Գործ թիվ ԵԿԴ/0167/01/13






ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ


Երևանի Կենտրոն և Նորք-Մարաշ վարչական շրջանների ընդհանուր իրավա¬սության դատարանը (այսուհետ` Դատարան)`

նախագահությամբ դատավոր` Արշակ Վարդանյանի,
քարտուղարությամբ` Ժենյա Ավետիսյանի,

մասնակցությամբ`

մեղադրող, Երևանի կայազորի
զինվորական դատախազութ-
յան դատախազ` Արմինե Հարությունյանի,

2013թ. սեպտեմբերի 27-ին նույն դատարանում` դռնբաց դատական նիստում, քննեց քրեական գործն ըստ մե¬ղադ¬րանքի`

Վ ա հ ա գ ն Յ ու ր ի կ ի Ս ե ր գ ե յ ա ն ի `
(ծնված 1980թ. փետրվարի 14-ին, Քասախ գյուղում, ազ¬գութ¬յամբ հայ, ՀՀ քաղաքացի, ամուսնացած, խնամքին մինչև 14 տարեկան երկու անչափահաս, միջ¬նա¬կարգ կրթությամբ, ՀՀ ՊՆ թիվ 95532 զորամասի պայմա¬նագրային զինծա¬ռայող, ավագ հրաձիգ, կոչումով շարքային, նախ¬կինում չդատա¬պարտ¬ված, հաշվառված և բնակվում է Կոտայքի մարզի Քա¬սախ գյուղի Վ.Սարգսյան 5-րդ շենքի 18-րդ բնակարանում)

1.Գործի դատավարական նախապատմությունը.
Թիվ 90211913 քրեական գործն հարուցվել է 2013թ. օգոստոսի 13-ին ՀՀ քրեական օրենսգրքի 361-րդ հոդվածի 1-ին մասով նախատեսված հանցագործության հատկա¬նիշ¬նե¬րով Երևա¬նի կայազորի զինվորական դատախազությունում` պայմանագրային զինծառայող Վահանգ Սերգեյանի կողմից ծառայության չներկայանալու փաստի առ¬թիվ։
2013թ. օգոստոսի 14-ից սույն քրեական գործի նախաքննությունը կատարվել է ՀՀ ՊՆ քննչական ծառայության 4-րդ կայազորային քննչական բաժնում։
2013թ. օգոստոսի 10-ին Վահագն Սերգեյանը բերման է ենթարկվել ՀՀ ՊՆ Աբովյանի ռազմական ոստիկանության բաժին։
2013թ. օգոստոսի 21-ին Վահագն Սերգեյանին մե¬ղադրանք է առաջադրվել ՀՀ քրեա¬կան օրենսգրքի 361-րդ հոդվածի 1-ին մասով, նույն օրը նրա նկատմամբ որպես խափանման միջոց է ընտրվել չհեռանալու մասին ստորագրություն։
2013թ. օգոստոսի 22-ին որոշում է կայացվել Վահագն Սերգեյանի կողմից 2013թ. օգոս¬տոսի 1-ի ժամը 15։00-ից մինչև 2013թ. օգոստոսի 3-ի ժամը 12։00-ը, ինչպես նաև 2013թ. օգոստոսի 12-ի ժամը 13։30-ից մինչև 2013թ. օգոստոսի 13-ի ժամը 23։20-ն առանց հարգելի պատ¬ճառների զորամաս չներկայանալու փաստի առթիվ քրեական հետապնդում չիրակա¬նաց¬նելու մասին` վերջինիս արարքում հանցակազմի բացակայության հիմքով։

2013թ. օգոստոսի 28-ին քրեական գործը Վահանգ Սերգեյանի նկատմամբ ՀՀ քրեա¬¬¬կան օրենսգրքի 361-րդ հոդվածի 1-ին մասով հաստատված մեղադրական եզրակացութ¬յամբ ու¬ղարկ¬վել է Երևանի Կենտրոն և Նորք-Մարաշ վարչական շրջանների ընդհանուր իրավա¬սության դատա¬րան և 2013թ. սեպտեմբերի ի 26-ին ընդունվել վարույթ։

2. Ապացույցների հետազոտում և գնահատում.
Դատաքննությամբ հետազոտված ապացույցների գնահատման արդյունքներով Դա¬տա¬¬րանը հաստատված հա¬մա¬րեց այն, որ ամբաստանյալ Վահագն Սերգեյանը, հանդիսա¬նա¬լով ՀՀ ՊՆ 95532 զորամասի պայմանագրային զին¬ծառայող, կոչումով շարքային, 2013թ. օգոս¬տոսի 5-ի ժամը 15։00-ից երեք օրից ավելի, բայց մեկ ամսից ոչ ավելի տևողությամբ, առանց հար¬գելի պատ¬ճառների ժամանակին չի ներկայացել ծառայության։
Վերոնշյալ հանցավոր արարքը կատարելու համար Վահագն Սերգեյանին մե¬ղադրանք է առա¬ջադրվել ՀՀ քրեական օրենսգրքի 361-րդ հոդվածի 1-ին մասով։
Առաջադրված մեղադրանքում ամբաստանյալ Վահագն Սերգեյանն իրեն լիովին մե¬ղավոր ճա¬նա¬չեց և Դատարանում վերահաստատեց, որ առանց վերադաս հրամա¬նա¬տա¬րության թույլտվության` 2013թ. օգոստոսի 5-ի ժամը 15։00-ից ծառայության չի ներկա¬յա¬ցել, ինչը, սակայն պատճառաբանեց գոյացած պարտքերի, այն մարելու անհրաժեշտության կապակցությամբ` նշելով, որ այդ խնդիրների մասին ղեկավարությանը չի տեղե¬կացրել։
Ամբաս¬տան¬յալ Վահագն Սերգեյանին առաջադրված մեղադրանքը, բացի իր իսկ խոս¬տովանական ցուցմունքներից, Դատա¬րանը հաստատված համարեց դա¬տաքննության ընթաց¬քում պատ¬շաճ իրա¬վա¬կան ըն¬¬թա¬ցա¬կարգերի շրջա¬նակ¬նե¬րում հետա¬¬զոտ¬ված և գնահատ¬ված ներ¬քոհիշ¬յալ ապա¬ցույց¬ներով.
Գործով որպես վկա հարցաքննված` ՀՀ ՊՆ 95532 զորամասի 2-րդ գումարտակի 3-րդ վաշտի հրամա¬նա¬տար Գևորգ Սայադյանի ցուցմունքով.
Վերջինս Դատարանում հայտնեց, որ 2013թ. օգոստոսի 5-ին` ժամը 15։00-ին, ստուգել է իր վաշտի անձնակազմի առկայությունը, պարզել, որ Վահագն Սերգեյանը բացակայում է շար¬քից, առհասարակ` նաև զորամասից։ 2013թ. օգոստոսի 10-ին տեղեկացել է, որ Սերգե¬յանին բերման են ենթարկել Աբովյանի ՌՈ բաժին։ Նշեց նաև, որ վերջինս զորամասում զինծա¬ռայող¬ների հետ խնդիրներ չի ունեցել։
Գործով որպես վկա հարցաքննված` նույն զորամասի 2-րդ գումարտակի 3-րդ վաշտի 1-ին դասակի 3-րդ ջոկի հրաձիգ-սանիտար, ավագ սերժանտ Կարեն Ուդումյանի ցուց¬մունքով. Վեր¬ջինս Դա¬տա¬րանում հայտնեց, որ 2013թ. օգոստոսի 5-ին` ժամը 15։00-ին զորամասում կատարված ստուգման ժամանակ պարզվել է, որ Վահագն Սերգեյանն ինքնակամ թողել է զո¬րա¬մասը` նշելով նաև, որ ծառայության հետ կապված խնդիրներ նա զորամասում չի ունեցել, իսկ վերջինիս ֆինանսական խնդիրների մասին լսել է վաշտի անձնակազմից։
Գործով որպես վկաներ հարցաքննված` նույն զորամասի 2-րդ գումարտակի 3-րդ վաշտի 1-ին դասակի 3-րդ ջոկի նռնակաձիգի օգնական, շարքային Մուշեղ Պետրոսյանի, ինչպես նաև նույն ջոկի գնդացրորդ, սերժանտ Դերենիկ Մարտիրոսյանի` ըստ էության նույնաբովանդակ ցուց¬մունքներով։ Վերջինս նաև հայտնեց, որ զրուցել է Վահագն Սերգեյանի հետ և տեղեկացել, որ վերջինիս բացակայությունը պայմանավորված է ֆինանսական խնդիրների առկայությամբ։
Գործով որպես վկա հարցաքննված նույն ջոկի ավագ հրաձիգ, ավագ սերժանտ Գևորգ Կյուրեղյանի ցուց¬մունքով. Վերջինս Դատարանում հայտնեց, որ թեև տեղեկացել է Վահագն Սերգեյանի կողմից 2013թ. օգոստոսի 5-ին զորամասն ինքնակամ թողնելու մասին, սակայն պատճառների մասին ոչինչ իրեն հայտնի չէ։ Հայտնեց, որ զորամասում ծառայության հետ կապված խնդիրներ Սերգեյանը չի ունեցել, իսկ նրա ֆինանսական խնդիրների մասին տեղեկացել է հետագայում, վաշտի անձնակազմից։
Որպես ապացույց ճանաչված և գործին կցված փաստաթղթերի առկայությամբ, մասնավորապես`
- ՀՀ Զինված ուժերի գլխավոր շտաբի պետի 2012թ. հոկտեմբերի 28-ի թիվ 4032 հրամանով, համաձայն որի` Վահագն Սերգեյանը 2012թ. օգոստոսի 15-ից երեք տարի ժամ¬կե¬տով պայմանագրային հիմունքներով ծառայության է նշանակվել ՀՀ ՊՆ թիվ 95532 զորամա¬սում,
- ՀՀ ՊՆ քննչական ծառայության 4-րդ կայազորային քննչական բաժնի քննիչ Հ.Մխի¬թարյանի` 2013թ. օգոստոսի 16-ին կազմած տեղեկանքի, Վահագն Սերգեյանի կողմից ծա¬ռա¬յութ¬յան չներկայանալու վերա¬բերյալ կազմված հեռա¬խո¬սագրերի` 2013թ. օգոստոսի 5-ի թիվ 463 և 1155, 2013թ. օգոստոսի 10-ի թիվ 126, 238 և 239, 2013թ. օգոստոսի 12-ի թիվ 1190 և 1191, Վահագն Սերգեյանի կողմից ծառայության չներկանալու վերաբերյալ թիվ 95532 զորամասի հրամանատարի 2013թ. օգոստոսի 1-ի թիվ 140, 2013թ. օգոստոսի 5-ի թիվ 142 և 2013թ. օգոստոսի 12-ի թիվ 147 հրաման¬ների քաղվածքների, նույն զորամասի հրամանատարի կողմից 2013թ. հուլիսի 22-ին հաստատված օրվա կարգացուցակի և Վ.Սերգեյանի ծառայողական քարտի առկայությամբ, որոնք հաստա¬տում են ամբաստանյալ Վահագն Սերգեյանի կողմից հինգ օր տևո¬ղությամբ` 2013թ. օգոստոսի 5-ի ժամը 15։00-ից մինչև 2013թ. օգոստոսի 10-ի ժամը 14։00-ը ծառայության չներկա¬յանալու փաստը։

3. Դատարանի իրավական վերլուծությունները.
Գնահատելով դատաքննությամբ հետազոտված վերոնշյալ ապացույցները` Դատա¬¬րա¬նը հաստատված համարեց այն, որ պայմանագրային զինծառայող Վահագն Սերգեյանը երեք օրից ավելի, սակայն մեկ ամսից ոչ ավելի ժամանակով, առանց հարգելի պատճառների ժամանակին ծա¬ռա¬յության չի ներկայացել, այսինքն` կատարել է հանցա¬վոր արարք« որն համա¬պա¬տաս¬¬խանում է ՀՀ քրեական օրենսգրքի 361-րդ հոդվածի 1-ին մասով նախա¬տես¬ված հանցա¬գործության հատ¬կանիշ¬ներին, հետևաբար` վեր¬ջինս քրեա¬կան պա¬տաս¬¬խա¬նատ¬¬¬վության և պատժի ենթա¬¬կա է այդ հոդվածի համա¬պա¬տասխան մասով։
Ամբաստանյալ Վ.Սերգեյանի նկատմամբ նշանակվող պատժի տեսակը և չափը որո¬շե¬լիս Դատարանն հաշվի է առնում հետևյալը.
ՀՀ քրեական օրենսգրքի 48-րդ հոդվածի 2-րդ մասի համաձայն՝ պատժի նպատակն է վերա¬կանգնել սոցիալական արդարությունը, ուղղել պատժի ենթարկված անձին, ինչ¬պես նաև կան¬խել հանցագործությունները։ ՀՀ քրեական օրենսգրքի 10-րդ հոդվածի հա¬մա¬ձայն` հան¬ցանք կատարած անձի նկատմամբ կիրառվող պատիժը և քրեաիրավական ներ¬գոր¬ծութ¬յան այլ միջոց¬ները պետք է լինեն արդարացի, համապա¬տասխանեն հան¬ցանքի ծան¬րութ¬յանը, այն կատա¬րելու հանգա¬մանք¬ներին, հանցավորի անձնա¬վո¬րութ¬յանը, անհրա¬ժեշտ և բավարար լինեն նրան ուղղելու և նոր հանցա¬գործությունները կան¬խելու համար։
ՀՀ քրեական օրենսգրքի 61-րդ հոդվածի 1-ին մասն սահմանում է, որ հանցա¬գոր¬ծութ¬յան համար մեղավոր ճանաչված անձի նկատմամբ նշանակվում է արդարացի պա¬տիժ, իսկ նույն հոդ¬վածի 2-րդ մասի համաձայն՝ պատժի տեսակը և չափը որոշվում են հանցագոր¬ծության՝ հանրության համար վտանգավորության աստիճանով և բնույթով, հան¬¬ցավորի անձը բնու¬թագրող տվյալներով, այդ թվում՝ պատասխանատվությունը և պատիժը մեղմաց¬նող կամ ծանրացնող հանգամանքներով։ ՀՀ քրեական օրենսգրքի 61-րդ հոդվածի 3-րդ մասի համա¬ձայն` հան¬ցագործության համար նախա¬տեսված պատիժներից առավել խիստը նշանակվում է, եթե նվազ խիստ տեսակը չի կարող ապա¬հովել պատժի նպատակ¬ները։
Սույն գործով Դատարանը որպես ամբաստանյալ Վահագն Սերգեյանի անձը բնու¬թագրող տվյալներ է գնահատում` վերջինիս երիտասարդ լինելը (ըստ 2012թ. փետրվարի 22-ին տրված AM սե¬րիայի 0644453 համարի անձնագրի` ծնվել է 1980թ. փետրվարի 14-ին), նախկինում դա¬տա¬պարտված չլինելը (ՀՀ ոստիկանության ինֆորմացիոն կենտրոն 2013թ. օգոստոսի 16-ի դրութ¬յամբ կատարված հարցման արդյունքներով), ծառայության վայրում դրական բնութագրվելը (ըստ ՀՀ ՊՆ 95532 զորամասի հրամանատար Ա.Սիմոնյանի` 2013թ. օգոստոսի 8-ին տրամադրած բնութագրի), իսկ որպես պատիժը և պատասխանատ¬վութ¬յունը մեղմացնող հանգամանքներ` անկեղծորեն զղջալն ու իրեն լիովին մեղավոր ճանա¬չելը, դեռևս մինչդատական վարույթից խոստովանական ցուցմունքներ տալը, խնամքին մինչև տասնչորս տարեկան երկու փոքրահասակ երեխաների` 2003թ. սեպտեմբերի 1-ին ծնված Մերի Վահագնի Սերգեյանի (ըստ 2003թ. սեպտեմբերի 2-ին տրված ԱԱ սերիայի թիվ 392933 ծննդյան վկա¬յականի պատճենի) և 2012թ. փետրվարի 15-ին ծնված Յուրա Վահագնի Սերգեյանի ( ըստ 2012թ. սեպտեմբերի 19-ին տրված ԱԲ սերիայի թիվ 213563 ծննդյան վկայականի պատճենի) առկայությունը։
Ամբաստանյալ Վ.Սերգեյանի պատասխանատվությունն ու պա¬տիժը ծանրացնող հան¬գա¬մանքներ Դատարանը չարձանագրեց։
Պատժի նպատակներն ապահովելու տեսանկյու¬նով անդրադառնալով ամբաս¬տան¬յալ¬ Վ.Սերգեյանի նկատմամբ նշանակվող պատժի նշանակման հարցերին` Դատա¬րանը փաս¬¬տում է, որ ՀՀ քրեա¬կան օրենսգրքի 361-րդ հոդվածի 1-ին մասով սահմանված հանցա¬կազ¬մի պատ¬ժամասն այլընտրանքային է, նախա¬տեսում է պատժատեսակներ կալանքի կամ որո¬շակի ժամ¬կետով կարգապահական գումարտակում պահելու տեսքով, հետևա¬բար` քննարկման ենթակա է նշանակվող պատ¬ժատեսակի ընտ¬րության, պատժաչափի, ինչպես նաև պատիժը ռեալ կրելու կամ չկրելու (ՀՀ քրեական օրենսգրքի 70-րդ հոդվածի կիրառում) հար¬ցերը։
ՀՀ քրեական օրենսգրքի 57-րդ հոդվածի 2-րդ մասի համաձայն` կալանք չի նշա¬նակվում դատավճիռը կայացնելու պահին (….) խնամքին մինչև ութ տարեկան երեխա ունե¬ցող անձանց նկատմամբ։
Տվյալ դեպքում, նկատի ունենալով, որ Վ.Սերգեյանի խնամքին է գտնվում մինչև ութ տարե¬կան երեխան` ՀՀ քրեական օրենսգրքի վերոնշյալ ուժով ամբաստանյալ Վա¬չագան Արսեն¬յանի նկատ¬մամբ ՀՀ քրեական օրենսգրքի 61-րդ հոդվածի 3-րդ մասով նախա¬տեսված` նվազ խիստ պատժատեսակը նշանակելու սկզբունքը չի գործում, նրա նկատ¬մամբ կարող է նշա¬նակվել պատիժ` բացա¬ռա¬պես որո¬շակի ժամկետով կարգապահական գումարտա¬կում պահելու ձևով։
Ինչ վերաբերվում է Վ.Սերգեյանի նկատմամբ նշանակվող պատիժը ռեալ կրելու կամ չկրելու (ՀՀ քրեական օրենսգրքի 70-րդ հոդվածի կիրառում) հար¬ցին, ապա տվյալ հարցը քննարկելիս Դատարանը հաշվի է առնում հետևյալը.
ՀՀ քրեական օրենսգրքի 70-րդ հոդվածի 1-ին մասի համաձայն` եթե դատարանը կա¬լանքի, ազատազրկման կամ կարգապահական գումարտակում պահելու ձևով պատիժ նշա¬նակելիս հանգում է հետևության, որ դատապարտյալի ուղղվելն հնարավոր է առանց պա¬տիժը կրելու, ապա կարող է որո¬շում կայացնել այդ պատիժը պայմանականորեն չկիրառելու մասին։ Նույն հոդվածի 2-րդ մասի համա¬ձայն` պատիժը պայմանականորեն չկիրառելիս դատա¬րանը հաշվի է առնում հանցավորի անձը բնութագրող տվյալները, պատաս¬խա¬նատվութ¬յունը և պատիժը մեղմացնող և ծանրացնող հանգա¬մանք¬ները։
ՀՀ քրեական օրենսգրքի վերոնշյալ դրույթների մեկնաբանությունից ակնհայտ է, որ պա¬տիժը պայմանականորեն չկիրառելու հետ կապված ինչպես հանցագործությունների տեսակ¬նե¬րի, հանցավոր արարքի վտանգավորության աստիճանի ու բնույթի, այնպես էլ անձանց շրջա¬նակի հետ կապ¬ված որևէ հատուկ սահմանափակում օրենսդիրը չի նախատեսել, այսինքն` պատի¬ժը պայմանականորեն չկի¬րա¬ռելու հիմք է համարվում դատարանի համոզ¬վածությունն առ այն, որ դատապարտյալի ուղղվելն հնա¬րավոր է առանց որոշակի պատժա¬տեսակները ռեալ կրե¬լու (նման մեկնաբանություն է արել նաև ՀՀ Վճռաբեկ դատա¬րանը Հասմիկ Պետրոսյանի վերա¬բերյալ թիվ ԱՐԱԴ/0050/01/08 քրեական գործով 2009թ. հունիսի 29-ին կայացրած որոշ¬մամբ)։
Դատարանի այդ համոզվածությունը կարող է կայանալ պատասխանատվությունը և պա¬տիժը մեղմացնող, ՀՀ քրեական օրենսգրքի 62-րդ հոդվածով նախատեսված (ինչպես նաև չնախատեսված, բայց Դատարանի համոզմամբ այդ¬պիսին դիտարկվող) և 63-րդ հոդվածում սպառիչ թվարկված, պա¬տաս¬խանատվությունը և պատիժը ծանրացնող հանգամանքների գնա¬հատման արդյունքներով։
Հաշվի առնելով ամբաստանյալ Վահագն Սերգեյանի անձը դրականորեն բնութագրող տվյալ¬ները, մաս¬նավորապես` երիտասարդ և ամուսնացած լինելը, նրա պատասխա¬նատ¬վութ¬յունը և պատիժը մեղմացնող հանգամանքները` խնամքին երկու փոքրահասակ երեխայի առկա¬յութ¬յունը, նախկինում դա¬տա¬պարտված չլինելը, անկեղծորեն զղջալն ու առա¬ջադրված մեղադրանքում իրեն մեղավոր ճանաչելը, ծառայության վայրում դրականորեն բնութագրվելը, նրան վերագրվող հանցագոր¬ծութ¬յան բնույթն ու վտանգա¬վորության աստի¬ճանը, պատասխա¬նատ¬վությունն ու պա¬տիժը ծանրացնող հանգա¬մանքների բացակայությունը, ինչպես նաև այն, որ ամբաստանյալ Վ.Սերգեյանի խնամքին մինչև 8 տարեկան երեխայի առկայությունը խոչընդոտում է նվազ խիստ պատժատեսակի` կալանքի նշանակմանը, այսինքն` տվյալ դեպ¬քում գործում է ի վնաս նրա` Դատարանը հանգում է այն համոզվա¬ծության, որ վերջինիս ուղղվե¬լը և նոր հանցա¬գործությունների կանխելն հնա¬րավոր է նրա նկատմամբ որոշակի ժամկետով կարգապահական գումարտակում պահելու ձևով նշանակվող պա¬տիժը պայմա¬նա¬կանորեն չկիրառելու և միաժամանակ ողջամիտ, տվյալ դեպքում՝ մեկ տարի ժամ¬կետով փոր¬ձաշրջան սահմա¬նելու պայմաններում։ Այդ պատիժն է արդա¬րացի ու միա¬ժա¬¬մանակ անհրա¬ժեշտ ամբաս¬տան¬յալ Վ.Սերգեյանի ուղղելու և հնա¬րավոր նոր հանցա¬գոր¬ծութ¬յունները կան¬խելու հա¬մար։
Ամբաստանյալ Վ.Սերգեյանի նկատմամբ որպես խա¬¬¬փանման միջոց ընտրված չհե¬ռա¬նալու մասին հարցը քննարկելիս` Դատա¬րանը գտնում է, որ այն անհրա¬ժեշտ է թողնել ան¬փոփոխ` մինչև սույն դատավճռի օրինական ուժի մեջ մտնե¬լը։
ՀՀ քրեական դատավարության օրենսգրքի 360-րդ հոդվածի 1-ին մասի համաձայն` դա¬տավճիռ կայացնելիս Դատարանը պարտավոր է անդրադառնալ նաև իրեղեն ապացույց¬ների, դա¬տական ծախսերի, գույքի նկատմամբ կիրառված (կիրառվելիք) արգելանքի, քաղա¬¬քա¬ցիական հայ¬ցի հարցերին։ Դատարանն արձանագրում է, որ դատական ծախսերն հիմնավորող ապացույցները, ինչպես նաև իրեղեն ապա¬ցույցները քրեական գործում բացակայում են, Վ.Սերգեյանի գույքի նկատմամբ արգելանք չի կիրառվել, քրեական գործով քաղա¬քա¬ցիական հայց չի ներկայացվել։
Գնահատելով դատաքննությամբ հետազոտված ապացույց¬ները, ուսումնասիրելով ամ¬բաս¬¬տան¬յալի անձը բնութագրող տվյալները, պատասխանատ¬վութ¬յունն ու պատիժը մեղ¬մացնող հան¬գամանքները, ղեկավարվելով ՀՀ քրեական դատավա¬րա¬կան օրենսգրքի 357-360, 364-365, 369-375 հոդված¬ներով,

Վ Ճ Ռ Ե Ց ՝

Վահագն Յուրիկի Սերգեյանին ճանաչել մեղավոր ՀՀ քրեական օրենսգրքի 361-րդ հոդ¬վածի 1-ին մասով նախատեսված հանցա¬գործության կատարման մեջ, նրա նկատմամբ նշա¬նակել պատիժ` կարգապահական գումարտակում պահելու ձևով 6 (վեց) ամիս ժամկետով։
ՀՀ քրեական օրենսգրքի 70-րդ հոդվածի կիրառմամբ` Վահագն Յուրիկի Սերգեյանի նկատ¬մամբ կարգապահական գումարտակում պահելու ձևով նշա¬նակված պատիժը պայմա¬նա¬կանորեն չկիրառել և սահ¬մանել փոր¬ձաշրջան 1 (մեկ) տարի ժամկետով։
Վահագն Սերգեյանի նկատմամբ որպես խափանման միջոց ընտրված չհեռանալու մա¬սին ստո¬րագրությունը վերացնել` սույն դատավճիռն օրինական ուժի մեջ մտնելուց հետո։
Դատական ծախսերի հարցն համարել լուծված։
Դատավճիռը կարող է բողոքարկվել Հայաստանի Հանրապետության վերաքննիչ քրեա¬կան դատարան հրապարակման օրվանից մե¬կամսյա ժամկետում։


ԴԱՏԱՎՈՐ՝ Ա.ՎԱՐԴԱՆՅԱՆ