Գործ թիվ ԵԿԴ/0122/01/13





ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևանի Կենտրոն և Նորք-Մարաշ վարչական շրջանների ընդհանուր իրավա¬սության դատարանը (այսուհետ` Դատարան),

նախագահությամբ դատավոր` Արշակ Վարդանյանի,
քարտուղարությամբ` Ժենյա Ավետիսյանի,

մասնակցությամբ`

թարգմանիչներ` Սյուզաննա Մարգարյանի և
Գայանե Միրզաբեկյանի,

մեղադրող, ՀՀ գլխավոր դատախազության`
թմրամիջոցների ապօրինի շրջանա-
ռության հանցագործությունների
գործերով բաժնի դատախազ` Վիգեն Միլիտոնյանի,

Ն.Նվայգվեի պաշտպան` Կարեն Ղազարյանի,
Օդ.Հարությունյանի պաշտպան` Հենրիկ Բաղդասարյանի,

2013թ. սեպտեմբերի 19-ին դռնբաց դատական նիստում արագացված դատաքննության կար¬գով քննեց քրեական գործն ըստ մեղադրանքի`


1. Ֆ ո ր տ ու ն ա տ ե Ի կ ե մ ս ի ն ա չ ի Ն վ ա յ գ վ ե ի `
(ծնված 1983թ. նոյեմբերի 2-ին, Նիգերիայի Հանրապետության Իմո նահանգում, ազգությամբ նիգերացի, ՆՀ քաղաքացի, միջնակարգ կրթութ¬յամբ, ամուսնացած, խնամքին են մինչև 14 տարեկան երկու անչափահաս երե¬խա¬ները« չի աշխա¬տել, նախկի¬նում՝ չդատապարտված, Հայաստանի Հանրապետությու¬նում բնակվել է Երևանի Արաբկիր 51-րդ փողոցի 9-րդ շենքի 63-րդ բնակարանում, կալանքի տակ է 2013թ. փետրվարի 7-ից)

2. Օ դ ի ս ե յ Յ ու ր ի ի Հ ա ր ու թ յ ու ն յ ա ն ի ՝
(ծնված 1982թ. մայիսի 9-ին, Ռուսաստանի Դաշնության Վորոնեժ քաղա¬քում, ազգությամբ հայ, ՀՀ քաղաքացի, միջնակարգ կրթությամբ, ամուս¬նացած է, խնամքին են մինչև 14 տարեկան երկու անչափահաս երեխա¬ները, չի աշխատել, նախկինում չդատապարտված, հաշվառված և բնակվել է Երևանի 16-րդ թաղամասի 36-րդ շենքի 1/1 բնակարանում, կալանքի տակ է 2013թ. փետրվարի 7-ից)

1. Գործի դատավարական նախապատմությունը.
Թիվ 69101313 քրեական գործն հարուցվել է ՀՀ ոստիկանության քննչա¬կան գլխա¬վոր վար¬չութ¬յան հատկա¬պես կարևոր գործերի քննության վարչությունում` ՀՀ քրեական օրենսգրքի 266-րդ հոդվածի 1-ին մասի և 268-րդ հոդվածի 1-ին մասի հատկանիշներով` Ֆորտունատե Նվայգվեի (Նուգվիի) կողմից իրացման նպատակով զգալի չափի թմրամիջոց ապօրինաբար ձեռք բերելու և իրաց¬նելու, Ալեքսանդր Ավագյանի կողմից առանց իրացնելու նպատակի, իր գործածման համար զգալի չափի թմրամիջոց ապօրինաբար ձեռք բերելու և պահելու փաստերի առթիվ։
2013թ. փետրվարի 7-ին իրացնելու նպատակով ապօրինաբար թմրամիջոց ձեռք բերելու և իրաց¬նելու կասկածանքով ձերբակալվել է նույն օրն ՀՀ ոստիկանության ՔՀԳՎ 2-րդ վարչություն բերման ենթարկված Ֆորտունատե Նվայգվեն (Նուգվին)։
2013թ. փետրվարի 7-ին ձերբակալվել է նաև ապօրինաբար թմրամիջոցներ պահելու և իրաց¬նելու կասկածանքով նույն օրը ՀՀ ոստիկանության ՔՀԳՎ 2-րդ վարչություն բերման ենթարկված Օդիսեյ Հարությունյանը։
2013թ. փետրվարի 9-ին Ֆորտունատե Նվայգվեին (Նուգվիին) մեղադրանք է առաջադրվել ՀՀ քրեական օրենսգրքի 266-րդ հոդվածի 1-ին մասով, 268-րդ հոդվածի 1-ին մասով և 275-րդ հոդ¬վա¬ծի 1-ին մասով, իսկ Օդիսեյ Հարությունյանին` ՀՀ քրեական օրենսգրքի 275-րդ հոդվածի 1-ին մա¬սով և 235-րդ հոդվածի 1-ին մասով։
2013թ. փետրվարի 9-ին Երևանի Կենտրոն և Նորք-Մարաշ վարչական շրջանների ընդ¬հանուր իրա¬վա¬սության դատա¬րա¬նը, բավարարելով նախաքննական մարմնի միջնորդությունը, համա¬պատաս¬խանաբար` մեղադրյալներ Օդիսեյ Հարութ¬յուն¬յանի և Ֆորտունատե Նվայգվեի (Նուգվիի) նկատ¬մամբ որպես խափանման միջոց է կիրառել կալանավորումը։
2013թ. հունիսի 21-ին Ֆորտունատե Նվայգվեին (Նուգվիին) առաջադրված մեղադրանքը փո¬փոխ¬վել և նրան նոր մեղադրանք է առաջադրվել ՀՀ քրեական օրենսգրքի 266-րդ հոդվածի 1-ին մասով, 268-րդ հոդվածի 1-ին մասով և 275-րդ հոդվածի 1-ին մասով (պայմանավորված խիստ ներ¬գործող նյութի պարունակությամբ փաթեթների քանակի հստակեցմամբ)։
2013թ. հունիսի 21-ին փոփոխվել և ՀՀ քրեական օրենսգրքի 275-րդ հոդվածի 1-ին մասով և 235-րդ հոդվածի 1-ին մասով նոր մեղադրանք է առաջադրվել նաև Օդիսեյ Հարությունյանին (պայ¬ա¬նավորված խիստ ներգործող նյութի պարունակությամբ փաթեթների քանակի հստակեց¬ամբ)։
2013թ. հունիսի 27-ին սույն քրեական գործն Ֆորտունատե Իկեմսինաչի Նվայգվեի (Նուգվիի) նկատմամբ ՀՀ քրեական օրենսգրքի 266-րդ հոդվածի 1-ին մասով« 268-րդ հոդվածի 1-ին մասով և 275-րդ հոդվածի 1-ին մասով և Օդիսեյ Յուրիի Հարությունյանի նկատմամբ ՀՀ քրեական օրենսգրքի 235-րդ հոդվածի 1-ին մասով և 275-րդ հոդվածի 1-ին մասով հաստատված մեղադրա¬կան եզրա¬կացությամբ ուղարկվել է Երևանի Կենտ¬րոն և Նորք-Մարաշ վար¬չա¬կան շրջանների ընդ¬հանուր իրավա¬սության դատա¬րան և 2013թ. հունիսի 28-ին ընդուն¬վել Դատա¬րա¬նի վարույթ։

Առաջադրված մեղադրանքի բովանդակությունը.
Նախաքննական մարմինն Ֆորտունատե Նվայգվեին (Նուգվիին) մեղադրանք է առաջադրել այն բանի համար, որ նա իրացման և գործածման նպատակներով 2012թ. դեկտեմբերի վերջերին« Երևան քաղաքի Հյուսիսային պողոտայում գտնվող «Սեգաֆրեդո» սրճարանում ազգությամբ պարսիկ ոմն Համիդից ապօրինաբար ձեռք է բերել և պահել մոտ 4 գրամ «չորացված մարի¬խուանա» տեսակի թմրամիջոց։ Այնուհետև՝ 2013թ. հունվարի սկզբներին՝ Ամանորի տոներից հե¬տո, Երևան քաղաքի Հյուսիսային պողոտայում գործող «Սեգաֆրեդո» սրճարանի տարածքում իրաց¬նելու նպատակով ապօրինաբար ձեռք բերած «չորացված մարիխուանա» տեսակի թմրամի¬ջոցի հիշյալ քանակությունից տարբեր օրերին, չպարզված չափաբաժիններով, անհատույց՝ հյուրա¬սի¬րության եղանակով, 2 դեպքով ապօրինաբար իրացրել է Արշակ Նորայրի Ղազարյանին, իսկ մեկ դեպքով՝ Օդիսեյ Յուրիի Հարությունյանին, այսինքն` կատարել է հանցավոր արարքներ, որոն¬ցից յուրաքանչյուրը նախատեսված է ՀՀ քրեական օրենսգրքի 266-րդ հոդվածի 1-ին մասով (3 դրվագ¬ներով)։
Բացի այդ, ամբաստանյալ Ֆորտունատե Նվայգվեն (Նուգվին) ապօրինաբար ձեռք բերած «չորացված մարիխուանա» տեսակի թմրամիջոցից չպարզված քանակությամբ չափաբաժինը 2013թ. հունվարի սկզբներին` չպարզված օրը, ծխելու եղանակով գործածել է« իսկ մնացած ընդ¬հանուր՝ 0.75 գրամ «չորացված մարիխուանայից» մանր չափի՝ 0.19 գրամը« 2013թ. փետրվարի 6-ին` ժամը 23.00-ի սահմաններում, «Սեգաֆրեդո» սրճարանի տարածքում ապօրինաբար իրացրել է Արշակ Ղազարյանին, որը հայտնաբերվել և առգրավվել է վերջինիս անձնական խուզարկութ¬յամբ« իսկ զգալի չափի՝ 0.56 գրամը իր գործածման համար ապօրինաբար պահել է իր մոտ« որը հայտ¬նաբերվել է 2013թ. փետրվարի 7-ին նրա անձնական խուզարկությամբ, այսինքն` կատարել է հան¬ցավոր արարքներ, որոնք նախատեսված են ՀՀ քրեական օրենսգրքի 266-րդ հոդվածի 1-ին մա¬սով և 268-րդ հոդվածի 1-ին մասով։
Այնուհետև` 2013թ. հունվարի սկզբներին Օդիսեյ Հարությունյանից տեղեկանալով վերջի¬նիս մոտ ծխելու միջոցով գործածվող, թմրեցնող ազդեցություն ունեցող, գործարանային փայլուն թիթեղաթղթե փաթեթավորմամբ «սփայս» անվանումով նյութի առկայության մասին, նրա կողմից հյուրասիրվելով՝ այն փորձել և պայմանավորվածություն է ձեռք բերել Օդ.Հարություն¬յանի հետ՝ հնարավոր մեծ խմբաքանակներով դրանից ձեռք բերելու վերաբերյալ, որից հետո 2013թ. հունվար ամսին վերջինիցս յուրաքանչյուր փաթեթը 15.000 ՀՀ դրամով գնել և իրաց¬նելու նպատակով ապօրի¬նաբար ձեռք է բերել խիստ ներգործող այդ նյութի՝ ընդհանուր 0«00874 գրամ «լևոմեպրո¬մազինի» պարունակությամբ« «սփայս» անվանումով 2 փաթեթ, որոնք նույն ժա¬մա¬նակահատ¬վա¬ծում «Սեգաֆրեդո» սրճարանի տարածքում մեկ փաթեթը 25.000 ՀՀ դրա¬մով վա¬ճա¬ռելու եղանա¬կով ապօրինաբար իրացրել է Արշակ Բոյաջյանին և Գևորգ Հակոբյա¬նին, այ¬սինքն` կատարել է հան¬ցավոր արարք, որը նախատեսված է ՀՀ քրեական օրենսգրքի 275-րդ հոդ¬վա¬ծի 1-ին մասով։ Նախաքննական մարմինը Օդիսեյ Հարությունյանին մեղադրանք է առաջադրել այն բանի համար, որ նա համացանցից տեղեկանալով թմրամոլների շրջանում «սփայս» անվանումով հայտ¬նի թմրեցնող ազդեցություն ունեցող «SALVIA AROMATIC POTPOURRI» և «NET WEIGHT¬BLUEBERRY 400 mg., 1.5g» անվանմամբ գործարանային փայլուն թիթեղաթղթե փաթե¬թավոր¬մամբ« ծխելու միջոցով գործածվող նյութի գոյության և ապրանքների առևտրամիջնորդային գործունեություն իրականացնող ինտերնետային «Իբեյ» կայքի միջոցով գնելուց հետո միջազգա¬յին առաքման տարբերակով այն ապօրինաբար ձեռք բերելու հնարավորության մասին, իրացնելու նպատակով այդպիսիք ձեռք բերելու դիտավորությամբ 2013թ. հունվար ամսվա ընթացքում՝ չպարզված օրը, պատվիրել և «Յունիստրիմ» համակարգով վճարային փոխանցում կատարելուց հետո փոստային առաքման միջոցով ապօրինի ձեռք է բերել ընդհանուր 0«387785 գրամ խիստ ներգործող նյութի՝ «լևոմեպրոմազինի» պարունակությամբ թվով 20 փաթեթ։ Նշված 20 փաթեթ¬նե¬րից մեկն իր գործածման նպատակով ապօրինաբար պահել է իր տանը« որի մի մասը մինչև 2013թ. փետրվարի 7-ը գործածել է՝ թութունի հետ խառնելու և ծխելու եղանակով, իսկ ընդհանուր 0«00874 գրամ «լևոմեպրոմազինի» պարունակությամբ թվով 2 փաթեթները 2013թ. փետրվարի 6-ին Երևան քաղաքի Հյուսիսային պողոտայում գործող «Սեգաֆրեդո» սրճարանի տարածքում և գործով չպարզված մեկ այլ վայրում փաթեթը 15.000 ՀՀ դրամով վաճառելու եղանակով ապօ¬րինաբար իրացրել է Նիգերիայի Հանրապետության քաղաքացի Ֆորտունատե Իկեմսինաչի Նվայգվեին (Նուգվիին), իսկ մնացած՝ ընդհանուր 0«3774 գրամ «լևոմեպրոմազինի» պարունակութ¬յամբ թվով 17 փաթեթները հետագայում իրացնելու նպատակով ապօրինաբար պահել է, որոնք 2013թ. փետրվարի 7-ին հայտնաբերվել և առգրավվել են Օդ.Հարությունյանի վարած« ընկերոջը պատ¬կանող« «Օպել Աստրա» մակնիշի« 29 LO 818 հաշվառման համարանիշի ավտոմեքենայի սրահի զննությամբ՝ նրան կասկածանքով բերման ենթարկելուց հետո, այսինքն` կատարել է հանցավոր արարք, որը նախա¬տեսված է ՀՀ քրեական օրենսգրքի 275-րդ հոդվածի 1-ին մասով։
Բացի այդ՝ Օդիսեյ Հարությունյանը չպարզված հանգամանքներում ապօրինի ձեռք է բերել և Երևանի 16-րդ թաղամասի 36-րդ շենքի 1/1 հասեցում գտնվող իր բնակարանում ապօրինաբար պա¬հել է ռազմամթերք հանդիսացող թվով 13 հատ 9 մմ, 7 հատ 5.45 մմ և մեկ հատ 7.62 մմ տրա¬մա¬չափի մարտական փամփուշտներ, որոնք հայտնաբերվել և առգրավվել են 2013թ. փետրվարի 8-ին՝ նշված բնակարանի խուզարկությամբ, այսինքն` կատարել է հանցավոր արարք, որը նախա¬տես¬ված է ՀՀ քրեական օրենսգրքի 235-րդ հոդվածի 1-ին մասով։

Արագացված դատական քննություն.
Մինչ դատաքննություն սկսելն ամբաստանյալներ Ֆորտունատե Նվայգվեն (Նուգվին) և Օդիսեյ Հարութ¬յունյանը միջնորդեցին գործը քննել դատական քննության արագացված կարգով։ Վերջիններս հայ¬տա¬րա¬րեցին, որ վե¬րոնշյալ միջնոր¬դությունը ներկա¬յացնում են կամավոր, նախա¬պես խորհրդակցե¬¬լով իրենց պաշտպանների հետ, գիտակ¬ցում են արագացված կարգով դա¬տաքննութ¬¬յուն անցկաց¬նելու իրավական հետևանքները։ Ամբաստանյալներն հայտարարեցին նաև, որ յուրաքանչյուրին առա¬ջադրված մե¬ղադրանքը պարզ և հասկա¬նալի է, համա¬ձայն են մեղադրան¬քի հետ, ավելին` առաջադրված մե¬ղադրանքում իրենց լիովին մեղավոր են ճանաչում։ Մեղադրողը, մինչև դա¬տաքննութ¬յուն սկսելը փոխելով իր սկզբնական դիրքորո¬շումը, հայ¬տարարեց, որ գործն արա¬գաց¬ված դա¬տաքննության կարգով քննելու դեմ չի ա¬ռարկում։
Դատարանը, քննության առնելով ամբաստանյալների վերոնշյալ միջնոր¬դութ¬յունը, հաշվի առնելով մե¬ղադրող կողմի դիրքորոշման փոփոխությունը և փաստելով, որ առկա են ՀՀ քրեական դատավա¬րության օրենսգրքի 375.1 և 375.2 հոդվածներով նախա¬տեսված հիմ¬քն ու պայմանները, համապատասխան որոշման կայացմամբ գործը քննեց արագացված դա¬տաքննության կարգով։

Դատարանի իրավական վերլուծությունները.
Ամբաստանյալներից յուրաքանչյուրին առաջադրված մեղադրանքը, դրանցում նրանց մեղավո¬րութ¬յունը Դա¬տա¬րանը հաստատված համարեց հետևյալ ապացույցներով` ամբաստան¬յալներ Ֆորտունատե Նվայգվեի (Նուգվիի) և Օդիսեյ Հարությունյանի խոստովանական, վկաներ Արշակ Ղազարյանի, Արշակ Բոյաջյանի, Գևորգ Հակոբյանի, Թելման Արտամյանի, Սուրեն Նալբանդյանի նա¬խաքննական ցուց¬մունք¬ներով, Օդիսեյ Հարություն¬յանի բնակարանում խուզար¬կության արձանագրության« Ֆորտունատե Նվայգվեի (Նուգվիի) անձնական խուզարկութ¬յան ար¬ձա¬¬¬նագրության, Օդիսեյ Հարությունյանի վարած «Օպել Աստ¬րա» մակնիշի« 29 LO 818 հաշ¬վառ¬ման համարանիշի ավտոմեքենայի սրահը զննելու մասին ար¬ձա¬նագրության, Արշակ Բոյաջ¬յանի և Գևորգ Հակոբյանի անձնական խուզարկության արձա¬նագրությունների, դատա¬քիմիական փորձաքննությունների 2013թ. փետրվարի 7-ի թիվ 32Ք և 33Ք եզրակացությունների, դատաձգա¬բանական փորձաքննության 2013թ. փետրվարի 8-ի թիվ 283 եզրակացության, դատաքիմիական փորձաքննության 2013թ. մարտի 11-ի թիվ 0062 և 0063 եզրակացությունների, դատաքիմիական փորձաքննության 2013թ. փետրվարի 25-ի թիվ 0066 եզրակացության, դատաքիմիական փոր¬ձաքննութ¬յունների 2013թ. փետրվարի 19-ի թիվ 31Ք, 35Ք, 37Ք և 79Ք եզրակացությունների, մուտ¬քային և ելքային հեռախոսազանգերի վերծանումներն ամրագրած էլեկտրոնային կրիչների (սկավառակների) զննության արձանագրությունների, Օդիսեյ Հարությունյանի համակարգչի զննութ¬յան արձանագրության, իրեղեն ապացույց ճանաչված «Օպել Աստրա» մակնիշի« 29 LO 818 հաշվառման համարանիշի ավտոմեքենայի սրահի զննութ¬յամբ հայտնաբերված« ընդհանուր 0«3774 գրամ «լևոմեպրոմազինի» պարունակությամբ թվով 17 կապույտ փաթեթների, Գևորգ Հակոբյանի անձնական խուզարկությամբ հայտնա¬բերված 0«0078 գրամ «լևոմեպրոմազին» տեսա¬կի խիստ ներգործող նյութի պարունակությամբ կապույտ մեկ փաթեթի« Ֆորտունատե Նվայգվեի (Նուգվիի) ձեռքի պայուսակից հայտնաբերված 0.56 գրամ հաստատուն քաշով «չորացված մարիխուանա» տեսակի թմրամիջոցի« Արշակ Ղազարյանի անձնական խուզարկությամբ հայտ¬նաբերված 0«19 գրամ հաստատուն քաշով «չորացված մարի¬խուանա» տեսակի թմրամիջոցի և Ֆորտունատե Նվայգվեի (Նուգվիի) դրամապանակից հայտնաբերված 75.000 ՀՀ դրամ գումարի առկայությամբ։
Նախաքննությամբ ձեռք բերված վերոնշյալ ապացույցները գնահատելիս` Դատարա¬նը եկավ այն եզրահանգման, որ ամբաստանյալներ Ֆորտունատե Նվայգվեի (Նուգվիի) և Օդիսեյ Հարութ¬յուն¬յանին առաջադրված մեղադրանքների հիմքում դրված այդ ապա¬ցույցներն ըստ էության համա¬պա¬տաս¬խա¬նում են ՀՀ քրեական դատա¬վարութ¬յան օրենսգրքով սահմանված թույլատրելիության և վերա¬բե¬րե¬լիութ¬¬յան, իսկ համակ¬ցութ¬¬¬յամբ գործի ճիշտ լուծման տեսանկյու¬նով` բավարա¬րության չա¬¬փանիշ¬ներին։
Դատարանը գտնում է, որ ամբաստանյալներից յուրաքանչյուրին մեղ¬սագրվող արարքները ՀՀ քրեական օրենսգրքի համապատասխան հոդվածներով որակված են ճիշտ, հետևա¬բար` վեր¬ջին¬¬ներս քրեական պատաս¬խա¬նատ¬վության և պատժի ենթակա են այդ հոդվածների համապա¬տաս¬խան մասերով և կետերով։
Ամբաստանյալների նկատմամբ պատժի տեսակ և չափ նշանակելիս, ինչպես նաև պատիժը կրելու անհրաժեշտության հարցը քննարկելիս Դատա¬րանն հաշվի է առնում հետևյալը.
ՀՀ քրեական օրենսգրքի 48-րդ հոդվածի 2-րդ մասի համաձայն՝ պատժի նպատակն է վերա¬կանգնել սոցիալական արդարությունը, ուղղել պատժի ենթարկված անձին, ինչպես նաև կանխել հան¬ցագործությունները։ ՀՀ քրեական օրենսգրքի 10-րդ հոդվածի համաձայն` հան¬ցանք կատարած անձի նկատմամբ կիրառվող պատիժը և քրեաիրավական ներգործության այլ միջոց¬ները պետք է լինեն արդարացի, համապա¬տասխանեն հանցանքի ծանրությանը, այն կա¬տա¬րելու հանգամանք¬ներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցա¬գործությունները կանխելու համար։
ՀՀ քրեական օրենսգրքի 61-րդ հոդվածի 1-ին մասն սահմանում է, որ հանցագործության համար մեղավոր ճանաչված անձի նկատմամբ նշանակվում է արդարացի պատիժ, իսկ նույն հոդ¬վածի 2-րդ մասի համաձայն՝ պատժի տեսակը և չափը որոշվում են հանցագործության՝ հան¬րութ¬յան համար վտանգավորության աստիճանով և բնույթով, հանցավորի անձը բնու¬թագրող տվյալ¬¬ներով, պա¬տասխանատվությունը և պատիժը մեղմացնող կամ ծանրացնող հանգա¬մանք¬նե¬րով։ Նույն հոդվածի 3-րդ մասի համաձայն` հանցագործության համար նա¬խա¬տեսված պատիժներից առավել խիստը նշա¬նակվում է, եթե նվազ խիստ տեսակը չի կարող ապահովել պատժի նպատակ¬ները։
ՀՀ Վճռաբեկ դատարանը, Ա.Պապիկյանի վերաբերյալ ՀՀ վճռաբեկ դա¬տարանի 2007թ. հոկ¬տեմ¬բերի 26-ի ՎԲ-149/07 գործով մեկնաբանելով ՀՀ քրեական օրենսգրքի 62-րդ հոդվածի 2-րդ մա¬սով նա¬խա¬տեսված նորմը, նշել է, որ այն դատարանին օժտել է անձի պատասխա¬նատ¬վությունը մեղ¬¬մացնող հան¬գամանքների կիրառման լայն հայեցողությամբ, քանի որ պատիժ նշանակելիս դա¬տա¬րանը կարող է հաշվի առնել նաև մեղմացնող այնպիսի հանգամանքներ, որոնք նույն հոդվածի առաջին մասում նշված չեն։
Սույն գործով որպես ամբաստանյալ Ֆորտունատե Նվայգվեի (Նուգվիի) անձը դրականորեն բնութագրող տվյալներ է գնահատում` նախկինում դատապարտված չլինելը (ըստ ՀՀ ոստիկա¬նութ¬յան ինֆորմացիոն կենտրոն 2013թ. փետրվարի 7-ին կատարված հարցման արդյունքների), իսկ որ¬պես պատաս¬խա¬նատ¬վությունը և պատիժը մեղմացնող հանգա¬մանքներ` դեռևս նա¬խաքննութ¬յան ըն¬թացքում անկեղծորեն զղջալն ու իրեն լիովին մեղավոր ճանաչելը, խնամքին մինչև տասնչորս տարեկան երկու երեխաների` 2004թ. հունվարի 7-ին ծնված Սելինա Ֆուրթունաթ Իկեմսինաչիի Նվաիգվեի (ըստ ԱԱ սերիայի 412744 ծննդյան վկայականի) և 2007թ. օգոստոսի 2-ին ծնված Լովլին Ֆուրթունաթ Իկեմսինաչի Նվաիգվեի (ըստ ԱԱ սերիայի 168370 ծննդյան վկայականի) առկայութ¬յունը։
Դատարանը որպես ամբաստանյալ Օդիսեյ Հարությունյանի անձը դրականորեն բնու¬թագրող տվյալներ է գնահատում` նախկինում դատապարտված չլինելը (ըստ ՀՀ ոստիկանության ին¬ֆորմացիոն կենտրոն 2013թ. փետրվարի 7-ին կատարված հարցման արդյունքների), իսկ որպես պատաս¬խա¬նատ¬վությունը և պատիժը մեղմացնող հանգա¬մանքներ` անկեղծորեն զղջալն ու իրեն լիովին մեղավոր ճանաչելը, դեռևս մինչդատական վարույթից խոստովանական ցուցմունքներ տալը, խնամքին մինչև տասնչորս տարեկան երկու երեխաների` 2003թ. սեպտեմբերի 5-ին ծնված Յանա Օդիսեյի Հարությունյանի (ըստ ԱԱ սերիայի 399113 ծննդյան վկայականի) և 2010թ. մարտի 5-ին ծնված Մարիամ Օդիսեյի Հարությունյանի (ըստ ԱԱ սերիայի 058954 ծննդյան վկայականի) առկայությունը, բնա¬կության և նախկին աշխատանքի վայրերում դրականորեն բնու¬թագրվելը (ըստ բնակիչ¬ների ստորագրությամբ հաս¬տատված 2013թ. սեպ¬տեմ¬բերի 16-ի բնութագրի և «Էլեկտ¬րոճշգրիտ¬¬¬սարք» ԲԲ ընկերության գործադիր տնօրեն Գ.Արզա¬քանցյանի տրամադրած բնու¬թագրի)։
Վերոնշյալ հանգա¬մանք¬ներն հաստատվել են քրեական գործի նյութերում առկա փաս¬տա¬կան տվյալ¬ներով, իրական են և ողջամտորեն նվազեցնում են ամբաստանյալների անձի հան¬րային վտանգա¬¬վո¬րությունը։
Տոքսիկոքիմիական փորձաքննությունների 2013թ. փետրվարի 20-ի թիվ 0062 և թիվ 0063 եզրա¬կա¬ցութ¬յունների համաձայն` ամբաստան¬յալներից ստաց¬ված մեզի փորձանմուշներում հայտ¬նա¬բերվել են «կանաբինոիդների» խմբի թմրամիջոցի թմրալկալոիդների հետ¬քեր։ Ելնելով նրանց մեղ¬սագրվող հանցա¬գոր¬ծութ¬յունների բնույթից, հաշվի առնելով, որ թմրամիջոցի գոր¬ծածումը Դատարանի համոզմամբ չի նպաստել ամբաստանյալներ Ֆորտունատե Նվայգվեին (Նուգվիին) և Օդիսեյ Հարութ¬յունյանին մեղսագրվող հան¬ցանք¬ների կատար¬մանը` այդ հան¬ցանք¬ները թմրամի¬ջոց¬ների ազդե¬ցության տակ կա¬¬տա¬րելն որպես ամբաստաանյալների պատաս¬խա¬նատ¬վությունը և պա¬տիժը ծանրացնող հանգա¬մանք չի գնա¬հատում։
Ամբաստանյալների պատասխա¬նատ¬վությունը և պատիժը ծան¬րացնող այլ հան¬գա¬¬մանքներ ևս Դատարանը չարձա¬նագրեց։
Պատժի նպատակներն ապահովելու տեսանկյու¬նով անդրա¬առ¬նալով ամբաստանյալների նկատ¬¬մամբ նշանակվող պատժի տե¬սակի ընտրութ¬յան և այն կրելու անհրա¬ժեշ¬տութ¬յան հարցերին` Դատա¬րանը փաստում է, որ ՀՀ քրեական օրենսգրքի 266-րդ հոդ¬վածի 1-ին և 275-րդ հոդ¬վածի 1-ին մասով նախա¬տեսված հանցակազմերի պատժամասը նախատեսում է պատիժ բացառապես ազա¬տազրկման ձևով, իսկ ՀՀ քրեական օրենսգրքի 268-րդ հոդվածի 1-ին մասով և 235-րդ հոդ¬վածի 1-ին մասով թեև նախատեսված է պատիժ նաև կալանքի տեսքով, սակայն այդ պատժատեսակն ամբաս¬տանյալների նկատմամբ կիրառելի չեն ՀՀ քրեական օրենսգրքի 57-րդ հոդվածի 1-ին մասով նախա¬տեսված հիմքով։ Հետևաբար` ազատազրկման ձևւով նշանակվող պատժի պայմաններում քննարկ¬ման ենթակա է պատժա¬չափի, օրենքով նախա¬տեսվածից ավելի մեղմ պատժի կամ պատ¬ժատեսակի նշանակման, ինչպես նաև հանցագործությունների համակցութ¬յամբ վերջ¬նա¬կան պատիժ նշանակե¬լու, այդ պատ¬իժը կրելու կամ չկրելու հար¬ցերը։
Հաշվի առնելով ամբաստանյալների կատարած հանցագոր¬ծությունների¬ բնույթն ու վտանգա¬վո¬րության աստիճանը, այն կատարելու հանգամանքները, հանցագործությունների համակցությամբ պատիժ նշանակելու օրենսդրական պահանջը, ՀՀ քրեա¬կան օրենսգրքի 64-րդ հոդ¬վածի տես¬անկյու¬նով բա¬ցա¬ռիկ հան¬գա¬մանքների բացա¬կայությունը` Դա¬տա¬րանը գտնում է, որ յուրաքանչյուր հոդ¬վածի սանկցիայի շրջանակներում ամբաս¬¬տանյալների նկատմամբ ազա¬տազրկման նվա¬զագույն չափից ավելի ցածր պատիժ նշանակելու, վերջնական պատիժը պայմա¬նա¬¬կանորեն չկիրա¬ռելու հիմքերը բա¬ցա¬¬կայում են։ Դատարանը գտնում է նաև, որ ամբաստանյալների անձը դրականորեն բնու¬թագրող տվյալ¬ները, նրանց պատասխանատվությունն ու պատիժը մեղմացնող վերը թվարկված հանգա¬մանք¬ներն պատժի նպատակներն ապահովելու տես¬անկյունից անհրաժեշտ է հաշվի առնել նրանց նկատ¬մամբ պատժաչափ, իսկ հանցագոր¬ծութ¬յունների համակցությամբ նաև վերջնական պատիժ նշա¬նակելիս։ Պատժի նպատակներն ապահո¬վելու տես¬անկյու¬¬նով Դատարանը գտնում է, որ ազա¬տազրկման ձևով նշա¬նակվող պա¬տիժն ամբաստանյալները պետք է կրեն, այդ պատիժն է արդա¬րացի և անհրաժեշտ ամբաստանյալներ Ֆորտունատե Նվայգվեին (Նուգվիին) և Օդիսեյ Հարութ¬յուն¬յանին ուղղելու, նոր հան¬ցագոր¬ծությունների կատա¬րումը կանխելու համար։
Ամբաստանյալներից յուրաքանչյուրի պատժաչափը հաշվարկելիս Դատարանը հաշվի է առնում նաև այն, որ արագացված դատական քննության կարգով մեղադրական դատավճիռ կա¬յաց¬¬նելիս դատա¬րա¬նի նշանա¬կած պատիժը չի կարող գերազանցել կատարված յուրաքանչյուր հան¬ցագոր¬ծութ¬յան համար նա¬խա¬¬տեսված առավել խիստ պատժի երկու երրորդը .....։
Ամբաստանյալ Ֆորտունատե Նվայգվեի (Նուգվիի) կատարած յուրաքանչյուր հանցանքի հա¬մար պատիժ, իսկ հան¬ցանքների համակցությամբ վերջնական պատիժ սահմանելիս Դատա¬րանն հաշ¬վի է առնում նաև այն, որ վերջինս կատարել է ըստ բնույթի և հանրության համար վտան¬գա¬վո¬րության աստիճանի` ծանր, միջին և ոչ մեծ ծանրության հանցագոր¬ծություններ, հետևա¬բար` նրա նկատ¬մամբ վերջնական պա¬տիժ պետք է նշանակվի ՀՀ քրեական օրենսգրքի 66-րդ հոդվածի 4-րդ մասով, որը կիրառելի է համարում նաև պատիժները մասնակիորեն գումա¬րելու կա¬նոնը։
Ամբաստանյալ Օդիսեյ Հարությունյանի կատարած յուրաքանչյուր հանցանքի համար պա¬տիժ, իսկ հան¬ցանքների համակցությամբ վերջնական պատիժ սահմանելիս Դատարանն հաշվի է առնում նաև այն, որ վերջինս կատարել է ըստ բնույթի և հանրության համար վտանգա¬վո¬րության աստիճանի` միջին և ոչ մեծ ծանրության հանցագործություններ, հետևաբար` նրա նկատ¬մամբ պա¬տիժ պետք է նշանակվի ՀՀ քրեական օրենսգրքի 66-րդ հոդվածի 3-րդ մասով, որը նույնպես կիրառելի է համարում նաև պատիժները մասնակիորեն գումա¬րելու կանոնը։
Դատա¬նարկոլոգիական ամբուլատոր փորձաքննությունների 2013թ. ապրիլի 11-ի թիվ 44-13 և 45-13 եզրակա¬ցությունների համաձայն` ամբաստանյալներ Ֆորտունատե Նվայգվեի (Նուգվիի) և Օդիսեյ Հարութ¬յունյանի մոտ թմրամիջոցների գործածումը կրում է էպիզոդիկ բնույթ, նրանք հարկադիր բուժման կարիք չունեն, ուստի Դատարանն ամբաստանյալների նկատմամբ հարկադիր բուժում չի նշա¬նա¬կում։
Քննարկելով ամբաստանյալներ Ֆորտունատե Նվայգվեի (Նուգվիի) և Օդիսեյ Հարություն¬յանի նկատ¬մամբ ընտրված խափանման միջոց կալա¬նա¬վորման հարցը` Դա¬տա¬րանը գտնում է, որ այդ խափանման միջոցը վերացնելու կամ փո¬փոխելու հիմքերը բացա¬կա¬յում են` պայմա¬նա¬վորված նրանց իրական պատժի` ազա¬տազրկման դատապարտելու և դա¬տավճռի կա¬տա¬¬րումն ապահովելու անհրաժեշ¬տութ¬յամբ։ Միաժա¬մա¬նակ անդրադառ¬նալով ամ¬բաս¬¬¬տան¬¬յալների պատժի կրման սկիզբն հաշ¬վարկելու և անազա¬տության մեջ գտնվելու ժամկետն հաշվակցելու հարցերին` Դատա¬րանը գտնում է, որ պատ¬ժի կրման սկիզբն անհրա¬ժեշտ է հաշ¬վարկել վերջին¬ներիս փաստացի արգելանքի վերց¬նելու պահից` 2013թ. փետրվարի 7-ից, որի դեպ¬քում նրանց կալանքի տակ պահելու ժամկետները լրացուցիչ հաշ¬վակցե¬լու անհրա¬ժեշտութ¬¬յունը վերանում է, քանի որ հաշվակցման ենթակա ժամկետներն ինքնին ընդգրկում են 2013թ. փետրվա¬րի 7-ից մինչև սույն դատավճիռն օրինական ուժի մեջ մտնելն ըն¬կած ժամանակա¬հատ¬վածը։
ՀՀ քրեական դատավարական օրենսգրքի 360-րդ հոդվածի 1-ին մասի համաձայն` դա¬տավճիռ կայացնելիս Դատարանը պարտավոր է անդրադառնալ նաև իրեղեն ապացույցների տնօրին¬¬¬ման, դատական ծախսերի, գույ¬քի նկատմամբ կիրառված (կիրառվելիք) արգելանքի, քա¬ղա¬¬¬¬քա¬ցիական հայցի հարցերին։
Ըստ քրեական գործի նյութերի` փորձաքննությունների կատարման համար պե¬տական բյու¬ջեի միջոց¬¬ների հաշվին ծախսվել են գումարներ, սակայն այդ, ինչպես նաև ՀՀ քրեա¬կան դատավա¬րության օրենսգրքի 168-րդ հոդվածի 1-ին մասի 2-8-րդ կետերով թվարկված հնարավոր այլ դատա¬կան ծախսերը, ՀՀ քրեական դատավարական օրենսգրքի 375.3 հոդ¬վածի 8-րդ մասի համաձայն, ամբաստանյալներից բռնա¬գա¬նձ¬ման են¬թակա չեն։ Դատարանն արձանագրում է նաև, որ սույն քրեական գործով ամբաստանյալների դեմ քաղա¬քա¬¬ցիական հայց չի ներկայացվել, նրանց գույքի նկատմամբ փաստացի արգելանք չի կիրառվել, այն կիրառելու հիմքերն սույն դատական ակտի կայացման պահին ևս բացա¬կայում են։
Քննարկելով իրեղեն ապացույցների տնօրինման հարցը` Դատարանը գտնում է, որ գործով իրեղեն ապացույց ճանաչված, Դատարանում պահվող նյութերն ու առարկաները` «Օպել Աստրա» մակնիշի 29 ԼՕ 818 պետհամարանիշի ավտոմեքենայի սրահի զննությամբ հայտնաբերված 0,3774 գրամ «լևոմեպրոմազին» տեսակի, ինչպես նաև Գևորգ Հակոբյանի անձ¬նական խուզարկությամբ հայտնաբերված 0,0078 գրամ «լևոմեպրոմազին» տեսակի խիստ ներ¬գոր¬ծող նյութը, Ֆորտու¬նատե Նվայգվեի (Նուգվիի) ձեռքի պայուսակից հայտնաբերված 0,56 գրամ «չորաց¬ված մարի¬խուանա» տեսակի թմրամիջոցը, Արշակ Ղազարյանի անձնական խուզարկութ¬յամբ հայտ¬նա¬բեր¬ված 0,19 գրամ «չորացված մարիխուանա» տեսակի թմրամիջոցն անհրաժեշտ է վերադարձնել նախաքննա¬կան մարմնին` սույն գործից անջատված և նախաքննությունը շարունակվող քրեական գործին կցե¬լու նպատակով`դա¬տավճիռն օրինա¬կան ուժի մեջ մտնելուց հետո։ Ամբաստանյալ Ֆոր¬տու¬նատե Նվայգվեի (Նուգվիի) դրամապանակից հայտ¬նա¬բերված 75.000 ՀՀ դրամ գու¬մա¬րը, որպես վերջինիս կողմից հան¬ցա¬վոր ճանապարհով ձեռք բեր¬ված գույք, անհրաժեշտ է հանձնել պե¬տութ¬յանը` դա¬տավճիռն օրինա¬կան ուժի մեջ մտնելուց հետո։
Գնահատելով և ամփոփելով մեղադրանքի հիմքում դրված ապացույց¬ները, ղեկավարվելով ՀՀ քրեական դատավա¬րա¬կան օրենսգրքի 119-րդ, 357-360-րդ, 364-365-րդ, 369-373-րդ, ինչպես նաև 375.1-375.4-րդ հոդված¬ներով, Դատա¬րանը

Վ Ճ Ռ Ե Ց ՝

1. Ֆորտունատե Իկեմսինաչի Նուգվիին (Նվայգվեին) ճանաչել մեղավոր ՀՀ քրեական օրենսգրքի 266-րդ հոդվածի 1-ին մասով (4 դրվագներով), 275-րդ հոդվածի 1-ին մասով և 268-րդ հոդ¬վածի 1-ին մասով նախատեսված հանցա¬գործությունների կատարման մեջ, նրա նկատ¬մամբ նշանակել պատիժ`
ՀՀ քրեական օրենսգրքի 266-րդ հոդ¬վածի 1-ին մասով` 4 (չորս) դրվագներից յուրա¬քանչյուրով` ազա¬տազրկում 3 (երեք) տա¬րի 6 (վեց) ամիս ժամկետով,
ՀՀ քրեական օրենսգրքի 275-րդ հոդ¬վածի 1-ին մասով` ազա¬տազրկում 6 (վեց) ամիս ժամ¬կե¬տով,
ՀՀ քրեական օրենսգրքի 268-րդ հոդվածի 1-ին մասով` ազա¬տազրկում 6 (վեց) ամիս ժամ¬կե¬տով։
Կիրառելով ՀՀ քրեական օրենսգրքի 66-րդ հոդվածի 4-րդ մասը, նշանակված պա¬տիժները մաս¬նակիորեն գումարելով` Ֆորտունատե Իկեմսինաչի Նուգվիի (Նվայգվեի) նկատմամբ վերջ¬նական պատիժ նշա¬նակել ազատազրկում 4 (չորս) տարի 6 (վեց) ամիս ժամկետով։
Ֆորտունատե Իկեմսինաչի Նուգվիի (Նվայգվեի) պատժի կրման սկիզբն հաշվել 2013թ. փետրվարի 7-ից, նրա նկատ¬մամբ որպես խափանման միջոց ընտրված կալանա¬վորումը թողնել անփոփոխ` մինչև սույն դա¬տավճիռն օրինական ուժի մեջ մտնելը։
2. Օդիսեյ Յուրիի Հարությունյանին ճանաչել մեղավոր ՀՀ քրեական օրենսգրքի 235-րդ հոդ¬վածի 1-ին մասով և 275-րդ հոդվածի 1-ին մասով նախատեսված հան¬ցա¬գործությունների կատար¬ման մեջ, նրա նկատմամբ նշա¬նակել պատիժ`
ՀՀ քրեական օրենսգրքի 235-րդ հոդվածի 1-ին մասով` ազատազրկում 6 (վեց) ամիս ժամկետով,
ՀՀ քրեական օրենսգրքի 275-րդ հոդվածի 1-ին մասով` ազատազրկում 9 (ինը) ամիս ժամկետով։
Կիրառելով ՀՀ քրեական օրենսգրքի 66-րդ հոդվածի 3-րդ մասը, նշանակված պա¬տիժները մաս¬նա¬կիորեն գումարելով` Օդիսեյ Յուրիի Հարությունյանի նկատմամբ վերջ¬նական պատիժ նշա¬նա¬կել ազատազրկում 1 (մեկ) տարի ժամկետով։
Օդիսեյ Հարությունյանի պատժի կրման սկիզբն հաշվել 2013թ. փետրվարի 7-ից, նրա նկատ¬մամբ որպես խափանման միջոց ընտրված կալանա¬վորումը թողնել անփոփոխ` մինչև սույն դա¬տավճիռն օրինական ուժի մեջ մտնելը։
Գործով իրեղեն ապացույց ճանաչված, Դատարանում պահվող նյութերն ու առարկաները` «Օպել Աստրա» կանիշի 29 ԼՕ 818 պետհամարանիշի ավտմեքենայի սրահի զննությամբ հայտ¬նաբերված 0,3774 գրամ «լևոմեպրոմազին» տեսակի, ինչպես նաև Գևորգ Հակոբյանի անձ¬նական խուզարկությամբ հայտնաբերված 0,0078 գրամ «լևոմեպրոմազին» տեսակի խիստ ներ¬գոր¬ծող նյու¬թերը, Ֆոր¬տու¬նատե Նվայգվեի (Նուգվիի) ձեռքի պայուսակից հայտնաբերված 0,56 գրամ «չորաց¬ված մարի¬խուանա» տեսակի թմրամիջոցը, Արշակ Ղազարյանի անձնական խուզարկութ¬յամբ հայտ¬¬նաբերված 0,19 գրամ «չորացված մարիխուանա» տեսակի թմրամիջոցը վերադարձնել նա¬խաքննական մարմնին` սույն գործից անջատված մասով քրեկան գործին կցելու նպատակով, իսկ Ֆոր¬տու¬նատե Նվայգվեի (Նուգվիի) դրամապանակից հայտնաբերված 75.000 ՀՀ դրամ գու¬մարը, որպես վերջինիս կողմից հան¬ցա¬վոր ճանապարհով ձեռք բերված գույք, հանձնել պե¬տութ¬յանը` դա¬տավճիռն օրինա¬կան ուժի մեջ մտնելուց հետո։
Դատական ծախսերի հարցն համարել լուծված` գործն արագացված դատական քննության կարգով քննելու հիմքով։
Դատավճիռը հրապարակման օրվանից մե¬կամսյա ժամկետում կարող է բողո¬քարկվել ՀՀ վե¬րաքննիչ քրեական դատարան` բացառությամբ գործի փաստական հանգա¬մանք¬ների վերա¬բերյալ Դա¬տարանի հետևությունների։


ԴԱՏԱՎՈՐ՝ Ա.ՎԱՐԴԱՆՅԱՆ