Գործ թիվ ԵԿԴ/0219/01/13




ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևանի Կենտրոն և Նորք-Մարաշ վարչական շրջանների ընդհանուր իրավա¬սության դա¬տարանը (այսուհետ` Դատարան),

նախագահությամբ դատավոր` Արշակ Վարդանյանի,
քարտուղարությամբ` Ժենյա Ավետիսյանի,

մասնակցությամբ`

մեղադրող, Երևան քաղաքի
դատախազության ավագ
դատախազ` Գևորգ Սարգսյանի,

տուժողներ` Գագիկ և Արման Դհերյանների,

պաշտպան` Գիվի Հովհաննիսյանի,


2014թ. փետրվարի 12-ին դռնբաց դատական նիստում քննեց քրեական գործն ըստ մե¬ղադ¬րանքի`
Արման Բենիամինի Մուրադյանի` (ծնված 1978թ. դեկտեմբերի 17-ին, Երևան քաղաքում, ազ¬գութ¬¬¬յամբ հայ, ՀՀ քաղա¬քա¬¬ցի, միջ¬նա¬կարգ կրթու¬թյամբ, ա¬մուսնացած, խնամքին է մինչև 14 տարե¬կան դուստրը, չի աշխատել, նախկինում չդատա¬պարտ¬¬ված, հաշվառված է Երևանի Սայաթ-Նովա փողոցի 18-րդ շենքի 12-րդ բնակարանում, սույն քրեական գործով անազատության մեջ է 2013թ. մայիսի 8-ից)

1. Գործի դատավարական նախապատմությունը.
Թիվ 13133204 քրեական գործն հարուցվել է ՀՀ քրեական օրենսգրքի 175-րդ հոդվածի 3-րդ մա¬սի 1-ին կետի հատկանիշներով 2004թ. դեկտեմբերի 3-ին ՀՀ ոստիկա¬նության Երևան քաղաքի Կենտրոնի քննչա¬կան բաժանմունքում` անհայտ անձանց կողմից ավազակային հարձակմամբ առանձնապես խոշոր չափի գույք հափշտակելու և ապօրինի կերպով հրազեն կրելու դեպքի առ¬թիվ։
2005թ. հունիսի 14-ին թիվ 13133204 քրեական գործից թիվ 13133204/1 համարով անջատվել է Ռոբերտ Սմբատյանի և Արման Մուրադյանի վերաբերյալ մասը, իսկ Կարեն Շահբազյանի վերաբերյալ մասը նրան դատի տալու միջնորդությամբ ուղարկվել է դատարան, որտեղ 2013թ. նոյեմբերի 1-ին նրա նկատմամբ ՀՀ քրեական օրենսգրքի 175-րդ հոդվածի 2-րդ մասի 1-ին« 2-րդ« 3-րդ« 4-րդ կետերով« 235-րդ հոդվածի 4-րդ մասով և 175-րդ հոդվածի 3-րդ մասի 1-ին կետով կայացվել է մեղադրական դատավճիռ։
2005թ. հոկտեմբերի 12-ին 13133204/1 քրեական գործի շրջանակներում Արման Մուրադյանը ՀՀ քրեական օրենսգրքի 175-րդ հոդվածի 3-րդ մասի 1-ին կետով ներգրավվել է որպես մեղադրյալ, նրա նկատմամբ հայտարարվել է հետախուզում։ Նույն օրը Երևանի Կենտրոն և Նորք-Մարաշ վարչական շրջանների ընդհանուր իրա¬վա¬սության դատարանը, բավարարելով նախաքննական մարմնի ներկայացրած միջնորդությունը, մեղադրյալ Արման Մուրադյանի նկատմամբ որպես խափանման միջոց է ընտրել կալանավորումը։
2005թ. դեկտեմբերի 30-ին Արման Մուրադյանին առաջադրված մեղադրանքը փոփոխվել և նրան նոր մեղադրանք է առաջադրվել ՀՀ քրեական օրենսգրքի 175-րդ հոդվածի 3-րդ մասի 1-ին կետով։
2005թ. թիվ 13133204/1 քրեկան գործի վարույթը կասեցվել է` մինչև մեղադրյալ Ա.Մուրադ¬յանի հայտնաբերումը կամ ներկայանալը։
2013թ. մայիսի 8-ին հետախուզվող Արման Մուրադյանը հայտնաբերվել է Վրաստանի Հանրապետության Բաթում քաղաքում և տեղափոխվել Աջարիայի և Գուրիայի շրջանների ձերբակալվածների պահման վայր։
2013թ. հոկտեմբերի 10-ին ՀՀ քրեական օրենսգրքի 175-րդ հոդվածի 3-րդ մասի 1-ին կետով պատասխանատվության ենթարկելու համար ՀՀ իրավապահներին հանձնված մեղադրյալ Ա.Մուրադյանը ներկայացվել է նախաքննական մարմ¬նին, որի կապակցությամբ նույն օրը որոշում է կայացվել քրեական գործի վարույթը վերսկսելու մասին։
2013թ. հոկտեմբերի 10-ին Ա.Մուրադյանին մեղադրանք է առաջադրվել ՀՀ քրեական օրենսգրքի 175-րդ հոդվածի 3-րդ մասի 1-ին կետով։
2013թ. հոկտեմբերի 11-ին Երևանի Կենտրոն և Նորք-Մարաշ վարչական շրջանների ընդ¬հանուր իրավասության դատարանը, վերստին, արդեն մեղադրյալ Արման Մուրադ¬յա¬նի մաս¬նակցությամբ քննության առնելով նրա նկատմամբ ընտրված խափանման միջոց կալա¬նա¬վորման հարցը, վերահաստատել է այն։
2013թ. նոյեմբերի 1-ին թիվ 13133204/1 քրեական գործից անջատվել է Արման Մուրադյանի վերաբերյալ թիվ 13133204/2 քրեական գործը։
2013թ. նոյեմբերի 8-ին սույն (թիվ 13133204/2) քրեական գործը Արման Բենիամինի Մու¬րադյանի նկատմամբ ՀՀ քրեական օրենսգրքի 175-րդ հոդվածի 3-րդ մասի 1-ին կետով հաս¬տատված մեղադրական եզրա¬կացությամբ ուղարկվել է Երևանի Կենտրոն և Նորք-Մարաշ վար¬չական շրջանների ընդ¬հանուր իրավա¬սության դա¬տարան և 2013թ. նոյեմբերի 12-ին ընդուն¬¬վել վարույթ։

2. Ապացույցների հետազոտում և գնահատում.
Դատաքննությամբ հետազոտված ապացույցների գնահատման արդյունքներով Դատարանն հաս¬¬¬տատված է համարում հետևյալը.
Ամբաստանյալ Արման Մուրադյանը, նախնական համաձայնության գալով Կարեն Շահբազ¬յանի և այլ անձի ( ըստ մեղադրական եզրակացության` Ռոբերտ Սմբատյանի) հետ, կատարել են ավազակային հարձակում, այն է` ապօրինա¬բար մուտք են գործել շինություն, զենքի գոր¬ծադրմամբ և տուժողների առող¬ջութ¬յան համար վտան¬գավոր բռնություն գործադրելով հափշտա¬կել են ուրիշի առանձնապես խոշոր չափի գույքը, որպիսի գործողություններն արտահայտվել են հետևյալում.
Արման Մուրադյանը, Կարեն Շահբազյանից և այլ անձից (ըստ մեղադրական եզրակա¬ցութ¬յան` Ռոբերտ Սմբատյանից) տեղե¬կանալով« որ Երևանի Խանջյան 37-2 հասցեում տեղակայված տարադրամի փո¬խանակման կետում պահվում են առանձնապես խոշոր չափերի գումարներ« զենքի և որպես զենք օգտագործվող առարկայի գոր¬ծադրմամբ դրանք հափշտա¬կելու դիտա¬վո¬րությամբ նախ¬նական համաձայ¬նություն է ձեռք բերել նրանց հետ։
Այդ հանացվոր համաձայնությունն իրագործելու շրջանակներում Կարեն Շահբազյանը վերցրել է Վահե Մուրադյանի անձնական օգտագործմանՙ«ՎԱԶ 21074» մակնիշի ավտոմեքենան և 2004թ. դեկտեմբերի 3-ին` ժամը 09-ի սահմաններում, Երևանի Սայաթ-Նովա և Նալբանդյան փողոցների խաչմերուկում հանդիպել է Արման Մուրադյանին և այլ անձի ( ըստ մեղադրական եզրակացության` Ռոբերտ Սմբատյանին)։ Հանցագործության կատարման վերաբերյալ դերաբաշխումներ կատարելուց հետո` ժամը 11-ի սահմաններում, ուղևորվել են Երևանի Խանջյան 37 հասցեի շենքի բակ« ավտոմեքենան թողել Խանջյան փողոցում։ Տարադրամի փոխանակման կետի աշխատակիցներից իր ինքնությունը թաքցնելու նպատակով այլ անձը ( ըստ մեղադրական եզրակացության` Ռոբերտ Սմբատյանը) դրսից հսկել է տարադրամի փոխանակման կետի տարածքը« իսկ Արման Մուրադյանը, զինված որպես զենք օգտագործվող արտաքուստ կարճափող հրացանի տեսքով, սակայն իրականում հուշանվեր-հրացա¬նով« իսկ Կարեն Շահբազյանը` «Փարավոն» խաղատնից հափշտակված« ապօրինի կերպով կրած «Վոլտրան» 0568 տեսակի տեսակի« 9 մմ տրամաչափի գազային ատրճանակով« հափշտակություն կատարելու դիտավորությամբ ապօրինաբար մուտք են գործել տարադրամի փոխանակման կետ« որտեղ Արման« Գագիկ և Էվրիկ Դհերյանների կյանքի և առողջության համար վտանգավոր բռնություն գործադրելով` հափշտակել են առանձնապես խոշոր չափերի` 7.012.000 ՀՀ դրամ գումար, մասնավորապես` Ա.Մուրադյանը որպես զենք օգտագործած հուշանվեր-հրացանի խզակոթով հար¬վածներ է հասցրել Էվրիկ և Արման Դհերյանների գլխին ու դեմքին« այնուհետև` Կ.Շահբազ¬յանի հետ ձեռքերով և ոտքերով հարվածել է Արման Դհերյանի մարմնի տարբեր մասերին` նրանց առողջությանը պատճառելով առողջության կարճատև քայքայումով ուղեկցվող թեթև վնաս։ Հարձակվողներին դիմադրություն ցույց տալու հետևանքով վայր ընկած Գագիկ Դհերյանը ստացել է առողջության թեթև վնասվածքների հատկանիշներ չպարունակող վնաս` աջ նախաբազկի հետին դրսակողմային մակերեսին 6x5 սմ չափսերի կապտավուն գույնի արյու¬նազեղում։ Այդ ընթացքում Կ.Շահբազյանը ապօրի¬նաբար կրած «Վոլտրան» տեսակի գազային ատրճանակից արձակել է կրակոց։ Մետաղյա պահարանից հափշտակելով առանձնապես խոշոր չափերի` 7.012.000 ՀՀ դրամ գումարը` Արման Մուրադյանը, Կարեն Շահբազյանը և վերջիններիս դրսում սպասող երրորդ անձը (ըստ մեղադրական եզրակացության` Ռոբերտ Սմբատյանը) «ՎԱԶ 21074» մակնիշի ավտոմեքենայով դիմել են փախուստի։
Վերոնշյալ հանցավոր արարքի կատարման համար ամբաստանյալ Արման Մուրադյանին մե¬ղադրանք է առաջադրվել ՀՀ քրեական օրենսգրքի 175-րդ հոդվածի 3-րդ մասի 1-ին կետով։ Կարեն Շահբազյանը (նաև «Փարավոն» խաղատան վրա ավազակային հարձակում կատարելու համար) դատապարտվել է ՀՀ քրեական օրենսգրքի 175-րդ հոդվածի 2-րդ մասի 1-ին« 2-րդ« 3-րդ« 4-րդ կետերով« 235-րդ հոդվածի 4-րդ մասով և 175-րդ հոդվածի 3-րդ մասի 1-ին կետով, իսկ հետախուզման մեջ գտնվող Ռոբերտ Սմբատյանը ներգրավվել է որպես մեղադրյալ ՀՀ քրեական օրենսգրքի 175-րդ հոդվածի 2-րդ մասի 1-ին« 2-րդ« 3-րդ« 4-րդ կետերով« 235-րդ հոդվածի 4-րդ մասով և 175-րդ հոդվածի 3-րդ մասի 1-ին կետով։
Առաջադրված մեղադրանքում ամբաստանյալ Արման Մուրադյանն իրեն լիովին մեղավոր ճա¬նա¬չեց և ընդունեց Կարեն Շահբազյանի և Ռոբերտ Սմբատյանի հետ Խանջյան 37 հասցեում գտնվող տարադրամի փոխանակման կետի վրա ավազակային հարձակում կատարելու և 7.012.000 ՀՀ դրամ հափշտակելու հանգամանքը։ Միաժամանակ օգտվելով իր իրավունքից` հրաժարվեց դեպքի մանրամասների շուրջ ցուցմունքներ տալուց։
Ամբաստանյալ Արման Մուրադյանին առա¬ջադրված մեղադ¬րանք¬ը հաստատվել է նաև դա¬տաքննության ընթաց¬քում պատ¬շաճ իրա¬¬վա¬¬կան ըն¬թա¬ցակարգերի շրջա¬նակ¬նե¬րում հետա¬զոտ¬ված և գնահատ¬ված ներ¬քոհիշ¬յալ ապա¬ցույց¬նե¬րով.
Տուժող Գագիկ Դհերյանի ցուցմունքներով. Վերջինս Դատարանում ըստ էության վերա¬հաս¬տատեց նախաքննության ընթացքում տված ցուցմունքները` այն մասին, որ 2004թ. դեկտեմ¬բերի 3-ին` ժամը 11-ի սահմաններում« որդու` Արման Դհերյանի և եղբորորդու` Էվրիկ Դհերյանի հետ գտնվել են աշխատանքի վայրում՝ Երևանի Խանջյան փողոցի թիվ 37 շենքի 2 բնակարանում տեղակայված, իրեն պատկանող տարադրամի փոխանակման կետում։ Նույն օրը` ժամը 11-ի սահմաններում« տարադրամի փոխանակման կետ է մտել իրեն անծանոթ մի տղամարդ, ինչպես հետագայում պարզվել` Կարեն Շահբազյանը և ներկայացրել է 10 ԱՄՆ դոլարանոց՝ ՀՀ դրամով փոխանակելու համար։ Գումարը տալուց հետո նկատել է« որ Կ.Շահբազյանը մոտեցել է միջանցքում կանգնած, նույն տարածքում տեսաերիզների վաճառքով զբաղվող իր եղբոր որդի Էվրիկ Դհերյանին« որից հետո միջանցքից աղմուկի բարձր ձայն է լսվել։ Կ.Շահբազյանը, ատրճանակը ձեռքին, իր որդի Արման Դհերյանին սպառնալիքներ է տվել« ինչից հետո վերջինս վազելով մտել է սենյակ` ցանկանալով փակել դուռը« սակայն Կ.Շահ¬բազյանը հետապնդել և ոտքով հարվածելով դռանը` մուտք է գործել նույն սենյակ։ Ստեղծված խառնաշփոթի ժամանակ վայր է ընկել« որից հետո լսել է կրակոցի ձայն։ Մի պահ կորցրել է գիտակցությունը« ապա ուշքի գալով` նկատել մեկ այլ երիտասարդի` մինչ այդ իրեն անծանոթ Արման Մուրադյանին« ով ձեռքին գտնվող հրացանի փողով սպառնացել է մետաղյա պահարանի դուռը փակելու փորձ կատարող իր որդուն։ Դրանից հետո Ա.Մուրադյանը ձեռքին գտնվող հրացանի խզակոթով հարվածներ է հասցրել որդու դեմքին« իսկ Կարենը« պարկի մեջ լցնելով գումարները« ցանկացել է դուրս գալ։ Այդ պահին իր որդի Արմանը նրա ձեռքից քաշել է, որի հետևանքով պարկի պարունակությունը թափվել է հատակին։ Կ.Շահբազյանը կռացել և հավաքել է գումարը« որի հետևանքով պատա¬հաբար նրա գլխարկը ընկել է։ Արագ-արագ հավաքելով հատակին թափված թղթադրամները` Կարեն Շահբազյանը և Արման Մուրադյանը հափշտակել են իրեն պատկանող 7.012.000 ՀՀ դրամ գումարը և դիմել փախուստի։
Հարցերին պատասխանելիս նաև նշեց, որ հարձակմանը մասնակցած նշված անձանց երրորդ ընկերոջը` Ռոբերտ Սմբատյանին, ճանաչել է որպես իր հաճախորդի, ում հետ գտնվել են լավ հարաբերությունների հետ։ Վերջինս փոխա¬նակ¬ման կետ չի մտել, ընկերներին սպասել է դրսում` ըստ էության վախենալով, որ կճանաչվի։ Նշեց, որ ամբաստանյալ Ա.Մուրադյանի նկատմամբ որևէ պահանջ, այդ թվում` նյութական, չունի, քանի որ պատճառված վնասն Կարեն Շահբազյանի վերաբերյալ գործի քննության շրջանակներում ամբողջությամբ փոխհատուցվել է։
Տուժող Արման Դհերյանի ցուցմունքներով` այն մասին, որ 2004թ. դեկտեմբերի 3-ին` ժամը 11-ի սահմաններում, իր հայր Գագիկ Դհերյանի ու հորեղբորորդի Էվրիկ Դհերյանի հետ գտնվել են Երևանի Խանջյան փողոցի 37-րդ շենքի 2-րդ բնակարանում տեղակայված` իրենց պատկանող տարադրամի փոխանակման կետում։ Նույն օրը` ժամը 11-ի սահմաններում, տա¬րադրամի փոխանակման կետ է մտել մինչ այդ իրեն անծանոթ Կարեն Շահբազյանը և տա¬րադրամի փոխանակման կետի պատուհանից ներկայացրել է 10 ԱՄՆ դոլարանոց թղթադրամ՝ ՀՀ դրամով փոխանակելու համար։ Այդ պահին գտնվել է փոխանակման կետի սենյակում« իսկ հորեղբոր որդի Էվրիկ Դհերյանը մուտքի դռան աստիճանների վրա կանգնած անձնավորության` մինչ այդ իրեն անծանոթ Արման Մուրադյանի պահանջով տեսաերիզներ է փնտրել։ Գումարը ստանալուց հետո Կ.Շահբազյանը մոտեցել է նրանց, իսկ ինքը« տեսնելով« որ Էվրիկը դժվարանում է տեսաերիզ փնտրել« բացել է փոխանակման սենյակի դուռը և դուրս եկել միջանցք։
Նույն պահին Ա.Մուրադյանը հրացանի խզակոթով հարվածել է Էվրիկի գլխին« ինչի հետևանքով վերջինս վայր է ընկել« իսկ Կ.Շահբազյանը փորձել է մտնել տարադրամի փոխա¬նակման սենյակ։ Ինքն առաջ անցնելով« մտել է տարադրամի փոխանակման սենյակ և փորձել է փակել դուռը« սակայն Կարեն Շահբազյանը ինչ-որ առարկայով հարվածել է իր գլխին« որից հետո նույն սենյակ է մտել արդեն Արման Մուրադյանը« ով հրացանի կոթով հարվածներ է հասցրել իր դեմքին և մարմնի տարբեր մասերին։ Սենյակում գտնվելու ընթացքում Կ.Շահբազյանն իր ձեռքին գտնվող ատրճանակով սպառնալիքներ է տվել` ասելով. «ռազբոյ ենք անում« ձայներդ կտրե՛ք» և ատրճանակի կոթով հարվածել է պատին ու կրակոց արձակել« որից հետո մոտենալով երկաթյա պահարանին` գումարները տեղավորել է պարկի մեջ։ Անընդհատ փորձել է ընկած վիճակում փակել պահարանի դուռը« սակայն Կարեն Շահբազյանը, գումարները հափշտակելուն զուգահեռ, ոտքերով հարվածել է իր ձեռքերին։ Գումարը հափշտակելուց հետո« երբ Կարենը և Արմանը փորձել են դուրս գալ« ինքը քաշել է Կարենի ձեռքի պարկը« և գումարը թափվել է հատակին։ Կարենը կռացել և պարկից թափված գումարները կրկին տեղավորել է տոպրակի մեջ« որի ընթացքում գլխից ընկել է նրա գլխարկը։ Տարադրամի փոխանակման կետից դուրս գալով` Կարենը և Արմանը կրկին սպառնալիքներ են տվել իրենց« ապա վազելով նստել են Խանջյան փողոցի վրա կանգնած «ՎԱԶ-2107» մակնիշի սպիտակ 04LU667 պետհա¬մարանիշի ավտոմեքենան ու շարժվել են մանկավարժական ինստիտուտի ուղղությամբ։ Վերադառնալով տարադրամի փոխանակման կետ` նկատել է« որ իր հայրն Էվրիկին օգնություն է ցուցաբերում։ Հորից տեղեկացել է« որ փոխանակման կետից հափշտակվել է շուրջ 14.000 ԱՄՆ դոլարին համարժեք դրամ։
Տուժող Էվրիկ Դհերյանի` հրապարակված և հետազոտված նախաքննական ցուց¬մունք¬¬ներով` այն մասին, որ 2004թ. դեկտեմբերի 3-ին` ժամը 11-ի սահմաններում, գտնվել է Երևանի Խանջյան փողոցի թիվ 37 շենքի 1-ին հարկում տեղակայված իր հորեղբայր Գագիկ Դհեր¬¬յանին պատկանող տարադրամի փոխանակման կետում։ Այնտեղ են գտնվել նաև հորեղ¬բայրը և վերջինիս որդի Արման Դհերյանը։ Նույն օրը` ժամը 11-ի սահմաններում« գտնվել է միջանցքում՝ տեսաերիզների ցուցադրման ցուցափեղկերի մոտ« երբ նկատել է գումար փոխանա¬կող մի անձի։ Մեկ այլ անձ« ով գտնվել է մուտքի դռան մոտ« իրենից հետաքրքվել է ինչ-որ տեսաերիզներով։ Ցանկացել է անհրաժեշտ տեսաերիզը վերցնել« երբ թիկունքից բութ առարկայով հարվածել է ստացել, որից կորցրել է գիտակցությունը։ Տեսաերիզ հարցնող անձը եղել է 175-180սմ հասակով« 25-28 տարեկան« շագանակագույն մազերով՝ ուղիղ սանրվածքով սպիտակավուն մաշկով։ Գիտակցության գալով` նկատել է« որ նրանցից մեկը հրացանի փողն ուղղել է իր վրա և պահանջում է չշարժվել։ Այդ պահին դրսում՝ մուտքի առջև« նկատել է մոտ 160-165սմ հասակ ունեցող անձի« ում պահվածքից հասկացել է« որ նա էլ երրորդ հանցակիցն է։ Վերջինիս նմանեցրել է իրենց հաճախորդ Էրիկին։ Հանցագործների հեռանալուց հետո իրեն է մոտեցել հորեղբայրը և հայտնել« որ զենքերի սպառնալիքով« նույնիսկ կրակոց արձակելով հափշտակվել է տարադրամի փոխանակման կետի երկաթյա պահարանում պահվող գումար¬ը։
Սույն գործով մեղադրանքի հետ առնչվող մեկ այլ գործով դատապարտյալ Կարեն Շահբազյանի` հրապարակված և հետազոտված նա¬խաքննա¬կան ցուցմունքով` այն մասին, որ «Աստաֆյան» գիշերային ակումբում աշխատելու ընթացքում ծանոթացել և մտերմացել է ակում¬բի մշտական հաճախորդ Ռոբերտ Սմբատյանի` Էրիկի հետ։ Ինքն ու Էրիկը 2004թ. հոկտեմբերի 31-ի գիշերն ավազակային հարձակում են կատարել Թաիրով գյուղի տարածքում տեղակայված «Փարավոն» խաղատան վրա« հափշտակել «Վոլտրան» ֆիրմայի ատրճանակ և 1.200.000 ՀՀ դրամ գումար։
Նշված հանցագործությունը կատարելուց որոշ ժամանակ անց Էրիկն իրեն հայտնել է« որ Թումանյան-Խանջյան փողոցների խաչմերուկի հարևանությամբ գտնվող անկյունային շենքի առաջին հարկում տեղակայված տարադրամի փոխանակման կետում բավականին գումար է կուտակվում։ Պայմանավորվել են հանցագործությունը կատարել 2004թ. դեկտեմբերի 2-ին« սակայն իրեն հարմար չլինելու պատճառով այն հետաձգել են հաջորդ օրը։ Ինքը« նախապես վերցնելով «Աստաֆյան» ակումբի աշխատակից Վահե Մուրադյանի անձնա¬կան օգտագործ¬մանՙ«ՎԱԶ 21074» մակնիշի ավտոմեքենան« 2004թ. դեկտեմբերի 3-ին` ժամը 9-ի սահմաննե¬րում, ուղևորվել է Սայաթ-Նովա և Նալբանդյան փողոցների խաչմերուկ« որտեղ հանդիպել է Էրիկին և վերջինիս ծանոթ Արման Մուրադյանին։ Էրիկը ներկայացրել է Արմանին որպես նրանց հին թաղի` Սայաթ-Նովա փողոցի բնակիչ« նշել, որ վերջինս ներկայում բնակվում է շրջանում և նրա խնդրանքով եկել է ավազակային հարձակման կատարելուն օգնելու նպա¬տակով` պատճառաբանելով« որ տարադրամի փոխանակման կետի աշխատակիցներն նրան ծանոթ են և կարող են ճանաչել։ Էրիկի մոտ եղել են նաև զենքեր։ Համաձայնել է Էրիկի առաջարկին« միասին ուղևորվել են Երևանի Նար-Դոսի փողոց` ավտոտնակների մոտ« որտեղ Վահե Մուրադյանի ավտոմեքենայի վրա ամրացրել են Էրիկի բերած պետհամարանիշ¬ները« այնուհետև վերցնելով խաղատնից հափշտակածՙ«Վոլտրան» տեսակի գազային ատրճանակը« իսկ Արմանը կարճ փողով հրացան-հուշանվերը` ուղևորվել են Խանջյան փո¬ղոցով և մեքենան կանգնեցրել տա¬րադրա¬մի փոխանակման կետի դիմաց։
Պայմանավորվածության համաձայն` ինքն ու Արմանը մուտք են գործել տարադրամի փոխանակման կետ« իսկ Էրիկը սպասել է դրսում՝ հսկելով տարածքը։ Փոխանակման կետում մանրել է 10 ԱՄՆ դոլարանոց« իսկ Արմանը միջանցքում կանգնած անձից հարց ու փորձ է արել տեսաերիզների վերաբերյալ։ Արմանն իր մոտ գտնվող հրացան-հունաշվերի խզակոթով հարվածել է միջանցքում կանգնած անձի գլխին« որից հետո տարադրամի խցիկի դուռը բացվել է« և միջանցք է դուրս եկել փոխանակման կետի տիրոջ որդին` Արմանը« ինչից օգտվելով` ինքը փորձել է մտնել ներս` քաշքշելով վերջինիս« ապա Արմանի հետ շարունակել է հարվածներ հասցնել։ Այդ ընթացքում իր մոտ պահվող գազային ատրճանակից կրակոց է արձակել դեպի վեր և մոտենալով երկաթյա պահարանին` վերցրել է այնտեղ գտնվող ողջ գումարը։ Փախչելիս գլխարկն ընկել է« սակայն ուշադրություն չդարձնելով` երեքով նստել են ավտոմեքենան ու հեռացել Նար-Դոս փողոց։ Այնտեղ ավտոմեքենայի պետհամարանիշները դարձյալ փոխել են« հաշվել են հափշտա¬կած գումար« որը կազմել է 6.000.000 ՀՀ դրամ։ Այն բաժանել են երեք հավասար մասի և իրարից բաժանվել։
Վկա Կարեն Հովսեփյանի` հրապարակված և հետազոտված նախաքննական ցուցմունք¬ներով` այն մասին« որ 2004թ. դեկտեմբերի սկզբներին« կոնկրետ օրը չի հիշում« ժամը 10։30-ի սահմաններում« երբ կանգնած է եղել Խանջյան-Թումանյան փողոցների խաչմերուկի մոտ գտնվող ավտոկանգառում և սպասել տրանսպորտի« նկատել է« որ իրեն անծանոթ երկու անձ փո¬խանակման կետից վազելով դուրս եկան և նստեցին Խանջյան փողոցի վրա կայանած «ՎԱԶ 2107» մակնիշի սպիտակ ավտոմեքենան ու այն բարձր արագությամբ վարելով` հեռացան։ Նրանց եհտապնդել է տարադրամի փոխանակման կետի աշխատող Արմանը՝ գլուխը ձեռ¬քերով բռնած։ Ավտոմեքենան նստողներից մեկը հայհոյանքներ է տվել Արմանի հասցեին և սպառ¬նացել« որ վերջինս հեռանա։ Այդ մեքենայի սրահում նկատել է երեք անձի« երրորդ անձնավորությունը պառկած է եղել ավտոմեքենայի հետևի նստատեղին։ Դրանից հետո մոտեցել է տարադրամի փոխանակման կետին, աշխատողի գլխի շրջանում նկատել վնասվածքներ։ Այնուհետև« հանդիպելով տարադրամի փոխանակման կետի տիրոջը՝ Գագիկին« հայտնել է այդ ավտոմեքենայի պետհամարանիշները« որոնք համընկել են Արմանի տեսած պետհամարանիշ¬ներին։
Վկա Արման Սմբատյանի` հրապարակված և հետազոտված նախաքննական ցուց¬մունք¬ներով` այն մասին« որ 2004թ. նոյեմբերի սկզբներին իր եղբայր Ռոբերտ Սմբատյանը, որին ճանաչում են Էրիկ անվամբ, հայտնել է« որ մի քանի օր առաջ նրա ընկեր Կարենի հետ Թաիրով գյուղի տարածքում տեղակայված խաղատանը գումար են տանուլ տվել« որից հետո նույն օրը գնացել են նշված խաղատուն և նրանց հետ նախապես վերցրած զենքերով մուտք գործելով այնտեղ` զենքերի սպառնալիքով հափշտակել են 1.200.000 դրամ գումար։
2004թ. դեկտեմբերի 3-ին` ժամը 13-14 ընկած ժամանակահատվածում, իր տան 010-556192 հեռախոսահամարին զանգահարել է Էրիկը և չհայտնելով« թե որտեղից է զանգահարում` տեղեկացրել« որ Խանջյան փողոցի վրա գտնվող տարադրամի փոխանակման կետի աշխատող¬ների նկատմամբ ավազակային հարձակում է կատարել նրա ընկեր Կարենի հետ։ Տեղեկացրելէ նաև, որ տարադրամի փոխանակման կետի աշխատողները նրան ճանաչել են« ոսւտի հեռանում է Երևանից՝ չնշելով թե որ ուղղությամբ։ Առաջարկել է Էրիկին հանդիպել« սակայն վերջինս հրա¬ժարվել է։
Վկա« Վահե Մուրադյանի` հրա¬պարակված և հետազոտված նախաքննական ցուց¬մունքներով` այն մասին, որ, որպես «Աստաֆյան» գիշերային ակումբի առաքիչ, «ՎԱԶ 21074» մակնիշի սպիտակ 05 ՕՕ 641 պետհամարանիշի ավ¬տո¬մե¬քենա¬յով իրականացրել է գիշերային ակումբի համար անհրաժեշտ ապրանքների մատակարարում։ Աշխատանքի բերումով ճանաչել է Կարեն Շահբազյանին« նրա միջոցով` նաև վերջինիս ընկեր Էրիկին։ Կարենի խնդրանքով հաճա¬խակի իր ավտոմեքենան, երբեմն նաև 091-480041 հեռա¬խո¬սա¬հա¬մարով բջջային հեռախոսը վստահել է նրան։ Վերջին անգամ իր ավտոմեքենան Կարեն Շահբազյանին վստահել է 2004թ. դեկտեմ¬բերի 2-ի գիշերը« նույն ժամանակ Էրիկին է տվել նաև իր բջջային հեռախոսը։ Պայմանա¬վորվածության համաձայն՝ 2004թ. դեկտեմբերի 3-ին` ժամը 14-ի սահմաններում, Կարենն ու Էրիկը իրեն են հանձնել ավտոմեքենայի բանալիները և հեռացել« որից հետո նրանց այլևս չի տեսել։ 2004թ. դեկտեմբերի 4-ին կամ 5-ին աշխատավայրում է տեղեկացել, որ Կարեն Շահբազ¬յանը տարադրամի փոխանակման կետի վրա ավազակային հարձակում է կատարել, որի ժամանակ եղել է իր ավտոմեքենայով։ Նույն ցուցմունքում նշել է նաև, որ 2004թ. դեկտեմբերի 2-ինՙ«Աստաֆյան» ակումբում Կարենի ու Էրիկի հետ եղել է նաև այդ ժամանակ իրեն անծանոթ Արման Մուրադյանը« ում ծանոթցանելիս Էրիկը ներկայացրել է որպես մանկական ընկեր։
Վկա Միքայել Աֆրիկյանի` հրապարակված և հետազոտված նախաքննական ցուցմունքով` այն մասին« որ 2001թ. վարել է «ՎԱԶ 2107» մակնիշի 04 ԼՍ 667 պետհամարանիշի« իր անձնական օգտագործման ավտոմեքենան։ 2004թ. նոյեմբերի 25-ի երեկոյան ավտոմեքենան սովորականի պես կանգնեցրել է «Աստաֆյան» գիշերային ակումբի բակում գտնվող ավտոկան¬գառում։ Հաջորդ օրը` ժամը 09-ի սահմաններում, գնացել է ավտոկանգառ՝ ավտոմեքենայով աշ¬խա¬տանքի գնալու համար և նկատել է« որ ավտոմեքենայի հետևի և առջևի պետհամարանիշները բացակայում են։ Հաջորդ օրը ներկայացել է ոստիկանության Կենտրոնական բաժին և պետհա¬մարանիշների կորստյան մասին հայտարա¬րություն տվել։ Հետագայում ոստիկանությունում տեղեկացել է« որ հանցագործներն իր ավտոմեքենայի պետհամարանիշներն ամրացրել են այլ ավտոմեքենայի վրա և դրանով հանցագործություն կատարել։
Ամբաստանյալ Արման Մուրադյանի մեղավորության վերաբերյալ հետևության Դատա¬րանը հանգեց նաև դատաքննությամբ հետազոտված հետևյալ ապա¬ցույց¬ների գնահատման արդ¬յունք¬¬ներով.
Լուսանկարով անձին ճանաչման ներկայացնելու մասին 2005թ. հոկտեմբերի 6-ին կազմված արձանագրությամբ« համաձայն որի` Կարեն Շահբազյանը լուսանկարով ճանաչման ներկայացված անձանց շարքում ճանաչել է գործով ամբաստանյալ Արման Մուրադյանին և հայտարարել« որ վերջինս հանդիսանում է 2004թ. դեկտեմբերի 3-ին իր և Ռոբերտ/Էրիկ/ Սմբատյանի հետ Երևան քաղաքի Խանջյան փողոցում գործող տարադրամի փոխանակման կետի աշխատակիցների նկատմամբ ավազակային հարձակում կատարած անձնավորությունը։
Լուսանկարով անձին ճանաչման ներկայացնելու մասին 2005թ. հոկտեմբերի 6-ին կազմված արձանագրությամբ« համաձայն որի` տուժող Արման Դհերյանը լուսանկարով ճանաչ¬ման ներկայացված անձանց շարքում ճանաչել է գործով ամբաստանյալ Արման Մուրադ¬յանին և հայտարարել« որ վերջինս հանդիսանում է 2004թ. դեկտեմբերի 3-ին` ժամը 11-ի սահման¬ներում, Կարեն Շահբազյանի հետ իրենց տարադրամի փոխանակման կետ մուտք գործած և բռնության ու զենքի գործադրմամբ 7.012.000 ՀՀ դրամ հափշտակած անձնավորությունը։
Լուսանկարով անձին ճանաչման ներկայացնելու մասին 2005թ. հոկտեմբերի 6-ին կազմված արձանագրությամբ« համաձայն որի` տուժող Գագիկ Դհերյանը լուսանկարով ճանաչ¬ման ներկայացված անձանց շարքում ճանաչել է գործով ամբաստանյալ Արման Մուրադյանին և հայտարա¬րել« որ վերջինս հանդիսանում է 2004թ. դեկտեմբերի 3-ին` ժամը 11-ի սահմաններում, Կարեն Շահբազյանի հետ իրենց տարադրամի փոխանակման կետ մուտք գործած և սպառ¬նալիք¬ներով« բռնության ու զենքի գործադրմամբ 7.012.000 ՀՀ դրամ հափշտակած անձնավորութ¬յունը։
Դեպքի վայրի զննության 2004թ. դեկտեմբերի 3-ի արձանագրությամբ« համաձայն որի` Երևան քաղաքի Խանջյան փողոցի թիվ 37 շենքի 1-ին հարկում տեղակայված տարադրամի փոխանակման կետի դիմային պատի վրա հայտնաբերվել է կլորավուն« սև 15x15սմ չափսերի այրման հետք« արնանման հեղուկի հետքեր« ավազակային հարձակում կատարած անձանց թողած 10 ԱՄՆ դոլարանոց թղթադրամ և գլխարկ։
Դատաբժշկական փորձաքննության 2004թ. դեկտեմբերի 4-ի թիվ 1730 եզրակացությամբ« համաձայն որի` գործով տուժող Արման Դհերյանի մոտ հայտնաբերվել են ձախ սրունքի առա¬ջային մակերեսի« գլխի աջ գագաթային հատվածի քերծվածքներ« գլխի աջ ծոծրակային հետին հատվածի« քթի մեջքի շրջանի արյունազեղումներ« ինչպես նաև քթի ոսկրերի կոտրվածք« որոնք հասցվել են բութ առարկայի ներգործության հետևանքով« և առողջությանը պատճառել են թեթև վնաս՝ առողջութ¬յան կարճատև քայքայումով։
Դատաբժշկական փորձաքննության 2004թ. դեկտեմբերի 4-ի թիվ 1731 եզրակացությամբ« համաձայն որի` գործով տուժող Էվրիկ Դհերյանի մոտ հայտնաբերվել է գլխի աջ ծոծրակային հետին մազածածկ հատվածի սալջարդ վերք« որը հասցվել է բութ առարկայի ներգործության հետևանքով և նրա առողջությանը պատճառել է թեթև վնաս՝ առողջության կարճատև քայքա¬յումով։
Դատաբժշկական փորձաքննության 2004թ. դեկտեմբերի 4-ի թիվ 1732 եզրակացությամբ« համաձայն որի` գործով տուժող Գագիկ Դհերյանի մոտ հայտնաբերվել է աջ նախաբազկի հետին դրսակողմ¬նային մակերեսի արյունազեղում« որը պատճառվել է բութ առարկայով« որն առողջության թեթև վնասի հատկանիշներ չի պարունակում։
Դատակենսաբանական փորձաքննության 2005թ. հունվարի 29-ի թիվ 415 եզրա¬կա¬ցությամբ« համաձայն որի` փորձաքննությանը ներկայացված թղթի կտորի վրա տեղակայված կաս¬կածելի հետքերում հայտնաբերվել է արյան առկայություն« որը պատկանում է մարդու և այն կարող էր առաջանալ Էվրիկ Դհերյանից կամ նույն խմբի արյուն ունեցող անձից« իսկ փոր¬ձաքննությանը ներկայացված գլխարկի առաջային մասից վերցված կտորներում հաստատվել է քրտինքի առկայություն։ Նույն եզրակացության համաձայն` գլխարկի միջից հայտնաբերված 6 մազանման թելիկներն հանդիսանում են մարդու մազեր։
Դատակենսաբանական փորձաքննության 2005թ. մայիսի 5-ի թիվ 135 եզրակացությամբ« համաձայն որի` փորձաքննությանը ներկայացված գլխարկի մեջ հայտնաբերված 6 մազաթելերը կարող էին թողնվել Կարեն Շահբազյանի գլխից« իսկ գլխարկի առաջային մասում առկա քրտինքը կարող էր առաջանալ Կ.Շահբազյանից։
Իրեղեն ապացույց ճանաչված ու գործին կցված հեղուկների և առարկաների` արյան հետքի« գլխարկի և դրա միջից հայտնաբերված 6 մազաթելերի« տարադրամի փոխա¬նակ¬ման կետից հայտնաբերված մրի« 10 ԱՄՆ դոլարանոց թղթադրամի առկայությամբ։
Մեկ այլ գործով դատապարտյալ Կարեն Շահբազյանի մասնակցությամբ կատարված դեպքի վայրի զննության 2005թ. ապրիլի 22-ի արձանագրությամբ« համաձայն որի` Կարեն Շահբազյանը մատնացույց է արել դեպքի վայրը և հանգամանորեն նկարագրել իր« Ռոբերտ Սմբատյանի և Արման Մուրադյանի կատարած ավազակային հարձակման մանրամասները։

3. Դատարանի իրավական վերլուծությունները.
Դատաքննությամբ հետազոտված ապացույցների գնահատման արդյունքներով Դա¬տարանն հաս¬տատված համարեց այն, որ ամբաստանյալ Արման Մուրադյանը, այլ անձանց հետ նախնական համաձայնության գալով, ապօրինաբար շինություն մուտք գործելով, զենքի և որպես զենք օգտագործվող առարկայի գոր¬ծադրմամբ և տուժողների առող¬ջութ¬յան համար վտանգավոր բռնություն գործադրելով, կատարել է առանձնապես խոշոր չափի գույքի հափշտակություն (ավազակություն), այսինքն` մե¬ղա¬վո¬րութ¬յամբ կա¬¬տա¬րել է հան¬ցավոր արարք« որն համա¬պա¬տաս¬¬խանում է ՀՀ քրեա¬կան օրենսգրքի 175-րդ հոդ¬վածի 3-րդ մասի 1-ին կետով նախա¬տես¬¬ված հան¬ցա¬¬գործության հատ¬կանիշ¬ներին, հետևա¬¬բար` վեր¬ջինս քրեա¬կան պա¬տաս¬¬խա¬նատ¬¬¬վութ¬յան և պատժի ենթա¬կա է այդ հոդվածի համա¬պատաս¬խան մասով և կետով։
Ամբաստանյալ Արման Մուրադյանի նկատմամբ նշանակվող պատժի տեսակը և չափը որո¬շելիս Դատարանն հաշվի է առնում հետևյալը.
ՀՀ քրեական օրենսգրքի 48-րդ հոդվածի 2-րդ մասի համաձայն՝ պատժի նպատակն է վերա¬կանգ¬նել սոցիալական արդարությունը, ուղղել պատժի ենթարկված անձին, ինչպես նաև կանխել հանցա¬գործությունները։
ՀՀ քրեական օրենսգրքի 10-րդ հոդվածի համաձայն` հանցանք կատարած անձի նկատ¬մամբ կիրառվող պատիժը և քրեաիրավական ներգոր¬ծության այլ միջոց¬ները պետք է լինեն արդարացի, հա¬մա¬¬պա¬տասխանեն հանցանքի ծան¬րութ¬յանը, այն կատարելու հանգա¬մանք¬ներին, հանցավորի անձ¬նա¬վո¬րությանը, անհրա¬ժեշտ և բավարար լինեն նրան ուղղելու և նոր հանցա¬գործությունները կան¬խելու համար։
ՀՀ քրեական օրենսգրքի 61-րդ հոդվածի 1-ին մասն սահմանում է, որ հանցագործության համար մեղավոր ճանաչված անձի նկատմամբ նշանակվում է արդարացի պատիժ, իսկ նույն հոդվածի 2-րդ մասի համաձայն՝ պատժի տեսակը և չափը որոշվում են հանցագործության՝ հան¬րության համար վտանգավորության աստիճանով և բնույթով, հանցավորի անձը բնու¬թագրող տվյալ¬ներով, այդ թվում՝ պատասխանատվությունը և պատիժը մեղմացնող կամ ծան¬րացնող հանգամանքներով։
Օրենքի և դատարանի առջև հավասարության սկզբունքն ամրագրած ՀՀ քրեական դա¬տա¬վա¬րական օրենսգրքի 8-րդ հոդվածի համաձայն՝ որոշակի փաստական հանգամանքներ ունեցող գործով ՀՀ Վճռաբեկ դատարանի կամ Մարդու իրավունքների եվրոպական դատա¬րա¬նի դատա¬կան ակտի հիմնավորումները, այդ թվում՝ օրենքի մեկնաբանությունները, պար¬տադիր են դատա¬րանի համար նույ¬նանման փաստական հանգամանքներով այլ գործի քննության ժամանակ։
ՀՀ Վճռաբեկ դատարանը, Ա.Պապիկյանի վերաբերյալ 2007թ. հոկտեմբերի 26-ի ՎԲ-149/07 գոր¬ծով մեկնաբանելով ՀՀ քրեական օրենսգրքի 62-րդ հոդվածի 2-րդ մասով նախա¬տես¬ված իրա¬վանորմը, նշել է, որ այն Դատարանին օժտել է անձի պատասխա¬նատվությունը մեղմացնող հան¬գամանքների կիրառման լայն հայեցողությամբ, քանի որ պա¬տիժ նշանակելիս Դատարանը կարող է հաշվի առնել նաև մեղմացնող այնպիսի հանգա¬մանք¬ներ, որոնք նույն հոդվածի առաջին մասում նշված չեն։
Դատարանը սույն գործով որպես ամբաստանյալ Արման Մուրադյանի անձը դրականորեն բնու¬թագրող տվյալներ է գնահատում` նախ¬կինում դատա¬պարտված չլինելը (ՀՀ ոստիկանության ին¬ֆոր¬մացիոն կենտրոն 2013թ. հոկտեմբերի 15-ի դրությամբ կատարված ստուգ¬ման արդյունք¬ներով), երիտա¬սարդ լինելը (ըստ ՀՀ քաղաքացու AA սերիայի 0320348 համարի անձնագրի` ծնվել է 1978թ. դեկտեմբերի 17-ին), իսկ որպես պատասխանատվությունը և պա¬տի¬ժը մեղմացնող հանգա¬մանքներ` առաջադրված մեղադրանքում լիովին մեղավոր ճանաչելն ու անկեղծորեն զղջա¬լը, խնամքին մինչև տասնչորս տարեկան անչափահաս դստեր` 2006թ. հուլիսի 13-ին ծնված Գայանե Արմանի Մուրադյանի առկայությունը (ըստ ՎՀ ՊԾԶԳ Բաթումիի քաղաքացիական ռեեստրի ծառայության կողմից տրված և պատշաճ կարգով վավերացմամբ 2014թ. հունվարի 15-ին տրված թիվ 77146000523 ծննդյան, ինչպես նաև թիվ 77144000004 հայրության ճանաչման վկայականների)։
Պատասխանատվությունը և պատիժը մեղմացնող վերոնշյալ հանգամանքներն հաս¬տատ¬վել են գործով ձեռք բերված և դատաքննությամբ հետա¬զոտված, թույլատրելիութ¬յան ու վերա¬բե¬րելիության չա¬փա¬նիշներին համապատասխանող ապացույց¬ներով և ող¬ջամտո¬րեն նվա¬զեց¬նում են ամբաս¬տան¬յալ Արման Մուրադյանի հանրային վտան¬գավո¬րությունը։
Ամբաստանյալ Արման Մուրադյանի պատասխանատվությունը և պա¬¬տիժը ծան¬րաց¬նող հանգամանքներ Դատարանը չարձանագրեց։
Պատժի նպատակներն ապահովելու տեսանկյու¬նով անդրադառնալով ամբաս¬տանյալ¬ Արման Մուրադյանի նկատմամբ նշանակվող պատժի տե¬սակին և այն կրելու անհրաժեշտութ¬յան հարցին` Դատա¬րանը փաստում է, որ ՀՀ քրեական օրենսգրքի 175-րդ հոդվածի 3-րդ մասով սահմանված հանցա¬կազմի պատժամասը նախատեսում է պատիժ բացառապես ազա¬տազրկման ձևով, հետևաբար` սույն գործով քննարկման ենթակա են պատժաչափի, տվյալ հոդվածով նախատեսված ազատազրկու¬մից ավելի մեղմ պատիժ կամ մեղմ պատժա¬տեսակ նշա¬նակելու (ՀՀ քրեական օրենսգրքի 64-րդ հոդ¬վածի կիրառում), լրացուցիչ պատիժ նշանակելու, ինչպես նաև հիմնական պատիժը կրելու կամ չկրելու հարցերը (ՀՀ քրեական օրենսգրքի 70-րդ հոդվածի կի¬րա¬ռում)։
Հաշվի առնելով ամբաստանյալին վերագրվող հանցագոր¬ծութ¬յան բնույթն ու վտան¬գա¬վորության բարձր աստիճանը, ինչպես նաև ՀՀ քրեա¬կան օրենսգրքի 64-րդ հոդ¬վածի տեսանկյու¬նով բացառիկ հանգա¬մանք¬ների բացակա¬յությունը` Դա¬տարանը գտնում է, որ նրա նկատ¬մամբ ազա¬տազրկման ձևով նշա¬նակվող պա¬տիժը պայմանականորեն չկիրա¬ռելու, ազատազրկման նվազագույն չափից ավելի ցածր պատիժ կամ ավելի մեղմ պատ¬ժա¬տեսակ նշանակելու հիմքերը բացա¬կայում են։
Դատարանի համոզմամբ` ամբաստանյալ Արման Մուրադյանի ուղղվելը և նոր հանցագոր¬ծութ¬յուն¬ների կանխումն հնա¬րավոր է ազատազրկման ձևով նրա նկատ¬մամբ նշանակվող պատիժը ռեալ (իրական) կրելու պայման¬ներում, իսկ անձը դրականորեն բնութագրող տվյալները, նրա պատաս¬խա¬¬նատ¬վութ¬յունը և պատիժը մեղմացնող վերոնշյալ հանգա¬մանքները, տուժողներին պատ¬ճառված գույքային վնասն ամբողջությամբ փոխհատուցվելու, այդ կապակցությամբ վերջին¬ներիս նյութաիրավական կամ այլ պահանջների բացակայությունը, անհրաժեշտ է հաշվի առնել ամբաստանյալ Ա.Մուրադյանի նկատ¬մամբ պատ¬ժաչափ սահմանելիս։
Անդրադառնալով ամբաստանյալ Ա.Մուրադյանի նկատմամբ ՀՀ քրեական օրենսգրքի 175-րդ հոդվածի 3-րդ մասի 1-ին կետով նախատեսված լրացուցիչ պատժի` գույքի բռնագրավման նշա¬նակ¬ման նպատակահար¬մարությանը` Դատարանն արձանագրում է, որ դրա նշանակման փաս¬տական հիմքերը բացակայում են, որպիսի հետևության հանգում է հետևյալ իրավական վերլու¬ծության և դատողության արդյունքներով.
ՀՀ քրեական օրենսգրքի 55-րդ հոդվածի 2-րդ մասի համաձայն` գույքի բռնագրավման չափը որոշում է դատարանը` նկատի ունենալով հանցագործությամբ հասցված գույքային վնասի, ինչպես նաև հանցավոր ճանապարհով ձեռք բերված գույքի չափը, ընդ որում` գույքի բռնագրավ¬ման չափը չի կարող գերազանցել հանցագործությամբ հասցված վնասի կամ հանցավոր ճանապարհով ձեռք բեր¬ված օգուտի չափը։ Տվյալ պարագայում լրացուցիչ պատիժ նշանակելու աննպատակա¬հար¬մա¬րության վերաբերյալ Դատարանի հետևությունը պայմանավորված է ամբաստանյալի խնամքին փոքրահասակ երեխայի առկայությամբ, տուժողներին պատճառված վնասն ամբողոջությամբ վերականգնված լինելու փաստով, որպիսի պայման¬ներում լրացուցիչ այդ պատժատեսակի նշանակումը Դատարանի համոզմամբ կդառնա անարդյու¬նավետ և ինքնանպա¬տակ։
Քննարկելով ամբաստանյալ Արման Մուրադյանի նկատ¬մամբ ընտրված խափանման միջոց կալա¬նա¬վորման հարցը` Դատարանը գտնում է, որ այդ խափանման միջոցը վերացնելու կամ փո¬փոխելու հիմքերը բացակայում են` պայմա¬նա¬վորված նրան իրական պատժի` ազա¬տազրկման դատա¬պարտելու և դա¬տավճռի կա¬տա¬¬րումն ապահովելու անհրաժեշ¬տութ¬յամբ։ Միաժամանակ անդրա¬դառնալով պատժի կրման սկիզբն հաշ¬վարկելու և անազատության մեջ պահվելու ժամկետն նշանակվող պատ¬ժին հաշվակցելու հարցերին` Դատա¬րանը գտնում է, որ թեև ամբաստանյալ Ա.Մուրադյանը փաստացի ՀՀ իրավապահ մարմիններին է հանձնվել 2013թ. հոկտեմբերի 9-ին, սակայն նրա պատժի կրման սկիզբն անհրա¬ժեշտ է հաշվարկել հանձնման նպատակով Վրաստանի Հանրապետությունում փաստացի ձերբակալելու պահից` 2013թ. մայիսի 8-ից, որպիսի հետևության հանգում է հետևյալ իրավական վերլուծություններրի արդյունքներով.
ՀՀ քրեական դատավարական օրենսգրքի 480-րդ հոդվածի համաձայն` Հայաստանի Հանրա¬պետության միջազգային պայմանագրերով նախատեսված դեպքերում և կարգով օտար¬երկրյա պետությունների կողմից Հայաստանի Հանրապետությանը կարող են հանձնվել Հայաս¬տանի Հանրապետության տարածքում հանցանք կատարած և օտարերկրյա պետության տարածքում գտնվող անձինք՝ Հայաստանի Հանրապետության տարածքում կատարած հանցանք¬¬ների համար նրանց նկատմամբ քրեական հետապնդում իրականացնելու նպատակով։
ՀՀ քրեական դատավարական օրենսգքրի 1-ին հոդվածի համաձայն` Հայաստանի Հան¬րապետության տարածքում քրեական գործերով վարույթի կարգը սահմանվում է Հայաստանի Հանրապետության Սահմանադրությամբ, ՀՀ միջազգային պայմանագրերով, սույն օրենսգրքով և դրանց համապատասխան ընդունված այլ օրենքներով։ Նույն հոդվածի 2-րդ մասի համաձայն` քրեական դատավարության օրենսդրությամբ սահմանված վարույթի կարգը պարտադիր է դատարանների, հետաքննության, նախաքննության և դատախազության մարմինների, ինչպես նաև դատավարության մասնակիցների համար։
ՀՀ քրեական դատավարական օրենսգքրի 3-րդ հոդվածի համաձայն` Հայաստանի Հանրապետության տարածքում, անկախ հանցանքի կատարման վայրից, քրեական գործերով վարույթն իրականացվում է սույն օրենսգրքի դրույթներին համապատասխան, եթե Հայաստանի Հանրապետության միջազգային պայմանագրերով այլ բան սահմանված չէ։
ՀՀ իրավական համակարգի բաղկացուցի մասն համարվող վավերացված միջազգային իրավական պայմանագրերի, մասնավորապես` «Հանձնման մասին» եվրոպական կոնվենցիայի (ՀՀ-ի համար ուժի մեջ է 2002թ. ապրիլի 25-ից) 16-րդ հոդվածի 1-ին մասի համաձայն` «ծայրահեղ անհրաժշտության դեպքում հայցող կողմի իրավասու մարմինները կարող են պահանջել հետախուզվող անձի ժամանակավոր ձերբակա¬լություն` Հայցվող կողմի իրավասու մարմինները գործը կլուծեն իրենց օրենսդրության համա¬ձայն»։ Նույն կոնվենցիայի 18-րդ հոդվածի 3-րդ մասի համաձայն` հայցող կողմը պետք տեղյակ պահվի հանձնման վայրի և ամսաթվի մասին, ինչպես նաև այն ժամանակահատվածի մասին, որի ընթացքում հայցվող անձը կալանքի տակ է պահվել հանձնման նպատակով։
Վերոնոշյալ վերլուծություններից ակնհայտ է, որ միջազգային իրավական ակտերով կանխորոշվել է հանձնման նպատակով ձերբակալման և կալանքի տակ անձին պահելու ժամկետի հաշվակցման անհրաժեշտություն, այսինքն` Ազգային Դատարանը տվյալ անձի մեղավորության հարցը պարզելով` պարտավոր է նրա իրավասությանն հանձնված անձի նկատմամբ պատիժ նշանակելիս հաշվի առնել այլ պետության իրավապահների կողմից հանձնման նպատակով անազատության մեջ անձին պահելու ժամկետը։ Տվյալ դեպքում հանձման նպատակով ժամանակավորապես կալանքի վերցնելն ու դրա ժամկետի երկարացումը իրականացրել են Հայցվող պայմանավորվող կողմը` Վրաստանի իրավապահներն միջազգայ¬նորեն ստանձնած իրենց պարտավորությունների շրջանակներում և միաժամանակ ներպետա¬կան քրեադատավարական օրենսդրության կիրառման պայմաններում։ Սակայն վերոնշյալ միջազ¬գային իրավական ակտերով որևէ կերպ կանխորոշված չէ հանձնման ենթակա անձի կալանքի սկիզբն հաշվարկելու հարցը, և դա պատահականություն չէ, քանի որ դրա կարգա¬վորումը թողնվել է ներպետական օրենսդրությանը։ Նշվածի առհավատչյան է նաև ՀՀ քրեական օրենսգրքի 69-րդ հոդվածի 4-րդ մասի սահմանումը ( այն թեև կրում է անուղղակի բնույթ, քանի որ վերաբերում ժամկետի հաշվարկին, սակայն վերաբերելի է), համաձայն որի` մինչև դատավճռի օրինա¬կան ուժի մեջ մտնելը կալանքի տալ պահելու կամ այլ պետությունում կատարած հանցանքի համար դատարանի դատավճռով ազատազրկման ձևով նշանակված պատիժը կրելու ժամանակ սույն օրենսգրքի 16-րդ հոդվածի հիման վրա անձին հանձնելու դեպքում մեկ օրն հաշ¬վարկվում է մեկ օրվա դիմաց։
Ժամկետի վերոնշյալ հաշվարկի պարագայում այլ պետության տարածքում հանձման նպատակով ամբաստանյալ Ա.Մուրադյանին անազատության մեջ պա¬հելու ժամկետը լրացուցիչ հաշ¬վակցելու անհրա¬ժեշտութ¬¬յունը վերանում է, քանի որ նրա նկատմամբ պատիժ նշանակելիս հաշ¬վակցման ենթա¬կա այդ ժամկետն ինքնին ընդգրկում է 2013թ. մայիսի 8-ից մինչև սույն դա¬տավճիռն օրինական ուժի մեջ մտնելն ըն¬կած ժամանակա¬հատվածը։
ՀՀ քրեական դատավարության օրենսգրքի 360-րդ հոդվածի 1-ին մասի համաձայն` դատավճիռ կա¬յաց¬նելիս Դատարանը պարտավոր է անդրադառնալ նաև իրեղեն ապացույց¬ների, գույքի նկատ¬մամբ կիրառված (կիրառվելիք) արգելանքի, քաղա¬¬քա¬ցիական հայցի հարցերին։ Դատարանն արձանագրում է, որ իրեղեն ապացույցներն արդենիսկ տնօրինվել են սույն մեղադ¬րանքի հետ առնչվող մեկ այլ քրեական գործով, հետևաբար` այդ խնդրին չի անդրադառնում` այն համարելով լուծված։
Անդրադառնալով տուժողներ Գագիկ, Արման և Էվրիկ Դհերյաններին հանցագործությամբ պատճառված գույքային և ֆիզիկական վնասի հատուցման խնդրին` Դատարանը գտնում է, որ այդ հարցը նույնպես պետք է համարել լուծված` սույն գործով մեղադրանքի հետ առնչվող մեկ այլ գործով գույքային վնասն ամբողջությամբ փոխհատուցվելու, ինչպես նաև ֆիզիկական վնասը նյութապես փոխհատուցելու իրավունքից տուժողների հրաժարվելու պատճառաբանությամբ։
Անդրադառնալով դատական ծախսերի հարցին` Դատարանը գտնում է, որ որպես դատա¬կան ծախս` Արման Մուրադյանից հօգուտ պե¬տա¬¬կան բյուջեի անհրաժեշտ է բռնա¬գանձել վեր¬ջինիս Հայաստանի Հանրապետություն էտապավորելու համար կատար¬¬ված ծախսը` 535.897 (հինգ հարյուր երեսունհինգ հազար ութ հարյուր իննսունյոթ) ՀՀ դրամ գումարը։ Վերոնշյալ հետևությունն անմիջականորեն բխում է ՀՀ քրեական դատավարական օրենսգրքի 168-րդ հոդվածի 1-ին մասի 6-րդ կետով սահմանված օրենսդրական կարգավորումից։
Քննարկելով նախաքննության ընթացքում` դեռևս 2005թ. հոկտեմբերի 21-ին կայացված որոշման հիման վրա Արման Բենիամինի Մուրադյանի «Վազ 2108» մակնիշի 64 ՍԼ 696 հաշվառ¬ման համարանիշի ավտոմեքենայի վրա դրված արգելանքը պահպանելու կամ վերացնելու հար¬ցին` Դատարանը գտնում է, որ արգելանքը պետք է պահպանել` մինչև դատական ծախ¬սերի փոխհատուցումը։
Գնահատելով և ամփոփելով դատաքննությամբ հետազոտված ապացույց¬ները, ղեկա¬վար¬վելով ՀՀ քրեական դատա¬վա¬¬րա¬կան օրենսգրքի 357-360-րդ, 364-365-րդ, ինչպես նաև 369-373-րդ հոդված¬ներով, Դատա¬րանը
Վ Ճ Ռ Ե Ց ՝

Արման Բենիամինի Մուրադյանին ճանաչել մեղավոր ՀՀ քրեական օրենսգրքի 175-րդ հոդ¬վածի 3-րդ մասի 1-ին կետով նախատեսված հանցա¬գործության կատարման մեջ, նրա նկատ¬¬մամբ նշա¬նակել պատիժ` ազատազրկում 8 (ութ) տարի 6 (վեց) ամիս ժամկետով` առանց գույքի բռնագրավ¬¬ման։
Արման Մուրադյանի պատժի կրման սկիզբն հաշվել 2013թ. մայիսի 8-ից, որպես խա¬փանման մի¬ջոց ընտրված կալանա¬վորումը թողնել անփոփոխ` մինչև սույն դատավճիռն օրինա¬կան ուժի մեջ մտնե¬լը։
Տուժողներ Գագիկ, Արման և Էվրիկ Դհերյաններին հանցագործությամբ պատճառված գույքային և ֆիզիկական վնասի հատուցման հարցն համարել լուծված` սույն գործով մեղադրանքի հետ առնչվող մեկ այլ գործով գույքային վնասն ամբողջությամբ փոխհատուցվելու, ինչպես նաև ֆիզիկական վնասը նյութապես փոխհատուցելու իրավունքից տուժողների հրաժարվելու պատ¬ճառաբանությամբ։
Որպես դատական ծախս` Արման Բենիամինի Մուրադյանից հօգուտ պետական բյուջեի բռնագանձել 535.897 (հինգ հարյուր երեսունհինգ հազար ութ հարյուր իննսունյոթ) ՀՀ դրամ գումար։
Արման Բենիամինի Մուրադյանի «Վազ 2108» մակնիշի 64 ՍԼ 696 հաշվառման համարանիշի ավտոմեքենայի վրա 2005թ. նոյեմբերի 18-ին դրված արգե¬լանքը պահպանել` մինչև դատական ծախ¬սի փոխհատուցումը։
Դատավճիռը հրապարակման օրվանից մե¬կամսյա ժամկետում կարող է բողո¬քարկվել ՀՀ վե¬րաքննիչ քրեական դատարան։


ԴԱՏԱՎՈՐ՝ Ա.ՎԱՐԴԱՆՅԱՆ