Ո Ր Ո Շ ՈՒ Մ
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը հետևյալ կազմով.


նախագահող դատավոր` Մ. Մարտիրոսյան,
քարտուղարներ` Լ. Առաքելյան,
Ա. Հովհաննիսյան,

մասնակցությամբ`
մեղադրող,
Երևանի Կենտրոն և Նորք-Մարաշ վարչական
շրջանների դատախազության դատախազ Հ. Մելքոնյանի,

ամբաստանյալ Ա. Եղիազարյանի,

պաշտպան Ա. Կարապետյանի,


2013թ. հոկտեմբերի 07-ին, դատարանում, դռնբաց դատական նիստում, քննելով ԵԿԴ-0158/01/13 (13137413) քրեական գործն ըստ մեղադրանքի
Արմեն Վարդգեսի Եղիազարյանի`
ծնված 1960թ. հուլիսի 04-ին Երևանում, հայ, Հայաստանի Հանրապետության /այսուհետ ՀՀ/ քաղաքացի, միջնակարգ-մասնագիտական կրթությամբ, ամուսնացած, խնամքին ոչ ոք, նախկինում չդատված, բնութագրվում է դրական, վատառողջ է, հաշվառված է և բնակվում է ք. Երևան, Իսրայելյան փողոցի թիվ 43 շենքի թիվ 25 բնակարանում, 08.04.2013թ. ձերբակալվել է, Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 09.04.2013թ. որոշմամբ, որպես խափանման միջոց կալանավորումն ընտրելու մասին քննիչի միջնորդությունը մերժվել է և նույն օրն ազատ է արձակվել` անազատության մեջ մնալով 2 /երկու/ օր, այժմ կալանքի տակ չէ, մեղադրվում է ՀՀ քրեական օրենսգրքի 235-րդ հոդվածի 1-ին մասով,

Պ Ա Ր Զ Ե Ց

Արմեն Վարդգեսի Եղիազարյանին մեղադրանք է առաջադրվել ՀՀ քրեական օրենսգրքի 235-րդ հոդվածի 1-ին մասով հետևյալ արարքի համար. «որ նա ապօրինի կերպով ձեռք է բերել և Երևան քաղաքի Իսրայելյան 43 հասցեում գտնվող շենքի՝ իրեն պատկանող ավտոտնակում պահել է ակոսափող հրազեն հանդիսացող 7,62մմ տրամաչափի գործարանային արտադրության «ՏՏ» տեսակի ՁԸ-805 համարի ատրճանակ և ռազմամթերք հանդիսացող 7,62մմ տրամաչափի 8 հատ մարտական փամփուշտներ։
Այնուհետև, 2013թ. մարտի 27-ին ժամը 20.00-ից մինչև ժամը 20.30-ն ընկած ժամանակահատվածում Երևան քաղաքի Իսրայելյան 43 հասցեում գտնվող շենքի ավտոտնակում կատարված զննության ընթացքում, ավտոտնակում առկա սառնարանի բացված վիճակում գտնվող դռան դարակից Արմեն Եղիազարյանի կողմից ապօրինի կերպով ձեռք բերված և պահվող հրազենն ու ռազմամթերքը հայտնաբերվել է։»։
2013թ. հոկտեմբերի 07-ին, դատական նիստում, ամբաստանյալ Արմեն Եղիազարյանի պաշտպան Ա. Կարապետյանը միջնորդեց Ա. Եղիազարյանի նկատմամբ կիրառել «Հայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին» ՀՀ ԱԺ 2013թ. հոկտեմբերի 03-ի որոշումը և կարճել քրեական գործի վարույթը։
Ամբաստանյալ Ա. Եղիազարյանը խնդրեց իր նկատմամբ համաներում կիրառել։
Մեղադրող Հ. Մելքոնյանը հայտնեց, որ ամբաստանյալի նկատմամբ «Հայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին» ՀՀ ԱԺ 2013թ. հոկտեմբերի 03-ի որոշումը կիրառելու դեմ չի առարկում։
ՀՀ քրեական օրենսգրքի 82-րդ հոդվածի համաձայն` «Հանցանք կատարած անձն oրենuդիր մարմնի կողմից ընդունվող համաներման ակտով կարող է ազատվել քրեական պատաuխանատվությունից, (...)»։
ՀՀ քրեական դատավարության օրենսգրքի 35-րդ հոդվածի 1-ին մասի 13-րդ կետի համաձայն` «(...) քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե` (...) ընդունվել է համաներման ակտ։ (…)»։
Սույն հոդվածի առաջին մասի 13-րդ կետում նշված հիմքով գործի (…) վարույթի կարճում և քրեական հետապնդման դադարեցում չի թույլատրվում, եթե չի հատուցվել կամ այլ կերպ չի հարթվել պատճառված վնասը, կամ առկա է վեճ հատուցման ենթակա վնասի կապակցությամբ։ Այս դեպքում ևս գործի վարույթը շարունակվում է սովորական կարգով։»։
Նույն հոդվածի 5-րդ մասի համաձայն` «Դատարանը, հայտնաբերելով քրեական հետապնդումը բացառող հանգամանքներ, լուծում է ամբաստանյալի նկատմամբ քրեական հետապնդումը դադարեցնելու հարցը։»։
«Հայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին» ՀՀ ԱԺ 2013թ. հոկտեմբերի 03-ի որոշման 5-րդ կետի համաձայն` որոշվել է. «Քրեական հետապնդում չհարուցել եւ քրեական հետապնդում չիրականացնել, ինչպեu նաեւ կարճել մինչեւ 2013 թվականի սեպտեմբերի 1-ը կատարած հանցագործությունների վերաբերյալ հետաքննության մարմինների, նախաքննության մարմինների կամ դատարանների վարույթում գտնվող քրեական գործերը, բացառությամբ սույն որոշման 8-րդ կետի 4-6-րդ ենթակետերով եւ 9-րդ կետով նախատեսված դեպքերի, որոնցով`
(...)
2) անձինք կարող են մեղադրվել կամ մեղադրվում են այնպիuի հանցագործություններ կատարելու մեջ, որոնց համար նախատեuված է պատիժ` ոչ ավելի, քան երեք տարի ժամկետով ազատազրկում. (...)»։
ՀՀ քրեական օրենսգրքի 235-րդ հոդվածի համաձայն`
«1. Ապօրինի կերպով հրազեն, բացի ողորկափող հրազենից և դրա փամփուշտներից, ռազմամթերք, ակոսափող հրազենի փամփուշտներ, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը՝
պատժվում է կալանքով՝ առավելագույնը երեք ամիս ժամկետով, կամ ազատազրկմամբ՝ առավելագույնը երեք տարի ժամկետով։
(…)»
«Հայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին» ՀՀ ԱԺ 2013թ. հոկտեմբերի 03-ի որոշման 9-րդ կետում նշվել են այն սահմանափակումները, որոնց առկայության դեպքում համաներումը կիրառելի չէ։
Ամբաստանյալ Արմեն Վարդգեսի Եղիազարյանի նկատմամբ համաներման կիրառման համար, վերոհիշյալ որոշման 9-րդ կետով սահմանված որևէ սահմանափակում առկա չէ, որի պատճառով համաներման ակտը նրա նկատմամբ ենթակա է կիրառման։
Այսպիսով, վերոհիշյալ հանգամանքների առկայության պարագայում, համաներման ակտը` «Հայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին» ՀՀ ԱԺ 2013թ. հոկտեմբերի 03-ի որոշումը սույն քրեական գործի վարույթը բացառող հանգամանք է, որի պատճառով գործի վարույթը ենթակա է կարճման, ամբաստանյալ Արմեն Վարդգեսի Եղիազարյանի նկատմամբ քրեական հետապնդումը ենթակա է դադարեցման, իսկ նրա նկատմամբ ընտրված խափանման միջոց չհեռանալու մասին ստորագրությունը ենթակա է վերացման։
Քննարկելով իրեղեն ապացույցների հարցը` դատարանը գտնում է, որ 17.06.2013թ. որոշմամբ իրեղեն ապացույցներ ճանաչված, «ՏՏ» մակնիշի ՏԱ /TA/-805 համարի ատրճանակը և զենք մաքրելու համար նախատեսված երկու խոզանակները պետք է թողնել ՀՀ ոստիկանության տնօրինմանը։
Վերոգրյալների հիման վրա և ղեկավարվելով ՀՀ քրեական դատավարության օրենսգրքի 35-րդ հոդվածի 1-ին մասի 13-րդ կետով, 5-րդ մասով, 41-րդ, 119-րդ, 151-րդ, 312-րդ, 313-րդ, 379-րդ հոդվածներով, «Հայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին» ՀՀ ԱԺ 2013թ. հոկտեմբերի 03-ի որոշման 5-րդ կետի 2-րդ ենթակետով և 13-րդ կետի 1) ենթակետի ա. պարբերությամբ, դատարանը

Ո Ր Ո Շ Ե Ց


ԵԿԴ-0158/01/13 (13137413) քրեական գործով ըստ մեղադրանքի Արմեն Վարդգեսի Եղիազարյանի` ՀՀ քրեական օրենսգրքի 235-րդ հոդվածի 1-ին մասով, քրեական գործի վարույթը կարճել և Արմեն Եղիազարյանի նկատմամբ քրեական հետապնդումը դադարեցնել` համաներման ակտ ընդունվելու, այն է` «Հայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին» ՀՀ ԱԺ 2013թ. հոկտեմբերի 03-ի որոշման ընդունման պատճառաբանությամբ։
Արմեն Վարդգեսի Եղիազարյանի նկատմամբ ընտրված խափանման միջոց չհեռանալու մասին ստորագրությունը վերացնել։
Իրեղեն ապացույցներ ճանաչված, «ՏՏ» մակնիշի ՏԱ /TA/-805 համարի ատրճանակը և զենք մաքրելու համար նախատեսված երկու խոզանակները թողնել ՀՀ ոստիկանության տնօրինմանը։
Սույն որոշումը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո մեկամսյա ժամկետում։


ԴԱՏԱՎՈՐ՝ Մ. ՄԱՐՏԻՐՈՍՅԱՆ