Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ


26 օգոստոսի 2013թ. ք. Երևան

ԵԿԴ-0151/01/13

Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության առաջին ատյանի դատարանը հետևյալ կազմով.

նախագահող դատավոր` Մ. Մարտիրոսյան,
քարտուղար` Ա. Հովհաննիսյան,

մասնակցությամբ`
մեղադրող`
Երևանի կայազորի զինվորական
դատախազության ավագ դատախազ Ա. Գասպարյանի,

պաշտպան Ա. Խառատյանի,



դատարանում, դռնբաց դատական նիստում, դատական քննության արագացված կարգի կիրառմամբ քննեց գործն ըստ մեղադրանքի
1. Մարինե Գագիկի Խոսրովյանի`
ծնված 1975թ. հունիսի 02-ին Երևան քաղաքում, հայ, Հայաստանի Հանրապետության /այսուհետ ՀՀ/ քաղաքացի, բարձրագույն կրթությամբ, ամուսնալուծված, խնամքին մեկ անչափահաս երեխա, նախկինում չդատված, բնութագրվում է դրական, աշխատում է «Բիզի Գրուպ» ՍՊ ընկերությունում որպես իրավաբան, հաշվառված է և բնակվում է ք. Երևան, Հալաբյան փողոցի թիվ 26 շենքի թիվ 62 բնակարանում, կալանքի տակ չէ, մեղադրվում է ՀՀ քրեական օրենսգրքի 258-րդ հոդվածի 1-ին մասով,

2. Արթուր Սամվելի Չոբանյանի`
ծնված 1982թ. հունվարի 01-ին Երևան քաղաքում, հայ, ՀՀ քաղաքացի, միջնակարգ-մասնագիտական կրթությամբ, ամուսնացած, խնամքին մինչև տասնչորս տարեկան երկու երեխա (Սոֆի Արթուրի Չոբանյանը` ծնված 04.07.2006թ.-ին և Սամվել Արթուրի Չոբանյանը` ծնված 28.01.2008թ.-ին), նախկինում չդատված, բնութագրվում է դրական, չի աշխատում, հաշվառված է և բնակվում է ք.Երևան, Աճառյան փողոցի թիվ 18 շենքի թիվ 71 բնակարանում, կալանքի տակ չէ, մեղադրվում է ՀՀ քրեական օրենսգրքի 258-րդ հոդվածի 1-ին մասով։

Գործի դատավարական նախապատմությունը
Թիվ 90257713 քրեական գործը ՀՀ պաշտպանության նախարարության քննչական ծառայության 4-րդ կայազորային քննչական բաժնում հարուցվել է 2013թ. հունիսի 10-ին, ՀՀ քրեական օրենսգրքի 258-րդ հոդվածի 1-ին մասով, Մարինե Խոսրովյանի և Արթուր Չոբանյանի կողմից խուլիգանություն կատարելու դեպքի առթիվ։
Թիվ 90258613 քրեական գործը նույն քննչական բաժնում հարուցվել է թիվ 90257713 քրեական գործի նյութերով, 2013թ. հուլիսի 10-ին, ՀՀ քրեական օրենսգրքի 268-րդ հոդվածի 1-ին մասով, Հենրիկ Ռուշանյանի կողմից, առանց իրացնելու նպատակի զգալի չափերով թմրամիջոց ապօրինի պահելու փաստի առթիվ։
Քննիչի 2013թ. հուլիսի 27-ի որոշմամբ, Արթուր Սամվելի Չոբանյանի նկատմամբ, ՀՀ քրեական օրենսգրքի 266-րդ հոդվածի 1-ին մասով և 268-րդ հոդվածի 1-ին մասով քրեական հետապնդում չի իրականացվել` հանցակազմի բացակայության պատճառաբանությամբ։
Քննիչի նույն օրվա մեկ այլ որոշմամբ, Մարինե Գագիկի Խոսրովյանի նկատմամբ, ՀՀ քրեական օրենսգրքի 235-րդ հոդվածի 4-րդ մասով քրեական հետապնդում չի իրականացվել` հանցակազմի բացակայության պատճառաբանությամբ։
Ամբաստանյալ Մարինե Գագիկի Խոսրովյանին նախաքննության մարմնի կողմից մեղադրանք է առաջադրվել ՀՀ քրեական օրենսգրքի 258-րդ հոդվածի 1-ին մասով հետևյալ արարքի համար. «որ նա 2013թ-ի մայիսի 27-ին, ժամը 23։00-ի սահմաններում, գտնվելով ոգելից խմիչքի ազդեցության տակ, Երևան քաղաքի Տերյան փողոցի 91 հասցեում գտնվող «Աֆրոդիտե» կարաոկե ակումբի բակում, ուղղակի դիտավորությամբ կոպիտ կերպով խախտելով հասարակական կարգը` քաղաքացիների անդորրը և բացահայտ անհարգալից վերաբերմունք դրսևորելով հասարակության նկատմամբ, իր գազային «Վոլտրան» տեսակի U-6110321 համարի ատրճանակով հինգ անգարմ կրակել է օդ, որի ժամանակ մոտեցել են ՀՀ ոստիկանության ՊՊԾ գնդի ոստիկանները և Մ.Խոսրովյանին բերման ենթարկել ոստիկանության Կենտրոնականի բաժին։»։
Ամբաստանյալ Արթուր Սամվելի Չոբանյանին նախաքննության մարմնի կողմից մեղադրանք է առաջադրվել ՀՀ քրեական օրենսգրքի 258-րդ հոդվածի 1-ին մասով հետևյալ արարքի համար. «որ նա հանդիսանալով ՀՀ ՊՆ 14746 զորամասի զինծառայող, կոչումով` ենթասպա, 2013թ-ի մայիսի 27-ին, ժամը 23։00-ի սահմաններում, ոգելից խմիչքի ազդեցության տակ, Երևան քաղաքի Տերյան փողոցի 91-րդ հասցեում գտնվող «Աֆրոդիտե» կարաոկե ակումբի բակում ուղղակի դիտավորությամբ կոպիտ կերպով խախտելով հասարակական կարգը` քաղաքացիների անդորրը, և բացահայտ անհարգալից վերաբերմունք դրսևորելով հասարակության նկատմամբ` իրեն ամրակցված «ГЕ 5882» գործարանային համարի հաշվեցուցակային «Մակարով» տեսակի ատրճանակից ութ անգամ կրակել է օդ։»։
2013թ. օգոստոսի 07-ին քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան։


Արագացված դատական քննություն

Ամբաստանյալներ Մարինե Գագիկի Խոսրովյանը և Արթուր Սամվելի Չոբանյանը միջնորդեցին դատական քննությունն անցկացնել արագացված կարգով։ Նրանցից յուրաքանչյուրը հայտարարեց, որ միջնորդությունը ներկայացրել է կամավոր, մինչև միջնորդությունը ներկայացնելը խորհրդակցել է իր պաշտպանի հետ, գիտակցում է արագացված կարգով դատական քննություն անցկացնելու հետևանքները, առաջադրված մեղադրանքն իրեն պարզ է, ինքն համաձայն է մեղադրանքի հետ։
Մեղադրողը դատական քննության արագացված կարգ կիրառելու դեմ չառարկեց։
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմաններն` որոշում է կայացրել արագացված կարգով դատական քննություն անցկացնելու մասին։
Դատարանը հիմք ընդունելով մեղադրանքի հիմքում դրված ապացույցները` գտնում է, որ ամբաստանյալներ Մարինե Գագիկի Խոսրովյանը և Արթուր Սամվելի Չոբանյանը կատարել են ՀՀ քրեական օրենսգրքի 258-րդ հոդվածի 1-ին մասով նախատեսված արարք։
Ամբաստանյալներից յուրաքանչյուրի անձը բնութագրող տվյալների, պատասխանատվությունը և պատիժը մեղմացնող ու ծանրացնող հանգամանքների ուսումնասիրման արդյունքում պարզվել է հետևյալը.
ամբաստանյալ Մարինե Խոսրովյանը նախկինում դատված չի եղել, բնութագրվում է դրական, նախաքննության ընթացքում իրեն լիովին մեղավոր է ճանաչել և տվել է ինքնախոստովանական ցուցմունքներ, անկեղծորեն զղջում է կատարածի համար, խնամքին ունի մեկ անչափահաս երեխա, իրեն վերագրվող արարքը կատարել է ալկոհոլի ազդեցության տակ,
ամբաստանյալ Արթուր Չոբանյանը նախկինում դատված չի եղել, բնութագրվում է դրական, նախաքննության ընթացքում իրեն լիովին մեղավոր է ճանաչել և տվել է ինքնախոստովանական ցուցմունքներ, անկեղծորեն զղջում է կատարածի համար, խնամքին ունի մինչև տասնչորս տարեկան երկու երեխա (Սոֆի Արթուրի Չոբանյանը` ծնված 04.07.2006թ.-ին և Սամվել Արթուրի Չոբանյանը` ծնված 28.01.2008թ.-ին), իրեն վերագրվող արարքը կատարել է ալկոհոլի և թմրամիջոցի ազդեցության տակ։


Դատարանի իրավական վերլուծությունները

Առաջադրված մեղադրանքներն ամբաստանյալներից յուրաքանչյուրի` Մարինե Գագիկի Խոսրովյանի և Արթուր Սամվելի Չոբանյանի կողմից ընդունելու և դատական քննության արագացված կարգ կիրառելու պայմաններում` դատարանը գտնում է, որ ամբաստանյալ Մարինե Գագիկի Խոսրովյանի կողմից, նրա մեղավորությամբ խուլիգանություն կատարելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 258-րդ հոդվածի 1-ին մասով նախատեսված հանցագործության հատկանիշներին։
Ամբաստանյալ Արթուր Սամվելի Չոբանյանի կողմից, նրա մեղավորությամբ խուլիգանություն կատարելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 258-րդ հոդվածի 1-ին մասով նախատեսված հանցագործության հատկանիշներին։
Ուսումնասիրելով ամբաստանյալներից յուրաքանչյուրի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները` ամբաստանյալ Մարինե Գագիկի Խոսրովյանի նկատմամբ, նրա կատարած հանցագործության համար պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա նախկինում դատված չի եղել, բնութագրվում է դրական, նախաքննության ընթացքում իրեն լիովին մեղավոր է ճանաչել և տվել է ինքնախոստովանական ցուցմունքներ, անկեղծորեն զղջում է կատարածի համար, խնամքին ունի մեկ անչափահաս երեխա։
Ամբաստանյալի պատասխանատվությունը և պատիժը մեղմացնող հանգամանքներ առկա չեն, իսկ որպես նրա պատասխանատվությունը և պատիժը ծանրացնող հանգամանք` դատարանը հաշվի է առնում հանցանքն ալկոհոլի ազդեցության տակ կատարելը։
Ամբաստանյալ Մարինե Գագիկի Խոսրովյանն իր կատարած` Հայաստանի Հանրապետության քրեական օրենսգրքի 258-րդ հոդվածի 1-ին մասով նախատեսված հանցագործության համար ենթակա է պատժի տուգանքի ձևով։
Դատարանը գտնում է, որ իր նկատմամբ նշանակված պատիժն ամբաստանյալ Մարինե Խոսրովյանը պետք է կրի, քանի որ դրան խոչընդոտող հանգամանքներ առկա չեն։
Ամբաստանյալ Արթուր Սամվելի Չոբանյանի նկատմամբ, նրա կատարած հանցագործության համար պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա նախկինում դատված չի եղել, բնութագրվում է դրական, նախաքննության ընթացքում իրեն լիովին մեղավոր է ճանաչել և տվել է ինքնախոստովանական ցուցմունքներ, անկեղծորեն զղջում է կատարածի համար։
Որպես ամբաստանյալի պատասխանատվությունը և պատիժը մեղմացնող հանգամանք դատարանը հաշվի է առնում պատիժ նշանակելու պահին հանցավորի խնամքին մինչև տասնչորս տարեկան երկու երեխայի առկայությունը, իսկ որպես նրա պատասխանատվությունը և պատիժը ծանրացնող հանգամանք` հանցանքն ալկոհոլի և թմրամիջոցի ազդեցության տակ կատարելը։
ՀՀ քրեական օրենսգրքի 57-րդ հոդվածի 2-րդ մասի համաձայն` «Կալանքը չի նշանակվում դատավճիռը կայացնելու պահին տասնվեց տարին չլրացած անձանց կամ հղի կանանց կամ խնամքին մինչև ութ տարեկան երեխա ունեցող անձանց նկատմամբ։»։
Հաշվի առնելով, որ ամբաստանյալ Արթուր Սամվելի Չոբանյանի խնամքին, դատավճիռ կայացնելու պահին կա մինչև ութ տարեկան երկու երեխա (Սոֆի Արթուրի Չոբանյանը` ծնված 04.07.2006թ.-ին և Սամվել Արթուրի Չոբանյանը` ծնված 28.01.2008թ.-ին), դատարանը գտնում է, որ ՀՀ քրեական օրենսգրքի 57-րդ հոդվածի 2-րդ մասի համաձայն, կալանքը որպես պատիժ նրա նկատմամբ նշանակվել չի կարող։ Իր կատարած` Հայաստանի Հանրապետության քրեական օրենսգրքի 258-րդ հոդվածի 1-ին մասով նախատեսված հանցագործության համար ամբաստանյալ Ա. Չոբանյանը ենթակա է պատժի տուգանքի ձևով։
Դատարանը գտնում է, որ իր նկատմամբ նշանակված պատիժն ամբաստանյալ Արթուր Չոբանյանը պետք է կրի, քանի որ դրան խոչընդոտող հանգամանքներ առկա չեն։
Գործով քաղաքացիական հայց չի հարուցվել, գույքային վնասի հատուցման պահանջ չի ներկայացվել։
Քննարկելով իրեղեն ապացույցների հարցը` դատարանը գտնում է, որ դատավճռի օրինական ուժի մեջ մտնելուց հետո, 23.07.2013թ. որոշմամբ իրեղեն ապացույցներ ճանաչված, ամբաստանյալ Մ. Խոսրովյանին պատկանող, «Սպորտ Վոլտրան 99» /«SPORT VOLTRAN 99»/ մոդելի, «U6110321» համարի ձայնագազային ատրճանակը պետք է բռնագրավել հօգուտ Հայաստանի Հանրապետության` այն հանձնելով Հայաստանի Հանրապետության արդարադատության նախարարության դատական ակտերի հարկադիր կատարումն ապահովող ծառայությանը` «Հրապարակային սակարկությունների մասին» Հայաստանի Հանրապետության օրենքով սահմանված կարգով իրացնելու համար, իսկ ամբաստանյալ Ա. Չոբանյանին ամրակցված, «Մակարով» տեսակի, «ԳԵ 5882» համարի ատրճանակն իր երկու պահեստատուփով պետք է բռնագրավել և հանձնել ՀՀ պաշտպանության նախարարության տնօրինմանը։ Դեպքի վայրից հայտնաբերված, 9մմ տրամաչափի ձայնային փափուշտների հինգ և 9մմ տրամաչափի փամփուշտների /9x18/ յոթ պարկուճները ենթակա են ոչնչացման։
Քննարկելով խափանման միջոցի հարցը` դատարանը գտնում է, որ ամբաստանյալներից յուրաքանչյուրի` Մարինե Խոսրովյանի և Արթուր Չոբանյանի նկատմամբ ընտրված խափանման միջոց չհեռանալու մասին ստորագրությունն ընտրված է ճիշտ և վերացվելու կամ փոփոխվելու ենթակա չէ` մինչև դատավճռի օրինական ուժի մեջ մտնելը։
Քննարկելով դատական ծախսերի հարցը` դատարանը գտնում է հետևյալը.
ՀՀ քրեական դատավարության օրենսգրքի 168-րդ հոդվածի համաձայն`
1. Դատական ծախսերը բաղկացած են`
1) տուժողին հանցագործության հետևանքով պատճառված վնասի փոխհատուցման գումարներից.
2) տուժողին, մասնագետին, փորձագետին, վկային ներկայանալու և օրապահիկի ծախսերի հատուցման գումարներից.
3) մասնագետի, փորձագետի, թարգմանչի վարձատրության գումարներից.
4) նշանակված պաշտպանին վճարվելիք գումարներից.
5) իրեղեն ապացույցների պահպանման, առաքման և հետազոտման համար ծախսված գումարներից.
6) հետախուզման համար քրեական հետապնդման մարմնի կողմից ծախսված գումարներից.
7) փորձաքննություն, քննչական փորձարարություն կատարելիս փչացած կամ ոչնչացած իրերի արժեքի և տվյալ քրեական գործով վարույթի ընթացքում կրած նման այլ ծախսերի հատուցման համար ծախսված գումարներից.
8) քրեական գործով վարույթի իրականացման համար անհրաժեշտ միջոցառումների համար ծախսված գումարներից։
2. Դատական ծախսերը վճարվում են պետական բյուջեից, եթե սույն օրենսգրքով այլ կարգ սահմանված չէ։»։
Նույն օրենսգրքի 3753 հոդվածի համաձայն`
«1. Արագացված կարգով դատական քննությունն անցկացվում է սույն օրենսգրքի 41, 42, 44 և 45 գլուխներով նախատեսված կարգով` հաշվի առնելով սույն հոդվածի պահանջները։
(...)
8. Սույն օրենսգրքի 168 հոդվածի առաջին մասի 2-8-րդ կետերով նախատեսված դատական ծախսերն ամբաստանյալից ենթակա չեն բռնագանձման։»։
Քրեական գործի նախաքննության ընթացքում, «Փորձաքննությունների ազգային բյուրո» պետական ոչ առևտրային կազմակերպությունում կատարվել են տոքսիկոքիմիական, դատակեսնաբանական և դատահետքաբանական համալիր փորձաքննություններ, որոնց ընդհանուր արժեքը կազմել է 251.900 /երկու հարյուր հիսունմեկ հազար ինը հարյուր/ ՀՀ դրամ գումար, սակայն հաշվի առնելով, որ արագացված կարգով դատական քննություն անցկացնելու դեպքում, ՀՀ քրեական դատավարության օրենսգրքի 168-րդ հոդվածի 2-8-րդ կետերով նախատեսված դատական ծախսերը, այդ թվում 7-րդ կետով նախատեսված` փորձաքննության համար ծախսված գումարներն ամբաստանյալից ենթակա չեն բռնագանձման` դատարանը գտնում է, որ ամբաստանյալներ Մարինե Խոսրովյանից և Արթուր Չոբանյանից հօգուտ ՀՀ պետական բյուջեի վերոհիշյալ փորձաքննությունների արժեք հանդիսացող 251.900 /երկու հարյուր հիսունմեկ հազար ինը հարյուր/ ՀՀ դրամ ընդհանուր գումարը որպես դատական ծախս բռնագանձվել չի կարող։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 119-րդ, 357-360-րդ, 364-365-րդ, 369-373-րդ, 3751-3754-րդ հոդվածներով, դատարանը`


Վ Ճ Ռ Ե Ց

1. Ամբաստանյալ Մարինե Գագիկի Խոսրովյանին մեղավոր ճանաչել Հայաստանի Հանրապետության քրեական օրենսգրքի 258-րդ հոդվածի 1-ին մասով նախատեսված հանցանքում և դատապարտել տուգանքի նվազագույն աշխատավարձի հիսնապատիկի` 50.000 /հիսուն հազար/ ՀՀ դրամ գումարի չափով։
Խափանման միջոց չհեռանալու մասին ստորագրությունը թողնել անփոփոխ` մինչև դատավճռի օրինական ուժի մեջ մտնելը։
2. Ամբաստանյալ Արթուր Սամվելի Չոբանյանին մեղավոր ճանաչել Հայաստանի Հանրապետության քրեական օրենսգրքի 258-րդ հոդվածի 1-ին մասով նախատեսված հանցանքում և դատապարտել տուգանքի նվազագույն աշխատավարձի հիսնապատիկի` 50.000 /հիսուն հազար/ ՀՀ դրամ գումարի չափով։
Խափանման միջոց չհեռանալու մասին ստորագրությունը թողնել անփոփոխ` մինչև դատավճռի օրինական ուժի մեջ մտնելը։
Դատավճռի օրինական ուժի մեջ մտնելուց հետո, 23.07.2013թ. որոշմամբ իրեղեն ապացույցներ ճանաչված, ամբաստանյալ Մ. Խոսրովյանին պատկանող, «Սպորտ Վոլտրան 99» /«SPORT VOLTRAN 99»/ մոդելի, «U6110321» համարի ձայնագազային ատրճանակը բռնագրավել հօգուտ Հայաստանի Հանրապետության, ամբաստանյալ Ա. Չոբանյանին ամրակցված, «Մակարով» տեսակի, «ԳԵ 5882» համարի ատրճանակն իր երկու պահեստատուփով բռնագրավել և հանձնել ՀՀ պաշտպանության նախարարության տնօրինմանը, իսկ դեպքի վայրից հայտնաբերված, 9մմ տրամաչափի ձայնային փափուշտների հինգ և 9մմ տրամաչափի փամփուշտների /9x18/ յոթ պարկուճները` ոչնչացնել։
Դատավճիռը հրապարակվելու օրվանից հետո մեկամսյա ժամկետում կարող է բողոքարկվել ՀՀ վերաքննիչ քրեական դատարան։
Դատավճիռը ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով չի կարող բողոքարկվել։

ԴԱՏԱՎՈՐ` Մ. ՄԱՐՏԻՐՈՍՅԱՆ