Գործ թիվ ԵԿԴ/0159/01/13





Ո Ր Ո Շ ՈՒ Մ
քրեական գործի վարույթը կարճելու և քրեական հետապնդումը
դադարեցնելու մասին

«22» նոյեմբերի 2013թ. ք. Երևան

Երևանի Կենտրոն և Նորք - Մարաշ վարչական շրջանների ընդհանուր իրավա¬սության դատարանը (այսուհետ` Դատարան),

նախագահությամբ դատավոր` Արշակ Վարդանյանի,
քարտուղարությամբ` Ժենյա Ավետիսյանի,

մասնակցությամբ`

մեղադրող, Երևանի Կենտրոն և
Նորք-Մարաշ վարչական շրջանների
դատախազության դատախազ` Մամիկոն Գեղամյանի,
տուժողներ` Արտակ Հարությունյանի,
Անահիտ Աղաջանյանի և
Կարեն Բադալյանի,

նույն դատարանում` խորհրդակցական սենյակում, քննության առնելով քրեական գործն ըստ մեղադրանքի`
Իշխան Ռոբերտի Սահակյանի` ( ծնված 1984թ. հոկտեմբերի 6-ին, Երևան քաղաքում, ազ¬գութ¬յամբ հայ, ՀՀ քա¬ղաքացի, ութամյա կրթութ¬յամբ, ամուրի, նախ¬կինում չդատա¬պարտված, հաշվառված է Երևանի Սիլիկյան թաղամասի 4-րդ փողոցի 14-րդ տանը, բնակ¬վում է Երևանի 16-րդ թաղամասի 19-րդ շենքի 47-րդ բնակարանում),

Պ Ա Ր Զ Ե Ց`

Մասնավոր մեղադրանքի վերաբերյալ թիվ 13104513 քրեական գործն հարուցվել է 2013թ. հու¬նվարի 19-ին ՀՀ քրեական օրենսգրքի 177-րդ հոդվածի 1-ին մասի հատկանիշներով ՀՀ ոստի¬կա¬նության ՔԳՎ Երևան քաղաքի քննչական վարչության Կենտրոնականի քննչական բաժնում` գործով տուժող Արտակ Հարությունյանի հաղորդման հիման վրա նախա¬պատ¬րաստված նյութերի քննարկ¬ման արդյունքներով։
Նույն օրը Իշխան Սահակյանի նկատմամբ որպես խափանման միջոց է ընտրվել չհե¬ռանալու վերաբերյալ ստորագրություն։
Թիվ 13104513 քրեական գործին են միացվել`
- 2013թ. հունվարի 23-ին` նույն բաժնում 2013թ. հունվարի 15-ին հարուցված թիվ 13103613 քրեական գործը (դարձյալ տուժող Արտակ Հարությունյանի դրվագով)։
- 2013թ. փետրվարի 7-ին` 2013թ. հունվարի 26-ին հարուցված թիվ 13107813 քրեական գործը (տուժող Կարեն Բադալյանի դրվագով), 2013թ. հունվարի 31-ին հարուցված թիվ 13109713 քրեական գործը (տուժող Կարինե Ալեքսանյանի դրվագով), նույն օրը հարուցված թիվ 13109813 քրեական գործը (տուժող Հասմիկ Գալստյանի դրվագ), թիվ 13109913 քրեական գործը (տուժող Անահիտ Աղաջանյանի դրվագով)։
2013թ. հունվարի 25-ին Իշխան Սահակյանին մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով (2 դրվագներով)։
2013թ. հուլիսի 24-ին Իշխան Սահակյանին առաջադրված մեղադրանքը փոփոխվել և նրան նոր (վերջնական) մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով (5 դրվագներով)։
2013թ. օգոստոսի 14-ին նախաքննական մարմինը որոշում է կայացրել Հ.Գալստյանին պատ¬կանող տեսախցիկը գողանալու դրվագով Իշխան Սահակյանի նկատ¬մամբ քրեական հետապնդումը չիրականացնելու` տուժողի հետ հաշտվելու հիմքով, ծառայողական վկայականն օգտագործելու դրվագով` հանցադեպի բացակայության հիմքով, ինչպես նաև Երևանի Ե.Կողբացու 42-րդ շենքի 89 և Պուշկինի 40-րդ շենքի թիվ 109 բնակարանների դռների վերնամասերից դամաֆոններ գողանալու դրվագներով` հանցակազմի բացակայության հիմքով։
2013թ. օգոստոսի 16-ին սույն քրեական գործն Իշխան Ռոբերտի Սահակյանի նկատ¬մամբ ՀՀ քրեական օրենսգրքի 177-րդ հոդվածի 1-ին մասով (հինգ դրվագներով) հաստատված մեղադրական եզրակա¬ցութ¬յամբ ուղարկվել է Երևանի Կենտրոն և Նորք-Մարաշ վարչական շրջանների ընդհանուր իրա¬վա¬¬սութ¬յան դատա¬րան, 2013թ. օգոստոսի 21-ին ընդունվել Դատարանի վարույթ։
Համաձայն Իշխան Սահակյանին որպես մեղադրյալ ներգրավելու որոշման, ինչպես նաև մեղադրական եզրակացության` վերջինիս մեղադրանք է առա¬ջադրվել այն բանի համար, որ նա 2013թ. հունվարի 14-ին` ժամը 12։50-ի սահմաններում, գաղտնի հափշտակել է Երևան քաղաքի Ամիրյան փողոցի 3-րդ շենքի 2-րդ մուտքի թիվ 20 և 28 բնակարանների դռների վերնամասում տեղադրված, Արտակ Անդրեասի Հարությունյանին պատկանող 60.000 ՀՀ դրամ ընդհանուր արժողությամբ 2 տեսախցիկներ, որի կատարման համար Իշխան Սահակյանին մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով։
Բացի այդ, Իշխան Սահակյանը 2013թ. հունվարի 17-ին գաղտնի հափշտակել է Երևան քաղաքի Տ.Մեծ փողոցի 31-րդ շենքի 179-րդ բնակարանի մուտքի դռան մոտ տեղադրված, Կարեն Արտուշի Բադալյանին պատկանող 180.000 ՀՀ դրամ ընդհանուր արժողությամբ դամաֆոնը, որի կատարման համար նրան մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով։
Ավելին, Իշխան Սահակյանը 2013թ. հունվարի 18-ին գաղտնի հափշտակել է Երևան քաղաքի Ե.Կողբացի փողոցի 42-րդ շենքի 10-րդ բնակարանի մուտքի դռան մոտ տեղադրված, Կարինե Ալեքսանդրի Ալեքսանյանին պատկանող, 110.000 ՀՀ դրամ ընդհանուր արժողությամբ դամաֆոնը, որի կատարման համար նրան մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով։
Դեռ ավելին, Իշխան Սահակյանը 2013թ. հունվարի 19-ին` ժամը 12։50-ի սահմաններում, գաղտնի հափշտակել է Երևան քաղաքի Ամիրյան փողոցի 3-րդ շենքի 2-րդ մուտքի թիվ 20 և 28 բնակարանների դռների վերնամասում տեղադրված, Արտակ Անդրեասի Հարությունյանին պատկանող 150.000 ՀՀ դրամ ընդհանուր արժողությամբ թվով 2 տեսախցիկ, որի կատարման համար նրան մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով։
Վերջապես, Իշխան Սահակյանը 2013թ. հունվարին գաղտնի հափշտակել է Երևան քաղաքի Ե.Քոչար փողոցի 1-ին շենքի 1-ին բնակարանի մուտքի դռան մոտ տեղադրված, Անահիտ Սերոբի Աղաջանյանին պատկանող 40.000 ՀՀ դրամ ընդհանուր արժողությամբ տեսախցիկը, որի կատարման համար նրան մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով։
2013թ. հոկտեմբերի 24-ին նշանակված դատական նիստին տուժողներ Անահիտ Աղաջան¬յանը, Կարեն Բադալյանը և Արտակ Հարությունյանը, իսկ 2013թ. նոյեմբերի 18-ին Դատարանին հաս¬ցեագրած դիմումով նաև տուժող Կարինե Ալեքսանյանը հայտնել են, որ ամբաստանյալ Իշխան Սահակյանի նկատմամբ որևէ, այդ թվում` նյութաիրավական պահանջ չունեն, վերջինիս հետ հաշտվել են` խնդրելով նրան քրեական պատասխանատվության չենթարկել։
Դատական քննության ընթացքում ամբաստանյալ Իշխան Սահակյանն իր նկատմամբ հա¬րուցված հետապնդումը վերոնշյալ ոչ ար¬դարացնող հիմքով դադարեցնելու և քրեական գործի վարույթը կարճելու դեմ չառարկեց։
Դատարանը, հաշվի առնելով տուժողների և ամբաստանյալ Ի.Սահակյանի վերոնշյալ դիր¬քո¬րոշումները, գտնում է, որ ի հայտ է եկել քրեական գործի վարույթը բացառող հանգամանք (հիմք), որի պայմաններում քրեական գործի վարույթն ենթակա է կարճման, իսկ ամբաստանյալ Ի.Սահակյանի նկատմամբ հարուցված քրեա¬կան հետապնդումը` դադա¬րեցման, որպիսի հետևության հանգում է հետևյալ իրա¬վական վերլու¬ծութ¬յունների արդյունքներով.
ՀՀ քրեական դատավարական օրենսգրքի 33-րդ հոդվածի համաձայն` մասնավոր մե¬ղադրան¬¬քի գործեր են համարվում նույն օրենսգրքի 183-րդ հոդվածում նախատեսված հան¬ցագոր¬ծություն¬ների վերաբերյալ գործերը։
Ի թիվս ՀՀ քրեական դատավարական օրենսգրքի 183-րդ հոդվածում թվարկվածների` ՀՀ քրեական օրենսգրքի …..(…) 177-րդ հոդվածի 1-ին մասով նախատեսված հանցագործությունների վերաբերյալ գործերը ևս հարուցվում են ոչ այլ կերպ, քան տուժողի բողոքի հիման վրա, և կաս¬կած¬յալի կամ մեղադրյալի կամ ամբաստանյալի հետ նրա հաշտվելու դեպքում ենթակա են կարճման։ Հաշտությունը թույլատրվում է մինչև դատավճիռ կայացնելու համար դատարանի խորհրդակ¬ցա¬կան սենյակ հեռանալը։
ՀՀ քրեական դատավարական օրենսգրքի 35-րդ հոդվածի 1-ին մասի 5-րդ կետի համա¬ձայն` քրեական հետապնդում չի կարող իրականացվել, իսկ հարուցված քրեական գործի վա¬րույ¬թը ենթակա է կարճման, եթե ՀՀ քրեական դատավարական օրենսգրքով հատկապես նախա¬տես¬ված դեպքերում տուժողը հաշտվել է կասկածյալի կամ մեղադրյալի հետ։ Նույն հոդվածի 5-րդ մասի համաձայն` Դատա¬րա¬նը, հայտնաբերելով քրեական հետապնդումը բացա¬ռող հանգա¬մանք¬ներ, լուծում է ամբաստանյալի նկատմամբ քրեական հետապնդումը դադարեց¬նելու հարցը։
ՀՀ քրեական դատավարական օրենսգրքի 36-րդ հոդվածի համաձայն` մասնավոր հե¬տապնդման գործերի վարույթը կարճվում է և փաստվում է քրեական հետապնդում իրակա¬նաց¬նե¬լու հրաժարում, երբ տուժողն հաշտվում է մեղադրյալի հետ։
ՀՀ քրեական դատավարական օրենսգրքի 64-րդ հոդվածի 2-րդ մասի համաձայն` մե¬ղադրյալը, ում վերաբերյալ գործը նշանակված է դատական քննության, կոչում է ամբաստանյալ, հետևաբար` ՀՀ քրեական դատավարական օրենսգրքի 35-րդ և 36-րդ հոդվածների վերոնշյալ մեկ¬նաբանությունները վերաբերելի են նաև սույն գործով ամբաստանյալի կարգավիճակ ունեցող Իշխան Սահակյանի նկատմամբ։
ՀՀ քրեական դատավարական օրենսգրքի 294-րդ հոդվածի 2-րդ մասի համաձայն` գործով վարույթը կարճելու և/կամ քրեական հետապնդումը դադարեցնելու մասին որոշումն ընդգրկում է նախնական քննության փուլում ընտրված խափանման և վնասի հատուցման ապահովման միջոց¬ները, քրեադատավարական հարկադրանքի այլ միջոցները վերացնելու մասին որոշում, ինչպես նաև որոշում` իրեղեն ապացույցների ճակատագրի վերաբերյալ։
ՀՀ քրեական դատավարական օրենսգրքի 151-րդ հոդվածի 2-րդ մասի համաձայն` խա¬փան¬ման միջոցը վերացվում է, երբ վերանում է դրա անհրաժեշտությունը, հետևաբար` վե¬րոնշյալ տրա¬մաբանությամբ ամբաստանյալ Իշխան Սահակյանի նկատմամբ ընտրված խափան¬ման միջոց չհեռանալու մասին ստորագրությունը ենթակա է անհապաղ վերացման։
Դատարանը փաստում է, որ տուժողներ Անահիտ Աղաջանյանին և Արտակ Հարություն¬յանին ի պահ հանձնված, սույն քրեական գործով իրեղեն ապացույց ճանաչված, համապատաս¬խանաբար` 1 (մեկ) և 2 (երկու) հատ տեսախցիկներն անհրաժեշտ է թողնել նրանցից յուրա¬քանչյուրի տնօրի¬նությանը։
Դատարանը հան¬ցա¬գործությամբ տուժողներին պատճառված վնասի հատուցման հարցն համա¬րում է լուծված` վերջիններիս կողմից նման պահանջ չներկայացնելու պատճառա¬բա¬նությամբ։
Դատարանը գտնում է նաև, որ նախաքննական մարմնի 2013թ. հուլիսի 24-ի որոշմամբ Իշխան Սահակյանի անձնական խուզարկությամբ հայտնաբերված և Դատարանում պահվող «Սամսունգ SGH-D800» մոդելի բջջային հեռախոսի և Երևանի կենտրոն և Նորք-Մարաշ վար¬չական շրջանների ընդհանուր իրավասության դատարանի 900013298014 դեպոզիտային հաշվեհամարին ի պահ հանձնված 11.870 (տասնմեկ հազար ութ հարյուր յոթանասուն) ՀՀ դրամ գումարի վրա դրված արգելանքը պետք է վերացնել, իսկ նշված բջջային հեռախոսն ու գումարը վերադարձնել ամբաստանյալ Իշխան Սահակյանին կամ վերջինիս լիազորած անձին` սույն որոշումն օրինական ուժի մեջ մտնելուց հետո։
Վերոգրյալի հիման վրա, ղեկավարվելով ՀՀ քրեական դատավարական օրենսգրքի 35-րդ հոդվածի 1-ին մասի 5-րդ կետով, 41-րդ հոդվածի 2-րդ մասի 8-րդ կետով, 119-րդ, 183-րդ, 294-րդ և 313-րդ հոդվածներով, ինչպես նաև 379-րդ հոդվածի 1-ին մասի 1-ին կետով, Դատարանը

Ո Ր Ո Շ Ե Ց `

1. Ամբաստանյալ Իշխան Ռոբերտի Սահակյանի նկատմամբ ՀՀ քրեական օրենսգրքի 177-րդ հոդվածի 1-ին մասով (5 դրվագներով) հարուցված քրեա¬կան հետապնդումը դադարեցնել, թիվ ԵԿԴ/0159/01/13 քրեական գործի վարույթը կարճել` վերջինիս հետ տուժողներ Արտակ Հարությունյանի, Կարեն Բադալյանի, Անահիտ Աղաջանյանի և Կարինե Ալեքսանյանի հաշտութ¬յան հիմ¬քով։
2. Իշխան Ռոբերտի Սահակյանի նկատմամբ որպես խափանման միջոց ընտրված չհեռա¬նալու մասին ստորագրությունը վերացնել։
3. Իրեղեն ապացույց ճանաչված, տուժողներ Անահիտ Աղաջանյանին և Արտակ Հարութ¬յուն¬յանին ի պահ հանձնված համապատասխանաբար` 1 (մեկ) և 2 (երկու) հատ տեսախցիկները թողնել վերջիններիս տնօրինությանը։
4. Տուժողներին պատճառված վնասների հատուցման հարցն համարել լուծված։
5. Նախաքննական մարմնի 2013թ. հուլիսի 24-ի որոշմամբ Իշխան Սահակյանի անձնական խուզարկությամբ հայտնաբերված և Դատարանում պահվող «Սամսունգ SGH-D800» մոդելի բջջային հեռախոսի և Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 900013298014 դեպոզիտային հաշվեհամարին ի պահ հանձնված 11.870 (տասնմեկ հազար ութ հարյուր յոթանասուն) ՀՀ դրամ գումարի վրա դրված արգելանքը վերացնել, նշված բջջային հեռախոսն ու գումարը վերադարձնել Իշխան Ռոբերտի Սահակյանին կամ վերջինիս լիազորած անձին` սույն որոշումն օրինական ուժի մեջ մտնելուց հետո։
6. Սույն որոշման օրինակներն հանձնել կողմերին` պարզաբանելով, որ այն կարող է բողո¬քարկվել ՀՀ վերաքննիչ քրեական դատարան` հրապարակման օրվանից մեկամսյա ժամ¬կետում։



ԴԱՏԱՎՈՐ` Ա.ՎԱՐԴԱՆՅԱՆ