայհոյել է: Իր հետի ոստիկանը զանգահարել է շտապօգնություն և իր վերադասներին: Շտապօգնությունը ուշացել է, և իր ընկերն ու իրեն մոտեցած ոստիկանը տաքսի ավտոմեքենայով իրեն տարել են հիվանդանոց: Քաշքշուկից բավականին ժամանակ անց է ցավ զգացել: Ինքը չգիտի` ով է խփել իրեն, չի տեսել և չի զգացել: Դեպքի վայրում եղել են և կանայք, և տղամարդիկ: Ոստիկանը իրեն չի ասել, որ Կարենի ընկերն է: Քաշքշուկի ժամանակ իր և Կարենի շուրջ շատ մարդիկ են հավաքված եղել և եթե կասկած լիներ, որ Կարենն է իրեն հարվածել, ապա վիճաբանությունը կշարունակվեր իրեն դանակով հարվածելու համար:
Վերաքննիչ դատարանի դատաքննության ընթացքում տուժող Գևորգ Մնջոյանը ներկայացված վերաքննիչ բողոքի կապակցությամբ ըստ էության որևէ դիրքորոշում չհայտնեց`պատճառաբանելով, որ հստակ չի կարող ասել, թե ով է իրեն դանակով հարվածել ու մարմնական վնասվածք պատճառել, Կարեն Պետրոսյանը, թե այլ անձնավորություն և իրեն էլ հետաքրքիր է իմանալ, թե ում հարվածից է ինքը վնասվածք ստացել:
Նախաքննության ընթացքում տուժող Գևորգ Մնջոյանը ցուցմունքներ է տվել այն մասին, որ պարզ է` եթե վիճաբանել է Կարեն Պետրոսյանի հետ, նա էլ պետք է, որ իրեն հարվածած և նման վնասվածք պատճառված լինի, քանի որ վաճառական կանանցից և իրենց բաժանող ոստիկանից բացի չի տեսել, որ ուրիշ որևէ տղամարդ խառնվի վիճաբանությանը և բացի Կարենից իրեն այլ անձ չի քաշքշել, ձեռքով կամ ոտքերով հարվածող չի եղել, միայն եղել են բաժանողներ:
Վկա Գեղամ Ամիրջանյանը ցուցմունքներ է տվել այն մասին, որ աշխատում է Կենտրոնի պահպանության բաժնում որպես ոստիկան: Դեպքի օրը ինքը կնոջն ու երեխային տարել է Սունդուկյանի անվան թատրոն` ներկայացման: Երբ դրսում կանգնած ծխելիս է եղել, հայհոյանքներ է լսել, քաշքշուկ է եղել: Տեսել է, որ վիճաբանողներից մեկը իրենց բաժնի աշխատակից Կարեն Պետրոսյանն է: Կանայք են եղել, ովքեր բաժանել են վիճաբանողներին: Որպես ոստիկանության աշխատակից մոտեցել է, երկու կռիվ անողներից մեկի հետ առանձնացել են: Նա իրեն ասել է, որ կողքը ցավում է, բացել են, տեսել, որ արյուն է գալիս: Տեսնելով, որ վիրավորվել է Գևորգը հարցրել է <<Կարեն դու խփեցիր>> և հայհոյել է Կարենին, ինքը նրան տարել նստացրել է այնտեղ գտնվող արձանի մոտ: Իրեն թվում է, որ Կարենի անունը Գևորգը իմացել է, երբ նրա անունը կողքից բարձրաձայնվել է: Գևորգի ընկերները եկել են հարցրել են ով է խփել, իսկ Գևորգը նրանց ցույց է տվել Կարենին: Նրանք մոտեցել են Կարենին և քաշքշել, Կարենը մոտեցել է, հեռախոսի լույսով փորձել է տեսնել ինչ է տեղի ունեցել: Հարցրել է Գևորգին, գուցե նրա մոտ է դանակ եղել, որը ծակել է նրա որովայնը: Այդ պահին կրկին վեճ է փորձել սկսվել, սակայն Կարենին հեռացրել են: Ինքը Կարենի մոտ դանակ չի տեսել, նրա հագուստին արյան հետքեր չի տեսել:
Տուժող Գևորգ Մնջոյանի հետ առերես հարցաքննության ժամանակ Գեղամ Ամիրջանյանը հայտնել է, որ 2014 թվականի հունվարի 08-ին, երբ ծխելու նպատակով դուրս է եկել թատրոնի շենքից, դեռ ծխախոտը չվառած տեսել է, որ թատրոնի դիմացի հարթակի վրա մի քանի վաճառական կանայք են եղել, իսկ հենց հարթակի դիմաց` այգու մեջ` Գ.Սունդուկյանի արձանի դիմաց երկու տղա փոխադարձ քաշքշում, հրում, վիճաբանում են: Իր հիշելով չորս կանայք փորձում են նրանց բաժանել, հանգստացնել միաժամանակ լսել է սեռական բնույթի հայհոյանքներ, սակայն, թե ով է կոնկրետ հայհոյել, չի կարող ասել, քանի որ խառնաշփոթ վիճակ է եղել: Տեսնելով այդ ամենը անմիջապես մոտեցել է այդ երկու տղաներին, որոնցից մեկին մի կողմ են քաշել կանայք, իսկ ինքը հեռու է տարել երկրորդ տղային, ով հետո իմացել է, որ Գևորգ Մնջոյանն է և ներկայացել է, որպես ոստիկանության աշխատակից: Իր միջամտելուց անմիջապես նրանք հանդարդվել են: Երբ ինքը հանգստացրել և մի կողմ է տարել Գևորգ Մնջոյանին, փորձել է պարզել որն է վեճի պատճառը, միաժամանակ հանդարտացնելով բոլորին, նույն պահին, երբ ինքը և Գևորգը առանձին են եղել կանգնած, ձեռքով հետ հրելով նրան, վերջինը ցավ է զգացել, իսկ ինքը զգացել է, որ հագուստը որովայնի մասում թաց է: Գևորգ Մնջոյանը բարձրացրել է հագուստները և տեսել է, որ նրա որովայնի ձախ հատվածը արնաշաղախ է, նա նույն պաին բարձրաձայն ասել է <<Արա Կարեն, էս ինձ դանակով խփել ես, պատասխան ես տալու>> և Կարենին մայր է հայհոյել: Երբ Կարենը մոտեցել է իրենց, տեսել է, որ նա իրենց բաժնի աշխատակից Կարեն Պետրոսյանն է, ում հետ վիճաբանել է Գևորգը և որին ինքը մինչ այդ չի նկատել: Ինքը տեսնելով և հասկանալով, որ Գևորգը վնասվածք է ստացել, նրան նստեցրել է Գ.Սունդուկյանի արձանի պատվանդանին: Այդ ժամանակ Կարենը պահել է իր հեռախոսի լույսը Գևորգի որովայնին և ասել է <<Կարողա ջեբտ դանակա եղել, որ ընգնելուց մտել է փորդ>>, իսկ Գևորգն ասել է, որ իր մոտ դանակ չկա, հենց ինքը` Կարենն է դանակով խփել: Անմիջապես իր հեռախոսով զանգահարել է շտապօգնություն: Մի քանի րոպե անց իրենց են մոտեցել երկու տղամարդ, հասկացել է, որ Գևորգի ընկերներն են և հարցրել են, թե ինչ է պատահել, Գևորգը նորից մատնանշել է Կարեն Պետրոսյանին և ասել, որ վերջինս իրեն դանակով հարվածել է: Այդ տղաները մոտեցել են Կարենին, քաշքշել հագուստից և Կարենին ասել են, որ գա որպեսզի պարզաբանեն, թե ինչ է պատահել, սակայն Կարենը չի գնացել և նրանց միջև կռիվ չի եղել: Այնուհետև Գևորգին նրա ընկերոջ հետ պատահական տաքսիով տարել են հիվանդանոց:
Վկա Մարետա Բարխուդարյանը ցուցմունքներ է տվել այն մասին, որ հանդիսանում է Կարեն Պետրոսյանի մայրը: Դեպքի օրը իրենք գնացել են Սուդուկյանի այգի` մանկական խաղալիքներ վաճառելու: Մինչ այդ օրը մի քանի անգամներ, որ ինքը Գ.Սունդուկյանի թատրոնի մոտակայքում առևտրով է զբաղվել, միշտ էլ տվել է պահանջվող գումարը, պատահել է, որ գումարը տվել է առևտրի կամ սկզբում, կամ ընթացքում, կամ վերջում, կանչել է իր որդուն թատրոնի: Կես ժամ անց մոտեցել է իրենց մի տղա փող հավաքելու, որը միշտ էլ իրենք վճարել են տեղի համար, Կարենը այդ տղային ասել է, որ դեռ առևտուր չեն արել, երբ առևտուր անեն գումարը կտան: Այդ տղան պնդել է, որ այդ պահին տան գումարը: Կարենը կրկին ասել է, որ հենց գումար լինի կտան: Այդ տղան գնացել է մի կողմ և զանգահարել է, իսկ քիչ անց եկել է Գևորգ անունով մի տղա, ով հեռվից սեռական բնույթի տարբեր հայհոյանքներ տալով` մոտեցել է զանգահարող տղային, հարցրել, թե ով չի տալիս գումարը, վերջինս էլ մատնացույց է արել իր տղային: Երբ Գևորգը հայհոյանքներ տալով մոտեցել է իրենց, որդին դիտողություն է արել նրան, ասելով, որ իր մայրն է կանգնած, բացի այդ շատ կանայք էլ կան տարածքում: Գևորգն ասել է, որ ով գումար չտա, ապրանքը կոտրեն, ամեն ինչ փշրեն և վռնդեն տարածքից: Որդին խոսակցության մեջ է մտել և ասել, որ դա հարցի լուծում չէ, 1000 դրամի համար այդպես վարվելը ճիշտ չէ: Այդ ժամանակ Գևորգ Մնջոյանին ասել են, որ Կարենը ոստիկան է, իսկ նա ընդհանուր հայհոյել է ոստիկաններին էլ, պետին էլ: Գևորգը իր տղայի կրծքավանդակի հատվածից քաշելով տարել է մի փոքր հեռու աստիճանների մոտ, Կարենին գցել են գետնին ու սկսել են ոտքերով հարվածել: Ինքը միջամտել է, հրել է այդ տղաներին, ցանկացել որդուն գետնից բարձրացնել: Բոլոր կանայք հավաքվել են իրեն օգնելու համար, հետո, երբ որդուն բարձրացրել են, Գևորգը 25-30 մետր հեռու է եղել իրենցից, երբ գոռացել ու ասել է, որ իրեն խփել են: Որդու վրայի վնասվածքներից նկատել է միայն աչքի հատվածում կարմրածություն: Մի տղայի հետ Գևորգը նստել է այգում եղած արձանի մոտ, երբ երկու հոգի մոտեցել են նրան, հարցրել ինչ է պատահել, ում հետ է կռիվ արել, իսկ Գևորգը մատնացույց է արել իր որդուն և ասել է, որ նրա հետ է վիճել: Իրենք մոտեցել են, տեսել են, որ Գևորգի կրծքավանդակի ձախ կողմից անցք է եղել բացված և արյուն է եկել: Կարենը հարցրել է, թե ով է խփել, ինչ է պատահել: Գևորգը պատասխանել է, որ չգիտի: Իր տղայի մոտ դանակ չի տեսել, դանակ իրենք առհասարակ չեն ունեցել, քաշքշուկի սկզբից մինչև վերջ եղել է իր որդու մոտ, չի հեռացել նրանից: Այնուհետև զանգահարել են շտապօգնություն, ոստիկանություն, իսկ քիչ անց իրենց տարել են բաժին:
Վկա Նունե Չիչոյանը ցուցմունքներ է տվել այն մասին, որ <<Անգլիական>> այգում զբաղվում է առևտրով: Դեպքը եղել է ամռանը, ժամը 16-ի սահմաններում: Այնտեղ փուչիկներ է վաճառելիս է եղել, երբ մոտեցել և տեղի համար գումար են պահանջել: Իրենք հրաժարվել են վճարել, որից հետո մտել են թատրոնի շենք, իսկ քիչ անց աղմուկ լսելով դուրս են եկել և տեսել, որ գումար հավաքելու շուրջ վեճ է ծագել Կարենի և գումար հավաքողների միջև: Կարենը հրաժարվել է գումար տալուց: Անդրանիկը, ով գումար հավաքողն է եղել, զանգել է Գևորգին, ում նաև <<Ժոր>> են անվանել և ասել, որ գումարները չեն տալիս: Այնուհետև մոտեցել է Ժորը և ասել է, որ եթե գումարները չեն տալիս, ծեծելով էլ լինի վերցնեն: Սեռական բնույթի հայհոյանքներ է տվել: Կարենը նկատողություն է արել, ասելով, որ մայրը իր կողքին է հայհոյանքներ չտա: Տեսել է միայն այն, որ Կարենին հրել է աստիճաններից ներքև և խփել է, հետո լեզվակռիվ է սկսվել, ինքը հեռու է եղել: Այնուհետև տեսել է, որ նրանց հետ ինչ-որ մեկն ասել է <<արյուն է կողքս, ով է խփել>>: Կարենին Ժորը իջեցրել է աստիճաններից ներքև, խփել է, հետո Կարենի մայրը մոտեցել է, որպեսզի բաժանի, իրենք էլ են մոտեցել բաժանելու, օգնելու: Կարենը չի հարվածել, նա եղել է գետնին ընկած: Գևորգը միայն հարցրել է, թե ով է խփել իրեն դանակով: Կռվի ժամանակ իրենք բաժանել են, իսկ բաժանելուց հետո արդեն մի կողմ են գնացել: Կարենին բաժանելուց հետո ինքը Կարենի ձեռքում ոչինչ չի տեսել: Գետնին ընկած են եղել Գևորգի բանալիները և ևս ինչ-որ բան, որը հանձնել են Գևորգին: Եթե Կարենի մոտ դանակ լիներ կամ նա դանակով խփած լիներ, իրենք կտեսնեին: Մինչև ոստիկանների գալը Կարենը դեպքի վայրից չի բացակայել: Կռիվը տևել է 5-7 րոպե:
Տուժող Գևորգ Մնջոյանի հետ առերես հարցաքննության ժամանակ վկա Նունե Չիրոյանը հայտնել է, որ 2014 թվականի հունվարի 08-ին, երբ իրենց է մոտեցել Անդրանիկը և պահանջել է տեղի համար 1000 դրամ, ինքը չի տվել և չի կարող ասել, թե ով է տվել այդ գումարը, բայց Մարետան նույնպես հրաժարվել է գումարը տալուց: Դրանից հետո Անդրանիկը զանգահարել է ինչ-որ մեկի, ասելով, որ գումարները չեն տալիս: Մի քանի րոպե անց այգի է եկել Գևորգը և ասել <<Ով չի տալիս, ծեծելով վեկալ>> և սկսել է սեռական բնույթի հայհոյանքներ տալ: Կարենը լսելով այդ հայհոյանքները, Գևորգին ասել է, որ չհայհոյի, կողքին մայրն է կանգնած, բացի այդ տարածքում բոլորը կանայք են և ուզել է կարգի հրավիրել նրան: Նույն պահին Գևորգը մոտենալով Կարենին ասել է <<Դու ինձ պետք է ասես, թե ինչ անեմ>> և բռնելով Կարենի հագուստներից, քաշել և իջեցրել է հարթակի վրայից այգու մեջ, ինչի հետևանքով Կարենը ընկել է գետնին և Գևորգը սկսել է ձեռքերով և ոտքերով հարվածել նրան: Ինքը, Մարետան և էլի մի քանի հոգի կանանցից, փորձել են բաժանել նրանց: Քանի որ խառնաշփոթ վիճակ է եղել, չի կարող ասել, թե ով ինչ է արել այդ ժամանակ, բայց կռիվ անողները եղել են միայն Կարենը և Գևորգը: Ի վերջո իրենք կարողացել են բաժանել Կարենին և Գևորգին: Կարենին իրենք կանանցով մի կողմ են տարել, իսկ Գևորգին ինչ-որ տղա մյուս կողմ է տարել: Երբ Գևորգին այդ տղան մի կողմ է տարել, մոտավորապես 10-15 մետր հեռու և խոսել են, Գևորգը հագուստը բարձրացրել է և ինքը տեսել է, որ նրա որովայնի վրա արյուն է, այդ ժամանակ Գևորգը խոսքն ուղղելով Կարենին` գոռացել է <<արա էս դանակով խփեցիր>>: Կարենն էլ ասել է, որ ինքը դանակով չի խփել, սակայն Գևորգը պնդել է, որ իրեն դանակով Կարենն է խփել: Հիշում է, որ այդ ժամանակ Գևորգն ասել է Կարենին, որ <<դու քո ընկերների հետ կորար>>: Գևորգին նստեցրել են արձանի պատվանդանի տակ և դրանից մի քանի րոպե անց եկել են մեկ կամ երկու հոգի, ովքեր ենթադրում է, որ Գևորգի ընկերներն են և Գևորգին տարել են հիվանդանոց: Կարենի կամ այլ անձի մոտ դանակ կամ այլ նմանատիպ առարկա չի տեսել:
Վկա Աստղիկ Անանյանը ցուցմունքներ է տվել այն մասին, որ Գ.Սունդուկյանի անվան թատրոնի մոտ առևտրով է զբաղվում, Կարեն Պետրոսյանին տեսել է դեպքի օրը, Գևորգ Մնջոյանին չի ճանաչում: Դեպքի օրը ինքը առևտուր անելիս է եղել թատրոնի դիմաց: Կարեն Պետրոյանը մոր հետ եղել են իրենից 4 մետր հեռավորության վրա: Տեսել է, որ վեճ է եղել, վիճաբանության պատճառը չի իմացել: Վիճաբանողներին բաժանել են կանայք, տարբեր մարդիկ են եղել: Ինքը տեսել է Կարենին ընկած: Կռիվը հանդարտվելուց հետո, երբ Գևորգին բերել և նստեցրել են իրենց մոտ` մի քարի վրա, տեսել է, որ արյուն է գալիս: Գևորգը հարցրել է <<ով ինձ խփեց>>, առաջ է գնացել դեպի Կարենի ուղղությամբ, այնուհետև մարդիկ նրան օգնել են, տեղափոխել են հիվանդանոց:
Վկա Ռոզա Ամիրջանյանը ցուցմունքներ է տվել այն մասին, որ զբաղվում է առևտրով, ճանաչում է Կարեն Պետրոսյանին, քանի որ վերջինս հաճախակի է այցելել իր մորը, Գևորգ Մնջոյանին չի ճանաչում: Դեպքի օրը իրենց կողքին առևտրով են զբաղվել նաև Կարենն ու նրա մայրը: Որոշ ժամանակ անց Կարենին և նրա մորը մոտեցել է մի անձնավորություն, ասել է, որ փողը տան: Կարենն ասել է, ինչ տեղի փող: Հետո հայհոյանքներ է լսել: Կարենին այդ տղան հայհոյել է, Կարենն ասել է, որ իր մայրն է այնտեղ, կան էլի կանայք, ասել է, որ չհայհոյի: Հետո կռվել են, ինքը չի մոտեցել, հետո երկու տղա մոտեցել են Գևորգին տարել են, ասել են, որ արյուն է գալիս, Գևորգը բացել է որովայնի հատվածը, ցույց է տվել որ արյուն է գալիս, ասել է, որ խփել են: Կոնկրետ անուն չի ասել, թե ով է խփել, դեպքի վայրում, ինչպես նաև Կարենի մոտ դանակ չի տեսել:
Վկա Գեղանուշ Սիմոնյանը ցուցմունքներ է տվել այն մասին, որ զբաղվում է առևտրով, ճանաչում է Կարեն Պետրոսյանին, չի ճանաչում Գևորգ Մնջոյանին: Ինքը դեպքի վայր է հասել այն ժամանակ, երբ կռիվը հանդարտված է եղել և Գևորգը Կարենի ուղղությամբ բղավել է` <<էս դու խփեցիր>>: Կարենն ասել է <<ես քեզ չեմ խփել, սարքում ես>>: Տեսել է Գևորգին քարի վրա նստած, կողքը բռնած: Հետագայում իրեն ասել են, որ Կարենն է խփել Գևորգին: Դեպքից հետո երկու հոգի մոտեցել են Գևորգին, հարցրել են ով է խփել, Գևորգը ցույց է տվել Կարենին, նրանք մոտեցել են Կարենին, տեղի է ունեցել քաշքշուկ, սակայն կռիվ և ծեծկռտուք չի եղել: Իր իմանալով վիճաբանությունը տեղի է ունեցել տեղի գումարի համար: Եկել են գումար են ուզել, Կարենը չի տվել և այդպես վիճաբանություն է տեղի ունեցել: Կարենի ձեռքին դանակ չի տեսել:
Վկա Ստելլա Աբրահամյանը ցուցմունքներ է տվել այն մասին, որ ճանաչում է Կարեն Պետրոսյանին, չի ճանաչում տուժող Գևորգ Մնջոյանին: Դեպքի օրը գնացել է Գ.Սունդուկյանի թատրոնի այգի` առևտուր անելու: Դեպքից ոչինչ չի տեսել: Ձայներ է լսել, մեքենայից դուրս է եկել, մտել է այգի, տեսել է, որ մարդիկ են հավաքված: Այտեղ Կարենին է տեսել, Գևորգին չի տեսել, ասել են, որ Կարենը դանակով խփել է Գևորգ Մնջոյանին, բայց ինքը հստակ չի կարող ասել եղել է այդպիսի բան, թե ոչ: Կարենը դանակ չի ունեցել, դեպքից 10 րոպե առաջ փնտրել է դանակ սկոչ կտրելու համար: Երբ ինքը մտել է այգի ոստիկաններն են եղել այնտեղ:
Վկա Մարինե Կարաբաբյանը ցուցմունքներ է տվել այն մասին, որ ճանաչում է Կարեն Պետրոսյանին, քանի որ ինքն էլ է զբաղվում առևտրով և տեսել է նրան: Դեպքի օրը եղել է Արամ Խաչատրյանի անվան համերգասրահի մոտ, երբ հետ է եկել Գ.Սունդուկյանի անվան թատրոնի մոտ, արդեն առաջին սեանսը վերջացած է եղել: Թատրոնի դիմաց տեսել է Գևորգ Մնջոյանին պատուհանի տակ նստած, ձեռքը որովայնի հատվածում, այնուհետև նրան մոտեցել են իր ծանոթները, սպասել են շտապօգնության գալուն, սակայն քանի որ շտապօգնությունը ուշացել է, նրան այլ ավտոմեքենայով են տեղափոխել հիվանդանոց և չանցած հինգ րոպե եկել են ոստիկանության աշխատակիցները: 20 րոպե է եղել այգում: Ինքը առևտրականներից իմացել և իրավիճակին նայելուց հասկացել է, որ վիճաբանություն է տեղի ունեցել:
Վկա Անդրանիկ Միքայելյանը ցուցմունքներ է տվել այն մասին, որ աշխատում է <<Անգլիական>> այգում որպես այգեպան: Չի ճանաչում Կարեն Պետրոսյանին, ճանաչում է Գևորգ Մնջոյանին որպես իրենց տնօրեն, քանի որ այգում առևտրականներ են հավաքվել և աղտոտել են այգին, իրենց վճարել են գումարներ, որպեսզի հավաքարարը այդ գումարների դիմաց մաքրի իրենց աղտոտած տարածքը: Դեպքի օրը գնացել է այդ գումարները հավաքելու: Առևտրականների մի մասը հրաժարվել է գումար տալուց, ինքը կանչել է տնօրենին, որպեսզի գա և նրանց դուրս հանի տարածքից: Տնօրենը եկել է, ինքը գնացել է թռչուններին կերակրելու: Երբ հետ է եկել, տեսել է, որ տնօրենը ինչ-որ մեկի հետ կանգնած զրուցում է: Սկզբում չի մոտեցել, այնուհետև մոտեցել ու տեսել է, որ տնօրենի որովայնի հատվածից արյուն է գալիս, ինչը տեսնելով նրան տարել են, նստեցրել են քարին, փորձել են օգնություն ցույց տալ: Ինքը չի մասնակցել կռվին, այդտեղ չի եղել, չգիտի ով է հարվածել Գևորգին: Նա ասել է, որ առևտրականներից մեկի հետ խնդիր է ունեցել, ով իրեն խփել է, բայց կոնկրետ այլ բան չի ասել: Ինքը հետո է իմացել, որ Գևորգի հետ խնդիր ունեցողը ոստիկան է եղել::
Վկա Սամվել Բաբայանը ցուցմունքներ է տվել այն մասին, որ չի ճանաչում Կարեն Պետրոսյանին, Գևորգ Մնջոյանի հետ ունի ընկերական հարաբերություններ: 2014 թվականի հունվարի 08-ին Գևորգը զանգահարել և ասել է, որ իրեն խփել են: Ճշտել է Գևորգի տեղը և գնացել է <<Անգլիական>> այգի: Երբ հասել է Գևորգը ինչ-որ մեկի հետ կանգնած է եղել: Ինքը հարցրել է` ինչ է տեղի ունեցել, Գևորգն ասել է, որ խփել են իրեն: Այդ տղային էլ հարցրել է, թե նա ով է, վերջինս պատասխանել է, որ ոստիկանության աշխատակից է: Հարցրել է` ով է խփել, Գևորգը գլխով ցույց է տվել 20-25 մետր հեռավորության վրա գտնվող մոտ 30 հոգի մարդկանց: Կարեն Պետրոսյանին անձնապես չի ասել, որ չփախչի, ինքը բոլորին է ասել, որ չփախչեն մինչև ոստիկանությունը գա:
Վկա Սիմոն Ավետիսյանը ցուցմունքներ է տվել այն մասին, որ հանդիսանում է <<Բյուրակն>> ընկերության նախագահ, չի ճանաչում Կարեն Պետրոսյանին, ճանաչում է Գևորգ Մնջոյանին: Դեպքի օրը նստած է եղել գրասենյակում, երբ Սամվել Բաբայանին զանգ է եկել և ասել են, որ կռիվ է եղել: Սամվելը գնացել է, մինչև ինքը հասել է, տեսել է, որ արյուն է գալիս: Սամվելը և ինչ-որ ոստիկանության աշխատակից Գևորգին տարել են հիվանդանոց: Գևորգի հետ խոսել է վիրահատությունից հետո, նա իրեն ասել է, որ չգիտի ով է խփել իրեն: Վիճաբանությունը եղել է աղբը հավաքելու համար գումարներ հավաքելու շուրջ առևտրականների հետ:
Վկա Սաթիկ Պետրոսյանը ցուցմունքներ է տվել այն մասին, որ աշխատում է <<Անգլիական>> այգում որպես հավաքարար, չի ճանաչում Կարեն Պետրոսյանին, Գևորգ Մնջոյանի հետ ծանոթացել է աշխատանքի ընդունվելու հետ կապված հարցերով: Ինքը դեպքի մասին ոչինչ չգիտի, դեպքի օրը ինքը շուտ է գնացել տուն, երբ հաջորդ օրը եկել է աշխատանքի, Անդրանիկն իրեն ասել է, որ դեպք է տեղի ունեցել: Անդրանիկը հավաքել է առևտրականներից գումարներ, իրեն ասել է, որ յուրաքանչյուրից 50-200 դրամ գումարներ է հավաքել, ընդհանուր հավաքվել է 8000 դրամ գումար, որից 4000 դրամ գումարը տվել է իրեն, իսկ մնացածը պահել է իր մոտ:
Վկա Հրանտ Հարությունյանը ցուցմունք է տվել այն մասին, որ աշխատում է ՀՀ ոստիկանության Կենտրոնական բաժնի քրեական հետախուզության բաժնի ավագ օպերլիազոր, որտեղից էլ ճանաչել է Կարեն Պետրոսյանին: Դեպքի մասին ռադիոկապով իմանալուց հետո իր ծառայողական մեքենայով գնացել է այնտեղ, զրուցել Կարենի հետ, ով իրեն ասել է, որ վիճաբանություն է տեղի ունեցել, սակայն մանրամասները չգիտի, իմացել է նաև, որ ինչ-որ մեկին հիվանդանոց են տարել:
Վկա, ՀՀ ոստիկանության պետական պահպանության գլխավոր վարչության կենտրոնական բաժնի վաշտի հրամանատար Արմեն Բեջանյանը ցուցմունքներ է տվել է այն մասին, որ Կարեն Պետրոսյանը հանդիսացել է իրենց վաշտի ոստիկաններից մեկը: 2014թ-ի հունվարի 08-ին ժամը 19-ի սահմաններում զանգահարել է իրենց աշխատակիցներից Գեղամ Ամիրջանյանը և զեկուցել, որ Սունդուկյանի թատրոնի մոտ վիճաբանություն է տեղի ունեցել, մարդ են դանակահարել: Դեպքի վայր է ուղարկել օպերատիվ խումբ, իսկ քիչ անց զանգահարել է Կարեն Պետրոսյանը և նրան ասել է, որ օգնի Գեղամին: Չի իմացել, որ վիճաբանությունը Կարենի հետ է տեղի ունեցել: Իրեն ասել են, որ մարմնական վնասվածք կա, գնացել է դեպքի վայր: Երբ տեղ է հասել, դեպքի վայրի զննությունը ավարտվելիս է եղել: Կարեն Պետրոսյանն իրեն ասել է, որ տեղի գումարի հետ կապված վիճաբանություն է տեղի ունեցել, իրեն հայհոյել են, քաքշել են, գցել են գետնին, ինքը չի հարվածել: Հարցրել է Կարենին ինչպես է եղել, որ Գևորգը վնասվածք է ստացել, նա պատասխանել է, որ ինքն էլ չգիտի, թե ինչպես է դա ստացվել: Դեպքից հետո Կարենը դեռևս աշխատել է, աշխատանքի է գնացել մինչև կալանավորվելը, ինքը անընդմեջ հարցրել է ինչպես է պատահել, սակայն նա միշտ նույնն է պատասխանել` ասելով, որ տեղյակ չէ, թե ինչպես է մարմնական վնասվածք հասցվել Գևորգ Մնջոյանին:
Դեպքի վայրի զննության մասին 2014թ-ի հունվարի 10-ի արձանագրության և դրան կից լուսանկարչական հավելվածի համաձայն` Գեղամ Ամիրջանյանը մատնացույց է արել թատրոնի դիմաց` <<Անգլիական>> կոչվող այգու այն հատվածը, որտեղ 2014 թվականի հունվարի 08-ին տեղի է ունեցել Կարեն Պետրոսյանի և Գևորգ Մնջոյանի միջև վիճաբանությունը:
Համաձայն անձին բերման ենթարկելու մասին արձանագրության` Կարեն Պետրոսյանը 2014 թվականի հունվարի 08-ին ժամը 19:40-ին, Երևան քաղաքի <<Անգլիական>> կոչվող այգուց ՀՀ ոստիկանության կենտրոնականի բաժին է բերման ենթարկվել մարմնական վնասվածք պատճառելու կասկածանքով:
Համաձայն իրեղեն ապացույցները ներկայացնելու, զննելու և վերցնելու մասին արձանագրության` 2014 թվականի հունվարի 08-ին ՀՀ ոստիկանության ՔԳՎ Երևանի քննչական վարչության կենտրոնականի քննչական բաժնի ՀԿԳ ավագ քննիչ Հ.Սարգսյանին <<Արամյանց>> բժշկական կենտրոնի վիրահատարանի բուժքրոջ կողմից ներկայացվել են տուժող Գևորգ Մնջոյանի հագուստները, որոնք զննվել և վերցվել են:
Համաձայն 2014 թվականի հունվարի 14-ի <<Արամյանց>> բժշակական կենտրոնի ավագ հերթապահ վիրաբույժ Ա.Կիրակոսյանի կողմից տրված տեղեկանքի` Գևորգ Մնջոյանը <<Արամյանց>> բժշկական կենտրոն ընդունվել է 2014 թվականի հունվարի 08-ին ժամը 19:20-ին` որովայնի կտրած-ծակած թափանցող վերք ախտորոշմամբ: Գևորգ Մնջոյանը վիրահատվել է, որի ընթացքում պարզվել է, որ վնասվել է մեծ ճարպոնը:
Համաձայն 2014 թվականի հունվարի 20-ի դատաբժշկական փորձաքննության թիվ 36/հ եզրակացության` Գևորգ Մնջոյանի մարմնական վնասվածքները` որովայնի առաջային պատի թափանցող, մեծ ճարպոնի վնասումով ծակած-կտրած վերքի, կրծքավանդակի ձախ կեսի շրջանի կտրած-ծակած վերքի ձևով պատճառվել են սուր ծակող-կտրող գործիքով, որոնք առողջությանը պատճառել են ծանր վնաս` կյանքին վտանգ սպառնացող:
Համաձայն դատաբժշկական փորձաքննության թիվ 1 եզրակացության` փորձաքննությանը ներկայացված Գևորգ Մնջոյանից վերցված արյան նմուշն ըստ արյան ABO իզոշճաբանական համակարգի պատկանում է արյան AB խմբին, իսկ փորձաքննության ներկայացված` Գևորգ Մնջոյանի բաճկոնի, ջեմպրի, կիսաթև և անթև մայկաների, անդրավարտիքի, գոտու և կոշիկի վրա առկա կասկածելի արնանման հետքերում հաստատվել է մարդկային ծագման արյան AB խումբ ունեցող որևէ անձից, այդ թվում` հնարավոր էր նաև առաջանար Գևորգ Մնջոյանից:
<<Adidas>> գրառումով սև բաճկոնը, <<bossini>> գրառումով երկարաթև սև ջեմպրը, <<Melante>> գրառումով կիսաթև սև մայկան, <<MYC 02>> գրառումով անթև սև մայկան, <<DAWSIN>> գրառումով շագանակագույն վիլվետի կտորից անդրավարտիքը, սև կաշվե գոտին, կանաչ թաշկինակը, <<BLUE WEX>> գրառումով մեկ զույգ շագանակագույն կոշիկը`ճանաչվել են իրեղեն ապացույցներ։
Պաշտպան Յու. Ալոյանի կողմից վերաքննիչ բողոքում բերված պատճառաբանությունները հերքվում են նաև հետևյալով:
-Ինչպես նախաքննական մարմինը, այնպես էլ դատարանը ճիշտ քրեաիրավական գնահատական են տվել Կարեն Պետրոսյանի արարքին` գործի փաստական հանգամանքներով ապացուցված համարելով, որ նա 2014 թվականի հունվարի 08-ին ժամը 18:45-ի սահմաններում Երևան քաղաքի <<Անգլիական>> կոչվող այգում, Գ.Սունդուկյանի անվան թատրոնի դիմաց, խաղալիքների մանրածախ առևտրով զբաղվող իր մորից գումարներ պահանջելու հարցի շուրջ վիճաբանության և ծեծկռտուքի մեջ է մտել Գևորգ Մնջոյանի հետ, որի ընթացքում դանակով երկու անգամ հարվածել է Գևորգ Մնջոյանի որովայնին և կրծքավանդակին` դիտավորությամբ պատճառելով կյանքին վտանգ սպառնացող ծանր վնաս` որովայնի առաջային պատի թափանցող, մեծ ճարպոնի վնասումով ծակած-կտրած վերքի, կրծքավանդակի ձախ կեսի շրջանի կտրած վերքի ձևով:
-Գործի փաստական տվյալներով չի արձանագրվել որևէ հանգամանք, որը կարող էր բավարար հիմք հանդիսանալ տուժող Գևորգ Մնջոյանի և վկաների ցուցմունքները անարժանահավատ համարելու համար, առավել ևս, որ դրանցում որևէ էական հակասություն չկա և դրանք իրենց համակցությամբ թույլատրելի և բավարար են ամբաստանյալ Կարեն Պետրոսյանին մեղսագրված հանցանքը հիմնավորված համարելու համար:
Գործով ձեռք բերված ապացույցների համակցությամբ գնահատելով տուժողի և վկաների ցուցմունքները, վերաքննիչ դատարանը փաստում է, որ դրանք որոշակիորեն միտված են մեղմացնելու Կարեն Պետրոսյանի պատասխանատվությունը կամ նրան զերծ պահելու քրեական պատասխանատվությունից, ինչպես նաև ամբաստանյալին որպես տուժող Մնջոյանին անմիջականորեն վնասվածք պատճառողի մատնանշելուց` հաշվի առնելով նաև նրա սոցիալական կարգավիճակն ու իրենց հետ ունեցած փոխհարաբերությունները:
-Ինչ վերաբերում է Գ.Սունդուկայնի անվան թատրոնի տարածքի տեսաձայնագրմանն ու դրանց կրիչների առգրավմանը, ապա ի հակառակ ամբաստանյալ Պետրոսյանի պնդումների, գործում առկա է թատրոնի տնօրեն Մ.Դավթյանի գրությունն ի պատասխան նախաքննական մարմնի հարցման, առ այն, որ 04.01.2014թ-ին թատրոնի շրջակայքը նկարահանող տեսախցիկները չեն աշխատել, որի պատճառով այդ ժամանակահատվածի տեսագրությունները իրենք չեն կարող տրամադրել քննությանը:
-Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի կողմից պահպանվել են ՀՀ Սահմանադրության, ՀՀ քրեադատավարական օրենսդրության, Մարդու իրավունքների և հիմնարար ազատություների պաշտպանության մասին Եվրոպական կոնվենցիայի, ինչպես նաև ՀՀ Վճռաբեկ դատարանի նախադեպային որոշումների պահանջները:
Վերաքննիչ դատարանը յուրաքանչյուր ապացույց գնահատելով վերաբերելիության, թույլատրելիության, իսկ ամբողջ ապացույցներն իրենց համակցության մեջ, գտնում է, որ ամբաստանյալ Կարեն Պետրոյսնաը 2014 թվականի հունվարի 08-ին վիճաբանության և ծեծկռտուքի մեջ է մտել Գևորգ Մնջոյանի հետ, որի ընթացքում դանակով երկու անգամ հարվածել է նրա որովայնին և կրծքավանդակին` դիտավորությամբ պատճառելով կյանքին վտանգ սպառնացող ծանր վնաս, այսինքն կատարել հանցանք, որը համապատասխանում է ՀՀ քրեական օրենսգրքի 112-րդ հոդվածի 1-ին մասի հանցակազմին և նրա ու պաշտպանի կողմից բերված պատճառաբանությունները հերքվում են գործի փաստական հանգամանքների վերոնշյալ ամբողջությամբ:
Այսպիսով, հիմք ընդունելով նաև առաջին ատյանի դատարանի պատճառաբանություններն ու իրավական վերլուծությունները, գործով ձեռք բերված ապացույցների գնահատմամբ վերաքննիչ դատարանը հանգում է այն հետևության, որ ամբաստանյալ Կարեն Պետրոսյանի վերաբերյալ ՀՀ քրեական օրենսգրքի 112-րդ հոդվածի 1-ին մասով Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 2014 թվականի դեկտեմբերի 24-ի դատավճիռն օրինական է ու հիմնավորված, այն բեկանելու և փոփոխելու հիմքեր չկան, ուստի վիճարկվող դատական ակտը պետք է թողնել անփոփոխ, իսկ պաշտպան Յու.Ալոյանի վերաքննիչ բողոքը` մերժել:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 393-394 հոդվածներով վերաքննիչ դատարանը
Ո Ր Ո Շ Ե Ց
Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 2014 թվականի դեկտեմբերի 24-ի դատավճիռը քրեական գործով ըստ մեղադրանքի Կարեն Վաչագանի Պետրոսյանի` ՀՀ քրեական օրենսգրքի 112-րդ հոդվածի 1-ին մասով թողնել անփոփոխ, պաշտպանի վերաքննիչ բողոքը` մերժել:
Սույն որոշումը կարող է բողոքարկվել ՀՀ վճռաբեկ դատարանին` հրապարակումից մեկամսյա ժամկետում:
ՆԱԽԱԳԱՀՈՂ ԴԱՏԱՎՈՐ` ստորագրություն
ԴԱՏԱՎՈՐՆԵՐ` ստորագրություններ
Իսկականի հետ ճիշտ է`
ՆԱԽԱԳԱՀՈՂ ԴԱՏԱՎՈՐ` Մ.ԱՐՂԱՄԱՆՅԱՆ
Գործ ԵԿԴ/0060/01/14
Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը
Նախագահությամբ դատավոր` Արմեն Բեկթաշյանի
քարտուղարությամբ` Կարինե Կարապետյանի,
Լիանա Ոսկանյանի
մասնակցությամբ`
մեղադրող` Արթուր Երիցյանի
տուժող` Գևորգ Մնջոյանի
պաշտպան` Յուրիկ Ալոյանի
ամբաստանյալ` Կարեն Պետրոսյանի
2014 թվականի դեկտեմբերի 24-ին, Երևան քաղաքում, դռնբաց դատական նիստում, քննեց քրեական գործն ըստ մեղադրանքի`
Կարեն Վաչագանի Պետրոսյանի` ծնված 21.08.1974 թվականին, Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին չորս անձ, աշխատել է ՀՀ ոստիկանության պետական պահպանության գլխավոր վարչության Կենտրոնական պահպանության բաժնի ոստիկանության վաշտում` որպես ոստիկան, հաշվառված և բնակվել է` ք.Երևան, Ն.Շենգավիթ 11-րդ փողոցի 37/3-րդ շենքի 23-րդ բնակարանում այժմ գտնվում է ՀՀ ԱՆ ՙՎարդաշեն՚ քրեակատարողական հիմնարկում, կալանքի տակ է 04.03.2014 թվականից:
Կարեն Վաչագանի Պետրոսյանը մեղադրվում է ՀՀ քրեական օրենսգրքի 112-րդ հոդվածի 1-ին մասով:
2014 թվականի մարտի 04-ի որոշմամբ Կարեն Վաչագանի Պետրոսյանի նկատմամբ որպես խափանման միջոց է ընտրվել կալանավորումը:
Գործի դատավարական նախապատմությունը.
2014 թվականի հունվարի 08-ին ՀՀ ոստիկանության Կենտրոնական բաժնում թիվ 3-րդ հիվանդանոցից ահազանգ է ստացվել այն մասին, որ իրենց մոտ բուժօգնության է դիմել ԳևորգԱշոտի Մնջոյանը և հայտարարել է, որ Անգլիական այգում անծանոթ անձինք վնասել են իրեն` պատճառելով որովայնի պատի ձախ ենթակողային շրջանի ծակած-կտրած վերք:
Դեպքի առթիվ 2014 թվականի հունվարի 08-ին ՀՀ ոստիկանության ՔԳՎ Երևանի ՔՎ Կենտրոնականի քննչական բաժնում ՀՀ քրեական օրենսգրքի 112-րդ հոդվածի 1-ին մասի հատկանիշներով հարուցվել է թիվ 13100714 քրեական գործը:
2014 թվականի հունվարի 09-ին կասկածյալ Կարեն Վաչագանի Պետրոսյանի նկատմամբ որպես խափանման միջոց է ընտրվել ստորագրություն չհեռանալու մասին:
2014 թվականի հունվարի 09-ի որոշմամբ Գևորգ Աշոտի Մնջոյանը թիվ 13100714 քրեական գործով ճանաչվել է տուժող:
2014 թվականի հունվարի 10-ի որոշմամբ ՀՀ ոստիկանության ՔԳՎ Երևան ՔՎ Կենտրոնականի քննչական բաժնից թիվ 13100714 քրեական գործը ըստ քննչական ենթակայության ուղարկվել է ՀՀ Հատուկ քննչական ծառայություն` նկատի ունենալով, որ ՀՀ օրենսդիր, գործադիր և դատական իշխանության մարմինների ղեկավար աշխատողների, պետական հատուկ ծառայություն իրականացնող անձանց` իրենց պաշտոնական դիրքի կապակցությամբ հանցագծործությամբ կամ նրանց կատարած հանցագործությունների վերաբերյալ գործերով նախաքննությունն իրականացվում է ՀՀ հատուկ քննչական ծառայության քննիչների կողմից:
2014 թվականի մարտի 04-ի որոշմամբ Կարեն Վաչագանի Պետրոսյանը թիվ 13100714 քրեական գործով ՀՀ քրեական օրենսրքի 112-րդ հոդվածի 1-ին մասով ներգրավվել է որպես մեղադրյալ և նույն օրը նրա նկատմամբ որպես խափանման միջոց է ընտրվել կալանավորումը:
2014 թվականի ապրիլի 09-ին ՀՀ հատուկ քննչական ծառայության հատկապես կարևոր գործերի քննիչի պաշտոնակատար Ա.Հարությունյանի կողմից որոշում է կայացվել թիվ 13100714 քրեական գործի նյութերով` անձի նկատմամբ բռնություն գործադրելու զուգորդմամբ խուլիգանություն կատարելու դեպքի առթիվ հարուցել նոր քրեական գործ` ՀՀ քրեական օրենսգրքի 258-րդ հոդվածի 2-րդ մասի հատկանիշներով, առանձնացնել առանձին գարույթում և ընդունել վարույթ:
Նախաքննական մարմնի կողմից Կարեն Վաչագանի Պետրոսյանին ՀՀ քրեական օրենսգրքի 112-րդ հոդվածի 1-ին մասով մեղադրանք է առաջադրվել այն բանի համար, որ նա 2014 թվականի հունվարի 08-ին` ժամը 18:45-ի սահմաններում Երևան քաղաքի ՙԱնգլիական՚ կոչվող այգում` Գ.Սունդուկյանի անվան թատրոնի դիմաց, խաղալիքների մանրածախ առևտրով զբաղվող իր մորից գումարներ պահանջելու հարցի շուրջ վիճաբանության և ծեծկռտուքի մեջ է մտել Գևորգ Աշոտի Մնջոյանի հետ, որի ընթացքում դանակով երկու անգամ հարվածել է Գևորգ Մնջոյանի որովայնին և կրծքավանդակին` դիտավորությամբ պատճառելով կյանքին վտանգ սպառնացող ծանր վնաս` որովայնի առաջային պատի թափանցող, մեծ ճարպոնի վնասումով ծակած-կտրած վերքի, կրծքավանդակի ձախ կեսի շրջանի կտրած վերքի ձևով:
2014 թվականի ապրիլի 25-ին քրեական գործը մեղադրական եզրակացությամբ ստացվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանում:
Ապացույցների հետազոտում և գնահատում.
Ամբաստանյալ` Կարեն Վաչագանի Պետրոսյանը ՀՀ քրեական օրենսգրքի 112-րդ հոդվածի 1-ին մասով առաջադրված մեղադրանքում իրեն մեղավոր չճանաչեց և ցուցմունք տվեց այն մասին, որ իր ընտանիքի հետ միասին բնակվել է Երևան քաղաքի Ներքին Շենգավիթ 11-րդ փողոցի 37/3-րդ շենքի 23-րդ բնակարանում: Հայրը` Վաչագան Պետրոսյանը երկրորդ խմբի հաշմանդամ է, իսկ կինը` Քրիստինե Սարգսյանը, չի աշխատում: Իր խնամքին են գտնվում մանկահասակ երեք երեխաները, Մարիետան` ծնված 2001 թվականին, Արաքսյան` ծնված 2005 թվականին և Նարեկը` ծնված 2006 թվականին, քանի որ իր աշխատավարձը ըստ էության չի բավականացրել իր ընտանիքի հոգսերը հոգալու համար, ուստի իր մայրը` Մարետա Բարխուդարյանը ժամանակ առ ժամանակ, Սունդուկյանի անվան թատրոնի ետնամուտքի դիմացի հարթակի վրա, զբաղվել է մանկական խաղալիքների մանրածախ առևտրով, որպեսզի որևէ կերպ թեթևացնի իրենց ընտանիքի հոգսերը: 2014 թվականի հունվարի 08-ին, քանի որ եղանակը անբարենպաստ է եղել` առատ ձյուն է տեղացել և իր մայրը իրեն խնդրել է, որ այդ օրն ինքը գնա նրան օգնելու: Ժամը 17:00-ից ինքը գտնվել է այնտեղ: Ժամը 19:00-ի սահմաններում իրենց է մոտեցել մի երիտասարդ, ներկայացել որպես այգու պահակ և ասել, որ իրենց գնալուց հետո նրանք են մաքրում այդ տարածքը, ինչի համար իրենք նրան պետք է 1000-ական դրամ վճարեն: Այդ պահին իրենցից բացի նույն աստիճանահարթակի վրա խաղալիքներ են վաճառել նաև այլ անձինք` մոտ 15-ից 20 հոգի: Ինչպես իրենք, այնպես էլ մյուսները, ասել են, որ առևտուրը դեռ չեն ավարտել և փող չունեն, վերջում կտան, սակայն իրենց ասած այդ տղան, որի անունը հետագայում իմացել է, որ Անդրանիկ է, երևի ճիշտ չի հասկացել իրենց ասածն ու նրա մոտ տպավորություն է առաջացել, որ իրենք հրաժարվում են այդ գումարը տալուց և իրենց ասել է, որ հիմա մարդ կգա և իրենց հետ կխոսի: Մոտավորապես 5-7 րոպե անց իրենց է մոտեցել մի երիտասարդ, ով շատ կոշտ-կոպիտ տոնով ասել է, որ ով չի համաձայնվում գումարը վճարել, նրանց հասցեին անվայել խոսքեր է ասել: Ինքն ասել է, որ այդպես չխոսի և, որ իր կողքի կանգնածը իր մայրն է, տարածքում էլ այլ կանայք ու երեխաներ կան, հարցրել է, թե նրա խոսքրն ու էին ուղղված: Նա էլ պատասխանել է, որ հենց իրեն: Այդ ընթացքում նա ձգվել է դեպի աստիճանավանդակը, մի երկու աստիճան բարձրացել և բռնելով իրեն` քշել է դեպի ներքև, քանի որ տարածքը ձյունապատ և սառույցապատ է եղել, ինքը սայթաքել ու վայր է ընկել: Ընկած տեղից իրեն կանայք են բարձրացրել և ինքը փորձել է նրան կարգի հրավիրել, սակյան կանայք իրեն հետ են հրել: Նույն պահին նաև մի քանի հոգի էլ հետ են հրել նրան, որպեսզի նա իրեն չմոտենա: Առաջացած աղմուկի վրա իրենց շուրջը հավաքվել են մի խումբ անձինք, թե վեճը դադարեցնելու համար, թե հետաքրքրությունից դրդված: Մոտ մեկ-երկու մետր հեռավարության վրա միմյանց մոտենալու փորձ կատարելով, իրենք լեզվակռվի մեջ են մտել: Այդ ամենը տևել է մոտ 1-2 րոպե, որից հետո իր շուրջը խմբված մարդիկ իրեն մի կողմ են տարել, իսկ այդ տղային տարել են դեպի շատրվանների կողմը: Միջադեպի ավարտից որոշ ժամանակ անց այդ տղան, որը հետո իմացել է, որ անունը Գևորգ է, բղավել է` ՙինձ խփել են՚ և այդ լսելով ինքը գնացել է դեպի նրա կողմը: Գետնից վերցրել է հեռախոսը, բանալիների մի խուրձ և մոտեցել է նրան: Նրան ցույց է տվել գտած իրերը և հարցրել է իրենն է, թե ոչ, նա հասկացրել է, որ նրանն է և ինքը հարցրել է, թե ինչ է պատահել, նա ասել է, որ իրեն խփել են: Այդ պահին ինքը տեսել է նաև իրենց բաժնի ոստիկան Գեղամ Ամիրջանյանին, որն իր հարցական հայացքին ի պատասխան ցույց է տվել իր արյունոտված ձեռքը ու ասել, որ խփած է: Այդ ընթացքում Գևորգի ձեռքը ձախ կողքի վրա է դրված եղել: Ինքն ասել է, որ շորը բարձրացնի տեսնեն ինչ է եղել, նա բարձրացրել է իր հագուստը, ինքը ավելի մոտ է գնացել և իր բջջային հեռախոսի էկրանի լույսը պահել է նրա ցույց տված հատվածին և տեսել է, որ վնասվածք է ստացել: Ինքը հանկարծակիի է եկել, շփոթվել ու զարմացել, քանի որ ինքը նրան այդ վնասվածքը չի պատճառել: Հարցրել է, որ հնարավոր է նրա գրպանում սուր ինչ որ բան կա, որը հրմշտոցի ժամանակ վնասած լինի նրան: Նա էլ պատասխանել է, որ ՙչէ ախպեր ինձ խփել են՚: Գևորգը ցանկացել է ձյուն դնել վերքի վրա, ինքը չի թողել, ասելով, որ ձյունը կարող է վնասել, լավ կլինի թաշկինակով լավ սեղմի վերքի վրա, որ չարյունահոսի: Անմիջապես բղավել է, որ զանգահարեն շտապօգնություն, միևնույն ժամանակ ինքը նայել է չորսբոլորը, փորձել է հեռու և մոտ կանգնած մարդկանց մեջ գտնել շփոթված, դեպի հեռուն վազող մարդ: Տեսնելով, որ Գեղամը զանգահարել է շտապօգնություն, ինքը հեռացել է նրանցից մի քանի քայլ և զանգահարել է իր անմիջական ղեկավար` Արմեն Բեջանյանին և հայտնել է, որ Սունդուկյանի թատրոնի մոտ է, իր հետ վիճաբանություն է եղել, այդ ընդացքում իր հետ վիճաբանող տղան վնասվածք է ստացել, սակայն ինքը չի նրան պատճառել այդ վնասվածքը: Նա ասել է, որ այնտեղ մնա, խումբ կուղարկի ու ինքը նրանց հետ կգա: Մինչև ոստիկանության աշխատակիցների գալը, Գեղամը Գևորգին տարել է հիվանդանոց: Մնչև եկել է ոստիկանության օպերատիվ խմբի գալը ինքը մնացել է այնտեղ, այնուհետև մոտեցել է նրանց և ասել, թե ինչ է տեղի ունեցել, նրանց հայտնել է, որ ինքը Գևորգին մարմնական վնասվածք չի պատճառել: Դեպքի վայր եկած օպեր լիազորներից մեկն իրեն ասել է, որ քանի վիճաբանությունը իր հետ է տեղի ունեցել, ուստի պետք է գնան ոստիկանության բաժին` պարզելու եղելությունը: Ասել է, որ անպայման պետք է գնան, որովհետև ինքը զեկուցագիր պետք է գրի կատարվածի կապակցությամբ: Օպերը իրեն և իր հագուստը զննել է, զննել է նաև տարածքը և իրենք միասին իր ավտոմեքենայով գնացել են բաժին: Բաժնում իրեն ևս մեկ անգամ մանրակրկիտ զննության են ենթարկել և արդյունքում` բացի իր հեռախոսից ոչ ինչ չի հայտնաբերվել, թե իր մարմնի և, թե իր հագուստի վրա արյան հետքեր չեն եղել: Բաժնում ինքը տեղեկացրել է քննիչին և քրեական հետախուզության պետին, որ թատրոնի տարածքը տեսաձայնագրվում է և խնդրել է որպեսզի նրանք առգրավեն այդ ձայնագրությունները և այն օգտագործեն օբյեկտիվ քննության ժամանակ: Տեսախցիկը ուղղված է եղել այն տարածքի կողմը, որտեղ տեղի է ունեցել իր և Գևորգի վիճաբանությունը: Մի երկու օրից ներկայացել է բաժին, որտեղ քննիչն իրեն հայտնել է, որ սարքը այդ ամենը չի նկարահանել: Քրեական գործում այդ մասին որևէ փաստաթուղթ կամ արձանագրություն չկա, ու, եթե այդ տեսաձայնագ րման տվյալները լինեին, ապա հաստատապես համոզված է, որ ինքը չէր հայտնվի ամբաստանյալի կարգավիճակում: Ինքը Գևորգին մարմնական վնասվածք չի հասցրել: Խնդրել է իրեն ազատ արձակել դատական նիստերի դահլիճում` իր նկատմամբ հարուցված քրեական գործը կարճել:
Ամբաստանյալ Կարեն Վաչագանի Պետրոսյանի` ՀՀ քրեական օրենսգրքի 112-րդ հոդվածի 1-ին մասով կատարած արարքը հիմնավորվել է հետևյալ ապացույցներով.
Տուժող Գևորգ Մնջոյանի ցուցմունքով այն մասին, որ 2014 թվականի հունվարի 08-ին ինքը կանգնած է եղել իրենց գրասենյակի դիմաց, երբ իրեն զանգահարել է իր աշխատակից Անդրանիկն ու ասել, որ այգում կրկին առևտրականներ են հավաքվել: Ինքը գնացել է այգի` նրանց հանելու նպատակով, քանի որ նրանք կեղտոտել են այգու տարածքը: Ինքը մինչև դեպքը արգելել է առևտրականներին այգում առևտրով զբաղվել: Դրանից հետո առևտրականները իր բանվորի և հավաքարարի հետ պայմանավորվել են, որ գումար կտան` աղբը մաքրելու համար: Իրեն չի հետաքրքրել, թե ով կհավաքի աղբը, էական է եղել այգու մաքրությունը: Ինքը համաձայնություն է տվել առևտրականներին միայն պայմանով, որ նրանք պետք է աղբը հավաքեն: Իրեն ընդհանրապես դուր չի եկել, որ առևտրականները այգում առևտուր են արել: Ինքը տեղյակ է եղել, որ իր աշխատողները գումար են հավաքել առևտրականներից` այգին մաքրելու համար: Անդրանիկը դեպքի օրն իրեն գումարի մասին ոչինչ չի ասել: Ասել է միայն, որ առևտրականները հավաքվել են այգում: Վրդովված գնացել և բոլորին ասել է ՙսիկտիր եղեք ստեղից…՚: Անդրանիկին այդ ժամանակ ուղարկել է այգում եղած կենդանիների մոտ: Անդրանիկը քաշքշուկի ժամանակ իրենց մոտ չի եղել և եկել է այն ժամանակ, երբ արդեն ինքը վնասվածք է ստացած եղել: Կարենը հարցրել է, թե ում հետ է, ինքը պատասխանել է, որ դա նաև նրան է վերաբերում: Իր համբերությունն արդեն հատած է եղել` առևտրականների թափած աղբը հավաքելու համար անընդհատ գումար ծախսելուց: Կարենի հետ քաշքշուկ է սկսվել, նա սառույցի վրա ընկել է: Ինքը չի ծեծել Կարենին, չի հարվածել: Ուղղակի հրել է նրան: Կարենն իրեն չի հրել: Քաշքշուկի ժամանակ հավաքված մարդկանց մի մասն իրեն ավելի մոտ են գտնվել, քան Կարենը: Այդ ընթացքում իրենց է մոտեցել քաղաքացիական հագուստով մի անձ, ներկայացել է որպես ոստիկան: Ինքը այդ ոստիկանի հետ առանձնացել է 15-20 մետր հեռու և զրուցել են: Նա իրեն հարցրել է ինչ է պատահել, ինքը պատասխանել է, որ առևտրականները գալիս աղբ են թափում, իսկ ինքը պարտավոր չէ նրանց հետևից հավաքել: Այդ պահին մրմռոց է զգացել: Բարձրացրել է հագուստը, տեսել է, որ որովայնն ամբողջությամբ արյուն է: Ոստիկանը իրեն տարել է Սունդուկյանի արձանի մոտ գտնվող քարի մոտ: Ինքը նստել է, զանգել է ընկերոջը: Քաշքշուկի ժամանակ բանալիներն ու հեռախոսը կորցրած է եղել: Քաշքշուկից հետո` երբ նստած է եղել Սունդուկյանի արձանի մոտ, իրեն է մոտեցել Կարենը, լույս է գցել իր վերքին նայել է, տվել է իր բանալիներն ու գնացել: Ինքը վնասվածքը տեսնելուց հետո ընդհանուր է բացականչել ՙով խփեց՚: Ինքը Կարենի անունը չի տվել, քանի որ նույնիսկ նրա անունը չի իմացել: Կարենի անունն իմացել է դեպքից 2 ամիս անց` քննիչներից: Այդ ժամանակ մեկ անգամ անհասցե հայհոյել է: Իր հետի ոստիկանը զանգահարել է շտապօգնություն և իր վերադասներին: Շտապօգնությունը ուշացել է, և իր ընկերն ու իրեն մոտեցած ոստիկանը տաքսի ավտոմեքենայով իրեն տարել են հիվանդանոց: Ինքը չի իմացել, որ իրեն դանակով խփել են: Քաշքշուկից բավականին ժամանակ անց է ցավ զգացել: Ինքը չգիտի` ով է խփել իրեն, չի տեսել և չի զգացել: Դեպքի վայրում եղել են և կանայք, և տղամարդիկ: Ոստիկանը իրեն չի ասել, որ Կարենի ընկերն է: Եթե ինքը վստահ լիներ, որ Կարենն է եղել խփողը, ապա դեպքից մոտ մեկուկես ամիս անց հանդիպել է Կարենին և այդ ժամանակ նա մի ապտակ գոնե կհասցներ Կարենին: Իր ընկերը հարցրել է ում հետ է ինքը վիճել, ինքն էլ մատնացույց է արել Կարենին: Իրեն հարված չի կպել, հարված ընդհանրապես չի զգացել: Եթե իրեն Կարենը հարվածեր, ինքն անպայման կտեսներ: Եթե կտրող-ծակող գործիքներ լինեին, դա ևս ինքը կտեսներ: Քաշքշուկի ժամանակ իր և Կարենի շուրջ շատ մարդիկ են հավաքված եղել: Եթե կասկած լիներ, որ Կարենն է իրեն հարվածել, ապա վիճաբանությունը կշարունակվեր իրեն դանակով հարվածելու համար: Նույնիսկ վնասվածքներով կշարունակեր վիճաբանելը: Պնդեց իր դատաքննական ցուցմունքը, իսկ նախաքննության ընթացքում ցուցմունք տալիս ինքը վատառողջ է եղել: Որևէ բողոք, պահանջ չունի: Եթե պարզվի, որ իրեն հարվածողը Կարենն է պահանջ կներկայացնի:
Տուժող Գևորգ Մնջոյանն նախաքննության ընթացքում 2014 թվականի հունվարի 21-ին տված իր ցուցմունքով հայտնել է, որ պարզ է եթե վիճաբանել է այդ տղայի հետ, ինքն էլ պետք է, որ իրեն հարվածաց և նման վնասվածք պատճառված լինել, քանի որ վաճառական կանանցից և իրենց բաժանող ոստիկանից բացի ինքը չի տեսել, որ ուրիշ մեկի խառնվի վիճաբանությանն այն էլ տղամարդ:
Տուժող Գևորգ Մնջոյանն նախաքննության ընթացքում 2014 թվականի մարտի 13-ին որպես տուժող լրացուցիչ տված իր ցուցմունքով պնդել է իր նախկինում ված ցուցմունքը և հայտնել է, որ վիճաբանության ընթացքում բացի Կարենից իրեն այլ անձ չի քաշքշել, ձեռքով կամ ոտքերով հարվածող ճի եղել միայն եղել են բաժանողներ:
Վկա Մարետա Բարխուդարյանի ցուցմունքով այն մասին, որ հանդիսանում է ամբաստանյալ Կարեն Պետրոսյանի մայրը: Դեպքի օրը իրենք գնացել են Սուդուկյանի այգի: Այդ օրը պետք է լիներ ՙՄաշան և արջը՚ ներկայացումը: Իրենք գնացել են մանկական խաղալիքներ վաճառելու: Մինչև դեպքի օրը, եղել են մի քանի անգամներ, որ ինքը Գ.Սունդուկյանի թատրոնի մոտակայքում գնացել է առևտրով զբաղվելու, միշտ էլ տվել է պահանջվող գումարը, պատահել է, որ գումարը տվել է առևտրի կամ սկզբում, կամ ընթացքում, կամ վերջում: Կանչել է իր որդուն թատրոնի: Կես ժամ անց մոտեցել է իրենց մի տղա փող հավաքելու, որը միշտ էլ իրենք վճարել են տեղի համար: Կարենը այդ տղային ասել է, որ դեռ առևտուր չեն արել, երբ առևտուր անեն գումարը կտան: Այդ տղան պնդել է, որ այդ պահին տան գումարը: Կարենը կրկին ասել է, որ հենց գումար լինի կտան: Այդ տղան գնացել է մի կողմ և զանգահարել է, իսկ քիչ անց եկել է Գևորգ անունով մի տղա, ով հեռվից սեռական բնույթի տարբեր հայհոյանքներ տալով մոտեցել է զանգահարող տղային, հարցրել է` ով չի տալիս գումարը, իսկ այդ տղան մատնացույց է արել իր տղային: Երբ Գևորգը հայհոյանքներ տալով մոտեցել է իրենց, իր որդին դիտողություն է արել նրան, ասելով, որ իր մայրն է կանգնած, բացի այդ շատ կանայք էլ կան տարածքում: Գևորգն ասել է, որ ով գումար չտա, ապրանքը կոտրեն, ամեն ինչ փշրեն և վռնդեն տարածքից: Իր որդին խոսակցության մեջ է մտել և ասել, որ դա հարցի լուծում չէ, 1000 դրամի համար այդպես վարվել ճիշտ չէ: Տուժողին ասել են, որ Կարենը ոստիկան է, իսկ նա ընդհանուր հայհոյել է ոստիկաններին էլ, պետին էլ: Գևորգը իր տղայի կրծքավանդակի հատվածից քաշելով տարել է մի փոքր հեռու աստիճանների մոտ: Կարենին գցել են գետնին ու սկսել են ոտքերով հարվածել: Ինքը միջամտել է, հրել է այդ տղաներին, ցանկացել է իր որդուն գետնից բարձրացնել: Բոլոր կանայք հավաքվել են իրեն օգնելու համար: Հետո, երբ իր որդուն բարձրացրել են, Գևորգը 25-30 մետր հեռու է եղել իրենցից, երբ գոռացել ու ասել է, որ իրեն խփել են: Իր որդու վրա վնասվածքներից նկատել է միայն աչքի հատվածում կարմրածություն: Մի տղայի հետ Գևորգը նստել է այգում եղած արձանի մոտ: Երբ Գևորգը նստած է եղել արձանի մոտ, երկու հոգի մոտեցել են նրան, հարցրել են ինչ է պատահել, ում հետ է կռիվ արել, իսկ Գևորգը մատնացույց է արել իր որդուն և ասել է, որ նրա հետ է վիճել: Այդ մարդկանցից մեկը մոտեցել է իր որդուն, ասել է, որ չփախչի, իր որդին էլ ասել է, որ եթե փախչելու լիներ արդեն փախած կլիներ: Իրենք մոտեցել են, տեսել են, որ Գևորգի կրծքավանդակի ձախ կողմից անցք է եղել բացված և արյուն է եկել: Կարենը հարցրել է, թե ով է խփել, ինչ է պատահել: Գևորգը պատասխանել է, որ չգիտի: Ինքը իր տղայի մոտ դանակ չի տեսել, դանակ իրենք առհասարակ չեն ունեցել: Ինքը քաշքշուկի սկզբից մինչև վերջ եղել է իր որդու մոտ, չի հեռացել նրանից: Այնուհետև զանգահարել են այդ պահին շտապօգնություն, ոստիկանություն, այնուհետև իրենց տարել են բաժին:
Վկա Սաթիկ Պետրոսյանի ցուցմունքով այն մասին, որ աշխատում է ՙԱնգլիական՚ այգում որպես հավաքարար, չի ճանաչում ամբաստանյալին, տուժողի հետ ծանոթացել է աշխատանքի ընդունվելու հետ կապված հարցերով: Ինքը դեպքի մասին ոչինչ չգիտի: Դեպքի օրը ինքը շուտ է գնացել տուն, երբ հաջորդ օրը եկել է աշխատանքի, Անդրանիկն իրեն ասել է, որ դեպք է տեղի ունեցել: Ինքը չի հետաքրքրվել մանրամասներով, չգիտի մարմնական վնասվածք եղել է, թե ոչ: Անդրանիկը հավաքել է առևտրականներից գումարներ, իրեն ասել է, որ յուրաքանչյուրից 50-200 դրամ գումարներ է հավաքել, ընդհանուր հավաքեվել է 8000 դրամ գումար, որից 4000 դրամ գումարը տվել է իրեն, իսկ մնացածը պահել է իր մոտ:
Վկա Նունե Չիչոյանի ցուցմունքով այն մասին, որ զբաղվում է առևտրով ՙԱնգլիական՚ այգում: Դեպքը եղել է ամռանը, ժամը 16:00-ի հատվծում: Ինքը այնտեղ փուչիկներ է վաճառել: Իրենց մոտեցել և տեղի համար գումար են պահանջել: Իրենք հրաժարվել են, որից հետո մտել են թատրոնի շենք, իսկ քիչ անց աղմուկ լսելով դուրս են եկել այնտեղից, և տեղեկացել, որ գումար հավաքելու շուրջ վեճ է ծագել Կարենի և գումար հավաքողների միջև: Կարենը հրաժարվել է գումար տալուց: Անդրանիկը, ով գումար հավաքողն է եղել, զանգել է Գևորգին, ում նաև ՙԺոր՚ են անվանել և ասել, որ գումարները չեն տալիս: Այնուհետև մոտեցել է Ժորը և ասել է, որ եթե գումարները չեն տալիս, ծեծելով էլ լինի վերցնեն: Սեռական բնույթի հայհոյանքներ է տվել: Կարենը նկատողություն է արել, ասելով, որ մայրը իր կողքին է հայհոյանքներ չտա: Տեսել է միայն այն, որ Կարենին հրել է աստիճաններից ներքև և խփել է: Հետո լեզվակռիվ է սկսվել: Ինքը հեռու է եղել: Այնուհետև տեսել է, որ նրանց հետ ինչ-որ մեկն ասել է ՙարյուն է կողքս, ով է խփել՚: Իրենք դանակ չեն տեսել: Եղել է ընդամենը լեզվակռիվ: Կարենին Ժորը իջեցրել է աստիճաններից ներքև, խփել է, հետո Կարենի մայրը մոտեցել է, որպեսզի բաժանի, իրենք էլ են մոտեցել բաժանելու, օգնելու: Կարենը չի հարվածել: Նա եղել է գետնին ընկած: Կարենին են հարվածել ձեռքերով, ոտքերով: Ինքը չի լսել դանակով խփելու մասին խոսակցություններ: Գևորգը միայն հարցրել է, թե ով է խփել իրեն դանակով: Կռվի ժամանակ իրենք բաժանել են, իսկ բաժանելուց հետո արդեն մի կողմ են գնացել: Կարենին բաժանելուց հետո ինքը Կարենի ձեռքում ոչինչ չի տեսել: Գետնին ընկած են եղել Գևորգի բանալիները և ևս ինչ-որ բան, որը հանձնել են Գևորգին: Եթե Կարենի մոտ դանակ լիներ կամ նա դանակով խփած լիներ, իրենք կտեսնեին: Մինչև ոստիկանների գալը Կարենը դեպքի վայրից չի բացակայել: Կռիվը տևել է 5-7 րոպե:
2014 թվականի ապրիլի 02-ին վկա` Նունե Չիրոյանի և տուժող` Գևորգ Մնջոյանի առերես հարցաքննության արձանագրությունով վկան հայտնել և պնդել է, որ 2014 թվականի հունվարի 08-ին, գնացել է Սուդուկայնի անվան թատրոնի մոտ` առևտրով զբաղվելու նպատակով: Թատրոնի մուտքի մոտ տեսել է նաև Մարետային, որդու` Կարենի հետ միասին, ինչպես նաև Ռոզային, Գեղանուշին, Ստելլային և Աստղիկին: Ժամը 18:30-18:45-ի սահմաններում իրենց է մոտեցել Անդրանիկը և պահանջել է տեղի համար 1000 դրամ, սակայն ինքը չի տվել, չի կարող ասել, թե ով է տվել այդ գումարը, բայց Մարետան գիտի, որ նույնպես հրաժարվել է գումարը տալուց: Դրանից հետո Անդրանիկը զանգահարել է ինչ-որ մեի, ասելով, որ գումարները չեն տալիս և մի քանի որպե անց այգի է եկել իր հետ առերեսվող Գևորգը և ասել ՙՈվ չի տալիս, ծեծելով վեկալ՚ և սկսել է սեռական բնույթի հայհոյանքներ տալ: Կարենը լսելով այդ հայհոյանքները, Գևոր•ին ասել է, որ չհայհոյի, կողքին մայրն է կանգնած, բացի այդ տարածքում բոլորը կանայք են և ուզել է կարգի հրավիրել նրան: Նույն պահին Գևորգը մոտենալով Կարենին ասել է ՙԴու ինձ պետք է ասես , թե ինչ անեմ՚ և բռնես Կարենի հագուստներից, քաշել և իջեցրել է հարթակի վրայից այգու մեջ, ինչի հետևանքով Կարենը ընկել է գետնին և Գևորգը սկսել է ձեռքերով և ոտքերով հարվածել նրան: Ինքը, Մարետան էլի մի քանի հոգի կանանցից, բայց ուշադիր չի եղել, թե ովքեր, փորձել են բաժանել նրանց: Քանի որ խառնաշփոթ վիճակ է եղել այդ ժամանակ ինքը չի կարող ասել, թե ով ինչ է արել այդ ժամանակ, բայց կռիվ անողները եղել են միայն Կարենը և Գևորգը: Ի վերջով` իրենք կարողացել են բաժանել Կարենին և Գևորգին: Կարենին իրենք Կանանցով մի կողմ են տարել, իսկ Գևորգին ինչ-որ տղա մյուս կողմ է տարել:Երբ Գևորգին այդ տղան մի կողմ է տարել իրենցից մոտավորապես 10-15 մետր հեռու և խոսել են, Գորգը հագուստը բարձրացրել է և ինքը տեսել է, որ նրա որովայնի վրա արյուն է: Այդ ժամանակ Գևորգը բարձրաձայն գոռացել է ՙարա էս դանակով խփեցիր՚ խոսքը ուղղեկով Կարենին: Կարենն էլ ասել է, որ ինքը դանակով չի խփել, սակայն Գևորգը պնդել է, որ իրեն դանակով Կարենն է խփել: Հիշում է, որ այդ ժամանակ Գևորգը ասել է Կարենին, որ ՙդու քո ընկերների հետ կորար՚: Գևորգին նստեցրեցին արձանի պատվանդանի տակ և դրանից մի քանի րոպե անց եկել են մեկ կամ երկու հոգի, ովքեր ենթադրում է , որ Գևորգի ընկերներն են և Գևորգին տարել են հիվանդանոց: Կարենի կամ այլ անձի մոտ դանակ կամ այլ նմանատիպ առարկա չի տեսել: Ինքը չի տեսել, թե Գևորգը ինչպես է մարմնական վնասվածք ստացել: Պնդել է իր կողմից տված ցուցմունքը:
Վկա Անդրանիկ Միքայելյանի ցուցմունքով այն մասին, որ աշխատում է ՙԱնգլիական՚ այգում որպես այգեպան: Չի ճանաչում ամբաստանյալին, ճանաչում է տուժողին որպես իրենց տնօրեն: Քանի որ այգում առևտրականներ են հավաքվել և աղտոտել են այգին, իրենց վճարել են գումարներ, որպեսզի հավաքարարը այդ գումարների դիմաց մաքրի իրենց աղտոտած տարածքը: Դեպքի օրը ինքը գնացել է այդ գումարները հավաքելու: Առևտրականների մի մասը հրաժարվել է գումար տալուց: Ինքը կանչել է տնօրենին, որպեսզի գա և նրանց դուրս հանի տարածքից: Տնօրենը եկել է, ինքը գնացել է թռչուններին կերակրելու: Երբ հետ է եկել, տեսել է, որ տնօրենը ինչ-որ մեկի հետ կանգնած զրուցում է: Սկզբում չի մոտեցել, այնուհետև մոտեցել ու տեսել է, որ տնօրենի որովայնի հատվածից արյուն է գալիս, ինչը տեսնելով նրան տարել են, նստեցրել են քարին, փորձել են օգնություն ցույց տալ: Ինքը չի մասնակցել կռվին, այդտեղ չի եղել, չ•իտի ով է հարվածել Գևորգին: Գևորգն ասել է, որ առևտրականներից մեկի հետ խնդիր է ունեցել, այլևս չի ասել կոնկրետ ինչ է եղել: Ինքը հետո է իմացել, որ Գևորգի հետ խնդիր ունեցողը ոստիկան է եղել: Գևորգն ասել է, որ իրեն առևտրականներից մեկն է խփել, բայց չգիտի կոնկրետ ով:
Վկա Սամվել Բաբայանի ցուցմունքով այն մասին, որ չի ճանաչում ամբաստանյալին, տուժողին ճանաչում է ունի ընկերական հարաբերություններ: 2014 թվականի հունվարի 08-ին իրեն զանգահարել է ԳևորգՄնջոյանը և ասել է, որ իրեն խփել են: Ճշտել է Գևորգի տեղը և գնացել է ՙԱնգլիական՚ այգի: Երբ հասել է Գևորգը ինչ-որ մեկի հետ կանգնած է եղել: Ինքը հարցրել է` ինչ է տեղի ունեցել, Գևորգն ասել է, որ խփել են իրեն: Այդ տղային էլ հարցրել է, թե նա ով է, վերջինս պատասխանել է, որ ոստիկանության աշխատակից է: Հարցրել է` ով է խփել, Գևորգը գլխով ցույց է տվել 20-25 մետր հեռավորության վրա գտնվող մոտ 30 հոգի մարդկանց: Ինքը չգիտի ով է խփել: Ինքը բոլորին ասել է, որ չփախչեն մինչև ոստիկանությունը գա: Ինքը ամբաստանյալին անձնապես չի ասել, որ չփախչի: Գևորգն էլ անձամբ չգիտի` իրեն ով է խփել:
Վկա Սիմոն Ավետիսյանի ցուցմունքով այն մասին, որ հանդիսանում է ՙԲյուրակն՚ ընկերության նախագահ, չի ճանաչում ամբաստանյալին, ճանաչում է տուժողին: Դեպքի օրը նստած է եղել գրասենյակում, երբ Բաբայան Սամվելին զանգ է եկել և ասել են, որ կռիվ է եղել: Սամվելը գնացել է, մինչև ինքը հասել է, տեսել է, որ արյուն է գալիս: Սամվելը և ինչ-որ ոստիկանության աշխատակից Գևորգին տարել են հիվանդանոց: Գևորգի հետ խոսել է վիրահատությունից հետո, նա իրեն ասել է, որ չգիտի ով է խփել իրեն: Վիճաբանությունը եղել է աղբը հավաքելու համար գումարներ հավաքելու շուրջ առևտրականների հետ: Իրեն չի հետաքրքրել կին է եղել խփողը, թե տղամարդ:
Վկա Աստղիկ Անանյանի ցուցմունքով այն մասին, որ Գ.Սունդուկյանի անվան թատրոնի մոտ առևտրով է զբաղվում, ամբաստանյալին տեսել է դեպքի օրը, տուժողին չի ճանաչում: Դեպքի օրը ինքը առևտուր անելիս է եղել Գ.Սունդուկյանի անվան թատրոնի դիմաց: Ամբսատանյալը իր մոր հետ եղել են իրենից 4 մետր հեռավորության վրա: Տեսել է, վեճ է եղել: Ինքը տեսել է Կարենին ընկած: Չի մոտեցել վիճաբանության ժամանակ: Կռիվը հանդարտվելուց հետո, երբ Գևորգին բերել և նստեցրել են իրենց մոտ` մի քարի վրա, տեսել է, որ արյուն է գալիս: Գևորգը հարցրել է ՙով ինձ խփեց՚, առաջ է գնացել դեպի Կարենի ուղղությամբ, այնուհետև մարդիկ նրան օգնել են, տեղափոխել են հիվանդանոց: Իրենից գումար չեն վերցրել: Ինքը վիճաբանության պատճառը չի իմացել: Վիճաբանողներին բաժանել են կանայք, տարբեր մարդիկ են եղել: Ինքը հետագայում էլ չի հետաքրքրվել` ինչ է տեղի ունեցել: Ինքը որևէ դանակ կամ սուր գործիք չի տեսել, այդ թվում Կարենի ձեռքում: Վիճաբանությունից հետո Կարենին բերել են նրա մոր մոտ, Գևորգին էլ ուղեկցել են այլ կողմ:
Վկա Ռոզա Ամիրջանյանի ցուցմունքով այն մասին, որ զբաղվում է առևտրով, ճանաչում է ամբաստանյալին, քանի որ վերջինս հաճախակի է այցելել իր մորը, տուժողին չի ճանաչում: Իրեն զանգել ասել են, որ Գ.Սունդուկյանի թատրոնում համերգ է լինելու և առաջարկել են գնալ, ինքն էլ համաձայնել է: Ինքը առհասարակ հրապարակում է աշխատում: Իրենց կողքին առևտրով են զբաղվել նաև Կարենն ու նրա մայրը: Որոշ ժամանակ անց Կարենին և նրա մորը մոտեցել է մի անձնավորություն, ասել է, որ փողը տան: Ինքը չգիտի ինչ փողի մասին է եղել խոսքը: Կարենն ասել է, ինչ տեղի փող: Հետո հայհոյանքներ է լսել: Կարենին այդ տղան կանչել է, հայհոյել է, Կարենն ասել է, որ իր մայրն է այնտեղ, կան էլի կանայք, ասել է, որ չհայհոյի: Հետո կռվել են: Ինքը չի մոտեցել: Հետո երկու տղա մոտեցել են Գևորգին տարել են, ասել են, որ արյուն է գալիս, Գևորգը բացել է որովայնի հատվածը, ցույց է տվել որ արյուն է գալիս, ասել է, որ խփել են: Կոնկրետ անուն չի ասել, թե ով է խփել: Դեպքի վայրում, ինչպես նաև Կարենի մոտ դանակ չի տեսել:
Վկա Գեղամ Ամիրջանյանի ցուցմունքով այն մասին, որ աշխատում է Կենտրոնի պահպանության բաժնում որպես ոստիկան: Դեպքի օրը ինքը կնոջն ու երեխային տարել է ներկայացման: Երբ դրսում կանգնած ծխելիս է եղել, հայհոյանքներ է լսել, քաշքշուկ է եղել: Կարենը եղել է կան•նած: Կանայք են եղել, ովքեր բաժանել են վիճաբանողներին: Որպես ոստիկանության աշխատակից` մոտեցել է, երկու կռիվ անողներից մեկի հետ առանձնացել են: Նա իրեն ասել է, որ կողքը ցավում է, բացել են, տեսել, որ արյուն է •ալիս: Տեսնելով, որ վիրավորվել է Գևորգը հարցրել է ՙԿարեն դու խփեցի±ր՚ և հայհոյել է Կարենին: Ինքը նրան տարել նստացրել է այնտեղ գտնվող արձանի մոտ: Իրեն թվում է, որ Կարենի անունը Գևորգը իմացել է, երբ նրա անունը կողքից բարձրաձայնվել է: Գևորգի ընկերները եկել են հարցրել են ով է խփել, իսկ Գևորգը նրանց ցույց է տվել Կարենին: Նրանք մոտեցել են Կարենին և քաշքշել: Կարենը մոտեցել է, հեռախոսի լույսով փորձել է տեսնել ինչ է տեղի ունեցել: Հարցրել է Գևորգին, գուցե Գևորգի մոտ է դանակ եղել, որը ծակել է նրա որովայնը: Այդ պահին կրկին վեճ է փորձել սկսվել, սակայն Կարենին հեռացրել են: Ինքը Կարենի մոտ դանակ չի տեսել, նրա հագուստին արյան հետքեր չի տեսել:
2014 թվականի մարտի 26-ի վկա` Գեղամ Լևոնի Ամիրջանյանի և տուժող Գևորգ Աշոտի Մնջոյանի առերես հարցաքննության արձանագրությունով վկան հայտնել և պնդել է, որ 2014 թվականի հունվարի 08-ին եղել է Գ.Սունդուկյանի անվան թատրոնի շոնքում կնոջը ու երեխային ուղեկցել է դահլիճ և ծխելու նպատակով դուրս է եկել թատրոնի շենքից: Երբ դուրս է եկել շենքից, դեռ ծխախոտը չվառած տեսել է, որ թատրոնի դիմացի հարթակի վրա մի քանի վաճառական կանայք են եղել, իսկ հենց հարթակի դիմաց` այգու մեջ` Գ.Սունդուկյանի արձանի դիմաց երկու տղա փոխադարձ քաշքշում, հրում, վիճաբանում են: Իր հիշելով չորս կանայք փորձում էին նրանց բաժանել, հանգստացնել միաժամանակ լսել է սեռական բնույթի հայհոյանքներ, սակայան , թե ով է կոնկրետ հայհոյել չի կարող ասել, քանի որ խառնաշփոթ վիճակ է եղել: Տեսնեոլով այդ ամենը անմիջապես մոտեցել է այդ երկու տղաներին, որոնցից մեկին մի կողմ են քաշել կանայք, իսկ ինքը հեռու է տարել երկրորդ տղային, ով հետո իմացել է, որ Գևորգ մնջոյանն է և ներկայացել է, որպես ոստիկանության աշխատակից: Իր միջամտելուց անմիջապես նրանք հանդարդվել են: Երբ ինքը հանգստացրել և մի կողմ է տարել Գևորգ Մոնջոյանին, փորձել է պարզել որն է վեճի պատճառը, միաժամանակ հանդարտացնելով բոլորին, նույն պահին, երբ ինքը և Գևորգը առանձին են եղել կանգնած, ձեռքով հետ հրելով նրան, վերջինը ցավ է զգացել, իսկ ինքը զգացել է, որ հագուստը որովայնի մասում թաց է: Գևորգ Մնջոյանը բարձրացրել է հագուստները և տեսել է, որ նրա որովայնի ձախ հատվածը արնաշաղախ է, նա նույն պաին բարձրաձայն ասել է ՙԱրա Կարեն , էս ինձ դանակով խփել ես, պատասխան ես տալու՚ և Կարենին մայր է հայհոյել: Երբ Կարենը մոտեցել է իրենց, տեսել է, որ նա իրենց բաժնի աշխատակից Կարեն Պետրոսյանն է, ում հետ վիճաբանել է Գևորգը և որին ինքը մինչ այդ չի նկատել: Ինքը տեսնելով և հասկանալով, որ Գևորգը վնասվածք է ստացել, նրան նստեցրել է Գ.Սունդուկյանի արձանի պատվանդանին: Այդ ժամանակ Կարենը պահել է իր հեռախոսի լույսը Գևորգի որովայնին և ասել է ՙԿարողա ջեբտ դանակա եղել, որ ընգնելուց մտել է փորդ՚ , իսկ Գևորգգն ասել է, որ իր մոտ դանակ չկա, հենց ինքը` Կարենն է դանակով խփել:ցԱնմիջապես իր հեռախոսով զանգահարել է շտաբօգնություն: Մի քանի րոպե անց իրենց է մոտեցել երկու տղամարդ, հասկացեոլ է, որ Գևորգի ընկերներն են և հարցրել են, թե ինչ է պատահել, Գևորգը նորից մատնանշել էԿարեն Պետրոսյանին և ասել, որ վերջինս իրեն դանակով հարվածել է: Այդ տղաները մոտեցել են Կարենին, քաշքշել հագուստից և Կարենին ասել են, որ գա որպեսզի պարզաբանեն, թե ինչ է պատահել, սակայն Կարենը չի գնացել և նրանց միջև չի եղել: Այնուհետև Գևորգին նրա ընկերոջ հետ պատահական տաքսիով տարել են հիվանդանով: Պնդել է իր ցուցմունքը և հայտնել է, որ ինչ հայտնել է համապատասխանում է իրականությանը:
Վկա Գեղանուշ Սիմոնյանի ցուցմունքով այն մասին, որ զբաղվում է առևտրով: Ճանաչում է ամբաստանյալին, չի ճանաչում տուժողին: Ինքը դեպքի վայր է հասել այն ժամանակ, երբ հանդարտված է եղել կռիվը և Գևորգը Կարենի ուղղությամբ բղավել է` ՙէս դու խփեցիր՚: Կարենը ասել է ՙես քեզ խփել ե±մ, սարքում ե±ս՚: Տեսել է Գևորգին քարի վրա նստած, կողքը բռնած: Հետագայում իրեն ասել են, որ Կարենն է խփել Գևորգին: Դեպքից հետո երկու հոգի մոտեցել են Գևորգին, հարցրել են ով է խփել, Գևորգը ցույց է տվել Կարենին, նրանք մոտեցել են Կարենին, տեղի է ունեցել քաշքշուկ, սակայն կռիվ և ծեծկռտուք չի եղել: Ինքը եղել է Գևորգից բավականին հեռավորության վրա: Իր իմանալով վիճաբանությունը տեղի է ունեցել տեղի գումարի համար: Եկել են գումար են ուզել, Կարենը չի տվել և այդպես վիճաբանություն է տեղի ունեցել: Ինքը Կարենին ճանաչել է, նա բնավորությամբ հանգիստ մարդ է: Կարենի ձեռքին դանակ չի տեսել:
Վկա Ստելլա Աբրահամյանի ցուցմունքով այն մասին, որ ճանաչում է ամբաստանյալին, չի ճանաչում տուժողին: Դեպքի օրը գնացել է Գ.Սունդուկյանի թատրոնի այգի` առևտուր անելու: Դեպքը եղել է ձմռանը, երեկոյան ժամին, մութ է եղել: Ինքը մեքենայի մեջ է եղել: Դեպքից ոչինչ չի տեսել: Ձայներ է լսել, մեքենայից դուրս է եկել, մտել է այգի, տեսել է` մարդիկ են հավաքված: Այտեղ Կարենին է տեսել, Գևոր•ին չի տեսել: Ասել են, որ Կարենը դանակով խփել է տուժողին, բայց ինքը հստակ չի կարող ասել եղել է այդպիսի բան, թե ոչ: Կարենը դանակ չի ունեցել, դեպքից 10 րոպե առաջ փնտրել է դանակ սկոչ կտրելու համար: Երբ ինքը մտել է այ•ի ոստիկաններն են եղել այնտեղ:
Վկա Հրանտ Հարությունյանի ցուցմունքով այն մասին, որ աշխատում է ՀՀ ոստիկանության Կենտրոնական բաժնի ավագ օպերլիազոր: Ինքը ճանաչել է Կարենին: Դեպքի մասին ռադիոկապով իմացել է, իր ծառայողական մեքենայով գնացել է դեպքի վայր, Կարենի հետ զրուցել է, ով իրեն ասել է, որ վիճաբանություն է տեղի ունեցել, սակայն մանրամասները չգիտի: Ինքը տեղեկություն ունեցել է, որ Սունդուկյանի թատրոնի մոտի այգում մարդիկ առևտրով են զբաղվում: Դեպքի վայրում դանակահարության մասին ոչինչ չի իմացել: Երբ հասել է դեպքի վայր, իմացել է, որ ինչ-որ մեկին հիվանդանոց են տարել: Կարենի հագուստի վրա հետքեր, նրա մոտից որևէ իր չի հայտնաբերվել: Ինքը Կարենին զննել է ոստիկանության բաժնում, մինչև բաժին հասնելը Կարենը չէր կարող իր մոտ եղած որևէ իր նետեր կամ կորցներ:
Վկա Մարինե Կարաբաբյանի ցուցմունքով այն մասին, որ ճանաչում է ամբաստանյալ Կարեն Պետրոսյանին, քանի որ ինքն էլ է զբաղվում առևտրով և տեսել է նրան: Ինքը դեպքի օրը եղել է Արամ Խաչատրյանի անվան համերգասրահի մոտ, երբ հետ է եկել Գ.Սունդուկյանի անվան թատրոնի մոտ արդեն առաջին սեանսը վերջացած է եղել: Թատրոնի դիմաց տեսել է տուժողին` պատուհանի տակ նստած, ձեռքը որովայնի հատվածում, այնուհետև նրան մոտեցել են իր ծանոթները, սպասել են շտապօգնության գալուն, սակայն քանի որ շտապօգնությունը ուշացել է, նրան այլ ավտոմեքենայով են տեղափոխել հիվանդանոց և չանցած հինգ րոպե եկել են ոստիկանության աշխատակիցները: 20 րոպե է եղել այգում: Իրենք գումար մշտապես չեն տվել, ուղղակի եղել է, որ ցանկության դեպքում տվել են հավաքարարի մաքրության համար: Ինքը առևտրականներից իմացել և իրավիճակին նայելուց հասկացել է, որ վիճաբանություն է տեղի ունեցել: Ինքը հասկացել է, որ վիճաբանությունը եղել է Կարենի և Գևորգի միջև:
Վկա Արմեն Բեջանյանի ցուցմունքով այն մասին, որ ճանաչում է ամբաստանյալին` միասին աշխատել: Իրեն զանգահարել է իրենց աշխատակիցներից Գեղամ Ամիրջանյանը, ասել է, որ Սունդուկյանի թատրոնի մոտ վիճաբանություն է տեղի ունեցել: Այնուհետև ինքը խոսել է Կարենի հետ, նրան ասել է, որ օգնի Գեղամին, չի իմացել, որ վիճաբանությունը Կարենի հետ է տեղի ունեցել: Իրեն ասել են, որ մարմնական վնասվածք կա: Ինքը գնացել է դեպքի վայր, սակայն այնտղ գրեթե մարդ չի եղել: Երբ հասել է դեպքի վայր արդեն դեպքի վայրի զննությունը ավարտվելիս է եղել: Դեպքի վայրից որևէ իր չի հայտնաբերվել: Կարենն իրեն ասել է, որ տեղի գումարի հետ կապված վիճաբանություն է տեղի ունեցել, իրեն հայհոյել են, քաքշել են, գցել են գետնին, ինքը չի հարվածել: Հարցրել է Կարենին ինչպես է եղել, որ Գևորգը վնասվածք է ստացել, Կարենն ասել է, որ ինքն էլ չգիտի ինչպես է դա ստացվել: Համոզված է, որ եթե Կարենը խփած լիներ, ապա անպայման իրեն կասեր այդ մասին: Դեպքից հետո Կարենը դեռևս աշխատել է, աշխատանքի է գնացել մինչև կալանավորվելը: Ինքը անընդմեջ հարցրել է ինչպես է պատահել, սակայն Կարենը միշտ նույնն է պատասխանել` ասելով, որ տեղյակ չէ ինչպես է մարմնական վնասվածք հասցվել տուժողին, իր մոտ ոչ մի իր չի եղել:
Դեպքի վայրի զննություն կատարելու մասին արձանագրունով Երևան քաղաքի Գ.Լուսավորչի 6 հասցեում գտնվող` Գ.Սունդուկյանի անվան թատրոնին հարակից` ՙԱնգլիական՚ կոչվող այգու տարածքի 2014 թվականի հունվարի 10-ի զննության արձանագրությամբ և դրան կից լուսանկարչական հավելվածով այն մասին, որ զննության մասնակից Գեղամ Ամիրջանյանը մատնացույց է արել թատրոնի դիմաց` ՙԱնգլիական՚ կոչվող այգու այն հատվածը, որտեղ 2014 թվականի հունվարի 08-ին տեղի է ունեցել Կարեն Պետրոսյանի և Գևորգ Մնջոյանի միջև վիճաբանությունը:
2014 թվականի հունվարի 08-ի Կարեն Վաչագանի Պետրոսյանին բերման ենթարկելու մասին արձանագրությամբ այն մասին, որ Կարեն Պետրոսյանը 2014 թվականի հունվարի 08-ին ժամը 19:40-ին, Երևան քաղաքի ՙԱնգլիական՚ կոչվող այգուց ՀՀ ոստիկանության կենտրոնականի բաժին է բերման ենթարկվել մարմնական վնասվածք պատճառելու կասկածանքով:
2014 թվականի մարտի 11-ի որոշմամբ իրեղեն ապացույց ճանաչված` տուժող Գևորգ Մնջոյանի հագուստներով` սև բաճկոնով ՙadidas՚ գրառումով, սև երկարաթև ջեմպրով` ՙbossini՚ գրառումով, սև կիսաթև մայկայով` ՙMelante՚ գրառումով, սև անթև մայկայով` ՙMYC 02՚ գրառումով, շագանակաշգույն վիլվետի կտորից անդրավարտիքով` ՙDAWSIN՚ գրառումով, սև կաշվե գոտիով, կանաչ թաշկինակով, շագանակագույն մեկ զույգ կոշիկով` ՙBLUE WEX՚ գրառումով:
Իրեղեն ապացույցները ներկայացնելու, զննելու և վերցնելու մասին 2014 թվականի հունվարի 08-ի արձանագրությամբ այն մասին, որ 2014 թվականի հունվարի 08-ին ՀՀ ոստիկանության ՔԳՎ Երևանի քննչական վարչության կենտրոնականի քննչական բաժնի ՀԿԳ ավագ քննիչ Հ.Սարգսյանին ՙԱրամյանց՚ բժշկական կենտրոնի վիրահատարանի բուժքրոջ կողմից ներկայացվել են տուժող Գևորգ Մնջոյանի հագուստները, որոնք զննվել և վերցվել են:
2014 թվականի հունվարի 14-ի ՙԱրամյանց՚ բժշակական կենտրոնի ավագ հերթապահ վիրաբույժ Ա.Կիրակոսյանի տեղեկանքով այն մասին, որ Գևորգ Մնջոյանը ՙԱրամյանց՚ բժշկական կենտրոն ընդունվել է 2014 թվականի հունվարի 08-ին ժամը 19:20-ին` որովայնի կտրած-ծակած թափանցող վերք ախտորոշմամբ: Գ.Մնջոյանը վիրահատվել է, որի ընթացքում պարզվել է, որ վնասվել է մեծ ճարպոնը:
2014 թվականի հունվարի 20-ի դատաբժշկական փորձաքննության թիվ 36/հ եզրակացությունով և ի լրումով այն մասին, որ Գևորգ Մնջոյանի մարմնական վնասվածքներն ըստ բժշկական փաստաթղթերի և զննության տվյալների` որովայնի առաջային պատի թափանցող, մեծ ճարպոնի վնասումով ծակած-կտրած վերքի, կրծքավանդակի ձախ կեսի շրջանի կտրած-ծակած վերքի ձևով պատճառվել են սուր ծակող-կտրող գործիքով, որոնք առողջությանը պատճառել են ծանր վնաս` կյանքին վտանգ սպառնացող:
2014 թվականի փետրվարի 02-ի դատաբժշկական փորձաքննության թիվ 1 եզրակացությամբ այն մասին, որ փորձաքննությանը ներկայացված Գևորգ Մնջոյանից վերցված արյան նմուշն ըստ արյան ABO իզոշճաբանական համակարգի պատկանում է արյան AB խմբին, իսկ փորձաքննության ներկայացված` Գևորգ Մնջոյանի բաճկոնի, ջեմպրի, կիսաթև և անթև մայկաների, անդրավարտիքի, գոտու և կոշիկի վրա առկա կասկածելի արնանման հետքերում հաստատվել է մարդկային ծագման արյան AB խումբ ունեցող որևէ անձից, այդ թվում` հնարավոր էր նաև առաջանար Գևորգ Մնջոյանից:
Դատարանը, հետազոտելով քրեական գործով ձեռք բերված ապացույցները և գնահատելով դրանց վերաբերելիության, թույլատրելիության, իսկ ամբողջ ապացույցներն իրենց համակցությամբ գործի լուծման համար բավարարության տեսանկյունից, հանգում է այն հետևության, որ ամբաստանյալ Կարեն Վաչագանի Պետրոսյանի կողմից ՀՀ քրեական օրենսգրքի 112-րդ հոդվածի 1-ին մասով առաջադրված մեղադրանքում իրեն մեղավոր չճանաչելը նպատակ է հետապնդում խույս տալ քրեական պատասխանատվությունից ու պատժից և նրա մեղավորությունը ՀՀ քրեական օրենսգրքի 112-րդ հոդվածի 1-ին մասով նախատեսված հանցանք կատարելու մեջ ապացուցված է իր դատաքննության ընթացքում տված ցուցմունքով այն մասին, որ իրենց է մոտեցել մի երիտասարդ, ով շատ կոշտ-կոպիտ տոնով ասել է, որ ով չի համաձայնվում գումարը վճարել, նրանց հասցեին անվայել խոսքեր է ասել: Ինքն ասել է, որ այդպես չխոսի և, որ իր կողքի կանգնածը իր մայրն է, տարածքում էլ այլ կանայք ու երեխաներ կան, հարցրել է, թե նրա խոսքերն ու էին ուղղված: Նա էլ պատասխանել է, որ հենց իրեն: Այդ ընթացքում նա ձգվել է դեպի աստիճանավանդակը, մի երկու աստիճան բարձրացել և բռնելով իրեն` քաշել է դեպի ներքև, քանի որ տարածքը ձյունապատ և սառույցապատ է եղել, ինքը սայթաքել ու վայր է ընկել: Ընկած տեղից իրեն կանայք են բարձրացրել և ինքը փորձել է նրան կարգի հրավիրել, սակյան կանայք իրեն հետ են հրել: Նույն պահին նաև մի քանի հոգի էլ հետ են հրել նրան, որպեսզի նա իրեն չմոտենա: Առաջացած աղմուկի վրա իրենց շուրջը հավաքվել են մի խումբ անձինք, թե վեճը դադարեցնելու համար, թե հետաքրքրությունից դրդված: Մոտ մեկ-երկու մետր հեռավարության վրա միմյանց մոտենալու փորձ կատարելով, իրենք լեզվակռվի մեջ են մտել: Այդ ամենը տևել է մոտ 1-2 րոպե, որից հետո իր շուրջը խմբված մարդիկ իրեն մի կողմ են տարել, իսկ այդ տղային տարել են դեպի շատրվանների կողմը: Միջադեպի ավարտից որոշ ժամանակ անց այդ տղան, որը հետո իմացել է, որ անունը Գևորգ է, բղավել է` ՙինձ խփել են՚ և այդ լսելով ինքը գնացել է դեպի նրա կողմը, ինչպես նաև տուժող Գևորգ Մնջոյանի դեպքից մի քանի օր հետո` 2014 թվականի հունվարի 21-ի և մարտի 13-ին տրված նախաքննական ցուցմունքներով այն մասին` ՙոր պարզ է, եթե վճաբանել եմ այդ տղայի հետ, նա պետք է որ հարվածած և նման վնասվածք պատճառած լինի ինձ՚, տուժողը նախաքննության ընթացքում տված իր մի քանի ցուցմունքներով պնդել է այն հանգամանքը, որ ինքը վիճաբանել է միայն Կարեն Պետրոսյանի հետ և իրեն այդ պահին ուրիշ ոչ մեկը չէր կարող հարվածել, վկաներ` Աստղիկ Անանյանի, Գեղամ Ամիրջանյանի, Գեղանուշ Սիմոնյանի, Ստելլա Աբրահամյանի ցուցմունքներով այն մասին, որ Գևորգը հայտնել է, որ իրեն դանակով խփողը եղել է ամբաստանյալ Կարեն Պետրոսյանը, բացի այդ, Աստղիկ Անանյանի, Գեղամ Ամիրջանյանի, Գեղանուշ Սիմոնյանի, Ստելլա Աբրահամյանի ցուցմունքներով այն մասին, որ Գևորգը հայտնել է, որ իրեն դանակով խփողը եղել է ամբաստանյալ Կարեն Պետրոսյանը, բացի այդ, վկա Ստելլա Աբրահամյանը դատաքննական իր ցուցմունքով հայտնել է, որ մինչ առևտուրն սկսելը` ամբաստանյալ Կարեն Պետրոսյանը դանակ է փնտրել` սկոչ կտրելու համար, տուժող Գևորգ Մնջոյանի և վկաներ Նունե Չիչոյանի ու Գեղամ Ամիրջանյանի առերես հարցաքննությունների արձանագրություններով այն մասին, որ վերջիններս պնդել են իրենց ցուցմունքըները:
Դատարանը, միաժամանակ գտնում է, որ տուժող Գևորգ Մնջոյանի դատաքննական ցուցմունքն արժանահավատ չէ և չի համապատասխանում իրականությանը, այլ նպատակ է հետապնդում օգնելու ամբաստանյալ Կարեն Պետրոսյանին` խուսափել քրեական պատասխանատվությունից ու պատժից, և նրա դատաքննական ցուցմունքը հերքվում է ինչպես իր իսկ կողմից նախաքննության ընթացքում 2014 թվականի հունվարի 21-ի և մարտի 13-ին տրված նույնաբովանդակ ցուցմնունքներով այն մասին, որ ՙոր պարզ է եթե վճաբանել եմ այդ տղայի հետ, նա պետք է որ հարվածած և նման վնասվածք ճատճառած լինի ինձ՚, տուժողը նախաքննության ընթացքում տված իր մի քանի ցուցմունքներով պնդել է այն հանգամանքը, որ ինքը վիճաբանել է միայն Կարեն Պետրոսյանի հետ և իրեն այդ պահին ուրիշ ոչ մեկը չէր կարող հարվածել, վկաներ` Աստղիկ Անանյանի, Գեղամ Ամիրջանյանի, Գեղանուշ Սիմոնյանի, Ստելլա Աբրահամյանի ցուցմունքներով այն մասին, որ Գևորգը հայտնել է, որ իրեն դանակով խփողը եղել է ամբաստանյալ Կարեն Պետրոսյանը, բացի այդ, վկա Ստելլա Աբրահամյանը դատաքննական իր ցուցմունքով հայտնել է, որ մինչ առևտուրն սկսելը` ամբաստանյալ Կարեն Պետրոսյանը դանակ է փնտրել` սկոչ կտրելու համար, տուժող Գևորգ Մնջոյանի և վկաներ Նունե Չիչոյանի ու Գեղամ Ամիրջանյանի առերես հարցաքննությունների արձանագրություններով վերջիններս պնդել են իրենց ցուցմունքըները:
Դատարանը, միաժամանակ արժանահավատ չի համարում նաև գործով վկա Մարետա Բարխուդարյանի ինչպես նախաքննական, այնպես էլ դատաքննական ցուցմունքները, քանի որ նա հանդիսանով ամբաստանյալ Կարեն Պետրոսյանը մայրը, իրականությունը թաքցնելով փորձում է օգնել իր հարազատ որդուն և նրա նախաքննական և դատաքննական ցուցմունքները հերքվում են Աստղիկ Անանյանի, Գեղամ Ամիրջանյանի, Գեղանուշ Սիմոնյանի, Ստելլա Աբրահամյանի ցուցմունքներով այն մասին, որ Գևորգը հայտնել է, որ իրեն դանակով խփողը եղել է ամբաստանյալ Կարեն Պետրոսյանը, բացի այդ, վկա Ստելլա Աբրահամյանը դատաքննական իր ցուցմունքով հայտնել է, որ մինչ առևտուրն սկսելը` ամբաստանյալ Կարեն Պետրոսյանը դանակ է փնտրել` սկոչ կտրելու համար, տուժող Գևորգ Մնջոյանի և վկաներ Նունե Չիչոյանի ու Գեղամ Ամիրջանյանի առերես հարցաքննությունների արձանագրություններով այն մասին, որ վերջիններս պնդել են իրենց ցուցմունքըները:
Այսպիսով, դատարանը հիմնավորված է համարում, որ ամբաստանյալ Կարեն Վաչագանի Պետրոսյանը դիտավորությամբ տուժող Գևորգ Մնջոյանի առողջությանը պատճառել է ծանր վնաս, որը վտանգավոր է կյանքի համար.
Ամբաստանյալ Կարեն Վաչագանի Պետրոսյանը 2014 թվականի հունվարի 08-ին ժամը 18:45-ի սահմաններում Երևան քաղաքի ՙԱնգլիական՚ կոչվող այգում` Գ.Սունդուկյանի անվան թատրոնի դիմաց օգնելիս է եղել խաղալիքների մանրածախ առևտրով զբաղվող իր մորը` գործով վկա Մարետա Բարխուդարյանին, այդ ընթացքում անգույն կպչուն ժապավենը (սկոչը) կտրելու համար փնտրել է դանակ: Այդ ժամանակ առևտրով զբազվող կանանց և ամբաստանյալ Կարեն Պետրոսյանին է մոտեցել նշված այգու այգեպան` գործով վկա Անդրանիկ Միքայելյանը, ով պահանջել է առևտրով զբաղվողներին այգու մաքրության համար գումար վճարել: Կարեն Պետրոսյանը և մյուսները հրաժարվել են գումար վճարելուց` ասելով, որ առևտուր անելուց հետո կվճարի: Ստանալով մերժում` Անդրանիկ Միքայելյանը զանգահարել է այգու տնօրենին` գործով տուժող` ԳևորգՄնջոյանին և հայտնել, որ առևտրականների մի մասը հրաժարվում է այգու մաքրման համար գումարներ վճարելուց: Լսելով այդ մասին` Գևորգ Մնջոյանը վրդովված գնացել է ՙԱնգլիական՚ կոչվող այգում առևտրով զբաղվող անձանց մոտ, հայհոյախառն արտահայտություններով հրահանգել է, որ ով գումար չի տալիս պետք է դուրս գա այգուց: Կարեն Պետրոսյանը հայհոյանքներ տալու համար դիտողություն է արել Գևորգ Մնջոյանին` ասելով, որ իր մայրն է այնտեղ, բացի այդ, այլ կանայք էլ կան, ինչի հետևանքով նրանց միջև ծեծկռտուք է սկսվել, որի արդյունքում Կարեն Պետրոսյանը ընկել է գետնին և կրկին բարձրացել: Ծեծկռտուքի ընթացքում Կարեն Պետրոսյանը դանակով երկու անգամ հարվածել է Գևորգ Մնջոյանի որովայնին և կրծքավանդակին` դիտավորությամբ պատճառելով կյանքին վտանգ սպառնացող ծանր վնաս` որովայնի առաջային պատի թափանցող, մեծ ճարպոնի վնասումով ծակած-կտրած վերքի, կրծքավանդակի ձախ կեսի շրջանի կտրած վերքի ձևով: Գործով վկա Գեղամ Ամիրջանյանի և այնտեղ գտնվող կանանց միջամտությամբ ծեծկռտուքը դադարել է, որից հետո Կարեն Պետրոսյանը Գևորգ Մնջոյանի մոտ եղած` ծեծկռտուքի ընթացքում գետնին ընկած հեռախոսն ու բանալիները տարել հանձնել է Գևորգ Մնջոյանին: Տեսնելով, որ իր որովայինց արյուն է հոսում` Գևորգ Մնջոյանը բարձրաձայն գոռացել է և ամբաստանյալ Կարեն Պետրոսյանին ասել է ՙէս ինձ խփիք արա...՚, որից հետո իր ստացած վնասվածքի մասին Գևորգ Մնջոյանը հեռախոսազանգով հայտնել է իր ընկեր` գործով վկա Սամվել Բաբայանին, ով եկել է նրա մոտ և տեսնելով վնասվածքը Գեղամ Ամիրջանյանի հետ Գևորգ Մնջոյանին տեղափոխել են թիվ 3 հիվանդանոց: Դրանից հետո, Կարեն Պետրոսյանը աշխատելով որպես ոստիկան և տիրապետելով իր աշխատանքին, միջադեպի ավարտից հետո որոշ ժամանակ անց է միայն հիշել ոստիկանության ծառայողի երդումի մասին և տեսնելով, որ տուժողը ունի վնասվածք, գիտակցելով իր արածը փորձելով անմեղ դուրս գալ ստեղծված իրավիճակից զանգահարել է իր ղեկավարին և տպավորություն թողնելով հայտնել է որ դեպք է տեղի ունեց, սակայն հայտնել է որ ինքը կապ չունի կատարված դեպքի հետ: Դեպքից անմիջապես հետո ՀՀ ոստիկանության Կենտրոնական բաժնի ՔՀԲ-ի աշխատակիցների կողմից ամբաստանյալ Կարեն Պետրոսյանը բերման է ենթարկվել ՀՀ ոստիկանության Կենտրոնական բաժին և ենթարկվել անձնական խուզարկության:
Այսպիսով, ընդհանուր կարգով սահմանված դատաքննությամբ հետազոտված ապացույցների հիման վրա դատարանն ապացուցված է համարում, որ ամբաստանյալ Կարեն Վաչագանի Պետրոսյանը կատարել է ՀՀ քրեական օրենսգրքի 112-րդ հոդվածի 1-ին մասով նախատեսված հանցագործություն` որպիսի արարքի համար նա պետք է պատասխանատվության ենթարկվի:
Կարեն Վաչա•անի Պետրոսյանն ենթակա է պատժի կատարած արարքի համար:
Դատարանի իրավական վերլուծությունները.
ՀՀ քրեական օրենսգրքի 10-րդ հոդվածի 1-ին մասը սահմանում է` ՙՀանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացի` համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար՚:
ՀՀ քրեական օրենսգրքի 48-րդ հոդվածի 2-րդ մասը սահմանում է` ՙՊատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚:
ՀՀ քրեական օրենսգրքի 61-րդ հոդվածը սահմանում է` ՙ1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում` հաշվի առնելով սույն օրենսգրքի Ընդհանուր մասի դրույթները: 2. Պատժի տեսակը և չափը որոշվում են հանցագործության` հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում` պատասխանատվությունը և պատիժը մեղմացնող կամ ծանրացնող հանգամանքներով: 3. Հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները՚:
Ամբաստանյալ Կարեն Վաչագանի Պետրոսյանն առաջադրված մեղադրանքում իրեն մեղավոր չճանաչեց, 60369 զորամասի և ՀՀ ՈՍ ՊՊԳՎ Կենտրոնական պահպանության բաժնի կողմից տրված բնութագրերի համաձայն բնութագրվում է դրականորեն, խնամքին են գտնվում` 2-րդ խմբի հաշմանդամ հայրը` Վաչագան Հայկազի Պետրոսյանը` ծնված 23.12.1946 թվականին, երեք անչափահաս երեխաները` Մարետա Կարենի Պետրոսյանը` ծնված 18.04.2001 թվականին, Արաքսյա Կարենի Պետրոսյանը` ծնված 04.04.2005 թվականին, Նարեկ Կարենի Պետրոսյանը` ծնված 08.12.2006 թվականին:
Դատարանը ՀՀ քրեական օրենսգրքի 62-րդ հոդվածի 1-ին մասի 4-րդ կետի համաձայն` որպես ամբաստանյալ Կարեն Վաչագանի Պետրոսյանի պատասխանատվությունը և պատիժը մեղմացնող հանգամանք դիտում է վերջինիս խնամքին մինչև տասնչորս տարեկան երեք երեխաների առկայությունը:
Դատարանը ՀՀ քրեական օրենսգրքի 63-րդ հոդվածի 1-ին մասի 10-րդ կետի համայան` որպես ամբաստանյալ Կարեն Վաչագանի Պետրոսյանի պատասխանատվությունը և պատիժը ծանրացնող հանգամանք դիտում է երդում խախտելը:
Սույն քրեական գործով ամբաստանյալ Կարեն Վաչագանի Պետրոսյանին մեղադրանք է առաջադրվել ՀՀ քրեական օրենսգրքի 112-րդ հոդվածի 1-ին մասով, որի սանկցիան նախատեսում է միայն ազատազրկում` երեքից յոթ տարի ժամկետով:
Դատարանը հաշվի առնելով ամբաստանյալ Կարեն Վաչագանի Պետրոսյանը կատարած արարքի հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, բնութագրող տվյալները` այն որ աշխատելով ՀՀ ոստիկանության պետական պահպանության գլխավոր վարչության Կենտրոնի պահպանության բաժնում` որպես ոստիկան և տալով ոստիկանության ծառայողի երդում, կատարել է կյանքի և առողջության դեմ ուղղված հանցագործություն, դատարանը գտնում է, որ ամբաստանյալ Կարեն Վաչագանի Պետրոսյանի ուղղումը հնարավոր է միայն նրան հասարակությունից մեկուսացնելու եղանակով, հետևաբար վերջինիս նկատմամբ պատիժ պետք է նշանակել ՀՀ քրեական օրենսգրքի 112-րդ հոդվածի 1-ին մասի սանկցիայով նախատեսված որոշակի ժամկետով ազատազրկում, որով հնարավոր կլինի հասնել ՀՀ քրեական օրենսգրքի 48-րդ հոդվածով սահմանված պատժի նպատակներին` սոցիալական արդարության վերականգնմանը, պատժի ենթարկված անձի ուղղմանը և հանցագործությունների կանխմանը:
Քննարկելով իրեղեն ապացույցի տնօրինման հարցը` դատարանը գտնում է, որ քրեական գործով իրեղեն ապացույց ճանաչված` տուժող Գևորգ Մնջոյանի հագուստները` ՙadidas՚ գրառումով սև բաճկոնը, ՙbossini՚ գրառումով երկարաթև սև ջեմպրը, ՙMelante՚ գրառումով կիսաթև սև մայկան, ՙMYC 02՚ գրառումով անթև սև մայկան, ՙDAWSIN՚ գրառումով շագանակագույն վիլվետի կտորից անդրավարտիքը, սև կաշվե գոտին, կանաչ թաշկինակը, ՙBLUE WEX՚ գրառումով մեկ զույգ շագանակագույն կոշիկը` մեկ փաթեթում` կնքված վիճակում դատավճիռն օրինական ուժի մեջ մտնելուց հետո պետք է վերադարձնել տուժող Գևորգ Մնջոյանին:
Քրեական գործով 2014 թվականի ապրիլի 04-ի որոշման մեջ նշված 1-ից մինչև 12-րդ կետերում այլ փաստաթղթերը հանդիսացող ապացույցը պետք է պահել քրեական գործի հետ` դրա պահելու ամբողջ ժամանակամիջոցում:
Քննության առնելով ամբաստանյալի նկատմամբ ընտրված խափանման միջոցի հարցը` դատարանը գտնում է, որ ամբաստանյալ Կարեն Վաչագանի Պետրոսյանի նկատմամբ ընտրված խափանման միջոցը` կալանավորումը, պետք է թողնել անփոփոխ մինչև դատավճռի օրինական ուժի մեջ մտնելը:
Եզրափակիչ մաս.
Ելնելով վերոգրյալից և ղեկավարվելով ՀՀ քրեական օրենսգրքի 10-րդ, 48-րդ, 61-րդ, 63-րդ հոդվածներով, ՀՀ քրեական դատավարության օրենսգրքի 116-րդ, 119-րդ, 168-րդ, 169-րդ, 365-րդ, 357-360-րդ հոդվածներով, դատարանը
Վ Ճ Ռ Ե Ց`
Կարեն Վաչագանի Պետրոսյանին մեղավոր ճանաչել ՀՀ քրեական օրենսգրքի 112-րդ հոդվածի 1-ին մասով և նրան դատապարտել ազատազրկման` 4 /չորս/ տարի ժամկետով:
Կարեն Վաչագանի Պետրոսյանի նկատմամբ ընտրված խափանման միջոցը` կալանավորումը, թողնել անփոփոխ մինչև դատավճռի օրինական ուժի մեջ մտնելը:
Կարեն Վաչագանի Պետրոսյանի պատժի սկիզբը հաշվել 04.03.2014 թվականից:
Կարեն Վաչագանի Պետրոսյանից հօգուտ պետական բյուջեի բռնագանձել 80.000 /ութսուն հազար/ ՀՀ դրամ գումար` որպես դատական ծախսեր:
Կարեն Վաչագանի Պետրոսյանից անվամբ գրանցված շարժական և անշարժ գույքերի, որտեղ էլ որ այն գտնվի, ինչպես նաև դրամական միջոցների վրա կալանք դնել` 80.000 /ութսուն հազար/ ՀՀ դրամ գումարի չափով` մինչև դատական ակտի վերջնական կատարումը:
Քրեական գործով իրեղեն ապացույց ճանաչված և քրեական գործին կցված` տուժող ԳևորգՄնջոյանի հագուստները` ՙadidas՚ գրառումով սև բաճկոնը, ՙbossini՚ գրառումով երկարաթև սև ջեմպրը, ՙMelante՚ գրառումով կիսաթև սև մայկան, ՙMYC 02՚ գրառումով անթև սև մայկան, ՙDAWSIN՚ գրառումով շագանակագույն վիլվետի կտորից անդրավարտիքը, սև կաշվե գոտին, կանաչ թաշկինակը, ՙBLUE WEX՚ գրառումով մեկ զույգ շագանակագույն կոշիկը` մեկ փաթեթում` կնքված վիճակում դատավճիռն օրինական ուժի մեջ մտնելուց հետո վերադարձնել տուժող Գևորգ Մնջոյանին:
Քրեական գործով 2014 թվականի ապրիլի 04-ի որոշման մեջ նշված 1-ից մինչև 12-րդ կետերում այլ փաստաթղթերը հանդիսացող ապացույցը պահել քրեական գործի հետ` դրա պահելու ամբողջ ժամանակամիջոցում:
Սույն դատավճիռը վերաքննության կարգով կարող է բողոքարկվել ՀՀ վերաքննիչ քրեական դատարան` հրապարակման պահից մեկ ամսվա ընթացքում:
ԴԱՏԱՎՈՐ` Ա. ԲԵԿԹԱՇՅԱՆ
Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը
Նախագահությամբ դատավոր` Արմեն Բեկթաշյանի
քարտուղարությամբ` Կարինե Կարապետյանի,
Լիանա Ոսկանյանի
մասնակցությամբ`
մեղադրող` Արթուր Երիցյանի
տուժող` Գևորգ Մնջոյանի
պաշտպան` Յուրիկ Ալոյանի
ամբաստանյալ` Կարեն Պետրոսյանի
2014 թվականի դեկտեմբերի 24-ին, Երևան քաղաքում, դռնբաց դատական նիստում, քննեց քրեական գործն ըստ մեղադրանքի`
Կարեն Վաչագանի Պետրոսյանի` ծնված 21.08.1974 թվականին, Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին չորս անձ, աշխատել է ՀՀ ոստիկանության պետական պահպանության գլխավոր վարչության Կենտրոնական պահպանության բաժնի ոստիկանության վաշտում` որպես ոստիկան, հաշվառված և բնակվել է` ք.Երևան, Ն.Շենգավիթ 11-րդ փողոցի 37/3-րդ շենքի 23-րդ բնակարանում այժմ գտնվում է ՀՀ ԱՆ ՙՎարդաշեն՚ քրեակատարողական հիմնարկում, կալանքի տակ է 04.03.2014 թվականից:
Կարեն Վաչագանի Պետրոսյանը մեղադրվում է ՀՀ քրեական օրենսգրքի 112-րդ հոդվածի 1-ին մասով:
2014 թվականի մարտի 04-ի որոշմամբ Կարեն Վաչագանի Պետրոսյանի նկատմամբ որպես խափանման միջոց է ընտրվել կալանավորումը:
Գործի դատավարական նախապատմությունը.
2014 թվականի հունվարի 08-ին ՀՀ ոստիկանության Կենտրոնական բաժնում թիվ 3-րդ հիվանդանոցից ահազանգ է ստացվել այն մասին, որ իրենց մոտ բուժօգնության է դիմել ԳևորգԱշոտի Մնջոյանը և հայտարարել է, որ Անգլիական այգում անծանոթ անձինք վնասել են իրեն` պատճառելով որովայնի պատի ձախ ենթակողային շրջանի ծակած-կտրած վերք:
Դեպքի առթիվ 2014 թվականի հունվարի 08-ին ՀՀ ոստիկանության ՔԳՎ Երևանի ՔՎ Կենտրոնականի քննչական բաժնում ՀՀ քրեական օրենսգրքի 112-րդ հոդվածի 1-ին մասի հատկանիշներով հարուցվել է թիվ 13100714 քրեական գործը:
2014 թվականի հունվարի 09-ին կասկածյալ Կարեն Վաչագանի Պետրոսյանի նկատմամբ որպես խափանման միջոց է ընտրվել ստորագրություն չհեռանալու մասին:
2014 թվականի հունվարի 09-ի որոշմամբ Գևորգ Աշոտի Մնջոյանը թիվ 13100714 քրեական գործով ճանաչվել է տուժող:
2014 թվականի հունվարի 10-ի որոշմամբ ՀՀ ոստիկանության ՔԳՎ Երևան ՔՎ Կենտրոնականի քննչական բաժնից թիվ 13100714 քրեական գործը ըստ քննչական ենթակայության ուղարկվել է ՀՀ Հատուկ քննչական ծառայություն` նկատի ունենալով, որ ՀՀ օրենսդիր, գործադիր և դատական իշխանության մարմինների ղեկավար աշխատողների, պետական հատուկ ծառայություն իրականացնող անձանց` իրենց պաշտոնական դիրքի կապակցությամբ հանցագծործությամբ կամ նրանց կատարած հանցագործությունների վերաբերյալ գործերով նախաքննությունն իրականացվում է ՀՀ հատուկ քննչական ծառայության քննիչների կողմից:
2014 թվականի մարտի 04-ի որոշմամբ Կարեն Վաչագանի Պետրոսյանը թիվ 13100714 քրեական գործով ՀՀ քրեական օրենսրքի 112-րդ հոդվածի 1-ին մասով ներգրավվել է որպես մեղադրյալ և նույն օրը նրա նկատմամբ որպես խափանման միջոց է ընտրվել կալանավորումը:
2014 թվականի ապրիլի 09-ին ՀՀ հատուկ քննչական ծառայության հատկապես կարևոր գործերի քննիչի պաշտոնակատար Ա.Հարությունյանի կողմից որոշում է կայացվել թիվ 13100714 քրեական գործի նյութերով` անձի նկատմամբ բռնություն գործադրելու զուգորդմամբ խուլիգանություն կատարելու դեպքի առթիվ հարուցել նոր քրեական գործ` ՀՀ քրեական օրենսգրքի 258-րդ հոդվածի 2-րդ մասի հատկանիշներով, առանձնացնել առանձին գարույթում և ընդունել վարույթ:
Նախաքննական մարմնի կողմից Կարեն Վաչագանի Պետրոսյանին ՀՀ քրեական օրենսգրքի 112-րդ հոդվածի 1-ին մասով մեղադրանք է առաջադրվել այն բանի համար, որ նա 2014 թվականի հունվարի 08-ին` ժամը 18:45-ի սահմաններում Երևան քաղաքի ՙԱնգլիական՚ կոչվող այգում` Գ.Սունդուկյանի անվան թատրոնի դիմաց, խաղալիքների մանրածախ առևտրով զբաղվող իր մորից գումարներ պահանջելու հարցի շուրջ վիճաբանության և ծեծկռտուքի մեջ է մտել Գևորգ Աշոտի Մնջոյանի հետ, որի ընթացքում դանակով երկու անգամ հարվածել է Գևորգ Մնջոյանի որովայնին և կրծքավանդակին` դիտավորությամբ պատճառելով կյանքին վտանգ սպառնացող ծանր վնաս` որովայնի առաջային պատի թափանցող, մեծ ճարպոնի վնասումով ծակած-կտրած վերքի, կրծքավանդակի ձախ կեսի շրջանի կտրած վերքի ձևով:
2014 թվականի ապրիլի 25-ին քրեական գործը մեղադրական եզրակացությամբ ստացվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանում:
Ապացույցների հետազոտում և գնահատում.
Ամբաստանյալ` Կարեն Վաչագանի Պետրոսյանը ՀՀ քրեական օրենսգրքի 112-րդ հոդվածի 1-ին մասով առաջադրված մեղադրանքում իրեն մեղավոր չճանաչեց և ցուցմունք տվեց այն մասին, որ իր ընտանիքի հետ միասին բնակվել է Երևան քաղաքի Ներքին Շենգավիթ 11-րդ փողոցի 37/3-րդ շենքի 23-րդ բնակարանում: Հայրը` Վաչագան Պետրոսյանը երկրորդ խմբի հաշմանդամ է, իսկ կինը` Քրիստինե Սարգսյանը, չի աշխատում: Իր խնամքին են գտնվում մանկահասակ երեք երեխաները, Մարիետան` ծնված 2001 թվականին, Արաքսյան` ծնված 2005 թվականին և Նարեկը` ծնված 2006 թվականին, քանի որ իր աշխատավարձը ըստ էության չի բավականացրել իր ընտանիքի հոգսերը հոգալու համար, ուստի իր մայրը` Մարետա Բարխուդարյանը ժամանակ առ ժամանակ, Սունդուկյանի անվան թատրոնի ետնամուտքի դիմացի հարթակի վրա, զբաղվել է մանկական խաղալիքների մանրածախ առևտրով, որպեսզի որևէ կերպ թեթևացնի իրենց ընտանիքի հոգսերը: 2014 թվականի հունվարի 08-ին, քանի որ եղանակը անբարենպաստ է եղել` առատ ձյուն է տեղացել և իր մայրը իրեն խնդրել է, որ այդ օրն ինքը գնա նրան օգնելու: Ժամը 17:00-ից ինքը գտնվել է այնտեղ: Ժամը 19:00-ի սահմաններում իրենց է մոտեցել մի երիտասարդ, ներկայացել որպես այգու պահակ և ասել, որ իրենց գնալուց հետո նրանք են մաքրում այդ տարածքը, ինչի համար իրենք նրան պետք է 1000-ական դրամ վճարեն: Այդ պահին իրենցից բացի նույն աստիճանահարթակի վրա խաղալիքներ են վաճառել նաև այլ անձինք` մոտ 15-ից 20 հոգի: Ինչպես իրենք, այնպես էլ մյուսները, ասել են, որ առևտուրը դեռ չեն ավարտել և փող չունեն, վերջում կտան, սակայն իրենց ասած այդ տղան, որի անունը հետագայում իմացել է, որ Անդրանիկ է, երևի ճիշտ չի հասկացել իրենց ասածն ու նրա մոտ տպավորություն է առաջացել, որ իրենք հրաժարվում են այդ գումարը տալուց և իրենց ասել է, որ հիմա մարդ կգա և իրենց հետ կխոսի: Մոտավորապես 5-7 րոպե անց իրենց է մոտեցել մի երիտասարդ, ով շատ կոշտ-կոպիտ տոնով ասել է, որ ով չի համաձայնվում գումարը վճարել, նրանց հասցեին անվայել խոսքեր է ասել: Ինքն ասել է, որ այդպես չխոսի և, որ իր կողքի կանգնածը իր մայրն է, տարածքում էլ այլ կանայք ու երեխաներ կան, հարցրել է, թե նրա խոսքրն ու էին ուղղված: Նա էլ պատասխանել է, որ հենց իրեն: Այդ ընթացքում նա ձգվել է դեպի աստիճանավանդակը, մի երկու աստիճան բարձրացել և բռնելով իրեն` քշել է դեպի ներքև, քանի որ տարածքը ձյունապատ և սառույցապատ է եղել, ինքը սայթաքել ու վայր է ընկել: Ընկած տեղից իրեն կանայք են բարձրացրել և ինքը փորձել է նրան կարգի հրավիրել, սակյան կանայք իրեն հետ են հրել: Նույն պահին նաև մի քանի հոգի էլ հետ են հրել նրան, որպեսզի նա իրեն չմոտենա: Առաջացած աղմուկի վրա իրենց շուրջը հավաքվել են մի խումբ անձինք, թե վեճը դադարեցնելու համար, թե հետաքրքրությունից դրդված: Մոտ մեկ-երկու մետր հեռավարության վրա միմյանց մոտենալու փորձ կատարելով, իրենք լեզվակռվի մեջ են մտել: Այդ ամենը տևել է մոտ 1-2 րոպե, որից հետո իր շուրջը խմբված մարդիկ իրեն մի կողմ են տարել, իսկ այդ տղային տարել են դեպի շատրվանների կողմը: Միջադեպի ավարտից որոշ ժամանակ անց այդ տղան, որը հետո իմացել է, որ անունը Գևորգ է, բղավել է` ՙինձ խփել են՚ և այդ լսելով ինքը գնացել է դեպի նրա կողմը: Գետնից վերցրել է հեռախոսը, բանալիների մի խուրձ և մոտեցել է նրան: Նրան ցույց է տվել գտած իրերը և հարցրել է իրենն է, թե ոչ, նա հասկացրել է, որ նրանն է և ինքը հարցրել է, թե ինչ է պատահել, նա ասել է, որ իրեն խփել են: Այդ պահին ինքը տեսել է նաև իրենց բաժնի ոստիկան Գեղամ Ամիրջանյանին, որն իր հարցական հայացքին ի պատասխան ցույց է տվել իր արյունոտված ձեռքը ու ասել, որ խփած է: Այդ ընթացքում Գևորգի ձեռքը ձախ կողքի վրա է դրված եղել: Ինքն ասել է, որ շորը բարձրացնի տեսնեն ինչ է եղել, նա բարձրացրել է իր հագուստը, ինքը ավելի մոտ է գնացել և իր բջջային հեռախոսի էկրանի լույսը պահել է նրա ցույց տված հատվածին և տեսել է, որ վնասվածք է ստացել: Ինքը հանկարծակիի է եկել, շփոթվել ու զարմացել, քանի որ ինքը նրան այդ վնասվածքը չի պատճառել: Հարցրել է, որ հնարավոր է նրա գրպանում սուր ինչ որ բան կա, որը հրմշտոցի ժամանակ վնասած լինի նրան: Նա էլ պատասխանել է, որ ՙչէ ախպեր ինձ խփել են՚: Գևորգը ցանկացել է ձյուն դնել վերքի վրա, ինքը չի թողել, ասելով, որ ձյունը կարող է վնասել, լավ կլինի թաշկինակով լավ սեղմի վերքի վրա, որ չարյունահոսի: Անմիջապես բղավել է, որ զանգահարեն շտապօգնություն, միևնույն ժամանակ ինքը նայել է չորսբոլորը, փորձել է հեռու և մոտ կանգնած մարդկանց մեջ գտնել շփոթված, դեպի հեռուն վազող մարդ: Տեսնելով, որ Գեղամը զանգահարել է շտապօգնություն, ինքը հեռացել է նրանցից մի քանի քայլ և զանգահարել է իր անմիջական ղեկավար` Արմեն Բեջանյանին և հայտնել է, որ Սունդուկյանի թատրոնի մոտ է, իր հետ վիճաբանություն է եղել, այդ ընդացքում իր հետ վիճաբանող տղան վնասվածք է ստացել, սակայն ինքը չի նրան պատճառել այդ վնասվածքը: Նա ասել է, որ այնտեղ մնա, խումբ կուղարկի ու ինքը նրանց հետ կգա: Մինչև ոստիկանության աշխատակիցների գալը, Գեղամը Գևորգին տարել է հիվանդանոց: Մնչև եկել է ոստիկանության օպերատիվ խմբի գալը ինքը մնացել է այնտեղ, այնուհետև մոտեցել է նրանց և ասել, թե ինչ է տեղի ունեցել, նրանց հայտնել է, որ ինքը Գևորգին մարմնական վնասվածք չի պատճառել: Դեպքի վայր եկած օպեր լիազորներից մեկն իրեն ասել է, որ քանի վիճաբանությունը իր հետ է տեղի ունեցել, ուստի պետք է գնան ոստիկանության բաժին` պարզելու եղելությունը: Ասել է, որ անպայման պետք է գնան, որովհետև ինքը զեկուցագիր պետք է գրի կատարվածի կապակցությամբ: Օպերը իրեն և իր հագուստը զննել է, զննել է նաև տարածքը և իրենք միասին իր ավտոմեքենայով գնացել են բաժին: Բաժնում իրեն ևս մեկ անգամ մանրակրկիտ զննության են ենթարկել և արդյունքում` բացի իր հեռախոսից ոչ ինչ չի հայտնաբերվել, թե իր մարմնի և, թե իր հագուստի վրա արյան հետքեր չեն եղել: Բաժնում ինքը տեղեկացրել է քննիչին և քրեական հետախուզության պետին, որ թատրոնի տարածքը տեսաձայնագրվում է և խնդրել է որպեսզի նրանք առգրավեն այդ ձայնագրությունները և այն օգտագործեն օբյեկտիվ քննության ժամանակ: Տեսախցիկը ուղղված է եղել այն տարածքի կողմը, որտեղ տեղի է ունեցել իր և Գևորգի վիճաբանությունը: Մի երկու օրից ներկայացել է բաժին, որտեղ քննիչն իրեն հայտնել է, որ սարքը այդ ամենը չի նկարահանել: Քրեական գործում այդ մասին որևէ փաստաթուղթ կամ արձանագրություն չկա, ու, եթե այդ տեսաձայնագ րման տվյալները լինեին, ապա հաստատապես համոզված է, որ ինքը չէր հայտնվի ամբաստանյալի կարգավիճակում: Ինքը Գևորգին մարմնական վնասվածք չի հասցրել: Խնդրել է իրեն ազատ արձակել դատական նիստերի դահլիճում` իր նկատմամբ հարուցված քրեական գործը կարճել:
Ամբաստանյալ Կարեն Վաչագանի Պետրոսյանի` ՀՀ քրեական օրենսգրքի 112-րդ հոդվածի 1-ին մասով կատարած արարքը հիմնավորվել է հետևյալ ապացույցներով.
Տուժող Գևորգ Մնջոյանի ցուցմունքով այն մասին, որ 2014 թվականի հունվարի 08-ին ինքը կանգնած է եղել իրենց գրասենյակի դիմաց, երբ իրեն զանգահարել է իր աշխատակից Անդրանիկն ու ասել, որ այգում կրկին առևտրականներ են հավաքվել: Ինքը գնացել է այգի` նրանց հանելու նպատակով, քանի որ նրանք կեղտոտել են այգու տարածքը: Ինքը մինչև դեպքը արգելել է առևտրականներին այգում առևտրով զբաղվել: Դրանից հետո առևտրականները իր բանվորի և հավաքարարի հետ պայմանավորվել են, որ գումար կտան` աղբը մաքրելու համար: Իրեն չի հետաքրքրել, թե ով կհավաքի աղբը, էական է եղել այգու մաքրությունը: Ինքը համաձայնություն է տվել առևտրականներին միայն պայմանով, որ նրանք պետք է աղբը հավաքեն: Իրեն ընդհանրապես դուր չի եկել, որ առևտրականները այգում առևտուր են արել: Ինքը տեղյակ է եղել, որ իր աշխատողները գումար են հավաքել առևտրականներից` այգին մաքրելու համար: Անդրանիկը դեպքի օրն իրեն գումարի մասին ոչինչ չի ասել: Ասել է միայն, որ առևտրականները հավաքվել են այգում: Վրդովված գնացել և բոլորին ասել է ՙսիկտիր եղեք ստեղից…՚: Անդրանիկին այդ ժամանակ ուղարկել է այգում եղած կենդանիների մոտ: Անդրանիկը քաշքշուկի ժամանակ իրենց մոտ չի եղել և եկել է այն ժամանակ, երբ արդեն ինքը վնասվածք է ստացած եղել: Կարենը հարցրել է, թե ում հետ է, ինքը պատասխանել է, որ դա նաև նրան է վերաբերում: Իր համբերությունն արդեն հատած է եղել` առևտրականների թափած աղբը հավաքելու համար անընդհատ գումար ծախսելուց: Կարենի հետ քաշքշուկ է սկսվել, նա սառույցի վրա ընկել է: Ինքը չի ծեծել Կարենին, չի հարվածել: Ուղղակի հրել է նրան: Կարենն իրեն չի հրել: Քաշքշուկի ժամանակ հավաքված մարդկանց մի մասն իրեն ավելի մոտ են գտնվել, քան Կարենը: Այդ ընթացքում իրենց է մոտեցել քաղաքացիական հագուստով մի անձ, ներկայացել է որպես ոստիկան: Ինքը այդ ոստիկանի հետ առանձնացել է 15-20 մետր հեռու և զրուցել են: Նա իրեն հարցրել է ինչ է պատահել, ինքը պատասխանել է, որ առևտրականները գալիս աղբ են թափում, իսկ ինքը պարտավոր չէ նրանց հետևից հավաքել: Այդ պահին մրմռոց է զգացել: Բարձրացրել է հագուստը, տեսել է, որ որովայնն ամբողջությամբ արյուն է: Ոստիկանը իրեն տարել է Սունդուկյանի արձանի մոտ գտնվող քարի մոտ: Ինքը նստել է, զանգել է ընկերոջը: Քաշքշուկի ժամանակ բանալիներն ու հեռախոսը կորցրած է եղել: Քաշքշուկից հետո` երբ նստած է եղել Սունդուկյանի արձանի մոտ, իրեն է մոտեցել Կարենը, լույս է գցել իր վերքին նայել է, տվել է իր բանալիներն ու գնացել: Ինքը վնասվածքը տեսնելուց հետո ընդհանուր է բացականչել ՙով խփեց՚: Ինքը Կարենի անունը չի տվել, քանի որ նույնիսկ նրա անունը չի իմացել: Կարենի անունն իմացել է դեպքից 2 ամիս անց` քննիչներից: Այդ ժամանակ մեկ անգամ անհասցե հայհոյել է: Իր հետի ոստիկանը զանգահարել է շտապօգնություն և իր վերադասներին: Շտապօգնությունը ուշացել է, և իր ընկերն ու իրեն մոտեցած ոստիկանը տաքսի ավտոմեքենայով իրեն տարել են հիվանդանոց: Ինքը չի իմացել, որ իրեն դանակով խփել են: Քաշքշուկից բավականին ժամանակ անց է ցավ զգացել: Ինքը չգիտի` ով է խփել իրեն, չի տեսել և չի զգացել: Դեպքի վայրում եղել են և կանայք, և տղամարդիկ: Ոստիկանը իրեն չի ասել, որ Կարենի ընկերն է: Եթե ինքը վստահ լիներ, որ Կարենն է եղել խփողը, ապա դեպքից մոտ մեկուկես ամիս անց հանդիպել է Կարենին և այդ ժամանակ նա մի ապտակ գոնե կհասցներ Կարենին: Իր ընկերը հարցրել է ում հետ է ինքը վիճել, ինքն էլ մատնացույց է արել Կարենին: Իրեն հարված չի կպել, հարված ընդհանրապես չի զգացել: Եթե իրեն Կարենը հարվածեր, ինքն անպայման կտեսներ: Եթե կտրող-ծակող գործիքներ լինեին, դա ևս ինքը կտեսներ: Քաշքշուկի ժամանակ իր և Կարենի շուրջ շատ մարդիկ են հավաքված եղել: Եթե կասկած լիներ, որ Կարենն է իրեն հարվածել, ապա վիճաբանությունը կշարունակվեր իրեն դանակով հարվածելու համար: Նույնիսկ վնասվածքներով կշարունակեր վիճաբանելը: Պնդեց իր դատաքննական ցուցմունքը, իսկ նախաքննության ընթացքում ցուցմունք տալիս ինքը վատառողջ է եղել: Որևէ բողոք, պահանջ չունի: Եթե պարզվի, որ իրեն հարվածողը Կարենն է պահանջ կներկայացնի:
Տուժող Գևորգ Մնջոյանն նախաքննության ընթացքում 2014 թվականի հունվարի 21-ին տված իր ցուցմունքով հայտնել է, որ պարզ է եթե վիճաբանել է այդ տղայի հետ, ինքն էլ պետք է, որ իրեն հարվածաց և նման վնասվածք պատճառված լինել, քանի որ վաճառական կանանցից և իրենց բաժանող ոստիկանից բացի ինքը չի տեսել, որ ուրիշ մեկի խառնվի վիճաբանությանն այն էլ տղամարդ:
Տուժող Գևորգ Մնջոյանն նախաքննության ընթացքում 2014 թվականի մարտի 13-ին որպես տուժող լրացուցիչ տված իր ցուցմունքով պնդել է իր նախկինում ված ցուցմունքը և հայտնել է, որ վիճաբանության ընթացքում բացի Կարենից իրեն այլ անձ չի քաշքշել, ձեռքով կամ ոտքերով հարվածող ճի եղել միայն եղել են բաժանողներ:
Վկա Մարետա Բարխուդարյանի ցուցմունքով այն մասին, որ հանդիսանում է ամբաստանյալ Կարեն Պետրոսյանի մայրը: Դեպքի օրը իրենք գնացել են Սուդուկյանի այգի: Այդ օրը պետք է լիներ ՙՄաշան և արջը՚ ներկայացումը: Իրենք գնացել են մանկական խաղալիքներ վաճառելու: Մինչև դեպքի օրը, եղել են մի քանի անգամներ, որ ինքը Գ.Սունդուկյանի թատրոնի մոտակայքում գնացել է առևտրով զբաղվելու, միշտ էլ տվել է պահանջվող գումարը, պատահել է, որ գումարը տվել է առևտրի կամ սկզբում, կամ ընթացքում, կամ վերջում: Կանչել է իր որդուն թատրոնի: Կես ժամ անց մոտեցել է իրենց մի տղա փող հավաքելու, որը միշտ էլ իրենք վճարել են տեղի համար: Կարենը այդ տղային ասել է, որ դեռ առևտուր չեն արել, երբ առևտուր անեն գումարը կտան: Այդ տղան պնդել է, որ այդ պահին տան գումարը: Կարենը կրկին ասել է, որ հենց գումար լինի կտան: Այդ տղան գնացել է մի կողմ և զանգահարել է, իսկ քիչ անց եկել է Գևորգ անունով մի տղա, ով հեռվից սեռական բնույթի տարբեր հայհոյանքներ տալով մոտեցել է զանգահարող տղային, հարցրել է` ով չի տալիս գումարը, իսկ այդ տղան մատնացույց է արել իր տղային: Երբ Գևորգը հայհոյանքներ տալով մոտեցել է իրենց, իր որդին դիտողություն է արել նրան, ասելով, որ իր մայրն է կանգնած, բացի այդ շատ կանայք էլ կան տարածքում: Գևորգն ասել է, որ ով գումար չտա, ապրանքը կոտրեն, ամեն ինչ փշրեն և վռնդեն տարածքից: Իր որդին խոսակցության մեջ է մտել և ասել, որ դա հարցի լուծում չէ, 1000 դրամի համար այդպես վարվել ճիշտ չէ: Տուժողին ասել են, որ Կարենը ոստիկան է, իսկ նա ընդհանուր հայհոյել է ոստիկաններին էլ, պետին էլ: Գևորգը իր տղայի կրծքավանդակի հատվածից քաշելով տարել է մի փոքր հեռու աստիճանների մոտ: Կարենին գցել են գետնին ու սկսել են ոտքերով հարվածել: Ինքը միջամտել է, հրել է այդ տղաներին, ցանկացել է իր որդուն գետնից բարձրացնել: Բոլոր կանայք հավաքվել են իրեն օգնելու համար: Հետո, երբ իր որդուն բարձրացրել են, Գևորգը 25-30 մետր հեռու է եղել իրենցից, երբ գոռացել ու ասել է, որ իրեն խփել են: Իր որդու վրա վնասվածքներից նկատել է միայն աչքի հատվածում կարմրածություն: Մի տղայի հետ Գևորգը նստել է այգում եղած արձանի մոտ: Երբ Գևորգը նստած է եղել արձանի մոտ, երկու հոգի մոտեցել են նրան, հարցրել են ինչ է պատահել, ում հետ է կռիվ արել, իսկ Գևորգը մատնացույց է արել իր որդուն և ասել է, որ նրա հետ է վիճել: Այդ մարդկանցից մեկը մոտեցել է իր որդուն, ասել է, որ չփախչի, իր որդին էլ ասել է, որ եթե փախչելու լիներ արդեն փախած կլիներ: Իրենք մոտեցել են, տեսել են, որ Գևորգի կրծքավանդակի ձախ կողմից անցք է եղել բացված և արյուն է եկել: Կարենը հարցրել է, թե ով է խփել, ինչ է պատահել: Գևորգը պատասխանել է, որ չգիտի: Ինքը իր տղայի մոտ դանակ չի տեսել, դանակ իրենք առհասարակ չեն ունեցել: Ինքը քաշքշուկի սկզբից մինչև վերջ եղել է իր որդու մոտ, չի հեռացել նրանից: Այնուհետև զանգահարել են այդ պահին շտապօգնություն, ոստիկանություն, այնուհետև իրենց տարել են բաժին:
Վկա Սաթիկ Պետրոսյանի ցուցմունքով այն մասին, որ աշխատում է ՙԱնգլիական՚ այգում որպես հավաքարար, չի ճանաչում ամբաստանյալին, տուժողի հետ ծանոթացել է աշխատանքի ընդունվելու հետ կապված հարցերով: Ինքը դեպքի մասին ոչինչ չգիտի: Դեպքի օրը ինքը շուտ է գնացել տուն, երբ հաջորդ օրը եկել է աշխատանքի, Անդրանիկն իրեն ասել է, որ դեպք է տեղի ունեցել: Ինքը չի հետաքրքրվել մանրամասներով, չգիտի մարմնական վնասվածք եղել է, թե ոչ: Անդրանիկը հավաքել է առևտրականներից գումարներ, իրեն ասել է, որ յուրաքանչյուրից 50-200 դրամ գումարներ է հավաքել, ընդհանուր հավաքեվել է 8000 դրամ գումար, որից 4000 դրամ գումարը տվել է իրեն, իսկ մնացածը պահել է իր մոտ:
Վկա Նունե Չիչոյանի ցուցմունքով այն մասին, որ զբաղվում է առևտրով ՙԱնգլիական՚ այգում: Դեպքը եղել է ամռանը, ժամը 16:00-ի հատվծում: Ինքը այնտեղ փուչիկներ է վաճառել: Իրենց մոտեցել և տեղի համար գումար են պահանջել: Իրենք հրաժարվել են, որից հետո մտել են թատրոնի շենք, իսկ քիչ անց աղմուկ լսելով դուրս են եկել այնտեղից, և տեղեկացել, որ գումար հավաքելու շուրջ վեճ է ծագել Կարենի և գումար հավաքողների միջև: Կարենը հրաժարվել է գումար տալուց: Անդրանիկը, ով գումար հավաքողն է եղել, զանգել է Գևորգին, ում նաև ՙԺոր՚ են անվանել և ասել, որ գումարները չեն տալիս: Այնուհետև մոտեցել է Ժորը և ասել է, որ եթե գումարները չեն տալիս, ծեծելով էլ լինի վերցնեն: Սեռական բնույթի հայհոյանքներ է տվել: Կարենը նկատողություն է արել, ասելով, որ մայրը իր կողքին է հայհոյանքներ չտա: Տեսել է միայն այն, որ Կարենին հրել է աստիճաններից ներքև և խփել է: Հետո լեզվակռիվ է սկսվել: Ինքը հեռու է եղել: Այնուհետև տեսել է, որ նրանց հետ ինչ-որ մեկն ասել է ՙարյուն է կողքս, ով է խփել՚: Իրենք դանակ չեն տեսել: Եղել է ընդամենը լեզվակռիվ: Կարենին Ժորը իջեցրել է աստիճաններից ներքև, խփել է, հետո Կարենի մայրը մոտեցել է, որպեսզի բաժանի, իրենք էլ են մոտեցել բաժանելու, օգնելու: Կարենը չի հարվածել: Նա եղել է գետնին ընկած: Կարենին են հարվածել ձեռքերով, ոտքերով: Ինքը չի լսել դանակով խփելու մասին խոսակցություններ: Գևորգը միայն հարցրել է, թե ով է խփել իրեն դանակով: Կռվի ժամանակ իրենք բաժանել են, իսկ բաժանելուց հետո արդեն մի կողմ են գնացել: Կարենին բաժանելուց հետո ինքը Կարենի ձեռքում ոչինչ չի տեսել: Գետնին ընկած են եղել Գևորգի բանալիները և ևս ինչ-որ բան, որը հանձնել են Գևորգին: Եթե Կարենի մոտ դանակ լիներ կամ նա դանակով խփած լիներ, իրենք կտեսնեին: Մինչև ոստիկանների գալը Կարենը դեպքի վայրից չի բացակայել: Կռիվը տևել է 5-7 րոպե:
2014 թվականի ապրիլի 02-ին վկա` Նունե Չիրոյանի և տուժող` Գևորգ Մնջոյանի առերես հարցաքննության արձանագրությունով վկան հայտնել և պնդել է, որ 2014 թվականի հունվարի 08-ին, գնացել է Սուդուկայնի անվան թատրոնի մոտ` առևտրով զբաղվելու նպատակով: Թատրոնի մուտքի մոտ տեսել է նաև Մարետային, որդու` Կարենի հետ միասին, ինչպես նաև Ռոզային, Գեղանուշին, Ստելլային և Աստղիկին: Ժամը 18:30-18:45-ի սահմաններում իրենց է մոտեցել Անդրանիկը և պահանջել է տեղի համար 1000 դրամ, սակայն ինքը չի տվել, չի կարող ասել, թե ով է տվել այդ գումարը, բայց Մարետան գիտի, որ նույնպես հրաժարվել է գումարը տալուց: Դրանից հետո Անդրանիկը զանգահարել է ինչ-որ մեի, ասելով, որ գումարները չեն տալիս և մի քանի որպե անց այգի է եկել իր հետ առերեսվող Գևորգը և ասել ՙՈվ չի տալիս, ծեծելով վեկալ՚ և սկսել է սեռական բնույթի հայհոյանքներ տալ: Կարենը լսելով այդ հայհոյանքները, Գևոր•ին ասել է, որ չհայհոյի, կողքին մայրն է կանգնած, բացի այդ տարածքում բոլորը կանայք են և ուզել է կարգի հրավիրել նրան: Նույն պահին Գևորգը մոտենալով Կարենին ասել է ՙԴու ինձ պետք է ասես , թե ինչ անեմ՚ և բռնես Կարենի հագուստներից, քաշել և իջեցրել է հարթակի վրայից այգու մեջ, ինչի հետևանքով Կարենը ընկել է գետնին և Գևորգը սկսել է ձեռքերով և ոտքերով հարվածել նրան: Ինքը, Մարետան էլի մի քանի հոգի կանանցից, բայց ուշադիր չի եղել, թե ովքեր, փորձել են բաժանել նրանց: Քանի որ խառնաշփոթ վիճակ է եղել այդ ժամանակ ինքը չի կարող ասել, թե ով ինչ է արել այդ ժամանակ, բայց կռիվ անողները եղել են միայն Կարենը և Գևորգը: Ի վերջով` իրենք կարողացել են բաժանել Կարենին և Գևորգին: Կարենին իրենք Կանանցով մի կողմ են տարել, իսկ Գևորգին ինչ-որ տղա մյուս կողմ է տարել:Երբ Գևորգին այդ տղան մի կողմ է տարել իրենցից մոտավորապես 10-15 մետր հեռու և խոսել են, Գորգը հագուստը բարձրացրել է և ինքը տեսել է, որ նրա որովայնի վրա արյուն է: Այդ ժամանակ Գևորգը բարձրաձայն գոռացել է ՙարա էս դանակով խփեցիր՚ խոսքը ուղղեկով Կարենին: Կարենն էլ ասել է, որ ինքը դանակով չի խփել, սակայն Գևորգը պնդել է, որ իրեն դանակով Կարենն է խփել: Հիշում է, որ այդ ժամանակ Գևորգը ասել է Կարենին, որ ՙդու քո ընկերների հետ կորար՚: Գևորգին նստեցրեցին արձանի պատվանդանի տակ և դրանից մի քանի րոպե անց եկել են մեկ կամ երկու հոգի, ովքեր ենթադրում է , որ Գևորգի ընկերներն են և Գևորգին տարել են հիվանդանոց: Կարենի կամ այլ անձի մոտ դանակ կամ այլ նմանատիպ առարկա չի տեսել: Ինքը չի տեսել, թե Գևորգը ինչպես է մարմնական վնասվածք ստացել: Պնդել է իր կողմից տված ցուցմունքը:
Վկա Անդրանիկ Միքայելյանի ցուցմունքով այն մասին, որ աշխատում է ՙԱնգլիական՚ այգում որպես այգեպան: Չի ճանաչում ամբաստանյալին, ճանաչում է տուժողին որպես իրենց տնօրեն: Քանի որ այգում առևտրականներ են հավաքվել և աղտոտել են այգին, իրենց վճարել են գումարներ, որպեսզի հավաքարարը այդ գումարների դիմաց մաքրի իրենց աղտոտած տարածքը: Դեպքի օրը ինքը գնացել է այդ գումարները հավաքելու: Առևտրականների մի մասը հրաժարվել է գումար տալուց: Ինքը կանչել է տնօրենին, որպեսզի գա և նրանց դուրս հանի տարածքից: Տնօրենը եկել է, ինքը գնացել է թռչուններին կերակրելու: Երբ հետ է եկել, տեսել է, որ տնօրենը ինչ-որ մեկի հետ կանգնած զրուցում է: Սկզբում չի մոտեցել, այնուհետև մոտեցել ու տեսել է, որ տնօրենի որովայնի հատվածից արյուն է գալիս, ինչը տեսնելով նրան տարել են, նստեցրել են քարին, փորձել են օգնություն ցույց տալ: Ինքը չի մասնակցել կռվին, այդտեղ չի եղել, չ•իտի ով է հարվածել Գևորգին: Գևորգն ասել է, որ առևտրականներից մեկի հետ խնդիր է ունեցել, այլևս չի ասել կոնկրետ ինչ է եղել: Ինքը հետո է իմացել, որ Գևորգի հետ խնդիր ունեցողը ոստիկան է եղել: Գևորգն ասել է, որ իրեն առևտրականներից մեկն է խփել, բայց չգիտի կոնկրետ ով:
Վկա Սամվել Բաբայանի ցուցմունքով այն մասին, որ չի ճանաչում ամբաստանյալին, տուժողին ճանաչում է ունի ընկերական հարաբերություններ: 2014 թվականի հունվարի 08-ին իրեն զանգահարել է ԳևորգՄնջոյանը և ասել է, որ իրեն խփել են: Ճշտել է Գևորգի տեղը և գնացել է ՙԱնգլիական՚ այգի: Երբ հասել է Գևորգը ինչ-որ մեկի հետ կանգնած է եղել: Ինքը հարցրել է` ինչ է տեղի ունեցել, Գևորգն ասել է, որ խփել են իրեն: Այդ տղային էլ հարցրել է, թե նա ով է, վերջինս պատասխանել է, որ ոստիկանության աշխատակից է: Հարցրել է` ով է խփել, Գևորգը գլխով ցույց է տվել 20-25 մետր հեռավորության վրա գտնվող մոտ 30 հոգի մարդկանց: Ինքը չգիտի ով է խփել: Ինքը բոլորին ասել է, որ չփախչեն մինչև ոստիկանությունը գա: Ինքը ամբաստանյալին անձնապես չի ասել, որ չփախչի: Գևորգն էլ անձամբ չգիտի` իրեն ով է խփել:
Վկա Սիմոն Ավետիսյանի ցուցմունքով այն մասին, որ հանդիսանում է ՙԲյուրակն՚ ընկերության նախագահ, չի ճանաչում ամբաստանյալին, ճանաչում է տուժողին: Դեպքի օրը նստած է եղել գրասենյակում, երբ Բաբայան Սամվելին զանգ է եկել և ասել են, որ կռիվ է եղել: Սամվելը գնացել է, մինչև ինքը հասել է, տեսել է, որ արյուն է գալիս: Սամվելը և ինչ-որ ոստիկանության աշխատակից Գևորգին տարել են հիվանդանոց: Գևորգի հետ խոսել է վիրահատությունից հետո, նա իրեն ասել է, որ չգիտի ով է խփել իրեն: Վիճաբանությունը եղել է աղբը հավաքելու համար գումարներ հավաքելու շուրջ առևտրականների հետ: Իրեն չի հետաքրքրել կին է եղել խփողը, թե տղամարդ:
Վկա Աստղիկ Անանյանի ցուցմունքով այն մասին, որ Գ.Սունդուկյանի անվան թատրոնի մոտ առևտրով է զբաղվում, ամբաստանյալին տեսել է դեպքի օրը, տուժողին չի ճանաչում: Դեպքի օրը ինքը առևտուր անելիս է եղել Գ.Սունդուկյանի անվան թատրոնի դիմաց: Ամբսատանյալը իր մոր հետ եղել են իրենից 4 մետր հեռավորության վրա: Տեսել է, վեճ է եղել: Ինքը տեսել է Կարենին ընկած: Չի մոտեցել վիճաբանության ժամանակ: Կռիվը հանդարտվելուց հետո, երբ Գևորգին բերել և նստեցրել են իրենց մոտ` մի քարի վրա, տեսել է, որ արյուն է գալիս: Գևորգը հարցրել է ՙով ինձ խփեց՚, առաջ է գնացել դեպի Կարենի ուղղությամբ, այնուհետև մարդիկ նրան օգնել են, տեղափոխել են հիվանդանոց: Իրենից գումար չեն վերցրել: Ինքը վիճաբանության պատճառը չի իմացել: Վիճաբանողներին բաժանել են կանայք, տարբեր մարդիկ են եղել: Ինքը հետագայում էլ չի հետաքրքրվել` ինչ է տեղի ունեցել: Ինքը որևէ դանակ կամ սուր գործիք չի տեսել, այդ թվում Կարենի ձեռքում: Վիճաբանությունից հետո Կարենին բերել են նրա մոր մոտ, Գևորգին էլ ուղեկցել են այլ կողմ:
Վկա Ռոզա Ամիրջանյանի ցուցմունքով այն մասին, որ զբաղվում է առևտրով, ճանաչում է ամբաստանյալին, քանի որ վերջինս հաճախակի է այցելել իր մորը, տուժողին չի ճանաչում: Իրեն զանգել ասել են, որ Գ.Սունդուկյանի թատրոնում համերգ է լինելու և առաջարկել են գնալ, ինքն էլ համաձայնել է: Ինքը առհասարակ հրապարակում է աշխատում: Իրենց կողքին առևտրով են զբաղվել նաև Կարենն ու նրա մայրը: Որոշ ժամանակ անց Կարենին և նրա մորը մոտեցել է մի անձնավորություն, ասել է, որ փողը տան: Ինքը չգիտի ինչ փողի մասին է եղել խոսքը: Կարենն ասել է, ինչ տեղի փող: Հետո հայհոյանքներ է լսել: Կարենին այդ տղան կանչել է, հայհոյել է, Կարենն ասել է, որ իր մայրն է այնտեղ, կան էլի կանայք, ասել է, որ չհայհոյի: Հետո կռվել են: Ինքը չի մոտեցել: Հետո երկու տղա մոտեցել են Գևորգին տարել են, ասել են, որ արյուն է գալիս, Գևորգը բացել է որովայնի հատվածը, ցույց է տվել որ արյուն է գալիս, ասել է, որ խփել են: Կոնկրետ անուն չի ասել, թե ով է խփել: Դեպքի վայրում, ինչպես նաև Կարենի մոտ դանակ չի տեսել:
Վկա Գեղամ Ամիրջանյանի ցուցմունքով այն մասին, որ աշխատում է Կենտրոնի պահպանության բաժնում որպես ոստիկան: Դեպքի օրը ինքը կնոջն ու երեխային տարել է ներկայացման: Երբ դրսում կանգնած ծխելիս է եղել, հայհոյանքներ է լսել, քաշքշուկ է եղել: Կարենը եղել է կան•նած: Կանայք են եղել, ովքեր բաժանել են վիճաբանողներին: Որպես ոստիկանության աշխատակից` մոտեցել է, երկու կռիվ անողներից մեկի հետ առանձնացել են: Նա իրեն ասել է, որ կողքը ցավում է, բացել են, տեսել, որ արյուն է •ալիս: Տեսնելով, որ վիրավորվել է Գևորգը հարցրել է ՙԿարեն դու խփեցի±ր՚ և հայհոյել է Կարենին: Ինքը նրան տարել նստացրել է այնտեղ գտնվող արձանի մոտ: Իրեն թվում է, որ Կարենի անունը Գևորգը իմացել է, երբ նրա անունը կողքից բարձրաձայնվել է: Գևորգի ընկերները եկել են հարցրել են ով է խփել, իսկ Գևորգը նրանց ցույց է տվել Կարենին: Նրանք մոտեցել են Կարենին և քաշքշել: Կարենը մոտեցել է, հեռախոսի լույսով փորձել է տեսնել ինչ է տեղի ունեցել: Հարցրել է Գևորգին, գուցե Գևորգի մոտ է դանակ եղել, որը ծակել է նրա որովայնը: Այդ պահին կրկին վեճ է փորձել սկսվել, սակայն Կարենին հեռացրել են: Ինքը Կարենի մոտ դանակ չի տեսել, նրա հագուստին արյան հետքեր չի տեսել:
2014 թվականի մարտի 26-ի վկա` Գեղամ Լևոնի Ամիրջանյանի և տուժող Գևորգ Աշոտի Մնջոյանի առերես հարցաքննության արձանագրությունով վկան հայտնել և պնդել է, որ 2014 թվականի հունվարի 08-ին եղել է Գ.Սունդուկյանի անվան թատրոնի շոնքում կնոջը ու երեխային ուղեկցել է դահլիճ և ծխելու նպատակով դուրս է եկել թատրոնի շենքից: Երբ դուրս է եկել շենքից, դեռ ծխախոտը չվառած տեսել է, որ թատրոնի դիմացի հարթակի վրա մի քանի վաճառական կանայք են եղել, իսկ հենց հարթակի դիմաց` այգու մեջ` Գ.Սունդուկյանի արձանի դիմաց երկու տղա փոխադարձ քաշքշում, հրում, վիճաբանում են: Իր հիշելով չորս կանայք փորձում էին նրանց բաժանել, հանգստացնել միաժամանակ լսել է սեռական բնույթի հայհոյանքներ, սակայան , թե ով է կոնկրետ հայհոյել չի կարող ասել, քանի որ խառնաշփոթ վիճակ է եղել: Տեսնեոլով այդ ամենը անմիջապես մոտեցել է այդ երկու տղաներին, որոնցից մեկին մի կողմ են քաշել կանայք, իսկ ինքը հեռու է տարել երկրորդ տղային, ով հետո իմացել է, որ Գևորգ մնջոյանն է և ներկայացել է, որպես ոստիկանության աշխատակից: Իր միջամտելուց անմիջապես նրանք հանդարդվել են: Երբ ինքը հանգստացրել և մի կողմ է տարել Գևորգ Մոնջոյանին, փորձել է պարզել որն է վեճի պատճառը, միաժամանակ հանդարտացնելով բոլորին, նույն պահին, երբ ինքը և Գևորգը առանձին են եղել կանգնած, ձեռքով հետ հրելով նրան, վերջինը ցավ է զգացել, իսկ ինքը զգացել է, որ հագուստը որովայնի մասում թաց է: Գևորգ Մնջոյանը բարձրացրել է հագուստները և տեսել է, որ նրա որովայնի ձախ հատվածը արնաշաղախ է, նա նույն պաին բարձրաձայն ասել է ՙԱրա Կարեն , էս ինձ դանակով խփել ես, պատասխան ես տալու՚ և Կարենին մայր է հայհոյել: Երբ Կարենը մոտեցել է իրենց, տեսել է, որ նա իրենց բաժնի աշխատակից Կարեն Պետրոսյանն է, ում հետ վիճաբանել է Գևորգը և որին ինքը մինչ այդ չի նկատել: Ինքը տեսնելով և հասկանալով, որ Գևորգը վնասվածք է ստացել, նրան նստեցրել է Գ.Սունդուկյանի արձանի պատվանդանին: Այդ ժամանակ Կարենը պահել է իր հեռախոսի լույսը Գևորգի որովայնին և ասել է ՙԿարողա ջեբտ դանակա եղել, որ ընգնելուց մտել է փորդ՚ , իսկ Գևորգգն ասել է, որ իր մոտ դանակ չկա, հենց ինքը` Կարենն է դանակով խփել:ցԱնմիջապես իր հեռախոսով զանգահարել է շտաբօգնություն: Մի քանի րոպե անց իրենց է մոտեցել երկու տղամարդ, հասկացեոլ է, որ Գևորգի ընկերներն են և հարցրել են, թե ինչ է պատահել, Գևորգը նորից մատնանշել էԿարեն Պետրոսյանին և ասել, որ վերջինս իրեն դանակով հարվածել է: Այդ տղաները մոտեցել են Կարենին, քաշքշել հագուստից և Կարենին ասել են, որ գա որպեսզի պարզաբանեն, թե ինչ է պատահել, սակայն Կարենը չի գնացել և նրանց միջև չի եղել: Այնուհետև Գևորգին նրա ընկերոջ հետ պատահական տաքսիով տարել են հիվանդանով: Պնդել է իր ցուցմունքը և հայտնել է, որ ինչ հայտնել է համապատասխանում է իրականությանը:
Վկա Գեղանուշ Սիմոնյանի ցուցմունքով այն մասին, որ զբաղվում է առևտրով: Ճանաչում է ամբաստանյալին, չի ճանաչում տուժողին: Ինքը դեպքի վայր է հասել այն ժամանակ, երբ հանդարտված է եղել կռիվը և Գևորգը Կարենի ուղղությամբ բղավել է` ՙէս դու խփեցիր՚: Կարենը ասել է ՙես քեզ խփել ե±մ, սարքում ե±ս՚: Տեսել է Գևորգին քարի վրա նստած, կողքը բռնած: Հետագայում իրեն ասել են, որ Կարենն է խփել Գևորգին: Դեպքից հետո երկու հոգի մոտեցել են Գևորգին, հարցրել են ով է խփել, Գևորգը ցույց է տվել Կարենին, նրանք մոտեցել են Կարենին, տեղի է ունեցել քաշքշուկ, սակայն կռիվ և ծեծկռտուք չի եղել: Ինքը եղել է Գևորգից բավականին հեռավորության վրա: Իր իմանալով վիճաբանությունը տեղի է ունեցել տեղի գումարի համար: Եկել են գումար են ուզել, Կարենը չի տվել և այդպես վիճաբանություն է տեղի ունեցել: Ինքը Կարենին ճանաչել է, նա բնավորությամբ հանգիստ մարդ է: Կարենի ձեռքին դանակ չի տեսել:
Վկա Ստելլա Աբրահամյանի ցուցմունքով այն մասին, որ ճանաչում է ամբաստանյալին, չի ճանաչում տուժողին: Դեպքի օրը գնացել է Գ.Սունդուկյանի թատրոնի այգի` առևտուր անելու: Դեպքը եղել է ձմռանը, երեկոյան ժամին, մութ է եղել: Ինքը մեքենայի մեջ է եղել: Դեպքից ոչինչ չի տեսել: Ձայներ է լսել, մեքենայից դուրս է եկել, մտել է այգի, տեսել է` մարդիկ են հավաքված: Այտեղ Կարենին է տեսել, Գևոր•ին չի տեսել: Ասել են, որ Կարենը դանակով խփել է տուժողին, բայց ինքը հստակ չի կարող ասել եղել է այդպիսի բան, թե ոչ: Կարենը դանակ չի ունեցել, դեպքից 10 րոպե առաջ փնտրել է դանակ սկոչ կտրելու համար: Երբ ինքը մտել է այ•ի ոստիկաններն են եղել այնտեղ:
Վկա Հրանտ Հարությունյանի ցուցմունքով այն մասին, որ աշխատում է ՀՀ ոստիկանության Կենտրոնական բաժնի ավագ օպերլիազոր: Ինքը ճանաչել է Կարենին: Դեպքի մասին ռադիոկապով իմացել է, իր ծառայողական մեքենայով գնացել է դեպքի վայր, Կարենի հետ զրուցել է, ով իրեն ասել է, որ վիճաբանություն է տեղի ունեցել, սակայն մանրամասները չգիտի: Ինքը տեղեկություն ունեցել է, որ Սունդուկյանի թատրոնի մոտի այգում մարդիկ առևտրով են զբաղվում: Դեպքի վայրում դանակահարության մասին ոչինչ չի իմացել: Երբ հասել է դեպքի վայր, իմացել է, որ ինչ-որ մեկին հիվանդանոց են տարել: Կարենի հագուստի վրա հետքեր, նրա մոտից որևէ իր չի հայտնաբերվել: Ինքը Կարենին զննել է ոստիկանության բաժնում, մինչև բաժին հասնելը Կարենը չէր կարող իր մոտ եղած որևէ իր նետեր կամ կորցներ:
Վկա Մարինե Կարաբաբյանի ցուցմունքով այն մասին, որ ճանաչում է ամբաստանյալ Կարեն Պետրոսյանին, քանի որ ինքն էլ է զբաղվում առևտրով և տեսել է նրան: Ինքը դեպքի օրը եղել է Արամ Խաչատրյանի անվան համերգասրահի մոտ, երբ հետ է եկել Գ.Սունդուկյանի անվան թատրոնի մոտ արդեն առաջին սեանսը վերջացած է եղել: Թատրոնի դիմաց տեսել է տուժողին` պատուհանի տակ նստած, ձեռքը որովայնի հատվածում, այնուհետև նրան մոտեցել են իր ծանոթները, սպասել են շտապօգնության գալուն, սակայն քանի որ շտապօգնությունը ուշացել է, նրան այլ ավտոմեքենայով են տեղափոխել հիվանդանոց և չանցած հինգ րոպե եկել են ոստիկանության աշխատակիցները: 20 րոպե է եղել այգում: Իրենք գումար մշտապես չեն տվել, ուղղակի եղել է, որ ցանկության դեպքում տվել են հավաքարարի մաքրության համար: Ինքը առևտրականներից իմացել և իրավիճակին նայելուց հասկացել է, որ վիճաբանություն է տեղի ունեցել: Ինքը հասկացել է, որ վիճաբանությունը եղել է Կարենի և Գևորգի միջև:
Վկա Արմեն Բեջանյանի ցուցմունքով այն մասին, որ ճանաչում է ամբաստանյալին` միասին աշխատել: Իրեն զանգահարել է իրենց աշխատակիցներից Գեղամ Ամիրջանյանը, ասել է, որ Սունդուկյանի թատրոնի մոտ վիճաբանություն է տեղի ունեցել: Այնուհետև ինքը խոսել է Կարենի հետ, նրան ասել է, որ օգնի Գեղամին, չի իմացել, որ վիճաբանությունը Կարենի հետ է տեղի ունեցել: Իրեն ասել են, որ մարմնական վնասվածք կա: Ինքը գնացել է դեպքի վայր, սակայն այնտղ գրեթե մարդ չի եղել: Երբ հասել է դեպքի վայր արդեն դեպքի վայրի զննությունը ավարտվելիս է եղել: Դեպքի վայրից որևէ իր չի հայտնաբերվել: Կարենն իրեն ասել է, որ տեղի գումարի հետ կապված վիճաբանություն է տեղի ունեցել, իրեն հայհոյել են, քաքշել են, գցել են գետնին, ինքը չի հարվածել: Հարցրել է Կարենին ինչպես է եղել, որ Գևորգը վնասվածք է ստացել, Կարենն ասել է, որ ինքն էլ չգիտի ինչպես է դա ստացվել: Համոզված է, որ եթե Կարենը խփած լիներ, ապա անպայման իրեն կասեր այդ մասին: Դեպքից հետո Կարենը դեռևս աշխատել է, աշխատանքի է գնացել մինչև կալանավորվելը: Ինքը անընդմեջ հարցրել է ինչպես է պատահել, սակայն Կարենը միշտ նույնն է պատասխանել` ասելով, որ տեղյակ չէ ինչպես է մարմնական վնասվածք հասցվել տուժողին, իր մոտ ոչ մի իր չի եղել:
Դեպքի վայրի զննություն կատարելու մասին արձանագրունով Երևան քաղաքի Գ.Լուսավորչի 6 հասցեում գտնվող` Գ.Սունդուկյանի անվան թատրոնին հարակից` ՙԱնգլիական՚ կոչվող այգու տարածքի 2014 թվականի հունվարի 10-ի զննության արձանագրությամբ և դրան կից լուսանկարչական հավելվածով այն մասին, որ զննության մասնակից Գեղամ Ամիրջանյանը մատնացույց է արել թատրոնի դիմաց` ՙԱնգլիական՚ կոչվող այգու այն հատվածը, որտեղ 2014 թվականի հունվարի 08-ին տեղի է ունեցել Կարեն Պետրոսյանի և Գևորգ Մնջոյանի միջև վիճաբանությունը:
2014 թվականի հունվարի 08-ի Կարեն Վաչագանի Պետրոսյանին բերման ենթարկելու մասին արձանագրությամբ այն մասին, որ Կարեն Պետրոսյանը 2014 թվականի հունվարի 08-ին ժամը 19:40-ին, Երևան քաղաքի ՙԱնգլիական՚ կոչվող այգուց ՀՀ ոստիկանության կենտրոնականի բաժին է բերման ենթարկվել մարմնական վնասվածք պատճառելու կասկածանքով:
2014 թվականի մարտի 11-ի որոշմամբ իրեղեն ապացույց ճանաչված` տուժող Գևորգ Մնջոյանի հագուստներով` սև բաճկոնով ՙadidas՚ գրառումով, սև երկարաթև ջեմպրով` ՙbossini՚ գրառումով, սև կիսաթև մայկայով` ՙMelante՚ գրառումով, սև անթև մայկայով` ՙMYC 02՚ գրառումով, շագանակաշգույն վիլվետի կտորից անդրավարտիքով` ՙDAWSIN՚ գրառումով, սև կաշվե գոտիով, կանաչ թաշկինակով, շագանակագույն մեկ զույգ կոշիկով` ՙBLUE WEX՚ գրառումով:
Իրեղեն ապացույցները ներկայացնելու, զննելու և վերցնելու մասին 2014 թվականի հունվարի 08-ի արձանագրությամբ այն մասին, որ 2014 թվականի հունվարի 08-ին ՀՀ ոստիկանության ՔԳՎ Երևանի քննչական վարչության կենտրոնականի քննչական բաժնի ՀԿԳ ավագ քննիչ Հ.Սարգսյանին ՙԱրամյանց՚ բժշկական կենտրոնի վիրահատարանի բուժքրոջ կողմից ներկայացվել են տուժող Գևորգ Մնջոյանի հագուստները, որոնք զննվել և վերցվել են:
2014 թվականի հունվարի 14-ի ՙԱրամյանց՚ բժշակական կենտրոնի ավագ հերթապահ վիրաբույժ Ա.Կիրակոսյանի տեղեկանքով այն մասին, որ Գևորգ Մնջոյանը ՙԱրամյանց՚ բժշկական կենտրոն ընդունվել է 2014 թվականի հունվարի 08-ին ժամը 19:20-ին` որովայնի կտրած-ծակած թափանցող վերք ախտորոշմամբ: Գ.Մնջոյանը վիրահատվել է, որի ընթացքում պարզվել է, որ վնասվել է մեծ ճարպոնը:
2014 թվականի հունվարի 20-ի դատաբժշկական փորձաքննության թիվ 36/հ եզրակացությունով և ի լրումով այն մասին, որ Գևորգ Մնջոյանի մարմնական վնասվածքներն ըստ բժշկական փաստաթղթերի և զննության տվյալների` որովայնի առաջային պատի թափանցող, մեծ ճարպոնի վնասումով ծակած-կտրած վերքի, կրծքավանդակի ձախ կեսի շրջանի կտրած-ծակած վերքի ձևով պատճառվել են սուր ծակող-կտրող գործիքով, որոնք առողջությանը պատճառել են ծանր վնաս` կյանքին վտանգ սպառնացող:
2014 թվականի փետրվարի 02-ի դատաբժշկական փորձաքննության թիվ 1 եզրակացությամբ այն մասին, որ փորձաքննությանը ներկայացված Գևորգ Մնջոյանից վերցված արյան նմուշն ըստ արյան ABO իզոշճաբանական համակարգի պատկանում է արյան AB խմբին, իսկ փորձաքննության ներկայացված` Գևորգ Մնջոյանի բաճկոնի, ջեմպրի, կիսաթև և անթև մայկաների, անդրավարտիքի, գոտու և կոշիկի վրա առկա կասկածելի արնանման հետքերում հաստատվել է մարդկային ծագման արյան AB խումբ ունեցող որևէ անձից, այդ թվում` հնարավոր էր նաև առաջանար Գևորգ Մնջոյանից:
Դատարանը, հետազոտելով քրեական գործով ձեռք բերված ապացույցները և գնահատելով դրանց վերաբերելիության, թույլատրելիության, իսկ ամբողջ ապացույցներն իրենց համակցությամբ գործի լուծման համար բավարարության տեսանկյունից, հանգում է այն հետևության, որ ամբաստանյալ Կարեն Վաչագանի Պետրոսյանի կողմից ՀՀ քրեական օրենսգրքի 112-րդ հոդվածի 1-ին մասով առաջադրված մեղադրանքում իրեն մեղավոր չճանաչելը նպատակ է հետապնդում խույս տալ քրեական պատասխանատվությունից ու պատժից և նրա մեղավորությունը ՀՀ քրեական օրենսգրքի 112-րդ հոդվածի 1-ին մասով նախատեսված հանցանք կատարելու մեջ ապացուցված է իր դատաքննության ընթացքում տված ցուցմունքով այն մասին, որ իրենց է մոտեցել մի երիտասարդ, ով շատ կոշտ-կոպիտ տոնով ասել է, որ ով չի համաձայնվում գումարը վճարել, նրանց հասցեին անվայել խոսքեր է ասել: Ինքն ասել է, որ այդպես չխոսի և, որ իր կողքի կանգնածը իր մայրն է, տարածքում էլ այլ կանայք ու երեխաներ կան, հարցրել է, թե նրա խոսքերն ու էին ուղղված: Նա էլ պատասխանել է, որ հենց իրեն: Այդ ընթացքում նա ձգվել է դեպի աստիճանավանդակը, մի երկու աստիճան բարձրացել և բռնելով իրեն` քաշել է դեպի ներքև, քանի որ տարածքը ձյունապատ և սառույցապատ է եղել, ինքը սայթաքել ու վայր է ընկել: Ընկած տեղից իրեն կանայք են բարձրացրել և ինքը փորձել է նրան կարգի հրավիրել, սակյան կանայք իրեն հետ են հրել: Նույն պահին նաև մի քանի հոգի էլ հետ են հրել նրան, որպեսզի նա իրեն չմոտենա: Առաջացած աղմուկի վրա իրենց շուրջը հավաքվել են մի խումբ անձինք, թե վեճը դադարեցնելու համար, թե հետաքրքրությունից դրդված: Մոտ մեկ-երկու մետր հեռավարության վրա միմյանց մոտենալու փորձ կատարելով, իրենք լեզվակռվի մեջ են մտել: Այդ ամենը տևել է մոտ 1-2 րոպե, որից հետո իր շուրջը խմբված մարդիկ իրեն մի կողմ են տարել, իսկ այդ տղային տարել են դեպի շատրվանների կողմը: Միջադեպի ավարտից որոշ ժամանակ անց այդ տղան, որը հետո իմացել է, որ անունը Գևորգ է, բղավել է` ՙինձ խփել են՚ և այդ լսելով ինքը գնացել է դեպի նրա կողմը, ինչպես նաև տուժող Գևորգ Մնջոյանի դեպքից մի քանի օր հետո` 2014 թվականի հունվարի 21-ի և մարտի 13-ին տրված նախաքննական ցուցմունքներով այն մասին` ՙոր պարզ է, եթե վճաբանել եմ այդ տղայի հետ, նա պետք է որ հարվածած և նման վնասվածք պատճառած լինի ինձ՚, տուժողը նախաքննության ընթացքում տված իր մի քանի ցուցմունքներով պնդել է այն հանգամանքը, որ ինքը վիճաբանել է միայն Կարեն Պետրոսյանի հետ և իրեն այդ պահին ուրիշ ոչ մեկը չէր կարող հարվածել, վկաներ` Աստղիկ Անանյանի, Գեղամ Ամիրջանյանի, Գեղանուշ Սիմոնյանի, Ստելլա Աբրահամյանի ցուցմունքներով այն մասին, որ Գևորգը հայտնել է, որ իրեն դանակով խփողը եղել է ամբաստանյալ Կարեն Պետրոսյանը, բացի այդ, Աստղիկ Անանյանի, Գեղամ Ամիրջանյանի, Գեղանուշ Սիմոնյանի, Ստելլա Աբրահամյանի ցուցմունքներով այն մասին, որ Գևորգը հայտնել է, որ իրեն դանակով խփողը եղել է ամբաստանյալ Կարեն Պետրոսյանը, բացի այդ, վկա Ստելլա Աբրահամյանը դատաքննական իր ցուցմունքով հայտնել է, որ մինչ առևտուրն սկսելը` ամբաստանյալ Կարեն Պետրոսյանը դանակ է փնտրել` սկոչ կտրելու համար, տուժող Գևորգ Մնջոյանի և վկաներ Նունե Չիչոյանի ու Գեղամ Ամիրջանյանի առերես հարցաքննությունների արձանագրություններով այն մասին, որ վերջիններս պնդել են իրենց ցուցմունքըները:
Դատարանը, միաժամանակ գտնում է, որ տուժող Գևորգ Մնջոյանի դատաքննական ցուցմունքն արժանահավատ չէ և չի համապատասխանում իրականությանը, այլ նպատակ է հետապնդում օգնելու ամբաստանյալ Կարեն Պետրոսյանին` խուսափել քրեական պատասխանատվությունից ու պատժից, և նրա դատաքննական ցուցմունքը հերքվում է ինչպես իր իսկ կողմից նախաքննության ընթացքում 2014 թվականի հունվարի 21-ի և մարտի 13-ին տրված նույնաբովանդակ ցուցմնունքներով այն մասին, որ ՙոր պարզ է եթե վճաբանել եմ այդ տղայի հետ, նա պետք է որ հարվածած և նման վնասվածք ճատճառած լինի ինձ՚, տուժողը նախաքննության ընթացքում տված իր մի քանի ցուցմունքներով պնդել է այն հանգամանքը, որ ինքը վիճաբանել է միայն Կարեն Պետրոսյանի հետ և իրեն այդ պահին ուրիշ ոչ մեկը չէր կարող հարվածել, վկաներ` Աստղիկ Անանյանի, Գեղամ Ամիրջանյանի, Գեղանուշ Սիմոնյանի, Ստելլա Աբրահամյանի ցուցմունքներով այն մասին, որ Գևորգը հայտնել է, որ իրեն դանակով խփողը եղել է ամբաստանյալ Կարեն Պետրոսյանը, բացի այդ, վկա Ստելլա Աբրահամյանը դատաքննական իր ցուցմունքով հայտնել է, որ մինչ առևտուրն սկսելը` ամբաստանյալ Կարեն Պետրոսյանը դանակ է փնտրել` սկոչ կտրելու համար, տուժող Գևորգ Մնջոյանի և վկաներ Նունե Չիչոյանի ու Գեղամ Ամիրջանյանի առերես հարցաքննությունների արձանագրություններով վերջիններս պնդել են իրենց ցուցմունքըները:
Դատարանը, միաժամանակ արժանահավատ չի համարում նաև գործով վկա Մարետա Բարխուդարյանի ինչպես նախաքննական, այնպես էլ դատաքննական ցուցմունքները, քանի որ նա հանդիսանով ամբաստանյալ Կարեն Պետրոսյանը մայրը, իրականությունը թաքցնելով փորձում է օգնել իր հարազատ որդուն և նրա նախաքննական և դատաքննական ցուցմունքները հերքվում են Աստղիկ Անանյանի, Գեղամ Ամիրջանյանի, Գեղանուշ Սիմոնյանի, Ստելլա Աբրահամյանի ցուցմունքներով այն մասին, որ Գևորգը հայտնել է, որ իրեն դանակով խփողը եղել է ամբաստանյալ Կարեն Պետրոսյանը, բացի այդ, վկա Ստելլա Աբրահամյանը դատաքննական իր ցուցմունքով հայտնել է, որ մինչ առևտուրն սկսելը` ամբաստանյալ Կարեն Պետրոսյանը դանակ է փնտրել` սկոչ կտրելու համար, տուժող Գևորգ Մնջոյանի և վկաներ Նունե Չիչոյանի ու Գեղամ Ամիրջանյանի առերես հարցաքննությունների արձանագրություններով այն մասին, որ վերջիններս պնդել են իրենց ցուցմունքըները:
Այսպիսով, դատարանը հիմնավորված է համարում, որ ամբաստանյալ Կարեն Վաչագանի Պետրոսյանը դիտավորությամբ տուժող Գևորգ Մնջոյանի առողջությանը պատճառել է ծանր վնաս, որը վտանգավոր է կյանքի համար.
Ամբաստանյալ Կարեն Վաչագանի Պետրոսյանը 2014 թվականի հունվարի 08-ին ժամը 18:45-ի սահմաններում Երևան քաղաքի ՙԱնգլիական՚ կոչվող այգում` Գ.Սունդուկյանի անվան թատրոնի դիմաց օգնելիս է եղել խաղալիքների մանրածախ առևտրով զբաղվող իր մորը` գործով վկա Մարետա Բարխուդարյանին, այդ ընթացքում անգույն կպչուն ժապավենը (սկոչը) կտրելու համար փնտրել է դանակ: Այդ ժամանակ առևտրով զբազվող կանանց և ամբաստանյալ Կարեն Պետրոսյանին է մոտեցել նշված այգու այգեպան` գործով վկա Անդրանիկ Միքայելյանը, ով պահանջել է առևտրով զբաղվողներին այգու մաքրության համար գումար վճարել: Կարեն Պետրոսյանը և մյուսները հրաժարվել են գումար վճարելուց` ասելով, որ առևտուր անելուց հետո կվճարի: Ստանալով մերժում` Անդրանիկ Միքայելյանը զանգահարել է այգու տնօրենին` գործով տուժող` ԳևորգՄնջոյանին և հայտնել, որ առևտրականների մի մասը հրաժարվում է այգու մաքրման համար գումարներ վճարելուց: Լսելով այդ մասին` Գևորգ Մնջոյանը վրդովված գնացել է ՙԱնգլիական՚ կոչվող այգում առևտրով զբաղվող անձանց մոտ, հայհոյախառն արտահայտություններով հրահանգել է, որ ով գումար չի տալիս պետք է դուրս գա այգուց: Կարեն Պետրոսյանը հայհոյանքներ տալու համար դիտողություն է արել Գևորգ Մնջոյանին` ասելով, որ իր մայրն է այնտեղ, բացի այդ, այլ կանայք էլ կան, ինչի հետևանքով նրանց միջև ծեծկռտուք է սկսվել, որի արդյունքում Կարեն Պետրոսյանը ընկել է գետնին և կրկին բարձրացել: Ծեծկռտուքի ընթացքում Կարեն Պետրոսյանը դանակով երկու անգամ հարվածել է Գևորգ Մնջոյանի որովայնին և կրծքավանդակին` դիտավորությամբ պատճառելով կյանքին վտանգ սպառնացող ծանր վնաս` որովայնի առաջային պատի թափանցող, մեծ ճարպոնի վնասումով ծակած-կտրած վերքի, կրծքավանդակի ձախ կեսի շրջանի կտրած վերքի ձևով: Գործով վկա Գեղամ Ամիրջանյանի և այնտեղ գտնվող կանանց միջամտությամբ ծեծկռտուքը դադարել է, որից հետո Կարեն Պետրոսյանը Գևորգ Մնջոյանի մոտ եղած` ծեծկռտուքի ընթացքում գետնին ընկած հեռախոսն ու բանալիները տարել հանձնել է Գևորգ Մնջոյանին: Տեսնելով, որ իր որովայինց արյուն է հոսում` Գևորգ Մնջոյանը բարձրաձայն գոռացել է և ամբաստանյալ Կարեն Պետրոսյանին ասել է ՙէս ինձ խփիք արա...՚, որից հետո իր ստացած վնասվածքի մասին Գևորգ Մնջոյանը հեռախոսազանգով հայտնել է իր ընկեր` գործով վկա Սամվել Բաբայանին, ով եկել է նրա մոտ և տեսնելով վնասվածքը Գեղամ Ամիրջանյանի հետ Գևորգ Մնջոյանին տեղափոխել են թիվ 3 հիվանդանոց: Դրանից հետո, Կարեն Պետրոսյանը աշխատելով որպես ոստիկան և տիրապետելով իր աշխատանքին, միջադեպի ավարտից հետո որոշ ժամանակ անց է միայն հիշել ոստիկանության ծառայողի երդումի մասին և տեսնելով, որ տուժողը ունի վնասվածք, գիտակցելով իր արածը փորձելով անմեղ դուրս գալ ստեղծված իրավիճակից զանգահարել է իր ղեկավարին և տպավորություն թողնելով հայտնել է որ դեպք է տեղի ունեց, սակայն հայտնել է որ ինքը կապ չունի կատարված դեպքի հետ: Դեպքից անմիջապես հետո ՀՀ ոստիկանության Կենտրոնական բաժնի ՔՀԲ-ի աշխատակիցների կողմից ամբաստանյալ Կարեն Պետրոսյանը բերման է ենթարկվել ՀՀ ոստիկանության Կենտրոնական բաժին և ենթարկվել անձնական խուզարկության:
Այսպիսով, ընդհանուր կարգով սահմանված դատաքննությամբ հետազոտված ապացույցների հիման վրա դատարանն ապացուցված է համարում, որ ամբաստանյալ Կարեն Վաչագանի Պետրոսյանը կատարել է ՀՀ քրեական օրենսգրքի 112-րդ հոդվածի 1-ին մասով նախատեսված հանցագործություն` որպիսի արարքի համար նա պետք է պատասխանատվության ենթարկվի:
Կարեն Վաչա•անի Պետրոսյանն ենթակա է պատժի կատարած արարքի համար:
Դատարանի իրավական վերլուծությունները.
ՀՀ քրեական օրենսգրքի 10-րդ հոդվածի 1-ին մասը սահմանում է` ՙՀանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացի` համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար՚:
ՀՀ քրեական օրենսգրքի 48-րդ հոդվածի 2-րդ մասը սահմանում է` ՙՊատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚:
ՀՀ քրեական օրենսգրքի 61-րդ հոդվածը սահմանում է` ՙ1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում` հաշվի առնելով սույն օրենսգրքի Ընդհանուր մասի դրույթները: 2. Պատժի տեսակը և չափը որոշվում են հանցագործության` հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում` պատասխանատվությունը և պատիժը մեղմացնող կամ ծանրացնող հանգամանքներով: 3. Հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները՚:
Ամբաստանյալ Կարեն Վաչագանի Պետրոսյանն առաջադրված մեղադրանքում իրեն մեղավոր չճանաչեց, 60369 զորամասի և ՀՀ ՈՍ ՊՊԳՎ Կենտրոնական պահպանության բաժնի կողմից տրված բնութագրերի համաձայն բնութագրվում է դրականորեն, խնամքին են գտնվում` 2-րդ խմբի հաշմանդամ հայրը` Վաչագան Հայկազի Պետրոսյանը` ծնված 23.12.1946 թվականին, երեք անչափահաս երեխաները` Մարետա Կարենի Պետրոսյանը` ծնված 18.04.2001 թվականին, Արաքսյա Կարենի Պետրոսյանը` ծնված 04.04.2005 թվականին, Նարեկ Կարենի Պետրոսյանը` ծնված 08.12.2006 թվականին:
Դատարանը ՀՀ քրեական օրենսգրքի 62-րդ հոդվածի 1-ին մասի 4-րդ կետի համաձայն` որպես ամբաստանյալ Կարեն Վաչագանի Պետրոսյանի պատասխանատվությունը և պատիժը մեղմացնող հանգամանք դիտում է վերջինիս խնամքին մինչև տասնչորս տարեկան երեք երեխաների առկայությունը:
Դատարանը ՀՀ քրեական օրենսգրքի 63-րդ հոդվածի 1-ին մասի 10-րդ կետի համայան` որպես ամբաստանյալ Կարեն Վաչագանի Պետրոսյանի պատասխանատվությունը և պատիժը ծանրացնող հանգամանք դիտում է երդում խախտելը:
Սույն քրեական գործով ամբաստանյալ Կարեն Վաչագանի Պետրոսյանին մեղադրանք է առաջադրվել ՀՀ քրեական օրենսգրքի 112-րդ հոդվածի 1-ին մասով, որի սանկցիան նախատեսում է միայն ազատազրկում` երեքից յոթ տարի ժամկետով:
Դատարանը հաշվի առնելով ամբաստանյալ Կարեն Վաչագանի Պետրոսյանը կատարած արարքի հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, բնութագրող տվյալները` այն որ աշխատելով ՀՀ ոստիկանության պետական պահպանության գլխավոր վարչության Կենտրոնի պահպանության բաժնում` որպես ոստիկան և տալով ոստիկանության ծառայողի երդում, կատարել է կյանքի և առողջության դեմ ուղղված հանցագործություն, դատարանը գտնում է, որ ամբաստանյալ Կարեն Վաչագանի Պետրոսյանի ուղղումը հնարավոր է միայն նրան հասարակությունից մեկուսացնելու եղանակով, հետևաբար վերջինիս նկատմամբ պատիժ պետք է նշանակել ՀՀ քրեական օրենսգրքի 112-րդ հոդվածի 1-ին մասի սանկցիայով նախատեսված որոշակի ժամկետով ազատազրկում, որով հնարավոր կլինի հասնել ՀՀ քրեական օրենսգրքի 48-րդ հոդվածով սահմանված պատժի նպատակներին` սոցիալական արդարության վերականգնմանը, պատժի ենթարկված անձի ուղղմանը և հանցագործությունների կանխմանը:
Քննարկելով իրեղեն ապացույցի տնօրինման հարցը` դատարանը գտնում է, որ քրեական գործով իրեղեն ապացույց ճանաչված` տուժող Գևորգ Մնջոյանի հագուստները` ՙadidas՚ գրառումով սև բաճկոնը, ՙbossini՚ գրառումով երկարաթև սև ջեմպրը, ՙMelante՚ գրառումով կիսաթև սև մայկան, ՙMYC 02՚ գրառումով անթև սև մայկան, ՙDAWSIN՚ գրառումով շագանակագույն վիլվետի կտորից անդրավարտիքը, սև կաշվե գոտին, կանաչ թաշկինակը, ՙBLUE WEX՚ գրառումով մեկ զույգ շագանակագույն կոշիկը` մեկ փաթեթում` կնքված վիճակում դատավճիռն օրինական ուժի մեջ մտնելուց հետո պետք է վերադարձնել տուժող Գևորգ Մնջոյանին:
Քրեական գործով 2014 թվականի ապրիլի 04-ի որոշման մեջ նշված 1-ից մինչև 12-րդ կետերում այլ փաստաթղթերը հանդիսացող ապացույցը պետք է պահել քրեական գործի հետ` դրա պահելու ամբողջ ժամանակամիջոցում:
Քննության առնելով ամբաստանյալի նկատմամբ ընտրված խափանման միջոցի հարցը` դատարանը գտնում է, որ ամբաստանյալ Կարեն Վաչագանի Պետրոսյանի նկատմամբ ընտրված խափանման միջոցը` կալանավորումը, պետք է թողնել անփոփոխ մինչև դատավճռի օրինական ուժի մեջ մտնելը:
Եզրափակիչ մաս.
Ելնելով վերոգրյալից և ղեկավարվելով ՀՀ քրեական օրենսգրքի 10-րդ, 48-րդ, 61-րդ, 63-րդ հոդվածներով, ՀՀ քրեական դատավարության օրենսգրքի 116-րդ, 119-րդ, 168-րդ, 169-րդ, 365-րդ, 357-360-րդ հոդվածներով, դատարանը
Վ Ճ Ռ Ե Ց`
Կարեն Վաչագանի Պետրոսյանին մեղավոր ճանաչել ՀՀ քրեական օրենսգրքի 112-րդ հոդվածի 1-ին մասով և նրան դատապարտել ազատազրկման` 4 /չորս/ տարի ժամկետով:
Կարեն Վաչագանի Պետրոսյանի նկատմամբ ընտրված խափանման միջոցը` կալանավորումը, թողնել անփոփոխ մինչև դատավճռի օրինական ուժի մեջ մտնելը:
Կարեն Վաչագանի Պետրոսյանի պատժի սկիզբը հաշվել 04.03.2014 թվականից:
Կարեն Վաչագանի Պետրոսյանից հօգուտ պետական բյուջեի բռնագանձել 80.000 /ութսուն հազար/ ՀՀ դրամ գումար` որպես դատական ծախսեր:
Կարեն Վաչագանի Պետրոսյանից անվամբ գրանցված շարժական և անշարժ գույքերի, որտեղ էլ որ այն գտնվի, ինչպես նաև դրամական միջոցների վրա կալանք դնել` 80.000 /ութսուն հազար/ ՀՀ դրամ գումարի չափով` մինչև դատական ակտի վերջնական կատարումը:
Քրեական գործով իրեղեն ապացույց ճանաչված և քրեական գործին կցված` տուժող ԳևորգՄնջոյանի հագուստները` ՙadidas՚ գրառումով սև բաճկոնը, ՙbossini՚ գրառումով երկարաթև սև ջեմպրը, ՙMelante՚ գրառումով կիսաթև սև մայկան, ՙMYC 02՚ գրառումով անթև սև մայկան, ՙDAWSIN՚ գրառումով շագանակագույն վիլվետի կտորից անդրավարտիքը, սև կաշվե գոտին, կանաչ թաշկինակը, ՙBLUE WEX՚ գրառումով մեկ զույգ շագանակագույն կոշիկը` մեկ փաթեթում` կնքված վիճակում դատավճիռն օրինական ուժի մեջ մտնելուց հետո վերադարձնել տուժող Գևորգ Մնջոյանին:
Քրեական գործով 2014 թվականի ապրիլի 04-ի որոշման մեջ նշված 1-ից մինչև 12-րդ կետերում այլ փաստաթղթերը հանդիսացող ապացույցը պահել քրեական գործի հետ` դրա պահելու ամբողջ ժամանակամիջոցում:
Սույն դատավճիռը վերաքննության կարգով կարող է բողոքարկվել ՀՀ վերաքննիչ քրեական դատարան` հրապարակման պահից մեկ ամսվա ընթացքում:
ԴԱՏԱՎՈՐ` Ա. ԲԵԿԹԱՇՅԱՆ
Դատական գործ N: ԵԿԴ/0060/01/14
Կենտրոն և Նորք-Մարաշ
Նոր քրեական գործ
| Երբ է գործը ստացվել | 25-04-2014 |
|---|---|
| Քրեական գործի համարը | 0060/01/14 |
| Ինչ կարգով է գործը ստացվել | Առաջին անգամ |
| Դատախազություն | ՀՀ Գլխավոր դատախազություն |
| Նախաքննական գործի համարը | 13100714 |
| Մեղադրական եզրակացության համառոտ բովանդակություն | Կարեն Պետրոսյանին մեղադրանք է առաջադրվել այն բանի համար, որ նա <<Անգլիական>> կոչվող այգում` Գ. Սունդուկյանի անվան թատրոնի դիմաց, խաղալիքների մանրածախ առևտրով զբաղվող իր մորից գումարներ պահանջելու հարցի շուրջ վիճաբանության և ծեծկռտուքի մեջ է մտել Գևորգ Մնջոյանի հետ, որի ընթացքում դանակով երկու անգամ հարվածել է Գևորգ Մնջոյանի որովայնին և կրծքավանդակային` դիտավորությամբ պատճառելով կյանքին վտանգ սպառնացող ծանր վնաս: |
| Մեղադրյալ | |
| Անձ | |
| Անուն | Կարեն |
| Ազգանուն | Պետրոսյան |
| Հայրանուն | Վաչագանի |
| Հասցե | --------------- |
| Ծննդյան օր | --------------- |
| Սոցիալական քարտ | --------------- |
| Վիճակագրական տողի համարը | 1.9 |
| Չափահաս | Այո |
Մակագրել
| Երբ | 25-04-2014 |
|---|---|
| Նախագահող դատավոր | |
| Անուն | Արմեն |
| Ազգանուն | Բեկթաշյան |
Ընդունվել է վարույթ
| Երբ | 26-04-2014 |
|---|
Նշանակվել է դատական քննություն
| Երբ | 06-05-2014 |
|---|---|
| Դատավարության կողմեր | Մեղադրյալ |
| Դատավարության կողմեր | Պաշտպան |
| Դատավարության կողմեր | Տուժող |
| Դատավարության կողմեր | |
| Անուն | Կարեն |
| Ազգանուն | Պետրոսյան |
| Հասցե | --------------- |
| Սեռ | 0 |
| Դատավարության կողմեր | |
| Անուն | Յուրիկ |
| Ազգանուն | Ալոյան |
| Հասցե | --------------- |
| Սեռ | 0 |
| Դատավարության կողմեր | |
| Անուն | Գևորգ |
| Ազգանուն | Մնջոյան |
| Հասցե | --------------- |
| Սեռ | 0 |
| Ժամ | 15:00 |
| Նիստերի դահլիճի համարը | 5 |
| Նիստը | Կայացել է |
Նշանակվել է դատական նիստ/դատական քննություն
| Երբ | 26-05-2014 |
|---|---|
| Ժամ | 12:00 |
| Նիստերի դահլիճի համարը | 5 |
| Նիստը | Կայացել է |
Նշանակվել է դատական նիստ/դատական քննություն
| Երբ | 11-06-2014 |
|---|---|
| Ժամ | 12:00 |
| Նիստերի դահլիճի համարը | 5 |
| Նիստը | Չի կայացել |
| Չկայացման պատճառը | Դատական նիստը տեղի չի ունեցել նախագահող դատավորի` մեկ այլ գործով խորհրդակցական սենյակում գտնվելու պատճառով: |
Նշանակվել է դատական նիստ/դատական քննություն
| Երբ | 30-06-2014 |
|---|---|
| Ժամ | 12:00 |
| Նիստերի դահլիճի համարը | 5 |
| Նիստը | Կայացել է |
Նշանակվել է դատական նիստ/դատական քննություն
| Երբ | 15-07-2014 |
|---|---|
| Ժամ | 15:00 |
| Նիստերի դահլիճի համարը | 5 |
| Նիստը | Կայացել է |
Նշանակվել է դատական նիստ/դատական քննություն
| Երբ | 04-08-2014 |
|---|---|
| Ժամ | 12:00 |
| Նիստերի դահլիճի համարը | 5 |
| Նիստը | Կայացել է |
Նշանակվել է դատական նիստ/դատական քննություն
| Երբ | 29-08-2014 |
|---|---|
| Ժամ | 12:00 |
| Նիստերի դահլիճի համարը | 5 |
| Նիստը | Կայացել է |
Նշանակվել է դատական նիստ/դատական քննություն
| Երբ | 10-09-2014 |
|---|---|
| Ժամ | 16:30 |
| Նիստերի դահլիճի համարը | 5 |
| Նիստը | Կայացել է |
Նշանակվել է դատական նիստ/դատական քննություն
| Երբ | 30-09-2014 |
|---|---|
| Ժամ | 16:30 |
| Նիստերի դահլիճի համարը | 5 |
| Նիստը | Կայացել է |
Նշանակվել է դատական նիստ/դատական քննություն
| Երբ | 06-10-2014 |
|---|---|
| Ժամ | 12:00 |
| Նիստերի դահլիճի համարը | 5 |
| Նիստը | Կայացել է |
Նշանակվել է դատական նիստ/դատական քննություն
| Երբ | 24-10-2014 |
|---|---|
| Ժամ | 12:00 |
| Նիստերի դահլիճի համարը | 5 |
| Նիստը | Կայացել է |
Նշանակվել է դատական նիստ/դատական քննություն
| Երբ | 14-11-2014 |
|---|---|
| Ժամ | 15:00 |
| Նիստերի դահլիճի համարը | 5 |
| Նիստը | Կայացել է |
Նշանակվել է դատական նիստ/դատական քննություն
| Երբ | 04-12-2014 |
|---|---|
| Ժամ | 15:00 |
| Նիստերի դահլիճի համարը | 5 |
| Նիստը | Չի կայացել |
| Չկայացման պատճառը | նախագահող դատավորի սեմինար-դասընթացների մասնակցելու պատճառով |
Նշանակվել է դատական նիստ/դատական քննություն
| Երբ | 12-12-2014 |
|---|---|
| Ժամ | 12:00 |
| Նիստերի դահլիճի համարը | 5 |
| Նիստը | Կայացել է |
Նշանակվել է դատական նիստ/դատական քննություն
| Երբ | 15-12-2014 |
|---|---|
| Ժամ | 15:30 |
| Նիստերի դահլիճի համարը | 5 |
| Նիստը | Կայացել է |
Նշանակվել է դատական նիստ/դատական քննություն
| Երբ | 24-12-2014 |
|---|---|
| Ժամ | 12:00 |
| Նիստերի դահլիճի համարը | 5 |
| Նիստը | Կայացել է |
Կայացվել է դատավճիռ
| Ամսաթիվ | 24-12-2014 |
|---|
Մեղադրական
| Մեղադրյալ | |
|---|---|
| Անուն | Կարեն |
| Ազգանուն | Պետրոսյան |
| Հասցե | --------------- |
| Սեռ | 0 |
| Ամսաթիվ | 24-12-2014 |
| Առավել ծանր հանցագործության հոդված | |
| Հիմնական պատիժ | Որոշակի ժամկետով ազատազրկում |
Դատական ակտ
| Դատական ակտի բովանդակությունը | Գործ ԵԿԴ/0060/01/14 Դ Ա Տ Ա Վ Ճ Ի Ռ ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը Նախագահությամբ դատավոր` Արմեն Բեկթաշյանի քարտուղարությամբ` Կարինե Կարապետյանի, Լիանա Ոսկանյանի մասնակցությամբ` մեղադրող` Արթուր Երիցյանի տուժող` Գևորգ Մնջոյանի պաշտպան` Յուրիկ Ալոյանի ամբաստանյալ` Կարեն Պետրոսյանի 2014 թվականի դեկտեմբերի 24-ին, Երևան քաղաքում, դռնբաց դատական նիստում, քննեց քրեական գործն ըստ մեղադրանքի` Կարեն Վաչագանի Պետրոսյանի` ծնված 21.08.1974 թվականին, Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին չորս անձ, աշխատել է ՀՀ ոստիկանության պետական պահպանության գլխավոր վարչության Կենտրոնական պահպանության բաժնի ոստիկանության վաշտում` որպես ոստիկան, հաշվառված և բնակվել է` ք.Երևան, Ն.Շենգավիթ 11-րդ փողոցի 37/3-րդ շենքի 23-րդ բնակարանում այժմ գտնվում է ՀՀ ԱՆ ՙՎարդաշեն՚ քրեակատարողական հիմնարկում, կալանքի տակ է 04.03.2014 թվականից: Կարեն Վաչագանի Պետրոսյանը մեղադրվում է ՀՀ քրեական օրենսգրքի 112-րդ հոդվածի 1-ին մասով: 2014 թվականի մարտի 04-ի որոշմամբ Կարեն Վաչագանի Պետրոսյանի նկատմամբ որպես խափանման միջոց է ընտրվել կալանավորումը: Գործի դատավարական նախապատմությունը. 2014 թվականի հունվարի 08-ին ՀՀ ոստիկանության Կենտրոնական բաժնում թիվ 3-րդ հիվանդանոցից ահազանգ է ստացվել այն մասին, որ իրենց մոտ բուժօգնության է դիմել ԳևորգԱշոտի Մնջոյանը և հայտարարել է, որ Անգլիական այգում անծանոթ անձինք վնասել են իրեն` պատճառելով որովայնի պատի ձախ ենթակողային շրջանի ծակած-կտրած վերք: Դեպքի առթիվ 2014 թվականի հունվարի 08-ին ՀՀ ոստիկանության ՔԳՎ Երևանի ՔՎ Կենտրոնականի քննչական բաժնում ՀՀ քրեական օրենսգրքի 112-րդ հոդվածի 1-ին մասի հատկանիշներով հարուցվել է թիվ 13100714 քրեական գործը: 2014 թվականի հունվարի 09-ին կասկածյալ Կարեն Վաչագանի Պետրոսյանի նկատմամբ որպես խափանման միջոց է ընտրվել ստորագրություն չհեռանալու մասին: 2014 թվականի հունվարի 09-ի որոշմամբ Գևորգ Աշոտի Մնջոյանը թիվ 13100714 քրեական գործով ճանաչվել է տուժող: 2014 թվականի հունվարի 10-ի որոշմամբ ՀՀ ոստիկանության ՔԳՎ Երևան ՔՎ Կենտրոնականի քննչական բաժնից թիվ 13100714 քրեական գործը ըստ քննչական ենթակայության ուղարկվել է ՀՀ Հատուկ քննչական ծառայություն` նկատի ունենալով, որ ՀՀ օրենսդիր, գործադիր և դատական իշխանության մարմինների ղեկավար աշխատողների, պետական հատուկ ծառայություն իրականացնող անձանց` իրենց պաշտոնական դիրքի կապակցությամբ հանցագծործությամբ կամ նրանց կատարած հանցագործությունների վերաբերյալ գործերով նախաքննությունն իրականացվում է ՀՀ հատուկ քննչական ծառայության քննիչների կողմից: 2014 թվականի մարտի 04-ի որոշմամբ Կարեն Վաչագանի Պետրոսյանը թիվ 13100714 քրեական գործով ՀՀ քրեական օրենսրքի 112-րդ հոդվածի 1-ին մասով ներգրավվել է որպես մեղադրյալ և նույն օրը նրա նկատմամբ որպես խափանման միջոց է ընտրվել կալանավորումը: 2014 թվականի ապրիլի 09-ին ՀՀ հատուկ քննչական ծառայության հատկապես կարևոր գործերի քննիչի պաշտոնակատար Ա.Հարությունյանի կողմից որոշում է կայացվել թիվ 13100714 քրեական գործի նյութերով` անձի նկատմամբ բռնություն գործադրելու զուգորդմամբ խուլիգանություն կատարելու դեպքի առթիվ հարուցել նոր քրեական գործ` ՀՀ քրեական օրենսգրքի 258-րդ հոդվածի 2-րդ մասի հատկանիշներով, առանձնացնել առանձին գարույթում և ընդունել վարույթ: Նախաքննական մարմնի կողմից Կարեն Վաչագանի Պետրոսյանին ՀՀ քրեական օրենսգրքի 112-րդ հոդվածի 1-ին մասով մեղադրանք է առաջադրվել այն բանի համար, որ նա 2014 թվականի հունվարի 08-ին` ժամը 18:45-ի սահմաններում Երևան քաղաքի ՙԱնգլիական՚ կոչվող այգում` Գ.Սունդուկյանի անվան թատրոնի դիմաց, խաղալիքների մանրածախ առևտրով զբաղվող իր մորից գումարներ պահանջելու հարցի շուրջ վիճաբանության և ծեծկռտուքի մեջ է մտել Գևորգ Աշոտի Մնջոյանի հետ, որի ընթացքում դանակով երկու անգամ հարվածել է Գևորգ Մնջոյանի որովայնին և կրծքավանդակին` դիտավորությամբ պատճառելով կյանքին վտանգ սպառնացող ծանր վնաս` որովայնի առաջային պատի թափանցող, մեծ ճարպոնի վնասումով ծակած-կտրած վերքի, կրծքավանդակի ձախ կեսի շրջանի կտրած վերքի ձևով: 2014 թվականի ապրիլի 25-ին քրեական գործը մեղադրական եզրակացությամբ ստացվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանում: Ապացույցների հետազոտում և գնահատում. Ամբաստանյալ` Կարեն Վաչագանի Պետրոսյանը ՀՀ քրեական օրենսգրքի 112-րդ հոդվածի 1-ին մասով առաջադրված մեղադրանքում իրեն մեղավոր չճանաչեց և ցուցմունք տվեց այն մասին, որ իր ընտանիքի հետ միասին բնակվել է Երևան քաղաքի Ներքին Շենգավիթ 11-րդ փողոցի 37/3-րդ շենքի 23-րդ բնակարանում: Հայրը` Վաչագան Պետրոսյանը երկրորդ խմբի հաշմանդամ է, իսկ կինը` Քրիստինե Սարգսյանը, չի աշխատում: Իր խնամքին են գտնվում մանկահասակ երեք երեխաները, Մարիետան` ծնված 2001 թվականին, Արաքսյան` ծնված 2005 թվականին և Նարեկը` ծնված 2006 թվականին, քանի որ իր աշխատավարձը ըստ էության չի բավականացրել իր ընտանիքի հոգսերը հոգալու համար, ուստի իր մայրը` Մարետա Բարխուդարյանը ժամանակ առ ժամանակ, Սունդուկյանի անվան թատրոնի ետնամուտքի դիմացի հարթակի վրա, զբաղվել է մանկական խաղալիքների մանրածախ առևտրով, որպեսզի որևէ կերպ թեթևացնի իրենց ընտանիքի հոգսերը: 2014 թվականի հունվարի 08-ին, քանի որ եղանակը անբարենպաստ է եղել` առատ ձյուն է տեղացել և իր մայրը իրեն խնդրել է, որ այդ օրն ինքը գնա նրան օգնելու: Ժամը 17:00-ից ինքը գտնվել է այնտեղ: Ժամը 19:00-ի սահմաններում իրենց է մոտեցել մի երիտասարդ, ներկայացել որպես այգու պահակ և ասել, որ իրենց գնալուց հետո նրանք են մաքրում այդ տարածքը, ինչի համար իրենք նրան պետք է 1000-ական դրամ վճարեն: Այդ պահին իրենցից բացի նույն աստիճանահարթակի վրա խաղալիքներ են վաճառել նաև այլ անձինք` մոտ 15-ից 20 հոգի: Ինչպես իրենք, այնպես էլ մյուսները, ասել են, որ առևտուրը դեռ չեն ավարտել և փող չունեն, վերջում կտան, սակայն իրենց ասած այդ տղան, որի անունը հետագայում իմացել է, որ Անդրանիկ է, երևի ճիշտ չի հասկացել իրենց ասածն ու նրա մոտ տպավորություն է առաջացել, որ իրենք հրաժարվում են այդ գումարը տալուց և իրենց ասել է, որ հիմա մարդ կգա և իրենց հետ կխոսի: Մոտավորապես 5-7 րոպե անց իրենց է մոտեցել մի երիտասարդ, ով շատ կոշտ-կոպիտ տոնով ասել է, որ ով չի համաձայնվում գումարը վճարել, նրանց հասցեին անվայել խոսքեր է ասել: Ինքն ասել է, որ այդպես չխոսի և, որ իր կողքի կանգնածը իր մայրն է, տարածքում էլ այլ կանայք ու երեխաներ կան, հարցրել է, թե նրա խոսքրն ու էին ուղղված: Նա էլ պատասխանել է, որ հենց իրեն: Այդ ընթացքում նա ձգվել է դեպի աստիճանավանդակը, մի երկու աստիճան բարձրացել և բռնելով իրեն` քշել է դեպի ներքև, քանի որ տարածքը ձյունապատ և սառույցապատ է եղել, ինքը սայթաքել ու վայր է ընկել: Ընկած տեղից իրեն կանայք են բարձրացրել և ինքը փորձել է նրան կարգի հրավիրել, սակյան կանայք իրեն հետ են հրել: Նույն պահին նաև մի քանի հոգի էլ հետ են հրել նրան, որպեսզի նա իրեն չմոտենա: Առաջացած աղմուկի վրա իրենց շուրջը հավաքվել են մի խումբ անձինք, թե վեճը դադարեցնելու համար, թե հետաքրքրությունից դրդված: Մոտ մեկ-երկու մետր հեռավարության վրա միմյանց մոտենալու փորձ կատարելով, իրենք լեզվակռվի մեջ են մտել: Այդ ամենը տևել է մոտ 1-2 րոպե, որից հետո իր շուրջը խմբված մարդիկ իրեն մի կողմ են տարել, իսկ այդ տղային տարել են դեպի շատրվանների կողմը: Միջադեպի ավարտից որոշ ժամանակ անց այդ տղան, որը հետո իմացել է, որ անունը Գևորգ է, բղավել է` ՙինձ խփել են՚ և այդ լսելով ինքը գնացել է դեպի նրա կողմը: Գետնից վերցրել է հեռախոսը, բանալիների մի խուրձ և մոտեցել է նրան: Նրան ցույց է տվել գտած իրերը և հարցրել է իրենն է, թե ոչ, նա հասկացրել է, որ նրանն է և ինքը հարցրել է, թե ինչ է պատահել, նա ասել է, որ իրեն խփել են: Այդ պահին ինքը տեսել է նաև իրենց բաժնի ոստիկան Գեղամ Ամիրջանյանին, որն իր հարցական հայացքին ի պատասխան ցույց է տվել իր արյունոտված ձեռքը ու ասել, որ խփած է: Այդ ընթացքում Գևորգի ձեռքը ձախ կողքի վրա է դրված եղել: Ինքն ասել է, որ շորը բարձրացնի տեսնեն ինչ է եղել, նա բարձրացրել է իր հագուստը, ինքը ավելի մոտ է գնացել և իր բջջային հեռախոսի էկրանի լույսը պահել է նրա ցույց տված հատվածին և տեսել է, որ վնասվածք է ստացել: Ինքը հանկարծակիի է եկել, շփոթվել ու զարմացել, քանի որ ինքը նրան այդ վնասվածքը չի պատճառել: Հարցրել է, որ հնարավոր է նրա գրպանում սուր ինչ որ բան կա, որը հրմշտոցի ժամանակ վնասած լինի նրան: Նա էլ պատասխանել է, որ ՙչէ ախպեր ինձ խփել են՚: Գևորգը ցանկացել է ձյուն դնել վերքի վրա, ինքը չի թողել, ասելով, որ ձյունը կարող է վնասել, լավ կլինի թաշկինակով լավ սեղմի վերքի վրա, որ չարյունահոսի: Անմիջապես բղավել է, որ զանգահարեն շտապօգնություն, միևնույն ժամանակ ինքը նայել է չորսբոլորը, փորձել է հեռու և մոտ կանգնած մարդկանց մեջ գտնել շփոթված, դեպի հեռուն վազող մարդ: Տեսնելով, որ Գեղամը զանգահարել է շտապօգնություն, ինքը հեռացել է նրանցից մի քանի քայլ և զանգահարել է իր անմիջական ղեկավար` Արմեն Բեջանյանին և հայտնել է, որ Սունդուկյանի թատրոնի մոտ է, իր հետ վիճաբանություն է եղել, այդ ընդացքում իր հետ վիճաբանող տղան վնասվածք է ստացել, սակայն ինքը չի նրան պատճառել այդ վնասվածքը: Նա ասել է, որ այնտեղ մնա, խումբ կուղարկի ու ինքը նրանց հետ կգա: Մինչև ոստիկանության աշխատակիցների գալը, Գեղամը Գևորգին տարել է հիվանդանոց: Մնչև եկել է ոստիկանության օպերատիվ խմբի գալը ինքը մնացել է այնտեղ, այնուհետև մոտեցել է նրանց և ասել, թե ինչ է տեղի ունեցել, նրանց հայտնել է, որ ինքը Գևորգին մարմնական վնասվածք չի պատճառել: Դեպքի վայր եկած օպեր լիազորներից մեկն իրեն ասել է, որ քանի վիճաբանությունը իր հետ է տեղի ունեցել, ուստի պետք է գնան ոստիկանության բաժին` պարզելու եղելությունը: Ասել է, որ անպայման պետք է գնան, որովհետև ինքը զեկուցագիր պետք է գրի կատարվածի կապակցությամբ: Օպերը իրեն և իր հագուստը զննել է, զննել է նաև տարածքը և իրենք միասին իր ավտոմեքենայով գնացել են բաժին: Բաժնում իրեն ևս մեկ անգամ մանրակրկիտ զննության են ենթարկել և արդյունքում` բացի իր հեռախոսից ոչ ինչ չի հայտնաբերվել, թե իր մարմնի և, թե իր հագուստի վրա արյան հետքեր չեն եղել: Բաժնում ինքը տեղեկացրել է քննիչին և քրեական հետախուզության պետին, որ թատրոնի տարածքը տեսաձայնագրվում է և խնդրել է որպեսզի նրանք առգրավեն այդ ձայնագրությունները և այն օգտագործեն օբյեկտիվ քննության ժամանակ: Տեսախցիկը ուղղված է եղել այն տարածքի կողմը, որտեղ տեղի է ունեցել իր և Գևորգի վիճաբանությունը: Մի երկու օրից ներկայացել է բաժին, որտեղ քննիչն իրեն հայտնել է, որ սարքը այդ ամենը չի նկարահանել: Քրեական գործում այդ մասին որևէ փաստաթուղթ կամ արձանագրություն չկա, ու, եթե այդ տեսաձայնագ րման տվյալները լինեին, ապա հաստատապես համոզված է, որ ինքը չէր հայտնվի ամբաստանյալի կարգավիճակում: Ինքը Գևորգին մարմնական վնասվածք չի հասցրել: Խնդրել է իրեն ազատ արձակել դատական նիստերի դահլիճում` իր նկատմամբ հարուցված քրեական գործը կարճել: Ամբաստանյալ Կարեն Վաչագանի Պետրոսյանի` ՀՀ քրեական օրենսգրքի 112-րդ հոդվածի 1-ին մասով կատարած արարքը հիմնավորվել է հետևյալ ապացույցներով. Տուժող Գևորգ Մնջոյանի ցուցմունքով այն մասին, որ 2014 թվականի հունվարի 08-ին ինքը կանգնած է եղել իրենց գրասենյակի դիմաց, երբ իրեն զանգահարել է իր աշխատակից Անդրանիկն ու ասել, որ այգում կրկին առևտրականներ են հավաքվել: Ինքը գնացել է այգի` նրանց հանելու նպատակով, քանի որ նրանք կեղտոտել են այգու տարածքը: Ինքը մինչև դեպքը արգելել է առևտրականներին այգում առևտրով զբաղվել: Դրանից հետո առևտրականները իր բանվորի և հավաքարարի հետ պայմանավորվել են, որ գումար կտան` աղբը մաքրելու համար: Իրեն չի հետաքրքրել, թե ով կհավաքի աղբը, էական է եղել այգու մաքրությունը: Ինքը համաձայնություն է տվել առևտրականներին միայն պայմանով, որ նրանք պետք է աղբը հավաքեն: Իրեն ընդհանրապես դուր չի եկել, որ առևտրականները այգում առևտուր են արել: Ինքը տեղյակ է եղել, որ իր աշխատողները գումար են հավաքել առևտրականներից` այգին մաքրելու համար: Անդրանիկը դեպքի օրն իրեն գումարի մասին ոչինչ չի ասել: Ասել է միայն, որ առևտրականները հավաքվել են այգում: Վրդովված գնացել և բոլորին ասել է ՙսիկտիր եղեք ստեղից…՚: Անդրանիկին այդ ժամանակ ուղարկել է այգում եղած կենդանիների մոտ: Անդրանիկը քաշքշուկի ժամանակ իրենց մոտ չի եղել և եկել է այն ժամանակ, երբ արդեն ինքը վնասվածք է ստացած եղել: Կարենը հարցրել է, թե ում հետ է, ինքը պատասխանել է, որ դա նաև նրան է վերաբերում: Իր համբերությունն արդեն հատած է եղել` առևտրականների թափած աղբը հավաքելու համար անընդհատ գումար ծախսելուց: Կարենի հետ քաշքշուկ է սկսվել, նա սառույցի վրա ընկել է: Ինքը չի ծեծել Կարենին, չի հարվածել: Ուղղակի հրել է նրան: Կարենն իրեն չի հրել: Քաշքշուկի ժամանակ հավաքված մարդկանց մի մասն իրեն ավելի մոտ են գտնվել, քան Կարենը: Այդ ընթացքում իրենց է մոտեցել քաղաքացիական հագուստով մի անձ, ներկայացել է որպես ոստիկան: Ինքը այդ ոստիկանի հետ առանձնացել է 15-20 մետր հեռու և զրուցել են: Նա իրեն հարցրել է ինչ է պատահել, ինքը պատասխանել է, որ առևտրականները գալիս աղբ են թափում, իսկ ինքը պարտավոր չէ նրանց հետևից հավաքել: Այդ պահին մրմռոց է զգացել: Բարձրացրել է հագուստը, տեսել է, որ որովայնն ամբողջությամբ արյուն է: Ոստիկանը իրեն տարել է Սունդուկյանի արձանի մոտ գտնվող քարի մոտ: Ինքը նստել է, զանգել է ընկերոջը: Քաշքշուկի ժամանակ բանալիներն ու հեռախոսը կորցրած է եղել: Քաշքշուկից հետո` երբ նստած է եղել Սունդուկյանի արձանի մոտ, իրեն է մոտեցել Կարենը, լույս է գցել իր վերքին նայել է, տվել է իր բանալիներն ու գնացել: Ինքը վնասվածքը տեսնելուց հետո ընդհանուր է բացականչել ՙով խփեց՚: Ինքը Կարենի անունը չի տվել, քանի որ նույնիսկ նրա անունը չի իմացել: Կարենի անունն իմացել է դեպքից 2 ամիս անց` քննիչներից: Այդ ժամանակ մեկ անգամ անհասցե հայհոյել է: Իր հետի ոստիկանը զանգահարել է շտապօգնություն և իր վերադասներին: Շտապօգնությունը ուշացել է, և իր ընկերն ու իրեն մոտեցած ոստիկանը տաքսի ավտոմեքենայով իրեն տարել են հիվանդանոց: Ինքը չի իմացել, որ իրեն դանակով խփել են: Քաշքշուկից բավականին ժամանակ անց է ցավ զգացել: Ինքը չգիտի` ով է խփել իրեն, չի տեսել և չի զգացել: Դեպքի վայրում եղել են և կանայք, և տղամարդիկ: Ոստիկանը իրեն չի ասել, որ Կարենի ընկերն է: Եթե ինքը վստահ լիներ, որ Կարենն է եղել խփողը, ապա դեպքից մոտ մեկուկես ամիս անց հանդիպել է Կարենին և այդ ժամանակ նա մի ապտակ գոնե կհասցներ Կարենին: Իր ընկերը հարցրել է ում հետ է ինքը վիճել, ինքն էլ մատնացույց է արել Կարենին: Իրեն հարված չի կպել, հարված ընդհանրապես չի զգացել: Եթե իրեն Կարենը հարվածեր, ինքն անպայման կտեսներ: Եթե կտրող-ծակող գործիքներ լինեին, դա ևս ինքը կտեսներ: Քաշքշուկի ժամանակ իր և Կարենի շուրջ շատ մարդիկ են հավաքված եղել: Եթե կասկած լիներ, որ Կարենն է իրեն հարվածել, ապա վիճաբանությունը կշարունակվեր իրեն դանակով հարվածելու համար: Նույնիսկ վնասվածքներով կշարունակեր վիճաբանելը: Պնդեց իր դատաքննական ցուցմունքը, իսկ նախաքննության ընթացքում ցուցմունք տալիս ինքը վատառողջ է եղել: Որևէ բողոք, պահանջ չունի: Եթե պարզվի, որ իրեն հարվածողը Կարենն է պահանջ կներկայացնի: Տուժող Գևորգ Մնջոյանն նախաքննության ընթացքում 2014 թվականի հունվարի 21-ին տված իր ցուցմունքով հայտնել է, որ պարզ է եթե վիճաբանել է այդ տղայի հետ, ինքն էլ պետք է, որ իրեն հարվածաց և նման վնասվածք պատճառված լինել, քանի որ վաճառական կանանցից և իրենց բաժանող ոստիկանից բացի ինքը չի տեսել, որ ուրիշ մեկի խառնվի վիճաբանությանն այն էլ տղամարդ: Տուժող Գևորգ Մնջոյանն նախաքննության ընթացքում 2014 թվականի մարտի 13-ին որպես տուժող լրացուցիչ տված իր ցուցմունքով պնդել է իր նախկինում ված ցուցմունքը և հայտնել է, որ վիճաբանության ընթացքում բացի Կարենից իրեն այլ անձ չի քաշքշել, ձեռքով կամ ոտքերով հարվածող ճի եղել միայն եղել են բաժանողներ: Վկա Մարետա Բարխուդարյանի ցուցմունքով այն մասին, որ հանդիսանում է ամբաստանյալ Կարեն Պետրոսյանի մայրը: Դեպքի օրը իրենք գնացել են Սուդուկյանի այգի: Այդ օրը պետք է լիներ ՙՄաշան և արջը՚ ներկայացումը: Իրենք գնացել են մանկական խաղալիքներ վաճառելու: Մինչև դեպքի օրը, եղել են մի քանի անգամներ, որ ինքը Գ.Սունդուկյանի թատրոնի մոտակայքում գնացել է առևտրով զբաղվելու, միշտ էլ տվել է պահանջվող գումարը, պատահել է, որ գումարը տվել է առևտրի կամ սկզբում, կամ ընթացքում, կամ վերջում: Կանչել է իր որդուն թատրոնի: Կես ժամ անց մոտեցել է իրենց մի տղա փող հավաքելու, որը միշտ էլ իրենք վճարել են տեղի համար: Կարենը այդ տղային ասել է, որ դեռ առևտուր չեն արել, երբ առևտուր անեն գումարը կտան: Այդ տղան պնդել է, որ այդ պահին տան գումարը: Կարենը կրկին ասել է, որ հենց գումար լինի կտան: Այդ տղան գնացել է մի կողմ և զանգահարել է, իսկ քիչ անց եկել է Գևորգ անունով մի տղա, ով հեռվից սեռական բնույթի տարբեր հայհոյանքներ տալով մոտեցել է զանգահարող տղային, հարցրել է` ով չի տալիս գումարը, իսկ այդ տղան մատնացույց է արել իր տղային: Երբ Գևորգը հայհոյանքներ տալով մոտեցել է իրենց, իր որդին դիտողություն է արել նրան, ասելով, որ իր մայրն է կանգնած, բացի այդ շատ կանայք էլ կան տարածքում: Գևորգն ասել է, որ ով գումար չտա, ապրանքը կոտրեն, ամեն ինչ փշրեն և վռնդեն տարածքից: Իր որդին խոսակցության մեջ է մտել և ասել, որ դա հարցի լուծում չէ, 1000 դրամի համար այդպես վարվել ճիշտ չէ: Տուժողին ասել են, որ Կարենը ոստիկան է, իսկ նա ընդհանուր հայհոյել է ոստիկաններին էլ, պետին էլ: Գևորգը իր տղայի կրծքավանդակի հատվածից քաշելով տարել է մի փոքր հեռու աստիճանների մոտ: Կարենին գցել են գետնին ու սկսել են ոտքերով հարվածել: Ինքը միջամտել է, հրել է այդ տղաներին, ցանկացել է իր որդուն գետնից բարձրացնել: Բոլոր կանայք հավաքվել են իրեն օգնելու համար: Հետո, երբ իր որդուն բարձրացրել են, Գևորգը 25-30 մետր հեռու է եղել իրենցից, երբ գոռացել ու ասել է, որ իրեն խփել են: Իր որդու վրա վնասվածքներից նկատել է միայն աչքի հատվածում կարմրածություն: Մի տղայի հետ Գևորգը նստել է այգում եղած արձանի մոտ: Երբ Գևորգը նստած է եղել արձանի մոտ, երկու հոգի մոտեցել են նրան, հարցրել են ինչ է պատահել, ում հետ է կռիվ արել, իսկ Գևորգը մատնացույց է արել իր որդուն և ասել է, որ նրա հետ է վիճել: Այդ մարդկանցից մեկը մոտեցել է իր որդուն, ասել է, որ չփախչի, իր որդին էլ ասել է, որ եթե փախչելու լիներ արդեն փախած կլիներ: Իրենք մոտեցել են, տեսել են, որ Գևորգի կրծքավանդակի ձախ կողմից անցք է եղել բացված և արյուն է եկել: Կարենը հարցրել է, թե ով է խփել, ինչ է պատահել: Գևորգը պատասխանել է, որ չգիտի: Ինքը իր տղայի մոտ դանակ չի տեսել, դանակ իրենք առհասարակ չեն ունեցել: Ինքը քաշքշուկի սկզբից մինչև վերջ եղել է իր որդու մոտ, չի հեռացել նրանից: Այնուհետև զանգահարել են այդ պահին շտապօգնություն, ոստիկանություն, այնուհետև իրենց տարել են բաժին: Վկա Սաթիկ Պետրոսյանի ցուցմունքով այն մասին, որ աշխատում է ՙԱնգլիական՚ այգում որպես հավաքարար, չի ճանաչում ամբաստանյալին, տուժողի հետ ծանոթացել է աշխատանքի ընդունվելու հետ կապված հարցերով: Ինքը դեպքի մասին ոչինչ չգիտի: Դեպքի օրը ինքը շուտ է գնացել տուն, երբ հաջորդ օրը եկել է աշխատանքի, Անդրանիկն իրեն ասել է, որ դեպք է տեղի ունեցել: Ինքը չի հետաքրքրվել մանրամասներով, չգիտի մարմնական վնասվածք եղել է, թե ոչ: Անդրանիկը հավաքել է առևտրականներից գումարներ, իրեն ասել է, որ յուրաքանչյուրից 50-200 դրամ գումարներ է հավաքել, ընդհանուր հավաքեվել է 8000 դրամ գումար, որից 4000 դրամ գումարը տվել է իրեն, իսկ մնացածը պահել է իր մոտ: Վկա Նունե Չիչոյանի ցուցմունքով այն մասին, որ զբաղվում է առևտրով ՙԱնգլիական՚ այգում: Դեպքը եղել է ամռանը, ժամը 16:00-ի հատվծում: Ինքը այնտեղ փուչիկներ է վաճառել: Իրենց մոտեցել և տեղի համար գումար են պահանջել: Իրենք հրաժարվել են, որից հետո մտել են թատրոնի շենք, իսկ քիչ անց աղմուկ լսելով դուրս են եկել այնտեղից, և տեղեկացել, որ գումար հավաքելու շուրջ վեճ է ծագել Կարենի և գումար հավաքողների միջև: Կարենը հրաժարվել է գումար տալուց: Անդրանիկը, ով գումար հավաքողն է եղել, զանգել է Գևորգին, ում նաև ՙԺոր՚ են անվանել և ասել, որ գումարները չեն տալիս: Այնուհետև մոտեցել է Ժորը և ասել է, որ եթե գումարները չեն տալիս, ծեծելով էլ լինի վերցնեն: Սեռական բնույթի հայհոյանքներ է տվել: Կարենը նկատողություն է արել, ասելով, որ մայրը իր կողքին է հայհոյանքներ չտա: Տեսել է միայն այն, որ Կարենին հրել է աստիճաններից ներքև և խփել է: Հետո լեզվակռիվ է սկսվել: Ինքը հեռու է եղել: Այնուհետև տեսել է, որ նրանց հետ ինչ-որ մեկն ասել է ՙարյուն է կողքս, ով է խփել՚: Իրենք դանակ չեն տեսել: Եղել է ընդամենը լեզվակռիվ: Կարենին Ժորը իջեցրել է աստիճաններից ներքև, խփել է, հետո Կարենի մայրը մոտեցել է, որպեսզի բաժանի, իրենք էլ են մոտեցել բաժանելու, օգնելու: Կարենը չի հարվածել: Նա եղել է գետնին ընկած: Կարենին են հարվածել ձեռքերով, ոտքերով: Ինքը չի լսել դանակով խփելու մասին խոսակցություններ: Գևորգը միայն հարցրել է, թե ով է խփել իրեն դանակով: Կռվի ժամանակ իրենք բաժանել են, իսկ բաժանելուց հետո արդեն մի կողմ են գնացել: Կարենին բաժանելուց հետո ինքը Կարենի ձեռքում ոչինչ չի տեսել: Գետնին ընկած են եղել Գևորգի բանալիները և ևս ինչ-որ բան, որը հանձնել են Գևորգին: Եթե Կարենի մոտ դանակ լիներ կամ նա դանակով խփած լիներ, իրենք կտեսնեին: Մինչև ոստիկանների գալը Կարենը դեպքի վայրից չի բացակայել: Կռիվը տևել է 5-7 րոպե: 2014 թվականի ապրիլի 02-ին վկա` Նունե Չիրոյանի և տուժող` Գևորգ Մնջոյանի առերես հարցաքննության արձանագրությունով վկան հայտնել և պնդել է, որ 2014 թվականի հունվարի 08-ին, գնացել է Սուդուկայնի անվան թատրոնի մոտ` առևտրով զբաղվելու նպատակով: Թատրոնի մուտքի մոտ տեսել է նաև Մարետային, որդու` Կարենի հետ միասին, ինչպես նաև Ռոզային, Գեղանուշին, Ստելլային և Աստղիկին: Ժամը 18:30-18:45-ի սահմաններում իրենց է մոտեցել Անդրանիկը և պահանջել է տեղի համար 1000 դրամ, սակայն ինքը չի տվել, չի կարող ասել, թե ով է տվել այդ գումարը, բայց Մարետան գիտի, որ նույնպես հրաժարվել է գումարը տալուց: Դրանից հետո Անդրանիկը զանգահարել է ինչ-որ մեի, ասելով, որ գումարները չեն տալիս և մի քանի որպե անց այգի է եկել իր հետ առերեսվող Գևորգը և ասել ՙՈվ չի տալիս, ծեծելով վեկալ՚ և սկսել է սեռական բնույթի հայհոյանքներ տալ: Կարենը լսելով այդ հայհոյանքները, Գևոր•ին ասել է, որ չհայհոյի, կողքին մայրն է կանգնած, բացի այդ տարածքում բոլորը կանայք են և ուզել է կարգի հրավիրել նրան: Նույն պահին Գևորգը մոտենալով Կարենին ասել է ՙԴու ինձ պետք է ասես , թե ինչ անեմ՚ և բռնես Կարենի հագուստներից, քաշել և իջեցրել է հարթակի վրայից այգու մեջ, ինչի հետևանքով Կարենը ընկել է գետնին և Գևորգը սկսել է ձեռքերով և ոտքերով հարվածել նրան: Ինքը, Մարետան էլի մի քանի հոգի կանանցից, բայց ուշադիր չի եղել, թե ովքեր, փորձել են բաժանել նրանց: Քանի որ խառնաշփոթ վիճակ է եղել այդ ժամանակ ինքը չի կարող ասել, թե ով ինչ է արել այդ ժամանակ, բայց կռիվ անողները եղել են միայն Կարենը և Գևորգը: Ի վերջով` իրենք կարողացել են բաժանել Կարենին և Գևորգին: Կարենին իրենք Կանանցով մի կողմ են տարել, իսկ Գևորգին ինչ-որ տղա մյուս կողմ է տարել:Երբ Գևորգին այդ տղան մի կողմ է տարել իրենցից մոտավորապես 10-15 մետր հեռու և խոսել են, Գորգը հագուստը բարձրացրել է և ինքը տեսել է, որ նրա որովայնի վրա արյուն է: Այդ ժամանակ Գևորգը բարձրաձայն գոռացել է ՙարա էս դանակով խփեցիր՚ խոսքը ուղղեկով Կարենին: Կարենն էլ ասել է, որ ինքը դանակով չի խփել, սակայն Գևորգը պնդել է, որ իրեն դանակով Կարենն է խփել: Հիշում է, որ այդ ժամանակ Գևորգը ասել է Կարենին, որ ՙդու քո ընկերների հետ կորար՚: Գևորգին նստեցրեցին արձանի պատվանդանի տակ և դրանից մի քանի րոպե անց եկել են մեկ կամ երկու հոգի, ովքեր ենթադրում է , որ Գևորգի ընկերներն են և Գևորգին տարել են հիվանդանոց: Կարենի կամ այլ անձի մոտ դանակ կամ այլ նմանատիպ առարկա չի տեսել: Ինքը չի տեսել, թե Գևորգը ինչպես է մարմնական վնասվածք ստացել: Պնդել է իր կողմից տված ցուցմունքը: Վկա Անդրանիկ Միքայելյանի ցուցմունքով այն մասին, որ աշխատում է ՙԱնգլիական՚ այգում որպես այգեպան: Չի ճանաչում ամբաստանյալին, ճանաչում է տուժողին որպես իրենց տնօրեն: Քանի որ այգում առևտրականներ են հավաքվել և աղտոտել են այգին, իրենց վճարել են գումարներ, որպեսզի հավաքարարը այդ գումարների դիմաց մաքրի իրենց աղտոտած տարածքը: Դեպքի օրը ինքը գնացել է այդ գումարները հավաքելու: Առևտրականների մի մասը հրաժարվել է գումար տալուց: Ինքը կանչել է տնօրենին, որպեսզի գա և նրանց դուրս հանի տարածքից: Տնօրենը եկել է, ինքը գնացել է թռչուններին կերակրելու: Երբ հետ է եկել, տեսել է, որ տնօրենը ինչ-որ մեկի հետ կանգնած զրուցում է: Սկզբում չի մոտեցել, այնուհետև մոտեցել ու տեսել է, որ տնօրենի որովայնի հատվածից արյուն է գալիս, ինչը տեսնելով նրան տարել են, նստեցրել են քարին, փորձել են օգնություն ցույց տալ: Ինքը չի մասնակցել կռվին, այդտեղ չի եղել, չ•իտի ով է հարվածել Գևորգին: Գևորգն ասել է, որ առևտրականներից մեկի հետ խնդիր է ունեցել, այլևս չի ասել կոնկրետ ինչ է եղել: Ինքը հետո է իմացել, որ Գևորգի հետ խնդիր ունեցողը ոստիկան է եղել: Գևորգն ասել է, որ իրեն առևտրականներից մեկն է խփել, բայց չգիտի կոնկրետ ով: Վկա Սամվել Բաբայանի ցուցմունքով այն մասին, որ չի ճանաչում ամբաստանյալին, տուժողին ճանաչում է ունի ընկերական հարաբերություններ: 2014 թվականի հունվարի 08-ին իրեն զանգահարել է ԳևորգՄնջոյանը և ասել է, որ իրեն խփել են: Ճշտել է Գևորգի տեղը և գնացել է ՙԱնգլիական՚ այգի: Երբ հասել է Գևորգը ինչ-որ մեկի հետ կանգնած է եղել: Ինքը հարցրել է` ինչ է տեղի ունեցել, Գևորգն ասել է, որ խփել են իրեն: Այդ տղային էլ հարցրել է, թե նա ով է, վերջինս պատասխանել է, որ ոստիկանության աշխատակից է: Հարցրել է` ով է խփել, Գևորգը գլխով ցույց է տվել 20-25 մետր հեռավորության վրա գտնվող մոտ 30 հոգի մարդկանց: Ինքը չգիտի ով է խփել: Ինքը բոլորին ասել է, որ չփախչեն մինչև ոստիկանությունը գա: Ինքը ամբաստանյալին անձնապես չի ասել, որ չփախչի: Գևորգն էլ անձամբ չգիտի` իրեն ով է խփել: Վկա Սիմոն Ավետիսյանի ցուցմունքով այն մասին, որ հանդիսանում է ՙԲյուրակն՚ ընկերության նախագահ, չի ճանաչում ամբաստանյալին, ճանաչում է տուժողին: Դեպքի օրը նստած է եղել գրասենյակում, երբ Բաբայան Սամվելին զանգ է եկել և ասել են, որ կռիվ է եղել: Սամվելը գնացել է, մինչև ինքը հասել է, տեսել է, որ արյուն է գալիս: Սամվելը և ինչ-որ ոստիկանության աշխատակից Գևորգին տարել են հիվանդանոց: Գևորգի հետ խոսել է վիրահատությունից հետո, նա իրեն ասել է, որ չգիտի ով է խփել իրեն: Վիճաբանությունը եղել է աղբը հավաքելու համար գումարներ հավաքելու շուրջ առևտրականների հետ: Իրեն չի հետաքրքրել կին է եղել խփողը, թե տղամարդ: Վկա Աստղիկ Անանյանի ցուցմունքով այն մասին, որ Գ.Սունդուկյանի անվան թատրոնի մոտ առևտրով է զբաղվում, ամբաստանյալին տեսել է դեպքի օրը, տուժողին չի ճանաչում: Դեպքի օրը ինքը առևտուր անելիս է եղել Գ.Սունդուկյանի անվան թատրոնի դիմաց: Ամբսատանյալը իր մոր հետ եղել են իրենից 4 մետր հեռավորության վրա: Տեսել է, վեճ է եղել: Ինքը տեսել է Կարենին ընկած: Չի մոտեցել վիճաբանության ժամանակ: Կռիվը հանդարտվելուց հետո, երբ Գևորգին բերել և նստեցրել են իրենց մոտ` մի քարի վրա, տեսել է, որ արյուն է գալիս: Գևորգը հարցրել է ՙով ինձ խփեց՚, առաջ է գնացել դեպի Կարենի ուղղությամբ, այնուհետև մարդիկ նրան օգնել են, տեղափոխել են հիվանդանոց: Իրենից գումար չեն վերցրել: Ինքը վիճաբանության պատճառը չի իմացել: Վիճաբանողներին բաժանել են կանայք, տարբեր մարդիկ են եղել: Ինքը հետագայում էլ չի հետաքրքրվել` ինչ է տեղի ունեցել: Ինքը որևէ դանակ կամ սուր գործիք չի տեսել, այդ թվում Կարենի ձեռքում: Վիճաբանությունից հետո Կարենին բերել են նրա մոր մոտ, Գևորգին էլ ուղեկցել են այլ կողմ: Վկա Ռոզա Ամիրջանյանի ցուցմունքով այն մասին, որ զբաղվում է առևտրով, ճանաչում է ամբաստանյալին, քանի որ վերջինս հաճախակի է այցելել իր մորը, տուժողին չի ճանաչում: Իրեն զանգել ասել են, որ Գ.Սունդուկյանի թատրոնում համերգ է լինելու և առաջարկել են գնալ, ինքն էլ համաձայնել է: Ինքը առհասարակ հրապարակում է աշխատում: Իրենց կողքին առևտրով են զբաղվել նաև Կարենն ու նրա մայրը: Որոշ ժամանակ անց Կարենին և նրա մորը մոտեցել է մի անձնավորություն, ասել է, որ փողը տան: Ինքը չգիտի ինչ փողի մասին է եղել խոսքը: Կարենն ասել է, ինչ տեղի փող: Հետո հայհոյանքներ է լսել: Կարենին այդ տղան կանչել է, հայհոյել է, Կարենն ասել է, որ իր մայրն է այնտեղ, կան էլի կանայք, ասել է, որ չհայհոյի: Հետո կռվել են: Ինքը չի մոտեցել: Հետո երկու տղա մոտեցել են Գևորգին տարել են, ասել են, որ արյուն է գալիս, Գևորգը բացել է որովայնի հատվածը, ցույց է տվել որ արյուն է գալիս, ասել է, որ խփել են: Կոնկրետ անուն չի ասել, թե ով է խփել: Դեպքի վայրում, ինչպես նաև Կարենի մոտ դանակ չի տեսել: Վկա Գեղամ Ամիրջանյանի ցուցմունքով այն մասին, որ աշխատում է Կենտրոնի պահպանության բաժնում որպես ոստիկան: Դեպքի օրը ինքը կնոջն ու երեխային տարել է ներկայացման: Երբ դրսում կանգնած ծխելիս է եղել, հայհոյանքներ է լսել, քաշքշուկ է եղել: Կարենը եղել է կան•նած: Կանայք են եղել, ովքեր բաժանել են վիճաբանողներին: Որպես ոստիկանության աշխատակից` մոտեցել է, երկու կռիվ անողներից մեկի հետ առանձնացել են: Նա իրեն ասել է, որ կողքը ցավում է, բացել են, տեսել, որ արյուն է •ալիս: Տեսնելով, որ վիրավորվել է Գևորգը հարցրել է ՙԿարեն դու խփեցի±ր՚ և հայհոյել է Կարենին: Ինքը նրան տարել նստացրել է այնտեղ գտնվող արձանի մոտ: Իրեն թվում է, որ Կարենի անունը Գևորգը իմացել է, երբ նրա անունը կողքից բարձրաձայնվել է: Գևորգի ընկերները եկել են հարցրել են ով է խփել, իսկ Գևորգը նրանց ցույց է տվել Կարենին: Նրանք մոտեցել են Կարենին և քաշքշել: Կարենը մոտեցել է, հեռախոսի լույսով փորձել է տեսնել ինչ է տեղի ունեցել: Հարցրել է Գևորգին, գուցե Գևորգի մոտ է դանակ եղել, որը ծակել է նրա որովայնը: Այդ պահին կրկին վեճ է փորձել սկսվել, սակայն Կարենին հեռացրել են: Ինքը Կարենի մոտ դանակ չի տեսել, նրա հագուստին արյան հետքեր չի տեսել: 2014 թվականի մարտի 26-ի վկա` Գեղամ Լևոնի Ամիրջանյանի և տուժող Գևորգ Աշոտի Մնջոյանի առերես հարցաքննության արձանագրությունով վկան հայտնել և պնդել է, որ 2014 թվականի հունվարի 08-ին եղել է Գ.Սունդուկյանի անվան թատրոնի շոնքում կնոջը ու երեխային ուղեկցել է դահլիճ և ծխելու նպատակով դուրս է եկել թատրոնի շենքից: Երբ դուրս է եկել շենքից, դեռ ծխախոտը չվառած տեսել է, որ թատրոնի դիմացի հարթակի վրա մի քանի վաճառական կանայք են եղել, իսկ հենց հարթակի դիմաց` այգու մեջ` Գ.Սունդուկյանի արձանի դիմաց երկու տղա փոխադարձ քաշքշում, հրում, վիճաբանում են: Իր հիշելով չորս կանայք փորձում էին նրանց բաժանել, հանգստացնել միաժամանակ լսել է սեռական բնույթի հայհոյանքներ, սակայան , թե ով է կոնկրետ հայհոյել չի կարող ասել, քանի որ խառնաշփոթ վիճակ է եղել: Տեսնեոլով այդ ամենը անմիջապես մոտեցել է այդ երկու տղաներին, որոնցից մեկին մի կողմ են քաշել կանայք, իսկ ինքը հեռու է տարել երկրորդ տղային, ով հետո իմացել է, որ Գևորգ մնջոյանն է և ներկայացել է, որպես ոստիկանության աշխատակից: Իր միջամտելուց անմիջապես նրանք հանդարդվել են: Երբ ինքը հանգստացրել և մի կողմ է տարել Գևորգ Մոնջոյանին, փորձել է պարզել որն է վեճի պատճառը, միաժամանակ հանդարտացնելով բոլորին, նույն պահին, երբ ինքը և Գևորգը առանձին են եղել կանգնած, ձեռքով հետ հրելով նրան, վերջինը ցավ է զգացել, իսկ ինքը զգացել է, որ հագուստը որովայնի մասում թաց է: Գևորգ Մնջոյանը բարձրացրել է հագուստները և տեսել է, որ նրա որովայնի ձախ հատվածը արնաշաղախ է, նա նույն պաին բարձրաձայն ասել է ՙԱրա Կարեն , էս ինձ դանակով խփել ես, պատասխան ես տալու՚ և Կարենին մայր է հայհոյել: Երբ Կարենը մոտեցել է իրենց, տեսել է, որ նա իրենց բաժնի աշխատակից Կարեն Պետրոսյանն է, ում հետ վիճաբանել է Գևորգը և որին ինքը մինչ այդ չի նկատել: Ինքը տեսնելով և հասկանալով, որ Գևորգը վնասվածք է ստացել, նրան նստեցրել է Գ.Սունդուկյանի արձանի պատվանդանին: Այդ ժամանակ Կարենը պահել է իր հեռախոսի լույսը Գևորգի որովայնին և ասել է ՙԿարողա ջեբտ դանակա եղել, որ ընգնելուց մտել է փորդ՚ , իսկ Գևորգգն ասել է, որ իր մոտ դանակ չկա, հենց ինքը` Կարենն է դանակով խփել:ցԱնմիջապես իր հեռախոսով զանգահարել է շտաբօգնություն: Մի քանի րոպե անց իրենց է մոտեցել երկու տղամարդ, հասկացեոլ է, որ Գևորգի ընկերներն են և հարցրել են, թե ինչ է պատահել, Գևորգը նորից մատնանշել էԿարեն Պետրոսյանին և ասել, որ վերջինս իրեն դանակով հարվածել է: Այդ տղաները մոտեցել են Կարենին, քաշքշել հագուստից և Կարենին ասել են, որ գա որպեսզի պարզաբանեն, թե ինչ է պատահել, սակայն Կարենը չի գնացել և նրանց միջև չի եղել: Այնուհետև Գևորգին նրա ընկերոջ հետ պատահական տաքսիով տարել են հիվանդանով: Պնդել է իր ցուցմունքը և հայտնել է, որ ինչ հայտնել է համապատասխանում է իրականությանը: Վկա Գեղանուշ Սիմոնյանի ցուցմունքով այն մասին, որ զբաղվում է առևտրով: Ճանաչում է ամբաստանյալին, չի ճանաչում տուժողին: Ինքը դեպքի վայր է հասել այն ժամանակ, երբ հանդարտված է եղել կռիվը և Գևորգը Կարենի ուղղությամբ բղավել է` ՙէս դու խփեցիր՚: Կարենը ասել է ՙես քեզ խփել ե±մ, սարքում ե±ս՚: Տեսել է Գևորգին քարի վրա նստած, կողքը բռնած: Հետագայում իրեն ասել են, որ Կարենն է խփել Գևորգին: Դեպքից հետո երկու հոգի մոտեցել են Գևորգին, հարցրել են ով է խփել, Գևորգը ցույց է տվել Կարենին, նրանք մոտեցել են Կարենին, տեղի է ունեցել քաշքշուկ, սակայն կռիվ և ծեծկռտուք չի եղել: Ինքը եղել է Գևորգից բավականին հեռավորության վրա: Իր իմանալով վիճաբանությունը տեղի է ունեցել տեղի գումարի համար: Եկել են գումար են ուզել, Կարենը չի տվել և այդպես վիճաբանություն է տեղի ունեցել: Ինքը Կարենին ճանաչել է, նա բնավորությամբ հանգիստ մարդ է: Կարենի ձեռքին դանակ չի տեսել: Վկա Ստելլա Աբրահամյանի ցուցմունքով այն մասին, որ ճանաչում է ամբաստանյալին, չի ճանաչում տուժողին: Դեպքի օրը գնացել է Գ.Սունդուկյանի թատրոնի այգի` առևտուր անելու: Դեպքը եղել է ձմռանը, երեկոյան ժամին, մութ է եղել: Ինքը մեքենայի մեջ է եղել: Դեպքից ոչինչ չի տեսել: Ձայներ է լսել, մեքենայից դուրս է եկել, մտել է այգի, տեսել է` մարդիկ են հավաքված: Այտեղ Կարենին է տեսել, Գևոր•ին չի տեսել: Ասել են, որ Կարենը դանակով խփել է տուժողին, բայց ինքը հստակ չի կարող ասել եղել է այդպիսի բան, թե ոչ: Կարենը դանակ չի ունեցել, դեպքից 10 րոպե առաջ փնտրել է դանակ սկոչ կտրելու համար: Երբ ինքը մտել է այ•ի ոստիկաններն են եղել այնտեղ: Վկա Հրանտ Հարությունյանի ցուցմունքով այն մասին, որ աշխատում է ՀՀ ոստիկանության Կենտրոնական բաժնի ավագ օպերլիազոր: Ինքը ճանաչել է Կարենին: Դեպքի մասին ռադիոկապով իմացել է, իր ծառայողական մեքենայով գնացել է դեպքի վայր, Կարենի հետ զրուցել է, ով իրեն ասել է, որ վիճաբանություն է տեղի ունեցել, սակայն մանրամասները չգիտի: Ինքը տեղեկություն ունեցել է, որ Սունդուկյանի թատրոնի մոտի այգում մարդիկ առևտրով են զբաղվում: Դեպքի վայրում դանակահարության մասին ոչինչ չի իմացել: Երբ հասել է դեպքի վայր, իմացել է, որ ինչ-որ մեկին հիվանդանոց են տարել: Կարենի հագուստի վրա հետքեր, նրա մոտից որևէ իր չի հայտնաբերվել: Ինքը Կարենին զննել է ոստիկանության բաժնում, մինչև բաժին հասնելը Կարենը չէր կարող իր մոտ եղած որևէ իր նետեր կամ կորցներ: Վկա Մարինե Կարաբաբյանի ցուցմունքով այն մասին, որ ճանաչում է ամբաստանյալ Կարեն Պետրոսյանին, քանի որ ինքն էլ է զբաղվում առևտրով և տեսել է նրան: Ինքը դեպքի օրը եղել է Արամ Խաչատրյանի անվան համերգասրահի մոտ, երբ հետ է եկել Գ.Սունդուկյանի անվան թատրոնի մոտ արդեն առաջին սեանսը վերջացած է եղել: Թատրոնի դիմաց տեսել է տուժողին` պատուհանի տակ նստած, ձեռքը որովայնի հատվածում, այնուհետև նրան մոտեցել են իր ծանոթները, սպասել են շտապօգնության գալուն, սակայն քանի որ շտապօգնությունը ուշացել է, նրան այլ ավտոմեքենայով են տեղափոխել հիվանդանոց և չանցած հինգ րոպե եկել են ոստիկանության աշխատակիցները: 20 րոպե է եղել այգում: Իրենք գումար մշտապես չեն տվել, ուղղակի եղել է, որ ցանկության դեպքում տվել են հավաքարարի մաքրության համար: Ինքը առևտրականներից իմացել և իրավիճակին նայելուց հասկացել է, որ վիճաբանություն է տեղի ունեցել: Ինքը հասկացել է, որ վիճաբանությունը եղել է Կարենի և Գևորգի միջև: Վկա Արմեն Բեջանյանի ցուցմունքով այն մասին, որ ճանաչում է ամբաստանյալին` միասին աշխատել: Իրեն զանգահարել է իրենց աշխատակիցներից Գեղամ Ամիրջանյանը, ասել է, որ Սունդուկյանի թատրոնի մոտ վիճաբանություն է տեղի ունեցել: Այնուհետև ինքը խոսել է Կարենի հետ, նրան ասել է, որ օգնի Գեղամին, չի իմացել, որ վիճաբանությունը Կարենի հետ է տեղի ունեցել: Իրեն ասել են, որ մարմնական վնասվածք կա: Ինքը գնացել է դեպքի վայր, սակայն այնտղ գրեթե մարդ չի եղել: Երբ հասել է դեպքի վայր արդեն դեպքի վայրի զննությունը ավարտվելիս է եղել: Դեպքի վայրից որևէ իր չի հայտնաբերվել: Կարենն իրեն ասել է, որ տեղի գումարի հետ կապված վիճաբանություն է տեղի ունեցել, իրեն հայհոյել են, քաքշել են, գցել են գետնին, ինքը չի հարվածել: Հարցրել է Կարենին ինչպես է եղել, որ Գևորգը վնասվածք է ստացել, Կարենն ասել է, որ ինքն էլ չգիտի ինչպես է դա ստացվել: Համոզված է, որ եթե Կարենը խփած լիներ, ապա անպայման իրեն կասեր այդ մասին: Դեպքից հետո Կարենը դեռևս աշխատել է, աշխատանքի է գնացել մինչև կալանավորվելը: Ինքը անընդմեջ հարցրել է ինչպես է պատահել, սակայն Կարենը միշտ նույնն է պատասխանել` ասելով, որ տեղյակ չէ ինչպես է մարմնական վնասվածք հասցվել տուժողին, իր մոտ ոչ մի իր չի եղել: Դեպքի վայրի զննություն կատարելու մասին արձանագրունով Երևան քաղաքի Գ.Լուսավորչի 6 հասցեում գտնվող` Գ.Սունդուկյանի անվան թատրոնին հարակից` ՙԱնգլիական՚ կոչվող այգու տարածքի 2014 թվականի հունվարի 10-ի զննության արձանագրությամբ և դրան կից լուսանկարչական հավելվածով այն մասին, որ զննության մասնակից Գեղամ Ամիրջանյանը մատնացույց է արել թատրոնի դիմաց` ՙԱնգլիական՚ կոչվող այգու այն հատվածը, որտեղ 2014 թվականի հունվարի 08-ին տեղի է ունեցել Կարեն Պետրոսյանի և Գևորգ Մնջոյանի միջև վիճաբանությունը: 2014 թվականի հունվարի 08-ի Կարեն Վաչագանի Պետրոսյանին բերման ենթարկելու մասին արձանագրությամբ այն մասին, որ Կարեն Պետրոսյանը 2014 թվականի հունվարի 08-ին ժամը 19:40-ին, Երևան քաղաքի ՙԱնգլիական՚ կոչվող այգուց ՀՀ ոստիկանության կենտրոնականի բաժին է բերման ենթարկվել մարմնական վնասվածք պատճառելու կասկածանքով: 2014 թվականի մարտի 11-ի որոշմամբ իրեղեն ապացույց ճանաչված` տուժող Գևորգ Մնջոյանի հագուստներով` սև բաճկոնով ՙadidas՚ գրառումով, սև երկարաթև ջեմպրով` ՙbossini՚ գրառումով, սև կիսաթև մայկայով` ՙMelante՚ գրառումով, սև անթև մայկայով` ՙMYC 02՚ գրառումով, շագանակաշգույն վիլվետի կտորից անդրավարտիքով` ՙDAWSIN՚ գրառումով, սև կաշվե գոտիով, կանաչ թաշկինակով, շագանակագույն մեկ զույգ կոշիկով` ՙBLUE WEX՚ գրառումով: Իրեղեն ապացույցները ներկայացնելու, զննելու և վերցնելու մասին 2014 թվականի հունվարի 08-ի արձանագրությամբ այն մասին, որ 2014 թվականի հունվարի 08-ին ՀՀ ոստիկանության ՔԳՎ Երևանի քննչական վարչության կենտրոնականի քննչական բաժնի ՀԿԳ ավագ քննիչ Հ.Սարգսյանին ՙԱրամյանց՚ բժշկական կենտրոնի վիրահատարանի բուժքրոջ կողմից ներկայացվել են տուժող Գևորգ Մնջոյանի հագուստները, որոնք զննվել և վերցվել են: 2014 թվականի հունվարի 14-ի ՙԱրամյանց՚ բժշակական կենտրոնի ավագ հերթապահ վիրաբույժ Ա.Կիրակոսյանի տեղեկանքով այն մասին, որ Գևորգ Մնջոյանը ՙԱրամյանց՚ բժշկական կենտրոն ընդունվել է 2014 թվականի հունվարի 08-ին ժամը 19:20-ին` որովայնի կտրած-ծակած թափանցող վերք ախտորոշմամբ: Գ.Մնջոյանը վիրահատվել է, որի ընթացքում պարզվել է, որ վնասվել է մեծ ճարպոնը: 2014 թվականի հունվարի 20-ի դատաբժշկական փորձաքննության թիվ 36/հ եզրակացությունով և ի լրումով այն մասին, որ Գևորգ Մնջոյանի մարմնական վնասվածքներն ըստ բժշկական փաստաթղթերի և զննության տվյալների` որովայնի առաջային պատի թափանցող, մեծ ճարպոնի վնասումով ծակած-կտրած վերքի, կրծքավանդակի ձախ կեսի շրջանի կտրած-ծակած վերքի ձևով պատճառվել են սուր ծակող-կտրող գործիքով, որոնք առողջությանը պատճառել են ծանր վնաս` կյանքին վտանգ սպառնացող: 2014 թվականի փետրվարի 02-ի դատաբժշկական փորձաքննության թիվ 1 եզրակացությամբ այն մասին, որ փորձաքննությանը ներկայացված Գևորգ Մնջոյանից վերցված արյան նմուշն ըստ արյան ABO իզոշճաբանական համակարգի պատկանում է արյան AB խմբին, իսկ փորձաքննության ներկայացված` Գևորգ Մնջոյանի բաճկոնի, ջեմպրի, կիսաթև և անթև մայկաների, անդրավարտիքի, գոտու և կոշիկի վրա առկա կասկածելի արնանման հետքերում հաստատվել է մարդկային ծագման արյան AB խումբ ունեցող որևէ անձից, այդ թվում` հնարավոր էր նաև առաջանար Գևորգ Մնջոյանից: Դատարանը, հետազոտելով քրեական գործով ձեռք բերված ապացույցները և գնահատելով դրանց վերաբերելիության, թույլատրելիության, իսկ ամբողջ ապացույցներն իրենց համակցությամբ գործի լուծման համար բավարարության տեսանկյունից, հանգում է այն հետևության, որ ամբաստանյալ Կարեն Վաչագանի Պետրոսյանի կողմից ՀՀ քրեական օրենսգրքի 112-րդ հոդվածի 1-ին մասով առաջադրված մեղադրանքում իրեն մեղավոր չճանաչելը նպատակ է հետապնդում խույս տալ քրեական պատասխանատվությունից ու պատժից և նրա մեղավորությունը ՀՀ քրեական օրենսգրքի 112-րդ հոդվածի 1-ին մասով նախատեսված հանցանք կատարելու մեջ ապացուցված է իր դատաքննության ընթացքում տված ցուցմունքով այն մասին, որ իրենց է մոտեցել մի երիտասարդ, ով շատ կոշտ-կոպիտ տոնով ասել է, որ ով չի համաձայնվում գումարը վճարել, նրանց հասցեին անվայել խոսքեր է ասել: Ինքն ասել է, որ այդպես չխոսի և, որ իր կողքի կանգնածը իր մայրն է, տարածքում էլ այլ կանայք ու երեխաներ կան, հարցրել է, թե նրա խոսքերն ու էին ուղղված: Նա էլ պատասխանել է, որ հենց իրեն: Այդ ընթացքում նա ձգվել է դեպի աստիճանավանդակը, մի երկու աստիճան բարձրացել և բռնելով իրեն` քաշել է դեպի ներքև, քանի որ տարածքը ձյունապատ և սառույցապատ է եղել, ինքը սայթաքել ու վայր է ընկել: Ընկած տեղից իրեն կանայք են բարձրացրել և ինքը փորձել է նրան կարգի հրավիրել, սակյան կանայք իրեն հետ են հրել: Նույն պահին նաև մի քանի հոգի էլ հետ են հրել նրան, որպեսզի նա իրեն չմոտենա: Առաջացած աղմուկի վրա իրենց շուրջը հավաքվել են մի խումբ անձինք, թե վեճը դադարեցնելու համար, թե հետաքրքրությունից դրդված: Մոտ մեկ-երկու մետր հեռավարության վրա միմյանց մոտենալու փորձ կատարելով, իրենք լեզվակռվի մեջ են մտել: Այդ ամենը տևել է մոտ 1-2 րոպե, որից հետո իր շուրջը խմբված մարդիկ իրեն մի կողմ են տարել, իսկ այդ տղային տարել են դեպի շատրվանների կողմը: Միջադեպի ավարտից որոշ ժամանակ անց այդ տղան, որը հետո իմացել է, որ անունը Գևորգ է, բղավել է` ՙինձ խփել են՚ և այդ լսելով ինքը գնացել է դեպի նրա կողմը, ինչպես նաև տուժող Գևորգ Մնջոյանի դեպքից մի քանի օր հետո` 2014 թվականի հունվարի 21-ի և մարտի 13-ին տրված նախաքննական ցուցմունքներով այն մասին` ՙոր պարզ է, եթե վճաբանել եմ այդ տղայի հետ, նա պետք է որ հարվածած և նման վնասվածք պատճառած լինի ինձ՚, տուժողը նախաքննության ընթացքում տված իր մի քանի ցուցմունքներով պնդել է այն հանգամանքը, որ ինքը վիճաբանել է միայն Կարեն Պետրոսյանի հետ և իրեն այդ պահին ուրիշ ոչ մեկը չէր կարող հարվածել, վկաներ` Աստղիկ Անանյանի, Գեղամ Ամիրջանյանի, Գեղանուշ Սիմոնյանի, Ստելլա Աբրահամյանի ցուցմունքներով այն մասին, որ Գևորգը հայտնել է, որ իրեն դանակով խփողը եղել է ամբաստանյալ Կարեն Պետրոսյանը, բացի այդ, Աստղիկ Անանյանի, Գեղամ Ամիրջանյանի, Գեղանուշ Սիմոնյանի, Ստելլա Աբրահամյանի ցուցմունքներով այն մասին, որ Գևորգը հայտնել է, որ իրեն դանակով խփողը եղել է ամբաստանյալ Կարեն Պետրոսյանը, բացի այդ, վկա Ստելլա Աբրահամյանը դատաքննական իր ցուցմունքով հայտնել է, որ մինչ առևտուրն սկսելը` ամբաստանյալ Կարեն Պետրոսյանը դանակ է փնտրել` սկոչ կտրելու համար, տուժող Գևորգ Մնջոյանի և վկաներ Նունե Չիչոյանի ու Գեղամ Ամիրջանյանի առերես հարցաքննությունների արձանագրություններով այն մասին, որ վերջիններս պնդել են իրենց ցուցմունքըները: Դատարանը, միաժամանակ գտնում է, որ տուժող Գևորգ Մնջոյանի դատաքննական ցուցմունքն արժանահավատ չէ և չի համապատասխանում իրականությանը, այլ նպատակ է հետապնդում օգնելու ամբաստանյալ Կարեն Պետրոսյանին` խուսափել քրեական պատասխանատվությունից ու պատժից, և նրա դատաքննական ցուցմունքը հերքվում է ինչպես իր իսկ կողմից նախաքննության ընթացքում 2014 թվականի հունվարի 21-ի և մարտի 13-ին տրված նույնաբովանդակ ցուցմնունքներով այն մասին, որ ՙոր պարզ է եթե վճաբանել եմ այդ տղայի հետ, նա պետք է որ հարվածած և նման վնասվածք ճատճառած լինի ինձ՚, տուժողը նախաքննության ընթացքում տված իր մի քանի ցուցմունքներով պնդել է այն հանգամանքը, որ ինքը վիճաբանել է միայն Կարեն Պետրոսյանի հետ և իրեն այդ պահին ուրիշ ոչ մեկը չէր կարող հարվածել, վկաներ` Աստղիկ Անանյանի, Գեղամ Ամիրջանյանի, Գեղանուշ Սիմոնյանի, Ստելլա Աբրահամյանի ցուցմունքներով այն մասին, որ Գևորգը հայտնել է, որ իրեն դանակով խփողը եղել է ամբաստանյալ Կարեն Պետրոսյանը, բացի այդ, վկա Ստելլա Աբրահամյանը դատաքննական իր ցուցմունքով հայտնել է, որ մինչ առևտուրն սկսելը` ամբաստանյալ Կարեն Պետրոսյանը դանակ է փնտրել` սկոչ կտրելու համար, տուժող Գևորգ Մնջոյանի և վկաներ Նունե Չիչոյանի ու Գեղամ Ամիրջանյանի առերես հարցաքննությունների արձանագրություններով վերջիններս պնդել են իրենց ցուցմունքըները: Դատարանը, միաժամանակ արժանահավատ չի համարում նաև գործով վկա Մարետա Բարխուդարյանի ինչպես նախաքննական, այնպես էլ դատաքննական ցուցմունքները, քանի որ նա հանդիսանով ամբաստանյալ Կարեն Պետրոսյանը մայրը, իրականությունը թաքցնելով փորձում է օգնել իր հարազատ որդուն և նրա նախաքննական և դատաքննական ցուցմունքները հերքվում են Աստղիկ Անանյանի, Գեղամ Ամիրջանյանի, Գեղանուշ Սիմոնյանի, Ստելլա Աբրահամյանի ցուցմունքներով այն մասին, որ Գևորգը հայտնել է, որ իրեն դանակով խփողը եղել է ամբաստանյալ Կարեն Պետրոսյանը, բացի այդ, վկա Ստելլա Աբրահամյանը դատաքննական իր ցուցմունքով հայտնել է, որ մինչ առևտուրն սկսելը` ամբաստանյալ Կարեն Պետրոսյանը դանակ է փնտրել` սկոչ կտրելու համար, տուժող Գևորգ Մնջոյանի և վկաներ Նունե Չիչոյանի ու Գեղամ Ամիրջանյանի առերես հարցաքննությունների արձանագրություններով այն մասին, որ վերջիններս պնդել են իրենց ցուցմունքըները: Այսպիսով, դատարանը հիմնավորված է համարում, որ ամբաստանյալ Կարեն Վաչագանի Պետրոսյանը դիտավորությամբ տուժող Գևորգ Մնջոյանի առողջությանը պատճառել է ծանր վնաս, որը վտանգավոր է կյանքի համար. Ամբաստանյալ Կարեն Վաչագանի Պետրոսյանը 2014 թվականի հունվարի 08-ին ժամը 18:45-ի սահմաններում Երևան քաղաքի ՙԱնգլիական՚ կոչվող այգում` Գ.Սունդուկյանի անվան թատրոնի դիմաց օգնելիս է եղել խաղալիքների մանրածախ առևտրով զբաղվող իր մորը` գործով վկա Մարետա Բարխուդարյանին, այդ ընթացքում անգույն կպչուն ժապավենը (սկոչը) կտրելու համար փնտրել է դանակ: Այդ ժամանակ առևտրով զբազվող կանանց և ամբաստանյալ Կարեն Պետրոսյանին է մոտեցել նշված այգու այգեպան` գործով վկա Անդրանիկ Միքայելյանը, ով պահանջել է առևտրով զբաղվողներին այգու մաքրության համար գումար վճարել: Կարեն Պետրոսյանը և մյուսները հրաժարվել են գումար վճարելուց` ասելով, որ առևտուր անելուց հետո կվճարի: Ստանալով մերժում` Անդրանիկ Միքայելյանը զանգահարել է այգու տնօրենին` գործով տուժող` ԳևորգՄնջոյանին և հայտնել, որ առևտրականների մի մասը հրաժարվում է այգու մաքրման համար գումարներ վճարելուց: Լսելով այդ մասին` Գևորգ Մնջոյանը վրդովված գնացել է ՙԱնգլիական՚ կոչվող այգում առևտրով զբաղվող անձանց մոտ, հայհոյախառն արտահայտություններով հրահանգել է, որ ով գումար չի տալիս պետք է դուրս գա այգուց: Կարեն Պետրոսյանը հայհոյանքներ տալու համար դիտողություն է արել Գևորգ Մնջոյանին` ասելով, որ իր մայրն է այնտեղ, բացի այդ, այլ կանայք էլ կան, ինչի հետևանքով նրանց միջև ծեծկռտուք է սկսվել, որի արդյունքում Կարեն Պետրոսյանը ընկել է գետնին և կրկին բարձրացել: Ծեծկռտուքի ընթացքում Կարեն Պետրոսյանը դանակով երկու անգամ հարվածել է Գևորգ Մնջոյանի որովայնին և կրծքավանդակին` դիտավորությամբ պատճառելով կյանքին վտանգ սպառնացող ծանր վնաս` որովայնի առաջային պատի թափանցող, մեծ ճարպոնի վնասումով ծակած-կտրած վերքի, կրծքավանդակի ձախ կեսի շրջանի կտրած վերքի ձևով: Գործով վկա Գեղամ Ամիրջանյանի և այնտեղ գտնվող կանանց միջամտությամբ ծեծկռտուքը դադարել է, որից հետո Կարեն Պետրոսյանը Գևորգ Մնջոյանի մոտ եղած` ծեծկռտուքի ընթացքում գետնին ընկած հեռախոսն ու բանալիները տարել հանձնել է Գևորգ Մնջոյանին: Տեսնելով, որ իր որովայինց արյուն է հոսում` Գևորգ Մնջոյանը բարձրաձայն գոռացել է և ամբաստանյալ Կարեն Պետրոսյանին ասել է ՙէս ինձ խփիք արա...՚, որից հետո իր ստացած վնասվածքի մասին Գևորգ Մնջոյանը հեռախոսազանգով հայտնել է իր ընկեր` գործով վկա Սամվել Բաբայանին, ով եկել է նրա մոտ և տեսնելով վնասվածքը Գեղամ Ամիրջանյանի հետ Գևորգ Մնջոյանին տեղափոխել են թիվ 3 հիվանդանոց: Դրանից հետո, Կարեն Պետրոսյանը աշխատելով որպես ոստիկան և տիրապետելով իր աշխատանքին, միջադեպի ավարտից հետո որոշ ժամանակ անց է միայն հիշել ոստիկանության ծառայողի երդումի մասին և տեսնելով, որ տուժողը ունի վնասվածք, գիտակցելով իր արածը փորձելով անմեղ դուրս գալ ստեղծված իրավիճակից զանգահարել է իր ղեկավարին և տպավորություն թողնելով հայտնել է որ դեպք է տեղի ունեց, սակայն հայտնել է որ ինքը կապ չունի կատարված դեպքի հետ: Դեպքից անմիջապես հետո ՀՀ ոստիկանության Կենտրոնական բաժնի ՔՀԲ-ի աշխատակիցների կողմից ամբաստանյալ Կարեն Պետրոսյանը բերման է ենթարկվել ՀՀ ոստիկանության Կենտրոնական բաժին և ենթարկվել անձնական խուզարկության: Այսպիսով, ընդհանուր կարգով սահմանված դատաքննությամբ հետազոտված ապացույցների հիման վրա դատարանն ապացուցված է համարում, որ ամբաստանյալ Կարեն Վաչագանի Պետրոսյանը կատարել է ՀՀ քրեական օրենսգրքի 112-րդ հոդվածի 1-ին մասով նախատեսված հանցագործություն` որպիսի արարքի համար նա պետք է պատասխանատվության ենթարկվի: Կարեն Վաչա•անի Պետրոսյանն ենթակա է պատժի կատարած արարքի համար: Դատարանի իրավական վերլուծությունները. ՀՀ քրեական օրենսգրքի 10-րդ հոդվածի 1-ին մասը սահմանում է` ՙՀանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացի` համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար՚: ՀՀ քրեական օրենսգրքի 48-րդ հոդվածի 2-րդ մասը սահմանում է` ՙՊատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚: ՀՀ քրեական օրենսգրքի 61-րդ հոդվածը սահմանում է` ՙ1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում` հաշվի առնելով սույն օրենսգրքի Ընդհանուր մասի դրույթները: 2. Պատժի տեսակը և չափը որոշվում են հանցագործության` հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում` պատասխանատվությունը և պատիժը մեղմացնող կամ ծանրացնող հանգամանքներով: 3. Հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները՚: Ամբաստանյալ Կարեն Վաչագանի Պետրոսյանն առաջադրված մեղադրանքում իրեն մեղավոր չճանաչեց, 60369 զորամասի և ՀՀ ՈՍ ՊՊԳՎ Կենտրոնական պահպանության բաժնի կողմից տրված բնութագրերի համաձայն բնութագրվում է դրականորեն, խնամքին են գտնվում` 2-րդ խմբի հաշմանդամ հայրը` Վաչագան Հայկազի Պետրոսյանը` ծնված 23.12.1946 թվականին, երեք անչափահաս երեխաները` Մարետա Կարենի Պետրոսյանը` ծնված 18.04.2001 թվականին, Արաքսյա Կարենի Պետրոսյանը` ծնված 04.04.2005 թվականին, Նարեկ Կարենի Պետրոսյանը` ծնված 08.12.2006 թվականին: Դատարանը ՀՀ քրեական օրենսգրքի 62-րդ հոդվածի 1-ին մասի 4-րդ կետի համաձայն` որպես ամբաստանյալ Կարեն Վաչագանի Պետրոսյանի պատասխանատվությունը և պատիժը մեղմացնող հանգամանք դիտում է վերջինիս խնամքին մինչև տասնչորս տարեկան երեք երեխաների առկայությունը: Դատարանը ՀՀ քրեական օրենսգրքի 63-րդ հոդվածի 1-ին մասի 10-րդ կետի համայան` որպես ամբաստանյալ Կարեն Վաչագանի Պետրոսյանի պատասխանատվությունը և պատիժը ծանրացնող հանգամանք դիտում է երդում խախտելը: Սույն քրեական գործով ամբաստանյալ Կարեն Վաչագանի Պետրոսյանին մեղադրանք է առաջադրվել ՀՀ քրեական օրենսգրքի 112-րդ հոդվածի 1-ին մասով, որի սանկցիան նախատեսում է միայն ազատազրկում` երեքից յոթ տարի ժամկետով: Դատարանը հաշվի առնելով ամբաստանյալ Կարեն Վաչագանի Պետրոսյանը կատարած արարքի հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, բնութագրող տվյալները` այն որ աշխատելով ՀՀ ոստիկանության պետական պահպանության գլխավոր վարչության Կենտրոնի պահպանության բաժնում` որպես ոստիկան և տալով ոստիկանության ծառայողի երդում, կատարել է կյանքի և առողջության դեմ ուղղված հանցագործություն, դատարանը գտնում է, որ ամբաստանյալ Կարեն Վաչագանի Պետրոսյանի ուղղումը հնարավոր է միայն նրան հասարակությունից մեկուսացնելու եղանակով, հետևաբար վերջինիս նկատմամբ պատիժ պետք է նշանակել ՀՀ քրեական օրենսգրքի 112-րդ հոդվածի 1-ին մասի սանկցիայով նախատեսված որոշակի ժամկետով ազատազրկում, որով հնարավոր կլինի հասնել ՀՀ քրեական օրենսգրքի 48-րդ հոդվածով սահմանված պատժի նպատակներին` սոցիալական արդարության վերականգնմանը, պատժի ենթարկված անձի ուղղմանը և հանցագործությունների կանխմանը: Քննարկելով իրեղեն ապացույցի տնօրինման հարցը` դատարանը գտնում է, որ քրեական գործով իրեղեն ապացույց ճանաչված` տուժող Գևորգ Մնջոյանի հագուստները` ՙadidas՚ գրառումով սև բաճկոնը, ՙbossini՚ գրառումով երկարաթև սև ջեմպրը, ՙMelante՚ գրառումով կիսաթև սև մայկան, ՙMYC 02՚ գրառումով անթև սև մայկան, ՙDAWSIN՚ գրառումով շագանակագույն վիլվետի կտորից անդրավարտիքը, սև կաշվե գոտին, կանաչ թաշկինակը, ՙBLUE WEX՚ գրառումով մեկ զույգ շագանակագույն կոշիկը` մեկ փաթեթում` կնքված վիճակում դատավճիռն օրինական ուժի մեջ մտնելուց հետո պետք է վերադարձնել տուժող Գևորգ Մնջոյանին: Քրեական գործով 2014 թվականի ապրիլի 04-ի որոշման մեջ նշված 1-ից մինչև 12-րդ կետերում այլ փաստաթղթերը հանդիսացող ապացույցը պետք է պահել քրեական գործի հետ` դրա պահելու ամբողջ ժամանակամիջոցում: Քննության առնելով ամբաստանյալի նկատմամբ ընտրված խափանման միջոցի հարցը` դատարանը գտնում է, որ ամբաստանյալ Կարեն Վաչագանի Պետրոսյանի նկատմամբ ընտրված խափանման միջոցը` կալանավորումը, պետք է թողնել անփոփոխ մինչև դատավճռի օրինական ուժի մեջ մտնելը: Եզրափակիչ մաս. Ելնելով վերոգրյալից և ղեկավարվելով ՀՀ քրեական օրենսգրքի 10-րդ, 48-րդ, 61-րդ, 63-րդ հոդվածներով, ՀՀ քրեական դատավարության օրենսգրքի 116-րդ, 119-րդ, 168-րդ, 169-րդ, 365-րդ, 357-360-րդ հոդվածներով, դատարանը Վ Ճ Ռ Ե Ց` Կարեն Վաչագանի Պետրոսյանին մեղավոր ճանաչել ՀՀ քրեական օրենսգրքի 112-րդ հոդվածի 1-ին մասով և նրան դատապարտել ազատազրկման` 4 /չորս/ տարի ժամկետով: Կարեն Վաչագանի Պետրոսյանի նկատմամբ ընտրված խափանման միջոցը` կալանավորումը, թողնել անփոփոխ մինչև դատավճռի օրինական ուժի մեջ մտնելը: Կարեն Վաչագանի Պետրոսյանի պատժի սկիզբը հաշվել 04.03.2014 թվականից: Կարեն Վաչագանի Պետրոսյանից հօգուտ պետական բյուջեի բռնագանձել 80.000 /ութսուն հազար/ ՀՀ դրամ գումար` որպես դատական ծախսեր: Կարեն Վաչագանի Պետրոսյանից անվամբ գրանցված շարժական և անշարժ գույքերի, որտեղ էլ որ այն գտնվի, ինչպես նաև դրամական միջոցների վրա կալանք դնել` 80.000 /ութսուն հազար/ ՀՀ դրամ գումարի չափով` մինչև դատական ակտի վերջնական կատարումը: Քրեական գործով իրեղեն ապացույց ճանաչված և քրեական գործին կցված` տուժող ԳևորգՄնջոյանի հագուստները` ՙadidas՚ գրառումով սև բաճկոնը, ՙbossini՚ գրառումով երկարաթև սև ջեմպրը, ՙMelante՚ գրառումով կիսաթև սև մայկան, ՙMYC 02՚ գրառումով անթև սև մայկան, ՙDAWSIN՚ գրառումով շագանակագույն վիլվետի կտորից անդրավարտիքը, սև կաշվե գոտին, կանաչ թաշկինակը, ՙBLUE WEX՚ գրառումով մեկ զույգ շագանակագույն կոշիկը` մեկ փաթեթում` կնքված վիճակում դատավճիռն օրինական ուժի մեջ մտնելուց հետո վերադարձնել տուժող Գևորգ Մնջոյանին: Քրեական գործով 2014 թվականի ապրիլի 04-ի որոշման մեջ նշված 1-ից մինչև 12-րդ կետերում այլ փաստաթղթերը հանդիսացող ապացույցը պահել քրեական գործի հետ` դրա պահելու ամբողջ ժամանակամիջոցում: Սույն դատավճիռը վերաքննության կարգով կարող է բողոքարկվել ՀՀ վերաքննիչ քրեական դատարան` հրապարակման պահից մեկ ամսվա ընթացքում: ԴԱՏԱՎՈՐ` Ա. ԲԵԿԹԱՇՅԱՆ |
|---|---|
| Դատական ակտի ամսաթիվը | 24-12-2014 |
Գործը հանձնվել է գրասենյակ
| Գործը հանձնվել է գրասենյակ | 05-02-2015 |
|---|---|
| Էջերի քանակ | 213, 175, 142, 164, 132 |
Գործն ուղարկվել է
| Գործը ուղարկվել է | 05-02-2015 |
|---|---|
| Էջերի քանակը | 213, 175, 142, 164, 132 |
| ՈՒր(դատարան) | Քրեական վերաքննիչ |
| Ելքի գրության համարը | Ե-4114 |
Գործը բողոքարկվել է
| Ամսաթիվ | 09-02-2015 |
|---|
Գործը ստացվել է (կատարումն ապահովելու համար, և ... )
| Ամսաթիվ | 22-10-2015 |
|---|
Դատավճռի, որոշման կատարում
| Ամսաթիվ | 26-10-2015 |
|---|
Գործը հանձնվել է գրասենյակ
| Գործը հանձնվել է գրասենյակ | 08-02-2016 |
|---|---|
| Էջերի քանակ | 213, 175, 142, 164, 265 |
Գործը հանձնվել է դատարանի արխիվ
| Ամսաթիվ | 08-02-2016 |
|---|---|
| Էջերի քանակը | 213, 175, 142, 164, 265 |
Դատական գործ N: ԵԿԴ/0060/01/14
Քրեական վերաքննիչ
Ստացվել է վերաքննիչ բողոք
| Ամսաթիվ | 23-01-2015 |
|---|---|
| Ամսաթիվ | 22-01-2015 |
| Ում կողմից է բերվել բողոքը | Պաշտպան |
| Բողոքը բերող անձը | |
| Անուն | Յու |
| Ազգանուն | Ալոյան |
| Հասցե | --------------- |
| Սեռ | 0 |
| Բողոքի բովանդակությունը | Կարեն Պետրոսյան Ամբողջությամբ բեկանել Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի` Կարեն Վաչագանի Պետրոսյանի /ՀՀ քր. օր 112 հոդ. 1-ին մասսվ - ազատազրկում 4 տարի ժամկետով / վերաբերյալ 24.12.2014թ. դատական ակտը և Կարեն Պետրոսյանի նկատմամբ քրեական գործի վարույթը կարճել` նրա արարքում ՀՀ քր. օր 112 հոդ. 1-ին մասսվ նախատեսված հանցակազմի բացակայության հիմքով : |
| Բողոքի ստացման կարգը | Առձեռն հանձնվել է գրասենյակ |
| Չափահաս | Այո |
| Բողոքը ստացվել է | Գործն ըստ էության լուծող դատական ակտի դեմ |
Մակագրել
| Ամսաթիվ | 26-01-2015 |
|---|---|
| Նախագահող դատավոր | |
| Անուն | Մհեր |
| Ազգանուն | Արղամանյան |
| Դատավոր | |
| Անուն | Հենրիկ |
| Ազգանուն | Տեր-Ադամյան |
| Դատավոր | |
| Անուն | Արարատ |
| Ազգանուն | Պետրոսյան |
Քրեական գործի մուտքագրում
| Ամսաթիվ | 09-02-2015 |
|---|---|
| Կից փաստաթղթեր և իրեղեն ապացույց | չկա |
Ընդունվել է վարույթ
| Ամսաթիվ | 12-02-2015 |
|---|
Նշանակվել է դատական քննություն
| Երբ | 24-02-2015 |
|---|---|
| Ժամ | 13:00 |
| Նիստերի դահլիճի համարը | 4 |
| Նիստը | Կայացվել է |
Նշանակվել է դատական քննություն
| Երբ | 10-03-2015 |
|---|---|
| Ժամ | 15:00 |
| Նիստերի դահլիճի համարը | 4 |
| Նիստը | Կայացվել է |
Նշանակվել է դատական քննություն
| Երբ | 24-03-2015 |
|---|---|
| Ժամ | 14:00 |
| Նիստերի դահլիճի համարը | 4 |
| Նիստը | Կայացվել է |
Նշանակվել է դատական քննություն
| Երբ | 01-04-2015 |
|---|---|
| Ժամ | 16:00 |
| Նիստերի դահլիճի համարը | 4 |
| Նիստը | Կայացվել է |
Վերաքննիչ բողոքը մերժվել է և ստորադաս դատարանի դատական ակտը թողնվել է անփոփոխ
| Անփոփոխ թողնված դատական ակտը | Պատճառաբանվել է |
|---|---|
| Ամսաթիվ | 01-04-2015 |
| Ամբաստանյալ | |
| Անուն | Կարեն |
| Ազգանուն | Պետրոսյան |
| Հասցե | --------------- |
| Սեռ | 0 |
| Քր. դատ. օր. հոդված | |
| Քր. դատ. օր. հոդված | |
| Քր.օր. հոդված |
Դատական ակտ
| Դատական ակտ | Ո Ր Ո Շ Ո Ւ Մ Հ Ա Ն Ո Ւ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ Ո Ւ Թ Յ Ա Ն 01.04.2015թ ք.Երևան ԳՈՐԾ.N-ԵԿԴ/0060/01/14 ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆԸ ՀԵՏԵՎՅԱԼ ԿԱԶՄՈՎ՝ ՆԱԽԱԳԱՀՈՂ ԴԱՏԱՎՈՐ՝ Մ.ԱՐՂԱՄԱՆՅԱՆ ԴԱՏԱՎՈՐՆԵՐ` Ա.ՊԵՏՐՈՍՅԱՆ Հ.ՏԵՐ-ԱԴԱՄՅԱՆ ՔԱՐՏՈՒՂԱՐՈՒԹՅԱՄԲ` Մ.ՄԵԼՔՈՆՅԱՆԻ ՄԱՍՆԱԿՑՈՒԹՅԱՄԲ` ՄԵՂԱԴՐՈՂ` Ա.ԵՐԻՑՅԱՆԻ ՏՈւԺՈՂ` Գ.ՄՆՋՈՅԱՆԻ ՊԱՇՏՊԱՆ` ՅՈւ.ԱԼՈՅԱՆԻ ԱՄԲԱՍՏԱՆՅԱԼ` Կ.ՊԵՏՐՈՍՅԱՆԻ դռնբաց դատական նիստում պաշտպան Յու. Ալոյանի վերաքննիչ բողոքի հիման վրա քննության առնելով քրեական գործն ըստ մեղադրանքի Կարեն Վաչագանի Պետրոսյանի` ՀՀ քրեական օրենսգրքի 112-րդ հոդվածի 1-ին մասով Պ Ա Ր Զ Ե Ց Գործի փաստական հանգամանքներն ու դատավարական ընթացքը Կարեն Պետրոսյանը ծառայելով ՀՀ ոստիկանության պետական պահպանության գլխավոր վարչության կենտրոնական բաժնում որպես ոստիկան, 2014 թվականի հունվարի 08-ին ժամը 18:45-ի սահմաններում Երևան քաղաքի <<Անգլիական>> կոչվող այգում` Գ.Սունդուկյանի անվան թատրոնի դիմաց, խաղալիքների մանրածախ առևտրով զբաղվող իր մորից գումարներ պահանջելու հարցի շուրջ վիճաբանության և ծեծկռտուքի մեջ է մտել Գևորգ Մնջոյանի հետ, որի ընթացքում դանակով երկու անգամ հարվածել է Գևորգ Մնջոյանի որովայնին և կրծքավանդակին` դիտավորությամբ պատճառելով կյանքին վտանգ սպառնացող ծանր վնաս` որովայնի առաջային պատի թափանցող, մեծ ճարպոնի վնասումով ծակած-կտրած վերքի, կրծքավանդակի ձախ կեսի շրջանի կտրած վերքի ձևով: Վերոգրյալ հանցանքի համար Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 2014 թվականի դեկտեմբերի 24-ի դատավճռով ամբաստանյալ Կարեն Պետրոսյանը մեղավոր է ճանավել ՀՀ քրեական օրենսգրքի 112-րդ հոդվածի 1-ին մասով և դատապարտվել ազատազրկման 4 տարի ժամկետով: Նրա նկատմամբ ընտրված խափանման միջոց կալանավորումը թողնվել է անփոփոխ մինչև դատավճռի օրինական ուժի մեջ մտնելը` պատժի սկիզբը հաշվելով 2014 թվականի մարտի 04-ից: Վերաքննիչ բողոքի հիմքերը, փաստարկներն ու պահանջները Պաշտպան Յու.Ալոյանը վերաքննիչ բողոք է բերել Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 24.12.2014թ-ի դատավճռի դեմ` միջնորդելով բեկանել այն և Կարեն Պետրոսյանի նկատմամբ քրեական գործի վարույթը կարճել ՀՀ քրեական դատավարության օրենսգրքի 35-րդ հոդվածի 1-ին մասի 2-րդ կետով` նրա արարքում ՀՀ քրեական օրենսգրքի 112-րդ հոդվածի 1-ին մասով նախատեսված հանցակազմի բացակայության հիմքով: Իր վերաքննիչ բողոքը պաշտպան Յու.Ալոյանը մասնավորապես պատճառաբանել է հետևյալով: <<(…)Դատարանում հետազոտված ապացույցներով հետևյալ կոնկրետ փաստական տվյալներն են հիմնավորվել. 2014 թվականի հունվարի 8-ին ժամը 18։30-ի սահմաններում Կարեն Պետրոսյանի և Գևորգ Մնջոյանի միջև վիճաբանություն է սկսվել, որը վերածվել է կարճատև քաշքշուկի, ապա նաև, ինչպես պարզվել է <<լեզվակռվի>>։ Գևորգ Մնջոյանը բռնելով Կարեն Պետրոսյանի օձիքից քաշել և աստիճանահարթակից դեպի ներքև է քաշել վերջինիս: Քանի որ գետինը ծածկված է եղել ձյունով և սառույցով, ուստի Կարեն Պետրոսյանը սայթաքել և վայր է ընկել։ Այդ պահին դեպքին ներկա վկաներից Աստղիկ Անանյանը, Ռոզա Ամիրջանյանը, Մարիետա Բարխուդարյանը, Գեղանուշ Սիմոնյանը և այլ անձիք արագ միջամտել են, միաժամանակ Կարեն Պետրոսյանին բարձրացրել են գետնից և մի կողմ տարել Գևորգ Մնջոյանին։ Այս ամենից հետո Կարեն Պետրոսյանի և Գևորգ Մնջոյանի միջև վեճը հեռվից միմյանց վրա հոխորտալու բնույթ է կրել: Այդ ընթացքում Կարեն Պետրոսյանը և Գևորգ Մնջոյանը շրջապատված են եղել մարդկանցով, որոնք անմիջականորեն ընդգրկված են եղել վերջիններիս կողմից հեռվից հեռու միմյանց վրա հոխորտալու և մոտենալու փորձ կատարելու հետևանքով առաջացած հրմշտոցին։ Հավաքված ամբոխի միջից Գևորգ Մնջոյանին հանել և դեպի այգու շատրվաններն է տարել Գեղամ Ամիրջանյանը։ Որոշ ժամանակ անց Գևորգ Մնջոյանն անհասցե բղավել է <<էս խփեցիք ինձ>>։ Ըստ Գևորգ Մնջոյանի կողմից դատարանում տրված ցուցմունքի, նա այդ ասելով ի նկատի է ունեցել ոչ թե Կարեն Պետրոսյանին, այլև հավաքված անձանց, որ նրանցից մեկն է, այդ խառնաշփոթի մեջ, հարվածել և մարմնական վնասվածք է պատճառել իրեն։ Այդ լսելով, Կարեն Պետրոսյանը գնացել է դեպի Գևորգ Մնջոյանը, որպեսզի պարզի, թե ինչ է տեղի ունեցել։ Մինչև վերջինիս հասնելը, նա գետնից վերցրել է հեռախոս և բանալիների խուրձ և տեղեկանալով, որ դրանք պատկանում են Գևորգ Մնջոյանին, տվել է նրան։ Անտեղյակ լինելով կատարվածից, Կարեն Պետրոսյանը ասել է Գևորգ Մնջոյանին, որպեսզի վերջինս ցույց տա վնասվածքը։ Գևորգ Մնջոյանը բարձրացրել է հագուստը։ Կարեն Պետրոսյանն իր բջջային հեռախոսի լույսով մոտիկից զննել է վերքը։ Այդ ընթացքում Գևորգ Մնջոյանը ցանկացել է ձյուն դնել իր վերքի վրա, սակայն Կարեն Պետրոսյանը արգելել է նրան դա անել և խորհուրդ է տվել թաշկինակը պահել վերքի վրա և սեղմել, որպեսզի չարյունահոսի։ Կարեն Պետրոսյանը հարցրել է արդյոք նա չի տեսել, թե ով է իրեն հարվածել։ Գևորգ Մնջոյանը բացասական պատասխան է տվել։ Գեղամ Ամիրջանյանը վերջինիս ուղեկցել է հիվանդանոց։ Դրանից հետո Կարեն Պետրոսյանը մի կողմ է քաշվել և որպես ոստիկան, հայացքով զննել է տարածքն ու հետևել դեպքի վայրից հեռացող անձանց։ Սակայն կասկածելի ոչինչ չհայտնաբերելով, անմիջապես զանգահարել է իր հրամանատարին Արմեն Բեջանյանին, և հայտնել է, որ ինքը վիճաբանել է Գևորգ Մնջոյանի հետ, սակայն նրան մարմնական վնասվածք չի պատճառել։ Իր հրամանատարի ցուցումով, մինչև ոստիկանության օպերատիվ խմբի ժամանելը, մնացել է դեպքի վայրում։ Այսպիսով, անտեսելով վերը նշված փաստական հանգամաները, Դատարանը խախտել է ՀՀ քրեական դատավարության օրենսգրքի 360-րդ և 365-րդ հոդվածի 2-րդ մասի պահանջները: ՀՀ քրեական դատավարության օրենսգրքի 365-րդ հոդվածի 2-րդ մասի համաձայն` Մեղադրական դատավճիռը չի կարող հիմնված լինել ենթադրությունների վրա և կայացվում է միայն այն դեպքում, երբ հանցանքը կատարելու մեջ ամբաստանյալի մեղավորությունն ապացուցված է դատական քննության ընթացքում: Հանցանքը կատարելու մեջ ամբաստանյալի մեղավորությունը կարող է համարվել ապացուցված, եթե դատարանը ղեկավարվելով անմեղության կանխավարկածով, հիմնվելով պատշաճ իրավական ընթացակարգի շրջանակներում դատական քննության ընթաղցքում գործի հանգամանքների հետազոտման արդյունքների վրա, դատաքննության ժամանակ հետազոտված հավաստի ապացույցների հիման վրա, ամբաստանյալի մեղավորության մասին չփարատվող բոլոր կասկածները նրա օգտին մեկնաբանելով, սույն օրենսգրքի 360 հոդվածի առաջին մասի 1-4-րդ կետերում նշված հարցերին տալիս է հաստատող պատասխան(…): (…)Դատարանի կողմից անտեսվել են հետևյալ կարևորագույն հանգամանքները, որ դեպքի վայր ժամանած օպերատիվ խմբի անդամներին ներկայացնելով դեպքի հանգամանքները, Կարեն Պետրոսյանը հայտնել է, որ ցանկանում է ներկայանալ ոստիկանության բաժին և գրավոր զեկուցագիր գրել կատարվածի մասին։ Այս նպատակով Կարեն Պետրոսյանը ոստիկանության Կենտրոնի բաժնի քրեական հետախուզության բաժանմունքի օպեր լիազոր Հրանտ Հարությունյանի հետ եկել է ոստիկանության բաժին, սակայն նույն օպեր լիազորի կողմից կազմվել է անձին ոստիկանության բաժին բերման ենթարկելու արձանագրություն և առանց այդ արձանագրության բովանդակության պարզաբանումների տվել է Կարեն Պետրոսյանին ստորագրելու։ Վերջինս, առանց արձանագրության տեքստի հետ ծանոթանալու, ստորագրել է դրա տակ։ Դատարանում ոստիկանության Կենտրոնի բաժնի քրեական հետախուզության բաժանմունքի օպերլիազոր Հրանտ Հարությունյանը ցուցմունք է տվել, որ Կարեն Պետրոսյանին ոստիկանության բաժին բերման չի ենթարկել և բերման ենթարկելու հետ կապված որևէ գործողություն չի կատարել, քանի որ այդ ամենի անհրաժեշտությունը չի եղել։ Բացի այդ նա հայտնեց, որ ինքն ու Կարեն Պետրոսյանը միասին գնացել են ոստիկանության բաժին և դա նրա կողմից ձևակերպվեց որպես ոստիկանության բաժին հրավիրելու գործընթաց, բայց ոչ բերման ենթարկելու։ Միաժամանկ Հրանտ Հարությունյանը չկարողացավ դատարանում պարզաբանում տալ այն հակասական իրավիճակին, թե ինչու է ոստիկանության բաժին, այսպես ասած <<հրավիրված>> անձի նկատմամբ կազմել <<բերման ենթարկելու>> արձանագրություն։ Դատարանը շրջանցել է վերը նշված փաստական հանգամանքը և վճռում որպես <<ապացուցված>> հանգամանք նշել է հետևյալը. «...Դեպքից անմիջապես հետո ՀՀ ոստիկանության Կենտրոնական բաժնի ՔՀԲ-ի աշխատակիցների կողմից ամբաստանյալ Կարեն Պետրոսյանը բերման է ենթարկվել ՀՀ ոստիկանության Կենտրոնական բաժին և ենթարկվել անձնական խուզարկության>>(…): (…) Դեպքին անմիջապես ներկա գտնվածները և նրանք, ովքեր միջամտել են վեճին և կողմերին բաժանել միմյանցից, դատարանում ցուցմունք են տվել, որ Կարեն Պետրոսյանի ձեռքին դանակ, կամ այլ սուր, կտրող, ծակող գործիք չեն տեսել։ Այն հարցին, եթե Կարեն Պետրոսյանի ձեռքին ինչ որ բան լիներ, կտեսնեին։ Ինչպես վկաները այնպես էլ տուժողը հայտնել են, որ Կարեն Պետրոսյանի ձեռքերում որևէ իր կամ առարկա չի եղել։ Եթե լիներ, ապա անպայման կտեսնեին։ Միաժամանակ, պետք է փաստել նաև, որ վերջիններս չեն տեսել, թե Գևորգ Մնջոյանն ինչպես է մարմնական վնասվածք ստացել։ Դեպքի վայրում ոչ ոք դանակ, կամ այլ սուր կտրող, ծակող գործիք չի տեսել։ Դրանք չեն հայտնաբերվել նաև Կարեն Պետրոսյանի մոտ վերջինիս թե դեպքի վայրում և թե ոստիկանության բաժնում զնության ենթարկելու ժամանակ։ Բացի այդ, Կարեն Պետրոսյանի մարմնի և հագուստի վրա զննությամբ արյան հետքեր չեն հայտնաբերվել։ Դատարանում տուժող Գևորգ Մևջոյանը ցուցմունքով հայտնել է, որ ինքը չի տեսել, որ Կարեն Պետրոսյանը իրեն մարմնական վնասվածք պատճառի և շարունակելով իր միտքը հայտնել է, որ միջադեպի ժամանակ ինքը շրջապատված է եղել բազմաթիվ այլ անձանցով և կասկածներ ունի, որ քաշքշուկի ընթացքում իրեն մոտ կանգնած անձանցից որևէ մեկը կարող էր օգտվել առիթից և իրեն մարմնական վնասվածք պատճառել։ Տրված այն հարցին, թե արդյոք նա որևէ պահանջ չունի Կարեն Պետրոսյանից, իր նկատմամբ կատարված արարքի համար։ Գևորգ Մնջոյանը հայտնել է, որ ինքը պահանջ կունենա այն անձից ով իրեն պատճառել է մարմնական վնասվածքը։ Կարեն Պետրոսյանից որևէ պահանջ չունի, քանի որ նա չի իրեն մարմնական վնասվածք պատճառողը։ Այս ամենից հետո նա պահանջել է գտնել իրեն մարմնական վնասվածք պատճառողին։ Այսպիսով վերլուծելով Կարեն Պետրոսյանի վարքագիծը, Գևորգ Մնջոյանի հետ վիճաբանությանը նախորդող և հաջորդող պահերին, վկայում են այն մասին, որ նա Գևորգ Մնջոյանին մարմնական վնասվածք պատճառողը չէ, որ քրեական հետապնդման ողջ ընթացքում նրա նկատմամբ անմեղության կանխավարկածի փոխարեն գործել է մեղավորության կանխավարկածը, երբ անձի մեղավորությունը չի ապացուցվում, այլ հայտարարվում է։ Դատարանի կողմից չեն կիրառվել կիրառման ենթակա ՀՀ քրեական դատավարության օրենսգրքի 35 հոդվածի 2-րդ մասի պահանջները, համաձայն որի քրեական հետապնդումը ենթակա է դադարեցման, իսկ գործի վարույթը ենթակա է կարճման՝ կատարված հանցագործությունը կասկածյալի կամ մեղադրյալի մասնակցությունն ապացուցված չլինելու արդյունքում, եթե սպառված են նոր ապացույցներ ձեռք բերելու բոլոր հնարավորությունները(…)>>։ Վերաքննիչ դատարանի դատաքննության ընթացքում պաշտպան Յու.Ալոյանը և ամբաստանյալ Կ.Պետրոսյանը նույն հիմքերով ու հիմնավորումներով ներկայացրած վերաքննիչ բողոքը պնդեցին, մեղադրող Ա.Երիցյանը բողոքի դեմ առարկեց` միջնորդելով առաջին ատյանի դատարանի դատավճիռը թողնել անփոփոխ, տուժող Գ.Մնջոյանը վերաքննիչ բողոքի կապակցությամբ ըստ էության որևէ դիրքորոշում չհայտնեց: Վերաքննիչ դատարանի պատճառաբանություններն ու եզրահանգումները Ստուգելով գործի փաստական հանգամանքների բացահայտման ու քրեական օրենքի կիրառման ճշտությունը, ինչպես նաև գործը քննելիս և լուծելիս քրեադատավարական օրենքի նորմերի պահպանումը, վերաքննիչ բողոքում նշված հիմքերի սահմաններում վերլուծելով քրեական գործի նյութերը, դատաքննության ընթացքում լսելով բողոքում ներկայացված իրենց հետևությունները հիմնավորելու մասին պաշտպանի ու ամբաստանյալի պատճառաբանությունները, տուժողի պատասխանը, մեղադրողի առարկությունները, վերաքննիչ դատարանը հանգում է այն հետևության, որ Երևան Կենտրոն և Նորք-Մարաշ վարչական շրջանների ընդհանուր իրավասության դատարանի 2014 թվականի դեկտեմբերի 24- դատավճիռը պետք է թողնել անփոփոխ, իսկ պաշտպանի վերաքննիչ բողոքը մերժել` հետևյալ պատճառաբանությամբ. ՀՀ քրեական օրենսգրքի 112-րդ հոդվածի 1-ին մասով առաջադրված մեղադրանքում Կարեն Պետրոսյանն իրեն մեղավոր չի ճանաչել և նախաքննության ընթացքում հրաժարվել է ցուցմունքներ տալուց, իսկ առաջին ատյանի դատարանում ցուցմունք է տվել այն մասին, որ մայրը` Մարետա Բարխուդարյանը, ժամանակ առ ժամանակ Սունդուկյանի անվան թատրոնի մոտ զբաղվել է մանկական խաղալիքների մանրածախ առևտրով, որպեսզի որևէ կերպ թեթևացնի իրենց ընտանիքի հոգսերը: 2014 թվականի հունվարի 08-ին մայրը խնդրել է, որ ինքը նրան օգնի: Ժամը 17-ից ինքը գտնվել է այնտեղ` թատրոնի մոտ, ժամը 19-ի սահմաններում իրենց է մոտեցել մի երիտասարդ, ներկայացել որպես այգու պահակ և ասել, որ վաճառողների գնալուց հետո նրանք են մաքրում այդ տարածքը, ինչի համար բոլորը պետք է 1000-ական դրամ վճարեն: Այդ պահին մորից բացի նույն աստիճանահարթակի վրա խաղալիքներ են վաճառել նաև այլ անձինք, մոտ 15-ից 20 հոգի: Ինչպես իրենք, այնպես էլ մյուսները, ասել են, որ առևտուրը դեռ չեն ավարտել և փող չունեն, վերջում կտան, սակայն այդ տղան, որի անունը հետագայում իմացել է, որ Անդրանիկ է, երևի ճիշտ չի հասկացել իրենց ասածն ու նրա մոտ տպավորություն է առաջացել, որ հրաժարվում են այդ գումարը տալուց և ասել է, որ հիմա մարդ կգա և իրենց հետ կխոսի: Մոտավորապես 5-7 րոպե անց մոտեցել է մի երիտասարդ, ով գումարը վճարել չհամաձայնողների հասցեին անվայել խոսքեր է ասել, նրան հորդորել է, որ այդպես չխոսի և, որ կողքին կանգնածն իր մայրն է, տարածքում այլ կանայք ու երեխաներ կան: Նաև հարցրել է, թե այդ խոսքերն ում էին ուղղված: Նա էլ պատասխանել է, որ հենց իրեն: Այդ ընթացքում նա ձգվել է դեպի աստիճանավանդակը, մի երկու աստիճան բարձրացել և բռնելով իրեն` քաշել է դեպի ներքև: Քանի որ տարածքը ձյունապատ և սառույցապատ է եղել, ինքը սայթաքել ու վայր է ընկել: Ընկած տեղից իրեն կանայք են բարձրացրել, որից հետո փորձել է այդ երիտասարդին կարգի հրավիրել, սակայն կանայք իրեն հետ են հրել: Նույն պահին նաև մի քանի հոգի էլ հետ են հրել նրան, որպեսզի իրեն չմոտենա: Առաջացած աղմուկի վրա թե վեճը դադարեցնելու համար, և թե հետաքրքրությունից դրդված, իրենց շուրջը հավաքվել են մի խումբ անձինք: Մոտ մեկ-երկու մետր հեռավարության վրա միմյանց մոտենալու փորձ կատարելով, իրենք լեզվակռվի մեջ են մտել: Այդ ամենը տևել է մոտ 1-2 րոպե, որից հետո հավաքված մարդիկ իրեն մի կողմ են տարել, իսկ այդ տղային, ով հետո իմացել է, որ Գևորգ Մնջոյանն, է տարել են դեպի շատրվանների կողմը: Միջադեպի ավարտից որոշ ժամանակ անց Գևորգը բղավել է` <<ինձ խփել են>>, ինչը լսելով գնացել է նրա կողմը: Գետնից վերցրել է հեռախոս, բանալիների մի խուրձ, մոտեցել նրան, ցույց է տվել գտած իրերը և հարցրել, թե իրենն է, թե ոչ, նա հասկացրել է, որ իրենն է և ասել, որ իրեն խփել են: Այդ պահին տեսել է նաև իրենց բաժնի ոստիկան Գեղամ Ամիրջանյանին, ով իր հարցական հայացքին ի պատասխան` ցույց է տվել իր արյունոտված ձեռքը ու ասել, որ խփած է: Այդ ընթացքում Գևորգի ձեռքը ձախ կողքի վրա է դրված եղել: Ինքն ասել է, որ շորը բարձրացնի տեսնեն ինչ է եղել, նա բարձրացրել է իր հագուստը, ավելի մոտ է գնացել և իր բջջային հեռախոսի էկրանի լույսը պահել է նրա ցույց տված հատվածին և տեսել է, որ վնասվածք է ստացել: Ինքը հանկարծակիի է եկել, շփոթվել ու զարմացել, քանի որ նրան այդ վնասվածքը չի պատճառել: Հարցրել է, որ հնարավոր է նրա գրպանում սուր ինչ որ բան կա, որը հրմշտոցի ժամանակ վնասած լինի նրան: Նա էլ պատասխանել է, որ <<չէ ախպեր, ինձ խփել են>>: Գևորգը ցանկացել է ձյուն դնել վերքի վրա, ինքը չի թողել, ասելով, որ ձյունը կարող է վնասել, լավ կլինի թաշկինակով լավ սեղմի վերքի վրա, որ չարյունահոսի: Անմիջապես բղավել է, որ զանգահարեն շտապօգնություն, միևնույն ժամանակ նայել է չորսբոլորը, փորձել է հեռու և մոտ կանգնած մարդկանց մեջ գտնել շփոթված, դեպի հեռուն վազող մարդ: Տեսնելով, որ Գեղամը զանգահարել է շտապօգնություն, նրանցից մի քանի քայլ հեռացել է և զանգահարել իր անմիջական ղեկավար Արմեն Բեջանյանին ու հայտնել, որ Սունդուկյանի թատրոնի մոտ է, վիճաբանություն է եղել, այդ ընթացքում իր հետ վիճաբանող տղան վնասվածք է ստացել, սակայն ինքը չի նրան պատճառել այդ վնասվածքը: Բեջանյանն ասել է, որ այնտեղ մնա, խումբ կուղարկի ու նրանց հետ կգա: Մինչև ոստիկանության աշխատակիցների գալը, Գեղամ Ամիրջանյանը Գևորգին տարել է հիվանդանոց: Մինչև ոստիկանության օպերատիվ խմբի գալը ինքը մնացել է այնտեղ, այնուհետև մոտեցել է նրանց և պատմել կատարվածի մասին: Դեպքի վայր եկած օպեր լիազորներից մեկն ասել է, քանի որ վիճաբանությունը իր հետ է տեղի ունեցել, ուստի պետք է գնան ոստիկանության բաժին` պարզելու եղելությունը: Միասին իր ավտոմեքենայով գնացել են բաժին, որտեղ քննիչին և քրեական հետախուզության պետին տեղեկացրել է, որ թատրոնի տարածքը տեսաձայնագրվում է և խնդրել է որպեսզի նրանք առգրավեն այդ ձայնագրությունները և այն օգտագործեն օբյեկտիվ քննության ժամանակ: Տեսախցիկը ուղղված է եղել այն տարածքի կողմը, որտեղ տեղի է ունեցել իր և Գևորգի վիճաբանությունը, մի երկու օրից ներկայացել է բաժին, որտեղ քննիչն իրեն հայտնել է, որ սարքն այդ ամենը չի նկարահանել: Քրեական գործում այդ մասին որևէ փաստաթուղթ կամ արձանագրություն չկա և եթե այդ տեսաձայնագրման տվյալները լինեին, ապա հաստատապես համոզված է, որ ինքը չէր հայտնվի ամբաստանյալի կարգավիճակում: Ինքը Գևորգին մարմնական վնասվածք չի հասցրել, ուստի խնդրում է քրեական գործը կարճել: Գործով ձեռք բերված ապացույցների համակցությամբ վերլուծելով ու գնահատելով Կարեն Պետրոսյանի ցուցմունքները, վերաքննիչ քրեական դատարանը հանգում է այն հետևության, որ ինչպես դրանք, այնպես էլ պաշտպան Յու.Ալոյանի կողմից վերաքննիչ բողոքում բերված պատճառաբանություններն անհիմն են, նպատակ են հետապնդում ազատելու նրան պատասխանատվությունից ու պատժից, դրանք հերքվում և ամբաստանյալին մեղսագրվող արարքը հիմնավորվում է գործի փաստական տվյալների ներքոշարադրյալ ամբողջությամբ: Տուժող Գևորգ Մնջոյանը առաջին ատյանի դատարանի դատաքննության ընթացքում ցուցմունքներ է տվել այն մասին, որ 2014 թվականի հունվարի 08-ին կանգնած է եղել իրենց գրասենյակի դիմաց, երբ զանգահարել է այգու աշխատակից Անդրանիկն ու ասել, որ թատրոնի մոտ կրկին առևտրականներ են հավաքվել: Գնացել է այգի` նրանց հանելու նպատակով, քանի որ նրանք մշտապես կեղտոտել են այգու տարածքը, որի պատճառով նրանց արգելել է այնտեղ առևտուր անել: Դրանից հետո առևտրականները իր բանվորի և հավաքարարի հետ պայմանավորվել են, որ գումար կտան աղբը մաքրելու համար: Իրեն չի հետաքրքրել, թե ով կհավաքի աղբը, էական է եղել այգու մաքրությունը: Համաձայնություն է տվել առևտրականներին միայն պայմանով, որ նրանք պետք է աղբը հավաքեն: Իրեն ընդհանրապես դուր չի եկել, որ առևտրականները այգում առևտուր են արել և տեղյակ է եղել, որ իր աշխատողները գումար են հավաքել առևտրականներից` այգին մաքրելու համար: Անդրանիկը դեպքի օրն իրեն գումարի մասին ոչինչ չի ասել, միայն ասել է, որ առևտրականները հավաքվել են այգում: Վրդովված գնացել և բոլորին ասել է <<սիկտիր եղեք ստեղից…>>: Կարենը հարցրել է, թե ում հետ է, ինքը պատասխանել է, որ դա նաև նրան է վերաբերում: Իր համբերությունն արդեն հատած է եղել` առևտրականների թափած աղբը հավաքելու համար անընդհատ գումար ծախսելուց: Կարենի հետ քաշքշուկ է սկսվել, նա սառույցի վրա ընկել է: Ինքը չի ծեծել Կարենին, չի հարվածել: Ուղղակի հրել է նրան: Կարենն իրեն չի հրել: Քաշքշուկի ժամանակ հավաքված մարդկանց մի մասն իրեն ավելի մոտ են գտնվել, քան Կարենը: Այդ ընթացքում իրենց է մոտեցել քաղաքացիական հագուստով մի անձ, ներկայացել է որպես ոստիկան: Ինքը այդ ոստիկանի հետ առանձնացել է 15-20 մետր հեռու և զրուցել են: Նա հարցրել է ինչ է պատահել, ինչին պատասխանել է, որ առևտրականները գալիս աղբ են թափում, իսկ ինքը պարտավոր չէ նրանց հետևից հավաքել: Այդ պահին մրմռոց է զգացել: Բարձրացրել է հագուստը, տեսել է, որ որովայնն ամբողջությամբ արյուն է: Ոստիկանը իրեն տարել է Սունդուկյանի արձանի մոտ գտնվող քարի մոտ, ինքը նստել է, զանգել է ընկերոջը: Քաշքշուկի ժամանակ բանալիներն ու հեռախոսը կորցրած է եղել: Քաշքշուկից հետո, երբ նստած է եղել Սունդուկյանի արձանի մոտ, իրեն է մոտեցել Կարենը, լույս է գցել իր վերքին նայել է, տվել է իր բանալիներն ու գնացել: Վնասվածքը տեսնելուց հետո ընդհանուր է բացականչել <<ով խփեց>>: Այդ ժամանակ մեկ անգամ անհասցե հայհոյել է: Իր հետի ոստիկանը զանգահարել է շտապօգնություն և իր վերադասներին: Շտապօգնությունը ուշացել է, և իր ընկերն ու իրեն մոտեցած ոստիկանը տաքսի ավտոմեքենայով իրեն տարել են հիվանդանոց: Քաշքշուկից բավականին ժամանակ անց է ցավ զգացել: Ինքը չգիտի` ով է խփել իրեն, չի տեսել և չի զգացել: Դեպքի վայրում եղել են և կանայք, և տղամարդիկ: Ոստիկանը իրեն չի ասել, որ Կարենի ընկերն է: Քաշքշուկի ժամանակ իր և Կարենի շուրջ շատ մարդիկ են հավաքված եղել և եթե կասկած լիներ, որ Կարենն է իրեն հարվածել, ապա վիճաբանությունը կշարունակվեր իրեն դանակով հարվածելու համար: Վերաքննիչ դատարանի դատաքննության ընթացքում տուժող Գևորգ Մնջոյանը ներկայացված վերաքննիչ բողոքի կապակցությամբ ըստ էության որևէ դիրքորոշում չհայտնեց`պատճառաբանելով, որ հստակ չի կարող ասել, թե ով է իրեն դանակով հարվածել ու մարմնական վնասվածք պատճառել, Կարեն Պետրոսյանը, թե այլ անձնավորություն և իրեն էլ հետաքրքիր է իմանալ, թե ում հարվածից է ինքը վնասվածք ստացել: Նախաքննության ընթացքում տուժող Գևորգ Մնջոյանը ցուցմունքներ է տվել այն մասին, որ պարզ է` եթե վիճաբանել է Կարեն Պետրոսյանի հետ, նա էլ պետք է, որ իրեն հարվածած և նման վնասվածք պատճառված լինի, քանի որ վաճառական կանանցից և իրենց բաժանող ոստիկանից բացի չի տեսել, որ ուրիշ որևէ տղամարդ խառնվի վիճաբանությանը և բացի Կարենից իրեն այլ անձ չի քաշքշել, ձեռքով կամ ոտքերով հարվածող չի եղել, միայն եղել են բաժանողներ: Վկա Գեղամ Ամիրջանյանը ցուցմունքներ է տվել այն մասին, որ աշխատում է Կենտրոնի պահպանության բաժնում որպես ոստիկան: Դեպքի օրը ինքը կնոջն ու երեխային տարել է Սունդուկյանի անվան թատրոն` ներկայացման: Երբ դրսում կանգնած ծխելիս է եղել, հայհոյանքներ է լսել, քաշքշուկ է եղել: Տեսել է, որ վիճաբանողներից մեկը իրենց բաժնի աշխատակից Կարեն Պետրոսյանն է: Կանայք են եղել, ովքեր բաժանել են վիճաբանողներին: Որպես ոստիկանության աշխատակից մոտեցել է, երկու կռիվ անողներից մեկի հետ առանձնացել են: Նա իրեն ասել է, որ կողքը ցավում է, բացել են, տեսել, որ արյուն է գալիս: Տեսնելով, որ վիրավորվել է Գևորգը հարցրել է <<Կարեն դու խփեցիր>> և հայհոյել է Կարենին, ինքը նրան տարել նստացրել է այնտեղ գտնվող արձանի մոտ: Իրեն թվում է, որ Կարենի անունը Գևորգը իմացել է, երբ նրա անունը կողքից բարձրաձայնվել է: Գևորգի ընկերները եկել են հարցրել են ով է խփել, իսկ Գևորգը նրանց ցույց է տվել Կարենին: Նրանք մոտեցել են Կարենին և քաշքշել, Կարենը մոտեցել է, հեռախոսի լույսով փորձել է տեսնել ինչ է տեղի ունեցել: Հարցրել է Գևորգին, գուցե նրա մոտ է դանակ եղել, որը ծակել է նրա որովայնը: Այդ պահին կրկին վեճ է փորձել սկսվել, սակայն Կարենին հեռացրել են: Ինքը Կարենի մոտ դանակ չի տեսել, նրա հագուստին արյան հետքեր չի տեսել: Տուժող Գևորգ Մնջոյանի հետ առերես հարցաքննության ժամանակ Գեղամ Ամիրջանյանը հայտնել է, որ 2014 թվականի հունվարի 08-ին, երբ ծխելու նպատակով դուրս է եկել թատրոնի շենքից, դեռ ծխախոտը չվառած տեսել է, որ թատրոնի դիմացի հարթակի վրա մի քանի վաճառական կանայք են եղել, իսկ հենց հարթակի դիմաց` այգու մեջ` Գ.Սունդուկյանի արձանի դիմաց երկու տղա փոխադարձ քաշքշում, հրում, վիճաբանում են: Իր հիշելով չորս կանայք փորձում են նրանց բաժանել, հանգստացնել միաժամանակ լսել է սեռական բնույթի հայհոյանքներ, սակայն, թե ով է կոնկրետ հայհոյել, չի կարող ասել, քանի որ խառնաշփոթ վիճակ է եղել: Տեսնելով այդ ամենը անմիջապես մոտեցել է այդ երկու տղաներին, որոնցից մեկին մի կողմ են քաշել կանայք, իսկ ինքը հեռու է տարել երկրորդ տղային, ով հետո իմացել է, որ Գևորգ Մնջոյանն է և ներկայացել է, որպես ոստիկանության աշխատակից: Իր միջամտելուց անմիջապես նրանք հանդարդվել են: Երբ ինքը հանգստացրել և մի կողմ է տարել Գևորգ Մնջոյանին, փորձել է պարզել որն է վեճի պատճառը, միաժամանակ հանդարտացնելով բոլորին, նույն պահին, երբ ինքը և Գևորգը առանձին են եղել կանգնած, ձեռքով հետ հրելով նրան, վերջինը ցավ է զգացել, իսկ ինքը զգացել է, որ հագուստը որովայնի մասում թաց է: Գևորգ Մնջոյանը բարձրացրել է հագուստները և տեսել է, որ նրա որովայնի ձախ հատվածը արնաշաղախ է, նա նույն պաին բարձրաձայն ասել է <<Արա Կարեն, էս ինձ դանակով խփել ես, պատասխան ես տալու>> և Կարենին մայր է հայհոյել: Երբ Կարենը մոտեցել է իրենց, տեսել է, որ նա իրենց բաժնի աշխատակից Կարեն Պետրոսյանն է, ում հետ վիճաբանել է Գևորգը և որին ինքը մինչ այդ չի նկատել: Ինքը տեսնելով և հասկանալով, որ Գևորգը վնասվածք է ստացել, նրան նստեցրել է Գ.Սունդուկյանի արձանի պատվանդանին: Այդ ժամանակ Կարենը պահել է իր հեռախոսի լույսը Գևորգի որովայնին և ասել է <<Կարողա ջեբտ դանակա եղել, որ ընգնելուց մտել է փորդ>>, իսկ Գևորգն ասել է, որ իր մոտ դանակ չկա, հենց ինքը` Կարենն է դանակով խփել: Անմիջապես իր հեռախոսով զանգահարել է շտապօգնություն: Մի քանի րոպե անց իրենց են մոտեցել երկու տղամարդ, հասկացել է, որ Գևորգի ընկերներն են և հարցրել են, թե ինչ է պատահել, Գևորգը նորից մատնանշել է Կարեն Պետրոսյանին և ասել, որ վերջինս իրեն դանակով հարվածել է: Այդ տղաները մոտեցել են Կարենին, քաշքշել հագուստից և Կարենին ասել են, որ գա որպեսզի պարզաբանեն, թե ինչ է պատահել, սակայն Կարենը չի գնացել և նրանց միջև կռիվ չի եղել: Այնուհետև Գևորգին նրա ընկերոջ հետ պատահական տաքսիով տարել են հիվանդանոց: Վկա Մարետա Բարխուդարյանը ցուցմունքներ է տվել այն մասին, որ հանդիսանում է Կարեն Պետրոսյանի մայրը: Դեպքի օրը իրենք գնացել են Սուդուկյանի այգի` մանկական խաղալիքներ վաճառելու: Մինչ այդ օրը մի քանի անգամներ, որ ինքը Գ.Սունդուկյանի թատրոնի մոտակայքում առևտրով է զբաղվել, միշտ էլ տվել է պահանջվող գումարը, պատահել է, որ գումարը տվել է առևտրի կամ սկզբում, կամ ընթացքում, կամ վերջում, կանչել է իր որդուն թատրոնի: Կես ժամ անց մոտեցել է իրենց մի տղա փող հավաքելու, որը միշտ էլ իրենք վճարել են տեղի համար, Կարենը այդ տղային ասել է, որ դեռ առևտուր չեն արել, երբ առևտուր անեն գումարը կտան: Այդ տղան պնդել է, որ այդ պահին տան գումարը: Կարենը կրկին ասել է, որ հենց գումար լինի կտան: Այդ տղան գնացել է մի կողմ և զանգահարել է, իսկ քիչ անց եկել է Գևորգ անունով մի տղա, ով հեռվից սեռական բնույթի տարբեր հայհոյանքներ տալով` մոտեցել է զանգահարող տղային, հարցրել, թե ով չի տալիս գումարը, վերջինս էլ մատնացույց է արել իր տղային: Երբ Գևորգը հայհոյանքներ տալով մոտեցել է իրենց, որդին դիտողություն է արել նրան, ասելով, որ իր մայրն է կանգնած, բացի այդ շատ կանայք էլ կան տարածքում: Գևորգն ասել է, որ ով գումար չտա, ապրանքը կոտրեն, ամեն ինչ փշրեն և վռնդեն տարածքից: Որդին խոսակցության մեջ է մտել և ասել, որ դա հարցի լուծում չէ, 1000 դրամի համար այդպես վարվելը ճիշտ չէ: Այդ ժամանակ Գևորգ Մնջոյանին ասել են, որ Կարենը ոստիկան է, իսկ նա ընդհանուր հայհոյել է ոստիկաններին էլ, պետին էլ: Գևորգը իր տղայի կրծքավանդակի հատվածից քաշելով տարել է մի փոքր հեռու աստիճանների մոտ, Կարենին գցել են գետնին ու սկսել են ոտքերով հարվածել: Ինքը միջամտել է, հրել է այդ տղաներին, ցանկացել որդուն գետնից բարձրացնել: Բոլոր կանայք հավաքվել են իրեն օգնելու համար, հետո, երբ որդուն բարձրացրել են, Գևորգը 25-30 մետր հեռու է եղել իրենցից, երբ գոռացել ու ասել է, որ իրեն խփել են: Որդու վրայի վնասվածքներից նկատել է միայն աչքի հատվածում կարմրածություն: Մի տղայի հետ Գևորգը նստել է այգում եղած արձանի մոտ, երբ երկու հոգի մոտեցել են նրան, հարցրել ինչ է պատահել, ում հետ է կռիվ արել, իսկ Գևորգը մատնացույց է արել իր որդուն և ասել է, որ նրա հետ է վիճել: Իրենք մոտեցել են, տեսել են, որ Գևորգի կրծքավանդակի ձախ կողմից անցք է եղել բացված և արյուն է եկել: Կարենը հարցրել է, թե ով է խփել, ինչ է պատահել: Գևորգը պատասխանել է, որ չգիտի: Իր տղայի մոտ դանակ չի տեսել, դանակ իրենք առհասարակ չեն ունեցել, քաշքշուկի սկզբից մինչև վերջ եղել է իր որդու մոտ, չի հեռացել նրանից: Այնուհետև զանգահարել են շտապօգնություն, ոստիկանություն, իսկ քիչ անց իրենց տարել են բաժին: Վկա Նունե Չիչոյանը ցուցմունքներ է տվել այն մասին, որ <<Անգլիական>> այգում զբաղվում է առևտրով: Դեպքը եղել է ամռանը, ժամը 16-ի սահմաններում: Այնտեղ փուչիկներ է վաճառելիս է եղել, երբ մոտեցել և տեղի համար գումար են պահանջել: Իրենք հրաժարվել են վճարել, որից հետո մտել են թատրոնի շենք, իսկ քիչ անց աղմուկ լսելով դուրս են եկել և տեսել, որ գումար հավաքելու շուրջ վեճ է ծագել Կարենի և գումար հավաքողների միջև: Կարենը հրաժարվել է գումար տալուց: Անդրանիկը, ով գումար հավաքողն է եղել, զանգել է Գևորգին, ում նաև <<Ժոր>> են անվանել և ասել, որ գումարները չեն տալիս: Այնուհետև մոտեցել է Ժորը և ասել է, որ եթե գումարները չեն տալիս, ծեծելով էլ լինի վերցնեն: Սեռական բնույթի հայհոյանքներ է տվել: Կարենը նկատողություն է արել, ասելով, որ մայրը իր կողքին է հայհոյանքներ չտա: Տեսել է միայն այն, որ Կարենին հրել է աստիճաններից ներքև և խփել է, հետո լեզվակռիվ է սկսվել, ինքը հեռու է եղել: Այնուհետև տեսել է, որ նրանց հետ ինչ-որ մեկն ասել է <<արյուն է կողքս, ով է խփել>>: Կարենին Ժորը իջեցրել է աստիճաններից ներքև, խփել է, հետո Կարենի մայրը մոտեցել է, որպեսզի բաժանի, իրենք էլ են մոտեցել բաժանելու, օգնելու: Կարենը չի հարվածել, նա եղել է գետնին ընկած: Գևորգը միայն հարցրել է, թե ով է խփել իրեն դանակով: Կռվի ժամանակ իրենք բաժանել են, իսկ բաժանելուց հետո արդեն մի կողմ են գնացել: Կարենին բաժանելուց հետո ինքը Կարենի ձեռքում ոչինչ չի տեսել: Գետնին ընկած են եղել Գևորգի բանալիները և ևս ինչ-որ բան, որը հանձնել են Գևորգին: Եթե Կարենի մոտ դանակ լիներ կամ նա դանակով խփած լիներ, իրենք կտեսնեին: Մինչև ոստիկանների գալը Կարենը դեպքի վայրից չի բացակայել: Կռիվը տևել է 5-7 րոպե: Տուժող Գևորգ Մնջոյանի հետ առերես հարցաքննության ժամանակ վկա Նունե Չիրոյանը հայտնել է, որ 2014 թվականի հունվարի 08-ին, երբ իրենց է մոտեցել Անդրանիկը և պահանջել է տեղի համար 1000 դրամ, ինքը չի տվել և չի կարող ասել, թե ով է տվել այդ գումարը, բայց Մարետան նույնպես հրաժարվել է գումարը տալուց: Դրանից հետո Անդրանիկը զանգահարել է ինչ-որ մեկի, ասելով, որ գումարները չեն տալիս: Մի քանի րոպե անց այգի է եկել Գևորգը և ասել <<Ով չի տալիս, ծեծելով վեկալ>> և սկսել է սեռական բնույթի հայհոյանքներ տալ: Կարենը լսելով այդ հայհոյանքները, Գևորգին ասել է, որ չհայհոյի, կողքին մայրն է կանգնած, բացի այդ տարածքում բոլորը կանայք են և ուզել է կարգի հրավիրել նրան: Նույն պահին Գևորգը մոտենալով Կարենին ասել է <<Դու ինձ պետք է ասես, թե ինչ անեմ>> և բռնելով Կարենի հագուստներից, քաշել և իջեցրել է հարթակի վրայից այգու մեջ, ինչի հետևանքով Կարենը ընկել է գետնին և Գևորգը սկսել է ձեռքերով և ոտքերով հարվածել նրան: Ինքը, Մարետան և էլի մի քանի հոգի կանանցից, փորձել են բաժանել նրանց: Քանի որ խառնաշփոթ վիճակ է եղել, չի կարող ասել, թե ով ինչ է արել այդ ժամանակ, բայց կռիվ անողները եղել են միայն Կարենը և Գևորգը: Ի վերջո իրենք կարողացել են բաժանել Կարենին և Գևորգին: Կարենին իրենք կանանցով մի կողմ են տարել, իսկ Գևորգին ինչ-որ տղա մյուս կողմ է տարել: Երբ Գևորգին այդ տղան մի կողմ է տարել, մոտավորապես 10-15 մետր հեռու և խոսել են, Գևորգը հագուստը բարձրացրել է և ինքը տեսել է, որ նրա որովայնի վրա արյուն է, այդ ժամանակ Գևորգը խոսքն ուղղելով Կարենին` գոռացել է <<արա էս դանակով խփեցիր>>: Կարենն էլ ասել է, որ ինքը դանակով չի խփել, սակայն Գևորգը պնդել է, որ իրեն դանակով Կարենն է խփել: Հիշում է, որ այդ ժամանակ Գևորգն ասել է Կարենին, որ <<դու քո ընկերների հետ կորար>>: Գևորգին նստեցրել են արձանի պատվանդանի տակ և դրանից մի քանի րոպե անց եկել են մեկ կամ երկու հոգի, ովքեր ենթադրում է, որ Գևորգի ընկերներն են և Գևորգին տարել են հիվանդանոց: Կարենի կամ այլ անձի մոտ դանակ կամ այլ նմանատիպ առարկա չի տեսել: Վկա Աստղիկ Անանյանը ցուցմունքներ է տվել այն մասին, որ Գ.Սունդուկյանի անվան թատրոնի մոտ առևտրով է զբաղվում, Կարեն Պետրոսյանին տեսել է դեպքի օրը, Գևորգ Մնջոյանին չի ճանաչում: Դեպքի օրը ինքը առևտուր անելիս է եղել թատրոնի դիմաց: Կարեն Պետրոյանը մոր հետ եղել են իրենից 4 մետր հեռավորության վրա: Տեսել է, որ վեճ է եղել, վիճաբանության պատճառը չի իմացել: Վիճաբանողներին բաժանել են կանայք, տարբեր մարդիկ են եղել: Ինքը տեսել է Կարենին ընկած: Կռիվը հանդարտվելուց հետո, երբ Գևորգին բերել և նստեցրել են իրենց մոտ` մի քարի վրա, տեսել է, որ արյուն է գալիս: Գևորգը հարցրել է <<ով ինձ խփեց>>, առաջ է գնացել դեպի Կարենի ուղղությամբ, այնուհետև մարդիկ նրան օգնել են, տեղափոխել են հիվանդանոց: Վկա Ռոզա Ամիրջանյանը ցուցմունքներ է տվել այն մասին, որ զբաղվում է առևտրով, ճանաչում է Կարեն Պետրոսյանին, քանի որ վերջինս հաճախակի է այցելել իր մորը, Գևորգ Մնջոյանին չի ճանաչում: Դեպքի օրը իրենց կողքին առևտրով են զբաղվել նաև Կարենն ու նրա մայրը: Որոշ ժամանակ անց Կարենին և նրա մորը մոտեցել է մի անձնավորություն, ասել է, որ փողը տան: Կարենն ասել է, ինչ տեղի փող: Հետո հայհոյանքներ է լսել: Կարենին այդ տղան հայհոյել է, Կարենն ասել է, որ իր մայրն է այնտեղ, կան էլի կանայք, ասել է, որ չհայհոյի: Հետո կռվել են, ինքը չի մոտեցել, հետո երկու տղա մոտեցել են Գևորգին տարել են, ասել են, որ արյուն է գալիս, Գևորգը բացել է որովայնի հատվածը, ցույց է տվել որ արյուն է գալիս, ասել է, որ խփել են: Կոնկրետ անուն չի ասել, թե ով է խփել, դեպքի վայրում, ինչպես նաև Կարենի մոտ դանակ չի տեսել: Վկա Գեղանուշ Սիմոնյանը ցուցմունքներ է տվել այն մասին, որ զբաղվում է առևտրով, ճանաչում է Կարեն Պետրոսյանին, չի ճանաչում Գևորգ Մնջոյանին: Ինքը դեպքի վայր է հասել այն ժամանակ, երբ կռիվը հանդարտված է եղել և Գևորգը Կարենի ուղղությամբ բղավել է` <<էս դու խփեցիր>>: Կարենն ասել է <<ես քեզ չեմ խփել, սարքում ես>>: Տեսել է Գևորգին քարի վրա նստած, կողքը բռնած: Հետագայում իրեն ասել են, որ Կարենն է խփել Գևորգին: Դեպքից հետո երկու հոգի մոտեցել են Գևորգին, հարցրել են ով է խփել, Գևորգը ցույց է տվել Կարենին, նրանք մոտեցել են Կարենին, տեղի է ունեցել քաշքշուկ, սակայն կռիվ և ծեծկռտուք չի եղել: Իր իմանալով վիճաբանությունը տեղի է ունեցել տեղի գումարի համար: Եկել են գումար են ուզել, Կարենը չի տվել և այդպես վիճաբանություն է տեղի ունեցել: Կարենի ձեռքին դանակ չի տեսել: Վկա Ստելլա Աբրահամյանը ցուցմունքներ է տվել այն մասին, որ ճանաչում է Կարեն Պետրոսյանին, չի ճանաչում տուժող Գևորգ Մնջոյանին: Դեպքի օրը գնացել է Գ.Սունդուկյանի թատրոնի այգի` առևտուր անելու: Դեպքից ոչինչ չի տեսել: Ձայներ է լսել, մեքենայից դուրս է եկել, մտել է այգի, տեսել է, որ մարդիկ են հավաքված: Այտեղ Կարենին է տեսել, Գևորգին չի տեսել, ասել են, որ Կարենը դանակով խփել է Գևորգ Մնջոյանին, բայց ինքը հստակ չի կարող ասել եղել է այդպիսի բան, թե ոչ: Կարենը դանակ չի ունեցել, դեպքից 10 րոպե առաջ փնտրել է դանակ սկոչ կտրելու համար: Երբ ինքը մտել է այգի ոստիկաններն են եղել այնտեղ: Վկա Մարինե Կարաբաբյանը ցուցմունքներ է տվել այն մասին, որ ճանաչում է Կարեն Պետրոսյանին, քանի որ ինքն էլ է զբաղվում առևտրով և տեսել է նրան: Դեպքի օրը եղել է Արամ Խաչատրյանի անվան համերգասրահի մոտ, երբ հետ է եկել Գ.Սունդուկյանի անվան թատրոնի մոտ, արդեն առաջին սեանսը վերջացած է եղել: Թատրոնի դիմաց տեսել է Գևորգ Մնջոյանին պատուհանի տակ նստած, ձեռքը որովայնի հատվածում, այնուհետև նրան մոտեցել են իր ծանոթները, սպասել են շտապօգնության գալուն, սակայն քանի որ շտապօգնությունը ուշացել է, նրան այլ ավտոմեքենայով են տեղափոխել հիվանդանոց և չանցած հինգ րոպե եկել են ոստիկանության աշխատակիցները: 20 րոպե է եղել այգում: Ինքը առևտրականներից իմացել և իրավիճակին նայելուց հասկացել է, որ վիճաբանություն է տեղի ունեցել: Վկա Անդրանիկ Միքայելյանը ցուցմունքներ է տվել այն մասին, որ աշխատում է <<Անգլիական>> այգում որպես այգեպան: Չի ճանաչում Կարեն Պետրոսյանին, ճանաչում է Գևորգ Մնջոյանին որպես իրենց տնօրեն, քանի որ այգում առևտրականներ են հավաքվել և աղտոտել են այգին, իրենց վճարել են գումարներ, որպեսզի հավաքարարը այդ գումարների դիմաց մաքրի իրենց աղտոտած տարածքը: Դեպքի օրը գնացել է այդ գումարները հավաքելու: Առևտրականների մի մասը հրաժարվել է գումար տալուց, ինքը կանչել է տնօրենին, որպեսզի գա և նրանց դուրս հանի տարածքից: Տնօրենը եկել է, ինքը գնացել է թռչուններին կերակրելու: Երբ հետ է եկել, տեսել է, որ տնօրենը ինչ-որ մեկի հետ կանգնած զրուցում է: Սկզբում չի մոտեցել, այնուհետև մոտեցել ու տեսել է, որ տնօրենի որովայնի հատվածից արյուն է գալիս, ինչը տեսնելով նրան տարել են, նստեցրել են քարին, փորձել են օգնություն ցույց տալ: Ինքը չի մասնակցել կռվին, այդտեղ չի եղել, չգիտի ով է հարվածել Գևորգին: Նա ասել է, որ առևտրականներից մեկի հետ խնդիր է ունեցել, ով իրեն խփել է, բայց կոնկրետ այլ բան չի ասել: Ինքը հետո է իմացել, որ Գևորգի հետ խնդիր ունեցողը ոստիկան է եղել:: Վկա Սամվել Բաբայանը ցուցմունքներ է տվել այն մասին, որ չի ճանաչում Կարեն Պետրոսյանին, Գևորգ Մնջոյանի հետ ունի ընկերական հարաբերություններ: 2014 թվականի հունվարի 08-ին Գևորգը զանգահարել և ասել է, որ իրեն խփել են: Ճշտել է Գևորգի տեղը և գնացել է <<Անգլիական>> այգի: Երբ հասել է Գևորգը ինչ-որ մեկի հետ կանգնած է եղել: Ինքը հարցրել է` ինչ է տեղի ունեցել, Գևորգն ասել է, որ խփել են իրեն: Այդ տղային էլ հարցրել է, թե նա ով է, վերջինս պատասխանել է, որ ոստիկանության աշխատակից է: Հարցրել է` ով է խփել, Գևորգը գլխով ցույց է տվել 20-25 մետր հեռավորության վրա գտնվող մոտ 30 հոգի մարդկանց: Կարեն Պետրոսյանին անձնապես չի ասել, որ չփախչի, ինքը բոլորին է ասել, որ չփախչեն մինչև ոստիկանությունը գա: Վկա Սիմոն Ավետիսյանը ցուցմունքներ է տվել այն մասին, որ հանդիսանում է <<Բյուրակն>> ընկերության նախագահ, չի ճանաչում Կարեն Պետրոսյանին, ճանաչում է Գևորգ Մնջոյանին: Դեպքի օրը նստած է եղել գրասենյակում, երբ Սամվել Բաբայանին զանգ է եկել և ասել են, որ կռիվ է եղել: Սամվելը գնացել է, մինչև ինքը հասել է, տեսել է, որ արյուն է գալիս: Սամվելը և ինչ-որ ոստիկանության աշխատակից Գևորգին տարել են հիվանդանոց: Գևորգի հետ խոսել է վիրահատությունից հետո, նա իրեն ասել է, որ չգիտի ով է խփել իրեն: Վիճաբանությունը եղել է աղբը հավաքելու համար գումարներ հավաքելու շուրջ առևտրականների հետ: Վկա Սաթիկ Պետրոսյանը ցուցմունքներ է տվել այն մասին, որ աշխատում է <<Անգլիական>> այգում որպես հավաքարար, չի ճանաչում Կարեն Պետրոսյանին, Գևորգ Մնջոյանի հետ ծանոթացել է աշխատանքի ընդունվելու հետ կապված հարցերով: Ինքը դեպքի մասին ոչինչ չգիտի, դեպքի օրը ինքը շուտ է գնացել տուն, երբ հաջորդ օրը եկել է աշխատանքի, Անդրանիկն իրեն ասել է, որ դեպք է տեղի ունեցել: Անդրանիկը հավաքել է առևտրականներից գումարներ, իրեն ասել է, որ յուրաքանչյուրից 50-200 դրամ գումարներ է հավաքել, ընդհանուր հավաքվել է 8000 դրամ գումար, որից 4000 դրամ գումարը տվել է իրեն, իսկ մնացածը պահել է իր մոտ: Վկա Հրանտ Հարությունյանը ցուցմունք է տվել այն մասին, որ աշխատում է ՀՀ ոստիկանության Կենտրոնական բաժնի քրեական հետախուզության բաժնի ավագ օպերլիազոր, որտեղից էլ ճանաչել է Կարեն Պետրոսյանին: Դեպքի մասին ռադիոկապով իմանալուց հետո իր ծառայողական մեքենայով գնացել է այնտեղ, զրուցել Կարենի հետ, ով իրեն ասել է, որ վիճաբանություն է տեղի ունեցել, սակայն մանրամասները չգիտի, իմացել է նաև, որ ինչ-որ մեկին հիվանդանոց են տարել: Վկա, ՀՀ ոստիկանության պետական պահպանության գլխավոր վարչության կենտրոնական բաժնի վաշտի հրամանատար Արմեն Բեջանյանը ցուցմունքներ է տվել է այն մասին, որ Կարեն Պետրոսյանը հանդիսացել է իրենց վաշտի ոստիկաններից մեկը: 2014թ-ի հունվարի 08-ին ժամը 19-ի սահմաններում զանգահարել է իրենց աշխատակիցներից Գեղամ Ամիրջանյանը և զեկուցել, որ Սունդուկյանի թատրոնի մոտ վիճաբանություն է տեղի ունեցել, մարդ են դանակահարել: Դեպքի վայր է ուղարկել օպերատիվ խումբ, իսկ քիչ անց զանգահարել է Կարեն Պետրոսյանը և նրան ասել է, որ օգնի Գեղամին: Չի իմացել, որ վիճաբանությունը Կարենի հետ է տեղի ունեցել: Իրեն ասել են, որ մարմնական վնասվածք կա, գնացել է դեպքի վայր: Երբ տեղ է հասել, դեպքի վայրի զննությունը ավարտվելիս է եղել: Կարեն Պետրոսյանն իրեն ասել է, որ տեղի գումարի հետ կապված վիճաբանություն է տեղի ունեցել, իրեն հայհոյել են, քաքշել են, գցել են գետնին, ինքը չի հարվածել: Հարցրել է Կարենին ինչպես է եղել, որ Գևորգը վնասվածք է ստացել, նա պատասխանել է, որ ինքն էլ չգիտի, թե ինչպես է դա ստացվել: Դեպքից հետո Կարենը դեռևս աշխատել է, աշխատանքի է գնացել մինչև կալանավորվելը, ինքը անընդմեջ հարցրել է ինչպես է պատահել, սակայն նա միշտ նույնն է պատասխանել` ասելով, որ տեղյակ չէ, թե ինչպես է մարմնական վնասվածք հասցվել Գևորգ Մնջոյանին: Դեպքի վայրի զննության մասին 2014թ-ի հունվարի 10-ի արձանագրության և դրան կից լուսանկարչական հավելվածի համաձայն` Գեղամ Ամիրջանյանը մատնացույց է արել թատրոնի դիմաց` <<Անգլիական>> կոչվող այգու այն հատվածը, որտեղ 2014 թվականի հունվարի 08-ին տեղի է ունեցել Կարեն Պետրոսյանի և Գևորգ Մնջոյանի միջև վիճաբանությունը: Համաձայն անձին բերման ենթարկելու մասին արձանագրության` Կարեն Պետրոսյանը 2014 թվականի հունվարի 08-ին ժամը 19:40-ին, Երևան քաղաքի <<Անգլիական>> կոչվող այգուց ՀՀ ոստիկանության կենտրոնականի բաժին է բերման ենթարկվել մարմնական վնասվածք պատճառելու կասկածանքով: Համաձայն իրեղեն ապացույցները ներկայացնելու, զննելու և վերցնելու մասին արձանագրության` 2014 թվականի հունվարի 08-ին ՀՀ ոստիկանության ՔԳՎ Երևանի քննչական վարչության կենտրոնականի քննչական բաժնի ՀԿԳ ավագ քննիչ Հ.Սարգսյանին <<Արամյանց>> բժշկական կենտրոնի վիրահատարանի բուժքրոջ կողմից ներկայացվել են տուժող Գևորգ Մնջոյանի հագուստները, որոնք զննվել և վերցվել են: Համաձայն 2014 թվականի հունվարի 14-ի <<Արամյանց>> բժշակական կենտրոնի ավագ հերթապահ վիրաբույժ Ա.Կիրակոսյանի կողմից տրված տեղեկանքի` Գևորգ Մնջոյանը <<Արամյանց>> բժշկական կենտրոն ընդունվել է 2014 թվականի հունվարի 08-ին ժամը 19:20-ին` որովայնի կտրած-ծակած թափանցող վերք ախտորոշմամբ: Գևորգ Մնջոյանը վիրահատվել է, որի ընթացքում պարզվել է, որ վնասվել է մեծ ճարպոնը: Համաձայն 2014 թվականի հունվարի 20-ի դատաբժշկական փորձաքննության թիվ 36/հ եզրակացության` Գևորգ Մնջոյանի մարմնական վնասվածքները` որովայնի առաջային պատի թափանցող, մեծ ճարպոնի վնասումով ծակած-կտրած վերքի, կրծքավանդակի ձախ կեսի շրջանի կտրած-ծակած վերքի ձևով պատճառվել են սուր ծակող-կտրող գործիքով, որոնք առողջությանը պատճառել են ծանր վնաս` կյանքին վտանգ սպառնացող: Համաձայն դատաբժշկական փորձաքննության թիվ 1 եզրակացության` փորձաքննությանը ներկայացված Գևորգ Մնջոյանից վերցված արյան նմուշն ըստ արյան ABO իզոշճաբանական համակարգի պատկանում է արյան AB խմբին, իսկ փորձաքննության ներկայացված` Գևորգ Մնջոյանի բաճկոնի, ջեմպրի, կիսաթև և անթև մայկաների, անդրավարտիքի, գոտու և կոշիկի վրա առկա կասկածելի արնանման հետքերում հաստատվել է մարդկային ծագման արյան AB խումբ ունեցող որևէ անձից, այդ թվում` հնարավոր էր նաև առաջանար Գևորգ Մնջոյանից: <<Adidas>> գրառումով սև բաճկոնը, <<bossini>> գրառումով երկարաթև սև ջեմպրը, <<Melante>> գրառումով կիսաթև սև մայկան, <<MYC 02>> գրառումով անթև սև մայկան, <<DAWSIN>> գրառումով շագանակագույն վիլվետի կտորից անդրավարտիքը, սև կաշվե գոտին, կանաչ թաշկինակը, <<BLUE WEX>> գրառումով մեկ զույգ շագանակագույն կոշիկը`ճանաչվել են իրեղեն ապացույցներ։ Պաշտպան Յու. Ալոյանի կողմից վերաքննիչ բողոքում բերված պատճառաբանությունները հերքվում են նաև հետևյալով: -Ինչպես նախաքննական մարմինը, այնպես էլ դատարանը ճիշտ քրեաիրավական գնահատական են տվել Կարեն Պետրոսյանի արարքին` գործի փաստական հանգամանքներով ապացուցված համարելով, որ նա 2014 թվականի հունվարի 08-ին ժամը 18:45-ի սահմաններում Երևան քաղաքի <<Անգլիական>> կոչվող այգում, Գ.Սունդուկյանի անվան թատրոնի դիմաց, խաղալիքների մանրածախ առևտրով զբաղվող իր մորից գումարներ պահանջելու հարցի շուրջ վիճաբանության և ծեծկռտուքի մեջ է մտել Գևորգ Մնջոյանի հետ, որի ընթացքում դանակով երկու անգամ հարվածել է Գևորգ Մնջոյանի որովայնին և կրծքավանդակին` դիտավորությամբ պատճառելով կյանքին վտանգ սպառնացող ծանր վնաս` որովայնի առաջային պատի թափանցող, մեծ ճարպոնի վնասումով ծակած-կտրած վերքի, կրծքավանդակի ձախ կեսի շրջանի կտրած վերքի ձևով: -Գործի փաստական տվյալներով չի արձանագրվել որևէ հանգամանք, որը կարող էր բավարար հիմք հանդիսանալ տուժող Գևորգ Մնջոյանի և վկաների ցուցմունքները անարժանահավատ համարելու համար, առավել ևս, որ դրանցում որևէ էական հակասություն չկա և դրանք իրենց համակցությամբ թույլատրելի և բավարար են ամբաստանյալ Կարեն Պետրոսյանին մեղսագրված հանցանքը հիմնավորված համարելու համար: Գործով ձեռք բերված ապացույցների համակցությամբ գնահատելով տուժողի և վկաների ցուցմունքները, վերաքննիչ դատարանը փաստում է, որ դրանք որոշակիորեն միտված են մեղմացնելու Կարեն Պետրոսյանի պատասխանատվությունը կամ նրան զերծ պահելու քրեական պատասխանատվությունից, ինչպես նաև ամբաստանյալին որպես տուժող Մնջոյանին անմիջականորեն վնասվածք պատճառողի մատնանշելուց` հաշվի առնելով նաև նրա սոցիալական կարգավիճակն ու իրենց հետ ունեցած փոխհարաբերությունները: -Ինչ վերաբերում է Գ.Սունդուկայնի անվան թատրոնի տարածքի տեսաձայնագրմանն ու դրանց կրիչների առգրավմանը, ապա ի հակառակ ամբաստանյալ Պետրոսյանի պնդումների, գործում առկա է թատրոնի տնօրեն Մ.Դավթյանի գրությունն ի պատասխան նախաքննական մարմնի հարցման, առ այն, որ 04.01.2014թ-ին թատրոնի շրջակայքը նկարահանող տեսախցիկները չեն աշխատել, որի պատճառով այդ ժամանակահատվածի տեսագրությունները իրենք չեն կարող տրամադրել քննությանը: -Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի կողմից պահպանվել են ՀՀ Սահմանադրության, ՀՀ քրեադատավարական օրենսդրության, Մարդու իրավունքների և հիմնարար ազատություների պաշտպանության մասին Եվրոպական կոնվենցիայի, ինչպես նաև ՀՀ Վճռաբեկ դատարանի նախադեպային որոշումների պահանջները: Վերաքննիչ դատարանը յուրաքանչյուր ապացույց գնահատելով վերաբերելիության, թույլատրելիության, իսկ ամբողջ ապացույցներն իրենց համակցության մեջ, գտնում է, որ ամբաստանյալ Կարեն Պետրոյսնաը 2014 թվականի հունվարի 08-ին վիճաբանության և ծեծկռտուքի մեջ է մտել Գևորգ Մնջոյանի հետ, որի ընթացքում դանակով երկու անգամ հարվածել է նրա որովայնին և կրծքավանդակին` դիտավորությամբ պատճառելով կյանքին վտանգ սպառնացող ծանր վնաս, այսինքն կատարել հանցանք, որը համապատասխանում է ՀՀ քրեական օրենսգրքի 112-րդ հոդվածի 1-ին մասի հանցակազմին և նրա ու պաշտպանի կողմից բերված պատճառաբանությունները հերքվում են գործի փաստական հանգամանքների վերոնշյալ ամբողջությամբ: Այսպիսով, հիմք ընդունելով նաև առաջին ատյանի դատարանի պատճառաբանություններն ու իրավական վերլուծությունները, գործով ձեռք բերված ապացույցների գնահատմամբ վերաքննիչ դատարանը հանգում է այն հետևության, որ ամբաստանյալ Կարեն Պետրոսյանի վերաբերյալ ՀՀ քրեական օրենսգրքի 112-րդ հոդվածի 1-ին մասով Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 2014 թվականի դեկտեմբերի 24-ի դատավճիռն օրինական է ու հիմնավորված, այն բեկանելու և փոփոխելու հիմքեր չկան, ուստի վիճարկվող դատական ակտը պետք է թողնել անփոփոխ, իսկ պաշտպան Յու.Ալոյանի վերաքննիչ բողոքը` մերժել: Ելնելով վերոգրյալից և ղեկավարվելով ՀՀ քրեական դատավարության օրենսգրքի 393-394 հոդվածներով վերաքննիչ դատարանը Ո Ր Ո Շ Ե Ց Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 2014 թվականի դեկտեմբերի 24-ի դատավճիռը քրեական գործով ըստ մեղադրանքի Կարեն Վաչագանի Պետրոսյանի` ՀՀ քրեական օրենսգրքի 112-րդ հոդվածի 1-ին մասով թողնել անփոփոխ, պաշտպանի վերաքննիչ բողոքը` մերժել: Սույն որոշումը կարող է բողոքարկվել ՀՀ վճռաբեկ դատարանին` հրապարակումից մեկամսյա ժամկետում: ՆԱԽԱԳԱՀՈՂ ԴԱՏԱՎՈՐ` ստորագրություն ԴԱՏԱՎՈՐՆԵՐ` ստորագրություններ Իսկականի հետ ճիշտ է` ՆԱԽԱԳԱՀՈՂ ԴԱՏԱՎՈՐ` Մ.ԱՐՂԱՄԱՆՅԱՆ |
|---|---|
| Դատական ակտի ամսաթիվը | 01-04-2015 |
Գործը հանձնվել է գրասենյակ
| Ամսաթիվ | 06-05-2015 |
|---|---|
| Էջերի քանակը | 213, 175, 142, 164, 197 |
Գործն ուղարկվել է
| Գործն ուղարկվել է | 06-05-2015 |
|---|---|
| Էջերի քանակը | 213, 175, 142, 164, 197 |
| Ուր | Վճռաբեկ |
| Գրության համարը | Ե-8808/15 |
Գործը բողոքարկվել է
| Ամսաթիվ | 17-07-2015 |
|---|
Դատական գործ N: ԵԿԴ/0060/01/14
Վճռաբեկ
Ստացվել է վճռաբեկ բողոք
| Բողոքի ստացման ամսաթիվ | 04-05-2015 |
|---|---|
| Բողոք բերող անձինք | Ամբաստանյալի պաշտպան |
| Բողոք բերող անձինք | |
| Անուն | Յ |
| Ազգանուն | Ալոյան |
| Հասցե | --------------- |
| Սեռ | 0 |
| Լրացուցիչ ինֆորմացիա | ամբաստանյալ` Կարեն Վաչագանի Պետրոսյան |
| Չափահաս | Այո |
| Բողոքը ստացվել է | Գործն ըստ էության լուծող դատական ակտի դեմ |
Գործը ստացվել է վճռաբեկ դատարան
| Գործի առաքման ամսաթիվը | 06-05-2015 |
|---|---|
| Գրության համարը | Ե-8808 |
| Գործի ստացման ամսաթիվը | 11-05-2015 |
| Քրեական գործի հատորներ /փաստաթղթեր/ | 5 հատոր |
| Գործի համարը | ԵԿԴ/0060/01/14 |
| Գործը ստացվել է | Քրեական վերաքննիչ |
| Պատասխանատվության ենթարկվածների թիվը | 1 |
Մակագրել
| Ամսաթիվ | 11-05-2015 |
|---|---|
| Նախագահող դատավոր | |
| Անուն | Դավիթ |
| Ազգանուն | Ավետիսյան |
| Դատավոր | |
| Անուն | Ելիզավետա |
| Ազգանուն | Դանիելյան |
Բողոքը վերադարձվել է թերությունները վերացնելու համար
| Ամսաթիվ | 11-06-2015 |
|---|---|
| Ժամկետ | 25 օր |
| Որոշման եզրափակիչ մաս | ԵԿԴ/0060/01/14 ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՎՃՌԱԲԵԿ ԴԱՏԱՐԱՆ Ո Ր Ո Շ ՈՒ Մ ՎՃՌԱԲԵԿ ԲՈՂՈՔԸ ՎԵՐԱԴԱՐՁՆԵԼՈՒ ՄԱՍԻՆ 11 հունիսի 2015 թվական ք.Եր¨ան ՀՀ վճռաբեկ դատարանի քրեական պալատը (այսուհետ` Վճռաբեկ դատարան), նախագահությամբ Դ.ԱՎԵՏԻՍՅԱՆԻ մասնակցությամբ դատավորներ Ե.ԴԱՆԻԵԼՅԱՆԻ Հ.ԱՍԱՏՐՅԱՆԻ Ս. ԱՎԵՏԻՍՅԱՆԻ Ա.ՊՈՂՈՍՅԱՆԻ Ս.ՕՀԱՆՅԱՆԻ քննարկելով ՀՀ վերաքննիչ քրեական դատարանի 2015 թվականի ապրիլի 1-ի որոշման դեմ ամբաստանյալ Կարեն Վաչագանի Պետրոսյանի պաշտպան Յու.Ալոյանի վճռաբեկ բողոքը վարույթ ընդունելու հարցը` պարզեց, որ այն պետք է վերադարձնել հետ¨յալ պատճառաբանությամբ: ՀՀ քրեական դատավարության օրենսգրքի 407-րդ հոդվածի 2.2-րդ մասի համաձայն` «Վճռաբեկ բողոքը սույն օրենսգրքի 414.2 հոդվածի 1-ին մասի 1-ին կետի հիմքով ներկայացնելու դեպքում բողոքը բերած անձը պետք է հիմնավորի, որ դրա վերաբերյալ վճռաբեկ դատարանի որոշումը կնպաստի օրենքի միատեսակ կիրառության ապահովմանը, մասնավորապես վճռաբեկ բողոքում հիմնավորելով, որ` 1) տարբեր գործերով ստորադաս դատարանների առնվազն երկու դատական ակտում մի¨նույն նորմը կիրառվել է հակասական մեկնաբանությամբ` կցելով այդ դատական ակտերը ¨ մեջբերելով դրանց հակասող մասերը` կատարելով համեմատական վերլուծություն` բողոքարկվող դատական ակտի ¨ նույնանման փաստական հանգամանքներով մեկ այլ գործով ստորադաս դատարանի դատական ակտի մի¨նույն նորմի` իրար հակասող մեկնաբանության վերաբերյալ. 2) բողոքարկվող դատական ակտում որ¨է նորմի մեկնաբանությունը հակասում է Հայաստանի Հանրապետության սահմանադրական դատարանի որոշման եզրափակիչ մասում բացահայտված` տվյալ նորմի սահմանադրաիրավական բովանդակությանը` կցելով Հայաստանի Հանրապետության սահմանադրական դատարանի որոշումը ¨ մեջբերելով ստորադաս դատարանի դատական ակտի այն մասը, որը հակասում է Հայաստանի Հանրապետության սահմանադրական դատարանի որոշման եզրափակիչ մասին, կատարելով համեմատական վերլուծություն` բողոքարկվող դատական ակտի ¨ Հայաստանի Հանրապետության սահմանադրական դատարանի որոշման եզրափակիչ մասի միջ¨ առկա հակասության վերաբերյալ. 3) բողոքարկվող դատական ակտում որ¨է նորմի մեկնաբանությունը հակասում է Մարդու իրավունքների եվրոպական դատարանի որոշման մեջ տվյալ նորմին տրված մեկնաբանությանը` կցելով այդ դատական ակտերը ¨ մեջբերելով դրանց հակասող մասերը, կատարելով համեմատական վերլուծություն` բողոքարկվող դատական ակտի ¨ որոշակի փաստական հանգամանքներ ունեցող գործով Մարդու իրավունքների եվրոպական դատարանի դատական ակտի հակասության վերաբերյալ. 4) բողոքարկվող դատական ակտում որ¨է նորմի մեկնաբանությունը հակասում է Հայաստանի Հանրապետության վճռաբեկ դատարանի որոշման մեջ տվյալ նորմին տրված մեկնաբանությանը` կցելով այդ դատական ակտերը ¨ մեջբերելով դրանց հակասող մասերը, կատարելով համեմատական վերլուծություն` բողոքարկվող դատական ակտի ¨ նույնանման փաստական հանգամանքներ ունեցող գործով Հայաստանի Հանրապետության վճռաբեկ դատարանի դատական ակտի միջ¨ առկա հակասության վերաբերյալ. 5) բողոքարկվող դատական ակտի կապակցությամբ առկա է իրավունքի զարգացման խնդիր»: Մինչդեռ վճռաբեկ բողոքի ուսումնասիրությունից եր¨ում է, որ թե¨ բողոք բերած անձը նշել է, որ բողոքում բարձրացված հարցի վերաբերյալ վճռաբեկ դատարանի որոշումը կարող է էական նշանակություն ունենալ օրենքի միատեսակ կիրառության համար, սակայն չի վկայակոչել ՀՀ քրեական դատավարության օրենսգրքի 407-րդ հոդվածի 2.2-րդ մասի որ¨է կետի հիմնավորում: Հետ¨աբար, ՀՀ քրեական դատավարության օրենսգրքի 407-րդ հոդվածի 2.2-րդ մասի պահանջը պահպանված չէ: Բացի այդ, ՀՀ քրեական դատավարության օրենսգրքի 407-րդ հոդվածի 21-րդ մասի համաձայն՝ բողոքին կցվում են բողոքի պատճենը, գործը քննած դատարան ¨ դատավարության մասնակիցներին (բացառությամբ քննիչի ¨ հետաքննության մարմնի) ուղարկված լինելը հավաստող փաստաթղթերը: Բողոքի ուսումնասիրությունից եր¨ում է, որ բացակայում է բողոքի պատճենը տուժողին ուղարկված լինելը հավաստող փաստաթուղթը: Այսինքն, ՀՀ քրեական դատավարության օրենսգրքի 407-րդ հոդվածի 21-րդ մասի պահանջը նույնպես պահպանված չէ: ՀՀ քրեական դատավարության օրենսգրքի 414.1-րդ հոդվածի 1-ին մասի համաձայն` վճռաբեկ բողոքը վերադարձվում է, եթե այն չի համապատասխանում ՀՀ քրեական դատավարության օրենսգրքի 407-րդ հոդվածի պահանջներին: ՀՀ քրեական դատավարության օրենսգրքի 414.1-րդ հոդվածի 4-րդ մասի համաձայն` «Վճռաբեկ դատարանը բողոքը վերադարձնելու մասին որոշմամբ սահմանում է մինչ¨ մեկամսյա ժամկետ` ձ¨ական սխալները շտկելու ¨ վճռաբեկ բողոքը կրկին ներկայացնելու համար»: Վճռաբեկ դատարանը գտնում է, որ տվյալ դեպքում ներկայացված վճռաբեկ բողոքի ձ¨ական սխալները շտկելու ¨ այն կրկին ներկայացնելու համար պետք է սահմանել 25-օրյա ժամկետ: Հաշվի առնելով վերոշարադրյալ հիմնավորումները ¨ ղեկավարվելով ՀՀ Սահմանադրության 92-րդ հոդվածով, ՀՀ քրեական դատավարության օրենսգրքի 414.1-րդ հոդվածի 1-ին, 3-րդ ¨ 4-րդ մասերով` Վճռաբեկ դատարանը Ո Ր Ո Շ Ե Ց ՀՀ վերաքննիչ քրեական դատարանի 2015 թվականի ապրիլի 1-ի որոշման դեմ ամբաստանյալ Կարեն Վաչագանի Պետրոսյանի պաշտպան Յու.Ալոյանի վճռաբեկ բողոքը վերադարձնել: Վճռաբեկ բողոքի ձ¨ական սխալները շտկելու ¨ այն կրկին ներկայացնելու համար սահմանել 25-օրյա ժամկետ` սույն որոշումը ստանալու պահից: Սահմանված ժամկետում բողոքը չներկայացնելու դեպքում այն համարվում է չտրված: Որոշումն օրինական ուժի մեջ է մտնում կայացման պահից, վերջնական է ¨ ենթակա չէ բողոքարկման: Նախագահող՝ Դ.ԱՎԵՏԻՍՅԱՆ Դատավորներ` Ե.ԴԱՆԻԵԼՅԱՆ Հ.ԱՍԱՏՐՅԱՆ Ս.ԱՎԵՏԻՍՅԱՆ Ա.ՊՈՂՈՍՅԱՆ Ս.ՕՀԱՆՅԱՆ |
Սահմանված ժամկետում կրկին ներկայացվել է բողոք
| Բողոքի ներկայացման ամսաթիվը | 10-07-2015 |
|---|---|
| Բողոք բերող անձինք | |
| Անուն | Յ |
| Ազգանուն | Ալոյան |
| Հասցե | --------------- |
| Սեռ | 0 |
Վճռաբեկ բողոքը վարույթ ընդունելը մերժվել է
| Ամսաթիվ | 12-10-2015 |
|---|---|
| Որոշման բովանդակություն | ԵԿԴ/0060/01/14 ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՎՃՌԱԲԵԿ ԴԱՏԱՐԱՆ Ո Ր Ո Շ ՈՒ Մ ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎՃՌԱԲԵԿ ԲՈՂՈՔԸ ՎԱՐՈՒՅԹ ԸՆԴՈՒՆԵԼԸ ՄԵՐԺԵԼՈՒ ՄԱՍԻՆ 12 հոկտեմբերի 2015 թվական ք.Եր¨ան ՀՀ վճռաբեկ դատարանի քրեական պալատը (այսուհետ` Վճռաբեկ դատարան), նախագահությամբ Դ.ԱՎԵՏԻՍՅԱՆԻ մասնակցությամբ դատավորներ Ե.ԴԱՆԻԵԼՅԱՆԻ Հ.ԱՍԱՏՐՅԱՆԻ Ս. ԱՎԵՏԻՍՅԱՆԻ Ա.ՊՈՂՈՍՅԱՆԻ քննարկելով ՀՀ վերաքննիչ քրեական դատարանի 2015 թվականի ապրիլի 1-ի որոշման դեմ ամբաստանյալ Կարեն Վաչագանի Պետրոսյանի պաշտպան Յու.Ալոյանի վճռաբեկ բողոքը վարույթ ընդունելու հարցը, Պ Ա Ր Զ Ե Ց Եր¨անի Կենտրոն ¨ Նորք-Մարաշ վարչական շրջանների ընդհանուր իրավասության առաջին ատյանի դատարանի 2014 թվականի դեկտեմբերի 24-ի դատավճռով Կարեն Վաչագանի Պետրոսյանը մեղավոր է ճանաչվել ՀՀ քրեական օրենսգրքի 112-րդ հոդվածի 1-ին մասով, ¨ նրա նկատմամբ պատիժ է նշանակվել ազատազրկում` 4 տարի ժամկետով: Ամբաստանյալ Կ.Պետրոսյանի պաշտպան Յու.Ալոյանի վերաքննիչ բողոքի քննության արդյունքում ՀՀ վերաքննիչ քրեական դատարանը 2015 թվականի ապրիլի 1-ի որոշմամբ բողոքը մերժել է` օրինական ուժի մեջ թողնելով Եր¨անի Կենտրոն ¨ Նորք-Մարաշ վարչական շրջանների ընդհանուր իրավասության առաջին ատյանի դատարանի 2014 թվականի դեկտեմբերի 24-ի դատավճիռը: ՀՀ վերաքննիչ քրեական դատարանի վերոգրյալ որոշման դեմ վճռաբեկ բողոք է բերել ամբաստանյալ Կ.Պետրոսյանի պաշտպան Յու.Ալոյանը: Վճռաբեկ դատարանը 2015 թվականի հունիսի 11-ի որոշմամբ ներկայացված բողոքը վերադարձրել է` տրամադրելով 25-օրյա ժամկետ` թերությունները վերացնելու, բողոքը ՀՀ քրեական դատավարության օրենսգրքի 407-րդ հոդվածի պահանջներին համապատասխանեցնելու ¨ կրկին ներկայացնելու համար: Ամբաստանյալ Կ.Պետրոսյանի պաշտպան Յու.Ալոյանը կրկին ներկայացրել է վճռաբեկ բողոք` խնդրելով բեկանել ՀՀ վերաքննիչ քրեական դատարանի 2015 թվականի ապրիլի 1-ի որոշումը ¨ Կ.Պետրոսյանի նկատմամբ քրեական գործի վարույթը կարճել` նրա արարքում հանցակազմի բացակայության պատճառաբանությամբ: Բողոք բերած անձը փաստարկել է, որ բողոքը պետք է վարույթ ընդունվի, քանի որ առկա է ՀՀ քրեական դատավարության օրենսգրքի 414.2-րդ հոդվածի 1-ին մասի 2-րդ կետով սահմանված հիմքը, այն է` առեր¨ույթ թույլ է տրվել դատական սխալ, որը կարող էր ազդել գործի ելքի վրա: Բողոքի հեղինակը նշել է, որ ստորադաս դատարանը խախտել է ՀՀ քրեական դատավարության օրենսգրքի 35-րդ, 366-րդ, 397-րդ ¨ 398-րդ հոդվածների պահանջները: Բողոքաբերի փաստարկների, գործի նյութերի ¨ բողոքարկվող դատական ակտի պատճառաբանությունների համադրված վերլուծության արդյունքում Վճռաբեկ դատարանը գտնում է, որ բողոքաբերի կողմից չի հիմնավորվել, որ առեր¨ույթ թույլ է տրվել դատական սխալ, որը կարող էր ազդել գործի ելքի վրա: Հետ¨աբար, բերված բողոքում ՀՀ քրեական դատավարության օրենսգրքի 414.2-րդ հոդվածի 1-ին մասի 2-րդ կետով սահմանված հիմքը հիմնավորված չէ: ՀՀ քրեական դատավարության օրենսգրքի 414.3-րդ հոդվածի 1-ին մասի համաձայն` վճռաբեկ բողոքը վարույթ ընդունելը մերժվում է, եթե բացակայում են նույն օրենսգրքի 414.1-րդ հոդվածի 1-ին ¨ 2-րդ մասերով ¨ 414.2-րդ հոդվածի 1-ին մասով նախատեսված հիմքերը, ուստի ներկայացված բողոքը վարույթ ընդունելը ենթակա է մերժման: Հաշվի առնելով վերոշարադրյալ հիմնավորումները ¨ ղեկավարվելով ՀՀ Սահմանադրության 92-րդ հոդվածով, ՀՀ քրեական դատավարության օրենսգրքի 414.3-րդ հոդվածով` Վճռաբեկ դատարանը Ո Ր Ո Շ Ե Ց ՀՀ վերաքննիչ քրեական դատարանի 2015 թվականի ապրիլի 1-ի որոշման դեմ ամբաստանյալ Կարեն Վաչագանի Պետրոսյանի պաշտպան Յու.Ալոյանի վճռաբեկ բողոքը վարույթ ընդունելը մերժել: Որոշումն օրինական ուժի մեջ է մտնում կայացման պահից, վերջնական է ¨ ենթակա չէ բողոքարկման: Նախագահող՝ Դ.ԱՎԵՏԻՍՅԱՆ Դատավորներ` Ե.ԴԱՆԻԵԼՅԱՆ Հ.ԱՍԱՏՐՅԱՆ Ս.ԱՎԵՏԻՍՅԱՆ Ա.ՊՈՂՈՍՅԱՆ |
Որոշումը ուղարկվել է կողմերին
| Ամսաթիվ | 14-10-2015 |
|---|
Գործի առաքում
| Գործի առաքման ամսաթիվ | 22-10-2015 |
|---|---|
| Դատարան | Կենտրոն և Նորք-Մարաշ |
| Այլ նշումներ | 5 հատոր` 213, 175, 142, 164, 252 թերթ: |