ԵԿԴ/0208/01/13


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
18 նոյեմբերի 2013թ. ք.Երևան
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության առաջին ատյանի դատարանը՝

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ
մասնակցությամբ`
մեղադրող Ա.ՇԱՀԲԱԶՅԱՆԻ
ամբաստանյալ Կ.ՊԱԼՈՅԱՆԻ
պաշտպան Ա.ԱՌԱՔԵԼՅԱՆԻ

դատարանում` դռնբաց դատական նիստում, քննեց գործն ըստ մեղադրանքի` Կարապետ Արամանյակի Պալոյանի` ծնված 03.10.1987թ. Շիրակի մարզի Փոքր Մանթաշ գյուղում, ազգությամբ հայ, ՀՀ քաղաքացի, ամուրի, բարձրագույն կրթությամբ, վատառողջ, աշխա-տում է «Դավթաշենի կանաչապատում» ՓԲ ընկերությունում՝ որպես գյուղատնտես, չդատ-ված, հաշվառված է` Շիրակի մարզ, գյուղ Փոքր Մանթաշ, բնակվում է` ք.Երևան, Ֆրունզեի փողոց, 60ա շենք, բնակարան հ. 14, արգելանքի տակ չէ, մեղադրվում է ՀՀ քրեական օրենս-գրքի 268-րդ հոդվածի 1-ին մասով։
Ամբաստանյալ Կ.Պալոյանին ՀՀ քրեական օրենսգրքի 268-րդ հոդվածի 1-ին մասով մեղադրանք է առաջադրվել այն բանի համար, որ նա. «2013թ. սեպտեմբերի 9-ին` առավոտ-յան, առանց իրացնելու նպատակի՝ իր օգտագործման համար, Երևան քաղաքի Դավթաշեն վարչական շրջան տանող կամրջի վերջնամասի մերձակայքում աճած կանեփի բույսից քաղե-լով՝ ապօրինի ձեռք է բերել և տաբատի աջ գաղտնագրպանում ապօրինի պահել զգալի չափի՝ 0.76 գրամ հաստատուն քաշով, «մարիխուանա» տեսակի թմրամիջոց, որը նույն օրը Երևան քաղաքի մետրոպոլիտենի պահպանության ոստիկանության աշխատակիցների կողմից մետ-րոպոլիտենի «Զորավար Անդրանիկ» կայարանում հայտնաբերվել է վերջինիս մոտից՝ նրա անձնական խուզարկությամբ»։
Ամբաստանյալ Կ.Պալոյանը` մինչև դատաքննությունն սկսվելը, միջնորդեց կիրառել արագացված դատական քննության կարգ ու հայտարարեց, որ միջնորդությունը ներկայաց-նում է կամավոր` իր պաշտպանի հետ խորհրդակցելուց հետո, առաջադրված մեղադրանքն իրեն պարզ է, համաձայն է մեղադրանքի հետ, առաջադրված մեղադրանքում իրեն լիովին մե-ղավոր է ճանաչում և գիտակցում է արագացված կարգով դատական քննություն անցկացնե-լու հետևանքները։
Դատարանի որոշմամբ ամբաստանյալի միջնորդությունը բավարարվել է և դատական քննությունն անցկացվել է արագացված կարգով։
Դատարանը, հաշվի առնելով առաջադրված մեղադրանքի հետ ամբաստանյալի հա-մաձայն լինելու հանգամանքն ու հանգելով եզրակացության, որ մեղադրանքը, որի հետ հա-մաձայնվեց ամբաստանյալը, հիմնավորված է և հաստատվում է քրեական գործով հավաք-ված ապացույցներով, գտնում է, որ ամբաստանյալ Կ.Պալոյանը կատարել է հանցանք` նա-խատեսված ՀՀ քրեական օրենսգրքի 268-րդ հոդվածի 1-ին մասով, որով և նա պետք է պա-տասխանատվության ենթարկվի։
Ամբաստանյալի նկատմամբ պատիժ նշանակելիս` պատժի տեսակն ու չափը որոշե-լիս, դատարանը հաշվի է առնում ինչպես նրա կատարած հանցագործության բնույթը, հան-րության համար վտանգավորության աստիճանը և հետևանքները, նրա կողմից ապօրինի ձեռք բերված թմրամիջոցի տեսակն ու քանակը, այնպես էլ արագացված կարգով անցկաց-ված դատաքննության ընթացքում ուսումնասիրված` նրա անձը բնութագրող տվյալներն ու պատասխանատվությունը և պատիժը մեղմացնող ու ծանրացնող հանգամանքները։
Որպես ամբաստանյալ Կ.Պալոյանի պատասխանատվությունն ու պատիժը մեղմաց-նող հանգամանքներ` դատարանը հաշվի է առնում, որ նա երրորդ խմբի հաշմանդամ է, առա-ջին անգամ է դատապարտվում, խոստովանել է կատարած հանցանքը, համաձայնվեց մեղա-դըրանքի հետ և անկեղծորեն զղջաց կատարած հանցանքի համար։
Որպես ամբաստանյալ Կ.Պալոյանի անձը բնութագրող տվյալներ` դատարանը հաշվի է առնում, որ նա բանկության և աշխատանքի վայրերում բնութագրվում է դրական, զբաղվում է հանրօգուտ աշխատանքով ու հասարակական գործունեությամբ՝ հանդիսանում է Փոքր Մանթաշ համայնքի ավագանու անդամ և ղեկավարում է ՀՀ «Հայոց արծիվներ» հայրենասի-րական հասարակական կազմակերպության Փոքր Մանթաշի կառույցը։
Դատարանը նաև հաշվի է առնում, որ Փոքր Մանթաշ համայնքի ղեկավարի կողմից տրված բնութագրի համաձայն ամբաստանյալը ցանկանում է ստեղծել ընտանիք և ս/թ դեկ-տեմբեր ամսին պետք է տեղի ունենա նրա պսակադրությունը։
Ամբաստանյալի պատասխանատվությունը և պատիժը ծանրացնող հանգամանքներ դատական քննությամբ չարձանագրվեցին։
Դատարանը, հաշվի առնելով ամբաստանյալի անձը բնութագրող տվյալները, նրա անձը բնութագրող և պատասխանատվությունն ու պատիժը մեղմացնող վերոգրյալ հանգա-մանքները, պատասխանատվությունը և պատիժը ծանրացնող հանգամանքների բացակա-յությունն ու ելնելով ՀՀ քրեական օրենսգրքի 10-րդ և 61-րդ հոդվածներով սահմանված ար-դարության, պատասխանատվության անհատականացման ու պատիժ նշանակելու ընդհա-նուր սկզբունքներից, հանգում է հետևության, որ նա պետք է դատապարտվի կալանքի, որպի-սի պատիժը սակայն ՀՀ քրեական օրենսգքրի 70-րդ հոդվածի կիրառմամբ պայմանակա-նորեն չպետք է կիրառվի, նկատի ունենալով, որ նրա ուղղվելը հնարավոր է առանց պատիժը կրելու՝ հասարակությունից չմեկուսացնելու, սակայն նրա վարքագծի նկատմամբ հսկողու-թյուն սահմանելու միջոցով, ինչն անհրաժեշտ ու բավարար է նաև սոցիալական արդարու-թյունը վերականգնելու և նրա կողմից նոր հանցագործությունների կատարումը կանխելու համար։
Դատարանը նման հետևության է հանգում՝ հաշվի առնելով նաև ՀՀ քրեական օրենս-գրքի 70-րդ հոդվածի կիրառման վերաբերյալ մի շարք նախադեպային որոշումներում ՀՀ վճռաբեկ դատարանի հայտնած իրավական դիրքորոշումները։
Քննության առնելով իրեղեն ապացույցի տնօրինման հարցը՝ դատարանը գտնում է, որ փորձաքննության կատարումից հետո մնացած 0,75 գրամ քաշով «Մարիխուանա» տեսակի թմրամիջոցը պետք է ոչնչացվի։
Դատարանը, քննության առնելով խափանման միջոցի հարցը, գտնում է, որ ամբաս-տանյալի նկատմամբ կիրառված խափանման միջոցը` ստորագրություն՝ չհեռանալու մասին, մինչև դատավճռի օրինական ուժի մեջ մտնելը պետք է թողնվի անփոփոխ։
Վերոգրյալների հիման վրա և ղեկավարվելով ՀՀ քրեական դատավարության օրենս-գրքի 119-րդ, 357-րդ, 359-րդ, 360-րդ ու 3753-րդ հոդվածներով` դատարանը

Վ Ճ Ռ Ե Ց

Կարապետ Արամանյակի Պալոյանին ճանաչել մեղավոր ՀՀ քրեական օրենսգրքի 268-րդ հոդվածի 1-ին մասով և դատապարտել կալանքի 1 (մեկ) ամիս ժամկետով։
ՀՀ քրեական օրենսգրքի 70-րդ հոդվածի կիրառմամբ Կ.Պալոյանի նկատմամբ նշա-նակված պատիժը պայմանականորեն չկիրառել և սահմանել փորձաշրջան 1 (մեկ) տարի ժամկետով։
Իրեղեն ապացույցը` 0,75 գրամ քաշով «Մարիխուանա» տեսակի թմրամիջոցը, ոչըն-չացնել։
Կ.Պալոյանի նկատմամբ ընտրված խափանման միջոցը թողնել անփոփոխ` մինչև դա-տավճռի օրինական ուժի մեջ մտնելը։
Դատավճիռը կարող է բողոքարկվել ՀՀ քրեական վերաքննիչ դատարան` հրապա-րակվելու օրվանից հետո` մեկամսյա ժամկետում։

ԴԱՏԱՎՈՐ` Գ.ՊՈՂՈՍՅԱՆ