գործ ԵԿԴ/0047/01/14
Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը

Նախագահությամբ դատավոր` Արմեն Բեկթաշյանի
քարտուղարությամբ` Կարինե Կարապետյանի

մասնակցությամբ`
եղադրող` Արթուր Մանուկյանի

ամբաստանյալ` Տիգրան Հովհաննիսյանի

2014 թվականի մայիսի 26-ին, Երևան քաղաքում, դռնբաց դատական նիստում, քննեց քրեական գործն ըստ մեղադրանքի`

Տիգրան Գևորգի Հովհաննիսյանի` ծնված 29.07.1960 թվականին Կոտայքի մարզի Առինջ գյուղում, ազգությամբ հայ, ՀՀ քաղաքացի, ամուսնացած, խնամքին ոչ ոք, միջնակարգ կրթությամբ, չի աշխատել, նախկինում երկու անգամ դատված`
1.Երևան քաղաքի Մալաթիա-Սեբաստիա վարչական շրջանների ընդհանուր իրավասության դատարանի 2010 թվականի հոկտեմբերի 01-ի դատավճռով ՀՀ քրեական օրենսգրքի 268-րդ հոդվածի 1-ին մասով դատապարտվել է կալանքի 15 /տասնհինգ/ օր ժամկետով: 2010 թվականի նոյեմբերի 10-ից մինչև 24-ը կրել է դատավճռով սահմանված պատիժը, դատվածությունը չմարված,
2. ՀՀ Կոտայքի մարզի ընդհանուր իրավասության դատարանի 2012 թվականի փետրվարի 27-ի դատավճռով ՀՀ քրեական օրենսգրքի 38-233-րդ հոդվածի 1-ին մասով դատապարտվել է ազատազրկման 1 /մեկ/ տարի ժամկետով: 2012 թվականի հուլիսի 27-ին պայմանական վաղաժամկետ ազատվել է 3 /երեք/ ամիս 13 /տասներեք/ օր պատիժը կրելուց, դատվածությունը չմարված, հաշվառված և բնակվել է Կոտայքի մարզի, Առինջ գյուղի, Մաշտոցի 3 փակուղու թիվ 3 տանը:

Տիգրան Գևորգի Հովհաննիսյանը մեղադրվում է ՀՀ քրեական օրենսգրքի 268-րդ հոդվածի 1-ին մասով:
2013 թվականի դեկտեմբերի 01-ի որոշմամբ Տիգրան Գևորգի Հովհաննիսյանի նկատմամբ որպես խափանման միջոց է ընտրվել ստորագրություն չհեռանալու մասին:

Գործի դատավարական նախապատմությունը.

2013 թվականի նոյեմբերի 12-ին` ժամը 22:00-ին, ՀՀ ոստիկանության Կենտրոնականի բաժնի ՔՀԲ աշխատակիցները ոստիկանության ԵՔՎ-ի աշխատակիցների հետ համատեղ ստացված օպերատիվ տվյալներն իրացնելիս թմրանյութ պահելու և օգտագործելու կասկածանքով Երևանի Խաղաղ Դոնի 23 շենքի 10-րդ մուտքի մոտից ՙՄերսեդես՚ մակնիշի 31 ՍԼ 003 պետհամարանիշի ավտոմեքենայով ոստիկանության Կենտրոնականի բաժին բերման են ենթարկել Տիգրան Գևորգի Հովհաննիսյանին, ում անձնական խուզարկությամբ աջ ոտքի գուլպայի միջից հայտնաբերվել է անձեռոցիկով փաթաթված մոտ 2.5 գրամ կանեփանման դեղնականաչավուն զանգված, իսկ նշված ավտոմեքենայի զննությամբ` առջևի ձախակողմյան դռան ներքևի հատվածից հայտնաբերվել է կտորով փաթաթված մոտ 1.2 գրամ կանեփանման կանաչավուն զանգված, կանեփի 3 հատ սերմ:
Դեպքի առթիվ ՀՀ ոստիկանության քննչական գլխավոր վարչության Կենտրոնականի քննչական բաժնում 2013 թվականի դեկտեմբերի 03-ի որոշմամբ ՀՀ քրեական օրենսգրքի 268-րդ հոդվածի 1-ին մասով հարուցվել է թիվ 13847013 քրեական գործը:
2013 թվականի դեկտեմբերի 11-ի որոշմամբ կասկածյալ Տիգրան Գևորգի Հովհաննիսյանի նկատմամբ որպես խափանման միջոց է ընտրվել ստորագրություն չհեռանալու մասին:
2013 թվականի դեկտեմբերի 18-ի որոշմամբ թիվ 13847013 քրեական գործով Տիգրան Գևորգի Հովհաննիսյանին ՀՀ քրեական օրենսգրքի 268-րդ հոդվածի 1-ին մասով մեղադրյանք է առաջադրվել այն բանի համար, որ նա 2013 թվականի նոյեմբերի 11-ին Արարատի մարզի Խարբերդ գյուղում գտնվելու ժամանակ քաղելու միջոցով ձեռք է բերել կանեփի թփեր, որոնցից հետագայում մանրացնելու և չորացնելու միջոցով առանց իրացնելու նպատակի ապօրինի պատրաստել է ընդհանուր 3.73 գրամ հաստատուն քաշով մարիխուանա տեսակի թմրամիջոց, որից 2.494 գրամ թմրամիջոցը ապօրինի պահել է աջ ոտքի գուլպայի մեջ, իսկ 1.236 գրամը ապօրինի պահել է իր կողմից օգտագործվող ՙՄերսեդես՚ մակնիշի 31 ՍԼ 003 պետհամարանիշի ավտոմեքենայի առջևի ձախ դռան ներքևի մասում գտնվող դարակում, որոնք 2013 թվականի նոյեմբերի 12-ին ժամը 22:00-ի սահմաններում հայտնաբերվել են ՀՀ ոստիկանության աշխատակիցների կողմից Տիգրան Հովհաննիսյանի անձնական խուզարկության և վերը նշված ավտոմեքենայի զննության ժամանակ:
2014 թվականի ապրիլի 02-ին քրեական գործը մեղադրական եզրակացությամբ ստացվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանում:

Ապացույցների հետազոտում և գնահատում.

Ամբաստանյալ` Տիգրան Գևորգի Հովհաննիսյանը ՀՀ քրեական օրենսգրքի 268-րդ հոդվածի 1-ին մասով առաջադրված մեղադրանքում իրեն մեղավոր ճանաչեց, հրաժարվեց ցուցմունք տալուց և խնդրեց իր նկատմամբ մեղմ վարվել:
Իսկ նախաքննության ընթացքում Տրգրան Գևորգի Հովհաննիսյանը ՀՀ քրեական օրենսգրքի 268-րդ հոդվածի 1-ին մասով առաջադրված մեղադրանքում իրեն լիովին մեղավոր է ճանաչել և ցուցմունքներ է տվել այն մասին, որ զբաղվում է մասնավոր տաքսի ծառայությունների մատուցմամբ և վարում է որդու` Գեղամ Հովհաննիսյանին պատկանող ՙՄերսեդես՚ մակնիշի 31 ՍԼ 003 պետհամարանիշի ավտոմեքենան: 2013 թվականի նոյեմբերի 12-ին գնացել է Արարատի մարզի Խարբերդ գյուղ, որտեղ գյուղի հարևանությամբ գտնվող գազալցակայանի կետի հարակից տարածքում գտնվող դաշտում նկատելով բնական պայմաններում աճող կանեփի թփեր` որոշել է քաղել մի ճյուղ և իր անձնական օգտագործման համար չորացնելու և մանրացնելու միջոցով պատրաստել մարիխուանա տեսակի թմրամիջոց: Այնուհետև Երևան քաղաքի ՙՏեցի կրուգ՚ կոչվող վայրում մայթեզրի մոտ կայանել է ավտմեքենան և իր մոտ եղած կանեփի ճյուղը չորացրել է ավտոմեքենայի տաքացուցիչի վրա: Չորացնելուց հետո առանձնացրել է տերևները, մանրացրել դրանք և պատրաստել է մարիխուանա տեսակի թմրամիջոց, որի մի մասը լցրել է անձեռոցիկի մեջ և պահել է աջ ոտքի գուլպայի մեջ, իսկ մյուս մասը լցրել է կտորի մեջ և դրել ավտոմեքենայի դռան դարակի մեջ: Այնուհետև Երևան քաղաքի Խաղաղ Դոնի փողոցում հանել է իր մոտ գտնվող մարիխուանա տեսակի թմրամիջոցը և, ծխախոտի գլանակի մեջ լցնելով, գործածել է այն: Այդ պահին իրեն են մոտեցել ոստիկանության աշխատակիցները և բերման են ենթարկել ՀՀ ոստիկանության Կենտրոնականի բաժին, որտեղ էլ նրա անձնական խուզարկությամբ հայտնաբերվել են կանեփի տերևները, իսկ ավտոմեքենայից` կանեփի մնացորդները:
Ամբաստանյալ Տիգրան Գևորգի Հովհաննիսյանի` ՀՀ քրեական օրենսգրքի 268-րդ հոդվածի 1-ին մասով կատարած արարքը հիմնավորվել է նաև հետևյալ ապացույցներով.
Տիգրան Գևորգի Հովհաննիսյանի անձնական խուզարկության արձանագրությամբ այն մասին, որ Տիգրան Հովհաննիսյանի աջ որտքի գուլպայից հայտնաբերվել է սպիտակ գույնի անձեռոցիկ, որի մեջ առկա է եղել դեղնականաչավուն կանեփանման զանգված, որը կշռվել է ՙA07՚ ոսկերչական կշեռքով, քաշը կազմել է մոտ 2.5 գրամ:
ՙՄերսեդես՚ մակնիշի 31 ՍԼ 003 ավտոմեքենայի զննության արձանագրությամբ այն մասին, որ նշված ավտոմեքենայի սրահի զննությամբ արտաքին մակերևույթի վրա ձախակողմյան դռան դարակից հայտնաբերվել է սպիտակ կտորի մեջ փաթաթված վիճակում կանաչ չորացված զանգված, որը կշռվել է ՙA07՚ կշեռքով և քաշը կազմել է մոտ 1.2 գրամ:
Իրեղեն ապացույց ճանաչված` Տիգրան Գևորգի Հովհաննիսյանի մոտ հայտնաբերված 3.73 գրամ հաստատուն քաշով մարիխուանա տեսակի թմրամիջոցով:
Դատաքիմիական փորձաքննության թիվ 13-3859 եզրակացությամբ այն մասին, որ փորձաքննությանը ներկայացված 1.236 գրամ և 2.494 գրամ մաքուր չոր հաստատուն քաշով կանաչավուն գույնի զանգվածները, որոնց ընդհանուր չոր քաշը կազմում է 3.73 գրամ, հանդիսանում են մարիխուանա տեսակի թմրամիջոց, որում պարունակվում են կանաբինոիդային շարքի ալկալոիդներ, այդ թվում նաև թմրակտիվ բաղադրատարր հանդիսացող տետրահիդրոկաննաբինոլ, իսկ սերմերը պատկանում են կանեփի բույսի սերմերին, որոնք հոգեմետ և թմրակտիվ բաղադրատարրեր չեն պարունակում:
Տոքսիկոքիմիական փորձաքննության թիվ 13-3821 եզրակացությամբ այն մասին, որ Տիգրան Գևորգի Հովհաննիսյանից վերցված մազի և մեզի փորձանմուշների մեջ հայտնաբերվել են կանաբինոիդների խմբին պատկանող թմրամիջոցի թմրալկալոիդներ:
Նարկոլոգիական փորձաքննության թիվ 77-14 եզրակացությամբ այն մասին, որ Տիգրան Գևորգի Հովհաննիսյանը տառապում է ՙՀոգեկան և վարքային խանգարումներ կանաբինոիդային թմրանյութերի գործածման հետևանքով: Կախվածության համախտանիշ՚ ախտորոշմամբ, ուստի հարկադիր բուժման կարիք ունի, որի համար հակացուցումներ չկան:

Դատարանը, հետազոտելով քրեական գործով ձեռք բերված ապացույցները և գնահատելով դրանց վերաբերելիության, թույլատրելիության, իսկ ամբողջ ապացույցներն իրենց համակցությամբ գործի լուծման համար բավարարության տեսանկյունից, հանգում է այն հետևության, որ ամբաստանյալ Տիգրան Գևորգի Հովհաննիսյանը առանց իրացնելու նպատակի ապօրինի ձեռք է բերել, պատրաստել և իր մոտ պահել է զգալի չափերով թմրամիջոց.
Ամբաստանյալ Տիգրան Գևորգի Հովհաննիսյանը 2013 թվականի նոյեմբերի 11-ին կամ 12-ին Արարատի մարզի Խարբերդ գյուղում գտնվելու ժամանակ, նկատելով փողոցի հատվածում ինքն իրեն աճած կանեփի թփեր, քաղելու միջոցով ձեռք է բերել դրանք, հետագայում ավտոմեքենայի մեջ մանրացրել և չորացրել է ու պահել է ընդհանուր 3.73 գրամ հաստատուն քաշով մարիխուանա տեսակի թմրամիջոց, որից 2.494 գրամը ապօրինի պահել է իր աջ ոտքի գուլպայի մեջ, իսկ 1.236 գրամը ապօրինի պահել է իր կողմից օգտագործվող ՙՄերսեդես՚ մակնիշի 31 ՍԼ 003 պետհամարանիշով ավտոմեքենայի առջևի ձախ դռան ներքևի մասում գտնվող բաց դարակում: որոնք 2013 թվականի նոյեմբերի 12-ին ՀՀ ոստիկանության Կենտրոնականի բաժնի ՔՀԲ աշխատակիցները ոստիկանության ԵՔՎ-ի աշխատակիցների հետ համատեղ ստացված օպերատիվ տվյալներն իրացնելիս թմրանյութ պահելու և օգտագործելու կասկածանքով Երևանի Խաղաղ Դոնի 23 շենքի 10-րդ մուտքի մոտից ՙՄերսեդես՚ մակնիշի 31 ՍԼ 003 պետհամարանիշի ավտոմեքենայով ոստիկանության Կենտրոնականի բաժին բերման են ենթարկել Տիգրան Գևորգի Հովհաննիսյանին, ում անձնական խուզարկությամբ աջ ոտքի գուլպայի միջից հայտնաբերվել է անձեռոցիկով փաթաթված 2.494 գրամ մաքուր չոր հաստատուն քաշով մարիխուանա տեսակի թմարմիջոց, իսկ նրա ավտոմեքենայի արտաքին զննությամբ` առջևի ձախակողմյան դռան բաց դարակից հայտնաբերվել է կտորով փաթաթված 1.236 գրամ հաստատուն քաշով մարիխուանա տեսակի թմարմիջոց:
Այսպիսով, ընդհանուր կարգով սահմանված դատաքննությամբ հետազոտված ապացույցների հիման վրա դատարանն ապացուցված է համարում, որ ամբաստանյալ Տիգրան Գևորգի Հովհաննիսյանը կատարել է ՀՀ քրեական օրենսգրքի 268 հոդվածի 1-ին մասով նախատեսված հանցագործություն` որպիսի արարքի համար նա պետք է պատասխանատվության ենթարկվի:
Տիգրան Գևորգի Հովհաննիսյան ենթակա է պատժի կատարած արարքի համար:
Դատարանի իրավական վերլուծությունները.

ՀՀ քրեական օրենսգրքի 10-րդ հոդվածի 1-ին մասը սահմանում է` ՙՀանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացի` համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար՚:
ՀՀ քրեական օրենսգրքի 48-րդ հոդվածի 2-րդ մասը սահմանում է` ՙՊատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚:
ՀՀ քրեական օրենսգրքի 61-րդ հոդվածը սահմանում է` ՙ1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում` հաշվի առնելով սույն օրենսգրքի Ընդհանուր մասի դրույթները: 2.Պատժի տեսակը և չափը որոշվում են հանցագործության` հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում` պատասխանատվությունը և պատիժը մեղմացնող կամ ծանրացնող հանգամանքներով: 3. Հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները՚:
ՀՀ քրեական օրենսգրքի 63-րդ հոդվածի 1-ին մասի 1-ին կետի համաձայն` ՙՊատասխանատվությունը և պատիժը ծանրացնող հանգամանքներ են հանցանքը կատարելու ռեցիդիվը, հանցանքը որպես արհեստ կատարելը՚:

Ամբաստանյալ Տիգրան Գևորգի Հովհաննիսյանն անկեղծորեն խոստովանեց և զղջաց կատարած արարքի համար, նախկինում եղել է երեք անգամ դատապարտված` Մասիսի դատարանի 1995 թվականի հոկտեմբերի 23-ի դատավճռով ՀՀ քրեական օրենսգրքի 229-րդ հոդվածի 2-րդ մասով դատապարտվել է ազատազրկման 8 /ութ/ տարի ժամկետով, դատվածությունը մարված, իսկ վերջին երկու դատվածությունները չմարված:
Ամբաստանյալ Տիգրան Գևորգի Հովհաննիսյանի պատասխանատվությունը և պատիժը մեղմացնող հանգամանքներ չկան:
Որպես ամբաստանյալ Տիգրան Գևորգի Հովհաննիսյանի պատասխանատվությունը և պատիժը ծանրացնող հանգամանք դատարանը դիտում է հանցանք կատարելու ռեցիդիվը:

ՀՀ քրեական օրենսգրքի 84-րդ հոդվածի 1-ին մասը սահմանում է` ՙԱնձը դատվածություն ունեցող է համարվում մեղադրական դատավճիռն օրինական ուժի մեջ մտնելու օրվանից մինչև դատվածությունը մարվելու կամ հանվելու պահը՚:
Նույն հոդվածի 2-րդ մասը սահմանում է` ՙԴատվածությունը, սույն օրենսգրքին համապատասխան, հաշվի է առնվում հանցագործության ռեցիդիվի դեպքում և պատիժ նշանակելիս՚:
Նույն հոդվածի 4-րդ մասի 2-րդ կետը սահմանում է` ՙԱզատազրկումից ավելի մեղմ պատժի դատապարտված անձանց նկատմամբ` նշանակված պատիժը կրելուց մեկ տարի անցնելուց հետո՚:
Նույն հոդվածի 4-րդ մասի 3-րդ կետը սահմանում է` ՙԴատվածությունը մարվում է` ոչ մեծ կամ միջին ծանրության հանցագործության համար ազատազրկման դատապարտված անձանց նկատմամբ` պատիժը կրելուց երեք տարի անցնելուց հետո՚:
Նույն հոդվածի 5-րդ մասի համաձայն` ՙԵթե անձն օրենքով սահմանված կարգով պայմանական վաղաժամկետ ազատվել է պատիժը կրելուց, կամ պատժի չկրած մասը փոխարինվել է ավելի մեղմ պատժով, ապա դատվածությունը մարելու ժամկետը հաշվարկվում է հիմնական պատիժը և լրացուցիչ պատիժը կրելուց ազատելու պահից՚:
Նույն հոդվածի 7-րդ մասը սահմանում է` ՙԵթե անձը մինչև դատվածությունը մարվելը նոր հանցանք է կատարում, ապա դատվածության մարման ժամկետն ընդհատվում է: Առաջին հանցագործության համար դատվածությունը մարվելու ժամկետը հաշվարկվում է վերստին` վերջին հանցագործության համար պատիժը (հիմնական և լրացուցիչ) փաստորեն կրելուց հետո: Այդ դեպքում անձը երկու հանցագործությունների համար էլ դատված է համարվում մինչև դրանցից առավել ծանր հանցագործության համար դատվածությունը մարվելու ժամկետը լրանալը՚:
ՀՀ քրեական օրենսգրքի 22-րդ հոդվածի 1-ին մասի համաձայն` ՙՀանցագործությունների ռեցիդիվ է համարվում դիտավորությամբ հանցանք կատարելն այն անձի կողմից, ով դատվածություն ունի նախկինում դիտավորությամբ կատարված հանցանքի համար՚:
ՀՀ քրեական օրենսգրքի 67.1 հոդվածը սահմանում է`
1. Հանցագործությունների ռեցիդիվի, վտանգավոր և առանձնապես վտանգավոր ռեցիդիվի դեպքում պատիժ նշանակելիս հաշվի են առնվում կատարված հանցագործությունների քանակը, բնույթը և ծանրությունը, այն հանգամանքները, որոնց հետևանքով նախկին պատիժը բավարար չի եղել մեղավորի ուղղման համար, ինչպես նաև նոր հանցագործության բնույթը, ծանրությունը և հետևանքները:
2. Հանցագործությունների ռեցիդիվի համար նշանակված պատիժը չի կարող պակաս լինել սույն օրենսգրքի Հատուկ մասի համապատասխան հոդվածի սանկցիայով նախատեսված առավելագույն պատժի կեսից:

Ամբաստանյալ Տիգրան Գևորգի Հովհաննիսյանը, կատարելով ոչ մեծ ծանրության հանցագործություն, Երևան քաղաքի Մալաթիա-Սեբաստիա վարչական շրջանների ընդհանուր իրավասության դատարանի 2010 թվականի հոկտեմբերի 01-ի դատավճռով ՀՀ քրեական օրենսգրքի 268-րդ հոդվածի 1-ին մասով դատապարտվել է կալանքի 15 /տասնհինգ/ օր ժամկետով: 2010 թվականի նոյեմբերի 10-ից կրել է դատավճռով սահմանված պատիժը, հետևաբար վերջինիս դատվածությունը ՀՀ քրեական օրենսգրքի 84-րդ հոդվածի 4-րդ մասի 2-րդ կետի ուժով պետք է մարվեր նշանակված պատիժը կրելուց մեկ տարի անցնելուց հետո` 2011 թվականի նոյեմբերի 24-ին, սակայն դեռևս դատվածությունը չմարված` 2011 թվականի նոյեմբերի 10-ին Տիգրան Գևորգի Հովհաննիսյանը կատարել է ՀՀ քրեական օրենսգրքի 38-233-րդ հոդվածի 1-ին մասով նախատեսված ոչ մեծ ծանրության նոր հանցագործություն, որի համար ՀՀ Կոտայքի մարզի ընդհանուր իրավասության դատարանի 2012 թվականի փետրվարի 27-ի դատավճռով դատապարտվել է ազատազրկման 1 /մեկ/ տարի ժամկետով: 2012 թվականի հուլիսի 27-ին պայմանական վաղաժամկետ ազատվել է 3 /երեք/ ամիս 13 /տասներեք/ օր պատիժը կրելուց, ուստի Տիգրան Գևորգի Հովհաննիսյանի դատվածությունը ՀՀ քրեական օրենսգրքի 84-րդ հոդվածի 4-րդ մասի 3-րդ կետի, ինչպես նաև նույն հոդվածի 5-րդ և 7-րդ մասերի ուժով պետք է մարվեր վերջին հանցանքի համար հիմնական պատիժը կրելուց ազատելու պահից երեք տարի անցնելուց հետո` 2015 թվականի հուլիսի 27-ին, սակայն դեռևս դատվածությունը չմարված` 2013 թվականի նոյեմբերի 11-ին Տիգրան Գևորգի Հովհաննիսյանը կատարել է ոչ մեծ ծանրության նոր հանցագործություն, որով էլ Տիգրան Գևորգի Հովհաննիսյանի դատվածության մարման ժամկետն ընդհատվել է, հետևաբար Տիգրան Գևորգի Հովհաննիսյանի նախկին դատվածությունները մարված չեն և ՀՀ քրեական օրենսգրքի 22-րդ հոդվածի 1-ին մասի ուժով, այն է` ՙՀանցագործությունների ռեցիդիվ է համարվում դիտավորությամբ հանցանք կատարելն այն անձի կողմից, ով դատվածություն ունի նախկինում դիտավորությամբ կատարված հանցանքի համար՚, Տիգրան Գևորգի Հովհաննիսյանը համարվում է ռեցիդիվիստ:

Սույն քրեական գործով ամբաստանյալ Տիգրան Գևորգի Հովհաննիսյանին մեղադրանք է առաջադրվել ՀՀ քրեական օրենսգրքի 268-րդ հոդվածի 1-ին մասով, որի սանկցիան նախատեսում է հետևյալ պատժատեսակները` կալանք` առավելագույնը երկու ամիս ժամկետով, կամ ազատազրկում` առավելագույնը մեկ տարի ժամկետով:
Դատարանը հաշվի առնելով, որ ամբաստանյալ Տիգրան Գևորգի Հովհաննիսյանը նախկինում երկու անգամ եղել է դատապարտված, սակայն դատվածությունները դեռևս չմարված կատարել է նոր` ոչ մեծ ծանրության հանցագործություն, իսկ համաձայն ՀՀ քրեական օրենսգրքի 67.1 հոդվածի 2-րդ մասի 1-ին կետի` հանցագործությունների ռեցիդիվի համար նշանակված պատիժը չի կարող պակաս լինել սույն օրենսգրքի Հատուկ մասի համապատասխան հոդվածի սանկցիայով նախատեսված առավելագույն պատժի կեսից, ուստի պետք է հաշվի առնել հանցագործության ռեցիդիվը և Տիգրան Գևորգի Հովհաննիսյանի նկատմամբ պատիժ պետք է նշանակել ՀՀ քրեական օրենսգրքի 268-րդ հոդվածի 1-ին մասի սանկցիայով նախատեսված առավելագույն պատժի կեսից ոչ պակաս, որով հնարավոր կլինի հասնել ՀՀ քրեական օրենսգրքի 48-րդ հոդվածով սահմանված պատժի նպատակներին` սոցիալական արդարության վերականգնմանը, պատժի ենթարկված անձի ուղղմանը և հանցագործությունների կանխմանը:

ՀՀ քրեական օրենսգրքի 97 հոդվածի 1-ին մասի 4-րդ կետի համաձայն` բժշկական բնույթի հարկադրանքի միջոցներ դատարանը կարող է նշանակել այն անձի նկատմամբ, ով հանցանք է կատարել և ճանաչվել է ալկոհոլամոլությունից կամ թմրամոլությունից բուժման կարիք ունեցող:
Հիմք ընդունելով, որ դատանարկոլագիական հանձնաժողովային փորձաքննության թիվ 77-14 եզրակացության համաձայն Տիգրան Գևորգի Հովհաննիսյանը տառապում է ՙՀոգեկան և վարքային խանգարումներ կանաբինոիդային թմրանյութերի գործածման հետևանքով: Կախվածության համախտանիշ՚ ախտորոշմամբ, ուստի հարկադիր բուժման կարիք ունի, որի համար հակացուցումներ չկան, դատարանը գտնում է, որ անհրաժեշտ է ՀՀ քրեական օրենսգրքի 97 հոդվածի կիրառմամբ Տիգրան Գևորգի Հովհաննիսյանի նկատմամբ պատժի կրման ընթացքում նշանակել հարկադիր բուժում` կանաբինոիդային թմրամոլության դեմ:
Քննարկելով իրեղեն ապացույցի տնօրինման հարցը` դատարանը գտնում է, որ քրեական գործով իրեղեն ապացույց ճանաչված և քրեական գործին կցված Տիգրան Գևորգի Հովհաննիսյանի անձնական խուզարկությամբ հայտնաբերված 2,5 գրամ /փաստացի առկա 2,494 գրամ/ և նրա կողմից օգտագործվող ՙՄերսեդես՚ մակնիշի 31 ՍԼ 003 պետհամարանիշով ավտոմեքենայի զննությամբ այդ ավտոմեքենայի առջևի ձախ դռան ներքևի մասում գտնվող բաց դարակից հայտնաբերված 1,2 գրամ /փաստացի առկա 1,236 գրամ/ ՙՄարիխուանա՚ տեսակի թմրամիջոցը փաթեթավորված մեկ ծրարի մեջ և կնիքված ՙՙՀՀ ԳԱԱ փորձաքննությունների ազգային բյուրո՚ ՊՈԱԿ՚ կնիքի դրոշմներով պետք է ոչնչացնել:
Քննության առնելով ամբաստանյալի նկատմամբ ընտրված խափանման միջոցի հարցը` դատարանը գտնում է, որ ամբաստանյալ Տիգրան Գևորգի Հովհաննիսյանի նկատմամբ ընտրված խափանման միջոցը` ստորագրություն չհեռանալու մասին, պետք է վերացնել և նրան պետք է վերցնել կալանքի դատական նիստերի դահլիճում:

Եզրափակիչ մաս.

Ելնելով վերոգրյալից և ղեկավարվելով ՀՀ քրեական օրենսգրքի 10-րդ, 22-րդ, 48-րդ, 61-րդ, 63-րդ, 67.1-րդ, 84-րդ, 97-րդ հոդվածներով, ՀՀ քրեական դատավարության օրենսգրքի 357-360-րդ հոդվածներով, դատարանը


Վ Ճ Ռ Ե Ց`

Տիգրան Գևորգի Հովհաննիսյանին մեղավոր ճանաչել ՀՀ քրեական օրենսգրքի 268-րդ հոդվածի 1-ին մասով և նրան դատապարտել ազատազրկման` 1 /մեկ/ տարի ժամկետով:
Տիգրան Գևորգի Հովհաննիսյանի նկատմամբ ընտրված խափանման միջոցը` ստորագրություն չհեռանալու մասին, վերացնել և նրան վերցնել կալանքի դատական նիստերի դահլիճում:
Տիգրան Գևորգի Հովհաննիսյանի պատժի սկիզբը հաշվել 26.05.2014 թվականից:
Պատժի կրման ընթացքում Տիգրան Գևորգի Հովհաննիսյանի նկատմամբ նշանակել հարկադիր բուժում` կանաբինոիդային թմրամոլության դեմ:
Քրեական գործով իրեղեն ապացույց ճանաչված և քրեական գործին կցված` Տիգրան Հովհաննիսյանի անձնական խուզարկությամբ և ավտոմեքենայի արտաքին զննությամբ հայտնաբերված ընդհանուր 3.73 գրամ հաստատուն քաշով մարիխուանա տեսակի թմրամիջոցը ոչնչացնել դատավճիռն օրինական ուժի մեջ մտնելուց հետո:
Սույն դատավճիռը վերաքննության կարգով կարող է բողոքարկվել ՀՀ վերաքննիչ քրեական դատարան` հրապարակման պահից մեկ ամսվա ընթացքում:


ԴԱՏԱՎՈՐ` Ա. ԲԵԿԹԱՇՅԱՆ