ԵԿԴ/0174/01/13


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության առաջին ատյանի դատարանը`

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ
Ս.ՄԱՆՈՒԿՅԱՆԻ
մասնակցությամբ`
մեղադրող Ա.ԵՐԻՑՅԱՆԻ
ամբաստանյալ Ա.ՊԵՏՐՈՍՅԱՆԻ
պաշտպան Ռ.ՍԻՐԵԿԱՆՅԱՆԻ

2014թ. ապրիլի 10-ին դատարանում` դռնբաց դատական նիստում, քննեց գործն ըստ մե-ղադրանքի Արթուր Գևորգի Պետրոսյանի` ծնված 24.12.1978թ-ին ք.Երևանում, ազգությամբ հայ, ՀՀ քաղաքացի, ամուսնացած, իր հայտարարությամբ` խնամքին երկու անձ, 8-ամյա կրթութ-յամբ, վատառողջ, նախկինում դատված. 1. ՌԴ Մոսկվա քաղաքի Տուշինսկի շրջ.ժող. դատա-րանի 11.11.1998թ. դատավճռով ՌԴ քրեական օրենսգրքի 146-րդ հոդվածի 3-րդ մասով դատա-պարտվել է ազատազրկման 5 տարի ժամկետով, 2. Երևան քաղաքի նախկին Շենգավիթ հա-մայնքի առաջին ատյանի դատարանի 22.03.2006թ. դատավճռով ՀՀ քրեական օրենսգրքի 268-րդ հոդվածի 2-րդ և 271-րդ հոդվածի 1-ին մասերով՝ նույն օրենսգրքի 66-րդ հոդվածի համաձայն, դատապարտվել է ազատազրկման 1 տարի ժամկետով և 100.000 դրամ տուգանքի, նույն օրենս-գրքի 70-րդ հոդվածի կիրառմամբ Ա.Պետրոսյանի նկատմամբ ազատազրկման ձևով նշանակ-ված պատիժը պայմանականորեն չի կիրառվել և սահմանվել է փորձաշրջան 1 (մեկ) տարի ժամ-կետով, 3. ՀՀ վերաքննիչ քրեական դատարանի 05.02.2007թ. որոշմամբ ՀՀ քրեական օրենսգրքի 266-րդ հոդվածի 1-ին, 266-րդ հոդվածի 4-րդ, 268-րդ հոդվածի 2-րդ և 271-րդ հոդվածի 1-ին մա-սերով՝ նույն օրենսգրքի 66-րդ հոդվածի համաձայն, դատապարտվել է ազատազրկման 7 տարի 6 ամիս ժամկետով ու 200.000 դրամ տուգանքի, Երևան քաղաքի նախկին Կենտրոն և Նորք-Մարաշ համայնքների ընդհանուր իրավասության դատարանի 05.10.2009թ. որոշմամբ ՀՀ քրեա-կան օրենսգրքի 271-րդ հոդվածի 1-ին մասով գործի վարույթը կարճվել է, իսկ 200.000 դրամ տու-գանքը փոխարինվել է 500 ժամ հանրային աշխատանքներով, 4. Կոտայքի մարզի ընդհանուր իրավասության առաջին ատյանի դատարանի 23.12.2011թ. դատավճռով ՀՀ քրեական օրենս-գրքի 34-268-րդ հոդվածի 2-րդ մասի 2-րդ կետով և 34-266-րդ հոդվածի 4-րդ մասով՝ նույն օրենս-գրքի 66-րդ ու 67-րդ հոդվածների համաձայն, դատապարտվել է ազատազրկման 3 տարի ժամ-կետով և 80.000 դրամ տուգանքի, նույն դատարանի 18.07.2012թ. որոշմամբ 23.12.2011թ. դատա-վըճռով նշանակված 80.000 դրամ տուգանքը փոխարինվել է 400 ժամ հանրային աշխատանք-ներով, 5. Երևան քաղաքի Կենտրոն և Նորք-Մարաշ վարչական շրջանների ընդհանուր իրավա-սության առաջին ատյանի դատարանի 17.09.2013թ. դատավճռով ՀՀ քրեական օրենսգրքի 266-րդ հոդվածի 1-ին մասով, 266-րդ հոդվածի 2-րդ մասի 2-րդ կետով և 34-266-րդ հոդվածի 2-րդ մա-սի 2-րդ կետով՝ նույն օրենսգրքի 66-րդ ու 67-րդ հոդվածների համաձայն, դատապարտվել է ազատազրկման 14 տարի ժամկետով` առանց գույքի բռնագրավման, պատժի սկիզբը հաշվելով 2013թ. սեպտեմբերի 17-ից, բնակվել է` ք.Երևան, Դավիթաշեն 2-րդ թաղամաս, 44-րդ շենք, բնա-կարան հ. 3, սույն քրեական գործով Ա.Պետրոսյանի նկատմամբ խափանման միջոց չի կիրառ-վել, ներկայումս պատիժ է կրում ՀՀ ԱՆ «Նուբարաշեն» քրեակատարողական հիմնարկում, մեղադրվում է ՀՀ քրեական օրենսգրքի 347-րդ հոդվածի 3-րդ մասով։
Ամբաստանյալ Ա.Պետրոսյանին ՀՀ քրեական օրենսգրքի 347-րդ հոդվածի 3-րդ մասով մեղադրանք է առաջադրվել այն բանի համար, որ նա. «Հանդիսանալով Երևանի Կենտրոն և Նորք Մարաշ վարչական շրջանների ընդհանուր իրավասության դատարանի վարույթում քննվող թիվ ԵԿԴ/0001/01/13 քրեական գործով ՀՀ քրեական օրենսգրքի 266-րդ հոդվածի 1-ին մասով, 266-րդ հոդվածի 2-րդ մասի 2-րդ կետով, 34-266-րդ հոդվածի 2-րդ մասի 2-րդ կետով մե-ղադրվող ամբաստանյալ, նույն գործով 2013թ. հուլիսի 12-ին հիշյալ դատարանում կայացած հերթական դատական նիստի ավարտից անմիջապես հետո գործով մեղադրող՝ ՀՀ գլխավոր դա-տախազության թմրամիջոցների ապօրինի շրջանառության հանցագործությունների գործերով բաժնի դատախազ Վիգեն Միլիտոնյանի կողմից ներկայացված մեղադրական ճառի հետ կապ-ված դատական նիստերի 4-րդ դահլիճում նրա հասցեին տվել է սպանության և առողջությանը վնաս պատճառելու սպառնալիքներ, ինչպես նաև վերջինիս առողջության համար ոչ վտանգա-վոր բռնություն գործադրելով՝ ջրով լի պոլիմերային շշով հարվածել է նրա գլխին»։
Ամբաստանյալ Ա.Պետրոսյանը` մինչև դատաքննությունն սկսվելը, միջնորդեց կիրառել արագացված դատական քննության կարգ ու հայտարարեց, որ միջնորդությունը ներկայացնում է կամավոր` իր պաշտպանի հետ խորհրդակցելուց հետո, առաջադրված մեղադրանքն իրեն պարզ է, համաձայն է մեղադրանքի հետ, առաջադրված մեղադրանքում իրեն լիովին մեղավոր է ճանաչում և գիտակցում է արագացված կարգով դատական քննություն անցկացնելու հետևանք-ները։
Մեղադրողը դատարանի առաջարկությամբ փոխեց իր դիրքորոշումը և չառարկեց արա-գացված կարգ կիրառելու դեմ« թեպետ առարկել էր դրա դեմ մեղադրական եզրակացությունում։
Դատարանի որոշմամբ ամբաստանյալի միջնորդությունը բավարարվել է և դատական քննությունն անցկացվել է արագացված կարգով։
Դատարանը, հաշվի առնելով առաջադրված մեղադրանքի հետ ամբաստանյալի համա-ձայն լինելու հանգամանքն ու հանգելով եզրակացության, որ մեղադրանքը, որի հետ համաձայն-վեց ամբաստանյալը, հիմնավորված է և հաստատվում է քրեական գործով հավաքված ապա-ցույցներով, գտնում է, որ ամբաստանյալ Ա.Պետրոսյանը կատարել է հանցանք` նախատես-ված ՀՀ քրեական օրենսգրքի 347-րդ հոդվածի 3-րդ մասով, որով և նա պետք է պատասխանա-տվության ենթարկվի։
Ամբաստանյալի նկատմամբ պատիժ նշանակելիս` պատժի չափը որոշելիս, դատարանը հաշվի է առնում ինչպես նրա կատարած հանցագործության բնույթը, հանրության համար վը-տանգավորության աստիճանը և հետևանքները, այնպես էլ արագացված կարգով անցկացված դատաքննության ընթացքում ուսումնասիրված` նրա անձը բնութագրող տվյալներն ու պատաս-խանատվությունը և պատիժը մեղմացնող ու ծանրացնող հանգամանքները։
Որպես ամբաստանյալ Ա.Պետրոսյանի պատասխանատվությունն ու պատիժը մեղմաց-նող հանգամանքներ` դատարանը հաշվի է առնում, որ նա համաձայնվեց մեղադրանքի հետ, վատառողջ է՝ տառապում է «Անձի էմոցիոնալ անկայուն խանգարում՝ բարդացած թմրամոլութ-յամբ, և հեպատիտ C» ախտորոշումներով հիվանդություններով։
Որպես ամբաստանյալի անձը բնութագրող տվյալ՝ դատարանը հաշվի է առնում, որ նա ունի երկու երեխա և որ դատահոգեբուժողական փորձաքննության եզրակացության համաձայն հանդիսանում է փսիխոպատ անձնավորություն։
Որպես ամբաստանյալ Ա.Պետրոսյանի պատասխանատվությունն ու պատիժը ծանրաց-նող հանգամանք` դատարանը հաշվի է առնում նրա կողմից հանցանք կատարելու առանձնա-պես վտանգավոր ռեցիդիվը։
Քննության առնելով իրեղեն ապացույցի տնօրինման հարցը` դատարանը գտնում է, որ պոլիմերային շիշը պետք է ոչնչացվի։
Վերոգրյալների հիման վրա և ղեկավարվելով ՀՀ քրեական դատավարության օրենսգրքի 119-րդ, 357-րդ, 359-րդ, 360-րդ ու 3753-րդ հոդվածներով` դատարանը

Վ Ճ Ռ Ե Ց

Արթուր Գևորգի Պետրոսյանին ճանաչել մեղավոր ՀՀ քրեական օրենսգրքի 347-րդ հոդ-վածի 3-րդ մասով և դատապարտել ազատազրկման 3 (երեք) տարի ժամկետով։
ՀՀ քրեական օրենսգրքի 66-րդ հոդվածի 6-րդ մասի համաձայն` Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 17.09.2013թ. ու սույն դատավճիռներով նշանակված պատիժները մասնակիորեն գումարելու և վերջնական պատժի ժամկետին առաջին դատավճռով նշանակված պատժի կրած մասը հաշվակցելու միջոցով, որպես վերջնական պատիժ՝ նշանակել ազատազրկում 15 (տասն-հինգ) տարի ժամկետով՝ առանց գույքի բռնագրավման, պատժի կրման սկիզբը թողնելով նույնը՝ 2013թ. սեպտեմբերի 17-ը։
Իրեղեն ապացույց ճանաչված պոլիմերային շիշը ոչնչացնել։
Պատիժը պետք է կրի ՀՀ ԱՆ համապատասխան քրեակատարողական հիմնարկում։
Դատավճիռը կարող է բողոքարկվել ՀՀ քրեական վերաքննիչ դատարան` հրապարակ-վելու օրվանից հետո` մեկամսյա ժամկետում։

ԴԱՏԱՎՈՐ` Գ.ՊՈՂՈՍՅԱՆ