Գործ թիվ ԵԿԴ/0138/01/13





Ո Ր Ո Շ ՈՒ Մ
քրեական գործի վարույթը կարճելու և քրեական
հետապնդումը դադարեցնելու մասին

« 18 » սեպտեմբերի 2013թ. ք. Երևան

Երևանի Կենտրոն և Նորք-Մարաշ վարչական շրջանների ընդհանուր իրավա¬սության դատարանը (այսուհետ` Դատարան),

նախագահությամբ դատավոր` Արշակ Վարդանյանի,
քարտուղարությամբ` Ժենյա Ավետիսյանի,

մասնակցությամբ`

մեղադրող, Երևանի Կենտրոն
և Նորք-Մարաշ վարչական շրջանների
դատախազության դատախազ` Մամիկոն Գեղամյանի,
տուժողր` Օսաննա Հակոբյանի,

նույն դատարանում` խորհրդակցական սենյակում, քննության առնելով քրեական գործն ըստ մեղադրանքի`
Կ ա ր ե ն Ֆ ե լ ի ք ս ի Ն ա վ ա ս ա ր դ յ ա ն ի `
( ծնված 1963թ. սեպտեմբերի 14-ին, Երևան քաղաքում, ազ¬գութ¬յամբ հայ, ՀՀ քաղաքացի, միջնակարգ կրթութ¬յամբ, ամուրի, նախ¬կինում 5 անգամ դատա¬պարտված, վերջին անգամ` Երևանի Կենտրոնի ժողդատարանի 2004թ. հոկ¬տեմ¬բերի 4-ի դատավճռով ՀՀ քրեական օրենսգրքի 178-րդ հոդվածի 3-րդ մասի 1-ին և 4-րդ կետերով, դատվա¬ծությունը չմար¬ված, հաշվառված և բնակ¬վել է Երևանի Աթոյան անցուղի 5-րդ շենքի 13-րդ բնակարանում ),

Պ Ա Ր Զ Ե Ց`

Մասնավոր մեղադրանքի վերաբերյալ թիվ 15101513 քրեական գործն հարուցվել է 2013թ. ապրիլի 30-ին ՀՀ քրեական օրենսգրքի 177-րդ հոդվածի 1-ին մասի հատկանիշներով ՀՀ ոստիկանության Կենտրոնականի քննչական բաժնում` գործով տուժող ճանաչված Օ.Հակոբյանի հաղորդման հիման վրա նախա¬պատ¬րաստված նյութերի քննարկման արդյունքներով։
2013թ. հունիսի 21-ին Կարեն Նավասարդյանի նկատմամբ որպես խափանման միջոց է ընտրվել չհեռանալու վերաբերյալ ստորագրություն։
2013թ. հունիսի 27-ին Կարեն Նավասարդյանին մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով։
2013թ. հուլիսի 29-ին սույն քրեական գործը Կարեն Ֆելիքսի Նավասարդյանի նկատմամբ ՀՀ քրեական օրենսգրքի 177-րդ հոդվածի 1-ին մասով հաստատված մեղադրական եզրակա¬ցութ¬յամբ ուղարկվել է Երևանի Կենտրոն և Նորք-Մարաշ վարչական շրջանների ընդհանուր իրավա¬սութ¬յան դատա¬րան, 2013թ. հուլիսի 31 -ին ընդունվել Դատարանի վարույթ։
Համաձայն Կարեն Նավասարդյանին որպես մեղադրյալ ներգրավելու որոշման, ինչպես նաև մեղադրական եզրակացության` վերջինիս մեղադրանք է առա¬ջադրվել նրանում, որ նա 2013թ. ապրիլի 26-ին`ժամը 11.00-ի սահմաններում, թիվ 75 երթուղային տաքսու սրահում գաղտնի հափշտակել է տուժող Օսաննա Հակոբյանի զգալի չափերով գույքը` 4.000 ՀՀ դրամ արժողությամբ դրամապանակը, դրա մեջ առկա 20.000 ՀՀ դրամ գումար և բանկային քարտ, որում եղել է ևս 202.000 ՀՀ դրամ գումար, որի համար նախաքննական մարմինը Կ.Նավասարդյանին մեղադրանք է առաջադրել ՀՀ քրեական օրենսգրքի 177-րդ հոդվածի 1-ին մասով։
2013թ. սեպտեմբերի 18-ին կայացած դատական նիստի ընթացքում տուժող Օ.Հակոբյանը, ծանոթացվելով իր իրավունքներին և պարտականութ¬յուն¬նե¬րին, հայտնեց, որ ամբաստանյալ Կ.Նա¬վա¬սարդյանն արտադատարանական կարգով ամբողջությամբ փոխհատուցել է հան¬ցագոր¬ծությամբ իրեն պատճառած գույքային վնասը, ուստի հաշտվել է վերջինիս հետ, գիտակցում է հաշտության իրավական հետևանքները` այն, որ քրեական գործի վարույթն այդ պարագայում ենթակա է կարճման, իսկ Կ.Նավասարդյանի նկատմամբ հարուցված քրեական հետապնդումը` դադա¬րեցման։ Դատարանին ներկայացրեց նաև համապատասխան դիմում։
Ամբաստանյալ Կ.Նավասարդյանն իր նկատմամբ հարուցված հետապնդումը վերոնշյալ ոչ ար¬դարացնող հիմքով դադարեցնելու դեմ չառարկեց։
Դատարանը, հաշվի առնելով դատական նիստի ընթացքում հարցաքննված տուժող Օ.Հակոբյանի վերոնշյալ դիր¬քո¬րոշումը, գտնում է, որ ի հայտ է եկել քրեական գործի վարույթը բացառող հանգամանք(հիմք), որի պայմաններում քրեական գործի վարույթն ենթակա է կարճման, իսկ ամբաստանյալ Կ.Նավասարդյանի նկատմամբ հարուցված քրեա¬կան հետապնդումը` դադա¬րեցման, որպիսի հետևության հանգեց հետևյալ իրա¬վական վերլու¬ծութ¬յունների արդյունքներով.
ՀՀ քրեական դտավարական օրենսգրքի 33-րդ հոդվածի համաձայն` մասնավոր մե¬ղադրան¬¬քի գործեր են համարվում նույն օրենսգրքի 183-րդ հոդվածում նախատեսված հան¬ցագոր¬ծություն¬ների վերաբերյալ գործերը։
Ի թիվս ՀՀ քրեական դատավարական օրենսգրքի 183-րդ հոդվածում թվարկվածների` ՀՀ քրեական օրենսգրքի …..(…) 177-րդ հոդվածի 1-ին մասով նախատեսված հանցագործությունների վերաբերյալ գործերը ևս հարուցվում են ոչ այլ կերպ, քան տուժողի բողոքի հիման վրա, և կաս¬կած¬յալի կամ մեղադրյալի կամ ամբաստանյալի հետ նրա հաշտվելու դեպքում ենթակա են կարճման։ Հաշտությունը թույլատրվում է մինչև դատավճիռ կայացնելու համար դատարանի խորհրդակ¬ցա¬կան սենյակ հեռանալը։
ՀՀ քրեական դատավարական օրենսգրքի 35-րդ հոդվածի 1-ին մասի 5-րդ կետի համա¬ձայն` քրեական հետապնդում չի կարող իրականացվել, իսկ հարուցված քրեական գործի վա¬րույ¬թը ենթակա է կարճման, եթե ՀՀ քրեական դատավարական օրենսգրքով հատկապես նախա¬տես¬ված դեպքերում տուժողը հաշտվել է կասկածյալի կամ մեղադրյալի հետ։ Նույն հոդվածի 5-րդ մասի համաձայն` Դատա¬րա¬նը, հայտնաբերելով քրեական հետապնդումը բացա¬ռող հանգա¬մանքներ, լուծում է ամբաստանյալի նկատմամբ քրեական հետապնդումը դադարեց¬նելու հարցը։
ՀՀ քրեական դատավարական օրենսգրքի 36-րդ հոդվածի համաձայն` մասնավոր հե¬տապնդման գործերի վարույթը կարճվում է և փաստվում է քրեական հետապնդում իրակա¬նաց¬նե¬լու հրաժարում, երբ տուժողն հաշտվում է մեղադրյալի հետ։
ՀՀ քրեական դատավարական օրենսգրքի 64-րդ հոդվածի 2-րդ մասի համաձայն` մե¬ղադրյալը, ում վերաբերյալ գործը նշանակված է դատական քննության, կոչում է ամբաստանյալ, հետևաբար` ՀՀ քրեական դատավարական օրենսգրքի 35-րդ և 36-րդ հոդվածների վերոնշյալ մեկ¬նաբանությունները վերաբերելի են նաև սույն գործով ամբաստանյալի կարգավիճակ ունեցող Կարեն Նավասարդյանի նկատմամբ։
ՀՀ քրեական դատավարական օրենսգրքի 294-րդ հոդվածի 2-րդ մասի համաձայն` գործով վարույթը կարճելու և/կամ քրեական հետապնդումը դադարեցնելու մասին որոշումն ընդգրկում է նախնական քննության փուլում ընտրված խափանման և վնասի հատուցման ապահովման միջոց¬ները, քրեադատավարական հարկադրանքի այլ միջոցները վերացնելու մասին որոշում, ինչպես նաև որոշում` իրեղեն ապացույցների ճակատագրի վերաբերյալ։
ՀՀ քրեական դատավարական օրենսգրքի 151-րդ հոդվածի 2-րդ մասի համաձայն` խա¬փան¬ման միջոցը վերացվում է, երբ վերանում է դրա անհրաժեշտությունը, հետևաբար` վե¬րոնշյալ տրա¬մաբանությամբ ամբաստանյալ Կ.Նավասարդյանի նկատմամբ ընտրված խափան¬ման միջոց կալանքը ենթակա է անհապաղ վերացման։
Դատարանը փաստում է, որ սույն քրեական գործով իրեղեն ապացույցներ չկան, ամբաս¬տան¬յալի շար¬ժա¬կան կամ անշարժ գույքի նկատմամբ արգելանք չի կիրառվել։ Դատարանը հան¬ցա¬գործությամբ տուժող Օ.Հակոբյանին պատճառված վնասի հատուցման հարցն ևս համա¬րում է լուծված։
Վերոգրյալի հիման վրա, ղեկավարվելով ՀՀ քրեական դատավարական օրենսգրքի 35-րդ հոդվածի 1-ին մասի 5-րդ կետով, 41-րդ հոդվածի 2-րդ մասի 8-րդ կետով, 119-րդ, 183-րդ, 294-րդ և 313-րդ հոդվածներով, ինչպես նաև 379-րդ հոդվածի 1-ին մասի 1-ին կետով, Դատարանը

Ո Ր Ո Շ Ե Ց `

1. Ամբաստանյալ Կարեն Ֆելիքսի Նավասարդյանի նկատմամբ ՀՀ քրեական օրենսգրքի 177-րդ հոդվածի 1-ին մասով հարուցված քրեա¬կան հետապնդումը դադարեցնել, թիվ ԵԿԴ/0138/01/13 քրեական գործի վարույթը կարճել` վերջինիս հետ տուժող Օսաննա Արտավազդի Հակոբյանի հաշ¬¬տության հիմ¬քով։
2. Ամբաստանյալ Կարեն Ֆելիքսի Նավասարդյանի նկատմամբ որպես խափանման միջոց ընտրված չհեռանալու վերաբերյալ ստորագրությունն անհապաղ վերացնել։
3. Տուժող Օ.Հակոբյանին պատճառված վնասի հատուցման հարցն համարել լուծված` Դատա¬րանում այն ամբողջությամբ փոխհատուցվելու պատճառաբանությամբ։
4. Սույն որոշման օրինակներն հանձնել կողմերին` պարզաբանելով, որ այն կարող է բողո¬քարկվել ՀՀ քրեական վերաքննիչ դատարան` հրապարակման օրվանից մեկամսյա ժամ¬կետում։


ԴԱՏԱՎՈՐ` Ա.ՎԱՐԴԱՆՅԱՆ