Հիմնական
Գործի համար:
ԵԿԴ/0008/01/14
Վիճակագրական տողի համար :
10.1
Պատասխանող
Էմիլ Դոխալյան Ռոմանի
Դատավոր
Կենտրոն և Նորք-Մարաշ
Մեսրոպ Մակյան
Հոդվածներ
Կենտրոն և Նորք-Մարաշ
ՀՀ Քրեական օրենսգիրք
Հոդված 258 Մաս 1
Դատավոր
Կենտրոն և Նորք-Մարաշ
Մեսրոպ Մակյան
| Դատարան | Օր | Ժամ | Դատարանի դահլիճի համար | Ստատուս | Որոշում | Այլ նշումներ |
|---|---|---|---|---|---|---|
| Կենտրոն և Նորք-Մարաշ | 2014-03-17 | 14:00 | 2 | Կայացել է | ||
| Կենտրոն և Նորք-Մարաշ | 2014-02-28 | 12:00 | 2 | Նշանակվել է դատական նիստ | ||
| Կենտրոն և Նորք-Մարաշ | 2014-02-07 | 17:00 | 2 | Չի կայացել |
*
Դատական գործ N: ԵԿԴ/0008/01/14
Կենտրոն և Նորք-Մարաշ
Նոր քրեական գործ
| Երբ է գործը ստացվել | 13-01-2014 |
|---|---|
| Քրեական գործի համարը | 0008/01/14 |
| Ինչ կարգով է գործը ստացվել | Առաջին անգամ |
| Դատախազություն | Կենտրոն և Նորք-Մարաշ վարչական շրջանների դատախազություն |
| Նախաքննական գործի համարը | 15143413 |
| Մեղադրական եզրակացության համառոտ բովանդակություն | ԱՆՄԵՂՍՈՒՆԱԿ Էմիլ Դոխոլյանին մեղադրանք է առաջադրվել այն բանի համար, որ նա խուլիգանական մղումներից ելնելով, հասարակության և բարոյականության նորմերի նկատմամբ անթաքույց արհամարհանք դրսևորելով 2013թ. Տ. Մեծի 10 հասցեում գտնվող <<Երևան սիթի>> սուպերմարկետի հացի տոպրակի մեջ օգտագործած պահպանակ է դրել` դիտավորությամբ կոպիտ կերպով խախտելով հասարակական կարգը և բացահայտ անհարգալից վերաբերմունք դրսևորել հասարակության նկատմամբ: |
| Մեղադրյալ | |
| Անձ | |
| Անուն | Էմիլ |
| Ազգանուն | Դոխալյան |
| Հայրանուն | Ռոմանի |
| Հասցե | --------------- |
| Ծննդյան օր | --------------- |
| Սոցիալական քարտ | --------------- |
| Վիճակագրական տողի համարը | 10.1 |
| Չափահաս | Այո |
Մակագրել
| Երբ | 13-01-2014 |
|---|---|
| Նախագահող դատավոր | |
| Անուն | Մեսրոպ |
| Ազգանուն | Մակյան |
Ընդունվել է վարույթ
| Երբ | 13-01-2014 |
|---|---|
| Որոշումը ուղարկվել է կողմերին | 13-01-2014 |
| Ուղարկվել է հուշաթերթիկ/որոշումը | 13-01-2014 |
Նշանակվել է դատական քննություն
| Երբ | 07-02-2014 |
|---|---|
| Դատավարության կողմեր | Մեղադրող |
| Դատավարության կողմեր | Քրեական օրենքով արգելված արարք կատարած անձ |
| Դատավարության կողմեր | Պաշտպան |
| Դատավարության կողմեր | |
| Անուն | Գ |
| Ազգանուն | Մարգարյան |
| Հասցե | --------------- |
| Սեռ | 0 |
| Դատավարության կողմեր | |
| Անուն | Էմիլ |
| Ազգանուն | Դոխոլյան |
| Հասցե | --------------- |
| Սեռ | 1 |
| Դատավարության կողմեր | |
| Անուն | Էդուարդ |
| Ազգանուն | Աղաջանյան |
| Հասցե | --------------- |
| Սեռ | 0 |
| Ժամ | 17:00 |
| Նիստերի դահլիճի համարը | 2 |
| Նիստը | Չի կայացել |
| Չկայացման պատճառը | Նախագահող դատավորի Արդարադատության խորհրդի նիստին մասնակցելու պատճառով դատական նիստը հետաձգվել է |
Նշանակվել է դատական նիստ/դատական քննություն
| Երբ | 28-02-2014 |
|---|---|
| Ժամ | 12:00 |
| Նիստերի դահլիճի համարը | 2 |
| Նիստը | Կայացել է |
Նշանակվել է դատական նիստ/դատական քննություն
| Երբ | 17-03-2014 |
|---|---|
| Ժամ | 14:00 |
| Նիստերի դահլիճի համարը | 2 |
| Նիստը | Կայացել է |
Բժշկական բնույթի հարկադրական միջոցներ
| Ամսաթիվ | 17-03-2014 |
|---|---|
| Օրենսգիրք | Քրեական օրենսգիրք |
| Հոդված | |
| Որոշման բովանդակությունը | ԵԿԴ/0008/01/14 2014թ. Ո Ր Ո Շ ՈՒ Մ ՔՐԵԱԿԱՆ ՕՐԵՆՔՈՎ ԱՐԳԵԼՎԱԾ ԱՐԱՐՔ ԿԱՏԱՐԱԾ ԱՆՁԻ ՆԿԱՏՄԱՄԲ ԲԺՇԿԱԿԱՆ ԲՆՈՒՅԹԻ ՀԱՐԿԱԴՐԱՆՔԻ ՄԻՋՈՑ ԿԻՐԱՌԵԼՈՒ ՄԱՍԻՆ ,,17,, մարտի 2014թ. ք. Երևան Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ` Դատարան) Նախագահությամբ դատավոր Մ. ՄԱԿՅԱՆԻ Քարտուղարությամբ՝ Կ. Կարապետյանի Մասնակցությամբ` Դատախազ Գ. Մարգարյանի Պաշտպան Է. Աղաջանյանի Օրինական ներկայցուցիչ Ռ. Դոխոլյանի դռնբաց դատական նիստում, քննության առնելով ՀՀ քրեական օրենսգրքի 258-րդ հոդվածի 1-ին մասով նախատեսված արարքը անմեղսունակության վիճակում կատարած անձ Էմիլ Ռոմանոզի /Ռոմանի/ Դոխոլյանի` /ծնված 1985թ. հոկտեմբերի 7-ին, Վրաստանի Հանրապետություն, ք.Թբիլիսի, ազգությամբ հայ, ՀՀ քաղաքացի, չամուսնացած, տարրական կրթությամբ, նախկինում չդատված, բնակվող` ք. Երևան Երկաթուղայինների 2-րդ փողոց, 26 տուն հասցեում, որպես անվտանգության միջոց է ընտրվել հոգեբուժական հիվանդանոցում տեղավորելը, պահվում է ՀՀ ԱՆ «Նուբարաշեն» կլինիկակայի հատուկ հսկողության հոգեբուժական հիվանդանոցում/, նկատմամբ բժշկական բնույթի հարկադրանքի միջոցներ կիրառելու մասին հարցը` Պ Ա Ր Զ Ե Ց Ըստ դատարան ստացված գործի նյութերի՝ «Էմիլ Ռոմանոզի /Ռոմանի/ Դոխոլյանը խուլիգանական մղումներից ելնելով, հասարակության և բարոյականության նորմերի նկատմամբ անթաքույց արհամարհանք դրսևորևելով 2013թ. օգոստոսի 15-ին, ժամը 12։00-ի սահմաններում Երևան քաղաքի Տիգրան Մեծ 10 հասցեում գործող «Երևան Սիթի» սուպերմարկետի հացի բաժնում հացի տոպրակի մեջ օգտագործված պահպանակ է դրել` դիտավորությամբ կոպիտ կերպով խախտելով հասարակական կարգը և բացահայտ անհարգալից վերաբեմունք դրսևորելով հասարակության նկատմամբ»։ Դեպքի առթիվ 2013թ. օգոստոսի 20-ին Կենտրոնականի քննչական բաժնում ՀՀ քրեական օրենսգրքի 258-րդ հոդվածի 1-ին մասի հատկանիշներով հարուցվել է թիվ 15143413 քրեական գործը։ 26.08.2013թ. Էմիլ Դոխոլյանին մեղադրանք է առաջադրվել ՀՀ քրեական օրենսգրքի 258-րդ հոդվածի 1-ին մասով, որպես խափանման միջոց է կիրառվել չհեռանալու մասին ստորագրությունը։ Նախաքննության ընթացքում նշանակվել է ամբուլատոր դատահոգեբուժական փորձաքննություն, որի թիվ 441/13 եզրակացության համաձայն. մեղադրյալ Էմիլ Դոխոլյանի մոտ հայտնաբերվել է «Անձի օրգանական զառանցական խանգարում», «Շիզոֆրենիա, պարանոիդ ձև» հոգեկան հիվանդությունները, սակայն միանվագ ամբուլատոր դատահոգեբուժական փորձաքննությամբ հնարավոր չի եղել ճշգրիտ որոշել նրա վերջնական ախտորոշումը։ Ախտորոշումը ճշտելու և փորձագիտական հարցերին պատասխանելու համար նրա նկատմամբ հարկ է եղել անցկացնել ստացիոնար դատահոգեբուժական փորձաքննություն և Է.Դոխոլյանի մեղսունակությունը, ինչպես նաև նրա հոգեկան լիարժեքությունը պարզելու նպատակով 01.11.2013թ. նշանակվել է ստացիոնար դատահոգեբուժական փորձաքննություն, որն անցկացվել է 2013թ. դեկտեմբերի 03-ից։ Համաձայն ստացիոնար դատահոգեբուժական փորձաքննության թիվ 136 եզրակացության՝ «Էմիլ Ռոմանի Դոխոլյանը տառապել և տառապում է «Օրգանական զառանցական խանգարում» հոգեկան հիվանդությամբ։ Այդ մասին վկայում են ինչպես անամնեստիկ տվյալները, այնպես էլ ներկա հետազոտման արդյունքները։ Իրավախախտումը կատարելիս Էմիլ Ռոմանի Դոխոլյանը գտնվել է վերը նշված հիվանդագին խանգարված վիճակում, արարքը կատարել է ցնորազառանցական ապրումներ ազդեցության տակ, որը զրկել է իր գործողությունների վտանգավորությունը գիտակցելու և դրանք ղեկավարելու ունակությունից, Ներկայումս է. Դոխոլյանը նույնպես չի կարող գիտակցել իր գործողությունների վտանգավորությունը և ղեկավարել դրանք, է. Դոխոլյանը ճանաչվել է կատարածի նկատմամբ անմեղսունակ։ Իր ներկա հոգեկան վիճակով չի կարող մասնակցել դատաքննչական գործողություններին, վտանգ է ներկայացնում իր և շրջապատի համար և կարիք ունի հարկադիր բուժման՝ հատուկ հսկողության հոգեբուժական բաժանմունքի պայմաններում»։ 28.12.2013թ.-ին Կենտրոն և Նորք-Մարաշ վարչական շրջանների դատախազության ավագ դատախազ Գ.Մարգարյանի կողմից որոշում է կայացվել անմեղսունակության վիճակում քրեական օրենքով արգելված արարք կատարած Էմիլ Ռոմանի Դոխոլյանի նկատմամբ բժշկական բնույթի հարկադրական միջոցներ կիրառելու համար գործը դատարան ուղարկելու մասին։ Քրեական գործը Կենտրոն և Նորք-Մարաշ վարչական շրջանների ընդհանուր իրավասության դատարանի գրասենյակ է ստացվել և մուտքագրվել 13.01.2014թ.-ին և նույն օրն որոշում է կայացվել քրեական գործը վարույթ ընդունելու մասին։ Գործի դատական քննության ընթացքում Էմիլ Ռոմանի Դոխոլյանը կատարած արարքի վերաբերյալ հայտնել է, որ ինքը թշնամի է ունեցել այդ սուպերմարկետում և նրան վատություն անելու համար է կատարել այդ արարքը։ Հայտնել է, որ ինքը վատառողջ չէ, որևէ հիվանդությամբ չի տառապում, այդ պահին գտնվել է զայրացած վիճակում, որի հետևանքով կատարել է այդ արարքը։ Էմիլ Ռոմանի Դոխոլյանի կողմից քրեական օրենքով արգելված արարք կատարելը հիմնավորվել է գործի դատաքննությամբ հետազոտված հետևյալ ապացույցներով. վկա՝ «Երևան Սիթի» սուպերմարկետի աշխատակից, Արմեն Ռազմիկի Շահբազյանի նախաքննական ցուցմունքով այն մասին, որ 2013 թ. օգոստոսի 15-ին, ժամը 13։00-ի սահմաններում «Երևան Սիթի» սուպերմարկետի հացի բաժնի պատասխանատու Զարուհի Մուրադյանից տեղեկացել է, որ հացի տոպրակի մեջից հայտնաբերել է օգտագործված պահպանակ։ Անմիջապես դիտել է սուպերմարկետի տեսանկարահանող սարքերի տեսագրությունները, որտեղ պարզ երևացել է, որ էմիլ Դոխոլյանը եկել է հացի բաժին, համոզված լինելով, որ իր շրջակայքում մարդ չկա, գրպանից հանել է օգտագործված պահպանակը և դրել այն հացի տոպրակի մեջ ու հեռացել։ /տես`գ.թ 40-41, դատական նիստի արձանագրությունը/ Վկա՝ «Երևան Սիթի» սուպերմարկետի աշխատակից, Հարություն Արամայիսի Գասպարյանի նախաքննական ցուցմունքով այն մասին, որ 2013թ. օգոստոսի 15-ին, ժամը 13։00-ի սահմաններում, «Երևան Սիթի» սուպերմարկետի հացի բաժնի պատասխանատու Զարուհի Մուրադյանից տեղեկացել է, որ հացի տոպրակի մեջից հայտնաբերել է օգտագործված պահպանակ։ Սուպերմարկետի անվտանգության աշխատակից Արմեն Շահբազյանն անմիջապես դիտել է սուպերմարկետի տեսանկարահանող սարքերի տեսագրությունները, որտեղ պարզ երևացել է, որ նույն օրը՝ ժամը 12։00-ի սահմաններում էմիլ Դոխոլյանը եկել է հացի բաժին, նայելով շուրջն ու համոզվելով, որ իր շրջակայքում մարդ չկա, գրպանից հանել է օգտագործված պահպանակը և դրել այն հացի տոպրակի մեջ ու հեռացել։ Վերջինիս տարօրինակ պահվածք է դրսևորել։ /տես`գ.թ 42-43, դատական նիստի արձանագրությունը/ Վկա՝ «Երևան Սիթի» սուպերմարկետի աշխատակից, Հռիփսիմե Գուրգենի Խաչատրյանի նախաքննական ցուցմունքով այն մասին, որ 2013թ. օգոստոսի 15-ին, ժամը 12։00-ի սահմաններում, «Երևան Սիթի» սուպերմարկետի հացի բաժնի աշխատակից Զարուհի Մուրադյանից տեղեկացել է, որ հացի տոպրակի միջից հայտնաբերել է օգտագործված պահպանակ։ Սուպերմարկետի անվտանգության աշխատակիցները դիտել են սուպերմարկետի տեսանկարահանող սարքերի աեսագրությունեերը, որով պարգվել է, որ մի անձ՝ էմիլ Դոխոլյանը, եկել է հացի բաժին, նայելով շուրջն ու համոզվելով, որ իր շրջակայքում մարդ չկա, գրպանից հանել է օգտագործված պահպանակը և դրել այն հացի տոպրակի մեջ ու հեռացել։ /տես` գ.թ. 53-54, դատական նիստի արձանագրությունը/ Վկա՝ «Երևան Սիթի» սուպերմարկետի աշխատակից, Զարուհի Մուրադյանի նախաքննական ցուցմունքով այն մասին, որ 2013թ. օգոստոսի 15-ին, ժամը 12։00-ի սահմաններում, «Երևան Սիթի» սուպերմարկետի հացի բաժնում հայտնաբերել է տոպրակով փաթաթված մի իր, որը Հռիփսիմե Խաչատրյանի հետ զննելուց հետո, պարզվել է, որ օգտագործված պահպանակ է։ Այդ մասին տեղեկացրել է սուպերմարկետի անվտանգության աշխատակիցներին, որոնք դիտել են տեսանկարահանող սարքերի տեսագրությունները, որով պարզվել է, որ մի անձ՝ էմիլ Դոխոլյանը, եկել է հացի բաժին, նայելով շուրջբոլորն ու համոզվելով, որ իր շրջակայքում մարդ չկա, գրպանից հանել է օգտագործված պահպանակը և դրել այն հացի տոպրակի մեջ ու հեռացել։ /տես`գ.թ 56-57, դատական նիստի արձանագրությունը/ Վկա՝ «Երևան Սիթի» սուպերմարկետի աշխատակից, Վահան Սերգեյի Զաքարյանի նախաքննական ցուցմունքով այն մասին, որ 2013թ. օգոստոսի 15-ին, ժամը 12։00-ի սահմաններում, «Երևան Սիթի» սուպերմարկետի հացի բաժնի աշխատակից Զարուհի Մուրադյանից տեղեկացել է, որ հացի տոպրակի մեջից հայտնաբերել է օգտագործված պահպանակ։ Սուպերմարկետի անվտանգության աշխատակիցները դիտել են սուպերմարկետի տեսանկարահանող սարքերի տեսագրությունները, որով պարզվել է, որ մի անձ՝ էմիլ Դոխոլյանը, եկել է հացի բաժին, գրպանից հանել է օգտագործված պահպանակը և դրել այն հացի տոպրակի մեջ ու հեռացել։ /տես`գ.թ 58-59, դատական նիստի արձանագրությունը/ Էմիլ Դոխոլյանի օրինական ներկայացուցիչ Ռոմանոզ Դոխոլյանը հայտնել է, որ թեև չի արդարացնում որդու արարքը, սակայն նա որևէ հիվանդությամբ չի տառապել նրա դաստիարակությամբ զբաղվել է ինքը, մշտապես հետևել է նրա վարքին, ծառայել է բանակում, ունեցել աշխատանք։ Խնդրել է դատարանին, որպեսզի իր որդու նկատմամբ նշանակվի ոչ, թե հարկադիր բուժման՝ հատուկ հսկողության հոգեբուժական բաժանմունքի պայմաններում, այլ ընդհանուր պայմաններում, քանի որ գտնում է նա իրենից վտանգավորություն չի ներկայացնում։ /տես` դատական նիստի արձանագրությունը/ Բացի վերոգրյալներից, ամբաստանյալ էմիլ Ռոմանի Դոխոլյանի կողմից կատարած հանցանքը հիմնավորվել են նաև գործով ձեռք բերված և դատաքննությամբ հետազոտված հետևյալ ապացուցների համակցությամբ. տեսաձայնագրային փորձաքննության թիվ 30261306 եզրակացությամբ այն մասին, որ փորձաքննությանը տրամադրված «Ritek» ընկերության արտադրության լազերային սկավառակի վրա աոկա «08-20130815-120000» անվանումով ֆայլը «avi» ֆորմատի է։ Տեսագրությունից առանձնացվել են թվով 4 կադրեր, որոնք կարևորություն են ներկայացրել քննության համար, դրանք ենթարկվել են համակարգչային մշակման և արտատպվել են լուսանկարների տեսքո։ Տեսագրության մեջ մոնտաժման բնորոշ հետքեր չեն հայտնաբերվել։ /տես`գ.թ 67-71, դատական նիստի արձանագրությունը/ Համաձայն ստացիոնար դատահոգեբուժական փորձաքննության թիվ 136 եզրակացության՝ էմիլ Ռոմանի Ռոխոլյանը տառապել և տառապում է «Օրգանական զառանցական խանգարում» հոգեկան հիվանդությամբ։ Այդ մասին վկայում են ինչպես անամնեստիկ տվյալները, այնպես էլ ներկա հետազոտման արդյունքները։ Իրավախախտումը կատարելիս էմիլ Ռոմանի Դոխոլյանը գտնվել է վերը նշված հիվանդագին խանգարված վիճակում, արարքը կատարել է ցնորազառանցական ապրումների ազդեցության տակ, որը զրկել է իր գործողությունների վտանգավորությունը գիտակցելու ե դրանք ղեկավարելու ունակությունից։ Ներկայումս է. Դոխոլյանը նույնպես չի կարող գիտակցել իր գործողությունների վտանգավորությունը և ղեկավարել դրանք, է. Ռոխոլյանը ճանաչվել է կատարածի նկատմամբ ասմեղսունակ։ Իր ներկա հոգեկան վիճակով չի կարող մասնակցել դատաքննչական գործողություններին, վտանգ է ներկայացնում իր և շրջապատի համար և կարիք ունի հարկադիր բուժման՝ հատուկ հսկողության հոգեբուժական բաժանմունքի պայմաններում։ /տես ստացիոնար դատահոգեբուժական փորձաքննության թիվ 136 եզրակացությունը գ.թ. 98-101, դատական նիստի արձանագրությունը/ Հաշվի առնելով վերը նշվածը, ինչպես նաև հիմք ընդունելով ստացիոնար դատահոգեբուժական թիվ 136 եզրակությունը, գործի քննությանը մասնակցող դատախազ Գ.Մարգարյանը կարծիք է հայտնել, որ էմիլ Ռոմանի Դոխոլյանը հանացանքը կատարել է անմեղսունակության վիճակում, սոցիալական բարձր վտանգ է ներկայացնում հասարակության, ինչպես նաև իր շրջապատի համար, կարիք ունի հարկադրական բուժման հատուկ հսկողության բուժական բաժանմունքի պայմաններում, ուստի նրա նկատմամբ պետք է կիրառել բժշկական բնույթի հարկադրանքի միջոց։ ՀՀ քրեական օրենսգրքի 97-րդ հոդվածի համաձայն` 1. Բժշկական բնույթի հարկադրանքի միջոցներ դատարանը կարող է նշանակել այն անձի նկատմամբ՝ 1) ով սույն օրենսգրքի Հատուկ մասի հոդվածով նախատեսված արարքը կատարել է անմեղսունակության վիճակում. 2) ում մոտ հանցանքը կատարելուց հետո առաջացել է պատժի նշանակումը կամ կատարումն անհնար դարձնող հոգեկան խանգարում. 3) ով հանցանք է կատարել սահմանափակ մեղսունակության վիճակում. 4) ով հանցանք է կատարել և ճանաչվել է ալկոհոլամոլությունից կամ թմրամոլությունից բուժման կարիք ունեցող։ 2. Բժշկական բնույթի հարկադրանքի միջոցները սույն հոդվածի առաջին մասում նշված անձանց նկատմամբ նշանակվում են միայն այն դեպքերում, երբ հոգեկան խանգարումները կապված են այդ անձանց կողմից այլ էական վնաս պատճառելու հնարավորության կամ իր կամ այլ անձանց համար վտանգավորության հետ։ 3. Բժշկական բնույթի հարկադրանքի միջոցների կիրառման կարգը սահմանվում է օրենքով։ 4. Դատարանը կարող է սույն հոդվածի առաջին մասում նշված և իրենց հոգեկան վիճակով վտանգավորություն չներկայացնող անձանց վերաբերյալ անհրաժեշտ նյութերը հանձնել առողջապահության մարմիններ՝ այդ անձանց բուժելու կամ նրանց հոգեբուժական կազմակերպություն ուղարկելու հարցը լուծելու համար։ ՀՀ քրեական օրենսգրքի 98-րդ հոդվածի համաձայն` 1. Բժշկական բնույթի հարկադրանքի միջոցներ են՝ 1) հոգեբույժի մոտ արտահիվանդանոցային հսկողությունը և հարկադիր բուժումը. 2) հոգեբուժական կազմակերպությունների ընդհանուր հսկողության հոգեբուժական բաժանմունքում հարկադիր բուժումը. 3) հոգեբուժական հիվանդանոցի հատուկ տիպի հոգեբուժական բաժանմունքում հարկադիր բուժումը։ 2. Մեղսունակությունը չբացառող հոգեկան խանգարման վիճակում կատարված հանցանքի համար դատապարտված, բայց ալկոհոլամոլությունից, թմրամոլությունից կամ թունամոլությունից կամ մեղսունակությունը չբացառող հոգեկան խանգարումներից բուժման կարիք ունեցող անձանց նկատմամբ դատարանը պատժի հետ մեկտեղ կարող է նշանակել հոգեբույժի մոտ արտահիվանդանոցային հսկողություն և հարկադիր բուժում։ ՀՀ քրեական օրենսգրքի 100-րդ հոդվածի 2-րդ մասի համաձայն` 2. Հոգեբուժական հիվանդանոցի հատուկ տիպի հոգեբուժական բաժանմունքում դատարանի որոշմամբ հարկադիր բուժում կարող է նշանակվել այն անձի նկատմամբ, որը հոգեկան վիճակով վտանգավոր է իր և այլ անձանց համար և պահանջում է մշտական հսկողություն։ ՀՀ քրեական օրենսգրքի 101-րդ հոդվածի 1-ին մասի համաձայն` 1. Բժշկական բնույթի հարկադրանքի միջոց նշանակելիս դատարանը հաշվի է առնում անձի հոգեկան հիվանդությունը, նրա կատարած արարքի բնույթն ու հանրության համար վտանգավորության աստիճանը։ ՀՀ քրեական դատավարության օրենսգրքի 463-րդ հոդվածի 4-րդ կետի համաձայն` «դատարանը պետք է լուծի նաև այն հարցը, թե անձը կարիք ունի արդյոք իր նկատմամբ բժշկական բնույթի հարկադրական միջոցներ կիրառելու և հատկապես ինչպիսի միջոցներ»։ ՀՀ քրեական դատավարության օրենսգրքի 464-րդ հոդվածի 1-ին մասի համաձայն` «անձի կողմից քրեական օրենքով չթույլատրված արարքն անմեղսունակության վիճակում կատարելն ապացուցված համարելով` դատարանը որոշում է կայացնում անձին քրեական պատասխանատվությունից և պատժից ազատելու ու նրա նկատմամբ բժշկական բնույթի հարկադրական միջոցներ կիրառելու մասին, իսկ նույն հոդվածի 2-րդ մասի համաձայն` եթե անձը հասարակության համար մեծ վտանգ չի ներկայացնում և կարիք չունի իր նկատմամբ բժշկական բնույթի հարկադրական միջոցների կիրառման, ապա դատարանը կայացնում է գործի վարույթը կարճելու և քրեական հետապնդումը դադարեցնելու մասին որոշում։ Եթե արարքը կատարելու պահին անձը գտնվել է անմեղսունակության վիճակում, իսկ դատական քննության պահին առողջացել է, դատարանը նույնպես որոշում է կայացնում գործով վարույթը կարճելու և քրեական հետապնդումը դադարեցնելու մասին»։ Դատարանը, նկատի ունենալով, որ էմիլ Ռոմանոզի Դոխոլյանը տառապում է «Օրգանական զառանցական խանգարում» հիվանդությունով և նրա հոգեկան խանգարման վիճակը պահանջում է բուժման, խնամքի և հսկողության այնպիսի պայմաններ, որոնք կարող են իրականացվել միայն հիվանդանոցային ձևով, գտնում է, որ նրան պետք է ազատել քրեական պատասխանատվությունից ու պատժից` նշանակելով հոգեբուժական կազմակերպությունների ընդհանուր հսկողության հոգեբուժական բաժանմունքում հարկադիր բուժում։ Այսպիսով, գնահատելով քրեական օրենքով արգելված արաք կատարած անձի նկատմամբ հարուցված վարույթի քննությամբ և դատաքննությամբ ստուգված ապացույցները, դատարանը գտնում է, որ էմիլ Ռոմանոզի Դոխոլյանը կատարել է ՀՀ քրեական օրենսգրքի 258-րդ հոդվածի 1-ին մասով նախատեսված հանրության համար վտանգավոր արարքը։ Դատարանը գտնում է, որ էմիլ Ռոմանոզի Դոխոլյանի կողմից ՀՀ քրեական օրենսգրքի 258-րդ հոդվածի 1-ին մասով նախատեսված հանրության համար վտանգավոր արարքը կատարելն ապացուցված է, սակայն վերը նշված արարքը կատարելիս էմիլ Ռոմանոզի Դոխոլյանը գտնվել ու գտնվում է անմեղսունակության վիճակում, որը զրկել է նրան, իր գործողությունների վտանգավորությունը գիտակցելու և այդ գործողությունները ղեկավարելու հնարավորությունից։ Ուստի, դատարանը հաշվի առնելով այն հանգամանքը, որ ՀՀ քրեական օրենսգրքի 25-րդ հոդվածի համաձայն քրեական պատասխանատվության ենթակա չէ այն անձը, ով հանրության համար վտանգավոր արարք կատարելու պահին գտնվել է անմեղսունակության վիճակում, գտնում է, որ էմիլ Ռոմանոզի Դոխոլյանին պետք է ազատել քրեական պատասխանատվությունից ու պատժից և նրա նկատմամբ պետք է կիրառել բժշկական բնույթի հարկադրական միջոց։ Հաշվի առնելով էմիլ Ռոմանոզի Դոխոլյանի հոգեկան հիվանդությունը, նրա կատարած արարքի բնույթն ու վտանգավորության աստիճանը, ինչպես նաև հիմք ընդունելով ՀՀ Առողջապահության նախարարությանը կից միջգերատեսչական ստացիոնար դատահոգեբուժական փորձաքննության թիվ 136 եզրակացությունը, դատարանը գտնում է, որ էմիլ Ռոմանի Դոխոլյանի նկատմամբ պետք է նշանակել բժշկական բնույթի հարկադրանքի միջոց` հարկադրական բուժման հատուկ հսկողության հոգեբուժական բաժանմունքի պայմաններում։ Քրեական գործի դատական քննության ընթացքում Էմիլ Դոխոլյանի շահերի պաշտպան, փաստաբան Էդուարդ Աղաջանյանը դատարանի առջև բարձրացրել է իր պաշտպանյալի նկատմամբ համաներում կիրառելու հարցը, հայտնելով, որ իր պաշտպանյալը արարքը կատարել է մինչև 03.10.2013 թվականին ՀՀ Ազգային Ժողովի կողմից ընդունված «ՀՀ անկախության հռչակման 22-րդ տարեդարձի կապակցությամբ համաներում հայտարարելու մասին» որոշմումն ընդունելը։ Խնդրել է իր պաշտպանյալի նկատամբ կիրառել համաներման ակտը և նրան ազատել պատասխանատվությունից։ Քննարկման առարկա դարձնելով պաշտպանի կողմից ներկայցված միջնորդությունը, դատարանը փաստում է, որ այս պահին դատարանում Էմիլ Դոխոլյանի վերաբերյալ քրեական գործ չի քննվում, այլ նրա նկատմամբ 28.12.2013թ.-ին կայացվել է որոշում անմեղսունակության վիճակում քրեական օրենքով արգելված արարք կատարած անձի նկատմամբ բժշկական բնույթի հարկադրական միջոցներ կիրառելու համար գործը դատարան ուղարկելու մասին։ Հաշվի առնելով այն հանգամանքը, որ դատավարական օրենսգիրքն այս փուլում չի նախատեսում վարույթի կարճման ընթացակարգ, իսկ համաներման կիրառումը դատարանում տարածվում է ամբաստանյալ հանդիսացող անձի վրա, ուստի դատարանը, ղեկավարվելով ՀՀ Քրեական օրենսգրքի 97-98, 100-101-րդ հոդվածներով և ՀՀ քրեական դատավարության օրենսգրքի 462, 463 և 464-րդ հոդվածներով իրավասու է Էմիլ Դոխոլյանի նկատմամբ կիրառել բժշկական բնույթի հարկադրանքի միջոց և վերջինիս ազատել քրեական պատասխանատվությունից և պատժից, որը նրա համար առաջացնում է նույն հետևանքները, ինչպիսիք կարող էին առաջանալ 03.10.2013 թվականին ՀՀ Ազգային Ժողովի կողմից ընդունված «ՀՀ անկախության հռչակման 22-րդ տարեդարձի կապակցությամբ համաներում հայտարարելու մասին» որոշումը կիրառելու դեպքում։ Վերոգրյալի հիման վրա և ղեկավարվելով ՀՀ Քրեական օրենսգրքի 97-98, 100-101-րդ հոդվածներով և ՀՀ քրեական դատավարության օրենսգրքի 462, 463 և 464-րդ հոդվածներով, դատարանը` Ո Ր Ո Շ Ե Ց Էմիլ Ռոմանոզի /Ռոմանի/ Դոխոլյանին ազատել ՀՀ քրեական օրենսգրքի 258-րդ հոդվածի 1-ին մասով նախատեսված քրեական պատասխանատվությունից և պատժից։ Էմիլ Ռոմանոզի /Ռոմանի/ Դոխոլյանի նկատմամբ նշանակել բժշկական բնույթի հարկադրական միջոց՝ հարկադիր բուժում հատուկ հսկողության հոգեբուժական բաժանմունքի պայմաններում։ Որոշումը կարող է բողոքարկվել ՀՀ Վերաքննիչ քրեական դատարան հրապարակվելու օրվանից հետո` մեկամսյա ժամկետում։ Դ Ա Տ Ա Վ Ո Ր Մ. Մ Ա Կ Յ Ա Ն |
Դատական ակտ
| Դատական ակտի բովանդակությունը | * |
|---|---|
| Դատական ակտի ամսաթիվը | 17-03-2014 |
Դատավճռի, որոշման կատարում
| Ամսաթիվ | 22-04-2014 |
|---|
Գործը հանձնվել է գրասենյակ
| Գործը հանձնվել է գրասենյակ | 07-05-2014 |
|---|---|
| Էջերի քանակ | 122, 108 |
Գործը հանձնվել է դատարանի արխիվ
| Ամսաթիվ | 08-05-2014 |
|---|---|
| Էջերի քանակը | 122, 108 |