ԵԿԴ/0064/01/13







ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«28» սեպտեմբերի 2013թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ` Դատարան)

Նախագահող դատավոր
դատական նիստերի քարտուղարներ

մեղադրող տուժող
պաշտպան
թարգմանիչ

Մ.Պապոյան
Կ.Կարապետյան
Էդ.Մկրտչյան
Ն.Միքայելյան Կ.Մացոյան
Կ.Խաչատրյան
Ա.Մինասյան

դռնբաց դատական նիստում` արագացված դատական քննության կարգով, քննեց քրեական գործն ըստ մեղադրանքի`
Հերիքնազ Սմբատի Ղազարյանի` ծնված 1957 թվականի ապրիլի 28-ին Վրաստանի, ազգությամբ հայ, ՀՀ քաղաքացի, միջնակարգ կրթությամբ, չի աշխատում, նախկինում չդատապարտված, հաշվառված է Երևան քաղաքի Գ.Նժդեհի փողոցի 19-րդ շենքի 207-րդ և 208-րդ բնակարաններում, բնակվում է Էջմիածին քաղաքի Տերյան փողոցի 13-րդ տանը, մեղադրանք է առաջադրվել ՀՀ քրեական օրենսգրքի 178-րդ հոդվածի 1-ին մասով, խափանման միջոց է ընտրվել չհեռանալու մասին ստորագրությունը:
1. Գործի դատավարական նախապատմությունը.
2013 թվականի մարտի 6-ին ՀՀ ոստիկանության Կենտրոնականի քննչական բաժնի ավագ քննիչ Զ.Թադևոսյանի որոշմամբ ՀՀ քրեական օրենսգրքի 178-րդ հոդվածի 1-ին մասով նախատեսված հանցագործության հատկանիշներով հարուցվել և վարույթ է ընդունվել թիվ 13127913 քրեական գործը:
2013 թվականի ապրիլի 9-ին ՀՀ ոստիկանության Կենտրոնականի քննչական բաժնի ավագ քննիչ Զ.Թադևոսյանի որոշմամբ թիվ 13127913 քրեական գործով Հերիքնազ Սմբատի Ղազարյանը ՀՀ քրեական օրենսգրքի 178-րդ հոդվածի 1-ին մասով ներգրավվել է որպես մեղադրյալ:
2013 թվականի մայիսի 2-ին Հերիքնազ Սմբատի Ղազարյանի վերաբերյալ թիվ 13127913 քրեական գործը մեղադրական եզրակացությամբ ուղարկվել է Դատարան, որտեղ քրեական գործին շնորհվել է ԵԿԴ/0064/01/13 համարը:
Հերիքնազ Սմբատի Ղազարյանին մեղադրանք է առաջադրվել ՀՀ քրեական օրենսգրքի 178-րդ հոդվածի 1-ին մասով, այն արարքի համար, որ նա չարաշահելով Արթուր Կառլենի Մացոյանի վստահությունը, 2012 թվականի սեպտեմբերի 27-ին վերջինի որդի` Կառլեն Արթուրի Մացոյանին Երևան քաղաքապետարանում աշխատանքի տեղավորելու պատրվակով, Երևանի քաղաքապետարանի մոտակայքում Արթուր Մացոյանից ստացել և խարդախությամբ հափշտակել է վերջինին պատկանող զգալի չափի` 200.000 ՀՀ դրամը:
2. Արագացված դատական քննություն.
Մինչ դատաքննությունն սկսելն ամբաստանյալ Հերիքնազ Սմբատի Ղազարյանը միջնորդեց դատական քննությունն անցկացնել արագացված կարգով և հայտնեց, որ միջնորդությունը ներկայացրել է կամավոր, խորհրդակցել է իր պաշտպանի հետ, գիտակցում է արագացված կարգով դատական քննությունն անցկացնելու հետևանքները, առաջադրված մեղադրանքներն իրեն պարզ են, համաձայն է մեղադրանքների հետ:
Դատարանը, համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը, հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Հերիքնազ Սմբատի Ղազարյանը կատարել է արարք` նախատեսված ՀՀ քրեական օրենսգրքի 178-րդ հոդվածի 1-ին մասով:
3. Դատարանի իրավական վերլուծությունները.
Դատարանը, գտնում է, որ Հերիքնազ Սմբատի Ղազարյանի անձը դրականորեն բնութագրող հանգամանք է կատարածի համար զղջալը, իսկ պատասխանատվությունն ու պատիժը մեղմացնող հանգամանք է տուժողին պատճառված վնասի մի մասը` 10.000 ՀՀ դրամը կամովին փոխհատուցելը:
Դատարանը միաժամանակ արձանագրում է, որ Հերիքնազ Սմբատի Ղազարյանի պատասխանատվությունն ու պատիժը ծանրացնող հանգամանքներ չկան:
Կատարած արարքների համար ամբաստանյալ Հերիքնազ Սմբատի Ղազարյանը ենթակա է քրեական պատասխանատվության և պատժի:
Դատարանը, հաշվի առնելով Հերիքնազ Սմբատի Ղազարյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալը, պատասխանատվությունն ու պատիժը մեղմացնող հանգամանքը, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 178-րդ հոդվածի 1-ին մասի սանկցիայով որպես պատիժ նախատեսված է նաև նաև տուգանքի ձևով, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներին հասնելու համար նրա նկատմամբ պատիժ պետք է նշանակել տուգանքի ձևով:
Դատարանը գտնում է, որ Հերիքնազ Սմբատի Ղազարյանի նկատմամբ ընտրված խափանման միջոցը` չհեռանալու մասին ստորագրությունը, պետք է թողնել անփոփոխ` մինչև դատավճռի օրինական ուժի մեջ մտնելը:
ՀՀ քրեական դատավարության օրենսգրքի 360-րդ հոդվածի 1-ին մասի 10-րդ կետի համաձայն` դատավճիռ կայացնելիս դատարանը լուծում է այն հարցը, թե քաղաքացիական հայցը ենթակա է արդյոք բավարարման, ում օգտին և ինչ չափով:
ՀՀ քրեական դատավարության օրենսգրքի 375.1 հոդվածի 6-րդ մասի համաձայն` եթե տվյալ գործով հարուցված է նաև քաղաքացիական հայց և ամբաստանյալն ընդունում է այն, ապա դատարանը դատավճռով բավարարում է քաղաքացիական հայցը, եթե այն չի հակասում օրենքին:
Սույն քրեական գործով տուժող Արթուր Կառլենի Մացոյանը ներկայացրել է քաղաքացիական հայց` ամբաստանյալ Հերիքնազ Սմբատի Ղազարյանից պահանջելով հանցագործությամբ իրեն պատճառված վնասը` 200.000 ՀՀ դրամը, իսկ ամբաստանյալ Հերիքնազ Սմբատի Ղազարյանը կամավոր ընդունել է ներկայացված քաղաքացիական հայցը, ավելին նրան փոխհատուցել է 10.000 ՀՀ դրամ: Նշվածը հաշվի առնելով Դատարանը գտնում է, որ Հերիքնազ Սմբատի Ղազարյանի դեմ ներկայացված Արթուր Կառլենի Մացոյանի քաղաքացիական հայցի պահանջը պետք է բավարարել մասնակի և Հերիքնազ Սմբատի Ղազարյանից հօգուտ Արթուր Կառլենի Մացոյանի, որպես հանցագործությամբ պատճառված վնաս, պետք է բռնագանձել 190.000 ՀՀ դրամ, քանի որ դա չի հակասում օրենքին և չի վերաբերվում այլ անձանց իրավունքներին:
Դատարանը գտնում է, որ ՀՀ քրեական դատավարության օրենսգրքի 168-րդ հոդվածի 1-ին մաuի 1-ին կետով նախատեսված դատական ծախսերն ամբաստանյալ Հերիքնազ Սմբատի Ղազարյանի ենթակա չեն բռնագանձման, քանի որ տուժողի կողմից ներկայացված քաղաքացիական հայցը վերոգրյալ հիմնավորմամբ պետք է բավարարվի: Ինչ վերաբերվում է ՀՀ քրեական դատավարության օրենսգրքի 168-րդ հոդվածի 1-ին մասի 2-8-րդ կետերով նախատեսված դատական ծախսերին, ապա դրանք արագացված դատական քննության կարգ կիրառելու դեպքում, համաձայն նույն օրենսգրքի 3753 հոդվածի 8-րդ մասի` ամբաստանյալից ենթակա չեն բռնագանձման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 168-րդ, 309-րդ, 357-360-րդ, 365-րդ, 369-372-րդ, 3751 և 3753 հոդվածներով` Դատարանը

ՎՃՌԵՑ

Հերիքնազ Սմբատի Ղազարյանին մեղավոր ճանաչել ՀՀ քրեական օրենսգրքի 178-րդ հոդվածի 1-ին մասով և պատիժ նշանակել տուգանք` նվազագույն աշխատավարձի հինգհարյուրապատիկի չափով:
Հերիքնազ Սմբատի Ղազարյանի նկատմամբ ընտրված խափանման միջոցը` չհեռանալու մասին ստորագրությունը, թողնել անփոփոխ` մինչև դատավճռի օրինական ուժի մեջ մտնելը:
Տուժող Արթուր Կառլենի Մացոյանի քաղաքացիական հայցը բավարարել մասնակի. Հերիքնազ Սմբատի Ղազարյանից հօգուտ Արթուր Կառլենի Մացոյանի, որպես հանցագործությամբ պատճառված վնաս, բռնագանձել 190.000 (հարյուր իննսուն հազար) ՀՀ դրամ:
Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում (դատավճիռը չի կարող բողոքարկվել ՀՀ քրեական դատավարության օրենսգրքի 395-րդ հոդվածի 1-ին մասի 1-ին կետով նախատեսված հիմքով):


ԴԱՏԱՎՈՐ Մ.ՊԱՊՈՅԱՆ