ԵԿԴ/0093/01/13






ՈՐՈՇՈՒՄ
ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ԵՎ
ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ՄԱՍԻՆ


«16» հուլիսի 2013թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ` Դատարան)` նախագահող դատավոր Մ.Պապոյան, քարտուղարությամբ Կ.Կարապետյանի, մասնակցությամբ մեղադրող Է.Նազարյանի, ամբաստանյալ Սիրանուշ Ավետիսյանի, տուժող Անահիտ Ասրյանի, դռնբաց դատական նիստում քննելով քրեական գործն ըստ մեղադրանքի Սիրանուշ Խաչատուրի Ավետիսյանի (ծնված 1940 թվականի նոյեմբերի 24-ին Սևան քաղաքում, ազգությամբ հայ, ՀՀ քաղաքացի, նախկինում չդատապարտված, միջնակարգ կրթությամբ, ամուրի, հաշվառված է Երևան քաղաքի Ծ.Իսակովի փողոցի 4/2 շենքի 23-րդ բնակարանում, որպես խափանման միջոց ընտրվել է չհեռանալու մասին ստորագրությունը)` ՀՀ քրեական օրենսգրքի 213-րդ հոդվածի 1-ին մասով
ՊԱՐԶԵՑ

2013 թվականի ապրիլի 2-ին ՀՀ ոստիկանության Մալաթիայի քննչական բաժնի ավագ քննիչ Հ.Ավետիսյանի որոշմամբ ՀՀ քրեական օրենսգրքի 213-րդ հոդվածի 1-ին մասով նախատեսված հանցագործության հատկանիշներով հարուցվել և վարույթ է ընդունվել թիվ 16115813 քրեական գործը:
2013 թվականի մայիսի 24-ին ՀՀ ոստիկանության Մալաթիայի քննչական բաժնի ավագ քննիչ Հ.Ավետիսյանի որոշմամբ թիվ 16115813 քրեական գործով Սիրանուշ Խաչատուրի Ավետիսյանին մեղադրանք է առաջադրվել ՀՀ քրեական օրենսգրքի 213-րդ հոդվածի 1-ին մասով:
2013 թվականի հունիսի 1-ին Սիրանուշ Խաչատուրի Ավետիսյանի վերաբերյալ թիվ 16115813 քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան, որին շնորհվել է ԵԿԴ/0093/01/13 համարը:
Սիրանուշ Խաչատուրի Ավետիսյանին մեղադրանք է առաջադրվել ՀՀ քրեական օրենսգրքի 213-րդ հոդվածի 1-ին մասով այն արարքի համար, որ նա, 2011 թվականի հունվարի 10-ին իր` Երևան քաղաքի Ծ.Իսակովի 4/2 շենքի 23-րդ բնակարանում, ՀՀ կենտրոնական բանկի կողմից սահմանված բանկային տոկոսի հաշվարկային դրույքի կրկնապատիկը գերազանցող չափով, այն է` ամսական 10 տոկոս տոկոսադրույքով, Անահիտ Ասրյանին պարտքով տվել է 3.500 ԱՄՆ դոլար, իսկ 2012 թվականի հունվարի 10-ին ևս Անահիտ Ասրյանին տվել է 1.200 ԱՄՆ դոլար և 2011 թվականի հունվարի 10-ից մինչև 2011 թվականի սեպտեմբերը Երևան քաղաքի Ծ.Իսակովի 2/1 հասցեում գործող թիվ 80 ավագ դպրոցում Անահիտ Ասրյանից ամսական ստացել է 350 ԱՄՆ դոլար` որպես տոկոս:
Դատական քննության ժամանակ տուժող Անահիտ Երջանիկի Ասրյանը հայտնեց, որ հաշտվել է ամբաստանյալ Սիրանուշ Խաչատուրի Ավետիսյանի հետ և նշեց, որ գիտակցում է հաշտվելու հետևանքները:
Դատական քննության ժամանակ ամբաստանյալ Սիրանուշ Խաչատուրի Ավետիսյանը հայտնեց, որ ինքը նույնպես հաշտվել է տուժող Անահիտ Երջանիկի Ասրյանի հետ և գիտակցում է հաշտվելու հետևանքները:
ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետի համաձայն` քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե ՀՀ քրեական դատավարության օրենսգրքով նախատեսված դեպքերում տուժողը հաշտվել է մեղադրյալի հետ:
ՀՀ քրեական դատավարության օրենսգրքի 183-րդ հոդվածի 1-ին մասի համաձայն` ՀՀ քրեական օրենսգրքի 213-րդ հոդվածի 1-ին մասով նախատեսված հանցագործությունների վերաբերյալ գործերը հարուցվում են ոչ այլ կերպ, քան տուժողի բողոքի հիման վրա, և կասկածյալի կամ մեղադրյալի կամ ամբաստանյալի հետ նրա հաշտվելու դեպքում ենթակա են կարճման: Հաշտությունը թույլատրվում է մինչև դատավճիռ կայացնելու համար դատարանի խորհրդակցական սենյակ հեռանալը:
Դատարանը, նկատի ունենալով, որ տուժող Անահիտ Երջանիկի Ասրյանը և ամբաստանյալ Սիրանուշ Խաչատուրի Ավետիսյանը հաշտվել են միմյանց հետ, գտնում է, որ թիվ ԵԿԴ/0093/01/13 քրեական գործի վարույթը պետք է կարճել և ամբաստանյալ Սիրանուշ Խաչատուրի Ավետիսյանի նկատմամբ ՀՀ քրեական օրենսգրքի 213-րդ հոդվածի 1-ին մասով քրեական հետապնդումը պետք է դադարեցնել:
Դատարանը գտնում է, որ Սիրանուշ Խաչատուրի Ավետիսյանի նկատմամբ ընտրված խափանման միջոցը` չհեռանալու մասին ստորագրությունը, պետք է թողնել անփոփոխ` մինչև սույն որոշման օրինական ուժի մեջ մտնելը:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 35-րդ, 41-րդ, 183-րդ և 313-րդ հոդվածներով` Դատարանը

ՈՐՈՇԵՑ

Թիվ ԵԿԴ/0093/01/13 քրեական գործի վարույթը կարճել և Սիրանուշ Խաչատուրի Ավետիսյանի նկատմամբ ՀՀ քրեական օրենսգրքի 213-րդ հոդվածի 1-ին մասով քրեական հետապնդումը դադարեցնել` տուժող Անահիտ Երջանիկի Ասրյանի հաշտվելու հիմքով:
Սիրանուշ Խաչատուրի Ավետիսյանի նկատմամբ ընտրված խափանման միջոցը` չհեռանալու մասին ստորագրությունը, թողնել անփոփոխ` մինչև սույն որոշման օրինական ուժի մեջ մտնելը:
Սույն որոշումը կարող է բողոքարկվել Հայաստանի Հանրապետության վերաքննիչ քրեական դատարան` հրապարակման օրվանից մեկամսյա ժամկետում:


ԴԱՏԱՎՈՐ Մ.ՊԱՊՈՅԱՆ