ԵԿԴ/0101/01/13





ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«03» hուլիսի 2013թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ` Դատարան)

Նախագահող դատավոր Մ.Պապոյան
դատական նիստերի քարտուղար Կ.Կարապետյան
մեղադրող Հ.Մելքոնյան
տուժողներ Ն.Պետրոսյան
Գ.Պետրոսյան
Կ.Մովսեսյան
տուժողի ներկայացուցիչ Մ.Կոշկարյան
պաշտպան Ռ.Սիրեկանյան

դռնբաց դատական նիստում` արագացված դատական քննության կարգով, քննեց քրեական գործն ըստ մեղադրանքի`
Արման Արթուրի Սարգսյանի` ծնված 1990 թվականի ապրիլի 15-ին Երևան քաղաքում, ազգությամբ հայ, ՀՀ քաղաքացի, ութամյա կրթությամբ, նախկինում չդատապարտված, չամուսնացած, չի աշխատում, հաշվառված է Երևան քաղաքի Ա.Տիգրանյան փողոցի 3-րդ շենքի 9-րդ բնակարանում, մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով, 177-րդ հոդվածի 2-րդ մասի 3-րդ կետով, 34-177-րդ հոդվածի 2-րդ մասի 3-րդ կետով, 177-րդ հոդվածի 2-րդ մասի 2-րդ, 3-րդ կետերով և 177-րդ հոդվածի 2-րդ մասի 3-րդ կետով, արգելանքի տակ է 2012 թվականի դեկտեմբերի 28-ից:
1. Գործի դատավարական նախապատմությունը.
2012 թվականի նոյեմբերի 6-ին ՀՀ ոստիկանության Կենտրոնականի քննչական բաժնի ավագ քննիչ Ա.Պողոսյանի որոշմամբ ՀՀ քրեական օրենսգրքի 177-րդ հոդվածի 2-րդ մասի 3-րդ կետով նախատեսված հանցագործության հատկանիշներով հարուցվել և վարույթ է ընդունվել թիվ 15119312 քրեական գործը:
2012 թվականի դեկտեմբերի 25-ին ՀՀ ոստիկանության Կենտրոնականի քննչական բաժնի ավագ քննիչ Ա.Պողոսյանի որոշմամբ թիվ 15119312 քրեական գործի վարույթը կասեցվել է` որպես մեղադրյալ ներգրավման ենթակա անձը հայտնի չլինելու պատճառաբանությամբ:
2012 թվականի դեկտեմբերի 27-ին ՀՀ ոստիկանության Կենտրոնականի քննչական բաժնի քննիչ Ա.Միրզոյանի որոշմամբ ՀՀ քրեական օրենսգրքի 177-րդ հոդվածի 2-րդ մասի 3-րդ կետով նախատեսված հանցագործության հատկանիշներով հարուցվել և վարույթ է ընդունվել թիվ 15135412 քրեական գործը:
2012 թվականի դեկտեմբերի 29-ին ՀՀ ոստիկանության Կենտրոնականի քննչական բաժնի քննիչ Ա.Միրզոյանի որոշմամբ թիվ 15135412 քրեական գործով Արման Արթուրի Սարգսյանին մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 3-րդ կետով և 177-րդ հոդվածի 2-րդ մասի 3-րդ կետով:
2013 թվականի փետրվարի 22-ին ՀՀ ոստիկանության Կենտրոնականի քննչական բաժնի քննիչ Ս.Պետրոսյանի որոշմամբ ՀՀ քրեական օրենսգրքի 177-րդ հոդվածի 1-ին մասով նախատեսված հանցագործության հատկանիշներով հարուցվել և վարույթ է ընդունվել թիվ 13119113 քրեական գործը:
2013 թվականի մարտի 12-ին ՀՀ ոստիկանության Կենտրոնականի քննչական բաժնի քննիչ Ա.Միրզոյանի որոշմամբ թիվ 13119113 քրեական գործը միացվել է թիվ 15135412 քրեական գործին:
2013 թվականի ապրիլի 22-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Ա.Պողոսյանի որոշմամբ թիվ 15119312 քրեական գործի կասեցված վարույթը վերսկսվել է:
2013 թվականի մայիսի 10-ին ՀՀ ոստիկանության Կենտրոնականի քննչական բաժնի քննիչ Ա.Միրզոյանի որոշմամբ թիվ 15119312 քրեական գործն ընդունվել է վարույթ և միացվել է թիվ 15135412 քրեական գործին:
2013 թվականի մայիսի 24-ին ՀՀ ոստիկանության Կենտրոնականի քննչական բաժնի քննիչ Ա.Միրզոյանի որոշմամբ թիվ 15135412 քրեական գործով Արման Արթուրի Սարգսյանին առաջադրված մեղադրանքը փոփոխվել և նրան նոր մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով, 177-րդ հոդվածի 2-րդ մասի 3-րդ կետով, 177-րդ հոդվածի 2-րդ մասի 2-րդ, 3-րդ կետերով, 177-րդ հոդվածի 2-րդ մասի 3-րդ կետով և 34-177-րդ հոդվածի 2-րդ մասի 3-րդ կետով:
2013 թվականի մայիսի 24-ին ՀՀ ոստիկանության Կենտրոնականի քննչական բաժնի քննիչ Ա.Միրզոյանի որոշմամբ թիվ 15135412 քրեական գործով Արման Արթուրի Սարգսյանի նկատմամբ ՀՀ քրեական օրենսգրքի 235-րդ հոդվածի 4-րդ մասով քրեական հետապնդում չի իրականացվել` արարքում հանցակազմի բացակայության հիմքով:
2013 թվականի հունիսի 14-ին Արման Արթուրի Սարգսյանի վերաբերյալ թիվ 15135412 քրեական գործը մեղադրական եզրակացությամբ ուղարկվել է Դատարան, որտեղ քրեական գործին շնորհվել է ԵԿԴ/0101/01/13 համարը:
Արման Արթուրի Սարգսյանին մեղադրանք է առաջադրվել այն արարքների համար, որ նա.
2012 թվականի հունիսի 28-ի` ժամը 18:00-ից մինչև 2012 թվականի հունիսի 29-ը` ժամը 15:00-ն ընկած ժամանակահատվածում, Երևան քաղաքի Փ.Բուզանդի փողոցի 16-րդ հասցեում գտնվող տանից գաղտնի հափշտակել է նախկին ընկերուհու` Նվարդ Միհրանի Պետրոսյանին պատկանող զգալի չափի` ընդհանուր 342.000 ՀՀ դրամ արժողությամբ «Էյչ Պի» տեսակի դյուրակիր համակարգիչը, թվով երկու հատ «Բիլայն» տեսակի բջջային հեռախոսներն ու ինտերնետային կապի ֆլեշ քարտը: Այսինքն` Արման Արթուրի Սարգսյանը կատարել է հանրորեն վտանգավոր արարք, որը նախատեսված է ՀՀ քրեական օրենսգրքի 177-րդ հոդվածի 1-ին մասով:
2012 թվականի նոյեմբերի 5-ի` ժամը 22:00-ից մինչև 2012 թվականի նոյեմբերի 6-ը` ժամը 07:00-ն ընկած ժամանակահատվածում, կոտրելով Երևան քաղաքի Ամիրյան փողոցի 3-րդ հասցեում գտնվող Գաբրիել Վալերիի Պետրոսյանին պատկանող թերթի կրպակի պատուհանի ապակին, ապօրինի մուտք է գործել ներս և գաղտնի հափշտակել զգալի չափի` ընդհանուր 47.950 ՀՀ դրամ արժողությամբ տարբեր տեսակի ծխախոտներ, ամսագրեր, կրակայրիչներ, դակիչ, մետաղադրամներ և մաստակներ: Այսինքն` Արման Արթուրի Սարգսյանը կատարել է հանրորեն վտանգավոր արարք, որը նախատեսված է ՀՀ քրեական օրենսգրքի 177-րդ հոդվածի 2-րդ մասի 3-րդ կետով:
Գողություն կատարելու դիտավորությամբ, 2012 թվականի դեկտեմբերի 18-ին` ժամը 02:00-ից մինչև 03:00-ն ընկած ժամանակահատվածում, պատուհանի փեղկը բացելու միջոցով ապօրինի մուտք է գործել Երևան քաղաքի Հանրապետության 62-րդ հասցեում գործող «Կարինե Մովսեսյան» ԱՁ-ին պատկանող թերթի կրպակ, սակայն հանցագործությունն ավարտին չի կարողացել հասցնել իր կամքից անկախ հանգամանքներով` կրպակի ներսում արժեքավոր իրեր չհայտնաբերելով ոչինչ չի հափշտակել ու հեռացել է: Այսինքն` Արման Արթուրի Սարգսյանը կատարել է հանրորեն վտանգավոր արարք, որը նախատեսված է ՀՀ քրեական օրենսգրքի 34-177-րդ հոդվածի 2-րդ մասի 3-րդ կետով:
2012 թվականի դեկտեմբերի 18-ին` ժամը 03:20-ի սահմաններում, պատուհանը կոտրելու միջոցով ապօրինի մուտք է գործել Երևան քաղաքի Խորենացի 24-րդ հասցեում գործող «Վաղարշ և որդիներ» ՍՊ ընկերությանը պատկանող կրպակ և գաղտնի հափշտակել է խոշոր չափի` ընդհանուր 435.800 ՀՀ դրամ արժողությամբ տարբեր տեսակի ծխախոտներ, լիցքավորման քարտեր, երկու հատ «Ռաֆաելո» ու քսան հատ «Սնիկերս» տեսակի քաղցրավենիքներ, ինչպես նաև 100.000 ՀՀ դրամ կանխիկ գումար: Այսինքն` Արման Արթուրի Սարգսյանը կատարել է հանրորեն վտանգավոր արարք, որը նախատեսված է ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով:
2012 թվականի դեկտեմբերի 27-ին` ժամը 03:00-ից մինչև 04:00-ն ընկած ժամանակահատվածում, պատուհանը կոտրելու միջոցով ապօրինի մուտք է գործել Երևան քաղաքի Խորենացի 24-րդ հասցեում գործող «Վաղարշ և որդիներ» ՍՊ ընկերությանը պատկանող կրպակ և գաղտնի հափշտակել զգալի չափի` ընդհանուր 272.150 ՀՀ դրամ արժողությամբ տուփերով տարբեր տեսակի ծխախոտ, սիգար, մաստակներ, ինչպես նաև 1.000 ՀՀ դրամ կանխիկ գումար: Այսինքն` Արման Արթուրի Սարգսյանը կատարել է հանրորեն վտանգավոր արարք, որը նախատեսված է ՀՀ քրեական օրենսգրքի 177-րդ հոդվածի 2-րդ մասի 3-րդ կետով:
2. Արագացված դատական քննություն.
Մինչ դատաքննությունն սկսելն ամբաստանյալ Արման Արթուրի Սարգսյանը միջնորդեց դատական քննությունն անցկացնել արագացված կարգով և հայտնեց, որ միջնորդությունը ներկայացրել է կամավոր, խորհրդակցել է իր պաշտպանի հետ, գիտակցում է արագացված կարգով դատական քննություն անցկացնելու հետևանքները, առաջադրված մեղադրանքն իրեն պարզ է, համաձայն է մեղադրանքի հետ:
Դատարանը, համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը, հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Արման Արթուրի Սարգսյանը կատարել է արարքներ` նախատեսված ՀՀ քրեական օրենսգրքի 177-րդ հոդվածի 1-ին մասով, 177-րդ հոդվածի 2-րդ մասի 3-րդ կետով, 34-177-րդ հոդվածի 2-րդ մասի 3-րդ կետով, 177-րդ հոդվածի 2-րդ մասի 2-րդ, 3-րդ կետերով և 177-րդ հոդվածի 2-րդ մասի 3-րդ կետով:
3. Դատարանի իրավական վերլուծությունները.
Դատարանը, ուսումնասիրելով ամբաստանյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, մասնավորապես` ինքնախոստովանական ցուցմունքները, եկավ հետևյալ եզրահանգման.
Արման Սարգսյանի անձը դրականորեն բնութագրող հանգամանքներ են ինքնախոստովանական ցուցմունքներ տալը և կատարածի համար զղջալը:
Դատարանը միաժամանակ արձանագրում է, որ Արման Սարգսյանի պատասխանատվությունն ու պատիժը մեղմացնող և ծանրացնող հանգամանքներ չկան:
Կատարած արարքների համար ամբաստանյալ Արման Սարգսյանը ենթակա է քրեական պատասխանատվության և պատժի:
Դատարանը, հաշվի առնելով Արման Սարգսյանի կատարած արարքների` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 177-րդ հոդվածի 1-ին մասի և 177-րդ հոդվածի 2-րդ մասի սանկցիաներով նախատեսված է պատիժ նաև ազատազրկման ձևով, գտնում է, որ նրա նկատմամբ կատարած յուրաքանչյուր արարքի համար պատիժ պետք է նշանակել ազատազրկման ձևով:
Դատարանը գտնում է, որ Արման Սարգսյանի նկատմամբ վերջնական պատիժ պետք է նշանակել ՀՀ քրեական օրենսգրքի 66-րդ հոդվածով սահմանված` պատիժները մասնակիորեն գումարելու կանոնի կիրառմամբ, որը նա պետք է կրի:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիս անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ օրը հաշվելով մեկ օրվա դիմաց: Դատարանը գտնում է, որ Արման Սարգսյանի պատժի կրման սկիզբը պետք է հաշվել 2012 թվականի դեկտեմբերի 28-ից, քանի որ նա ձերբակալվել է այդ օրը, իսկ 2012 թվականի դեկտեմբերի 29-ին նրա նկատմամբ որպես խափանման միջոց ընտրվել է կալանավորումը:
Դատարանը գտնում է, որ Արման Սարգսյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
Դատարանը, ղեկավարվելով ՀՀ քրեական դատավարության օրենսգրքի 116-րդ և 119-րդ հոդվածներով, գտնում է, որ դատավճիռն օրինական ուժի մեջ մտնելուց հետո` 2012 թվականի դեկտեմբերի 29-ի որոշմամբ իրեղեն ապացույց ճանաչված` 278 տուփ ծխախոտները պետք է վերադարձնել «Վաղարշ և որդիներ» ՍՊ ընկերությանը, 2013 թվականի մայիսի 24-ի որոշմամբ իրեղեն ապացույց ճանաչված` կոտրված շեղբով դանակը, ձեռնոցը և լապտերը պետք է ոչնչացնել, իսկ «Բիլայն A100» տեսակի 357555044228585 գործարանային համարով բջջային հեռախոսը պետք է վերադարձնել Նվարդ Պետրոսյանին:
ՀՀ քրեական դատավարության օրենսգրքի 360-րդ հոդվածի 1-ին մասի 10-րդ կետի համաձայն` դատավճիռ կայացնելիս դատարանը լուծում է այն հարցը, թե քաղաքացիական հայցը ենթակա է արդյոք բավարարման, ում օգտին և ինչ չափով:
ՀՀ քրեական դատավարության օրենսգրքի 375.1 հոդվածի 6-րդ մասի համաձայն` եթե տվյալ գործով հարուցված է նաև քաղաքացիական հայց և ամբաստանյալն ընդունում է այն, ապա դատարանը դատավճռով բավարարում է քաղաքացիական հայցը, եթե այն չի հակասում օրենքին:
Սույն քրեական գործով տուժողներ Գաբրիել Վալերիի Պետրոսյանը և «Վաղարշ և որդիներ» ՍՊ ընկերության ներկայացուցիչ Մարիամ Կոշկարյանը ներկայացրել են քաղաքացիական հայցեր` ամբաստանյալ Արման Արթուրի Սարգսյանից պահանջելով հանցագործությամբ իրենց պատճառված վնասը` համապատասխանաբար 47.950 և 807.950 ՀՀ դրամը, իսկ ամբաստանյալ Արման Սարգսյանը կամավոր ընդունել է ներկայացված քաղաքացիական հայցերը: Նշվածը հաշվի առնելով Դատարանը գտնում է, որ Արման Սարգսյանի դեմ ներկայացված Գաբրիել Պետրոսյանի քաղաքացիական հայցի պահանջը պետք է բավարարել և Արման Սարգսյանից հօգուտ Գաբրիել Պետրոսյանի, որպես հանցագործությամբ պատճառված վնաս, պետք է բռնագանձել 47.950 ՀՀ դրամ, քանի որ դա չի հակասում օրենքին և չի վերաբերվում այլ անձանց իրավունքներին: Իսկ ինչ վերաբերում է Արման Սարգսյանի դեմ տուժող «Վաղարշ և որդիներ» ՍՊ ընկերության ներկայացուցիչ Մարիամ Կոշկարյանի կողմից ներկայացված քաղաքացիական հայցի պահանջին, ապա Դատարանը գտնում է, որ այն պետք է բավարարել մասնակի` Արման Սարգսյանից հօգուտ «Վաղարշ և որդիներ» ՍՊ ընկերության, որպես հանցագործությամբ պատճառված վնաս, պետք է բռնագանձել 654.820 ՀՀ դրամ, քանի որ վերոգրյալ հիմնավորմամբ իրեղեն ապացույց ճանաչված 278 տուփ ծխախոտները պետք է վերադարձնել «Վաղարշ և որդիներ» ՍՊ ընկերությանը:
ՀՀ քրեական դատավարության օրենսգրքի 360-րդ հոդվածի 1-ին մասի 11-րդ կետի համաձայն` դատարանը պետք է լուծի նաև հանցագործությամբ պատճառված գույքային վնասի հատուցումը կամ գույքի հնարավոր բռնագրավումն ապահովելու համար գույքի վրա դրված կալանքի հարցը, իսկ նույն օրենսգրքի 238-րդ հոդվածը սահմանում է, որ գույքը, քրեական վարույթն իրականացնող մարմնի որոշմամբ ազատվում է կալանքից, եթե քաղաքացիական հայցը ետ վերցվելու, կասկածյալին կամ մեղադրյալին վերագրվող արարքի որակումը փոխվելու հետևանքով կամ այլ պատճառներով վերացել է գույքի վրա կալանք դնելուց բխող սահմանափակումների կիրառման անհրաժեշտությունը:
Սույն գործով 2013 թվականի մայիսի 24-ին կայացվել է Արման Սարգսյանի գույքի վրա կալանք դնելու մասին որոշում: Դատարանը, գտնում է, որ վերոգրյալ որոշմամբ Արման Արթուրի Սարգսյանի գույքի վրա դրված կալանքը պետք է թողնել անփոփոխ, քանի որ տուժող Գաբրիել Պետրոսյանի և «Վաղարշ և որդիներ» ՍՊ ընկերության ներկայացուցիչ Մարիամ Կոշկարյանի կողմից ներկայացված քաղաքացիական հայցերը պետք է բավարարվեն:
Դատարանը գտնում է, որ ՀՀ քրեական դատավարության օրենսգրքի 168-րդ հոդվածի 1-ին մաuի 1-ին կետով նախատեսված դատական ծախսերը դատարանի նախաձեռնությամբ ամբաստանյալ Արման Սարգսյանից ենթակա չեն բռնագանձման, քանի որ տուժող Նվարդ Պետրոսյանը, հնարավորություն ունենալով իր շահերը դատարանում ներկայացնել, ամբաստանյալին որևէ պահանջ չի ներկայացրել, իսկ տուժողներ Գաբրիել Պետրոսյանի և «Վաղարշ և որդիներ» ՍՊ ընկերության ներկայացուցիչ Մարիամ Կոշկարյանի քաղաքացիական հայցերը վերոգրյալ հիմնավորումներով պետք է բավարարվեն: Ինչ վերաբերվում է ՀՀ քրեական դատավարության օրենսգրքի 168-րդ հոդվածի 1-ին մասի 2-8-րդ կետերով նախատեսված դատական ծախսերին, ապա դրանք արագացված դատական քննության կարգ կիրառելու դեպքում, համաձայն նույն օրենսգրքի 3753 հոդվածի 8-րդ մասի` ամբաստանյալից ենթակա չեն բռնագանձման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 119-րդ, 138-րդ, 168-րդ, 238-րդ, 309-րդ, 357-360-րդ, 365-րդ, 369-372-րդ, 3751 և 3753 հոդվածներով` Դատարանը
ՎՃՌԵՑ

Արման Արթուրի Սարգսյանին մեղավոր ճանաչել առաջադրված մեղադրանքի 1-ին դրվագով` ՀՀ քրեական օրենսգրքի 177-րդ հոդվածի 1-ին մասով և պատիժ նշանակել ազատազրկում` 6 (վեց) ամիս ժամկետով:
Արման Արթուրի Սարգսյանին մեղավոր ճանաչել առաջադրված մեղադրանքի 2-րդ դրվագով` ՀՀ քրեական օրենսգրքի 177-րդ հոդվածի 2-րդ մասի 3-րդ կետով և պատիժ նշանակել ազատազրկում` 2 (երկու) տարի ժամկետով:
Արման Արթուրի Սարգսյանին մեղավոր ճանաչել առաջադրված մեղադրանքի 3-րդ դրվագով` ՀՀ քրեական օրենսգրքի 34-177-րդ հոդվածի 2-րդ մասի 3-րդ կետով և պատիժ նշանակել ազատազրկում` 2 (երկու) տարի ժամկետով:
Արման Արթուրի Սարգսյանին մեղավոր ճանաչել առաջադրված մեղադրանքի 4-րդ դրվագով` ՀՀ քրեական օրենսգրքի 177-րդ հոդվածի 2-րդ մասի 2-րդ, 3-րդ կետերով և պատիժ նշանակել ազատազրկում` 2 (երկու) տարի ժամկետով:
Արման Արթուրի Սարգսյանին մեղավոր ճանաչել առաջադրված մեղադրանքի 5-րդ դրվագով` ՀՀ քրեական օրենսգրքի 177-րդ հոդվածի 2-րդ մասի 3-րդ կետով և պատիժ նշանակել ազատազրկում` 2 (երկու) տարի ժամկետով:
ՀՀ քրեական օրենսգրքի 66-րդ հոդվածով սահմանված կարգով` նշանակված պատիժները մասնակիորեն գումարելու միջոցով, Արման Արթուրի Սարգսյանի նկատմամբ վերջնական պատիժ նշանակել ազատազրկում` 3 (երեք) տարի ժամկետով` պատժի կրման սկիզբը հաշվելով 2012 թվականի դեկտեմբերի 28-ից:
Արման Արթուրի Սարգսյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո` 2012 թվականի դեկտեմբերի 29-ի որոշմամբ իրեղեն ապացույց ճանաչված` 278 տուփ ծխախոտները վերադարձնել «Վաղարշ և որդիներ» ՍՊ ընկերությանը, 2013 թվականի մայիսի 24-ի որոշմամբ իրեղեն ապացույց ճանաչված` կոտրված շեղբով դանակը, ձեռնոցը և լապտերը ոչնչացնել, իսկ «Բիլայն A100» տեսակի 357555044228585 գործարանային համարով բջջային հեռախոսը վերադարձնել Նվարդ Պետրոսյանին:
Տուժող Գաբրիել Վալերիի Պետրոսյանի քաղաքացիական հայցը բավարարել. Արման Արթուրի Սարգսյանից հօգուտ Գաբրիել Վալերիի Պետրոսյանի, որպես հանցագործությամբ պատճառված վնաս, բռնագանձել 47.950 (քառասունյոթ հազար ինը հարյուր հիսուն) ՀՀ դրամ:
Տուժող «Վաղարշ և որդիներ» ՍՊ ընկերության ներկայացուցիչ Մարիամ Կոշկարյանի քաղաքացիական հայցը բավարարել մասնակի. Արման Արթուրի Սարգսյանից հօգուտ «Վաղարշ և որդիներ» ՍՊ ընկերության, որպես հանցագործությամբ պատճառված վնաս, բռնագանձել 654.820 (վեց հարյուր հիսունչորս հազար ութ հարյուր քսան) ՀՀ դրամ:
2013 թվականի մայիսի 24-ի որոշմամբ Արման Արթուրի Սարգսյանի գույքի վրա դրված կալանքը թողնել անփոփոխ:
Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում (դատավճիռը չի կարող բողոքարկվել ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով):

ԴԱՏԱՎՈՐ Մ.ՊԱՊՈՅԱՆ