ԵԿԴ/0152/01/13







ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«19» սեպտեմբերի 2013թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ` Դատարան)

Նախագահող դատավոր
դատական նիստերի քարտուղարներ

մեղադրող
տուժողներ

պաշտպան

Մ.Պապոյան
Կարապետյան
Էդ.Մկրտչյան
Ա.Գալստյան
Կ.Գյուլումյան
Է.Ավետիսյան
Կ.Քամալյան


դռնբաց դատական նիստում` արագացված դատական քննության կարգով, քննեց քրեական գործն ըստ մեղադրանքի`
Զավեն Ռուբենի Պետրոսյանի` ծնված 1978 թվականի մայիսի 1-ին Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, նախկինում չդատապարտված, աշխատում է «Ամբիենտե Իտալիա» ՀՁ ՍՊ ընկերությունում` որպես փոխտնօրեն, բնակվում է Երևան քաղաքի Եզնիկ Կողբացի փողոցի 1ա շենքի 11-րդ բնակարանում, մեղադրանք է առաջադրվել ՀՀ քրեական օրենսգրքի 316-րդ հոդվածի 1-ին մասով, խափանման միջոց է ընտրվել չհեռանալու մասին ստորագրությունը:
1. Գործի դատավարական նախապատմությունը.
2013 թվականի հուլիսի 27-ին ՀՀ ոստիկանության Կենտրոնականի քննչական բաժնի ավագ քննիչ Ռ.Նազարյանի որոշմամբ ՀՀ քրեական օրենսգրքի 316-րդ հոդվածի 1-ին մասով նախատեսված հանցագործության հատկանիշներով հարուցվել և վարույթ է ընդունվել թիվ 15136813 քրեական գործը:
2013 թվականի հուլիսի 27-ին ՀՀ ոստիկանության Կենտրոնականի քննչական բաժնի ավագ քննիչ Ռ.Նազարյանի որոշմամբ թիվ 15136813 քրեական գործով Զավեն Ռուբենի Պետրոսյանին մեղադրանք է առաջադրվել ՀՀ քրեական օրենսգրքի 316-րդ հոդվածի 1-ին մասով:
2013 թվականի օգոստոսի 6-ին ՀՀ ոստիկանության Կենտրոնականի քննչական բաժնի ավագ քննիչ Ռ.Նազարյանի որոշմամբ թիվ 15136813 քրեական գործով Զավեն Ռուբենի Պետրոսյանին առաջադրված մեղադրանքը լրացվել և նրան նոր մեղադրանք է առաջադրվել ՀՀ քրեական օրենսգրքի 316-րդ հոդվածի 1-ին մասով:
2013 թվականի օգոստոսի 7-ին ՀՀ ոստիկանության Կենտրոնականի քննչական բաժնի ավագ քննիչ Ռ.Նազարյանի որոշմամբ թիվ 15136813 քրեական գործով Զավեն Ռուբենի Պետրոսյանի կողմից Կարեն Մինասի Գյուլումյանի բջջային հեռախոսը վնասելու վերաբերյալ նրա նկատմամբ քրեական հետապնդում չի իրականացվել` նրա արարքում հանցակազմի բացակայության հիմքով, իսկ Սարգիս Արսենի Հովսեփյանի կողմից Էդվարդ Սամվելի Ավետիսյանի աշխատանքը խանգարելու վերաբերյալ նրա նկատմամբ քրեական հետապնդում չի իրականացվել` նրա արարքում հանցակազմի բացակայության հիմքով:
2013 թվականի օգոստոսի 9-ին Զավեն Ռուբենի Պետրոսյանի վերաբերյալ թիվ 15136813 քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան, որտեղ քրեական գործին շնորհվել է ԵԿԴ/0152/01/13 համարը:
Զավեն Ռուբենի Պետրոսյանին մեղադրանք է առաջադրվել ՀՀ քրեական օրենսգրքի 316-րդ հոդվածի 1-ին մասով` այն արարքի համար, որ նա, 2013 թվականի հուլիսի 26-ին` ժամը 23:50-ի սահմաններում, ոգելից խմիչք օգտագործած վիճակում վարել է «Ֆորդ Տրանզիտ Կոնեկտ» մակնիշի 87vv700 հաշվառման պետհամարանիշի ավտոմեքենան, Երևան քաղաքի Հանրապետության հրապարակից մտնելով Ամիրյան փողոց, դուրս է եկել հանդիպակաց երթևեկելի գոտի և Ամիրյան-Զաքիյան փողոցների խաչմերուկում կանգնեցվելով ծառայություն իրականացնող, իշխանության ներկայացուցիչներ հանդիսացող, ՀՀ ոստիկանության ճանապարհային ոստիկանության 1-ին գումարտակի 3-րդ դասակի ավագ տեսուչներ Կարեն Մինասի Գյուլումյանի և Էդվարդ Սամվելի Ավետիսյանի կողմից, նրանց նկատմամբ գործադրել է վերջինների առողջության համար ոչ վտանգավոր բռնություն` կապված նրանց կողմից իրենց ծառայողական պարտականությունները կատարելու հետ, որի ընթացքում հայհոյել է նրանց, դիտավորությամբ ձեռքով հարվածել Կարեն Գյուլումյանի կրծքավանդակին` պատճառելով ֆիզիկական ցավ, որից հետո փորձել դիմել է փախուստի` վազելով դեպի շենքի բակ: Կարեն Գյուլումյանը և Էդվարդ Ավետիսյանը հետապնդել են նրան, փորձել բռնել և բերման ենթարկել ոստիկանության բաժին, սակայն Զավեն Պետրոսյանը չի ենթարկվել նրանց օրինական պահանջին, հայհոյանքներ տալով վերջինների հասցեին, դիտավորությամբ ոտքով հարվածել է Կարեն Գյուլումյանի ոտքին, ինչի հետևանքով վերջինը վայր է ընկել և ստացել մարմնական վնասվածքներ` աջ և ձախ ծնկահոդերի շրջանների քերծվածքների ձևով, որոնք առողջությանը թեթև վնասի հատկանիշներ չեն պարունակում: Դրանից հետո Զավեն Պետրոսյանը նստել է նրա վրա և դիտավորությամբ ձեռքերով հարվածել նրա դեմքին և կրծքավանդակին` պատճառելով մարմնական վնասվածքներ` աջից ստորին կոպի և պարանոցի շրջանների արյունազեղումների ձևով, որոնք առողջությանը թեթև վնասի հատկանիշներ չեն պարունակում, քաշքշել է նրան` պատճառելով մարմնական վնասվածքներ` աջ բազկի շրջանի արյունազեղումների, ձախ բազկի, արմնկահոդի, նախաբազկի քերծվածքների ձևով, որոնք առողջությանը թեթև վնասի հատկանիշներ չեն պարունակում: Բացի այդ, Զավեն Պետրոսյանը դիտավորությամբ հարվածել է Էդվարդ Ավետիսյանի կրծքավանդակին` պատճառելով ֆիզիկական ցավ, քաշքշել է նրան` պատճառելով մարմնական վնասվածքներ` աջ բազկի շրջանի արյունազեղման, աջ արմնկահոդի, աջ դաստակի շրջանների քերծվածքների ձևով, որոնք առողջությանը թեթև վնասի հատկանիշներ չեն պարունակում:
2. Արագացված դատական քննություն.
Մինչ դատաքննությունն սկսելն ամբաստանյալ Զավեն Ռուբենի Պետրոսյանը միջնորդեց դատական քննությունն անցկացնել արագացված կարգով և հայտնեց, որ միջնորդությունը ներկայացրել է կամավոր, խորհրդակցել է իր պաշտպանի հետ, գիտակցում է արագացված կարգով դատական քննություն անցկացնելու հետևանքները, առաջադրված մեղադրանքն իրեն պարզ է, համաձայն է մեղադրանքի հետ:
Դատարանը, համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը, հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Զավեն Ռուբենի Պետրոսյանը կատարել է արարք` նախատեսված ՀՀ քրեական օրենսգրքի 316-րդ հոդվածի 1-ին մասով:
3. Դատարանի իրավական վերլուծությունները.
Դատարանը, ուսումնասիրելով ամբաստանյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, մասնավորապես` ինքնախոստովանական ցուցմունքները, ՀՀ ոստիկանության ինֆորմացիոն կենտրոնի պահանջագիրը, ծննդյան վկայականների պատճենները, «Կենտրոն-1» համատիրության նախագահի կողմից տրված բնութագիրը, «Ամբիենտե Իտալիա» ՀՁ ՍՊ ընկերության տնօրենի կողմից տրված տեղեկանքը, թիվ AB 129779 դիպլոմի պատճենը և սթափության վիճակի զննության թիվ 201163 արձանագրությունը, եկավ հետևյալ եզրահանգման.
Զավեն Պետրոսյանի անձը դրականորեն բնութագրող հանգամանքներ են բարձրագույն կրթություն ունենալը, աշխատելը, ինքնախոստովանական ցուցմունքներ տալը և կատարածի համար զղջալը:
Զավեն Պետրոսյանի պատասխանատվությունն ու պատիժը մեղմացնող հանգամանքներ են խնամքին 14 տարին չլրացած (Ռուբեն Զավենի Պետրոսյան` ծնված 2001 թվականի փետրվարի 2-ին), (Ռուբինա Զավենի Պետրոսյան` ծնված 2006 թվականի նոյեմբերի 26-ին) երկու երեխաների առկայությունը և տուժող Կարեն Գյուլումյանին պատճառված վնասը վերականգնելը:
Դատարանը գտնում է, որ Զավեն Պետրոսյանի պատասխանատվությունն ու պատիժը մեղմացնող հանգամանքներ պետք է դիտել նաև նախկինում արատավորված` դատապարտված չլինելը և դրականորեն բնութագրվելը:
Դատարանն արձանագրում է, որ Զավեն Պետրոսյանի պատասխանատվությունն ու պատիժը ծանրացնող հանգամանք է հանցանքն ալկոհոլի ազդեցության տակ կատարելը:
Կատարած արարքի համար ամբաստանյալ Զավեն Պետրոսյանը ենթակա է քրեական պատասխանատվության և պատժի:
Դատարանը, հաշվի առնելով Զավեն Ռուբենի Պետրոսյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, ինչպես նաև այն, որ Զավեն Ռուբենի Պետրոսյանի կատարած արարքի համար ՀՀ քրեական օրենսգրքի 316-րդ հոդվածի 1-ին մասի սանկցիայով նախատեսված է պատիժ նաև ազատազրկման ձևով, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներն ապահովելու համար նրա նկատմամբ պատիժ պետք է նշանակել ազատազրկման ձևով, որը նա պետք է կրի: Դատարանը, միաժամանակ գտնում է, որ Զավեն Պետրոսյանի նկատմամբ նշանակվելիք պատժի ժամկետին պետք է հաշվակցել սույն քրեական գործով 2013 թվականի հուլիսի 27-ից մինչև 29-ն արգելանքի տակ գտնվելու ժամկետը` 3 (երեք) օրը:
Դատարանը, քննարկելով ընտրված խափանման միջոցը վերացնելու և փոփոխելու հարցը, գտնում է, որ Զավեն Պետրոսյանի նկատմամբ ընտրված խափանման միջոցը վերացնելու կամ փոփոխելու հիմքերը բացակայում են, քանի որ գտնվելով ազատության մեջ` նա չի խոչընդոտել վարույթն իրականացնող մարմինների աշխատանքին, ինչպես նաև չի խուսափել քննությունից և դատից, ուստի վերոգրյալ հիմնավորմամբ նրա նկատմամբ ընտրված խափանման միջոցը` չհեռանալու մասին ստորագրությունը, պետք է թողնել անփոփոխ մինչև դատավճռի օրինական ուժի մեջ մտնելը
Դատարանը, ղեկավարվելով ՀՀ քրեական դատավարության օրենսգրքի 116-րդ և 119-րդ հոդվածներով, գտնում է, որ դատավճիռն օրինական ուժի մեջ մտնելուց հետո` 2013 թվականի օգոստոսի 6-ի որոշմամբ իրեղեն ապացույցներ ճանաչված` տուժող Կարեն Գյուլումյանի համազգեստի վերնաշապիկը, ջեմպերը, անդրավարտիքը և «Սամսունգ Գալաքսի Ս4» բջջային հեռախոսը պետք է վերադարձնել նրան, տուժող Էդվարդ Ավետիսյանի ջեմպերը պետք է վերադարձնել նրան, իսկ Զավեն Պետրոսյանի կարճաթև մայկան պետք է վերադարձնել նրան:
Դատարանը գտնում է, որ ՀՀ քրեական դատավարության օրենսգրքի 168-րդ հոդվածի 1-ին մասի 1-ին կետով նախատեսված դատական ծախսերն ամբաստանյալ Զավեն Պետրոսյանից դատարանի նախաձեռնությամբ ենթակա չեն բռնագանձման, քանի որ տուժող Էդվարդ Ավետիսյանը, հնարավորություն ունենալով իր շահերը դատարանում ներկայացնել, ամբաստանյալին որևէ պահանջ չի ներկայացրել, իսկ տուժող Կարեն Գյուլումյանի վնասը վերականգնված է: Ինչ վերաբերվում է ՀՀ քրեական դատավարության օրենսգրքի 168-րդ հոդվածի 1-ին մասի 2-8-րդ կետերով նախատեսված դատական ծախսերին, ապա դրանք արագացված դատական քննության կարգ կիրառելու դեպքում, համաձայն նույն օրենսգրքի 3753 հոդվածի 8-րդ մասի` ամբաստանյալից ենթակա չեն բռնագանձման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 119-րդ, 168-րդ, 309-րդ, 357-360-րդ, 365-րդ, 369-372-րդ, 3751 և 3753 հոդվածներով` Դատարանը
ՎՃՌԵՑ

Զավեն Ռուբենի Պետրոսյանին մեղավոր ճանաչել ՀՀ քրեական օրենսգրքի 316-րդ հոդվածի 1-ին մասով և պատիժ նշանակել ազատազրկում` 1 (մեկ) տարի ժամկետով:
Զավեն Ռուբենի Պետրոսյանի նկատմամբ նշանակված պատժի ժամկետին հաշվակցել սույն քրեական գործով 2013 թվականի հուլիսի 27-ից մինչև 29-ն արգելանքի տակ գտնվելու ժամկետը` 3 (երեք) օրը, և վերջնական պատիժ թողնել կրելու` ազատազրկում` 11 (տասնմեկ) ամիս 27 (քսանյոթ) օր ժամկետով:
Պատժի սկիզբը հաշվել փաստացի արգելանքի վերցնելու պահից:
Զավեն Ռուբենի Պետրոսյանի նկատմամբ ընտրված խափանման միջոցը` չհեռանալու մասին ստորագրությունը, թողնել անփոփոխ` մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո` 2013 թվականի օգոստոսի 6-ի որոշմամբ իրեղեն ապացույցներ ճանաչված` տուժող Կարեն Գյուլումյանի համազգեստի վերնաշապիկը, ջեմպերը, անդրավարտիքը և «Սամսունգ Գալաքսի Ս4» բջջային հեռախոսը վերադարձնել նրան, տուժող Էդվարդ Ավետիսյանի ջեմպերը վերադարձնել նրան, իսկ Զավեն Պետրոսյանի կարճաթև մայկան վերադարձնել նրան:
Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում (դատավճիռը չի կարող բողոքարկվել ՀՀ քրեական դատավարության օրենսգրքի 395-րդ հոդվածի 1-ին մասի 1-ին կետով նախատեսված հիմքով):


ԴԱՏԱՎՈՐ Մ.ՊԱՊՈՅԱՆ