Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

13 հունվարի 2014թ. ք. Երևան

ԵԿԴ-0241/01/13

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը հետևյալ կազմով.

նախագահող դատավոր` Մ. Մարտիրոսյան,
քարտուղար` Ա. Հովհաննիսյան,

մասնակցությամբ`
մեղադրող,
Հայաստանի Հանրապետության /այսուհետ ՀՀ/
գլխավոր դատախազության
ՀՀ ազգային անվտանգության
մարմիններում քննվող և
կիբերհանցագործությունների գործերով
վարչության ավագ դատախազ Ա. Ամիրզադյանի,

պաշտպաններ Կ. Քամալյանի,
Ա. Մակուչյանի,



դատարանում, դռնբաց դատական նիստում քննեց գործն ըստ մեղադրանքի
Էդվին Յեֆիկի Յեֆիկյանի`
ծնված 1973թ. սեպտեմբերի 17-ին Իրանի Իսլամական Հանրապետության /այսուհետ ԻԻՀ/ Թեհրան քաղաքում, հայ, ԻԻՀ քաղաքացի, յոթամյա կրթությամբ, ամուրի, խնամքին ոչ ոք, նախկինում չդատված, հաշվառված է և բնակվել է ԻԻՀ, ք. Թեհրան, Շիրմաթ 9-րդ փողոցի թիվ 152 տանը, փաստացի բնակվել է ք. Վեդի, Պուշկինի փողոցի թիվ 1 շենքի թիվ 13 բնակարանում, կալանքի տակ է 26.06.2013թ.-ից, մեղադրվում է երկուական դրվագներով` ՀՀ քրեական օրենսգրքի 34-215-րդ հոդվածի 2-րդ մասով, 266-րդ հոդվածի 3-րդ մասի 2-րդ կետով և մեկ դրվագով` 268-րդ հոդվածի 2-րդ մասի 2-րդ կետով։

Գործի դատավարական նախապատմությունը

Թիվ 58206513 քրեական գործը ՀՀ ազգային անվտանգության ծառայության /այսուհետ ԱԱԾ/ քննչական վարչությունում հարուցվել է 26.06.2013թ., ՀՀ քրեական օրենսգրքի 34-215-րդ հոդվածի 2-րդ մասով և 266-րդ հոդվածի 3-րդ մասի 2-րդ կետով, ԻԻՀ քաղաքացի Էդվին Յեֆիկի Յեֆիկյանի կողմից իրացնելու նպատակով առանձնապես խոշոր չափերով թմրամիջոց ապօրինի ձեռք բերելու, պահելու, տեղափոխելու և մաքսանենգությամբ` մաքսային հսկողությունից թաքցնելով, ՀՀ մաքսային սահմանով թմրամիջոցներ տեղափոխելու փորձ կատարելու դեպքերի առթիվ։
Քննիչի 2013թ. նոյեմբերի 06-ի որոշմամբ, թիվ 58206513 քրեական գործից անջատվել է իրացնելու նպատակով, առանձնապես խոշոր չափերով «ափիոն» տեսակի թմրամիջոց ապօրինի ձեռք բերելու, պահելու, փոխադրելու և մաքսանենգությամբ` ՀՀ մաքսային սահմանով, մաքսային հսկողությունից թաքցնելով, այդ թմրամիջոցը ՀՀ տեղափոխելու վերաբերյալ մասը և անջատված մասին շնորհվել է թիվ 58213713 համարը։
Ամբաստանյալ Էդվին Յեֆիկի Յեֆիկյանին նախաքննության մարմնի կողմից մեղադրանք է առաջադրվել երկուական դրվագներով` ՀՀ քրեական օրենսգրքի 34-215-րդ հոդվածի 2-րդ մասով, 266-րդ հոդվածի 3-րդ մասի 2-րդ կետով և մեկ դրվագով` 268-րդ հոդվածի 2-րդ մասի 2-րդ կետով հետևյալ արարքների համար. «որ նա երկու դրվագներով իրացնելու նպատակով ապօրինի ձեռք է բերել« պահել« փոխադրել առանձնապես խոշոր չափերով ափիոն տեսակի թմրամիջոց« փորձել է մաքսանենգությամբ` ՀՀ մաքսային սահմանով« մաքսային հսկողությունից թաքցնելով« այդ թմրամիջոցը տեղափոխել Կանադա« առանց իրացնելու նպատակի ապօրինի ձեռք է բերել« պահել և փոխադրել խոշոր չափերով հաշիշ տեսակի թմրամիջոց« ինչը սակայն բացահայտվել է ազգային անվտանգության մարմինների իրականացրած օպերատիվ հետախուզական միջոցառումների արդյունքում« այսպես՝
Դրվագ 1-ին`
2013թ. հունիսի 20-ին միջազգային փոստային և սուրհանդակային ծառայություն մատուցող «Տրանսիմպեքս» ՍՊ ընկերությունում հանդես գալով Իրանի Իսլամական Հանրապետության քաղաքացի Ռազմիկ Անդիի Բաբախանիի կենսորոշիչ« կեղծված տվյալներով« իրացնելու նպատակով ապօրինի ձեռք է բերել« պահել« փոխադրել առանձնապես խոշոր չափերով ափիոն տեսակի թմրամիջոց« փորձել է մաքսանենգությամբ` ՀՀ մաքսային սահմանով« մաքսային հսկողությունից թաքցնելով« ծանրոցում գտնվող պահեստամասերի գաղտնարանի մեջ թաքցված այդ 5430«4 գրամ ափիոն տեսակի թմրամիջոցը տեղափոխել Կանադա« ինչը սակայն բացահայտվել է ՀՀ ազգային անվտանգության մարմինների իրականացրած օպերատիվ հետախուզական միջոցառումների արդյունքում« այսինքն` հանցագործությունում նախատեսված ՀՀ քրեական օրենսգրքի 266-րդ հոդվածի 3-րդ մասի 2-րդ կետի և 34-215-րդ հոդվածի 2-րդ մասի հատկանիշներով։
Դրվագ 2-րդ՝
2013թ. հունիսի 27-ին միջազգային փոստային և սուրհանդակային ծառայություն մատուցող «Յումաքս» ՍՊ ընկերությունում հանդես գալով Իրանի Իսլամական Հանրապետության քաղաքացի Ռազմիկ Անդիի Բաբախանիի կենսորոշիչ« կեղծված տվյալներով« իրացնելու նպատակով ապօրինի ձեռք է բերել« պահել« փոխադրել առանձնապես խոշոր չափերով ափիոն տեսակի թմրամիջոց« փորձել է մաքսանենգությամբ` ՀՀ մաքսային սահմանով« մաքսային հսկողությունից թաքցնելով« ծանրոցում գտնվող պահեստամասերի գաղտնարանի մեջ թաքցված այդ 2678«68 գրամ ափիոն տեսակի թմրամիջոցը տեղափոխել Կանադա« ինչը սակայն բացահայտվել է ազգային անվտանգության մարմինների իրականացրած օպերատիվ հետախուզական միջոցառումների արդյունքում« այսինքն` հանցագործությունում նախատեսված ՀՀ քրեական օրենսգրքի 266-րդ հոդվածի 3-րդ մասի 2-րդ կետի և 34-215-րդ հոդվածի 2-րդ մասի հատկանիշներով։
Դրվագ 3-րդ՝
Առանց իրացնելու նպատակի« քննությամբ դեռևս չպարզված հանգամանքներում« ապօրինի ձեռք է բերել« պահել« փոխադրել խոշոր չափերով հաշիշ տեսակի 21«38 գրամ ընդհանուր քաշով թմրամիջոց« որը հայտնաբերվել է 2013թ. հունիսի 26-ին ազգային անվտանգության մարմինների իրականացրած օպերատիվ հետախուզական միջոցառումների արդյունքում« այսինքն` հանցագործությունում նախատեսված ՀՀ քրեական օրենսգրքի 268-րդ հոդվածի 2-րդ մասի 2-րդ կետի հատկանիշներով։»։
2013թ. դեկտեմբերի 12-ին քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան։



Դատարանի կողմից հաստատված փաստական հանգամանքները

Դատաքննությամբ, գործի տվյալներով, դատարանը հիմնավորված է համարում հետևյալը.
Ամբաստանյալ, ԻԻՀ քաղաքացի« Թեհրան քաղաքի բնակիչ Էդվին Յեֆիկի Յեֆիկյանը« 2013թ. հունիսի 19-ին, ոտքով հատել է Իրան-Հայաստան սահմանի Մեղրիի տարածաշրջանային մաքսակետը և անցնելով մաքսային հայտարարագրում չնախատեսող «կանաչ ուղի» մաքսային հսկողության գոտին` ժամանել է Հայաստանի Հանրապետություն։ Հաջորդ օրը` 2013թ. հունիսի 20-ին« միջազգային փոստային և սուրհանդակային ծառայություն մատուցող «Տրանսիմպեքս» սահմանափակ պատասխանատվությամբ /այսուհետ ՍՊ/ ընկերությունում ներկայանալով որպես ԻԻՀ քաղաքացի Ռազմիկ Անդիի Բաբախանի անվամբ և ներկայացնելով վերջինիս կենսորոշիչ տվյալներով« սակայն իր լուսանկարով անձնագրի երկու էջերի կեղծ պատճենը` իրացնելու նպատակով քննությամբ չպարզված հանգամանքներում ապօրինի ձեռք բերած« պահած և փոխադրած, իբրև թե գորգ գործելու համար նախատեսված հաստոցի պահեստամասեր հայտարարագրված« պլաստմասե գլանակների մեջ զմրսելու եղականով քողարկված և ստվարաթղթե արկղում որպես ծանրոց փաթեթավորված, առանձնապես խոշոր չափերի՝ 5430«4 գրամ քաշով «ափիոն» տեսակի թմրամիջոցը փորձել է մաքսանենգությամբ` ՀՀ մաքսային սահմանով« մաքսային հսկողությունից թաքցնելով` «Տրանսիմպեքս» ՍՊ ընկերության միջոցով առաքել Կանադա` Փասմորի պողոտայի թիվ 31ա շենքի թիվ 24 բնակարան /«31A Passmore avenue Unit 24»/ հասցեով, Արտին Բաբախանյանին։ Էդվին Յեֆիկյանի կամքից անկախ հանգամանքներով չի հաջողվել առաքումն իրականացնել« քանի որ ծանրոցը հանձնելուց հետո« նույն օրը, ՀՀ ազգային անվտանգության մարմինների իրականացրած օպերատիվ-հետախուզական միջոցառումների արդյունքում նրա այդ արարքը բացահայտվել է։
Քանի որ ՀՀ ԱԱԾ-ում տեղեկություններ են ստացվել այն մասին« որ Է. Յեֆիկյանը պատրաստվում է մաքսանենգությամբ, նույն եղանակով« թմրանյութերի նոր խմբաքանակ ուղարկել արտերկիր, ուստի համապատասխան հսկողություն է սահմանվել։
2013թ. հունիսի 26-ին, ամբաստանյալ Էդվին Յեֆիկյանը նույն եղանակով, միջազգային փոստային և սուրհանդակային ծառայություն մատուցող «Յումաքս» ՍՊ ընկերությունում կրկին հանդես գալով որպես ԻԻՀ քաղաքացի Ռազմիկ Անդիի Բաբախանի և ներկայացնելով վերջինիս կենսորոշիչ տվյալներով« սակայն իր լուսանկարով անձնագրի երկու էջերի կեղծ պատճենը« իրացնելու նպատակով չպարզված հանգամանքներում ապօրինի ձեռք բերված« պահված և փոխադրված, իբրև թե գորգ գործելու համար նախատեսված հաստոցի պահեստամասեր հայտարարագրված« պլաստմասե գլանակների մեջ զմրսելու եղականով քողարկված, ստվարաթղթե արկղում որպես ծանրոց փաթեթավորված, առանձնապես խոշոր չափերի` 2678«68 գրամ քաշով «ափիոն» տեսակի թմրամիջոցը փորձել է մաքսանենգությամբ` ՀՀ մաքսային սահմանով« մաքսային հսկողությունից թաքցնելով առաքել Կանադա՝ Բուլոք Դրայվ փողոցի թիվ 166 շենքի թիվ 7 բնակարան /166 Bullock Drive Unit 7/ հասցեով` Վանիկ Բաբախանյանին« ինչը բացահայտվել է նույն օրը ՀՀ ազգային անվտանգության մարմինների իրականացրած օպերատիվ-հետախուզական միջոցառումների արդյունքում։
Բացի այդ« ամբաստանյալ Էդվին Յեֆիկյանը, առանց իրացնելու նպատակի` իր անձնական օգտագործման համար« չպարզված հանգամանքներում ապօրինի ձեռք է բերել« փոխադրել և Հայաստանի` իր ժամանակավոր բնակության վայրում պահել է խոշոր չափի` 21«38 գրամ ընդհանուր քաշով «հաշիշ» տեսակի թմրամիջոց« որը հայտնաբերվել է 2013թ. հունիսի 26-ին վերջինիս ազգականների, այդ թվում վկա Արմինե Բաղումյանի մշտական բնակության վայր հանդիսացող, ՀՀ Վեդի քաղաքի Պուշկինի փողոցի թիվ 1 շենքի թիվ 13 բնակարանում կատարված խուզարկությամբ՝ Էդվին Յեֆիկյանի ճամպրուկից և նրա տաբատի գրպանից։
Քրեական գործի նախաքննության ընթացքում կատարվել է տոքսիկոքիմիական փորձաքննություն ՀՀ ԳԱԱ «Փորձաքննությունների ազգային բյուրո» պետական ոչ առևտրային կազմակերպության կողմից, որի արժեքը կազմել է 38.472 /երեսունութ հազար չորս հարյուր յոթանասուներկու/ ՀՀ դրամ գումար։
Ամբաստանյալի անձը բնութագրող տվյալների, պատասխանատվությունը և պատիժը մեղմացնող ու ծանրացնող հանգամանքների ուսումնասիրման արդյունքում պարզվել է, որ ամբաստանյալ Էդվին Յեֆիկյանը նախկինում դատված չի եղել։



Ապացույցների հետազոտում և գնահատում


Դատարանի կողմից հաստատված հանգամանքներն հիմնավորվում են հետևյալ ապացույցներով.
Վկա Էդվարդ Վարիկի Սաֆարյանի ցուցմունքներով այն մասին« որ 2003թ.-ից իր անձնական օգտագործման «Օփել Աստրա» մակնիշի, 29ՕԼ828 պետհամարանիշի ավտոմեքենայով Վեդի քաղաքում իրականացնում է ուղևորափոխադրումներ։
2013թ. հունիսի 20-ին, ժամը 10։00-ի սահմաններում« տաքսու վարորդների հետ միասին կանգնած է եղել Վեդի քաղաքի Հայփոստի բաժանմունքի դիմաց և սպասել է հաճախորդի։ Իրեն է մոտեցել շուրջ 40 տարեկան, պարսիկի արտաքինով, նիհար կառուցվածքով անձ և հայտնել« որ ցանկանում է գնալ Երևան։ Ինքը համաձայնվել է նրան փոխադրել Երևան։ Ճանապարհին ծանոթացել է այդ հաճախորդի հետ« որը ներկայացել է Էդվին անունով և հայտնել, որ Պարսկաստանից է, բնակվում է Վեդի քաղաքում գտնվող բարեկամի տանը։ Հասնելով Երևան` Էդվինի հանձնարարությամբ կանգնել է Կոմիտասի պողոտայի մոտակայքում գտնվող մի վայրում« որի հասցեն չգիտի։ Էդվինը դուրս է եկել ավտոմեքենայից և շուրջ հինգ րոպե անց երեք արկղ ձեռքին վերադարձել է։ Ինքը բացել է բեռնախցիկը և Էդվինը երկու արկղը դրել է բեռնախցիկում« իսկ երրորդը` ավտոմեքենայի հետևի նստատեղին« քանի որ բեռնախցիկում այլևս տեղ չի եղել« որից հետո գնացել են Վեդի։ Այդ արկղերին անգամ ձեռքով չի դիպչել« քանի որ մեջքի ծանր վիրահատություն է տարել և իրեն արգելված է 1կգ-ից ավել քաշ ունեցող առարկա բարձրացնել։ Էդվինն այդ ընթացքում վերցրել է իր բջջային 093-35-18-76 հեռախոսահամարը և ասել« որ անհրաժեշտության դեպքում կրկին կզանգահարի։ Օրեր անց Էդվինը 098-30-65-64 հեռախոսահամարով զանգահարել է իրեն և խնդրել է ժամը 11։00-ին լինել ք. Վեդի, Պուշկինի 1-ին փողոցի 2-րդ շքամուտքի մոտ« որպեսզի գնան Երևան։ Պայմանավորված ժամին գնացել է նշված վայր։ Էդվինը եկել է մեկ արկղ ձեռքին և այն դնելով ավտոմեքենայի հետևի նստատեղին` շարժվել են դեպի Երևան։ Մաշտոցի պողոտայի միջնամասում գտնվող ծանրոցների ընդունման գրասենյակի մոտ կանգնեցրել է ավտոմեքենան« Էդվինը իջել է ավտոմեքենայից« վերցրել է արկղը և մտել գրասենյակ։ Շուրջ մեկ ժամ դրսում սպասել է Էդվինին« որի ընթացքում նա մեկ անգամ դուրս է եկել ծխելու և հայտնել է, որ շուտով կվերջացնի։ Ճանապարհին Էդվինն իրեն հայտնել է« որ այդ գրասենյակի միջոցով ինչ-որ ծանրոց է ուղարկում ԱՄՆ։ Շուրջ մեկ ժամ անց Էդվինն առանց արկղի դուրս է եկել գրասենյակից և իրեն հայտնել է« որ ամեն ինչ նորմալ է« որից հետո նրան տարել է Վեդիի նույն շենքի մոտ։ Ճանապարհին Էդվինն իրեն բողոքել է` հայտնելով, որ այդ գրասենյակում շատ վատ են սպասարկում և հինգ րոպեի գործը մեկ ժամում են կատարում։ Այլ խոսակցություն իրենց մեջ չի եղել։ Նա ճանապարհին մի քանի անգամ ծխել է և անընդհատ հեռախոսով պարսկերեն լեզվով խոսել է։ Դրա հաջորդ օրը Էդվինը զանգահարել է իրեն և կրկին ժամը 11։00-ին կանչել է նույն շենքի մոտ։ Էդվինը կրկին մեկ արկղ ձեռքին եկել է և միասին գնացել են Երևան` Ամիրյան փողոցի թիվ 27 հասցեի մոտ« որտեղ կրկին արկղ է ուղարկել ԱՄՆ։ Ինքը նրան որևէ հարց չի տվել, այլ միայն տարել է այդ հասցեով« դրսում սպասել է Էդվինին, որը շուրջ կես ժամ անց, առանց արկղի դուրս է եկել և կրկին վերադարձել են Վեդի։ Նշված դեպքերից բացի իրենց միջև որևէ հանդիպում կամ խոսակցություն չի եղել։ Մինչ այդ նրան չի ճանաչել և նրա հետ շփում չի ունեցել։ Ինքը որևէ տեղեկություն չի ունեցել արկղերի պարունակության մասին և անգամ դրանց չի դիպչել։
/դատական նիստի արձանագրություն, գ.թ. 89-90« 231/
Վկա Առաքել Վրեժի Առաքելյանի ցուցմունքներով այն մասին« որ իր անձնական օգտագործման ավտոմեքենայով Վեդի քաղաքում իրականացնում է ուղևորափոխադրումներ։
2013թ. հունիսին« օրը և ժամը չի հիշում« Վեդի քաղաքի Հայփոստի բաժանմունքի դիմաց սովորականի պես հաճախորդի է սպասել։ Իրեն է մոտեցել 30-ից 35 տարեկան, ազգությամբ պարսիկի արտաքինով, նիհար կառուցվածքով տղամարդ և ասել« որ ցանկանում է գնալ Շիրազլու։ Նա նստել է իր ավտոմեքենան, շարժվել են դեպի Շիրազլուի ուղղությամբ և հասնելով կամրջի մոտ` այդ անձն իջել է ավտոմեքենայից։ Ճանապարհին վերջինիս պահանջով փոխանցել է իր 093-49-75-09 հեռախոսահամարը« որպեսզի անհրաժեշտության դեպքում նա զանգահարի իրեն։ Չի կարող ասել« թե ավտոմեքենայից իջնելուց հետո որ ուղղությամբ է նա շարունակել ճանապարհը« քանի որ նրան իջեցնելուց անմիջապես հետո ավտոմեքենան վարել է։
Դրա հաջորդ օրը կամ մի քանի օր անց, այդ նույն տղամարդը, անծանոթ հեռախոսահամարից զանգահարել է իրեն և հայտնել« որ իրեն տաքսի է անհրաժեշտ` Շիրազլուից դեպի Երևանի «Առաջին մաս» կոչվող թաղամասի շրջադարձի մոտ գնալու համար։ Գնացել է Շիրազլուի` դեպի Երևան գնացող մայրուղու ուղղությամբ« որտեղ նշված անձը, մեկ կամ երկու հատ, առանց որևէ գրառման ստվարաթղթե արկղով իրեն է սպասել։ Բացել է բեռնախցիկը« որպեսզի նա այդ արկղերը տեղավորի« սակայն դրանք բեռնախցիկում չեն տեղավորվել« որից հետո նա դրանք դրել է ավտոմեքենայի հետևի նստատեղին։ Դրանից հետո նրան տարել է Երևանի «Առաջին մաս» կոչվող թաղամասի շրջադարձի մոտ« որի դիմաց նա իրեն վճարել է 5000 ՀՀ դրամ գումար։ Այդ դեպքից հետո այդ անձին երբևէ չի տեսել։ Նա իր ծառայություններից այլևս չի օգտվել և իրեն չի զանգահարել։ Այդ արկղերին առհասարակ չի դիպչել և դրանց պարունակության մասին իրեն որևէ բան հայտնի չէ։
/դատական նիստի արձանագրություն, գ.թ. 167-169« 232/
Վկա Զարինե Գարեգինի Թեպելիկյանի ցուցմունքներով այն մասին« որ 2012թ. հոկտեմբերից աշխատում է փոստային և սուրհանդակային ծառայություն մատուցող «Յումաքս» ՍՊ ընկերությունում` որպես սպասարկման բաժնի գործակալ։ 2013թ. հունիսի 26-ին, ԻԻՀ քաղաքացի Ռազմիկ Բաբախանի տվյալներով հանդես եկած մի անձ մոտեցել է իրեն` ինչ-որ բեռ ուղարկելու համար« որը պետք է առաքվեր Կանադա` Մարխամ Օնտարիո քաղաք` Վանիկ Բաբախանյանին« որը բնակվել է Բուլոք Դրայվ փողոցի թիվ 166 շենքի թիվ 7 բնակարան /166 Bullock Drive Unit 7/ հասցեում։ Այդ անձն իրեն ներկայացրել է ԻԻՀ քաղաքացի Ռազմիկ Բաբախանի տվյալներով անձնագրի պատճենը« ինչպես նաև ստվարաթղթե արկղի մեջ ուղարկվող ապրանքը« որն այդ պահին ամբողջությամբ գտնվել է ժապավենով փակված վիճակում։ Նա հայտնել է« որ դրանք կարի մեքենայի համար նախատեսված պահեստամասեր են։ Սահմանված կարգի համաձայն« իր պահանջով արկղը բացվել է« որի մեջ եղել են սև պլաստմասե իրեր։ Ինքը զննել է դրանք« կշռել է և նշել համապատասխան փաստաթղթում« ինչպես նաև ճշտել է ապրանքը ստացողի տվյալները` հասցեն« հեռախոսահամարը« որից հետո այդ անձից ստացել է ծառայության համար նախատեսված 137.660 ՀՀ դրամ գումարը։ Այնուհետև նա ստորագրելով համապատասխան փաստաթղթերը` հեռացել է գրասենյակից։ Նշվածը անձը ներկայացրել է նաև ինչ-որ փաստաթղթեր« որոնք իբրև թե վկայել են ուղարկվող ապրանքի ծագման և նշանակության մասին։
/դատական նիստի արձանագրություն, գ.թ. 113/
Վկա Արմինե Ժորայի Բաղումյանի ցուցմունքներով այն մասին« որ Էդվին Յեֆիկյանը հանդիսանում է իր սկեսրոջ քրոջ որդին։ Նրա հետ ծանոթացել է 1997թ.-ին` ԻԻՀ-ում« երբ ընտանիքով հյուրընկալվել են սկեսրոջ քրոջ տանը` նրա մյուս քրոջ որդու հարսանիքին մասնակցելու համար։ 2013թ. մայիսին, Էդվինին մի քանի ժամով տեսել է Վեդի քաղաքում գտնվող իրենց տանը։ Նա հայտնել է« որ եկել է Հայաստան` ինչ-որ կարի մեքենայի մասեր արտերկիր ուղարկելու համար։ Այդ հանդիպումից հետո Էդվինին տեսել է 2013թ. հունիսին« երբ կրկին նա եկել է Վեդի և նրա մորաքրոջից, այսինքն իր սկեսուրից թույլտվություն է վերցրել` մի քանի օրով իրենց բնակարանում բնակվելու համար։ Էդվինը Վեդիում գտնվող իրենց բնակարան է եկել 2013թ. հունիսի 19-ին և մնացել է մինչև հունիսի 26-ը։ Այդ ընթացքում նա մշտապես ինչ-որ արկղեր է տարել և բերել։ Նա իրենց ասել է« որ դրանք կարի մեքենայի մասեր են« որոնք փոստային ծառայության միջոցով ուղարկում է արտերկիր։ Նրան որևէ անձի հետ երբևէ չի տեսել։ Էդվինը մշտապես հեռախոսով պարսկերեն լեզվով խոսել է« սակայն չգիտի, թե ում հետ է խոսել։ Վերջին այցելության ժամանակ Էդվինն իր հետ բերել է բաց վիճակում գտնվող« փոքր չափի երկու ստվարաթղթե արկղեր« որոնց մեջ սև պլաստմասե դետալներ են եղել։ Էդվինն ասել է, որ դրանք կարի մեքենայի պահեստամասեր են։ Այդ արկղերը նա պահել է այն սենյակում« որտեղ քնել է։ Դրանք նա մի քանի անգամ իր հետ դուրս է տարել, տաքսի ավտոմեքենայով գնացել է Երևան և վերադարձել է առանց արկղերի։ Եղել է նաև դեպք« որ նա վերադարձել է նույն արկղով։ Հստակ չի կարող ասել« թե քանի անգամ է նա արկղով գնացել և առանց արկղ վերադարձել կամ առանց արկղ գնացել և արկղով վերադարձել« քանի որ ուշադիր չի եղել։ Էդվին Յեֆիկյանի` թմրանյութերի հետ առնչություն ունենալու վերաբերյալ իրեն որևէ բան հայտնի չէ։
/դատական նիստի արձանագրություն, գ.թ. 214-216/
Վկա Արմեն Տիգրանի Դավթյանի նախաքննական ցուցմունքներով այն մասին« որ 2007թ.-ից աշխատում է «Տրանսիմպեքս» ՍՊ ընկերությունում որպես մենեջեր։ 2013թ. հունիսի 20-ին, ժամը 16։30-ի սահմաններում« իրեն զանգահարել են գրասենյակի աշխատակիցները և հայտնել« որ ԻԻՀ քաղաքացի հաճախորդ է եկել« որը ցանկանում է ինչ-որ պահեստամասեր ուղարկել Կանադա։ Քանի որ ինքը ցուցում է տվել աշխատակիցներին այն մասին« որ ԻԻՀ քաղաքացիների կողմից երրորդ երկիր ցանկացած ապրանք ուղարկելիս իրեն տեղյակ պահեն` այդ պատճառով ընկերության ընդունարանի աշխատակիցը« որը սպասարկել է այդ ԻԻՀ քաղաքացուն« զանգահարել և անմիջապես տեղյակ է պահել իրեն այդ մասին։ Շուրջ քսան րոպե անց հասել է Երևանի Մաշտոցի պողոտայի թիվ 40 հասցեում գտնվող գրասենյակ« որտեղ հանդիպել է այդ անձին։ Վերջինս ներկայացել է որպես Ռազմիկ Բաբախանի և ցույց է տվել այն արկղը« որը ցանկացել է ուղարկել Կանադա։ Նրա համաձայնությամբ բացել է արկղը« որպեսզի տեսնի դրա պարունակությունը։ Պարզել է« որ դրա մեջ առկա են գլանաձև« շուրջ 30սմ երկարությամբ պլաստմասե դետալներ, որոնք ըստ նրա` եղել են գորգ գործելու հաստոցի պահեստամասեր։ Վերջինս ներկայացրել է նաև ինչ-որ փաստաթղթեր« որոնք իբրև թե վկայել են այդ ապրանքի ծագման և նշանակության մասին։ Նա տրամադրել է անձնագրի պատճենը« տվել է բջջային հեռախոսահամարը« ՀՀ-ում բնակության հասցեն« ինչպես նաև Կանադայում ծանրոցը ստացողի տվյալները« որից հետո վճարելով 136.200 ՀՀ դրամի չափով ծառայության գումարը` հեռացել է գրասենյակից։ Քանի որ իրենց մաքսային մարմնից զգուշացրել են« որ առանձնակի ուշադրություն դարձնեն նմանատիպ ծանրոցներին, այդ պատճառով արկղը «Կառգո» բեռնային համալիր ուղարկելուց հետո մաքսային հերթափոխի աշխատակիցներին հայտնել է« որ նման բեռ են ստացել։ Այդ բեռը փաստաթղթերի հետ միասին հանձնել է մաքսային աշխատակիցներին և մասնակցել արկղի զննությանը« որի ժամանակ, դրա մեջ առկա պլաստմասե դետալներում հայտնաբերվել է մուգ շագանակագույն ափիոնանման զանգված։ Նշված անձի վարքագիծը և արտաքինն ի սկզբանե իր մոտ կասկած է հարուցել« քանի որ նա մի փոքր տարօրինակ է խոսել։ Բացի այդ« իր մոտ այնպիսի տպավորություն է ստեղծվել« որ նա այդ պահին գտնվել է թմրանյութերի ազդեցության տակ« քանի որ նրա աչքերի բիբերը լայնացած են եղել։ Նշված անձի մոտ եղել է մեծ քանակությամբ կանխիկ գումար« որը պարբերաբար նա հանել է գրպանից« ցուցադրել և դրել է մյուս գրպանի մեջ, ինչով փորձել է ինչ-որ տպավորություն գործել« իսկ դրսում, «Օփել Աստրա» մակնիշի ավտոմեքենայով նրան ինչ-որ անծանոթ անձ է սպասել։
/գ.թ. 91-92/
Դատաքիմիական փորձաքննության 2013թ. հունիսի 26-ի թիվ 216Ք եզրակացությամբ, որի համաձայն` «Փորձաքննությանը տրամադրված 5430«4 (1621,8 + 1771 + 2036,6) գրամ հաստատուն քաշով նյութը հանդիսանում է ափիոն տեսակի թմրամիջոց։
Ծանոթություն. հետազոտությամբ ծախսվեց 0,05 գրամ ափիոնի յուրաքանչյուր նմուշից։»։
/գ.թ. 27-30/
Տոքսիկոքիմիական փորձաքննության 2013թ. հուլիսի 9-ի թիվ 13-2012 եզրակացությամբ, որի համաձայն`
«ա/ Էդվին Յեֆիկյանից վերցված մեզի և մազի փորձանմուշների մեջ հայտնաբերվել են ափիոնի խմբին պատկանող թմրամիջոցի թմրալկալոիդներ« որոնց օգտագործման ժամանակահատվածը համապատասխանում է մոտ երկուսից-երեք ամսվա վաղեմության։
Ափիոնի խմբին պատկանող թմրամիջոցի թմրալկալոիդները մեզի փորձանմուշի մեջ պահպանվում են մինչև 3-4 օր։
(…)»։
/գ.թ. 104-106/
Դատաքիմիական փորձաքննության 2013թ. հուլիսի 18-ի թիվ 219Ք եզրակացությամբ, որի համաձայն`
«1. Փորձաքննությանը տրամադրված ընդհանուր 2678«68 (2676,4+1,43+0,85) գրամ հաստատուն քաշով նյութը հանդիսանում է ափիոն տեսակի թմրամիջոց։
2. Փորձաքննությանը տրամադրված 21«38 գրամ քաշով նյութը հանդիսանում է հաշիշ տեսակի թմրամիջոց։
3. Որոշման մեջ առաջադրված 3-րդ հարցին պատասխանել հնարավոր չէ` թիվ 216Ք եզրակացությամբ հետազոտված նմուշների բացակայության պատճառով։
Ծանոթություն. հետազոտությամբ ծախսվեց 0,1 գրամ ափիոնի յուրաքանչյուր նմուշից և հաշիշի նմուշից։»։
/գ.թ. 109-112/
Դատանարկոլոգիական փորձաքննության 2013թ. օգոստոսի 13-ի թիվ 108-13 եզրակացությամբ, որի համաձայն` «Էդվին Յեֆիկյանը տառապում է «Հոգեկան և վարքային խանգարումներ ափիոնատիպ նյութերի գործածման հետևանքով։ Կախվածության համախտանիշ» ախտորոշմամբ« ուստի հարկադիր բուժման կարիք ունի« որի համար հակացուցումներ չկան։»։
/գ.թ. 130-131/
Որպես այլ փաստաթուղթ` ապացույց ճանաչված,
- մաքսային զննում կատարելու վերաբերյալ 2013թ. հունիսի 20-ի արձանագրությամբ, որի համաձայն` 2013թ. հունիսի 20-ին, ժամը 18։30-ի սահմաններում, «Արմենիա միջազգային օդանավակայաններ» ՓԲԸ-ի պահեստում զննման է ենթարկվել միջազգային փոստային և սուրհանդակային ծառայություն մատուցող «Տրանսիմպեքս» ՍՊ ընկերության մենեջեր Արմեն Տիգրանի Դավթյանին ԻԻՀ քաղաքացի Ռազմիկ Բաբախանիի կողմից ներկայացված, 16,4 կգ բրուտտո քաշով ծանրոցը, որը պետք է ՀՀ մաքսային օրենսգրքի 105-րդ հոդվածի 2-րդ մասով սահմանված կարգով արտահանվեր Կանադայի Հանրապետություն։ Ծանրոցում առկա ատամնավոր լիսեռանման սև գույնի գլանիկների հորիզոնական հատման« կոտրման և բացման միջոցով պարզվել է« որ դրանցից յուրաքանչյուրում առկա է թաքցված վիճակում« թափանցիկ պոլիէթիլենային տոպրակի մեջ փաթեթավորված, մուգ շագանակագույն, շուրջ 5558 գրամ քաշով ափիոնանման զանգված։
Ըստ Արմեն Տիգրանի Դավթյանի հայտարարության` ծանրոցում առկա ապրանքները 2013թ. հունիսի 20-ին, ժամը 16։30-ի սահմաններում, Երևանի Մաշտոցի պողոտայի թիվ 40 հասցեում գտնվող «Տրանսիմպեքս» ՍՊ ընկերության գրասենյակ է ներկայացրել ԻԻՀ քաղաքացի Ռազմիկ Անդիի Բաբախանին և հայտնել, որ նշված ապրանքները Հայաստանի և Իրանի համատեղ արտադրությունն է, ցանկանում է դրանք առանց համապատասխան ձևակերպումների արտահանել Կանադայի Հանրապետություն, քանի որ ապրանքի քաշը 20կգ-ից պակաս է, որի արժեքը չի գերազանցում 150.000 ՀՀ դրամ գումարը, ուստի կարող է օգտվել ՀՀ մաքսային օրենսգրքի 105-րդ հոդվածի 2-րդ մասով նախատեսված արտոնությունից։
- ՀՀ Ազգային անվտանգության ծառայության ՀՀԳՎ պետ Ս. Մելքոնյանի 27.06.2013թ. թիվ 2/8-5326 գրությամբ, որի համաձայն` ԻԻՀ քաղաքացի Էդվին Յեֆիկյանի կողմից, 2013թ. հունիսի 26-ին, Կանադայի քաղաքացի Վանիկ Բաբախանյանին ուղարկելու նպատակով, ք.Երևան Ամիրյան փողոցի թիվ 27 հասցեում տեղակայված «Դի Էյջ Էլ» /«DHL»/ փոստային և սուրհանդակային ծառայության գրասենյակ է հանձնվել 9 կգ քաշով մեկ ծանրոց։ Ըստ ստացված տեղեկությունների` այդ անգամ նույնպես Էդվին Յեֆիկյանը ներկայացրել է ԻԻՀ քաղաքացի Ռազմիկ Անդիի Բաբախանի J-2353404 կեղծ անձնագիրը և նշել իր կողմից օգտագործվող 098-30-65-64 հեռախոսահամարը։
- «Յումաքս» և «Տրանսիմպեքս» ՍՊ ընկերություններից ստացված փաստաթղթերով, որոնց համաձայն` Ռազմիկ Բաբախանին, 2013թ. հունիսի 20-ին և հունիսի 26-ին ծանրոցներ է ուղարկել Կանադա՝ Արտին Բաբախանիին և Վանիկ Բաբախանիին։ Ծանրոցների արժեքը կազմել է համապատասխանաբար` 61«25 և 61«62 ԱՄՆ դոլար գումար։
/գ.թ. 7« 9-12, 15« 48, 53-54« 60-61, 191-192/
Իրեղեն ապացույցներ ճանաչված, Իրանի Իսլամական Հանրապետության քաղաքացի Էդվին Յեֆիկի Յեֆիկյանի բնակության վայրում կատարված խուզարկությամբ և վերջինիս տաբատի գրպանից հայտնաբերված, 21«38 գրամ ընդհանուր քաշով «հաշիշ» տեսակի թմրամիջոցով, ինչպես նաև 5430«4 և 2678«68 գրամ քաշով «ափիոն» տեսակի թմրամիջոցներով, որոնք «Տրանսիմպեքս» և «Յումաքս» ՍՊ ընկերությունների միջոցով Է. Յեֆիկյանը փորձել է առաքել Կանադայի Հանրապետություն։
/գ.թ. 160-161/
Ամբաստանյալ Էդվին Յեֆիկի Յեֆիկյանն առաջադրված մեղադրանքում իրեն մեղավոր է ճանաչել մասնակիորեն` միայն ՀՀ քրեական օրենսգրքի 268-րդ հոդվածի 2-րդ մասի 2-րդ կետով և նախաքննության ժամանակ հրաժարվել է ցուցմունքներ տալուց։
/գ.թ. 140« 172« 193/
Ամբաստանյալ Էդվին Յեֆիկյանը դատարանում ցուցմունք տվեց այն մասին, որ Պարսկաստանում իրեն զանգահարել է Ռեզա անունով մի անձ, որը եղել է իր հաճախորդը և հայտնել է, որ ցանկանում է Հայաստանից կարպետ գործելու դետալներ ուղարկել Կանադա։ Ինքը հարցրել է, թե ինչու Պարսկաստանից չի ուղարկում այդ ապրանքը։ Ռեզան պատասխանել է, որ քանի որ Պարսկաստանը Ամերիկայի հետ խնդիրներ ունի, այդ պատճառով ցանկանում է ապրանքը Հայաստանից ուղարկել։ Պայմանավորվել են, որ ինքը պետք է Հայաստան գնա և Կոմիտասի պողոտայում գտնվող ավտոտնակից վերցնի այդ ապրանքը, ինչն էլ ինքը կատարել է։ Ապրանքի հետ միասին ուղարկել են նաև համապատասխան անձնագրի պատճենը, որն ինքը ներկայացրել է փոստային ծառայություն, ինչպես նաև իրեն նախապես տրվել է 2000 ԱՄՆ դոլար գումար` այդ ապրանքն ուղարկելու և այդ ընթացքում Հայաստանում մնալու համար անհրաժեշտ ծախսեր կատարելու համար։ Չի մտածել, որ այդ դետալների մեջ հնարավոր է, որ թմրամիջոցներ թաքցված լինեն։ Ինքը թմրամիջոցներ օգտագործում է շատ վաղուց և հաշիշ տեսակի թմրամիջոցը ձեռք է բերել անձնական օգտագործման համար։
/դատական նիստի արձանագրություն/



Դատարանի իրավական վերլուծությունները

Վերլուծելով ամբաստանյալ Էդվին Յեֆիկի Յեֆիկյանի դատաքննական ցուցմունքները, համադրելով դրանք քրեական գործի դատական քննությամբ ձեռք բերված և հետազոտված ապացույցների հետ, գնահատելով դրանք վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, իրենց համակցության մեջ` դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, դատարանը գտնում է, որ ամբաստանյալ Էդվին Յեֆիկի Յեֆիկյանի դատաքննական ցուցմունքները` պահեստամասերում առկա թմրանյութի մասին տեղյակ չլինելու մասին, իրականությանը չեն համապատասխանում, արժանահավատ չեն, քրեական պատասխանատվությունից և պատժից խուսափելու նպատակ են հետապնդում և հերքվում են վերոհիշյալ ապացույցներով։
Վերլուծելով ամբաստանյալ Էդվին Յեֆիկի Յեֆիկյանին առաջադրված մեղադրանքը, նրա ցուցմունքները և գործով ձեռք բերված ապացույցները` դատարանը գտնում է, որ ամբաստանյալ Էդվին Յեֆիկի Յեֆիկյանի կողմից, նրա մեղավորությամբ, նրան ՀՀ քրեական օրենսգրքի 266-րդ հոդվածի 3-րդ մասի 2-րդ կետով առաջադրված մեղադրանքի երկու դրվագներից յուրաքանչյուրով, իրացնելու նպատակով, առանձնապես խոշոր չափերով թմրամիջոցներ ապօրինի ձեռք բերելը, պահելը և փոխադրելն ապացուցված է, նրա արարքները ճիշտ են որակված և համապատասխանում են ՀՀ քրեական օրենսգրքի 266-րդ հոդվածի 3-րդ մասի 2-րդ կետով նախատեսված հանցագործության հատկանիշներին։
Ապացուցված է նաև ամբաստանյալ Էդվին Յեֆիկի Յեֆիկյանի կողմից, նրա մեղավորությամբ, նրան ՀՀ քրեական օրենսգրքի 34-215-րդ հոդվածի 2-րդ մասով առաջադրված մեղադրանքի երկու դրվագներից յուրաքանչյուրով, թմրամիջոցների մաքսանենգության փորձ կատարելը, նրա այդ արարքները նույնպես ճիշտ են որակված և համապատասխանում են ՀՀ քրեական օրենսգրքի 34-215-րդ հոդվածի 2-րդ մասով նախատեսված հանցագործության հատկանիշներին։
Ապացուցված է նաև ամբաստանյալ Էդվին Յեֆիկի Յեֆիկյանի կողմից, նրա մեղավորությամբ, առանց իրացնելու նպատակի, խոշոր չափերով թմրամիջոցներ ապօրինի ձեռք բերելը, պահելը և փոխադրելը, նրա այդ արարքը նույնպես ճիշտ է որակված և համապատասխանում է ՀՀ քրեական օրենսգրքի 268-րդ հոդվածի 2-րդ մասի 2-րդ կետով նախատեսված հանցագործության հատկանիշներին։
Ուսումնասիրելով ամբաստանյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, ամբաստանյալ Էդվին Յեֆիկի Յեֆիկյանի նկատմամբ, նրա կատարած յուրաքանչյուր հանցագործության համար պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա նախկինում դատված չի եղել։
Ամբաստանյալի պատասխանատվությունը և պատիժը մեղմացնող կամ ծանրացնող հանգամանքներ առկա չեն։
Ամբաստանյալ Էդվին Յեֆիկի Յեֆիկյանն իր կատարած` երկու դրվագով` Հայաստանի Հանրապետության քրեական օրենսգրքի 266-րդ հոդվածի 3-րդ մասի 2-րդ կետով նախատեսված յուրաքանչյուր հանցագործության համար ենթակա է պատժի ազատազրկման ձևով` առանց գույքի բռնագրավման, երկու դրվագով` Հայաստանի Հանրապետության քրեական օրենսգրքի 34-215-րդ հոդվածի 2-րդ մասով նախատեսված յուրաքանչյուր հանցագործության համար ենթակա է պատժի ազատազրկման ձևով, մաքսանենգության առարկա հանդիսացող, 5430,4 և 2678,68 գրամ քաշով «ափիոն» տեսակի թմրամիջոցների բռնագրավմամբ։
ՀՀ քրեական օրենսգրքի 268-րդ հոդվածի 2-րդ մասի 2-րդ կետով նախատեսված հանցագործության համար նույնպես ամբաստանյալ Էդվին Յեֆիկյանը ենթակա է պատժի ազատազրկման ձևով։
Դատարանը գտնում է, որ նշանակված պատիժն ամբաստանյալ Էդվին Յեֆիկյանը պետք է կրի, քանի որ դրան խոչընդոտող հանգամանքներ առկա չեն։
Գործով քաղաքացիական հայց չի հարուցվել, գույքային վնասի հատուցման պահանջ չի ներկայացվել։
Քննարկելով իրեղեն ապացույցների հարցը` դատարանը գտնում է, որ դատավճռի` օրինական ուժի մեջ մտնելուց հետո, 02.09.2013թ. որոշմամբ իրեղեն ապացույցներ ճանաչված, 5430,4 և 2678,68 գրամ քաշով «ափիոն» տեսակի և 21,38 գրամ քաշով «հաշիշ» տեսակի թմրամիջոցները պետք է թողնել քրեական գործից անջատված մասով վարույթն իրականացնող մարմնի տիրապետմանը։
Քննարկելով խափանման միջոցի հարցը` դատարանը գտնում է, որ ամբաստանյալ Էդվին Յեֆիկյանի նկատմամբ որպես խափանման միջոց կալանավորումն ընտրված է ճիշտ և այն վերացվելու կամ փոփոխվելու ենթակա չէ` մինչև դատավճռի օրինական ուժի մեջ մտնելը։
Քննարկելով դատական ծախսերի հարցը` դատարանը գտնում է, որ ամբաստանյալից հօգուտ ՀՀ պետական բյուջեի, որպես դատական ծախսեր բռնագանձման է ենթակա տոքսիկոքիմիական փորձաքննության կատարման արժեք հանդիսացող 38.472 /երեսունութ հազար չորս հարյուր յոթանասուներկու/ ՀՀ դրամ ընդհանուր գումարը։
Քննարկելով ամբաստանյալի նկատմամբ հարկադրական բուժում կիրառելու հարցը՝ դատարանը գտնում է, որ ամբաստանյալ Էդվին Յեֆիկյանի նկատմամբ պետք է կիրառել հարկադրական բուժում թմրամոլության դեմ։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 119-րդ, 168-169-րդ, 357-360-րդ, 364-365-րդ, 369-373-րդ հոդվածներով, դատարանը`


Վ Ճ Ռ Ե Ց


Ամբաստանյալ Էդվին Յեֆիկի Յեֆիկյանին մեղավոր ճանաչել երկուական դրվագներով` ՀՀ քրեական օրենսգրքի 34-215-րդ հոդվածի 2-րդ մասով, 266-րդ հոդվածի 3-րդ մասի 2-րդ կետով, մեկ դրվագով` 268-րդ հոդվածի 2-րդ մասի 2-րդ կետով նախատեսված հանցանքներում և դատապարտել.
ՀՀ քրեական օրենսգրքի 34-215-րդ հոդվածի 2-րդ մասով`
- առաջին դրվագով` ազատազրկման 4 /չորս/ տարի ժամկետով, գույքի` մաքսանենգության առարկա հանդիսացող, 5430,4 գրամ քաշով «ափիոն» տեսակի թմրամիջոցի բռնագրավմամբ,
- երկրորդ դրվագով` ազատազրկման 4 /չորս/ տարի ժամկետով, գույքի` մաքսանենգության առարկա հանդիսացող, 2678,68 գրամ քաշով «ափիոն» տեսակի թմրամիջոցի բռնագրավմամբ,
ՀՀ քրեական օրենսգրքի 266-րդ հոդվածի 3-րդ մասի 2-րդ կետով`
- առաջին դրվագով` ազատազրկման 7 /յոթ/ տարի ժամկետով` առանց գույքի բռնագրավման,
- երկրորդ դրվագով` ազատազրկման 7 /յոթ/ տարի ժամկետով` առանց գույքի բռնագրավման,
ՀՀ քրեական օրենսգրքի 268-րդ հոդվածի 2-րդ մասի 2-րդ կետով` ազատազրկման 1 /մեկ/ տարի ժամկետով։
ՀՀ քրեական օրենսգրքի 66-րդ հոդվածով սահմանված` պատիժների լրիվ և մասնակի գումարման սկզբունքների կիրառմամբ, առաջին դրվագով` ՀՀ քրեական օրենսգրքի 266-րդ հոդվածի 3-րդ մասի 2-րդ կետով նշանակված պատժին գումարել.
երկրորդ դրվագով` ՀՀ քրեական օրենսգրքի 266-րդ հոդվածի 3-րդ մասի 2-րդ կետով նշանակված պատժից` ազատազրկում 2 /երկու/ տարի ժամկետով,
առաջին դրվագով` ՀՀ քրեական օրենսգրքի 34-215-րդ հոդվածի 2-րդ մասով նշանակված պատժից` ազատազրկում 1 /մեկ/ տարի ժամկետով, գույքի` մաքսանենգության առարկա հանդիսացող, 5430,4 գրամ քաշով «ափիոն» տեսակի թմրամիջոցի բռնագրավմամբ,
երկրորդ դրվագով` 34-215-րդ հոդվածի 2-րդ մասով նշանակված պատժից` ազատազրկում 1 /մեկ/ տարի 6 /վեց/ ամիս ժամկետով, գույքի` մաքսանենգության առարկա հանդիսացող, 2678,68 գրամ քաշով «ափիոն» տեսակի թմրամիջոցի բռնագրավմամբ,
268-րդ հոդվածի 2-րդ մասի 2-րդ կետով նշանակված պատժից` ազատազրկում 6 /վեց/ ամիս ժամկետով և ամբաստանյալ Էդվին Յեֆիկի Յեֆիկյանի նկատմամբ պատիժ նշանակել ազատազրկում 12 /տասներկու/ տարի ժամկետով, գույքի` մաքսանենգության առարկա հանդիսացող, 5430,4 և 2678,68 գրամ քաշով «ափիոն» տեսակի թմրամիջոցների բռնագրավմամբ։ Պատիժը պետք է կրի ՀՀ արդարադատության նախարարության համապատասխան քրեակատարողական հիմնարկում, պատժի սկիզբը հաշվելով 2013թ. հունիսի 26-ից։
Ամբաստանյալ Էդվին Յեֆիկի Յեֆիկյանի նկատմամբ կիրառել հարկադրական բուժում` թմրամոլության դեմ։
Խափանման միջոց կալանավորումը թողնել անփոփոխ` մինչև դատավճռի օրինական ուժի մեջ մտնելը։
Դատավճռի օրինական ուժի մեջ մտնելուց հետո, 02.09.2013թ. որոշմամբ իրեղեն ապացույցներ ճանաչված, 5430,4 և 2678,68 գրամ քաշով «ափիոն» տեսակի և 21,38 գրամ քաշով «հաշիշ» տեսակի թմրամիջոցները թողնել քրեական գործից անջատված մասով վարույթն իրականացնող մարմնի տիրապետմանը։
Ամբաստանյալ Էդվին Յեֆիկի Յեֆիկյանից հօգուտ ՀՀ պետական բյուջեի բռնագանձել 38.472 /երեսունութ հազար չորս հարյուր յոթանասուներկու/ ՀՀ դրամ գումար` որպես դատական ծախսեր։
Դատավճիռը հրապարակվելու օրվանից հետո մեկամսյա ժամկետում կարող է բողոքարկվել ՀՀ վերաքննիչ քրեական դատարան։


ԴԱՏԱՎՈՐ` Մ. ՄԱՐՏԻՐՈՍՅԱՆ