ԵԿԴ/0085/01/13






ՈՐՈՇՈՒՄ
ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ԵՎ
ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ՄԱՍԻՆ


«24» հունիսի 2013թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ` Դատարան)` նախագահող դատավոր Մ.Պապոյան, քարտուղարությամբ Կ.Կարապետյանի, մասնակցությամբ մեղադրող Հ.Էյրամջյանի, տուժող Ի.Բաղրամյանի, ամբաստանյալ Եվանգելինա Ստեփանի Չակալյանի, դռնբաց դատական նիստում քննելով քրեական գործն ըստ մեղադրանքի Եվանգելինա Ստեփանի Չակալյանի (ծնված 1985 թվականի հոկտեմբերի 1-ին Երևան քաղաքում, ազգությամբ հայ, ՀՀ քաղաքացի, նախկինում չդատապարտված, միջնակարգ կրթությամբ, չամուսնացած, հաշվառված է Երևան քաղաքի Աղայան փողոցի 9-րդ շենքի 116-րդ բնակարանում, բնակվում է Երևան քաղաքի Լալայանց փողոցի 47ա շենքի 4-րդ բնակարանում, որպես խափանման միջոց ընտրվել է չհեռանալու մասին ստորագրությունը)` ՀՀ քրեական օրենսգրքի 118-րդ հոդվածով
ՊԱՐԶԵՑ

2013 թվականի փետրվարի 13-ին ՀՀ ոստիկանության Կենտրոնականի քննչական բաժնի քննիչ Ա.Ղուկասյանի որոշմամբ ՀՀ քրեական օրենսգրքի 118-րդ հոդվածով նախատեսված հանցագործության հատկանիշներով հարուցվել և վարույթ է ընդունվել թիվ 13115213 քրեական գործը:
2013 թվականի մարտի 26-ին ՀՀ ոստիկանության Կենտրոնականի քննչական բաժնի քննիչ Ս.Նավասարդյանի որոշմամբ թիվ 13115213 քրեական գործն ընդունվել է վարույթ:
2013 թվականի մայիսի 16-ին ՀՀ ոստիկանության Կենտրոնականի քննչական բաժնի ավագ քննիչ Է.Պետրոսյանի որոշմամբ թիվ 13115213 քրեական գործն ընդունվել է վարույթ:
2013 թվականի մայիսի 23-ին ՀՀ ոստիկանության Կենտրոնականի քննչական բաժնի ավագ քննիչ Է.Պետրոսյանի որոշմամբ թիվ 13115213 քրեական գործով Եվանգելինա Ստեփանի Չակալյանին մեղադրանք է առաջադրվել ՀՀ քրեական օրենսգրքի 118-րդ հոդվածով:
2013 թվականի մայիսի 23-ին ՀՀ ոստիկանության Կենտրոնականի քննչական բաժնի ավագ քննիչ Է.Պետրոսյանի որոշմամբ թիվ 13115213 քրեական գործով Իրինա Բաղրամյանի կողմից Եվանգելինա Չակալյանին ծեծի ենթարկելու հանցագործության դեպքի դրվագով Իրինա Բաղրամյանի նկատմամբ քրեական հետապնդում չի իրականացվել` վերջինի արարքում հանցակազմի բացակայության հիմքով:
2013 թվականի մայիսի 30-ին Եվանգելինա Ստեփանի Չակալյանի վերաբերյալ թիվ 13115213 քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան, որին շնորհվել է ԵԿԴ/0085/01/13 համարը:
Եվանգելինա Ստեփանի Չակալյանին մեղադրանք է առաջադրվել ՀՀ քրեական օրենսգրքի 118-րդ հոդվածով այն արարքի համար, որ նա, 2013 թվականի հունվարի 24-ին` ժամը 19:00-ի սահմաններում, Երևան քաղաքի Լալայանց փողոցի 47ա շենքի 4-րդ բնակարանում վիճաբանել է մորաքրոջ` Իրինա Բաղրամյանի հետ, որի ընթացքում ծեծի է ենթարկել, այն է` ձեռքերով մի քանի հարվածներ է հասցրել վերջինի դեմքին և դիտավորությամբ պատճառել առողջության թեթև վնասի հատկանիշներ չպարունակող մարմնական վնասվածքներ` դեմքի շրջանի քերծվածքի և արյունազեղման ձևով:
Դատական քննության ժամանակ տուժող Իրինա Գրիգորի Բաղրամյանը հայտնեց, որ հաշտվել է ամբաստանյալ Եվանգելինա Ստեփանի Չակալյանի հետ և նշեց, որ գիտակցում է հաշտվելու հետևանքները:
Դատական քննության ժամանակ ամբաստանյալ Եվանգելինա Ստեփանի Չակալյանը հայտնեց, որ ինքը նույնպես հաշտվել է տուժող Իրինա Գրիգորի Բաղրամյանի հետ և գիտակցում է հաշտվելու հետևանքները:
ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետի համաձայն` քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե ՀՀ քրեական դատավարության օրենսգրքով նախատեսված դեպքերում տուժողը հաշտվել է մեղադրյալի հետ:
ՀՀ քրեական դատավարության օրենսգրքի 183-րդ հոդվածի 1-ին մասի համաձայն` ՀՀ քրեական օրենսգրքի 118-րդ հոդվածով նախատեսված հանցագործությունների վերաբերյալ գործերը հարուցվում են ոչ այլ կերպ, քան տուժողի բողոքի հիման վրա, և կասկածյալի կամ մեղադրյալի կամ ամբաստանյալի հետ նրա հաշտվելու դեպքում ենթակա են կարճման: Հաշտությունը թույլատրվում է մինչև դատավճիռ կայացնելու համար դատարանի խորհրդակցական սենյակ հեռանալը:
Դատարանը, նկատի ունենալով, որ տուժող Իրինա Գրիգորի Բաղրամյանը և ամբաստանյալ Եվանգելինա Ստեփանի Չակալյանը հաշտվել են միմյանց հետ, գտնում է, որ թիվ ԵԿԴ/0085/01/13 քրեական գործի վարույթը պետք է կարճել և ամբաստանյալ Եվանգելինա Ստեփանի Չակալյանի նկատմամբ ՀՀ քրեական օրենսգրքի 118-րդ հոդվածով քրեական հետապնդումը պետք է դադարեցնել:
Դատարանը գտնում է, որ Եվանգելինա Ստեփանի Չակալյանի նկատմամբ ընտրված խափանման միջոցը` չհեռանալու մասին ստորագրությունը, պետք է թողնել անփոփոխ` մինչև սույն որոշման օրինական ուժի մեջ մտնելը:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 35-րդ, 41-րդ, 183-րդ և 313-րդ հոդվածներով` Դատարանը


ՈՐՈՇԵՑ

Թիվ ԵԿԴ/0085/01/13 քրեական գործի վարույթը կարճել և Եվանգելինա Ստեփանի Չակալյանի նկատմամբ ՀՀ քրեական օրենսգրքի 118-րդ հոդվածով քրեական հետապնդումը դադարեցնել` տուժող Իրինա Գրիգորի Բաղրամյանի հաշտվելու հիմքով:
Եվանգելինա Ստեփանի Չակալյանի նկատմամբ ընտրված խափանման միջոցը` չհեռանալու մասին ստորագրությունը, թողնել անփոփոխ` մինչև սույն որոշման օրինական ուժի մեջ մտնելը:
Սույն որոշումը կարող է բողոքարկվել Հայաստանի Հանրապետության վերաքննիչ քրեական դատարան` հրապարակման օրվանից մեկամսյա ժամկետում:


ԴԱՏԱՎՈՐ Մ.ՊԱՊՈՅԱՆ