Գործ թիվ ԵԿԴ/0135/01/13




ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևանի Կենտրոն և Նորք-Մարաշ վարչական շրջանների ընդհանուր իրավա¬սության դա¬տարանը (այսուհետ` Դատարան),

նախագահությամբ դատավոր` Արշակ Վարդանյանի,
քարտուղարությամբ` Հասմիկ Ջանազյանի,

մասնակցությամբ`

մեղադրող, Երևանի Կենտրոն
և Նորք-Մարաշ վարչական
շրջանների դատախազության
ավագ դատախազ` Հայկ Էյրամջյանի,

պաշտպան` Վաղարշակ Գևորգյանի,


2013թ. օգոստոսի 12-ին դռնբաց դատական նիստում արա¬գաց¬ված դա¬տա¬կան քննության կարգով քննեց քրեական գործն ըստ մե¬ղադ¬րանքի`


Ս ա ր գ ի ս Հ ա ր ո ւ թ յ ո ւ ն ի Ս ա ր ա ֆ յ ա ն ի`
(ծնված 1990թ. մարտի 27-ին, Երևան քաղաքում, ազ¬գութ¬¬¬յամբ հայ, ՀՀ քաղա¬քա¬ցի, միջնակարգ մասնագիտական կրթու¬թ¬յամբ, ամուրի, նախ¬կինում չդատապարտ¬ված, աշ¬խա¬¬¬տում է «Մեցցո» ջազ-ակումբում` որպես խոհարար, հաշ¬վառ¬¬ված և բնակվում է Երևա¬նի Զավարյան 64-րդ շենքի 28-րդ բնակարանում)


1. Գործի դատավարական նախապատմությունը.
Թիվ 13140813 քրեական գործն հարուցվել է ՀՀ քրեական օրենսգրքի 268-րդ հոդվածի 1-ին մասի հատկանիշներով 2013թ. ապրիլի 9-ին ՀՀ ոստիկա¬նության ՔԳՎ Երևանի Կենտրոնականի քննչա¬կան բաժնում` Սարգիս Սարաֆյանի կողմից առանց իրացնելու նպատակի ապօրինաբար զգալի չափի թմրա¬միջոց ձեռք բերելու և պա¬հելու դեպքի առթիվ։
2013թ. ապրիլի 13-ին Սարգիս Սարաֆյանի նկատմամբ որպես խափանման միջոց է ընտրվել չհեռանալու մասին ստորագրություն։
2013թ. ապրիլի 22-ին Սարգիս Սարաֆյանին մեղադրանք է առաջադրվել ՀՀ քրեական օրենսգրքի 268-րդ հոդվածի 1-ին մասով։
2013թ. հուլիսի 22-ին քրեական գործն Սարգիս Սարաֆյանի նկատմամբ ՀՀ քրեա¬կան օրենսգրքի 268-րդ հոդվածի 1-ին մասով հաստատված մեղադրական եզրա¬կացությամբ ուղարկվել է Երևանի Կենտ¬¬րոն և Նորք-Մարաշ վարչական շրջանների ընդ¬հանուր իրավա¬սության դա¬տարան և 2013թ. հու¬լիսի 24-ին ընդուն¬¬վել է վարույթ։

2. Առաջադրված մեղադրանքի բովանդակությունը.
Նախաքննական մարմինն ամբաստանյալ Սարգիս Սարաֆյանին մեղադրանք է առա¬ջադրել այն բանի համար, որ նա առանց իրացնելու նպա¬տա¬կի, գործածման համար ապօ¬րինաբար ձեռք է բերել և պահել զգալի չափի` 0.965 գրամ քաշով «չորացված մարիխուանա» տեսակի թմրա¬միջոց։
Վերոնշյալ հանցավոր արարքի կատարման համար ամբաստանյալ Սարգիս Սարաֆյանին մեղադրանք է առաջադրվել ՀՀ քրեական օրենսգրքի 268-րդ հոդվածի 1-ին մասով։

3. Արագացված դատական քննություն.
Մինչ դատաքննություն սկսելն ամբաստանյալ Սարգիս Սարաֆյանը միջնորդեց գործը քննել դա¬տա¬կան քննության արագացված կարգով` հայտարարելով, որ վերը նշված միջ¬նոր¬¬դութ¬յունը ներկա¬յաց¬նում է կամավոր` նախա¬պես խորհրդակցելով իր պաշտպանի հետ, գիտակ¬ցում է արա¬գացված կարգով դատաքննութ¬յուն անցկացնելու իրավական հետևանք¬ները։ Ամբաս¬տան¬յալն հայտարարեց նաև, որ առաջադրված մե¬ղադրանքն իրեն պարզ և հասկանալի է, հա¬մա¬ձայն է դրա հետ, ավելին` առա¬ջադրված մեղադրանքում իրեն լիովին մեղավոր է ճանա¬չում։
Քննության առնելով ամբաստանյալ Սարգիս Սարաֆյանի վերոնշյալ միջնոր¬դութ¬յունը, հաշվի առ¬նելով այն, որ մեղադրողը մեղադրական եզրակացությունն հաստատելիս չի առարկել գործն արա¬գաց¬ված դա¬տաքննութ¬յան կարգով քննելու դեմ, նկատի ունենալով, որ ամ¬բաս¬տանյալը չա¬փահաս է, մեղ¬սունակ է, փաստելով, որ առկա են ՀՀ քրեական դատա¬վա¬րության օրենսգրքի 375.1 և 375.2 հոդ¬ված¬ներով նախա¬տեսված` գործն արագացված դա¬տաքննութ¬յան կարգով քննելու հիմ¬քն ու բոլոր պայման¬ները` Դա¬տա¬¬րա¬նը, համապա¬տաս¬¬խան որոշ¬ման կայացմամբ, գործը քննեց արա¬գաց¬ված դա¬տաքննութ¬յան կար¬գով։

4. Դատարանի իրավական վերլուծությունները.
ՀՀ քրեական օրենսգրքի 268-րդ հոդվածի 1-ին մասով ամբաստանյալ Սարգիս Սարաֆյանին առա¬¬ջադրված մեղադրանքը, բացի վերջինիս նախաքննական ցուց¬¬մունքից, Դատա¬րանն հաս¬տատված հա¬մա¬րեց գործով որպես վկա հարցաքննված Տիգրան Չարֆակալյանի նախաքննական ցուցմունքով, դատաքիմիական փոր¬ձաքննության 2013թ. ապրիլի 3-ի թիվ 13-0959 եզրակացությամբ, տոքսիկո¬քի¬միա¬կան փորձաքննության 2013թ. ապրիլի 15-ի թիվ 13-0964 եզրակացությամբ, դատանարկոլոգիական փոր¬ձաքննության 2013թ. հունիսի 11-ի թիվ 82-13 եզրակացությամբ, իրեղեն ապացույց ճանաչված 0.965 գրամ «չորացված մարիխուանա» տեսակի թմրամիջոցի, որպես ապացույց ճանաչված փաստաթղթերի` ՀՀ ոստիկանության Մարաշի բաժանմունքի քրեական հետախուզության խմբի օպերլիազոր Ն.Աբելյանի` 2013թ. մարտի 29-ի զեկուցագրի, Սարգիս Սարաֆյանին ոստիկանության բաժին բերման ենթարկելու և անձնական խուզարկության ենթարկելու վերաբերյալ 2013թ. մարտի 29-ին կազմված արձա¬նագրութ¬յունների առկայութ¬յամբ։
Նախաքննությամբ ձեռք բերված վերոնշյալ ապացույցները գնահատելիս` Դատարա¬նը եկավ այն հետևության, որ ամբաստանյալ Սարգիս Սարաֆյանին առաջադրված մեղադ¬րանքի հիմ¬քում դրված այդ ապա¬ցույցներն ըստ էության հա¬մա¬պա¬տաս¬խանում են ՀՀ քրեա¬կան դատա¬վա¬րութ¬յան օրենսգրքով սահ¬ման¬ված թույլատրելիության և վերա¬բերե¬լիության, իսկ համակ¬ցութ¬¬¬յամբ գործի ճիշտ լուծման տես¬անկյու¬¬նով` բավարա¬րութ¬յան չափա¬նիշներին։
Դատա¬րա¬նը հաստատված է համարում այն, որ ամբաստանյալ Սարգիս Սարաֆյանը նրան մեղ¬սագրվող հանցավոր արարքը` առանց իրացնելու նպատակի զգալի չափի թմրամիջոց ապօրինի ձեռք բերելը և պահելը, ՀՀ քրեա¬կան օրենսգրքի 268-րդ հոդ¬վածի 1-ին մասով որակված է ճիշտ, ամբաս¬տան¬յալը քրեա¬կան պատաս¬խա¬նատ¬վության ու պատժի ենթա¬կա է վերոնշյալ հոդվածի համապատասխան մասով։

3. Դատարանի իրավական վերլուծությունները.
Մեղադրանքի հիմքում դրված վերոնշյալ ապացույցների գնահատման արդյունքներով Դա¬տա¬րանն հաս¬տատ¬ված համարեց այն, որ ամբաստանյալ Սարգիս Սարաֆյանն առանց իրաց¬նելու նպա¬տակի, իր գործածման համար ապօրինաբար ձեռք է բերել և պահել զգալի չափի թմրամիջոց, այսինքն` մեղավորությամբ կա¬¬տա¬րել է հան¬ցավոր արարք« որն համա¬պա¬տաս¬¬խանում է ՀՀ քրեա¬կան օրենսգրքի 268-րդ հոդ¬վածի 1-ին մասով նախա¬տես¬ված հան¬ցա¬¬գործության հատ¬կանիշ¬ներին, հետևաբար` վեր¬ջինս քրեա¬կան պա¬տաս¬¬խա¬նատ¬¬¬վության և պատժի ենթա¬կա է այդ հոդվածի համա¬պատաս¬խան մասով։
Ամբաստանյալ Սարգիս Սարաֆյանի նկատմամբ նշանակվող պատժի տեսակը և չափը որո¬շելիս Դատարանն հաշվի է առնում հետևյալը.
ՀՀ քրեական օրենսգրքի 48-րդ հոդվածի 2-րդ մասի համաձայն՝ պատժի նպատակն է վերա¬կանգ¬նել սոցիալական արդարությունը, ուղղել պատժի ենթարկված անձին, ինչպես նաև կանխել հանցա¬գոր¬ծությունները։
ՀՀ քրեական օրենսգրքի 10-րդ հոդվածի համաձայն` հանցանք կատարած անձի նկատ¬մամբ կի¬րառ¬վող պատիժը և քրեաիրավական ներգոր¬ծության այլ միջոց¬ները պետք է լինեն արդարացի, համա¬պա¬տասխանեն հանցանքի ծան¬րութ¬յանը, այն կատարելու հանգա¬մանք¬ներին, հանցավորի անձնա¬վո¬րութ¬յանը, անհրա¬ժեշտ և բավարար լինեն նրան ուղղելու և նոր հանցա¬գործությունները կան¬խելու հա¬մար։
ՀՀ քրեական օրենսգրքի 61-րդ հոդվածի 1-ին մասն սահմանում է, որ հանցագործության համար մեղավոր ճանաչված անձի նկատմամբ նշանակվում է արդարացի պատիժ, իսկ նույն հոդվածի 2-րդ մասի համաձայն՝ պատժի տեսակը և չափը որոշվում են հանցագործության՝ հան¬րության համար վտան¬գավորության աստիճանով և բնույթով, հանցավորի անձը բնու¬թագրող տվյալ¬ներով, այդ թվում՝ պատասխանատվությունը և պատիժը մեղմացնող կամ ծան¬րացնող հանգամանքներով։ Նույն հոդ¬վածի 3-րդ մասի համաձայն` հանցագործության համար նա¬խա¬տեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները։
Օրենքի և դատարանի առջև հավասարության սկզբունքն ամրագրած ՀՀ քրեական դա¬տա¬վա¬րական օրենսգրքի 8-րդ հոդվածի համաձայն՝ որոշակի փաստական հանգամանքներ ունեցող գործով ՀՀ Վճռաբեկ դատարանի կամ Մարդու իրավունքների եվրոպական դատա¬րա¬նի դատական ակտի հիմնավորումները, այդ թվում՝ օրենքի մեկնաբանությունները, պար¬տադիր են դատարանի համար նույ¬նանման փաստական հանգամանքներով այլ գործի քննության ժամանակ։
ՀՀ Վճռաբեկ դատարանը, Ա.Պապիկյանի վերաբերյալ 2007թ. հոկտեմբերի 26-ի ՎԲ-149/07 գոր¬ծով մեկնաբանելով ՀՀ քրեական օրենսգրքի 62-րդ հոդվածի 2-րդ մասով նախա¬տես¬ված իրա¬վանորմը, նշել է, որ այն Դատարանին օժտել է անձի պատասխա¬նատվությունը մեղմացնող հան¬գամանքների կիրառման լայն հայեցողությամբ, քանի որ պա¬տիժ նշանակելիս Դատարանը կարող է հաշվի առնել նաև մեղմացնող այնպիսի հանգա¬մանք¬ներ, որոնք նույն հոդվածի առաջին մասում նշված չեն։
Որպես ամբաստանյալ Սարգիս Սարաֆյանի անձը դրականորեն բնու¬թագրող տվյալներ է գնա¬հատում` նախ¬կինում դատա¬պարտված չլինելը (ՀՀ ոստիկանության ինֆորմացիոն կենտրոն 2013թ. ապրիլի 13-ի դրությամբ կատարված ստուգ¬ման արդյունքներով), երիտասարդ լինելը, (ըստ 2010թ. հունիսի 18-ին տրված թիվ 011-ի թիվ AK սերիայի 0533371 անձնագրի), ՀՀ Զինված ուժերում ծառայելը (համաձայն` 2008թ. մայիսի 5-ին տրված թիվ «CУ» սերիայի 111208 զենվորական գրքույկի), միջնակարգ մասնագիտական կրթություն ունենալը (ըստ Երևանի Ա.Բակունցի անվան պետական մանկավարժական քոլեջի կողմից 2011թ. հուլիսի 15-ին տրված թիվ AK սերիայի 089322 դիպլոմի և «Ֆրանս-հայկական մասնագիտական ուսումնական կենտ¬րոն» հիմնադրամի կողմից 2012թ. հուլիսի 19-ին տրված թիվ 016218 դիպլոմի) խոհարա¬րա¬կան մի շարք միջազգային փառատոնների մասնակցելն ու հաղ¬թող ճանաչվելը (ըստ «Ֆրանս-հայ¬կական մասնագիտական ուսում¬նա¬կան կենտ¬րոն» հիմնադրամի տնօրեն Գ.Կարապետյանի կողմից 2011թ. հոկտեմբերի 20-ին տրված շնորհա¬կա¬լագրի և 2013թ. ապրիլի 11-ին տրված թիվ Տ-23/13 տեղե¬կանքի)։
Դատարանը որպես ամբաստանյալ Սարգիս Սարաֆյանի պատասխանատվությունը և պա¬տի¬ժը մեղմացնող հանգա¬մանք է գնահատում իրեն լիովին մեղավոր ճանաչելն ու կատարածի համար զղջալը։
Պատասխանատվությունը և պատիժը մեղմացնող վերոնշյալ հանգամանքներն հաս¬տատված են գործով ձեռք բերված և դատաքննությամբ հետա¬զոտված, թույլատրելիութ¬յան ու վերաբերելիության չափանիշներին համապատասխանող ապացույց¬ներով և ող¬ջամտո¬րեն նվազեցնում են ամբաստանյալ Սարգիս Սարաֆյանի հանրային վտան¬գավո¬րությունը։
Դատաքննությամբ ուսումնասիրված ապացույցի` տոքսիկոքիմիական փորձաքննության 2013թ. ապրիլի 15-ի թիվ 13-0964 եզրակացության համաձայն` Սարգիս Սարաֆյանից վերցված մեզի փոր¬ձանմուշում հայտնաբերվել են կանաբինոիդների խմբին պատկանող թմրամիջոցի ալկալոիդներ։ Դա¬տա¬րանը, ղեկավարվելով ՀՀ քրեական դա¬տա¬¬վա¬րական օրենսգրքի 63-րդ հոդ¬վածի 2-րդ մասի պա¬հան¬ջով և ելնելով ամբաստանյալ Ս.Սարաֆյանին մեղ¬սագրվող հանցա¬գոր¬ծութ¬յան բնույթից, հաշվի առնե¬լով, որ Դատարանի համոզմամբ թմրամիջոցի գոր¬ծածումը չի նպաստել ամբաս¬տանյալին մեղսագրվող հան¬ցանքի կատար¬մանը, թմրամի¬ջոցի ազդեցության տակ մեղսագրվող հան¬ցանք կա¬¬տա¬րելը որպես ամբաստանյալ Ս.Սարաֆյանի պատաս¬խա¬նատ¬վությունը և պա¬տիժը ծանրացնող հանգա¬մանք չի գնա¬հատում։
Այսպիսով, ամբաստանյալ Սարգիս Սարաֆյանի պատասխանատվությունը և պա¬տիժը ծան¬րաց¬նող հանգամանքներ Դատարանը չարձանագրեց։
Պատժի նպատակներն ապահովելու տեսանկյու¬նով անդրադառնալով ամբաս¬տանյալ¬ Սարգիս Սարաֆյանի նկատմամբ նշանակվող պատժի տե¬սակին և այն կրելու անհրաժեշտութ¬յան հարցին` Դա¬տա¬րանը փաստում է, որ ՀՀ քրեական օրենսգրքի 268-րդ հոդվածի 1-ին մասով սահմանված հան¬ցա¬¬¬կազմի պատժամասն այլընտրանքային է, նախա¬տեսում է պատժատեսակներ, որոնք ուղեկց¬վում են հասա¬րակութ¬յունից անձի մեկու¬¬սաց¬մամբ, հետևա¬բար` քննարկման ենթակա է ամբաստանյալ Ս.Սարաֆյանի նկատմամբ նշանակ¬վող պատժա¬տեսակի ընտ¬րության, պատժաչափի և պատիժը ռեալ կրելու կամ չկրելու հարցերը, ինչը տվյալ դեպքում նպա¬տա¬կահարմար է կատարել միաժամանակ։
ՀՀ քրեական օրենսգրքի 70-րդ հոդվածի 1-ին մասի համաձայն` եթե դատարանը կա¬լանքի, ազատազրկման կամ կարգապահական գումարտակում պահելու ձևով պատիժ նշա¬նակելիս հանգում է

հետևության, որ դատապարտյալի ուղղվելն հնարավոր է առանց պա¬տիժը կրելու, ապա կարող է որոշում կայացնել այդ պատիժը պայմանականորեն չկիրառելու մասին։ Նույն հոդվածի 2-րդ մասի համաձայն` պատիժը պայմանականորեն չկիրառելիս դատա¬րանը հաշվի է առնում հանցավորի անձը բնութագրող տվյալները, պատաս¬խա¬նատվութ¬յունը և պատիժը մեղմացնող և ծանրացնող հանգա¬մանքները։
ՀՀ քրեական օրենսգրքի վերոնշյալ դրույթների մեկնաբանությունից ակնհայտ է, որ պա¬տիժը պայմանականորեն չկիրառելու հետ կապված ինչպես հանցագործությունների տեսակ¬նե¬րի, հանցավոր արարքի վտանգավորության աստիճանի ու բնույթի, այնպես էլ անձանց շրջա¬նակի հետ կապ¬ված որևէ հատուկ սահմանափակում օրենսդիրը չի նախատեսել, այսինքն` պատի¬ժը պայմանականորեն չկիրա¬ռելու հիմք է համարվում դատարանի համոզ¬վածությունն առ այն, որ դատապարտյալի ուղղվելն հնա¬րավոր է առանց որոշակի պատժա¬տեսակները ռեալ կրե¬լու (նման մեկնաբանություն է արել նաև ՀՀ Վճռաբեկ դատա¬րանը Հասմիկ Պետրոսյանի վերա¬բերյալ թիվ ԱՐԱԴ/0050/01/08 քրեական գործով 2009թ. հունիսի 29-ին կայացրած որոշմամբ)։
Դատարանի այդ համոզվածությունը կարող է կայանալ պատասխանատվությունը և պա¬տիժը մեղմացնող, ՀՀ քրեական օրենսգրքի 62-րդ հոդվածով նախատեսված (ինչպես նաև չնախատեսված, բայց Դատարանի համոզմամբ այդ¬պիսին դիտարկվող) և 63-րդ հոդվածում սպառիչ թվարկված, պա¬տաս¬խանատվությունը և պատիժը ծանրացնող հանգամանքների գնա¬հատման արդյունքներով։
Հաշվի առնելով ամբաստանյալ Սարգիս Սարաֆյանի անձը դրականորեն բնութագրող տվյալ¬ները, պատասխանատվությունը և պատիժը մեղմացնող հանգամանքները` նախկինում դա¬տա¬պարտ¬ված և արատավորված չլինելու հանգամանքը, Դատա¬րա¬նում անկեղծորեն զղջալն ու առաջադրված մե¬ղադրանքում իրեն մեղավոր ճանաչելը, երիտասարդ տա¬րի¬քը, դրական բնութագիրը, նրան վե¬րագրվող հանցագոր¬ծութ¬յան բնույթն ու վտանգա¬վորության աստի¬ճանը, թմրամիջոցի տեսակը` Դա¬տարանը հանգում է այն համոզվա¬ծության, որ առաջին անգամ հանցագոր¬ծություն կատարած Ս.Սարաֆյանի ուղղվե¬լը և նոր հանցա¬գործությունների կանխելն հնա¬րավոր է նրա նկատմամբ ազա¬տազրկման ձևով պա¬տիժ նշա¬նակելու, սակայն այդ պատիժը պայմա¬նա¬կանորեն չկիրառելու և միաժա¬մանակ ողջամիտ, տվյալ դեպքում՝ մեկ տարի ժամ¬կետով փոր¬ձաշրջան սահ¬մա¬նելու պայ¬ման¬ներում։ Այդ պատիժն է արդա¬րացի ու միա¬ժա¬¬մանակ անհրաժեշտ ամբաս¬տան¬յալ Ս.Սարաֆյանին ուղղելու և հնարավոր նոր հանցա¬գոր¬ծութ¬յունները կան¬խելու հա¬մար։ Տվյալ պայմաններում Դատարանը նաև գտնում է, որ պատժի նպա¬տակ¬ներն ապահովելու տե¬սանկյու¬նով Սարգիս Սարաֆ¬յանի նկատ¬մամբ նվազ խիստ պատ¬ժի` կալանքի նշանակումը չի ա¬պա¬¬հովի պատժի նպատակ¬ները։
Ամբաստանյալի նկատմամբ ազատազրկման ձևով նշանակվող պատժի չափը որոշելիս` Դատա¬րանը հաշվի է առնում նաև ՀՀ քրեական դատավարական օրենսգրքի 375.3-րդ հոդվածի 6-րդ մասի պա¬հանջն առ այն, որ արագացված դատական քննության կարգով մեղադրական դատավճիռ կա¬յաց¬¬նելիս դատա¬րանի նշա¬նա¬կած պատիժը չի կարող գերազանցել կատարված հանցագոր¬ծութ¬յան համար նա¬խա¬¬տեսված առավել խիստ պատժի երկու երրորդը, տվյալ դեպքում` ութ ամիս ժամկետով ազա¬տազրկումը։
Դատարանը գտնում է, որ սույն դատավճիռը կայացնելու պահին ամբաստանյալ Սարգիս Սարաֆյանի նկատմամբ որպես խա¬¬¬¬փան¬ման միջոց ընտրված չհեռանալու մասին ստո¬րագրությունը փոփոխելու կամ վերաց¬նելու հիմքերը բացա¬կա¬յում են, այն անհրաժեշտ է վերաց¬նել սույն դատավճիռն օրինական ուժի մեջ մտնելուց հետո։
Դատանարկոլոգիական փորձաքննության 2013թ հունիսի 11-ի թիվ 82-13 եզրակացության համա¬ձայն` ամբաստանյալ Սարգիս Սարաֆյանը հարկադիր բուժ¬ման կարիք չունի, հետևաբար` Դա¬տա¬¬րանը վերջինիս նկատմամբ նման բուժում չի նշանակում։
ՀՀ քրեական դատավարության օրենսգրքի 360-րդ հոդվածի 1-ին մասի համաձայն` դատավճիռ կայացնելիս Դատարանը պարտավոր է անդրադառնալ նաև իրեղեն ապացույց¬ների, գույքի նկատ¬մամբ կիրառված (կիրառվելիք) արգելանքի, քաղա¬¬քա¬ցիական հայցի հարցերին։ Տվյալ խնդրին անդ¬րա¬¬¬¬դառնալով` Դատարանն արձանագրում է, որ ամբաս¬տան¬յալի դեմ քաղաքացիական հայց չի ներ¬կա¬յացվել, նրա գույքի վրա արգելանք չի կիրառվել։
Անդրադառնալով իրեղեն ապացույցների տնօրինման խնդրին` Դատարանը գտնում է, որ գործով իրեղեն ապացույց ճանաչված և Դատարանում պահվող` նյութագիտական փորձաքննութ¬յունից հետո մնացած 0,915 գրամ «չորացված մարի¬խուանա» տեսակի թմրամիջոցն անհրաժեշտ է ոչնչաց¬նել` սույն դատավճիռն օրինա¬կան ուժի մեջ մտնե¬լուց հետո։
Գնահատելով և ամփոփելով մեղադրանքի հիմքում դրված ապացույց¬ները, ղեկավար¬վելով ՀՀ քրեական դա¬տա¬վա¬րա¬կան օրենսգրքի 119-րդ, 357-360-րդ, 364-365-րդ, 369-373-րդ, ինչպես նաև 375.1-375.4-րդ հոդվածներով` Դատա¬րանը


Վ Ճ Ռ Ե Ց ՝

Սարգիս Հարությունի Սարաֆյանին ճանաչել մեղավոր ՀՀ քրեական օրենսգրքի 268-րդ հոդ¬վածի 1-ին մասով նախատեսված հանցագործության կատարման մեջ, նրա նկատ¬մամբ նշանակել պատիժ` ազա¬տազրկում 6 (վեց) ամիս ժամ¬կետով։
ՀՀ քրեական օրենսգրքի 70-րդ հոդվածի կիրառմամբ` Սարգիս Հարությունի Սարաֆյանի նկատ¬մամբ ազատազրկման ձևով նշա¬նակված պատիժը պայմանականորեն չկիրառել և սահ¬մանել փոր¬ձաշրջան 1 (մեկ) տարի ժամկետով` փորձաշրջանի սկիզբն հաշվարկելով սույն դատավճիռը հրա¬պա¬րա¬կելու պահից։
Սարգիս Սարաֆյանի նկատմամբ որպես խա¬փան¬ման միջոց ընտրված չհեռանալու վերաբերյալ ստորագրությունը վերացնել` սույն դատավճիռն օրինական ուժի մեջ մտնելուց հետո։
Գործով իրեղեն ապացույց ճանաչված և նյութագիտական փորձաքննությունից հետո մնացած 0,915 գրամ «չորացված մարի¬խուանա» տեսակի թմրամիջոցն ոչնչացնել` սույն դատավճիռն օրինա¬կան ուժի մեջ մտնե¬լուց հետո։
Դատական ծախսերի հարցն համարել լուծված` գործն արագացված դատաքննության կարգով քննելու հիմքով։
Դատավճիռը հրապարակման օրվանից մե¬կամսյա ժամկետում կարող է բողո¬քարկվել ՀՀ վե¬րաքննիչ քրեական դատարան` բացառությամբ գործի փաստական հանգա¬մանք¬ների վերա¬բերյալ Դա¬տարանի հետևությունների։


ԴԱՏԱՎՈՐ՝ Ա.ՎԱՐԴԱՆՅԱՆ