ԵԿԴ/0119/01/13


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
05 փետրվարի 2014թ. ք.Երևան
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության առաջին ատյանի դատարանը`

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ
Ս.ՄԱՆՈՒԿՅԱՆԻ
մասնակցությամբ`
մեղադրող Բ.ՊԵՏՐՈՍՅԱՆԻ
ամբաստանյալ Կ.ԳՐԻԳՈՐՅԱՆԻ
պաշտպան Գ.ՄԱԼԽԱՍՅԱՆԻ

դատարանում` դռնբաց դատական նիստում, քննեց գործն ըստ մեղադրանքի` Կարեն Վանուշի Գրիգորյանի` ծնված 22.03.1963թ. Արարատի մարզի Ջրահովիտ գյուղում, ազգութ-յամբ հայ, ՀՀ քաղաքացի, իր հայտարարությամբ՝ ամուսնալուծված և բարձրագույն կրթու-թյամբ, խնամքին երեք անձ, վատառողջ, «Սաքրեն» ՍՊ ընկերության տնօրեն, չդատված, հաշվառված է` ք.Երևան, Գրիբոյեդովի փողոց, 11-րդ շենք, բնակարան հ. 47, բնակվել է` ք.Երևան, Վրացական փողոց, 4-րդ նրբանցք, 5-րդ շենք, բնակարան հ. 2, արգելանքի տակ է 2013թ. հունիսի 7-ից, մեղադրվում է ՀՀ քրեական օրենսգրքի 205-րդ հոդվածի 1-ին մասով, 38-205-րդ հոդվածի 2-րդ մասով, 215-րդ հոդվածի 1-ին մասով և 325-րդ հոդվածի 1-ին մասով։
Ամբաստանյալ Կ.Գրիգորյանին ՀՀ քրեական օրենսգրքի 205-րդ հոդվածի 1-ին մա-սով, 38-205-րդ հոդվածի 2-րդ մասով, 38-189-րդ հոդվածի 3-րդ մասով, 215-րդ հոդվածի 1-ին մասով և 325-րդ հոդվածի 1-ին մասով մեղադրանք է առաջադրվել այն բանի համար, որ նա. «Հանդիսանալով ՀՀ ԿԱ ՊԵԿ Աշտարակի տարածքային հարկային տեսչությունում հաշ-վառված «Սաքրեն» հիմնադիրն ու տնօրենը, 2009-2010թթ. ընթացքում զբաղվել է ՌԴ-ում գործունեություն ծավալող «Օսկար» ՍՊ ընկերության կողմից պատվիրված ապրանքների մատակարարմամբ և վաճառքով։
Կարեն Գրիգորյանը ՀՀ տարածքում ևս զբաղվել է ձեռնարկատիրական գործունեու-թյամբ` մի շարք ֆիզիկական և իրավաբանական անձանցից ձեռք է բերել տարբեր տեսակի ապրանքներ` անվադողեր, տրանսֆորմատորներ, էլեկտրական սարքավորումներ և տրանս-ֆորմատորային յուղեր և դրանք վաճառել «Ապոիքս» ՍՊ ընկերությանը։
Նշված ժամանակահատվածում Կարեն Գրիգորյանը, խախտելով «Շահութահարկի մասին» ՀՀ օրենքի 7-րդ հոդվածի 1-ին կետի, 19-րդ հոդվածի «Գ» կետի, «Ավելացված ար-ժեքի հարկի մասին» ՀՀ օրենքի 8-րդ հոդվածի, 20-րդ հոդվածի և 431-րդ հոդվածի պահանջ-ները, իրականացրած գործունեության վերաբերյալ ՀՀ ԿԱ ՊԵԿ Աշտարակի ՏՀՏ ներկայաց-րած 2009թ. և 2010թ. հաշվետու տարիների կտրվածքով կազմած շահութահարկի հաշվար-կում համախառն եկամուտը պակաս ցույց տալու, 2010թ. շահութահարկի հաշվարկում հա-մախառն եկամտից նվազեցման ենթակա ծախսերը ավել ցույց տալու և 2012թ. երրորդ և չոր-րորդ եռամսյակների համար կազմած ԱԱՀ-ի հաշվարկներում ակնհայտ խեղաթյուրված տվյալներ մտցնելու միջոցով չարամտորեն խուսափել է խոշոր չափերով` 11.316.080 դրամ հարկերը վճարելուց։
Բացի այդ, Կարեն Գրիգորյանն օժանդակել է «Գոլդ-Էներջի» ՍՊ ընկերության տնօ-րեն Ժորժիկ Բաղումյանին առանձնապես խոշոր չափերով հարկային պարտավորություննե-րից խուսափելու նպատակով «Արտակ Հակոբյան» և «Պերֆֆանտոմ» ՍՊ ընկերություններից 90.351.000 ՀՀ դրամի ընդհանուր արժեքով, թվով 12 անապրանք կեղծ հաշիվ-ապրանքա-գըրերը ձեռք բերելուն։
Մասնավորապես, Ժորժիկ Բաղումյանի խնդրանքով Կարեն Գրիգորյանը պայմանա-վորվածություններ է ձեռք բերել «Արտակ Հակոբյան» ՍՊ ընկերության տնօրեն Արտակ Հա-կոբյանի և «Պերֆֆանտոմ» ՍՊ ընկերության տնօրեն Տիգրան Հարությունյանի հետ, որի հի-ման վրա ու Ժորժիկ Բաղումյանը վերջիններիցս համապատասխան վճարի՝ 90.351.000 ՀՀ դրամի 3% գումարի դիմաց, գնել է հիշյալ կեղծ հաշիվ-ապրանքագրերը։
Նշված հաշիվ-ապրանքագրերը ձեռք բերելու արդյունքում «Գոլդ Էներջի» ՍՊ ընկե-րությունը 2009թ. 1-ին, 2-րդ և 3-րդ եռամսյակների ավելացված արժեքի հարկի, շահութա-հարկի և սոցիալական ապահովագրության վճարների հաշվարկներում ակնհայտ խեղա-թյուրված տվյալներ մտցնելու միջոցով, չարամտորեն խուսափել է առանձնապես խոշոր չա-փերով՝ 16.013.400 դրամի հարկերը պետական բյուջե վճարելուց /ԱԱՀ` 594.000 դրամ, շահու-թահարկ` 15.357.200 դրամ և սոցիալական ապահովագրության վճար` 159.300 դրամ/։
Այդ գործողություններով Կարեն Գրիգորյանն օժանդակել է նաև «Արտակ Հակոբյան» և «Պերֆֆանտոմ» ՍՊ ընկերությունների տնօրեններ Արտակ Հակոբյանին և Տիգրան Հարու-թյունյանին «Գոլդ-Էներջի» ՍՊ ընկերության տնօրեն Ժորժիկ Բաղումյանին 2009թ. փետր-վարից օգոստոս ամիսն ընկած ժամանակահատվածում առանց ապրանքների մատակա-րարման 90.351.000 դրամ ընդհանուր գումարով 11.02.2009թ. հ. 3, 03.03.2009թ. հ. 5, 09.09.2009թ. հ. 7, 09.09.2009թ. հ. 8, 18.03.2009թ. հ. 9, 27.03.2009թ. հ. 12, 30.06.2009թ. հ. 37, 20.07.2009թ. հ. 47, 11.05.2009թ. հ. 10, 02.07.2009թ. հ. 13, 28.08.2009թ. հ. 20 և 28.08.2009թ. հ. 21 կեղծ հաշիվ-ապրանքագրերը տրամադրելուն։
«Արտակ Հակոբյան», «Պերֆֆանտոմ» և «Գոլդ-Էներջի» ՍՊ ընկերությունների միջև կատարված անապրանք գործարքների արդյունքում Կարեն Գրիգորյանը՝ որպես միջնորդա-վճար, ստացել է ընդհանուր գործարքի գումարի՝ 90.351.000 դրամի 3 տոկոսը։
«Արտակ Հակոբյան» ՍՊ ընկերության տնօրեն Արտակ Հակոբյանի կողմից «Գոլդ Էներջի» ՍՊ ընկերության տնօրեն Ժորժիկ Բաղումյանին կեղծ հաշիվ-ապրանքագրեր տրա-մադրելու արդյունքում պետությանը պատճառվել է 7.114.000 դրամի վնաս, իսկ «Պերֆֆան-տոմ» ՍՊ ընկերության տնօրեն Տիգրան Հարությունյանի կողմից «Գոլդ Էներջի» ՍՊ ընկե-րության տնօրեն Ժորժիկ Բաղումյանին կեղծ հաշիվ-ապրանքագրեր տրամադրելու արդյուն-քում պետությանը պատճառվել է 7.944.500 դրամի վնաս։
Բացի այդ, Կարեն Գրիգորյանն իր կողմից տարբեր վայրերից ձեռք բերած ապրանք-ները Հայաստանի Հանրապետությունից Ռուսաստանի Դաշնություն արտահանելու համար 2010թ. ապրիլ-հոկտեմբեր ամիսներին քաղաքացիներ Հուսիկ Մկրտչյանի, Սոֆյա Գալոյանի, Տիգրան Հարությունյանի, Գարիկ Ահարոնյանի և Եղիշե Շիրինյանի անուններով պատրաս-տել՝ կազմել ու վերջիններիս փոխարեն ստորագրել է, պաշտոնական փաստաթուղթ համար-վող և իրավունք վերապահող 01.04.2010թ. հ. 3, 02.04.2010թ. հ. 4, 15.04.2010թ. հ. 4, 23.04.2010թ. հ. 5, 06.05.2010թ. հ. 6, 07.05.2010թ. հ. 7, 01.07.2010թ. հ.8, 06.07.2010թ. հ. 9, 28.07.2010թ. հ.10, 28.07.2010թ. հ. 11, 27.08.2010թ. հ. 8, 30.08.2010թ. հ. 9, 01.09.2010թ. հ. 10, 02.09.2010թ. հ. 11 և 01.10.2010թ. հ 12 կեղծ գնման ակտերը և դրանք ՀՀ ԿԱ ՊԵԿ մաքսային ծառայություն ներկայացնելու միջոցով օգտագործել որպես ձեռքբերումները հիմնավորող փաստաթղթեր ու այդ ճանապարհով արտահանել ապրանքները։
Բացի այդ, Կարեն Գրիգորյանը կատարել է խոշոր չափերով մաքսանենգություն։
Մասնավորապես, 2012թ. դեկտեմբեր ամսին Ռուսաստանի Դաշնությունից Երևան ուղևորվող «Ֆաստ Տրանս Վան» ՍՊ ընկերությանը պատկանող «IVECO» մակնիշի 33VO443 պետհամարանիշի ավտոմեքենայով, մաքսանենգությամբ` մաքսային հսկողությու-նից թաքցնելով, Հայաստանի Հանրապետության մաքսային սահմանով Կարեն Գրիգորյանը ՀՀ է տեղափոխել 353.000 դրամ ընդհանուր արժողությամբ 1 հատ խոհանոցային կահույք անկյունակ` սեղանով և 1 աթոռով, 1 հատ առաստաղի կախովի ջահ, 3 հատ պատին ամրաց-վող ջահեր, 1 հատ սինթետիկ շրջանաձև գորգ, 1 հատ «CANON» տեսակի տպող սարք, 1 հատ փոշեկուլ, 1 հատ «PHILIPS» տեսակի 41 սմ տրամագծով հեռուստացույց, 1 հատ «SHARP» տեսակի տեսամագնիտոֆոն, 1 հատ «PHILIPS» տեսակի CD նվագարկիչ, 1 հատ «YAMAHA» տեսակի ուժեղացուցիչ, 1 հատ «ROWENTA» տեսակի արդուկ, 1 հատ «BOSCH» տեսակի հարիչ, 1 հատ «BRAUN» տեսակի մսաղաց, 1 հատ «MOULINEX» տե-սակի տոստեր և 660.000 դրամ ընդհանուր արժողությամբ 220կգ ընկույզի միջուկ»։
Դատաքննությամբ մեղադրող Բ.Պետրոսյանը, պատճառաբանելով, որ նույն արար-քի համար ամբաստանյալ Կ.Գրիգորյանին մեղադրանք է առաջադրվել երկու հոդվածով՝ ՀՀ քրեական օրենսգրքի 38-205-րդ հոդվածի 2-րդ մասով և 38-189-րդ հոդվածի 3-րդ մասով, ինչն անձի արարքին քրեաիրավական գնահատական տալու առումով անթույլատրելի է, 09.12.2013թ. կայացրած որոշմամբ վերացնելով ՀՀ քրեական օրենսգրքի 38-189-րդ հոդվածի 3-րդ մասով մեղադրանքը, փոխեց ամբաստանյալ Կ.Գրիգորյանին նախկինում առաջադըր-ված մեղադրանքն ու նույն արարքների համար նրան նոր մեղադրանք առաջադրեց ՀՀ քրե-ական օրենսգրքի 205-րդ հոդվածի 1-ին մասով, 38-205-րդ հոդվածի 2-րդ մասով, 215-րդ հոդ-վածի 1-ին մասով և 325-րդ հոդվածի 1-ին մասով։
Ամբաստանյալ Կ.Գրիգորյանը մինչև դատաքննությունն սկսվելը միջնորդեց դատա-կան քննությունն անցկացնել արագացված կարգով ու հայտարարեց, որ այն ներկայացնում է կամավոր` պաշտպանի հետ խորհրդակցելուց հետո, առաջադրված մեղադրանքն իրեն պարզ է, համաձայն է մեղադրանքի հետ, առաջադրված մեղադրանքում իրեն լիովին մեղա-վոր է ճանաչում և գիտակցում է արագացված կարգով դատական քննություն անցկացնելու հետևանքները, իսկ մեղադրողը դատարանի առաջարկությամբ փոխեց իր դիրքորոշումն ու չառարկեց արագացված կարգ կիրառելու դեմ, թեպետ առարկել էր դրա դեմ մեղադրական եզրակացությունում։
Դատարանի որոշմամբ ամբաստանյալի միջնորդությունը բավարարվել է և դատական քննությունն անցկացվել է արագացված կարգով։
Դատարանը, հաշվի առնելով առաջադրված մեղադրանքի հետ ամբաստանյալի հա-մաձայն լինելու հանգամանքն ու հանգելով եզրակացության, որ մեղադրանքը, որի հետ հա-մաձայնվեց ամբաստանյալը, հիմնավորված է և հաստատվում է քրեական գործով հավաք-ված ապացույցներով, գտնում է, որ ամբաստանյալ Կ.Գրիգորյանը կատարել է հանցանքներ` նախատեսված ՀՀ քրեական օրենսգրքի 205-րդ հոդվածի 1-ին մասով, 38-205-րդ հոդվածի 2-րդ մասով, 215-րդ հոդվածի 1-ին մասով և 325-րդ հոդվածի 1-ին մասով, որոնցով և նա պետք է պատասխանատվության ենթարկվի։
Ամբաստանյալ Կ.Գրիգորյանի նկատմամբ պատիժ նշանակելիս` պատիժների տե-սակն ու չափը որոշելիս, դատարանը հաշվի է առնում ինչպես նրա կատարած արարքների բնույթն ու հանրության համար վտանգավորության աստիճանը, այնպես էլ արագացված կարգով անցկացված դատական քննության ընթացքում ուսումնասիրված` նրա անձը բնու-թագրող տվյալներն ու պատասխանատվությունը և պատիժը մեղմացնող ու ծանրացնող հանգամանքները։
Որպես ամբաստանյալ Կ.Գրիգորյանի պատասխանատվությունն ու պատիժը մեղ-մացնող հանգամանքներ` դատարանը հաշվի է առնում, որ նա առաջին անգամ է դատա-պարտվում, խոստովանական ցուցմունքներով աջակցել է հանցագործությունը բացահայտե-լուն, հատուցել է հանցագործությամբ անմիջականորեն պատճառված վնասը՝ 11.316.080 դրամը, համաձայնվեց մեղադրանքի հետ և անկեծորեն զղջաց կատարած հանցանքների հա-մար, վատառողջ է` տառապում է «ՍԻՀ լարման ստենոկարդիա, զարկերակային հիպերտեն-զիա 2-րդ աստիճան» ախտորոշումներով հիվանդություններով, նրա խնամքին են գտնվում երեք անձ` մինչև 14 տարեկան որդին, չաշխատող և սովորող դուստրերը։
Դատարանը նաև հաշվի է առնում, որ ամբաստանյալի կողմից մաքսանենգությամբ Հայաստան են տեղափոխվել հիմնականում օգտագործված կենցաղային ապրանքներ։
Որպես ամբաստանյալ Կ.Գրիգորյանի անձը բնութագրող տվյալ՝ դատարանը հաշվի է առնում, որ նա բնութագրվում է դրական։
Դատաքննությամբ ամբաստանյալի պատասխանատվությունն ու պատիժը ծանրաց-նող հանգամանքներ չարձանագրվեցին։
Դատարանը, հաշվի առնելով ամբաստանյալի անձը բնութագրող տվյալները, պա-տասխանատվությունն ու պատիժը մեղմացնող վերոգրյալ հանգամանքները, պատասխա-նատվությունը և պատիժը ծանրացնող հանգամանքների բացակայությունն ու ելնելով ՀՀ քրեական օրենսգրքի 10-րդ և 61-րդ հոդվածներով սահմանված արդարության, պատասխա-նատվության անհատականացման ու պատիժ նշանակելու ընդհանուր սկզբունքներից, հան-գում է հետևության, որ ՀՀ քրեական օրենսգքրի 38-205-րդ հոդվածի 2-րդ մասով նա պետք է դատապարտվի ազատազրկման, որպիսի պատիժը սակայն ՀՀ քրեական օրենսգքրի 70-րդ հոդվածի կիրառմամբ պայմանականորեն չպետք է կիրառվի, նկատի ունենալով, որ նրա ուղղվելը հնարավոր է առանց պատիժը կրելու՝ հասարակությունից չմեկուսացնելու, սակայն նրա վարքագծի նկատմամբ հսկողություն սահմանելու միջոցով, ինչն անհրաժեշտ ու բավա-րար է նաև սոցիալական արդարությունը վերականգնելու և նրա կողմից նոր հանցագործու-թյունների կատարումը կանխելու համար։
Դատարանը նման հետևության է հանգում՝ հաշվի առնելով նաև ՀՀ քրեական օրենս-գրքի 70-րդ հոդվածի կիրառման վերաբերյալ մի շարք նախադեպային որոշումներում ՀՀ վճռաբեկ դատարանի հայտնած իրավական դիրքորոշումները։
Միաժամանակ, հաշվի առնելով, որ ՀՀ քրեական օրենսգրքի 70-րդ հոդվածի 4-րդ մա-սի համաձայն՝ ազատազրկման ձևով պատիժը պայմանականորեն չկիրառելիս կարող են նշանակվել լրացուցիչ պատիժներ« բացի գույքի բռնագրավումից, դատարանը գտնում է, որ ՀՀ քրեական օրենսգրքի 38-205-րդ հոդվածի 2-րդ մասով ամբաստանյալի նկատմամբ պետք է պատիժ նշանակվի առանց գույքի բռնագրավման։
Քննության առնելով իրեղեն ապացույցների տնօրինման հարցը, դատարանը գտնում է, որ «Ֆիրմա Նյու» մաքսային հսկողության տարածքում պահվող՝ 1 հատ սեղանով և աթո-ռով խոհանոցային անկյունակ կահույքը, առաստաղի կախովի ջահը, պատին ամրացվող 3 հատ ջահը, սինթետիկ շրջանաձև գորգը, «CANON» տեսակի տպող սարքը, փոշեկուլը, «PHILIPS» տեսակի 41 սմ տրամագծով հեռուստացույցը, «SHARP» տեսակի տեսամագնի-տոֆոնը, «PHILIPS» տեսակի CD նվագարկիչը, «YAMAHA» տեսակի ուժեղացուցիչը, «ROWENTA» տեսակի արդուկը, «BOSCH» տեսակի հարիչը, «BRAUN» տեսակի մսաղացը և «MOULINEX» տեսակի տոստերը՝ որպես մաքսանենգության առարկաներ, պետք է բռնա-գրավվեն հօգուտ պետության, արժեք չներկայացնող ընկույզի միջուկի նմուշը՝ ոչնչացվի, իսկ «ՀՀ Արագածոտնի մարզ, Սահմանափակ պատասխանատվությամբ ընկերություն, 05017703 Սաքրեն» գրառումներով կնիքը՝ վերադարձվի Կ.Գրիգորյանին։
Դատարանը, նկատի ունենալով, որ մեղադրողը հրաժարվեց ՀՀ գլխավոր դատախա-զության ընդդեմ Կարեն Գրիգորյանի՝ գումարի բռնագանձման պահանջի մասին քաղաքա-ցիական հայցից, գտնում է, որ ՀՀ քրեական դատավարության օրենսգրքի 161-րդ հոդվածի համաձայն նշված հայցով վարույթը պետք է կարճվի։
Քննության առնելով խափանման միջոցի հարցը` դատարանը գտնում է, որ ամբաս-տանյալի նկատմամբ կիրառված կալանավորումը, պետք է վերացվի, և նա պետք է անհա-պաղ ազատվի կալանքից դատական նիստի դահլիճում, նկատի ունենալով, որ նրա նկատ-մամբ կիրառելի է «Հայաստանի Հանրապետության անկախության հռչակման 22-րդ տարե-դարձի կապակցությամբ համաներում հայտարարելու մասին» ՀՀ ԱԺ 2013թ. հոկտեմբերի 3-ի որոշումը, որի 1-ին կետի 1-ին և 2-րդ ենթակետերի համաձայն նա պետք է ազատվի պատ-ժից, քանի որ առկա չեն նույն որոշմամբ սահմանված սահմանափակումները։
Վերոգրյալների հիման վրա և ղեկավարվելով ՀՀ քրեական դատավարության օրենս-գրքի 119-րդ, 357-րդ, 359-րդ, 360-րդ ու 3753-րդ հոդվածներով` դատարանը

Վ Ճ Ռ Ե Ց

Կարեն Վանուշի Գրիգորյանին ճանաչել մեղավոր ՀՀ քրեական օրենսգրքի 205-րդ հոդվածի 1-ին մասով, 38-205-րդ հոդվածի 2-րդ մասով, 215-րդ հոդվածի 1-ին մասով ու 325-րդ հոդվածի 1-ին մասով, և ՀՀ քրեական օրենսգրքի 205-րդ հոդվածի 1-ին մասով նրան դատապարտել 2.000.000 (երկու միլիոն) դրամ տուգանքի, 38-205-րդ հոդվածի 2-րդ մասով՝ ազատազրկման 5 (հինգ) տարի ժամկետով, 215-րդ հոդվածի 1-ին մասով՝ 1.000.000 (մեկ միլիոն) դը-րամ տուգանքի՝ հօգուտ պետության 1 հատ սեղանով և աթոռով խոհանոցային անկյունակ կահույքի, առաստաղի կախովի ջահի, պատին ամրացվող 3 հատ ջահի, սինթետիկ շրջանաձև գորգի, «CANON» տեսակի տպող սարքի, փոշեկուլի, «PHILIPS» տեսակի 41 սմ տրա-մագծով հեռուստացույցի, «SHARP» տեսակի տեսամագնիտոֆոնի, «PHILIPS» տեսակի CD նվագարկչի, «YAMAHA» տեսակի ուժեղացուցչի, «ROWENTA» տեսակի արդուկի, «BOSCH» տեսակի հարիչի, «BRAUN» տեսակի մսաղացի, «MOULINEX» տեսակի տոստերի բռնագրավմամբ և 660.000 դրամի բռնագանձմամբ, իսկ 325-րդ հոդվածի 1-ին մասով` 200.000 (երկու հարյուր հազար) դրամ տուգանքի։
ՀՀ քրեական օրենսգրքի 66-րդ հոդվածի 4-րդ մասի համաձայն` պատիժները մասնա-կիորեն գումարելու միջոցով, որպես վերջնական պատիժ` նշանակել ազատազրկում 5 (հինգ) տարի ժամկետով և 2.500.000 (երկու միլիոն հինգ հարյւր հազար) դրամ տուգանք` հօգուտ պետության 1 հատ սեղանով և աթոռով խոհանոցային անկյունակ կահույքի, առաստաղի կախովի ջահի, պատին ամրացվող 3 հատ ջահի, սինթետիկ շրջանաձև գորգի, «CANON» տեսակի տպող սարքի, փոշեկուլի, «PHILIPS» տեսակի 41 սմ տրամագծով հեռուստացույցի, «SHARP» տեսակի տեսամագնիտոֆոնի, «PHILIPS» տեսակի CD նվագարկչի, «YAMAHA» տեսակի ուժեղացուցչի, «ROWENTA» տեսակի արդուկի, «BOSCH» տեսակի հարիչի, «BRAUN» տեսակի մսաղացի, «MOULINEX» տեսակի տոստերի բռնագրավմամբ և 660.000 դրամի բռնագանձմամբ։
Իրեղեն ապացույց ճանաչված ընկույզի միջուկի նմուշը, ոչնչացնել, իսկ «ՀՀ Արագած-ոտնի մարզ, Սահմանափակ պատասխանատվությամբ ընկերություն, 05017703 Սաքրեն» գրառումներով կնիքը վերադարձնել Կ.Գրիգորյանին։
ՀՀ քրեական օրենսգրքի 70-րդ հոդվածի կիրառմամբ Կ.Գրիգորյանի նկատմամբ ա-զատազրկման ձևով նշանակված պատիժը պայմանականորեն չկիրառել և սահմանել փոր-ձաշրջան 4 (չորս) տարի ժամկետով։
«Հայաստանի Հանրապետության անկախության հռչակման 22-րդ տարեդարձի կա-պակցությամբ համաներում հայտարարելու մասին» ՀՀ ԱԺ 2013թ. հոկտեմբերի 3-ի որոշման 1-ին կետի 1-ին և 2-րդ ենթակետերի կիրառմամբ Կարեն Գրիգորյանին ազատել պատժից։
ՀՀ գլխավոր դատախազության ընդդեմ Կարեն Գրիգորյանի գումարի բռնագանձման պահանջի մասին քաղաքացիական հայցով վարույթը կարճել։
Կ.Գրիգորյանի նկատմամբ կիրառված խափանման միջոցը վերացնել և նրան անհա-պաղ ազատել կալանքից դատարանի դահլիճում։
Դատավճիռը կարող է բողոքարկվել ՀՀ քրեական վերաքննիչ դատարան` հրապա-րակվելու օրվանից հետո` մեկամսյա ժամկետում։

ԴԱՏԱՎՈՐ` Գ.ՊՈՂՈՍՅԱՆ