Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

17 հունիսի 2013թ. ք. Երևան

ԵԿԴ-0083/01/13

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը հետևյալ կազմով.

նախագահող դատավոր` Մ. Մարտիրոսյան,
քարտուղար` Ա. Հովհաննիսյան,

մասնակցությամբ`
մեղադրող,
Երևանի Կենտրոն և Նորք-Մարաշ վարչական
շրջանների դատախազության
ավագ դատախազ Գ. Մարգարյանի,

պաշտպան Գ. Հովհաննիսյանի,

տուժող Ե. Բալյանի,



դատարանում, դռնբաց դատական նիստում, դատական քննության արագացված կարգի կիրառմամբ քննեց գործն ըստ մեղադրանքի
Մեկսետ Նելսոնի Սարգսյանի`
ծնված 1993թ. հուլիսի 13-ին Վրաստանի Հանրապետության Ախալքալաք քաղաքում, հայ, Վրաստանի Հանրապետության քաղաքացի, սովորում է Ֆիզիկական կուլտուրայի հայկական պետական ինստիտուտի բռնցքամարտի բաժնի 1-ին կուրսում, ամուրի, խնամքին ոչ ոք, նախկինում չդատված, չի աշխատում, կալանքի տակ չէ, հաշվառված է Վրաստանի Հանրապետության Ախալքալաք քաղաքի Մ. Սարգսյան փողոցի թիվ 12 տանը, փաստացի բնակվում է ք. Երևան, Զավարյան փողոցի թիվ 64 շենքի թիվ 29 բնակարանում, մեղադրվում է ՀՀ քրեական օրենսգրքի 147-րդ հոդվածի 1-ին մասով։





Գործի դատավարական նախապատմությունը

Թիվ 15101713 քրեական գործը ՀՀ ոստիկանության ՔԳՎ Երևան քաղաքի քննչական վարչության Կենտրոնականի քննչական բաժնում հարուցվել է 2013թ. մայիսի 01-ին, ՀՀ քրեական օրենսգրքի 147-րդ հոդվածի 1-ին մասով, ոմն Նեքսեթի կողմից Աննա Սարգսյանի բնակարանի անձեռնմխելիությունը խախտելու դեպքի առթիվ։
14.05.2013թ. Մեկսետ Սարգսյանը ինքնակամ ներկայացել է ՀՀ ոստիկանության Երևան քաղաքի վարչության Կենտրոնականի բաժնի Մարաշի բաժանմունք։
Ամբաստանյալ Մեկսետ Նելսոնի Սարգսյանին նախաքննության մարմնի կողմից մեղադրանք է առաջադրվել ՀՀ քրեական օրենսգրքի 147-րդ հոդվածի 1-ին մասով` հետևյալ արարքի համար. «որ նա 2013թ. ապրիլի 30-ին, ժամը 22։30-ի սահմաններում Երազիկ Սերգեյի Բալյանի կամքին հակառակ, նրա բնակարանի անձեռնմխելիության իրավունքը խախտելով, բաց պատուհանից ապօրինի մուտք է գործել վերջինիս պատկանող, Երևան քաղաքի Այգեստան 11 փողոցի թիվ 85 տուն, Ե. Բալյանին առաջարկել է սեռական հարաբերություն ունենալ իր հետ, սակայն մերժում ստանալուց հետո հեռացել է։»։
2013թ. մայիսի 29-ին քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան։
Մեղադրողը մեղադրական եզրակացությունում չի առարկել դատական քննության արագացված կարգ կիրառելու դեմ։



Արագացված դատական քննություն

Ամբաստանյալ Մեկսետ Նելսոնի Սարգսյանը միջնորդեց դատական քննությունն անցկացնել արագացված կարգով։ Նա հայտարարեց, որ միջնորդությունը ներկայացրել է կամավոր, մինչև միջնորդությունը ներկայացնելը խորհրդակցել է իր պաշտպանի հետ, գիտակցում է արագացված կարգով դատական քննություն անցկացնելու հետևանքները, առաջադրված մեղադրանքն իրեն պարզ է, ինքն համաձայն է մեղադրանքի հետ։
Տուժող Ե. Բալյանը միջնորդության դեմ չառարկեց։
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմաններն` որոշում է կայացրել արագացված կարգով դատական քննություն անցկացնելու մասին։
Դատարանը հիմք ընդունելով մեղադրանքի հիմքում դրված ապացույցները` գտնում է, որ ամբաստանյալ Մեկսետ Նելսոնի Սարգսյանը կատարել է ՀՀ քրեական օրենսգրքի 147-րդ հոդվածի 1-ին մասով նախատեսված արարք։
Ամբաստանյալի անձը բնութագրող տվյալների, պատասխանատվությունը և պատիժը մեղմացնող ու ծանրացնող հանգամանքների ուսումնասիրման արդյունքում պարզվեց, որ ամբաստանյալ Մեկսետ Սարգսյանը նախկինում դատված չի եղել, ներկայացել է մեղայականով, իրեն լիովին մեղավոր ճանաչելով և նախաքննության ընթացքում տալով ինքնախոստովանական ցուցմունքներ` անկեղծորեն զղջում է կատարածի համար։


Դատարանի իրավական վերլուծությունները

Առաջադրված մեղադրանքն ամբաստանյալ Մեկսետ Նելսոնի Սարգսյանի կողմից ընդունելու և դատական քննության արագացված կարգ կիրառելու պայմաններում` դատարանը գտնում է, որ ամբաստանյալ Մեկսետ Նելսոնի Սարգսյանի կողմից, նրա մեղավորությամբ, բնակարանի անձեռնմխելիությունը խախտելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 147-րդ հոդվածի 1-ին մասով նախատեսված հանցագործության հատկանիշներին։
Ուսումնասիրելով ամբաստանյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, ամբաստանյալ Մեկսետ Նելսոնի Սարգսյանի նկատմամբ, նրա կատարած հանցագործության համար պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա նախկինում դատված չի եղել, իրեն լիովին մեղավոր ճանաչելով և նախաքննության ընթացքում տալով ինքնախոստովանական ցուցմունքներ` անկեղծորեն զղջում է կատարածի համար։ Որպես ամբաստանյալի պատասխանատվությունը և պատիժը մեղմացնող հանգամանք դատարանը հաշվի է առնում մեղայականով ներկայանալը, իսկ նրա պատասխանատվությունը և պատիժը ծանրացնող հանգամանքներ դատարանը չի արձանագրում։
Ամբաստանյալ Մեկսետ Նելսոնի Սարգսյանն իր կատարած` Հայաստանի Հանրապետության քրեական օրենսգրքի 147-րդ հոդվածի 1-ին մասով նախատեսված հանցագործության համար ենթակա է պատժի տուգանքի ձևով։
Դատարանը գտնում է, որ իր նկատմամբ նշանակված պատիժն ամբաստանյալ Մեկսետ Սարգսյանը պետք է կրի, քանի որ դրան խոչընդոտող հանգամանքներ առկա չեն։
Գործով քաղաքացիական հայց չի հարուցվել, գույքային վնասի հատուցման պահանջ չի ներկայացվել։
Քննարկելով խափանման միջոցի հարցը` դատարանը գտնում է, որ ամբաստանյալ Մեկսետ Սարգսյանի նկատմամբ որպես խափանման միջոց չհեռանալու մասին ստորագրությունն ընտրված է ճիշտ և վերացվելու կամ փոփոխվելու ենթակա չէ` մինչև դատավճռի օրինական ուժի մեջ մտնելը։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360-րդ, 364-366-րդ, 369-373-րդ, 3751-3754-րդ հոդվածներով, դատարանը`



Վ Ճ Ռ Ե Ց

Ամբաստանյալ Մեկսետ Նելսոնի Սարգսյանին մեղավոր ճանաչել Հայաստանի Հանրապետության քրեական օրենսգրքի 147-րդ հոդվածի 1-ին մասով նախատեսված հանցանքում և դատապարտել տուգանքի` նվազագույն աշխատավարձի ութսունապատիկի` 80.000 /ութսուն հազար/ ՀՀ դրամ գումարի չափով։
Խափանման միջոց չհեռանալու մասին ստորագրությունը թողնել անփոփոխ` մինչև դատավճռի օրինական ուժի մեջ մտնելը։
Դատավճիռը հրապարակվելու օրվանից հետո մեկամսյա ժամկետում կարող է բողոքարկվել ՀՀ վերաքննիչ քրեական դատարան։
Դատավճիռը ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով չի կարող բողոքարկվել։


ԴԱՏԱՎՈՐ` Մ. ՄԱՐՏԻՐՈՍՅԱՆ