ԵԿԴ/0169/01/13
Ո Ր Ո Շ ՈՒ Մ
ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ԵՎ
ԳՈՐԾԻ ՎԱՐՈՒՅԹԸ ԿԱՐՃԵԼՈՒ ՄԱՍԻՆ

14 հոկտեմբերի 2013թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավա-սության առաջին ատյանի դատարանը` նախագահությամբ դատավոր Գ.Պողոսյանի, քարտու-ղարությամբ` Ա.Մարտիրոսյանի, մասնակցությամբ` մեղադրող Վ.Միլիտոնյանի, ամբաստան-յալներ Ա.Մարտիրոսյանի, Ա.Ղազարյանի, Ա.Հարությունյանի, պաշտպաններ Ա.Կարապետյա-նի և Ա.Մեսրոպյանի, դատարանում՝ դռնբաց դատական նիստում, քննության առնելով «Հայաս-տանի Հանրապետության անկախության հռչակման 22-րդ տարեդարձի կապակցությամբ հա-մաներում հայտարարելու մասին» ՀՀ ԱԺ 2013թ. հոկտեմբերի 3-ի որոշման 5-րդ կետի 2-րդ են-թակետի կիրառմամբ ամբաստանյալներ.
1. Արման Սամվելի Մարտիրոսյանի (ծնված 30.11.1985թ. ք.Երևանում, ազգությամբ հայ, ՀՀ քաղաքացի, իր հայտարարությամբ՝ փաստացի ամուսնացած և խնամքին մեկ անձ, միջնա-կարգ կրթությամբ, առողջ, չի աշխատել, չդատված, բնակվել է` ք.Երևան, Շիրազի փողոց, 40-րդ շենք, բնակարան հ. 37, արգելանքի տակ է 2013թ. մայիսի 7-ից),
2. Արմեն Սարգսի Ղազարյանի (ծնված 21.06.1969թ. ք.Երևանում, ազգությամբ հայ, ՀՀ քաղաքացի, իր հայտարարությամբ ամուսնացած և խնամքին 2 անձ, միջնակարգ կրթությամբ, առողջ, չի աշխատում, նախկինում դատված. 1. Երևան քաղաքի նախկին Մալաթիա-Սեբաս-տիա համայնքի առաջին ատյանի դատարանի 21.12.2000թ. դատավճռով ՀՀ նախկին քրեական օրենսգրքի 100-րդ հոդվածով դատապարտվել է ազատազրկման 9 տարի ժամկետով, 2. Երևան քաղաքի Աջափնյակ և Դավթաշեն վարչական շրջանների ընդհանուր իրավասության առաջին ատյանի դատարանի 05.08.2009թ. դատավճռով ՀՀ քրեական օրենսգրքի 268-րդ հոդվածի 2-րդ մասի 2-րդ կետով՝ նույն օրենսգրքի 67-րդ հոդվածի համաձայն՝ դատապարտվել է ազատազրկ-ման 3 տարի 6 ամիս ժամկետով, պատժից ազատվել է 08.11.2012թ-ին՝ նշանակված պատժի կրմամբ, բնակվում է` ք.Երևան, Բաշինջաղյան փողոց, 188-րդ շենք, բնակարան հ. 27, արգելան-քի տակ չէ),
3. Անդրանիկ Ռաֆիկի Հարությունյանի (ծնված 07.06.1965թ. ք.Երևանում, ազգությամբ հայ, ՀՀ քաղաքացի, ամուրի, միջնակարգ կրթությամբ, առողջ, չի աշխատում, դատվածություն չունեցող, բնակվում է` ք.Երևան, Բաշինջաղյան փողոց, տուն հ. 187/1, արգելանքի տակ չէ) նկատմամբ քրեական հետապնդումը դադարեցնելու և քրեական գործի վարույթը կարճելու մա-սին մեղադրողի միջնորդությունը,
Պ Ա Ր Զ Ե Ց

Ամբաստանյալ Արման Մարտիրոսյանին ՀՀ քրեական օրենսգրքի 38-268-րդ հոդվածի 1-ին մասով մեղադրանք է առաջադրվել այն բանի համար, որ նա. «Գործով դեռևս չպարզված Լոշտ մականունով Արմանից «բուպրենորֆին» տեսակի թմրամիջոց պարունակող դեղահաբեր ձեռք բերելու հնարավորության մասին 2013թ. մայիսի 6-ին՝ հեռախոսազրույցի ընթացքում, հայտնել է Արմեն Ղազարյանին, ինչին տեղեկանալով՝ վերջինս խնդրել է օժանդակել իրեն՝ գոր-ծածելու նպատակով թմրամիջոց ձեռք բերելու հարցում։ Արմեն Ղազարյանի կողմից գործածելու նպատակով զգալի չափի թմրամիջոց ձեռք բերելուն օժանդակելու դիտավորությամբ Արման Մարտիրոսյանը, 2013թ. մայիսի 6-ին` Երևան քաղաքի Թումանյան փողոցում, Արմեն Ղազար-յանից ստացել է թմրամիջոցի արժեքը կազմող 30.000 ՀՀ դրամ գումարը։ Այն վճարելով ոմն Ար-մանին՝ գործով դեռևս չպարզված հանգամանքներում նրանից ապօրինի ձեռք է բերել զգալի չա-փի «բուպրենորֆին» տեսակի թմրամիջոց պարունակող կես դեղահաբ, որը պայմանավորվա-ծության համաձայն, 2013թ. մայիսի 7-ին` ժամը 13-ի սահմաններում, Երևան քաղաքի Մաշտոցի և Պուշկինի փողոցների խաչմերուկում փոխանցել է Արմեն Ղազարյանին, ով ձեռք բերած թմրա-միջոցի մի մասը Անդրանիկ Հարությունյանի հետ գործածել է, իսկ ներարկիչի մեջ լցված, մնա-ցած՝ զգալի չափի` 0,0034 գրամ քաշով «բուպրենորֆին» տեսակի թմրամիջոցը հայտնաբերվել և առգրավվել է 2013թ. մայիսի 7-ին` ոստիկանության աշխատակիցների կողմից»։
Ամբաստանյալ Արմեն Ղազարյանին ՀՀ քրեական օրենսգրքի 268-րդ հոդվածի 1-ին մա-սով մեղադրանք է առաջադրվել այն բանի համար, որ նա. «Արման Մարտիրոսյանից տեղեկա-նալով նրա միջոցով «բուպրենորֆին» տեսակի թմրամիջոց պարունակող հաբեր ձեռք բերելու հնարավորության մասին, այդ մասին հայտնել է Անդրանիկ Հարությունյանին, ում հետ պայմա-նավորվել են համատեղ ներդրած 30.000 ՀՀ դրամով, Արման Մարտիրոսյանի օժանդակությամբ, իրենց գործածման համար ձեռք բերել կես հաբ սուբուտեքս տեսակի թմրամիջոց։
Արման Մարտիրոսյանի օժանդակությամբ իրենց գործածման համար զգալի չափի թմրամիջոց ձեռք բերելու դիտավորությամբ Արմեն Ղազարյանը, Անդրանիկ Հարությունյանի հետ միասին, 2013թ. մայիսի 6-ին, Երևան քաղաքի Թումանյան փողոցում հանդիպել են Արման Մարտիրոսյանին և նրան փոխանցել թմրամիջոցի արժեքը կազմող 30.000 ՀՀ դրամ գումարը։ Դրանից հետո Արմեն Ղազարյանը Արման Մարտիրոսյանի հետ պայմանավորվել և 2013թ. մա-յիսի 7-ին, ժամը 13.00-ի սահմաններում, Երևան քաղաքի Մաշտոցի և Պուշկինի փողոցների խաչմերուկում նրանից ստացել է «բուպրենորֆին» տեսակի թմրամիջոց պարունակող կես դե-ղահաբը։
Ձեռք բերած թմրամիջոցը Արմեն Ղազարյանը և Անդրանիկ Հարությունյանը լուծել են թո-րած ջրով, որից չպարզված քանակությունը նույն պահին ներարկման եղանակով գործածել են, իսկ ներարկիչի մեջ լցված, մնացած՝ զգալի չափի` 0,0034 գրամ քաշով «բուպրենորֆին» տեսա-կի թմրամիջոցը, պահել են հետագա գործածման համար, որը սակայն հայտնաբերվել և առ-գրավվել է 2013թ. մայիսի 7-ին` ոստիկանության աշխատակիցների կողմից»։
Ամբաստանյալ Անդրանիկ Հարությունյանին ՀՀ քրեական օրենսգրքի 268-րդ հոդվածի 1-ին մասով մեղադրանք է առաջադրվել այն բանի համար, որ նա. «Արմեն Ղազարյանից տե-ղե-կանալով Արման Մարտիրոսյանի միջոցով սուբուտեքս տեսակի թմրամիջոց ձեռք բերելու հնա-րավորության մասին, Արմեն Ղազարյանի հետ պայմանավորվել են համատեղ ներդրած 30.000 ՀՀ դրամով, Արման Մարտիրոսյանի օժանդակությամբ իրենց գործածման համար ձեռք բերել «բուպրենորֆին» տեսակի թմրամիջոց պարունակող կես դեղահաբ։ Արման Մարտիրոսյանի օ-ժանդակությամբ իրենց գործածման համար զգալի չափի թմրամիջոց ձեռք բերելու նպատակով Անդրանիկ Հարությունյանը, Արմեն Ղազարյանի հետ միասին, 2013թ. մայիսի 6-ին, Երևան քա-ղաքի Թումանյան փողոցում հանդիպել են Արման Մարտիրոսյանին և նրան փոխանցել թմրա-միջոցի արժեքը կազմող 30.000 ՀՀ դրամ գումարը։ Դրանից հետո Արման Մարտիրոսյանի հետ պայմանավորվել և 2013թ. մայիսի 7-ին` ժամը 13.00-ի սահմաններում, Երևան քաղաքի Մաշտո-ցի և Պուշկինի փողոցների խաչմերուկում նրանից վերցրել են զգալի չափի «բուպրենորֆին» տե-սակի թմրամիջոց պարունակող կես դեղահաբը։
Ձեռք բերած թմրամիջոցը Անդրանիկ Հարությունյանը և Արմեն Ղազարյանը լուծել են թո-րած ջրով, որից չպարզված քանակությունը նույն պահին ներարկման եղանակով գործածել են, իսկ ներարկիչի մեջ լցված, մնացած՝ զգալի չափի` 0,0034 գրամ «բուպրենորֆին» տեսակի թմրա-միջոցը պահել` հետագա գործածման համար, որը սակայն հայտնաբերվել և առգրավվել է 2013թ. մայիսի 7-ին` ոստիկանության աշխատակիցների կողմից»։
Հարուցելով միջնորդություն` մեղադրող Վ.Միլիտոնյանը խնդրեց ամբաստանյալների նկատմամբ կիրառել «Հայաստանի Հանրապետության անկախության հռչակման 22-րդ տարե-դարձի կապակցությամբ համաներում հայտարարելու մասին» ՀՀ ԱԺ 2013թ. հոկտեմբերի 3-ի որոշման 5-րդ կետի 2-րդ ենթակետն ու նրանց նկատմամբ դադարեցնել համապատասխանա-բար՝ ՀՀ քրեական օրենսգրքի 38-268-րդ հոդվածի 1-ին մասով, ՀՀ քրեական օրենսգրքի 268-րդ հոդվածի 1-ին մասով և ՀՀ քրեական օրենսգրքի 268-րդ հոդվածի 1-ին մասով քրեական հետա-պնդումը և կարճել քրեական գործի վարույթը։
Ամբաստանյալներ Ա.Մարտիրոսյանը, Ա.Ղազարյանը և Ա.Հարությունյանը չառարկեցին համաներման ակտի կիրառմամբ իրենց նկատմամբ քրեական հետապնդման դադարեցման և քրեական գործի վարույթի կարճման դեմ։
ՀՀ քրեական դատավարության օրենսգրքի 35-րդ հոդվածի 1-ին մասի 13-րդ կետի համա-ձայն. «Քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե ընդունվել է համաներման ակտ»։
Նույն հոդվածի 5-րդ մասի համաձայն. «Դատարանը, հայտնաբերելով քրեական հետա-պընդումը բացառող հանգամանքներ, լուծում է ամբաստանյալի նկատմամբ քրեական հետա-պընդումը դադարեցնելու հարցը, իսկ 6-րդ մասի համաձայն` սույն հոդվածի առաջին մասի 6-րդ և 13-րդ կետերում նշված հիմքերով գործի վարույթի կարճում և քրեական հետապնդման դա-դարեցում չի թույլատրվում« եթե դրա դեմ առարկում է մեղադրյալը։ Այս դեպքում գործի վարույթը շարունակվում է սովորական կարգով։
Սույն հոդվածի առաջին մասի 13-րդ կետում նշված հիմքով գործի հարուցման մերժում« վարույթի կարճում և քրեական հետապնդման դադարեցում չի թույլատրվում« եթե չի հատուցվել կամ այլ կերպ չի հարթվել պատճառված վնասը« կամ առկա է վեճ հատուցման ենթակա վնասի կապակցությամբ։ Այս դեպքում ևս գործի վարույթը շարունակվում է սովորական կարգով»։
«Հայաստանի Հանրապետության անկախության հռչակման 22-րդ տարեդարձի կապակ-ցությամբ համաներում հայտարարելու մասին» ՀՀ ԱԺ 2013թ. հոկտեմբերի 3-ի որոշման 5-րդ կե-տի 2-րդ ենթակետով սահմանված է՝ քրեական հետապնդում չհարուցել և քրեական հետապըն-դում չիրականացնել« ինչպես նաև կարճել մինչև 2013 թվականի սեպտեմբերի 1-ը կատարած հանցագործությունների վերաբերյալ հետաքննության մարմինների« նախաքննության մարմին-ների կամ դատարանների վարույթում գտնվող քրեական գործերը« բացառությամբ սույն որոշ-ման 8-րդ կետի 4-6-րդ ենթակետերով և 9-րդ կետով նախատեսված դեպքերի« որոնցով անձինք կարող են մեղադրվել կամ մեղադրվում են այնպիսի հանցագործություններ կատարելու մեջ« որոնց համար նախատեսված է պատիժ` ոչ ավելի« քան երեք տարի ժամկետով ազատազրկում։
Ամբաստանյալների կատարած հանցանքների համար պատասխանատվություն սահ-մանող ՀՀ քրեական օրենսգրքի 268-րդ հոդվածի 1-ին մասի սանկցիան նախատեսում է ազա-տազրկում՝ առավելագույնը մեկ տարի ժամկետով։
Քրեական գործի նյութերից հետևում է, որ հատուցման ենթակա վնասի կապակցությամբ վեճ և «Հայաստանի Հանրապետության անկախության հռչակման 22-րդ տարեդարձի կապակ-ցությամբ համաներում հայտարարելու մասին» ՀՀ ԱԺ 2013թ. հոկտեմբերի 3-ի որոշման կիրառ-ման համար նույն որոշմամբ սահմանված սահմանափակումներն առկա չեն։
Այսպիսով, նկատի ունենալով վերոգրյալներն ու հաշվի առնելով պաշտպանության կողմի կարծիքները, դատարանը հանգում է հետևության, որ մեղադրողի միջնորդությունը պետք է բա-վարարվի, և ամբաստանյալ Ա.Մարտիրոսյանի նկատմամբ պետք է դադարեցվի ՀՀ քրեական օրենսգրքի 38-268-րդ հոդվածի 1-ին մասով, Ա.Ղազարյանի նկատմամբ՝ ՀՀ քրեական օրենս-գրքի 268-րդ հոդվածի 1-ին մասով, իսկ Ա.Հարությունյանի նկատմամբ՝ ՀՀ քրեական օրենսգրքի 268-րդ հոդվածի 1-ին մասով քրեական հետապնդումը, կարճվի քրեական գործի վարույթը և վե-րացվեն ամբաստանյալների նկատմամբ կիրառված խափանման միջոցները՝ ամբաստանյալ Ա.Մարտիրոսյանին ազատելով կալանքից դատական նիստի դահլիճում։
Վերոգրյալների հիման վրա և ղեկավարվելով ՀՀ քրեական դատավարության օրենսգրքի 312-րդ ու 313-րդ հոդվածներով և «Հայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին» ՀՀ ԱԺ 2013թ. հոկ-տեմբերի 3-ի որոշման 13-րդ կետի 1-ին ենթակետով` դատարանը

Ո Ր Ո Շ Ե Ց

1. «Հայաստանի Հանրապետության անկախության հռչակման 22-րդ տարեդարձի կա-պակցությամբ համաներում հայտարարելու մասին» ՀՀ ԱԺ 2013թ. հոկտեմբերի 3-ի որոշման 5-րդ կետի 2-րդ ենթակետի կիրառմամբ Արման Սամվելի Մարտիրոսյանի նկատմամբ դադարեց-նել ՀՀ քրեական օրենսգրքի 38-268-րդ հոդվածի 1-ին մասով քրեական հետապնդումը։
Ա.Մարտիրոսյանի նկատմամբ ընտրված խափանման միջոցը՝ կալանավորումը, վերաց-նել և նրան անհապաղ ազատել կալանքից դատական նիստի դահլիճում։
2. «Հայաստանի Հանրապետության անկախության հռչակման 22-րդ տարեդարձի կա-պակցությամբ համաներում հայտարարելու մասին» ՀՀ ԱԺ 2013թ. հոկտեմբերի 3-ի որոշման 5-րդ կետի 2-րդ ենթակետի կիրառմամբ Արմեն Սարգսի Ղազարյանի նկատմամբ դադարեցնել ՀՀ քրեական օրենսգրքի 268-րդ հոդվածի 1-ին մասով քրեական հետապնդումը։
Ա.Ղազարյանի նկատմամբ ընտրված խափանման միջոցը՝ չհեռանալու մասին ստորա-գրությունը, վերացնել։
3. «Հայաստանի Հանրապետության անկախության հռչակման 22-րդ տարեդարձի կա-պակցությամբ համաներում հայտարարելու մասին» ՀՀ ԱԺ 2013թ. հոկտեմբերի 3-ի որոշման 5-րդ կետի 2-րդ ենթակետի կիրառմամբ Անդրանիկ Ռաֆիկի Հարությունյանի նկատմամբ դադարեցնել ՀՀ քրեական օրենսգրքի 268-րդ հոդվածի 1-ին մասով քրեական հետապնդումը։
Ա.Հարությունյանի նկատմամբ ընտրված խափանման միջոցը՝ չհեռանալու մասին ստո-րագրությունը, վերացնել։
Կարճել ԵԿԴ/0169/01/13 քրեական գործի վարույթը։
Որոշումը կարող է բողոքարկվել ՀՀ քրեական վերաքննիչ դատարան` հրապարակվելու օրվանից հետո` մեկամսյա ժամկետում։

ԴԱՏԱՎՈՐ` Գ.ՊՈՂՈՍՅԱՆ