ԵԿԴ/0129/01/13





ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«08» օգոստոսի 2013թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ` Դատարան)


Նախագահող դատավոր
դատական նիստերի քարտուղար մեղադրող
տուժող
պաշտպան


Մ.Պապոյան Կ.Կարապետյան Հ.Էյրամջյան
Դ.Սահակյան
Վ.Աթոյան
դռնբաց դատական նիստում` արագացված դատական քննության կարգով, քննեց քրեական գործն ըստ մեղադրանքի`
Էդգար Կարենի Ավագյանի` ծնված 1993 թվականի դեկտեմբերի 3-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, նախկինում չդատապարտված, չամուսնացած, չի աշխատում, բնակվել է Երևան քաղաքի Խորենացի փողոցի 2-րդ փակուղու 19-րդ տանը, մեղադրանք է առաջադրվել ՀՀ քրեական օրենսգրքի 112-րդ հոդվածի 1-ին մասով, արգելանքի տակ է 2013 թվականի մարտի 21-ից:
1. Գործի դատավարական նախապատմությունը.
2013 թվականի մարտի 21-ին ՀՀ ոստիկանության Կենտրոնականի քննչական բաժնի ավագ քննիչ Ա.Պողոսյանի որոշմամբ ՀՀ քրեական օրենսգրքի 112-րդ հոդվածի 1-ին մասով նախատեսված հանցագործության հատկանիշներով հարուցվել և վարույթ է ընդունվել թիվ 13133313 քրեական գործը:
2013 թվականի մարտի 23-ին ՀՀ ոստիկանության Կենտրոնականի քննչական բաժնի ավագ քննիչ Ա.Պողոսյանի որոշմամբ թիվ 13133313 քրեական գործով Էդգար Կարենի Ավագյանին մեղադրանք է առաջադրվել ՀՀ քրեական օրենսգրքի 112-րդ հոդվածի 1-ին մասով:
2013 թվականի հունիսի 25-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Ա.Պողոսյանի որոշմամբ թիվ 13133313 քրեական գործով Էդգար Ավագյանի և ինքնությունները չպարզված անձանց նկատմամբ ՀՀ քրեական օրենսգրքի 258-րդ հոդվածով քրեական հետապնդում չի իրականացվել` վերջինների արարքներում հանցակազմի բացակայության հիմքով:
2013 թվականի հունիսի 25-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Ա.Պողոսյանի որոշմամբ թիվ 13133313 քրեական գործով Էդուարդ Արաբյանի կողմից Էդգար Ավագյանին հարվածելու դրվագով վերջինի նկատմամբ քրեական հետապնդում չի իրականացվել` հանցագործության դեպքի բացակայության հիմքով:
2013 թվականի հունիսի 25-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Ա.Պողոսյանի որոշմամբ թիվ 13133313 քրեական գործով Էդգար Ավագյանի և ինքնությունները չպարզված անձանց կողմից Էդուարդ Արաբյանին ծեծի ենթարկելու դրվագով վերջինների նկատմամբ քրեական հետապնդում չի իրականացվել` Էդուարդ Արաբյանի բողոքի բացակայության հիմքով, իսկ ինքնությունները չպարզված անձանց կողմից Դավիթ Սահակյանին ծեծի ենթարկելու դրվագով վերջինների նկատմամբ քրեական հետապնդում չի իրականացվել` Դավիթ Սահակյանի բողոքի բացակայության հիմքով:
2013 թվականի հունիսի 25-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Ա.Պողոսյանի որոշմամբ թիվ 13133313 քրեական գործով ինքնությունները չպարզված անձանց նկատմամբ ՀՀ քրեական օրենսգրքի 258-րդ հոդվածով քրեական հետապնդում չի իրականացվել` վերջինների արարքներում հանցակազմի բացակայության հիմքով:
2013 թվականի հունիսի 26-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Ա.Պողոսյանի որոշմամբ թիվ 13133313 քրեական գործով Էդգար Կարենի Ավագյանին առաջադրված մեղադրանքը փոփոխվել, լրացվել և նրան նոր մեղադրանք է առաջադրվել ՀՀ քրեական օրենսգրքի 112-րդ հոդվածի 1-ին մասով:
2013 թվականի հուլիսի 2-ին Էդգար Կարենի Ավագյանի վերաբերյալ թիվ 13133313 քրեական գործը մեղադրական եզրակացությամբ ուղարկվել է Դատարան, որտեղ քրեական գործին շնորհվել է ԵԿԴ/0129/01/13 համարը:
Էդգար Կարենի Ավագյանին մեղադրանք է առաջադրվել ՀՀ քրեական օրենսգրքի 112-րդ հոդվածի 1-ին մասով` այն արարքի համար, որ նա, 2013 թվականի մարտի 20-ին` ժամը 22:30-ի սահմաններում, Երևան քաղաքի Եր.Քոչար փողոցի 11-րդ շենքի հարևանությամբ գործող ավտոլվացման կետի մուտքի դիմաց վիճաբանության մեջ է մտել Էդուարդ Արաբյանի և Դավիթ Սահակյանի հետ, ապա իր մոտ եղած սուր կտրող-ծակող գործիքով հարվածել է Դավիթ Սահակյանի որովայնին` վերջինի առողջությանը դիտավորությամբ պատճառելով կյանքին վտանգ սպառնացող ծանր վնաս` թափանցող վերքի ձևով` ուղեկցված փոքր ճարպոնի և լյարդի ձախ բլթի միջանցիկ վնասումներով, ներորովայնային արյունահոսությամբ վերքի ձևով:
2. Արագացված դատական քննություն.
Մինչ դատաքննությունն սկսելն ամբաստանյալ Էդգար Կարենի Ավագյանը միջնորդեց դատական քննությունն անցկացնել արագացված կարգով և հայտնեց, որ միջնորդությունը ներկայացրել է կամավոր, խորհրդակցել է իր պաշտպանի հետ, գիտակցում է արագացված կարգով դատական քննություն անցկացնելու հետևանքները, առաջադրված մեղադրանքն իրեն պարզ է, համաձայն է մեղադրանքի հետ:
Դատարանը, համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը, հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Էդգար Կարենի Ավագյանը կատարել է արարք` նախատեսված ՀՀ քրեական օրենսգրքի 112-րդ հոդվածի 1-ին մասով:
3. Դատարանի իրավական վերլուծությունները.
Դատարանը, ուսումնասիրելով ամբաստանյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, մասնավորապես` մեղայականով ներկայանալու մասին արձանագրությունը, ինքնախոստովանական ցուցմունքները, ստացիոնար դատահոգեբուժական փորձաքննության թիվ 44 եզրակացությունը և բնութագրերը, եկավ հետևյալ եզրահանգման.
Էդգար Ավագյանի անձը դրականորեն բնութագրող հանգամանքներ են ինքնախոստովանական ցուցմունքներ տալը և կատարածի համար զղջալը:
Դատարանը գտնում է, որ Էդգար Ավագյանի պատասխանատվությունն ու պատիժը մեղմացնող հանգամանքներ են մեղայականով ներկայանալը, սահմանափակ մեղսունակ լինելը և դրականորեն բնութագրվելը:
Դատարանը միաժամանակ արձանագրում է, որ Էդգար Ավագյանի պատասխանատվությունն ու պատիժը ծանրացնող հանգամանքներ չկան:
Կատարած արարքի համար ամբաստանյալ Էդգար Ավագյանի ենթակա է քրեական պատասխանատվության և պատժի:
Դատարանը, հաշվի առնելով Էդգար Ավագյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ Էդգար Ավագյանի կատարած արարքի համար ՀՀ քրեական օրենսգրքի 112-րդ հոդվածի 1-ին մասի սանկցիայով նախատեսված է պատիժ միայն ազատազրկման ձևով, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներին հասնելու համար նրա նկատմամբ պատիժ պետք է նշանակել ազատազրկման ձևով, որը նա պետք է կրի:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիս անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ օրը հաշվելով մեկ օրվա դիմաց: Դատարանը գտնում է, որ Էդգար Ավագյանի պատժի կրման սկիզբը պետք է հաշվել 2013 թվականի մարտի 21-ից, քանի որ նա ձերբակալվել է այդ օրը, իսկ 2013 թվականի մարտի 23-ին նրա նկատմամբ որպես խափանման միջոց ընտրվել է կալանավորումը:
Դատարանը գտնում է, որ Էդգար Ավագյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
Դատարանը, ղեկավարվելով ՀՀ քրեական դատավարության օրենսգրքի 116-րդ և 119-րդ հոդվածներով, գտնում է, որ դատավճիռն օրինական ուժի մեջ մտնելուց հետո` 2013 թվականի հունիսի 25-ի որոշմամբ իրեղեն ապացույց ճանաչված` Դավիթ Արայիկի Սահակյանի հագուստները պետք է վերադարձնել նրան:
Դատարանը գտնում է, որ ՀՀ քրեական դատավարության օրենսգրքի 168-րդ հոդվածի 1-ին մաuի 1-ին կետով նախատեսված դատական ծախսերը դատարանի նախաձեռնությամբ ամբաստանյալ Էդգար Ավագյանից ենթակա չեն բռնագանձման, քանի որ տուժող Դավիթ Սահակյանը, հնարավորություն ունենալով իր շահերը դատարանում անձամբ ներկայացնել, ամբաստանյալին որևէ պահանջ չի ներկայացրել: Ինչ վերաբերում է ՀՀ քրեական դատավարության օրենսգրքի 168-րդ հոդվածի 1-ին մաuի 2-8-րդ կետերով նախատեսված դատական ծախսերին, ապա դրանք արագացված դատական քննության կարգ կիրառելու դեպքում, համաձայն նույն օրենսգրքի 3753 հոդվածի 8-րդ մասի` ամբաստանյալից ենթակա չեն բռնագանձման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 119-րդ, 168-րդ, 309-րդ, 357-360-րդ, 365-րդ, 369-372-րդ, 3751 և 3753 հոդվածներով` Դատարանը
ՎՃՌԵՑ

Էդգար Կարենի Ավագյանին մեղավոր ճանաչել ՀՀ քրեական օրենսգրքի 112-րդ հոդվածի 1-ին մասով և պատիժ նշանակել ազատազրկում` 3 (երեք) տարի ժամկետով` պատժի կրման սկիզբը հաշվելով 2013 թվականի մարտի 21-ից:
Էդգար Կարենի Ավագյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո` 2013 թվականի հունիսի 25-ի որոշմամբ իրեղեն ապացույց ճանաչված` Դավիթ Արայիկի Սահակյանի հագուստները վերադարձնել նրան:
Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում (դատավճիռը չի կարող բողոքարկվել ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով):


ԴԱՏԱՎՈՐ Մ.ՊԱՊՈՅԱՆ