ԵԿԴ/0036/01/14


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
26 մայիսի 2014թ. ք.Երևան
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության առաջին ատյանի դատարանը`

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ
մասնակցությամբ`
մեղադրող Ն.ՄԻՔԱՅԵԼՅԱՆԻ
տուժող Ն.ԽԱՆԱՄԻՐՅԱՆԻ
ամբաստանյալ Ս.ՍԱՐԴԱՐՅԱՆԻ
պաշտպան Ա.ՋՈՒՎԱՆՈՎԱՅԻ

դատարանում` դռնբաց դատական նիստում, քննեց գործն ըստ մեղադրանքի`
Սվետլանա Յուրիի Սարդարյանի` ծնված 31.10.1966թ. ՌԴ Նովոսիբիրսկի մարզի Մասլյանկո քաղաքում, ազգությամբ ռուս, ՀՀ քաղաքացի, իր հայտարարությամբ՝ ամուսնա-ցած և բարձրագույն կրթությամբ, առողջ, աշխատել է «Տոսկանա» հյուրանոցում՝ որպես խո-հարարի օգնական, նախկինում 2 անգամ դատված` 1. Գեղարքունիքի մարզի առաջին ատ-յանի դատարանի 20.03.2007թ. դատավճռով ՀՀ քրեական օրենսգրքի 178-րդ հոդվածի 2-րդ մասի 3-րդ կետով դատապարտվել է ազատազրկման 2 տարի ժամկետով, Կոտայքի մարզի առաջին ատյանի դատարանի 23.05.2007թ. դատավճռով ՀՀ քրեական օրենսգրքի 177-րդ հոդվածի 1-ին մասով՝ նույն օրենսգրքի 66-րդ հոդվածի համաձայն, դատապարտվել է ազա-տազրկման 2 տարի 2 ամիս ժամկետով, պատժից պայմանական վաղաժամկետ ազատվել է 05.09.2008թ-ին, 2. Կոտայքի մարզի ընդհանուր իրավասության դատարանի 04.03.2010թ. դա-տավճռով ՀՀ քրեական օրենսգրքի 177-րդ հոդվածի 1-ին մասով, 177-րդ հոդվածի 3-րդ մասի 3-րդ կետով, 178-րդ հոդվածի 2-րդ մասի 3-րդ կետով և 178-րդ հոդվածի 3-րդ մասի 3-րդ կե-տով` նույն օրենսգրքի 66-րդ և 67-րդ հոդվածների համաձայն, դատապարտվել է ազա-տազրկման 7 տարի ժամկետով, նույն դատարանի 17.06.2011թ. որոշմամբ ՀՀ քրեական օ-րենսգրքի 177-րդ հոդվածի 3-րդ մասի 3-րդ կետը, 178-րդ հոդվածի 3-րդ մասի 3-րդ կետը և 178-րդ հոդվածի 2-րդ մասի 3-րդ կետը համապատասխանեցվել են ՀՀ քրեական օրենսգրքի 177-րդ հոդվածի 1-ին մասին ու 178-րդ հոդվածի 1-ին մասին և նույն օրենսգրքի 66-րդ ու 67-րդ հոդվածների համաձայն՝ որպես պատիժ, սահմանվել է ազատազրկում 2 տարի 4 ամիս ժամկետով, պատժից ազատվել է 17.11.2011թ-ին, հաշվառված է` Կոտայքի մարզ, գյուղ Արտ-մեդ, մշտական բնակության վայր չունի, արգելանքի տակ է 2014թ. փետրվարի 24-ից, մե-ղադրվում է ՀՀ քրեական օրենսգրքի 177-րդ հոդվածի 2-րդ մասի 2-րդ կետով։
Ամբաստանյալ Ս.Սարդարյանին ՀՀ քրեական օրենսգրքի 177-րդ հոդվածի 2-րդ մասի 2-րդ կետով մեղադրանք է առաջադրվել այն բանի համար, որ նա. «2013թ. հոկտեմբերի 18-ին` ժամը 11.00-ի սահմաններում, Երևան քաղաքի Սուրբ Գրիգոր Լուսավորիչ եկեղեցու նըս-տարանի վրա դրված Նատալիա Խանամիրյանի պայուսակից գաղտնի հափշտակել է վեր-ջինիս պատկանող՝ 10.000 ՀՀ դրամ արժողության, դրամապանակը, որում եղել են 162.600 ՀՀ դրամին համարժեք 400 ԱՄՆ դոլար և 777.400 ՀՀ դրամի տարբեր ոսկյա զարդեր` պատճա-ռելով ընդհանուր խոշոր չափի` 950.000 ՀՀ դրամի գույքային վնաս»։
Ամբաստանյալ Ս.Սարդարյանը՝ մինչև դատաքննությունն սկսվելը, միջնորդեց կիրա-ռել արագացված դատական քննության կարգ ու հայտարարեց, որ միջնորդությունը ներկա-յացնում է կամավոր` պաշտպանի հետ խորհրդակցելուց հետո, առաջադրված մեղադրանքն իրեն պարզ է, համաձայն է մեղադրանքի հետ, առաջադրված մեղադրանքում իրեն լիովին մե-ղավոր է ճանաչում և գիտակցում է արագացված կարգով դատական քննություն անցկացնե-լու հետևանքները, իսկ մեղադրողը դատարանի առաջարկությամբ փոխեց իր դիրքորոշումն ու, չառարկեց արագացված կարգ կիրառելու դեմ, թեպետ առարկել էր դրա դեմ մեղադրա-կան եզրակացությունում։
Դատարանի որոշմամբ ամբաստանյալի միջնորդությունը բավարարվել և դատական քննությունն անցկացվել է արագացված կարգով։
Դատարանը, հաշվի առնելով առաջադրված մեղադրանքի հետ ամբաստանյալի հա-մաձայն լինելու հանգամանքն ու հանգելով եզրակացության, որ մեղադրանքը, որի հետ հա-մաձայնվեց ամբաստանյալը, հիմնավորված է և հաստատվում է քրեական գործով հավաք-ված ապացույցներով, գտնում է, որ ամբաստանյալ Ս.Սարդարյանը կատարել է հանցանք` նախատեսված ՀՀ քրեական օրենսգրքի 177-րդ հոդվածի 2-րդ մասի 2-րդ կետով, որով և նա պետք է պատասխանատվության ենթարկվի։
Ամբաստանյալի նկատմամբ պատիժ նշանակելիս` պատժի տեսակն ու չափը որոշե-լիս, դատարանը հաշվի է առնում ինչպես նրա կատարած արարքի բնույթն ու հանրության համար վտանգավորության աստիճանը, այնպես էլ արագացված կարգով անցկացված դա-տաքննության ընթացքում ուսումնասիրված` նրա անձը բնութագրող տվյալները և պատաս-խանատվությունն ու պատիժը մեղմացնող և ծանրացնող հանգամանքները։
Որպես ամբաստանյալի պատասխանատվությունն ու պատիժը մեղմացնող հանգա-մանքներ` դատարանը հաշվի է առնում, որ նա խոստովանել է կատարած հանցաքը, համա-ձայնվեց մեղադրանքի հետ և անկեղծորեն զղջաց կատարած հանցանքի համար։
Որպես ամբաստանյալ Սվետլանա Սարդարյանի պատասխանատվությունն ու պա-տիժը ծանրացնող հանգամանք` դատարանը հաշվի է առնում նրա կողմից հանցանք կատա-րելու վտանգավոր ռեցիդիվը։
Դատարանը, նկատի ունենալով ամբաստանյալի անձը, նրա պատասխանատվու-թյունն ու պատիժը մեղմացնող հանգամանքները և ելնելով ՀՀ քրեական օրենսգրքի 10-րդ, 48-րդ և 61-րդ հոդվածներով սահմանված արդարության, պատասխանատվության անհա-տականացման ու պատիժ նշանակելու ընդհանուր սկզբունքներից, հանգում է հետևության, որ ամբաստանյալ Ս.Սարդարյանը ՀՀ քրեական օրենսգրքի 177-րդ հոդվածի 2-րդ մասի 2-րդ կետով պետք է դատապարտվի ազատազրկման, որպիսի պատիժը պետք է կրի, նկատի ունե-նալով, որ նման պատիժն անհրաժեշտ ու բավարար է սոցիալական արդարությունը վերա-կանգնելու և նրա կողմից նոր հանցագործությունների կատարումը կանխելու համար, այ-սինքն՝ նրա ուղղվելը հնարավոր է միայն ազատազրկման ձևով պատիժ կրելու պայման-ներում։
Դատարանը, քննության առնելով քաղաքացիական հայցվոր Ն.Խանամիրյանի ընդ-դեմ քաաքացիական պատասախանող (ամբաստանյալ) Ս.Սարդարյանի՝ հանցագործութ-յամբ պատճառված վնասի հատուցման պահանջի մասին հայցը, գտնում է, որ այն հիմնա-վորված է, պետք է բավարարվի և Ս.Սարդարյանից հօգուտ Ն.Խանամիրյանի պետք է բռնագանձվի 950.000 (ինը հարյուր հիսուն հազար) ՀՀ դրամ՝ որպես հացնագործությամբ պատճառված գույքային վնասի հատուցում։
Քննության առնելով ամբաստանյալից առգրավված անձնական գույքի վրա դրված կալանքի հարցը՝ դատարանը գտնում է, որ նրա բջջային հեռախոսների, պայուսակների և դրանց պարունակության վրա դրված կալանքը պետք է պահպանվի՝ մինչև տուժողին պատ-ճառված գույքային վնասի հատուցումը։
Դատարանը, նկատի ունենալով, որ թեև նախաքննության ընթացքում որոշում է կա-յացվել նաև ամբաստանյալին սեփականության իրավունքով պատկանող անշարժ և շարժա-կան գույքի վրա կալանք դնելու մասին, սակայն փաստացի նման գույք չի հայտնաբերվել և կոնկրետ նման որևէ գույքի վրա կալանք չի դրվել, գտնում է, որ հանցագործությամբ պատ-ճառված գույքային վնասի հատուցումը կամ գույքի հնարավոր բռնագրավումն ապահովելու համար նման գույքի վրա դրված կալանքի վերացման հարց սույն դատավճռով չի կարող քննարկվել։
Քննության առնելով խափանման միջոցի հարցը, դատարանը գտնում է, որ ամբաս-տանյալ Ս.Սարդարյանի նկատմամբ կիրառված խափանման միջոցը` կալանավորումը, պետք է թողնվի անփոփոխ։
Վերոգրյալների հիման վրա և ղեկավարվելով ՀՀ քրեական դատավարության օրենս-գրքի 357-րդ, 359-րդ, 360-րդ ու 3753-րդ հոդվածներով` դատարանը

Վ Ճ Ռ Ե Ց

Սվետլանա Յուրիի Սարդարյանին ճանաչել մեղավոր ՀՀ քրեական օրենսգրքի 177-րդ հոդվածի 2-րդ մասի 2-րդ կետով և դատապարտել ազատազրկման 3 (երեք) տարի 4 (չորս) ամիս ժամկետով, որպիսի պատիժը պետք է կրի ՀՀ ԱՆ համապատասխան քրեակատարո-ղական հիմնարկում։
Պատժի կրման սկիզբը հաշվել 2014թ. փետրվարի 24-ից։
Ս.Սարդարյանի նկատմամբ կիրառված խափանման միջոցը՝ կալանավորումը, թողնել անփոփոխ՝ մինչև դատավճռի օրինական ուժի մեջ մտնելը։
Սվետլանա Սարդարյանից հօգուտ Նատալիա Խանամիրյանի բռնագանձել 950.000 (ինը հարյուր հիսուն հազար) ՀՀ դրամ՝ որպես հացագործությամբ պատճառված գույքային վնասի հատուցում։
Ս.Սարդարյանի անձնական գույքի՝ բջջային հեռախոսների, պայուսակների և դրանց պարունակության վրա դրված կալանքը պահպանել՝ մինչև տուժողին պատճառված գույքա-յին վնասի հատուցումը։
Դատավճիռը կարող է բողոքարկվել ՀՀ քրեական վերաքննիչ դատարան` հրապա-րակվելու օրվանից հետո` մեկամսյա ժամկետում։

ԴԱՏԱՎՈՐ` Գ.ՊՈՂՈՍՅԱՆ











































Ա ր ա գ ա ց վ ա ծ դ ա տ ա կ ա ն ք ն ն ու թ յ ա ն դ ե մ

« _____________________ »



« Հ Ա Ս Տ Ա Տ ՈՒ Մ Ե Մ »



Կենտրոն և Նորք-Մարաշ վարչական շրջանների դատախազության դատախազ, երրորդ դասի խորհրդական՝


Ն.Ն.ՄԻՔԱՅԵԼՅԱՆ


« » մարտի 2014թ.




Մ Ե Ղ Ա Դ Ր Ա Կ Ա Ն Ե Զ Ր Ա Կ Ա Ց ՈՒ Թ Յ ՈՒ Ն



Թիվ 13826813 քրեական գործով` ըստ մեղադրանքի
Սվետլաննա Յուրիի Սարդարյանի ` ՀՀ քրեական
օրենսգրքի 177 հոդվածի 2-րդ մասի 2-րդ կետով



2013թ. հոկտեմբերի 18-ին` ժամը 11.00-ի սահմաններում, Սվետլանա Յուրիի Սարդարյանի կողմից Երևան քաղաքի Սուրբ Գրիգոր Լուսավորիչ եկեղեցու նստարանի վրա դրված Նատալիա Խանամիրյանի պատկանող պայուսակից 10000 ՀՀ դրամ արժողության դրամապանակը, որում եղել են 162.600 ՀՀ դրամին համարժեք 400 ԱՄՆ դոլար , 777.400 ՀՀ դրամի տարբեր տեսակի ոսկյա զարդեր, գաղտնի հափշտակելու դեպքի առթիվ Կենտրոնականի քննչական բաժնում ՀՀ քր.օր-ի 177 հոդվածի 2-րդ մասի 2-րդ կետով հարուցված թիվ 13826813 քրեական գործի նախաքննությամբ պարզվել և հիմնավորվել է հետևյալը.


Նախաքննությամբ հիմնավորված գործի փաստական հանգամանքները

Գործով մեղադրյալ Սվետլաննա Յուրիի Սարդարյանը, որը հաշվառված է Կոտայքի մարզի գյուղ Արտամետում, նախկինում 3 անգամ հափշտակությունների համար դատապարտված, դատվածությունը չմարված, 2013թ. հոկտեմբերի 18-ին` ժամը 10.30-ի սահմաններում, իր հարևանուհի` գործով տուժող` Նատալիա Անդրանիկի Խանամիրյանի հետ պայմանավորվել է գնալ Երևան քաղաքի Ե.Քոչար փողոցի վրա գտնվող Սուրբ Գ.Լուսավորիչ եկեղեցի` մոմ վառելու։Ժամը 11.00-ի սահմաններում, եկեղեցում, երբ Ն.Խանամիրյանը գնացել է մոմ վառելու, Ս.Սարդարյանը վերջինիս առաջարկել է պայուսակը իր մոտ թողնել, իսկ Ն.Խանամիրյանը չի մերժել նրա առաջարկը։ Այդ ժամանակ Ս.Սարդարյանը Ն.Խանամիրյանի պայուսակի դրամապանակի մեջ նկատել է ոսկյա զարդերը և օգտվելով առիթից, որ Ն.Խանամիրյանը զբաղված է մոմ վառելով և իրեն չի նկատում, նպատակադրվել է այն գաղտնի հափշտակել։Այնուհետև գաղտնի հափշտակել է Ն.Խանամիրյանի 10.000 ՀՀ դրամ արժողության դրամապանակը, որի մեջ եղել է 162.600 ՀՀ դրամին համարժեք 400 ԱՄՆ դոլար, 777.400 ՀՀ դրամի տարբեր ոսկյա զարդեր։Գողություն կատարելուց հետո իր և Ն.Խանամիրյանի պայուսակը թողել է եկեղեցու նստարանի վրա և աննկատ հեռացել։


Մեղադրյալ Սվետլաննա Յուրիի Սարդարյանին ներկայացված մեղադրանքը


Վերոգրյալ հանցավոր արարքը կատարելու համար Սվետլաննա Յուրիի Սարդարյանին մեղադրանք է առաջադրվել ՀՀ քրեական օրեմնսգրքի 177 հոդվածի 2-րդ մասի 2-րդ կետով և որպես խափանման միջոց ընտրվել է կալանավորումը։
Առաջադրված մեղադրանքում մեղադրյալ Սվետլաննա Յուրիի Սարդարյանն իրեն լիովին մեղավոր է ճանաչել և խոստովանական ցուցմունք է տվել այն մասին,որ 2013թ. սեպտեմբեր ամսից վարձակալությամբ միայնակ բնակվել է Երևան քաղաքի Ներքին Շենգավիթի 12 փողոցի 1-ին նրբանցքի 17 տան սենյակներից մեկում։Նշված տան սենյակներից մեկում էլ վարձակալությամբ բնակվել է Նատալիա Խանամիրյանը իր ընտանիքով, որի հետ մտերմություն է արել։Նշել է, որ իր անունը Սվետլաննա է, սակայն իրեն Ալյոնա են անվանում։2013թ. հոկտեմբերի 18-ին` առավոտյան` խոսակցություն ժամանակ պայմանավորվում են միասին գնալ Երևան քաղաքի Ե.Քոչար փողոցի վրա գտնվող Սուրբ Գ.Լուսավորիչ եկեղեցի` մոմ վառելու։Եկեղեցում, երբ Ն.Խանամիրյանը գնացել է մոմ վառելու, վերջինիս առաջարկել է պայուսակը իր մոտ թողնել, իսկ նա էլ չի մերժել իր առաջարկը։Այդ ժամանակ Ն.Խանամիրյանի պայուսակից գողացել է դրամապանակը, որից հետո իր և Ն.Խանամիրյանի պայուսակները դրել է եկեղեցու նստարանի վրա և աննկատ հեռացել։ Դրամապանակի միջից վերցրել է ոսկյա տարբեր տեսակի զարդերը, իսկ դրամապանակը գցել է եկեղեցու մոտ գտնվող աղբանոցում։ Միաժամանակ նշել է, որ դրամապանակի մեջ գումար չի տեսել, սակայն չի բացառում, որ դրամապանակում գումար եղած լինի և ինքը այդ տեսած չլինի, քանի որ դրամապանակը ինքը մի ակնթարթ է բացել ու այնուհետև գցել է աղբանոցը։Գողացված ոսկյա զարդերը 290.000 ՀՀ դրամ գումարով վաճառել է պատահական մարդկանց, որոնց չի ճանաչում և չի հիշում, իսկ վաճառած գումարով հոգացել է կարիքները։

գ.թ. 143-145,162-163

Մեղադրյալների մեղավորությունը հաստատող, նախաքննությամբ ձեռք բերված փաստական տվյալները, դրանց հիմնավորումները և մեկնաբանությունները.


Գործով տուժող Նատալիա Անդրանիկի Խանամիրյանի ցուցմունքով այն մասին,որ շուրջ 10 տարի վարձակալությամբ բնակվում է Երևան քաղաքի Ներքին Շենգավիթի 12 փողոցի 1-ին նրբանցքի 17 տան սենյակներից մեկում։ 2013թ. սեպտեմբեր-հոկտեմբեր ամիսներից նշված տան մեկ այլ սենյակում վարձակալությամբ բնակվել է Սվետլաննա Սարդարյանը, որին շրջապատում դիմել են Ալյոնա անունով։ 2013թ. հոկտեմբերի 18-ին, ժամը 11.00-ի սահմաններում իր հարևանուհի, վարձակալությամբ բնակվող Ս.Սարդարյանի հետ գնացել է Երևան քաղաքի Սուրբ Գ.Լուսավորիչ եկեղեցի` մոմ վառելու։Եկեղեցում Ս.Սարդարյանը առաջարկել է պայուսակը իր մոտ թողնել, իսկ ինքն էլ չի մերժել վերջինիս առաջարկը և պայուսակը թողնելով նրա մոտ` գնացել է մոմ վառելու։Երբ վերադարձել է, նկատել, որ պայուսակները դրված են եկեղեցու նստարանի վրա,իսկ իր պայուսակի միջից բացակայում է 10.000 ՀՀ դսրամ արժողության դրամապանակը, որի մեջ եղել են 162.600 ՀՀ դրամին համարժեք 400 ԱՄՆ դոլար, 777.400 ՀՀ դրամի տարբեր ոսկյա զարդեր։Դրանից հետո Ս.Սարդարյանին փնտրել է եկեղեցում,սակայն չգտելով վերջինիս, վերադարձել է տուն և այդ օրվանից սկսած Ս.Սարդարյանին չի տեսել։
Պատճառված վնասը վերականգնելու համար ներկայացրել է քաղաքացիական հայց` 950.000 ՀՀ դրամի չափով։

գ.թ.15-16, 31, 153-154


Գործով վկա հարցաքննված Վարինգա Ռաֆիկի Բարսեղյանի ցուցմունքով այն մասին, որ բնակվում է Երևան քաղաքի Ներքին Շենգավիթի 12 փողոցի 1-ին նրբանցքի 17 տանը, որի սենյակները տրամադրել է վարձակալությամբ։2013թ. հոկտեմբեր ամսին վերոնշված տունն է եկել նախկինում անծանոթ Սվետլանա Սարդարյանը, որին շրջապատում դիմել են Ալյոնա անունով և ցանկություն հայտնել իր տան սենյակներից մեկում վարձակալությամբ բնակվել։ 2013թ. հոկտեմբերի 18-ին իր տան մյուս սենյակը վարձակալությամբ տրամադրած Նատալիա Խանամիրյանից տեղեկացել է, որ վերջինս և Ս.ՍԴարդարյանը միասին գնացել են Երևան քաղաքի Ե.Քոչար փողոցի վրա գտնվող Սուրբ Գ.Լուսավորիչ եկեցեցի, որտեղ Ս.Սարդարյանը գաղտնի հափշտակել է Ն.Խանամիրյանի դրամապանակը։Նշված միջադեպից հետո Ս.Սարդարյանը այլևս չի վերադարձել իր կողմից վարձակալած սենյակը։

գ.թ. 25-26, 36-37

Մեղադրյալ Ս.Սարդարյանի և տուժող Ն.Խանամիրյանի առերես հարցաքննության արձանագրությամբ, համաձայն որի Ն.Խանամիրյանը պնդել է, որ իր հետ առերեսվող Սվետլաննա Սարդարյանը 2013թ. հոկտեմբերի 18-ին` ժամը 11.00-ի սահմաններում Երևան քաղաքի Սուրբ Գ.Լուսավորիչ եկեղեցում գողացել է իր 10.000 ՀՀ դրամ արժողությամբ դրամապանակը, որի մեջ եղել է 162.600 ՀՀ դրամին համարժեք 400 ԱՄՆ դոլար, 777.400 ՀՀ դրամի տարբեր տեսակի ոսկյա զարդեր։Ս.Սարդարյանը հաստատել է, որ գողությունը կատարել է ինքը, սակայն նշել է, որ դրամապանակից գողացել է միայն ոսկյա զարդեր, իսկ գումար չի տեսել այնտեղ, սակայն չի բացառել դրամապանակում գումարի առկայության փաստը։

գ.թ. 151-152

Վարույթն իրականացնող մարմնի եզրահանգումները


Վ Ե Ր Ո Գ Ր Յ Ա Լ Ի Հ Ի Մ Ա Ն Վ Ր Ա

Սվետլաննա Յուրիի Սարդարյանը
(ծնված 31.10.1966թ. Նովոսիբիրսկ քաղաքում, ազգությամբ հայ, ՀՀ քաղաքացի, միջնակարգ կրթությամբ, իր հայտարարությամբ ամուսնացած, նախկինում դատված, դատվածությունը չմարված, «Տոսկանա» հյուրանոցում խոհարարի օգնական, հաշվառված է` Կոտայքի մարզ, գյուղ Արտամեդ, մշտական բնակության վայր չունի




մեղադրվում է այն բանի համար, որ նա, 2013թ. հոկտեմբերի 18-ին` ժամը 11.00-ի սահմաններում, Երևան քաղաքի Սուրբ Գրիգոր Լուսավորիչ եկեղեցու նստարանի վրա դրված Նատալիա Խանամիրյանի պայուսակից գաղտնի հափշտակել է վերջինիս պատկանող 10.000 ՀՀ դրամ արժողության դրամապանակը, որում եղել են 162.600 ՀՀ դրամին համարժեք 400 ԱՄՆ դոլար և 777.400 ՀՀ դրամի տարբեր ոսկյա զարդեր ` պատճառելով ընդհանուր խոշոր չափի` 950.000 ՀՀ դրամի գույքային վնաս։
Այսինքն` Սվետլաննա Յուրիի Սարդարյանը կատարել է հանցավոր արարք, որը նախատեսված է ՀՀ քրեական օրենսգրքի 177 հոդվածի 2-րդ մասի 2-րդ կետով։

Սույն քրեական գործը ՀՀ քր. դատ. օր.-ի 47 հոդվածի կարգով ընդդատյա է Կենտրոն և Նորք-Մարաշ վարչական շրջանների ընդհանուր իրավասության դատարանին։

Մեղադրական եզրակացությունը կազմվել է 2014թ. մարտի 14-ին, Երևան քաղաքում։



Քննիչ` Շ.Գրիգորյան








































ՑՈՒՑԱԿ
դատակոչի ենթակա անձանց


ՄԵՂԱԴՐՅԱԼ`
1. Սվետլաննա Յուրիի Սարդարյան– »Աբովյան« ՔԿՀ-ի կալանավոր

գ.թ.142-145,162-163


ՏՈՒԺՈՂ`
1. Նատալիա Անդրանիկի Խանամիրյան- բն.` ք.Երևան, Ներքին Շենգավիթ 12 փող. 1-ին նրբ. 17 տուն
գ.թ. 15-16,131, 153-154

ՎԿԱ`

1.Վարինգա Ռաֆիկի Բարսեղյան- բն.` ք.Երևան, Ներքին Շենգավիթ 12 փող. 1-ին նրբ. 17 տուն


գ.թ. 25-26, 36-37





Քննիչ` Շ.Գրիգորյան


































ՏԵՂԵԿԱՆՔ

թիվ 13826813 քրեական գործով

1.Հանցագործության դեպքը կատարվել է 2013թ. հոկտեմբերի 18-ին Երևանի Կենտրոն վարչական շրջանի տարածքում։
2.Թիվ 13826813 քրեական գործը հարուցվել է 22.10.2013թ.։
3.Ս.Սարդարյանին մեղադրանք է առաջադրվել ՀՀ քր. օր-ի 177 հոդվածի 2-րդ մասի 2-րդ կետով 2014թ. փետրվարի 26-ին, որպես խափանման միջոց ընտրվել է կալանավորումը 2 ամիս ժամանակով։
4.Քրեական գործով տուժող Նատալիա Խանամիրյանը 950.000 ՀՀ դրամի քաղաքացիական հայց է ներկայացրել։
5. Քրեական գործով տուժող Նատալիա Խանամիրյանին նախաքննության ավարտ է հայտարարվել և քրեական գործի նյութերը ծանոթացվել են 2014թ. փետրվարի 26-ին։
6.Քրեական գործով մեղադրյալ Սվետլաննա Սարդարյանին նախաքննության ավարտ է հայտարարվել և քրեական գործի նյութերը ծանոթացվել են 2014թ. փետրվարի 26-ին։
7.Մեղադրական եզրակացությունը կազմվել է 2014թ. մարտի 14 -ին.։





Քննիչ` Շ.Գրիգորյան