ԵԿԴ/0090/01/13







ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«16» հուլիսի 2013թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ` Դատարան)

Նախագահող դատավոր Մ.Պապոյան
դատական նիստերի քարտուղար Կ.Կարապետյան
մեղադրող Հ.Էյրամջյան
տուժող Է.Պողոսյան
պաշտպաններ Վ.Գևորգյան
Ե.Սարգսյան

դռնբաց դատական նիստում` արագացված դատական քննության կարգով, քննեց քրեական գործն ըստ մեղադրանքի`
Վիկտոր Վաղարշակի Լուլուկյանի` ծնված 1985 թվականի հոկտեմբերի 16-ին Վրաստանում, ազգությամբ հայ, Վրաստանի քաղաքացի, բարձրագույն կրթությամբ, չամուսնացած, նախկինում չդատապարտված, չի աշխատում, բնակվել է Երևան քաղաքի Նոր Նորքի 7-րդ զանգվածի 4-րդ շենքի 60-րդ բնակարանում, մեղադրանք է առաջադրվել ՀՀ քրեական օրենսգրքի 113-րդ հոդվածի 2-րդ մասի 3-րդ և 6-րդ կետերով, արգելանքի տակ է 2012 թվականի դեկտեմբերի 21-ից, և
Մարտիրոս Սեդրակի Եղիզարյանի` ծնված 1985 թվականի օգոստոսի 8-ին Վրաստանում, ազգությամբ հայ, Հայաստանի Հանրապետության և Վրաստանի քաղաքացի, բարձրագույն կրթությամբ, չամուսնացած, նախկինում չդատապարտված, չի աշխատում, բնակվել է Երևան քաղաքի ՀԱ Բ2 թաղամասի 95-րդ շենքի 19-րդ բնակարանում, մեղադրանք է առաջադրվել ՀՀ քրեական օրենսգրքի 113-րդ հոդվածի 2-րդ մասի 3-րդ և 6-րդ կետերով, արգելանքի տակ է 2012 թվականի դեկտեմբերի 25-ից:
1. Գործի դատավարական նախապատմությունը.
2012 թվականի դեկտեմբերի 20-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Գ.Գևորգյանի որոշմամբ ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցագործության հատկանիշներով հարուցվել և վարույթ է ընդունվել թիվ 15133312 քրեական գործը:
2012 թվականի դեկտեմբերի 22-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Գ.Գևորգյանի որոշմամբ թիվ 15133312 քրեական գործով Վիկտոր Վաղարշակի Լուլուկյանին մեղադրանք է առաջադրվել ՀՀ քրեական օրենսգրքի 258-րդ հոդվածի 3-րդ մասի 1-ին կետով:
2012 թվականի դեկտեմբերի 22-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Գ.Գևորգյանի որոշմամբ թիվ 15133312 քրեական գործով Լեռնիկ Ռաֆիկի Իրիցյանին մեղադրանք է առաջադրվել ՀՀ քրեական օրենսգրքի 258-րդ հոդվածի 3-րդ մասի 1-ին կետով:
2012 թվականի դեկտեմբերի 22-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Գ.Գևորգյանի որոշմամբ թիվ 15133312 քրեական գործով Մասիս Անդրանիկի Քերոբյանին մեղադրանք է առաջադրվել ՀՀ քրեական օրենսգրքի 258-րդ հոդվածի 3-րդ մասի 1-ին կետով:
2012 թվականի դեկտեմբերի 22-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Գ.Գևորգյանի որոշմամբ թիվ 15133312 քրեական գործով Նասլեթ Գագիկի Քերոբյանին մեղադրանք է առաջադրվել ՀՀ քրեական օրենսգրքի 258-րդ հոդվածի 3-րդ մասի 1-ին կետով:
2012 թվականի դեկտեմբերի 22-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Գ.Գևորգյանի որոշմամբ թիվ 15133312 քրեական գործով Կոնստանտին Ռուբենի Հունանյանը ՀՀ քրեական օրենսգրքի 258-րդ հոդվածի 3-րդ մասի 1-ին կետով ներգրավվել է որպես մեղադրյալ:
2012 թվականի դեկտեմբերի 22-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Գ.Գևորգյանի որոշմամբ թիվ 15133312 քրեական գործով Կոնստանտին Ռուբենի Հունանյանի նկատմամբ հայտարարվել է հետախուզում:
2012 թվականի դեկտեմբերի 22-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Գ.Գևորգյանի որոշմամբ թիվ 15133312 քրեական գործով Աշոտ Սամվելի Կարինյանը ՀՀ քրեական օրենսգրքի 258-րդ հոդվածի 3-րդ մասի 1-ին կետով ներգրավվել է որպես մեղադրյալ:
2012 թվականի դեկտեմբերի 22-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Գ.Գևորգյանի որոշմամբ թիվ 15133312 քրեական գործով Աշոտ Սամվելի Կարինյանի նկատմամբ հայտարարվել է հետախուզում:
2012 թվականի դեկտեմբերի 27-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Գ.Գևորգյանի որոշմամբ թիվ 15133312 քրեական գործով Վաղարշակ Վանիկի Ղուկասյանին մեղադրանք է առաջադրվել ՀՀ քրեական օրենսգրքի 258-րդ հոդվածի 3-րդ մասի 1-ին կետով:
2012 թվականի դեկտեմբերի 27-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Գ.Գևորգյանի որոշմամբ թիվ 15133312 քրեական գործով Մարտիրոս Սեդրակի Եղիզարյանին մեղադրանք է առաջադրվել ՀՀ քրեական օրենսգրքի 258-րդ հոդվածի 3-րդ մասի 1-ին կետով:
2012 թվականի դեկտեմբերի 27-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Գ.Գևորգյանի որոշմամբ թիվ 15133312 քրեական գործով Արտաշես Գուրգենի Ուզունյանը ՀՀ քրեական օրենսգրքի 258-րդ հոդվածի 3-րդ մասի 1-ին կետով ներգրավվել է որպես մեղադրյալ:
2012 թվականի դեկտեմբերի 27-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Գ.Գևորգյանի որոշմամբ թիվ 15133312 քրեական գործով Արտաշես Գուրգենի Ուզունյանի նկատմամբ հայտարարվել է հետախուզում:
2013 թվականի հունվարի 25-ին ՀՀ ոստիկանության Կենտրոնականի քննչական բաժնի ավագ քննիչ Ա.Պողոսյանի որոշմամբ թիվ 15133312 քրեական գործն ընդունվել է վարույթ:
2013 թվականի մայիսի 20-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Ա.Պողոսյանի որոշմամբ թիվ 15133312 քրեական գործով Լեռնիկ Ռաֆիկի Իրիցյանի նկատմամբ ՀՀ քրեական օրենսգրքի 258-րդ հոդվածի 3-րդ մասի 1-ին կետով իրականացվող քրեական հետապնդումը դադարեցվել է` նրա արարքում հանցակազմի բացակայության հիմքով:
2013 թվականի մայիսի 20-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Ա.Պողոսյանի որոշմամբ թիվ 15133312 քրեական գործով Մասիս Անդրանիկի Քերոբյանի նկատմամբ ՀՀ քրեական օրենսգրքի 258-րդ հոդվածի 3-րդ մասի 1-ին կետով իրականացվող քրեական հետապնդումը դադարեցվել է` նրա արարքում հանցակազմի բացակայության հիմքով:
2013 թվականի մայիսի 20-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Ա.Պողոսյանի որոշմամբ թիվ 15133312 քրեական գործով Նասլեթ Գագիկի Քերոբյանի նկատմամբ ՀՀ քրեական օրենսգրքի 258-րդ հոդվածի 3-րդ մասի 1-ին կետով իրականացվող քրեական հետապնդումը դադարեցվել է` նրա արարքում հանցակազմի բացակայության հիմքով:
2013 թվականի մայիսի 20-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Ա.Պողոսյանի որոշմամբ թիվ 15133312 քրեական գործով Աշոտ Սամվելի Կարինյանի նկատմամբ ՀՀ քրեական օրենսգրքի 258-րդ հոդվածի 3-րդ մասի 1-ին կետով իրականացվող քրեական հետապնդումը դադարեցվել է` նրա արարքում հանցակազմի բացակայության հիմքով:
2013 թվականի մայիսի 20-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Ա.Պողոսյանի որոշմամբ թիվ 15133312 քրեական գործով Վաղինակ Վանիկի Ղուկասյանի նկատմամբ ՀՀ քրեական օրենսգրքի 258-րդ հոդվածի 3-րդ մասի 1-ին կետով իրականացվող քրեական հետապնդումը դադարեցվել է` նրա արարքում հանցակազմի բացակայության հիմքով:
2013 թվականի մայիսի 20-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Ա.Պողոսյանի որոշմամբ թիվ 15133312 քրեական գործով Կոնստանտին Ռուբենի Հունանյանի նկատմամբ ՀՀ քրեական օրենսգրքի 258-րդ հոդվածի 3-րդ մասի 1-ին կետով իրականացվող քրեական հետապնդումը դադարեցվել է` նրա արարքում հանցակազմի բացակայության հիմքով:
2013 թվականի մայիսի 20-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Ա.Պողոսյանի որոշմամբ թիվ 15133312 քրեական գործով Մարտիրոս Սեդրակի Եղիզարյանին առաջադրված մեղադրանքը փոփոխվել և նրան նոր մեղադրանք է առաջադրվել ՀՀ քրեական օրենսգրքի 113-րդ հոդվածի 2-րդ մասի 3-րդ և 6-րդ կետերով:
2013 թվականի մայիսի 20-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Ա.Պողոսյանի որոշմամբ թիվ 15133312 քրեական գործով Վիկտոր Վաղարշակի Լուլուկյանին առաջադրված մեղադրանքը փոփոխվել և նրան նոր մեղադրանք է առաջադրվել ՀՀ քրեական օրենսգրքի 113-րդ հոդվածի 2-րդ մասի 3-րդ և 6-րդ կետերով:
2013 թվականի մայիսի 20-ին Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Հ.Էյրամջյանի որոշմամբ թիվ 15133312 քրեական գործով Լեռնիկ Ռաֆիկի Իրիցյանի, Մասիս Անդրանիկի Քերոբյանի, Նասլեթ Գագիկի Քերոբյանի, Աշոտ Սամվելի Կարինյանի, Կոնստանտին Ռուբենի Հունանյանի և Վաղարշակ Վանիկի Ղուկասյանի նկատմամբ ՀՀ քրեական օրենսգրքի 258-րդ հոդվածի 3-րդ մասի 1-ին կետով իրականացվող քրեական հետապնդումը դադարեցնելու մասին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Ա.Պողոսյանի կողմից 2013 թվականի մայիսի 20-ին կայացված որոշումները վերացվել են` անհիմն լինելու պատճառաբանությամբ: Թիվ 15133312 քրեական գործով Մարտիրոս Սեդրակի Եղիզարյանին և Վիկտոր Վաղարշակի Լուլուկյանին ՀՀ քրեական օրենսգրքի 258-րդ հոդվածի 3-րդ մասի 1-ին կետով առաջադրված մեղադրանքները փոփոխելու և ՀՀ քրեական օրենսգրքի 113-րդ հոդվածի 2-րդ մասի 3-րդ և 6-րդ կետերով որպես մեղադրյալ ներգրավելու մասին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Ա.Պողոսյանի կողմից 2013 թվականի մայիսի 20-ին կայացված որոշումները վերացվել են` անհիմն լինելու պատճառաբանությամբ:
2013 թվականի մայիսի 21-ին ՀՀ ոստիկանության Կենտրոնականի քննչական բաժնի ՀԿԳ ավագ քննիչ Ա.Պողոսյանի որոշմամբ թիվ 15133312 քրեական գործից անջատվել է Վիկտոր Լուլուկյանի և Մարտիրոս Եղիզարյանի վերաբերյալ մասը և այն առանձնացվել է առանձին վարույթ, որին շնորհվել է 15133312/1 համարը:
2013 թվականի մայիսի 22-ին Երևան քաղաքի դատախազ Հ.Բադալյանի թիվ 50/1558-13 գրությամբ հայտնվել է, որ Վիկտոր Լուլուկյանին և Մարտիրոս Եղիզարյանին նախկինում առաջադրված մեղադրանքները փոփոխելու և նոր մեղադրանք առաջադրելու, նշված անձանց որպես մեղադրյալ ներգրավելու մասին որոշումները վերացնելու մասով Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Հ.Էյրամջյանի 2013 թվականի մայիսի 20-ի որոշումը չի բխում ՀՀ օրենսդրությունից և չի կարող առաջացնել իրավական հետևանքներ, քանի որ մինչդատական վարույթն իրականացնող մարմնի նշված որոշումները վերացնելու լիազորություն նախաքննության օրինականության նկատմամբ հսկողություն իրականացնող դատախազին ՀՀ քրեական դատավարության օրենսգրքով վերապահված չէ:
2013 թվականի հունիսի 4-ին Վիկտոր Վաղարշակի Լուլուկյանի և Մարտիրոս Սեդրակի Եղիզարյանի վերաբերյալ թիվ 15133312/1 քրեական գործը Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Հ.Էյրամջյանի կողմից հաստատված մեղադրական եզրակացությամբ ուղարկվել է Դատարան, որտեղ քրեական գործին շնորհվել է ԵԿԴ/0090/01/13 համարը:
Վիկտոր Վաղարշակի Լուլուկյանին մեղադրանք է առաջադրվել ՀՀ քրեական օրենսգրքի 113-րդ հոդվածի 2-րդ մասի 3-րդ և 6-րդ կետերով` այն արարքի համար, որ նա, 2012 թվականի դեկտեմբերի 19-ին Երևան քաղաքի Վարդանանց փողոցում խմբի կազմում, խուլիգանական դրդումներով Էդգար Հովհաննեսի Պողոսյանի առողջությանը դիտավորությամբ պատճառել է միջին ծանրության վնաս: Այսպես. 2012 թվականի դեկտեմբերի 18-ին` ժամը 13:00-ի սահմաններում, Երևան քաղաքի Հանրապետության փողոցում գործող թիվ 114 դպրոցի բակում, նույն դպրոցի 9-րդ դասարանի աշակերտ Հրաչյա Բաղդասարյանը ձնագնդով հարվածել է նույն դպրոցի աշակերտուհի Քրիստինե Պողոսյանին, ով այդ կապակցությամբ նախատել է Հրաչյա Բաղդասարյանին, սակայն վերջինը դիտողությունը չի ընդունել և կրկին ձնագնդով հարվածել է Քրիստինե Պողոսյանին, որից հետո էլ վերջինը զանգահարել է եղբորը` Էդգար Պողոսյանին և խնդրել է շտապ գալ դպրոց: Էդգար Պողոսյանը գալով թիվ 114 միջնակարգ դպրոցի բակ` հանդիպել է քրոջը, ապա տեղեկանալով կատարվածի մասին, առանց իր անձնական օգտագործման ավտոմեքենայից իջնելու` դիտողություն է արել մոտակայքում կանգնած Հրաչյա Բաղդասարյանին և հորդորել` հետագայում նման արարքներ թույլ չտալ: Վերջինը դիտողությունն ընդունել է, սակայն դիտողությունը ցավագին է ընդունել նրանից քիչ հեռու կանգնած նույն դպրոցի աշակերտ Նորիկ Եփրիկյանը և փորձել է պարզաբանում կատարել Էդգար Պողոսյանի հետ, սակայն վերջինը Նորիկ Եփրիկյանի դեռահաս լինելու հանգամանքը հաշվի առնելով, նրա հետ զրույցի չի բռնվել և մեքենան վարելով հեռացել է: Դրանից հետո Նորիկ Եփրիկյանը վերը նշված միջադեպի մասին տեղեկացրել է Մարտիրոս Եղիզարյանին և խնդրել Էդգար Պողոսյանի հետ հանդիպել ու պարզաբանում կատարել: Հաջորդ օրը` ժամը 18:00-ի սահմաններում, Արտաշես Ուզունյանը, Վիկտոր Լուլուկյանն ու Մարտիրոս Եղիզարյանը ինքնությունները չպարզված ևս մի քանի այլ անձանց հետ նախապես ձեռք բերված պայմանավորվածության համաձայն, Երևան քաղաքի Վարդանանց փողոցում գործող «Եվրոպա» խանութի մոտակայքում հանդիպել են Էդգար Պողոսյանին և նրա ընկեր Լևոն Գրիգորյանին, ապա նախորդ օրը տեղի ունեցած չնչին առիթով միջադեպը որպես պատճառ օգտագործելով, այն կապելով իրենց ներքին դրդումների հետ և սեփական անձի առավելություններն ընդգծելու մոլուցքից մղված` խուլիգանական դրդումներով, բռնություն են գործադրել Էդգար Պողոսյանի նկատմամբ, այն է` միասնական հանցավոր մտադրությամբ` իրար լրացնելով, շարունակաբար ոտքերով ու ձեռքերով բազմաթիվ հարվածներ են հասցրել Էդգար Պողոսյանի մարմնի տարբեր մասերին` դիտավորությամբ վերջինի առողջությանը պատճառելով միջին ծանրության վնաս` առողջության տևական քայքայումով` գլխի, պարանոցի, կրծքավանդակի, վերին վերջույթների շրջանների քերծվածքների, արյունազեղումների, սալջարդ վերքերի, ենթամաշկային, աջ աչքի ենթաշաղկապենինային, վերին ծնոտի ներծոցային արյունահավաքների, աջ այտոսկրի, վերին ծնոտի ճակատային ելունի, քթոսկրերի, քթի միջնապատի բազմաբեկորային կոտրվածքների, գանգուղեղային վնասվածքի, գլխուղեղի թեթև աստիճանի սալջարդի ձևերով:
Մարտիրոս Սեդրակի Եղիզարյանին մեղադրանք է առաջադրվել ՀՀ քրեական օրենսգրքի 113-րդ հոդվածի 2-րդ մասի 3-րդ և 6-րդ կետերով` այն արարքի համար, որ նա, 2012 թվականի դեկտեմբերի 19-ին Երևան քաղաքի Վարդանանց փողոցում խմբի կազմում, խուլիգանական դրդումներով Էդգար Հովհաննեսի Պողոսյանի առողջությանը դիտավորությամբ պատճառել է միջին ծանրության վնաս: Այսպես. 2012 թվականի դեկտեմբերի 18-ին` ժամը 13:00-ի սահմաններում, Երևան քաղաքի Հանրապետության փողոցում գործող թիվ 114 դպրոցի բակում, նույն դպրոցի 9-րդ դասարանի աշակերտ Հրաչյա Բաղդասարյանը ձնագնդով հարվածել է նույն դպրոցի աշակերտուհի Քրիստինե Պողոսյանին, ով այդ կապակցությամբ նախատել է Հրաչյա Բաղդասարյանին, սակայն վերջինը դիտողությունը չի ընդունել և կրկին ձնագնդով հարվածել է Քրիստինե Պողոսյանին, որից հետո էլ վերջինը զանգահարել է եղբորը` Էդգար Պողոսյանին և խնդրել է շտապ գալ դպրոց: Էդգար Պողոսյանը գալով թիվ 114 միջնակարգ դպրոցի բակ` հանդիպել է քրոջը, ապա տեղեկանալով կատարվածի մասին, առանց իր անձնական օգտագործման ավտոմեքենայից իջնելու` դիտողություն է արել մոտակայքում կանգնած Հրաչյա Բաղդասարյանին և հորդորել` հետագայում նման արարքներ թույլ չտալ: Վերջինը դիտողությունն ընդունել է, սակայն դիտողությունը ցավագին է ընդունել նրանից քիչ հեռու կանգնած նույն դպրոցի աշակերտ Նորիկ Եփրիկյանը և փորձել է պարզաբանում կատարել Էդգար Պողոսյանի հետ, սակայն վերջինը Նորիկ Եփրիկյանի դեռահաս լինելու հանգամանքը հաշվի առնելով, նրա հետ զրույցի չի բռնվել և մեքենան վարելով հեռացել է: Դրանից հետո Նորիկ Եփրիկյանը վերը նշված միջադեպի մասին տեղեկացրել է Մարտիրոս Եղիզարյանին և խնդրել Էդգար Պողոսյանի հետ հանդիպել ու պարզաբանում կատարել: Հաջորդ օրը` ժամը 18:00-ի սահմաններում, Արտաշես Ուզունյանը, Վիկտոր Լուլուկյանն ու Մարտիրոս Եղիզարյանը ինքնությունները չպարզված ևս մի քանի այլ անձանց հետ նախապես ձեռք բերված պայմանավորվածության համաձայն, Երևան քաղաքի Վարդանանց փողոցում գործող «Եվրոպա» խանութի մոտակայքում հանդիպել են Էդգար Պողոսյանին և նրա ընկեր Լևոն Գրիգորյանին, ապա նախորդ օրը տեղի ունեցած չնչին առիթով միջադեպը որպես պատճառ օգտագործելով, այն կապելով իրենց ներքին դրդումների հետ և սեփական անձի առավելություններն ընդգծելու մոլուցքից մղված` խուլիգանական դրդումներով, բռնություն են գործադրել Էդգար Պողոսյանի նկատմամբ, այն է` միասնական հանցավոր մտադրությամբ` իրար լրացնելով, շարունակաբար ոտքերով ու ձեռքերով բազմաթիվ հարվածներ են հասցրել Էդգար Պողոսյանի մարմնի տարբեր մասերին` դիտավորությամբ վերջինի առողջությանը պատճառելով միջին ծանրության վնաս` առողջության տևական քայքայումով` գլխի, պարանոցի, կրծքավանդակի, վերին վերջույթների շրջանների քերծվածքների, արյունազեղումների, սալջարդ վերքերի, ենթամաշկային, աջ աչքի ենթաշաղկապենինային, վերին ծնոտի ներծոցային արյունահավաքների, աջ այտոսկրի, վերին ծնոտի ճակատային ելունի, քթոսկրերի, քթի միջնապատի բազմաբեկորային կոտրվածքների, գանգուղեղային վնասվածքի, գլխուղեղի թեթև աստիճանի սալջարդի ձևերով:
2. Արագացված դատական քննություն.
Մինչ դատաքննությունն սկսելն ամբաստանյալներ Վիկտոր Վաղարշակի Լուլուկյանը և Մարտիրոս Սեդրակի Եղիզարյանը միջնորդեցին դատական քննությունն անցկացնել արագացված կարգով և հայտնեցին, որ միջնորդությունը ներկայացրել են կամավոր, խորհրդակցել են իրենց պաշտպանների հետ, գիտակցում են արագացված կարգով դատական քննություն անցկացնելու հետևանքները, առաջադրված մեղադրանքներն իրենց պարզ է, համաձայն են մեղադրանքների հետ:
Դատարանը, համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը, հիմք ընդունելով մեղադրանքի հիմքում դրված ապացույցները, գտնում է, որ ամբաստանյալներ Վիկտոր Վաղարշակի Լուլուկյանը և Մարտիրոս Սեդրակի Եղիզարյանը կատարել են արարք` նախատեսված ՀՀ քրեական օրենսգրքի 113-րդ հոդվածի 2-րդ մասի 3-րդ և 6-րդ կետերով:
3. Դատարանի իրավական վերլուծությունները.
Դատարանը, ուսումնասիրելով ամբաստանյալների անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, մասնավորապես` ծննդյան թիվ ԱԲ 042938 վկայականի պատճենը, բնութագրերը, եկավ հետևյալ եզրահանգման.
Վիկտոր Վաղարշակի Լուլուկյանի անձը դրականորեն բնութագրող հանգամանքներ են բարձրագույն կրթություն ունենալը և կատարածի համար զղջալը:
Վիկտոր Լուլուկյանի պատասխանատվությունն ու պատիժը մեղմացնող հանգամանք է խնամքին 14 տարին չլրացած երեխայի (Նատալի Վիկտորի Լուլուկյան` ծնված 2009 թվականի դեկտեմբերի 9-ին) առկայությունը:
Դատարանը գտնում է, որ Վիկտոր Լուլուկյանի պատասխանատվությունն ու պատիժը մեղմացնող հանգամանք պետք է դիտել նաև դրականորեն բնութագրվելը:
Դատարանը միաժամանակ արձանագրում է, որ Վիկտոր Լուլուկյանի պատասխանատվությունն ու պատիժը ծանրացնող հանգամանքներ չկան:
Կատարած արարքի համար ամբաստանյալ Վիկտոր Լուլուկյանը ենթակա է քրեական պատասխանատվության և պատժի:
Դատարանը, հաշվի առնելով Վիկտոր Լուլուկյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ Վիկտոր Լուլուկյանի կատարած արարքի համար ՀՀ քրեական օրենսգրքի 113-րդ հոդվածի 2-րդ մասի սանկցիայով նախատեսված է պատիժ միայն ազատազրկման ձևով, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներին հասնելու համար նրա նկատմամբ պատիժ պետք է նշանակել ազատազրկում` 7 (յոթ) ամիս ժամկետով, որը նա պետք է կրի:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիս անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ օրը հաշվելով մեկ օրվա դիմաց: Դատարանը գտնում է, որ Վիկտոր Լուլուկյանի պատժի կրման սկիզբը պետք է հաշվել 2012 թվականի դեկտեմբերի 21-ից, քանի որ նա ձերբակալվել է այդ օրը, իսկ 2012 թվականի դեկտեմբերի 22-ին նրա նկատմամբ որպես խափանման միջոց ընտրվել է կալանավորումը:
Դատարանը գտնում է, որ Վիկտոր Լուլուկյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև 2013 թվականի հուլիսի 21-ը:
Մարտիրոս Սեդրակի Եղիզարյանի անձը դրականորեն բնութագրող հանգամանքներ են բարձրագույն կրթություն ունենալը և կատարածի համար զղջալը:
Դատարանը գտնում է, որ Մարտիրոս Եղիզարյանի պատասխանատվությունն ու պատիժը մեղմացնող հանգամանք պետք է դիտել դրականորեն բնութագրվելը:
Դատարանը միաժամանակ արձանագրում է, որ Մարտիրոս Եղիզարյանի պատասխանատվությունն ու պատիժը ծանրացնող հանգամանքներ չկան:
Կատարած արարքի համար ամբաստանյալ Մարտիրոս Եղիզարյանը ենթակա է քրեական պատասխանատվության և պատժի:
Դատարանը, հաշվի առնելով Մարտիրոս Եղիզարյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքը, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ Մարտիրոս Եղիզարյանի կատարած արարքի համար ՀՀ քրեական օրենսգրքի 113-րդ հոդվածի 2-րդ մասի սանկցիայով նախատեսված է պատիժ միայն ազատազրկման ձևով, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներին հասնելու համար նրա նկատմամբ պատիժ պետք է նշանակել ազատազրկում` 7 (յոթ) ամիս ժամկետով, որը նա պետք է կրի:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիս անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ օրը հաշվելով մեկ օրվա դիմաց: Դատարանը գտնում է, որ Մարտիրոս Եղիզարյանի պատժի կրման սկիզբը պետք է հաշվել 2012 թվականի դեկտեմբերի 25-ից, քանի որ նա ձերբակալվել է այդ օրը, իսկ 2012 թվականի դեկտեմբերի 27-ին նրա նկատմամբ որպես խափանման միջոց ընտրվել է կալանավորումը:
Դատարանը գտնում է, որ Մարտիրոս Եղիզարյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև 2013 թվականի հուլիսի 25-ը:
Դատարանը գտնում է, որ դատական ծախսերն ամբաստանյալներ Վիկտոր Լուլուկյանից և Մարտիրոս Եղիզարյանից ենթակա չեն բռնագանձման, քանի որ տուժող Էդգար Պողոսյանը, հնարավորություն ունենալով իր շահերը դատարանում ներկայացնել, ամբաստանյալին որևէ պահանջ չի ներկայացրել: Ինչ վերաբերում է ՀՀ քրեական դատավարության օրենսգրքի 168-րդ հոդվածի 1-ին մաuի 2-8-րդ կետերով նախատեսված դատական ծախսերին, ապա դրանք արագացված դատական քննության կարգ կիրառելու դեպքում, համաձայն նույն օրենսգրքի 3753 հոդվածի 8-րդ մասի` ամբաստանյալից ենթակա չեն բռնագանձման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 168-րդ, 309-րդ, 357-360-րդ, 365-րդ, 369-372-րդ, 3751 և 3753 հոդվածներով` Դատարանը

ՎՃՌԵՑ

Վիկտոր Վաղարշակի Լուլուկյանին մեղավոր ճանաչել ՀՀ քրեական օրենսգրքի 113-րդ հոդվածի 2-րդ մասի 3-րդ, 6-րդ կետերով և պատիժ նշանակել ազատազրկում` 7 (յոթ) ամիս ժամկետով` պատժի կրման սկիզբը հաշվելով 2012 թվականի դեկտեմբերի 21-ից:
Վիկտոր Վաղարշակի Լուլուկյանի նկատմամբ ընտրված խափանման միջոցը` կալանավորումը, թողնել անփոփոխ` մինչև 2013 թվականի հուլիսի 21-ը:
Մարտիրոս Սեդրակի Եղիզարյանին մեղավոր ճանաչել ՀՀ քրեական օրենսգրքի 113-րդ հոդվածի 2-րդ մասի 3-րդ, 6-րդ կետերով և պատիժ նշանակել ազատազրկում` 7 (յոթ) ամիս ժամկետով` պատժի կրման սկիզբը հաշվելով 2012 թվականի դեկտեմբերի 25-ից:
Մարտիրոս Սեդրակի Եղիզարյանի նկատմամբ ընտրված խափանման միջոցը` կալանավորումը, թողնել անփոփոխ` մինչև 2013 թվականի հուլիսի 25-ը:
Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում (դատավճիռը չի կարող բողոքարկվել ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով):


ԴԱՏԱՎՈՐ Մ.ՊԱՊՈՅԱՆ