գործ ԵԿԴ/0038/01/14
Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը

Նախագահությամբ դատավոր` Արմեն Բեկթաշյանի
քարտուղարությամբ` Կարինե Կարապետյանի

մասնակցությամբ`
մեղադրող` Նոնա Միքայելյանի

պաշտպան` Թամարա Բաղդասարյանի
ամբաստանյալ` Էդգար Գրիգորյանի

2014 թվականի հունիսի 05-ին, Երևան քաղաքում, դռնբաց դատական նիստում, քննեց քրեական գործն ըստ մեղադրանքի`

Էդգար Աշոտի Գրիգորյանի` ծնված 03.06.1984 թվականին Երևան քաղաքում, ազգությամբ հայ, ՀՀ քաղաքացի, ամուսնացած, խնամքին երկու անձ, չի աշխատում, նախկինում չդատված, բնակվել է Արարատի մարզ, գյուղ Նոր Խարբերդ 11 փողոց, 1-ին փակուղու, 3/1 տանը, կալանքի տակ է գտնվում 2013 թվականի դեկտեմբերի 30-ից:

Էդգար Աշոտի Գրիգորյանը մեղադրվում է ՀՀ քրեական օրենսգրքի 177-րդ հոդվածի 2-րդ մասի 1-ին կետով:
2013 թվականի դեկտեմբերի 21-ի որոշմամբ Էդգար Աշոտի Գրիգորյանի նկատմամբ հայտարարվել է հետախուզում և 2013 թվականի դեկտեմբերի 23-ին նրա նկատմամբ որպես խափանման միջոց է ընտրվել կալանավորումը:
2013 թվականի դեկտեմբերի 29-ին մեղադրյալ Էդգար Աշոտի Գրիգորյանը հայտնաբերվել է և նույն թվականի դեկտեմբերի 30-ին նրա նկատմամբ որպես խափանման միջոց ընտրված կալանավորումը վերահաստատվել է:


Գործի դատավարական նախապատմությունը.

2013 թվականի հոկտեմբերի 02-ին ՀՀ ոստիկանության ՔԳՎ Երևանի ՔՎ Կենտրոնականի քննչական բաժանմունքում ՀՀ քրեական օրենսգրքի 177-րդ հոդվածի 2-րդ մասի 2-րդ կետի հատկանիշներով հարուցվել է թիվ 13810613 քրեական գործը:
2013 թվականի հոկտեմբերի 02-ի որոշմամբ Սերվետ Պողոսյանը թիվ 13810613 քրեական գործով ճանաչվել է որպես տուժող:
2013 թվականի դեկտեմբերի 21-ին որոշում է կայացվել թիվ 13810613 քրեական գործով Էդգար Աշոտի Գրիգորյանին որպես մեղադրյալ ներգրավելու մասին, նույն օրը նրա նկատմամբ հայտարարվել է հետախուզում և 2013 թվականի դեկտեմբերի 23-ին նրա նկատմամբ որպես խափանման միջոց է ընտրվել կալանավորումը:
2013 թվականի դեկտեմբերի 26-ին ՀՀ ոստիկանության ՔԳՎ Երևանի ՔՎ Կենտրոնականի քննչական բաժանմունքում որոշում է կայացվել թիվ 13810613 քրեական գործի վարույթը կասեցնելու մասին:
2013 թվականի դեկտեմբերի 30-ին ՀՀ ոստիկանության Կենտրոնականի բաժնից գրություն է ստացվել այն մասին, որ ձեռնարկված միջոցառումների արդյունքում 2013 թվականի դեկտեմբերի 29-ին մեղադրյալ Էդգար Աշոտի Գրիգորյանը հայտնաբերվել է և նույն թվականի դեկտեմբերի 30-ին նրա նկատմամբ որպես խափանման միջոց ընտրված կալանավորումը վերահաստատվել է:
2013 թվականի դեկտեմբերի 30-ի որոշմամբ թիվ 13810613 քրեական գործի կասեցված վարույթը վերսկսվել է:
Նախաքննության մարմնի կողմից Էդգար Աշոտի Գրիգորյանին ՀՀ քրեական օրենսգրքի 177-րդ հոդվածի 2-րդ մասի 2-րդ կետով մեղադրանք է առաջադրվել այն բանի համար, որ նա ուրիշի գույքի զգալի չափերի գաղտնի հափշտակություն կատարելու դիտավորությամբ, նախնական համաձայնության գալով կատարել է հափշտակություն.
2013 թվականի սեպտեմբերի 28-ին, ժամը 19:00-ից մինչև 19:25-ն ընկած ժամանակահատվածում, Էդգար Գրիգորյանն իրեն ամրակցված Վազ 21-07 մակնիշի ՙՄանանդ՚ տաքսի ծառայության ավտոմեքենայով գործով ինքնությունը չպարզված ոմն Կարենի հետ գնացել են Երևան քաղաքի Սայաթ-Նովա փողոց: Ուրիշի գույքը գաղտնի հափշտակելու նպատակով Էդգար Գրիգորյանը նախնական համաձայնության գալով գործով ինքնությունը չպարզված ոմն Կարենի հետ կանգնել են Սայաթ-Նովա 18 հասցեում կայանված Սերվետ Պողոսյանին պատկանող խոշոր չափերի` 400.000 ՀՀ դրամ արժողության 1977 թվականի արտադրության ՙՎազ 21-03՚ մակնիշի 64 LS 215 հաշվառման համարանիշի ավտոմեքենայի մոտ և շուրջ 25 րոպե տևողությամբ տարբեր գործողություններ են կատարել, որից հետո պարանով կապել են այն իրենց տաքսի ավտոմեքենային և ժամը 19:25-ի սահմաններում, Էդգար Գրիգորյանը նստելով տաքսի ավտոմեքենայի ղեկին, իսկ ոմն Կարենը` ՙՎազ 21-03՚ մակնիշի ավտոմեքենայի ղեկին և քարշակելով հափշտակել են Սերվետ Պողոսյանին պատկանող ավտոմեքենան, տանելով անհայտ ուղությամբ:
2013 թվականի մարտի 06-ի որոշմամբ թիվ 13810613 քրեական գործով Էդգար Գրիգորյանի կողմից գործով չպարզված ոմն Կարենի հետ նախնական համաձայնությամբ 2013 թվականի սեպտեմբերի 28-ին, ժամը 19:00-ից մինչև 19:25-ն ընկած ժամանակահատվածում, Երևան քաղաքի Սայաթ-Նովա 18 հասցեից Սերվետ Պողոսյանին պատկանող 1977 թվականի արտադրության ՙՎազ-2103՚ մակնիշի 64 LS 215 հաշվառման համարանիշի ավտոմեքենան գաղտնի հափշտակելու հանցագործության դեպքով ոմն Կարենի վերաբերյալ մասն անջատվել է և քննությունը շարունակվել առանձին վարույթում, որին շնորհվել է թիվ 13810613/1 համարը:
2014 թվականի մարտի 25-ին թիվ 13810613 քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարան:

Արագացված դատական քննություն.

Մինչ դատաքննության սկսվելը` ամբաստանյալ Էդգար Աշոտի Գրիգորյանը միջնորդություն է ներկայացրել` դատական քննությունն արագացված կարգով անցկացնելու` հայտարարելով, որ առաջադրված մեղադրանքն իրեն պարզ է, համաձայն է մեղադրանքի հետ և առաջադրված մեղադրանքում իրեն մեղավոր է ճանաչում, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացնում է կամավոր, պաշտպանի հետ խորհրդակցելուց հետո:
Դատարանը պարզելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, 2014 թվականի մայիսի 5-ին որոշում է կայացվել արագացված կարգով դատական քննություն անցկացնելու մասին:
Այսպիսով, քրեական գործով ձեռք բերված ապացույցների ընդհանուր կարգով սահմանված հետազոտություն չկատարելով, արագացված դատաքննությամբ հիմք ընդունելով մեղադրանքի հիմքում դրված ապացույցները, դատարանը հանգեց այն համոզման, որ ամբաստանյալ Էդգար Աշոտի Գրիգորյանը դիտավորությամբ մեկ ուրիշի գույքի զգալի չափերի գաղտնի հափշտակություն կատարելու դիտավորությամբ, նախնական համաձայնության գալով կատարել է հափշտակություն որպիսի արարքի համար նա պետք է պատասխանատվության ենթարկվի ՀՀ քրեական օրենսգրքի 177-րդ հոդվածի 2-րդ մասի 2-րդ կետով:
Էդգար Աշոտի Գրիգորյանը ենթակա է պատժի կատարած արարքի համար:

Դատարանի իրավական վերլուծությունները.

ՀՀ քրեական օրենսգրքի 61 հոդվածի 2-րդ մասի համաձայն ՙՊատժի տեսակը և չափը որոշվում են հանցագործության` հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում` պատասխանատվությունը և պատիժը մեղմացնող կամ ծանրացնող հանգամանքներով՚:
Ամբաստանյալ Էդգար Աշոտի Գրիգորյանն անկեղծորեն խոստովանեց և զղջաց կատարած արարքի համար, խնամքին են գտնվում անչափահաս երկու երեխաները` 16.09.2008 թվականին ծնված Աշոտ Էդգարի Գրիգորյանը և 12.10.2005 թվականին ծնված Անահիտ Էդգարի Գրիգորյանը, կենսաթոշակառու հայրը` Աշոտ Գրիգորյանը նախկինում դատապարտված չի եղել, սակայն ՀՀ ոստիկանության ինֆորմացիոն կենտրոնի կողմից տրված պահանջագրի համաձայն 2012 թվականի հունվարի 30-ին ՀՀ ոստիկանության Շենգավիթի բաժնի կողմից Էդգար Աշոտի Գրիգորյանի վերաբերյալ ՀՀ քրեական օրենսգրքի 118-րդ հոդվածով նախապատրաստվել են նյութեր որն էլ 2012 թվականի հունվարի 30-ին ՀՀ քրեական դատավարության օրենսգրքի 35-րդ հոդվածի 1-ին մասի 4-րդ կետի համաձայն կարճվել է: Նոր Խարբերդ համայնքի ղեկավարի և հարևանների կողմից բնութագրվում է դրականորեն:
Որպես ամբաստանյալ Էդգար Աշոտի Գրիգորյանի պատասխանատվությունը և պատիժը մեղմացնող հանգամանք դատարանը դիտում է վերջինիս խնամքին մինչև տասնչորս տարեկան երկու երեխայի առկայությունը:
Ամբաստանյալ Էդգար Աշոտի Գրիգորյանի պատասխանատվությունը և պատիժը ծանրացնող հանգամանքներ չկան:
ՀՀ քրեական օրենսգրքի 10-րդ հոդվածի 1-ին մասը սահմանում է ՙՀանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացի` համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար՚:
ՀՀ քրեական օրենսգրքի 48-րդ հոդվածի 2-րդ մասը սահմանում է ՙՊատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚:
ՀՀ քրեական օրենսգրքի 61-րդ հոդվածը սահմանում է ՙՀանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում` հաշվի առնելով սույն օրենսգրքի Ընդհանուր մասի դրույթները: (….): Հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները՚:
Սույն քրեական գործով Էդգար Աշոտի Գրիգորյանին մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին կետով, որի սանկցիան նախատեսում է հետևյալ պատժատեսակները` տուգանք` նվազագույն աշխատավարձի հինգհարյուրապատիկից հազարապատիկի չափով, կամ ազատազրկում` երկուսից հինգ տարի ժամկետով:
Դատարանը հաշվի առնելով, որ ամբաստանյալ Էդգար Աշոտի Գրիգորյանը չունի մշտական եկամտի աղբյուր, չի ունեցել բավարար միջոցներ պաշտպանին վարձատրելու և օգտվել է հանրային պաշտպանի ծառայությունից, գտնում է, որ Էդգար Աշոտի Գրիգորյանի նկատմամբ ՀՀ քրեական օրենսգրքի 177-րդ հոդվածի 2-րդ մասի 1-ին կետի սանկցիայով նախատեսված ՙտուգանք՚ պատժատեսակի նշանակումը նպատակահարմար չէ, քանի որ հիմնավոր կասկածներ կան, որ դատարանի կողմից նշանակված տուգանքի գումարը նա չի կարող վճարել, ինչպես նաև հաշվի առնելով Էդգար Աշոտի Գրիգորյանի կատարած հանցագործության բնույթն ու հասարակական վտանգավորության աստիճանը, դատարանը հանգում է այն համոզման, որ ամբաստանյալի Էդգար Աշոտի Գրիգորյանի ուղղումը հնարավոր կլինի միայն նրան հասարակությունից մեկուսացնելու միջոցով, ուստի վերջինիս նկատմամբ պատիժ պետք է նշանակել ազատազրկման ձևով` որոշակի ժամկետով, որով հնարավոր կլինի հասնել ՀՀ քրեական օրենսգրքի 48-րդ հոդվածով սահմանված պատժի նպատակներին` սոցիալական արդարության վերականգնմանը, պատժի ենթարկված անձի ուղղմանը և հանցագործությունների կանխմանը:
Դատարանը գտնում է, որ քրեական գործով 07.11.2013 թվականին այլ փաստաթուղթ հանդիսացող որպես ապացույց ճանաչված լազեռային սկավառակաը պետք է թողնել քրեական գործին կցված:
Քննության առնելով ամբաստանյալ Էդգար Աշոտի Գրիգորյանի նկատմամբ ընտրված խափանման միջոցի հարցը` դատարանը գտնում է, որ ընտրված խափանման միջոցը` կալանավորումը պետք է թողնվի անփոփոխ մինչև դատավճռի օրինական ուժի մեջ մտնելը:
Տուժող Սերվետ Պողոսյանի կողմից ամբաստանյալ Էդգար Աշոտի Գրիգորյանի նկատմամբ բողոք և քաղաքացիական հայցի պահանջ չի ներկայացվել:

Եզրափակիչ մաս.

Ղեկավարվելով ՀՀ քրեական օրենսգրքի 10-րդ, 48-րդ, 61-րդ, 62-րդ հոդվածներով, ՀՀ քրեական դատավարության օրենսգրքի 357-360-րդ, 3753-րդ հոդվածներով, դատարանը

Վ Ճ Ռ Ե Ց`


Էդգար Աշոտի Գրիգորյանին մեղավոր ճանաչել ՀՀ քրեական օրենսգրքի 177-րդ հոդվածի 2-րդ մասի 1-ին կետով և նրան դատապարտել ազատազրկման 2 /երկու/ տարի ժամկետով:
Էդգար Աշոտի Գրիգորյանի նկատմամբ ընտրված խափանման միջոցը` կալանավորումը, թողնել անփոփոխ:
Էդգար Աշոտի Գրիգորյանի պատժի սկիզբը հաշվել 2013 թվականի դեկտեմբերի 29-ից:
Սույն դատավճիռը վերաքննության կարգով կարող է բողոքարկվել ՀՀ վերաքննիչ քրեական դատարան` հրապարակման պահից մեկ ամսվա ընթացքում:



ԴԱՏԱՎՈՐ` Ա. ԲԵԿԹԱՇՅԱՆ