ԵԿԴ/0260/01/13
----------------
2014թ.

Ո Ր Ո Շ ՈՒ Մ

ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ԵՎ ՔՐԵԱԿԱՆ
ԳՈՐԾԻ ՎԱՐՈՒՅԹԸ ԿԱՐՃԵԼՈՒ ՄԱՍԻՆ

,,24,, փետրվարի 2014թ. ք. Երևան

ՀՀ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանը` նախագահությամբ դատավոր Մ.Մակյանի, խորհրդակցական սենյակում քննության առնելով թիվ ԵԿԴ/0260/01/13 քրեական գործի նյութերն ըստ մեղադրանքի`

Ալբերտ Արթուրի Բոշյանի` ծնված 04.02.1991 թվականին
Երևան քաղաքում, ազգությամբ հայ, ՀՀ քաղաքացի, միջնակարգ
կրթությամբ, չամուսնացած, չդատված, աշխատում է «Արման
Դավիթ» ՍՊԸ-ի «Հելո» տաքսի ծառայությունում, որպես վարորդ,
բնակվում ք. Երևան Շարուրի փող., 19-րդ շենք 19-րդ բնակարան,
մեղադրվում է ՀՀ քրեական օրենսգրքի 178-րդ հոդվածի 1-ին
մասով,

Պ Ա Ր Զ Ե Ց

Ըստ նախաքննական մարմնի՝ Թիվ 13839213 քրեական գործով կատարված նախաքննությամբ պարզվել և հիմնավորվել է հետևյալը.

մեղադրյալ Ալբերտ Արթուրի Բոշյանը, նպատակ ունենալով խարդախության եղանակով հափշտակել ուրիշի գույքը, 2013թ. սեպտեմբերի 2-ին, ժամը 21-ի սահմաններում, Երևանի Հանրապետության հրապարակում հանդիպել է իր ծանոթ Նորայր Արշավիրի Գասպարյանի հետ, նրանից վերցրել «Այփադ» տեսակի, 330.000 ՀՀ դրամ արժողության պլանշետ-համակարգչը և մի քանի րոպե խաղացել դրանով։ Այնուհետև նրան խաբելով՝ մոտակայքում գտնվող Երևանի մետրոպոլիտենի «Հանրապետության հրապարակ» կայարանի մոտ իրեն իբրև սպասող ընկերուհուն հանդիպելու և նրա հետ միասին անմիջապես վերադառնալու պատրվակով, գնացել է այդ ուղղությամբ՝ իր հետ տանելով Ա.Գասպարյանի համակարգիչը։ Դուրս գալով Նորայր Գասպարյանի տեսադաշտից, դիմել է փախուստի՝ տուժողին պատճառելով գգալի չափերի գույքային վնաս։

Փաստի առթիվ ՀՀ Ոստիկանության Կենտրոնականի քննչական բաժնի կողմից 19.11.2013թ-ին հարուցվել է քրեական գործ։

03.12.2012թ.-ին ՀՀ Ոստիկանության Կենտրոնականի քննչական բաժնի կողմից կայացվել է որոշում` Ալբերտ Արթուրի Բոշյանին որպես մեղադրյալ ներգրավելու մասին և նրան մեղադրանք է առաջադրվել ՀՀ քրեական օրենսգրքի 178-րդ հոդվածի 1-ին մասով։

Քրեական գործը ՀՀ Երևան քաղաքի Կենտրոն և Նորք-Մարաշ Վարչական շրջանների ընդհանուր իրավասության դատարան է ստացվել և մուտքագրվել 28.12.2013թ.-ին և նույն օրը կայացվել է որոշում` քրեական գործը վարույթ ընդունելու մասին։

Գործի դատական քննության նախապատրաստական մասում, 24.02.2014թ.-ին կայացած դատական նիստի ժամանակ տուժող Նորայր Գասպարյանը դատարանին հայտնել է, որ ամբաստանյալ Ալբերտ Բոշյանի նկատմամբ բողոք կամ քաղաքացիական հայցի պահանջ չունի, քանի որ վերջինիս կողմից հատուցվել է իրեն պատճառված վնասը և հաշտվել է նրա հետ։

Ամբաստանյալ Ալբերտ Բոշյանը դատարանում հայտարարել է, որ ամբողջությամբ հատուցել է տուժող Նորայր Գասպարյանին պատճառված վնասը և նունպես հաշտվել է նրա հետ։

Գործով մեղադրող Ա.Բեգինյանը միջնորդել է ամբաստանյալ Ալբերտ Բոշյանի նկատմամբ ՀՀ քրեական օրենսգրքի 178-րդ հոդվածի 1-ին մասով հարուցված քրեական հետապանդումը դադարեցնել, հայտնելով, որ առկա են օրենքով սահմանված հիմքեր` նշված մեղադրանքով ամբաստանյալի նկատմամբ քրեական հետապնդումը դադարեցնելու համար։

Դատարանը, խորհրդակցական սենյակում ուսումնասիրելով քրեական գործի նյութերը և վերլուծելով դատավարության կողմերի դիրքորոշումը, հանգում է այն հետևության, որ Ալբերտ Բոշյանի նկատմամբ ՀՀ քրեական օրենսգրքի 178-րդ հոդվածի 1-ին մասով` տուժող Նորայր Գասպարյանից «Այփադ» տեսակի պլանշետ համակարգիչը ենթադրաբար հափշտակելու վերաբերյալ հարուցված քրեական հետապնդումը ենթակա է դադարեցման հետևյալ պատճառաբանությամբ.

Համաձայն ՀՀ քրեական դատավարության օրենսգրքի 183-րդ հոդվածի 1-ին մասի`

«ՀՀ քրեական օրենսգրքի /…/ 178-րդ հոդվածի 1-ին մասով /.../ նախատեսված հանցագործությունների վերաբերյալ գործերը հարուցվում են ոչ այլ կերպ, քան տուժողի բողոքի հիման վրա, և կասկածյալի կամ մեղադրյալի կամ ամբաստանյալի հետ նրա հաշտվելու դեպքում ենթակա են կարճման։ Հաշտությունը թույլատրվում է միչև դատավճիռ կայացնելու համար դատարանի խորդակցական սենյակ հեռանալը»։

Համաձայն ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետի` «Քրեական գործ չի կարող հարուցվել և, իսկ հարուցված քրեական գործի վարույթը ենթակա է կարճման, եթե. /.../

« 5. սույն օրենսգրքով նախատեսված դեպքերում տուժողը հաշտվել է կասկածյալի կամ մեղադրյալի հետ»։

Դատարանում հաստատաված համարվեց այն հանգամանքը, որ ամբաստանյալին մեղսագրված է արարք, որը նախատեսված է ՀՀ քրեական օրենսգրքի 178-րդ հոդվածի 1-ին մասով։

Դատարանն արձանագրում է, որ այդ կապակցությամբ տուժող Նորայր Գասպարյանի և ամբաստանյալ Ալբերտ Արթուրի Բոշյանի կողմից ներկայացված հայտարարություններով և դիրքորոշումներով հիմնավորվեց, որ տուժողը, իրենից ենթադրաբար հափշտակված «Այփադ» տեսակի պլանշետ համակարգչի վերաբերյալ կատարված հնրավոր հանցավոր ոտնձգության առումով հաշտվել է ամբաստանյալ Ալբերտ Արթուրի Բոշյանի հետ, իսկ վերջինս` տուժողի հետ։

Այսպիսով, դատարանը գտնում է, որ առկա են բավարար հիմքեր սույն քրեական գործով ամբաստանյալի նկատմամբ նախաքննական մարմնի կողմից հարուցված քրեական հետապնդումը դադարեցնելու և հարուցված քրեական գործի վարույթը կարճելու համար` դատարանի վերը նշված պատճառաբանությամբ և հիմնավորումներով։

Դատարանն արձանագրում է, որ ամբաստանյալ Ալբերտ Արթուրի Բոշյանի նկատմամբ հարուցված քրեական հետապնդման դադարեցման և քրեական գործի վարույթը կարճելու պայմաններում նրա նկատմամբ չհեռանալու մասին ստորագրության ձևով ընտրված խափանման միջոցը պետք է վերացվի։

Ելնելով վերոգրյալից և ղեկավարվելով ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետով, 183-րդ և 313-րդ հոդվածով, դատարանը

Ո Ր Ո Շ Ե Ց

ՀՀ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանում քննված թիվ ԵԿԴ/0260/01/13 քրեական գործով ամբաստանյալ Ալբերտ Արթուրի Բոշյանի նկատմամբ ՀՀ քրեական օրենսգրքի 178-րդ հոդվածի 1-ին մասով հարուցված քրեական հետապնդումը դադարեցնել և քրեական գործի վարույթը կարճել՝ տուժող Նորայր Արշավիրի Գասպարյանի կողմից վերջինիս հետ հաշտվելու հիմքով։

Ալբերտ Արթուրի Բոշյանի նկատմամբ ընտրված խափանման միջոցը` չհեռանալու մասին ստորագրությունը` վերացնել։

Որոշումը կարող է բողոքարկվել ՀՀ Վերաքննիչ քրեական դատարան` հրապարակվելու օրվանից հետո` մեկամսյա ժամկետում։


Որոշումը կարող է բողոքարկվել ՀՀ Վերաքննիչ քրեական դատարան` հրապարակվելու օրվանից հետո` մեկամսյա ժամկետում։





Դ Ա Տ Ա Վ Ո Ր Մ. Մ Ա Կ Յ Ա Ն